حطوا مكانكم مكاني شتسوون ؟ لاعت جبدي والله

[dehen-3ood]

مشكورين كل الي ردوا علي00

بقولكم شصار معاي00

قلت لكم انه ابوي يه واخذني بيتنا تدرون زوجي شسوى لما رد من الدوام وما لقاني؟
يه بيتنا وامي طلعت له قالها انه يبيني امي قالت له استريح خلنا نتفاهم
ابوي كان توه طالع دقيت عليه على طول رجع

تخيلوا يا بنات ابوي قاعد يكلمه واهو رفع صوته على ابوي
ابوي تنرفز ريال شكبره هذا يصارخ عليه
ابوي هم عله صوته 00

تدرون شيقول
ياي يقول ابي بنتي تخيلوا بنتي عمرها شهرين ونص وترضع من صدري بياخذها يوديها حق امه
ابوي عصب من أسلوبه وقاله ما تاخذ البنت المهم اهو حذف الطاوله عالارض وطلع
بعد عشر دقايق جان يرد باس راس ابوي وقال بجوف بنتي
ابوي يابها حقه

جافها وراح

بعد فتره طرشلي مسج تدرون شنو؟؟؟

اذا باجر رديت من الدوام وما لقيتج انتي طالق00

صكت فيني الدنيا ما عرفت شسوي
اعرفه مينون يسويها
انا والله مو كاسر ظهري غير بنتي بس00

المهم دق عليه ابوي ويه وقعدنا مع بعض ورديت معاه
واخذني امس حق امه وتأسفت لها وردينا00

بس تدرون شنو قالي؟؟
قالي اهلج ما تروحين لهم الا بالاسبوع مره
رفيجات ما في روحه لهم تنسينهم
اختج ما ادش بيتي كلش
انا ساكنة يم بيت أهلي راح يطلعني من البيت ويسكني منطقه ثانيه00

ليش كل هذا؟

لما طرد ابوي ما بطلت حلجي بكلمه وليما اليوم ما تكلمت00

تخيلوا اهو دوامه شفتات احيانا يداوم ليل
وانا اخاف انام بروحي
نفس اليوم دوامه ليل ما رضى انام عندهم00

ما ادري شسوي مع هالريال00​

 

[Hello_kitty]

واي الله يعينج ريلج وايد عسر وماخذ الدنيا بالعصبيه والطوشه والعناد وما يحسب حساب تصرفاته وما عنده طوله بال وحسن التصرف

اذا انتي تبين تحافظين على بيتج ريلج ما ايي الا بالمسايس والهداوه واللين والكلمه الطيبه وانج دايما تكونين بشوره ما تحاولين كلش تجادلينه وتتحدينه وتحطين راسج براسه هالأسلوب ما ينفع مع ريلج ريلج يحب يبين قوته وشخصيته وان ريال البيت
والامر الناهي المطاع انتي خليه يعيش هالدور ولي غتي شي تعاليله بالدلال والدلع والمساحل وصدقيني تملكين قلبه وبيسويلج

اللي تبين لا تغرج عصبيته وتهديده ترى معروف ان العصبي حنون وقلبه ابيض وما ينخاف منه شفتي الأوامر اللي قالها لج

قولي ان شا الله وتم وعلى امرك وما يصير خاطرك الا طيب اهم شي رضاك حبيبي انت وريلي وتاج راسي وشوفيه بعد فتره بيطخ
وينسى كل هالشروط ويصير معاج احسن من اول
الله يسخرله لج ويحنن قلبه عليج ويهدي سركم يارب

 

[aldanaha]

انتي غلطانه مو كل شي ينحجى بالواتس اب
والرياييل اعقولهم صغيره سالفه تشيشهم وتقلبهم فوق تحت
وترا عيد الاضحى عيد مافي عيادي
وكلمتكم غلط
انزين قليتها امسيحها
حبيبتي الرياييل مو كل شي ينقال لهم
ومو اي احد يرضى على امه
حبيبتي الرياييل هدني اطيح امسكني اصيح
ولاعصبوا الرياييل كل شي يسوون
وشنو المستحى على العيديه
اسمحيلي انتي غلطانه
مو كل شي ينقال ومو كل شي ينكتب
والمره لازم تكون مفتحه
واتصالج بابوج غلط
الريال عصب وطقج
وانتي غلطانه
ومانكر انه غلط بطقه بس المشكله لافكرتي فيها مو حلوه بحق اهلج يتدخلون
لازم تلعبينها صح
لازم تكونون او تظهرين لريلج انج المره الزينه حتى لو كان فينا اعيوب وماتطلع منج الكلمه الشينه جدام احد
انتي مو نبيهه
عموما اخذيها كلمه بالحياه
مو اي كلمه تنقال ضد احد انتي جنه وجنه البيت محاسبه على ادنات الدون خلي الكلمه الزينه تطله مني اذا مو زينه ماتطلع كلمه شينه

 

[ريـاانه]

الله يهديه ويسخره لج ان شاء الله ..

 

[aldanaha]

شفيكم بنات وربي الرييل يموتون على السوالف اكثر من الحريم
شفيكم
وبعدين اذا على التلفون انا ماعندي مشكله ينبش تلفوني
لاتبوق لاتخاف
بس حاسبوا على كلامكم انا بطلت احش باحد بالوتس اب

 

[سديم القمر]

لاوالله قوليله انت خليتني اطرد ابوووي والحين عشان سوالف حريم تمد ايدك خليولي صج مايستحي يعني مايرضا على امه
حتى انتي ماترضين على ابوج

 

[Habibat Abooha]

شكو يفتش جوالج على الرايحه واليايه

مو يمكن عندج سوالف بينج وبين خواتج ماتبين احد يعرف فيها

اسمحيلي حبيبتي ريلج مايستحي

وقفيه عند حده لاتخلينه يتعلم يطقج

وتاخذ ايده عليج

يعل ايده للكسر

امبيه احتريت والله

 

[لميس نفسي]

ياحياتي انتي هونيها


ياما صارت نفس هالسوالف بالضبط


ورجعوا لبعض وردت المياه لمجاريها


انتي ان كلمج قولي ياحبيبي الغلط عليك من قالك تفتش تلفوني وانا قلت جذي ابي اطير العيون عني وكيفي وانتي مالك شغل بسوالفي



والله يسخره لج ويردكم لبعض

 

[Queenleo]

مشكورين كل الي ردوا علي00​

بقولكم شصار معاي00​

قلت لكم انه ابوي يه واخذني بيتنا تدرون زوجي شسوى لما رد من الدوام وما لقاني؟
يه بيتنا وامي طلعت له قالها انه يبيني امي قالت له استريح خلنا نتفاهم
ابوي كان توه طالع دقيت عليه على طول رجع​

تخيلوا يا بنات ابوي قاعد يكلمه واهو رفع صوته على ابوي
ابوي تنرفز ريال شكبره هذا يصارخ عليه
ابوي هم عله صوته 00​

تدرون شيقول
ياي يقول ابي بنتي تخيلوا بنتي عمرها شهرين ونص وترضع من صدري بياخذها يوديها حق امه
ابوي عصب من أسلوبه وقاله ما تاخذ البنت المهم اهو حذف الطاوله عالارض وطلع
بعد عشر دقايق جان يرد باس راس ابوي وقال بجوف بنتي
ابوي يابها حقه​

جافها وراح​

بعد فتره طرشلي مسج تدرون شنو؟؟؟​

اذا باجر رديت من الدوام وما لقيتج انتي طالق00​

صكت فيني الدنيا ما عرفت شسوي
اعرفه مينون يسويها
انا والله مو كاسر ظهري غير بنتي بس00​

المهم دق عليه ابوي ويه وقعدنا مع بعض ورديت معاه
واخذني امس حق امه وتأسفت لها وردينا00​

بس تدرون شنو قالي؟؟
قالي اهلج ما تروحين لهم الا بالاسبوع مره
رفيجات ما في روحه لهم تنسينهم
اختج ما ادش بيتي كلش
انا ساكنة يم بيت أهلي راح يطلعني من البيت ويسكني منطقه ثانيه00​

ليش كل هذا؟​

لما طرد ابوي ما بطلت حلجي بكلمه وليما اليوم ما تكلمت00​

تخيلوا اهو دوامه شفتات احيانا يداوم ليل
وانا اخاف انام بروحي
نفس اليوم دوامه ليل ما رضى انام عندهم00​

ما ادري شسوي مع هالريال00​

اوكي دام رديتي ليش تشتكين!!
اولا لوو ينقز ماياخذ البنت اذا انتي سنيه
لان الحضانه لاام
وواهوا اكيد عارف هاشليء بس يهدد

والي يهدد وويحذف الطاوله وومايحشم راعي البيت وعقبها يرد هذا مثل الي يقووو .... ميانبح الا عند باب البيت
بس بالصجيه يخق
كان الاولى من البدايه تفرضيين عليه يحترم اهلج
ووماااتستحمين انه يطرد ابووج
او يمنعج عنهم
الشده مطلوووبه ساعات مع هالنوعيه

بس دام رضيتي وورديتي فصبري ماقدر اقولج غير هالشيء

 

[ام كوثر2007]

دامج تعرفين طبعه جذى ليش ما تتحذرين من الكلام بالتلفون مع اهلج .. المفروض اتحذرين هذى امه

واكيد ما يرضي عليها ..


لا تلومينه علي ردت فعله ادري انها مو حلوه ولا توصل للطق .. بس انتي حاولي تتعذرين منه وربج كريم ويسخره ويهديه لج ان شااء الله

 

[الحللللوه]

الله يعييييييييييييييييييييييين

 

[عيوني مودي]

الله يهدية خير يقول لامة اعتذري منة عشان مايبلغها واقلبي السالفة علية
وانكري اجحدي انك تكلمتي فيها قولي اتكلم فوحدة ثاني موب امك
واصري على كلامك واذا هدت الامور بينكم طلعيها من عيونة