حياتي المأساويه مع حمولتي وزوجي قبل الطلاق .. الظلم شعور صعب

[Um Tuki]

ليش ماطلبتي شقة بروحج برع بيتهم

بترتاحين منهم

و لو نطرتي كانت بتمل ..

لي متى بتظل رابطة ولدها

 

[زين ودلال]

واااااااي حسبي الله ونعم الوكيل

والله السنعه اللي محافظه على نظافتها وزوجها مايبونها

اما الوصخه ام لسان العوبه الكل يحترمها ويعدون لها الف حسااب

حسبي الله ونعم الوكيل

انقهرت لاخر دررررررررررجه

الله يفرجها عليج ويرزقج باللي يستاهلج ويستاهل طيبتج وسنعج ويقدرهم

 

[راقيه وجذابه]

امين يارب الله يجزاكم خير

فديتكم والله كلامكم ريحني عسى ربي يبعد عنكم الظلم والقهر

 

[طموحي انجلش]

حبيبتي لاتتحسفين على طيبج ومعدنج الأصيل وأشجعج انج اخترتي الطلاق
ترا الله سبحانه حلل الطلاق لأنه عارف سبحانه بعض الحريم تحاتجه .. ولاتحاتين الولد الله سبحانه حطه في هالدنيا وكاتب رزقه معاه وماتدرين يمكن اذا طليقج جذي مايقدر يرد طلب لأمه من باب البر فيها مع سقوطه في ظلم زوجته .. ربما لو صبرتي عليه كان حتى قصر في تربة ورعاية عياله..
لاتتحسفين على الطيب اللي سويتيه ..
وحتى لو الله أراد وتزوجتي تعاملي مع زوج المستقبل على ماتربيتي عليه وعامليه بأخلاقج وخل كون شرطج قبل الزواج انج تسكنين بسكن مستقل وليس ببيت اهله وهذا حقج

وبالتوفيق ومثل ماقالوا سو خير وقطه بحر
حبيبتي اجرج عند رب العالمين لاتظيعينه يالغالية

 

[راقيه وجذابه]

فديتكم لا والله مو متحسفه على شي زين سويته

عند ربي مايضييييع وان شاءالله ربي خاش لي شي احلا من صيبي الي قبل

اللهم لك الحمد على كل حال

 

[بنوته زوجها]

الله يكون بعونج حبيبتي


حاولي ما تفكريين فيهم

اهتمي بتربيه ولدج الله يخليج له ويطول بعمرج وتربينه احسن تربيه

والله يعوضج ويرزقج بزوج يسعدج ويحترمج ويقدرج ويشيلج فوق راسه

مالج الا الصبر

 

[((shoOoshoOo))]

الله يعوضج باللي احسن منه مليوووون مره

 

[راقيه وجذابه]

امين حبيباتي جزاكم الله خير ماقصرتوا فديتكم

 

[Miss305]

ربج حرم الظلم بينا لكن اذا لج حق او احد قط عليج لو كلمه والله ربج بسااااااابع سما لينتقم لج الدنيا دواره ومحد دايم لاحد الا الخير اللي ربج بجازي عبده فيه اطلبي من ربج العوووض لكن اهو ربج فوقه مالنا حق ندعي لان انتي المظلومه







واستعيني بالله واطلبيه واشكي وابكي له بترتااااااااحيييين كثيييييير












وطمنينا عليج

 

[عيني عليه]

طيب ليش طلاق? ?
في حلول واجد.. اولها تشرطين شقه بررره بيت اهله...

 

[قــمر]

راقيه بكيتيني والله احس سالفتي نفس سالفتج بالظبط وعندي ولد في عمر ولدج انا والله كان تفكيري نفس تفكيرج اني متحسفه ع الأشياء اللي سويتها لهم وان مب مصدقه ان في إنسان يكون جاحد لهم ولين ذاك اليوم في رمضان قبل الأذان بالصدفه فريت ع قناه وسمعت مطوع يقول ان اللي يعفون ويسامحون اللي ظلموهم لهم اجر عظيم ومكانه عند رب العالمين فقلت بيني وبين نفسي اني سامحتهم ومافي اي مشاعر تجهاهم هو وهله وسبحان الله بعدها حسيت براحه نفسيه ماتتخيلينها خلاص راحو من بالي هو وأمه وخواته صارو مايعنون لي اي شي ما احبهم ولا أكرهم بالعكس. يكسرون خاطري ع الظلم اللي سووه لان في رب بيحاسبهم وبالنسبة لولدج رضيع له ساعات معينه يجي هو وهله يشوفونه ويتوكلون اما انج تخلينه يروح يوم كامل غلط واكبر غلط انا حاولو يسون معاي نفس الحركه لكن الا هالسالفه كشرت عن انيابي قلت لا وألف لا يبي يشوفون ولدهم يجون حياهم لكن ياخذونه معصي لين يكبر ويصير يفهم ويتكلم يجي يقولي ماما انا اليوم صار لي هالشي يعني يعلمني بكل شي لو كانو ناس طبيعين ما كنت بخاف بس يكرهون ولدي من يوم كان عندهم خخخخخخخ الحمدلله والشكر

 

[طموحه بزياده]

من زمان ما دشيت المنتداا وشاركت


راقيه الله يعوضج باللي احسن منه

انصحج لا تتحسفين عالطيب والاخلاق الحسنه لانها هي اللي ترفع ميزان حسناتج يوم القيامة احتسبي اجر اخلاقج علا الله لان اهم شي يثبت الاجر والحسنات

والحمدلله انج كاتبه انج مستانسه ومقتنعه بالطلاق هذي نعمه يشكر عليها لله سبحانه


وعيشي حياتج بتفاؤل وحسن ظن بالله والمسأله مسأله وقت وتنسينه هو وطوايف اهله

وولدج عادي شكثر عيال عاشو بدون ابو قامت الام وربتهم احسن تربيه وصاروا في مراتب عاليه

ورددي اللهم اجرني في مصيبتي واخلف لي خيرا منها عشان يرزقج بزوج صالح يحبج وبحب ولدج

 

[طموحه بزياده]

من زمان ما دشيت المنتداا وشاركت


راقيه الله يعوضج باللي احسن منه

انصحج لا تتحسفين عالطيب والاخلاق الحسنه لانها هي اللي ترفع ميزان حسناتج يوم القيامة احتسبي اجر اخلاقج علا الله لان اهم شي يثبت الاجر والحسنات

والحمدلله انج كاتبه انج مستانسه ومقتنعه بالطلاق هذي نعمه يشكر عليها لله سبحانه


وعيشي حياتج بتفاؤل وحسن ظن بالله والمسأله مسأله وقت وتنسينه هو وطوايف اهله

وولدج عادي شكثر عيال عاشو بدون ابو قامت الام وربتهم احسن تربيه وصاروا في مراتب عاليه

ورددي اللهم اجرني في مصيبتي واخلف لي خيرا منها عشان يرزقج بزوج صالح يحبج وبحب ولدج

 

[اخت خالتهم]

حاسة بالحره اللي فيج
ربي يعوضج برجال يقدرج

 

[انسام الكويت]

مايستاهلج وربي موكفو تكونين زوجته والحمدلله خيره ..:
بس هقوتي امه اهي اللي غيرته ولدها شكله مسولف لامه عنج وعن سنعج وشنو

سويتي وشنو جبتي وغيره فأحترت انه ولدج مستانس معاج ومرتاح

واهي مخططه من قبل لاتيين انها تخرب حياة ولدها لانه ماتبيج زوجه له وقامت تزن بأذنه عليج وروح جيب و ود فلانه

سوته مطراش تبي تغثج تبي تقهرج مع انه مايا منج الا كل طيب ومنها تبي المشاكل تيي

من صوبج وتهاوشين ويا ريلج ولي ياها ولدها يتشكى لها تزن عليه وتقلبه عليج عشان الطلاق ايي منج انتي وتالي تقوله فلانه ماتبيك شتبي فيها طلقها

صدقيني اهي من اول ماكنتي عروس مومشتهيتج ولا حابتج ولا تبيج لولدها هقوتي اللي خطبج

الابو والام ماتدري ورضت غصب ولا اكو ام اطوف بنت سنعه لولدها تحوف من كل صوب ... والحمدلله خيره لج

واصلا من اسلوبج ومواضيعج تخلي الواحد يرتاح لج ولسوالفج وسنعج بدون مانشوفج ماشاءالله تبارك الرحمن

ولاتذكرين اللي راح راح وعسا اللي جاي كله خير وسعاده بدربج*

 

[حمرة الورد]

عسى ربي يحفظ ولدج ويعوضج بالزوج الصالح

 

[cute_mama83]

ربي يعووضج باللي احسن منه ويعرف يقدرج ان شاءالله

 

[راقيه وجذابه]

فديتكم كلامكم هذا يشفي الصدر ويريح عسى ربي يسعدكم ويوفقكم ولاتذوقون الحره

امين الله يجزاكم خير حبيباتي ♥♥♥♥♥

 

[مدّهره !]

الله يعوووضج بالرجل الطيب والحموله اللي تخااف ربهااا ..’

 

[Joury86]

الله يرزقج باللي احسن منه الطيبون للطيبات،،،بيجيج الطيب يالطيبه،،،،موضوعج ابكاني،،الله يأجرج ويمسح على قلبج