حمد و ساره .... و هل العشق حرام ؟؟_____ روايتي الثالثه

[so_what]

ناطرينج

 

[بيـــشو17]

؟!؟!
ناطرين

 

[سارووونه22]

ناطرينج حبوبة اي خلي حمد يتحرك شوي

 

[Tom ♥ Jerry]

.


أب أب أب !!!

نبي بآآآآآآآآآآآرت !

 

[Tom ♥ Jerry]

>


اي و الله دآم حمد يحبها شكو مآ يخطبها !!!!!!!
بعد شنو المآنع اثنينهم يشتغلون و الحمد لله @@@ !

 

[الزين كله فيها]

بااارت بليز باااارت

 

[عاشقة المسك]

up
up
up

wating

 

[الحلوه اوصلت]

نبييييييييييييييييييييييييييييييييييييي بااااااااااااااااااااااااااااااااااااااااارت

 

[kity]

نااطرينج حووبي

ماورانا شي

وكلنا بصوت واحد

وسهرتناا حلووه وصباااحيي

 

[دلووول الكويت]

^

^


اي والله ماورانه شي
ناطرييينج ^_^


...

 

[سارووونه22]

اب اب اب اب اب

 

[برشلونيه q8]

اام ناطرينج و بننطر لي باجر

اخييه بس نبي بااارت و اهم شي طويل

ناطرينج اوك لا تتأخرين باجر قرقيعان نبي قرقيعانه الباارت

يلا بنات كلكم قولو الله يخلي عروس الله يخليها لهلها بناات كلنا بصوت وااحد

 

[Riooma]

na6ra alpart 7bebti

 

[بنوت كيوت 77]

عروس ناطرينك انتي والبارات

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه

لوووووووووووووووووووول ضحكتوني سوالفكم حلوه ... تستاهلون بارت و اكثر .. كتبت واحد الحين و البارت الي وراه بيكون مشوووووووووووووووووووق انشالله اقدر اخلصه الليله ... ثواني

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه

الجزء العاشر


وصلت ساره البيت و كانت منهاره من البجي شافتها امها تحت اول ما وصلت


الام : ساره اشفيج حبيبتي
ساره : مافيني شي يما
الام : ويهج احمر من البجي شلون مافيج شي حبيبتي .. تحجي قولي اشفيج
ساره : ولا شي يما بس بطني يعورني
الام : بطنج يعورج حبيبتي ليش تبجيين جذي
ساره : مادري وايد يعورني
الام : اقعد ابوج يوديج الطبيب ؟؟؟ ماكله شي يمكن وصخ
ساره : لا يما الحين انام و اقوم انشالله احسن
الام : خلاص حبيبتي صعدي و انا بسويلج زعتر يريح بطنج
ساره : انشالله

صعدت ساره بدلت هدومها و غسلت ويها و قطت جسمها على السرير .. و صعدت لها الام الزعتر و راحت
لين وصلها مسج من حمد
( ساره وصلتي البيت ؟؟ دقي علي اذا تقدرين )
ساره قرت المسج و ردت بجت لم تذكرت الي صار و حجي البنات الي بتسمعه كل يوم
و ما دقت على حمد ... و بعد شوي سمعة موبايلها يرن و كان حمد المتصل
حمد : الو ساره ليش ما دقيتي
ساره : هلا حمد
حمد : انتي بعدج تبجيين ... بس حبيبتي ما صار شي
ساره : مادري حمد متضايقه و مقموته حدي من الي صار
حمد : حبيبتي ما يستاهل الموقف كل هذا
ساره : شلون ما يستاهل ما شفت البنات شلون يشوفوني مادري شلون بطل بويوهم باجر
حمد : لا تداومين باجر اخذي عرضي
ساره : و بعدين يا حمد و عقب باجر
حمد : تدرين شلون اشرايج تقدمين على اجازه .. انتي خلصتي ال 6 اشهر و تقدرين تاخذين اجازه الحين مدتها اسبوعين
ساره : ها !!! يا ريت تعبانه و مابي اشوف البنات
حمد : خلاص باجر انا اسوي كل الاجراءات و ايب لج الورقه توقعينها حتى لا تين الدوام
ساره : لالا عادي اي و اروح شؤون الموظفين اوقعها هناك
حمد : خلاص اوكي
ساره : ريحتني حمد الله يريحك
حمد : انتي ارتحتي و ما فكرتي فيني
ساره : ليش ما فكرت فيك ؟؟
حمد : شلون بقعد اسبوعين ما اصبح بويهج الصبح و لا بشوفج كل يوم و بتصير الشوفه بالحسره .. نسيتي انج ما تطلعين وايد
ساره : اي صح ... بس شسوي حمد تعبانه و الله ما اقدر اداوم الحين
حمد : ساره عندي فكره ... بس اخاف تفهميني غلط
ساره : شنو الفكره الي بفهمها غلط
حمد : ساره و الله مو قصدي شي بس مافي حل ثاني
ساره : شنو حمد شالسالفه تحجى انت بالاول قول
حمد : نسافر
ساره : هااااااااه !!!! نسافر ؟
حمد : مافي غير هل حل
ساره : شنو نسافر ؟؟ ووين و بروحنا ؟
حمد : اي .. ساره انتي واثقه فيني ؟؟
ساره : حمد انا واثقه فيك بس شنو نسافر بروحنا ؟؟ انا عمري مو مسافره الا البحرين مع ابوي و بالسياره من زمان بعد
حمد : يعني انتي مشكلتج الطياره؟
ساره : لا مشكلتي السفره كلها شلون و شقول و لييش ؟؟
حمد : اذا مشكلتج السفر انتي الي عليج تيبين جوازج بس .. و شلون انا برتب كل الامور .. و الله العظيم يا ساره اني ما راح اجيسج و انا اخاف عليج اكثر من

روحي صدقيني ... و ليش تقدرين تقولين لاهلج ان عندج دوره
ساره : حمد من صجك يعني ؟؟ و لا تغشمر ؟
حمد : لا من صجي شنو اتغشمر ... انا شلون اصبر عنج اسبوعين
ساره : و تبيني اسافر معاك اسبوعين ؟؟
حمد : لا لا اسبوع واحد بس
ساره : و شلون و اهلي و الدوام شلون يعني ما فهمت
حمد : الدوام انتي اخذي اجازه اسبوعين نسافر اسبوع الي بالنص
ساره : و انت هم بتاخذ اجازه ؟
حمد : انا اخذ اسبوع السفره بس عشان لحد يحس بشي
ساره : انزين و اهلي ؟؟
حمد : اهلج قوليلهم عندي دوره ... و اكيد ابوج بيشوفني بالمطار و عادي ترى الحين كل الموضفين يسافرون دورات و يروحون و يردون
ساره : ووين بنسافر يعني ؟؟
حمد : امممم هل وقت نروح شرم الشيخ
ساره : مصر !! من صجك .. مكان بعيد يعني بعد
حمد : وين بعيد الله يهداج كاهي مصر ساعتيين بالطياره
ساره : مادري حمد مادري شلون اسافر وياك بروحي صعبه ؟
حمد : ساره انتي مو واثقه فيني ؟؟
ساره : مو مسالة مو واثقه فيك انا عمري مو مسافره شلون بنسافر و جذي مره وحده و مع بعض
حمد : راح احجز غرفتيين لا تخافين .. بس نروح نغير شوي و بعيد عن عين الناس اريح
ساره : مادري اخاف اهلي ما يرضون
حمد : منو الي ما يرضى ساره ؟؟ اهلج مساكين قوليلهم دوره و ما راح يمانعون
ساره : مادري حمد و شلون هناك اخاف يشوفنا احد
حمد : احد منو يعني شهر 4 بيكون بشرم ؟؟ الناس مدارس و جامعات و لويه
ساره : ادري بس سبحان الله
حمد : لا تخافين محد بيشوفنا .. انتي بس عزمي و كلمي اهلج و يبي جوازج و بس
ساره : خايفه يا حمد خايفه
حمد : من شنو تخافيين ؟؟
ساره :مادري اول مره بسافر و معاك يعني صعبه شوي
حمد : ساره يا قلبي قلت لج والله اني بخاف عليج اكثر منج
ساره : مو عن جذي بس مادري .. احسها صعبه
حمد : لا صعبه و لا شي ... يلا انتي كلمي امج باجر ..
ساره : شلون بقول دوره و انا اصلا ماني مداومه ..
حمد :انتي طلعي الصبح عادي .. و تعالي وقعي الاوراق و الضهر ردي و قوليلهم عن الدوره
ساره : و شسوي من الصبح لي الضهر
حمد : اي شي ساره .. روحي السوق روحي اشتريلج هدوم للسفر
ساره : هدوم شنو
حمد : اخذي اشياء مريحه جينزات تي شيرتات .. مايوه فوطه
ساره : مايوووووووه ؟؟
حمد : اي مايوه ... بتروحين شرم الشيخ يعني مو رايحه العمره
ساره : ادري بس ليش مايوه
حمد : ساره بشنو بتسبحيين ؟؟ بهدومج يعني
ساره : مادري اي شي
حمد : دوريلج مايوه شوي مستور و اشتريه .. اي شي يبى فري السوق انا اوديج مره ثانيه بس المهم ضيعي الوقت لي الضهر على ما اسوي انا الحجوزات
ساره : لا لا لا تحجز .. اكلم اهلي بالاول اخاف يمانعون
حمد : لا عارف اهلج انا ..ما بيعارضون
ساره : لا لا السفر شي يديد ما تدري
حمد : شرط ابوج يوافق ... يبه اهلج على باب الله
ساره : مادري كيفك بس انا اقولك انطر
حمد : انتي المهم سوي الي قلت لج عنه و اول ما تاخذين الموافقه من ابوج عطيني الخبر الاكيد
ساره : انشالله
حمد : يالله الحين نامي و ريحي اعصابج و المغرب دقي علي قعديني من النوم بريح شوي
ساره : خلاص صار ... نوم العوافي حبيبي
حمد : يعافيج ... يلا باي بنام و اتحلم بالسفره
ساره : ها ها ها ها ... باي


و المغرب دخلت ام ساره تطمن عليها و شافتها احسن الحمدالله
و دقت ساره تقعد حمد من النوم

ساره : الو حبيبي ... يلا قوم صار المغرب
حمد : هلا حياتي ... اي قوم .. انا ما نمت اصلا
ساره : وي لييش مو نايم ؟؟
حمد : مادري تقلبت شوي و خذاني حماس السفر و قمت رحت السوق
ساره : اشوف ازعاج عندك
حمد : ايي الله يسلمج انا بالافنيوز
ساره : شتسوي عاد بهل لويه
حمد : اتشرى و ازهب اغراضنا
ساره : اغراضنا ؟؟ مو قلت لي باجر روحي اشتريلج هدوم
حمد : اي بس مافيني صبر رحت شريت لي و شريت لج جم شي .. و انتي باجر روحي بس اشتريلج جم تيشيرت على جم جينز
ساره: و انت اشاريلي ؟؟
حمد : اراويج اياهم هناك خليهم مفاجأه
ساره : حمد انت تتكلم و انت واثق ان بنسافر
حمد : اكيد ... عارف روحي
ساره : هههه عشتوا .. وايد واثق
حمد : بتشوفين .. يلا الحين لا تاخريني خليني اكمل شغلي و باجر الصبح لا تاخرين و دقي كلمي ابوج الصبح شوفي شيقول
ساره : ليش توزعني ؟؟
حمد : مشغول يا حياتي والله بيدي جياس و بشوف الهدوم و ماسك الموبايل
ساره : خلاص اخلييك اشوفك باجر
حمد : لا باجر وين ..ما نبي سوالف بالدوام بعد
ساره : ما راح اشوفك يعني ..؟؟
حمد : لا لي يوم السفر ما راح تشوفيني عشان نشتاق لبعض
ساره : من صجك ؟؟
حمد اي من صجي كلها 3 ايام و بنطير انشالله
ساره : ههههه شوقتني تصدق
حمد : انا اكثر
ساره : اوكي حبيبي اخلييك
حمد : خلاص تيك كير
ساره : ان شاء الله ... باي



و صار الصبح قامت ساره و راحت الدوام و قدمت على اجازه اسبوعين و بعدها ركبت سيارتها و دقت على ابوها
ساره : السلام عليكم
الابو : هلا ساره هلا حبيبتي
ساره : سيا ... طالعتلي دوره بالدوام و البنات يقولون مو زين ارفضها ووايد زينه حق ملفي
الابو : اي يبه دوره ليش ترفضينها
ساره : بس الدوره يبا مو بالكويت ؟؟
الابو : مو بالكويت ؟؟؟ وين ؟
ساره : بمصر
الابو : مصر ؟؟؟ الله و شيوديج اخر الدنيا
ساره : مادري يبه بس اهي من الدوام
الابو : ادري يبا بس مصر بعيده شلون تروحين ؟؟؟ تدرين شلون اخذ اجازه و اي معاج امري لله
ساره : لا لا يبا ما يصير .. الدوره من الدوام و البنات و جذي فشله يبا شيقولون عني ياهل
الابو : مو ياهل حبيبتي بس شلون تسافرون بروحكم بنات
ساره : لا مو بروحنا في معانا الاستاذ حمد و موضفين
الابو : يعني حمد بي معاكم
ساره : اي اكيد اهو المدير
الابو : و شلون هناك منو معاج و يسوي كل شي
ساره : من الدوام يبا انا بس اروح اهم يحجزون كل شي و الاكل عليهم و يعطونا مصرف بعد
الابو : و جم يوم الدوره ؟؟
ساره : اسبوع
الابو : خلاص يا دام الشي فيه مصلحتج امري لله .. انا موافق
ساره : مشكور يبا و لا تحاتي انا بيد امينه
الابو : اي يبا تكفين ديري بالج على روحج و بوصي الاستاذ حمد يعدج مثل اخته الصغيره
ساره : لا تحاتي يبا
الابو : خلاص فامانة الله
ساره : مع السلامه

خلصت ساره من ابوها و سيده على حمد

ساره : الو حمد
حمد : بشري
ساره : ما وافق
حمد : شنو ؟؟ ما وافق ؟؟ حجزت التذاكر انا
ساره : انا مو قلت لك انطر
حمد : شنو ما وافق مو من عوايده ابوج ؟
ساره : شسوي .. هذا الي صار
حمد : انزين يلا باي
ساره : وين وين !!
حمد :بس غلقت و صكت فيني الدنيا .. بعدين اكلمج
ساره : لا حبيبي تعال تعال ... اتغشمر يبه ابوي وافق
حمد : ايا الثوره !! يعني ما استخفيتي بدمج الا الحين ؟
ساره : اتغشمر حبيبي
حمد : اي غشمره !! صكت الدنيا فيني من سوالفج
ساره : خلاص عاد طوفها
حمد : نطري اكلعها من عينج بشرم
ساره : هاهاها ما سوت علي
حمد : استحملي الي بييج
ساره : عادي كل الي مي العسل عسل
حمد: قصي علي حسبالج بصدق
ساره : ههههه حمودي يلا عاد
حمد :" اول مره تدلعيني
ساره : شسوي ارقع لعمري
حمد : المهم جهزين فسج ترى حجزت عقب يومين
ساره : صج !! يلا اروح السوق الحين و اشتري الي ناقصني
حمد : اوكي و لا تدقين علي هل يومين بدز لج متى تروحين المطار بمسج
ساره : حمد من صجك ؟؟
حمد : اي من صجي عقابج علي سويتي
ساره : ما سوت علي .. اوكي امري لله
حمد : باي



و راحت ساره السوق و شرت النواقص
و دخلت البيت بيدها جياس

ساره : السلام عليكم
الكل : و عليكم السلام
عاليه : اش هل جياس
ساره :اغراض السفر
الام : قالي ابوج .. واي خايفه عليج يما
عاليه : شالسالفه فهموني
ساره : عندي دوره بمصر اسبوع
عاليه : من صجج سارو !! اللللللللللللللللللللللله ابي ... جان زين انا وياج
ساره : انشالله تسافرين
عاليه : طاح حظي شلون بسافر
الام : واي يمه ساره حدي خايفه عليج
ساره : يما كبرت انا من شنو خايفه
لام : مادري مادري .. اول مره بتوخرين عني
ساره : يما كبرت انا ما يصير تحاتيني لي هل عمر
الام : اول مره بتسافرين
ساره : اي بس الي معاي مو اول مره و لا تحافين هذي سفره رسميه من الوزاره يعني اهم يضبطون كل شي
الام : الله يحفظج
ساره : يلا بصعد اعدل جنطتي انا
الكل : الله وياج

صعدت ساره مستانسه و فرحانه و بطلت الجنطه الي شرتها و صارت تصف فيها اغراضها لين وصلها مسج

من حمد ( في جنطه عند باب بيتكم روحي اخذيها بسرعه قبل لا ينهبونها .. يالله انا واقف

ساره : شنو !! جنطه خل ادز لح مسج
( حمد انا توني شاريتلي وحده )

حمد رد عليها ( ميخلف اخذي هذي انا شاريلج اياها مثلي )

نزلت ساره و شافت سيارة حمد عل زاويه و جنطه ديلسي عند الباب

دزت له مسج ( ليش المخاسير ؟

رد عليها ( انا ابيج تشيلين مثل جنطتي .. و بعدين اشعليج انا زعلان اراويج بشرم عقابج

دخلت ساره البيت
الام : ساره ليش جنطتيين يمه كلها اسبوع
ساره : هاه !! لا يما باخذ هذي بس
الام : و ذيج
ساره : اي شريت ذيج بالاول و بعدين شفت هذي و عجبتني
الام : خلاص يمه على راحتج روحي رتبي اغراضج و اذا تبين شي قوليلي


صعدت ساره رتبت اغراضها و مروا عليها اليومين و اهي تكمل اغراضها لين صار وقت السفر

 

[6amni bs]

رد : حمد و ساره .... و هل العشق حرام ؟؟_____ روايتي الثالثه

يعطيج العافيه .. الله يستر شنو بيصير مناااااااك
كملي حبوبه ناطرينج

 

[Miss.blue berry]

رد : حمد و ساره .... و هل العشق حرام ؟؟_____ روايتي الثالثه

يعطيج العافيه على البارت ~~
و الله يستر شبصير في السفر
ناطرين البار الياي ~

 

[معاناة قلبي]

رد : حمد و ساره .... و هل العشق حرام ؟؟_____ روايتي الثالثه

يعطيج العافية
والله يستر شبيصير بشرم
بانتظار البارت الياي

 

[الحلوه اوصلت]

تسلمييييييييييييييييين على البارت كملي