اشكرج ام فروحه على هالموضوع وابي اقولكم تجربتي مع الحنه يعني حملتي اللي سويتها على نفسي
انا شعري طاح ونزل من الصبغات كنت وايد العب فيه ومن جدام خف وايد وما كنت انتبه قمت وقلت حق نفسي خل اسوي شي حق نفسي وفي شهر 7 2004 يعني في عز الصيف والصيف فرصه كنت افصل ملابسي واغير علشان شهر تسعه اكون فريش واحس اني سويت شي لنفسي
بنات وقعدت احط الحنه كل يمعه كل اسبوع بدون ملل احط معاها بس خل وبعدين وحده عيوز قالتلي ليمون احسن وفعلا بالليمون تصبغ اكثر وكنت اخلط مع الحنه في علبتها قشر رمان مطحون زين وايد
المهم كل اسبوع على هالحال وما اغسلها الا بعد ساعتين واحط بلسم ويلا وبس
وبعدها بيوم اغسل شعري عادي
النتيجه واللهههههههههههههههههههههههههههههههههه
شعري اولا كان تحته صبغه قديمه المكان اللي فيه صبغ واضح كان يطلع شكله مثل خصل سواد على حمار لون يهبل
والناس كله يبين شوي تحت اللفه يحسبون اني صابغه
وشعري بدا يزيد وينبت حتى اللي في الصالون قالتلي اكثر من مره
والله اني ما مليت لحد 2008م شوي وقفت لهيت
والحين ذكرتوني بالماضي ورجعت احط قبل اسبوعين
نفسيا ارتاح والله ايام ما احطها كنت مرتاحه اني اهتم بنفسي شوي واحط اشياء طبيعيه
وانا وايد احب ريحة الحنه واستغرب من اللي ما يحبها
بس ما ادري في شي سمعته من واحد خبير تجميل يقول ان الحنه تغلف الشعره بطبقه تخلي الشخص يح انها ثخينه وان الحنه كثفت الشعر
ما ادري شنو صحة هالكلام
بس انا معاكم هذي احسن خطوه تسوونها ترى اللون الاحمر حلو وجميل من الحنه لانه لون طبيعي وما يكون فاقع
انا احس انها بركه ومثل ما قالوا أن الحنة شجرة من الجنة
تجربتي استمرت من 2004 لحد 2008م
وانا انصحكم فيها بكل قوه مع عصير الليمون اهم شي والروب بعد لان الحمض اللي فيه يطلع لونها وغسيل بالبلسم وتنزل بسهوله وخلوها لثاني يوم وبعدها غسلوها عادي
هذي تجربتي وانشالله اكون افدتكم :tek:
