حماي هدددم بيتي ونهى كل شي......يامغيث أغثني يامغيث أغثني

[سنااااي]

صاحبت الموضوع طمنينا عليج بموضوع....الله يفرج همج

 

[بنت عطا]

صج بايعتها تراددين زوجج قدام اخوه والله عيب واصلا عيب تردين على حماج لو شنو قايل المفروض طلعتي بكرامتج ماله داعي اللي صار مايبيج مايشوف شر مساله تقفلين عليهم الباب قويه صراحتن

 

[منورة الكويتية]

الله يفرج همج
فعلا موقف لاتحسدين عليه
وحماج شيبي ليش داش بينج و بين ريلج

 

[مناي]

انا اقرى وماسكه دموعي غصب وحاسه فيج لانه انا حمواتي ماقصروا فيني وايد كانوا يشيشون ريلي علي بس ريلي ماكان يعطيهم اذنه بس صج غثوني بحياتي الله يفرجها عليج

 

[رفيف الورد]

dectora 7elwa حبيبتي حياج العين دارج والقلب راحتج

ربي يحفظج ويخليج لأهلج يا غلاتي

آمييييييييييين يا رب العالمين

من حزب الطماشه

 

[الوش 2011]

الله يهديه لج ويصلح مابينكم

 

[ba6bo6a1]

bashry enshala el awtha3 t9ala7at

 

[أعشقه]

والله طلعتي اخت رجال ..
ماشاء الله عليك عرفتي شلون تتصرفين وعطتيه درس ماينساه طول عمره
فرط فيك وعطا اذنه لخوه .. ع باله بنات الناس لعبه ولا بتخافين منهم
والله ودي اصفق لك ع الي سويتيه ..
الله يهدي سركم ويريح بالك ويهدي زوجك .. الله يعينك ويييسر امورك

 

[HUDA2010]

الله يصلح حالكم ياارب

 

[mizyana]

حسبي الله على حماج

 

[dectora 7elwa]

طمنينا
امس الجمعه
ما غبتي عن بلي بس ادعيلج قبل المغرب

 

[مزاجي بمخباتي]

كتبت شصار بالتفصيل وانمسح
إن شاء الله أرد أعيد

 

[حلا قطر]

فديت قلبج الله يفرج عليج يارب

 

[@!@شموخي@!@]

الله يفرج لك ان شاء الله

 

[خفايا البحر]

حسبي ياالله ونعم الوكيل

الله يريح بالج ويصير اللي بخاطرج

 

[مزاجي بمخباتي]

حبيباتي آسفه عالتأخير صاااااارت أحداااث واايد
الإسبوع إللي طاف قتلكم خالتي دقت علي وبعدين يتني طبعا يايه بروحها اول ماشافتني تبوس وترحب بس حسيتها مو معاي ويهه اصفر وتفكيرها مشتت
ولا اقولها خالتي شفيج ولا تقولي صج إلي سمعته وتقول كل اللي عندها استغربت شدراها معقوله عمي قايل هالتفاصيل كلها بس شدراها باللي قبل لا ايي عمي اكيد زوجي او حماي بس لهم ويه
المهم قتلها شدراج قالت لي سمعت حماي ومرته بالصدفه تقول قاعد اصلي بالصاله الثانيه وسلمت وقعدت ادعي واسبح وهذيل اظاهر ماانتبهوا ومرته تقوله لاتخاف ماراح يصير باخوك شي ومدامه جذي ليش طاعك مالت عليه وبعدين المفروض يتطلقون عقب هالسوالف شلون بيجابلون بعض ، تقول خالتي انا مخي شت وصرت ماادري شقول استغفرالله واقول اي جنه فيهم واي ولد توهم ةلهم زايرين ماعدا انتي وقالولي تتنسى بريلها ، قتلها خاالتي منو اللي تتنسى انا مو حااامل اظاهر قالولج جذي لان يدرون السالفه مطوله وعشان يسكتونج وماتسئلين مره ثانيه ، تقول اظاهر بس كلمت عمج وقال ان ريلج مايبي السالفه تكبر ويدرون فيها الباجي تقول سكت وعصبت وقلت شدعوه انا امه وامها ، تقول خالتي نفس اليوم بليل داقه اختي تقول استغربت ماتدق الا المغرب او الظهر ولا العصر بس بليل قلت ياساتر ولا تقولي جنايني وبناتي توهم طالعين ومتعشين عندي وقعدت على اعصابي انطرهم يطلعون عشان ادق واتأكد تقول خالتي خفت من شنو تتأكدين تقول الله يسلمج جنتي اللي رفيجة جنتج مرت فلان قصدها حماي حسبي الله عليه تقول قاعده هذيج وقايله كل التفاصيل حق بيت خالة ريلي عاد خالتي قالت لي ريحي بالج وماراح يصير الا اللي فيه الخير ومالج شغل بأحد، بنااااااااات انقهرررررت حيييل ماتوقعت جذي وكل من يدق حرام لاتتطلقون وثلاث يبون الشاره داقين شتسوين شوفي نصيبج واهوه يشوف نصيبهسكرت تلفوني ونفسيتي تعبت وابوي تأزم ويسب ويلعن وأخوي يهدي والوضع تكهرب فبيت اهلي ، وعقبها يا ريلي وخالتي وعمي وقعدنا 4 ساعات من النقاش الحاد وشوي شوي لما هدا الوضع وصارت اشياء وايد وكلام اول مره اسمعه فهالاربع ساعات *

 

[مزاجي بمخباتي]

بنااات مشكورين كل وحده تابعت وردت واسمعت وماجرحتني ودعت
الله يفرجها عليكم وييسر اموركم
لي عوده اشرح فيها شصار معاهم وشلون انجبرت اقعد مع ريلي واسمعه

 

[مزاجي بمخباتي]

دكتوووره مشكوووره قلبي
الله يوفقج ويسهلج دربج ويحبب خلقه فيج ويسدد خطاج
آمييين ياررررررررررب

 

[dectora 7elwa]

الحمدلله
الله يطمن قلبي عليج
من فتره لفتره ارد عالموضوع اشوف انرفع ولا لا
وما حبيت اضغط عليج بالخاص
عسا امورج احسن
والله يطمناعليج

 

[ام القمرالمطيري]

ردي لزوجج اذا بيردج
ولاتخلين حماج يفرح
هوو شكله زوجج احرجه حماج وحب زوجج انه يبين ان اخوتهم اهم وان ماتفرقهم مره ولا همته هالمره
يعني مهايط رياجيل
والدليل لما جا عمج وابووه انهار زوجج
دليل انه ماكان بوعيه ولا فكر عدل
وحماج اكيد بعد هالموقف بيتأدب
فردي لبيت مايسوى تتطلقين وتشردين بنتج عشان واحد ثالث
يعني الموضوع مو بينكم
عشان اخووه تتطلقين
ينخرب بيتج وكل احلامج تتلاشى عشان واحد طرف ثالث ماله شغل ببيتكم
الناس تتطلق لخلافات شخصيه لخيانات يعني شي بين الزوج وزوجته
مو عشان الحما ولا الاخوو
وفكري ببنتج
وعطيه فرصه اخيره يمكن يبطل يسمع لاخووه
والله يهديه ويسخره لج ويحفظ لج بنتج