حطوا مكانكم مكاني شتسوون ؟ لاعت جبدي والله

[دلع العتبان]

والله عيب تطق عاد زفها الا الطق فيه رجاجيل مدري شلون صايرين

وانتي يختي دامج تدرين ريلج يفتش مسحي المحادثات بعد ليش مخليتهم عسى الله يعين يعني انتي ماقلتي شي قولي لخالتج انا حزه بخاطري وعادي كلمه وتنقال بيني وبين اختي شنو صار لهدرجه توصل للطق !!!

الله يسخره لج

 

[؟؟؟؟]

من الاول ليش تكلمين بامه الله يهداج مهما كان حسبت امج ومره عوده والي ببيتي مايطلع لالاختي او امي هذي حياتج امه وجبتج او ماوجبتج هذي امه مهما كان اعتذري له وحاولي اللي بالبيت مايطلع واسمحيلي عالمرور

 

[*ريما*]

الله يهدية
ماكان لة داعي يكبر الموضوع

 

[احساسي صوبك]

الله يعينج ياختي
اذا هذا طبعه مسحي محادثاتك اول باول ولا اتخلينة يلقى اي شيء عليك
وقولي لاهله انه اهوى فاهم الموضوع غلط

 

[دلوعة أبوهآ]

الله يعينك ويفرج همك

 

[NOORALLAH]

الله يعينج بس بصراحة لا تزعلين مني يا كرهي للرجال الي يهتمون بسوالف
الحريم والقال والقيل وبالاخير ما فاهمه السالفة عدل ويدخل الاهل
واول ما يدخلون الاهل الي ربوج وكبروج وعلموج الله يسامح هذي النوعية من الرجال بس ما عليه حبيبتي كبري عقلي واخذيه على كد عقله وهدي ولا تكبرينه وهي صغيرة ​

 

[أنوثه ملكيه]

يحب أمه وآآآآيد ولايرضى عليها عشآن جذي عصب
أنتي خليه يهداء وبعدهآ طرشي له مسج أنه فهم السالفه غلط والدعوه كلها غشمره ومهما كآن مره ضعيفه مو شطآره تمد إيدك علي
ومثل هو مايرضى ع أهله أنتي لاترضين ع أهلج والإحترآم لابد يكون متبآدل بين الأزواج

الله يهديه ويسخره لج

 

[زبده جلوه]

الرجال اساء الفهم لاانه الصراحه موقفه يعذر عليه هاذي امه وهي اللي خلته يسيئ الفهم لاانها اهي فاهمه غلط

بس انا بتكلم بكل صراحه وجد

ليش حنا بس ياابنات نبي نعرف كل شي عن الزوج وهو لا يخسي ياخذ تلفون ويشوف عيب عليه
الرجال زوجج وانتي امانه برقبته وبذمته خليه يشووف اللي يشووف انتي بينكم ميانه وموده وحب اهو يشووف عورتج جت علي تلفون استغفر الله

بنات انتم الصراحه جاهلات في الحياه الزوجيه

اختي تقولي جب ويااكلبه ماازعل عليها وعادي وتاخذ تلفوني وتشووف عادي وتسرقني عادي

واذا جيت عند زوجي اللي يتعب عشاني يروح الدوام ويكد علينا وبينا امور خاصه ماسويها الا وياه
اقول استح على وجهك لا تاخذ تلفوني شحقه يقولي كلبه ازعل واطنقر شيبي يفتش كل هذا الصراحه
تبين ان الزوجه مو راغبه في زوجها ولا حابته وان حياتها مو مرتاحه

حبيبتي انتم بينكم ميانه وموده وغلا خليه يفتش ويشووف اللي يبي دام انا مخلصه له وصريحه واثقه من عمري ليش اروح ازعله عن شي هو وده يعرف وان انا امانه برقبته وبذمته يبي يشوف شنو وراي ولا قدامي هو متزوجني يستر علي اذا شاف شي غلط هاوشني ونصحني جزاه الله خير يبيلي الخير

زوجج ماسوي شي وعذريه امه تبجي منقهره عشانها فاهمه غلط انا لو منج اروح

افهمها واحب علي راسها
وافهم زوجي حتي لو طقني فدوه دام اني عارف مسؤليته امام الله كلنا برقبته انا وعيالي

لاتقولين طقت جبدي لزم نفكر صح ونصير حكيمات في حياتنا ونعرف ليش هو طقني مايصير منيه منيه والطريق اكيد فيه سبب والسبب فهمه الخاطئ ولو درا عن غلطه وانه تسرع

اكيد راح بسرعه يرضيج ويتاسف ويجيب لج هديه وتصير النفوس طيبه

موفقه والله يصلح الحال​

 

[sweet-kamelia]

الله يعينج حبيبتي ..
شكواااج لله اللي ماتنااام عينه ...
انتي حااولي انج تفهمينه انه هالحجي مو على أمه ..
وحاولي بطريقه ثاااانيه انج تغيريييينه .. ويااماا ويااماا رياجيل صايعين ضاايعين حتن مع الخدم تغيروو من الحريم ولحاهم لي سرتهم .. الله يهدي الجمييييع ......

يعني حطي نفسج مكانه ماترضينها عاادي حاولي تعذرين له ...

الله يسخره لج .. والله يسخر أمه لج

 

[!الجادل الصعب!]

الحين ماحلا لج الحش الا وهو موجود ..!
وتحشين بامه بعد ..
شتبين يسوي لج يعني يصفق لج وانتيقايله عن امه
ما تستحي ...!
حطي نفسج مكانه .. يكلم اخوه ويقوله عمتي ما تستحي ..
وقيسي ردة الفعل شراح تسوين !!

 

[!الجادل الصعب!]

والثانيه تقول حشيت بخالتي وحماي يخزني عشان حشيت بامه شدعوه
مارلين مونرو !!!!
يعني لو يحشون بامج اليزابيث تيلور عاادي عندج ماتحقدين !!



الكلام يزعل صح ..؟!
حطو نفسكم بس مكان الزوج وحزتها بتعرفون قصدي
خلوكم حقانيات شوووي ..،

 

[shak!shoka]

منو فينا ما تحش بخالتها مع خواتها خاصتا الحين بالوتساب انواع الالقاب و الحش !! انا والله لو ريلي يقرا الي اقوله عن امه. يشنقني علاااااا طوووول
مسحي يختي اول باول شحقه محتفظه بالكلام بالله
من الحين عودي نفسج مسحيييييي كلللل شي
صعبه اقولج لا تحشين بخالتج ههههههههههه

ومرت حماج طلعيها من الموضرع حرام الحين تبتلش مع ريلها و اذا طلع مثل ريلج بعد احلا و احلا

قوليله شصار يعني سوالف حريم و مع اختي كيفي عاد ما غلطت عليها بويهها و من باب الترقيع قوليله حتى امي اذا بطت جبدي احش فيها
ولا امه غير الناس

و نقديه على حركته شكو داق ع اخوه بانصاص الليالي تعال ترا حريمنا يحشون بامنا اسسسفه بس ماكو ريال سواها من قبل !!

ولا تخلينه يمد ايده حبيبتي ،، طارد ابوج و لاعن خيرج ؟ خيييييير انشالله زوجته انتي ولا شغاله عنده و عند امه
وين الاحترام
لسانج وينه
هذا يبيله وحده ملسونه لان شخصيته ضعيفه و سوالفه سوالف حريم

الله يعينج

 

[PuPa^^SWeeT]

انا مع الجادل الصعب



صرااحة كبيرة اتحشين على امه و تبيينه ما يزعل ولا يطنقر


مادري انتي اتراددينه ولا لأ

بس شووفي اكبر غلط بعد سويتي دخلي مرت حماج واهيا مالها شغل فييييييج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



ولا صلحتيله ؟؟؟؟


شوفي شلوون البنات كلهم قالو فشلة ابووج

ماقالوو همن امه حراااامم


ترا كما تديين تدااان

شوفي شلوون ربج ردها في ابووج اغلى شي عندج


واهوا امه اغلى شي عنده


وسالفة يفتش ما يتفش تراا ربج يبييه يطييح عالوتس اب هذاا

و سوالف حموولتج مطلعتها بالنت

وعند اهلج

بعد وين تبيين اتطلعيينها ؟؟؟؟؟؟


نشريها بالجريدة و بس فكي رووحج كل من بيدري انه خالتج فيها مافيها


كل هذا علشان اسم ؟؟؟؟ انتي بعد طوفي شدعوا

انطوف حق الدنيا كلها الا الخالة مانطوف ؟؟؟؟

 

[باتي باتي]

الله يسخره لك

 

[Beauty is Me]

الله يهدي سركم

انا اخترعت

مادري شقولج

توهقت

اممم


احسن حل تنطرين السالفه تطخ وتتفاهمون بهدوء

 

[بعيدة الدار]

الله يعييينج ع ريلج
والحل خلاص حذفي الواتس اب وسولفوا وجه لوجه عشان ترتاحين من غثته

 

[بيبي سبايس]

حبي حطي رقم سري بتلفونج وقوليله هذي خصوصياتي صج مايستحي اصلا عيب الريال يفتش يتلفون زوجته هذا مريض

 

[Na6o3a]

يع يع يع ييييييييع.....الله يستر بستره و الله يهديييه ويطخخه

 

[اميره1980]

هالمشكلة انا قاريتها من قبل بالمنتدى بالضبط و بالتفاصيل
انتي كنتي صاحبتها او تشابهه مشكلة ؟؟
بس مو لهالدرجة الشبه بالتفاصيل
معقولة ؟

 

[مــســك]

المفروض تحطين رقم سري حق تلفونج عشان ما ينبش زوجج فيه ..


بصراحه الله يكوون بعونج ..