حدي مصدووووومه

[دنياالوله]

شلونكم بنات
ان شاء الله بخيييييييييييير
بنات حده ضايق خلقي وصاكه فيني الدنيا:0bee2e8d89:
الحمدالله والشكر
بنات
انا امس رحت لام سعد الطبيبه الشعبيه اللي مكانها في صليبيه
وفحصتني ::krkrkr:
وصدمتني
قالت لي انتي فيج ضعف شديد يعيني بويضاتج ضعاف
وعندج الرحم تعبان وفيه التصاقات
قلت لها انا سويت اشعة الصبغه عند الدكتور منصور العرف وماقال لي
قالت لا يبين بالمنظار
وطلبت مني 2800 دينار عشان تعالجني وقالت لي ان علاجي يطول يبي له 8شهور على حسب
وقالت لي انتي حتى لو تحملين الاجنه ماراح تكمل لأن رحمج تعبان وفيه التصاقات:0bee2e8d89:
وشـــــــــــــــــــــــــوروا علي

 

[دي حسن]

هلا اختي دنيا الوله ،، تبين الصراحه انا ما اثق بهالحريم اللي يعالون بالطب الشعبي ،، خلج على دكتورج دام قالج ما فيج شي وانصحج لا تاخذين منها حجي ،،، وبالتوووفيق

 

[حشمه]

اختي دوري لج دكتوره موثوق فيها وعالجي عندها

ودام قالج الدكتور مافيج التصاقات شلون تصدقين هالمره

ليش عندها منظار ولا اشعه بالصبغه احسن من الدكاتره؟

اختي روحي حق دكتووور وتوكلي على الله ولو فيج شي

بعالجونج ولو مافيج شي الله يرزقج بالضنا

 

[دنياالوله]

حبيباتي
اشكركم على الرد
بس فعلا انا فيني ضعف
بس التصاقات اول مره ادري منها
وايد سمعت حالات عالجوا عندها
وحملوا بعد الله

 

[بطوووووطه]

والله يا وخيتي انا اقولج روحي حق دكتوره استشاريه وايد احسن لانه الحريم هذيله مو ثقه حرام مو كلهم بس ام سعد بذات استغفر الله سامعه عنها حجي لمن الراس وبصراحه اسعاره تعجيزيه وكل علاجه بالاعشاب يعني مايكلفها 10 دنانير شنو هل نصب والحتيال انا عالعجت عند الدكتوره فوزيه القطان وفيني ضعف بالمبايض وبويضتي ضعيفه وتكيس او ماتنزل علي الدوره اله بحبوب ومشاء الله علجت عندها مرتين وحملت ولله الحمد وكل مره يكلفني العلاج 600 دينار تقريبا ومشاء الله من اول شهر احمل وربي يرزقج ان شاء الله ويرزق كل محروم وثبت حملي لي يومه واي شيء تبين انا حاظره

 

[شجره الدر]

هههههههههههه حسبي الله ونعم الوكــــيل اختي اطمنج تري ما فيج غير العافيه احمدي ربك ام سعد نصابه كبيره تستغل الناس وحاجتهم انا عن نفسي رحت لها ونفس الكلام اللي قالت لك قالتي من 2800 الي 1000 وسنه وانا اطامر من الصبح عندها كاني مسفوهه مع الزحمه وكل يوم اقول بكره تستوي ويصير حمل ولــــمده سنه دواها مر وتعطيك لاو تحلين فيه . لا وازيدك من الشعر بيت تدخن سجاير والناس معارفها مثلها حتي سوالفهم مامن حيا.والله ثم والله اني حسيت اني مغفله وغبيه اللي هالاشكال تستغلني وتضحك علي للاسف حتي زوجي زعل علي واقسم لك بالله ما ابي منك الا الدعــــاء لي بالمغفره والرحمه وما ابيه يصير فيك ما صار فيني وبغيري تري ضحا ياها واجد اختي بالله منصور العرف ابرك منها يكفي انه استاذ بجامعه الكويت كليه الطب.انا نصحتك وانت بكيفك وابشرك انا والله مشتكيه عليها لاطلع فلوسي من عينها.حسبي الله عليها ونعم الوكيل.

 

[كوارين]

المبلغ الي طلبته مو هين انا من رايي خلي كلامها ورحي حق اخصائية واستشارية افضل لاتقص عليج
كل شي بيد الله

 

[المن والسلوى]

اختي ماانصحج تروحين حقها شكلها نصابه وانا اخاف اروحلهم ومااثق فيهم

 

[شجره الدر]

انا مجربتها اقولك حراااااا ميه ونصابه تقولك 8 اشهر علشان تمللك تملين لو زينه والله نمدحا ليش لا طيعيني والله تحسفين
والله علي ما اقول شهيد الله يرزقك من الله اللي لاتضيع ودايعه.

 

[يطة لابسة شنطة]

شوفي يأختي انا كمان رحت لحرمة وكشفت علي قالت عندك ضعف وبعدها رحت لوحدة ثانية قالت ماعندك ضعف عندك التهابات الصراحة انا ماصدقتهم رحت لدكتورة نساء وولادة قالت الحمدلله مافيك شي الحريم هذولا كذبات لاتصدقيتهم بس يبغون فلوس

 

[lolo6688]

انتي شلون تصدقينها ؟؟
هذول ينصبون اشكره ؟
يعني تثقين فيها اكثر من الاشعه والدكتور ؟؟
مادري شقولج

 

[SOoOSA]

انا أقول لو مفكره اتقطين هالمبلغ قطي عند دكتور استشاري أحسن لج
وسوي المنظار وحتى لو فيج التصاقات نفس ماقالت ماراح يكلف علاجج المبلغ اللي قالته
وانتي كيفج
شوفيلج دكتور ولا دكتوره معروفين ولا اتبهذلين روحج عالاقل عندهم أجهزة طبيه يشخصون اللي فيج عدل

 

[ام_مرام]

لا يضيق خلقج
ولا عاد تروحين لها
الفلوس واجد عليها
بس على فكره .. انا سويت اشعه صبغه مرتين قالوا ما فيني شي ... و بلندن سوا لي منظار طلع فيني لحميات زايده بالرحم ...
اذا تبين تتطمنين سوي المنظار عند منصور او اي دكتور و هو يبين لج الرحم زين ولا شنو فيه
بس لا تروحين لهذي الحرمه
و لو الرحم فيه شي يشيلونه بالمنظار ... يعني فحص و علاج مع بعض

 

[ورود وردية]

يا حبيبتي..اولا عسى الله يرزقج بالذريه الصالحة السليمه باقرب فرصة..ثانيا شلون تتركين هالاستشارين و الدكاتره الي صارلهم سنين يدرسون وتورحين حق وحده لا عندها سونار ولا منظار ولا شهاده لا وعلى شنو طالبه هل مبلغ....اختي توكلي على رب العالمين و شوفيلج دكتور والله كريم ان شاء الله بيحقق لج الي تبين...وكثري من الاستغفار

 

[ZajiL]

نصاااااااااااااااااااااااااابه ابيه من صجج
هاده الدكاتره ورايحه حق نصابه بس تبي فلوسج
اذا الاشعه قالت مافيج شي بالله اهي شدراها
انا اقول تركيها صج صج نصب اشكره عيني عينك

 

[m.a.m154]

الحين الدكاتره تحاليل وسونارات يالله يقدرون يشخصون الحاله هذي على اي اساس شخصت وعلى شنو 2800 على اعشاب وخرابيط خليج منها وتوكلي على الله وتابعي مع الدكتور واذا عالاعشاب شربي مرقدوش +ميرمريه+شاي اخضر وتبخري بشاي اخضر 5 و6 و7 يوم بالدوره مع علاج الدكتور وانشاء الله ربي بيرزقج

 

[الأميرة مولان]

أختي العزيزة هذة نصابة كبيرة حتى لو صدف إن حملت عندها كم وحدة وحماتي كانت تروحلها وكانت تعطيها أدوية واللة كنت أضحك لما أشوفها تخيلوا خواتي تعطيها كروش غنم فيها أعشاب ملفوفة بقصدير تقول حطيها بالفرن لما تنضج فكي القصدير بعدين فكي الكرشة وتبخري عليها من تحت باللة عليكم هذا كلام وإلا الريحة تطلعكم من البيت بكبرة غير الأعشاب إللي تشرب وإللي تدهن وإللي تبخروكلة كذب بس لهف بفلوس الناس إللي مستعدين يدفعون أي شيئ علشان الحمال هذي إنسانة تستغل حاجة الناس وظروفهم 2500 دينار هذا سعر كم كرش وشوي حلبة على رشاد وحبة بركة على خرابيط من عند الحواج علشان تضيعكم ماتدرون شنو حطت خواتي روحوا لأطباء ثقة وخلوا عنكم الخرابيط

 

[++The DuchesS++]

ابييييييييييييه من صجج والله
هذي نصابه وايد بنات يذمووون فيها اشدعوه 2800
لو عمليه طفل انبوب ما توصل هالكثر اشدعوه
سوي منظار ما يكلف فوق ال500 وارتاحي نفسيا
تركيها عنج

 

[خبيرة اعشاب]

اختي اولا بالعقل ضعف المبايض ما يبين الا بالسونار
و الالتصاقات بعد اتبين من اعراضها الجانبية بس الاشعة الصبغية تجزم اذا في التصاق او لا

كاتبيني بتفاصيل حالتج يمكن اقدر افيدج

 

[حورية الشماااال]

اختي هذه صج نصابه مبين مايبيله