حبيبي متعبني بكلامه :(

[عاشقه رويشد]

انتي كرهتيه لانه شفتي ماضيه بعينيج اامااقدر احكم اهوا شنو لانه محد يحس بصدق كلامه غيرج

بس صدقيني اي احد يعشمج هذا جذاااب مابي احط ذمتي انتي حره


بس وخري عنه افضل والله يوفقج

 

[الج ـازي]

وين الحب ؟ أي شي !!!

هذا اسمه لعب ومايستاهل تفكرين فيه

 

[سوسو ~]

وواي ياقلبي انتي
حبيبتي هذا شكله يحب الاولى بس تركته يمكن عرفت انه ماوراه زواج
انتي ماعرفتي ليش تركها ؟ مادام حبها سنه ليش ماخذاها
لا ويبيج تسوين نفسها ؟ تربطين شعرج ويسفرج استراليا ؟
واجهيه لاتسكتين وتحطين بخاطرج
قولي له كل شى واذا عصب زفيه قولي له اذا كنت تحبني صج ماترضى اني اتضايق
لازم اعرف انت ليش تقول مثل ماكنت تقولها ربطي شعرج وانسافر استراليا

وسالفة انه كلم امج مو يعني خلاص بيكون صاج
حبيبتي اغلب الشباب نصابين
شنو اللي يمنعه الحين ليش مايخطبج من اهلج ويجيب اهله ؟

انا بقولج سالفه انا كنت احب واحد
وخطبني وجاب امه بيتنا
وبعد الخطبه بجم يوم انصدمت انه يحاجي غيري شرايج ؟
ومعاه تقريبا هالبنت 5 شهور وانا مادري بس سبحان الله كان عندي احساس وكنت دايما ادعي ربي يطيحني عليه اذا كان يخون
وشوفي بكل حقاره بعد الخطبه اعترف وخليته

ومت بجي بس مارديت لانه بطبعي ماسامح اللي يخوني
تعبت نفسيتي ومن القهر رحت كلمت غيره
صرت احس اني نذله وحقيره كرهت كل الشباب كرهت روحي
كلمت واحد بس عشان اقول حتى انا خنته واقص على روحي

وبالاخير شصار حبيت هالشخص الثاني اللي كلمته اكثر من الاول
ومعاه 3 سنين بس للاسف ماكو زواج مع انه حبني ويبيني لانه كلم امه وانا اسمعه عالخط وامه بالاول تسمعه وساكته ووافقت بس بعدها رفضت
بسبت القبائل
والله شى يحر
يقول بحاول

بس انا ماراح اضيع عمري

وتخيلوا بنات انخطب اكثر من مره وبس يمر جم اسبوع يتفركش كل شى
مادري شسبب مع انهم يمدحوني ويشوفوني يستانسون علي
اكثر من خطبه

بنات اللي بتتفلسف بعد هالرد وتسوي روحها داعيه وتتكلم عن الدين ياليت تكرمني بسكوتها
لاني فاهمه بالدين خلي نصيحتج لنفسج وجزاج الله خير ..

ماابي البنات يسوون غلط بس ببين لها انه فيه شباب نصابين وفيه حقيرين وفيه نصهم يضيعون عمر البنت ويقصون عليها عشان حضرته يحاول وينطرها عشان اهله يرضون فيها وبالاخير ماتشوف شى ضاع العمر عالفاضي
واهوا بعدين اذا شاف ماكو فايده قالها اهلي غصبوني اتزوج ولا اهلي مايحاجوني عشان كبر ماتزوج
ويتزوج ويجيب عيال والبنت يضيع عمرها وتندم على السنين اللي راحت

 

[اميره1980]

هذا مسكين الحب يحذفه يمين و شمال كل يوم حاب وحدة
انتي شوفي قلبج شنو يقولج و سوي استخارة
اذا كنتي تحبينه و تقدرين تنسين ماضيه تزوجيه بس اذا ما تقدرين خلاص

 

[صآعده تحت}..]

الحين انتي تبينه او لا

فكري لاتسرفين بمشاعرج له وعقب ماتقدرين تمشين مع واحد ثاني يكون كل قلبج وطاقتج للي الحين

ماعتقد يبيلج مده اكثر تفكرين فيه من ناحيه المعرفه انتي عرفتيه

شخصيته وعرفتيها واسلوبه وعرفتيه وطريقته

تبينه خل يتقدم ماتبينه اتركيه

وانا برايي اشوف انه لعاب واسمحيلى على هالكلمه :eh_s(14):

بس مشاعره مو صادقه مجرد كلمات تحفظها ويلعب بقلوب البنات

حتى لو كان ماكوشاب ملاك مثل ماتقولون بس هذا يدري انج تدرين عن حبه الاولى

بكره يحب غيرج ويقولج والله قلبي حبها وانا حبيتج وتركت الى قبلج


صراحه ما حبيت طريقته ابد يسوي كوبي للكلام ويعطي البنات

والله يكتب لج اللي فيه الاحسن ادعي دايم

يارب اكتب لي الى فيه الخير

 

[بوغاتي88]

نصيحة لوجه الله وخري عنه هو يشوفج بصورة حبيبته والله يعوضج بواحد احسن منه تاخذين واحد ماتعرفين عنه شي حتى لوكان عنده ماضي طاف بس هذا لالالا احس انه جذاب بوطير مايبي يتزوج واذا تزوجتيه الله يعينج عالشك والغيرة

 

[*{خــآطره}*]

ياجماعه البنت ماقالت لكم شرايكم اخذه ولا لا اهي خالصه من هالموضوع وتحبه ويحبها ويبي يتزوجها البنت تبي حل لمشكلتها اهي تحس بضيقه من ماضيه وماتقدر تنسى الكلام الي قاله للي قبلها وقاعد يكرره ترا كبرتووو السالفه الي عندها حل تساعدها تقول لها وتريحها وانا نصحتها والبنات ماقصرو وانتي عاد انسي ترا بتظلمين الريال وتظلمين نفسج يله ودي ألولش لج بخبر زواجكم بالتوووووفيق يارب لج ولي وللجميع ​

:bye22::bye22:

 

[tolay]

سوي اللي قلنالج عليه

قوليله تعال اخطبني انا موافقه <<<< جيسي نبضه وشوفي شيقول

 

[فـلـفـلـهـ]

بنات الريااال زين
واهو لما اقوله كلامك مكرر
يقول شسووووووي يعني شلون ارجع الماضي وامسحه ؟؟؟
يقولي لو في شي يرجع الماضي ويخليني امسحه والله امسحه
ويقولي خلاص يعني شي مااااااااااضي قديم صار قبل لا اعرفج
ما خنتج الحين
اذا خنتج الحين هديني
يقولي حرام تحاسبيني على ماضي كنت غبي فيه
ويقولي والله ندماااااااااااان ويريتني ارجع ياهل عشان اغير الماضي مالي

اما الحين احبج وابيج انتي وبسسسسسسسس


هذا كلامه بنات شرايكم؟؟؟

صدقيه حبيبتي وحبيه وربطي مصيرج فيه لانه يحبج

نطريه لحد مايجي يخطبج بعد عمر طويل .. ومع الأيام راح يخلص لج

وماراح يخون وانتي البنت الوحيده الموجوده بهالدنياا اللي حبها





آنا أقووووووووووووووووول









نطريه

 

[ام شموخ]

اذا يبيج خل يتقدملج شناطر ؟

 

[* ليــــدي *]

جذآب قوليله تعال رسمي صدقيني بينحاش @@
بيقول امي تبيني لبنت خالتي
ابوي غصبني على بنت عمي
انا مسوي حادث
امي تعبانه
ابوي بالطبيب
تو الناس
لانستعيل
او يزعل على اتفه شي عشان يهدج


شرط واحد منهم بيقوله لج

 

[ماريا ابنة الحي]

قال حب قال

لو صج يبي زواج يتقدم بسرعه بلا كلام فاضي وكوبي وبيست

وااااااااااضح جذااااااااااااب

 

[a7la_frawla]

حــــبيبتـــــي صارحـــــيه وقــــوليـــــله
وفـــــهمـــيه وخـــليـــه يــتعرف كــــل شــــيء
وقـــولـــيلــه انـــا مـــا ابـــي عـــلاقـــات مــو تــــقول تـــبيـــني وبـــتتزوجــني بـــاب بـــيتنا مـــفتـــوح
واذا تـــبـــيتـــي مـــثل مــا تـــقــول حـــياك بـــس انـــا مـــا عنـــدي سوالـــف هني بيبين الصج...

 

[الاخلاص]

للأسف أنتو المراهقين مشاعركم مندفعه حيييل وتجون من اقصاكم. ترا كله هذا مضيعة وقت التفتي لنفسج ودينج واتركي هالسوالف

 

[دنيا رديه]

مادري شقوولج مشكله
خلاص دام كارهته خليه

 

[لولا المحبه]

امبين عليه جذاب مدام كلامه كله كوبي تلاقينه حافظله كلمتين ويسمعهم لكل البنات هذا اللي ظاهر لج وما يخفى اعظم واعظم ماتدرين شمخبص بحياته حبيبتي قوليله كلمه وحده تبيني انته تحبني ؟ يالله اثبتلي حتى لو خطبه اما غيره اسحبي علي ولاتغيرين رقمج ولا شي اهو بيمل اصلن واذا يحبج صج راح اييلج اليوم قبل ثاني بس احسه جذاب وخوآن مادري ليش وراعي بنات يعني حتى لو بتاخذينه بيخون بو طبيع ماايوز عن طبعه هديه احسن

 

[عـالي مستـواها]

هههههههههههههههههههههههههههههههههههههههههههههآآآي


واضحه مثل الشمس ..

خليه وان شاء الله يوفقج ربي ..

ترا ما ورا هالعلاقااات الا المصاااايب


شيء طبيعي ...


شيئ حرام وعصيتي ربج فيه اكيد ما ورااه الا الهموم والمصاايب ..

وبعدين انا عندي تعليق على هالجمله

بنات بقولكم مشكلتي وساعدوني بدون زف و اسلوب مو حلو

يعني الله يهداج انتي وغيرج يلي تقولون هالكلمة هاذي ..

تدروون ان اللي سويتوه غلط والا ما طلعت هالكلمة منكم !!


يعني بذمتج ما تدرين ان العلاقات هذي حراام ؟؟!!


طيب اذا تدرين انها حرااام ليش تسوينهاا ؟؟!

 

[فرااااولة]

ابييييه مادري شقولج
اشكره جذي مقتنعة بالحرام
واي واي البنات صاروا اي شي
استغفر الله