حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

[سويتي الحلوه]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

والله ياحلاتكم وياحلات لهجتكم وياحلات ديرتكم


فديتكم

 

[ṃїşѕ เṖĦƠŊэ]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

وي فديتكم وفديت رمستكم بالعكس اللهجة الاماراتيه وايد حلووووه واتينن بعد

واكثر لهجة تشدني من دول الخليج واستانس لما اسمه احد يسولف باللهجة الاماراتيه

وبعدين حبيبتي ليش تنحرجين هذي لهجتج لازم تقولينها بكل افتخااار بعد

فديييييييتكم ومرحبآآ الساع

 

[نوراء]

حبيبتي لهجتكم ما فيها شي يخليج تنحرجين بالعكس حلوة ... بعدين صح ثقافة الخليج حتى اللهجة كلها وحدة بس لازم فيها خصوصية يعني عادي انكم تنفردون بكلمات خاصة شوفي البحرين شصغرها والله اقول لج كل منطقة لهجتها تختلف عن الثانية ولها كلمات مانفهمها كلنا ونعلق على كلامهم بس مو معناتها انه كلامهم مو حلوو بالعكس لكل لهجة حلاوتها .

 

[حناينq8]

احلى من لهجتكم من عقب اللهجه الكويتيه ماكو

بالعكس هذا شي تفتخرين فيه

وانا احب اتعلم كلامكم حده اينن ترا

 

[وجدان الكويت]

بالعكس لهجتكم اتينن

ولالالا تتكلمين الا فيها لازم تفتخرين فيها

عندي رفيجة اماراتية استانس اذا كلمتها اقولها انتي تحجي وانا اسمع

 

[manhattan girl]

انا عندي اهل بالامارات و عادي احب لهجتكم

 

[يادمووعي]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

صـراااحه انا وحده من أشد المعجبين بلهجتكم
ومال شغل بالناس

 

[فاقده ابوهاااا]

واي فديت اهل الامارات كلهم من صجج انتي لهجتكم وااايد حلوه انا اهلى بالامارات لما اروح ازورهم واقعد معاهم ويقطون جم كلمة اضحك مو تطنز والله اضحك لاني مستانسه على لهجتكم خاصه خوز عني لا - برع - كيرم - رمسه وااااي فديت لهجتكم

 

[!الجادل الصعب!]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

التعليق مآيكون عشآن شي غلط .. بس لآنه ماتعودنا عليها ونستآنس نعيدها كلمة معينه ..

مثلآ عندي رفيجآتي سعوديآت لمآ اكلمهم يقطون كلمة كويتيه بسيآق الحديث كتعليق ..

طبعآ القصد مو طنآزه لكن آسلوب غشمره وتحبيب >> تحبيب هذي من عندي عشآن آوصلج المعنى ..!

+

المسلسلات الامآرتيه قليله .. عكس السعوديه والكويتيه وبعدهم البحرينيه .. الي تدخل كل البيوت ويتعودون النآس عليها ..

فهمتي علي ؟

 

[نـ(المطيري)ـازكـ]

يــماه فديت اهل الامارات ورمستهم

وربي احب حيجكم مووووووووووت ..

لا بالعكس وايد حجيكم حلو ونحبة ..

 

[PO PO22]

بلعكس لهجتكمـ وااايد حلوه
ومالج شغل بالناااس صج فااضيه

 

[روج كرزي]

مالج شغل فيهم من الحره منكم انتم ناس طيبين وحلوين وحجيكم يهبل ,,,

 

[فـــخـــر]

مرحبااا ملاييييييييين ومايسدن فذمتيه

ماااااعليج منهم لهجتكم كلها حلا تهبل

فـ كل دوله في اختلاف لهجات شلون

عاد من دوله لي دوله !!

 

[جيتارا]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

اول شي أشكركم


وان كان على مسلسل حاير طاير

ترا يطلع الواقع اللي نعيشه

ومسلسل طماشه


واللي تابع مسلسل زمن طناف


اللي كان يطلع على قناة سما دبي,,طلع الحياه ما قبل الإتحاد وواول الأتحاد
ومسلسل غريب عجيب,, هم بعد حلو ولكن ما احب اشوفه,,


وجابر نغموش صج فنان الإمارات الأول




يعجبني يوم يقول ::تعالي بخبرش,,انتي

 

[Miss.al3in]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

بالعكسسس رمستنا احلى رمسسسه فالخليييج*
نحن *مميزييين*
انا عن نفسي اتكلم باللهجتي ماعلييه من الي يفهم والي مايففهم
وافتخر فيهااا مووتـت
،،ـ بالعكس اذا شفت خليجيه مستحيل اغير رمستي
والحين مسلسلاتناا هب مقصره*
حاير طاير الكل يشووفه اكييد فهمواا*
بس لاحد يقولي اوراق الحب لانه الرمسسه منقعه والكلام غلطت ف غلططت
كلله من ام براطم وشهاب جوهر *خربوا رمستنا تنقيعات بالهبل*
المهم ماعليناا

رمسي وماعلييج من حد اكييد مع الوقت بيفهمووون*
وتحياتي

 

[chanel N22]

بالعكس احنا نحب اللهجه الاماراتيه وخليج واثقة من نفسج

 

[من يشابه ديرتي]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

واااي غلطاانه حدج اذا كلامكم ولهجتكم مو حلوه عيل كلام منو الحلووو
تدرون بالكويت نمووت ع كلشي اماراتي والله مو مجامله لاحظت هالشي
حتى رقصكم تعالوا شوفوا بالأعراس عندنا لازم اغاني اماراتيه ونقلد رقصكم من كثر ماهو حلو وعاجبنا

فدييتكم والله :68_asmilies-com::hjy5jewf:

 

[كيكه توفي]

بالعكس حلوه لهجتكم

 

[law love]

مرحبا ملاااين و لا يسدن
اقربي يا الغاويه

شووو بلاج غناتي ؟؟
من صدق نحن واايد نحب رمستكم
انا اصلا امووت بالقصص الاماراتيه و السبب لهجتكم فدييتكم
و منو قالج نحن ما نفهم لهجتكم
عسب انتو ترمسون هندي مثلا !!!

مالج خص فيهم
طناااش فديتج

 

[Rabo0oshat UAE]

رد : حد منكم يقدر يشرح لي ,,((لهجتنا الإماراتية ليش دايم ألقى كل من يعلق عليها))

اختيه فديت رمستنا اقولج سمعتي فزاع شو قال:
من يانا بطيب ايمان ييناه بطيب ايمان
ومن يانا بغير الايمان لايحلم الا بعواقبها

فديتج هب لازم يحبون لهجتنا اهم شي حنا وتقاليدنا ومن سابع المستحيلات اغير لهجتي لاي احد اللي ما يفهمني لايتكلم ويااااي
فديت ترابج ورمستج وسماااج يا الامارات