حبي القديم تعالو افرح قلبكم و اقولكم شنو صار معاي

[i'm so happy]

عسى ربي يهنيج ويسعدج

 

[pusy cat]

استخيري على الزواج منه

اهو متعلق فيج لأنه ماطالج ولو تزوجج راح يصير حاله حال كل الازواج( هذا اذا مو مسوي فلم هذا اذا كانت البنت فعلا اخته )

عالعموم ديري بالج على نفسج ترى الرجال اذا حط فباله بنت بجيب راسها يجيبه لو شسوي بعمره

ديري بالج على نفسج ترى الرجاجيل يسوون افلام اقوى من جذي وسالفة امي ماترضى وقاعده اقنعها هذا عذرهم لين يوصلون للي يبونه

للمره العاشره اقولج ديري بالج وقوليله خلاص لاتدق علي وانا بقطع علاقتي فيكم لين تجي امك تخطبني من اهلي

اذا انت جاد وتحبني صج سو اللي قلتلك عليه

ويبين بعدين اذا ماطل اكثر معناته قاعد يلعب عليج

وامه لازم تجي بيتكم مو تواعدج بمكان ترى عادي يجيبلج اي مره يعطيها فلوس على بو امه

قلتلج اذا جاد خليخطبج من اهلج واكسري الشريحه مثل ما كسرتيها من قبل وشوفي شيصير

وبطلي تروحين الاماكن اللي يروح لها بنفس اليوم ونفس الوقت عاد قلنا الكويت صغيره بس مو لهالدرجه عاد انتبهي لنفسج

 

[Perfume]

^^^^
حبيبتي البنت تزوجت
والحمد لله مستانسة

 

[pusy cat]

اها سوري ماقريت النهايه لان الموضوع طويل


الف مبروك وعسى الله يعوضج خير انشالله ويسخره لج ويسخرج له ويجمعكم عالخير

 

[حواري]

حبايبي يبارك فيكم فديتكم و الله وايد استانست لمن قريت ردودكم ربي لايحرمني منكم خوات و اكثر
و فعلن من ترك شي لربه ربه يعوضه عنه و الحمدلله
حبايبي بنسبه لبو علاوي لا تحاتونه بعيوني هههههه
و بنسبه لطليقي فعلن رفع علي قضيه يطالب في بنته و اليوم استلمت اعلان من المحكمه
انا محكمة جعفرية و المحكمة الجعفرية لمن المره تتزوج تروح الطفله للابو
الابو فاسد بس مو عارفه شلون اثبت خلحجي بالمحكمه الا اذا سووله تحليل دم راح يعرفون ان غير صالح للتربيه و الله يعين قلبي مادري شسوي و من اليوم بنروح حق محامي و بنشوف نفسيتي وايد تعبت

 

[حواري]

شدون
لا تحاتين حسينو حاتيني انا هههههههههه قاعد يشيب راسي الحين دوري


انا لها شمس
حبيبتي و الله استانست لمن قريت ردج ضحكت ودي اقوله بس لمن اخذ الحكم بيدي و الله لاقوله و عند باب الجلسه بس خلاخذ الحكم

barbya_q8
فديتج حبيبتي و عساها عينج ماتدمع يارب على غالي و الله حبيت افرحكم لاني ضيقت خلقكم فقلت ابشركم تستاهلون حبايبي


Zinab BH
فعلن طليقي في قهر علي للاسف و لا ادري شنو السبب ماضريته بولا شي هو الي ضرني و المصيبه انه ماكتفى بمضرتي و مضرة بنته يبي يضرني اكثر حسبي الله عليه

بدون بس مغتربه
حياتي و الله ادري عذبتكم معاي بس قلت حق الي ما لحقت علموضوع تقراه عشان تعرف شسالفه ماحبيت اضيعكم معاي


cute_angle
hessa777
يبارك فيج بالغاليه و تسلمين عدعوه الحلوه و ياربي اجمعين

Perfúme
تسلمين حبي عتوضيح

pusy cat
حبيبتي تسلمينلي و هذا من حرصج و خوفج فديتج صاجه بهزمن كل شي يصير عشان جذي انا كنت لحظتها وايد متردده و خايفه لاكن الحمدلله الامور انتهت بخير و تسلمينلي يالغلا وسوري طولت عليكم و ضيعتكم

 

[حواري]

بنت الكويت 25
بعيوني حسون لا تحاتونه و تسلمين حبي

Mamselle
فديتج حبيبتي

منال
ثينكيو حبي وربي يوفق الجميع

و كل العضوات مشكورين حبايبي ربي يكتب لكم النصيب الطيب و الريال الصالح يارب فديتكم بجيتوني و ضحكتوا علي بعلي بروحي من الصبح تعبانه نفسيتي لمن قريت الدعوه ضاق خلقي لا حول و لاقوة استأذنت رحت ركض اتأكد من المحكمه جد حسيت الدنيا خلاص صارت سوده بعيوني يعني شسوي اظل طول عمري من غير زواج همن حرام للاسف المحكمه الجعفريه توقف مع الريال ضد المره و الاطفال اهمه الضحية يعني اذا انا ما عرفت اثبت على ريلي انه ماينفع للتربية البنت تنوخذ من حضني و تربى بحضن مرة ابوها مو حرام بحجة ان البنت مايصير تربى عند الغريب اذا الابو تنازل عنها و هشي طلعت فيه شهاده ان الاب متنازل عنها و مثبت هلكلام بعقد الطلاق شنو ذنبي و شنو ذنبها هل اظل طول عمري ما اتزوج يعني يعقل احرم على نفسي الزواج و اذا تزوجت بنتي تنوخذ تنقط بيد واحد تنازل عنها المصيبه ان ريلي سأل محامي و قاله ان التنازل في المحكمه الجعفريه ممكن الريال يتراجع عنه شلون يتراجع عن شي مثل هذا هذا شي مو هين ان الابو يتنازل عن ضناه و الله مادري شسوي و مادري شقول و من حرة قلبي قاعده اتحجى مع نفسي جني مينونه و اتحلطم و ما اقول الا ربي يكتبلي الي فيه الخير لاني جد راح اموت لمن يي اليوم الي يقولي سلمي البنيه لي راح اموت و الله اطيح من طولي تعبت عليها وايد و هي متعلقه فيني و ماتبيه و تعلقت اكثر في ريلي الثاني مالقت الحنان و الراحه الا معاه ما تناديه الا بابا و نست ابوها الثاني على قولتها مابي اكون سبب في ضياع بنتي مادري مادري مخي فيوزاتي ضربت مو متخيله تنوخذ مني مو متخيله راح اموت انا ادري راح أين

 

[حواري]

حبايبي في شي يضحك نسيت اقوله لكم بضحكم شوي لمن ارجع من المحامي اليوم و يارب ارجع بأخبار حلوه ادعولي

 

[عزيز قلبي]

حبيبه قلبي والله قريت القصه بالكامل عسي الله يهنيج مع حسينووووه ويكفيج شر طليقج
وتظل بنتج بحضنج ولا يوجع قلبج عليها الضني غالي

 

[حواري]

حبيبتي تسلمين اختي عزيز قلبي

نفسيتي حيل تعبانه رحت حق المحامي انا وريلي و المحامي حطاني جدام امر الواقع و قالي في احتمال كبير ياخذ بنتج لانه هذا حكم المحكمه الجعفريه طول ما الابو موجود البنت تروح حق ابوها في حالة الام تزوجت يعني المحامي كان صريح معاي و قالي انا احطج جدام امر الواقع ما اعشمج بشي و تالي تنصدمين بشي وانا ايست و طلعت ابجي المحامي صديق ريلي و علاقتهم طيبه بس انا قلت له مابي هلمحامي ابي محامي ثاني ابي محامي قوي دلوني بنات ابي محامي شاطر
و صارت مشاده مع بو علاوي في السياره و تزاعلنه
بس
نفسيتي صفر تعبانه احس اني بين مو عارفه شسوي
بليز الي تعرف محامي شاطر بليز تدزلي الرقم و الاسم على الخاص و ربي يسهل امري و يعطيني على قد نيتي يعني شسوي في هلحاله انا شلون ابي بنتي شسوي

 

[حواري]

بليز بنات لا تخلوني سألولي اي احد و الله نفسيتي صفر مو عارفه شكتب مو عارفه شقول و الله قاعده اقرى حق بنتي قصتها و ابجي و هي تقولي لا تبجين باجر اشتريلج حمره شسوي بعمري انا ما تدري انهم بياخذونها مني الله يصبر قلبي مادري شسوي ما دري

بو علاوي زعل علي لاني قلت له انا قلت لك انا موقد الزواج من بعد ماصار عندي بنت ماقدر عزواج ادري الكلمه قويه بس و الله مو من قلبي يعني احب بنتي و احبه شسوي قولولي

 

[حواري]

مو عارفه انام مو عارفه اقعد مادري شسوي انا جذي راح تحترق اعصابي بقوم اصلي ركعتين و اقرالي قرآن خلاهدي لان نفسيتي خلاص تعبت

 

[الله يفرجه]

وايد تااثرت ودمعت ع قصتك عطيتيني امل يارب يفرجه علي بعد

 

[الله يفرجه]

مايستاهل بوعلاوي لا تزعلينه

ولاتحاتين ابوها مو مال حضانه ادعي واستغفري والله يفرجه عليج

وراضي بوعلاوي ولاتصير مشاكل بينكم والله يسهله

 

[طريق السعاده]

حبيبتي لاتتوترين وادعي ربي انه يحميها ويخليها لك

وصح فالقانون اذا الابو موجود والام متزوجه البنت تبقى مع الابو بس فيه شغله

اذا الابو عليه ملاحظات او غير مؤهل للحضانه تلقائي الحضانه تروح للام ! او للجده ام الام
سمعت ان فيه تعديل وانو صار بعد عمر7 سنين يخيرون الطفل سواء بنت او ولد والي يختاره يكون له الحضانه بس مدري مطبق هالتعديل او لا

انتي حاولي تكسبين القضيه من هالناحيه اثبتي انه غير مؤهل لحضانه الطفله وتقدرين تثبتين هالشيء بسبب طلاقك ترا لان انتي ماتطلقتي عشان هوشه انتي عارفه اخلاقيات الرجال واذا فيه ادله ماديه تاكد هالشيء اوراق او حتى تسجيلات او اي شيء يثبت المطلوب تثبتين انه مايصلح للتربيه وهالشيء يعطي القضيه لصالحك

 

[Nwear_a]

الله

حبكم اطربني صراحه

ما شاء الله اللهم بارك

ربي يسعدج ويفرح قلبج ويديم عليج الهنا

 

[شفايف كرزيه]

مبروك

 

[seventy7]

صباح الخير حبيايبي كويتيات يشرفني ويسعدني اني اول مرة اشارك معاكم وللامانه قصة هالبنت ربي يسعدها سبب رئيسي في مشاركتي
بصراحه دموعي جفت وانا ابجي عالقصه(المشكله اني فالدوام) تفشلت هههههههه يقولون لي سلامات هاجر شكلج مريضه مايدرون ان من داخلي طايرة فرح ودموع فرح ان التم الشمل الحمدلله الف شكر لله عسى الله يطمن قلبج حبيبتي وتقر عينج ببنتج وريلج اللي بلفعل نادر تحصلين ريال مثله فهالزمن

حبي بغيت اقولج شي واحد فهالمرحله حاولي انج ما تفكرين فالامور السلبيه لانها بتاثر ع تفكيرج وايد
اول نصيحه كرري هالدعاء وااااااااايد وقد ما تقدرين (حسبنا الله سيؤتينا الله من فضله انا الى ربنا راغبون)

ثاني شي حاولي تجمعي كل الادله اللي تثبت سوء اخلاق طليقج
تذكري اهم شي تكوني قوية وضغطي ع نفسج وتحملي لان انتي كنتي متوقعه بنسبة 90 بلمية ان هالشي بيصير
وهذا شي طبيعي لان يبي يحرق قلبج ع بنتج حسبي الله عليه لا اخلاق ولا شهامة

ماعليه ياقلبي اصبري وتذكري ان الله يمهل ولا يهمل وتفائلي بالخير وبييج ان شاءالله ولا تخلي هالشي ياثر فعلاقتج مع ريلج كوني ذكيه وانتي من خلال كلامج تقولين انج تفكرين بعقلج يعني انتي بصريه مو حسية فحاولي تكسبين الاثنين عشان ما تخسرين الكل

الله يوفقج وانا بتابعج اول باول وقلبي معاج والله

 

[noor salam]

الف الف الفمبروووووك وعسى الله يتمم عليج ياااااارب
دعوة خالصة من القلب لج
اةلا بالنسبة لموضوع بنتج لا تحاتين....ليش؟؟؟؟لان الحضانه لام البنت يعني لوالدتج واذا الوالدة ما خذت الحضانه تكون للخالة وبعدين لام الزوج
ثانيا : اهو متنازل عن بنته بس هل هذا رسمي والا بس كلام ؟اذا رسمي ما ياخذها هذه النقطة الثانية
يعني بكل الاحوال ما يقدلر ياخذها
وثالثا : اذا ثبت عليه عدم الاهلية لتربية بنته ما راح يشم ريحتها مو ياخذها

لا تحاتين حبيبتي وعيشي حياتج واستمتعي فيها ولا تضيقين خلقج
تحياااااااااااااااااااااااااااااااااااتي
الله يوفقج بالدنيا و بالاخرة ويرزقج كل ما هو طيب بالدنيا و بالاخرة

 

[حواري]

الله يفرجه
حبيبتي ربي يفرجها عليج و على الجميع يارب حبيبتي انتي
و لا تحاتين راضيته كسر خاطري وايد و انا كاسره خاطره وهو مقدر اني ام و قلب الام غير
بس هو عطاني حل مريح اليوم و الله كريم

طريق السعاده
بالضبط حبيبتي كلامج صحيح 100 % و قالي ان البنت راح تتخير لمن يصير عمرها 7 سنين و هي الحين عمرها 5 سنين قالي احنه نحاول نمط في القضيه نستأنف يعني نحاول ان احنه نمدد القضيه على مايصير عمرها 6 سنين و تروح عند ابوها و تقعد عنده سنه و تالي تطالبين فيها و تتخير هذا الحل القانوني من وجهة نظر المحامي و انا عن نفسي راح اطالب بتحليل دم راح يلقون بلاوي بدمه ماراح اسكت و لا ياخذها ابوها ابوها بروحه يبي من يربيه وينه و وين التربيه

Nwear_a
حبيبتي تسلمين

شفايف كرزيه
يبارك فيج بالغاليه

seventy7
هلا و غلا و نورتي المنتدى و تشرفت بردج يالغاليه و كلامج وايد مريح اقسم بالله ارتحت من قريت كلامج فعلن امس كانت ماخذتني العاطفه و انتي عارفه قلب الام و الظنا غالي و الله لو ابوها سنع اقسم بالله ما امانع انها تروحله هو بنهايه ابوها و شايله اسمه بس انا عارفه المستوى الاخلاقي الي بنتي تبي تنتقله و انا مابي بنتي تضيع لاكن لا حول و لاقوه و حسبي الله ونعم الوكيل و عسى عيني ماتبجيج يالغاليه سامحيني بجيتج فديتج و الله و اتشرف بمتابعتج و لا تقاطعين

noor salam
يبارك فيج حبيبتي فديتج و تسلمين عدعوه و ربي يسمع منج يارب