حبي القديم تعالو افرح قلبكم و اقولكم شنو صار معاي

[smo0o]

مبروك و الله يسعدك يارب

ربي عوضك عن اللي صار لك مع طليقك

بالنسبة للبنت لاتحاتين اللي قدر يغير امورك لأحسن
قادر يحفظ لك بنتك

عليك بالدعاء و قيام الليل و الله كريم


وحاولي قد ما تقدرين تجمعين أدله أنو طليقك مو كفؤ يربي بنتك


حلو انك بعد ماطرحتي مشكلتك و ساعدوك البنات ما نسيتيهم
رجعتي بشرتيهم و فرحتي قلوبهم

الله يفرح قلبك يارب و يطمنك على بنتك

 

[om . alzeen]

مبروووووووووك عسى الله يهنيج ويجعل كل ايامج فرح ويبعد عنج شر من فيه شر لج


ويسخرلج زوجج وامه واهله كلهم

 

[سمو النفس]

ااالف مبروووك وربي يتمم لج علئ خير ويوفقج

 

[ظبية بوظبي]

ايش اقول. وايش اخلي بس الحمدلله الي جمعكم والله يكف شر طليقج عنكم

بس ابعرف هل ما زلتي تشوفين القطاوه

 

[حشمه]

بجيتيني المهم الله يهنيج ويجعل ايامج كلها فرح

ويارب يسعدج ووخر عنج اعيال الحرام

الحمدالله ربي ارزقج على نيتج وان شاءالله

تكتمل فرحتج بموضوع بنتج وتضل عندج يارب

 

[حواري]

smo0o
حبيبتي و الله الله يبارك فيج و يسعدج يارب كلامج عين العقل يالقلبي انتي وربي يكتب الي فيه الخير

om . alzeen
حبيبتي تسلمين على هلدعوه الحلوه و لكم يارب جميعا

سمو النفس
الله يبارك فيج حبيبتي تسلمين يالغاليه

ظبية بوظبي
حبيبتي تسلمين يالغاليه
بالنسبه للقطاوه بعد ماتطلقت في بيت اهلي كنت اشوف بغرفتي بس قليل مو مثل لمن كنت في بيت ريلي الاول و الحين لمن تزوجت ريلي الثاني الحمدلله ماقمت اشوف خير شر في بيتي هذا لاكن يوم ملجتي كنت بغرفتي معاي رفيجيتي قاعده تضبطلي النفنوف من ورى لمحت شي مثل القطو خطر من وراها بس تعوذت من ابليس و توكلت على ربي و من ذاك اليوم يعني من شهر اثنين ماشفت شي و انا مداومه على القرآن الحمدلله و عالجت نفسي بنفسي و كل اسبوع اختم سورة البقرة على ماي مقري و اصبه بالبراده و صات هذي عادتي و اتمنى الكل يتبعها راح تحسون براحه مو طبيعيه


حشمه
فديتج و فديت دموعكم و الله سامحوني بجيتكم خواتي انتو بس و الله حبيت افرح قلبكم و ابشركم

 

[حواري]

حبايبي اخر التطورات بو علاوي قعد معاي و شاف نفسيتي تعبانه قالي راح اقدم تضحيات قبل لا ندخل المحاكم قلت له شنو
قالي انه بيحاول بالموضوع ودي انا بالبدايه رفضت الفكره لاكن اقنعني
يقول يبي ياخذ ابوي بحكم ان ابوي في معرفه بينه و بين يد طليقي فأبوي و ريلي و عم ريلي العود بروحون حق يد طليقي و بيقعدون معاه و بيتكلمون معاه ودي بهلموضوع بحكم مصلحت البنت و ان هشي راح يتعب نفسيتها
قلت له لا تروح مابيك تقعد معاهم مابي تطلع جم كلمه تستفزه و حسينو عصبي ماراح يتحمل و راح يعفس الدنيا و تصير السالفه سالفة عناد
انتو شرايكم ؟؟؟
هو مصر و اليوم كلم ابوي و ابوي قاله حلو و اتفق مع عمه على اساس باجر يروحون الديوانية حق يد طليقي شرايكم بنات ؟
بليز عطوني رايكم
و لله محتاجه وقفتكم معاي بليز حتى لو كلمه طيبه منكم تريحني

 

[ظبية بوظبي]

فالبدايه كل شّي يكون بحل سلمي
وبالدعاء كل شّي يصير

واذّا ما نفع معاه ذّيك الساعه الجوّا للقانون

 

[حواري]

ظبية بو ظبي هلا و الله يالغاليه
كلامج مثل كلام ريلي بالضبط و مثل رايه
يارب يكون هذا حل للمشكله انا خايفه من انهم مايتفقون لان اعرف ريلي عصبي و اذا ماتفقو راح يقلب الديوانيه انا اعرفه عدل
بس ما مينع انه يحاول وربي يكتب الي فيه الخير
ثينكيو حبي

 

[ناتشوو]

سبحان الله
داشة بقول
دام متأكدة القانون بصفه
جربي توسطون احد بالعايلة
وراجعو
فكرة
وجود زوجج مع الوالد هناك
الاكتفاء باهلج
اللي هم اهل بنتج
يخلي السالفة عائلية و اكثر خصوصية

 

[mischocolat]

أنا رايي من راي ناتشو
خلي زوجج بعيد عن سالفة التوسط عند زوجج القديم أحسن وخلي أهلج اللي يجابلونه لان وجود زوجج بيستفزه ويخليه يعاند اكثر
المهم اذا قبل بالصلح وتنازل عن مطالبته للبنت خل هالشي يتوثق بورقه ويوقع عليها طليقج وكل الموجودين بهاك الوقت كشهود عشان ما يقلب بعدين

 

[شوق الوليف]

بعد عمرررررري والله العظيم اني حيييييييييييييل فرحاااااانه مع اني اول مره اقرا موضوعج بس عفيه لاتنسين سورة البقرة << العين حق وعسى ربي يهنيكم ويديم السعاده يااااااارب

 

[طريق السعاده]

متابعه تطوراتكم ومع البنات خلي زوجك يكون برا الاجتماع مع طليقك عشان لايتهاوشون وكل واحد يستفز الثاني بوجوده قوليله عشان لايعاند هذاك خلك تتابع من بعيد وابوي وجدي بيقومون محلك


الله يفرجها ماتدرين يمكن يقتنع وترتاحين من سالفه القضاايا ولاتنسون يتوثق الاتفاق لو تنازل عن البنت عشان ماينكر بعدين !

 

[شطانه طفله]

وناسه عاليزكه حبيبتي والله قصتج اثرت فيني وااايد ودمعت عيني وخنقتني العبره وكل شي وقاعده اقول يارب يتزوججون ويعيشون احلا عيشه والله يهنيهم والف الحمدالله انكم تزوجتوا والله يتمم عليكم يارب ويحرسكم ويحفظكم يارب

 

[امـ خــزامـى]

مبرووووووووووووووووووووووووك ربي يتمم عليكم ويسخرلكم ولا يغير عليكم
ويديم هالزواج على الخير والرضا والطااااعه ويخلي لكم بنيتكم ويرزقكم بعلااااوي


بعد عمررري عاااااااااااااانيتي وتعبتي بس كنت موكله امرك لله
تاكدي لانك من مرااهقتك وحبك الاول تركتيه لوجه الله وطالبه رضاااااه عوووضك ربي

ماتدرين يمكن لو تزوجتوا على طووول ماتحسوون بقيمة بعض ويمكن ويمكككككككن

لكن بعد هالعذااااااااااااااااااااب وهالتعب اللي عانيتوووه بتتمسكون بعض اكثر واكثر


الله يهنيكم ويسعدكم ويرزقكم ويحفظكم من كل شررررررررررررررررررر



من كل قلبببببي اهنييييك

 

[Butterfly2013]

انا وحده اخر مره دشيت فيها المنتدى قبل سنه ونص اذا مو اكثر .. اللي حتى اسم الاكاونت نسيته .. واليوم قلت خل ادش المنتدى ودشيت على موضوعج .. طبعا ماقصرتي فيني .. بجيييتيني عدل .. وعلى انها القصه طويله بس ما كان ودي انها تنتهي .. والحمدالله اللي كنت اتمناه تسوينه .. سويتيه .. وانا قاعده اقرى اقول حرام اذا امه مارضت .. ولكن فرحتينا بالاخير .. والله يوفقج ويهنيج ويسعدج .. وترى سجلت اليوم بس عشانج ؛**

 

[حبيبه العلي]

اول شي الف الف ترليون مبروك وربي يرزقكم بعلاوي

ثاني شي الحمدلله ماشفت موضوعج قبل يعور القلب والله بجيت وانا اقرا مع ان العنوان يبشر بخير

ربي يهنيكم ويعوضج وينصرج ويخلي بنوتج

 

[chole_84]

الله يهنئج يارب ويتمم فرحتكم بالذريه الصالحه
بالنسبة لطليقج ماله حق والحضانة لإمج الله يطول بعمرها

 

[برونزية رشيقة]

لي رجعة لموضوعج ..

 

[صعب انسااك]

الف الف مبرروك حبيبتي الله يهنيكم

ويفرج همج ويبعد طليقج عنج ي ررب

بصراحهه قصهه خورافيهه