حياتي المأساويه مع حمولتي وزوجي قبل الطلاق .. الظلم شعور صعب

[shak!shoka]

حبيبتي الله يمسح ع قلبج و يعوضج خير

و تشوفين الخير كله مع ولدج وربي يخليه لج و يفرح قلبج فيه


الطيب الي سويتيه ما يضيع عند رب العالمين ،، كل شي مكتوب و مسجل و باجر يوم الحساب ما يضيع حقج


تفائلي و شيلي كل الافكار السلبيه من تفكيرج
واحسني الظن بالله ،،، يارب يعوضج باحسن منه


قولي الحمدالله على كل حال

هذا نصيبج ومكتوب و خذيتيه وكل شي له حكمه تأكدي



الله يكتبلج الخير يقلبي و ربي يبرد قلبج و تشوفين حوبتج انشالله

 

[نـعـومـه]

يمكن خيره من ربي عشان يعوضج بلي احسن منه ادعي ربج ان يعوضج بزوج صالح

وطليقج خيرته بيتحسف عليج وامه بتيلها مرت ولد اطلع عيونها

يعني دنيا دواره ونام مظلوم ولا تنام ظالم مردهم بيحسون بقيمتج ويتحسفون

 

[latkt7as]

حياتي عورتي قلبي

ذكرتيني بجدتي كانت تسوي بامي جذذ والعن
بس امي صبرت عشانا

والحين الله يشافيها مريضه
وتفرح بشوفه امي اكثر من بناتها

الله يعووضج حبيبتي

 

[بنوته ستايل]

الله يمسح ع قلبج ويرزقج بالي احسن منه...

بس بغيت اقولج شغله اول شي نام مظلوم ولاتنام ظالم وهالشي بتشرفين مردوده الايام الجايه وربي ماضيع حق احد والظلم ظلمات وبيشوفون حوبتج بالدنيا قبل الاخره

بس انتي سويتي الي عليج وخدمتيه باصلج وطيبج لاتحسفين ع الطيب ولاتقولين شستفدت كاااافي بمعاملج الطيبه كسبتي رضا رب العالمين الي وصانا ع الزوج والصبر عليه وتحمله وهذي اكبر استفاده استفديتها من طيبج معاهم... وبعدين انتي طلبتي الطلاق عن قناعه خلاص خلج قد قرارج ولاتحسرين ع الي راح انتي اقواااا من جذي والدليل انج انتي الي طالبه الطلاق واصريتي عليه خلاص الي راح راح شوفي جدام فكري بنفسج وبولدج وبمستقبلكم ماتدرين شنو حكمه ربي لما قواج وخلاجتطلبين الطلاق بكل قوه..كل امر المؤمن له خير وانتي ماتدرين وين الخير الي ربي خاشه لج حتئ البتلاء فيه خيره وراح تثبتلج الايام كلامي بس خلي ايمانج بالله قوي وثقي بالله...


والله يارب يرزقج انتي وولدج بمستقبل ولا بالاحلام يارب

 

[بنوته ستايل]

سوري كل بدليات لان قاعده اكتب من تلفون

 

[qoot]

انا اسفه اني ضايقتج اهم شي انج مقتنعه وعسى الله يعوضج بأللي احسن منه

 

[راقيه وجذابه]

جزاكم الله خير حبيباتي ماقصرتوا كلامكم اثلج صدري

انا مو متحسفه ولا ندمانه بس يظيق صدري لاطرت علي فعايلهم

حتى ولدي اخليه ياخذه يوم كامل يقعد مع اهله وخواته وامه وعيالهم
وكل مره يجي ولدي مو طبيعي باجي لين خدران واطوف واسكت

لين جاتني وحده نعرفها من بعيد قالت راقيه لاعاد تخلينه ياخذ الولد انا بعيوووووني اشوفه يقطه على امه وخواته ويروح لربعه
وكله مع الخدامات ومن يجي لين يروح وهو يبجي ومحد معطيه وجه ولا احد مهتم فيه حتى اذا كسر ولا خرب شي قاموا يزفونه

للعلم ولدي عمره سنه

شستعجلت عليه !! .. لا والله ماستعجلت حتى ولده ماخذه بس على شان امه مو على شان هو ابو وهذا ضناه

قاعده بشقه جنها غار ومخمتي ومنشر ملابسي وزبالتي كلها بمكان قعدتنا واقوله دور لنا شقه اكبر يقول لو نجيب 10 عيال ما اطلع من هالشقه وكان يتلذذ ويستانس لمن يشوفني منقهره وابجي

وكم مره وانا حامل حاولة اجهض نفسي بسبب القهر والذل الي شفته

بس الحمدلله على كل حال

ماكتبت هالموضوع لاني ندمانه عليه لا كتبته لاني مقهوره من الطيب الي قدمته وراح مع مهب الريح حتى ولدي الي هو ولدهم مايبونه

شقول وشخلي

حسبي الله هو نعم الوكيل

 

[بنت الاحلام]

ربي يعوضج

 

[Ēŋѕαnħ ツ]

ياحبيبتي مين بهالدنيا ما أنظلم
كل إنسان له قصه مع الظلم
أنا أنفصلت مرتين قبل الدخله مرررتين تخيلي راح شبابي بين ملكه و إنفصال و تعععب
تقربي من الله و أستغفري و صلي قيام الليل
الله يفرج همك و همي و هم كل مسسسلم

 

[راقيه وجذابه]

جزاكم الله خير

 

[همي رضى خالقي]

انا كنت اتابعج واتابع مواضيع سنع وذرابه وفرحت لما دريت انج فرحتي بطلاقج

كل الي بقوله لج مالج تصيب وياه ولا ويا اهله و زين انه بين على حقيقته من الحين قبل لا تييبين الثاني والثالث

والحمدلله عندج ولد يشيلج ويصيرلج محرم ان شاء الله خيره واهلج ماراح يقصرون وياج عيشي واستانسي وقولي هذا تصيبي بالدنيا

شوفيلج مشروع شي تتسلين فيه بدال هالكدر

الريال عافج وعاف ولده عالاقل خل يفكر بولده لو يفكر فيه ماطلق امه

والريال تزوج ومكمل حياته والطيبىي مابين باهله اجر باذن الله بالعكس استانسي انج طلعتي مظلومه انظمتي من ناس الله الغني عنهم

عيشي وشوفي مستقبلج لي جدام لا تفكرين بلي راح واي احد اييبلج طاري قولي لو سمحتي لا تييب هالطاري واكيد بتسكت لا تخلين الي بيتشمت فيج يستانس بالعكس الي يدور السوالف كسري عينه

 

[كنوشة 2009]

الله يعوض عليج باللي احسن منه
بريال يقدرج ويعرف قيمتج
انا بس ابي اعرف هالامهات يخطبون حق اعيالهم
بنات الناس وتالي يناجرونهم على كل شي
وبالنهاية تخليه يطلقها وتخطب له غيرها
شنو بنات الناس لعبة عندكم ما تفكرون
شنو ذنب الطفل او الاطفال اللي بينهم

 

[ادمنت ضيمك]

راقيه الله يعوضج بالي احسسن وانتي ماقصرتي سويتي باصلج وطيبج ونقاهت معدنج والحممدللع هو الخسران ٱنتـيے بالعكس لاتندمين ولا تحسفين كل ماسويتيه عساه دفعت بلا عنج وعن ولدج واهلج وعن المسلمين الاحياء والاموات عيشي حياتج ولاتحسفين ٱنتـيے راقيه بأخلاقج وتربيتج وطيبتج وقلبج قبل لانعرفج راقيه وجذابه اتمنى تقبلين مروري ?

 

[الله يجازيك]

حسبي الله ونعم الوكيل على كل رجال خاين
حسبي الله ونعم الوكيل علئ كل رجال ما اهتم بمرته اللي شايلته بعيونها
حسبي الله ونعم الوكيل ع كل من جرح مرته اللي صاينته
فتحتي جروحي وربي بكيت وبكيت
تصبري حبيبتي حالج نفس حالي بس انا اردئ
وقولي الحمدالله علئ كل حال
و ادعي دايما اللهم اجرني في مصيبتي واخلفني خيرن منها
والله يصبرنا ويصبرج ويرزقنا ويرزقج
باللي يستاهلنا و يقدرنا ياربي يا كريم
فديتج كنت اذكرج معاي بموضوع النفاس
وكنا نتناقش عن الحمل والنفاس
سبحان الله انا وياج تمينا سنه بالضبط جبنا ولد
وتطلقنا قولي الحمدالله دايما بلسانج
وﻻ تزعلين وﻻ تتضايقيييييييييين علئ واححححد
مايسسوا ظفرج وطيبتج واحترامج وتربيتج

اخ بس

 

[راقيه وجذابه]

^^

ي عمري انتي عسى ربي يمسح على قلبج ويعوظج انتي و وليدج ويرزقج ي حياتي

لاتزعلين ولاتشيلين بخاطرح باجر يجيج الي ابرك منه بإذن الله

مادري شقول

 

[الله يجازيك]

امين يارب ويمسحح علئ قليبج يا روحححي

 

[راقيه وجذابه]

^^

ي عمري انتي عسى ربي يمسح على قلبج ويعوظج انتي و وليدج ويرزقج ي حياتي

لاتزعلين ولاتشيلين بخاطرح باجر يجيج الي ابرك منه بإذن الله

مادري شقول

 

[Canon~]

الله يخلي لك ولدك يااارب

ويعوضك باللي احسن من طليقك يارب عاجلا غير اجل

 

[قآنون كيفكـ!!]

حبيبتي مالج الا ربي اذا هم ظالمينج ربي بينصفج منهم وتشوفين حوبتج بنفسها وبناتها ..
ماراح اقول انج استعجلتي بالطلاق لان ماعشت وضعج ولا شفت ماشفتي فمقدر احكم عليج خاصة مبين من كلامج انج صبرتي
علية وعلى امة النسرة حتى لو فترة زواجج بسيطة الكتاب بين من عنوانه
واهو لو عندة نسبة بسيطة يبيج يقدر يعدل وضه ويرضى الطرفين بس شكلة من نوعية الطلاق بفلس ..
بعدين هذا مو ريال الواحد يتحسف علية او يعطية جزء من وقتة يفكر فية
اذا حياتة امة تمليها عليه حتى بالنوم م مرتة !!
انتي عاملتيهم باصلج وهذا اهم شيء ع الاقل مرتاح ضميرج من هالناحية
دايما يدتي تقول بنت الريال تقدم الجزلة وانتي الحمد لله بنت اصل ورياييل عاملتيهم بالطيب بس الردي مايبين بعينة ..
الله يعوضج باللي يعرف قدرج ويملا عينج يارب
استانسي ترى العمر واحد محتاجين نعيشة باشياء تسعدنا وطاف للنكد ..

*بقولج*
الله يحبة الله يحبونة الناس
دايما بنات المنتدى يشهدون لج بالطيب والسنع ويكنون لج كل الحب والاحترام لج
هذا اسعد شيء بالدنيا وانج من الناس اللي لهم اثر طيب
سى الله يعطيج ع قد نيتج يالطيبة ..

 

[ماكدونلز]

امه النسره شكو لقافه حرتني الصراحه حبيبتي ما عليك اللله يعوضك بالي احسن لا تحرين نفسك علشان واحد باعك

علشان ولدك