حملة نبيها "حنة" خلونا نرجع للشي الطبيعي يابنااات

[فـرفـر]

ياحلات هالحمله صراحه شوقتوني احط وخصوصا عقب هالصبغات والله قبل شحلات شعري بخلطه الحنه اللي اسويها واهيا

((حنه مع قفشه سدر+قفشه عسل+ملح خشن +روب+بيضه+خلطه زيوت)) مع الاستمرار روعه

وانشالله كلنا يصير شعرنا يهبل وكثيف امين

<<<<<<<<<<<<< ها وين كلمه اميــــــــــــــــــــــــــــــــــــن ماسمع>>>>>>>>>>>>>>>>>>:dddds:

ملح خشن ينظف الفروه بس مادري احط كل اسبوع ملح خشن والا بس مره بالشهر؟



عااشت بنيتناا بالحمله



بس قوووووووووووولي اى يوم بتحطييين :tek:

 

[فـرفـر]

:ggdw::ggdw:موفقين ان شاء الله

وينج رايحه @_@



سجلي معانا والاا بمسك الخيزراانه يابنت :$


شاكره مرورج

 

[فـرفـر]

أنا بعد معاكم أموت عالحنه وريحتها وكل أسبوعين لازم أحط حنه حقى وحق بنتى

اسبووعين حلوين بعد


بس نبي الالتزااام


موفقه خير:tek:

 

[فـرفـر]

جان زين اقدر استمر علية

الخيزرانه للحين عندي@_@



التزمي معانا


انتى لما تشوفين نتيجه شعرج خلال شهرين من نفسج راح تلتزمييين

منيه للعيد شخسراانه؟!

 

[فـرفـر]

وانا بعد معاكم بنات

بس انطر الامتحانات تخلص

وابحط الحنه

بس متردده مرات اقول اذا بصبغه شلووون؟

بس شكلي بتشجع واحطها يعني من زين الشعر المصبوغ وهو متقصف ومتقطع وحالته حاله!!!


بس ابي اعرف شنو اخلط مع الحنا

؟؟

توني قريب بمنتدى عروس عن عشبة السنبله؟؟ في احد سامع فيها؟؟ يقولون رووووعه للشعر وتنحط مع الحنه

انا مفكره احط حنه+ سدر+ كثيرا+عشبه الاس+ محلب <<مو متاكده المحلب ينحط عالشعر؟؟


وبعد شنوووو


اي في بنات يقولون تخلط حنه مع زيوت ونحطهم بنفس الوقت يصييير؟؟؟

ومشكوورة اختي عالحمله المفيده

الله يسهل عليج ويوفقج وينجحج وتصيرين مهندسسسه أأأد الدنيااا يارب:tek:



يابنت ماالعب فينا الا الاصبااغ


وخلطه السنبله شنو ومن وين نجيبها عطيني الرابط خليني اقرا الموضووع


والله انا لي شهر تقريبا احط حنه احس شعري تعدل وااجد وحيل مستاانسه شلون لو بستمر بعد اكثر


انتى اخلطي اللى تبين

مثلا اللى ذكرتيهم حيل حيل رووعه


واذا بتعجنين الحنه يا بماي الحلبه او بماي الجرجير

يعني جرجير تحطينه بالخلاط

او حلبه تفورينها وتاخذين مايها


هذول حيل روعه للشعر بس اختاري وحده من هالطريقتين

واذا علي الريحه بخري شعرج وحطي خمريه وريحتج ولا اروع


حددي لج يوم وان شااء الله بتشوفين اللى يسرج


شرايج نختار انا ويااج يوم


انا مبدئياا جمعه وانتى:$


موفقه

 

[فـرفـر]

الحنه ما في مثلها للشعر لكن انا انصحكم نصيحه وبتشوفون الشعر شلون يصير معاها روووووووووووعة لمعه ونعومه ولا في مثلها

مثال تحطين اليوم الحنه وتغسلينها بس بالماي اوكي لما ينشف الشعر وتمشطينه حطيله زيت اي نوع اللي يناسبج وبعد 5 او 4 ساعات غسليه بالشامبو

وعليكم بالعافيه

مثل طريقتي بس مرات اتعااجز اغسل بالشامبو علي طول


موفقه خير ياالمزيونه:tek:

 

[فـرفـر]

مرحباا بنات ان شاءالله بنظم معاكم وحط حنه بعد مااشعرى راح من عيون الناس والمشكله يقوولونها بوجهى شعرج يذبح والله يابنات عقب مااكان تحت ظهرى قصيته بعد عرسي بشهر بووى بالحمام وانا ابجي جتنى حاله كرهته .. ومن بعدها انواع التساقط والبلاوى الله يعين ...

خلاص شجعتوني اهتم فيه ان شاءالله باستمر على الحنه كل اسبوع ...
(حنه _ وبيضه _ وشوويه زيت خروع هذا الى احطه وان شاءالله انفذ من افكاركم


ان شاءالله تتهنوون بشعوركم وتصير طويله وكثيفه ويحميكم من العين ياررب

شكرا على الموضوع اختى عسي الله يهنيج يارب

احبكم فى الله:tek:

الحسد بكل شي استغفر الله

الناس ماغير تحاسد بعضهاا

ان شااء الله انتى ارقي نفسج ولازم تقرين علي شعرج المعوذات وايه الكرسي


وان شااء الله يرد شعرج مثل قبل واحلي



شرايج نخليها كل جمعه نحط


موفقه خير:tek:

 

[فـرفـر]

خوووووووووش حمله اتيينننن

استمرواااااااااا

والله انتى اللى تجنين


مايحتاج اوصي انتى معانا:eh_s(1):



تسلمين علي المرور

 

[فـرفـر]

اشلون تغسلون الشعر منها << انا اتعذب عذاب على ماتروح من راسي

غسلي بالماي عدل بعدين الشاامبو


يمكن تضاايقج شوي بس من ثانى يوم حطي زيت لشعرج وغسليها ماكو احلي من شعرج وقتها


موفقه خير

 

[قبوله]

انا ببدي



عن نفسي أخلط مع الحنه ( سدر - كثيره - زيت الخلطه العجيبه لانى مداومه عليه من شهرين - واعجن الحنه بماي الحلبه - ومرات احط شوية شوية ملح خشن)



بس ودى اغير لون شعري ابي لون اسود


سمعت بالكتم بمنتدي حواء بس مافهمت شنو يقصدووون



يالله بنااااااااااااااااااااااااااات خلووووناااا نفيد بعضناا

هلا حبوبه ممكن سؤال
ليش تحطين ماي الحلبه شنو يسوي حق الشعر

 

[العصيمية]

ههههههه ام فروحه يعطيج العافيه..

كونديشنر وبش هههههههه يعني بلسم بس
ماغسلها بشامبو ..


انزين اشلون انظم جدولي


حنه ... وخلطه دهن ... وكثيره مع سدر


ياربي واجد شسوي

 

[فـرفـر]

هلا حبوبه ممكن سؤال
ليش تحطين ماي الحلبه شنو يسوي حق الشعر

سمعت انه يكثف الشعر


واصلا الحلبه تقوي الشعر


:tek:

 

[قبوله]

سمعت انه يكثف الشعر


واصلا الحلبه تقوي الشعر


:tek:

مشكوره حبيبتي
وانا معاكم
انا احط الحنه يوم الجمعه كل اسبوعين
واحط فيها ( حنه - روب - قهوه )
وادهن شعري واحط عليه الحنه واحط القهوه علشان الشيب يصير غامج
بس تري انا مو كبيره بس الصبغ خله شعري يشيب​

 

[فـرفـر]

ههههههه ام فروحه يعطيج العافيه..

كونديشنر وبش هههههههه يعني بلسم بس
ماغسلها بشامبو ..


انزين اشلون انظم جدولي


حنه ... وخلطه دهن ... وكثيره مع سدر


ياربي واجد شسوي

اثريه بلسم :$

واناا قلت حااجه ثاانيه هههههههههههه


انا اقولج الجدول



حنه مره الاسبوع


اليوم اللى حطيتي فيه حنه تغسلينه وثانى يوم حطى زيت


والسدر والكثيره كل ماحبيتى مره _مرتين


اهم شي الاستمرار





:tek:

 

[المحيلبية]

هلااااااااااا خوووووووووووش موضوع انا اايده بقووووة و عن حنتي ((حنه يمنيه+سدر+بيضه+شوية روب+شوية مايونيز))

 

[فـرفـر]

مشكوره حبيبتي
وانا معاكم
انا احط الحنه يوم الجمعه كل اسبوعين
واحط فيها ( حنه - روب - قهوه )
وادهن شعري واحط عليه الحنه واحط القهوه علشان الشيب يصير غامج
بس تري انا مو كبيره بس الصبغ خله شعري يشيب​

احنا بالعشرين وصار فيني شيب


من الاكل والهم




حبيبتي انتى


موفقه خير

 

[فـرفـر]

هلااااااااااا خوووووووووووش موضوع انا اايده بقووووة و عن حنتي ((حنه يمنيه+سدر+بيضه+شوية روب+شوية مايونيز))

عاااشت عاشت :eh_s(1):


موفقه خير ياقلبوو

 

[Mawazi]

أنا احين حاطه حنا في شعري عيزت من الصبغ ..آخر مره صبغت الاسبوع اللي طاف بس ما طلع مثل ما ابا ..

الحنا المستخدم : يايبينه من باكستان عن طريق دريولنا ..نصبر و نشوف النتيجه

 

[Om Banati]

بنااااات شوقتوني ماشاء الله ودي اشارك وياكم بس من وين اشتري الحنه بليييز قولولي ابي حنه زينه ونظيفه حقي وحق بناتي معاي مره وحده

انا شريت حنه من وحده تبيع الحنه اللي مثلجه بس تطلعينها وتذوبينها وتحطينها الصراحع استخدمتها مره وحده بس لووووعه حتى بالحط لووووعه ابي حنه نظيفه انا اعينها واخلطها من وييييين ؟؟؟؟

 

[sa7ab]

بنات

انا ابي احني شعري بالصالون

وين احسن صالون عندهم حنه زينه؟

ابيها على بني؟


انقذوونييي