حبيتها غصبا عني

[ضوى العيون]

الجزء الأول

كانت ريم قاعدة تسولف مع سارة بنت عمها في الكوفي هاوس .

ريم: وينها تأخرت قالت إنها بتكون هنيه الساعة تسع والحين الساعة تسع ونص وما باقي على البريك ويخلص غير نص ساعة .
سارة: ليش ما تدقين لها تشوفين وينها.
ريم: صدج خلني أشوفها هذي نوفو ما يندرى عنها يمكن تكون ناسية إنها مواعدتنا هنيه.

دقت ريم على نوف ربيعتها ولقت تلفونها مشغول.

ريم: تلفونها مشغول أكيد نفس عوايدها قاعدة تكلم هزاع خطيبها.
سارة: وهذي نوفو كل ساعة ساعتين تدق عليه تكلمه صدج ما عندها سالفة.
ريم: يلا قومي خلنا نطلع بسرعة علشان نلحق على الكلاس قبل لا يدخل الدكتور.

وهم طالعين من الكوفي هاوس شافو نوف يايه صوبهم.

ريم: توي الناس أخت نوف ما بغيتي إحنا من متى نترياج هنيه.
نوف: سوري والله راح عن بالي.
سارة: راح عن بالج ولا كنتي تكلمين هزاع.
نوف(إللي ويها احمر): وانتي كيف عرفتي.
ريم: دقينا لج وتلفونج كان مشغول فقلنا أكيد مثل العادة قاعدة تكلمين هزاع.
سارة:خلونا من هذي السالفة الحين وخلنا نلحق على الكلاس أبرك لنا.

****************************

وفي الشركة كان سالم بن حميد قاعد مع ولده ناصر وعبدالله ولد أخوه المرحوم خليفة يتخبرهم عن أحوال الشركة في غيابه لأنه كان مسافر لألمانيا عسب الصفقة اليديدة هناك.

أبو ناصر: شخبار الشغل وياكم يا عيال, عسى ما صار شي بغيابي.
ناصر: لا يا بوي الحمدلله كل شي كان ماشي تمام وأبشرك وصلنا فاكس من البحرين بخصوص المشروع اليديد مع الشركة البحرينية.
عبدالله: وانت يا عمي بشرنا عسى بس توفقت بهذي السفرة وقدرت تخلص كل شي.
أبو ناصر: الحمدلله يا ولدي كل شي صار مثل ما كنا مخططين له.

وهم قاعدين يسولفون دخل عليهم جاسم أخو عبدالله إللي كان ياي يسلم على عمه أبو ناصر ويتخبره عن الصفقة مع الشركة الألمانية.

جاسم: السلام عليكم.
الكل : وعليكم السلام والرحمة.
أبو ناصر: هلا والله بولدي جاسم.
جاسم: هلا فيك يا عمي شخبارك والله تولهنا عليك.
أبو ناصر: بخير يسرك الحال وأنت شخبارك.
جاسم: بخير الله يسلمك.
أبو ناصر: عيل وين مبارك ما أشوفه معاك.
جاسم: هو راح يخلص شغل في البنك و راجع.
أبو ناصر: عيل أنا رايح البيت أرتاح لي شوي لأن ما مداني أمس بالليل واصل وبعدني أحس بشوية تعب.
الكل: سلامتك يالغالي.

ويطلع أبو ناصر من عندهم وهو طالع يشوف ولده مبارك.

أبو ناصر: هلا بولدي مبارك .
مبارك: هلا فيك يا بوي.
أبو ناصر: خلصت شغلك في البنك.
مبارك: الحمدلله يا بوي خلصت كل شي بس باقي شوية أوراق بخلصها باجر إنشاء الله.
أبو ناصر: عيل أنا رايح البيت الحين.
مبارك: خير إنشاء الله فيك شي.
أبو ناصر: والله يا ولدي أحس إني تعبان وبروح البيت أرتاح لي شوي.
مبارك: سلامتك يا بوي روح إرتاح ولا تشل هم الشغل.
أبو ناصر: الله يسلمك يا ولدي.

وبعد ما راح أبو ناصر دخل مبارك المكتب علشان يسلم على عيال عمه.

مبارك: السلام عليكم.
الكل: وعليكم السلام والرحمة.
جاسم: وينك ياريال عمي توه يسأل عنك.
مبارك: شفته وهو طالع.
جاسم: عسى بس خلصت شغلك في البنك.
مبارك: هيه الحمدلله خلصت.
ناصر: أقول إلا شخبار الشباب صار لي فترة ما شفتهم.
جاسم: بخير ويسلمون عليكم, وهم دايما يتخبرونا عنك وعن عبدالله.
عبدالله: هيه والله حتى أنا من فترة ما رحت لهم المقهى.
مبارك: شو رايكم اليوم كلنا نروح لهم.
ناصر: يصير خير.
جاسم: عبدالله ما بتطلع معنا الأسبوع الياي أنت وناصر مزرعة محمد بن سعيد.
مبارك: صدج ذكرتني, أنا كنت ناسي السالفة من الأساس.
عبدالله: ومنو بطلع معاكم من الشباب.
جاسم: ربعنا وربع محمد بن سعيد.
عبدالله: إذا بتطلعون يوم الأحد, ما أقدر أطلع معاكم لأن عندي شغل في بوظبي.
مبارك: لا تطمن الشباب مقررين يطلعون يوم الثلاثاء.
عبدالله: عيل خلاص تم.
جاسم: وأنت يا ناصر.
ناصر: أنا اسمحولي ما أقدر أطلع معاكم لأني مشغول وايد.
مبارك: يا ريال الشغل لاحقين عليه إطلع معانا غير جو شوي, بدل ما أنت مجابل هذا الشغل كل يوم ولا تعطي نفسك فرصة ترتاح.
جاسم: صدقه مبارك إطلع معانا وخل الشغل لوقت ثاني.
ناصر: يصير خير.

****************************

 

[ضوى العيون]

الساعة 11,30 الظهر ردت ريم من الجامعة لأن اليوم الأربعاء ودوامها يخلص الساعة 11 وهي داخلة الصالة شافت أمها قاعدة مع حصة زوجة عبدالله وسعود ولدها إللي بعده ما كمل ثلاث سنوات.

ريم: السلام عليكم.
أم عبدالله+حصة: وعليكم السلام والرحمة.
أم عبدالله: هلا ببنيتي شخبارج.
ريم: بخير يسرج الحال وأنت حصة شخبارج.
حصة: بخير عساج بخير.

وقعدت ريم مع أمها ومرت أخوها تسولف معاهم شوي وتلاعب سعود ولد أخوها.

أم عبدالله: شخبار نوف وسارة.
ريم: بخير ويسلمون عليج ويمكن يزورونا اليوم بعد صلاة المغرب.
أم عبدالله: حياهم الله والبيت بيتهم.
سعود: موه ليم وين حواوا ( عموه ريم وين الحلاوة ).
ريم: وين البوسه أول.
سعود:بتعتيني حواوا ( بتعطيني حلاوة )
ريم: هيه بس أول أبغي البوسه.
سعود: ( بعد ما باسها ) وين الحواوا.
ريم تطلع الحلاوة من شنطتها وتعطيه.
حصة: سعود تعال هنيه لا تلعوز عمتك خلها تروح ترتاح.
ويروح سعود عند أمه
ريم: أمايه أنا بروح أرقد لين حزة الغدا.
أم عبدالله: روحي يا بنتي إرتاحي.

****************************

وفي بيت سالم بن حميد دخلت سارة الصالة وحصلت أمها يالسة بروحها فسلمت عليها وقعدت تسولف معاها.

سارة: أماية وين مها ماأشوفها.
أم ناصر: راحت تنيم ميثا.
سارة: والله اشتقت لميثا من يومين ما شفتها.
أم ناصر: كيف تشوفينها وهي كانت بيت يدها من يومين.
سارة: أماية أنا بروح أرقد الحين لأني أحس عمري تعبانة.
أم ناصر: روحي فديتج رقدي.
سارة: أماية على فكرة تراني اليوم بروح بيت عمي .
أم ناصر: يصير خير يوم بينش أبوج من الرقاد ترخصي منه.
سارة: ليش أبوي رد من الدوام.
أم ناصر: هيه رد من شوي لأن حس عمره تعبان, والله يهديه كان لازم يرتاح ليه شوي بس هو ما طاع إلا يروح يطمن على الشغل.
سارة: فديت بوي ما صدقت انه يرجع من السفر لأني كنت ولهانه عليه وايد.
أم ناصر: خلاص يا بنتي بنسير أنا وأنت وحصة بيت أم عبدالله لأني متولهة عليها وايد.
مها: ( وهي ياية صوبهم) شخبارج سارة إنشاء الله مرتاحة.
سارة: بخير الله يسلمج.

وقعدت سارة تسولف مع مها شوي وبعدين راحت ترقد.

*****************************

والساعة ثنتين في بيت المرحوم خليفة بن حميد كانوا عياله عبدالله وجاسم توهم رادين من الدوام وقاعدين في الصالة يسولفون مع أمهم.

منى: (وهي توها رادة من المدرسة ) السلام عليكم.
الكل: وعليكم السلام والرحمة.
أم عبدالله: هلا ببنيتي, شخبارج.
منى: بخير الله يسلمج.
عبدالله: عيل حصة وينها.
أم عبدالله: والله ما أدري عنها يمكن قاعدة تأكل ولدك سعود.
منى: أمايه أنا بروح أبدل لين ما تحطون الغدا.
أم عبدالله: وأنت رايحه قعدي أختج من النوم خلها تتغدى معانا.
منى: يا حظها دوامهم يختلف عن دوامنا وتقدر ترد البيت ترتاح لها شوي مو احنا يا حسرة.
أم عبدالله: ياالله روحي و خلي عنج هذي السوالف وبدلي ونزلي بسرعة خلنا نتغدى ونحط راسنا شوي.
منى: إنشاء الله.

وعلى الغدا كلهم قاعدين يسولفون.

ريم: أمايه لا تنسين اليوم ربيعاتي سارة ونوف بيزورونا بعد صلاة المغرب ويمكن خالتي أم ناصر تكون يايه مع سارة.
أم عبدالله: حياهم الله والبيت بيتهم.

جاسم أول ما سمع إن سارة بتزورهم ما قدر يمسك عمره من الوناسه لأن جاسم يحب سارة من يوم ما كانوا صغار وصح إنه ما شافها من زمان لكنه بعده يحبها وحبه لها زاد من يوم ما شافها في عرس ناصر قبل سنتين يوم طاحت الغشوة و شافها وهو من ذاك اليوم ما قادر ينساها بس هو لحد الحين ما يعرف إذا سارة تحبه ولا لأ.

جاسم: (وهو يكلم ريم ) إلا صدج هي معاج في نفس التخصص.
ريم: هيه معاي ونحن ما نفارق بعض أبدا.
منى: يا ربي متى افتك واخلص من هذي المدرسة علشان أدخل الجامعة.
أم عبدالله: إشفيج انتي هذي أخر سنة لج في المدرسة ادعي ربج يوفقج وتنجحين وتدخلين الجامعة.
منى: ما قلنا شي بس والله مليت ولاعت جبدي من المدرسة.
عبدالله: إنتي لها الدرجة كارهة المدرسة.
منى: لا بس نفسي أدخل الجامعة نفس ريمو.
ريم: شو هذي ريمو بعد, قولي نفس عمتي ريم.
منى: لا والله.
حصة: ليش منى مستعيلة على الجامعة وبعدين هي ما تختلف وايد عن المدرسة.
منى: لا الجامعة غيرهناك وناسة.
أم عبدالله: لا غير ولا شي إلا كله نفس الشي.

وقعدوا يسولفون لين ما خلصوا الغدا ودخلت أم عبدالله علشان ترقد شوي حتى عبدالله وحصة دخلوا حجرتهم أما جاسم و البنات فقعدوا في الصالة يشربون شاي ويسولفون.
ريم: جاسم ما بتروح ترتاح شوي.
جاسم: ليش تبين الفكة مني.
ريم: حرام عليك هذا ذنبي إني أبي أشوفك مرتاح.
جاسم: إشفيج زعلتي كنت أمزح.
منى: أنا رايحة أرقد والله تعبانه حيل.

وراحت منى ترقد أما ريم وجاسم فقعدوا في الصالة يكملون سوالف.

جاسم: ريم شخبار سارة.
ريم: أشوفك وايد تسأل عنها.
جاسم: حرام يعني أسأل, بنت عمي ولازم أسأل عنها.
ريم: أقول يمكن في شي وما تبي تقوله لي.
جاسم: مثل شو.
ريم: لا ماشي, إلا تعال أنت ما قلت بتاخذ إجازة من الشغل علشان بتطلع مع ربعك.
جاسم: هيه والله ذكرتيني بخصوص الإجازة, بس إحنا أجلنا الطلعة للأسبوع الياي بسبب الشغل.
ريم: وين بتروحون.
جاسم: بنروح لنا يومين نقعد في مزرعة واحد من الربع.
ريم: الله وناسه من زمان ما رحنا مزرعة أبوي الله يرحمه, أتذكر أخر مرة رحنا فيها المزرعة كانت وإحنا بعدنا في المدارس.
جاسم: والله أيام ما تنسى, يلا أنا رايح أرقد شوي قبل صلاة العصر.
ريم: وأنا بعد بروح حجرتي أرتبها شوي.

****************************

 

[ضوى العيون]

وبعد صلاة المغرب في بيت سالم بن حميد.

سارة: أمايه يلا تأخرنا عليهم.
أم ناصر: إشفيج مستعيلة توها الناس روحي شوفي أخوج مبارك خله يوصلنا.
سارة: ليش مبارك وين الدريول.
أم ناصر: الدريول أبوج طرشه المزرعة.
سارة: أخوي مبارك طالع وما أدريبه.
أم ناصر: عيل روحي شوفي حرمة أخوج قالت بتي معانا وبالمرة شوفي أخوج ناصر موجود ولا لأ.
سارة: إنشاء الله أمايه.

وبعد نص ساعة وصلهم ناصر بيت عمه وراح , وهم داخلين شافوا جاسم طالع وجاسم يوم شافهم وقف وسلم عليهم.
أم ناصر: السلام عليكم.
جاسم: وعليكم السلام والرحمة حيا الله من يانا.
أم ناصر: هلا بولدي جاسم.
جاسم: هلا فيج خالوه شخبارج.
أم ناصر: بخير يسرك الحال أنت إللي شخبارك من زمان ما شفناك.
جاسم: بخير الله يسلمج, ليش واقفين تفضلوا دخلوا داخل.
سارة: شخبارك جاسم.
جاسم: (وهو مستانس ) بخير ما دامج بخير.

ودخلوا أم ناصر والبنات داخل وراح جاسم لربعه إللي ينطرونه بالقهوة وهو يفكر طول الوقت بسارة.

***************************

وفي بيت إبراهيم بن حارث كانوا كلهم قاعدين في الصالة يسولفون ونوف كانت قاعدة متجهزة تبي تروح بيت ربيعتها ريم.
نوف: طارق لو سمحت ودني بيت ربيعتي.
طارق: بيت منوه رايحه.
نوف: بيت المرحوم خليفة بن حميد.
طارق: والنعم فيهم, ناس معروفين بين العرب.
نوف: ليش أنت تعرفهم.
أبو طارق: كيف ما نعرفهم هاذيلا جيرانا من زمان حتى قبل لا تنولدين بس الأيام شغلتنا وصرنا مانشوفهم.
طارق: أنا أعرف ولدهم جاسم وهو ربيعي من أيام المدرسة, وأنت من متى تعرفين بنتهم.
نوف: أنا أعرفها من أيام الثانوية ومن هاذيك الأيام وأنا وهي صرنا شرات الخوات.
طارق: أبوي أنا بترخص بروح أوديها لبيت ربيعتها وبعدين بروح أسلم على الربع.
أبو طارق: الله معاك.
أم طارق: دير بالك على عمرك.

وهم في السيارة يرن تلفون نوف وتشوف نوف رقم ريم وترد عليها.

ريم: السلام عليكم.
نوف: وعليكم السلام والرحمة.
ريم: وين أنتي ليش تأخرتي .
نوف: أنا بالطريج يايه.
ريم: أوكيه يلا باي.
نوف: باي.

وبعد ما وصلها طارق بيت ربيعتها راح لربعه في المقهى, وصل طارق القهوة وحصل هناك ربعه كلهم قاعدين فسلم عليهم وقعد يسولف معاهم.

طارق: إلا وين عبدالله ما أشوفه.
جاسم: عبدالله قال إنه بيخلص شوية أشغال وبيلحقنا.
طارق: وناصر هو بعد ما أشوفه.
مبارك: يعني ماتدريبه هو وعبدالله ما يفارقون الشغل بس هو قال إنه ياي اليوم هنيه.
طارق: فيصل ما بتغير رايك وبتي معانا الأسبوع الياي المزرعة.
فيصل: لا والله تراني مشغول وايد ويمكن أسافر الكويت يومين.
جاسم: وأنت شعندك في الكويت.
فيصل: الوالد الله يهديه ملزم علي أروح الكويت أباشر المشروع هناك.
مبارك: وين بدر هو ما قال إنه ياي اليوم.
فيصل: خلها على الله يا ريال هذا بدر كل ما أدق عليه أشوف تلفونه مشغول.
جاسم: هذا بدر ما يوز عن سوالفه, كل يوم والثاني مطيح له غزالة.

وهنيه يدق تلفون طارق , هزاع ولد عمه متصل فيه يعتذر إنه ماياي اليوم القهوة لأن عنده شغل في بوظبي.

جاسم: هذا هزاع.
طارق: هيه هزاع يقول إنه ما ياي اليوم لأنه مشغول ولازم يروح بوظبي.
وهنيه يوصل بدر ويسلم عليهم.

بدر: السلام عليكم.
الكل: وعليكم السلام والرحمة.
مبارك: وينك يا ريال ليش تأخرت.
بدر: خلصت شغلي ويتكم على طول.
جاسم: علينا, ولا كنت تكلم الغزالة وما حسيت بالوقت.
بدر: أي غزالة, صار لهم فترة منقطعين ما يتصلون.
طارق: لا وتقولها بصيغة الجمع منوه قدك , أنا ما أدري البنات وش يشوفن فيك.
بدر: ليش شاب مزيون وكل البنات يموتن فيني.
طارق: والله مصدق عمرك.

وهنيه يرن تلفون بدر.

بدر: يا ويل حالي أنا, فديتها والله وأنا أقول بعد إنها مستحيل تنساني عن إذنكم شباب شوي وراد لكم.

وقعدوا الشباب يضحكون على سوالف بدر, وبعد شوي وصلوا عبدالله وناصر وقعدوا كل الشباب يسولفون.

*****************************

وهناك في بيت المرحوم خليفة بن حميد كانوا كلهم قاعدين يسولفون, الحريم قعدوا في الصالة أما البنات فراحوا فوق في غرفة ريم علشان ياخذون راحتهم في السوالف. وهم قاعدين يوصل لنوف مسج من عند خطيبها هزاع .

( يا شاغل بالمحبة ناس أنا مثل البشر حساس إذا قلبك تذكرهم لا تنساني أنا منهم )
نوف: فديته والله هزاع مطرش لي مسج.
سارة: هذي رايحه فيها.
ريم: منوه قدج هزاع يموت فيج.
نوف: هيه والله حتى أنا أموت فيه وإذا إنقطع عني يومين ماأقدر أنام من كثر ما أحاتيه.
ريم: صدج انتي متى بتعرسين.
نوف: في إجازة الصيف إنشاء الله وعاد أباكم تتجهزون من الحين لأن ما باقي على الإجازة غير خمس شهور وأنتوا تعرفون إني أنا ما عندي خوات وانتو شرات خواتي وأكثر.
ريم: حبيبتي من غير ما تقولين أصلا منو قالج إنا نحن بنخليج.
سارة: صدقها ريم أصلا كل وحده فينا ما تقدر تستغني عن الثانية.
نوف: فديتكم والله ما في شراتكم في الدنيا كلها.

وهناك في الصالة كانوا الحريم قاعدين يسولفون أم ناصر مع أم عبدالله وحصة مع مها.

أم عبدالله: عيل وين عالية يا أم ناصر ليش ما يت معاكم.
أم ناصر: والله يا أم ناصر هي كانت تبي تيي معانا بس من ردت من المدرسة وهي مجابلة الكتب تقول عندها إمتحانات وتبغي تذاكر.
أم عبدالله: الله يوفجها.
وهنيه تنزل منى من فوق, يايه تسلم على خالتها أم ناصر.

منى: السلام عليكم.
الكل: وعليكم السلام والرحمة.
أم ناصر: هلا والله ببنيتي, شخبارج.
منى: بخير الله يسلمج, أنت شخبارج خالوه.
أم ناصر: بخير ما دامج بخير.
مها: شخبارج منى.
منى: بخير الله يسلمج.
أم عبدالله: روحي يابنتي خلي الخدامة تييب المدخن.
منى: إنشاء الله أمايه , بس وين البنات ما أشوفهم.
أم عبدالله: فوق في حجرة ريم.
منى: عيل بروح أشوفهم وأسلم عليهم.

وراحت منى لحجرة ريم علشان تسلم على نوف وسارة.

منى: ( وهي داخلة الحجرة ) السلام عليكم.
البنات: وعليكم السلام والرحمة.
منى: شخباركم.
سارة + نوف: بخير الله يسلمج.
منى: سارة عيل وين عالية ليش ما يت معاكم.
سارة: تقول عندها إمتحانات.
منى: بس باجر الخميس يعني ما في دوام.
ريم: خلها البنيه شاطرة مو مثل بعض الناس.
منى: أعرف إنج تقصديني بس بتشوفين النسبة إللي بييبها.
سارة: ريم حرام عليج أصلا منى شاطرة وما ينخاف عليها.
منى: فديت بنت عمي إللي فاهمتني.
نوف: خلو عنكم هذي السوالف وخلونا ننزل نقعد مع خالتي , والله فشيله ما قعدنا معها.
ريم: عادي أصلا أمي تحبج وتعدش شرات بنتها.
نوف: فديت خالتي, والله حتى أنا أحبها.

ونزلوا البنات علشان يقعدون مع الحريم.

******************************************

 

[ضوى العيون]

وفي القهوة كانوا الشباب بعدهم قاعدين يسولفون.

بدر: متى عزمتم تروحون المزرعة.
طارق: الأسبوع الياي.
بدر: وكم يوم بتمون هناك.
جاسم: إسبوع, ليش إنت ما بتطلع معانا.
بدر: ما أدري , لأني مشغول شوي.
جاسم: لا تقول أنت بعد بتسافر.
بدر: ليش منو بسافر بعد.
طارق: فيصل.
بدر: على وين إنشاء الله.
فيصل: بروح الكويت, أباشر المشروع هناك.
بدر: وليش ما تأجل السفرة.
فيصل: ما أقدر, لازم أسافر لأن الوالد ملزم علي أروح.
بدر: وليش عافس ويهك, كأنك ياهل مغصوب على شي.
فيصل: ما أدري ما ودي أروح.
بدر: يا ريال روح غير جو.
فيصل: خلك مني وخبرني ليش ما بتروح المزرعة.
بدر: ليش أنا ما قلت لكم إني بروح القنص.
مبارك: ومع منو بتروح.
بدر: بروح مع عيال عمي سلطان.
جاسم: ومتى ناوين تطلعون.
بدر: بداية الأسبوع الياي.
مبارك: وكم يوم بتمون هناك.
بدر:هم بتمون إسبوع تقريبا, لكني أنا بتم يومين أو ثلاثة أيام وبرد إنشاء الله لأن عندي شغل لازم أخلصه.
طارق: عيل يوم بترجع من هناك إنشاء الله إلحقنا المزرعة.
بدر: يصير خير.
طارق: شو السالفة الظاهر إن الكل مسافر.
مبارك: ليش منو بعد بسافر.
طارق: هزاع.
جاسم: وين بيروح.
طارق: بيروح لندن, يقول عنده شغل هناك.
بدر: يعني ما بيطلع معاكم المزرعة.
طارق: ما أدري, ما سألته.

وهنيه يرن تلفون طارق, أخته متصلة فيه علشان يردها البيت.

طارق: عيل أنا أترخص.
فيصل: وين يا ريال إقعد توها الناس.
طارق: بروح وبرجع لكم, إنتوا لمتى قاعدين هنيه.
جاسم: قاعدين ما ورانا شي, روح وتعال وبتلقانا هنيه ولا أقولك تعال لنا في ميلس حميد بن بطي.
طارق: خلاص أشوفكم هناك.

وبالليل نوف قاعدة تكلم هزاع لأنها متعودة كل ليلة قبل لا تنام تكلمه.

هزاع: يلا حبيبتي لازم ترقدين الحين.
نوف: لا, خلنا نرمس شوي.
هزاع: خلاص ولا يهمج, كم نوف عندي أنا.
نوف: ( وهي تضحك ) وحده وهي أنا.
هزاع: فديت هالضحكة أنا.
نوف: هزاع.
هزاع: يا عيون هزاع.
نوف: ( وصوتها متغير ) أنت صدج بتسافر.
هزاع: منوه قالج.
نوف: اليوم على الغدا سمعت أبوي وطارق يرمسون عن هذي السالفة , أنت ليش ما قلتلي.
هزاع: أنا كنت بقولج بس كنت خايف إنج تزعلين.
نوف: يعني لازم تسافر وباقي على عرسنا خمسة شهور.
هزاع: يا حبيبتي أنا لازم أسافر.
نوف: إنزين وين بتروح.
هزاع: بروح لندن.
نوف: ليش.
هزاع: عسب أخلص الشغل إللي هناك مع الشركة المتعاقدين معها.
نوف: وكم يوم بتم هناك.
هزاع: يمكن أتم شهر أو أكثر.
نوف: شهر وايد.
هزاع: لو بإيدي ما بروح , بس لازم أخلص الشغل.
نوف: ( وهي تبكي ) أخاف تنساني.
هزاع: شو هذي الرمسه أنا مستحيل أنساج , وبعدين يا حبيبتي في حد ينسى أغلى إنسان عنده في الوجود.
نوف: ………….
هزاع: نوف, فديتج لا تبكين وغلاتي عندج.
نوف: خلاص ما ببكي بس بشرط.
هزاع: إنت تامرين بس.
نوف: يوم بتسافر لازم تدق لي كل يوم , والله ما أقدر أصبر يوم بدون ما أسمع صوتك.
هزاع: إنشاء الله ومن عيوني, يلا الحين رقدي.
نوف: إنشاء الله .
هزاع: تصبحين على خير.
نوف: وأنت من أهل الخير.

ورقدت نوف وهي تفكر بهزاع وكيف بتتحمل فراقه لمدة شهر, حتى هزاع كان يفكر فيها وفي اليوم إللي بتكون فيه نوف زوجته وأم عياله.

*****************************

يوم السبت في الجامعة كانوا البنات توهم مخلصين أول محاضرة لهم وقاعدين في الرباعية لأن عندهم بريك , الكل اليوم لاحظ إن نوف مو مثل عوايدها ساكته وما تتكلم.

ريم: نوف حبيبتي إشفيج اليوم مو مثل عوايدج.
سارة: ليكون تزاعلت مع هزاع.
نوف: لا بس هزاع بسافر.
ريم: وكل هذا لأن هزاع بسافر.
نوف: بس هو بغيب عني شهر وأنا ما أقدر أصبر هالكثر.
سارة: إنت لا تحاتيه هو راد إنشاء الله.
نوف: كيف ما أحاتيه.
ريم: إشفيج إدعي له إنه يرجع بالسلامة.
نوف: يوم تأكدت إنه بيسافر ما قدرت أمسك عمري وقعدت أصيح.
سارة: حرام عليج خله يسافر وهو مرتاح لا تعذبينه.
نوف: بحاول.
ريم: يالله خلونا ناكل والله إني يوعانه.
نوف: أنا بعد يوعانه.

****************************

وفي شركة إبراهيم بن حارث كان طارق قاعد مع أبوه يتكلمون عن الشغل, وهم قاعدين دخل عليهم هزاع .

هزاع: السلام عليكم.
أبو طارق + طارق: وعليكم السلام والرحمة.
هزاع: شخبارك عمي إنشاء الله مرتاح.
أبو طارق: بخير الله يسلمك.
هزاع: وانت يا طارق شخبارك.
طارق: بخير, يسرك الحال.
أبو طارق: تفضل يا ولدي ليش واقف.
هزاع: مشكور ياعمي.
أبو طارق: شخبار أبوك.
هزاع: بخير ويسلم عليك.
أبو طارق: الله يسلمه.
هزاع: هذي أوراق, أبوي قالي أييبها حقك يا عمي بخصوص الشركة إللي إحنا متعاقدين معها في لندن.
أبو طارق: مشكور يا ولدي , ومتى عزمت على السفر.
هزاع: اليوم بالليل إنشاء الله.
أبو طارق: الله يوفقك ويرجعك بالسلامة.
هزاع: مشكور ياعمي والحين أنا أترخص.
أبو طارق: وين ياولدي ما قعدنا معاك.
هزاع: لازم أخلص شوية أشغال قبل لا أسافر.
أبو طارق: سلم على أبوك.
هزاع: يوصل.
طارق: عيل أنا بعد طالع بروح البنك يا بوي.
أبو طارق: الله يحفظك.

طارق: ( وهم طالعين ) عاد لاتنسى تمر تسلم على خطيبتك قبل لا تسافر ولا تراها بتزعل.
هزاع: أكيد, ما فيني على زعلها.
طارق: ومتى موعد الطيارة.
هزاع: الساعة 12,30 بالليل.
طارق: عيل أنا بوصلك المطار.
هزاع: مشكور ما قصرت.
طارق: العفو, هذا واجبنا.

وبالليل راح هزاع بيت عمه إبراهيم بن حارث عسب يسلم عليهم قبل لا يسافر.

هزاع: ما تامر على شي يا عمي.
أبو طارق: سلامتك بس دير بالك على عمرك.
هزاع: إنشاء الله.
أبو طارق: طارق يا ولدي روح إزقر أختك خلها تسلم على ولد عمها.
طارق: إنشاء الله.

وراح أبو طارق حجرته عسب يخليهم على راحتهم حتى طارق طلع ينتظر هزاع بالسيارة .

هزاع: ما وصيج على عمرج يا نوف .
نوف: ( ودموعها بدت تنزل ) وانت بعد دير باللك على عمرك.
هزاع: أنا ما قلت لج ما أبي أشوفج تبكين مرة ثانية.
نوف: …………….
هزاع: نوف.
نوف: لبيه.
هزاع: حبيبتي وغلاتي عندج لا تبكين.
نوف: ( وهي تمسح دموعها ) إنشاء الله.
هزاع: يالله أنا رايح وايد تأخرت , في وداعة الله تحملي على عمرج.
نوف: وانت بعد في وداعة الله.
هزاع: سلمي على خالتي.
نوف: إنشاء الله يوصل.

وبعد ما طلع عنها هزاع رايح المطار قعدت نوف تبكي وبعدين راحت دقت على ريم لأنها حست إنها محتاجه ترمس حد .

نوف: السلام عليكم.
ريم: وعليكم السلام والرحمة.
نوف: شخبارج.
ريم: أنا بخير إنتي إشفيج صوتج متغير.
نوف: هزاع سافر ( وقعدت تبكي ).
ريم: ذكري الله هو مسافر لكم يوم وراجع.
نوف: بس هذيلا مو كم يوم هو مسافر لشهر.
ريم: شو يعني هو ما قالج إنه بيكلمج كل يوم.
نوف: بس بعد بشتاق له.
ريم: بتشوفين إن الشهر بمر ولا بتحسين بالأيام .
نوف: بس بعد بحس إنه بعيد عني.
ريم: لا تحاتيه هو برجع إنشاء الله بالسلامة.

وقعدت ريم تسولف معها حتى تنسى نوف السالفة وما تقعد تفكر فيها وتبكي.

****************************

 

[ضوى العيون]

الجزء الثاني

الحين مرت ثلاثة أسابيع على غياب هزاع,ونوف مستانسة من الخاطر لأن هزاع بيرجع البلاد بعد إسبوع ولأن ما باقي على عرسها غير أربع شهور وهذا السبب إللي مخلنها تروح دبي وأبوظبي كل خميس وجمعة عسب تتسوق حق العرس, حتى ريم وسارة هذي حالتهم يروحنون دبي و أبوظبي عسب يتجهزون حق عرس نوف.

ويوم الخميس كانوا البنات قاعدين في بيت نوف يسولفون عن العرس وعن التجهيزات إللي باقيه لهم.

ريم: نوف حبيبتي وين بتفصلين فستانج.
نوف: أنا موصية على الفستان من لبنان وأمس طرشت لهم القياسات بالفاكس.
سارة: أما أنا وريم بنفصل عند نيكولاس جبران.
نوف: والمكياج وين بتسوونه.
ريم: بعدنا ما قررنا.
سارة: شو رايج نسويه بصالون مورا.
ريم: خلاص المكياج راح يكون عند مورا وانتي يا نوف.
نوف: أنا بحجز عند دولا.
ريم: والله وناسه ما باقي على الجامعة وتخلص غير ثلا ث شهور وانت عرسج بكون إنشاء الله في شهر سبعه.
سارة: حتى أنا مستانسه وايد عسب عرس نوف.
نوف: عيل أنا شو أقول أنا بموت من الوناسه الأسبوع الياي هزاع بيرجع إنشاء الله من السفر.
ريم + نوف: الله يرجعه بالسلامه.
نوف: فديته والله كل يوم بالليل يدق لي عسب ما أحاتيه, إلا بغيت أسألكم شخبار عالية ومنى.
ريم: يسلمون عليج, وهم دايما يتخبرونا عنج.
سارة: لكن في هذي الفترة هم مشغولين بالدراسة لأن الامتحانات قربت وانتي تعرفين إنها أخر سنة لهم.
نوف: الله يوفجهم.

وهم قاعدين يسولفون دخلت عليهم أم طارق .

أم طارق: يلا بنات العشا زاهب.
سارة: ليش كلفتي على عمرج خالوه.
أم طارق: شو هذا الكلام يا بنتي أنتوا شرات بناتي وأكثر.
ريم: فديتج خالوه والله إن غلاتج من غلات الوالده.
أم طارق : الله يخليها لج.
ريم: ويخليج لنا إنشاء الله.
نوف: تراني بديت أغار.
أم طارق: ( وهي تضحك ) شو هذا الكلام.
نوف: كنت أمزح والله إني أحبهم وايد.
ريم: حتى إحنا نحبج.
أم طارق: يلا بنات قوموا تعشوا قبل لا يبرد العشا.
البنات: إنشاء الله.

وطلعو البنات عسب يتعشون لكن ريم رجعت الحجرة لأنها كانت تبي تتصل في أمها تخبرها إنها بتتعشى عند نوف ربيعتها, وبعد ما كلمت ريم أمها كانت يايه تبي تطلع لكن حد فتح الباب فجأة ودخل.

طارق: نوفو أنا كم مرة قلت لج ………….
ريم:…………
طارق: أسف والله ما كنت أعرف إن في حد عند نوف.
ريم: لا عادي ما صار شي .

وطلع طارق وهو متلوم إنه دخل فجأة على البنيه وقعد يتحلف لنوف لأنها ما خبرته إن في حد عندها, أما ريم فما قدرت تطلع وقعدت شوي لأنها صدج كانت متفشله من الموقف إللي صار لها.

نوف: وينها ريم تأخرت.
ريم: ( وهي داخله عليهم ) أسفة لأني تأخرت عليكم.
سارة: وين كنتي إحنا من متى ننتظرج.
ريم: كنت أكلم أمي أقول لها إني بتأخر شوي.
سارة: ذكرتيني ما كلمت أمي.
نوف: عادي ما بتقول شي خالتي أنا بكلمها بعد العشا.
ريم: عيل وين خالتي ما أشوفها.
نوف: قالت بتروح ترقد لأنها شوي تعبانه.
ريم: سلامتها.
سارة: يلا خلونا ناكل أنا يوعانه.
ريم: وأنتي دومج يوعانه.

وقعدوا كلهم ياكلون ويضحكون على سوالف سارة إللي ما تخلص.

**************************

وبالليل كانت ريم قاعده تفكر بالموقف إللي صار لها اليوم مع طارق أخو نوف, هي كانت تسمع عنه من نوف بس عمرها ما شافته ولكن يوم شافته ما تدري شو صار لها حست بشعور غريب أول مرة تحس فيه.

وفي نفس الوقت كانت نوف قاعده تكلم هزاع خطيبها.

نوف: والله بموت من الوناسه ما أصدق إنك راجع الأسبوع الياي.
هزاع: بسم الله عليج من الموت أنا كم مره قلتلج لا تقولين هذا الكلام.
نوف: لها الدرجة أنا غاليه عندك.
هزاع: طبعا إنتي أغلى إنسانه عندي.
نوف: صدج.
هزاع: تشكين بكلامي ولا أقولج خلاص أنا ما برجع.
نوف: إحلف أنت بس والله ما أدري شو بسوي بعمري لو ما رديت.
هزاع: كنت أمزح معقولة أقدر أتم بعيد عنج أنا ما صدقت إني بخلص شغلي الأسبوع الياي علشان أرد البلاد وأشوفج.
نوف: فديتك والله, يلا حبيبي لازم أخليك الحين.
هزاع: شو مليتي مني.
نوف: شو مليت منك في حد يمل من حياته, بس لازم أرقد عسب باجر بروح دبي أخلص الشغلات إللي باقيه لي.
هزاع: خلاص على راحتج, في وداعة الله تحملي على عمرج.
نوف: وإنت بعد تحمل على عمرك.

ورقدت نوف وهي تفكر بهزاع وعرسها القريب.

وفي اليوم الثاني الصبح كانت نوف قاعده مع أمها في الصالة يتريون طارق عسب يروحون دبي.

أم طارق: نوف حبيبتي.
نوف: أمري.
أم طارق: بغيت أسألج عن ربيعاتج ريم و سارة .
نوف: شو فيهم.
أم طارق: ما فيهم إلا العافيه بس بغيت أعرف إذا في وحده منهم إنخطبت ولا لأ.
نوف: سارة محيرينها حق ولد عمها من يوم ما كانوا صغار أما ريم فهي تنخطب لكنها ما تريد تتزوج إلا بعد ما تخلص دراسة.
أم طارق: بس تقدر تكمل دراستها بعد الزواج.
نوف: تخاف إللي بتاخذه ما يخليها تكمل دراستها.
أم طارق: والله إن البنيه دخلت قلبي و ودي أخطبها لخوج طارق.
نوف: ( وهي مستانسه ) والله.
أم طارق: بس أخاف أخوج يعارض نفس كل مره.
نوف: لا ما راح يعارض أصلا ريم ما شاء الله عليها من زينة البنات وكلهم يتمنونها.
أم طارق: أنا ما أدري هذا الولد شو في باله من اليوم إللي رجع فيه من بريطانيا وهو متغير.
نوف: أخاف بس حب ليه وحده أجنبيه.
أم طارق: والله لو سواها وقال إنه بياخذها لا أنا أعرفه ولا هو ولدي.
نوف: إشفيج أمايه هدي لا يرتفع السكر عندج.
أم طارق: أنا بكلم أبوه خله يقنعه وبكلمه هو بعد لمتى بتم من دون زواج صار عمره 25 سنه إللي في سنه تزوجوا ويابوا عيال, أنا أبغي أشوف عياله قبل لا أموت.
نوف: الله يطول في عمرج يالغاليه ويخليج لنا إنشاء الله.

ودخل عليهم طارق وقعد صوب أمه بعد ما سلم عليها, وقعدوا يسولفون شوي قبل لا يطلعون لكن طارق كان يفكر بكلام أمه هو يعرف إن إللي سواه غلط بس هو ما قدر يمنع نفسه يوم سمع أمه ترمس نوف عن سالفة زواجه وخاصة يوم يابت سيرة بريطانيا ما عرف شو صار فيه تذكر الأيام الحلوه إللي عاشها هناك مع حبيبته لورين إللي تعرف عليها هناك وحبها, حتى هي تحبه وبين فتره والثانيه تكلمه وهو يكلمها لكن هو ما سمع أمه يوم كانت تتكلم عن ريم وإنها تبي تخطبها له.

 

[ضوى العيون]

الجزء الثالث

أم طارق قررت إنها تكلم طارق عقب عرس نوف لأنها كانت مشغوله بالتجهيز لعرس بنتها الوحيده, حتى طارق نسى السالفه وحمد ربه إن أمه ما كلمته فيها, الكل كان مشغول بعرس نوف إللي باقي له إسبوع. حتى ريم وسارة كانوا مشغولين لدرجة إنهم ما كانوا يقعدون في البيت كثر ما يقعدون مع نوف والأهل كانوا راضين عن الوضع لأنهم كانوا يعرفون إن نوف وحيده وما عندها خوات.

وقبل العرس بيوم كانوا البنات قاعدين مع نوف يتريون الحرمه إللي بتي تحنيهم كلهم.

نوف: إلا وين عالية ومنى.
سارة: منى وعالية راحن دبي لأن فساتينهم بتخلص اليوم, وقالن إنهم بيتحنون في دبي مع مها.

نوف: والله ما صدق إنه باجر عرسي.
ريم: وشو شعورج في هذا الوقت.
نوف: ما أدري شو أقولج, أنا مستانسه وفي نفس الوقت أحس إني خايفه.
سارة: عادي شعور كل بنت ليلة زفافها.
ريم: وأنت وش دراج إللي يقول الحين البنيه معرسه وعندها خبره.
سارة: إنشاء الله بعرس, لكن وينه المعرس.
نوف: المعرس موجود.
سارة: ومنو هو؟
ريم: لا والله ليكون نسيتي أخوي.
سارة: ( وويها بدا يحمر ) غيروا السالفه.
ريم: ليش ليكون أخوي ما عاجبنج.
سارة:………………………….
نوف: إشفيج سكتي.
ريم: البنت تسوي عمرها مستحيه.
سارة: بس أحس إنه ما يبغيني.
ريم: شو هذي الرمسه, أصلا هو دايما يتخبرني عنج, وكل ما قلتله إنج بتزورينا يستانس.
نوف: ( وهي تشوف سارة تحمر زياده ) يا ويل حالي, شوفوا البنيه كيف صار ويها الظاهر بدينا نحب أخت سارة.
سارة: حرام عليج خلاص ما أبغي أسمع شي غيروا الموضوع.
ريم: ( وهي تضحك عليها ) اليوم بخبره إنج ما تبينه.
سارة: لا.
ريم: تخافين إنه يغير رايه.
نوف: وأنتي شو شعورج تجاهه.
سارة: بصراحه هو يعجبني من يوم ما كنا صغار, وأنا أرتاح له.
ريم: يعني تحبينه.
سارة: ما أدري شو أقولكم.
نوف: يعني بتوافقين لو خطبج.
سارة: ( وهي تبتسم ) يمكن.

وهنيه وصلت الحرمه إللي يايه عسب تحنيهم فسكتوا كلهم وغيروا الموضوع وقعدوا يسولفون عن أشياء عادية.

*******************************

وفي نفس الوقت كانوا الكل موجودين في فندق الإنتر لأن اليوم عشا الرياييل واليوم إللي عقبه بتكون حفلة الحريم, والكل كان مستانس من الخاطر لهزاع لأنه ريال ما شاء الله عليه محترم ومحبوب عند الكل.

طارق: مبروك يا النسيب.
هزاع: الله يبارك فيك وعقبالك.
طارق: لا أنا ما أفكر بالزواج الحين.
هزاع: ليش ليكون بعدك تفكر فيها.
طارق: اسكت يا ريال أنا ما أقدر أنساها.
هزاع: بس انت تعرف إن عمي مستحيل يوافق إنك تاخذها.
طارق: أعرف حتى الوالده ما راح توافق, بس خلها على الله وخلنا من هذا الموضوع الحين.

جاسم: ( وهو ياي صوبهم ) مبروك يا هزاع.
هزاع: الله يبارك فيك وعقبالك.
جاسم: الله يسمع منك.
طارق: الحبيب مستعيل على العرس.
جاسم: ليش انت مب مستعيل.
طارق: لا أنا بعدني ما أفكر بالزواج.
هزاع: عيل وين بقية الشباب.
جاسم: الحين بيوصلون.

وهنيه وصلوا ربعهم كلهم, وقعدوا كل الشباب يسولفون, وبعد ما خلصوا العشا وراحوا كل الرياييل ما عدا الشباب إلا طلعوا كلهم يكملون السهر في ميلس واحد من ربعهم.

وهناك في الميلس كانوا الشباب قاعدين يسولفون ويلعبون ورقه.

وهنيه يرن تلفون مبارك, اخوه ناصر متصل فيه.

ناصر: السلام عليكم.
مبارك: وعليكم السلام.
ناصر: مبارك تعال لنا الحين إحنا قريبين من العين.
مبارك: خير إنشاء الله في شي مستوى.
ناصر: السيارة إختربت علينا في الطريق.
مبارك: خلاص أنا الحين بطلع.

وبعد ما سكر مبارك عن ناصر

جاسم: مبارك شو السالفة.
مبارك: ناصر إختربت سيارته وهو راد العين والحين بروح له.
جاسم: تبيني أطلع معاك.
مبارك: لا مشكور ما قصرت.
جاسم: على راحتك.
مبارك: ( وهو يكلم الشباب ) شباب عيل أنا أترخص منكم.
بدر: وين يا ريال إقعد.
مبارك: مشغول شوي, مره ثانية إنشاء الله.

وطلع عنهم مبارك ساير لأخوه ناصر, وبعد ساعة وصل لهم وشاف ناصر موقف سيارته على جانب الطريق.

مبارك: خير يا ناصر شو السالفة, ليش وقفت السيارة.
ناصر: ما أدري شو استوى فيها وقفت علينا فجأة.
مبارك: انزين يلا خلنا نرد العين وبالباجر بنطرش الميكانيكي يشوف شو سالفة هذي السيارة.
ناصر: زين صبر خلني ازقر البنات.
مبارك: بسرعة لأن الوقت متأخر وأكيد الوالده تحاتيهم الحين.

وبعد ما ركبوا السيارة.
عالية: مبارك مر مخبز النور والله إنا يوعانات حتى العشا ما تعشينا.
مبارك: وليش ما تعشيتوا في دبي.
ناصر: قلنا بنتعشي في البيت ما درينا إن السيارة بتوقف فينا في نص الطريق.
مبارك: خلاص ولا يهمج بنمر المخبز.
عالية: فديت أخوي أنا.
ناصر: أفا تتفدينه بس عشان بمر المخبز, وأنا المسكين إلي مودنكم دبي حتى كلمة مشكور ما قلتيلي.
عالية: فديتكم انتوا الأثنين ما أقدر أتخلى عنكم.
ناصر: هذا هو الكلام الزين.
مها: ناصر إتصل في البيت شوف ميثا رقدت ولا بعدها, والله اشتقت لها من الصبح مخلتنها عند عموه أخاف تلعوزها.
ناصر: إنشاء الله.

واتصل ناصر بالبيت وطمن مها إن ميثا راقده.

وهنيه يرن تلفون ناصر, عبدالله ولد عمه متصل.

عبدالله: السلام عليكم.
ناصر: وعليكم السلام, هلا عبدالله شخبارك.
عبدالله: بخير يسرك الحال, وانت شخبارك.
ناصر: بخير الله يسلمك.
عبدالله: وين انتوا بعدكم في دبي.
ناصر: قريبين من العين شوي ونوصل إنشاء الله.
عبدالله: عيل وايد تأخرتوا في دبي.
ناصر: إحنا طلعنا من وقت بس السيارة وقفت علينا بنص الطريج واتصلت بمبارك عسب يردنا العين والحين إحنا بالطريق.
عبدالله: كان اتصلت فيني عشان اردكم.
ناصر: مشكور وما قصرت بس ما حبينا نتعبك.
عبدالله: العفو هذا واجبنا, عيل سلم على مبارك.
ناصر: يوصل.
عبدالله: مع السلامة.
ناصر: مع السلامة.

وبعد ما بند ناصر عن ولد عمه.

مبارك: منو متصل.
ناصر: هذا عبدالله ولد عمي ويسلم عليك.
مبارك: الله يسلمه, شو كان يبغي.
ناصر: كان يسأل متى بنرد العين.
مبارك: ليش.
ناصر: أكيد خالتي تحاتي منى.
مبارك: ليش منى معانا.
ناصر: ليش انت ما تعرف ان منى معانا.
مبارك: لا محد خبرني.

مبارك ( وهو يكلم منى ) السموحه منى ما كنت أعرف إنج معانا.
منى وهي منحرجه ) مسموح.
مبارك: شخبارج منى.
منى: بخير الله يسلمك.

وقعد مبارك يفكر في منى, هذي أول مره يرمسها وهو عمره ما شافها من يوم ما كانوا صغار حتى إنه ما يتذكر ملامحها عدل.
00
*******************************

 

[ضوى العيون]

وفي اليوم الثاني كانت حفلة الحريم إللي كانوا مسوينها بعد في فندق الإنتر, وكانوا البنات مرتبشات والكل كان مستانس.
وقريب الساعة تسع ونص دخلت نوف على موسيقى كلاسيكية, وكل الأنظار كانت متجهه صوبها لأنها ما شاء الله عليها كانت مثل القمر بأناقتها ومشيتها حتى ريم وسارة كانت كل وحده أحلى عن الثانية أما منى وعالية فكانوا مسوين مكياج خفيف بس بعد كانوا ولا أروع , وبعد ما قعدت نوف بدأت الفرقة إللي يايبينها تغني والبنات قعدوا تصوروا مع نوف وبعدين قاموا يرقصون.
وهناك برع القاعة كان هزاع وإخوانه فهد وأحمد وطارق أخو نوف واقفين يتريون حد يتصل فيهم عشان يدخل هزاع القاعة.
وبعد ما تغشوا البنات دخل هزاع وابوه وابو نوف واخوها طارق القاعة, ويوم وصل هزاع عند نوف رفع عنها الطرحه وحبها على راسها اما نوف اول ما شافت ابوها واخوها ماقدرت تمسك عمرها وقعدت تصيح, حتى ابو طارق دمعت عينه لأن نوف بنته الوحيده واليوم بتفارقه بس ارتاح لأنها بتروح بيت أخوه مو حد غريب, وبعد ما سلم عليها اخوها وعمها قعدوا شوي وقصوا الكيك وبعدين روحوا البيت أول عشان نوف تبدل ملابسها وبعدين راحوا المطار لأنهم بسافرون لبنان إسبوع وبعدين بروحون إيطاليا.

وبعد ما رجعت ريم البيت بدلت ملابسها ومسحت المكياج قبل لا ترقد, لكنها ما قدرت ترقد وقعدت تفكر بطارق والموقف إللي استوى لها قبل كم شهر يوم كانت في بيتهم, حتى اليوم يوم شافت طارق داخل مع هزاع عسب يسلم على أخته ما تدري شو استوى لها حست إن قلبها يدق بسرعة واستانست من الخاطر لأنها شافته, ليكون هي بدت تحبه وهي ما تدري.

**************************
وبعد إسبوع من عرس نوف كانت ريم قاعده تسولف مع سارة.

سارة: ريم حبيبتي تعالي اليوم بيتنا.
ريم: ليش.
سارة: والله مليت ولاعت جبدي من القعده في البيت بروحي.
ريم: وين بروحج معاج عالية ومها وخالتي أم ناصر.
سارة:أصلا عالية وجودها وعدمها واحد طول الوقت تشوفينها قاعده في حجرتها تقرا ولا مجابله الإنترنت أما مها فهي مشغولة بميثا والوالدة تعرفينها يا تروح بيت خالتي يا تسير على الجيران وأنا قاعده بروحي في البيت مجابله الجدران.
ريم: كسرت خاطري خلاص بترخص من الوالده وبزورج اليوم بعد صلاة المغرب.
سارة: تعالوا كلكم.
ريم: وليش كلنا.
سارة: بس صار لكم فترة من زرتونا أخر مرة حتى الوالده متولهة عليكم.
ريم: يصير خير.
سارة: إلا شخبار جاسم.
ريم: يا سلام بدينا نسأل عن الحبايب.
سارة: أي حبايب ولد عمي ولازم أسأل عنه.
ريم: عيل ليش ما تسألين عن عبدالله بعد ولا جاسم غير.
سارة: صدج إنج متفيجه وما عندج سالفه.
ريم: شو زعلتي.
سارة: لا وأنا أقدر أزعل منج.
ريم: أقول يمكن.
سارة: يلا بخليج الحين بروح أصلي الظهر.
ريم: على راحتج.
سارة: مع السلامة.
ريم: مع السلامة.

وبعد صلاة المغرب كانت سارة قاعده تساعد أمها في المطبخ قبل لا تروح تبدل ملابسها .

أم ناصر: غناتي وين أختج عالية.
سارة: يعني وين بتكون أكيد قاعده في الحجرة تقرا ولا مجابله الإنترنت نفس عوايدها.
أم ناصر: روحي شوفيها خلها تبدل.
سارة: إنشاء الله أمايه.

وراحت سارة حجرة أختها عالية, وشافتها قاعده تقرا.

سارة: انتي بعدج ما بدلتي ملابسج.
عالية: ليش إنشاء الله.
سارة: انا مو قايله لج إنا بيت عمي بيزورونا اليوم.
عالية: صدج نسيت.
سارة: يلا قومي بدلي بسرعة.
عالية: إنزين شوي شوي علي حتى انتي ما بدلتي.
سارة: أنا كنت أساعد أمي في المطبخ والحين بروح أبدل.

وطلعت سارة عن اختها وراحت تبدل.

وفي بيت المرحوم خليفة بن حميد كان الكل متجهزين عسب يروحون بيت عمهم سالم ولكنهم ينتظرون جاسم إللي تأخر عليهم.

ريم: أمايه تأخرنا عليهم.
أم عبدالله: صبري يا بنتي خلي أخوج جاسم يوصل.
عبدالله: وينه جاسم تأخر, ليش هو ما يدري إنا بنروح بيت عمي.
منى: هو يدري بس قال إنه بخلص شوية أشغال وما راح يتأخر.

وهنيه دخل عليهم جاسم.

أم عبدالله: وينك يا ولدي تأخرنا على بيت عمك.
جاسم: إنشغلت شوي, يلا خلنا نطلع.

وطلعوا كلهم رايحين بيت عمهم سالم, ريم ومنى وأم عبدالله بسيارة جاسم ومها وعبدالله وولدهم سعود بسيارة عبدالله.

وبعد ما وصلوا بيت عمهم, دخلوا الرياييل الميلس أما البنات فراحوا صالة الحريم.

وبعد ما سلموا الحريم على بعض قعدوا يسولفون, أما البنات فقعدوا شوي وبعدين راحوا فوق في حجر البنات, سارة خذت ريم وراحت حجرتها أما عالية فخذت منى وراحت حجرتها هي بعد.

وفي حجرة سارة كانوا سارة وريم قاعدين يسولفون.

سارة: اشتقت لنوف.
ريم: حتى أنا, بس شو نسوي الحين البنيه عرست وصار عندها مسؤوليات فلازم نراعيها بعد.
سارة: بس الحمدلله إن نقدر نشوفها في الجامعة.
ريم: ما كنت أتصور إن هزاع بيخليها تكمل دراستها.
سارة: لا تنسين إن هزاع متعلم ويقدر يفهم شعورها ورغبتها بأنها تكمل دراستها.
ريم: بس في وايد ناس متعلمين بس يرفضون إن البنت تكمل دراستها.
سارة: وهذا السبب إللي مخلنج ترفضين كل واحد يتقدم لج.
ريم: هيه عيل تبغيني أضيع سنوات عمري إللي درستها وفي الأخير أتزوج قبل لا أخذ الشهادة الجامعية مستحيل.
سارة: و إذا تقدم لج واحد وبغيته بتودرين الدراسة علشانه.
ريم: ( وهي تفكر في طارق ) يمكن, وانتي شو رايج إذا تقدم لج جاسم مثلا بتودرين الدراسة علشانه.
سارة: ( وهي مستحية ) ردينا على هذي السالفة.
ريم: بسألج سؤال وأبغيج تجاوبيني بصراحة.
سارة: قولي.
ريم: إنتي تحبين أخوي جاسم ولا لأ.
سارة وهي صدج مستحية ) إنتي تعرفين إني أرتاح له وهو بعد يعجبني بس عن مسألة الحب ما أعرف شو أقولج.
ريم: أما هو فأحس إنه صدج يحبج.
سارة: ليش هو قال لج.
ريم: لا, بس سؤاله الدايم عنج يأكد لي إنه يحبج.
سارة: عادي بنت عمه ولازم يسأل عني.
ريم: عيل ليش ما يسأل عن عالية كثر ما يسأل عنج.
سارة وهي تضحك ) والله ما أدري روحي سأليه.

وفي حجرة عالية.

عالية: شو منى خلصتي الأغراض الباقية لج.
منى: لا وين كنت مشغولة بعرس نوف, بس باقي لي شوية أغراض وبخلص, وانتي خلصتي.
عالية: أنا بعد مثلج ما خلصت وباقي لي شوية شغلات بخلصها قريب.
منى: وانتي شو مقررة تتخصصي بعد ما تخلصين أساسي إنشاء الله.
عالية: والله بعدني ما فكرت يمكن إدارة أعمال, وانتي.
منى: أنا بعدني ما فكرت.
عالية: شخبار البنات ما كلمتي حد منهم.
منى: أمس كلمت مريوم وسلمت عليج وايد.
عالية: الله يسلمها, بس هي ليش ما سافرت السنة.
منى: قالت إنهم أخروا السفر هذي المرة ويمكن يسافرون الأسبوع الياي.
عالية: ووين بروحون.
منى: ما أذكر بس يمكن يسافرون لجمايكا نفس كل مره.
عالية: حظها مو إحنا إللي قاعدين في البيت.
منى: ليش ما سافرتوا السنة.
عالية: أبوي يقول إنه مشغول وايد وما يقدر يسافر ووعدنا إنا نسافر الصيف الياي,وانتوا ليش ما سافرتوا.
منى: الوالده قالت إنا كل سنة نسافر خلنا هذي السنة نقعد هنيه.
عالية: وانتي كيف تقضين الإجازة.
منى: اطالع التلفزيون ولا اقعد اقرا في المجلات, شو اسوي بعد.
عالية: وليش ما تدخلين الإنترنت.
منى: مرات أدخل المنتديات أو مواقع للأغاني والأزياء.
عالية: وليش ما تدخلين المسنجر.
منى: لا ما أقدر.
عالية: ليش ليكون تخافين.
منى: لا ما أخاف بس ما أحب هذي السوالف.
عالية: ليش والله وناسة أنا أدخل وأقعد أتكلم مع ربيعاتي.
منى: كيفج بس أنا صراحة ما تعجبني هذي السوالف.
عالية: إنزين خلنا ننزل الصالة نقعد معاهم.
منى: يلا.

ونزلوا البنات تحت يقعدون مع الحريم.

وفي الميلس كانوا الرياييل قاعدين يسولفون عن الشغل وأحوال المزرعة.

أبو ناصر: شخبار الشغل في البحرين يا عبدالله.
عبدالله: كل شي ماشي تمام يا عمي وأفكر أروح لي يومين البحرين أطمن على الشغل هناك.
أبو ناصر: على راحتك يا ولدي سوي إللي تشوفه.
ناصر: صدق يا أبوي اليوم أبو راشد اتصل المكتب يبغى يكلمك بخصوص المزرعة بس انت كنت رايح البنك.
أبو ناصر: وشو قالك.
ناصر: ما طاع يقول شي, بس قال إنه بزورك في المكتب باجر إنشاء الله.
أبو ناصر: يصير خير باجر بشوف شو السالفة.
مبارك: أبوي الأسبوع الياي إحنا بنطلع القنص إنشاء الله ما بتطلع معانا.
أبو ناصر: لا يا ولدي كبرت وما فيني شده أروح.
جاسم: وين يا عمي إنت ما شاء الله عليك بعدك شباب.
مبارك: شو رايك يا بوي نزوجك مره ثانيه.
أبو ناصر: ( وهو يضحك ) خل أمك تسمعك شوف شو بتسوي بك.
مبارك: ( وهو يضحك ) عادي ما بتقول شي.
أبو ناصر: خلو عنكم هذي السوالف وقوموا خلنا نلحق على الصلاة.
الكل: إنشاء الله.

وبعد ما رجعوا الرياييل من الصلاة.

أبو ناصر: مبارك يا ولدي قوم قولهم يحطون العشا.
مبارك: إنشاء الله.

وراح مبارك المطبخ من الباب الثاني عسب يقول حق الخدامات يحطون العشا وهو طالع من المطبخ شاف أخته عالية ومعاها بنيه يايات صوب المطبخ والبنيه أول ما شافته تغشت ورجعت الصالة.

عالية: مبارك انت شو تسوي هنيه.
مبارك: كنت ياي أقول حق الخدامات يحطون العشا.
عالية: وقلت لهم.
مبارك: هيه قلت لهم لكن منو البنت الغاويه إللي كانت معاج.
عالية: إستح على ويهك هذي منى بنت عمي.
مبارك: ( وهو يكلم نفسه ) ما شاء الله عليها قمر.
عالية: إشفيك مبارك شو تقول.
مبارك: ما فيني شي أنا رايح الميلس روحي قولي حق الخدامات يحطون العشا بسرعة.
عالية: إنشاء الله.

وراح مبارك الميلس وهو يفكر بمنى ما توقع إنها تكون بهذا الجمال.

وبعد ما روحوا بيت أم عبدالله كانوا الكل قاعدين في الصالة يسولفون وبعدين دخل أبو ناصر وأم ناصر عشان يرقدون حتى ناصر وحرمته راحوا يرقدون لأن الوقت متأخر أما البنات فقعدوا في الصالة يطالعون التلفزيون مع مبارك.

عالية: مبارك اليوم ما بتطلع تسهر.
مبارك: بعد شوي بطلع, ليش.
عالية: لا ما في شي بس كنت أسأل.
سارة: سكتوا خلونا نطالع الفلم.
عالية: أنا بروح حجرتي أبرك لي.
مبارك: وأنا طالع بروح للربع.
سارة: وين قعدوا معاي خلنا نطالع الفلم.
مبارك: طالعيه بروحج أنا تأخرت على الربع.
سارة: عالية قعدي معاي خلنا نطالع الفلم, انتي ما ترقدين في هذا الوقت أكيد بتروحين تفتحين المسنجر.
عالية: سكتي لحد يسمعج.
سارة: عيل قعدي معاي.
عالية: ليش تخافين تقعدين بروحج.
سارة: لا بس ما أبغي أطالع الفلم بروحي قعدي معاي.
عالية: إنزين بقعد.

وقعدوا سارة وعالية يطالعون الفلم لحد الساعة ثنتين ونص وبعدين راحوا يرقدون.

***************************

 

[ضوى العيون]

وفي اليوم الثاني في بيت إبراهيم بن حارث, كانت أم طارق قاعده في الصالة بروحها تتريا ولدها طارق تبغي تكلمه قبل لا يطلع يروح الشغل.
وبعد شوي دخل طارق الصالة وسلم على أمه وحبها على راسها وقعد يسولف معاها شوي قبل لا يروح الشغل.

أم طارق: طارق يا ولدي بغيت أكلمك في موضوع.
طارق: أمري شو بغيتي.
أم طارق: بغيت أكلمك في موضوع عرسك.

طارق يوم سمع هذي السيرة تغير ويهه وما قدر يقول شي.

أم طارق: ليش سكت يا ولدي.
طارق: أمايه إنتي تعرفين رأي في هذا الموضوع.
أم طارق: بس يا ولدي أنا أبغي أشوف عيالك قبل لا أموت.
طارق: لا تقولين هالكلام يالغالية الله يطول في عمرج ويخليج لنا إنشاء الله.
أم طارق: عيل شو قلت.
طارق: أمايه خلني أفكر شوي.
أم طارق: بشو تفكر يا ولدي انت بصير عمرك ستة وعشرين وانت بعدك ما عرست إللي في عمرك تزوجوا ويابوا عيال.
طارق: أمايه الله يخليج عطيني فترة أفكر فيها وبعدين برد عليج.
أم طارق: على راحتك يا ولدي, بس ما سألتني منو البنيه إللي أبغيها لك.
طارق: منو هي.
أم طارق: بنت المرحوم خليفة بن حميد أخت ربيعك جاسم, وهي ما شاء الله عليها بنيه مزيونه وكل الشباب يتمنوها.
طارق: يصير خير, يلا الحين أنا أترخص بروح الشغل وايد تأخرت.
أم طارق: في حفظ الله.

وطول الطريق قعد طارق يفكر في كلام أمه عن عرسه, هو صح يبغي يعرس لكن ما يبغي ياخذ غير إللي يحبها وهو عارف إن أهله مستحيل يوافقون عليها, حتى يوم خبرته أمه عن البنيه إللي تبغيه ياخذها ما قدر يتصور إن في وحده ثانية تحل محل حبيبته ولو كان كل جمال الكون فيها.

وبعد إسبوع ردت أم طارق تكلم ولدها عن سالفة العرس.

أم طارق: طارق يا ولدي شو رايك بالكلام إللي قلته لك من كم يوم.
طارق: أمايه إنتي ليش مستعيله, أنا بعدني ما أفكر بالعرس.
أم طارق: كيف يا ولدي ما تفكر بالعرس, العمر يمر يا ولدي و أنا أبغي أشوف عيالك قبل لا أموت.
طارق: أمايه لا تقولين هذا الكلام الله يطول في عمرج ويخليج لنا.
أم طارق: يا ولدي إذا كان في خاطرك بنيه ثانية قول وأنا بروح بخطبها لك.
طارق: ( وهو يفكر بحبيبته لورين ) أخاف ما توافقين لو قلت لج منو البنيه إللي بخاطري.
أم طارق: وليش ما بوافق أنت ولدي وإللي يريحك يريحني, وأنا وأبوك ما نبغي نغصبك على شي ما تبغيه.
طارق: ( إرتاح شوي يوم سمع كلام أمه ) بس أمايه البنت إللي أبغيها بعيده مو من بلادنا.
أم طارق: عيل من وين, وانت كيف عرفتها.
طارق: عرفتها يوم كنت مسافر لبريطانيا.
أم طارق: ( وهي معصبة ) ليكون تبغي تاخذ وحده أجنبية.
طارق: ( يوم شاف إن أمه بدت تعصب خاف عليها لا يرتفع السكر عندها ) أمايه الله يخليج سمعي كلامي ولا تعصبين.
أم طارق: قول إللي عندك.
طارق: أمايه أنا تعرفت عليها يوم كنت مسافر لبريطانيا وحبيتها وهي حبتني وأبغي أتزوجها.
أم طارق: إنزين هي خليجية.
طارق: لا.
أم طارق: ( يوم سمعته صدج عصبت ) عيل تبغي تاخذ وحده أجنبية, والله لو سويتها لا أنت ولدي و لا أنا أعرفك.
طارق: أمايه ليش تبغون تحرموني من البنت إللي أحبها.
أم طارق: عيل روح خذها وأنا ما راح أسامحك لين يوم القيامة.
طارق: ( يوم سمع هذي الرمسه ندم لأنه خبر أمه, وخاف عليها لا تتعب ) .
أم طارق: ( قامت بتروح حجرتها بس حست إنها ما تقدر تقوم من مكانها و إن الدنيا تدور فيها وطاحت ) .
طارق: ( يوم شاف أمه بهذي الحالة خاف وقام شلها وودها المستشفى على طول ).

وفي المستشفى دخلوها العناية المركزة لأن السكر إرتفع عندها وايد وحالتها خطيرة.

أما طارق فكانت حالته حالة ما عرف شو يسوي وقعد يلوم نفسه لأنه السبب في إللي صار لأمه وبعدين راح واتصل لأبوه في الشركة وخبره إنهم في المستشفى.

أبو طارق المسكين يوم سمع إن حرمته في المستشفى, راح لهم على طول.

ويوم وصل أبو طارق شاف ولده قاعد يكلم الدكتور.

أبو طارق: ( وهو ياي صوبهم ) دكتور خبرني شو فيها.
الدكتور: مين حضرتك.
طارق: هذا الوالد.
الدكتور: والله هي دخلت في غيبوبة سكر.
أبو طارق: دكتور انت طمني عليها, وإذا تبغينا نسفرها ترى إحنا حاظرين.
الدكتور: لأ ما فيش داعي إنها تسافر إنتوا إدعوا لها بالسلامة وخلوا الباقي على الله.

وراح عنهم الدكتور.

أبو طارق: شو إللي صار يا ولدي.
طارق: ما أعرف شو أقولك يا بوي.
أبو طارق: خلاص بنتكلم في هذا الموضوع بعدين, بعد ما تقوم أمك بالسلامة.

أبو طارق كان يحس إنه في شي مستوي بس ما بغى يزيد همومه في هذا الوقت إللي أم طارق في حاجة له.
وتمت أم طارق على هذي الحالة إسبوعين, وأبو طارق و ولده ما يفارقون المستشفى إلا إذا كان في شي ضروري.

وفي يوم كان طارق قاعد عند أمه يفكر باللي سواه و إنه السبب في كل شي صار لأمه, وبعد شوي حس إن أمه تتحرك وإنها تبغي تقول شي فقرب منها وسمعها تناديه.

طارق: فديتج أمايه سامحني, وإللي تبينه بصير بس إنتي إستريحي ولا تعبين عمرج.

وسار طارق عشان يزقر الدكتور.

وقعدت أم طارق في المستشفى إسبوع وبعدين رخصوها لأن حالتها تحسنت وايد.

وأول ما وصلوا البيت قعدوا كلهم في الصالة يسولفون, وبعد ما تطمن أبو طارق على حرمته راح الشركة لأنه في الفترة إللي طافت ما كان يروح الشركة وايد وكان كل الوقت في المستشفى مع حرمته.

طارق: فديتج أمايه كيف تحسين عمرج.
أم طارق: الحمد لله يا ولدي أنا أحسن من أول, إلا كيف حال أختك نوف.
طارق: بخير وتسلم عليج.
أم طارق: قلتولها إني دخلت المستشفى.
طارق: لأ ما بغينا نخرب عليهم شهر العسل وانتي تعرفين نوف لو عرفت شو بتسوي.
أم طارق: أحسن ما قلتولها ما أبغي بنيتي تستهم علي.
طارق: أمايه بغيت أكلمج في موضوع.
أم طارق: إذا كانت عن سالفة العرس فأنا ما أبغي أسمع شي عنها.
طارق: فديتج الغالية سمعي كلامي أول.
أم طارق: قول إللي عندك, بس انت تعرف راي بهذا الموضوع.
طارق: لأ أمايه أنا نسيت السالفة من الأساس وكل شي راح يصير مثل ما تبغين يا أحسن أم في الدنيا.
أم طارق: ( وهي صدج مستانسة ) صدج الكلام إللي تقوله يا ولدي.
طارق: أكيد يا الغالية.
أم طارق: الله يبشرك بالخير يا ولدي يوم فرحتني.
طارق: وأنا عندي أغلى منج.
أم طارق: الله يخليك لنا يا ولدي.
طارق: ويخليج لنا يا الغالية.

وطلع طارق عن أمه رايح الشغل وهو يفكر بإللي سواه, هو كان يبغي يفرح أمه وما بغى يفقدها عشان يتزوج من إللي يحبها, بس شو ذنب البنيه إللي بياخذها.

********************************

 

[ضوى العيون]

من هذاك اليوم وطارق حاله معتفس كل يفكر بإللي سواه يوم وافق إنه يتزوج البنيه إللي أمه اختارتها له لأنه ما يبغي يظلمها معاه, أما أمه فهي ما صدقت إن ولدها وافق وعلى طول اتصلت بأبو طارق عشان يروحون يخطبون البنيه لأنها كانت خايفة إن طارق يغير رايه.

واتصل أبو طارق في عبدالله أخو ريم عشان يقوله إنهم بزوروهم باجر بعد صلاة المغرب.
وبالباجر راح أبو طارق وولده لبيت المرحوم خليفة بن حميد.

وهناك في الميلس كانوا كلهم قاعدين عبدالله وجاسم وأبو طارق وولده, وبعد ما سولفوا شوي عن الشغل وعن أحوالهم دخل أبو طارق في الموضوع إللي هم يايين بخصوصه.

أبو طارق: عبدالله يا ولدي إحنا أهل وبينا عيش وملح وأنا اليوم ياي أخطب أختكم لولدي طارق.
عبدالله: هذي الساعة المباركة يا عمي وإحنا ما بنحصل ريال حق إختنا شرات طارق, بس إنت تعرف يا عمي لازم نشاور البنيه وبعد نشاور عمنا لأنه بمقام الوالد الله يرحمه.
أبو طارق: الله يرحمه, وكل كلامك صح يا ولدي و إحنا مب مستعيلين.
عبدالله: إنتوا عطونا فرصة وإنشاء الله بنرد عليكم بأقرب وقت.
أبو طارق: عيل إحنا نستأذن ونشوفكم قريب إنشاء الله.
عبدالله: وين ياعمي ما قعدتوا ترا العشا اليوم عندنا.
أبو طارق: مشكور ياولدي خلها مره ثانية.
عبدالله: العفو هذا واجبنا.

وبعد ما روحوا دخل عبدالله وجاسم الصالة ولقوا هناك الوالده قاعده هي وحصة.
عبدالله + جاسم: السلام عليكم.
أم عبدالله + حصة: وعليكم السلام والرحمة.
عبدالله: عيل وين ريم.
أم عبدالله: ريم في حجرتها بشو بغيتها يا ولدي.
عبدالله: بغيتها بسالفة.
أم عبدالله: وشو هذي السالفة.
عبدالله: اليوم إبراهيم بن حارث كان عندنا وخطب ريم لولده طارق.
أم عبدالله: هذي الساعة المباركة وهم ما شاء الله عليهم ناس معروفين وإحنا نعرفهم من زمان.
حصة: بس عسى ريم توافق.
جاسم: وليش ما توافق, طارق ريال ما ينعاب والكل يتمناه.
عبدالله: بس بعد أنا ما أبغي أغصبها على شي, وهذي وصية الوالد الله يرحمه.
الكل: الله يرحمه.
أم عبدالله: انت كلمها وشوف هي شو بتقول.
عبدالله: إنشاء الله الحين بروح أكلمها.

وراح عبدالله لحجرة ريم ولقاها قاعده تقرا مجلة.

عبدالله: السلام عليج.
ريم: وعليكم السلام, هلا عبدالله ادخل ليش واقف عند الباب.
عبدالله: شو قاعده تسوين.
ريم: ما اسوي شي كنت قاعده اقرا المجلة.
عبدالله: أهااااا.
ريم: خير عبدالله بغيت شي.
عبدالله: ليش يعني ما اقدر ادخل حجرتج إلا اذا بغيت شي.
ريم: لا بس انت نادرا ما تدخل حجرتي واكيد تبغي تقول شي, يا ترى شو هو.
عبدالله: ( وهو يضحك ) انتوا البنات مب هينات.
ريم: هههههههه .
عبدالله: ريم .
ريم: لبيه.
عبدالله: اليوم كان عندنا ناس يايين يخطبونج.
ريم: ( وهي منصدمه ) ومنو هاذيلا الناس.
عبدالله: انتي تعرفينهم.
ريم: منو هم.
عبدالله: أخو ربيعتج نوف.
ريم: ( يوم سمعت هذا الكلام صدج انصدمت وما عرفت شو تقول )
عبدالله: ليش سكتي.
ريم: ( نزلت راسها ) شو اقول.
عبدالله: قولي رايج, اذا موافقة ولا لأ.
ريم: الشور شورك يا خوي.
عبدالله: شوفي يا ريم أنا ما ابغي اغصبج على شي وهذي حياتج ولازم تفكرين قبل لا تعطيني الجواب.
ريم: إنشاء الله.
عبدالله: أنا بعطيج فرصة يومين تفكرين عدل وبعدين ردي علي .
ريم: إنشاء الله.
عبدالله: ( وهو طالع ) فكري عدل يا ريم.

وطلع عبدالله من الحجرة, وأول ما طلع قامت ريم وقفلت الباب وقعدت على الشبرية تفكر بالموضوع, هي صدج مستانسة من الخاطر لأنها من يوم ما شافت طارق وهي ما قادرة تنساه بس بعد ما تبغي تتسرع في اتخاذ القرار.

أما طارق فبعد ما طلعوا من عندهم وصل ابوه البيت وركب السيارة يبغي يروح مكان يقعد فيه بروحه حتى التلفون اغلقه لأنه ما يبغي يرمس حد, وقعد يدور في الشوارع واخر شي قرر انه يروح بوظبي, وطول الطريق وهو يفكر بحبيبته وكيف بيقول لها انه بيتزوج وانه ما قدر يقنع اهله عشان يتزوجها وفي هذي اللحظة تذكر هزاع ولد عمه وربيعه الروح بالروح إللي كان يقول له كل شي حتى سالفة حبيبته قالها له بس هزاع مسافر وما عنده حد يشاركه همومه.

وبعد ما وصل بوظبي ما عرف وين يروح واخر شي قرر انه يروح البحر, ويوم وصل هناك نزل من السيارة وقعد على الرمل يفكر بحاله ويفكر بحبيبته إللي صار لها فترة من كلمته اخر مره, وقعد يعد في هذي الأبيات.


لو تغيب الشمس ما تشرق بعـــد
لو يغـيـب البدر عن صدر السمـا
دنيــتــي والـلـه ما تظـلـم أبــــد
دام عشــقـك ســاري مسرى الدما
انت كـونـي ما أرى غيرك أحــد
منهــو غـيـرك فاهـمنـي وافـهـمـا
مــالـك قـلبـي على طول الأمـــد
هــاك عمري كيف ما تريد ارسما
انت سيد الحـسن وحدك لك سجد
بـيـن كـل الغـيــد نـلـت الأوسـمــا
كـل كـلمـة تقـولـها تـنـقـط شـهـد
صايـن لسانـك وغـيضـك تـكـتمـا
قـبـل اشوفـك بين جزر وبين مد
لــي فــواد يــوم شـافـــك ارتــمـى
في حنانك فـي غرامـك واجتهـد
غـايـتـه تـرضـى وسـنـك يـبـسـمـا **

*************************

وبعد يومين رد عبدالله يكلم ريم في موضوع العرس.

عبدالله: شو جاوبج يا ريم.
ريم: ( وهي مستحيه ) الشور شورك يا خوي.
عبدالله: بس انا ابغي اسمع رايج.
ريم: ( وهي تقولها بهمس ) موافقه.
عبدالله: بارك الله فيج يا ريم.

وطلع عنها عبدالله وقبل لا يطلع حبها على راسها وقال لها انه يتمنى لها كل خير وان طارق راح يسعدها انشاء الله.

وبعد ما سمع عبدالله موافقة ريم راح لبيت عمه سالم عشان ياخذ رايه بالموضوع .

عبدالله: عمي من يومين إبراهيم بن حارث زارنا وخطب ريم لولده طارق.
أبو طارق: والنعم فيهم ناس معروفين.
عبدالله: شو رايك يا عمي.
أبو طارق: انت شاورت ريم يا ولدي.
عبدالله: هيه وهي موافقة.
أبو طارق: عيل توكل على الله واقرب بهم, ترا ما بتحصل ناس شراتهم.
عبدالله: الشور شورك يا عمي وهداية الله.

وطلع عبدالله من بيت عمه وراح البيت وقال لهم ان ريم موافقة وان عمهم ما عنده اي مانع.

 

[ضوى العيون]

******

وسارة أول ما سمعت خبر خطوبة ريم راحت تدق لها تبغي تبارك لها لكن لقت تلفونها مغلق فدقت على تلفون البيت.
سارة: السلام عليكم.
جاسم: وعليكم السلام والرحمة.
سارة: ( يوم سمعت صوت جاسم ما عرفت شو تقول وتمت ساكته ).
جاسم: هلا سارة شخبارج.
سارة: ( وهي مستغربه انه كيف عرفها ) بخير دامك بخير.
جاسم: بغيتي ريم.
سارة: هيه.
جاسم: لحظة بناديها لج.

وراح جاسم حجرة ريم ودق عليها الباب بسرعة, حتى ريم استغربت منه .

ريم: خير جاسم صاير شي.
جاسم: لأ بس سارة بنت عمي تبغيج على التلفون.
ريم: وأنا أقول اشفيه أخوي مستانس والإبتسامه شاقه الويه.
جاسم: جب ويلا روحي شوفيها شو تبغي.
ريم: زين شوي شوي علي.

وراحت ريم تكلم سارة.

ريم: هلا سارة.
سارة: أهلين حبيبتي, شخبارج.
ريم: انا بخير عساج بخير, انتي شخبارج.
سارة: مب زينه.
ريم: ليش شو فيج حبيبتي.
سارة: انا زعلانه منج .
ريم: عاد كل شي ولا زعلج, ليش زعلانه.
سارة: عيل ليش ما تقولين لي عن خطوبتج لو كنت اهمج كان قلتيلي اول وحده.
ريم: فديتج سارونه لا تزعلين ما يهون علي زعلج.
سارة: كنت امزح معاج وانا اقدر ازعل منج.
ريم: الحمدلله ريحتيني.
سارة: المهم مبروووووووووك وعقبالي انشاء الله.
ريم: ههههههههه الحبيبه مستعيله على العرس.
سارة: هيه عيل شو انت بتعرسين ونوف عرست ما باقي إلا انا.
ريم: شو رايج اكلم جاسم في الموضوع.
سارة: ريمو والله ازعل منج لو كلمتيه.
ريم: ليش عاد شو فيها لو كلمته.
سارة: لأ ما ابغيج تكلمينه وغلاتي عندج.
ريم: زين ما راح اكلمه.

وقعدوا ريم وسارة يسولفون عن عرس ريم المرتقب.

وبعد يومين رد عبدالله عليهم وقال لهم انهم موافقين وما عندهم أي مانع ويقدرون يشرفونهم في أي وقت عشان يخطبونها رسمي, بس ابو طارق قاله انهم يبغون يأجلون الخطوبه الرسمية الى ان ترجع نوف بنته من شهر العسل.

وام طارق يوم سمعت انهم وافقوا استانست وايد ودقت على نوف بنتها تقولها عن هذا الخبر السعيد.

وتقررت خطوبة ريم وطارق بعد رجعت نوف من شهر العسل باسبوع

باقي يومين على خطوبة ريم والكل مستانس وقاعد يستعد لها حتى ريم مستانسه من الخاطر وتحس انها اسعد انسانه في الدنيا.

ريم: ( وهي قاعده تكلم سارة بنت عمها ) عاد ما اوصيج ابغيج تكونين معاي في هذا اليوم ولا تراني بزعل منج.
سارة: حبيبتي ما يحتاي توصيني اصلا انا بكون عندكم من الصبح وبقعد عندكم لين ما تملون مني وتروغوني هههههههههه.
ريم: فديتج والله ما في حد مثلج وانتي مثل اختي واكثر.
سارة: حبيبتي ما داعي لهذا الكلام والله لا يحرمنا من بعض .
ريم: امين.
سارة: عاد يوم بتعرسين لا تنسيني مثل نوفو اللي صارت ما تدق أبدا.
ريم: افا عليج الغالية وانا اقدر على فراقج وبعدين انتي لازم تعذرين نوف لأنها توها معرسه ولازم بتنشغل بريلها .
سارة: بس بعد هذا ما يخليها تنسانا ولا تدق لنا أبدا.
ريم: خلاص يوم بتشوفينها عاتبيها وقولي لها إللي بخاطرج.

وهنيه جاسم كان ياي من برع ويوم شاف ريم قاعده تسولف في التلفون وقف يكلمها.

جاسم: ريم ترمسين منو.
ريم: قاعده ارمس سارة بنت عمي.

جاسم يوم سمع انها قاعده ترمس سارة استانس وقال في خاطره فديت بنت عمي والله ما اقدر اصبر لازم ارمس امي عن سالفة العرس.

جاسم: زين سلمي عليها .

وراح جاسم عن اخته.

ريم: سارونه جاسم يسلم عليج.
سارة: الله يسلمه, هو وين بعده صوبج.
ريم: لأ الظاهر انه راح غرفته.
سارة: زين ريم حبيبتي بسكر عنج الحين الوالده تناديني وعقب بتصل بج .
ريم: زين حبيبتي روحي شوفي خالتي شو تبغيج وبعدين دقي لي وسلمي عليها.
سارة: يوصل وانتي بعد سلمي عليهم.
ريم: على منو اكيد جاسم ههههههه.
سارة: ريمو انت ما راح تيوزين عن سوالفج.
ريم: هههههه ليش وانا شو قلت.
سارة: ما قلت شي يلا باي .
ريم: باي.
وراحت سارة تشوف امها شو تبغيها.

سارة: خير امايه بغيتي شي.
أم ناصر: هيه فديتج بغيتج تروحين تشوفين لي اخوج مبارك وينه.
سارة: ليش امايه شو تبغين به.
أم ناصر: ابغيه يروح بيت عمج .
سارة: إنشاء الله امايه الحين بروح اشوفه .

وسارت سارة تشوف اخوها وراحت له غرفته .

سارة: ( وهي تدق الباب ) مبارك.
مبارك: دخلي سارة.
سارة: مبارك امايه تبغيك.
مبارك: ليش.
سارة: تقول تبغيك تسير بيت عمي .
مبارك: ( يوم سمع هذا الكلام استانس من الخاطر لأنه بعده يذكر الموقف اللي صار له مع بنت عمه منى اللي ما قادر ينساها ) زين انتي روحي الحين وقولي للوالده اني بتسبح وبنزل لها.
سارة: إنشاء الله.


وبعد ما طلعت سارة قام مبارك وراح تسبح ونزل لأمه يشوف شو تبغيه.

مبارك: خير الغالية شو بغيتي.
أم ناصر: بغيتك تروح بيت عمك تودي شوية اغراض.
مبارك: ليش وين السواق.
أم ناصر: ابوك طرشه المزرعة.
مبارك: انشاء الله الغالية الحين بوديهم.
أم ناصر: مشكور يا ولدي ما قصرت.
مبارك: افا عليج الغالية انتي تامرين بس ولو تبين عيوني اعطيج.
أم ناصر: بروك يوز عن سوالفك.
مبارك: وهو يلوي عليها ويحبها على راسها فديتج امايه يا أحلى أم في الدنيا.
أم ناصر: فديت ولدي الله لا يحرمني منك.

وهنيه تنزل عالية من فوق وتشوف مبارك وامها.

عالية: شو هذا الحب كله.
مبارك: امايه شوفي عالية تغارههههههه.
عالية: لا اغار ولا شي اصلا انا اعرف إن امي تحبنا كلنا.
مبارك: يلا اعترفي انج تغارين.
أم ناصر: ( وهي تضحك ) مبارك يوز عن اختك.
مبارك: زين انا رايح الحين وما برد للغدا لأني اليوم معزوم على الغدا بيت ربيعي.
أم ناصر: الله معاك ولا تسوق بسرعة انا اعرف سواقتك عدل.
مبارك: ( وهو يضحك ) انشاء الله .
وطلع مبارك وراح بيت عمه عسب يودي الأغراض ويوم وصل دق الجرس وطلعت له الخدامه ودخلته الصالة وخذت منه الأغراض.

يوم دخل مبارك الصالة ما لقى حد فيها وقعد يتريا يبغي يسلم على مرت عمه.

وشوي ولا حد نازل من فوق, هذي كانت منى اللي كانت نازله عسب تقعد في الصالة لأنها ملت من القعده فوق في حجرتها وقالت خلني انزل تحت اقعد مع الوالده.

منى يوم شافت مبارك قاعد في الصالة انصدمت حتى هو مسكين انصدم لأنها ما كانت لابسه شيله.

منى يوم شافته على طول رجعت فوق وهي بتموت من المستحى, وقاعده تقول لنفسها ليش يا ربي دايما انحط في هالموقف مع مبارك.

ومبارك المسكين ما عرف شو يسوي هو بعده ما صدق انه شافها وقال في خاطره فديتها والله بنت عمي مثل القمر الله يخليها لأهلها يا رب.

وشوي ياته الخدامه يايبه له عصير وقال لها مبارك انه يبغي يسلم على مرت عمه فراحت الخدامه و نادتها.

وعقب ما قعد مبارك شوي مع مرت عمه طلع عنها رايح لربيعه, وطول الدرب وهو يفكر بمنى والموقف اللي استوى له من فترة .


************************

 

[ضوى العيون]

اليوم خطوبة ريم اللي الكل كان يترياها.

وفي حجرة ريم كانت ريم قاعده مع اختها وبنات عمها.

عالية: مبروك ريم.
ريم: الله يبارك في حياتج وعقبالج.
عالية: الله لا قال انا ما ابغي اعرس.
منى: ليش.
عالية: بس ما افكر بهذي السوالف الحين .
سارة: ليش انتوا ما تعرفون ان البنيه تبغي تم عانس.
عالية: بسم الله علي من العنوسه.
ريم: عيل ليش ما تبغين تعرسين.
عالية: انا قبل ابغي اخذ الشهادة الجامعية وعقب اشتغل وبعدين بفكر في الزواج.
منى: عيل لين تحققين كل هذا بصير عمرج ثلاثين وعقب محد راح ياخذج.
عالية: بتشوفين من راح اخذ.
منى: بنشوف.

وقعدوا البنات يسولفون ويضحكون على سوالف سارة وعالية.

وبعد شوي يتهم حصة.

حصة: يلا بنات نزلن تحت الحريم وصلن ولازم تسلمون عليهم.
البنات: انشاء الله.
ريم: احس عمري اتنافض وما قادره اوقف.
سارة: عيل لو قال انه يبغي يشوفج شو بتسوين.
ريم: لأ ما اقدر والله بموت من المستحى.

*********************

ونزلن البنات تحت وسلمن على الحريم.

وقعدت ريم صوب عمتها ام طارق اللي استانست يوم شافت ريم.

ام طارق: ( وهي تكلم ام عبدالله ) ما شاء الله عليها الله يخليها لكم انشاء الله.
ام عبدالله: الحين ريم صارت بنتكم .

وقعدوا الحريم يسولفون مع بعض والبنات بعد قعدوا على صوب يسولفون مع نوف اللي صار لهم فترة من شافوها اخر مرة.

سارة: ما شاء الله عليج يا نوف احلويت وايد.
نوف: ههههههه عيونج الحلوه.
ريم: ها نوف ما في أخبار حلوه.
نوف: ( ويها احمر ) لا توي الناس.

وقعدوا البنات يسولفون مع بعض وبعدين قامت ام طارق ولبست ريم الشبكة وين الحريم وسلمن عليها وباركن لها .

****************

وهناك في الميلس كانوا كل الرياييل قاعدين يتفقون على العرس والمهر .

جاسم: مبروك يا طارق.
طارق: الله يبارك في حياتك وعقبالك.
جاسم: الله يسمع منك.
هزاع: جاسم شو رايك تعرس انت وطارق في يوم واحد.
جاسم: هههههه ياريت بس وينها العروس.
مبارك: انت بس اختار وعمتي ما راح تقصر.
جاسم: لا خلنا نفرح بطارق اول وبعدين يصير خير.

وقعدوا الشباب يسولفون وبعدين قام عبدالله ونادى جاسم وطارق وطلعوا للصالة الثانية, عشان طارق يسلم على خطيبته ويشوفها.

وراح عبدالله ونادى على حصة عشان تقول لريم انها تلبس وقايتها وتروح تسلم على خطيبها.

وراحت حصة وقالت لها ان عبدالله يبغيها تروح الصالة الثانية عشان تسلم على خطيبها وهي من سمعت هذا الكلام قامت تتنافض وقالت انها ما تبغي تروح وخله يشوفها بعد الملجة لكن حصة ضحكت عليها وحاولت تهديها وبعد ما هدت شوي راحت الصالة الثانية وصوب الباب حصلت اخوها عبدالله واقف يترياها وبعدين دخلت عليهم وهي ما قادرة تشيل عينها من الأرض من كثر المستحى.

ريم: ( وهي مستحية ) السلام عليكم.
جاسم + طارق: وعليكم السلام.
عبدالله: يلا جاسم قوم خلهم يقعدون مع بعض.
جاسم: عشر دقايق وراد لكم.

ريم مسكينة كانت مستحية وتبغي تقول لعبدالله وجاسم انهم يقعدون وما يطلعون ويخلونها بروحها بس هي ما قدرت ترمس وتمت ساكته.

وبعد ما طلع جاسم وعبدالله قعدوا الأثنين ساكتين ما يعرفون شو يقولون حتى طارق كان منحرج وما عارف شو يقول لها خصوصا بعد ما عرفها وتذكر الموقف اللي صار له معها قبل كم شهر يوم دخل حجرة اخته فجأة ولقاها هناك, وأخر شي قرر انه يرمس.

طارق: شحالج ريم.
ريم: ( وشوي وبتموت من المستحى) بخير.
طارق: ( وهو يقول بخاطره ما شاء الله عليها قمر, بس بعد ما اقدر انسى حبيبتي)
وردوا سكتوا مره ثانية

طارق: ريم.
ريم: نعم.
طارق: صراحة انا بعدني مفتشل من اللي صار هذاك اليوم وانا الحين ابغي استسمح منج.
ريم: مسموح.

وهنيه دخل جاسم.

جاسم: يلا الوقت خلص.
طارق: ( وهو يضحك ) واحنا لحقنا نقول شي.
جاسم: ما يخصني انا عطيتكم عشر دقايق عشان تتكلمون.
طارق: زين, يلا عيل انا اترخص وديري بالج على عمرج يا ريم.
ريم: ( وهي منحرجه ) انشاء الله.

وطلعت ريم بسرعة من الميلس لأنها ما قادره تستحمل اكثر.

جاسم: شو قلت لها.
طارق: ( وهو يضحك ) وانت شو يخصك.
جاسم: افا انا جسوم ربيعك وما تبغي تقولي.
طارق: وانا لحقت اقول لها شي, بس قلت لها شخبارج.
جاسم: كل هذا الوقت وما قلت لها شي.
طارق: ههههه بنشوف انت يوم بتخطب شو بتسوي.
جاسم: متى بكون هذاك اليوم.
طارق: زين ليش ما تخطب اللي تحبها.
جاسم : وانت منو قالك اني احب.
طارق: ربيعي واعرفك.
جاسم: اول ابغي اتأكد من مشاعرها تجاهي اخاف ترفضني.
طارق: لأ انشاء الله ما راح ترفضك.
جاسم: الله يسمع منك, ويلا خلنا نروح الميلس لأن عمي يسأل عنك ويبغي يرد البيت.
طارق: يلا.

وبعد ما روحوا كل الناس كانوا كلهم متيمعين في الصالة وقاعدين يسولفون عن اللي صار اليوم, لكن ريم الوحيده اللي كانت ساكته وما ترمس وقاعده تفكر بطارق واللي صار لها من كم شهر.

جاسم: ريم اشفيج ساكته.
ريم: ما فيني شي بس احس عمري تعبانه وبروح ارقد.
ام عبدالله: روحي فديتج رقدي.
ريم: تصبحون على خير.
الكل: وانتي من اهل الخير.
جاسم: ريم صبري ابغيج في سالفة.
ريم: زين تعال حجرتي وهناك بنرمس.
جاسم: يكون احسن.
منى: وليش ما ترمسون هنيه ولا عندكم اسرار وما تبغونا نعرف.
جاسم: وانتي اشلج كله رازه الويه.
منى: امايه شوفي جاسم شو يقولي.
ام عبدالله: جاسم يوز عن اختك.
جاسم: وهو يقلد اخته ( امايه شوفي جاسم ).
منى: بشوف يا جسوم بعدين تعال قولي سوي لي هذا والله ما اسوي لك شي.
جاسم: شو جسوم هذي انا اخوج اكبر عنج قولي جاسم.
منى: ما بقول زين, وتطلع له لسانها وبعدين تركض تروح حجرتها.

وقعدوا كلهم يضحكون وبعدين راح جاسم مع اخته حجرتها.

جاسم: ريم بغيتج في موضوع يخصني.
ريم: خير انشاء الله.
جاسم: صراحة انا احب سارة وابغي اخطبها.
ريم: ( يوم سمعت كلامه استانست من الخاطر ) صدج والله.
جاسم: هيه, بس.
ريم: بس شو.
جاسم: انا ابغيج اول تتخبرينها اذا هي تبغيني ولا لأ.
ريم: انشاء الله, باجر بكلمها في هذا الموضوع.
جاسم: مشكورة يا اختي.
ريم: افا عليك يا جاسم انت اخوي وسارة بنت عمي وانا اتمنى لكم السعادة من قلبي.

وطلع عنها جاسم وهو مستانس ويتمنى ان سارة توافق عليه.

 

[ضوى العيون]

وبعد ما رد طارق للبيت راح حجرته عسب يرقد لكنه ما قدر يرقد و قعد يفكر بريم وبحبيبته, هو صدج ريم عجبته لكن هو بعده يفكر بحبيبته وما قادر ينساها وطلع صورتها وقعد يطالعها ويتذكر الأيام الحلوه اللي قضاها معها, وقعد يعد في هذي الأبيات.

يـوم حظي رمانـي فـي بحـر عـينـك
مـوتـي حـلال وكـل غـريـق شـهـيـدي
مكـتـوب مـوتـي بيـن راحـة ايديـنـك
وانـا بـهـذا الــمــوت والـلـه سـعــيــدي
واكـون عــبـره بين غـيـري وبـيـنـك
حـتـى الـعـواذل عــنـك تـبـعـد بـعـيـدي
ادري وادري كــم لـي حــاســديـنــك
مـا دام شـوفــك يـريــش الـعـيـن عـيـدي
ربي عطاك اوصاف تتعـب ظنـيـنـك
فـي ذمــتـي يــاخــل شـكـلـــك فــريــدي
والله مــا بـالكـون مـثـلـــك وزيـنـــك
مــا كـنـك انـتـه مـن ظـمـن هـالعـبـيــدي
الـشمـس تـاخـذ نـورهـا من جـبـيـنـك
وتـسـتـاذنــك بـشـروقـهــا شـــي اكـيــدي
والـلـيـل يـخجـل مـن سـنـا وجـنـتـيـك
وتــغــار مــنــك الــــف مـلــيـار غـيـــدي ***

بعدين قرر يتصل لها, واتصل لها وقعد يرمسها, وطول الوقت وهو يحاول انه يقول لها انه بيتزوج بس ما قدر.

وبعد ما سكر عنها قعد يفكر بإللي يسويه هو خاطب ريم وقريب بيتزوجها وفي الصوب الثاني يحب لورين وما يقدر يستغني عنها, وقعد يقول لنفسه شو هذي الحاله يا رب ليش انا بالذات ما اقدر اخذ البنت اللي احبها ليش انا الكل يوقف في طريق سعادتي.

ورقد وهو يفكر بحاله.

****************

وفي اليوم الثاني دقت ريم على سارة عشان تكلمها في موضوع جاسم اخوها.

ريم: سارونه حبيبتي عندي لج خبر حلو.
سارة: شو يالله قولي.
ريم: زين شو بتعطيني .
سارة: ريمو يالله قولي حرقتي اعصابي ابغي اعرف شو الخبر الحلو.
ريم: هو موضوع يخص جاسم.
سارة: ( يوم سمعت اسم جاسم استحت وما عرفت شو تقول) ها جا جاسم شو فيه.
ريم: اشفيج.
سارة: ما فيني شي يلا قولي جاسم شو فيه.
ريم: واخيرا قرر يتزوج.
سارة: ( وهي منصدمه ) شو ومنو هذي اللي بياخذها.
ريم: يقول انه يحبها من زمان ويبغي يخطبها.
سارة: ومنو هي يلا قولي .
ريم: وحده ما نعرفها وما تصير لنا.
سارة: ( وهي شوي وبتبكي ) قولي والله.
ريم: ليش انتي مب مصدقتني.
سارة: ( وصوتها متغير ) الله يوفقه ويسعده.
ريم: انا قلت لج من البدايه خلني افاتحه بموضوعج انتي اللي ما رضيتي شوفي اللي صار.
سارة: خلاص ما ينفع الكلام الحين.
ريم: زين وما تبين تعرفين اسمها.
سارة: لأ ما ابغي اعرف عنها شي.
ريم: يلا عاد لا تزعلين انشاء الله بتتزوجين واحد احسن منه.
سارة: وانا وين الاقي واحد شراته.
ريم: انا بقولج اسمها.
سارة: زين شو اسمها.
ريم: اسمها هو سارة سالم بن حميد.
سارة: ( يوم سمعت الأسم انصدمت وتمت ساكته. )
ريم: ( وهي تضحك ) اشفيج سكتي.
سارة:…………
ريم: ليكون توفيتي من الفرحه.
سارة: ( وهي تبكي من الفرحه ) ريمو الله يغربل بليسج خوفتيني كنت شوي وبموت.
ريم: أسفة حبيبتي بس والله كنت ابغي اشوف شو بتسوين يوم تعرفين انه يبغي يتزوج وحده ثانيه.
سارة: صبري علي خلني اشوفج.
ريم: ههههههه شو بتسوين.
سارة: وانا اقدر ااذيج ما تهونين علي.
ريم: فديت مرت اخوي.
سارة: بس عاد استحي.
ريم: زين شو اقوله.
سارة: ما ادري.
ريم: شو ما ادري هذي بعد اقوله انج موافقه وتبينه ولا اقوله انج ما تبغينه.
سارة: شو ما ابغيه انتي تعرفين اني احبه واموت فيه.
ريم: وينك يا خوي تعال اسمع.

وهنيه جاسم دخل عليها الحجرة عشان يتخبرها عن شي ما محصلنه.

جاسم: ريم وين Cd اللي عطيته لج.
ريم: على ما أظن انه عند منى.
جاسم: ترمسين منو.
ريم: ارمس حرمتك.
جاسم: فديتها والله.
ريم: يا سلام كل واحد فيكم قاعد يتغزل في الثاني.
جاسم: ( يوم سمع هذا الكلام استانس من الخاطر) قولي والله شو قالت عني.
ريم: ( وهي تكلم سارة) اقوله شو قلتي عنه.
سارة: لا لا.
ريم: تقولي ما اقولك.
جاسم: يلا عاد قولي ريمو ما فيني صبر.
ريم: قالت عنك….
سارة: ريمو انا بسكر عنج.

وسكرت عنها سارة وقعدت ريم تضحك عليها.

ريم: شوف البنيه سكرت كله بسببك.
جاسم: يلا قولي شو قالت عني.
ريم: زين بقولك لكن شو بتعطيني.
جاسم: اللي تبينه.
ريم: زين توديني انا ومنى اليوم المول اوكي.
جاسم: لا اليوم انا مشغول.
ريم: عيل روح ما بقولك.
جاسم: اوف خلاص بوديج يلا قولي.
ريم: قالت انها تحبك وتموت فيك وهي موافقه عليك.
جاسم( وهو مبقق عيونه ) قولي والله قالت هذا الكلام.
ريم: والله.
جاسم: يا ويل حالي الحين بروح اكلم الوالده عن سالفة العرس.
ريم: ( وهي تضحك) من صدجك .
جاسم: هيه.

وطلع عنها جاسم وهو مستانس من الخاطر وعلى طول راح لأمه الصالة لكنه ما لقاها وراح لها الحجرة.

جاسم: السلام عليج الغالية.
ام عبدالله: وعليك السلام.
جاسم: ( وهو يلوي عليها ) فديتج الغالية يا أحسن ام في الدنيا.
ام عبدالله: ( وهي تضحك ) يلا قول شو عندك, اكيد تبغي تقول شي.
جاسم: كيف عرفتي.
ام عبدالله: ولدي واعرفك.
جاسم: امايه بغيتج بموضوع.
ام عبدالله: خير يا ولدي.
جاسم: امايه صراحة انا ابغي اعرس.
ام عبدالله: ( وهي مستانسه وتلوي عليه وتحبه) فديتك يا ولدي, هذي الساعة المباركة.
جاسم: زين ما تبين تعرفين منو هذي البنيه.
ام عبدالله: اعرفها وانا كنت ابغي اخطبها لك من زمان بس كنت اتريا انك تقول انك تبغي تعرس عشان اروح اخطبها لك.
جاسم: ( وهو يضحك ) زين منو هي.
ام عبدالله: ما في غيرها بنت عمك سارة.
جاسم: هيه هي لكن انتي كيف عرفتي اني ابغيها.
ام عبدالله: انت ولدي واعرف اللي بقلبك.
جاسم : فديتج امايه والله يخليج لنا.
ام عبدالله: ويخليكم لي يا رب.
جاسم: امين.
ام عبدالله: ومتى تبغيني اكلمهم.
جاسم: على كيفج يالغالية سوي اللي يريحج.

وطلع عنها جاسم وهو مستانس لأنه خلاص كلم امه واخيرا بيتحقق اللي كان يحلم فيه من زمان.


**********************

وبعد صلاة المغرب كانت ريم قاعده في الصالة تتريا جاسم عشان يوديهم المول مثل ما وعدها.

منى: ( وهي نازله من فوق ) بعده ما رد عليج.
ريم: انا ما اتصلت له روحي انتي اتصلي له.
منى: اوف ليش ما اتصلتي له, خلاص انا بروح اتصل فيه.

وراحت منى تتصل لأخوها جاسم بس هو ما كان يرد عليها لأنه كان ناسي التلفون بالسيارة وكان عند محطة البترول ونزل يشتري له شي وكان معاه مبارك ولد عمه, بس مبارك كان في السيارة قاعد يترياه وكان يشوف تلفونه يرن بس ما شاله واخر شي قرر يشيله لأنه شاف ان اللي متصل حد من بيت عمه.

منى: السلام عليكم.
مبارك: وعليكم السلام.
منى: ( يوم سمعت صوت مبارك على بالها انها غلطت في الرقم) أسفة اخوي الظاهر اني مغلطه في الرقم.
مبارك: لا مغلطه ولا شي انتي ما تبغين جاسم.
منى: ( وهي منحرجه ) هيه.
مبارك: هو نزل يشتري شي ونسى تلفونه بالسيارة.
منى: عيل خلاص بعدين بتصل به.
مبارك: على الأقل سأليني شخبارك.
منى: انت صدج ما تستحي على ويهك.
مبارك: اشفيج عصبتي انا مبارك ولد عمج.
منى: ( وهي صدج منحرجه) اسفة مبارك ما عرفتك.
مبارك: لا عادي ما صار شي.
منى: شخبارك مبارك.
مبارك: بخير ما دامج بخير, انتي شخبارج.
منى: الحمدلله.
مبارك: انتي منى صح.
منى: هيه.
مبارك: خلاص بقول لجاسم يدق لكم.
منى: مشكور وما قصرت.
مبارك: افا عليج انا ما سويت شي.
منى: مع السلامة.
مبارك: مع الف سلامة.

وسكرت منى عن مبارك وعلى طول راحت تقول لريم عن اللي صار وقعدت ريم تضحك عليها.

منى: انتي تضحكين وانا بعدني مفتشله.
ريم: تستاهلين ههههههه.
منى: الحين ما ادري مبارك شو يقول عني.
ريم: وانتي ليش مهتمه ليكون في شي وخاشه عني.
منى: (و ويها محمر ) ها لأ ما في أي شي.
ريم: عيل ليش مستحية.
منى: ريمو يوزي عني.
ريم: زين لا تعصبين.


وفي الصوب الثاني كان مبارك قاعد يضحك على اللي صار وشافه جاسم وتخبره ليش يضحك, وخبره مبارك عن اللي صار ونقع جاسم من الضحك عليه.

جاسم: هههههههه قول والله قالت لك ما تستحي على ويهك.
مبارك: والله لو كنت جدامها ما ادري شو كانت بتسوي فيني.
جاسم: تستاهل عشان مره ثانيه ما تسويها.
مبارك: ليش انا مينون عشان اعيدها خلاص لو شفت ان تلفونك يرن ما يخصني فيه بخليه وما بشله.

وراح جاسم وصل مبارك لبيتهم وبعدين راح لخواته ووداهم المول.

************************

 

[ضوى العيون]

وبعد كم يوم راحت ام عبدالله لبيت ابو ناصر عشان تكلمهم في الموضوع.

ام عبدالله: يا ام ناصر انا اليوم يايه اخطب بنتكم سارة لولدي جاسم.
ام ناصر: هذي الساعة المباركة واحنا ما بنحصل ريال شرات جاسم.
ام عبدالله: هذا كله من طيب اصلج.
ام ناصر: انشاء الله اليوم بكلم ابو ناصر بالموضوع وبرد عليج.

وقعدوا الحريم يسولفون مع بعض وبعدين راحت ام عبدالله البيت.

ويوم وصلت ام عبدالله البيت شافت مرت ولدها حصة قاعده في الصالة بروحها وشكلها تعبانه.

ام عبدالله: خير يا بنتي شو فيج.
حصة: ما ادري عموه من الصبح وانا احس عمري تعبانه.
ام عبدالله: وليش ما قلتي لعبدالله يوديج العيادة.
حصة: ما حبيت اشغله بروحه تعبان من الشغل.
ام عبدالله: شو هذا الكلام يا بنتي انا الحين بروح اتصل فيه.

واتصلت ام عبدالله بولدها.

ام عبدالله: السلام عليكم.
عبدالله: وعليكم السلام والرحمه.
ام عبدالله: عبدالله يا ولدي تعال البيت الحين.
عبدالله: خير الوالده فيج شي.
ام عبدالله: لأ انا ما فيني شي بس حرمتك تعبانه وتعال ودها العيادة.
عبدالله: دقايق واكون عندكم.

وبعد ربع ساعة وصل عبدالله البيت وخذ حرمته ووداها العيادة.

وفي العيادة

عبدالله: خير دكتورة شو فيها حرمتي.
الدكتورة: انا ما اقدر اقول لك شي الا بعد الفحوصات.

وبعد ما سوا لها فحوصات شامله

عبدالله: ها دكتورة بشري.
الدكتورة: مبروك زوجتك حامل.
عبدالله: ( وهو مستانس من الخاطر ) الله يبشرك بالخير.
الدكتورة: بس هي لحد الحين ما تدري.
عبدالله: خلاص انا بقول لها.
الدكتورة: في شي ثاني هي لازم تهتم في نفسها لأنها وايد ضعيفة وخصوصا في هذا الوقت والا حياة الجنين بتكون في خطر.
عبدالله: انشاء الله دكتورة.

وبعد ما طلعوا من عند الدكتورة وركبوا السيارة.

حصة: شو قالت الدكتورة.
عبدالله: في البيت بخبرج.
حصة: يلا عاد قولي والله اني خايفه.
عبدالله: لا تخافين يا حياتي.
حصة: عيل ليش ما تبغي تقولي.
عبدالله: خلاص بقولج, انتي حامل.
حصة: ( وهي مستانسه ) صدج عبدالله.
عبدالله: هيه وانشاء الله تكون بنيه.
حصة: وليش يعني بنت ما تكون ولد.
عبدالله: عشان تطلع حلوه على امها.
حصة: ( وويها محمر ) انا اعرف ان نفسك ببنيه .
عبدالله: حياتي حصة ما ابغيج تتعبين نفسج والدكتورة وصتني عليج وقالت لازم ترتاحين.
حصة: انشاءالله.

ووصلوا البيت

ام عبدالله: خير يا عبدالله شو قالت الدكتورة.
عبدالله: باركي لنا يالغالية حصة حامل.
ام عبدالله: ( وهي مستانسه ) مبروك ويتربى في عزكم.
حصة: الله يبارك في حياتج يا عموه.
عبدالله: امايه ما اوصيج على حصة الدكتورة قالت انها لازم ترتاح وما تتعب عمرها.
ام عبدالله: انشاء الله.
عبدالله: انا الحين بترخص عندي شغل مهم.
ام عبدالله +حصة: الله يحفضك.

اليوم حطيت لكم هذا الجزء وانشاء الله يعجبكم ولا تبخلون علي بالردود.

بعد كم يوم ردت ام ناصر على ام عبدالله وقالت لها انهم موافقين وجاسم يوم سمع هذا الكلام استانس من الخاطر وقال لأمه تقول لهم انه يبغي العرس بسرعة وانه ما عنده أي مانع ان سارة تكمل دراستها بعد العرس.

وتقررت خطوبة جاسم بعد اسبوع والأسبوع اللي عقبه تكون الملجه.

وفي يوم الخطوبه كان جاسم محتشر عليهم عشان ما يتأخرون وكان الكل يضحك على تصرفاته.

وفي بيت ابو ناصر وبعد ما اتفقوا الرياييل على كل شي كان جاسم مستعيل ويبغي يسلم على خطيبته بس مبارك قاله انه سارة رافضه هالشي وانها ما تبغي تشوفه الا بعد الملجه بس جاسم اصر انه يشوفها وقال انه ما راح يطلع من هنيه الا يوم يشوفها.

مبارك: ( وهو يكلم جاسم ) صدج ان ويهك لوح يا اخي البنيه ما تبغي تشوفك وانت تعال ليش مستعيل هالكثر ما تقدر تصبر اسبوع .
جاسم: لأ ما اقدر اصبر وشو فيها يعني لو شفتها الحين.
مبارك: زين بس اثقل شوي فضحتنا.
جاسم: بنشوف يوم بتخطب شو بتسوي.
مبارك: ههههه يحليلني انسان عاقل مو مثل بعض الناس.
جاسم: قصدك منو, اكيد تقصدني.
مبارك: انا ما قلت شي .
جاسم: بروك يوز عني وروح قول لهم اني ابغي ادخل اسلم على خطيبتي.
مبارك: زين صبر شوي بروح وبرد لك.

وراح مبارك وقال لهم يزقرون سارة.

سارة: خير مبارك شو بغيت.
مبارك: جاسم يبغي يشوفج ويسلم عليج.
سارة: ( و ويها احمر ) بس انا قلت ما ابغي اشوفه الا في الملجه.
مبارك: الا هي عشر دقايق وبيطلع, يلا روحي لبسي شيلتج وتعالي.
سارة: انشاء الله.

وراحت سارة لبست شيلتها وبعدين راحت مع اخوها لميلس الحريم لأنه كان فاضي والحريم كانوا كلهم في الصالة.

ودق مبارك لجاسم وقاله انهم في ميلس الحريم, وبعد دقايق وصل جاسم ودخل الميلس.

جاسم: السلام عليكم.
سارة: ( وعيونها بالأرض ) وعليكم السلام.
مبارك: جاسم اقعد ليش واقف.
جاسم: وانت ما ناوي تخلينا بروحنا.
مبارك: ههههه زين الحين بطلع, بس ها لا تاخذ اكثر من عشر دقايق .
جاسم: زين بس انت اطلع.
مبارك: ( وهو يرد يقعد ) ولا اقولك ما بطلع وخلني قاعد معاكم.
جاسم: بروك يلا عاد اطلع.
مبارك: هههههه زين انا طالع بس برد لكم بعد عشر دقايق.

وبعد ما طلع مبارك.

جاسم: شخبارج سارة.
سارة: ( وهي ما قادره تشيل عينها من الأرض ) بخير الله يسلمك.
جاسم: سارة انا اليوم اسعد انسان في الدنيا, وانشاء الله راح احاول اني اسعدج.
سارة: ………..
جاسم: ليش ساكته قولي شي.
سارة: ما اعرف شو اقولك.
جاسم: قولي لي اللي بقلبج.
سارة: ( وهي صدج مستحيه ) جاسم لا تحرجني.
جاسم: فديت اللي يستحون.
سارة: جاسم.
جاسم: يا عيون جاسم.
سارة: انت ليش مستعيل على العرس خلنا نصبر شوي.
جاسم: لأ ما اقدر اصبر عنج زياده واذا كان عن الدراسه فأنا ما عندي أي مانع انج تكملي بعد العرس.
سارة: خلاص اللي تشوفه.
جاسم : عيل الحين انا بترخص وديري بالج على عمرج.
سارة: انشاء الله.

وطلع جاسم عنها وهي بعد طلعت وراحت الصالة.

وفي الصالة كانوا البنات كلهم قاعدين يسولفون.

عالية: سارة شو قالج جاسم.
سارة: ما قال شي.
عالية: يلا عاد قولي.
سارة: وانتي ليش تبغين تعرفين, عيب عليج.
عالية: فضول.
ريم: سارة شو بتسوين بالنسبه للجامعة.
سارة: الظاهر اني بوقف كورس وبعد العرس بكمل.
نوف: يكون احسن عشان تتجهزين للعرس.
سارة: بعدني مب مصدقه اني قريب بعرس.
منى: عيل جاسم شو يقول وهو من الصبح محتشر عشان اليوم خطوبته عيل يوم العرس ما ادري شو بسوي.
سارة: فديت ريلي.
نوف: ههههههه من الحين قمنا نتفدى.
سارة: ريلي ولازم اتفداه.
ريم: عيل انا شو اقول.
سارة: صدج ريم ما شفتي طارق من يوم الخطوبه.
ريم: لأ وتبين الصدج ولهت عليه وابغي اشوفه.
نوف: خلاص اليوم بقوله.
ريم: لأ والله بموت من المستحى لو قلتي له.
نوف: خلاص ما بقوله, بس بغيت اقولكم خبر حلو.
ريم + سارة: ليكون حامل.
نوف: ( ويها احمر) هيه.
البنات: مبروك.
نوف: الله يبارك في حياتكم.
سارة: وشو كانت ردت فعل هزاع.
نوف: تبون الصدج هو لحد الحين ما يعرف.
ريم: وليش ما قلتي له.
نوف: انا كنت مسويه فحوصات واليوم اتصلت العياده عشان اعرف النتيجه وقالوا لي وانتوا اول ناس تعرفون.
سارة: ومتى بتخبرينه.
نوف: اليوم عقب ما نرد البيت.
ريم: وعمتي تعرف.
نوف: لأ ما قلت لها اول بقول لهزاع وعقب بخبرهم.

وقعدوا البنات يسولفون وعقب كلهم روحوا.

 

[ضوى العيون]

وفي بيت ابو هزاع .

كان هزاع قاعد يبدل ملابسه عشان يرقد وكانت نوف قاعده على الشبريه تبغي تقوله عن الخبر الحلو بس ما تعرف كيف تبدا.
هزاع: اشفيج حبيبتي ساكته.
نوف: ما فيني شي بس ابغي اقولك شي.
هزاع: قولي.
نوف: هزاع انا………
هزاع: انتي شو يا حياتي قولي.
نوف: هزاع انا حامل.
هزاع: ( وهو منصدم ومستانس في نفس الوقت) صدج.
نوف: هيه اليوم اتصلت العياده وتأكدت.
هزاع: والله مب مصدق عمري.
نوف: ههههههه هزاع اشفيك.
هزاع: مستانس.
نوف: زين اذا يبنا ولد شو بنسميه.
هزاع: بسميه على اسم ابوي.
نوف: واذا بنيه.
هزاع: اذا بنيه بسميها على اسم اعز انسانه في الكون وهي الوالده.
نوف: الله يخليهم لنا.
هزاع: امين.

وقعدوا يسولفون مع بعض لين الصبح وعقب رقدوا.

اما في بيت سالم بن حميد كان الكل راقد الا انسانه وحده وهي عالية اللي كانت قاعده على الشات ترمس ربيعاتها.


الدلوعه: يلا عالية انا بروح ارقد.
الغزال: ليش خلنا نرمس شوي.
الدلوعه: والله ما قادره ارمس فيني رقاد.
الغزال: خلاص روحي رقدي لكن باجر لازم تكلميني.
الدلوعه: انشاء الله, بس بغيت اسألج كيف كانت الخطبه اليوم.
الغزال: والله لو كنتي موجوده كنتي بتعرفين.
الدلوعه: حبيبتي انتي تعرفين ان امايه مستحيل ترضى.
الغزال: بس بزعل منج لو ما ييتي الملجه.
الدلوعه: انشاء الله, والحين بخليج بروح ارقد.
الغزال: تصبحين على خير.
الدلوعه: وانتي من اهل الخير.

و بعد ما طلعت عنها ربيعتها دخلت عالية على المسنجر بس ما لقت حد عندها اون لاين فقعدت تتسمع اغاني وبعد شوي طلع لها المسج اللي يقولها ان في حد بضيفها وسوت له اوكي.

وبعد شوي.

اللي ما يحبني راح يحبني: السلام عليكم.
الغزال: وعليكم السلام والرحمه.
اللي ما يحبني راح يحبني: ممكن نتعرف.
الغزال: عيل انا ليش ضفتك, بس انت بنيه ولا ولد.
اللي ما يحبني راح يحبني: اخاف اقولج وتسوين لي دليت.
الغزال: عيل اكيد انت ولد.
اللي ما يحبني راح يحبني: هيه بس ورفجة بو خليفه لا تسوين لي دليت.
الغزال: اوكي, بس انت شو اسمك.
اللي ما يحبني راح يحبني: اسمي حميد, وانتي.
الغزال: اسمي الغزال.
اللي ما يحبني راح يحبني: يلا عاد قولي اسمج.
الغزال: سوري ما اقدر.
اللي ما يحبني راح يحبني: افا ليش ما تثقين فيني.
الغزال: السالفه مو سالفة ثقه بس …
اللي ما يحبني راح يحبني: عيل شو.
الغزال: انت تعرف سوالف الشباب.
اللي ما يحبني راح يحبني: خلاص على راحتج, بس انتي كم عمرج.
الغزال: عمري 18 سنة وانت.
اللي ما يحبني راح يحبني: العمر كله.
الغزال: تسلم بس ما قلت لي كم عمرك.
اللي ما يحبني راح يحبني: عمري 23 سنه.
الغزال: العمر كله, بس انت تشتغل ولا تدرس.
اللي ما يحبني راح يحبني: لأ اشتغل.
الغزال: وشو تشتغل.
اللي ما يحبني راح يحبني: اشتغل مع الوالد.
الغزال: اهااااا.
اللي ما يحبني راح يحبني: زين انتي من وين.
الغزال: من العين, وانت.
اللي ما يحبني راح يحبني: انا من بوظبي.
الغزال: هلا باهل بوظبي.
اللي ما يحبني راح يحبني: هلا بج الغاليه.
الغزال: حميد اسمحلي لازم اطلع.
اللي ما يحبني راح يحبني: ليش.
الغزال: الوقت تأخر ولازم اروح ارقد.
اللي ما يحبني راح يحبني: خلاص الغاليه روحي رقدي بس متى بكلمج مره ثانيه.
الغزال: انا كل يوم ادخل بالليل اكلم ربيعاتي.
اللي ما يحبني راح يحبني: عيل خلاص بكلمج باجر.
الغزال: تصبح على خير.
اللي ما يحبني راح يحبني: وانتي من اهل الخير.

وطلعت عالية من المسنجر وراحت ترقد بس هي ما قدرت ترقد وقعدت تفكر بحميد.

***********************

وبعد يومين كان طارق قاعد مع امه يسولف معها قبل لا يروح الشغل.

ام طارق: طارق يا ولدي انت من يوم الخطوبه ما رحت تسلم على خطيبتك, لازم تروح تسلم عليها.
طارق: انشاء الله امايه اليوم المغرب بروح لهم.
ام طارق: يا ولدي لازم تروح لها من فتره لفتره وما تتريا اقولك.
طارق: انشاء الله.

وطلع طارق عن امه رايح الشغل.

وفي هذي الفتره كانت ريم مشغوله هي وسارة عشان هم قاعدين يتجهزون للملجه, اما عالية فعلاقتها بحميد صارت اقوى وكانت تكلمه كل يوم على المسنجر وحست انه غير عن بقية الشباب لأنه وايد محترم وما كان يتكلم الا عن اشياء عاديه وهي كانت تحس بالراحه يوم تكلمه.

وبعد صلاة المغرب.
ام عبدالله: ريم غناتي تعالي سلمي على خطيبج.
ريم: زين امايه ببدل وبنزل.
ام عبدالله: بس لا تتأخرين.
ريم: انشاء الله.

وطلعت ام عبدالله عن ريم, اما ريم فكانت مستانسه لأن طارق عندهم وبعد ما بدلت ملابسها نزلت الصاله وشافت امها وطارق تحت.

ريم: السلام عليكم.
طارق: ( وهو يوقف ) وعليكم السلام.
ريم: ( وهي تقول بخاطرها ) ههههه فديته.
ام عبدالله: انا بروح حجرتي.
طارق: وين عموه ما قعدت معاج.
ام عبدالله: مره ثانيه يا ولدي احس عمري تعبانه وبروح ارتاح.
طارق: سلامتج.
ام عبدالله: الله يسلمك يا ولدي.

وبعد ما راحت ام عبدالله.

طارق: شخبارج ريم.
ريم: بخير الله يسلمك, انت شخبارك.
طارق: انا بخير دامج بخير.

وقعد طارق مع ريم شوي وبعدين طلع عنها وراح القهوه عند ربعه.

وفي القهوه بعد ما وصل طارق وسلم على ربعه كلهم.

فيصل: وينك يا ريال من فتره ما شفناك.
طارق: شو اسوي عندي شغل.
جاسم: عيل وين بدر.
فيصل: تصدق هو الثاني ما ادري عنه صار لي فتره ما كلمته.
هزاع: اتصل له شوفه وين.
فيصل: الحين بتصل له.

ويتصل فيصل لبدر بس تلفونه مغلق.

فيصل: تلفونه مغلق, اخاف استوى له شي.
طارق: لا تقول هالكلام انشاء الله ما فيه الا الخير.
فيصل: عيل ليش تلفونه مغلق هو عمره ما اغلقه.
جاسم: يمكن عنده شغل ضروري.
هزاع: ولا يمكن يكون مسافر.
فيصل: لأ مستحيل هو يسافر بدون ما يقولي.

فيصل كان يحاتي بدر وايد لأنه من اعز ربعه حتى بدر كان يحبه ويعتبره مثل اخوه وكان دايما يقوله عن كل شي.

جاسم: انت ما تعرف رقم بيتهم.
فيصل: اعرفه.
هزاع: عيل اتصل به.
فيصل: احس فشله ادق له البيت واخاف يزعل.
طارق: زين ما تعرف رقم حد من اخوانه.
فيصل: عندي رقم اخوه حمدان.
جاسم: عيل دق له.
فيصل: زين الحين بتصل به.

ودق فيصل لحمدان اخو بدر.

فيصل: السلام عليكم.
حمدان: وعليكم السلام والرحمه.
فيصل: كيف حالك اخوي.
حمدان: بخير الله يسلمك, بس منو الأخ ما عرفتك.
فيصل: انا فيصل ربيع بدر.
حمدان: هلا فيصل اسمحلي ما عرفتك.
فيصل: مسموح اخوي بس بغيت اتخبرك عن بدر صار لنا فتره ما شفناه حتى تلفونه مغلق.
حمدان: شو اقولك يا اخوي.
فيصل: خير انشاء الله بدر فيه شي.
حمدان: بدر في المستشفى.
فيصل: شو ومن متى.
حمدان: هو في المستشفى من اسبوع.
فيصل: وليش محد خبرنا.
حمدان: هو قالنا ما نخبركم.
فيصل: ليش.
حمدان: قال ما يبغي يشغلكم.
فيصل: شو هذا الكلام, زين هو بأي مستشفى.
حمدان: بمستشفى التوام.
فيصل: زين انا الحين بروح له, يلا مع السلامه.
حمدان: مع السلامه.

وبعد ما سكر فيصل عن حمدان .

جاسم: شو السالفه يا فيصل.
فيصل: بدر في المستشفى من اسبوع.
طارق: ليش.
فيصل: ما ادري.
هزاع: زين بأي مستشفى.
فيصل: مستشفى التوام.
جاسم: عيل قوموا خلنا نروح له.

وراحوا الشباب له المستشفى وبعد ما سألوا عنه وعرفوا رقم حجرته راحوا له وما حصلوا حد عنده.

 

[ضوى العيون]

الشباب: السلام عليكم.
بدر: ( يوم شافهم استانس) وعليكم السلام والرحمه.
فيصل: افا يا بدر ليش ما قلت لنا انك في المستشفى.
بدر: ما حبيت اشغلكم.
فيصل: شو هذا الكلام احنا اخوان.
جاسم: سلامات يا اخوي ما تشوف شر.
بدر: الله يسلمك.
هزاع: شو فيك.
بدر: ماشي شوية تعب.
طارق: وشو قالك الدكتور.
بدر: قال اني وايد تعبت عمري بالشغل واني لازم ارتاح لي كم يوم في المستشفى.

وقعدوا الشباب يسولفون مع بعض وبعدين كلهم ترخصوا الا فيصل اللي قال انه بيقعد معاه شوي وبعدين بروح.

فيصل: يلا قولي شو فيك.
بدر: قلت لك شوية ارهاق.
فيصل: هالكلام مب علي انا اعرفك زين ما تعرف تكذب.
بدر: ( وعينه بدت تدمع ) شو اقولك يا فيصل انا تعبان وما ابغي اعيش.
فيصل: شو هالكلام يا بدر تعوذ من بليس وقولي اللي في خاطرك وانا مستعد اساعدك.
بدر: راحت اللي احبها يا اخوي.
فيصل: منو قصدك, ليكون تقصد……..
بدر: هيه اقصد بنت خالتي.
فيصل: وشو فيها بنت خالتك.
بدر: ولد عمها خطبها وابوها وافق.
فيصل: زين انت ليش ما تكلمت وقلت لهم انك تبغيها.
بدر: انا خطبتها بس ابوها ما وافق وقال ان ولد عمها احق فيها.
فيصل: زين هي شو رايها.
بدر: المسكينه كلمتني وهي تبجي وقالت لي انها مب موافقه بس ابوها غصبها.
فيصل: انساها يا اخوي وحاول تبدا حياتك من اول ويديد.
بدر: كيف انساها وانا احبها.
فيصل: زين منو ولد عمها.
بدر: انت تعرفه.
فيصل: منو.
بدر: راشد.
فيصل: راشد ما غيره اللي….
بدر: هيه هو.
فيصل: مسكينه البنيه صدج بتتعذب معاه.
بدر: شو اسوي يا فيصل قولي.
فيصل: انت ما تقدر تسوي شي لازم تنساها يا بدر.
بدر: ما اقدر انساها, تعرف يا فيصل احس ان هذا عقاب من رب العالمين لأني كنت العب على بنات الناس.
فيصل: لا تقول هذا الكلام يا بدر انت صح كنت تكلمهم بس هم كانوا يعرفون انك مب جاد معاهم وهم كانوا راضين بالوضع.
بدر: احس يا فيصل اني روحي بتطلع كل ما قربت ملجتها.
فيصل: وهي متى بتملج.
بدر: عقب شهر.
فيصل: بدر انت لازم تطلع من المستشفى وتسافر عشان تغير جو وانا مستعد اسافر معاك.
بدر: ما اقدر يا فيصل.
فيصل: ليش.
بدر: احس اني لو طلعت من البلاد بخلي روحي هنيه.
فيصل: خل عنك هذي السوالف وانا بروح احجز لنا شو رايك.
بدر: سوي اللي تشوفه.

وبعد ما طلع فيصل عنه قعد بدر يفكر بحاله وبعيدن قام وطرش لبنت خالته مسج.

( تذكر إنك الغالي ولا يسوى العمر لولاك ولو طالت مسافاتك تأكد لحظة ما انساك )

ويوم وصل المسج عندها قعدت المسكينه تبجي وبعدين دقت له.

أمنه: السلام عليكم.
بدر: وعليكم السلام.
أمنه: كيف حالك بدر.
بدر: ليش انتي يهمج حالي.
أمنه: بدر حرام عليك لا تقول هالكلام.
بدر: وليش ما اقوله خلاص اللي بينا انتهى.
أمنه: ( وهي تبجي ) بدر انا احبك.
بدر: ( يوم سمعها تبجي قلبه عوره بس هو لازم يسوي هالشي عشان تنساه ) وشو الفايده يا بنت الناس انسيني.
أمنه: بدر حرام عليك انت تعرف ان اللي يصير مب يإيدي وغصب عني.
بدر: انا قلت لج خلاص انسي انه في واحد اسمه بدر كان في حياتج.
أمنه: كيف انساك وانت تسكن قلبي.
بدر: خلاص انا مسافر وما برجع الا بعد ما تتزوجي.
أمنه: لأ يا بدر الله يخليك لا تسافر وتخليني انا بموت من دونك.
بدر: ( عيونه دمعت وما عرف شو يقول وبند عنها واغلق تلفونه).

اما أمنه المسكينه فقعدت تبجي وتدق عليه بس كله تحصل تلفونه مغلق, والمسكينه قعدت طول الليل وهي تبجي وتفكر بحالها واخر شي كتبت مسج لبدر.

( بدر انا احبك ومستحيل اكون لحد ثاني غيرك, بس قبل لا اموت حبيت اقولك اني حبيتك من كل قلبي وكنت اتمنى اكون لك )
وبعد ما كتبت المسج وطرشته اغلقت تلفونها وقامت وقفلت باب الحجره عليها وبعدين قعدت تدور على الحبوب اللي كانت تاخذها يوم كانت تحس بتعب وما تقدر ترقد ويوم حصلتها بلعتها كلها.

اما بدر فبعد ما سكر عنها قعد يفكر باللي سواه, هو يعرف ان أمنه ما لها ذنب بإللي يصير بس هو كان يبغيها تنساه وتتزوج من راشد ولد عمها, وقعد يلوم نفسه وفتح تلفونه عشان يتصل يعتذر لها واول ما فتحه وصله المسج ويوم قراه ما عرف شو يسوي وعلى طول اتصل لها بس حصل تلفونها مغلق فاتصل على تلفون البيت لكن محد رد عليه لأن الكل كان راقد وقعد يحاول لين قامت خالته على صوت التلفون.

بدر: ( يوم سمع صوت خالته ) الو خالتي لحقي على أمنه.
ام أحمد: منو انت.
بدر: خالتي انا بدر.
ام أحمد: اشفيك يا ولدي خير انشاء الله.
بدر: خالتي الله يخليج روحي شوفي أمنه بسرعه.
ام أحمد: ليش شو فيها بنتي.
بدر: خالتي أمنه تبغي تنتحر روحي لحقي عليها.
ام أحمد: ( يوم سمعت هالكلام خلت السماعه وراحت بسرعه غرفة بنتها وتمت تدق الباب بس محد فتح لها وبعدين قعدت تصارخ وتبجي.

وقام أبو أحمد والعيال على صوتها.

ابوأحمد: اشفيج يا حرمه.
ام أحمد: بنتي راحت وانت السبب الله يسامحك.
ابو أحمد: انتي شو تقولين.
ام أحمد: بنتي تبغي تنتحر.
ابو أحمد: يوم سمع هالكلام انصدم وقعد يدق الباب وبعدين كسره ويوم دخل لقى بنته طايحه على الأرض وعلى طول قام وشلها ودها المستشفى.

وفي المستشفى على طول سوا لها غسيل معده وكان الكل خايف ان يصير لها شي.

ام أحمد: انا قلت لك يا ابو أحمد لا تغصب البنت على هالزواج انت اللي ما سمعت كلامي الحين بنتي بتروح مني والسبب هذا الزواج.
ابو أحمد: استغفري ربج يا ام أحمد وخلها تقوم بالسلامه وكل شي بصير مثل ما تبغي هي هذي بنتي الوحيده واهم شي عندي سعادتها.

وهم قاعدين يسولفون طلع لهم الدكتور وطمنهم ان هي بخير الحين بس لازم تتم بالمستشفى لكم يوم عشان يتابعون حالتها.

اما بدر فكانت حالته حاله وكان قاعد يحاتي أمنه وقاعد يلوم نفسه لأنه السبب باللي صار ولولا كلامه الجارح ما كان راح تفكر بالإنتحار.

والصبح اتصل لبيتهم وسأل عن أمنه وخبروه انها بالمستشفى واول ما سمع انها في المستشفى على طول طلع من المستشفى رغم اصرار الدكتور على انه يتم بس هو ما رضى واصر انه يطلع, وراح لها المستشفى ويوم سأل عن حالتها قالوا له انها بخير, وبعدين راح لها ودق الباب بس ما حصل عندها حد وكانت هي راقده واول ما شافها دمعت عينه من السعاده وهي حست انه في حد في الغرفة ففتحت عينها وأول ما شافته ابتسمت.
أمنه: بدر.
بدر: ياعيون بدر.
أمنه: لا تخليني وتسافر.
بدر: انشاء الله حبيبتي ما راح اسافر.
أمنه: بدر انا احبك.
بدر: وانا بعد احبج ومستحيل اتخلى عنج يا حياتي وراح اكلم ابوج واقوله اني ابغيج ومستحيل اخليج تاخذين ولد عمج.
أمنه: صدج.
بدر: هيه, والحين ابغيج ترتاحين وانا برد لج بعدين وما ابغيج تتعبين عمرج.
أمنه: لها الدرجه تخاف علي.
بدر: لو ما اخاف عليج اخاف على منو.

وطلع عنها بدر وراح البيت عشان يرتاح لأنه من امس ما رقد.

وبعد كم يوم طلعت أمنه من المستشفى وابوها كلم اخوه وقاله ان البنيه ما تبغي راشد وهو ما يقدر يغصبها على شي ما تبغيه وعمها تفهم الوضع وقاله ان أمنه بنته واللي يريحها يريحه, وبدر كلم زوج خالته وقاله انه يبغي أمنه وبعد ما شاورها ابوها وقالت له انها موافقه قرب بهم ابو أحمد وتمت خطوبتهم.

************************

اليوم ملجة سارة وجاسم والكل مستانس.

في حجرة سارة كانوا البنات كلهم قاعدين بعد ما خلصت سارة وتعدلت.

عالية: ما شاء الله عليج يا أختي اليوم طالعه حلوه على غير العاده.
سارة: اصلا انا من زمان حلوه, ويوزي عني مب فايجه لج حاسه بخوف فضيع.
ريم: من شو خايفه يا حبيبتي.
سارة: ما أدري أحس عمري اتنافض واحس بويع ببطني.
نوف: ههههه عادي شعور كل بنيه.
سارة: انا بموت من الخوف وانتي تضحكين.
منى: عيل ما شفتي اخوي جاسم اليوم كان مستانس من الخاطر والإبتسامه شاقه الحلج.
سارة: ( وهي مستحيه ) فديت ريلي.
عالية: أي ريل بعدكم ما ملجتم صبري ربع ساعه وبصير ريلج.
ريم: ههههه عاليه ما بتيوزين عن سوالفج.
سارة: بنشوف يوم بتتزوج شو بتسوي.
عالية: ااه متى بكون هذاك اليوم.
ريم: عيل وين اللي تقول انها ما راح تتزوج.
عالية: ( ويها احمر ) غيرت راي.
سارة: ههههه وليش انشاء الله.
عالية: ما راح اقولكم.
منى: ليكون بديتي تحبي واحنا ما ندري.
عالية: ( وهي تفكر بحميد ) يمكن.
البنات: شو.
عالية: ههههه اشفيكم كنت امزح.

وهنيه دخلت مها عشان تقولهم يتغشون لأن ناصر بيدخل عشان ييب لها الدفتر عشان توقع.

وبعد ما وقعت حبها اخوها على راسها وبارك لها وهي يوم حبها دمعت عينها ولوت عليه وقعدت تصيح.

وبعد ما طلع ناصر عنها باركوا لها البنات وشغلوا المسجل وقعدوا يرقصون.

وبعد شوي طلعت سارة للصالة وين ما كانوا الحريم قاعدين وقعدت وشغولوا الاغاني وبعد شوي دخل ابوها وجاسم واخوانها.

جاسم سلم عليها وحبها على راسها وهي يوم حبها احمرت وما قدرت تشيل عينها من الأرض.

جاسم: مبروك يا سارة.
سارة: الله يبارك فيك.

وبعدين سلم عليها ابوها ولوى عليها وهي دمعت عينها وبعد ما سلم عليها اخوانها وطلعوا لبسها جاسم العقد والساعة والخاتم وبعد ما قعدوا شوي راحوا الصالة الثانيه عشان يقعدون مع بعض على راحتهم.

وهم قاعدين في الصالة كانت سارة مستحيه منه وقاعده شوي بعيد عنه بس هو قرب منها ومسك ايدها وحبها وهي نزلت عينها وما عرفت شو تقول.

جاسم: فديتج والله مب مصدق عمري, واخيرا صرتي حرمتي.
سارة: …………..
جاسم: قولي شي يا حياتي ليش ساكته.
سارة: ( وهي مستحيه ) شو اقول.
جاسم: زين انا بقولج شي.
سارة: ( وهي تطالعه ) شو.
جاسم: ( قرب منها وهمس لها ) أحبج.
سارة: ( استحت ونزلت راسها) صدج.
جاسم: هيه, بس ابغي اسمعج تقولين لي نفس الكلام.
سارة: جاسم.
جاسم: لا تتهربين ولا تراني بزعل.
سارة: ( وهي صدج مستحيه ) أحبك.
جاسم: ااه فديتج اليوم ما ادري كيف برقد.
سارة: هههههه لها الدرجه.
جاسم: واكثر.

وقعدوا يسولفون شوي وبعدين طلع عنها جاسم.

*************************

 

[ضوى العيون]

وبالليل كانت عاليه قاعده على المسنجر تتريا حميد لأنها ما كلمته من يومين ومتولها عليه وايد, وبعد شوي دخل.

اللي ما يحبني راح يحبني: السلام عليكم.
الغزال: وعليكم السلام.
اللي ما يحبني راح يحبني: وين انتي انقطعتي عني يومين وايد كنت احاتيج.
الغزال: شو اسوي كنت مشغوله بملجة اختي.
اللي ما يحبني راح يحبني: اهاا مبروكين.
الغزال: الله يبارك في حياتك.
اللي ما يحبني راح يحبني: بقولج شي.
الغزال: شو.
اللي ما يحبني راح يحبني: بس اخاف تزعلين.
الغزال: لا قول ما بزعل.
اللي ما يحبني راح يحبني: اكيد.
الغزال: اكيد.
اللي ما يحبني راح يحبني: انا احبج.
الغزال: …………………
اللي ما يحبني راح يحبني: اشفيج سكتي لا يكون زعلتي.
الغزال: لا ما زعلت بس تفاجأت.
اللي ما يحبني راح يحبني: زين انا قلت لج عن شعوري وابغي اعرف شعورج تجاهي.
الغزال: ما اعرف شو اقولك.
اللي ما يحبني راح يحبني: زين بسألج سؤال و ياريت تجاوبيني بصراحه.
الغزال: اسأل.
اللي ما يحبني راح يحبني: في حد في حياتج.
الغزال: لأ.
اللي ما يحبني راح يحبني: زين انتي مخطوبه.
الغزال: لأ.
اللي ما يحبني راح يحبني: ريحتيني.
الغزال: هههههه.
اللي ما يحبني راح يحبني: فديت هالضحكه.
الغزال: حميد.
اللي ما يحبني راح يحبني: يا عيون حميد.
الغزال: انت كيف تحبني وعمرك ما شفتني حتى اسمي ما تعرفه.
اللي ما يحبني راح يحبني: يا عمري انا الشكل ما يهمني وعن سالفة الإسم قريبا بعرفه.
الغزال: هههههه كيف.
اللي ما يحبني راح يحبني: انتي بتقولي لي اسمج.
الغزال: ليش.
اللي ما يحبني راح يحبني: ههههههه كيف تبيني اخطب وحده حتى اسمها ما اعرفه.
الغزال: تخطب.
اللي ما يحبني راح يحبني: هيه.
الغزال: انت من صدجك ولا تتمصخر.
اللي ما يحبني راح يحبني: صدج.

عالية يوم سمعت هالكلام انصدمت وحست بشعور غريب, هي صح ترتاح له بس هل هي تحبه .

اللي ما يحبني راح يحبني: اشفيج سكتي.
الغزال: لأ ما فيني شي, بس لازم اطلع.
اللي ما يحبني راح يحبني: ليكون زعلتي مني, انا قصدي شريف وانا صدج حبيتج وابغي اتقدم لج اذا ما كان عندج أي مانع.
الغزال: زين انت عطني فرصه افكر وبعدين برد عليك.
اللي ما يحبني راح يحبني: على راحتج بس لا تبطين علي.
الغزال: انشاء الله, وتصبح على خير.
اللي ما يحبني راح يحبني: وانتي من اهل الخير.

وبعد ما طلعت عالية من المسنجر قعدت تفكر بالكلام اللي قاله حميد.

***************************

وتمت عالية على هذي الحاله اسبوع تفكر حتى المسنجر ما دخلته وكانت طول الوقت تقعد في حجرتها ونادرا ما تطلع منها والكل حاول معها يبغي يعرف شو استوى لها بس هي ما كانت تكلم حد.

وبعدين قررت تكلم اختها في الموضوع, وراحت لها حجرتها.

عالية: شو تسوين.
سارة: ما اسوي شي دخلي ليش واقفه عند الباب.
عالية: ابغي اكلمج في موضوع.
سارة: تكلمي يا حبيبتي قولي اللي عندج انا ملاحظه انج من اسبوع متغيره وفيج شي.
عالية: بس ما ابغي حد يعرف بالموضوع.
سارة: افا عليج تكلمي وانا ما راح اقول لحد.
عالية: زين, انتي تعرفين اني ادخل المسنجر واقعد اكلم ربيعاتي وفي يوم واحد اضافني عنده وكلمته.
سارة: وبعدين.
عالية: انا اعرفه من فتره وحسيت انه غير عن بقية الشباب.
سارة: كيف يعني.
عالية: كان وايد محترم في تعامله معاي وقبل اسبوع كلمني وقالي انه يحبني ويبغي يتقدم لي.
سارة: وانتي شو شعورج تجاهه.
عالية: ما اعرف شو اقولج.
سارة: يعني انتي تحبينه ولا لأ.
عالية: …………..
سارة: افهم من سكوتج انج تحبينه.
عالية: هيه, بس انا خايفه.
سارة: خايفه من شو.
عالية: خايفه انه يقص علي.
سارة: انتي توكلي على الله.

وقعدت عالية تسولف مع اختها شوي وبعدين راحت لحجرتها تفتح النت شوي لأنها ملت من القعده بروحها وقعدت شوي على المنتديات بعدين ملت وفتحت ايميلها تبغي تشوف اذا حد مطرش لها ايميل.

واول ما فتحت الإيميل شافت ايميلين من عند حميد.

فتحت الإيميل الأول وشافت فيه هالقصيده.

أنـا بـأمــس الحـاجــة لـــك لا تـبـتـعـد محـتـاج لـــــك
كـلـي ولــه مـشــتـاق لـــك أرجــوك لا تـبـعـد بعـيـــد
تـعـال يـا عــمـر الــهـنــــا أنـــا بــدونــك مـــن أنــــا
قـلبي شقـا وعــمري عـنــا والـشـوق فـي قـلبـي يزيــد
أصــارع أيـــام الـــزمـــان ما صـار فــي الدنيـا أمــان
خـلـيـك فـي هــذا الـمـكــان أحــس مـن دونــك وحــيـد
أتـخـيـلـك دومــك مــعــاي قـمـرا تـنـور لـــي سـمـاي
أفــرح واجــدد بــك هــواي وأحيا الأمـل بـك مـن جديـد
يــا راحــة الـبـال وغـــلاك مـا حـب فــي الدنـيـا سواك
أنــا مـعـك وأبـقـى مـعــاك حـتـى ولــو تـبـعــد بـعـيـد***

وبعدين فتحت الإيميل الثاني وشافت هالكلام.

( وينج والله ولهت عليج انا اسف اذا كنت غلطت عليج او جرحتج بكلمه بس ابغي اطلب منج طلب وياريت ما ترديني, ابغي ارمسج للمره الأخيره بس عشان اعرف انتي ليش انقطعتي عني هالمده كلها واذا كنت انا السبب في هالشي فأنا اسف………حميد الإنسان اللي حبج واللي عمره ما فكر يضرج. )

وبعد ما شافت هالكلام قلبها عورها وطرشت له ايميل تقول فيه انها تبغي تكلمه اليوم بالليل.

***********************

وبعد ما طرشت له عالية الإيميل حست انها ارتاحت شوي ونزلت تحت عشان تقعد مع امها ومرت اخوها.

وفي الصالة.

عالية: السلام عليكم.
ام ناصر + مها: وعليكم السلام والرحمة.
ام ناصر: هلا ببنيتي وينج انتي محد يشوفج ابدا كله قاعده في حجرتج.
عالية: سمحيلي امايه كنت احس بتعب شوي.
مها: سلامات.
عالية: الله يسلمج.
ام ناصر: خير يا بنتي شو فيج .
عالية: ما فيني شي بس ما اقدر ارقد عدل.
ام ناصر: عيل اليوم العصر بنروح العيادة.
عالية: لأ امايه ماله داعي انا الحمدلله بخير وما فيني شي بس شوية تعب.
ام ناصر: لأ انا لازم اخذج للعيادة ولو عشان اتطمن.
عالية: خلاص امايه اللي تشوفينه انا بسويه.
ام ناصر: عيل وين اختج سارة.
عالية: فوق في حجرتها.
ام ناصر: انا ما ادري انتوا ما تملون من القعده في حجركم.
عالية: هههههههه لأ امايه بالعكس احنا نحب نقعد في حجرنا عيل نقعد في الصالة شو نسوي.
ام ناصر: نزلوا قعدوا عندي, انا دومي قاعده بروحي.
مها: افا عموه وانا وين رحت.
ام ناصر: انتي فيج الخير يا بنتي كله تقعدين معاي بس بعد عندج شغل ولازم تجابلين بنتج وريلج.


وقعدوا يسولفون شوي وبعدين تغدوا وكل واحد راح حجرته عشان يرتاح.

*****************************

 

[ضوى العيون]

وبالليل دخلت عالية المسنجر بس ما لقت حميد وقعدت تفكر فيه ليكون زعل منها,وتمت على هذي الحاله طول الليل وما رقدت .

والصبح طلعت الصالة وشافت اختها سارة قاعده في الصالة بروحها تقرا مجلة.

عالية: صباح الخير.
سارة: صباح النور.
عالية: شو اللي موعنج من الصبح.
سارة: ليكون نسيتي إنا بنروح دبي عشان نشتري شوية اغراض حق العرس.
عالية: تصدقي راحت عن بالي هذي السالفة.
سارة: لا والله ليكون نسيتي اني بعرس جريب.
عالية: ههههههههه لا ما نسيت بس انا ما بروح معاكم اليوم.
سارة: لييييييييش حرام عليج طلعي شوي من البيت كله قاعده في حجرتج ما مليتي.
عالية: مالي بارض لشي خلني قاعده في البيت.
سارة: ليش ليكون صار شي جديد.
عالية: لأ امس دخلت بس ما حصلته تعرفين صرت احاتيه.
سارة: يا سلام قمنا نحاتي الحبايب.
عالية: ( ويها محمر ) سكتي عن حد يسمعج.

مبارك: ( وهو ياي صوبهم ) نسمع شو ليكون خاشين عنا شي وما تبغونا نعرف.
سارة: ( وهي تضحك ) وانت شو يخصك بسوالف البنات.
مبارك: اقول حبيبتي عيل ماشي طلعه اليوم وبشوف منو بوديكم اليوم دبي.
سارة: لأ خلاص اسفة وما راح اعيدها بس لا تكنسل الروحه والله حرام فشله قلنا لبنات عمي.
مبارك: ( وهو مستانس ) صدق ومنو بروح منهم.
عالية: ( وهي تضحك ) وانت ليش تسأل ليكون في شي.
مبارك: شو بكون يعني.
سارة: يمكن في حد محدد تبغي تشوفه.
مبارك: مثل منو يعني.
عالية: ما ندري اسأل عمرك.
مبارك: شو قصدكم وضحوا.
سارة: ما نقصد شي بس كنا نمزح معاك.
مبارك: والله انا مزاحكم ماصخ واذا كنتم تبون تروحون دبي يلا بسرعة ولا ماشي روحه.
سارة: انشاء الله بس عطنا نص ساعة وبنكون جاهزين.
مبارك: وحق شو نص ساعة.
سارة: عشان نتجهز وعقب ندق لبنات عمي نقول لهم انا بنطلع عشان يكونون جاهزات.
مبارك: اوكي يلا بسرعة ما ابغي أي تأخير.
البنات: انشاء الله.

وعقب نص ساعة طلعوا كلهم وراحوا دبي.

وفي السيارة.

عالية: مبارك شو هذي الأغنية اللي محطنها حط لنا اغنية حلوة.
مبارك: ليش شو فيها الأغنية حلوه.
عالية: لأ انا ما تعجبني ويوم اسمعها احس بصداع.
مبارك: مشكلتج انا شو اسوي لج المهم ان الأغنية عايبتني وما راح اغيرها.
عالية: اوف منك بنات قولوا شي.
سارة: شو نقول.
عالية: يعني الأغنية عايبتنكم.
سارة: بصراحة لأ.
عالية: شفت مو بس انا حتى هم ما عايبتنهم.
مبارك: ( حب يحرج منى ) منى انتي شو رايج في الأغنية.
منى: ( وهي مستحية ) ما اعرف.
مبارك: كيف ما تعرفين يعني حلوه ولا مب حلوه.
منى: حلوه.
مبارك: خلاص ما دام منى عاجبتنها هذي الأغنية ما بغيرها.
عالية: يا سلام ليش منى يعني.
مبارك: انتي ما يخصج بنت عمي وكيفي.
سارة: يلا عاد مبارك غير الأغنية وفكنا.
مبارك: زين بس بحط لكم اغنية على ذوقي.

وحط لهم مبارك اغنية عيضة تدري اني موت احبك.

عالية: الله انا وايد احب هذي الأغنية.
مبارك: هذي اهداء.
سارة: لمنو اكيد حقي.
مبارك: هههههههههه لأ مب حقج.
سارة: افا اذا مب لي عيل لمنو, ليكون بديت تحب واحنا ما ندري.
مبارك: هذي اهداء لناس غاليين على قلبي.

منى يوم سمعت هذا الكلام انصدمت وحست بضيق لأنها بدت تحب ولد عمها.

سارة: يلا عاد مبارك قول لنا منو هذي البنيه.
عالية: ليكون اللي في بالي.
مبارك: ( وهو يضحك ) منو هذي اللي بالج.
عالية: وحده الله يستر عليها.
سارة: منو.
مبارك: ما بقول بعدين بتعرفين.
سارة: الظاهر إنا قريب بنفرح بخوي.
ريم: صدج مبارك بتعرس.
مبارك: يمكن.
ريم: مبروك مقدما.
مبارك: الله يبارك في حياتج, بس خلي البنيه توافق اول.
سارة: وليش ما توافق فديت اخوي ما في مثله.
عالية: لأ انا متأكده انها بتوافق.
مبارك: الله يسمع منج.

كلهم كانوا قاعدين يرمسون الا منى اللي كانت تحس ان قلبها يحترق وما قادره تمسك عمرها تبغي تصارخ وتقوله انها تحبه وحرام عليه اللي يسويه.

مبارك: منى ليش ساكته قولي شي.
منى: مبروك والله يسعدك.
مبارك: ( حس ان صوتها متغير وان فيها شي, وهو كان يقصدها هي بس حب يعرف ردت فعلها ويوم سمع صوتها متغير خاف انها تكون فهمت السالفة غلط ) الله يبارك في حياتج.

وهم قاعدين يسولفون رن تلفون مبارك والكل سكت عشان يرد عليه.

بدر: السلام عليكم.
مبارك: وعليكم السلام والرحمه.
بدر: شخبارك مبارك.
مبارك: بخير انت اللي شخبارك صار لك مده منقطع عنا الظاهر ان العرس نساك ربعك.
بدر: هههههههههه اسمحلي الغالي بس شو اسوي انا هاليومين في بوظبي.
مبارك: شو تسوي في بوظبي ليكون عندك شغل هناك.
بدر: لأ بس ولد عمي عبدالله مسوي حادث.
مبارك: سلامته وكيف حاله الحين.
بدر: الله يسلمك, هو الحين بخير بس عنده كسر بريله اليمنى وشوية رضوض.
مبارك: ومنو منهم اللي مسوي حادث.
بدر: حميد.
مبارك: حميد.

عالية يوم سمعت اسم حميد انصدمت وحست بخوف فضيع لأنها سمعت اخوها يتكلم عن حادث وتخاف ان حميد هو اللي مسوي هذا الحادث ودعت ربها انه ما يكون حميد نفسه اللي هي تكلمه هو نفسه حميد اللي اخوها يرمس عنه.

بدر: هيه حميد تذكرته.
مبارك: هيه حميد ولد عمك اللي راح معانا القنص اخر مره رحنا فيها.
بدر: هيه هو.
مبارك: مسكين ما يستاهل والله انه ريال طيب ويستاهل كل خير.
بدر: انت وين الحين.
مبارك: انا الحين بطريقي لدبي.
بدر: وشو عندك رايح دبي.
مبارك: الأهل يبغون يروحون السوق.
بدر: اهااااااااا عيل انا بخليك الحين.
مبارك: زين انا بعدين بدق لك عشان ابغي اروح ازور حميد.
بدر: انشاء الله واذا تبغيني اروح معاك ما عندي أي مانع.
مبارك: ما تقصر.
بدر: افا عليك هذا واجبنا.

وبعد ما سكر مبارك عن ربيعه.

سارة حست بحالة اختها وحبت تطمنها .

سارة: خير مبارك حد من ربعك مسوي حادث.
مبارك: هيه.
سارة: وكيف حالته الحين.
مبارك: الحمدلله بس عنده كسر بريله وشوية رضوض.
سارة: الله يعين اهله.
مبارك: ما شاء الله عليه ريال والنعم فيه وايد محترم وطيب لأبعد الحدود.
سارة: وانت من متى تعرفه.
مبارك: من فتره بسيطة تعرفت عليه يوم راح معانا القنص.

عالية يوم سمعت انه بخير حست براحه بس كانت بتموت وتعرف اذا كان هو نفسه حميد اللي ترمسه ولا لأ.

******************************************

وتمت عالية على هذي الحاله اسبوع كله تفكر بحميد وتحاتيه وكانت تتمنى انها ترمسه ولو مره وحده وكانت تدخل كل يوم بالليل بس ما كانت تحصله.

وفي يوم دخلت المسنجر وحصلت حميد اون لاين وبغت تموت من الوناسه.

الغزال: السلام عليكم .
اللي ما يحبني راح يحبني : وعليكم السلام والرحمه.
الغزال: وينك انت والله ولهت عليك.
اللي ما يحبني راح يحبني: صدج .
الغزال: هيه وكنت كله احاتيك.
اللي ما يحبني راح يحبني: فديت حبيبتي اللي تحاتيني.
الغزال: حميد وين كنت.
اللي ما يحبني راح يحبني: حبيبتي صار لي حادث.
الغزال: سلامتك حبيبي.
اللي ما يحبني راح يحبني: قوليها مره ثانيه.
الغزال: شو هي اللي اقولها مره ثانيه.
اللي ما يحبني راح يحبني: حبيبي ابغي اسمعها مره ثانيه.
الغزال: ..................................
اللي ما يحبني راح يحبني: ليش سكتي حبيبتي.
الغزال: حميد ابغي اقولك شي.
اللي ما يحبني راح يحبني: قولي يا حبيبتي كل اللي عندج وانا مستعد اسمعج.
الغزال: حميد انا احبك.
اللي ما يحبني راح يحبني: صدج والله.
الغزال: هيه ويوم سمعت انك مسوي حادث بغيت اموت.
اللي ما يحبني راح يحبني: ليش انتي كنتي تعرفين قبل ما اقولج.
الغزال: هيه بس ما كنت متأكده اذا كنت انت او واحد ثاني.
اللي ما يحبني راح يحبني: وكيف عرفتي .
الغزال: سمعت اخوي يرمس عن حد من ربعه مسوي حادث.
اللي ما يحبني راح يحبني: اخوج.
الغزال: هيه اخوي وانت تعرفه.
اللي ما يحبني راح يحبني: ومنو هو اخوج.
الغزال: اخوي مبارك.
اللي ما يحبني راح يحبني: انتي اخت مبارك اللي من العين.
الغزال: هيه.
اللي ما يحبني راح يحبني: سبحان الله ما كنت اعرف انج بتطلعين اخت واحد من ربعي.
الغزال: حتى انا ما كنت اتصور هذا الشي.
اللي ما يحبني راح يحبني: الحمدلله الحين اقدر اخطبج.
الغزال: هههههههه ليش يعني الحين.
اللي ما يحبني راح يحبني: عشان خلاص عرفت انتي بنت منو واقدر اخطبج من ابوج.
الغزال: ههههههههه زين انت بعدك ما تعرف اسمي .
اللي ما يحبني راح يحبني: انتي اللي مب طايعه تقولينه لي.
الغزال: خلاص بقولك, اسمي هو عالية ارتحت.
اللي ما يحبني راح يحبني: عاشت الأسامي عالية , اسمج وايد حلو.
الغزال: عاشت ايامك.
اللي ما يحبني راح يحبني: واخيرا عرفت اسمج.
الغزال: هههههههههه .
اللي ما يحبني راح يحبني: فديت هالضحكه.
الغزال: فديت حبيبي الله لا يحرمني منك.
اللي ما يحبني راح يحبني: ولا يحرمني منج.
الغزال: حبيبي انا لازم اطلع.
اللي ما يحبني راح يحبني: ليش.
الغزال: ما ابغي اتعبك لازم تروح ترتاح.
اللي ما يحبني راح يحبني: انتي ما تعبيني بالعكس يوم ارمسج احس براحه.
الغزال: بس حبيبي انت طالع من المستشفى ولازم ترتاح.
اللي ما يحبني راح يحبني: لأ خلنا نرمس شوي.
الغزال: اوكي.


وقعدوا يرمسون مع بعض ولا حسوا بالوقت وبعدين طلعت عالية من المسنجر عشان ترقد, وفي هذا اليوم رقدت عالية وهي مرتاحه لأنها خلاص تطمنت على حميد وعرفت انه بخير ولأنها اعترفت له وقالت له انها تحبه.

**********************************

 

[ضوى العيون]

اما منى المسكينة فكانت حالتها حالة كله قاعده تفكر بمبارك واذا كان صدج يحب ويبغي يتزوج وكانت قاعده تبجي وتقول ليش يا ربي انا اللي يصير لي هالشي كل وحده خذت اللي تبيه ليش انا انحرم من اللي احبه ليش يخليني وياخذ وحده ثانية ورقدت وهي تفكر بهذا الموضوع.

والصبح قامت منى وهي تحس بصداع ونزلت تحت تقعد في الحديقة يمكن يروح عنها الصداع, وهي قاعده في الحديقة وسرحانه قاعده تفكر بمبارك حست ان في حد قاعد يطالعها ويوم صدت جهته انصدمت لأنه ما كان غير مبارك ويوم شافته تغشت وقامت بتروح داخل بس هو ناداها وهي وقفت عشان ما يحس انها زعلانه منه.

مبارك: صباح الخير بنت عمي.
منى: ( من غير نفس ) صباح النور, اشوفك اليوم عندنا من الصبح.
مبارك: ( وهو يحس انها تكلمه من غير نفس ) ليش ممنوع, على ما اعتقد انه بيت عمي وما فيها شي لو ييتكم من الصبح, وبعدين جاسم اللي قالي امر عليه لأنا بنطلع بنروح المزرعة.
منى: مبارك انا اسفة لأني كلمتك بهذي الطريقة بس انا تعبانه وما ابغيك تزعل مني.
مبارك: افا عليج بنت العم وانا اقدر ازعل منج, بس شو فيج.
منى: ما فيني شي بس شوية صداع.
مبارك: سلامتج.
منى: الله يسلمك, وعن اذنك بروح حجرتي.
مبارك: منى.
منى: لبيه.
مبارك: ابغيج بسالفة.
منى: خير انشاء الله.
مبارك: انتي قعدي اول وبعدين بقولج.
منى: ( بعد ما قعدت ) خير مبارك شو تبغي.
مبارك: الخير بويهج بس بغيت اخذ رايج بموضوع.
منى: أي موضوع.
مبارك: موضوع زواجي.
منى: ( وهي توقف ) وانا شو دخلني بهذا الموضوع.
مبارك: انتي تعرفين البنيه اللي ابغي اخذها زين.
منى: اعرفها؟؟
مبارك: هيه.
منى: ومنو هذي سعيدة الحظ.
مبارك: منى انتي شو فيج احسج متغيره من جهتي , ليش انا غلطت عليج.
منى: احنا الحين بموضوعك ولا موضوعي.
مبارك: اول شي ابغي اعرف انتي شو فيج.
منى: ( وهي شوي وتبجي ) ما فيني شي بس شوي تعبانه.
مبارك: عيل ليش تبجين.
منى: انا ما ابجي.
مبارك: يبين من صوتج انج تبجين.
منى: مبارك خلصني انا تعبانه وابغي اروح ارتاح.
مبارك: لأ اول ابغي اعرف انتي شو في خاطرج.

منى ما جاوبته وقامت تبغي تروح داخل بس مبارك ما خلاها ووقف جدامها وهنيه طاحت الغشوه وشافها تبجي.

مبارك: حبيبتي ليش تبجين.
منى: حبيبتك.
مبارك: هيه, انتي لحد الحين ما عرفتي البنيه اللي احبها وابغي اتزوجها.
منى: تقصد.........
مبارك: هيه اقصدج انتي يا منى, من يوم ما شفتج اول مره وانا حياتي تغيرت, منى انا احبج وابغي اتزوجج شو رايج.
منى: ( يوم سمعت كلامه ما قدرت تمنع دموعها وقعدت تصيح )
مبارك: فديتج لا تبجين انا اسف اذا غلطت عليج بس ابغي اسمع رايج.
منى: انت صدج تحبني.
مبارك: واموت فيج واللي تبغينه بسويه بس انتي وافقي وريحيني.
منى: ( وهي مستحيه ) مبارك.
مبارك: يا عيون مبارك.
منى: انا ........
مبارك: انتي شو يا حياتي.
منى: انا احبك.

منى قالت هذي الكلمة وعلى طول راحت داخل من غير ما تسمع ردت فعل مبارك.

مبارك يوم سمعها استانس من الخاطر وقال انه لازم يكلم ابوه في الموضوع بأسرع وقت ممكن لأنه خلاص ما يقدر يصبر عن حبيبته.

وهنيه وصل جاسم.

جاسم: هلا مبارك انت من متى هنيه.
مبارك: انا من ساعة هنيه.
جاسم: وليش ما دخلت داخل ولا عجبتك القعده في الشمس.
مبارك: هيه كنت قاعد اتشمس عشان اصير اسمر وحلو ترا البنات يموتون على السمر.
جاسم: هههههههههه انت ما تيوز عن سوالفك يلا خلنا ندخل داخل.
مبارك: وين ندخل ما قلت بنروح المزرعة ولا غيرت رايك.
جاسم: لا ما غيرت راي بس خلنا ندخل ناكل لنا شي انا بعدني ما كلت شي.
مبارك: ما دام السالفة فيها اكل خلنا ندخل.
جاسم: اللي يسمعك الحين يفكر انك تاكل ما تشوف عمرك كيف صاير ضعيف.
مبارك: ههههههههه شوف عمرك بعدين تكلم.

ودخلوا الشباب داخل وكلوا لهم شي وبعدين راحوا المزرعة.

اما منى فكانت قاعده في حجرتها مستانسه لأن مبارك يحبها, وقعدت تضحك على عمرها لأنها فهمت السالفة غلط.

************************************
وفي يوم رد مبارك من الشغل وشاف ابوه وامه قاعدين في الصالة فسلم عليهم وقعد.

ابو ناصر: كيف الشغل معاك يا ولدي.
مبارك: الحمدلله يا ابوي كل شي تمام.
ام ناصر: وينك يا ولدي ما صرت اشوفك وايد كل في الشغل.
مبارك: فديتج امايه شو اسوي هالأيام عندي اشغال ولازم اخلصها.
ام ناصر: الله يحفضك يا ولدي ويسهل لك امورك.
مبارك: امين, ابوي بغيتك في موضوع.
ابو ناصر: خير يا ولدي شو في خاطرك.
مبارك: ابوي انا ابغي اتزوج.
ابو ناصر: هذي الساعة المباركة, تبغي امك تختار لك.
مبارك: لا ابوي انا اخترتها خلاص.
ام ناصر: ومنو هذي اللي اخترتها ووين عرفتها.
ابو ناصر: اشفيج يا حرمه شوي شوي على الولد خله يتكلم.
ام ناصر: والله لو شايفنها ومكلمنها بالتلفون ما خذتها وانا عايشه.
مبارك: هدي اعصابج الغالية البنيه انتي تعرفينها زين.
ابو ناصر: منو هي.
مبارك: منى بنت عمي الله يرحمه.
ام ناصر: ( وهي مستانسه ) والله عرفت تختار يا ولدي.
ابو ناصر: صدج عرفت تختار يا ولدي وانشاء الله انا بكلم عبدالله بالموضوع.
مبارك: ها الغالية شو رايج بمنى راضيه عنها ولا لأ.
ام ناصر: ( وهي تلوي عليه ) فديت ولدي اللي يعرف يختار.
مبارك: عيل وينها اللي توي كانت معصبه.
ام ناصر: بروك يوز عني.
مبارك: فديتج الغالية الله لا يحرمني منج.
ابو ناصر: ها كل الحب لها عيل انا وين رحت.
مبارك: فديتك الغالي انت الحب كله لك الله لا يحرمني منكم انتوا الأثنين.
ام ناصر: ولا يحرمنا منك يا ولدي.

وبالليل راح ابو ناصر لبيت اخوه وكلم عبدالله بالموضوع وعبدالله قاله انه بشاورها وبرد عليهم.

وبعد ما راح ابو ناصر, راح عبدالله الصالة وشاف حرمته قاعده بروحها.

عبدالله: ( وهو يشوف حصة تعبانه ) اشفيج حبيبتي.
حصة: ما فيني شي بس شوية تعب.
عبدالله: عيل ليش طلعتي من حجرتج.
حصة: مليت من القعده بروحي قلت اقعد في الصالة اسولف مع عمتي بس ما حصلتها.
عبدالله: الوالده راحت تسير على الجيران, قومي حبيبتي بوديج العيادة.
حصة: حبيبي ما في داعي انا بخير.
عبدالله: عيل شو رايج نطلع نتعشى برع.
حصة: ( وهي تضحك ) من صدجك.
عبدالله: هيه من صدجي ليش تضحكين.
حصة: لا بس عبدالله انت اول مره تسويها وبعدين انا في الشهر الخامس والدكتورة موصتني من اكل برع.
عبدالله: صدج ليش ما قلتيلي يوم رحتي للدكتورة عشان اوديج انا مب قايل لج انا بوديج.
حصة: حياتي ما بغيت اتعبك.
عبدالله: حبيبتي تعبج راحه بالنسبه لي.
حصة: ههههههههههه اليوم وايد صاير رومانسي شو السالفة.
عبدالله: والله انتوا الحريم محد يعرف لكم.
حصة: هههههههه فديتك, الا على فكرة الدكتورة اليوم قالت لي خبر ما راح تصدقه.
عبدالله: شو خير انشاء الله.
حصة: يوم كشفت علي اليوم قالت لي اني يمكن حامل بتوأم تصدق.
عبدالله: ( وهو مستانس من الخاطر ) الله يبشرج بالخير.
حصة: ههههههه صبر الدكتورة مب متأكده وقالت لي انها بتسوي لي فحوصات المره اليايه عشان تتأكد.
عبدالله: انا حاس انه توأم.
حصة: عبدالله.
عبدالله: يا عيون عبدالله.
حصة: ما ادري ليش انا حاسه بخوف.
عبدالله: من شو تخافين يا حياتي.
حصة: اني اموت.
عبدالله: بسم الله عليج شو هذا الكلام يعل يومي قبل يومج.
حصة: لا تقول هذا الكلام الله يطول في عمرك.
عبدالله: وانتي بعد لا تقولين هذا الكلام وانشاء الله ما بصير الا كل خير.
حصة: انشاء الله.
عبدالله: عيل سعود وينه.
حصة: راقد.
عبدالله: وهو كل راقد انا ما ادري هذا الولد طالع على منو.
حصة: ههههههههه على منو اكيد عليك.
عبدالله: ليش.
حصة: والله ما ادري اسأل عمرك منو اللي ما يطيع ينش الصبح وما يشبع من الرقاد.
عبدالله: هههههههههه.
حصة: عبدالله حبيبي شو كان يبغي ابو ناصر.
عبدالله: ذكرتيني اليوم ابو ناصر كلمني بخصوص مبارك.
حصة: ليش مبارك شو فيه.
عبدالله: مبارك يبغي يخطب منى اختي.
حصة: ( وهي مستانسه ) وانت شو قلت لهم.
عبدالله: ما رديت عليه قلت بشاورها اول بعدين برد عليهم.
حصة: الله يكتب اللي فيه الخير.
عبدالله: عيل منى وين.
حصة: في حجرتها اناديها لك.
عبدالله: لأ حبيبتي انتي ارتاحي ما ابغي اتعبج.
حصة: لها الدرجة تخاف علي.
عبدالله: لو ما اخاف عليج اخاف على منو.
حصة: الله لا يحرمني منك.
عبدالله: ولا يحرمني منج يا حبيبتي.

وراح عبدالله لمنى .

عبدالله: ( وهو يدق الباب ) منى.
منى: ادخل يا اخوي.
عبدالله: شخبارج منى.
منى: الحمدلله بخير انت اللي شخبارك صار لي فترة ما شفتك كله في الشغل.
عبدالله: انا الحمدلله بخير.
منى: انشاء الله دوم.
عبدالله: منى.
منى: لبيه.
عبدالله: اليوم عمي كان عندنا وكان ياي يخطبج لمبارك شو رايج.
منى: ( وهي منزله راسها من المستحى ) اللي تشوفه يا اخوي.
عبدالله: بس انا ابغي اعرف اذا كنتي موافقه ولا لأ.
منى: الشور شورك يا اخوي واللي تشوفه سوه.
عبدالله: بارك الله فيج, وحبها على راسها وطلع.

وبعد يومين رد عبدالله على عمه وقالهم انهم موافقين وما عندهم أي مانع, بس عبدالله كان عنده شرط انها ما تعرس الا عقب عرس اختها ريم ومبارك يوم عرف شرط عبدالله قال انه ما عنده مانع ومستعد يصبر.

وبعد اسبوع راح مبارك واهله عشان يخطبونها رسمي وعشان يلبسونها الشبكة.

وبعد ما تكلموا الرياييل طلب مبارك من عبدالله انه يسلم على منى وعبدالله قاله انه ما عنده مانع.

وراح جاسم نادى اخته ودخلها الصالة الثانية عشان تسلم على مبارك.


مبارك: شخبارج منى.
منى: الحمدلله بخير, انت شخبارك.
مبارك: انا بخير دامج بخير.
مبارك: منى.
منى: لبيه.
مبارك: احبج.
منى: ................
مبارك: ليش سكتي عيل وين اللي قالت لي هاذاك اليوم احبك وشردت.
منى: وهي تقوم تبغي تطلع.
مبارك: وين رايحه.
منى: بروح الصالة عند البنات.
مبارك: ليش ليكون زعلتي مني.
منى: لا وانا اقدر ازعل منك.
مبارك: عيل قعدي معاي شوي.
منى: زين.

وقعد مبارك يسولف مع بنت عمه شوي وبعدين طلع عنها.

 

[ضوى العيون]

***************

وفي بيت ابراهيم بن حارث, كان ابو طارق قاعد مع حرمته في الصالة يسولفون وهم قاعدين دخلت عليهم بنتهم نوف وزوجها هزاع.

نوف + هزاع: السلام عليكم.
ابو طارق + ام طارق: وعليكم السلام والرحمه.
ابو طارق: هلا والله بعيالي كيف حالكم.
هزاع: الحمد لله يا عمي يسرك الحال, انتوا كيف حالكم.
ابوطارق: الحمدلله يا ولدي.
ام طارق: كيف حالج يا بنتي.
نوف: الحمدلله امايه انا بخير بس ولهت عليج صار لي فتره ما شفتج.
ام طارق: ولهت عليج العافية وكيف الحمل وياج.
نوف: الحمدلله.

وهنيه يدخل طارق ويسلم عليهم ويقعد يسولف مع هزاع وابوه, اما نوف وامها فقعدوا يسولفون مع بعض.

ابو طارق: عيل انا بخليكم يا عيالي.
هزاع: وين يا عمي ما قعدنا معاك.
ابو طارق : مره ثانية يا ولدي بروح عندي شغل ولازم اخلصه.
نوف: ابوي حرام عليك انا يايه عشان اقعد معاك وانت تروح وتخليني.
ابو طارق: شو اسوي يا بنتي عندي شغل ضروري ولازم اخلصه.
نوف: يعني الشغل اهم مني.
ابو طارق: ( وهو يضحك ) انتي بعدج على دلعج الحين انتي حرمه متزوجه.
نوف: ( وهي تسوي عمرها زعلانه ) خلاص ابوي روح لشغلك بس انا ما راح ازوركم مره ثانيه.
ابو طارق: خلاص يا بنتي بقعد, ما يهون علي زعلج انتي الغالية.
نوف: ( وهي تلوي على ابوها ) فديت ابوي الله لا يحرمني منك.
ابو طارق: ولا يحرمني منكم كلكم.
ام طارق: امين.
طارق: هزاع شو رايك نطلع شوي نتمشى.
هزاع: اوكي ما عندي مانع.
ام طارق: بس لا تتأخرون على العشا.
طارق: انشاء الله امايه.

وهم طالعين.

هزاع: نروح بسيارتك ولا سيارتي.
طارق: لأ نروح بسيارتك ما لي خلق اسوق احس عمري تعبان.
هزاع: على راحتك.

وهم في السيارة.

هزاع: اشفيك يا طارق احس انك متغير, خبرني يا اخوي وقولي اللي بقلبك.
طارق: شو اقولك يا هزاع احس اني تعبان ومليت من الحياة.
هزاع: طارق انت بعدك تفكر بلورين.
طارق: هيه.
هزاع: حرام عليك يا طارق انت خاطب شو ذنب البنيه اللي بتصير زوجتك.
طارق: انا اعرف ان ما لها ذنب بس شو اسوي ما اقدر انساها.
هزاع: حاول تنساها يا اخوي وابدا حياة جديدة, وانا حاس بأنك راح تكون مرتاح مع زوجتك.
طارق: ما اقدر كل ما احاول انساها احس ان قلبي يتقطع هذي قلبي وحبي الوحيد كيف تبغيني انساها.
هزاع: انت بهذي الطريقة تعذب نفسك وراح تعذب حرمتك معاك.
طارق: شو تبغيني اسوي.
هزاع: ما في غير حل واحد وهو انك تنساها, انا اعرف ان من الصعب عليك نسيانها بس انت تعرف ان من المستحيل تكونوا لبعض.
طارق: وهذا اللي ذابحني ليش ما اقدر اخذ البنيه اللي ابغيها, ليش الكل معترض انا مب اول واحد يبغي ياخذ اجنبية.
هزاع: انت تعرف يا طارق ردت فعل ابوك وامك بخصوص هذا الموضوع وشو اللي ممكن يصير لو انت خذتها.
طارق: اعرف وهذا اللي خلاني اوافق اتزوج بنيه انا ما احبها ولا عمري عرفتها.
هزاع: طارق اللي اعرفه ان البنيه انسانه طيبه وراح تسعدك.
طارق: بس انا ما اقدر اسعدها.
هزاع: لا تقول هذا الكلام يا طارق انشاء الله راح تكونوا اسعد زوجين.

وبعدين طارق سكت وقعد يفكر بحاله وهزاع ما حب يزعجه.

وفي البيت.

ابو طارق: ام طارق.
ام طارق: لبيه.
ابو طارق: بغيت اكلمج بموضوع.
ام طارق: خير انشاء الله.
ابو طارق: الخير بويهج بس حبيت اكلمج بخصوص الملجه عسب نكلمهم ونقولهم انا نبغي الملجه قريب شو رايج.
ام طارق: سوي اللي تشوفه يا ابو طارق وانا ماعندي أي مانع.
ابو طارق: بس قبل لازم نقول طارق.
ام طارق: خل هذا الموضوع علي انا بكلمه اليوم بالليل.
ابو طارق: وانتي ليش مستعيله كلميه بعد يومين.
ام طارق: لأ انا ابغي الملجه تصير بأسرع وقت.
ابو طارق: ليش.
ام طارق: تبغي الصدق انا خايفه إن الولد يغير رايه.
ابو طارق: لأ طارق عاقل وما راح يسوي هذا الشي وانا متأكد.

اما نوف فكانت قاعده في حجرتها تكلم ريم لأنها صار لها فتره ما كلمتها.

ريم: وين انتي يالقاطعه ابدا ما تتصلين ولا تسألين ولا نسيتينا.
نوف: ههههههه فديتج وانا اقدر انساج بس شو اسوي كله مشغولة.
ريم: الا شخبار البيبي.
نوف: بخير, بس هالأيام وايد متعبني.
ريم: يالله ما باقي شي الا انتي متى بتولدين انشاء الله.
نوف: توي الناس انا بعدني في الشهر الخامس.
ريم: الله يسهل عليج.
نوف: الا شخبار سارة.
ريم: بخير وهي دايما تسألني عنج.
نوف: هي اكيد هالأيام منشغله بالتجهيز للعرس.
ريم: هيه تعرفين ما باقي وايد على عرسها.
نوف: هي متى بتعرس.
ريم: بتعرس في بداية شهر تسعة.
نوف: يعني وايد قريب, وانا بعدني ما فصلت لعرسها.
ريم: فصلي بسرعه ولا ما بتلحقين تسوين شي.
نوف: خلاص بقول لهزاع يوديني دبي عشان افصل.
ريم: الا شخبار عمي وعمتي.
نوف: بخير ويسلمون عليج.
ريم: الله يسلمهم.
نوف: ما بتسألين عن حد ثاني بعد.
ريم: هههههههه عن منو مثلا.
نوف: تسوين عمرج ما تعرفين, يعني عن منو اكيد عن زوج المستقبل.
ريم: ههههههه انتي ما بتيوزين عن سوالفج.
نوف: ليش انا شو قلت مب هو زوج المستقبل.
ريم: فديت زوجي.
نوف: من الحين قمنا نتفدى صبري اليوم بقوله.
ريم: نوفو ازعل منج لو قلتيله.
نوف: هههههههه خلاص ما بقوله.

وقعدت نوف تسولف مع ريم شوي وبعدين نزلت تحت تقعد مع ابوها وامها.

وبالليل بعد ما راحت نوف وزوجها كان طارق قاعد مع امه يسولف معاها.

ام طارق: طارق يا ولدي.
طارق: يا عيون طارق.
ام طارق: اليوم ابوك كلمني وقالي انه يبغي يكلم اهل ريم عشان الملجه.
طارق: ( وهو يحس بضيق ) وانتوا ليش مستعيلين امايه.
ام طارق: انت ولدنا الوحيد ونبغي نفرح فيك ونشوف عيالك, وهذي بس ملجه والعرس انشاء الله بكون شهر 11.
طارق: سوا اللي تبونه انا ما عندي أي مانع, والحين امايه انا بروح حجرتي ارقد تعبان.
ام طارق: روح يا ولدي ارتاح.

وراح طارق حجرته عشان يرقد بس ما قدر يرقد وقعد يدور شريط يسمعه وحط شريط لراشد الماجد وقعد يسمع اغنية ودي ابكي , وهو يسمعها حس بشعور غريب كان وده يروح يقول لهم انه ما يبغي يتزوج ريم وانه يبغي يعيش حياته مثل ما يبغي هو وان سعادته ما راح تكون مع ريم بس هو يعرف انه مستحيل يسوي هذا الشي لأنه ما يبغي يخسر أمه وأبوه وفي نفس الوقت هو ما يبغي يفقد لورين البنيه اللي حبها وعاش معها احلى ايام عمره تذكر يوم تعرف عليها اول مره وكيف كانت تعامله برقه وحنان حتى هي كانت مستعده تسافر معاه بس هو ما وافق وقال لها انه يبغي يقنع اهله قبل وهي لحد الحين منتظره وما فقدت الأمل.

***********************************

وبعد اسبوع كانت ملجة ريم وطارق والكل كان مستانس في هذا اليوم الا شخص واحد كان يحس ان اليوم اتعس يوم في حياته وكان وده يكون في مكان ثاني الا هذا المكان.

اما ريم فكانت مستانسه من الخاطر لأن اليوم بتكون زوجة طارق الأنسان اللي صار جزء من حياتها.

وفي حجرة البنات.

نوف: ما شاء الله عليج نوف طالعه مثل القمر واللون الوردي وايد حلو عليج.
ريم: مشكورة حبيبتي.
سارة: ريم ليش فاله شعرج ما تخافين يحسدونج.
ريم: انا ما يهمني الناس.
نوف: صدج ريم والله حرام شعرج طويل واخاف يحسدونج.
منى: امايه قالت لها لا تفليه بس هي ما طاعت.
عالية: بس شكلها وايد حلو.
سارة: قولي ما شاء الله.
عالية: هههههه زين شوي شوي علي, ما شاء الله اصلا انا عيني مب حاره.
سارة: يلا عقبال مرت اخوي.
منى: ( وهي محمره ) لا توي الناس.
عالية: شو توي الناس انتي لو تشوفين مبارك كيف مستخف على العرس.
منى: ( تضحك وتقول في خاطرها فديت مبارك )
ريم: وعقبالج عالية.
عالية: ههههههههه الله يسمع منج بس وينه المعرس.
سارة: لا المعرس موجود بس صبري شوي.
البنات: منو؟؟
عالية: ( وهي تطالع اختها بنص عين ) هههههههه لا سارة تمزح معاكم.
منى: يلا عاد سارة قولي منو سعيد الحظ.
سارة: ههههههههه كنت امزح.

وهنيه اتصل جاسم في ريم وقالها انه بييب الدفتر عشان توقع عليه والبنات تغشوا الا ريم ومنى وسارة.

سارة: يلا بنات تغشوا ما ابغي ريلي يشوف حد غيري.
عالية: صدج ان ما عندج سالفة.
سارة: كيفي.
ريم: انتوا تتضاربون وانا بموت من الخوف.
نوف: لا تخافين حبيبتي وسمي بالرحمن.

وهنيه دق جاسم الباب فقامت سارة تفتحه.

سارة: هلا جاسم.
جاسم: اهلين عمري, ما شاء الله اليوم طالعه مثل القمر.
منى: احم احم نحن هنا.
جاسم: ( وهو يضحك ) زين انتي هنيه شو اسوي لج, عيل وين العروس ما اشوفها ليكون منخشه من الخوف.
ريم: انا هنيه ما تشوفني.
جاسم: هذي انتي وانا اقول منو هذي البنيه الغاويه.
ريم: ههههههه جسوم يوز عني .
جاسم: هذا الدفتر ويلا وقعي.
ريم: ( خذت الدفتر وقعدت تطالعه وهي ترتجف ) ما اقدر اوقع.
جاسم: ههههههههه شو هذا الكلام يلا سمي بالرحمن ووقعي.
ريم: انشاء الله.

وبعد ما وقعت ريم حبها اخوها على راسها ولوى عليها وقالها الف مبروك.

ريم: الله يبارك في حياتك.

وعقب ما طلع جاسم قاموا البنات وباركوا لها وبعدين نزلوا تحت عشان الحريم يسلمون على ريم, وقاموا البنات يرقصون الا نوف لأنها حامل وبعدين دخل طارق وسلم عليها وحبها على راسها وبعدين لبسها العقد والخاتم والساعة وقعد شوي وبعدين طلع لأنه كان منحرج من كثرة الحريم.

وبعد ما رحوا كل الناس راحت ريم حجرتها عشان تبدل ملابسها وقبل ما تبدل سمعت حد يدق الباب.
ريم: منو.
عبدالله: انا عبدالله.
ريم: لحظة اخوي.

وفتحت ريم الباب.

عبدالله: اسمحيلي اختي ما باركت لج , الف مبروك يا ريم.
ريم: ( وعينها تدمع ) الله يبارك في حياتك.
عبدالله: ( وهو يلوي عليها ) ليش تبجين يا ريم اليوم لازم تكونين مستانسه.
ريم: يوم شفتك تذكرت الوالد وتمنيت بهذي اللحظة يكون معاي.
عبدالله: ادعي له بالرحمه.
ريم: الله يرحمه ويغمد روحه الجنة.
عبدالله: والله وكبرت يا ريم وصرت عروس بس انتي لحد الحين بنظري ريم اختي الصغيرة.
ريم: فديتك يا اخوي الله لا يحرمنا منك.
عبدالله: ولا يحرمني منكم, يلا الحين ابغاج تبدلين وترتاحين.
ريم: انشاء الله.
عبدالله: تصبحين على خير.
ريم: وانت من اهل الخير.

**********************************

 

[ضوى العيون]

وفي حجرة عالية كانت عالية قاعده ترمس حميد على المسنجر.
الغزال: شخبارك حبيبي.
اللي ما يحبني راح يحبني: الحمدلله بخير, انتي شخبارج.
الغزال: انا بخير دامك بخير.
اللي ما يحبني راح يحبني: عالية.
الغزال: يا عيون عالية.
اللي ما يحبني راح يحبني: احنا لمتى بنتم على هذا الوضع.
الغزال: أي وضع.
اللي ما يحبني راح يحبني: انتي عارفه انا عن شو اتكلم.
الغزال: حبيبي انا قلت لك خلنا نصبر شوي.
اللي ما يحبني راح يحبني: لمتى.
الغزال: لين ما تعرس اختي.
اللي ما يحبني راح يحبني: ليش عاد لين ما تعرس اختج انا قلت لج بخطبج من ابوج.
الغزال: حبيبي الكل الحين مشغول بعرس اختي.
اللي ما يحبني راح يحبني: بصبر وبشوف شو اخرة هذا الحب.
الغزال: انا ابغي اعرف انت ليش مستعيل اصبر شوي.
اللي ما يحبني راح يحبني: ليش انتي مب مستعيله.
الغزال: حبيبي احنا صبرنا وايد خلنا نصبر شوي.
اللي ما يحبني راح يحبني: زين اللي تشوفينه.
الغزال: حبيبي عندي لك مفاجأة.
اللي ما يحبني راح يحبني: شو هي.
الغزال: ما بقول ههههههههههه.
اللي ما يحبني راح يحبني: يلا عاد اهون عليج.
الغزال: زين بقولك باجر بنروح بوظبي.
اللي ما يحبني راح يحبني: قولي والله.
الغزال: هههههههه والله.
اللي ما يحبني راح يحبني: ووين بتروحون.
الغزال: بنروح المول.
اللي ما يحبني راح يحبني: عيل انا بعد بروح باجر.
الغزال: من صدجك.
اللي ما يحبني راح يحبني: هيه.
الغزال: حبيبي بس ريلك.
اللي ما يحبني راح يحبني: انا نسيت اقولج اني شلت الجبس وصرت امشي على عكاز.
الغزال: بس بعد ما ابغيك تتعب عمرك.
اللي ما يحبني راح يحبني: انا بسوي أي شي عشانج.
الغزال: فديتك.
اللي ما يحبني راح يحبني: حبيبتي بس كيف بعرفج.
الغزال: هههههههه هذي مشكلة.
اللي ما يحبني راح يحبني: لا مب مشكلة انا اعرف اني اول ما اشوفج بعرفج.
الغزال: كيف؟
اللي ما يحبني راح يحبني: قلبي بقولي.
الغزال: فديت قلبك.
اللي ما يحبني راح يحبني: يلا حبيبتي لازم ترقدين الحين.
الغزال: انشاء الله.
اللي ما يحبني راح يحبني: تصبحين على خير.
الغزال: وانت من اهل الخير.

**************************************

وفي اليوم الثاني راحت عالية وسارة مع ناصر وحرمته بوظبي.

وفي المول.

كانت عالية تمشى وهي تحس ان قلبها يدق بسرعة لأنها بتشوف حميد.

سارة: اشفيج عالية اليوم اشوفج مستانسه وايد.
عالية: بقولج شي.
سارة: شو.
عالية: حميد قالي انه بكون هنيه اليوم.
سارة: انتي مينونه لو شافج ناصر بيقتلج.
عالية: ليش بيقتلني انا ما بسوي شي وعلى فكره هو اصلا ما يعرف شكلي.
سارة: زين ريحتيني.
عالية: وانتي ليش خايفة.
سارة: لأ بعد تسأل ليش خايفه انتي ما تعرفين اخوج ناصر شو بسوي.
عالية: زين انسي السالفة وخلنا نروح صوب ناصر ومها.
سارة: زين عالية بسألج سؤال انتي كيف بتعرفين حميد.
عالية: من العكاز يا ذكية.
سارة: صدج انا نسيت سالفة الحادث.
عالية: يلا خلنا نروح قبل ما يعصب علينا ناصر.
سارة: زين يلا.

وهم يمشون انتبهت سارة لواحد يمشي على عكاز ومعاه واحد ثاني يشبهه الظاهر انه اخوه.

سارة: عالية شوفي هاذاك الريال.
عالية: سارة اشفيج منو هذا الريال.
سارة: انتي شوفيه اول.
عالية: وينه ما اشوف.
سارة: هناك.
عالية: ( يوم صدت صوبه انصدمت ) هذا اكيد حميد.
سارة: وشو بتسوين الحين.
عالية: ما اعرف.
سارة: زين خلنا نروح لعند ناصر ما يصير قاعدين نطالع الريال شو بقولوا الناس.
عالية: زين.

وراحوا عالية وسارة لعند اخوهم ناصر اللي كان في محل العطور.

ناصر: بنات وين كنتوا تأخرتوا.
سارة: كنا في محل العبي رحنا نفصل عبي وتأخرنا.
ناصر: زين يلا الحين تبغون تاخذون شي من هذا المحل ولا نروح محل ثاني.
عالية: اكيد نبغي.
ناصر: عيل يلا خذوا اللي تبونه.

وهنيه يرن تلفون ناصر واحد ربيعه متصل فيه.

ناصر: بنات انا بترياكم برع المحل يوم بتخلصون تعالوا.
سارة: انشاء الله.

وقعدوا البنات يختارون لهم عطور, وفي هذا الوقت كان حميد قاعد يتمشي مع عيسى اخوه.

عيسى: انا ابغي افهم احنا ليش يايين المول, مو من عوايدك تروح المراكز.
حميد: بس قلت ابغي اغير.
عيسى: زين تعال بنروح هذاك المحل ابغي اخذ لي شوية عطور.
حميد: زين يلا.

ودخل حميد وعيسى المحل, بس عالية ما انتبهت له.

حميد كان مار صوب البنات وسمع وحده ترمس الثانية .

سارة: عالية شو رايج بهذا العطر ابغي اخذه لجاسم.
عالية: حلو بس يمكن جاسم ما يعجبه ذوقج.
سارة: لأ بيعجبه انا متأكده, وانتي ما بتاخذين لج شي.
عالية: خذت لي دهن العود وكمن عطر.

حميد يوم سمع البنات يرمسون وسمع اسم عالية انصدم وفي نفس الوقت استانس لأن هذي اكيد حبيبته عالية.

وفي هذا الوقت عيسى نادى حميد بصوت عالي لأن عيسى كان يرمسه وهو مب منتبه له.

عيسى: حميد وين رحت انا من متى ارمسك.

عالية يوم سمعت اسم حميد على طول التفتت وشافت حميد يطالعها وهو مستانس وهي يوم شافته ما قدرت تشيل عينها عنه, اما حميد فكان نفسه يشوف شكلها بس هي كانت متغشيه وما قدر يشوفها.

سارة: ( وهي تكلم عالية بصوت واطي عشان مها ما تسمعها ) عالية اشفيج ثقلي مها وناصر معانا يلا خذي اللي تبينه وخلنا نطلع.
عالية: يوم سمعت اسم ناصر خافت وبسرعة خذت العطور اللي اختارتها وراحوا يحاسبون.

مها: يلا بنات ناصر يتريانا برع.
سارة: مها انا ابغي اروح محل الهدايا عشان ابغي اخذ هدية لنوف عشان يوم ميلادها قرب.
مها: اوكي حبيبتي انا برمس ناصر وانتي وعالية روحوا.
سارة: فديت مرت اخوي.
مها: ههههههههه حق المصلحه بس.
سارة: لا والله انتي تعرفين كيف نحبج ونعدج شرات اختنا.
مها: اعرف حبيبتي بس كنت امزح.

وطلعوا من المحل ومها قالت لناصر ان البنات يبغون يروحون لمحل الهدايا بس هو ما وافق في البداية بس مها اقنعته ووافق على شرط انهم ما يتأخرون.

وراحت عالية وسارة لمحل الهدايا وقعدت سارة تدور على هدية حلوه لنوف اما عالية فقعدت تتمشى وتشوف البطاقات وعجبتها بطاقة حلوة وقالت بتاخذ راي سارة فيها وعلى طول التفتت لأنها حست في حد واقف وراها وهي علبالها سارة.

عالية: سارة شو رايج بهذي................................

عالية يوم التفتت وهي تتكلم سكتت فجأة لأن اللي كان واقف مب سارة, اللي واقف كان حميد.

عالية: ( وهي تتكلم لا شعوريا ) حميد.
حميد: ( مستانس لأنها عرفته ) هيه حميد, شخبارج عالية.
عالية: ( وهي مستحية ) بخير الله يسلمك انت شخبارك.
حميد: انا الحمدلله بخير دامني شفتج.
عالية: ( وهي خايفة ان ناصر يشوفها واقفه معاه ) حميد الله يخليك روح اخاف اخوي يشوفني واقفه معاك ويسوي لك مشكلة.
حميد: خلاص غناتي ما ابغي احرجج مع اهلج انا رايح, بس ديري بالج على عمرج.
عالية: وانت بعد دير بالك على عمرك.
حميد: مع السلامة.
عالية: مع الف سلامة.

وراح عنها حميد, وهي قعدت تفكر فيه ما توقعت يكون شكله جيه ما شاء الله عليه وسيم.

سارة: عالية وين سرحتي يلا انا خلصت وخلنا نروح لعند ناصر.
عالية: خذتي هدية لنوف.
سارة: هيه خذت.
عالية: عيل خلنا نطلع قبل ما يعصب علينا ناصر.

وطلعوا من المحل وراحوا عند ناصر وعقب ما خلصوا واشتروا اللي يبونه طلعوا من المول ورجعوا العين.

وطول الدرب وعالية تفكر باللي صار لها بالمول.