حمولتج شافو تجهيزج من وراج قبل عرسج بيوم ؟؟

[بندريه]

​

سلام عليكم :wqedqw:​

​

​

​

بنات صرااااحةً جاوبوني لاتتكلمون بالمثاليات ​

إذا عندج مرة اخو معاج بالبيت .. لما اهلها جابو تجهيزها قبل العرس بيوم ..​

فتشتو أغراضها أو ألقيتو نظره على شغلها ؟؟​

مو حقاره منكم لكن فضول ​

​

​

وإنتي ياعروسه​

لما وديتي اغراضج ... ماخفتي احد يلقي عليها نظره من حمولتج ؟؟​

وهل وديتها كلها كامله قبل عرسج بيوم ؟؟ ولا خشيتي شي لبعدين ؟؟ سواء ذهب أو ملابس خاصه أو​

دراريع وبدل ؟؟​

​

وعمرج سمعتي بوحده قالت انها شافت تجهيز مرة اخوها قبل العرس ؟؟​

أو عروس درت من باب الصدفه إنهم شافو أغراضها قبل دخلتها عليهم ؟؟​

​

​

وآخر سؤال​

أهلج اللي صففو أغراضج بالكبتات ولا إنتي ؟؟؟​

 

[حرم_طيار]

رد : حمولتج شافو تجهيزج من وراج قبل عرسج بيوم ؟؟

الحمدالله ما صارت معاي ولا صارت مع وحده اعارفها
واحس الموقف حده خايس ومو حلو

 

[للزين هيبه]

@@



يب احنا شفنا بس مافتشنا فتشناا لااا

بس يعني نظره جذي يووم قبل العرس بيوم كان فيه خلاتي وعمااتي

بيشووفوون شقة المعرس

وشفنا التواليت العطوور الشحاطات الاشيااء السطحيه بسس

وانا يووم تزوجت يب فتن زووجي وقاال اي امي وخوااتي ججوا فووق اشتغلووا جماارك باغرااضج

هههههههههههههههههههههه



تقبلي مروري؟

 

[ستروبريه]

احس فشله يشوفون في اشياءات خاصه خخخخخخخخخ
يسلمو يا عسل

 

[جـــواهر]

ولا مره شفت تجهيز حريم خواني ...
وانا اللي صصفت اغراضي بالكبتات
وماعندي مشكله مشكله لو شافو تجهيزي
عشان يشوفون السنع ع اصوله <<اووخس

 

[قطووه حلووه]

رد : حمولتج شافو تجهيزج من وراج قبل عرسج بيوم ؟؟

وقاااااااااااااااااحه سوري


لو اناا امووت قهر اغرااضي ملكيتي




مابي احد يشوووفها

 

[نور وشموع]

ماحب احد يفتش اغراض




اختى انا عدلت اغراضة ومرت اخوي امها -----------

 

[( مي )]

ماله داعي لا يشوفون اغراضي
ولا أشوف أغراضهم

اول مرة اسمع ابهالسالفة بعد @@

ممكن يلقون نظرة على الشقة واثاثها بس مو اكثر ،، وكان بوجودي انا وزوجي

 

[BiiShOoO]

لا محد شافه لانه اشياء خاصة

 

[أهداب]

رد : حمولتج شافو تجهيزج من وراج قبل عرسج بيوم ؟؟

انا عكس
حمواتي شافو جهازي
واللي قالتلي اصغر وحده فيهم
انهم دخلوا الشقه ونبشوا
انا الحمدلله كل شغلي رووعه واكثره برا الكويت وماركات وواثقه بنفس
بس هالشي للحين مااقدر اسامحهم عليه و مسوي حززات ليما الحين بينا

 

[حياتي فراغ]

رد : حمولتج شافو تجهيزج من وراج قبل عرسج بيوم ؟؟

لأ اوقح شي الدنيا ...

خالتي عانت وااااااااااايد من هالسالفة .. لما كانت تروح تنام في بيت أهلها اللي اهم خوالي
كانت ترد تلقى الادراج معفوسة و لما تسأل ريلها يحلف ان مو اهووو
و بعدين بنت حماتها قالت لها
امس امي لبست دراعتج لما زورونا حريم

و صارت هوشه شكبرها و من عقبها طلعت ايجار

 

[ملوكة الامورة]

حنا اهل ابوي من النوع الي يفتش فالاغراض
وشيفون كل شي حتى الاشيا الخاصة
اما حنا اعرس اخوي وجت ام البنت وحطت الجهاز
ومي قفلت الغرفة ولا شفنا شي
وحس مالله داعي التفتيش

 

[:: Diva ::]

صراحه احس ماله داعي
حيل حركه بايخه


امممممممم محد شاف تجهيزي

 

[soso-87]

انا مو متزوجه لووول

بس لان في ناس ملقوفين بعايلتنا .. قلت حق مرت خالي اول ما تزوجت اذا يبتي اغراضج قفلي عليها عشان لاحد يتعبث
وفعلا يابت اغراضها اهي وامها وحطوهم بالكبت وقفلت عليهم وعطت المفتاح حق خالي قالت له انت حط ملابسك داخل ولحد يشوف اغراضي
واللي على التسريحه كان اشياء بسيطه

واايد احسن جذي عن عين الناس
وبعدين لما تزوجت يابت باجي الاغراض

 

[غمزه وإبتسامه]

انا اعرف شكثر فتشو اغراض مرت اخووهم حدهاا حركه خاايسه
احنا لا ماافتشنا اغراض مرت اخووي لانهاا خصوووصية وعيب​

 

[باربي برونزيه]

وقاحه الي يفتشون الاغراض

 

[Sweetq8]

إحنا من يجئ جهاز العروس عندنا تتقفل الغرفه

بس جهازي فتشه حبببه حبببه ههههه زوجي طبعا

وعقب لا يقولي البسي الشغله الفلانيه ولا الشغله الفلانيه ههههههه

 

[الأميرة جوري]

رد : حمولتج شافو تجهيزج من وراج قبل عرسج بيوم ؟؟

ماله داعي شنو كلها ملابس علي عطور وقمصان نوم ترس السوق قطييييييييييييعه شفاحه

 

[tmtmt]

غريبه !!!
اول مره اسمع

اكيد لا

 

[حربيه وبس]

رد : حمولتج شافو تجهيزج من وراج قبل عرسج بيوم ؟؟

عادي
انا اشكره قالولي
شفنا اغراضج
لا والطاااااااااااااااامه الكبرى
وحده منهم سالتني تقولي شفت شغله بس مافهمت هذي حق شنو
ممكن تقولي لي فيني فضول
تخيلووووووووووو
الوقاااااحه