حسبي الله ونعم الوكيل

[قوية الباس]

رد : حسبي الله ونعم الوكيل

الله يعين قلبج

بس شتسوين اهيا حاطه روحها مسكينه وتبجبج عند ريلج لان معروف الريال مايتحمل بسرعه ينكسر خاطره

هذا درس لج والله كشفهم اثنينهم لج ديري بالج على بيتج وولدج ووريلج ولازم اتكلمين حماتج وخالتج وقولي لحماتج ذنبي برقبتج اذا اخترب بيتي لانج انتي اللي يبتيها وحاولي تخلينهم يوصلونها الكلام انج ماراح تسكتين وانج تقدرين توصليلها لو فبيتها مثل ماوصلتج فبيتج

بس انه موعارفه نوع علاقتج بريلج والا اهله

 

[اميره1980]

الحين لا انتي تحبينها و لا اهيه تحبج شاللي يايبها بيتج؟؟؟؟؟؟؟
حاجي ريلج و دشيله من باب الدين و قوليله عيب اللي صار شلون هذي ما تستحي على ويها لازقه فيك لا الله و لا رسوله يرضون بهالشي و انت ريال مصلي مسمي ادري انك ما تطالع هالاشكال بس الشيطان شاطر و انت حبيبي و عمري و اخاف عليك منها و من غيرها و الشيطان ما مات و انا واثقة فيك و جذي

 

[لوولووة]

كلمي حماتج هذي شنو تبي تخرب بيتج واذا زوجج لا تفتحين الموضوع ودلعي عليه وحسيسيه انج الغلا لكه

 

[بتبوتااا]

. واي تحر !
صج شي يبط الجبد ,, نطري ريلج لمن يرجع وكلميه بهدوء وقوليله انا اغار عليك واحبك وتصرفاتهاا ما عجبتني وادري انك ما تقصد بس احنا الحريم لي بغيناا شي نعرف شلون انلين راس الريال ,, والله يهديهاا وما تفكر تخرب عليج ياارب ,
وحاولي تكسبين ريلج بأي طريقه .

 

[برياني لحم]

رد : حسبي الله ونعم الوكيل

الله يعينج انا لو مكانج جان ذبحتها

صج ما تستحي مو متربيه

وزوجج ما يوقفها عند حدها كل اللي سوته وساكت !!!!

ولا عاجبه الوضع !!!!

 

[فخر البداوه]

رد : حسبي الله ونعم الوكيل

شنو قله الادب هذه لهدرجة وصلت فيهااا جذي تقعد عند الرجااال

حبيبتي فتحي عيوونج عدل لا تخلينهااا تسوي الى في بالللهاااا


دزي لزوجج مسج اذا ما يرد عليج ... وخليه يجي البيت

قعدي معه وحاااولي تتقربين منه اكثر


وديري بالج في النفاااس تضيقن عمرج مب زين حبيبتي لج

وسعي صدرج واكثري من الدعااااء وشغلي قران ان الله يبعدها عنج وعن زووووجج


لا تنسين يالغلا تطمئنينا عليييج

 

[فخر البداوه]

رد : حسبي الله ونعم الوكيل

شنو قله الادب هذه لهدرجة وصلت فيهااا جذي تقعد عند الرجااال

حبيبتي فتحي عيوونج عدل لا تخلينهااا تسوي الى في بالللهاااا


دزي لزوجج مسج اذا ما يرد عليج ... وخليه يجي البيت

قعدي معه وحاااولي تتقربين منه اكثر


وديري بالج في النفاااس تضيقن عمرج مب زين حبيبتي لج

وسعي صدرج واكثري من الدعااااء وشغلي قران ان الله يبعدها عنج وعن زووووجج


لا تنسين يالغلا تطمئنينا عليييج

 

[انتظر حبه]

رد : حسبي الله ونعم الوكيل

الله يعينج شي يحر شكو قاعده جنبه وتمسك وييه
مالت بس اللي استحو ماتوو
حبيبي ديري بالج ولاتعطينها مجال تاخذ ريلج منج

 

[مناير ...!]

رد : حسبي الله ونعم الوكيل

الله يكون بعونج سالفه تحر

 

[غزل بنات]

واااااااااااااااي احترييييييييييييييييييت لو انا مكانج من اشوفها لازقه اقولها عن اذنج واوخرها واقعد يم زوجي عقب شوي

ادز له مسج اقوله يطلع موحلوه يقعد معانا واقعد طوول القعده اقط نغزات انه من سابع المستحيلات تحاول تاخذه مني واننا نموت ببعض

واااااااااااااااي مال ذبح هذي صج ماتستحي حدها بايعتها ولا سائله باحد بايعه الدنيه وقويه مال احد يوقفها عند حدها ويعطيها كم طراق يصحيها

بلا ضيفه بلا بطيخ الضيفه تحترم المكان الي داشته وتحشم صاحبته هذي ماتستحي فاااااااااااااااصخه الحيااااااااااااااااا

 

[وااي قلبي]

رد : حسبي الله ونعم الوكيل

بعد قلبي خواتى ماتدرون شكثر اثلجتو صدري
تونى دقيت عليه اول ما سمعت صوته انهرت بجيت بجي ما قدرت اقول كلمتين لى بعض ورد البيت على طول ولو مو راد احسن له ذبحنى يا بنات ذبنى حسبي الله ونعم الوكيل حسبي الله ونعم الوكيل حسبي الله ونعم الوكيل
يقولي اذا تبينى ارد البيت عشان تعتذرين فاعتذارج مو مقبول انتى اهنتيتى تخيلو انا الي اهنته ؟؟؟؟؟؟؟؟؟؟ وقال اذا تحبين احجزلج تسافرين عند امج لين ترتاح نفسيتج وتردين
قلت له اتاسف على شنهو بعدين انت ترضاها انى اوقف مع واحد من عيال عمامي نفس وقفتك معاها والبيت بيتى مانى هادته ما تبينى انت اطلع

يا خواتى انا ودي اسافر استانس واغير جو بس صعبه الحين تونى والده ماقدر اخاف على ولدي وهم يا خواتى امي اجنبيه وما عندهم سوالف تنفس بنتها ودويات وهالامور
وهم مابي افضي له الجو واخليه بروحه

 

[ام عفاف الكويت]

لاتخلين البيت ولا تسافرين اقعدي
لاتفضين الجو لهم

 

[Temptress]

رد : حسبي الله ونعم الوكيل

لحظه الحين انتي تقولين اهو خذاني عن حب يعني خلاص نسى هالحيـ.. بس المشكله لما اهي تيي تتلزق ديري بالج خوفج يحن لها وحاولي ماتخلينها تتلاقا مع ريلج
حسبي الله ونعم الوكيل فيهم بنات هالوقت فيهم مرض الدوده
صراحه انقهرت لو مكانج اتوقع كنت اطقه اهو قبلها :/
وبلغينا شيصير وياج

 

[الأميرة الحزينة]

ختولي زين سويتي فيها .. انتي ما غلطتي اهي قليلة ادب وما تستحي وريلج دزيله مسجات طيبي خاطرة وبينيله موقفج وبس
:bbbiu:

 

[mysterious sea]

رد : حسبي الله ونعم الوكيل

لهدرجه هذي ماتستحي

الله يعينج لاتهدمين بيتج عشانها دقي على ريلج وعرفي شقالتله

وتفاهمي معاه بكل هدوء

والله يوفقكم

 

[Temptress]

رد : حسبي الله ونعم الوكيل

مابي اضيق خلقج بس شنو يقولج اذا بتسافرين اسفرج يبي يفضاله الجو؟؟؟؟؟؟؟؟؟ وشكو تعتذرين قوليله لو ماغار عليك ماسويت جذي

 

[منيرة خالد]

ما عليج منها وانسي الموضوع

ولا تسافرين قعدي بالبيت لين تخلصين النفاس اهم شي صحتج

وزوجج احسني معاملته واضحكي بوجهه كل ما دخل عليج ولا تفتحين معاه موضوع بنت خالته وجنه ما صار شي واذا اهو فتح الموضوع قوليله موقف وانتهي والله يرزق بنت خالتك بالرجال الصالح اللي يخاف عليها وبس

 

[ديانا سبنسر]

شوفي انا اذكر امي تقول البنت اللي موشريفة لاتخافين منها مافي ريال يرضى فيها حتى لويسوي علاقة معاها

الشريفة لاحطت عينها على ريلج لاتعيرينها ولاتكلمينها وتقولين لها انتي تبين ريلي تدرين شتسوين عاشريها خليها رفيجتج بس موبغباء لاوتخلينها عندج 24 ساعة على الاقل علاقتج معاها زينة انتي بانفعالج خليتيها تثبت براس ريلج وخليتيه يتعاطف معاها يبيلج معاها خبث ومعاه طيبة ورقة وانوثة لاتمنعينه والاياويلك ياسواد ليلك خلي الامور عادية واضحكي وغيظيها واقلبي كل موقف لصالحج واذا عندكم احد يبيله مطلقة زوجيها وافتكي منها والله يخليلج يووسف

 

[Tom ♥ Jerry]

.



آمبيه مآ تستحي هاذي مينونه
واي انا الي بس قاعده اقرا السالفه و اتخيل الموقف
آنقهرت الله يعينج آنتي :| !


حياتي شوفي " بعديها عن ريلج و عن تفكيره " !
قومي في بيتج و ريلج و لا تعطينه المجآل آنه يشوف فيج شي نآقص
على طول خلج أوكي و تمام و السالفه هاذي انسيها
ديري بآلج تتخآنقين مع ريلج مره 2 عشانهآ ترا كلش مو زين !

لا تبينين حق ريلج آنج غيرآنه منهآ و آنج خايفه تاخذ ريلج منج
لا بالعكس خلج عآدي آتصلي عليه و راضيه و نسيه السالفه الي صارت و خلج أوكي و طبيعيه
ترا بـ جذي رآح ينساها و ينسى طوآيفها كلهم
جليله الحيا قطيعه تبط الجبد @@@@@@@@@@@@@@ !

 

[BiiShOoO]

انتي تقولين اهي ضيفة ولازم اتحملها
بس وحده تلزق بفخذ زوجي وتلمس ويهه وتمسك جتوفه واتدلع واتحط ويه بويه ،، تولي حشاج اسكت عنها لانها ضيفة
انتي غلطتي بشغلة ،، المفروض بس اقعدت يمه تنادين زوجج بالغرفة وتكلمينه يا يغير مكانه او يطلع من البيت

الحين اللي صار صار

وماراح اقولج كلمي بنت خالته لانها استغفرالله مبينه شنو نمونتها
بس كلمي زوجج وقعدي معاه لازم تبينين له ان هالشي يضايقج وانه لازم يحط اعتبار لمشاعرج ويحترمج ،، وقولي لحماتج لا اتييبها مرة ثانية معاها

ولو تدورون ريل يديد لبنت خالته يكون احسن يمكن تتزوج وتوخر عن طريجه

معاها :hjy5jewf: