حمد و ساره .... و هل العشق حرام ؟؟_____ روايتي الثالثه

[ام هديل 87]

نبي بارت نبي بارت
عليج ضريبة لازم اليوم تنزلين بارتين
لا يوقف لا يوقف لا يوقف

 

[FinDi]

كملي حبووووووووووووبة

 

[دلووول الكويت]

طولتي علينا !

 

[الحلوه اوصلت]

يالله نبي باااااااااااااااااااااااااااااااااااارت

 

[Tom ♥ Jerry]

>


nby part please

 

[حبيبه امي]

نبي بااااااااارت

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه

السلام عليكم والله مفتشله منكم .... بنتي يومين مريضه ... و مع خبصة القرقيعان مو قادره افضى كلش ... حتى الي كتبته شويه حييييييييل
بحاول انشالله اليوم اكمل البارت و انزله ... ادعوا لبنتي يومين مسخنه و بس تبجيييييييييييييييييي و صراخ و ما اقدر اخليها والله ... اعذروني حبايبي و حقكم علي حتى الحين ماسكتها و اطبع ... اذا نامت بكتب انشالله و مستحيه منكم حييييييييييييييييييييييييل

 

[so_what]

ما تشوف شر ان شاء الله سلامات

 

[سارة ة]

سسلامااات

 

[Tom ♥ Jerry]

.


سلآمآت حيآتي ..
مآ تشوفون شر !

مآ نآمت بنتج ؟
فديتهآ و الله =$

 

[بنوت كيوت 77]

سلامات عساه ماتشوفه ثاني يا رب
وخذي راحتك ونستناك

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه

قاعده اكتب والله .... انشالله شوي و انزله و سامحوني عل قصور

 

[معاناة قلبي]

رد : حمد و ساره .... و هل العشق حرام ؟؟_____ روايتي الثالثه

حبيبتي متى تحطين البارت ؟

 

[بنوت كيوت 77]

نستناك خذي راحتك واذا تعبانة خليها بكراوروحي نامي=بتتكفخ ههههه

 

[دااانوه]

القصه حلوه للحين و ساره انسانه برييييئه مرررره و ماششافت شي من الدنيا مسكينه


انا اخترت هالقصه من قصص كثييييير بس يوم شفت ان عروس الدنيا اللي كاتبتها :d

أكيييد بتكون حلوه دام انتي كاتبتها لاني قريت لك قصه جمانه و اعجبتني مررره



الله يعينك يارب و يشافي بنتك و يخليها لك

نااااطرينك حبيبتي

 

[عروس الدنيا]

رد : حمد و ساره .... و هل العشق حرام ؟؟_____ روايتي الثالثه

الجزء التاسع





حمد استغرب ... من وين يابت ساره هل قوه
ساره الحنونه الضعيفه الي مثل النسمه .. ساره الي ما تعرف شي بهذي الدنيا ... ساره الي من اكلمها بموضوع تقول مادري و ما اعرف و اخاف ؟؟
اشصار ؟؟؟ شلون جذي تهدني و تطلع .. شلون تغيرت ... و شلون التغير بشكلها غير شخصيتها بعد ؟؟خذا موبايله و دز لها مسج ( مو هذي ساره الي حبيتها !!! )
ردت عليه : ( صح هذي ساره الي غثيتها !!!)
استغرب حمد اكثر منها
وين ساره الي عرفتها ؟؟ شلون عطاها قلبها تهدني و تطلع و اشهل كلام الي تقوله لي ؟؟ بشنو غثيتها انا ؟؟ انا مداريها و احبها و لا ارضى احد يقول عنها كلمه

ساره ركبت سيارتها و اهي تبجي ... حست ان كلام حمد جرحها .. مسها من الداخل ..شنو سنعتج ليش انا ناقصه ؟؟ و لا عشان اهو ولد فلان و انا بنت عاديه ..ليش يحاول يجرحني و انا الي اداريه بماي عيني ؟؟ ليش يحاول يبين لي ان اهو غير و انا غير ؟؟ ليش يحب يحسسني اني بنت عاديه و اهو من عايله هاي كلاس ؟؟
انا كنت عايشه و البس و مستانسه بحياتي .. اهو كان يبيني جذي .. و الحين كل يومين طالع لي بسالفه .. انا كنت راضيه و مو ناقصني شي و عمره اللبس و الشكل ما كان يشكل اهميه بالنسبه لي
اذا اهو يغار لي هل درجه ليش ما خلاني مثل ما انا و خلاص !! ما كان راح يتعرض لهذي المشاكل كلها .و لا كنت بسمع كلمه تغثني كل يومين ... تعبت .. هل تغير يه بنتيجه عكسيه على علاقتنا و ما فادنا بشي


اما حمد الي كان مصدوم رجع البيت و قفل باب غرفته و حط راسه و نام بهدومه نفسها و ما طلع من غرفته الا ثاني يوم للدوام

و بالدوام
حمد كان عادي .. دخل و قال صباح الخير ردت ساره عليه صباح النور استاذ حمد
كانوا جنه مدير و موضفه بدون اي علاقه
و هل شي حرق حمد اكثر و اكثر .. شلون ساره مو مهتمه لزعله ؟؟ و شلون عادي عندها يتمون جذي ما يكلمون بعض
اما ساره الي خلقه البرود فيها و باين على ملامحها كانت عاديه جدا ... و لا كأن في شي استجد على علاقتهم
تدخل له مكتبه بالاوراق المطلوبه و تكلمه ضمن نطاق العمل و بس ..
خلص الدوام و كلن تيسر على بيته .


ساره بدت تحس انها فاقده حمد حيل ... كان مالي عليها حياتها الروتينيه .. اهو الملح الي بحياتها .. و من غيرها يومها ممل
اما حمد كانت النار تاكله بكل ساعه تمر ... كل شوي يجيك على موبايله بيشوف مافي مسج او مس كول من ساره
و يحترق اكثر لم ما يلقى الي يبيه .. و لم ما يشوف رقمها بموبايله

مرت عليهم 3 ايام بلياليها ... و صلوا لمرحله كل واحد فيهم عينه على موبايله على طول .. عيونهم بدت تتكلم
و اهم الاثنين يكابرون .. لين رابع يوم بالدوام

دخلت ساره المكتب و كعادتها ساره طلتها بهيه و جمالها ساحر .. حمد شافها قام من مكانه .. خلاص ما عاد فيه صبر يبعد عنها ... و لا قادر يشوفها و يعاملها مثل الغريبه .. هذي ساره حبيبة قلبه ... هذي القريبه منه شلون جذي تصير بعيده عنه
و سيده عل باب و قفله
ساره لفت ويها باستغراب ليش قفل الباب قامت تقول بقلبها ؟؟ ... حمد قال لها : ساره تعبت
ساره و من غير تفكير قالت له : انا اكثر

و راح لي عندها و لمها حيييييييييييييييل .. و كانت اول مره يلم فيها ساره.. حمد كان وده يدخل ساره داخل بقلبه ... يحطها بمكانها الي دايم اهي فيه ... كان وده يردها لداخل لداخل عشان لا تطلع مره ثانيه من قلبه ... عشان لا يتزاعلون و تبعد عنه
هذي ساره حبيبته ... ما يقدر يبعد عنها .. شلون 4 ايام ما يسمع سوالفها .. و لا يكلمها و لا يشوفها غير بالدوام ...
حمد لمها و الود وده يدمج قلبها بقلبه عشان لا تعود تفترق عنه
و لان صار لهم 3 ايام ما يكلمون بعض .. ساره ما حست ان هذا شي يديد او شي غير قاعد يصير لها لان هذي كانت اول مره يلم فيها حمد ساره بس اهي مسكته حيل حيل حيل و صارت دموعها تنزل مو مصدقه ان اخيرا حمد خطى بخطوه تكسر الجدار الي صار بينهم .

حمد : ما تدرين اشكثر مشتاق لج !!
ساره : والله انا اكثر... انا ميته و اكلمك
حمد : انزين ليش الدموع الحين يا قلبي
ساره : انا اسفه يا حمد زعلتك و الله العضيم اني مو قاصده و صالح هذا ما يسوى ظفرك عندي بس انت تعرفني يا حمد ما اعرف اتصرف بهل امور بس والله العظيم ما بنيتي شي ... صدقني
حمد : مصدقج يا عمري مصدقج .. و انا اذا احتريت فمن طيبتج الزايده مابي صالح و اشكاله يستغلونج انا عارف انتي شنو ... بس صالح ابليس الله يكفانا شره
ساره : خلاص صدقني اذا دق بعد ما راح ارد .. بس مشكلتي ما سيفت رقمه
حمد : ما يحتاي .. لا تردين على الارقام الغريبه .. منو بيدق عليج يعني
ساره : اي صح صاج ... محد يعرف رقمي اصلا

و كانت ساره بعدها بحضن حمد لم سمعوا احد يطق الباب
ساره لا اراديا دزت حمد ..
حمد : اشفيج اشفيج عادي يبه طنشي
ساره : شطنش اشبيقولون
حمد :يولوون زين .. شكو يطقون الباب .. مافي سكريتيره .. خلاص نطروا
شوي و راح الي يطق الباب .. و بطل حمد الباب و طلعت ساره و الويه احمر من الحيا

البنات صاروا يتساسرون و يخزون بعض
سهيله تكلم البنات بالسر : مستحيل ... هذي اشعرفها بهل سوالف
وحده من البنات : يبه تعدلت مو ساره الاوليه .. سكتي بس سكتي لا تنوقل حجينا بعد
سهيله : وي غبراا ... يعني بتصير سوسه بينا
وحده من البنات : مادري .. شكلها جذي ... نطري و بنشوف مع الايام بس سكتي جدامها

مرت الايام حلوه على حمد وساره خصوصا بعد الزعل صار كل واحد يداري الثاني و يخاف على زعله و كل واحد فيهم حس ما يقدر يبعد عن الثاني يوم

و بعد اسبوع بالضبط ... ساره و حمد خلص دوامهم .. و اتفقوا ان يروحون يتغدون بسلايدر
ساره نزلت من الدوام و راحت بتركب سيارتها ..

و ركبت و لا تشوف واحد يطق عليها الجام .. لفت و توقعت بيكون حمد و مستغربه شلون حمد بيكلمها اهني بمواقف الدوام
يوم تلف و اهي تنزل الجام بنفس اللحظه
و لا صالح
ساره بسرعه مر ببالها حمد اذا شافها بهل موقف اشبيصير

ساره : لو سمحت اخ صالح مابيني و بينك شي وخر بحرك سيارتي
صالح : افا هل كثر ادق عليج ليش ما تردين!!
ساره : مابيني و بينك مواضيع
صالح : مو قلت لج بدق عليج بعد جم يوم لين تفكرين ؟
ساره : و انا اقولك مابيني و بينك شي ارجوك وخر بمشي لا تسويلي سوالف بالدوام
صالح : اشسوالفه ؟؟ ليش شمسوي واقف عند السياره انا مو قاعد بحضنج
ساره : لو سمحت كافي اشهل كلام ؟؟
صالح : و انا صاج .. الحين انا ادق عليج هل كثر و مت عشان احصلج و اقولج بخطبج و ابيج و تقولين لي كافي و اش هل كلام ؟؟
ساره : انا ما اعرفك و لا انت تعرفني و لا اعتقد فكرة ارتباطنا فكره صح .. خلاص اعتقد وصلك ردي و لو سمحت وخر بحرك
ساره كان قلبها يرقع و كل شوي تشوف بالمنظره خايفه يشوفها حمد ما صدقت تراضت اهي معاه و مرت عليهم ايام حلوه

الي خايفه منه ساره صار ..مر حمد و شاف المنظر و ما قدر يمسك نفسه خصوصا بعد ما عرف انه صالح مو ناوي يفج عن ساره

راح عندهم و سفط و نزل الجام

حمد : خير صالح في شي ؟
صالح : لا سلامتك مافي
حمد : ليش واقف اهني و تكلم الاخت
و ساره ويها يقلب الوان و مو عارفه شتقول
و حبت تسمع حمد انها مو قادره تتحرك
ساره : اخ صالح لو سمحت وخر بحرك سيارتي

حمد : صالح اظن سمعتها ... و بعدين اهني مجال عمل مو مكان للاشياء الشخصيه
صالح : خلص وقت الدوام
حمد : ولوا .. بعدها ما طلعت من الوزاره
صالح : شلون يعني الحقها لي بره عشان ترتاح
حمد عصب من نبرة صالح بالكلام معاه و طريقته و نزل له
و بصوت حاد حمد: انت شلون تكلمني جذي
صالح : شلون تبيني اكلمك !! حضرتك ؟؟ لا تكون مفكرني موظف عندك
حمد : احترم نفسك و حرك من اهني لا اناديلك السكيوريتي
ساره بدت تخاف ان الكلام بينهم يوصل لهوشه كبيره

ساره : حمد هد اعصابك الحين بيمشي
صالح : لا ماني ماشي ... اخاف حسبالج خفت منه و لا من السكيوريتي ملوته
حمد : ا نت و بعدين وياك ... حرك يالله لا تسويلنا سوالف بالدوام
صالح : و انت شكو .. روح الله وياك عشان لا اسويلك سوالف
حمد : انا شكو اعلمك انا شكو و بصرااااااااااااخ مد ايده على تي شيرت صالح و زخه و صاروا الاثنين يتشابكون بالايد
ساره صارت تبجي و تصارخ تنادي السكيورتي ..
التموا موضفين وايد يفاججونهم .. لان الوقت كان وقت طلعة الموظفين

و جم وحده من البنات الي مع ساره بالقسم هم نزلوا يشوفون شالسالفه
و صاروا يفاججونهم
حمد : انا اعلمك يالخايس
صالح : تاكل تبن انت تعلمني و مالك شغل انت
حمد : اذلف بره اذلف لا ارفع عليك قضيه
صالح : تاكل تبن ... جرب و شوف .. بشوف انا و لا انت.. و الي براسي بسويه غصبا عنك و بالمكان الي يعجبني و انت مالك شغل فهمت
و سحبوه السكيورتي و ركبوه سيارته و طلع بره
و ساره الي كانت بنص هدومها .. لان الكل درا ان لها يد بالهوشه
و صاروا يتناقلون الكلام بالوزاره
ركبت سيارتها و دموعها اربع اربع
و حمد كان موصل حده
دق عليها و قالها روحي مواقف سوق شرق الحين
ساره : مو وقته حمد كلش مالي خلق و اهي تشاهق من البجي
حمد : ساره قلت لج روحي الحين المواقف لا تطلعيني من طوري
ساره : مو وقته يا حمد اقولك خلها وقت ثاني
حمد : روحي مابي اقعد وياج .. بكلمج عن الي صار و عن صلوح الكلب بس
ساره : انشالله .. كاني رايحه

راحت ساره و ما كانت قادره توقف بجي ... مستحيه من الي صار و من الكلام الي بيطلع عليها الحين

ركب حمد و كان معصب و مفور حده ... بس شاف ان عيونها حمررر و خشمهااحمررررررر ما قدر يعصب عليها كسرت خاطره بطريقتها الي تبجي فيها ...
حمد : اشفيج اشفيج !! ليش كل هذا ؟؟
ساره : كل هذا بسببي .. تهاوشتوا و كنتوا تذابحون و خفت تروح فيها
حمد : من صجج هل خايس يقدر يسوي فيني شي
ساره : الوضع كله كان غلط .. و بعدين صارت فضيحه و الكل درى
حمد : و اشدراهم انج ويانا بالسالفه ..
ساره :حمد يعني انا الي ناديت السكيورتي و سمعوني الموضفين و يو يشوفون شالسالفه
حمد : انزين ليش قاعد تبجين بس خلاص ... هل صالح انا اعرف شلون اوقفه عند حده
ساره : حمد و لي يعافيك مو ناقصين سوالف خله يولي
حمد : ما يفيد وياه .. مو راضي يفج
ساره : لا يفج .. عمره ما بيحصل شي مني
حمد : كثر الدق يفج اللحام
ساره : شنو يعني خايف اني اعطيه ويه بيوم من الايام
حمد : لأ بس ما احب تصرفاته و لازم اوقفه عند حده
ساره : بس شيله من بالك الله يخليك
حمد : انزين بس ليش قاعد تبجين جذي ... بس خلاص
ساره : مستحيه مو عارفه شلون بطل بويوه الموضفات باجر .. انا واقفه و اشوفهم يتناغزون علي
حمد : اشدراهم يعني اشصاير
ساره : لا تخاف عليهم .. يدرون عن كل شي بالوزاره ... انا واقفه و اسمع الحجي
حمد : وليين الحين يعني ليش تهتمين لهم
ساره : حمد شنو ليش تهتمين لهم .. انا بنت و البنت سمعه و شنو عندي غير سمعتي .. ليش اصير علج بحلوجهم
حمد : ساره لا تحاتيين انا بفكر لج بحل بس الله يخليج وقفي بجي قطعتي قلبي ..
ساره : مو قادره والله قلبي معورني من الي صار .
حمد : اخلييج الحين تروحين البيت .. ريحي و اخذي دوش دافي و اكلي و تالي نامي و بعدين كلميني و صدقيني ما بيصير الا الي يريحج
ساره : انشالله
حمد : ديري بالج من الطريج لا تبجبجين و اول ما توصلين البيت دقي طنيني
ساره : انشالله
حمد : يلا باي
ساره : باي

 

[بنوت كيوت 77]

البارت يجنن روعة
فديتك عروس والله
بس بسالك متى البارت الجاي

 

[عروس الدنيا]

رد : رد: حمد و ساره .... و هل العشق حرام ؟؟_____ روايتي الثالثه

البارت يجنن روعة
فديتك عروس والله
بس بسالك متى البارت الجاي

لووول حبيبتي و الله العضيم هل يومين حوسه عندي ... انا الله يسلمكم توني مغيره شقتي كلها ...و عندي بيبيه صغيره الله يخليها لي .. توه عمرها 4 اشهر ..و فوق هذا حوسة اليهال :dfgl:
فما عندي وقت .. بس اخلص من القرقيعان افضى شوي انشالله و صدقيني اذا صار عندي وقت ركض عل لابتوب و انشالله تنزل الاجزاء يوميا ... ما احب انطركم:lkmnkl:

 

[بنوت كيوت 77]

لا عادي خذي رحتك وانا راح استناك حتى لو بعد سنه هههههههه

 

[برشلونيه q8]

ااااااامبي الباااارت حددددددده عجيب

تسلم ايدينج الحلوه

مو صج هالصاالح لوع جبدي خليفج اوووف قطيعه لزقه لزقه مو من صجه وييع البنت ما تبي

بس و الله حمد رياااال فديته و الله عجييبه الرجوله كلها فيه اخيييييه بس

و سااره بعد عمري و الله حياتي فديتها و الله تعبت مسكينه

انا مو لو سنه انا لو شهر << ما اقدر اصبر : \\

تسلم ايدج عالبارت و مشكوره

و بوسيلنا الصغيره و الله يقوم بنتج بالسلامه عشان القرقيعان حياتي و الله فديتها