حلولي لمشكلة الامساك مع الصور

[@ الرسامة @]

السلام عليكم ورحمة الله وبركاته


من بديت الرجيم وضعفت وانا مشكلتي الامساك
من غير مبالغة ما اروح الحمام تكرمون بالخمس ايام والست ايام الا مرة
قمت امشي واسال الناس

شنو الحل ؟؟؟؟

لين لقيت احسن واحلى حل







الحل اهو



اول ماتقعدين من النوم
قلاص كبير ماي دافي ( من الفلتر )
شربيه كله

وبعد ساعة الا ربع تريقي



والله من غير مبالغة انج بعد الريوق بعشر دقايق بتروحون الحمام عزكم الله


---------------------------


الطريقة الثانية

هذي تنفع لتنظيف البطن من السموم بس بشرط انكم تشربونها مرة وحدة بالشهر او مرتين ولازم ماتطلعون من البيت من كثر ما اهي قوية ( تنفع السمينات ) لانها مسهلة


ملعقة ( عشرج ) + ملعقة ( كراوية ) + ملعقة كبيرة من ( بذرة الكتان )

حطيهم بقلاص وصبي فوقهم ماي حار وغطيه وبعدها بساعة شخليه وشربيه

على فكرة الاعشاب موجودة عند العطار او الحواج وبذرة الكتان بالجمعية
لاحظو انه بعد ماتشربون الخلطة راح يحوشكم اسهال

صورة العشرج

صورة الكراوية

صورة بذرة الكتان

والشغلة هذي وايد زينة لانها تنظف الامعاء من السموم اللي بجسمكم وخصوصا اللي فيهم امساك




حقوق الحفظ محفوظة لل @ الرسامة @



وشكرا

 

[xxx]

 

[أحلى الجياكر]

مشكورة الرسامة ..ما قصرتى ..خوش موضوع ....

 

[Yasmin]

مشكوره يا الرسامه على الافاده

 

[@ الرسامة @]

الله يعافيكم وما قصرتو

بنت الكويت خوش تشجيع ههههههههههه اخجلتيني

 

[زيـنـه]

يعطيج العافيه .. و مبروك نزول الوزن

 

[@ الرسامة @]

الله يبارك فيج زينة

 

[نسكافيه بالحليب]

مشكووووووووووووورة بعد عمري عالموضوع المفيد وجزاج الله كل خير
وفعلا الامساك مشكلتي المزمنة وبجرب الطريقة الأولى لأن الطريقة الثانية مجربتها من قبل بس تسبب مغض شوي
وبسألج العشرج اهو نفسه السنا مكي ؟

 

[hada]

ماتشوفين شر
اختي غيري نظامج الغذائي
دخلي الخضار والفاكهه ((يوميا))((وللأبد)) بأكلج مثل تفاحه او تمر عالريوق.. سلطه عالغدا.. وجذي ...
شربي ماي يوميا حتا لو عطشانه
لان الاستخدام المزمن للمسهلات للعشرج وغيرة وحتا المسهلات الطبيه اذا استخدمتيها بشكل مزمن مو زين لانها تمتص الفيتامينات والمعادن المهمه من الجسم وتطلع مع الخروج الله يعزج

 

[الغنادير]

جزاك الله خير
موضووع قيم بارك الله فيج



​

 

[زمان الصمت]

تسلمين حبوووبه

خوووووش موضووووووع لأن الإمساك فعلا مشكله عوووويصه

 

[شاهة]

مشكورة علي الافادة

 

[ii DareeN ii]

تسلمين الرسامه على الموضوع الحلو :eh_s(17):

 

[@ الرسامة @]

ياهلا فيكم

بالنسبة للعشرج اتوقع انه اسمه السنامكي

وبالنسبة للاخت اللي قالت انه العشرج موزين تربينه على طول اختي انا وضحت انه تشرب الخلطة هذي مرة بالشهر علشان تنظف الامعاء من السموم

 

[رفرف]

مشكورة رسامة وانا جربت طريقة الماي لأن معاي امساك مزمن بس قمت اشرب 3 او 4 قلاصات صج روووووووووووعة

 

[@ الرسامة @]

هلا والله برفرف

بس انا ابيج تشربين قلاص ماي دافي على الريج وشوفي الفرق

 

[miss5]

شاكرتلج

 

[kankona]

مشكورة حبيبتي و شكلي بجرب الماي على الريج

 

[@ الرسامة @]

حياكم الله وماتشوفون شر

 

[الماسة22]

يعطيج العافية على المعلومات المغيدة