حماي هدددم بيتي ونهى كل شي......يامغيث أغثني يامغيث أغثني

[جروح ودموع]

مبين عليج انسانه عاجله وحكيمه زين سويتي لما قفلتي الباب عشان حقج ما يضيع والحين زوجج تأدب وحسبي الله على حماج الله لا يوفجه خراب البيوت وان شالله تيسر امورج وينفرج همج آآآآآآآآآآميييييين

 

[مزاجي بمخباتي]

اختي لو حاطه الجاي وقلتي مشكور جزاك الله خير وطلعتي وسكتي جان ماصار كل هدا
انتي وعيالج الخسرانين ماتسوى فضايح وطلاق
السفيه تسفهينه
يمكن كلامي مايعجبج بس هدا رايي

ياحياتي مرورج يشرفني وأنا ماحطيت الموضوع إلا عشان أسمع رايكم مو الكلام اللي ودي أسمعه وصدقينه يمكن لوانا قاريه الموضوووع جان رايي من رايج بس والله والله والله الموقف كان صععععب علي ومخي شت وطلعت من طوري وكل هذا يا من تراكمات والله لوكلمة ( لو ) تفيد جان رجعت حياتي من الصفر معاه وبديت من يده ويديد وتداركت أخطاء بس كلمة ( لو ) ماتنفع غير انها تفتح عليج ابواب الشيطان:bbbiu::denya::denya::denya::denya:

 

[الرشوف]

حسبي الله و نعم الوكيل

 

[LuLiTa]

بصراحه اللي سويتيه عين العقل ,,, الحين حماج و ريلج اثنينهم ينقرصووون ,,,, و الله يفرجها عنج ,,,

 

[خوختي دنيتي]

قولي امين ربي ياخذ حقج من حماج عسى ربي يبرد جبدج فيه وزين سويتي ونصيحتي لاتخضعين وحطي شروط ان رضى فيها حياه الله وان مارضى قولي له حافظك ربي

 

[لغه عربيه]

شــــــــــــــــــــــــــــــــــي يقهر

 

[زيزي السعودية]

لا حول ولاقوة الا باالله الله يعينك اختي ويفرجها عليك

 

[دلووووعة نجد]

انتي استغفري و تصدقي و اقري قران اقل شيء عشان نفسيتس
يا بعد عمري قطعتي قلبي

 

[مناته]

قوليلنا شروطج
وشصار معاج
ان شاء الله كل خير

 

[هدوء]

الله يعينج ويفرج همج ان شاء الله

 

[{الجارحه}]

هاه وش صار عليج شفتيه ولالا

عسى الله يسخره لج

ردي زوجج شكله يحبج وشاريج وهم عشان عيالج

 

[گـحِـلْ |~]

​

الله ييسر أمررج ويهديه ‏

 

[گـحِـلْ |~]

​

الله ييسر أمررج ويهديه ‏

 

[dectora 7elwa]

الله يطمنا عليج
وتبشرينا برده بيتج وفرحه بنيتج يارب
اما حماج ومرته لا تعليق

 

[pure.pearl]

الله يفرج همج يارب ويهديه الشباب يارب صج صاروا مثل الحريم خلاص يبا هونت مابي زواااااج الله يرحم امتنا وامة محمد
ياليت القيامة قامت ولا اريد اسمع هالاشياء

 

[مزاجي بمخباتي]

مشكورييين حبيباتي الله يحفظكم لعيون ترجيكم
طبعًا رحت شفته وكنت كاشخه على سنقت عشره عناااااد ورب الكعبه
طبعا اول مادخلت المكان طارت بوهته سلمت وقعدت ظل يطالعني وساكت وانا ساكته انطره يتكلم لما طول طلعت تلفوني وقمت افرفر فيه وهم ظل ساكت بنات انا خفت قلت ماادري شناوي عليه وعقبها تقريبا بفتره قتله خلاص بمشي قال ليش قلت قاعد اضيع وقتي وانت ماعندك شي مهم تقوله ، ولايقول الله أكبر إلحين صارت القعده معاي تضييع وقت بعد ماكنت تحنين علي وتبيني افضى عشان نقعد جذي، ولا اقوله اي والله كنت غبيه وماشوف عدل، وبعدين انت بعتني واذا يايبني عشان عيالك ماراح احرمك منهم واذا ياي بتتشرط اقولك اسفه ترااااني بياااعه( طبعًا انا كنت ارد جذي لاني ماابي يبين ان مشتاقه واحبه واغليه وابي نتعلم ونعدي ونبتدي من يديد)، قالي بس انا شاريج وابيج واحبج وانت تاج راسي وحبيبتي والله يسامح ويغفر انتي ماتسامحين،
طبعًا اهنيه عيوني غورقت قتله وين هالحب لما كنت ايي واحاول اتقرب منك وينه لما كنت تهيني وينه لما خليت ناس تتطاول علي وينه لما كنت تشوف الهم بعيوني وتزيد وينه لما بجيتني وكسرتني وينه لما نزلت راسي وخليت اللي يسوا واللي مايسوا يتكلم عني وييينه قول بس وينه حزتها... طبعًا اهوه سكت وانصدم جنه احد معطيه طراق وحسيته انحرج. ولا يقولي انا مو كفو ولاني كفو ماسويت جذي لما اقعد مع نفسي واذكر السوالف اللي سويتها اتحسف واخاف ماتحلليني واخاف اكثر كل ماافكر ان ممكن ينتهي كل مابيني وتضيعين مني ، وبعدين كل واحد طلع اللي فقلبه وطلع حماي الله لايبارك فيه اهوه ومرته مسوين شغله استغفرالله العلي العظيم مبينتني بالشينه وانا ياغافلين لكم الله، المهم مالي خلق اكتب سخافتهم المهم انه انكشف كل شي ، ألحين حبيباتي حطيت شروطي كالآتي ووافق عليها ( وبيني وبينكم خفت مايوافق عليها وانكسر بس الحمدلله وافق واهوه يضحك على اول شرط لان استغربه)
حبيباتي انا بقول شروطي وادري شوي امسختها بس هم ادري ان ريلي يقدر وحمدلله عنده خير من الله ، وصدقوني انا عن نفسي ماابي شي بس لازم اكسره شوي عشان يعرف ويرد اعتباري شروطي اهيه :
١) يسويلي عشا على رجعتي وينادي اهلي واهله خواته وحريمهم وبيت خالته اللي اعرفوا بالسالفه عشاااان اكسر عين كل من تكلم عني وقالوا مايبيها وموبس جذي قتله هالعشى يكون بفندق فبيحجزلي فندق موفمبك البدع صالتهم صغيره وحلوه وحياااتكم بكيييد العذال وخالتي ام ريلي مستانسه تقول زين سويتي خووش شرط يحليلها ضحكتني.
٢) في شبكه الماس بخاطري فيها مرمر بالنص فقتله ابيها.
٣) اهوه قال ابي نسافر نغير جو قتله مالا داعي واهوه لزم يقول نفسيته تعبت هالشهرين فبيحجز اسبوع جزر المالديف الصرااحه سامعه فيها ماادري شنو هذي وبنروح بروحنا
وبس سلاااامتكم قتله ماراح ارد الا بشروطي واهوه صاير يدق ويتحرش وطبعًا انا طاقه الثقل وباقات الورد والدنيا واخواني يضغطوني يقولون شتبين حصلتيلج ملجه مره ٢
وعمي مر ابوي وتشكره وعزمه اهوه وعمي واخواني يرقع موقف حماي
بنااات الله يفرجها لكم مثل مادعيتولي وفرجها
والله نصايحكم ذهب قراية القرآن وسورة البقره والالحاح بالدعاء وقيام الليل
مشكوووووووووووورييييييييييين الله لايشوفكم ماشفت
والحمدلله يارب على كل حال
وعقبها اتفقت معاه على شروط معي

 

[مناته]

يمكن هذا رايي بس ليتج ما شرطتي العشا
وشلج تفتحين عيون الناس عليج وتقردين روحج
اهم شي ارقي نفسك
كنت اتمني شروطج تكون عن حياتكم
يعني انه مايدخل احد
وانه يدافع عنج وهالكلام
المهم الله يدوم عليج راحت البال
وييسر لج امورج

 

[مزاجي بمخباتي]

يمكن هذا رايي بس ليتج ما شرطتي العشا
وشلج تفتحين عيون الناس عليج وتقردين روحج
اهم شي ارقي نفسك
كنت اتمني شروطج تكون عن حياتكم
يعني انه مايدخل احد
وانه يدافع عنج وهالكلام
المهم الله يدوم عليج راحت البال
وييسر لج امورج

تصدقين حتى انا قلت وترددت عقبها حسيت بقمته خفت من العين شرايج اهون؟
وبالنسبه عن شروط ال2 خلصنا منها الحمدلله وانفقنا

 

[no0o0r3]

والله عورتي قلبي وحسبي الله على حماج هذا شيطان مو حمي

 

[كارلوفي فاري]

موقفكم الحمدالله زين وعمج ماشاء الله بيضها وعل وعسى يكون درس لزوجج انا برايي انج تنتهزين الفرصه انج تطلعيين بيتج بروحج علشان تبتعدون عن ساس البلى ومنها تفتحين صفحة جديده مع زوجج واتوقع انه انسب حل علشان ترجعين بكرامتج
وان شالله ربج بيعدلها والله يسر امرج