حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

[T R F]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

بالعكس يالغاليه لهجتكم رائعه ... ولا احلى ... وكل ماكان الشي محبب ومميز ... كل مكان تقليده اكثر ...

لهجتكم مميزه ... فيه لهجتكم ولهجة الحجازيين ... احبها كثييييير

والاحظ كثير مفردات خليجيه او حتى عربيه .... تنتشر بسرعه بين الناس .... ويركزون عليها ... عندك مفردات

( باب الحاره ) ... لاحظي اكثر الناس حتى الصغار ... يرددونها ...

بالغاليه ... من قلدني فقد اكدني ... ياحبي لك ...

:hjy5jewf:

 

[choclatecho]

عاد انا اموووووووت على اللهجه الاماراتية و امووت على ام خماس واطالعه انا وبناتي و اقلدهم

فديتكم وفديت رمستكم مالج شغل

صج ان في كلام ما ينفهم بس حلو حلو حلو

 

[thenutybee]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

لا بالعكس لهجتكم وايد حلوة ....عاد انا استمتع اعرف معاني الكلمات اللي مااعرفها ......لهجتكم حلوة والبحرين والسعودية بس طبعا باجي الخليج مو حيل احتكاك او ان نسمع لهجاتهم وحتتي اللهجات الشامية والمغربية وغيرهاتري كل لهجة لها حلاوتها ...........الفكرة تعرفين تراث البلد بداية من لهجاتهم

 

[Q8yaaaa]

حبيبتي لج الفخر انج اماراتيه افتخري بلهجتج لهجتكم واايد حلوه

 

[كيميائيه]

بالعكس كلامكم حلو ومافيه شي
افتخري بلهجتج ولا تخشينها
وترى كل لهجه وكل كلام الناس تحب تعلق عليه
ودايما مايقلد الا الشي الزين ؛)

 

[pure-poison]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

اخاف انهم يتغشمرون معاج وانتي حساسه ؟؟
لان لهجتكم حلوه وايد وكلنا نحبها اصلا انا اشوف المسلسلات الاماراتيه علشان احفظ جم كلمه من كثر ما الكلام عاجبني واستانس لما الاماراتيين اتكلم معاهم لان صج حلو الكلام

 

[العمر راح وتعدى]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

وااااااي فديت رمستكم الحلوة مالج شغل بحد لج من حالج حبيبتي الناس صارت تافهه تعلق على كل شي المهم انتي رمسي الرمسه اللي تعجبج

 

[dubai girl]

اقولج ربيعاتج ماعندهم سالفه والله
اونهم يعلقون على رمستج خخخ بس صدقيني
احس انهم يتمصخرون بس انتي شوي حساسه

وفديت لهجتنا خخخخ بس صدق داوم حسين ماقصر
في قرقيعان

^^

 

[سحـآبة مطر✿]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

يآمرحبـآ مليووون ولآيسدن خخخ

يآزين حجيكم يآهل آلـآمـآرآت آنـآ عندي

رفيجتي آمـآرآتيه وآموت بحجيها بس ودي تتكلم ههه وخصوصا لا قالت " اونه " قعدت فترة وهي تعلمني شنو يعني

وعندي رفيجتي بعد من آلبلووشي يآحلو حجيهم ههه يونس

ولا تزعلين حبيبتي حجيكم عسسسل !

وخليجنـآ وآآحد - -> شكو آلحييين

 

[خالده الفارس]

حبيبتي ما عليج ...
أنا .. أموت على اللهجة الاماراتية ... بالذات

 

[خالده الفارس]

حبيبتي ما عليج ...
أنا .. أموت على اللهجة الاماراتية ... بالذات اللي بالمسلسلات القديمة تحسين لهجتهم .. غير ... وايد وايد حلوه ...
ما أجذب عليج صح في مرات ما أفهمها بس حلوه تونس ..
بعدين مرات القصد مو الطنازة بالعكس ...
عموماً أنا أحب كلام الاماراتيين والبحرينيين وايد وايد وااااااااااااااااااااااااايد ... حبيبة قلبي والله

 

[عقد وسوار]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

ويه عادي لا تتحسسين

كل ناس ولهم لهجتهم

والحين مثل ماقلتي الله يخلي التلفزيون

وسعي الصدر

 

[@نوره@]

بالعكس
احس الاغلب يحبون لهجتنا
مدري ليش تدققون بهالامور
ذاك اليوم وحده تقول شز رايكم بذوقنا احنا الاماراتيات
وانتي تقولين لهجتنا محد يحبها
مع اني ولا مرة سمعت حد يذم لهجتنا
وخاصه في كويتيات
بس يمدحون لهجتنا وبلادنا

 

[pink chocla]

الله يحفظكم ياااارب

وصج كل انسان بالغربه سفير بلاده ,

انا من قبل احب الامارات واحب لهجتهم بس الله يبارك معاي بـ أمريكا امراتيات بأخلااقهم وطيبهم

مثلوا بلادهم خير تمثيل وكفو عليهم ماشاء الله الله يبارك ويحفظكم

والكويت كلها تحبكم وتحب كلاامكم واسلوبكم حتى غير , الله الشاهد انكم بقلوبنا

وحتى هل قطر ماننساهم اخوانا وحبايب قلوبنا

 

[أميره بحزني]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

لهجتكم حلوه وأللي محليها طيبة شعبكم الراقي بس فيه بعض المصطلحات تكون يديده علي أذونا ونحب نفهما دام انكم مثلنا وخليجين بس اللي يعجبني فيكم اعتزازكم بعاداتكم وتقاليدكم

 

[honey lust]

حبيبتي شعليج منهم!
لا تصدقين وحده خليجيه تقولج انا ما افهم لهجتج او مادري شقاعده تقولين
ممكن ما تفهم كلمه اي لكن كلامج كله لااا ما عليج منها تبي تطفرج بس
و اصلا شحلات الحجي الاماراتي رمسه و بشكاره و شراتج و اونه
لوووووووول عطيتج كل المفردات اللي استانس عليها

 

[LoloBlueStyle]

حلو الكلام الاماراتي

وما عليج

منهم
اللي يتطنز
رااح يتطنز على كل شي مو بس الكلام


خليج واثقه من نفسج ومن كلاامج
واللي ما يفهم وضحيله واذا يبي يضحك ازهلييه

 

[بدمي لكويــت]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

لاااء بالعكس حلوه لهجتكم ولا تحرين قلبج عليهم بالطقاق ولي مايعرف لهجتكم يبيله شوية ثقافه بس اهم شي انج واثقه بلهجتكم الحلوه وصدقيني كلنا نحبكم و انتو على الراس و العين

 

[bsharnya]

بالعكس الرمسه الاماراتيه مالها حل
ورمستكم غااااويه
وما شي حد ما يحب يتعلم لهجتكم ،،

قواج الله ختييه ع الطرح

 

[الطخمه]

حبيبتى مالج خص فيهم خليهم يوولون إللى يتطنزوون تبين تغيريين أصلج عشانهم!!

ليش حبيبتى كلام الإماراتيين شفيه مافيه إله العافيه وأنا أعرف اغلبيه الكلام الإماراتى بلعكس من حلات اللهجه وكان وودى أعرف لهجتكم فقلت مافى إله أشترك بمنتديات إماراتيه عشان أعرف لهجتكم وبلعكس تعرفت على جم إماراتيه وكانو يكلموونى إماراتى وقمت أفهم لهم صج جم كلمه ماعرفتها بس عاادى أسئلهم ما أطنز ..

فديتج أنا والله ولا تزعليين حالج فديتج على جم ووحده ماتسووى صدقيينى يمكن غيرانه منكم

وحبيبتى إذا تبين تشاركين بلمنتدى أتمنى إنج تشاركيين برمسج مو برمست غيرج وصدقيين إذا ماعرفنا كلامج راح نقوولج ووضحى ولا راح نطنز

تقبلى مرررورى

ومرحبا الساع فيج حبيبتى ..,