~@~ خاص بالمدارس الإنجليزيه فقط ~@~

[حلم الطفولة]

خواتي الغاليات اللي عيالها بمدرسه انجليزيه .. نظام بريطاني وانجليزي ..
تكتب اسم المدرسه .. كم سنه صار لها من فتحت .. الاعترافات العالميه الي ماخذتها .. شلون الواجبات فيها ..
شنو مميزاتها وشنو عيوبها .. والمستوى العام فيها ...
وأي شي ثاني تحبون تكتبونه كتبوه وشاكره لكم كثير الشكر .

 

[ملكة بيتها]

شكرا يا حلم الطفوله عن نفسي بنتي لحد الحين بالانجلش بلاي جروب وهي الحين ثانيه روضه وكانت عندهم من الحضانه ( من عمرها 2 ) بصراحه هي وايد إستفادت كلغه وحفظ قرآن وعلموها حتى السلوكيات العامه يعني فعلا تأسيس وإهتمام بشخصيه الطفل وأنا كل سنه ألاحظ تقدم بنتي والحين إنقبلت بالإنجليزيه بنات بس ما أعرف عنها شي ومتردده منها فياريت أحد يتكلم بصدق ويعطينا تجربته الشخصيه بأي مدرسه راح يتكلم عنها .

 

[حلم الطفولة]

العفو ملكة بيتها .. الله يوفق بنتج وان شالله اختيارج للمدرسه يكون اختيار أمثل..
الإنجليزيه بنات ........ منو تكلمنا عنها ؟

 

[حلم الطفولة]

ماكو دخول للموضوع ... لذلك : رفع.

 

[الصابرة المحتسبة]

جزاج الله خير ياحلم الطفولة والصراحة هذا الموضوع راح يفيدني لأني محتارة وين أسجل وليدي

 

[أم أسيل]

يعطيج العافية حلم الطفوله والموضوع راح ينفعني لاني محتاره وين ادخل بنتي وقبل لا يسكر التسجيل

 

[um_yoyo]

انا مقابلة ولدي للحضانه يوم الاحد في حضانه الشمس المشرقه التابعه للبريطانيه bsk بسلوى 1680 على دفعتين و انشالله التفاصيل راح احطها بعد المقابله

 

[HoOoriah]

الله يوفقج حلم الطفوله على الموضوع الحلو

وانشالله البنات مايقصرون وكل وحده تكتب تجربتها مع المدارس الخاصه لان رايهم يهمنا

وشكـــــــــــــــــــــرا حبيبتي

 

[ملكة بيتها]

حلم الطفوله الله يكثر من أمثالج بصراحه مواضيعج صج مفيده وبوقتها ......ويلا ناطرين الأمهات اللي عندها تجارب في المدارس الإنجليزيه

 

[ice_cream]

بالنسبه لي خبيره في المدرسه البريطانيه الي في الكويت ههههههههههههههههههههه عندي ثنين الله يخليهم تخرجوا من هذي المدرسه وحاليا اثنين

بالمدرسه يير 8 ويير 5 هذا الصغيرونو ههههههههههههههه الله يحفظه يينني كلا ماله خلق يدرس

عموما ادش بالموضوع المدرسه قويه وشديده والطلبه يحتاجون مجهود كبير سواء بالمدرسه او الامتحانات او الواجبات اليوميه

الرسوم عاليه جدا

والله شكثر صار حق المدرسه من انفتحت مادري لانا بداياتها كان اسمها sun shine

بعدها تغير اسمها للبريطانيه تقريبا 20 سنه

انا راح اكون صريحه شوفو اغلب المدارس الخاصه حاليا صارو تجاريين ومن ظمنهم البريطانيه_03BA:يموتون على الفلوس

المدرسين مايشرحون عدل يعني الطالب يحتاج انج تشرحين له مره ثانيه بالبيت او الي ماتعرف انجليزي تحتاج تحطلهم مدرسين خصوصي

بالنسبه حق سنوات التخرج الثنتين igcseاغلب الطلبه يحتاجون مدرسين خصوصي لان المدرسين بالمدرسه مايعطونهم الكفايه بالشرح وخاصه اهم في مرحله صعبه ومصيريه

انا شخصيا اعيالي الكبار احتاجوا مدرسين طبعا تموتين من القهر ادفعين فوق 3300 دينار حق المدرسه وهم لازم ادفعين حق المدرسين فلسووووونيييييييييييييييييييييييييييييي هههههههههههههههههههههههههه :ioljnmlk:

مستوى نتايج الخرجين في البريطانيه اعلى شوي من باجي المدارس

بعد مادري شقول اتمنى ان الجميع استفاد مني واذا في اي سؤال من عيونييييييييييي تامرون امر:bye22:

 

[حلم الطفولة]

ياحبيباتي يزاكم الله خير عالدعاء ومشكورين ...
الله يبارك فيكم وان شالله تلقون اللي تبونه لعيالكم ...

الاخت ليدي بيرد ... شرح وافي ياحلوج بردتي قلوبنا .. ماتقصرين ..

 

[Bionic Girl]

بنات انا كنت بمدرسة خاصة وتخرجت منها الحين انا بالجامعة الحمدلله .. اكلمكم عن المدرسة؟ ولا بس حق الامهات ؟

 

[ملكة بيتها]

بنات انا كنت بمدرسة خاصة وتخرجت منها الحين انا بالجامعة الحمدلله .. اكلمكم عن المدرسة؟ ولا بس حق الامهات ؟

ياريت تكلمينا عن مدرستج هي أي مدرسه ؟ وقولينا العيوب والمميزات ...... ناطرين

 

[اثمان]

صراحه خوش موضوع حلم وبعطيج العافيه

 

[حلم الطفولة]

بنات انا كنت بمدرسة خاصة وتخرجت منها الحين انا بالجامعة الحمدلله .. اكلمكم عن المدرسة؟ ولا بس حق الامهات ؟

حياج حياتي قولي اللي تبين .. :ggdw:

 

[حلم الطفولة]

صراحه خوش موضوع حلم وبعطيج العافيه

حببتي أثمان الله يعافيج العفو .. مبروك وسام التميز ومنها لأعلى يالغاليه .
شلونج اثمان من زمان ماسمعنا عنج ..

 

[Bionic Girl]

اوكي

مدرسة التكامل دخلتها لما كنت بثانية ابتدائي وانا الحين بالجامعة (قولو ماشاءالل) .. كانت اسمها "مدرسة التكامل الانجليزية" .. بس عقب سنة تقريبا او سنتين صارت "مدرسة التكامل العالمية" وصارت امريكية ..

المهم خل ادش بالموضوع على طول ..

صارلي 11 سنة بالمدرسة .. فيها سلبيات وفيها ايجابيات ..

الايجابيات:

1- ادوار منفصلة (يعني بنات بطابق وصبيان بطابق بروح) والفرص وكل شي برووح .. يعني كلش مو مختلط الا اذا كانت عندنا اجتماع ..

2- المدرسة ملتزمة بالدين وايد .. من ناحية اللبس ما يرضون البنت تلبس قصير و مكشووف .. في قانون باللبس عندهم.. يدرسوننا مواد التربية الاسلامية والقرآن الكريم يدرسوننا عدل مو خرابيط .. بس الامتحانات سهلة .. اما اللغة العربية عندنا مو ذاك الزود .. في صف خاص حق اللغة العربية حق اللي كلش ما يعرفون عربي يعني اللي طول عمرها دارسة برة .. او امها اجنبية مثلا .. او اهي نفسها اجنبية

3- في واايد كويتييين .. الغالبية كويتيين .. وناس محترمين .. (في شوية مو محترمين مو وايد) اهم شي

4- المدرسين محترمين وايد مع الطلبة (داشين بفلوس يعني غصبا عليهم لول)


السلبيات:

1- عندنا مشكللللة ان مدرسسين حق مادة انجلش مو ذااااك الزوووووود كلش مللللش! وانجلش اهم شيييي!

2- وايد مرات يغيروون المدرسييين .. يعنييي اختيارهم حق المدرسين مو شيي

3- وايد مدلعيننا .. بزوووووود .. يعني القوانيين ما تتطبق عدل الا اللبس طبعا شي ثاني

وبس هذا اللي فبالي ..

في شي حلو .. الخريج دايما ينجحونه بأي طريقة .. بشكل عام انا ارتحت حق مدرستي وحبيتها وايد وايد .. اصلا كل ما اتذكر اياام قبل ساعات ابجي لان لي ذكريات حلوة مع الطالبات و المدرسين .. المدرسة خلتني جرييئة .. يعني لما دخلت الجامعة حسيت اني اعرف وايد وايد اشياء من ناحية مواد كمبيوتر وانجليزي ..

بس على آخر السنة المدرسة قامت تخترب .. الخليفيي باعها وصارت حق واحد ثاني .. والمدرسين كل شوي اييون كل شوي يروحوون .. اذا الاقتصاد زين ف المدرسة بتصير زينة .. والعكسس صح

اي سؤال انا موجودة بس دزولي عالخاص لان ما ادش هالقسم

 

[حلم الطفولة]

مشكوره بيونك

 

[حلم الطفولة]

هذي مشاركه من اختنا ام يوسف .... شنو كان انطباعها عن الانجليزيه للبنات ..
مثل ما قالت هي ما جلربتها بس هذا كان انطباعها ..

اقتباس:
أرسل أصلا بواسطة omyousif
صباح الحب صباح الورد و الفل و الياسمين على الكل
حبيت اشاركم ليش فضلت الابداع على الانجليزية بنات اللي بسلوى
1)مكان المدرسة بعيد عن بيتي
2)مدخل المدرسة للطلبة و الادارة واحد فقط و هناك مدخل للباصات خلفي.
3)الصالة اللي ينتظر الطلبة فيها اولياء امورهم هي نفسها البهو اللي مفتوح على الادارة صالة صغيرة جدا
4)الشارع اللي تقع عليه المدرسة ضيق ما في مواقف و لا في عماة عين
5)المدرسات شفتهم من اللوحة المعلقة أغلبهم عرب
6)مبنى قديم جدا الفصول ما تشجع
7)بالحضانة والروضة أول مافي عربي يبدون من روضة ثاني
8)المكتبة ضيقة و تضيق الخلق.
9)مافي صالة العاب اهي الساحة يلعبون فيها و ياكلون فيها و الساحة لك عليها مو ذاك الكبر
10) الفرنسي الزامي من جرايد 6 اعتقد مو ذكرة من اي مرحلة بالضبط
11)ما عندهم مادة لايف سكيل
طبعا هذا كله شفته اثناء زيارتي لهم و استفساراتي انا ماجربت المدرسة.

 

[مشمشة رمانة]

انا توني مسجلة بناتي في الشمس المشرقة tsk كي جي1 التابعة حق مدرسة الانجليزية في الكويت bsk وليلحين ماعندي خبرة فيها ان شاء الله بس يداومون واشوف شنو المميزات والعيوب وافيدكم وادلو بدلوي ,, وللي عندها عيال هناك ياريت تفيدنا وتدلو بدلوها هنييي...