حسبي الله ونعم الوكيل

[فاقده ابوهاااا]

رد : حسبي الله ونعم الوكيل

شالمصخره باي حق تلزق بريلج وتحط ايدها عليه وين قاعدين للاسف وسامحيني اختي اقولج انها مو متربيه عدل ولا اتعرف السنع ولا الادب احنا كويتيين ولنا عادات بغض النظر عن علاقتها بريلج قبل بس صدمتيني بهالحجي وانتي كل الي سويتيه صح واذا بيزعل ريلج كيفه انتي ما غلطتي والشغله الي سويتيها مو ناتجه من الغيره بس لا يا ماما قوليله هذي الاصول واحنا وين قاعدين شكو تلمسك زين بعد ما لمته وباسته هذا الي ناقص

 

[اشتياق]

خليتيني ازط حليب ككاو وقهوه فرنسيه مع بعض من القهر
وانتي وين السانج توج تصحين اخر الزياره؟؟؟؟؟؟؟؟
جان من اول القعده وانتي تقطين نغزات الله يخليلي بويوسف
ومن تقول الولد مايشابهه قولي محد ايي بجماله اي شي المهم انج تدقرينها
ماعلينا صار اللي صار
اهي شكلها تبي تقنع زوجج انها تطلقت عشانه
وبعدين لازم تثبتين نفسج وتعلقينه بولده
وتفرضين وجودج
وتقولين هالحجي اللي صار بزيارتها عيب
واتشهدين حماتج
وحاولي تبينين حق زوجج انها ماتستحي ولا تعرف الله
واستنكري اللي صار وبقوه
وقولي انا زوجتك عيب عليكم هالشيء وين احترامي وين حشيمتي؟
المهم اني محتره ومادري شقول ودي انا اتصرف وادق واسوي من كثر الحره
الله يعينج ويسخرلج زوجج ويبعدها عنه اللهم امين

 

[! صمت الجروح !]

زين تسوين
خليه ولا تعبرينه لين هو يدرك غلطته ويفهم ان اللي سواه غلط
وان بنت خالتج غلللللللللللللللللط × غلللللللللللللط
وانتي سويتي عين العقل صرااحه عجبتييينييي
بس لو زاايده بالكلام احس عشاان تطلعين حرتتج

وبس لآهنتي

 

[**فراشه نعومه**]

حسبنا الله ونعم الوكيل حبيبتي مثل هذي يبي لها تفكير بهدوء وخصوصا انها قريبه له يعني بيشوفها وين مايروح حاولي تكررهينه فيها بشكل مو مباشر وراقبيهم من بعيد لبعيد لاكن لاتبينين انها اكبر اهتمامك علشان ماتاخذ اكبر من حجمها الله ينصرك على من عاداك

 

[احلى سماء]

الله يلوم اللي يلومج
دقي على بنت خالته وشرشحيها تشرشح
هاللي ماتستحي
ومافيها نقطة حيا

 

[شنوووفه]

رد : حسبي الله ونعم الوكيل

الله يعيينج والله سالفه تقهر

 

[ورده الكرستال]

رد : حسبي الله ونعم الوكيل

حبيبتي يمكن لما كانت تبكي زوجج مهزئها على حركتها وانتي جيتي وهاوشتيهم يمكن في باله انج صغرتيه وطردتي قريبته قدام عينه

وهو يمكن مقهور منها وحط الحره فيج بعد ماتدرين يمكنها كانت تحش فيج وهو صدقها

بنصحك نصيحه اخويه انا استفدت منها كثري الاستغفار بنيه ربي يسخرلج ريلج وصدقيني بترتاحين

الله يسخر ريلج لج ويبعد عنكم كل موذي وحاسد

 

[brettey]

رد : حسبي الله ونعم الوكيل

المفروض من اول ما قعدت يمه تنادين زوجج وتقولين له يقعد بعيد عنها
هذه حدها ماتستحي
لا انتي ماغلطتي انا فورت اشلون انتي الله يعينج

 

[بخـــارى]

رد : حسبي الله ونعم الوكيل

انتي قلتيها حسبي الله ونعم الوكيل
ادعي ربج واستغفريه وشوفي النتيجه

 

[متى تفرج بس]

رد : حسبي الله ونعم الوكيل

قطيعه تقطعها خرابه البيوت
زي ماقالولج البنات راضيه وحاولي تنسي لاتخربي حياتج بيدج واهي خليها تولي
والحين عندكم ياهل بعد مااجهضتي كدا مره فلاتخافي يمكن حتى لويحبها فراح يتمسك فيج عشان الياهل
واذا خداها الله لايقولها عسى ربي ياخدها قبل لاتاخده حاولي تخربي بينهم بأي طريقه
الله يهديه ويسخره لج ويحفظلج ولدج يارب ويبعد عنكم بنات الحرام

 

[متى تفرج بس]

رد : رد: حسبي الله ونعم الوكيل

الله يلوم اللي يلومج
دقي على بنت خالته وشرشحيها تشرشح
هاللي ماتستحي
ومافيها نقطة حيا

لالا الله يهديج هذا بدل ماتنصحينها
لانها لودقت على بنت خالته وشرشحتها بيقوم ابويوسف بيشرشح زوجته, وبتكسر خاطره بنت خالته وبيصر 24 ساعه يراضي في بنت خالته اللي ماتستحي ويمكن تزيد العلاقه بينهم
وهالشي موفي صالح ام يوسف ابد

 

[Marymary]

حبيبتي دقيي على زوجج وتفاهمي وياه
انتي بالنفاس والزوج والزوجة يكوونون ابعاد عن بعض
اذا انت ابتعدتي عنه بهالفترة وما دقيتي عليه يمكن هذيج تستغل هالشي وتدقدق عليه والشيطان يلعب عليه
فانتي احتويه بكل شي ولا تعطين مجال هذيج الحقيرة
قوليله تعال عندي قعدي وياه خلي البيبي عند امج دقايق روحي اتعشي بره
ترى عادي انا كنت اطلع باخر ايام نفاسي وياه
خل يوديج السوق حق تتجهيز طلوعتج من النفاس وتدلعي عليه
المهمممم لا تعطين حق هذيج مجال تتقرب منه

 

[احلى سماء]

رد: رد : رد: حسبي الله ونعم الوكيل

لالا الله يهديج هذا بدل ماتنصحينها
لانها لودقت على بنت خالته وشرشحتها بيقوم ابويوسف بيشرشح زوجته, وبتكسر خاطره بنت خالته وبيصر 24 ساعه يراضي في بنت خالته اللي ماتستحي ويمكن تزيد العلاقه بينهم
وهالشي موفي صالح ام يوسف ابد

والله لو مكانها ما اسكت
شنو تقعد يمه والفخذ بالفخذ
وتحط ايدها على وجهه
قليلة الحيااا
يمه لو مكانها انجن
واقوم الدنيا وما اقعدها

هو يرضى زوجي
ولد خالتي يجي
ويلزق الفخذ ع الفخذ ويحط ايده على وجهي قدامه
جان تصك الدنيا عنده وتصير مذبحه
صح والا لاء
ترا هالشي اللي صار مو قليل

 

[باربي للابد]

واااااااااااي مووووووصج

عمى بعينها انشالله شالنفس الدنيه والله ما تستحي ببيتج وجدامج وتسوي هالمسخره

لا صج انا مصدومه

وين قاعدين احنا ؟؟؟؟؟؟

اول شي زوجج من الاساس غلط قاعد معاكم احنا نوجب الوالده مو ريلها

وبعدين فوق الشين قوات العين !!!! هم عقب كل اللي صار واهو اللي يزعل بدال لا يرقع الموقف اهو اللي يطلع !!!

لا حياتي انا مابي اشيشج بس الموقف مو لازم يمر جذي اللي صار صراحه مسخره وين قاعدين ؟؟؟

كلميه بدون صراخ بس بنبره صارمة قوليله اللي يدخل البيت يحترم راعيته شنو ولدك ما يشبهك هذا عقيدي ؟؟؟

من تقصد يعني ؟؟ اذا ما يشبهك يشبهني شالاسلوب؟؟؟؟ وبعدين شكو ماسكة ويهك وجريب تقعد بحضنك

شالميانه البايخه؟؟؟ شنو ماكو حيا؟ ماكو اخلاق ؟ماكو حرام وحلال؟ ماكو مبرر واحد حق هالتصرفات الواطيه

واخرتها واقفه معاك عند الباب تبجبج ليش انشالله؟ منو انت عشان تبجي وتتشكى عندك؟؟؟؟

وشنو يعني اكلمك بعدين ؟؟؟؟ ماكو تصرف واحد سوته هالواطية صح؟؟

قوليله انا مادخل هالاشكال بيتي ولا يشرفني لساني يطب بلسانها اذا انتوا عندكم عادي هالسوالف

احنا لا احنا ناس متربيه ونخاف ربنا شنو انت ترضاها علي الزق يم واحد من عيال خالتي وامسك ويهه؟؟؟

حتى الياهل ما يرضاها واحنا ناس كبار نعرف العيب والاصول واللي سوته هالواطيه قلة ادب وعدم تربيه

ومابيك تبرر اي شي من الي سوته لانها غلطانه من راسها ليه كرياسها انا اقولك هالحجي عشان

هالمسخره ماتتكرر مرة ثانيه ولا ترا بفضحها عند اهلك كلهم وانا كنت ساكته وبالعتها ناطرتك انت تتصرف

مو تزعل وتطلع برا البيت جنه انا اللي ماسكة واحد وجريب اقعد بحضنه

وااااااي صراحه الله يعينج احس نفسي شبيت صج صج مسخره وديري بالج تتلاقين معاها ولا تحتكين فيها

حتى اذا شفتيها بمكان ولا مناسبه عطيها طاف لا توجبينها ولا توجبج قليلة الادب​

 

[وااي قلبي]

رد : حسبي الله ونعم الوكيل

انا اساسا دقيت عليه عشان اراضيه ويرد حق بيته و ولده بس يوم قالي تاسفي وسافري عند امج يا خواتى فقدت اعصابي هم الانسان له حد يتحمل

من شوي يت خالتى حماتى قايله لها الي صار امس قعدت تنصحنى وعطتنى محاظره طويله عريضه وانهم متربين مع بعض وماينين على بعض والبنت عادته اخوها طبعا انا من داخل اغلي اغلي وقالت انه فلانه سوت الي سوته بــــــــــطيب نــــــيه يعنى مادري خالتى لهدرجه شايفتنى خبله؟؟؟
قلت لها خالتى حتى لو كانت اخته هم ما ارضى ودامها ابيتى تحترم المكان الي اهي فيه وتحترم صاحبة المكان
هذا وبنتها مو جوده وشاهده وتقول جذي شقول بعد انا وشحجي لا حول ولا قوه الا بالله

 

[احلى سماء]

رد: رد : حسبي الله ونعم الوكيل

انا اساسا دقيت عليه عشان اراضيه ويرد حق بيته و ولده بس يوم قالي تاسفي وسافري عند امج يا خواتى فقدت اعصابي هم الانسان له حد يتحمل

من شوي يت خالتى حماتى قايله لها الي صار امس قعدت تنصحنى وعطتنى محاظره طويله عريضه وانهم متربين مع بعض وماينين على بعض والبنت عادته اخوها طبعا انا من داخل اغلي اغلي وقالت انه فلانه سوت الي سوته بــــــــــطيب نــــــيه يعنى مادري خالتى لهدرجه شايفتنى خبله؟؟؟
قلت لها خالتى حتى لو كانت اخته هم ما ارضى ودامها ابيتى تحترم المكان الي اهي فيه وتحترم صاحبة المكان
هذا وبنتها مو جوده وشاهده وتقول جذي شقول بعد انا وشحجي لا حول ولا قوه الا بالله

اي والله حتى لو اخته من امه وابوه تستحي على وجهها وما تسوي اللي سوته
مو تلزق الفخذ بالفخذ وشوي وتقعد بحضنه جدامج لا وتقولج على ولدج عقيدي
عساها الضربه ان شاء الله
حتى لو متربين مع بعض هو مو محرم لها ولو محرم لها جليلة الحيا في شي اسمه احترام

 

[وااي قلبي]

رد : رد: حسبي الله ونعم الوكيل

زين تسوين
خليه ولا تعبرينه لين هو يدرك غلطته ويفهم ان اللي سواه غلط
وان بنت خالتج غلللللللللللللللللط × غلللللللللللللط
وانتي سويتي عين العقل صرااحه عجبتييينييي
بس لو زاايده بالكلام احس عشاان تطلعين حرتتج

وبس لآهنتي

اهي بنت خاله ريلي مو بنت خالتى

 

[وااي قلبي]

رد : رد: رد : رد: حسبي الله ونعم الوكيل

والله لو مكانها ما اسكت
شنو تقعد يمه والفخذ بالفخذ
وتحط ايدها على وجهه
قليلة الحيااا
يمه لو مكانها انجن
واقوم الدنيا وما اقعدها

هو يرضى زوجي
ولد خالتي يجي
ويلزق الفخذ ع الفخذ ويحط ايده على وجهي قدامه
جان تصك الدنيا عنده وتصير مذبحه
صح والا لاء
ترا هالشي اللي صار مو قليل

وانا قربت اين من امس لا نوم ولا اكل وبس ابجي

 

[احلى سماء]

بردي جبدج ودقي عليها
وفهميها
قولي لها انتي ماتستحين
شتبين من زوجي
وشهالمصخره اللي امس
شنو اهلج ما ربوج
ماعندج دين

 

[ام اغلى الناس]

دقي على حماتج و امه كلميهم
يقنعونه يرد لج ولا عاد تجيكم هالبنت
زين انج ما سكتتي