حبي القديم متخبطه في اتخاذ قراري ساعدوني

[GaLbI t7aWaL]

ana la sh3oryan ga3da abchi



bs enti fakri b3gl


alryal y7bch w shareech

 

[بنت الرحاب]

يالله كل هذا من مكالمه تليفوونيه مابني علي بااطل فهو بااطل الحين تبتي وعشتي حيااتج وجربتي الزواج والولد لاتزوج ولاعاش حيااته واحترمج بكل الاماكن ولاغيره جان فضحج عند زوجج صرااحه هذا الرجل ناادر واهودكتور اذا تحبينه. خليه يعيش حيااته وحبيله الخير ليش تجيبين لبيتهم المشاكل وعوار الراس وامه الي رافضتج خليه وانسيه بااجر بيتزوجج وينساااج ويعيل ويعيش حياته صراحه موذنبه يتزوج مطلقه وعندها بنت قاعده اتخيله اخوي شنو ذنبه وبعدين تلقين خواته يسايرونه يقولون خل يتزوجها عن نفسه حرام كسر خاطرهم ماادري احسهم لي قعدوا مع بعض بيقولون من وين ياتنا هالمصيبه اخوناودكتور بنزوجه مطلقه زين حجي الناس بيصم اذاني امه اذاتحبين نفسج تزوجيه وانتي مغمظه لانه عريس لقطه واذا تحبينه خليه يعيش حياته ويجرب واذامااقدر ينساج بيرجعلج وبالتالي بتكونون متساوين وبعدين شرايج تسالين شيخ دين احنا نكلمج بعواطفنا يمكن اهو يعطيج راي عقلاني

 

[سنيوريتا الحب]

وافقي عليه دامه شاريج

 

[al505a]

الحياة فرص ومو كل مرة بتيج هلفرصه
انتي تحبينة وهو يحبج وشاريج
مابتلاقين احد ينطرج خمس سنين غيرة
بنتج لنها بنتج يمكن بصير عليها حنون اكثر من ابوها
ولاتظلمين الولد اكتثر
بعتيه مرة لاتبيعينة مرة ثانيه

 

[BaiTotia]

بنت الرحاب

الله يعينج إذا جذي تفكيرج

الريال ماهو مراهق ولا توه يحبها

يبيها من سنين وشاريها وللحينها بقلبه

محد ياله وطقه على إيده وقال أخطبها غصب

شاللي يمنعهم يتزوجون يعني؟؟؟

 

[al-musk]

إنتي لييش مطيحه حظ نفسج واي لاتقهريني
يعني بتصيرين انتي والزمن على نفسج
خلاص ربج ابتلاج وفرج عليج ويبي يعوضج خير تقومين انتي تحطين الف سبب وسبب وتشككين بالنوايا
يابنت الحلال الواحد نفسه مايضمنها تبين تضمنين مايصير فيج شي.. انا معاج انج مأجله الموضوع لي ماتستقرين وترتاحين وتعدي فترة تنسين فيها الجرح بس انج تنسين الموضوع فحرام واذا كنتي منفصله وهو ماتزوج مافي شي يمنع .. واهم شي استخيري ربج وماعليج وربج مابيخيب رجاج فيه ..

الله يعوضج خير ويرزقج السعادة ونصيحه روحي لدكتورة فوزية الدريع بعيادتها عالبحر .. انتي محتاجه معالج نفسي واسري يطلعج من الدمار الي داخلج .. ودكتورة فوزية احسن شخص.. صدقيني النفس والروح مثل الجسد تتعب وتبي من يمسح الغبار عنها ..

واي حريتيني والله - انا معاج الي صار مو هين بس لاتقعدين تبجين على شي تدمر وراح وصار من الماضي .. الحياة تمشي يانمشي معاها يا بنقعد بنفس الدائرة ومحد بيخسر غيرنا ..

 

[أم حورية]

ام الرحاب شهالكلام ؟؟؟

استغفر الله مسوية جريمة عشان يقولون مطلقة ومصيبة ومادري شنو ؟؟؟

اصابعج مو سوا

اكيد كل ام او اخت تبي الزين حق ولدهم

بس الوحدة تثبت نفسها باخلاقها واللي اهي فيه مو ذنبها

صاحبة الموضوع ماشالله مبين عليج عاقلة وفكرتي عدل واسبابج مقنعة بس لا تظنين انج تصبرين ع طول مردج تبين ريال يسندج ويوقف معاج ودام لقيتي اللي يحبج راح يتحملج لان شاريج بس عقب جم سنة راح تكون نفس الاسباب موجودة مع شخص ثاني يتقدملج مرراح يتغير شي

بس هالشخص دامه شاريج راح حطج بعيونه

وما تدرين يمكن يكون من نصيبج لانج تبتي ووخرتي عن الحرام

وبالنهاية احنا تفكيرما محدود استخيري احسن

ادعي دايما ان اذا خير لج يكتبه من نصيبج واذا كان موزين يبعده عنج

وعسى ربي يكتبلج الخير

 

[الزيـــــ^^ـــــن]

بنت الرحااب ياي حرام عليج شهالرد قلبج قاسي مع احترامي لج ..
حبيبتي صاحبه الموضوع عووورتي قلبي واندمجت حيييل بقصتج الله يكون بعونج..
انتي متردده لانج مكسوووره ومجروحه من اللي صارلج ..انسي الماضي وافتحي صفحه جديده لحياتج
كسر خاطري الولد احسسسسه شاااااارييييج ويبيييج وباين عليه ريال عاقل وفاهم بصراحه وين تلاقين مثله
نصيحه مني لج وافقي انتي موناقصج شي شنو يعني مطلقه لاتظلمين نفسج بنتج بسلامتج ان شالله تكون بخير وماتدرين يمكن ربج دزلج هالريال يعوضها عن حنان الابوووو.. وافقي والله يوووفقج ويسعدج

 

[يآلبى ضحكتي:$$]

آستخيري ووافقي



1) الولد شآآآآآآآآآآآآآريج

2) عمره مو صغيره والحلو انه اكبر منج ب 6 سنين يعني تقريبا اللحين عمره 29 او 28 يعني عاااااااااااااادي احس

3) مراح تلاقين فرصه احسن من هذي خصوصآآآ بينكم حب

4 ) آستخيري اهم شي

 

[كارلوفي فاري]

يالله كل هذا من مكالمه تليفوونيه مابني علي بااطل فهو بااطل الحين تبتي وعشتي حيااتج وجربتي الزواج والولد لاتزوج ولاعاش حيااته واحترمج بكل الاماكن ولاغيره جان فضحج عند زوجج صرااحه هذا الرجل ناادر واهودكتور اذا تحبينه. خليه يعيش حيااته وحبيله الخير ليش تجيبين لبيتهم المشاكل وعوار الراس وامه الي رافضتج خليه وانسيه بااجر بيتزوجج وينساااج ويعيل ويعيش حياته صراحه موذنبه يتزوج مطلقه وعندها بنت قاعده اتخيله اخوي شنو ذنبه وبعدين تلقين خواته يسايرونه يقولون خل يتزوجها عن نفسه حرام كسر خاطرهم ماادري احسهم لي قعدوا مع بعض بيقولون من وين ياتنا هالمصيبه اخوناودكتور بنزوجه مطلقه زين حجي الناس بيصم اذاني امه اذاتحبين نفسج تزوجيه وانتي مغمظه لانه عريس لقطه واذا تحبينه خليه يعيش حياته ويجرب واذامااقدر ينساج بيرجعلج وبالتالي بتكونون متساوين وبعدين شرايج تسالين شيخ دين احنا نكلمج بعواطفنا يمكن اهو يعطيج راي عقلاني

اذا تحبه تسعده وسعادته معاها. تبينها تحل المشكله بمشكله وبعدين يااختي شهالتفكير الرجعي. شنو مطلقه شنو بكر. ليش ما في اشرف من سيد الخلق محمد عليه الصلاة والسلام كانت يتزوووج المطلقات والارامل. وانتي خايفه انه بيخطر بباله يدور بعدين وحده بكر عاد هذا لكل حادث حديييث منتي عارفه بقلوب الناس. يعني برايج تتزوج على شريجه ولا عنده درزن عيال علشان خاف حبيبها ينحرم.
شينحرم منه واللي ياعفيج شنو احلى من العيش مع الحبييييب :eh_s(4)::eh_s(4):

 

[حواري]

فديتكم و فديت كلامكم قسم بالله ان كلامكم وايد رايحني قسم بالله فتحت الموضوع و حسيت ان الردود يمكن ماتريحني بس قسم بالله ارتحت وادي و قمت افكر بكل رد و بكل كلمه لقيت ان كلكم على حق كل وحده فيكم تطالع الموضوع من زاويا
لاكن الي متعب تفكيري هي بنتي اليوم قلت له اني خايفه ياخذ بنتي مني قالي لا تحاتين مايقدر ياخذها وراسي يشم الهوى احط 10 محاميين و لا ياخذونها منه انا ارتحت وايد من كلمت منه حسيت ان حاسبها بنته مثل ماهي بنتي
و من جانب ثاني في عدة اسباب و عيوب بطليقي ما ابي اذكرها اخاف ادخل بتفاصيل و يعرفوني بس بالمختصر المفيد طليقي مو أهل للحضانه
طريقة تفكيري الحين قاعده افكر بالقرارين قرار الرفض و القبول
الرفض ممكن اكون ظلمته فيه و للمره الثانيه
و القبول نفس الشي اخاف ظلمته فيه و للمره الثانيه
و لاحظوا ترى كلام اختي بنت الرحاب وااااايد منطقي يمكن مايريح الجانب العاطفي فينه لاكن كلام منطقي 100 % و اشكرج اختي بنت الرحاب لانج وضحتي بكلامج شلون انا قاعده افكر
انا ادري اني المفروض اوافق من غير تردد وين القا مثله واحد شاريني و شاري بنتي لا كن فكروا بكلام اختي بنت الرحاب احساس متعب قسم بالله وايد متعبني هذا التفكير
و انا اليوم كلمت اخته و قلت لها الي في قلبي حسيتها وايد قريبه مني و قلبها كبير قالتلي ليش متردده خلينه نفرح فيكم وهو يبجي اليوم قبل باجر ليش متردده فهميني و وعدج ان الحجي هذا بيني و بينج و ما يوصل له
قلت لها اني متردهه خايفه اني اكون ظلمته للمره الثانيه هو ليش شنو الي جابره علي انا هو مو ناقصه شي ليش يتحمل غلطتي قرار زواجي السابق انا خذيته بروحي في الوقت الي تخليت فيه عنه ليش هو الحين يبي يتحمل نتيجة قراري الفاشل خيخليني و يروح يعيش حياته مع وحده غيري بنت بكر مالها تجربه سابقه تدرون شنو ردت علي ؟؟؟؟؟؟؟؟؟ و الله اكبرت بعيني واااايد
قالتلي يرضيج ياخذ غيرج من بنات خلق الله و يطلقها و يرجعلج ؟؟؟؟؟؟؟
انا هني سكت قلت لها لا ما ارضى ان يلعب على بنات الناس باسم الزواج حرام ما ارضا الي صار فيني يصير حق اي وحده انشالله لو عدوتي
هني ردت علي و قالت لي عييل شرايج اقولج ان اذا امي ماوافقت على هزواج هو راح يسوي جذي هذا الي حاطه في باله
انا بصراحه هني خنقتني العبره قالتلي ابجي مثل ما تبين انتي تعرفين شنو يعني الريال يحبج يعني لو شرق و غرب راح يرجعلج و كاهو قاعد و صار عمره 30 و ليلحين ماتزوج و لا عيل و ربعه عيالهم طولهم بصراحه جد عور قلبي و حسيتاني مادري شلون اتصرف كلامها حسسني اني انا له له مافيها روح تعال
قالتلي كلام قطع قلبي قالتلي الظلم انج تسلبين منه انسانه حبها و مات فيها و تعلق فيها و خسرها مره و شاء ربج انها ترجعله و تصير في فرصه انها تكون له و حلاله و جدام الله و خلقه و فوق هذا ترفضه قالتلي انتي جذي راح تعذبينه من داخل لمن تحرمينه منج وراح تخلينه يسوي الي براسه
المهم اني فهمت من كلامها ان حاط في باله يتزوج و يطلق عشان يقنع امه و يقنعني لان حزتها بنكون متساويين في الحاله الاجتماعيه
و الله مادري شقول مادري شلون افكر بس من بعد كلامكم و كلام اخته اليوم قسم بالله حسيت ان قناعتي تغيرت
اليوم الصبح اقولكم رافضه 80% و الحين اقولكم انا موافقه 80%
انتو ماتدرون انا شنو قاعد يصير بقلبي لمن افكر بهلموضوع قسم بالله احس قلبي يتقطع لاني صج احبه احبه و مابي اظلمه مابي أئذيه للمره الثانيه خصوصا اني حاسه ان من الوناسه مو قادر يصدق كلامه يعور قلبي
مرات يقوم من النوم يدق علي يقولي انا بحلم و لا علم تهقين احنه صج ردينه ولا يتخايلي و الله حتى اضحك و بنفس الوقت تدمع عيني يقولي قولي اسمج الكامل عشان اصدق و مرات يقولي قولي كلمة السر عشان اصدق ان انتي انتي مو غيرج و اقعد اقوله كلمات سريه بينه قبل كنه نقولها
انا اعترف انا من داخل فيني تعب نفسي مو طبيعي و خوف من المستقبل لاكن ربي العالم شنو الي حاشني و شنو الي صار فيني فعذروني اذا عورتر اسكم و ضيقت خلقكم معاي لاكن بجد انا بحاجه لاني اسمع رايكم و نصايحكم فديتكم بنات ديرتي

al-musk اشكرج حبيبتي على نصيحتج و انا رحت حق دكتور نفسي و شرحتله حالتي حتى الدكتور النفسي استغرب من الي شفته بحياتي و وصلت لي مرحلة اني اخذ حبوب عصاب خصوصا اول ايام كشكلتي حاشتني اعصاب مو طبيعيه لي درجة اني ما اقدر اسمع صوت احد يتكلم يمي ما اقدر اسمع صوت اي شي لو صوت قطرة ماي يمي تقطر تنرفزني لاكن و الله مو مني و بديت اعالج نفسي بالقرآن يا اختي انا وصلت فيني الحاله اني اشوف شي مو موجود مرات اشوف قطاوه تتمشى بغرفتي مرات اشوف قطو يصعد عدري حالتي وايد تعبانه مادري شنو الي قاعد يصير فيني و مضغوطه ذهنين و انا ليلحين مستمره بعالجي القرآن وسورة البقره كل يوم اختمها مابي اتعلم على حبوب الاعصاب و الحمدلله القرآن وايد ريحني و احس اني رجعت اعصابي طبيعيه لاكن مرات الذكريات اتعبني و خوفي من المستقبل و خوفي من اني اظلم بنتي و اظلم حبيبي
تخبط تخبط ماله اول و لا تالي ربي يكون بعوني

 

[ام الشقى]

وربي فرحتني بمرافقتج عليييه الله يتتم لج ويسهل لج
وحياه زوجيه سعيذا باذن الله والله انج بترفحين قلبه وقلبج وقلب بنتج
هذا الرجال من كلامج عنه انه كفو ريستحقج

حبيبتي دام هذا رجلج بنتج ماعليها خوف باذن الله لانه شاريج وشرايها وراح يعرضها عن ابوها



الله يتتم لكم ع خييير

 

[طالبة انجلش]

اب اب
لعيوووووووووووووونج

 

[طالبة انجلش]

عسى ربي يكتب لج الخير وين ماكنتي انتي وبنتج واللي يحبج
وياخذلج حقج من كل انسان ظلمج يااارب

 

[حواري]

الي قاعده افكر فيه الحين اني اوافق و اترك المسأله حق امه اذا وافقت فهذا نصيبي و اذا رفضت فهذا نصيبي بعد بستخير و بتوكل على الله
انا اتوقع اذا اخته على هذي الدرجه من التعقل ماشاء الله تبارك الرحمن اكيد الام بتكون انسانه واعيه و متعقله وماراح توقف بطريجنه و لا انتو شرايكم ؟؟
ياخوف اوافق و اتعشم فيه واتعلق اكثر و تالي الام ترفض حزتها راح اموت قهر على نفسي
الله كريم مادري لي وين راح نوصل كثر ما انا متشفقه اني اكون انا و بنتي معاه في بيت واحد كثر ما انا خايفه من المستقبل حسبي الله على طليقي خلاني مريضه نفسيه لي درجة اني انا صايره اخاف من الخوف المبالغ فيه الي فيني
يا جماعه قوليلي هل خوفي منطقي و لا مباغل فيه هل انا لي الحق اني اخاف كل هلخوف و لا لا ؟
احس مرات اني مبالغه حتى هو يقولي انتي مو منج هلحجي انتي من الي شفتيه
تصدقون صح كلامه صج انا وايد تغيرت اليوم صورلي صورت رسماتي كنت ارسمهم و اعطيهم حقه كنت اعشق التلوين الزيتي قاعده اطالع رسماتي و الالوان الي حاطتهم صج كنت اشوف الدنيا حلوه طيور و حمام و الوان تفتح النفس الحين لمن امسك الفرشه و الون سبحان الله تطلع معاي لوحه تلوع الجبد و الوان تضيق الخلق جد جد انا تغيرت مو شويه وايد بس انشالله تر عافيتي مثل قبل و نفسيتي تتعدل انا احس ان نفسيتي وايد احسن احس اني قاعدهاتحسن تدريجيا
حتى صحتي بديت اهتم فيها كنت وايد هامله نفسي وهو خلاني اهتم لصحتي و اصر اني اسوي تحاليل و عطاني مكملات غذائيه و حديد حتى ويهي ردت عافيته كان لوني اصفر جنه راشين بويهي كركم الحين احسن الف الحمدلله
و نصيحتي لكم حبايبي قلبي لا تتركون القرآن قسم بالله اني من اقرى القرآن ارتاح و استغفر و انام على سورة البقره وايد ارتاح احس اني انسى كلشي امنتكم اي وحده عندها مشكله و تبي ترتاح لا تنسى الاستغفار و القرآن

 

[حواري]

اخييييه قسم بالله كلامكم برد على قلبي و الله يسوى الف روحه لطبيب النفسي و الله اني ارتحت فديتكم و فديت دعاويكم امانه تدعونلي ربي يريح قلبي و ييسرلي امري
ام الشقى كلامج وااااااايد ريحني فديتج يارب يكون هلقرار صح يارب

طالبة انجلش تسلملي عيونج و قلبج يالغاليه

 

[حواري]

عمومن حبايبي قلبي انا باجر اخته عازمتني نروح نشرب قهوه انا وياها بعد الفطور و اعتقد ان هو راح يي معانه مادري بس انا افضل ان احنه نكون بروحنه بنات عشان ناخذ راحتنه بالنقاش هي اصرت علعزيمه و انا ما حبيت اردها و اتوقع انها تبي تشوفني و تبي تناقشني بالموضوع و انا بصراحه متشوقه اشوفها و اقعد معاها وايد حبيتها هلمره وايد طيبه
لي درجة انها تقولي اذا صار نصيب لج مع اخوي و لا ما صار بتظلين رفيجتي و اختي و مابي اخسرج و جد و الله اني ابادلها نفس الشعور
يمكن لاني ماتعودت اقعد مع ناي طيبه بطيبتهم و قلوب صافيه و نفوس نظيفه ما عليها شوائب تعودت اقعد مع الانذال الي غدروا فيني يضحكون بويهي و من وراي يطعنوني يمكن الناس الطيبه وايد بس الطقه الي بظهري بعدها جرحه ما طاب مخليتني اشوف الناس بنظره سلبيه بس جد هلانسانه خلتني اشوف ان الدنيا بعدها بخير
حتى انتو ردودكم كلامكم بنسبه لي خلاني اشوف ان فعلن هدنيا فيها ناس طيبه مثلكم و شرواكم تنصحوني من قلبكم قسم بالله حسيتكم اختي لمن تقعد جدامي تنصحني من قلبها و قلبها يحترق علي

 

[الزيـــــ^^ـــــن]

حبيبتي الله يكتبلج اللي فيه الخير .. بلغيه انج موافقه ..والله يفرح قلبج ويبعد عنج كل مكروه
وخلي يكلم امه وشوفي شنو يصير اذا ربج كاتبلج نصيب وياه بتاخذينه ان شالله وكل شي خيره من رب العالمين

 

[ام الشقى]

انا حاسه انج مستانسه عسسسى دوم يارب لكن وتاستج فيها خوف


الله يكتب لج اللي فيه الخيره ويفرح قلبج

 

[حواري]

انا نويت اني اقوله بس بعد ماقعد مع اخته اليوم راح اقوله باجر اني موافقه بخاطري اشوفه وهو فرحان و مستانس ماراح اقوله بتلفون بقوله فيس تو فيس ودي اشوفه عيونه و هو مستانس وربي يحنن قلب امه