حدي مصدووووومه

[الاسطورية]

واي شالسعر الخيالي على شنو شايفه روحها تبي تساعد الناس ولا تبلع فلوسهم

الله يرزقج اذا مكتوبلج بتشوفينه خليج عالطب الاكلينيكي احسن

 

[ايمانو حلوة]

ديري بااااااااااااااااااااالج نصااااااااااااااااااااااااااابة روحي طبيب اضمن وافضل واحسن بلا هالحريم وخرابيييييييييييييييييييييييييطهم والله اودون البحر وردونج عطشانة والله

 

[$غــ(ز)ــل$]

الله يرزقج الذريه الصالحه عاجلا غير آجل

حبيبتي دربالج منها
هذي نصابه شدعوا 2800 ؟؟؟؟؟؟
وانا سمعت شكثر كلام موزين عنها والله اعلم

دربالج حبيبتي

 

[mosta7eel]

حياتي عسى ربي يرزقج الذرية الصالحة
البنات كفوو ووفوو
لا تمشين وراها وبعدين تتحسفين روحي حق دكتور استشاري احسن
اهم ادرى ودارسين هالحالات بالقليل تقطين فلوسج وانتي مرتاحه

 

[تفااحة]

انتي من صجج خليها تولي هذي سمعتها موشي انتبهوا لاتروحون يمكن الشرطة تكبس عليها بأي وقت يقولون مكانها وصخ وتشرب زقاير وكل الحريم تعطيهم نفس الدوا ... لا والطامة الكبرى تفحص من داخل ووع احنا سونار وياللة لا ومعقم بعد هذي تدخل ايدها حسبي اللة ونعم الوكيل تستغل حاجتنا وشوقنا للضنا ويقولون تعطي تحاميل وتسويها من مني الصعايدة استغفراللة انتبهوااااااااااااااا لوافعد طول عمري ماحملت ماروح لها ............................ 2800 وين قاعدين صج موغالي على الظنا بس حرام عليها واللة اقطها على دكاترة اضمن لي او انبوب ولا اسوي فيها تحاليل برا ....................

اذا تبين مرة تروحيلها روحي لام فيصل بجابر العلي خوش مرة شغلها مرتب ونظيف وتخاف اللة وادويتها ماتعدى الاربعين وتقولج 3 شهور ماشفتي نتيجه لا تجين وتضيعين ووقتج ... انا رحتلها بس مالتزمت بعلاجها شهر وصارتلي ضروف ووقفت ... حتى ماعندها حريم وايد يعني ماتنطرين ....واللة يرزقج يارب

 

[Coffee-Girl]

اتي انا قريت عنها من فتره انها نصابه لا تروحيلها

اذا تبين روحي حق ام فيصل الي بجابر العلي حيييييييييل يمدحونها او روحي للبناي اعف وحده تعالجت عنده وحملت

 

[الزمردهA]

ربي يرزق كل محرووومه الظنا المعااافي السليم
خل تولي والله ماروح لهاااا اصلا قبل فتره سمعت عنهاااا من سمعت المبلع قلت اكيد جذاااابه
والحمدالله بانت على حقيقتهااا الجذااابه:
وانصحج تكملين العلاااج عند العرف وتسويت منظار وتطمين اكثر لان انا اصلااا مسويه منظار بس عند الصباح الحمدالله كل شي سليم
بس لحميه وسوهااا بالمنظار يعني كله مره وحده وتكووونين مخدره بنج كامل
واذا تبين فيه وحده مرتبه ونظيفه بتيماااء والله بنات واجد حملو بعد الله طبعاا عندها وماتاخذ الا عشردنانير واذا الله كتب الحمل تاخذ ثمن خروف
اسمهاااا ام جاسم 97426119
والله يشفيج ويرزقج ويعافيج ياااااااااااااااااااااارب العالمين

 

[أحلى عيون]

يا حليلها ايام اول كانت على 100 دينار من الفسق والله طلبت هذا المبلغ


مالج شغل والله انا مثلج رحت حق حرمه ومعطيني الدكتور موعد تلقيح صناعي وقالت لي حتى لو سويتيه ماراح تحملين او ما يطيح الياهل وبعدين قالت لي شلون تسوين العمليه وانتي عندج ميلان بالرحم

وسبحان الله تركتها وخليت كل شي على رب العالمين والله ما تصدقين بعد 12 مره سويت التلقيح وبعد ما تركت سوالفها ونصبها رحت سويت التلقيح وحملت في بنتي وربي ثبته


والله نص الحريم يستغلون البنات مالج شغل فيها وخليج على الدكاتره افضل لج

 

[)( مسألة وقت )(]

حبيبتي خليها تولي .. أنا والله ما أعرفها ولا أبي أحط في ذمتي شي عليها ..
بس شوفي تجارب البنات معاها .. وإذا أنتي متاكدة فيك ضعف .. خلاص روحي سوي منظار للرحم وتاكدي إن ما فيه شيء ..
سبحان الله اليوم اسولف مع وحدة بدوام امي .. تقول وحدة من أهلهم صار لها 5 سنوات ما حملت .. وما بقى شيء ما سوته ..
المهم ما كتب الله لها حمل .. عاد راحت عند دكتورة بحولي ما أدري شسمها .. المهم قالت لها الدكتورة سويتي منظار للرحم قالت لا ..
قالت خلاص بسويلك ألحين ونشوف إذا فيه شيء بشيله .. وسبحان الله طلع عندها لحمية زايدة بالرحم .. كان تشيلها الدكتورة .. وسبحان الله ما قعدت شهر إلا وهي حامل ..
فانتي يا أختي لا تآخذين على كلامها .. سوي منظار وتأكدي إن الرحم مافيه شيء .. وإذا على ضعف المبايض .. ادخلي قوقل وأكتبي نظام فيافي .. وأقريه وإن شاء الله بتستفيدين .. وإذا ما لقيتيه دزيلي ع الخاص أدزلك الرابط .. لأني حافظته عندي في المفضله ..
كلامها صدق يحسسك إنها خايفة عليك .. وكل اللي تكتبه وتقول عنه مجرب .. وأغلب اللي طبقوا كلامها يمدحونها .. أنا والله بعد أتكلم عن تجربه .. هي مسويه نظام للدورة والنفاس الله يكرمكم .. عاد أنا ألحين على الدورة وإنتوا بكرامه وقاعده أطبقه .. والله العظيم أحس بفرق .. مع إني ما إلتزمت فيه حيل .. ع العموم دوري في النت وإقري الموضوع كامل يمكن تحصلين نفس حالتك .. وهي حتى كاتبه علاج للي عندهم ضعف المبايض .. شوفيه وإذا عجبك طبقيه .. ع الأقل إنتي تسوين الأدويه وكل اللي تبين .. وتكونين عارفه شتحطين ..
مو هذيك 2800 دينار وما تضمنين شيء ..
أنتي توكلي على الله .. وسوي المنظار للرحم .. وإقري نظام فيافي .. وإن شاء الله الله بيرزقك بالذرية الصالحة ..
ولا يضيق صدرك ولا شيء .. تذكري إن لك داء دواء إلا الموت .. وكثري من الدعاء والإستغفار والصدقة وقيام الليل ..
والله يرزقك وكل مسلم .. اللهم آمين ..

 

[بحر الذكريات]

السلام_ام سعد هاذي كله رفيجتي تقنعني اروح اعالج عندها ع الحمال وانا مومقتنعه_خصوصا انها غاليه_اتذكر جتها وحده ماحملت 3 سنين عقب بنتها وطلبت منها ام سعد 1500دينار والبنت ماكان عندها _ردت لبيتها وكثرت استغفار وصدقات ودعاائ وخلال شهرين طلغت حامل

 

[)( مسألة وقت )(]

الحمد لله طلع ردي .. علق المنتدى .. وجتني صدمه إنه الرد ما يطلع ..
ما أقدر أعيد الكلام واااجد .. بس الحمد لله طلع
حبوبة .. نفس ما قالوا البنات خليها تولي ..
ونفس ما قلت لك بردي اللي فوق ..
وتوكلي على الله

 

[غيـ الناس ـر]

ما عليج منهم اهل الطب الشعبي كله حجيهم خرابيط ..

يعني الحين هذيل يفهمون والدكاتره بالسونارات والعفسه ما يعرفون !!


يمعوده ردي على الطب العلمي وخلي الطب الشعبي يولي


والله يرزقج يا رب

 

[ناتشوو]

خليج عالطب
وتوكلي على الله
حتى الامراض اللي ذكرتها لج
علاجها بالطب ان شاء الله
اشدعوة هالمبلغ كله على طب شعبي وتدليك؟

 

[فتكات بنت كيداهم]

صج مجنونه تروحين لحرمه 2800 د قطيها على دكتور احسن لج وسوى اطفال الانانيب

 

[ملكه الحطب]

نفس كلام البنات روحي للدكتور اضمن

وام فيصل انا رحت لها بس ماارتحت لها ولا داومت على علاجها

وعندج دكتوره بحولي انا رحت لها مره ملتزمه وحبوبه ونفسيتها حلوه سميره العوضي وسونارها ب 20 دينار وتفهمج وتقولج مالج شغل بكلام الحريم زين مابجيت عندها ههههههههههه

والعرف حيييييييييييييل يمدحونه

وفي وحده امدحتلي ام عبدالله بفحيحيل تقول ماتعطيج الا عسل وتحط دوا فيه وعلاجها يمكن قالت ب 20 او 40

والله يرزق الجميع ان شاء الله

 

[اشواق2008]

لا يا اختي حرام ما عليج من كلامها والله لو برفسوره ما تعرف بدون اشعه وسونار لاتصدقينها انتي راجعي عند دكتوره والله يشافيج ويعافيج ويرزقج ولا يحرمج والمسلمين اجمعين

 

[دنياالوله]

حبيباتي
كل اللي ردوا علي:tek::tek:
الف شكررررررررر
وانا على قولتكم استخير واكمل علاجي عند دكتوري
واخليها تولي
شنو والله المفروض تساعد الحريم وتاخذ فيهم اجر
مو تطلب هالمبالغ الخياليه
الف شكر:tek::tek:

 

[ام يوسف القمر]

والله نصابة

انا يتني مرة كويتية اسمها ام عبدالله دهنتي تدرين جم ساعة اقعدت عندي 4 ساعات والله العظيم تسوي كاسات وتحط بخار شغلها عجيب يومين 8 ساعات وتاخذ65 بس والله امينة وفلوس موحرام ولاتبيع اعشاب ولا هالخرابيط وتقول شنو رحمج مايل تقول انا مو سونار مرة فاهمة وحتى تقولج شنو تاكلين وشنو موزين انا قالتلي ابتعدي عن الاججبان واكلي خضرة وفواكة حسيت صج امينة وفاهمة
صج استانست عليها وحسيت ماهمها الفلوس ومرة محتشمة وكافي كويتية وسنعة انا جربت شكثر بس هذي غير لانة اقولج طول مو بسرعة واعشاب وخرابيط

 

[فدعوسه]

اختي انا راحت عند واحده وكنت متأكده اني سليمة
ولكن راحت وطالعت فينى جم علاه عشان اخاف واجي لها اكثر من مرة
ولكن ربي واعني ولا جيته
وتوكلت على اللى ما تنام عينه اهو اعلم من غيره
وماشاءالله العلم كل دقيقه يتطور
وانتي للحين على الطب الشعبي انا ما اذمهم ولكن من خلال تجربتي غيرت نظرتي لهم

 

[هداوي المطيري]

انا بعد رحت لها واطلبت مني 2800 وعالجت معاها سنه ولكن مافيه اي نتيجه