حبيتها غصبا عني

[ضوى العيون]

وبعد كم يوم في بيت ابو هزاع كانت نوف بعدها راقده ويوم قامت ما شافت هزاع وظنت انه راح الشغل فقامت راحت الحمام وخذت لها شاور وبعدين قعدت تمشط شعرها وفجأة حست ان في حد يحط ايده على عينها.

نوف: هزاع شو هذي الحركات والله قلبي وقف.
هزاع: ههههههههه فديت قلبج.
نوف: اليوم قايم من وقت شو عندك.
هزاع: اليوم يوم خاص كيف ما تبغيني اقوم من وقت.
نوف: يوم خاص.
هزاع: هيه.
نوف: يلا عاد قولي.
هزاع: نسيتي يوم ميلادج.
نوف: ( وهي تضحك ) صدج انا نسيت ان اليوم يوم ميلادي.
هزاع: كل عام وانتي بخير يا اجمل زوجة في الدنيا.
نوف: هههههههه وانت بخير يا احلى زوج بالدنيا, ها وين هديتي ولا نسيتها.
هزاع: وانا اقدر.

وطلع هزاع من الدرج علبة وعطاها لها.

نوف: حياتي انا كنت امزح معاك انا ما ابغي منك شي.
هزاع: انتي فتحيها وعطيني رايج فيها.

ويوم فتحتها نوف شافت سوارة رقيقة من الذهب الأبيض وشكلها كان رهيب.

نوف: مشكور حبيبي وايد حلوه.
هزاع: خلني اشوفها على ايدج.
نوف: ( وهي تلبسها ) ما توقعت ذوقك يكون حلو.
هزاع: ههههههه عيل كيف اخترتج.
نوف: ههههههههه لا دامك اخترتني يعني ذوقك حلو.
هزاع: حبيبتي اليوم بنطلع نحتفل بهذي المناسبه بالليل.
نوف: ( وهي مستانسه ) صدج.
هزاع: ( وهو يحبها على خدها ) هيه .
نوف: ( وهي مستحية ) فديتك الله لا يحرمني منك.
هزاع: ولا يحرمني منج يا حياتي.

*************************************
ريم كانت قاعده في حجرتها ترمس سارة بنت عمها نفس العاده.

سارة: ريم اليوم ما بتروحين لنوف.
ريم: ما ادري استحي اروح لها بيت ريلها.
سارة: حتى انا بس شو نسوي لازم نروح لها, وبعدين ما بنقعد عندها وايد الا هي ربع ساعة وبنرد.
ريم: خلاص يصير خير بستأذن من امايه وبرد عليج.
سارة: اوكي.
ريم: سارة شو شعورج وما باقي على عرسج غير كم اسبوع.
سارة: والله ما ادري شو اقولج احس اني اسعد انسانة في هالدنيا.
ريم: انشاء الله دوم.
سارة: الا بغيت اسألج انتي كيف علاقتج مع طارق ريلج.
ريم: عادية هو صح يزورني من فترة لفترة بس........
سارة: بس شو؟
ريم: ما ادري ليش يا سارة احس انه ما يبغيني وانه مغصوب على هالزواج.
سارة: هههههههههههههه الله يغربل ابليسج.
ريم: اشفيج تضحكين.
سارة: عيل الحين الريال يغصبونه على الزواج.
ريم:ما ادري شو اقولج بس عندي احساس انه يحب بنيه ثانية واخاف يكون هالشي صدق.
سارة: تعوذي من ابليس وانشاء الله ما بصير الا كل خير.
ريم: الله يسمع منج.
سارة: اقول ريم امايه تناديني بروح اشوف شو تبغيني وبرد اتصل لج.
ريم: اوكي وسلمي على خالتي.
سارة: يوصل.
ريم: باي.
سارة: باي.

وبعد ما سكرت ريم عن سارة نزلت تحت عشان تقعد مع امها في الصالة.

وفي الصالة ما لقت حد غير منى اللي كانت قاعده تطالع التلفزيون.

ريم: منى شو تطالعين.
منى: فلم اجنبي باين عليه حلو.
ريم: زين وين امايه.
منى: محد طالعه.
ريم: وين راحت.
منى: ما ادري طلعت من شوي هي وحصة.
ريم: شو رايج نروح نقعد في الحديقة شوي.
منى: زين ليش ما نشوف الفلم.
ريم: ما لي بارض احس بالملل يوم اتابع افلام اجنبيه.
منى: بس انا ابغي اتابعه.
ريم: زين انتي قعدي هنيه تابعي الفلم وانا بروح اقعد في الحديقة ابرك لي.

وراحت ريم تقعد في الحديقة وهي تفكر بطارق, هي ما تدري ليش تحس ان طارق ما يبغيها وانه مغصوب على هذا الزواج, حتى يوم يزورها ما يقعد معها وايد شوي ويطلع, هي تبغي تحس انها مثل غيرها من البنات.

وهي قاعده في الحديقة ياها اخوها جاسم.

جاسم: السلام عليكم.
ريم: وعليكم السلام والرحمة.
جاسم: اشوفج قاعده في الحديقة.
ريم: هيه مليت من القعده في حجرتي قلت اقعد في الحديقة اغير جو.
جاسم: زين وين امايه.
ريم: ما ادري عنها طالعه هي وحصة.
جاسم: أهاااااا, زين انا رايح عندي شغل لازم اخلصه.
ريم: وين رايح اقعد معاي شوي.
جاسم: ما اقدر عندي شغل ولازم اخلصه.
ريم: زين بس بغيتك توديني انا وسارة بيت ربيعتي نوف.
جاسم: ومتى بتروحون لها.
ريم: بعد صلاة المغرب.
جاسم: زين بس اتصلي لي يوم بتكونوا جاهزين.
ريم: اوكي.
جاسم: انا رايح الحين بس لا تتريوني على الغدا.
ريم: الله يحفضك.
جاسم: مع السلامة.
ريم: مع الف سلامة.

****************************

جاسم وهو في السيارة يرن تلفونه.

سارة: السلام عليكم.
جاسم: وعليكم السلام والرحمة, هلا حياتي شخبارج.
سارة: الحمدلله بخير انت شخبارك.
جاسم: دامج بخير انا بخير.
سارة: وين انت الحين.
جاسم: في السيارة, بروح المكتب اخلص شوية أشغال.
سارة: زين عيل بخليك ما ابغي اعطلك.
جاسم: شو تعطليني انا لو اقدر كان ودرت الشغل كله عشانج يا حبيبتي.
سارة: ههههههههههه.
جاسم: فديت هالضحكة الله لا يحرمني منج يا حبيبتي.
سارة: ولا يحرمني منك.

وقعد جاسم يرمس سارة طول الدرب.


وفي العيادة, كانت حصة رايحة هي وعمتها عشان موعدها.

وفي غرفة الكشف .

الدكتورة: ما ابغي اخش عنج وضع الجنين مب عايبني.
حصة: خير يا دكتورة طمنيني.
الدكتورة: ما ادري شو اقولج بس يمكن الولادة تكون صعبة ويمكن...................
حصة: ويمكن شو؟
الدكتورة: يمكن تكون حياتج او حياة الجنين في خطر ويمكن الجنين يموت اول ما ينولد.
حصة: ( ودموعها بدت تنزل ) زين دكتورة انا ابغي اطلب منج طلب.
الدكتورة: امري.
حصة: ما ابغي أي حد يعرف عن هذا الموضوع.
الدكتورة: بس لازم ريلج يكون على علم بهذا الشي.
حصة: لأ ما ابغيه يستهم علي وانشاء الله ما بصير الا كل خير.
الدكتورة: انشاء الله.
حصة: مشكورة.
الدكتورة: العفو.

وطلعت الدكتورة عنها.

ام عبدالله: خير يا دكتورة طمنيني عليها.
الدكتورة: هي الحمدلله بخير بس ابغيها ترتاح وما تعب عمرها ابدا.
ام عبدالله: انشاء الله.
الدكتورة: انا راح اكتب لها شوية حبوب لازم تاخذها بانتظام.
ام عبدالله: مشكورة يا دكتورة ما قصرتي.
الدكتورة: افا عليج هذا واجبي.

وهم طالعين من عند الدكتورة.
حصة: ها عمتي شو قالت الدكتورة.
ام عبدالله: قالت انج لازم ترتاحين وكتبت لج شوية حبوب.
حصة: ( يوم سمعت الكلام اللي قالته ارتاحت لأنها ما تبغي أي حد يعرف عن الموضوع وخصوصا عبدالله لأنه ما بيتحمل.)

****************************

 

[ضوى العيون]

وبالليل كانت حصة قاعدة في حجرتها تفكر باللي قالته لها الدكتورة هي كانت حاسه من البداية بس اللي هامنها عبدالله وولدهم سعود كيف بعيش لو صار لها شي وهي قاعده تفكر دمعت عينها لأنها ما تبغي تموت وتخلي عبدالله الإنسان اللي حبته وتزوجته وكانت تتمنى تعيش معاه طول العمر.

وهنيه دخل عليها سعود ولدها.

سعود: ماما ثوفيج.
حصة: ما فيني شي يا حبيبي.
سعود: عيل ليث تثيحين, شي يعولج.
حصة: لأ يا عمري بس شوي تعبانه.
سعود: ماما وين بابا.
حصة: الحين بيي.
عبدالله: ( وهو داخل عليهم ) السلام عليكم.
حصة: وعليكم السلام.
سعود: ( وهو يركض له) بابا.
عبدالله: ( وهو يشله ) فديتك.

حصة يوم شافتهم ما قدرت تمسك عمرها قلبها كان يتقطع ودمعت عينها.

حصة: ( وهي تمسح دموعها قبل لا يلاحظها عبدالله ) هلا حياتي.
عبدالله: اهلين عمري, اشفيج حبيبتي باين عليج انج تعبانه.
سعود: بابا ماما كانت تثيح.
عبدالله: ( وهو عاقد حياته ) صدج حصة.
حصة: وانت تصدق رمسة ياهل.
عبدالله: حصة حبيبتي قولي لي اشفيج لا تخشين عني.
حصة: صدقني يا عمري ما فيني شي بس شوية تعب.
عبدالله: انا حاس ان فيج شي بس انتي ما تبغين تقولين لي شو هالشي.
حصة: خلنا من هذي السالفة الحين, وخبرني انت شخبارك حتى اليوم ما ييت على الغدا.
عبدالله: شو اسوي يا عمري كنت مشغول وايد .
حصة: بس انت لازم ترتاح ما يصير تتعب عمرك وايد.
عبدالله: انشاء الله.
حصة: تبغيني احط لك العشا.
عبدالله: لا فديتج بقول الخدامه تحطه ما لازم تتعبين عمرج.
حصة: لأ خلني انا بحطه وبعدين شو بسوي الا بسخن لك الأكل.
عبدالله: على راحتج.

وراحت حصة تحط الأكل لريلها.

سعود: بابا متى بنلوح الدمعية.
عبدالله: باجر انشاء الله بوديك يا حبيبي انا اليوم تعبان.
سعود: زين.
*************************************

وفي هذا الوقت كانت عالية قاعده ترمس حميد على المسنجر.

اللي ما يحبني راح يحبني: حبيبتي شخبارج.
الغزال: بخير يسرك الحال انت شخبارك.
اللي ما يحبني راح يحبني: دامج بخير انا بخير.
الغزال: وكيف ريلك الحين.
اللي ما يحبني راح يحبني: الحمدلله احسن من اول وصرت امشي عليها شوي.
الغزال: الحمدلله.
اللي ما يحبني راح يحبني: ولهت عليج حبيبتي من يومين ما رمستج.
الغزال: حتى انا ولهت عليك وايد بس شو اسوي عرس اختي قريب ولازم اتجهز له.
اللي ما يحبني راح يحبني: آه متى بكون عرسنا.
الغزال: هههههههههههههه وليش مستعيل.
اللي ما يحبني راح يحبني: كيف ما تبيني استعيل اصلا لولا اصرارج اني ما اخطبج الا بعد عرس اختج كان احنا الحين مالجين.
الغزال: ههههههههه انت من صدجك.
اللي ما يحبني راح يحبني: هيه عيل امزح معاج.
الغزال: حبيبي خلنا نصبر شوي وبعد عرس اختي تعال اخطبني وانا ما بقولك شي.
اللي ما يحبني راح يحبني: بس ها يكون في علمج اني ما بتريا وايد ابغي العرس بسرعة.
الغزال: ودراستي.
اللي ما يحبني راح يحبني: عادي تقدرين تكملينها عقب العرس وانا ما عندي أي مانع.
الغزال: بس اخاف عقب العرس تغير رايك وما تخليني اكمل دراستي.
اللي ما يحبني راح يحبني: لا تطمني من هذي الناحية انا عند كلمتي.
الغزال: بنشوف.
اللي ما يحبني راح يحبني: حبيبتي بقولج شي.
الغزال: خير انشاء الله.
اللي ما يحبني راح يحبني: الخير بويهج بس حبيت اقولج اني احبج موت وما اقدر اصبر عنج.
الغزال: فديتك حتى انا احبك واموت فيك.
اللي ما يحبني راح يحبني: زين عمري انا بطلع الحين.
الغزال: اوكي حبيبي.
اللي ما يحبني راح يحبني: مع السلامة.
الغزال: مع الف سلامة, الله يحفظك.

********************************

وتمر الأيام بسرعة وما باقي على عرس سارة غير يومين والكل مرتبش حتى البنات مستانسات من الخاطر.

وفي حجرة سارة كانوا كل البنات متيمعات ريم واختها وبنات خالة سارة واللي هم اليازية والهنوف.

اليازية من عمر سارة وريم اما الهنوف فهي من عمر عالية ومنى, والهنوف بنت مغرورة وشايفة نفسها وايد وتحسب عمرها احلى بنية في العايلة.
اليازية: ما شاء الله عليج يا سارة محلوة وتغيرتي وايد.
سارة: فديتج عيونج الحلوة وانتي لازم بتقولين هذا الكلام لأنكم ما تيون العين ابدا.
اليازية: شو نسوي يا سارة انتي تعرفين الكل مشغول, والوالد ما يطيع انا نطلع برع بوظبي مع الدريول.
الهنوف: الا اقول سارة ما عرفتينا على البنات.
سارة: اسمحيلي الغالية, هذيلا بنات عمي وخوات جاسم.
اليازية: اسمحولنا ما عرفناكم.
ريم: مسموحة الغالية.
الهنوف: عالية بأي جامعة سجلتي.
عالية: في جامعة العين, وانتي.
الهنوف: انا سجلت بجامعة زايد.
عالية: زين الله يوفقج.
الهنوف: انا بنزل تحت ابغي اقعد مع خالتي.

وطلعت الهنوف عنهم وراحت تقعد في الصالة مع امها وخالتها.

منى ما تدري ليش كانت تحس ان الهنوف تكرها مع ان منى تشوفها للمره الأولى وما قد شافتها اول.

وفي الصالة.

ام ناصر: شخبارج يا بنيتي.
الهنوف: الحمدلله بخير يسرج الحال, انتي كيف حالج يا خالتي.
ام ناصر: الحمدلله.
ام حمد: وشخبار العيال يا ام ناصر ولهت عليهم.
ام ناصر: الحمدلله بخير وهم دايما يتخبروني عنج.
ام حمد: فديتهم, عيل وين هم ابغي اسلم عليهم.
ام ناصر: ناصر محد طالع اما مبارك فهو في الميلس عند الرياييل الحين بتصل به.

واتصلت ام ناصر بولدها مبارك عشان يسلم على خالته.

والهنوف يوم سمعت ان مبارك هنيه استانست لأنها تحبه من يوم ما كانت صغيرة بس هو معتبرنها مثل اخته مب اكثر.

مبارك: ( وهو داش الصالة ) السلام عليكم.
الكل: وعليكم السلام والرحمة.
مبارك: (وهو يحب خالته على راسها) كيف حالج يا خالتي.
ام حمد: الحمدلله بخير انت شحالك.
مبارك: يسرج الحال.
الهنوف: شخبارك مبارك.
مبارك: الحمدلله بخير, بس اسمحيلي ما عرفتج منو انتي اليازية ولا الهنوف.
الهنوف: انا الهنوف.
مبارك: هلا الهنوف شخبارج.
الهنوف: الحمدلله بخير.
مبارك: اسمحولي برد الميلس.
ام حمد: مسموح الغالي.

وراح عنهم مبارك الميلس عشان يقعد مع عيال خالته, اما الهنوف فراحت تقعد مع البنات.

وفي الميلس كانوا كل الشباب قاعدين يسولفون.

حمد: شخبار المعرس.
مبارك: الحمدلله بخير وهو يسلم عليكم.
الكل: الله يسلمه.
راشد: مبارك متى ناوي تعرس.
مبارك: قريب انشاء الله.
راشد: الله يوفقك.
مبارك: وانت يا راشد ما تفكر بالزواج.
راشد: لأ يا خوي خلني بعيد عن المشاكل ما فيني للصدعة.
مبارك: هههههههههههه الله يغربل ابليسك الحين الزواج مشاكل وصدعة.
راشد: هيه عيل شو,و يا خوي الواحد عقب ما يتزوج لازم يتحمل مسؤلية عيال وحرمه وانا ما فيني توني شباب وبعدني ما استمتعت بحريتي.
مبارك: ومتى ناوي تزوج انشاء الله يوم بتصك الأربعين.
راشد: هههههههههه لأ وانت الصادق يوم بصك الستين.
حمد: ههههههه بعدين منو هذي البنيه المينونه اللي بتاخذك وانت شيبه.
راشد: هههههههههه بتشوف منو باخذ.

وقعدوا الشباب يسولفون مع بعض وبعدين راحوا يصلون الظهر.

**************************************

 

[ضوى العيون]

وبعد صلاة العصر كان مبارك رايح حجرته عسب يبدل ملابسه لأنه متفق مع عيال خالته انهم يروحون المول قبل لا يروحون لبوظبي وهو في الممر شاف وحده طالعه من حجرة اخته والبنيه يوم شافته تغشت على طول ووقفت مكانها, اما مبارك فراح يبغي يكمل طريقه لحجرته لكنه سمع البنيه تناديه فصد عليها يبغي يعرف شو تبي منه.

الهنوف: مبارك.
مبارك: لبيه.
الهنوف: شو ما عرفتني.
مبارك: انتي الهنوف صح.
الهنوف: الحمدلله يوم عرفتني.
مبارك: وكيف ما اعرف بنت خالتي.
الهنوف: هههههههه عيل يوم كنا في الصالة ما عرفتني.
مبارك: هههههههه اسمحيلي الشيخة.
الهنوف: مسموح.

وهم يسولفون انفتح باب حجرة سارة وطلعت منى وريم يبون يروحون البيت ومنى اول ما شافت مبارك قاعد يرمس الهنوف وقفت مكانها وقعدت تطالعه وهوما منتبه لها وكان قاعد يضحك على شي الهنوف قاعده تقوله.

سارة يوم شافت اللي قاعد يصير حبت تلفت انتباه مبارك.

سارة: مبارك.
( ويوم صد مبارك صوبهم شاف منى قاعده تطالعه بنظره كلها حزن وبعدين نزلت تحت بدون ما تقول شي وريم تلحقها وتناديها لكن هي ما طاعت ترد عليها).

الهنوف كانت قاعده تطالع اللي يصير وهي مستانسه لأنها كانت قاصده هالشي وهي كانت تعرف ان منى واختها بيطلعون بأي وقت ويوم شافت مبارك رايح حجرته يات هذي الفكرة في بالها وقررت انها تنفذها عشان تبعد منى عن مبارك.

اما مبارك فكان منصدم وما يعرف شو السالفة وليش منى كانت تطالعه بهذي النظرة.

وفي السيارة منى كانت قاعده تبجي وريم تهديها .

ريم: منى حبيبتي ما صار شي وهذي بنت خالته وشي عادي اذا كلمها.
منى: لأ مب عادي, انتي ما شفتيه كيف كان قاعد يضحك معاها.
ريم: حبيبتي هذي بنت خالته.
منى: خلاص ما ابغي اسمع شي.
ريم: زين بس انتي هدي اعصابج وما بصير الا كل خير.

واول ما وصلوا البيت راحت منى حجرتها وقفلت الباب عليها وقعدت تبجي وريم حاولت معاها انها تفتح الباب بس هي ما طاعت وقالت انها تبغي تقعد بروحها شوي.

وراحت ريم حجرتها عشان ترتاح شوي لأنها من الصبح في بيت عمها واول ما دخلت غرفتها وعقت عباتها رن تلفونها.

سارة: هلا ريم.
ريم: اهلين سارة.
سارة: شخبار منى الحين.
ريم: ما ادري شو اقولج يا سارة.
سارة: خير انشاء الله شو فيها منى.
ريم: ما فيها شي بس...........
سارة: بس شو؟
ريم: طول الدرب للبيت وهي تبجي ويوم وصلنا البيت على طول دخلت حجرتها وقفلت الباب ومب طايعه تفتح الباب.
سارة: زين انتي ما حاولتي تكلمينها.
ريم: حاولت بس هي مب طايعه تسمع شي.
سارة: الله يسامح اللي كان السبب.
ريم: سارة انا اعرف ان منى غلطانه لأن الهنوف بنت خالتكم وشي عادي ان مبارك يكلمها بس شو اسوي منى من النوع الحساس وما تتحمل ابسط الأمور.
سارة: لأ يا ريم منى من حقها اللي سوته وانا اذا كنت مكانها بسوي نفس الشي واكثر.
ريم: هههههههههه والله ان ما عندكم سالفة.
سارة: زين حبيبتي بسكر عنج في ناس قاعدين على نار يبغون يعرفون اللي صار.
ريم: زين واتمنى ان منى تنسى اللي صار وما تتهور.
سارة: انشاء الله ما بصير الا كل خير, وسلمي على خالتي وحصة.
ريم: يوصل.
سارة: مع السلامة.
ريم: مع الف سلامة.

مبارك: سارة شخبار منى.
سارة: شو تبغيني اقولك.
مبارك: خير انشاء الله ليكون صار فيها شي.
سارة: مسكينة البنيه من يوم ما ردت وهي قافله الباب على عمرها وقاعده تبجي.
مبارك: ( يوم سمع هذا الكلام قلبه عوره ) وليش هذا كله.
سارة: لا وتسأل بعد انت ما شفت عمرك كيف كنت قاعد تضحك وتسولف مع الهنوف ولا نسيت انك خاطب منى وقريب بتكون ملجتكم.
مبارك: زين ما فيها شي لو كلمت بنت خالتي.
سارة: بس انت تعرف ان منى من النوع الحساس.
مبارك: والحين شو الحل.
سارة: انا نصبر لين ما تهدى منى.
مبارك: زين انا الحين طالع بروح المول.
سارة: وانا بروح حجرتي, والله فشله مخلتنهم في الحجرة من متى.
مبارك: بس ابغيج بعدين تتصلين بريم تتخبرينها عن منى.
سارة: انشاء الله.

******************************************

وبعد صلاة المغرب بعد ما روحوا بيت ام حمد كانوا الكل قاعدين في الصالة الا مبارك اللي كان قاعد في حجرته يفكر باللي صار اليوم.

ودخلت عليه اخته سارة.

سارة: مبارك.
مبارك: لبيه.
سارة: ليش قاعد بروحك خلنا ننزل نقعد في الصالة.
مبارك: ما لي بارض ابغي اقعد بروحي.
سارة: مبارك لا تفكر باللي صار وانا حاسه ان كل شي برد مثل اول.
مبارك: كيف ما تبغيني افكر انتي اكثر وحده تعرفين اشكثر احبها ومستحيل اتحمل فراقها.
سارة: انا اتصلت بريم وقالت لي انها الحين احسن من اول.
مبارك: سارة.
سارة: لبيه.
مبارك: بطلب منج طلب وارجو انج ما ترديني.
سارة: افا عليك يا خوي انت تامر بس.
مبارك: ابغي منج رقم منى.
سارة: بس........
مبارك: ارجوج يا سارة انا ما بسوي شي غلط وبعدين هي خطيبتي وانا ابغي افهمها ان اللي صار سوء تفاهم وان ما بيني وبين الهنوف شي وهي مثل اختي.
سارة: بس انا ما اعرف رقمها واستحي اطلبه من ريم لأنها بتعرف انا ليش طالبتنه.
مبارك: عيل كيف بكلمها.
سارة: لحظة على ما اظن ان رقمها عند عالية, اصبر شوي بروح اخذه منها.
مبارك: مشكورة يا اختي ما تقصرين.
سارة: العفو يا اخوي انا ما سويت شي.

وراحت سارة وخذت الرقم من عالية وعطته لمبارك.

في البداية مبارك كان متردد انه يتصل فيها وبعدين قرر انه يتصل لأنه مب قادر يتحمل .

واتصل فيها مبارك بس هي ما ردت عليه, وبعدين طرش لها مسج.

وفي الصوب الثاني كانت منى بعدها تبجي وكانت تسمع تلفونها يرن ولكنها ما كانت تبغي ترمس حد ويوم سمعت نغمة المسج راحت تبغي تشوف منو مطرش لها مسج, ويوم شافت الرقم شافت انه رقم غريب وقعدت تقرا المسج.

( حبيبتي انا اسف وارجوج ردي علي ابغي ارمسج ولو لمره وحده ... مبارك )

ورن التلفون مره ثانيه بس منى ما طاعت ترد عليه وبعدين طرش لها مسج ثاني.

( منى لو كنتي صدج تحبيني ردي علي )

ويوم اتصل لها مبارك للمره الثالثه ردت عليه.

مبارك: منى حبيبتي.
منى: ( ما كانت قادره ترمس من كثر البجي ومبارك حس انها قاعده تبجي )
مبارك: فديتج لا تبجين انا اسف.
منى: ما في داعي تعتذر وانسى انك في يوم حبيت وحده اسمها منى.
مبارك: حبيبتي لا تقولين هذا الكلام صدقيني ما بيني وبينها شي انا اعتبرها مثل اختي.
منى: مبارك ارجوك ما ابغي اسمع شي.
مبارك: انا اللي ارجوج انج تسمعيني.
منى: مهما قلت مستحيل اسامحك.
مبارك: منى انا احبج وارجوج لا تهدمين الحب اللي بينا انا من غيرج ما اقدر اعيش.
منى: مبارك خلاص انساني.

وسكرت عنه التلفون وقعدت تبجي وهو رد يتصل فيها بس هي ما طاعت ترد.

**************************************

واليوم الثاني الصبح قامت منى من الرقاد وهي تحس عمرها تعبانه لأنها رقدت متأخر وراحت حجرة اختها ريم لأنها كانت محتاجه ترمس حد ودقت الباب ودخلت.

منى: صباح الخير.
ريم: صباح النور, هلا حبيبتي دخلي ليش واقفه عند الباب.
منى: ريم.
ريم: لبيه.
منى: امس مبارك رمسني في التلفون.
ريم: ( يوم سمعت هالكلام انصدمت بس ما قالت شي ).
منى: ليش ساكته قولي شي.
ريم: منى حبيبتي انتي اللي سويته غلط وما ابغيج تزعلين مني.
منى: وانا اقدر ازعل منج.
ريم: عيل ابغيج تسمعين الكلام اللي بقوله وتفكرين فيه عدل.
منى: قولي.
ريم: منى الهنوف بنت خالة مبارك وهذا شي عادي انه يكلمها ويضحك معاها.
منى: انا اعرف بس ما ادري ليش ما قدرت اتحمل اشوف هذا الشي.

وقعدت منى تبجي وراحت ريم لها ولوت عليها.

ريم: فديتج لا تبجين, ولازم تفكرين في الموضوع عدل لأن حرام تهدمين الحب اللي بينكم عشان شي ما يستاهل.
منى: حتى مبارك قال نفس الكلام.
ريم: والحين يلا ابغيج تمسحين دموعج عشان ننزل تحت نتريق مع امايه وحصة وما ابغي اشوفج تبجين مره ثانيه.
منى: انشاء الله.
ريم: ولا تنسين انا اليوم لازم نروح بيت عمي.
منى: ما اقدر يا ريم.
ريم: ليش ما تقدرين؟
منى: اخاف اشوف مبارك هناك.
ريم: منى انتي تعرفين ان باجر عرس سارة ولازم نروح عندهم ولا شو بقولون عنا.
منى: بس..........
ريم: منى انتي لازم تتغلبين على هالشي وتحاولين تنسين اللي صار, واذا كنتي تبغين نصيحتي عطي مبارك فرصة ثانية عشان يشرح لج السالفة.
منى: بحاول.

ونزلوا تحت عشان يتريقون , وفي الصالة لقوا امهم وحصة قاعدين وبعد ما سلموا عليهم قعدوا يسولفون.

ريم: شخبارج حصة.
حصة: الحمدلله بخير.
ريم: واااااااااااااي متى بيي البيبي.
حصة: هههههههههه توها الناس انا بعدني في الشهر الخامس.
ريم: انشاء الله يكون توأم.
حصة: ههههههههه الدكتورة قالت انهم توأم.
ريم: ( وهي مستانسه ) صدج.
حصة: هيه.
ريم: الله بكون عندنا توأم.
ام عبدالله: المهم ان حصة تقوم بالسلامة.

وقعدوا يسولفون وبعدين راحوا يتريقون, وطول الوقت ومنى في عالم ثاني قاعده تفكر بمبارك.

****************************

 

[ضوى العيون]

وبعد صلاة العصر راحوا كلهم بيت عمهم.

وفي حجرة سارة.

سارة: منى حبيبتي انا اسفة.
منى: على شو تتأسفين, انتي مالج ذنب باللي صار.
سارة: بس انا اللي عطيت مبارك رقمج.
منى: ما في داعي تعتذرين.
سارة: يعني انتي مب متضايقه من هذي السالفة.
منى: لأ انا اعرف انج سويتي هذا الشي لمصلحتنا.
سارة: فديت مرت اخوي الطيبة.
ريم: بس منى بعدها شاله في خاطرها على مبارك.
عالية: صدج منى هالكلام.
منى:......................
سارة: منى ليش ساكته.
عالية: منى حبيبتي لا تشيلين هم اصلا احنا كلنا في صفج ونعرف ان اللي سواه مبارك غلط.
ريم: هههههههههههه صدج انكم كلكم ما عندكم سالفة.
سارة: يلا عاد انسوا السالفة, وانا حاسه انهم بحلون سوء التفاهم اللي بينهم بروحهم من غير مساعدة حد.
ريم: الله يسمع منج, عشان تعرس منى ونفتك منها.
منى: لا والله ليش انا قاعده على قلبج.
ريم: واخيرا تكلمت البنيه.
منى: ههههههههه الله يغربل ابليسج.
عالية: وضحكت بعد.
منى: بس عاد ولا تراني برد البيت.
سارة: هههههههه لا لا دخيلج بس بنسكت.

وقعدوا البنات يسولفون وبعدين صلوا المغرب ونزلوا تحت عشان يقعدون في الصالة, وفي الصالة كان ابو ناصر وحرمته قاعدين وبعد ما سلموا البنات على عمهم قعدوا يسولفون, وسارة راحت قعدت في النص بين ابوها وامها.

سارة: ( وهي تلوي على ابوها ) فديتك يا ابوي بشتاق لك وايد.
ابو ناصر: ههههههه اللي يسمعج الحين يقول انج بتروحين بعيد عني الا انتي بتروحين بيت ريلج وهو قريب وتقدرين تزورينا في أي وقت.
سارة: بس بعد بتكونون عني بعاد.
ام ناصر: الظاهر انج بس بتشتاقين بس لأبوج وانا بتنسيني.
سارة: ( وهي تضحك وتلوي على امها ) فديتج يالغالية وانا اقدر انساج انتي الحب كله لج.
عالية: تسمع يا بوي شو تقول.
ابو ناصر: هيه بس عادي عندي بنتي حبيبتي عالية.
عالية: فديتك يا ابوي.
ام ناصر: شو يا ابو ناصر تغار.
سارة: هههههههههه فديتكم انتوا الأثنين, الله لا يحرمني منكم.
ابو ناصر: ولا يحرمنا منج يا بنتي.

وهم قاعدين دخل عليهم مبارك.

مبارك: السلام عليكم.
الكل: وعليكم السلام.

مبارك: راح وقعد صوب ابوه لكن نظراته كلها كانت متجه لمنى اللي كان يطالعها من يوم ما دخل.
اما منى فأول ما شافته حست بدموعها تنزل وحمدت ربها انها متغشية عشان محد يلاحظ هالشي.

ابو ناصر: وين انت يا ولدي اليوم محد شافك ابدا.
مبارك: كنت مشغول شوي.
وهنيه دخل ناصر هو وحرمته وبنتهم ميثا اللي كانوا يايين من بيت اهل مها.

ناصر+ مها: السلام عليكم.
الكل: وعليكم السلام والرحمه.
ميثا على طول راحت عند يدها اللي شلها وقعدها في حضنه.
ابو ناصر: فديتج والله.
ميثا: دي انا حوه ( يدي انا حلوه )
ابو ناصر: انتي حلوه وعسل بعد.
ميثا: دي انا اتل ( يدي انا عسل )
ابو ناصر: هيه.

وقعدوا كلهم يضحكون على سوالف ميثا الا اثنين كانوا في عالم ثاني كل واحد فيهم يفكر بالثاني.

سارة: اليوم اخر ليلة لي عندكم وعشان جيه ابغي مبارك يقول لنا قصيدة من قصايده.

ابو ناصر: ما احيد مبارك يقصد.
عالية: بالعكس يا ابوي مبارك يحب يقصد ودايما يوم يكون معانا يسمعنا من قصايده.
ابو ناصر: صدق الكلام اللي تقوله عالية يا مبارك.
مبارك: ههههههه هيه يا بوي بس انا مب لهناك اعرف اقصد.
ناصر: يلا عاد خل عنك واقصد لنا.
مبارك: انشاء الله.

بعدك يزيد الشوق .. قربك يزيد الحب
واصبحت انا المحتار ما بين بعد وقرب

حبي يبي يزداد وشوقي يبي يكبر
تايه انا كلي مــــــا بين عين وقــــلـــب

في البعد لك اشتاق مهما تكون ابعيد
في القرب انا اهواك يا غالي واتعذب

لا تقـترب مـني ولا تبتعد عـنــي
ابقي لي لو تسمح يا عمري نص الدرب

شوقي اذا لك زاد ما اضمنه يبقى
حتى ولو هو قل .. خوفي ترى ينضب

والحب لو كثر .. زادت بي الغيرة
وان ذاب لك قلبي يمكن ترى ما حب

خلك مثل ما نته .. لا تغير اسلوبك
راضي انا ابكل شي لو أشقى أو أتعب

ارتاح وريحني ولا تشترط أي شرط
واحلامك ان ضاعت .. مالي انا أي ذنب**

ابو ناصر: صح لسانك يا ولدي.
مبارك: صح بدنك يا بوي.

مبارك طول الوقت وهو يقصد كان يطالع منى وهي كانت تطالعه وعرفت ان القصيدة لها.

ناصر: ما شاء الله عليك يا مبارك وتقول انك ما تعرف.
عالية: الله اخوي شاعر.
مبارك: هههههههههه انا مب شاعر لا تطلعين عني اشاعات.
سارة: فديت اخوي المتواضع.

وقعدوا كلهم يسولفون وبعدين رحوا ريم ومنى .

**********************************
اليوم هو عرس سارة وجاسم والكل مستانس وفرحان لهم.

كل البنات كانوا متيمعين في بيت ابو ناصر لأن راعيات الصالون بيون يعدلونهم وعلى الساعة سبع ونص وبعد ما خلصوا البنات وتصورا اتصلوا في ناصر ومبارك عشان يروحون القاعة, وركبت سارة ومها وريم في سيارة ناصر اما منى وعالية فراحوا مع مبارك.

وبعد ما وصلوا قال مبارك لعالية انها تنزل لأنه يبغي يكلم منى شوي, ومنى يوم سمعته بغت تنزل لكنها ما قدرت لأنها تبغي تعرف مبارك شو يبغي يقول لها.

مبارك: منى انتي لمتى بتظلي زعلانه مني حرام عليج ارحميني انا قلت لج انها مثل اختي مب اكثر, ليش مب راضيه تصدقيني.
منى: مبارك ارجوك بعدين بنتكلم في هذا الموضوع مب الحين.
مبارك: متى بعدين يا منى.
منى: مبارك ارجوك لا تضغط علي.
مبارك: خلاص نزلي ما ابغي اعطلج, الظاهر ان العرس اهم مني انا.
منى: مبارك لا تقول هذا الكلام.
مبارك: عيل شو تبغيني اقول.
منى: حرام عليك انا بروحي تعبانه.
مبارك: خلاص انسي اني كلمتج.

ونزلت منى من السيارة وهي تحس ان الدنيا تدور فيها وما تدري كيف وصلت للقاعة ويوم شافتها عالية خافت لأن ويها كان اصفر رغم المكياج.

عالية: منى حبيبتي شو فيج.
منى: ما فيني شي بس راسي شوي يعورني.
عالية: سلامات.
منى: الله يسلمج, عيل وين البنات.
عالية: مع سارة في الغرفة اللي ورى القاعة.
منى: زين خلني اسلم على اهلنا وعقب بنروح لهم.
عالية: زين, بس انتي متأكده ان ما فيج شي ثاني.
منى: هيه.

وراحوا البنات وسلموا على الحريم وبعدين راحوا عند سارة والبنات.

وفي الحجرة اللي ورى القاعة.

نوف: ما شاء الله عليج يا سارة قمر.
ريم: الحين اخوي بيتخبل عليها.
سارة: سكتوا عني انا بروحي اتنافض.
عالية: وليش كل هذا الخوف.
سارة: بنشوف يوم عرسج شو بتسوين.
عالية: ههههههههه لأ حبيبتي ما بسوي جيه بكون عادي.
نوف: اشفيج منى ساكته.
منى: ها لأ ما فيني شي بس احس بشوية صداع.
نوف: سلامات.
منى: الله يسلمج.

وبعد الساعة 10.30 دخلوا سارة على موسيقى كلاسيكية وكل الأنظار كانت متجها صوبها وبعد ما قعدت سارة بدت الفرقة تعزف وقعدوا البنات تصورا معاها وبعدين قاموا يرقصون, والساعة 11.30دخل جاسم وابو ناصر وناصر ومبارك وعقب ما سلموا عليها وتصورا معاها طلعوا.

اما جاسم فكان مستانس من الخاطر ومسك ايدها وباسها, وسارة مسكينة كانت مستحية وويها صار احمر من كثر المستحى والبنات قعدوا يضحكون عليها.

جاسم: واخيرا ما اصدق عمري.
سارة: لأ صدق.
جاسم: فديتج الله لا يحرمني منج.
سارة: ولا يحرمني منك يا رب.
جاسم وهو يهمس لها ) سارونة احبج.
سارة: ( وهي منزلة راسها ) وانا بعد.
جاسم: ما اسمع.
سارة: جاسم استحي.
جاسم: فديت اللي يستحون.

وبعدين قاموا قصوا الكيك وبعدين روحوا البيت عشان سارة تبدل ملابسها, وبعدين راحوا دبي لأنهم بتمون ببرج العرب كم يوم وبعدين بسافرون لأيطاليا.

 

[ضوى العيون]

اما منى المسكينة فردت البيت وعلى طول دخلت حجرتها وقفلت الباب, وريم ما حبت تزعجها لأنها تبغي منى تتغلب على شعورها وتحس بالغلط اللي سوته.

ومنى قاعده تفكر بمبارك وبحالهم وصلها مسج من مبارك.

( ليتها عيوني عيونك وقلبي يسكن في حشاك كنت تدري ليش أعزك وقتها تعرف غلاك )

منى يوم قرت المسج ما قدرت تمسك عمرها وقعدت تبجي وبعدين اتصلت لمبارك اللي ما رد عليها وقعدت تحاول وتحاول وبعدين طرشت له مسج.

( مبارك ارجوك رد علي, حرام عليك ما قادره امسك عمري من كثر البجي, خلاص انا اسفة بس رد علي ابغي اكلمك ولو لمره وحده )

وبعدين اتصلت له ولكن بعد ما رد عليها, ويوم ما رد عليها فرت التلفون وقعدت تبجي وتمت فترة على هالحالة وفجأة رن التلفون, و أول ما سمعته يرن قامت تدور التلفون.

مبارك: الو.
منى: ( وهي تبجي ) مبارك انا اسفة, الله يخليك سامحني.
مبارك: خلاص حبيبتي انا اللي اسف.
منى: حبيبي انت مب زعلان مني.
مبارك: و أنا اقدر ازعل منج.
منى: عيل ليش ما رديت علي.
مبارك: اسف حبيبتي كنت ناسي التلفون بالسيارة.
منى: كنت خايفه ان كل شي انتهى وانك ما راح تسامحني.
مبارك: وانا اقدر اسوي هالشي.
منى: فديتك الله لا يحرمني منك.
مبارك: ولا يحرمني منج يا حياتي.
منى: مبارك.
مبارك: لبيه.
منى: احبك.
مبارك: فديتج وانا بعد احبج وامووووووووووووووت فيج.
منى: ههههههههه لها الدرجة.
مبارك: واكثر.

وقعدوا يسولفون مع بعض وبعدين سكروا عن بعض وهم مرتاحين.

*****************************

وتمر الأيام ويرد جاسم وسارة من شهر العسل بعد ما قضوا شهر في ايطاليا, وتبدا ريم بالتجهيز لعرسها اللي قرب اما منى ومبارك فعلاقتهم صارت اقوى وكانوا يكلمون بعض كل يوم, وفي الصوب الثاني تقدم حميد لخطبة عالية وابوناصر سأل عنه وبعد ما عرف انه شاب ما ينعاب والكل يمدح فيه وافق عليه,وقرروا ان الملجة بتكون في شهر واحد والعرس يكون في شهر اثنين.

وفي هالأثناء كانت حالة حصة تسوء يوم عن يوم, حتى انها ما قامت تطلع من حجرتها وعبدالله كان خايف عليها وحاس انها خاشه عنه شي وما تبغي تقوله.

وفي يوم من الأيام كانت ريم راده من الجامعة هي واختها منى واول ما دخلوا الصالة حصلوا سارة قاعده بروحها وشكلها كان تعبان.

ريم + منى: السلام عليكم.
سارة: وعليكم السلام والرحمة.
ريم: خير يا سارة, شكلج مب عايبني شو فيج.
سارة: حصة.
منى: خير انشاء الله شو فيها حصة.
سارة: قبل شوي تعبت وودوها المستشفى.
ريم: بس هي بعدها توها داخله في الشهر السابع.
سارة: والله اني خايفة عليها.
منى: لا تخافين ما بصير الا كل خير.
ريم: زين انتي ليش ما رحتي معاهم.
سارة: جاسم قالي اترياكم ونروح مع بعض.
ريم: زين يلا خلنا نروح.

وبعد ما وصلوا المستشفى شافوا الكل قاعد يتريا برع غرفة الولادة.

ريم: امايه شو صار على حصة.
ام عبدالله: والله ما ادري يا بنتي الدكتورة مب طايعه تقول لنا شي.
منى: الله يقومها بالسلامة.
الكل: امين.

وهنيه تطلع الدكتورة ويروح لها عبدالله عشان يسأل عن حصة.

عبدالله: دكتورة كيف حال حصة.
الدكتورة: اخوي انا ما ابغي اخش عنك بس حرمتك حالتها خطيرة ويمكن.........
عبدالله: ويمكن شو؟
الدكتورة: الولادة متعسرة وهذا يشكل خطر على حياتها وحياة الجنين.
عبدالله: دكتورة اهم شي عندي حصة.
الدكتورة: احنا بنحاول وانشاء الله ما بصير الا كل خير.
عبدالله: انشاء الله.

وراحت عنه الدكتورة.

ام عبدالله: خير يا ولدي شو قالت الدكتورة.
عبدالله: تقول ان الولادة متعسرة ويمكن تشكل خطر على حياتها.
ام عبدالله: ( ودموعها بدت تنزل ) الله يساعدج يا بنتي ويقومج بالسلامة.
سارة: هدي اعصابج يا عمتي وانشاء الله ما بصير الا كل خير.
ريم: زين ليش ما اتصلتوا باهلها.
جاسم: اتصلنا بس محد يرد.

وتموا على هذي الحالة قرابة الساعتين وعبدالله كانت حالته حالة كان خايف يفقد حصة الإنسانة اللي حبها وتزوجها.

وهنيه ظهرت لهم الدكتورة.

عبدالله: ها بشري يا دكتورة.
الدكتورة: مبروك حصة يابت توأم ولد وبنت.
عبدالله: وحصة كيف حالها.
الدكتورة: الحمدلله, حصة بخير وعدت مرحلة الخطر.
عبدالله: ( ودموعه بدت تنزل من الفرحة ) الله يبشرج بالخير.
الدكتورة: بس ما اوصيك حصة محتاجة للراحة وما لازم تتعب نفسها ابدا.
عبدالله: لا توصين حريص, بس اقدر اشوفها يا دكتورة.
الدكتورة: مب الحين, خلنا اول ننقلها لغرفتها وبعدين تقدرون تشوفونها.

الكل كان مستانس من الخاطر على سلامة حصة واليهال اللي حطوهم في الحضانة لأنهم قاصرين.

وبعد ما نقلوا حصة لغرفة خاصة الكل راح يتطمن عليها.

عبدالله: الحمدلله على السلامة يا ام سعود.
حصة: الله يسلمك, بس كيف حال اليهال.
عبدالله: الحمدلله بخير, بس حطوهم في الحضانة لأنهم قاصرين.
الكل: الحمدلله على السلامة.
حصة: الله يسلمكم من كل شر.
ام عبدالله: والحين يا حصة نبغيج ترتاحين وما تعبين عمرج.
حصة: انشاء الله عموه.
ريم: يلا خلونا نطلع.
ام عبدالله: عبدالله يا ولدي انت تم عند حرمتك وانا بروح البيت شوي وبرد.
عبدالله: ما يحتاي تقولي لي اصلا منو قال لكم اني بتحرك من هنيه.

الكل قام يضحك على عبدالله وعلى حصة اللي ويها احمر.

وطلعوا كلهم وروحوا للبيت.

عبدالله: فديتج يا عمري الله لا يحرمني منج.
حصة: ولا يحرمني منك يا رب.
عبدالله: كنت خايف انج...............
حصة: الدكتورة كانت قايلة لي من البداية عن هذا الشي بس انا ما حبيت اقولك.
عبدالله: ليش خشيتي عني هذا الشي من البداية.
حصة: حبيبي ما بغيتك تستهم علي.
عبدالله: شو هذا الكلام انا من غيرج ما اقدر اعيش.
حصة: لا تقول هذا الكلام الله يطول في عمرك.
عبدالله: لها الدرجة تحبيني.
حصة: واكثر.
عبدالله: ( وهو يحبها على راسها ) فديتج وانا بعد احبج واموت فيج.
حصة: زين شو بتسمي اليهال.
عبدالله: انتي اختاري.
حصة: لأ انا ابغيك انت تسميهم.
عبدالله: الولد بسميه على اسم ابوي الله يرحمه خليفة.
حصة: الله يرحمه, والبنيه شو بتسميها.
عبدالله: بسميها شيخة على اسم امايه.
حصة: انا بعد كان في خاطري هالأسم.
عبدالله: فديتج الحين لازم ترتاحين.
حصة: انشاء الله, بس وانت ياي العصر ابغيك تييب معاك سعود ولهت عليه.
عبدالله: انشاء الله.

وقعد عبدالله مع حصة شوي وبعد ما يات ام عبدالله راح البيت عشان يرتاح ويرد لها العصر.

**********************************

 

[ضوى العيون]

اما منى المسكينة فردت البيت وعلى طول دخلت حجرتها وقفلت الباب, وريم ما حبت تزعجها لأنها تبغي منى تتغلب على شعورها وتحس بالغلط اللي سوته.

ومنى قاعده تفكر بمبارك وبحالهم وصلها مسج من مبارك.

( ليتها عيوني عيونك وقلبي يسكن في حشاك كنت تدري ليش أعزك وقتها تعرف غلاك )

منى يوم قرت المسج ما قدرت تمسك عمرها وقعدت تبجي وبعدين اتصلت لمبارك اللي ما رد عليها وقعدت تحاول وتحاول وبعدين طرشت له مسج.

( مبارك ارجوك رد علي, حرام عليك ما قادره امسك عمري من كثر البجي, خلاص انا اسفة بس رد علي ابغي اكلمك ولو لمره وحده )

وبعدين اتصلت له ولكن بعد ما رد عليها, ويوم ما رد عليها فرت التلفون وقعدت تبجي وتمت فترة على هالحالة وفجأة رن التلفون, و أول ما سمعته يرن قامت تدور التلفون.

مبارك: الو.
منى: ( وهي تبجي ) مبارك انا اسفة, الله يخليك سامحني.
مبارك: خلاص حبيبتي انا اللي اسف.
منى: حبيبي انت مب زعلان مني.
مبارك: و أنا اقدر ازعل منج.
منى: عيل ليش ما رديت علي.
مبارك: اسف حبيبتي كنت ناسي التلفون بالسيارة.
منى: كنت خايفه ان كل شي انتهى وانك ما راح تسامحني.
مبارك: وانا اقدر اسوي هالشي.
منى: فديتك الله لا يحرمني منك.
مبارك: ولا يحرمني منج يا حياتي.
منى: مبارك.
مبارك: لبيه.
منى: احبك.
مبارك: فديتج وانا بعد احبج وامووووووووووووووت فيج.
منى: ههههههههه لها الدرجة.
مبارك: واكثر.

وقعدوا يسولفون مع بعض وبعدين سكروا عن بعض وهم مرتاحين.

*****************************

وتمر الأيام ويرد جاسم وسارة من شهر العسل بعد ما قضوا شهر في ايطاليا, وتبدا ريم بالتجهيز لعرسها اللي قرب اما منى ومبارك فعلاقتهم صارت اقوى وكانوا يكلمون بعض كل يوم, وفي الصوب الثاني تقدم حميد لخطبة عالية وابوناصر سأل عنه وبعد ما عرف انه شاب ما ينعاب والكل يمدح فيه وافق عليه,وقرروا ان الملجة بتكون في شهر واحد والعرس يكون في شهر اثنين.

وفي هالأثناء كانت حالة حصة تسوء يوم عن يوم, حتى انها ما قامت تطلع من حجرتها وعبدالله كان خايف عليها وحاس انها خاشه عنه شي وما تبغي تقوله.

وفي يوم من الأيام كانت ريم راده من الجامعة هي واختها منى واول ما دخلوا الصالة حصلوا سارة قاعده بروحها وشكلها كان تعبان.

ريم + منى: السلام عليكم.
سارة: وعليكم السلام والرحمة.
ريم: خير يا سارة, شكلج مب عايبني شو فيج.
سارة: حصة.
منى: خير انشاء الله شو فيها حصة.
سارة: قبل شوي تعبت وودوها المستشفى.
ريم: بس هي بعدها توها داخله في الشهر السابع.
سارة: والله اني خايفة عليها.
منى: لا تخافين ما بصير الا كل خير.
ريم: زين انتي ليش ما رحتي معاهم.
سارة: جاسم قالي اترياكم ونروح مع بعض.
ريم: زين يلا خلنا نروح.

وبعد ما وصلوا المستشفى شافوا الكل قاعد يتريا برع غرفة الولادة.

ريم: امايه شو صار على حصة.
ام عبدالله: والله ما ادري يا بنتي الدكتورة مب طايعه تقول لنا شي.
منى: الله يقومها بالسلامة.
الكل: امين.

وهنيه تطلع الدكتورة ويروح لها عبدالله عشان يسأل عن حصة.

عبدالله: دكتورة كيف حال حصة.
الدكتورة: اخوي انا ما ابغي اخش عنك بس حرمتك حالتها خطيرة ويمكن.........
عبدالله: ويمكن شو؟
الدكتورة: الولادة متعسرة وهذا يشكل خطر على حياتها وحياة الجنين.
عبدالله: دكتورة اهم شي عندي حصة.
الدكتورة: احنا بنحاول وانشاء الله ما بصير الا كل خير.
عبدالله: انشاء الله.

وراحت عنه الدكتورة.

ام عبدالله: خير يا ولدي شو قالت الدكتورة.
عبدالله: تقول ان الولادة متعسرة ويمكن تشكل خطر على حياتها.
ام عبدالله: ( ودموعها بدت تنزل ) الله يساعدج يا بنتي ويقومج بالسلامة.
سارة: هدي اعصابج يا عمتي وانشاء الله ما بصير الا كل خير.
ريم: زين ليش ما اتصلتوا باهلها.
جاسم: اتصلنا بس محد يرد.

وتموا على هذي الحالة قرابة الساعتين وعبدالله كانت حالته حالة كان خايف يفقد حصة الإنسانة اللي حبها وتزوجها.

وهنيه ظهرت لهم الدكتورة.

عبدالله: ها بشري يا دكتورة.
الدكتورة: مبروك حصة يابت توأم ولد وبنت.
عبدالله: وحصة كيف حالها.
الدكتورة: الحمدلله, حصة بخير وعدت مرحلة الخطر.
عبدالله: ( ودموعه بدت تنزل من الفرحة ) الله يبشرج بالخير.
الدكتورة: بس ما اوصيك حصة محتاجة للراحة وما لازم تتعب نفسها ابدا.
عبدالله: لا توصين حريص, بس اقدر اشوفها يا دكتورة.
الدكتورة: مب الحين, خلنا اول ننقلها لغرفتها وبعدين تقدرون تشوفونها.

الكل كان مستانس من الخاطر على سلامة حصة واليهال اللي حطوهم في الحضانة لأنهم قاصرين.

وبعد ما نقلوا حصة لغرفة خاصة الكل راح يتطمن عليها.

عبدالله: الحمدلله على السلامة يا ام سعود.
حصة: الله يسلمك, بس كيف حال اليهال.
عبدالله: الحمدلله بخير, بس حطوهم في الحضانة لأنهم قاصرين.
الكل: الحمدلله على السلامة.
حصة: الله يسلمكم من كل شر.
ام عبدالله: والحين يا حصة نبغيج ترتاحين وما تعبين عمرج.
حصة: انشاء الله عموه.
ريم: يلا خلونا نطلع.
ام عبدالله: عبدالله يا ولدي انت تم عند حرمتك وانا بروح البيت شوي وبرد.
عبدالله: ما يحتاي تقولي لي اصلا منو قال لكم اني بتحرك من هنيه.

الكل قام يضحك على عبدالله وعلى حصة اللي ويها احمر.

وطلعوا كلهم وروحوا للبيت.

عبدالله: فديتج يا عمري الله لا يحرمني منج.
حصة: ولا يحرمني منك يا رب.
عبدالله: كنت خايف انج...............
حصة: الدكتورة كانت قايلة لي من البداية عن هذا الشي بس انا ما حبيت اقولك.
عبدالله: ليش خشيتي عني هذا الشي من البداية.
حصة: حبيبي ما بغيتك تستهم علي.
عبدالله: شو هذا الكلام انا من غيرج ما اقدر اعيش.
حصة: لا تقول هذا الكلام الله يطول في عمرك.
عبدالله: لها الدرجة تحبيني.
حصة: واكثر.
عبدالله: ( وهو يحبها على راسها ) فديتج وانا بعد احبج واموت فيج.
حصة: زين شو بتسمي اليهال.
عبدالله: انتي اختاري.
حصة: لأ انا ابغيك انت تسميهم.
عبدالله: الولد بسميه على اسم ابوي الله يرحمه خليفة.
حصة: الله يرحمه, والبنيه شو بتسميها.
عبدالله: بسميها شيخة على اسم امايه.
حصة: انا بعد كان في خاطري هالأسم.
عبدالله: فديتج الحين لازم ترتاحين.
حصة: انشاء الله, بس وانت ياي العصر ابغيك تييب معاك سعود ولهت عليه.
عبدالله: انشاء الله.

وقعد عبدالله مع حصة شوي وبعد ما يات ام عبدالله راح البيت عشان يرتاح ويرد لها العصر.

**********************************

 

[ضوى العيون]

وتمر الأيام وتطلع حصة من المستشفى, اما اليهال فخلوهم في المستشفى لأنهم قاصرين وكانت حصة تروح لهم كل يوم عشان ترضعهم.

وفي الأثناء كانت ريم قاعده تتجهز لعرسها اللي ما باقي عليه غير اسبوعين حتى انها وقفت عن الدراسة عشان تتفرغ للعرس .


الأيام تمر بسرعة وعرس ريم ما باقي عليه غير يومين والكل مستانس الإ انسان واحد كان يحس بالتعاسة رغم اجواء الفرح اللي تسود حواليه, هو ما كان قادر يتقبل فكرة ان وحده ثانية غير حبيبته تشاركه حياته.

وفي يوم العرس الفير قامت ريم من النوم وبعد ما صلت طلعت تقعد في البلكونه, ريم اليوم كانت تحس بحزن فضيع لأنها بتفارق امها واخوانها ولكنها كانت تتمنى ان ابوها يكون معها في هاليوم, ودمعت عينها وهي تفكر بأبوها اللي توفى يوم كان عمرها 12 سنة, هي كانت اكثر وحده متعلقه فيه وكانت ابدا ما تفارقه وهو بعد كان يحبها وايد.

ريم: ( وهي تبجي ) ليش يا بوي رحت وخليتني بروحي, انا محتاجه لك في هذا اليوم, ليتك تكون معاي بس ما اقول غير الله يرحمك يالغالي ويغمد روحك الجنة.

وهنيه سمعت صوت حد يدق الباب.

ريم: منو؟
ام عبدالله: غناتي فتحي الباب هذي انا.
ريم: انشاء الله.

وفتحت ريم الباب وحبت امها على راسها.

ام عبدالله: فديتج اليوم ناشه من وقت.
ريم: انا دايما انش هذا الوقت عشان اصلي الفير.
ام عبدالله: بارك الله فيج يابنيتي.
ريم: فديتج امايه بشتاق لج, ما ادري كيف بصبر عنج.
ام عبدالله: ( وعينها تدمع ) والله وكبرت يا ريم وصرتي عروس ويا اليوم اللي بتروحين فيه بيت ريلج, بس ما اوصيج يا بنتي بريلج.
ريم: انشاء الله امايه.
ام عبدالله: يلا الحين خلنا ننزل تحت نقعد شوي في الحديقة مليت من القعده داخل.
ريم: انشاء الله.

********************************

وفي حجرة جاسم وسارة.

سارة كانت توها مخلصه صلاة يوم دخل عليها جاسم.

جاسم: تقبل الله.
سارة: منا ومنكم.
جاسم: حياتي اشفيج, شكلج اليوم متغير.
سارة: ما فيني شي.
جاسم: لا بس اليوم محلوه زياده.
سارة: ههههههههههه الله يغربل ابليسك خوفتني.
جاسم: فديت هالضحكة الله لا يحرمني منج يا حبيبتي.
سارة: ولا يحرمني منك يا عمري.
جاسم: سارونه حبيبتي شو رايج نسافر مره ثانية.
سارة: ههههههه انت من صدجك, احنا من فترة قريبة رادين من السفر وتبغينا نسافر مره ثانية.
جاسم: هيه شو فيها, شهر عسل ثاني.
سارة: هههههههههههههه.
جاسم: احبج احبج احبج.
سارة: ( وهي مستحية ) بس عاد.
جاسم: فديت اللي يستحون.
سارة: خل عنك هالكلام وخلنا نروح الصالة.
جاسم: زين انتي روحي وانا ببدل ملابسي وبلحقج.
سارة: بس لا تبطي.
جاسم: هههههههه ما تقدرين تصبرين عني.
سارة: هيه مب ريلي وحبيبي.
جاسم: الله على هالكلام الحلو, شو اسوي بعمري الحين, خلاص بروح انتحر.
سارة: ههههههههه بسم الله عليك يا حياتي يعل يومي قبل يومك.
جاسم: فديتج لا تقولين هالكلام الله يخليج لي.
سارة: ويخليك لي يا رب.

وطلعت سارة عن ريلها وراحت تسلم على عمتها اللي كانت قاعده في الحديقة هي وريم.

سارة: صباح الخير.
ام عبدالله + ريم : صباح النور.
سارة: ( وهي تحب راس عمتها ) شخبارج عموه.
ام عبدالله: الحمدلله بخير, انتي شخبارج يا بنتي انشاء الله مرتاحه.
سارة: الحمدلله يسرج الحال.
ريم: عيل جاسم وينه.
سارة: الحين بيي.
ريم: سارة قلتي لعالية انها تيي عشان تتعدل معنا.
سارة: هيه قلتلها.

وهنيه وصل جاسم وسلم على امه وقعد يسولف معاهم.

***********************************

وبالليل الساعة سبع ونص وبعد ما خلصوا البنات وتعدلوا, وتصورت ريم وتصوروا معها البنات راحوا للقاعة.

وبعد ما وصلوا البنات القاعة دخلوا ريم الغرفة المخصصه بالعروس وراحوا يسلمون على المعازيم.

عالية: منى تعالي معاي بروح اسلم على عمتي.
منى: وليش ما تروحين بروحج.
عالية: استحي, يلا عاد تعالي معاي.
منى: اوكي.

وراحت عالية وسلمت على عمتها ام حميد وبناتها.

مريم: ( اخت حميد ) الله عليج مرت اخوي شو هالجمال.
عفرا: قولي ما شاء الله, ما فينا تحسدين مرت اخوي.
مريم: هههههههههههه ما شاء الله.
عالية: عيل وين فاطمة, ليش ما يات معاكم.
مريم: فاطمة الله يسلمج كان ودها تيي معانا بس تعبت شوي.
عالية: سلامتها وما تشوف شر.
ام حميد: الله يسلمج يابنتي.
عفرا: اقول عالية, ما عرفتينا على هالبنية المزيونه.
عالية: هههههههه بهذي السرعة نسيتيها هذي منى بنت عمي.
عفرا: اسمحيلي الغالية ما ادري اشفيني هالأيام وايد انسى.
منى: مسموحه الغالية.
مريم: ها منى متى العرس انشاء الله.
منى: ( وهي مستحية ) قريب انشاء الله.
عالية: اسمحولنا بنروح عند العروس لأنهم بطلعونها بعد شوي.
ام حميد: مسموحه يا بنتي.

منى: والله انهم حبوبات وسوالفهم ما تنمل.
عالية: هيه, انا في البداية كنت خايفه اني ما اندمج معاهم بس بعد ما قعدت معاهم حسيت اني اعرفهم من زمان.
منى: انا اكثر وحده تعيبني عفرا لأنها راعية سوالف.
عالية: حتى فاطمة, بس خسارة ما حضرت العرس.

وفي الحجرة المخصصه للعروس.

ريم: سارة لحقي علي والله مب رايمه اوقف.
سارة: هههههههههه عادي حبيبتي شعور عادي.
نوف: ريم حبيبتي سمي بالرحمن ولا تخافين.
عالية: هههههههههه كل هذا خوف.
ريم: بنشوف شو بتسوين يوم عرسج.
منى: يلا عاد خلو عنكم هالسوالف, امايه اتصلت وقالت لازم نطلعها الحين.

وبعد شوي خففوا الإضاءة, وطلعت ريم على موسيقى كلاسيكية والكل يوم شافها قام يتشهد عشان ما تصيبها عين لأنها كانت ولا اروع مع خجلها وابتسامتها الهادية كانت مثل القمر, وبعد ما قعدت ريم قاموا البنات يرقصون الا نوف لأنها كانت في الشهرالأخير من الحمل وما كانت تقدر تتحرك وبعدين اتصل عبدالله وقالهم ان المعرس بيدخل, فقاموا البنات وتغشوا وبعدين دخل المعرس وابوه واخوان العروس, وبعد ما سلم عليها طارق وحبها على راسها سلموا عليها اخوانها ولوا عليها وريم يوم سلم عليها اخوها عبدالله ما قدرت تمسك عمرها ودمعت عينها لأنها شافت فيه صورة ابوها المرحوم, حتى ام عبدالله دمعت عينها يوم شافت ولدها عبدالله يلوي على ريم, وبعد ما سلموا عليها كلهم وظهروا قعدوا المعاريس شوي وراحت لهم نوف وباركت لهم.

نوف: ها طارق ما اوصيك بريم تراها مثل اختي واكثر.
طارق: يا سلام مب كأني اخوج بعد.
نوف: صح انك اخوي بس بعد ريم اختي وربيعتي الغالية.
طارق: ( وهو يبتسم ) انشاء الله.
نوف: ريمو انتي بعد ما اوصيج باخوي.
ريم: انشاء الله.

وبعدين قاموا المعاريس وقصوا الكيك وبعدين روحوا البيت, وبعدين راحوا المطار لأنهم بسافرون لإيطاليا.

وبعد ما سلموا على الكل طلعوا للمطار, طارق كان قايل لهم من البداية انه ما في داعي أي حد يروح معاهم المطار وانه بروح بسيارته وبعدين هزاع بردها.

وفي السيارة كان طارق هادي وما يتكلم حتى ريم كانت مستحيه وما تعرف شو تقول, وبعدين شغل طارق المسجل وحط شريط لراشد الماجد, طول الطريق وطارق قاعد يفكر بحياته اليديده مع ريم وكيف بعيش معاها وقلبه مع وحده ثانيه, اما ريم فكانت تحس ان طارق فيه شي وكانت تبغي تسأله بس كانت مستحيه وبعدين تشجعت وقررت انها تسأله.

ريم: طارق.
طارق: نعم.
ريم: فيك شي.
طارق: لأ ما فيني شي.
ريم: عيل ليش ساكت وما ترمس.
طارق: شو تبغيني اقول.
ريم: ( كانت تحس انه يكلمها من غير نفس ) خلاص انا اسفة لأني سألت, ولفت الصوب الثاني وقعدت تطالع المناظر اللي برع.

ريم كانت قاعده تفكر وتقول لنفسها هو ليش يكلمني بهذي الطريقة بدل ما يقولي كلام حلو, يا رب ما يكون احساسي صح ويطلع انه مغصوب على هالزواج وان في بنيه ثانيه في حياته, اما طارق فندم لأنه كلمها بهذي الطريقة بس هو مب قادر يتقبل فكرة انها تكون زوجته.

وبعد ما وصلوا المطار وخلصوا كل الإجراءات ركبوا الطيارة.

 

[ضوى العيون]

***************************

والساعة ثلاث بالليل في بيت ابو هزاع قامت نوف من النوم وهي تحس بألام قوية ووعت هزاع من النوم.

نوف: هزاع قوم مب قادره اتحمل.
هزاع: (وهو مب قادر يفتح عينه من الرقاد ) شو صاير.
نوف: اقولك انا تعبانه ومب قادره اتحمل.
هزاع: ( على طول قام من الرقاد ) شو فيج حبيبتي.
نوف: هزاع انا تعبانه الظاهر اني بولد.
هزاع: عيل قومي خلني اوديج المستشفى, بس صبري خلني اقول امايه قبل.
نوف: بسرعة احس عمري بموت من كثر الويع.
هزاع: صبري يا حبيبتي .

وراح هزاع وقال لأمه وبعدين ودوها المستشفى على طول.

وفي المستشفى ربت نوف ويابت ولد, وهزاع استانس من الخاطر.

هزاع: دكتورة ممكن اشوف حرمتي.
الدكتورة: مب الحين هي تعبانه وما تقدر تتكلم.
هزاع: بس بشوفها وبطلع ما راح ازعجها.
الدكتورة: اوكي بس لا تقعد معها اكثر من خمس دقايق لأنها لازم ترتاح.
هزاع: انشاء الله.

ودخل هزاع عند نوف وشافها راقده, وراح صوبها وحبها على راسها, وهي فتحت عينها.

هزاع: مبروك يا نوف.
نوف: الله يبارك في حياتك حبيبي.
هزاع: يلا الحين ابغيج ترتاحين وانا الصبح انشاء الله بييج.
نوف: انشاء الله, بس بغيت اسألك خبرتوا اهلي.
هزاع: لأ الصبح بنقولهم.
نوف: احسن ما ابغي امايه تستهم علي.
هزاع: فديتج الحين لازم ترتاحين.
نوف: انشاء الله.

وطلع عنها هزاع.

**********************************


وفي الصوب الثاني وصلوا طارق وريم لروما وعلى طول راحوا للفندق, ريم كانت اول مره تروح فيها لإيطاليا وعشان جيه هي ما كانت تعرف شي فيها بس هي كانت تتمنى تزورها في يوم من الأيام, وبعد ما وصلوا الفندق كل واحد فيهم خذ له شاور على السريع وراح يرتاح من تعب السفر.

والساعة 12.30 قامت ريم من الرقاد وشافت طارق بعده راقد وراحت تيددت وصلت الظهر وبعد ما خلصت ما عرفت شو تسوي فطلعت من الحجرة وراحت الصالة وفتحت التلفزيون وقعدت تطالعه وبعدين ملت منه وسكرته و دورت لها شي تقراه وحصلت لها مجلة ويلست تقراها, وبعد ساعة تقريبا قام طارق من الرقاد وما اهتم اذا كانت ريم موجوده ولا لأ وراح وتيدد وصلى وبعدين طلع للصالة و لقاها قاعده تقرا المجلة, وراح وفتح التلفزيون وقعد يطالعه حتى كلمة صباح الخير ما قالها لها.

اما ريم يوم شافته نش من الرقاد استانست لأنها ملت من القعده بروحها وقالت بتقعد تسولف معاه بس تذكرت الموقف اللي صار لها امس في السيارة وكيف رمسها ففضلت انها تسكت وتكمل قرايت المجلة.

طارق: طلبتي شي لج.
ريم: لأ.
طارق: اوكي قومي تجهزي لأنا بنطلع بعد شوي.
ريم: انشاء الله.

وراحت ريم تجهزت وبعدين دخل طارق وتجهز وبعدين طلعوا, اول شي تمشوا شوي في شوارع روما وبعدين دخلوا واحد من المطاعم وطلبوا لهم اكل, ريم كانت مستانسه بس كانت تبغي طارق يكلمها يقول لها شي بدل ما هو ساكت طول الوقت وكأنه يفكر بشي, وبعد ما وصل الأكل وكلوا دفع طارق الحساب وطلعوا.

طارق: وين تبغين تروحين.
ريم: ما ادري هذي اول مره اييي فيها روما.
طارق: زين .

وقعدوا يتمشون شوي وبعدين ردوا الفندق.

ريم طول الوقت كانت تبغي ترمس طارق بس كانت خايفه من ردت فعله.

وتموا ريم وطارق على الحاله اسبوع نادرا ما يطلعون من الفندق واذا طلعوا يا انهم يروحون احد المطاعم او انهم يروحون السوق وبس وبعدين طارق يردها الفندق ويطلع هو بروحه, اما ريم فتقعد بقية اليوم بروحها يا انها تطالع التلفزيون او تقرا المجلات, هي ملت من هذا الوضع وقررت انها تكلم طارق وتقوله هو ليش يعاملها بهذي الطريقة ولا كأنهم متزوجين حتى هو نادرا ما يرمس معها.

وقعدت ريم تتريا طارق لكنه اليوم تأخر وايد وهي بدت تحس بالملل فقررت انها تتصل بالإمارات عشان تكلم امها وبعدين تتصل تكلم عمتها ام طارق, اول شي اتصلت بإمها ورمستها وبعدين اتصلت بعمتها.

ام طارق: شخبارج يا بنتي انشاء الله مرتاحه.
ريم: الحمدلله يسرج الحال, انتي شخبارج عموه وشخبار عمي.
ام طارق: الحمدلله يابنتي كلنا بخير وعافية.
ريم: الحمدلله, وكيف حال نوف هي ربت ولا بعدها.
ام طارق: هي صار لها اسبوع مربية.
ريم: ( وهي صدج مستانسه ) مبروك.
ام طارق: الله يبارك في حياتج يا بنتي.
ريم: وشو يابت عموه.
ام طارق: يابت ولد وسموه على اسم يده.
ريم: وهي كيف حالها الحين.
ام طارق: الحمدلله وهي دايما تتخبرني عنج.
ريم: يوم بتكلمينها سلمي عليها وانشاء الله بحاول اتصل فيها.
ام طارق: الله يسلمج, الا وين طارق يا بنتي بغيت اكلمه.
ريم: عموه طارق محد طالع.
ام طارق: وكيف يطلع ويخليج بروحج انتوا بعدكم معاريس.
ريم: ( ما بغت تقول لها انه دايما يخليها بروحها ويطلع ) هو عنده شغل وطلع يخلصه.

وهنيه دخل طارق وشاف ريم قاعده ترمس بالتلفون.

ريم: لحظة عموه طارق وصل.

وعطت ريم السماعه لطارق عشان يرمس امه.

طارق: هلا امايه شخبارج وشخبار ابوي.
ام طارق: الحمد لله كلنا بخير, انتوا شخباركم .
طارق: ( وهو يطالع ريم ) الحمد لله بخير, وشخبار نوف.
ام طارق: الحمدلله يا ولدي ونوف ربت ويابت ولد.
طارق: والله , مبروكين.
ام طارق: الله يبارك في حياتك.
طارق: امايه عيل وين ابوي بغيت اكلمه.
ام طارق: ابوك نفس العاده في الشركة.
طارق: عيل خلاص امايه بكلمه بعدين وسلمي عليهم كلهم.
ام طارق: انشاء الله يا ولدي بس ما اوصيك بريم حطها بعيونك ولا تقصر عليها.
طارق: انشاء الله.

وبعد ما سكر طارق عن امه.

طارق: انتي شو قلتي لأمايه.
ريم: ما قلت لها شي.
طارق: زين ما تبغينا نطلع.
ريم: بس قبل ما نطلع بغيت اكلمك بموضوع.
طارق: خير انشاء الله.
ريم: الخير بويهك بس حبيت اكلمك بموضوعنا.
طارق: موضوعنا؟
ريم: هيه, طارق ابغيك تجاوبني بكل صراحة انت ليش تعاملني بهذي الطريقة.
طارق: أي طريقة.
ريم: طارق انت ابدا ما ترمس معاي ودايما تطلع وتخليني قاعده بروحي ولا كأنا متزوجين .
طارق: عيل كيف تبغيني اعاملج, انتي قاصرج شي.
ريم: انا مب قاصرني شي بس ابغي احس اني متزوجه ما يصير جيه انا مليت من القعده بروحي.
طارق: زين قولي لي وين تبغين تروحين وانا بوديج.
ريم: طارق ابغيك تجاوبني بصراحه انت ليش تزوجتني.
طارق: شو هذا السؤال السخيف, شو يعني ليش تزوجتني.
ريم: طارق انت تحب بنيه ثانيه صح.
طارق: ..............................
ريم: طارق جاوبني انت تحب بنيه ثانيه وتزوجتني بس عشان ترضي اهلك صح.
طارق: هيه ارتحتي الحين انا تزوجتج بس عشان ارضي اهلي ولا انا احب بنيه ثانيه وكان ودي اتزوجها بس اهلي رفضوا هذا الشي واصروا اني اتزوجج.

ريم يوم سمعت هذا الكلام انصدمت وما عرفت شو تقول هي كانت حاسه من البدايه انه ما يبغيها وانه يحب بنيه ثانيه بس كانت تدعي ربها ان شكوكها تطلع غلط وانها تتوهم هذا الشي.

ريم: ( وهي تبجي ) زين ليش تزوجتني, ليش تبغي تهدم مستقبلي, انا شو ذنبي في هذا كله.
طارق: انا اعرف ان هذا مب ذنبج ان اهلي اختاروج انتي عشان تكونين زوجتي بس انا ما اقدر اتقبل ان وحده ثانيه تكون زوجتي غير البنت اللي احبها.
ريم: ( وهي تبجي من الخاطر ) بس حرام عليك ما ابغي اسمع شي.
طارق: انتي اللي سألتيني وانا جاوبتج.

وراحت ريم عنه الحجرة وقفلت الباب وقعدت تبجي, اما طارق فطلع من الفندق وراح يتمشى في شوارع روما وهو يفكر باللي صار قبل شوي مع ريم, هي كسرت خاطره يوم كانت تبجي بس مب بإيده هو مب قادر ينسى حبيبته لورين والأيام الحلوه اللي عاشها معها.

اما ريم المسكينه فكانت حالتها حاله, كانت تحس ان حياتها انتهت وان احلامها كلها تحطمت بعد ما كانت تتمنى انها تعيش احلى ايامها مع طارق اللي حبته.

************************************

 

[ضوى العيون]

اما في الإمارات .

منى كانت قاعده ترمس مبارك نفس العاده.

مبارك: حبيبتي والله مليت متى بنملج.
منى: هههههههه اصبر على الأقل لين ما ترد ريم من شهر العسل.
مبارك: خلاص ما اقدر اصبر وايد.
منى: مبارك حبيبي عشاني اصبر بعد شوي.
مبارك: فديتج انا مستعد اصبر العمر كله عشانج.
منى: لها الدرجة تحبني.
مبارك: واكثر.
منى: فديتك حتى انا احبك واموت فيك.
مبارك: الله لا يحرمنا من بعض.
منى: امين.
مبارك: حياتي انا وصلت الحين عند الربع, برد اتصل لج بالليل اوكي .
منى: اوكي عمري.
مبارك: بس ها لا ترقدين قبل لا تكلميني.
منى: وانا اقدر.
مبارك: فديتج, يلا مع السلامة.
منى: مع الف سلامة.

وفي حجرة سارة وجاسم كانت سارة قاعده تكلم نوف.

نوف: زين انتي متأكده من هالشي.
سارة: انا خذت تحليل من الصيدلية ولكن بعدني مب متأكده.
نوف: زين شو ردت فعل جاسم.
سارة: تبغين الصدق لحد الحين ما قلت له.
نوف: ليش؟
سارة: حبيت اتأكد قبل.
نوف: زين روحي العياده وتأكدي.
سارة: كيف اروح العياده من غير ما اقوله.
نوف: زين انتي ما قلتي انج خذتي فحص من الصيدلية.
سارة: هيه, بس..........
نوف: بس شو, انا حاسه انج حامل.
سارة: حتى انا, والله ما اقدر اوصف لج شعوري .
نوف: مبروك حبيبتي مقدما.
سارة: الله يبارك في حياتج.
نوف: زين انتي قولي لجاسم وبعدين خله يوديج العياده عشان تتأكدين.
سارة: ما ادري يمكن اقوله اليوم.
نوف: زين بغيت اسألج شخبار ريم ما اتصلت لكم.
سارة: اتصلت من شوي وكلمت عمتي.
نوف: وشخبارها.
سارة: الحمدلله وتقول عمتي انها مستانسه.
نوف: الحمدلله.
سارة: شو هالصوت الظاهر ان ولدج نش من الرقاد.
نوف: هههههههههه هيه مع اني ما صار لي ربع ساعة مرقدتنه.
سارة: فديته, عيل روحي شوفيه وانا بتصل لج بعدين.
نوف: زين وسلمي على خالتي.
سارة: انشاء الله.

وبعد ما سكرت سارة عن نوف دخل عليها جاسم.

جاسم: هلا حياتي.
سارة: اهلين عمري , اليوم ياي من وقت.
جاسم: شو اسوي ولهت عليج وقلت اييي اشوفج.
سارة: هههههههه لها الدرجة ما تقدر تصبر عني.
جاسم: هيه ولا عندج شك.
سارة: لا لا مصدقتنك.
جاسم: حياتي شو رايج نطلع.
سارة: صدج ووين بنروح.
جاسم: المكان اللي تبينه.
سارة: زين بس قبل لا نطلع بغيت اكلمك بموضوع.
جاسم: خير انشاء الله.
سارة: الخير بويهك, بس بغيت اقولك اني................
جاسم: انج شو؟
سارة: اني يمكن اكون حامل.
جاسم: ( وهو مستانس من الخاطر ) والله.
سارة: بس انا مب متأكده.
جاسم: لا بس انا حاس انج حامل.
سارة: حبيبي انت مستانس.
جاسم: اكيد انا من متى اتريا هالخبر.
سارة: زين ابغيك باجر انشاء الله توديني العياده عشان اتأكد.
جاسم: انشاء الله, والحين يلا قومي تجهزي عشان نطلع.
سارة: اوكي.

************************************

وفي اليوم الثاني راحوا جاسم وسارة العيادة عشان يتأكدون اذا كانت سارة حامل ولا لأ.

وفي العيادة بعد ما كشفت عليها الدكتورة وسوت لها شوية تحاليل.

سارة: ها دكتورة بشري.
الدكتورة: مبروك انتي حامل.
سارة: الله يبارك في حياتج.
الدكتورة: بس لازم تهتمي في نفسج زين.
سارة: انشاء الله.
الدكتورة: وفي شي ثاني .
سارة: شو هو.
الدكتورة: لازم تيين كل شهر عشان الكشف.
سارة: انشاء الله.

وبعد ما طلعت سارة من عند الدكتورة.

جاسم: ها بشري شو قالت الدكتورة.
سارة: في السيارة بقولك.

وبعد ما ركبوا السيارة.

جاسم: يلا عاد قولي شو قالت لج الدكتورة.
سارة: قالت اني مب حامل.
جاسم: والله.
سارة: هيه مب مصدقني.
جاسم: لا مصدقنج.
وقعدوا ساكتين وسارة مب قادرة تمسك عمرها تبغي تضحك على شكل جاسم وهو باينه عليه خيبة الأمل يوم عرف انها مب حامل.

سارة: ههههههههههههههههههه
جاسم: ليش تضحكين.
سارة: حبيبي كنت امزح معاك الدكتورة قالت لي اني حامل.
جاسم: ( يوم سمع كلامها على طول وقف السيارة ) من صدجج.
سارة: هيه.
جاسم: يعني انا بصير ابو.
سارة: انشاء الله.
جاسم: والله مب مصدق عمري.
سارة: سوري حبيبي بس كنت ابغي اشوف ردت فعلك يوم تعرف اني مب حامل.
جاسم: هههههههههه الله يغربل ابليسج .
سارة: ها حبيبي شو بتسميه لو كان ولد.
جاسم: انا في خاطري بنيه تكون حلوه مثل امها, بس لو يانا ولد بسميه علي اما اذا ياتنا بنوته حلوه بسميها وضحى.
سارة: حلو اسم وضحى.
جاسم: خلنا نروح نبشر الوالده والله بتستانس يوم بتسمع هالخبر الحلو.

**********************************

اما ريم فهي بعدها على حالتها ابدا ما تطلع من الغرفة وما تطيع تفتح الباب لطارق اللي حاول يكلمها بس هي ما رضت تفتح له الباب وظلت على هالحاله اربعة ايام.

وفي يوم رجع طارق من برع ولقاها قاعده في الصالة, ويوم شافها انصدم لأن شكلها كان يكسر الخاطر كانت مضعفه وايد والهالات السوده تحت عينها تدل على انها ما نامت من كم يوم اما ويها فكان شاحب, وراح طارق وقعد صوبها على الغنفه وحس انها مب معه لأنها ما انتبهت له وكانت مغمضه عينها وكأنها راقده.

طارق: ريم.
ريم: .................................
طارق: ليش ساكته ردي علي.

وقعد طارق يكلمها بس هي ما كانت ترد عليه حتى انها ما صدت صوبه وهو خاف لا يصير فيها شي وعشان ينبها مسك ايدها ولقاها حاره وبعدين حط ايده على يبهتها ولقاها مسخنه وايد وحاول يقومها بس هي ما طاعت تقوم وبعدين شلها وودها الحجرة وبعدين راح اتصل للرسبشن عشان يتصلون في أي دكتور, وبعد ما اتصل لهم راح يقعد عندها وقعد يطالعها ويلوم نفسه لأنه السبب في اللي يصير لها.

وبعد ربع ساعة وصل الدكتور وكشف عليها وقال له انها مريضة وايد ولازم ينقلونها المستشفى بأسرع وقت ممكن.

وتمت ريم مريضة لمدة اسبوع وفي هالمدة كان طارق يروح لها من الصبح ويقعد معها لين بالليل بس ريم ماكانت تحس فيه لأنها صدج كانت تعبانه بس مرات كانت تسمع صوته وهو يكلم الدكتور.

وفي يوم من الأيام قامت ريم من الرقاد وحست عمرها احسن من اول وقعدت تفكر باللي صار لها من كم يوم مع طارق وكيف هي مرضت, هي كانت تسمع صوته مرات بس كانت تحسب انها تتخيل لأن طارق من المستحيل يهتم فيها لأنه ما يحبها ولأنه تزوجها بس عشان يرضي اهله وقعدت تبجي يوم تذكرت هالشي, وهي تبجي دخل عليها طارق وهو شال بإيده باقة ورد حمرا واستغرب يوم شافها تبجي وعلى طول راح صوبها.

طارق: ريم ليش تبجين فيج شي.

ريم يوم سمعت صوته رفعت راسها تبغي تشوفه, وشافت انه متغير وايد حتى هي ما عرفته كان مضعف وايد وباين عليه انه ما يرقد زين.

طارق: ريم ليش ساكته ردي علي فيج شي.
ريم: ما فيني شي.
طارق: عيل ليش تبجين.
ريم: اشتقت لأهلي.
طارق: ريم انا اعرف ان هذا مب وقته بس بغيت استسمح منج على اللي صار من كم يوم.
ريم: ما في داعي تعتذر.
طارق: لأ في داعي انا اعرف ان كل اللي صار لج كان بسببي وارجو انج تسامحيني.
ريم: مسموح.

طارق في الأيام اللي مرضت فيها ريم كان يفكر فيها وايد وابدا ما فارقت باله.

طارق: هذي الباقه لج.
ريم: ( وهي تاخذ الباقه منه ) مشكور ما كان في داعي تتعب عمره.
طارق: العفو الغالية والحين ابغيج ترتاحين وانا بروح اكلم الدكتور وبرد لج.
ريم: انشاء الله.

وراح طارق وكلم الدكتور وعرف منه انها تقدر تطلع بعد يومين.

 

[ضوى العيون]

وبعد يومين طلعت ريم من المستشفى والدكتور وصى طارق وقاله انه لازم يهتم فيها عدل ويحاول انه يبعدها عن أي شي يضايقها, وانه يحاول يظهرها من حالة الحزن اللي تعيشها, وردوا طارق وريم للفندق وطول الطريق وريم قاعده تفكر كيف بتستحمل تعيش معاه بعد اللي صار.

طارق: ريم فيج شي.
ريم: لأ.
طارق: عيل ليش ساكته رمسي.
ريم: ما عندي شي اقوله.
طارق: ريم انتي بعدج شاله بخاطرج مني.
ريم: ما اعتقد ان هذا الشي يهمك.
طارق: بالعكس يهمني.
ريم: ما في داعي لهذا الكلام, انا اعرف شعورك تجاهي.
طارق: انا قلت لج ان مالج ذنب باللي صار وحاولي انج تنسين اللي صار.
ريم: اذا انا نسيت ما اعتقد انك بتنسي.
طارق: .............................
ريم: شفت ان كلامي صح.
طارق: ريم انا..........................
ريم: ارجوك طارق ما ابغي اسمع شي.
طارق: على راحتج بس احنا لازم نتكلم.
ريم: ما اعتقد ان في كلام ينقال بعد اللي صار.
طارق: شو قصدج بهذا الكلام.
ريم: انت تعرف قصدي زين.
طارق: قصدج..................
ريم: هيه قصدي الطلاق.
طارق: انت مب صاحيه.
ريم: انا اصحى عنك, واعتقد ان هذا الحل بريح الطرفين.
طارق: بس انا ما اقدر اطلقج الحين.
ريم: ليش؟
طارق: انتي تعرفين السبب زين.
ريم: اذا كان قصدك كلام الناس فأنا ما يهمني كلامهم.
طارق: بس انا يهمني وبعدين الوالده ما راح تتحمل هذي الصدمه.
ريم: عيل شو الحل برايك.
طارق: انج تصبرين.
ريم: لمتى اصبر, انا مستحيل اعيش معاك وانا اعرف انك تكرهني وتعتبرني سبب في تعاستك.
طارق: انا ما اكرهج ولا اعتبرج سبب في تعاستي انا اعرف ان مالج ذنب باللي صار.
ريم: ( وهي مب قادره تحبس دموعها اكثر من جيه ) ليش يارب انا اللي يصير فيني هالشي, انا شو سويت في حياتي.
طارق: ريم ارجوج هدي اعصابج وحاولي انج تنسين اللي صار.
ريم: ( وهي تبجي ) كيف تبغيني انسى.
طارق: ريم اترجاج انسي اللي صار ولو هالفتره, لازم تهتمين في نفسج وفي صحتج.
ريم سكتت عنه ولا ردت عليه وقعدت تفكر بحياتها مع طارق وكيف هي بتعيش معاه وهي تعرف انه يحب بنيه ثانيه وانه تزوجها بس عشان يرضي اهله.

واول ما وصلوا الفندق نزلت ريم من السيارة وراحت لجناحهم من غير ما تلتفت لطارق, اما طارق فما نزل من السيارة وقعد يفكر باللي صار بينه وبين ريم, هو الفتره اللي طافت ريم احتلت تفكيره حتى انه ما قام يفكر بلورين وايد شو السبب يا ترى هل هي شفقه ام انه شي ثاني, واذا كان شي ثاني فشو هو ياترى, هذا اللي كان شاغل تفكيره هو ليش رفض انه يطلقها مع انه كان يتمنى هالشي قبل ما يصير اللي صار.

وتموا ريم وطارق على هالحاله ثلاثة ايام, ريم طول الوقت قاعده في حجرتها ونادرا ما تطلع منها اما طارق فمعظم الوقت كان يقضيه برع لأنه كان يحس ان ريم ما تبغي تشوفه وهو ما حب يزعجها واخر شي مل من الوضع وقرر انه يكلمها بهذا الموضوع.

وفي يوم رد من برع ولقاها قاعده في الصاله على غير العاده فقرر انه يكلمها.

طارق: شخبارج ريم.
ريم: ( طالعته ونزلت راسها ) الحمدلله.
طارق: ريم انا ابغي اسألج احنا لمتى بنتم على هذا الوضع.
ريم: أي وضع.
طارق: ريم انتي لمتى بتمين حابسه روحج في الحجرة كل هذا عشان تتجنبيني.
ريم: انا ما اتجنبك.
طارق: عيل تقدرين تقولين لي شو السبب اللي مخلنج تقعدين في حجرتج وما تقعدين معاي ابدا.
ريم: ما في أي سبب بس ما ابغي اغثك.
طارق: شو هالكلام اللي تقولينه.
ريم: ( وهي تقوم تبغي تروح حجرتها لأنها صدج ما قادره تتحمل تقعد معاه بعد اللي صار ) عن اذنك انا بروح حجرتي.
طارق: ( وهو يمسك ايدها ) ريم لحظة انا ما خلصت كلامي.
ريم: لو سمحت هد ايدي.
طارق: ( وهو يهد ايدها ) انا اسف, بس ريم انتي لمتى بتتجنبيني.
ريم: انا قلت لك اني ما اتجنبك بس انا تعبانه وابغي اروح ارتاح.
طارق: قولي انج ما تبغين تقعدين معاي .
ريم: ( وهي تقعد ) كاني قعدت شو تبغي تقول.
طارق: ( وهو يبتسم ) شو رايج نطلع نتعشى برع اليوم.
ريم: مالي خلق للطلعات.
طارق: ليش خلينا نطلع نغير جو.
ريم: ( وهي تفكر انها صدج ملت من القعده في حجرتها وتبغي تطلع شوي وتغير جو, بس اللي مضايقنها انها بتكون مع طارق ) اوكي.
طارق: ( وهو مستانس ) صدج.
ريم: ( وهي مستغربه هو ليش مستانس ) هيه.
طارق: عيل قومي تجهزي وخلنا نطلع.

وراحت ريم تتجهز وهي تفكر انه ليش كان مستانس يوم قالت له انها بتطلع معاه, اما طارق فكان مستانس انها وافقت تطلع معاه لأنه كان يتضايق يوم يشوفها تتجنبه .
وطلعوا ريم و طارق من الفندق وراحوا لواحد من المطاعم اللي كانوا يتعشون فيها قبل ما يصير اللي صار وبعد ما قعدوا وطلبوا الأكل, كان طارق قاعد يطالع ريم وهي سرحانه قاعده تفكر بشي, هو اول مره يتأمل ويها عدل وقعد يفكر هو ليش ما كان ينتبه قبل لجمالها و ويها الطفولي و ليش هو كان يحملها الذنب في اللي صار مع ان مالها ذنب, وهو يطالعها انتبهت له ريم واول ما شافته قاعد يطالعها احمر ويها ونزلت راسها, وقعدت تفكر هو ليش قاعد يطالعها بهذي النظرات كأنه اول مره يشوفها.

وبعد ما تعشوا طلعوا يتمشون شوي بشوارع روما قبل لايردون الفندق, وفي هذا الوقت من الليل كانت الشوارع زحمه وايد حتى ان ريم كانت لازقه في طارق من كثر الزحمه وهو قاعد يطالعها وهي محمره من كثر المستحى وبعدين ردوا الفندق.

*************************************

وفي حجرة مبارك, كان مبارك قاعد يرمس منى بنت عمه.

مبارك: وينج حياتي ولهت عليج صار لج يومين ما كلمتيني وكل ما اتصل فيج الاقي تلفونج مغلق.
منى: اسفة حبيبي بس شو اسوي هاليومين كنت مشغولة شوي بالإمتحانات وما قدرت اتصل لك.
مبارك: لا عادي حياتي.
منى: وشخبارك بعد والله اني ولهانه عليك وايد.
مبارك: فديتج حتى انا.
منى: حبيبي شخبار الشغل معاك.
مبارك: الحمدلله.
منى: حياتي باجر بنتغدى عندكم.
مبارك: صدج والله.
منى: هيه خالتي اليوم اتصلت وعزمتنا, ليش انت ما كنت تعرف.
مبارك: لأ محد قالي, بس خساره ما بكون في البيت باجر.
منى: ليش.
مبارك: عندي شغل في بوظبي ولازم اروح اخلصه.
منى: ( وهي تسوي عمرها زعلانه ) يعني الشغل اهم مني, وانا اللي كنت مستانسه لأني بشوفك.
مبارك: فديتج ما في شي اهم منج, بس انتي تعرفين الوالد ومحد يقدر يرفض له طلب فلا تزعلين مني غناتي.
منى: وانا اقدر ازعل منك يا حياتي, بس ما اوصيك تحمل على عمرك لأني اعرف انت كيف تسوق.
مبارك: ههههههههه انشاء الله في اوامر ثانيه.
منى: هيه, اول ما توصل اتصل بي لأني بكون قاعده احاتيك.
مبارك: انشاء الله حبيبتي.
منى: حبيبي انا لازم اسكر عنك الحين.
مبارك: ليش خلنا نرمس شوي انا من يومين ما رمستج.
منى: امايه تناديني ولازم اروح اشوفها.
مبارك: اوكي غناتي روحي ما ابغي اعطلج.
منى: مع السلامه.
مبارك: مع الف سلامه.
وراحت منى تشوف امها شو تبغي منها.

منى: خير الغالية بغيتي شي.
ام عبدالله: هيه فديتج بغيت حبوب السكري.
منى: انشاء الله, بس انتي وين حطيتيهم.
ام عبدالله: بتشوفينهم في حجرتي محطوطين على الطاولة.
منى: الحين بييبهم.

وراحت منى حجرة امها ويابت لها الحبوب.

ام عبدالله: وين بتروحين, قعدي معاي شوي.
منى: انشاء الله الغالية ما طلبتي.
ام عبدالله: والله اني ولهانه على بنتي صار لي اسبوع ما رمستها.
منى: ههههههههه امايه ريم خلاص نستنا الحين عندها ريلها تفكر فيه.
ام عبدالله: وانتي ما تيوزين عن سوالفج.
منى: ههههههههه وانا شو قلت.

وهنيه يات سارة وقعدت معاهم.

ام عبدالله: شخبارج يا بنيتي انشاء الله مرتاحه.
سارة: الحمدلله عموه.
منى: فديت مرت اخوي اللي كل يوم والثاني تحلو عن قبل.
ام عبدالله: قولي ما شاء الله.
منى: ههههههههه ما شاء الله.
سارة: فديتج عيونج الحلوه.
منى: عيل وين ريلج.
سارة: وين يعني اكيد في الدوام.
منى: وما بيي يتغدا معانا.
سارة: ما ادري, قال انه لو خلص الشغل بسرعه بيي.

وهنيه دخلت عليهم حصة وعبدالله اللي كانوا يايين من العياده عشان اليوم كان تطعيم اليهال.

حصة + عبدالله: السلام عليكم.
الكل: وعليكم السلام.

عبدالله راح قعد صوب امه وهو شال شيخة بنته اما حصة فراحت قعدت صوب البنات وهي شاله خليفة ولدهم.

منى: ( وهي تاخذ خليفة من عند حصة ) فديته والله مثل القمر, لأنه طالع علي.
عبدالله: وين تبين انتي ولدي وطالع علي انا.
منى: ههههههههههه منو قص عليك وقالك انك حلو.
عبدالله: منو بعد غير حرمتي حبيبتي.
منى: ( وهي تضحك على حصة اللي احمر ويها ) هههههههه صدج انج ما عندج سالفة الحين وين الجمال اللي فيه ما اشوف شي.
ام عبدالله: منى يوزي عنهم وعن الخبال, اليوم شو صاير فيج.
منى: ههههههههه زين يعني الواحد ما يقدر يمزح شوي.
حصة: عموه سعود بعده راقد, انا قلت للخدامه تشوفه.
ام عبدالله: هيه يا بنتي انا توني طليت عليه وشفته راقد.
حصة: وليش تعبتي عمرج عموه كان قلتي للخدامه تشوفه.
ام عبدالله: لا تعبت عمري ولا شي وبعدين هذا الغالي ولد الغالي.
عبدالله: ( وهو يحب راس امه ) فديتج امايه الله لا يحرمني منج.
ام عبدالله: ولا يحرمني منكم.
منى: يا سلام كل هذا الحب له وانا وين رحت.
ام عبدالله: كلكم غاليين عندي.
منى: فديت امايه.

وهنيه دخل عليهم جاسم اللي كان توه راد من المكتب.

جاسم: السلام عليكم.
الكل: وعليكم السلام.
جاسم: يا سلام العايله الكريمه كلها مجتمعه.
ام عبدالله: وين كنت يا ولدي وايد تأخرت.
جاسم: ( وهو يروح يقعد عند حرمته ) شو اسوي امايه كان عندي شغل مهم خلصته وييتكم البيت على طول.
ام عبدالله: ما يصير يا ولدي تتعب عمرك وايد بالشغل, وانت الحين عندك حرمه ولازم تراعيها.
جاسم: الا على طاري حرمتي هي وينها.
منى: هههههههههه اشفيك هذي هي قاعده صوبك.
جاسم: هذي انتي وانا اقول منو هذي البنيه المزيونه.
سارة: ( وهي محمره وتهمس له ) جاسم شو هذا الكلام.
جاسم: ههههههههه فديتها حرمتي تستحي.
سارة: ( وهي تقوم بتروح حجرتها ) عن اذنكم.

وراحت سارة حجرتها.

جاسم: ليكون زعلت بروح اشوفها.
عبدالله: يلا امايه خلهم يحطون الغدا.
ام عبدالله: انشاء الله يا ولدي.
منى: قعدي الغالية انا بروح اقولهم يحطون الغدا.

وفي حجرة سارة وجاسم.

جاسم: ( وهو يبدل ملابسه ) حياتي ليكون زعلتي مني.
سارة: وانا اقدر ازعل منك يا عمري.
جاسم: على بالي.
سارة: جاسم.
جاسم: يا عيون جاسم.
سارة: ابغي اروح اليوم بيت اهلي.
جاسم: يوم تبغين تروحين قولي لي وانا بوصلج.
سارة: ابغي اروح اليوم بعد صلاة المغرب.
جاسم: خلاص بوديج لهم وبالمره بروح اسلم عليهم.
سارة: وفي شي ثاني.
جاسم: امري يا حياتي.
سارة: باجر عندي موعد في المستشفى فإذا كنت مب فاضي بروح انا وعمتي.
جاسم: لا حياتي حتى لو كان عندي شغل بأجله عشانج.
سارة: فديتك بس ما ابغي اتعبك.
جاسم: انا كم مره قلت لج لا تقولين هالكلام انتي حرمتي واذا ما اتعب عمري عشانج عيل اتعب عمري عشان منو.
سارة: الله لا يحرمني منك يا حبيبي.
جاسم: ولا يحرمني منج يا حياتي.
سارة: يلا بنروح نتغدا.

وراحوا جاسم وسارة يتغدون, وبعد ما تغدوا الكل كل واحد فيهم راح حجرته عشان يرقد.

 

[ضوى العيون]

واليوم الثاني راحوا بيت ام عبدالله عشان يتغدون في بيت عمهم ابو ناصر.

وفي الصالة كانوا الحريم قاعدين يسولفون مع بعض.

ام ناصر: شخبارج يا ام عبدالله, صار لنا فتره ما شفناكم.
ام عبدالله: الحمدلله بخير, انتي شخبارج يا ام ناصر وشخبار العيال.
ام ناصر: الحمدلله كلنا بخير, الا شخبار ريم ما اتصلت لج.
ام عبدالله: اتصلت لي قبل اسبوع وسلمت عليكم وايد.
ام ناصر: الله يسلمها.

حصة: شخبارج مها.
مها: الحمدلله بخير وانتي شخبارج .
حصة: الحمدلله يسرج الحال.
مها: ما شاء الله عليهم عيالج حلوين, الله يخليهم لكم.
حصة: مشكورة الغالية, الا وين ميثا ما اشوفها.
مها: ميثا عند ابوها في الميلس.


وفي حجرة البنات.

عالية: والله البيت من دونج يا سارة ما يسوى.
سارة: هههههههههه عشان تعرفين قيمتي.
عالية: والله مليت من القعده بروحي.
سارة: معاج امايه ومها يعني مب بروحج.
عالية: بس يوم كنتي هنيه كنا نقعد نسولف مع بعض و نسهر مع بعض الحين ما الاقي حد ارمسه.
سارة: فديتج, صبري شوي بعدين بتتزوجين وبتروحين بيت ريلج.
عالية: ( ويها احمر ).
منى: هههههههههههه فديت اللي يستحون.
عالية: تضحكين علي, عيل تحلمين اعطيج الهدية اللي مبارك موصني اعطيج اياها.
منى: هدية؟
عالية: هيه اليوم قبل لا يطلع عطاني اياها وقالي اعطيها لج يوم بتيين اليوم.
منى: فديته.
سارة: يا سلام قمنا نتفدى.
منى: مب ريلي المستقبلي ولازم اتفداه.
سارة: وينك يا اخوي عشان تسمع هالكلام.
عالية: ( وهي تطلع كيس صغير من الدرج اللي صوبها وتعطيه لمنى ) مسكي هذي هديتج.
منى: ما اقدر اخذها.
عالية: ليش.
منى: شو ليش, يعني تسوين عمرج ما تعرفين.
عالية: انا ما يخصني وهو مصر انج تاخذينها, يلا عاد منى عشان خاطره خذيها.
منى: اوكي, بس انتي ما تعرفين شو فيها.
عالية: لأ هو محلفني محد يفتحها غيرج.

وفتحت منى الهدية ولقت فيها علبة صغيرة كأنها علبة مجوهرات وفي داخلها لقت سواره حلوه من الذهب الأبيض وفيها حركة رهيبه على شكل قلب وفيها حرف م .
منى: الله وايد حلوه.
عالية: لبسيها خلنا نشوفها على ايدج.

وبعد ما لبستها.

سارة: وايد حلوه عليج.
منى: فديته والله, بس شو المناسبه.
عالية: يوم بتكلميه سأليه.
سارة: يلا خلنا ننزل تحت نقعد معاهم.

ونزلوا البنات تحت عشان يقعدون مع الحريم, وبعد ما تغدوا كلهم وقعدوا شوي روحوا بيت ام عبدالله.

****************************

وبعد صلاة المغرب كانت منى قاعده في حجرتها تحاتي مبارك لأنه ما اتصل لها وهي كانت تتصل فيه بس تلفونه مغلق, وبعدين اتصلت في عالية.

منى: الو عالية.
عالية: هلا منى, اشفيه صوتج.
منى: عالية مبارك ما اتصل فيكم انا من متى احاول اتصل فيه بس تلفونه مغلق وانا وايد احاتيه.
عالية: لا تحاتينه يمكن هو اغلق تلفونه ونسى.
منى: لأ انا حاسه ان فيه شي.
عالية: فال الله ولا فالج انشاء الله مبارك برد وانتي لا تحاتيه.
منى: الله يسمع منج, بس ما ادري ليش انا خايفه يا عالية من ان ........................( وقعدت منى تبجي )
عالية: لا تبجين يا منى انشاء الله هو ما فيه الا العافية وانا الحين بتصل على تلفون سيارته وبرد اتصل لج عشان اطمنج.
منى: بس لا تبطين علي.

واتصلت عالية على تلفون سيارته بس محد يرد, وبعدين اتصلت في منى وقالت لها ان مبارك ما يرد على التلفون ومنى من سمعت هالكلام خافت وقعدت تدعي ربها ان يرد مبارك بالسلامه لأن لو صار له شي هي ما تقدر تعيش.


تعتقدون مبارك بصير فيه شي .

واذا صار فيه شي كيف بتعيش منى من دونه.

الكل في بيت ابو ناصر كان قاعد يحاتي مبارك لأنه من طلع ما اتصل وهذي اول مره يسويها لأنه دايما كان يتصل فيهم ويطمنهم انه وصل.

ام ناصر: ( وهي تبجي ) يالله احفظ ولدي ورجعه لي بالسلامه.
عالية: امايه هدي اعصابج, اكيد مبارك الحين بيتصل.
ام ناصر: هذي اول مره يسويها, انا حاسه ان ولدي فيه شي.
ابو ناصر: يا حرمه ذكري الله و ولدج ما فيه الا العافيه.
ناصر: ابوي اتصلت له كم مره على تلفون السيارة بس ما يرد وكل ما اتصل على تلفونه يطلع مغلق.
مها: ناصر ليش ما تتصل للشركة اللي في بوظبي يمكن تعرف شي.
ناصر: اتصلت وقالوا لي انه بعد ما خلص الإجتماع طلع على طول وما ادري ليش لحد الحين ما وصل.

وهنيه يرن التلفون, ويشله ناصر.

المتكلم: الو السلام عليكم.
ناصر: وعليكم السلام والرحمه.
المتكلم: اخوي منو معاي.
ناصر: معاك ناصر, انت منو.
المتكلم: معاك الضابط احمد, اخوي مبارك شو يستوي لك.
ناصر: اخوي, ليش هو فيه شي.
المتكلم: اخوي مبارك مسوي حادث وهو الحين في المستشفى.
ناصر: شووووووو, زين هو كيف حاله الحين.
المتكلم: الحمدلله هو ما تعور وايد بس شوية رضوض.
ناصر: زين هو باي مستشفى الحين.
المتكلم: في مستشفى...........
ناصر: مشكور اخوي واحنا الحين بنروح له.
المتكلم: العفو اخوي.

وبعد ما سكر ناصر عن الضابط قال لهم اللي صار.

ام ناصر: ( وهي تبجي ) انت متأكد يا ناصر ان مبارك بخير.
ناصر: امايه الضابط يقول انه ما تعور وايد بس شوية رضوض.
ابو ناصر: يلا خلنا نروح نشوفه.

وراحوا له المستشفى عشان يتطمنون عليه.
وفي المستشفى.

ام ناصر: الحمدلله على السلامه يا ولدي.
مبارك: الله يسلمج امايه.
ابو ناصر: وشو سبب الحادث يا مبارك.
مبارك: الغلط مب مني يا ابوي, الغلط من السيارة الثانية والشرطة تحققت من هالشي لأنه كان وايد مسرع.
عالية: المهم الحمدالله على سلامتك يا مبارك.
مبارك: الله يسلمج يا عالية.
ناصر: ومتى قال الدكتور برخصك يامبارك.
مبارك: باجر انشاء الله.
ابو ناصر: عيل يلا خلنا نرد البيت لأن الوقت تأخر.
ام ناصر: وكيف اخلي ولدي بروحه.
مبارك: هههههههههه امايه انا مب ياهل, وبعدين ممنوع حد يبات مع المريض.
ام ناصر: خلاص باجر الصبح بييك.

وقبل لا يطلعون, مبارك زقر عالية عشان يكلمها.

مبارك: عالية منى تعرف عن الحادث.
عالية: لأ ما قلنا لهم.
مبارك: احسن ما ابغيها تستهم علي.
عالية: بس انت لازم تكلمها يا مبارك, هي اتصلت لي قبل لا نعرف وكانت قاعده تبجي.
مبارك: ( يوم سمع انها كانت تبجي قلبه عوره ) خلاص بتصل لها.
عالية: اوكي انا بروح اكيد الحين قاعدين يتريوني.
مبارك: خلاص روحي.
عالية: مع السلامه.
مبارك: مع الف سلامه.

وبعد ما طلعت عالية, اتصل مبارك لمنى.

منى: ( وصوتها رايح من البجي ) الوو.
مبارك: حبيبتي.
منى: ( يوم سمعت صوته ما قدرت تمسك عمرها وقعدت تبجي من الفرحه ) مبارك وين كنت انا من متى اترياك, بس انت ما اتصلت فيني.
مبارك: اسف حبيبتي.
منى: حياتي وين انت.
مبارك: في المستشفى.
منى: لييييييييييش خير انشاء الله, فيك شي.
مبارك: الخير بويهج بس صار لي حادث بسيط, ولا تخافين ما تعورت بس شوية رضوض.
منى: الحمدالله على السلامه.
مبارك: الله يسلمج يا حياتي.
منى: مبارك الله يخليك لا تقص علي وقولي انت صار لك شي.
مبارك: صدقيني ما فيني شي بس شوية رضوض وباجر انشاء الله بطلع من المستشفى.
منى: الحمدالله, انا بموت لو صار لك شي.
مبارك: لا تقولين هالكلام يعل يومي قبل يومج.
منى: الله يطول في عمرك ويخليك لي.
مبارك: ويخليج لي يا حبيبتي.

وقعد مبارك يرمس مع منى شوي وبعدين سكر عنها لأنه كان يحس بشوية تعب.

**********************************

 

[ضوى العيون]

وفي روما كانت الأوضاع مثل ما هي, طارق يحاول مع ريم انها تطلع وتغير جو بس هي مب طايعه وكانت تفضل انها تقعد في حجرتها, بس كانت تطلع معه مرات عشان تروح السوق وترد.

وفي يوم كان طارق قاعد في الصالة يطالع التلفزيون وريم كانت في حجرتها قاعده تقرا مجله, وبعد ما خلص الفلم راح طارق لريم.
طارق: ريم شو رايج نطلع نتمشي شوي.
ريم: ما لي خلق اطلع.
طارق: ريم انتي ما مليتي من القعده في الحجره.
ريم: عيل شو تبغيني اسوي ما عندي شي اسويه.
طارق: زين خلنا نطلع.
ريم: اوكي بس عطني عشر دقايق عشان اتجهز.
طارق: اوكي وانا بترياج في الصالة.

وراح طارق يقعد في الصالة وهو يفكر بريم, هي بعدها زعلانه منه وتعامله بجفاء, وهذا اللي كان مضايقنه مع انه في البداية ما كان متقبلنها ولكن الحين يحس بشعور غريب تجاها وهو بروحه ما يعرف شو طبيعة هالشعور.

وبعد ما تجهزت ريم طلعوا مع بعض يتمشون, وبعدين طارق وداها لمقهى صغير في زاوية الشارع, وبعد ما قعدوا طلبوا لهم قهوة .

ريم: طارق.
طارق: لبيه.
ريم: متى بنرد البلاد.
طارق: ليش.
ريم: بس اشتقت لأهلي.
طارق: وما في سبب ثاني ما تبغين تقولينه.
ريم: ( وهي منزله راسها ) مثل شو.
طارق: مثلا انج تبغين الفكه من مجابل ويهي اربع وعشرين ساعة.
ريم: انا عمري ما فكرت بهذا الشي.
طارق: عيل تقدرين تقولين لي ليش تبغينا نرد البلاد.
ريم: قلت لك اني مشتاقه لأهلي وما في سبب ثاني.
طارق: متأكده.
ريم: هيه.
طارق: بس انا ما افكر ارد الحين.
ريم: عيل متى بنرد.
طارق: يمكن بعد اسبوعين.
ريم: بس اسبوعين وايد.
طارق: بس انا القعده عايبتني هنيه وما ابغي ارد بسرعه.
ريم: ( وهي متغيضه منه وتعرف انه يسوي هالشي بس عشان يقهرها ) على راحتك.
طارق: ( وهو مبتسم ) ريم فيج شي.
ريم: لأ بس ابغي ارد الفندق لو ما كان عندك مانع.
طارق: اوكي بس بنمر على أي مطعم عشان ناخذ لنا عشا وبعدين بنروح الفندق.
ريم: سوي اللي تشوفه.

وبعد ما خذوا لهم عشا ردوا الفندق وتعشوا وقعدوا في الصالة يطالعون التلفزيون.

ريم: عن اذنك انا بروح ارقد.
طارق: خلج قعدي معاي.
ريم: احس اني تعبانه وابغي ارقد.
طارق: اوكي, تصبحين على خير.
ريم: وانت من اهل الخير.

وراحت ريم ترقد ولكن الرقاد ما ياها وقعدت تفكر بطارق يوم شافته اول مره ويوم الخطبه والملجه, كانت تتذكر الأيام و الليالي اللي قضتها و هي تفكر فيه, تذكر اللحظات السعيده اللي عاشتها يوم عرفت انه خطبها, وقعدت تبجي وهي تتذكر هذي الأشياء كلها وهي تقول في قلبها ليش يا ربي حبيت هالإنسان اللي ما يستاهل حبي, ليش انا ما اقدر اكرهه واظل افكر فيه بكل لحظة, يا ترى شو مصيري معاه ورقدت ريم وهي تفكر بهذي الأشياء.

واليوم الثاني الصبح قام طارق من الرقاد وما لقى ريم في الحجرة, وطلع يدورها و لقاها قاعده في البلكونه وكأنها تفكر بشي.

طارق: ( وهو مبتسم ) صباح الخير.
ريم: ( وبلهجه جافه ) صباح النور.
طارق: غريبه اليوم ناشه من وقت.
ريم: انا كل يوم انش في هذا الوقت.
طارق: زين انا بروح اخذ لي شاور على السريع وانتي طلبي الأكل اوكي.
ريم: انشاء الله.
طارق: قبل لا اروح بغيت اقولج تجهزي لأنا بنطلع بعد ما نخلص اكل, ولا تقولين انج ما تبغين تطلعين.
ريم: زين.

وبعد ما خلصوا اكل طلعوا ريم وطارق وهالمره طلعوا في السيارة وطارق وداها اماكن ما راحت لها من قبل, ورغم انها ما كانت تبغي تطلع لكن وايد استانست حتى طارق لاحظ انها مستانسه, وحس بالسعاده لأنها اول مره تكون فيها مستانسه وهي معاه.

وهم رادين للفندق.

طارق: ريم شو رايج بالأماكن اللي رحناها.
ريم: وايد حلوه.
طارق: يعني استانستي.
ريم: ( وهي اول مره تبتسم له ) وايد.
طارق: عيل كل يوم بطلعج عشان تبتسمين لي جيه.

ريم يوم سمعته يقول هالكلام احمر ويها وما ردت عليه.

طارق: ليش سكتي.
ريم: شو تبغيني اقول.
طارق: قولي أي شي بس لا تسكتين.
ريم: مشكور على طلعة اليوم.
طارق: العفو الغالية, ويوم تبغين تطلعين قولي لي وانا بوديج.
ريم: بس انا اول مره ازور ايطاليا وما اعرف أي مكان فيها.
طارق: عيل خلاص انا راح اطلعج كل يوم وبعرفج على اماكن وايد في ايطاليا.
ريم: انت كم مره زرت ايطاليا.
طارق: ما اتذكر لأني كنت ازورها وايد يوم كنت ادرس وبعدين قمت اييها بخصوص الشغل.
ريم: وتعجبك.
طارق: هيه, بس بعد اشتاق للبلاد وايد.
ريم: ما في مثل البلاد, مهما درت العالم مردك لبلادك.
طارق: كلامج صح.

ريم كانت تسولف مع طارق عادي و كأنه ما صار شي وطارق كان مستانس من هالناحيه ويتمنى ان هاللحظات ما تنتهي.

***********************************

وفي الإمارات مبارك طلع من المستشفى والكل راح له وتحمد له بالسلامه.

وفي بيت ابو هزاع, كانت نوف قاعده تبدل ملابس ولدها يوم دخل عليها هزاع.

هزاع: ( وهو يروح يقعد صوب حرمته ) فديته والله طالع علي.
نوف: ههههههههه بس انا اشوف انه طالع على خاله.
هزاع: لأ ولدي وطالع علي.
نوف: هزاع اليوم ابغي اروح عند امايه صار لي فتره ما رحت لها.
هزاع: حبيبتي انا قايل لج يوم تبغين تروحين بيت اهلج قولي لي وانا بوديج, والحين عطيني ولدي خلني الاعبه شوي.
نوف: هههههههههه لأ خلني برقده اليوم كله ما رقد وانت تعرف ليش.
هزاع: ليش.
نوف: لأني كل ما ييت برقده تقوم انت تلعوزه وما تخليه يرقد.
هزاع: ههههههههههه ما اقدر اقعد من دونه.
نوف: فديتكم انتوا الأثنين.
هزاع: اوكي انتي رقديه وانا بروح اشوف ابوي شو يبغيني.
وراح هزاع عند ابوه.

هزاع: ها الوالد متصل تقول تبغيني ضروري خير انشاء الله.
ابو هزاع: الخير بويهك بس بغيتك تسافر للندن.
هزاع: ليش, صاير شي بالشغل هناك.
ابو هزاع: ما ادري يا ولدي اليوم اتصلوا لي وقالوا ان عندهم شوية مشاكل ويبغوني اروح وانا يا ولدي احس عمري تعبان وما فيني شده للروحه وابغيك تروح تشوف شو السالفة.
هزاع: انشاء الله الوالد, ومتى تبغيني اسافر.
ابوهزاع: بعد يومين.
هزاع: خلاص انا بروح اجهز اوراق السفر.
ابو هزاع: وابغيك تكون على اتصال مع الشركة اللي هنيه.
هزاع: انشاء الله.
ابو هزاع: مشكور يا ولدي انا اعرف اني بتعبك بس مب بإيدي لو فيني شده كان رحت بدالك.
هزاع: افا عليك يا بوي ليش تقول هالكلام احنا عيالك.

وراح هزاع عند نوف عشان يقول لها انه مسافر, ويوم دخل عليها شافها قاعده تنيم ولدهم.

نوف: خير هزاع شو كان عمي يبغي منك.
هزاع: الخير بويهج بس ابوي يبغيني اسافر.
نوف: ( وهي متضايقه ) و وين بتروح.
هزاع: بروح لندن لكم يوم وما راح اتأخر.
نوف: وكم يوم بتم هناك.
هزاع: يمكن اتم ثلاثة ايام او اكثر.
نوف: تروح وترد بالسلامه.
هزاع: حياتي انا اعرف ان موضوع السفر يضايقج بس شو اسوي لازم اروح بدال الوالد.
نوف: انا اعرف يا حياتي, بس ابغيك تتصل لي كل يوم وطمني عليك.
هزاع: انشاء الله.

 

[ضوى العيون]

اليوم حطيت لكم الجزء العاشر وان شاء الله يعجبكم, و بعد ما تقرونه ابغي منكم رايكم بكل صراحة.

وبعد يومين وفي بيت ابو هزاع.

هزاع: ليش الدموع يا حياتي انا مسافر لكم يوم وراجع.
نوف: بس هذي اول مره تخليني فيها وتسافر من يوم ما تزوجنا.
هزاع: حياتي لولا الشغل ما سافرت.
نوف: اعرف.
هزاع: والحين ما ابغي اشوف الدموع في هالعيون الحلوه.
نوف: ( وهي تبتسم ) حياتي ما اوصيك على عمرك, تحمل على عمرك ولا تعب نفسك بالشغل وايد.
هزاع: ان شاء الله, في اوامر ثانية.
نوف: ههههههههههه, لأ.
هزاع: فديت هالضحكه, الله لا يحرمني منج يا حبيبتي.
نوف: ولا يحرمني منك يا حياتي.
هزاع: عيل وين ولدي حبيبي, ابغي اشوفه قبل لا اروح المطار.
نوف: راقد, تبغيني اييبه لك.
هزاع: هيه, ما اقدر اطلع من غير ما اشوفه.

وراحت نوف ويابت ولدهم.

هزاع: ( وهو ياخذ الولد من نوف , ويحبه ) فديته طالع على ابوه, والله اني بشتاق له وايد.
نوف: بس بتشتاق لولدك ما بتشتاق لحد ثاني.
هزاع: بشتاق لولدي وام ولدي الغالية اللي مالي غنى عنها.
نوف: هههههههههه, يلا لازم تروح المطار, لأنك وايد تأخرت.
هزاع: ( وهو يعطيها الولد, ويحبها على يبهتها ) حبيبتي ديري بالج على عمرج, وعلى ولدي حبيبي.
نوف: ان شاء الله, وانت بعد يا حياتي دير بالك على عمرك.
هزاع: ان شاء الله, يلا حياتي انا طالع ما تامريني على شي.
نوف: سلامتك يا حياتي, تروح وترجع بالسلامه.

وطلع هزاع عن حرمته وراح سلم على اهله وبعدين راح المطار.

***********************

وفي روما كانت الأحوال مثل ما هي بس ريم تحسنت علاقتها مع طارق شوي, يعني ما صارت تتجاهله مثل اول وتقعد تسولف معاه بس هذا ما يعني انها نست اللي صار وكانت لحد الحين شاله في خاطرها منه.

طارق: ريم شو رايج نطلع.
ريم: نطلع وين نروح.
طارق: بنروح السوق مثلا, او أي مكان تبغينه.
ريم: اوكي بس قبل لا نطلع ابغي اتصل في امايه وعمتي, لأن صار لي فترة ما كلمتهم وانا ولهانه عليهم وايد.
طارق: حتى انا صار لي فترة ما كلمت امايه.

واتصلت ريم في امها اول.

ريم: الو السلام عليكم.
عبدالله: وعليكم السلام والرحمه.
ريم: هلا عبدالله, شخبارك.
عبدالله: الحمدلله بخير, انت اللي شخبارج وشخبار طارق.
ريم: الحمدلله بخير, انتوا شخباركم وشخبار امايه ولهت عليها وايد.
عبدالله: احنا الحمدلله بخير.
ريم: عيل امايه وينها بغيت ارمسها.
عبدالله: امايه محد, راحت بيت عمي ابو ناصر.
ريم: عيل سلم عليها يوم بترد, وسلم عليهم كلهم.
عبدالله: يوصل.
ريم: عبدالله, لحظة طارق يبغي يكلمك.

وعطت ريم السماعه لطارق اللي كان يأشر لها عسب يرمس عبدالله.

طارق: هلا ابو سعود شخبارك.
عبدالله: الحمدلله بخير انتوا شخباركم.
طارق: الحمدلله يسرك الحال.
عبدالله: شو مب ناوين تردون ولا القعده هناك عيبتكم.
طارق: هههههههههه تبغي الصدق ولهت على البلاد, وان شاء الله الأسبوع الياي احنا عندكم.
عبدالله: ان شاء الله, عاد انت قول لنا متى بتوصلون عشان نستقبلكم في المطار.
طارق: اول ما اتأكد من الحجز بقولكم, والحين انا اترخص وسلم على الأهل.
عبدالله: الله يسلمك.
طارق: ما توصي على شي.
عبدالله: سلامتك بس دير بالك على الرضيعه تراها غالية.
طارق: ما يحتاي توصيني.
عبدالله: مع السلامه.
طارق: مع الف سلامه.

وبعد ما سكر طارق عن عبدالله اتصل في امه ورمسها هو و ريم وبعدين تجهزوا وطلعوا.

وهم يتمشون في السوق.

ريم: طارق.
طارق: لبيه.
ريم: احنا صدج بنرد البلاد الأسبوع الياي.
طارق: ان شاء الله , بس ليش تسألين الظاهر انج مليت من القعده هنيه وتبغين تردين البلاد.
ريم: تبغي الصدق ولهت على البلاد وايد مع ان الجو هنيه ما في مثله بس بعد مردنا لبلادنا.
طارق: صدقتي, وان شاء الله باجر بروح اتأكد من الحجز.

*****************************

وفي بيت ابو ناصر كانوا الحريم قاعدين يسولفون عن ملجة مبارك ومنى اللي قرروا يسوونها بعد ما يردوا ريم وطارق من شهر العسل.

ام ناصر: متى تبغون الملجه يا ام عبدالله.
ام عبدالله: شو رايج يا ام ناصر نسويها بعد ما يردوا ريم وطارق من شهر العسل بإسبوع.
ام ناصر: هذا الشور الزين, وانا اليوم ان شاء الله بكلم ابو ناصر.
ام عبدالله: وانا بعد بكلم عبدالله اليوم.
ام ناصر: الا شخبار ريم يا ام عبدالله.
ام عبدالله: الحمدلله بخير وهي تسلم عليكم.
ام ناصر: الله يسلمها من كل شر.
ام عبدالله: وشخبار العيال يا ام ناصر.
ام ناصر: الحمدلله بخير.

وهنيه يدخل مبارك الصالة ويشوف امه قاعده مع مرت عمه, ويروح يسلم عليهم.

مبارك: هلا عموه شخبارج.
ام عبدالله: الحمدلله بخير يا ولدي, انت شخبارك.
مبارك: الحمدلله يسرج الحال.
ام عبدالله: وينك يا ولدي محد يشوفك وما صرت تزورنا مثل قبل.
مبارك: اسمحيلي عموه انا اعرف اني مقصر في حقكم بس شو اسوي هالأيام الشغل ماخذ كل وقتي .
ام عبدالله: مسموح الغالي, بس لازم تهتم في عمرك ولا تعب عمرك بالشغل وايد.
مبارك: ان شاء الله, والحين اسمحولي بروح حجرتي ارتاح.
ام عبدالله + ام ناصر: مسموح.

وراح مبارك حجرته عشان يرتاح لأنه ما يرقد عدل من كم يوم وهذا كله بسبب الشغل, واول ما وصل حجرته راح الحمام وخذ له شاور على السريع وبعدين انسدح على الشبريه عشان يرقد بس الرقاد ما ياه فقام واتصل في منى عسب يرمسها.

مبارك: الو السلام عليكم.
منى: وعليكم السلام والرحمه.
مبارك: شخبارج حبيبتي.
منى: الحمدلله بخير, انت شخبارك.
مبارك: الحمدلله يسرج الحال.
منى: مبارك انت وين صار لك فتره ما رمستني.
مبارك: اسمحيلي حبيبتي, بس شو اسوي الشغل ماخذ وقتي كله.
منى: مسموح عمري.
مبارك: وشخبارج بعد وشخبار الدراسه.
منى: الحمدلله.
مبارك: اليوم عمتي في بيتنا ليش ما ييتي معاها.
منى: بس ما كان لي خلق اطلع.
مبارك: ليش يا حياتي فيج شي.
منى: لأ ما فيني شي بس ما كان لي خلق اطلع من البيت.
مبارك: اهااا, عيل انا بخليج الحين.
منى: ليش؟
مبارك: احس عمري تعبان وابغي ارقد.
منى: اوكي.
مبارك: مع السلامه.
منى: مع الف سلامه.

وبعد ما سكرت منى عن مبارك نزلت تحت تقعد في الصالة لأنها ملت من القعده في حجرتها, وفي الصالة ما لقت حد قاعد غير سارة اللي كانت قاعده تتصفح مجلة.

منى: ( وهي تقعد ) اشوفج قاعده بروحج عيل وين جاسم.
سارة: بعد وين اكيد بكون في شغله, بس انت خبرني اشفيج باين عليج انج متضايقه.
منى: ما ادري احس بالملل, وتبغين الصدق ولهت على ريم وايد.
سارة: ابشرج ريم يمكن ترد الأسبوع الياي.
منى: ( وهي صدج مستانسه ) صدج والله.
سارة: هيه, توها حصة قايله لي.
منى: واخيرا ما بغت ترد.
سارة: هههههههههههه حرام عليج ما تبغين البنيه تستانس في شهر العسل.
منى: انا ما قلت جيه بس هم وايد طولوا.
سارة: ههههههه بنشوف يوم بتعرسين شو بتسوين.
منى: آه متى بعرس.
سارة: اقولج شي.
منى: شو.
سارة: عمتي قالت لي يمكن يخلون ملجتج بعد ما ترد ريم من شهر العسل بإسبوع, يعني ملجتج بتكون قريبه.
منى: ( وهي مستحيه ) وليش هم مستعيلين جيه.
سارة: توج تقولين متى بعرس والحين تقولين ليش مستعيلين, والله ما عرفنا لج.
منى: سارة يوزي عني.
سارة: هههههههههههه.
منى: عيل حصة وينها.
سارة: في حجرتها تنيم اليهال.

وهنيه يدخل جاسم الصالة.

جاسم: السلام عليكم.
منى + سارة: وعليكم السلام.
جاسم: ( وهو يقعد صوب حرمته ) ها حياتي شخبارج.
سارة: الحمدلله بخير.
منى: يا سلام ولا كأني قاعده معاكم, على الأقل اسأل عن اختك الصغيرة اللي محد يسأل عنها.
جاسم: ههههههههههه اسمحيلي الغالية ولا تزعلين, شخبارج منى ان شاء الله مرتاحه.
منى: الحمدلله يسرك الحال, مع انها يات متأخره.
جاسم: ههههههههه مشكلة الغيرة.
منى: نعم شو قلت.
جاسم: ما قلت شي.
منى: على بالي.
جاسم: عيل امايه وينها.
سارة: محد راحت بيت ابوي.
جاسم: اهااا.
سارة: جاسم.
جاسم: يا عيون جاسم.
سارة: باجر عندي موعد في المستشفى وابغيك توديني اذا تقدر.
جاسم: باجر ما اقدر خلي امايه تروح معاج.
سارة: خلاص بكلم عمتي عشان تروح معاي.
جاسم: حياتي لا تزعلين بس انا باجر عندي شغلة مهمة ولازم اخلصها.
سارة: وانا اقدر ازعل منك.
جاسم: فديت حبيبتي المتفهمه.
منى: جاسم شو رايك تطلعنا اليوم والله مليت من القعده في البيت.
سارة: صدج جاسم خلنا نطلع اليوم.
جاسم: و وين تبغون تروحون.
منى: أي مكان بس المهم نطلع.
جاسم: فالكم طيب اليوم ان شاء الله بعد صلاة المغرب بطلعكم.
سارة: فالك ما يخيب يا ابو علي.
منى: يا سلام على الحب.
جاسم: قولي ما شاء الله ما فينا تصكينا بعين.
منى: هههههههههه ما شاء الله.

وهنيه دخلت ام عبدالله وهي يايه من بيت ابو ناصر.

ام عبدالله: السلام عليكم.
الكل: وعليكم السلام.
ام عبدالله: عيل عبدالله وينه.
جاسم: عبدالله بعده في الشركة وقال انه بتأخر شوي.
ام عبدالله: ما يصير جيه يا ولدي كلمه خله يخف على عمره من الشغل, وبعدين هو عنده حرمه وعيال لازم يهتم فيهم.
جاسم: ان شاء الله امايه بكلمه ما اني اعرف ان ما في اي فايده اكلمه لأنه مستحيل يغير من عاداته.
ام عبدالله: منى غناتي قومي خلهم يحطون الغدا.
منى: ان شاء الله امايه.

وبعد ما راحت منى.
ام عبدالله: اليوم انا وام ناصر قررنا ان ملجة منى ومبارك تكون بعد ردت ريم وريلها من شهر العسل بإسبوع.
جاسم: زين الله يتمم على خير.
سارة: عمتي ريم اتصلت يوم كنت طالعه وسلمت عليج .
ام عبدالله: الله يسلمها من كل شر, وشو قالت.
سارة: قالت انهم يمكن يردون بعد اسبوع.
ام عبدالله: الله يردهم بالسلامه.

 

[ضوى العيون]

وبعد صلاة المغرب.

جاسم: يلا انتوا بعدكم ما تجهزتوا.
منى: احنا من متى جاهزين انت اللي تأخرت.
جاسم: زين يلا خلنا نطلع.
سارة: و وين بتودينا.
جاسم: انتوا وين تبغون تروحون.
منى: شو رايك نروح المول.
جاسم: اوكي ما عندي أي مانع.

وهم في السيارة رن تلفون جاسم, فيصل ربيعه متصل فيه.

فيصل: السلام عليكم.
جاسم: وعليكم السلام والرحمه.
فيصل: شخبارك جاسم.
جاسم: الحمدلله يسرك الحال, انت شخبارك.
فيصل: الحمدلله, وينك يا ريال محد صار يشوفك مثل قبل حتى المقهى ما صرت تمره.
جاسم: شو اسوي الشغل ماخذ كل وقتي, المهم شخبار الربع.
فيصل: بخير ويسلمون عليك.
جاسم: الله يسلمهم.
فيصل: زين شو رايك تمرنا اليوم في المقهى.
جاسم: ان شاء الله اول ما اخلص شغلي بمر عليكم.
فيصل: اوكي عيل احنا نترياك, مع السلامة.
جاسم: مع الف سلامة.

جاسم: يلا وصلنا المول, بس ما بنتم في المول اكثر من ساعتين.
منى: اوكي, مع ان ساعتين ما تكفي بس يلا شو نسوي لازم ننفذ اوامر اخوي الغالي.
جاسم: هههههههههه انتي ما تيوزين عن سوالفج, وبعدين تعالوا انتوا الحريم ما تشبعون من التسوق والتشري.
منى: يلا ما تسوى علينا هالروحه عشان تذلنا عليها.
جاسم: ههههههههههه, حياتي ليش ساكته فيج شي.
سارة: لأ ما فيني شي.
جاسم: اذا تعبانه قولي لي.
منى: سارة صدج اذا تعبانه بنرد البيت ماله داعي نروح السوق وانتي بهذي الحاله.
سارة: صدقوني ما فيني شي بس شوية تعب.
جاسم: عيل خلنا نرد البيت.
سارة: لأ ما في داعي نرد البيت انا الحين احسن.
جاسم: متأكده.
سارة: حياتي لا تخاف علي انا ما فيني شي بس شوية تعب وبروح, والحين يلا خلنا ننزل.

***********************

وفي القهوة كانوا الشباب قاعدين يسولفون.

فيصل: وينك يا مبارك محد يشوفك.
مبارك: اسمحولي هالأيام مشغول وايد.
بدر: شو السالفة انت و ولد عمك محد يشوفكم واذا كان عن الشغل فالشغل احنا لاحقين عليه.
مبارك: المهم انتوا شخباركم.
بدر: احنا الحمدلله بخير.
مبارك: الا هزاع وينه صار لي فتره ما شفته.
بدر: انت ما تعرف ان هزاع مسافر.
مبارك: لأ والله محد قالي, و وين سافر.
فيصل: راح لندن يخلص شوية اشغال هناك.
مبارك: وهو متى سافر.
فيصل: صار له كم يوم مسافر.
بدر: شو رايكم ناخذ اجازة ونطلع القنص لكم يوم صار لنا فتره ما رحنا القنص.
مبارك: هيه والله, بس مب الحين خلها لبعدين على الأقل لين ما يردوا طارق وهزاع من السفر.
فيصل: الا على طاري طارق هو شخباره.
مبارك: الحمدلله بخير.
بدر: وما تعرف متى برد من السفر.
مبارك: بعد اسبوع ان شاء الله.
بدر: مبارك اقصد لنا صار لك فتره ما سمعتنا شي من قصايدك.
مبارك: فالك طيب يا ابو محمد.
بدر: فالك ما يخيب يا اخوي.

أعتذر لك عن خط ما كان قصدي
وأعتذر لك عن خطا قلب هواك

والله انك تسوى كل الناس عندي
لو تبي روحي أنا روحي فداك

ليت لو كان الهوى أمره بيدي
كان أقضي عمري الباقي معاك

انت فرحي .. انت انسي .. انت سعدي
وانت أغلى من غلا قلب غلاك

للمحبه ود.. لكن انت وجدي
مستحيل احب في الدنيا سواك

لا تصدق عاذل ضدك وضدي
من حكى في حضرتك يحكي وراك

الزعل ما بيننا خله يعدي
كل همي يا منى روحي رضاك

إبتسم .. إضحك .. وهونها .. وهدي
تضحك الدنيا إذا تضحك معاك **

مبارك: وسلامتكم.
بدر: صح لسانك.
مبارك: صح بدنك.

وهنيه وصل جاسم المقهى بعد ما رد حرمته واخته للبيت.

جاسم: السلام عليكم.
الكل: وعليكم السلام.
جاسم: اسمحولي تأخرت عليكم.
بدر: مسموح.
جاسم: ها شخباركم.
فيصل: الحمدلله بخير, انت شخبارك.
جاسم: الحمدلله يسرك الحال.
بدر: وشخبار الشغل.
جاسم: ماشي الحال.
مبارك: جاسم شو صار على الصفقة رست علينا ولا لأ.
جاسم: باجر بنعرف وان شاء الله ترسى علينا.
مبارك: ان شاء الله.
جاسم: ها ابو محمد اشوفك في البلاد, الظاهر ان سفراتك قلت بعد ما تزوجت.
بدر: ههههههههه شو اسوي ما اقدر اخلي حرمتي بروحها واسافر.

وقعدوا الشباب يسولفون مع بعض.

وفي روما.

ريم: طارق شو صار على الحجز.
طارق: انا رحت لهم اليوم بس ما لقيت حجز بعد اسبوع وعشان جيه جدمت الرده.
ريم: ( وهي مستانسه ) صدج.
طارق: هيه.
ريم: ومتى بنرد.
طارق: بعد ثلاثة ايام ان شاء الله.
ريم: واخيرا بنرد البلاد ما اصدق.
طارق: ههههههههه لها الدرجة ريم مستعيله على الرده.
ريم: ليش انت مب مستعيل.
طارق: صح اني اشتقت للبلاد بس بعد القعده هنيه عايبتني.
ريم: اما انا فما اقدر اصبر عن البلاد وابغي ارد بسرعه لأني اشتقت لهم وايد وخصوصا امايه ولهت عليها وايد.
طارق: صبري ما باقي شي الا هي ثلاثة ايام وبنرد ان شاء الله.
ريم: ان شاء الله.
طارق: والحين شو رايج نطلع.
ريم: اوكي عطني عشر دقايق عشان اتجهز وبعدين بنطلع.
طارق: اوكي بس لا تبطين علي ولا بخليج وبروح.
ريم: ههههههه ان شاء الله.

وراحت ريم تتجهز, اما طارق فتم قاعد في الصالة يفكر بحياته مع ريم, صح ان معاملتها معاه تغيرت وهو تعود عليها بس بعده مب قادر يعرف شو شعوره تجاها, هو يرتاح لها ويحس انه ظلمها بس بعد هو مستحيل ينسى حبيبته اللي حبها واللي قضى معاها احلى ايامه, هو حاير وما يعرف شو يسوي, وتمنى في اللحظة ان هزاع يكون معاه لأنه هو الوحيد اللي يسمعه وينصحه.

ريم: طارق يلا انا جاهزه.

طارق ما انتبه لها لأنه كان قاعد يفكر.

ريم: طارق اشفيك.
طارق: ها شو قلتي.
ريم: اقولك يلا انا جاهزه خلنا نطلع.
طارق: اوكي.
ريم: طارق فيك شي.
طارق: لأ ما فيني شي بس كنت افكر.

ريم كانت تحس ان طارق فيه شي وحست انه كان قاعد يفكر بالبنيه اللي يحبها ويوم فكرت بالهشي قلبها عورها, وقعدت تقول في خاطرها, ليش يا ربي ما يحبني مثل ما احبه وشو بكون مصيري معاه.

وهم قاعدين يتمشون كان طارق قاعد يسولف لها عن روما ومعالمها بس ريم كانت في عالم ثاني, كانت قاعده تفكر فيه.

طارق: ريم انتي معاي.
ريم: ها.
طارق: الظاهر انج مب معاي ابدا بشو كنتي قاعده تفكرين.
ريم: ما كنت افكر بشي.
طارق: من يوم ما طلعنا من الفندق وانا احس ان بالج مشغول بشي شو هو يا ترى.
ريم: لأ بس كنت افكر.
طارق: تفكرين بشو.
ريم: ههههههههه شو هو تحقيق.
طارق: لأ مب تحقيق بس حبيت اعرف اذا كان في شي شاغلنج.
ريم: لأ ما في شي شاغلني.
طارق: ريم اذا في خاطرج شي قوليه.
ريم: ما في خاطري شي.
طارق: اوكي عيل شو رايج ندخل نتعشى في هذا المطعم.
ريم: اوكي ما عندي أي مانع.

وبعد ما دخلوا وقعدوا طلبوا لهم الأكل وقعدوا يسولفون عن اشياء عادية.

طارق: ريم شو رايج في روما.
ريم: وايد حلوه ما كنت اتوقع انها جيه.
طارق: في وايد اماكن في روما ما خذيتج لها وبحاول في هاليومين اخذج لها وبتستانسين وايد يوم بتزورينها.
ريم: ما شاء الله عليك تعرف روما زين.
طارق: هيه كنت ازورها وايد ايام الدراسه وفي الإجازات بعد كنت ازورها مع ربعي.
ريم: وشو اكثر الأشياء اللي تعجبك في روما.
طارق: ما في شي محدد كل شي فيها حلو.

وبعدين يابوا لهم الأكل وقعدوا يسولفون وهم ياكلون.

***********************************

 

[ضوى العيون]

وفي الإمارات كانت عالية قاعده على المسنجر نفس العاده ترمس مع ربعها.

الغزال: امل شخبار مريوم.
العيناوية: بخير ويوم اتصلت لها اخر مره قالت لي اسلم عليج.
الغزال: الله يسلمها, هي وينها ابدا ما تنشاف ولا كأنا في جامعه وحده.
العيناوية: حتى انا ما اشوفها في الجامعه بس ارمسها في التلفون من فتره لفتره ولا هي ابدا ما تسأل عن حد.
الغزال: ههههههههههه انت ما تعرفين مريوم ما شاء الله عليها تحب الدراسه.
العيناوية: بس الدراسه ما تخليها تنسى اعز ربعها.
الغزال: الحين خلينا من مريوم وخبريني انت شو مسويه في الدراسه.
العيناوية: اوكي, وانتي.
الغزال: الحمدلله.
العيناوية: تعالي منى شخبارها صار لي فتره ما رمستها.
الغزال: الحمدلله بخير.
العيناوية: وهي متى بتملج.
الغزال: الأسبوع الياي, وها ما اوصيج اول الناس تكونين موجوده.
العيناوية: هذا اذا خلتني الوالده.
الغزال: لا عادي اصلا امايه بتكلم امج وبتعزمها.
العيناوية: عيل خلاص بتشوفيني اول الحاظرين.
الغزال: هو بس كلام وبعدين ما تيين.
العيناوية: لأ هالمره اوعدج اني بيي.
الغزال: بنشوف.
العيناوية: اقول عالية انا طالعه اوكي.
الغزال: ليش توي الناس خلنا نرمس شوي.
العيناوية: أي توي الناس انتي ما تشوفين الساعه كم ولا نسيتي ان باجر ورانا جامعه وانا صراحة عندي محاظرات من الساعة ثمان وما ابغي اتأخر عنها ولا بيحسبني الدكتور غياب.
الغزال: اوكي.
العيناوية: اوكي تصبحين على خير.
الغزال: وانتي من اهل الخير.

وبعد ما طلعت عنها ربيعتها سكرت عالية المسنجر لأن محد عندها وقعدت تقلب في المجلات لأن ما فيها رقاد وهي متعوده ترقد متأخر.

وهي تقرا المجلات وصلها مسج وفتحت المسج عشان تقراه وشافت ان المسج واصلنها من رقم غريب وقعدت تقرا المسج وهي مستغربه من اللي مطرش لها مسج.

( أحاول اكتم إحساسي ولا ارسل رسالة شوق لكن حبك بقلبي نساني )

وبعد ما قرت المسج قعدت تفكر باللي مطرش لها المسج يمكن تكون وحده من ربيعاتها مغيره رقمها ونست تقول لها وقررت ان تسألهم باجر, وقعدت تكمل قرايت المجلة وبعد شوي رن تلفونها وشافت انه نفس الرقم اللي توي واصلنها مسج منه و بعد تردد قررت ترد.

المتكلم: الو السلام عليكم.
عالية: ( وهي خايفه ) وعليكم السلام.
المتكلم: شخبارج حبيبتي.
عالية: منو انت.
المتكلم: افا ما عرفتيني وانا اللي قلت اول ما تسمع صوتي بتعرفني.
عالية: اخوي الظاهر انك مغلط بالرقم واسمحلي انا بسكر الحين.
المتكلم: عالية لحظة لا تسكرين.
عالية: ( انصدمت يوم سمعته يقول اسمها ) انت كيف تعرف اسمي.
المتكلم: عالية دخيلج لا تسكرين انا حميد.
عالية: حميد.
حميد: هيه, وانا اسف اني اتصلت فيج في هالوقت.
عالية: ( وهي بعدها مب مصدقه انها قاعده ترمس حميد ) لا عادي بس انت كيف عرفت رقمي.
حميد: انا خذت الرقم من عند فطيم وما ابغاج تزعلين منها لأنها كانت مب راضيه تعطيني الرقم بس انا اصرت اخذه.
عالية: انا ما اقدر ازعل منها.
حميد: عالية اسمحيلي ما قدرت ايود عمري اكثر من جيه اخاف يصير لي شي.
عالية: بسم الله عليك.
حميد: تخافين علي.
عالية: اذا ما اخاف عليك اخاف على منو.
حميد: فديتج يا حبيبتي.
عالية: حميد.
حميد: يا عيون حميد.
عالية: احبك.
حميد: فديتج وانا بعد احبج واموووووووووت فيج.
عالية: صدج.
حميد: هيه ولا مب مصدقتني.
عالية: ههههههه لا مصدقتنك.
حميد: فديت هذي الضحكه الله لا يحرمني منها.
عالية: ولا يحرمني منك يا عمري.
حميد: اقول حبيبتي انا بخليج الحين لأني اعرف ان وراج جامعه باجر ولازم ترقدين.
عالية: اوكي حبيبي.
حميد: تصبحين على خير.
عالية: وانت من اهل الخير.

وسكرت عالية عن حميد ورقدت وهي تفكر فيه .

*************************

وفي حجرة سارة وجاسم.

جاسم: حياتي كيف حالج الحين.
سارة: الحمدلله احسن من اول.
جاسم: مب كان احسن نروح العياده.
سارة: لأ ما كان في داعي إنا نروح العياده لأني بخير.
جاسم: انتي متأكده ان ما فيج شي.
سارة: هيه متأكده والحين لازم ترقد لأنك لازم تقوم من الصبح عشان تروح الشغل.
جاسم: وانتي بعد لازم ترقدين.
سارة: اوكي.
جاسم: تصبحين على خير.
سارة: وانتي من اهل الخير.

ورقد جاسم اما سارة فما قدرت ترقد لأنها كانت تحس بتعب والام فضيعه بس ما قالت لجاسم عشان ما تبغيه يستهم عليها, والساعة ثنتين ونص بالليل حست انها خلاص بتموت وما قادره تتحمل فوعت جاسم عشان ياخذها المستشفى.

سارة: جاسم قوم .
جاسم: ( اول ما سمعها تناديه قام بسرعه) ها حياتي فيج شي.
سارة: جاسم انا تعبانه واحس اني بموت قوم ودني المستشفى.
جاسم: بسم الله عليج من الموت انا الحين بوديج المستشفى انتي لبسي عباتج وانا بروح اقول لأمايه عشان تروح معانا.

وراح جاسم ووعى امه من الرقاد وقال لها ان سارة تعبانه وايد ولازم يودونها المستشفى.

وفي المستشفى.

جاسم: ها دكتورة زوجتي شو فيها.
الدكتورة: ما اعرف شو اقولك.
جاسم: هي فيها شي.
الدكتورة: صراحة حرمتك كانت تعبانه وايد وهي.............
جاسم: وهي شو يا دكتورة طمنيني حرمتي فيها شي.
الدكتورة: حرمتك سقطت الحمل.
جاسم: شو.
الدكتورة: الله ما اراد ان الحمل يستمر وانا اعتقد ان الحمل لو استمر كان الجنين ما بعيش.
ام عبدالله: ( وهي تبجي ) وهي شخبارها يا دكتورة.
الدكتورة: الحمدلله هي الحين بخير.
جاسم: دكتورة اقدر اشوفها.
الدكتورة: طبعا.

وراح جاسم عشان يشوف حرمته اما ام عبدالله فقعدت في غرفة الإنتظار عشان تخليهم بروحهم.

يوم دخل جاسم على سارة شافها قاعده تبجي.

جاسم: ( وهو يروح صوبها ) حبيبتي ليش تبجين.
سارة: جاسم انا أسفة.
جاسم: حبيبتي الغلط مب منج والله اراد ان الحمل ما يستمر وان شاء الله الله بعوضنا بواحد ثاني بس انتي لا تبجين وتعبين روحج.
سارة: انا اعرف انك كنت تتمنى هالولد من زمان بس ............... وقعدت تبجي.
جاسم: ( يوم شاف دموعها عوره قلبه) حبيبتي وغلاتي عندج لا تبجين.
سارة: زين ما ببجي بس انت روح البيت ارتاح.
جاسم: لأ خلني بقعد معاج هنيه.
سارة: وين بتقعد ممنوع هذا قسم للحريم.
جاسم: خلاص بقعد شوي وبعدين بروح.
سارة: على راحتك.
جاسم: ( وهو يحبها على راسها ) حبيبتي الله لا يحرمني منج.
سارة: ولا يحرمني منك يا عمري.

وقعد جاسم مع حرمته شوي وبعدين رد البيت اما ام عبدالله فباتت مع سارة في المستشفى.

****************************

 

[ضوى العيون]

واليوم الثاني وفي بيت ابو هزاع كانت نوف قاعده ترمس هزاع ريلها.


نوف: حبيبي متى بترد, انت قلت انك مسافر لثلاثة ايام والحين مر اسبوع على غيابك.


هزاع: شو اسوي يا عمري مب بإيدي كل ما قلت اني برد تطلع لي مشكله يديده, المهم انتي شخبارج وشخبار ولدي حبيبي.
نوف: احنا الحمدلله بخير.
هزاع: حياتي لا تزعلين انا اوعدج اني احاول ارد في اسرع وقت ممكن.
نوف: انا مب زعلانه بس ما يصير جيه, انت ما تعرف اشكثر انا مشتاقه لك.
هزاع: اعرف يا عمري حتى انا مشتاق لكم وايد.
نوف: حبيبي بغيت اقولك ان طارق برد بعد يومين.
هزاع: بس هو قال انه برد بعد اسبوع.
نوف: هيه بس ما حصل حجز وقرر انه يرد بعد يومين.
هزاع: زين, الله يردهم بالسلامه.

وقعد هزاع يرمس مع حرمته شوي وبعدين سكر عنها وقعد يكمل الشغل اللي عنده, وهو يفكر بحرمته اللي اشتاق لها وايد, وبعد ما خلص شغله طلع وراح الفندق عشان يرتاح لأنه من الصبح في المكتب وما ارتاح ابدا, واول ما دخل الفندق راح صوب الرسبشن عشان ياخذ مفتاح غرفته وبعدين راح صوب اللفت, وعند اللفت كان في زحمه شوي فقعد ينتظر اللفت لين ما يرد وهو ينتظر لاحظ بنيه اجنبيه قاعده تطالعه وهو حس انه يعرفها بس مب قادر يتذكرها, وفجأة شافها يايه صوبه واستغرب منها ليش هي يايه صوبه بس قال في خاطره يمكن هي بعد تبغي تركب اللفت مثلي, منو تتوقعون تكون هالبنيه؟؟
وصلنا يوم كانت البنيه رايحه صوب هزاع وهي تطالعه وهزاع مستغرب منها بس هو ما اهتم للأمر وقال في خاطره يمكن هي تبغي تركب اللفت مثله.
Lourine: Excuse me, are you Hazzah?
( لورين: لو سمحت انت هزاع؟ )
Hazzah: Yes, can I help you?
( هزاع: هيه, اقدر اساعدج. )
Lourine: you didn’t know me?
( لورين: الظاهر انت ما عرفتني. )
Hazzah: No, should I know you.
( هزاع: لأ, ليش لازم اعرفج. )
Lourine: Aren’t you Hazza, Tariq’s cousin.
( لورين: انت مو هزاع ولد عم طارق. )
Hazzah: Oh, you must be Lourine.
( هزاع: انتي اكيد لورين. )
Lourine: yes, how is Tariq.
( لورين: هيه, كيف حال طارق. )
Hazzah: Fine.
( هزاع: بخير. )
Lourine: Where is he? he didn’t call me for more than two months.
( لورين: وينه هو, ما اتصل لي من شهرين. )
Hazzah: Do you know that he got married two months ago.
( هزاع: تعرفين انه تزوج من شهرين. )
Lourine: What are saying? he can’t be married?
( لورين: انت شو قاعد تقول, هو مستحيل يتزوج. )
Hazzah: Yes he did.
( هزاع: هو تزوج. )
Lourine: But he said that he love me, and he promised me that we will get married after he persuade his family.
( لورين: بس هو قالي انه يحبني, وهو وعدني إنا نتزوج بعد ما يقنع اهله. )
Hazzah: He couldn’t say no, his mother got tired and he was forced to marry.
(هزاع: هو ما قدر يقول لأ, لأن امه تعبت وهو كان مجبور انه يتزوج. )
Lourine: why he didn’t tell me? he knows that I’m still waiting for him?
( لورين: ليش هو ما قالي, هو يعرف اني لحد الحين انتظره. )
Hazzah: He was afraid of you reaction.
( هزاع: هو كان خايف من ردت فعلج. )
Lourine: It is impossible that I let him alone, he will see what can I do.
( لورين: انا مستحيل اخليه في حاله, وراح يشوف انا شو بسوي. )

وراحت عنه لورين وهو تم واقف مكانه وهو ما مصدق انه كلمها وقال لها عن زواج طارق, هزاع في هذي اللحظة ندم على اللي سواه لأن مو من حقه يقول لها عن زواج طارق وكان لازم يسكت, وقعد هزاع يلوم نفسه على اللي صار وبعدين راح حجرته وهو يفكر بإللي ممكن تسويه لورين.

*********************************


وفي اليوم الثاني طلعت سارة من المستشفى وردت البيت, وكل اللي في البيت يحاول ينسيها اللي صار بس هي كانت تحس بحزن فضيع لأنها فقدت الطفل اللي كانت تترياه بفارغ الصبر.

وفي حجرة جاسم وسارة.

جاسم: حبيبتي شو رايج نطلع نتعشى برع.
سارة: مالي خلق.
جاسم: ليش, خلنا نطلع نغير جو.
سارة: ما ابغي اطلع ولا ابغي اشوف حد.
جاسم: يعني انتي لمتى بتمين جيه, انسي اللي صار.
سارة: جاسم الله يخليك ما ابغي اسمع شي.
جاسم: لأ لازم تسمعين, حرام عليج اللي تسوينه في نفسج.
سارة: ( وهي تبجي ) كيف تبغيني انسى.
جاسم: ( عوره قلبه يوم شافها تبجي , وراح عندها ولوى عليها وقعد يهديها) حبيبتي الله ما اراد ان هذا الولد ينولد, حتى الدكتورة قالت انه يمكن يموت اول ما ينولد, وانتي لازم تخلين ايمانج بالله قوي.
سارة: حبيبي انا اسفة لأني تعبتك معاي, بس شو اسوي احس اني فقدت جزء مني ومن الصعب علي انسى اللي صار بسهولة.
جاسم: اعرف يا حياتي, حتى انا احس بنفس احساسج ولكن احنا ما لازم نفقد الأمل, والله بعوضنا بولد ثاني ان شاء الله.
سارة: ان شاء الله.
جاسم: والحين ابغي اشوف احلى ابتسامه من احلى زوجة في الدنيا.
سارة: ( وهي تبتسم ) جاسم.
جاسم: فديت هالإبتسامه, نعم يا عيون جاسم.
سارة: احبك.
جاسم: فديتج حتى انا احبج وامووووت فيج.
سارة: الله لا يحرمني منك.
جاسم: ولا يحرمني منج يا حياتي, والحين يلا قومي تجهزي عشان نطلع نتعشى برع وما ابغي اسمع كلمة لأ.
سارة: ان شاء الله.

وبعد ما تجهزوا طلعوا, وهم طالعين شافوا ام عبدالله قاعده في الصالة فراحوا يقعدون معاها شوي قبل لا يطلعون.

ام عبدالله: شخبارج يا بنتي.
سارة: الحمدلله يسرج الحال, وانتي شخبارج عموه.
ام عبدالله: دامكم بخير انا بخير.
سارة: فديتج عموه, اعرف اني تعبتكم معاي.
ام عبدالله: احنا المهم عندنا راحتج يا بنتي.
سارة: الله يخليج لنا يالغالية.
ام عبدالله: ويخليكم لي يا رب.
جاسم: امايه احنا طالعين نتعشى برع.
ام عبدالله: روحوا يا عيالي استانسوا.
جاسم: ما تامرين على شي.
ام عبدالله: سلامتك, بس لا تسرع وانت تسوق يا ولدي.
جاسم: ان شاء الله الغالية.

وبعد ما طلعوا سارة وجاسم, قامت ام عبدالله عشان تروح لحجرتها ترتاح وهي رايحه رن التلفون فردت عليه.

ريم: السلام عليكم.
ام عبدالله: وعليكم السلام والرحمه, هلابالغالية شخبارج.
ريم: الحمدلله بخير, انتي شخبارج امايه.
ام عبدالله: الحمدلله يسرج الحال, وشخبار طارق.
ريم: الحمدلله.
ام عبدالله: وينج يا بنتي ما تتصلين ولهت عليج.
ريم: امايه انا اتصلت بس ما لقيتج قالوا لي انج رايحه بيت عمي.
ام عبدالله: المهم يابنتي متى بتردون.
ريم: باجر ان شاء الله بنوصل.
ام عبدالله: توصلون بالسلامه.
ريم: امايه طارق يبغي يرمسج.
ام عبدالله: عطيني برمسه.
طارق: السلام عليكم.
ام عبدالله: وعليكم السلام.
طارق: شخبارج عموه.
ام عبدالله: الحمدلله, انت شخبارك يا ولدي.
طارق: الحمدلله يسرج الحال.

وبعد ما سكرت ام عبدالله عن طارق راحت حجرتها عشان ترتاح.

***********************************

 

[ضوى العيون]

وفي بيت ابو ناصر, كانت مها قاعده ترمس ريلها ناصر قبل لا يطلع.

مها: ناصر.
ناصر: نعم.
مها: ناصر انت فيك شي.
ناصر: لأ, ليش انتي ملاحظه علي شي.
مها: ناصر انت هالأيام صرت وايد تغيب عن البيت وما ترجع الا بعد الساعة ثنتين.
ناصر: انتي تعرفين ان عندي شغل ولازم اخلصه.
مها: بس هذا هو السبب ولا في سبب ثاني ما تبغي تقوله.
ناصر: مثل شو وضحي, لا تلفين وتدورين قولي اللي عندج لأني مشغول ومب فاضي لهذي السوالف السخيفة.
مها: الحين سوالفي صارت سخيفة.
ناصر: انتي بتقولين اللي عندج ولا اطلع.
مها: ناصر انت معاملتك لي تغيرت وايد وما صرت تعاملني مثل قبل, ليش يا ناصر انت شايف علي شي.
ناصر: انتي تتوهمين هذي الأشياء.
مها: لأ انا ما اتوهم, وانا حاسه ان في شي انت خاشه عني وما تبغي تقوله لي.
ناصر: مثل شو.
مها: انت ادرى بهذا الشي.
ناصر: انا ما عندي شي اخشه عنج.
مها: متأكد.
ناصر: مها انا مب فاضي لج, وانا الحين طالع ولا تتريوني على العشا.
مها: ليش انت من متى تتعشى معانا عشان نترياك, انت صار لك شهر وانت ما تقعد معانا لا على العشا ولا على الغدا.
ناصر: اقول القعده معاج ما تنطاق انا طالع.

وطلع ناصر عن حرمته, اما مها فقعدت تفكر باللي صار.

*******************************

وفي اليوم الثاني راحوا عبدالله وجاسم المطار عشان يستقبلون ريم وطارق.

وفي المطار وبعد ما وصلت طيارتهم.

عبدالله: ( وهو يسلم على ريم وطارق ) الحمدلله على السلامة.
طارق: الله يسلمك يا عبدالله.
جاسم: الحمدلله على السلامة.
طارق: الله يسلمك.
جاسم: ما بغيتوا تردون.
طارق: ههههههههه انا لو علي كنت ما برد بس اختك اللي متولها عليكم وكانت مصره إنا نرد.
ريم: لأ مو انا الوحيده الي قلت هذا الكلام, انت بعد قلت انك مشتاق للبلاد وتبغي ترد.
طارق: اشفيج كنت امزح.
جاسم: هههههههههههه .
ريم: جاسم شخبار امايه ولهت عليها وايد.
جاسم: الحمدلله بخير.
عبدالله: يلا خلونا نطلع من المطار.
طارق: ريم تبغينا نروح بيت عمتي ولا اول نروح البيت نرتاح وبعدين نروح لبيتكم.
ريم: لأ خلنا نروح البيت نرتاح وان شاء الله بالليل بنمر بيتنا عسب نسلم على امايه, لأني ابغي اسلم على عمتي بعد.
طارق: اوكي.

وطلعوا كلهم من المطار و وصلوا ريم وطارق لبيت ابو طارق وبعدين ردوا البيت.

وفي بيت ابو طارق.

ام طارق: ( وهي تلوي على ريم ) شخبارج يا بنتي.
ريم: ( وهي تحبها على راسها ) بخير يسرج الحال, انتي شخبارج عموه.
ام طارق: دامكم بخير انا بخير.
طارق: ( وهو يحب امه على راسها ) ولهت عليج يالغالية.
ام طارق: ولهت عليك العافية.
طارق: امايه عيل وين ابوي.
ام طارق: ابوك في الشركة.
طارق: ليش هو ما يعرف إنا بنرجع اليوم.
ام طارق: يعرف, بس هالأيام الشغل زايد عليه وخصوصا بغيابك انت وهزاع.
طارق: ليش وين هزاع.
ام طارق: هزاع سافر من اسبوع عشان يخلص شوية اشغال.
طارق: الله يرده بالسلامة.
ام طارق: يلا يا عيالي روحوا ارتاحوا ويوم بكون الغدا جاهز بناديكم.
ريم: لأ خلني انا بقعد معاج شوي عموه وبعدين بروح ارتاح.
ام طارق: بس لازم ترتاحين يا بنتي.
ريم: بعدين برتاح.
طارق: كيفج تمي قاعده هنيه انا عن نفسي تعبان وبروح ارتاح.

وراح طارق لجناحهم عشان يرتاح, وخذ له شاور على السريع وبعدين راح يرقد لأنه يحس بتعب من السفر اما ريم فقعدت تسولف مع عمتها شوي وتتخبرها عن اخبار نوف والأهل وبعدين راحت لجناحهم عشان ترتاح, واول ما دخلت شافت طارق راقد فراحت الحمام وخذت لها دوش وبعدين راحت صلت صلاة الظهر وقعدت تسحي شعرها.

طارق: ( وهو ينش من الرقاد ) الساعة كم الحين.
ريم: الساعة ثنتين.
طارق: خلني اقوم اصلي لأني ما صليت.
ريم: طارق.
طارق: نعم.
ريم: اليوم بعد صلاة المغرب ابغي اروح لأمايه لو ما كان عندك مانع.
طارق: وليش يكون عندي مانع, وانا بعد بروح اسلم عليها.
ريم: زين قوم صلي, لأني عمي بعد شوي بيوصل.
طارق: زين.

وبعد ما صلى طارق نزلوا تحت, وفي الصالة شافوا ام طارق قاعده مع ابو طارق, فراحوا ريم وطارق وسلموا عليه وبعدين قعدوا يسولفون مع بعض قبل لا يحطون الغدا.

طارق: شخبار الشغل يا ابوي.
ابوطارق: الحمدلله يا ولدي.
طارق: عيل هزاع وين سافر يا ابوي.
ابو طارق: سافر لندن عسب يخلص الشغل اللي هناك.
طارق: ومتى برد.
ابو طارق: هو اتصل لي اليوم وقال لي انه يمكن يرجع بعد يومين ان شاء الله.
ام طارق: الله يرده بالسلامة والحين يلا قوموا خلنا نتغدا.

وبعد ما تغدوا كل واحد راح حجرته عشان يرتاح.

*******************************

وبالليل راحوا طارق وريم لبيت ام عبدالله.

وفي حجرة منى.

منى: ( وهي تلوي على اختها ) فديتج يا أختي ولهت عليج وايد, انتي ما تدرين البيت من غيرج كيف كان.
ريم: هههههههههه عشان تعرفون قيمتي.
منى: وكيف كانت سفرتكم ان شاء الله استانستوا.
ريم: الحمدلله استانسنا.
منى: متأكده ياريم لأني احس ان فيج شي.
ريم: ما فيني شي, الا وين سارة ما شفتها.
منى: الحين بتي.
ريم: وهي شخبارها وشخبار البيبي.
منى: ليش انتي ما تعرفين انها سقطت الولد من كم يوم.
ريم: ( وهي منصدمه ) محد قالي, وهي كيف حالها الحين.
منى: الحمدلله, بس في البداية ما كانت قادره تتغلب على الصدمه بس الحمدلله جاسم قدر يطلعها من الحاله اللي كانت فيها.

وهنيه دخلت عليهم سارة.

ريم: ( وهي تلوي على سارة ) فديتج سارونه ولهت عليج وااااااااااااااايد.
سارة: وانا بعد يا حبيبتي ولهت عليج وايد.
ريم: يا سلام على مرت اخوي شو هالجمال.
سارة: هههههههههههه.
منى: قولي ما شاء الله.
ريم: ههههههههه ما شاء الله.
سارة: والحين ابغيج تقولين لنا وين رحتي وشو الأشياء اللي عجبتج في روما.
ريم: ما ادري شو اقولكم كل شي في روما حلو.
سارة: زين وكيف كانت معاملة طارق لج.
ريم: ( وهي تتذكر الأيام الأولى لهم في روما والموقف اللي صار لها مع طارق ) زينه.
سارة: ( كانت تحس ان ريم فيها شي بس ما تبغي تقول لهم ) حبيبتي فيج شي.
ريم: ( وهي تبتسم عشان ما تبغيهم يحسوون بشي ) لأ ما فيني شي, الا على فكرة سمعت ان ملجة منى ومبارك قريبه.
منى: ( وهي مستحيه ) هيه.
ريم: هههههههههه يا سلام على اللي يستحون.
سارة: امايه وعمتي كانوا مقررين ان الملجه تكون بعد ما تردون بإسبوع.
ريم: اهااا يعني الملجه بتكون الخميس الياي.
سارة: ان شاء الله.

وقعدوا البنات يسولفون مع بعض وبعدين روحوا ريم وطارق.

وبالليل في حجرة سارة وجاسم.

جاسم: حبيبتي شو فيج ليش ساكته.
سارة: ( وهي تبتسم ) ما فيني شي, بس كنت قاعده افكر.
جاسم: ومنو اللي شاغل تفكيرج.
سارة: ما ادري ليش احس ان ريم فيها شي وما تبغي تقولي.
جاسم: ليش ما سألتيها.
سارة: سألتها بس هي ما طاعت تقولي.
جاسم: حبيبتي لا تشغلي بالج يمكن هي متضايقه من شي.
سارة: انا خايفه انها ما تكون سعيدة مع طارق.
جاسم: لا تخافين انا اعرف طارق زين وهو ريال طيب واكيد بيعامل ريم معامله زينه, بس انتي لا تشغلين بالج بالتفكير.
سارة: المهم حياتي شخبار الشغل معاك.
جاسم: الحمدلله.
سارة: جاسم.
جاسم: يا عيون جاسم.
سارة: باجر انتي فاضي.
جاسم: ليش.
سارة: ابغيك تودينا دبي انا ومنى وعالية.
جاسم: وليش تبغون تروحون دبي.
سارة: انت نسيت ان ملجة مبارك ومنى الخميس الياي.
جاسم: هيه صدج كيف راحت هذي السالفة عن بالي.
سارة: زين انت بتودينا ولا نروح مع الدريويل.
جاسم: لأ حياتي انا بوديكم بس انتوا متى تبغون تطلعون.
سارة: بعد الغدا.
جاسم: اوكي ما عندي أي مانع.
سارة: مشكور حياتي.
جاسم: ما في داعي تشكريني يا حبيبتي انا المهم عندي سعادتج.
سارة: الله لا يحرمني منك يا حياتي.
جاسم: ولا يحرمني منج يا عمري.

*********************************

 

[ضوى العيون]

وبعد يومين رد هزاع من السفر.

وفي بيت ابو هزاع.
نوف: حياتي اشتقت لك وايد.
هزاع: وانا بعد يا عمري بس شو اسوي لو بإيدي كنت رجعت من زمان بس انتي تعرفين الشغل ومشاكله.
نوف: اعرف يا حياتي, المهم انت شخبارك.
هزاع: انا الحمدلله بخير, وانتي شخبارج وشخبار ولدي حبيبي.
نوف: الحمدلله.
هزاع: بغيت اسألج طارق رد من السفر ولا بعده.
نوف: هيه رد من كم يوم.
هزاع: عيل اليوم ان شاء الله بنروح نسلم عليهم.
نوف: ان شاء الله, بس انت روح خذ لك دوش وارتاح لأنك راجع من السفر تعبان.
هزاع: اوكي.

وبالليل راحوا هزاع ونوف بيت ابو طارق.

ابو طارق: شخبارك يا ولدي.
هزاع: الحمدلله بخير.
ابو طارق: عسى بس خلصت الشغل اللي هناك.
هزاع: هيه يا عمي, الحمدلله خلصته.
ابو طارق: وما واجهتك أي مشاكل.
هزاع: لأ يا عمي .
ابو طارق: اسمحلي يا ولدي تعبتك معاي وايد.
هزاع: افا عليك يا عمي تعبك راحه وبعدين انا ما سويت شي.
ابو طارق: انت ما قصرت يا ولدي, ولولاك ما اعرف شو كنت بسوي.
هزاع: لا تقول هذا الكلام يا عمي انا مثل ولدك.
ابو طارق: الله يخليكم لي يا عيالي.
هزاع: ويخليك لنا يا عمي.
ابو طارق: انا اترخص.
طارق: وين يا ابوي ما قعدت معانا.
ابو طارق: عندي شوية اشغال بروح اخلصها.
طارق: ابوي انت لازم ترتاح وما تتعب عمرك بالشغل.
ابو طارق: يصير خير يا ولدي.

وراح عنهم ابو طارق.

هزاع: طارق في موضوع ابغي اكلمك فيه.
طارق: خير ان شاء الله.
هزاع: الخير بويهك بس في شي لازم تعرفه.
طارق: شو هو هذا الشي.
هزاع: بقولك بس مب هنيه خلنا نطلع نروح مكان.
طارق: اوكي.

وطلعوا هزاع وطارق.

وفي الصالة كانوا البنات قاعدين مع بعض.
ريم: ( وهي شاله ولد نوف ) فديته مثل القمر.
نوف: فديته طالع على ابوه.
ريم: بس فيه شبه من خاله.
نوف: وانا بعد قلت نفس الكلام, المهم انتي شخبارج يا ريم.
ريم: الحمدلله بخير.
نوف: وكيف طارق معاج.
ريم: زين.
نوف: بسألج سؤال وابغيج تجاوبيني بصراحة.
ريم: سألي.
نوف: انتي سعيدة مع طارق.
ريم: ( وهي منزله راسها ) هيه.
نوف: بس ما يبين عليج, ريم انتي خاشه عني شي.
ريم: صدقيني ما فيني شي.
نوف: ريم: انتي ربيعتي وانا اعرفج ما تعرفين تجذبين.
ريم: شو تبغيني اقولج.
نوف: قولي لي اللي بقلبج.
ريم: آه يا نوف لو تعرفين اللي بقلبي.
نوف: حبيبتي قولي اللي عندج وانا مستعده اسمعج.
ريم: بقولج بس مب الحين.
نوف: عيل متى.
ريم: بعدين يا نوف.
نوف: اوكي ما ابغي اضغط عليج, ومتى ما حسيتي انج محتاجه لحد يسمعج اتصلي لي من غير ما تترددين.
ريم: ان شاء الله والحين يلا نروح نقعد مع عمتي ما يصير مخلينها قاعده بروحها.
نوف: اوكي.

*************************************

وفي سيارة هزاع.

طارق: خير يا هزاع شو الموضوع اللي بغيتني فيه.
هزاع: طارق ابغيك تسمعني للأخر من غير ما تعصب.
طارق: اوكي قول اللي عندك.
هزاع: طارق انا يوم كنت مسافر لندن شفت هناك شخص انت تعرفه زين.
طارق: شخص انا اعرفه؟
هزاع: هيه.
طارق: زين ومنو هذا الشخص.
هزاع: لورين.
طارق: ( يوم سمع اسمها حس بشعور غريب ) زين وشو قالت لك.
هزاع: سألتني عنك.
طارق: وشو قلت لها.
هزاع: تبغي الصراحه قلت لها انك تزوجت.
طارق: شو.
هزاع: انا اسف يا طارق, ما كان لازم اقول لها بس انا غلطت.
طارق: المهم هي شو قالت.
هزاع: اول ما سمعت الخبر انصدمت وقالت انك تحبها وانك وعدتها بالزواج, وانك مستحيل تزوج وحده ثانية.
طارق: وبعدين.
هزاع: انا شرحت لها ظروف زواجك وقلت لها انك كنت مجبور, بس....
طارق: بس شو يا هزاع.
هزاع: قالت انها مستحيل تخليك بحالك, وانك راح تشوف هي شو راح تسوي.
طارق: لورين قالت هذا الكلام.
هزاع: هيه.
طارق: معذوره, اللي صار لها مب شوي وبعدين انا وعدتها اني اتزوجها.
هزاع: والحين شو راح تسوي.
طارق: ما اعرف.
هزاع: زين ابغي اسألك سؤال.
طارق: إسأل.
هزاع: انت تحب ريم.
طارق: ما اعرف شو اقولك يا اخوي, انا ارتاح لها بس ما اعرف اذا كنت احبها ولا لأ, وبعدين انا مستحيل انسى لورين بهذي السهولة.
هزاع: بس يا طارق ريم زوجتك.
طارق: اعرف, ولا تنسى اني تزوجتها بس عشان ارضي الوالده ولا انت تعرف اني احب لورين.
هزاع: بس انا اشوفك سعيد مع ريم.
طارق: محد يعلم اللي في القلب يا اخوي.
هزاع: تبغي الصراحه يا طارق انا خايف ان لورين تنفذ تهديدها.
طارق: ما اعتقد.
هزاع: انا صراحة ندمان لأني قلت لها.
طارق: ما عليك اصلا انا كنت بقول لها بأقرب فرصة, والحين يلا خلنا نرد البيت.
هزاع: اوكي.

**********************************
الأيام تمر وملجة مبارك ومنى ما باقي عليها غير يوم واحد والكل مستانس وقاعد يستعد لها.

وفي بيت ابو ناصر.

ام ناصر: اشفيج يا بنيتي, انا ملاحظه انج متغيره من كم يوم.
مها: ما فيني شي عموه بس شوية تعب.
ام ناصر: وليش ما تروحين العيادة.
مها: ما يحتاي الا هو شوية تعب وبروح مع الوقت.
ام ناصر: حتى ناصر, انا ملاحظه انه وايد متغير هالأيام وما يقعد في البيت وايد شو السالفة.
مها: هو مشغول هالأيام.
ام ناصر: انا حاسه انه صاير شي من بينكم.
مها: ما صاير شي عموه.
ام ناصر: انا اعرف ناصر زين يا بنتي فإذا قالج شي او غلط عليج ترى هو ما يقصد وانتي تعرفين انه عصبي وينفعل بسرعة.
مها: انا اعرف هالشي عموه , وانا عاذرتنه لأن الشغل زايد عليه هالأيام.
ام ناصر: الله يعينه ويسهل عليه اموره.

وهنيه نزلت عالية وهي متجهزة لأنها تبغي تروح بيت عمها.

عالية: أمايه انا بروح بيت عمي.
ام ناصر: ومنو بوصلج يا بنتي.
عالية: مبارك.
ام ناصر: عيل خلاص يا بنتي روحي الله يحفظج.
عالية: مع السلامة.
ام ناصر: مع الف سلامة.

ام ناصر: ( وهي تكلم مها ) مها يابنتي.
مها: ( كانت ما منتبها لها ).
ام ناصر: مها.
مها: قلتي شي عموه.
ام ناصر: روحي يا بنتي حجرتج ارتاحي.
مها: ان شاء الله.

وراحت مها لحجرتها عشان ترتاح, وفي الحجرة كانت مها قاعده تفكر بحالها هي وناصر ولمتى بيتمون جيه كل واحد ما يرمس الثاني, وهنيه دخل عليها ناصر, مها يوم شافته نزلت راسها اما هو فدخل ولا كأنها موجوده وقعد يدور شي في الأدراج.

ناصر: انتي لمتى بتمين جيه.
مها: .........................
ناصر: ليش ساكته, ردي علي.
مها: شو تبغيني اقول انت اللي متغير علي وكل ما سألتك شي عصبت.
ناصر: ردينا لهذي السالفة.
مها: انت اللي سألتني وانا جاوبتك.
ناصر: خلاص انسي اني سألتج.
مها: ( ودموعها بدت تنزل ) ناصر انت ليش تعاملني جيه.
ناصر: مها دخيلج انا مشغول وما ابغي اسمع شي.
مها: ليش انت متى تكون فاضي لي او لبنتك.
ناصر: مها ارجوج لا تفتحين هذا الموضوع مره ثانيه انا مليت من تكرار نفس السالفة, انتي تعرفين ان الشغل كله علي وان الوالد يعتمد علي بكل شي.
مها: وأنا.
ناصر: وانتي شو.
مها: أنا زوجتك يا ناصر ولازم تهتم فيني وفي بنتك مثل ما تهتم في شغلك.
ناصر: ليش انتي قاصرج شي.
مها: انت يا ناصر, ابغيك تهتم فينا مثل ما تهتم في شغلك, انت طول الوقت في الشغل ويوم ابغي اكلمك عن شي تقول لي انك مشغول او تعبان.
ناصر: ( وهو حاس انه مقصر في حقها ) مها انتي تعرفين ان الوالد يعتمد علي وانا ما اقدر اخذله.
مها: ناصر انا حاسه ان في شي ثاني شاغلنك غير الشغل.
ناصر: ( وهو متوتر ) مثل شو.
مها: انت ادرى بهذا الشي.
ناصر: حبيبتي انتي تتوهمين.
مها: اتمنى هالشي بس ما ادري ليش مب قادره اصدقك.
ناصر: خلي عنج هالكلام, وانا الحين طالع.
مها: الله يحفظك.

 

[ضوى العيون]

وفي الشركة كان ابو ناصر قاعد مع ولده مبارك و ولد اخوه جاسم يتناقشون بموضوع الشغل.

ابو ناصر: انت متأكد يا ولدي من اللي سمعته, لأني ما ابغي اظلم الريال.
مبارك: أنا متأكد يا أبوي, وأنا قريت التقارير اللي وصلتنا عنه.
ابو ناصر: ما أدري ليش احس إنا ظالمين الريال.
جاسم: بس كل التقارير تقول انه ريال ما يتأمن وانه سبق ودخل السجن بتهمة الإختلاس.
ابو ناصر: خلاص يا عيالي, دامكم متأكدين ماله داعي للمشاكل.
جاسم: وشو بنسوي بخصوص المشروع اللي في لندن.
مبارك: لازم واحد منا يسافر لندن بأسرع وقت ممكن.
ابو ناصر: سافر انت يا جاسم وشوف شو الموضوع.
جاسم: ان شاء الله.
ابو ناصر: الا عبدالله وينه.
جاسم: عبدالله راح بوظبي عشان يخلص الشغل اللي هناك وقال انه برد اليوم بالليل.
ابو ناصر: وناصر وينه, ليش هو ما يدري إنه عندنا إجتماع مهم بعد نص ساعة.
مبارك: ناصر راح البيت, لأنه نسى الأوراق اللي تخص المشروع هناك.
ابو ناصر: يلا يا عيال خلنا نروح قاعة الإجتماعات.
مبارك: بس قبل لا نروح بغيت اكلمك بموضوع مهم يا ابوي.
ابو ناصر: خير يا ولدي.
مبارك: الخير بويهك بس بغيت اتخبرك عن الموضوع اللي كلمتك فيه من كم يوم, فكرت فيه يا ابوي ولا بعدك.
ابو ناصر: أي موضوع.
مبارك: موضوع المبالغ اللي قاعده تنسحب ومحد يدري عنها.
ابو ناصر: زين انت ما قدرت تعرف منو اللي يسحبها.
مبارك: عرفت.
ابو ناصر: ومنو هو.
مبارك: أخوي ناصر.
ابو ناصر: ( وهو عاقد حياته ) ناصر؟
مبارك: هيه يا ابوي.
ابو ناصر: انت متأكد يا ولدي.
مبارك: اذا مب مصدقني إسأل جاسم, لأنا امس قعدنا نراجع الحسابات مع بعض.
ابو ناصر: صدق الكلام اللي يقوله مبارك يا جاسم.
جاسم: هيه يا عمي, ناصر ساحب اكثر من نص مليون درهم خلال شهر واحد.
ابو ناصر: وانتوا كلمتوه في هذا الموضوع.
مبارك: لأ, قلنا نخبرك قبل وانت تتصرف.
ابو ناصر: خلاص انا بسأله, بس ما ابغي أي حد يعرف عن الموضوع.
مبارك + جاسم: ان شاء الله.
ابو ناصر: والحين يلا قوموا عشان ما نتأخر على الإجتماع.

*******************************

وفي بيت ام عبدالله كانوا كل البنات متيمعات في حجرة منى.

منى: عالية مها ليش ما يات معاج.
عالية: قالت انها تعبانه وما تقدر تيي.
منى: سلامتها.
عالية: الله يسلمج.
سارة: وشخبار أمايه ولهت عليها.
عالية: بخير يسرج حالها, الا انتي ليش ما تزورينا مثل قبل.
سارة: شو اسوي تعرفين الأيام اللي طافت كنا مشغولين بالتجهيز لملجة منى.
عالية: ها العروس شو شعورج وباجر ملجتج.
منى: ما ادري شو اقولج, انا مستانسه وبنفس الوقت زايغه.
عالية: آه متى بعرس.
سارة: ههههههههه صبري ليش جيه مستعيله.
ريم: الا صدج عالية متى حددوا ملجتج انتي وحميد.
عالية: شهر واحد.
ريم: يعني الشهر الياي.
عالية: هيه.
ريم: الله يوفقج ويسعدج.
عالية: ويوفقج انتي بعد.
منى: تعالوا نوف ليش ما يات.
ريم: نوف ما قدرت تيي لأن ولدها مريض شوي وما تقدر تخليه وهو بهذي الحاله.
منى: سلامته.
ريم: الله يسلمج.
سارة: ليش شو فيه.
ريم: اليوم كان تطعيمه وارتفعت حرارته شوي.
سارة: اهااا.
عالية: الله منى حناتج وايد حلوه.
منى: عيونج الحلوه حبيبتي.

وهنيه رن تلفون ريم, بس ريم ما ردت عليه لأن الرقم غريب.

سارة: اشفيج ريم ليش ما تردين على التلفون.
ريم: ما ادري شو السالفة من كم يوم حد يتصل لي من هذا الرقم, وانا ما اعرف هذا رقم منو وعشان جيه ما ارد.
سارة: وليش ما تعطين الرقم لطارق وهو بيتصرف.
ريم: وليش اكبر السالفة وهي صغيرة, يمكن حد مغلط بالرقم.
منى: ويمكن يكون واحد من هالشباب اللي ما عندهم شغله الا يأذون بنات الناس.
ريم: بعدين هو بروحه بيمل وما بيتصل مره ثانيه.
عالية: بس انتي لازم تقولين لطارق عشان لو صار شي ما يقول انج ما قلتيله.
سارة: فال الله ولا فالج, ليش شو ممكن يصير.
عالية: انتي ما تعرفين هالشباب شو ممكن يسوون.
منى: صدقها عالية.
ريم: ههههههههههههه ما في داعي لهذا الخوف كله وان شاء الله اليوم برمس طارق بس عشان تطمنون.
عالية: الحرص واجب.

وفي الطرف الثاني كانت لورين قاعده مع واحد اسمه سيف تعرفت عليه في الإمارات, وشرحت له خطتها وهو قرر يساعدها مقابل كم الف وهي وافقت, وكانت خطتهم ان سيف يتصل في ريم ويأذيها وبهذي الطريقة بتقدر تبعد ريم عن طارق وبتخليه يشك فيها وبعدين بتحاول انها تسترجعه بأي طريقه.

واتصل سيف بريم مره ثانيه.

ريم: يا ربي شو اسوي هذا ما يمل.
عالية: ردي عليه.
ريم: لأ شو انا مينونه عشان ارد عليه.
عالية: لا تخافين ردي عليه وعطيه كم كلمه عشان يتأدب.
ريم: بس اخاف طارق يزعل مني لو عرف اني رديت عليه.
منى: لأ ما بيزعل, وانتي لازم تقولين له اليوم عن الموضوع.
ريم: اوكي برد والله يستر.

سيف: الو.
ريم: ا الو.
سيف: هلا والله, ما بغيتي تردين.
ريم: اخوي منو انت وشو تبغي مني.
سيف: انتي تعرفين انا شو ابغي فما في داعي لهذا السؤال.
ريم: صدج انك ما تستحي على ويهك, شو هذي الرمسه انا مثل اختك.
سيف: انتي اللي عطيتيني الرقم والحين تقولين لي هالكلام.
ريم: انا؟
سيف: هيه انتي.
ريم: اخوي الظاهر انك مغلط بالرقم.
سيف: لا مغلط ولا شي, المهم انتي شخبارج حبيبتي.
ريم: شو هذي الرمسه, صدج انك ما تستحي.

وسكرت ريم بويه سيف.

عالية: شو قال.
ريم: ( وهي صدج معصبه ) قال اني عطيته الرقم, وقعد يقول لي كلام ماله معنى.
سارة: ريم انتي لازم تقولين لطارق بأسرع وقت ممكن.
ريم: وهذا اللي بسويه, ان شاء الله برمسه اليوم بالموضوع.
منى: الحين خلونا من هذا الموضوع وخلنا ننزل تحت نقعد مع أمايه.
ريم: يلا.

ونزلوا البنات تحت عشان يقعدون مع ام عبدالله وحصة.

وفي الصالة.

ام عبدالله: عيل العيال وينهم يا حصة.
حصة: راقدين عموه.
ام عبدالله: وكيف حالهم الحين.
حصة: الحمدلله, الحرارة خفت.
ريم: ليش هم بعد كان تطعيمهم اليوم.
حصة: هيه.
ريم: وعبدالله وينه.
حصة: عبدالله عنده شغل في بوظبي.
ريم: ومتى برد.
حصة: قال انه برد اليوم بالليل ان شاء الله.
ريم: الله يرده بالسلامة.
منى: ( وهي تلوي على امها ) فديتج أمايه.
ام عبدالله: فديت روحج غناتي, قريب بتعرسين وبتروحين عني بيت ريلج.
منى: خلاص ما بعرس عشان ما أخليج بروحج.
ام عبدالله: شو هذي الرمسه, وبعدين انا مب بروحي عندي عبدالله وجاسم.
سارة: واحنا وين رحنا عموه.
ام عبدالله: وانتوا بعد يا بناتي ما تقصرون, والله لا يحرمني منكم كلكم.
سارة: ولا يحرمنا منج يالغالية.

وقعدوا البنات يسولفون مع بعض.

********************************

وبالليل في غرفة ريم وطارق, طارق كان قاعد يبدل ملابسه وريم قاعده على الشبريه تبغي ترمسه بموضوع التلفونات اللي تييها.

طارق: اشفيج ساكته.
ريم: الصراحه ابغي ارمسك بموضوع شاغلني.
طارق: خير ان شاء الله, شو اللي شاغل بالج.
ريم: الخير بويهك, طارق في واحد يتصل لي باستمرار من كم يوم.
طارق: وانتي كيف عرفتي انه واحد.
ريم: ( حست بالخوف, بس قررت انها تقول له وما تخش عنه شي ) بقولك بس ما ابغيك تعصب.
طارق: قولي.
ريم: اليوم يوم كنت في بيت اهلي اتصل, وانا رديت عليه.
طارق: وشو قالج.
ريم: قال اني انا عطيته الرقم وقعد يقول كلام ماله معنى وبعدين انا سكرت التلفون بويهه.
طارق: زين انتي عطيني رقمه وانا بتصرف.

وعطته ريم الرقم.

ريم: طارق.
طارق: لبيه.
ريم: انت زعلت مني.
طارق: لأ وليش ازعل.
ريم: انا كنت خايفه انك تزعل يوم تعرف اني رديت عليه.
طارق: صح ان الشي اللي سويته غلط بس انا مب زعلان لأنج صارحتيني بكل شي.
ريم: أسفة واوعدك اني ما راح اكررها.
طارق: ما في داعي تتأسفين والحين خلنا نرقد لأن باجر عندي شغل مهم ولازم اخلصه.
ريم: تصبح على خير.
طارق: وانتي من اهل الخير.

وفي اليوم الثاني وتحديدا بالليل بعد ما تجهزوا البنات كلهم وتعدلوا.

ريم: ما شاء الله عليج يا أختي طالعه مثل القمر.
عالية: يا حظ اخوي بعروسه.
سارة: قولي ما شاء الله عن تحسدينهم.
عالية: هههههههههه, ما شاء الله.
منى: ما ادري شو السالفة احس بويع ببطني.
نوف: شعور عادي وبزول بعد شوي.

وهنيه دخلت حصة عليهم عشان تقول لهم ان عبدالله بيدخل ولازم يتغشون.

وبعد شوي دخل عبدالله عليهم, وعطى منى الدفتر عشان توقع وبعد ما وقعت حبها عبدالله على راسها ولوى عليها.

عبدالله: مبروك يا منى.
منى: الله يبارك في حياتك يا اخوي.

وبعد ما طلع عبدالله عنهم باركوا البنات لها وبعدين نزلوها تحت لأن مبارك يبغي يدخل عسب يلبسها الشبكة.

وفي الصالة وبعد ما باركوا لها الحريم شغلوا البنات الأغاني وقعدوا يرقصون وبعدين دخل مبارك وسلم على منى وحبها على راسها, وقعد صوبها لازق فيها وهي تبعد عنه وهو يقرب منها وبعدين قام ولبسها الشبكة وبعدين حبها على يبهتها وتصور معها, وبعد ما تصوروا مبارك ومنى خذتهم سارة للصالة الثانية عشان يقعدون مع بعض.

وفي الصالة الثانية كانت منى قاعده صوب مبارك وهي بتموت من المستحى.

مبارك: ( وهو يمسك ايدها ) منى.
منى: ( وهي مب قادره ترمس من كثر المستحى ) لبيه.
مبارك: احبج.
منى: ...................
مبارك: ليش ساكته عيل وين الكلام اللي كنتي تقولينه لي بالتلفون.
منى: زين هاذاك كان تلفون.
مبارك: حبيبتي انا ما ابغاج تستحين مني.
منى: مبارك.
مبارك: يا عيون مبارك.
منى: ( وهي تهمس ) أحبك.
مبارك: ما اسمع.
منى: مبارك.
مبارك: ههههههههههه فديت اللي يستحون.
منى: فديت روحك حياتي.
مبارك: انا شو اللي بنومني اليوم بعد هالكلام.
منى: ههههههههههه لها الدرجة تحبني.
مبارك: واكثر انا مو بس احبج انا امووووووووووووت فيج.
منى: وانا بعد.
مبارك: وانتي شو.
منى: انت تعرف انا شو اقصد.
مبارك: لأ ما اعرف انتي قولي لي.
منى: أف منك خلاص ما بقول.
مبارك: وغلات بو خليفة تقولين.
منى: ( وهي منزله راسها من المستحى ) انا احبك وامووووووووت فيك, ارتحت.
مبارك: ( وهو يحط ايده على قلبه ) آه, كلامج بيذبحني.
منى: بسم الله عليك.
مبارك: لها الدرجة تخافين علي.
منى: اذا ما اخاف على ريلي حبيبي عيل اخاف على منو.
مبارك: فديتج الله لا يحرمني منج.
منى: ولا يحرمني منك.
مبارك: انا الحين اترخص حبيبتي.
منى: تحمل على عمرك حبيبي.
مبارك: وانتي بعد تحملي على عمرج.
منى: تصبح على خير.
مبارك: وانتي من اهل الخير.

وطلع مبارك عن منى بعد ما حبها على يبهتها وكانت هذي الليله اسعد ليله بالنسبه لمبارك ومنى.


******************************

 

[ضوى العيون]

وبالليل في حجرة سارة وجاسم.

جاسم: الله شو هذا الزين كله, معقولة انتي سارة ما اصدق.
سارة: وليش ما تصدق ان شاء الله.
جاسم: ههههههههههه فديتج كنت امزح معاج.
سارة: اعرف يا حياتي.
جاسم: حبيبتي ابغي اقولج شي.
سارة: خير ان شاء الله.
جاسم: الخير بويهج يا حبيبتي, بس بغيت اقولج اني مسافر لندن بعد يومين.
سارة: ليش.
جاسم: عندي شغل ضروري هناك.
سارة: وكم يوم بتم هناك.
جاسم: ما اقدر اقولج كم يوم بالتحديد بس يمكن اتم شهر او اكثر.
سارة: بس شهر وايد.
جاسم: شو اسوي مب بإيدي لازم اسافر عشان اتابع المشروع هناك.
سارة: ( ودموعها بدت تنزل ) كيف بعيش شهر بدونك.
جاسم: ( وهو يلوي عليها ) فديتج لا تبجين انا بحاول ارد بأسرع وقت ممكن.
سارة: اخاف تنساني.
جاسم: هههههههههه شو هذي الرمسه, انا مستحيل انسى زوجتي حبيبتي.
سارة: بشتاق لك وايد.
جاسم: وانا بعد يا حياتي بشتاق لج وايد.
سارة: بس ابغيك تدق لي كل يوم عشان اتطمن عليك.
جاسم: ان شاء الله, والحين ابغي اشوف احلى ابتسامه من احلى زوجة في هالدنيا كلها.
سارة: ( وهي تبتسم ) احلى زوجة, مو كأنك تبالغ شوي.
جاسم: ليش انتي عندج شك.
سارة: هههههههههه.
جاسم: فديت هذي الضحكة.
سارة: فديت روحك حياتي.
جاسم: والحين يلا خلنا نرقد.
سارة: تصبح على خير.
جاسم: وانتي من اهل الخير.

***************************

والصبح في بيت ابو ناصر, كان ابو ناصر قاعد مع ام ناصر في الصالة.

ابو ناصر: الا ناصر وينه بعده ما نش من الرقاد.
ام ناصر: ما ادري عنه يمكن يكون بعده راقد.
ابو ناصر: انا ما ادري هذا الولد اشفيه.
ام ناصر: حتى انا ملاحظه انه متغير من كم يوم, وانت لازم تكلمه يا ابو ناصر ما يصير جيه, هو دايما بالشغل ومهمل زوجته وبنته.
ابو ناصر: ان شاء الله اليوم بكلمه.

وهنيه دخل عليهم ناصر وبعد ما سلم على ابوه وامه وحبهم على راسهم قعد صوب ابوه.

ابو ناصر: ناصر يا ولدي ابغيك بموضوع ضروري.
ناصر: خير الوالد في شي.
ابو ناصر: الخير بويهك يا ولدي.
ام ناصر: انا بروح المطبخ عشان اشوفهم اذا جهزوا الريوق ولا بعدهم.
ابو ناصر: ناصر يا ولدي انت محتاج للفلوس.
ناصر: ( وهو مرتبك ) اذا كنت تقصد الفلوس اللي سحبتها من حساب الشركة فأنا كنت بكلمك بهذا الموضوع اليوم.
ابو ناصر: تكلم يا ولدي انا اسمعك.
ناصر: الصراحة يا ابوي انا محتاج لهذي الفلوس ضروري.
ابو ناصر: ومحتاجها في شو يا ناصر.
ناصر: ابغي اسوي فيها مشروع صغير.
ابو ناصر: وشو هذا المشروع.
ناصر: انا بعدني ما فكرت فيه بس واحد اعرفه قال لي انه عنده مشروع مربح ويمكن اشاركه فيه.
ابو ناصر: وانت متأكد من هالريال.
ناصر: هيه يا ابوي.
ابو ناصر: عيل الله يوفقك يا ولدي.
ناصر: مشكور الوالد, واسمحلي لأني ما قلت لك يوم سحبت الفلوس.
ابو ناصر: مسموح يا ولدي.

**********************************

وفي حجرة ناصر ومها كانت مها قاعده تبدل ملابس بنتها ميثا.

ميثا: ماما بنلوح بيت يدوه.
مها: هيه يا حبيبتي.
ميثا: وبابا بلوح معانا.
مها: لأ.
ميثا: ليث.
مها: عنده شغل.
ميثا: ذين.

وهنيه سمعت مها صوت موبايل يرن, واستغربت لأنها غالقه تلفونها فكيف يرن وبعدين انتبهت انه تلفون ناصر اللي كان ناسنه على المكتب, وقعد التلفون يرن وبعدين سكت وبعدين سمعت صوت مسج, فقامت مها عشان تشوف منو مطرش لريلها مسج واستغربت لأن الرقم كان غريب.

وقعدت تقرا المسج.

( حبيب البي ناصر انت وين, انا قاعده انتظرك من ربع ساعة ليش ما اجيت ).

مها يوم قرت المسج انصدمت وحست ان الدنيا اسودت في ويها, ناصر ريلها يخونها, وعشان تتأكد اتصلت بالرقم وردت عليها حرمه مبين عليها انها لبنانية, مها يوم سمعت صوتها سكرت على طول وردت التلفون مكانه وقعدت تبجي.

ميثا: ماما ليث تثيحين.
مها:....................
ميثا: ماما شي يعولج.
مها: ما فيني شي يا حبيبتي, انتي روحي العبي في الصالة وانا بيي بعد شوي.
ميثا: ما بنلوح بيت يدوه.
مها: بنروح يا حبيبتي بس مب الحين يوم بيي ابوج.
ميثا: ذين.

وراحت ميثا الصالة اما مها فقعدت في الحجرة تبجي.

وبعد شوي دخل ناصر اللي كان ياي ياخذ تلفونه اللي نساه ويوم شاف مها قاعده تبجي استغرب, وراح لعندها.

ناصر: ( وهو يمسح على شعرها ) مها اشفيج.
مها: لا تلمسني.
ناصر: مها شو اللي صار.
مها: ليش انت ما تقولي شو اللي قاعد يصير.
ناصر: انتي شو تقصدين.
مها: انت فاهم قصدي زين.
ناصر: صدقيني انا مب فاهم شي.
مها: ليش ما تروح تسأل حبيبتك يمكن تفهم شي.
ناصر: انتي عرفتي.
مها: هيه عرفت.
ناصر: مها ارجوج اسمعيني.
مها: ليش يا ناصر سويت فيني جيه انا قصرت في حقك.
ناصر: مها ارجوج اسمعيني.
مها: ما ابغي اسمع شي وانا اقولك الحين اني بروح بيت اهلي وابغي ورقة طلاقي توصلني.
ناصر: انتي تخبلتي.
مها: هيه تخبلت, وانا مستحيل اقعد معاك عقب اللي صار وابغيك تطلقني.
ناصر: انا مستحيل اطلقج.
مها: بس انا مصره على الطلاق.
ناصر: انا بخليج لين تهدين وبعدين بنتكلم.
مها: ما في كلام من بينا عقب اللي صار.
ناصر: مها انتي هدي اعصابج.
مها: ارجوك اطلع برع ما ابغي اشوفك ولا ابغي اسمع صوتك.
ناصر: انا طالع بس احنا لازم نتكلم.
مها: بس مب الحين.
ناصر: بس قبل لا أطلع ابغي اطلب منج طلب.
مها: ...................
ناصر: مها ارجوج لا تروحين بيت اهلج.
مها: انا مالي قعده معاك.
ناصر: على الأقل لين ما تهدين ونتكلم وعقب سوي اللي تبينه.
مها: ..........................
ناصر: وابغيج تعرفين انه مهما صار انا بظل احبج وبتظلين ام بنتي.
مها: ارجوك اطلع برع.

وطلع ناصر من الحجرة , اما مها فقعدت تبجي وتفكر بحالها عقب ما اكتشفت خيانة ريلها.