حبي القديم متخبطه في اتخاذ قراري ساعدوني

[Gatwa DaloO3a]

ما تدرين يمكن ربي سخره لك !!!

و يارب يكون الشخص اللي يعوضك .. انا لو مكانك وهو انسان زين وانتي تعرفينه من زمان يعني لج خلفيه عنه . فا ليش لا ؟؟ بالعكس بنتج يبيلها اخوان اخوات ،، بكره من بيكون لج ؟؟ الكل لاهي بحياته اخواتج اخوانج امج ابوج ، محد فاضي لاحد..الحين متعقده من طليقج ..بس بكره لا قعدتي بروحج وكلن لاهي بحياته شنو بتسوين ؟؟

وهل طليقج الانسان اللي يستاهل انج تخسرين باقي عمرج بسبة عقدتج منه ؟؟؟

اذا الرجال اللي يحبج ويبيج شاريج لا تبيعينه .. و لاتضييعين الفرص انتي اول شي بعيون الناس مطلقه وثاني شي عندج بنت .. ولو مايحبج صدقيني بينسحب

 

[أدعج غنج]

لا تقللين من قدرج وايد ترا نظرتج لنفسج منعكسه على تفكيرج....يمكن لان التجربه كانت قاسيه بس ترا لا انتي اول ولا اخر وحده تطلق وعنها عيال
والله لتتحسفين قد شعر راسج ان ضيعتي هالفرصه
ترا حتى بنيتج الله يخليها لج محتاجه تستقر في اسره من اب و ام واخوان. لا تخلين قسوة الزمن تخليج تقسين على نفسج
توكلي على الله
الله يفرحج ويسعدج معاه

 

[حواري]

كلامكم وايد منطقي وايد اقنعني
واضح ان خوفي مسيطر علي بشكل مو طبيعي
خليتوني اندفع اني ادق الحين اقول موافقه

 

[حواري]

عفيه بنات حطوا نفسكم مكاني ابيكم تنصحوني من كل الجوانب مابي اغفل عن شي مابي تجربتي المره تتكرر و لو اني واثقه ان طليقي ما يسوا نعال حبيبي شياب الصين للطين فرق السما عن الارض
هو عنده خفاره الحين و قاعد يدزلي بالواتساب ودي اقوله انا موافقه الحين ودي اشوف شلون تكون ردة فعله احسه راح يستانس بس الي مانعني اني ادزله اني موافقه هو بنتي نايمه يمي و كل ما يي بقوله موافقه اطالعها و ابجي خايفه عليها خايفه
و الله مادري شنو الي مخوفني

 

[أإلع ـشق دلع ـهـأإ]

اول شي احب اقولج انج عجبتيني

وحبيتج في الله

وربي رزقج بزوج وتعذبتي منه واخر شي انفصلتي كل هذا دليل حب ربي لج

ولانه يحبج بلاج بالزواج الفاشل علشان يكفر عن ذنوبج كلهاا لانج تبتي

فبعدها اكرمج بواحد ثاني كنتي تحبينه وتبينه وتركتيه علشان ربي فعوضج فيه

شفتي ربج كريم وماينسى عبده !!


ثاني شي انتي مالج ذنب بطلاقج ومو عيب البنت المطلقه تاخد واحد ماسبق له الزواج !!

شكثر نااااس اعرفهم بنات عندهم عيال خذوا ازواج لم يسبق لهم الزواج !!

لييش تحاتين وخايفه وتوسوسين ؟؟؟

صلي صلاة الاستخااره وادعي ربج قولي ربي اني تركته قبل لوجهك واني مابي الحرام فاسالك بعملي هذا ان تعوضني فيه بالحلال ويكون خير لي

وبج ماراح تضيع باذن الله

وتعوذي من الشيطان ومن حقج تفرحين مره ثانيه


ربي يهنيج ويسسسعدج ويسسخره لج وتتزوجون يارب

تستاهلين الدعوه

 

[أإلع ـشق دلع ـهـأإ]

وحبيبتي شفت ردج انج تعبتي واايد وتشوفين حيوانات !!

حبيبتي يمكن من الحزن والضيق اللي شفتيه وعشتيه سكنج جني لانه مايدج الا باللي يقعد بروحه وكله يبجي

وعلاجج بسيييط باذن الله

عليج بالبقره يوميا ..

وتقولين اذكار الصباح والمسااء + زياده عليهم قراءة الفاتحه ٧ مرات مع النفث ع الجسسم

وشرب ماء زمزم مقري فيه البقره كلها والرقيه الشرعيه

وكثري من شرب الماي وان قطرتي تسبحي منه

ودهني جسسمج وظهرج بزيت زيتون مقري فيه

واستمري ع الشي هذا وبتشفين وبترتاحين باذن الله

وتفائلي بالخير وعيشي حياتج بالحلوه

وحاولي تبعدين عن الحزن وعن كل شي يخليج تحزنين

 

[حواري]

العشق دلعها حبيبتي كلامج يهبل عسل و الله على قلبي ماتدرون انتو شنو غيرتوا فيني جد امس شلون كنت افكر و اليوم شلون تغير تفكيري و فعلن انا كل ماقعد على سيادتي اقول نفس الكلام الي قلتيه مخلصه النيه لربي
و بنسبه للي صار فيني حبيبتي انا بصراحه مادري شنو تعرفين الي اشوف القطو اشوفه بعيوني و من ارمش يختفي بس متأكده اني اشوفهم مره داشه غرفتي و اشوف القطو طالع من الغرفه من شافني لبد ورا الباب و ركضت اطل عليه و لا مختفي ماكو شي و مره و انا نازله من الدري شفت قطو اسود يصعد و فجأه يختفي و مرات اكون نايمه ابطل عيني اشوف كذا واحد يفتر بالغرفه من يشوفوني يختفون مثل السراب بس انا متأكده اني اشوفهم لانه تكرر هشي معاي و هشي مو من الحين من قبل لا اطلق كنت اشوف قطاوه تخطر من الصاله تدش المطبخ او من الصاله تدش الغرفه و مرات و انا نايمه كنت اشوف بعد واحد طويل بالزاويه لي درجة اني صرت ماقدر اقعد بالشقه خلاص كرهتها ماقدر كنت طول اليوم بره البيت ماقدر و اذا دخلت البيت ابي انام و اذا قعدت بالصاله ابجي مثلالقمته الي صارت فيني و الحمدلله افتكيت من هشي و ييت بيت اهلي و خفت معاي الحاله هني تتكرر معاي اي بس بلاسبوع مره مرتين هناك لا بشكل يومي لي درجة اني مرات اكون بالمطبخ اطلع اركض الغرفه بشوف القطوه بتأكد و لا كن دايمن يختفون
و بنسبه للي قلتيه انا اسويه و عشان جذي امنت البنات انهم يسوونه تدرين مرى قريت سورة البقرة على ماي زمزم و سورة آل عمران و شربت الماي و ظليت اشربه 3 ايام و حطيته في البراده عشان كلنه نشرب منه تدرين شصار فيني ثالث يوم عزج الله قمت ارجع خيوط لونهم ابيض و شعر و اظافر قسم بالله من هول الصدمه اقول حق طليقي تعال شوف تعال شوف شنو طلع معاي هومن الخرعه وقف يطالعني يقولي كل هذا في بطنج لان بطني ظلت متفوخه 3 ايام تخيلي انتفخت مثل الحامل و بعد ماي زمزم المقري و الاستمرار على سورة البقرة طلع هشي من بطني بعدها بثلاث ايام و لي الحين ما عندي اي تفسير لهشي و ظنيت ان سحر او اعوذ بالله شي من هلقبيل لاني انا مؤمنه ان الانسان طول ماهو يصلي و محافظ على قرائة القرآن مايضره شي الا بإذن ربي و الف الحمدلله انا الحين بحالة تحسن و تحسن كبير الف الحمدلله

 

[حبيبي مالكني]

انتي تحبينه واهو يحبج
لازم تتزوجون
خلج واثقه من نفسج
اهو يدري انج مطلقه
وراضي فيج
بعد ليش تحاتين
صلي استخاره وتوكلي على الله

 

[نونه المنكوشه]

استخيري وافقي وصدقيني اذا يحبج بيحب بنتج وبيخاف الله فيكم لاتسيرين سلبيه ونظرتج سوداويه مثل مافي الشين اكيد في الزين والريال يايج من الباب ويبيج بالحلال ليش ترفضين علشان بنتج صدقيني يمكن اهوه يعوضها عن فقد ابوها وليش تدفنين نفسج وانتي توج يابت الحلال وافقي وتوكلي ع الله واهوه عارف وضعج وراضي انتي ليش زعلانه واااااي يقلبج حجر انتي شريره لوانا جان خريت بسرعه مالي قلب ههههههه<<<< ياحنون ياانته

 

[لذه السكر]

اقره قصتج واصيح حسبي الله عليهم يوم بهذلوج والله يعوضج خير

انا من رايي نطري انتي توج طالعه من زواج فاشل وتجربه قاسيه اخذي وقت ترتاحين فيه ترتبين افكارج
وبعدها فكري

اولا اهو مو اول ولا اخر واحد ياخذ مطلقه بنات عمي 2 مطلقات وعندهم عيال وخذو صبيان مو متزوجين من قبل
وحده الله وفقها وحاط عيالها على راسه مدللهم والثانيه فتره ومل منهم وقالها وديهم عند امج

بس اذا انتي واثقه بكلامه توكلي على الله الفرصه ماتيي كل يوم وانتي توج صغيره من حقج تستانسين وتونسين بنتج
باجر بنتكبر اسمالله عليها وتستقل بنفسها وقتها راح تحسين بفراغ

وانشالله ماتظلمينه دامه اهو راضي واخته راضيه ومقتنعين خلاص انتي سويتي اللي عليج

والله يوفقج يارب :***

 

[غنـــــج]

السلام عليكم

أول شيء حبيت اقول أن هذا جزاء جميل من ربج بسبب توبتج له وخوفج منه رد لج اللي تحبينه

ثاني شيء لا تقولين منفصله ولا لا .. ما فيها شي ولازم تعرفين أن كل شيء خيره من رب العالمين بتجربتج اللي فاتت

الحين اللي عليج تسوينه
أحذري وديري بالج تنقصين من قدرج جدامه وتقولين بس أنا منفصله بس زوجي عذبني

خلي عندج ثقه والانفصال ما يعيبج ولا لج دخل فيه

جذي لما تستضعفين نفسج جدامه بتنفرينه منج ولما تحبين نفسج بتقربينه منج

وبالنهايه بقولج لا تكلمينه وقولي له مأبي اكلمك لأن علاقتي فيك حرام وهذا الصج وخلي تواصلج مع أخته

واهم شيء صلاة الاستخـــــــااااره

ولا تنصدمين من رفض أمه لكن لا تقللين من قيمة نفسج


وبالتوفيق

 

[لذه السكر]

يالله كل هذا من مكالمه تليفوونيه مابني علي بااطل فهو بااطل الحين تبتي وعشتي حيااتج وجربتي الزواج والولد لاتزوج ولاعاش حيااته واحترمج بكل الاماكن ولاغيره جان فضحج عند زوجج صرااحه هذا الرجل ناادر واهودكتور اذا تحبينه. خليه يعيش حيااته وحبيله الخير ليش تجيبين لبيتهم المشاكل وعوار الراس وامه الي رافضتج خليه وانسيه بااجر بيتزوجج وينساااج ويعيل ويعيش حياته صراحه موذنبه يتزوج مطلقه وعندها بنت قاعده اتخيله اخوي شنو ذنبه وبعدين تلقين خواته يسايرونه يقولون خل يتزوجها عن نفسه حرام كسر خاطرهم ماادري احسهم لي قعدوا مع بعض بيقولون من وين ياتنا هالمصيبه اخوناودكتور بنزوجه مطلقه زين حجي الناس بيصم اذاني امه اذاتحبين نفسج تزوجيه وانتي مغمظه لانه عريس لقطه واذا تحبينه خليه يعيش حياته ويجرب واذامااقدر ينساج بيرجعلج وبالتالي بتكونون متساوين وبعدين شرايج تسالين شيخ دين احنا نكلمج بعواطفنا يمكن اهو يعطيج راي عقلاني

قل خيرا او اصمت

اسمحيلي اختي تفكيرج عجيب .. بنيه زينه وخلوقه واخوي ميت فيها ذمبها والوحيد تطلقت بظروف ما يعلم فيها الا رب العالمين اقول عنها كل هالحجي

وخواته يتحجون فيها من وراها @@ هذي مادشت عليهم وجذي تفكيرج

لا والله تدش معززه مكرمه وكرامة بنتها من كرامتها ولو انها مو بنتنا بس تنحط عالراس اذا الام زينه

وليش موذنبه واهو يبيها .. عيل ياخذ وحده مغصوب عليها ويبهدل عيشتها ولا قادر يتاقلم معاه لان يحب

:bbbiu:

 

[toota87]

الرجاال شاريج ويبيج
وتحبينه واهوو يموت فيج
شنو الماانع
توكلي علي الله واخذيه وشيلي من راسج يمكن ومايمكن
صلي الاستخااره وبعدهاا عطيهم الرااي
والله يرزقج ويوفقج

 

[هيبة ملك]

والله حرام اللي قاعده تسوينه بنفسج وبالولد

توكلي على الله وين الوجده تلاقي هالزمن إنسان يحبها كل هالحب

 

[بنت الرحاب]

الكلام اخذ وعطا وهذا رااي لما قلتله لاني فهمت تفكيرج انا مافكرت بعواطفي مثلكم السالفه موشهر ولاشهرين هذا عمر كامل اذا اهي عمرها ٢٦ فانا اكبر منها بعشر سنين واطالع لي جدام بس عجبني لما تركتي الموضووع لامه واعتبرتي قبولها ولارفضها الكلام النهائي ومهما قالت بيكوون هذا قسمتج ونصيبج موقف اخته نادر ورائع في زمن كثر فيه المعاير واعتبرت المطلقه مجرمه في حق نفسهاوعيالها لاتقولون تفكيري رجعي هذا الواقع ولاعايشين في المدينه الفاظله انا كنت مطلقه واعرف الوضع عدل كلامي مومن فرااغ الا جرح في داخلي مايبرا وياليتني نفسج تطلقت من واحد فاشل لا والله الا تطلقت من حب حياتي صراحه موقادره اكتب قلبتي علي المواجع لاتعتبرين نفسج الوحيده في هالدنياا الي انظلمتي واايد ناس عاشوو تجارب اقسي بس دايم الصمت ابلغ من الكلام




المهم اذا امه وافقت واهله متفهمين وضعج خوضي هالتجربه واقبلي الزواج وانتي موخسراانه شي والريااال مايعيبه شي واكثري الاستغفار واعلمي انه الله يمتحنج ولاتنسين ان الله تعالي قال وبشر الصابرين وترا قسمتج ونصيبج مكتووب قبل لاتنولدين والله يوفقج ويكتبلج الخير وين ماكاااان

 

[بدوية متهوره]

والله سجلت دخول بس برد عليج ..
لانج تبتي ربج كتب لج الخير بسبب توبتج
الريال شاريج انا انصحج تصلين استخاره واذا ارتحتي وافقي لا تترددي خلج واثقه من نفسج
وترى حبيبتي مب كل الرياييل شرات بعض ، سؤال اصابع ايدج كلها شرات بعض ؟ طبعا لا
وترى وايد ناس يعرفون بنات تزوجوا وناس تزوجوا عن حب بإدنى الطرق يت عليج يعني ؟
وبعدين هو دامه قال يبيج ويبي بنتج ويلحقج عقب اللي صار وصار وللحين ما اتوقع فيه شي يردج
صلي واستخيري وتوكلي على الله .. بإنتظارج تبشرينا غناتي ..
الله يوفقج ويسعدج ويسر لج امورج يااارررب

 

[أم حورية]

اختي ام الرحاب

كلامج في جزء من الصح بس ارد واقوول اصابع ايدج مو سوا

اختي صااحبة الموضوع الله يشهد اني حبيتج عشان جذي بس حبيت اقولج اي مكالمة او قعدة او نظرة معاه راح تكون حرااام

وخلي تواصلج مع اخته وبس

ماراح انساج من دعائي ان شالله

 

[مـعـجـبـة]

على عمري .. 5 سنين ماخذة قلب الريّال

واقفي يا مرة واقفي .. عوور قلبي

جان زين يحصل لي واحد مثله

ربي يسعدكم مع بعض وأهم شي انتي لا توسوسين​

 

[the-angel]

الله يوفقج حبيبتي استخيري وتوكلي علي الله

 

[shai6onah]

بشري شصار ّ!!! انا من قريت كنت رافضه ٨٠٪ ورظيت الحين ٨٠٪ ابتسمت لا اراديا ,,,, الله يوفقج ويعوضج خير يا رب