حبيبي متعبني بكلامه :(

[كسر قلبي زماني]

يمكن يحب استرااالياا

وعن ربطه الشعور مادري شقولج اذا تبين تتركينه تركيه وريحي عمرج !!

 

[مـيـراس]

قولي له تعال تقدم لي بسرعه وخلال اسبوع ولا ترا بروح لواحد وبكون نصيبه


وابقي قابليني اذا شفتي ويهه

 

[جميله وجذابه]

تبين النصيحه؟

سمعيها مني:


اهو مو يبيج خلاص وانتي واثقه منه؟


تركيه خلاص لا تكلمينه و لا تكلمين احد قوليله انا ضميري انبني لأني قاعده اكلمك واسوي الشي الغلط و اخون ثقة اهلي و احصل اثم كلما كلمتك علشان جذي مابي اكلمك و اذا تبيني تقدملي حلات الشي يكون من الباب واذا اهو صج يبيج و يحبج بيتقدملج ماله داعي تكلمينه الحين خلاص تركيها للايام

و بالتوفيق

 

[ورووووده]

عندج حلين
انك تسامحين وتنسين الماضي وتخلينه يتقدم رسمي
واذا حسيتي انج ماتقدرين تنسين ماضيه انسيه هو وغيري رقمك
مافيه انسان كامل
وهو ماخانج وصارحج بكل شي واللي فات كان قبل لايعرفج
وبالنسبه للكلام هذي مشاعره كانت لغيرج وصرت لج

 

[هواجيس الفجر]

و امج عادي عندها انج تكلمين <<< شي غريييييب

 

[nonono]

راعيه الحرشااا

انا ما قلت حق امي اني اكلم

قلت لها وحده معاي بالدوام شافني اخوها وقالي بكلم امج ابيج زواج ف كلم امي وبسس

اما امي ماتدري عن علاقتنا

 

[دنيتى زوجي M]

خل يتقدم لج واستخيري احسن

والله يكتب اللى فيه الخير

 

[UNICORNA]

وليش نزفك حبوبه ترى عادى انك تحبين وتتحبين و كل الناس كذا

عموما ان شالله البنات يفيدونك وهونى تهون بأذن الله (=

 

[بولندية]

بنات والله يبيني

خليته يكلم امي

وكلمهاااا صج

من ناحيه ان يبيني زواج ف اهوووو صج يبي

بس انا تعبانه من كلامه لان نفسه كان قايله حق غيري :""(

و اذا كان مكلم امج الله يخليها معناته يبيج صج؟؟شقال لها بالضبط اكيد قالها ابيها بس على ما اشتغل او على ما اتخرج صح ولا غلط كلامي ؟؟ واذا كان يبيج صج امـــــــــــــــــــــه وينها بالسالفه

ذاك اول حبيبتي الريال اذا قايل الكلمة يكون قدها الحين لا خرطي بخرطي كلامهم


ولعلملج ترى هذة الحركه اللي هابين عليها الشباب هالايا يكلمون ام البنت ان يبيها صج ؟؟


الريال اللي شاري البنت صج ماله الا دلــــــــــــيـــــــــــــــــل واحد ان يدش اهو و اهله بيت البنت لا تقولين مكلم امج و اهله يعرفونج

ثاني شي انا لو مكانج والله اهده و خليه يولي 8 شهووور ترى شويه مو دهر تقدرين تنسينه بسهووولة انتوو بالبداية اللي هذا اوله ينعاااف تااااليه

 

[Q8iYa'87]

والله انا الي اقوله انج تهدينه .. و شوفي شنو رده قعله اذا يبيج بييج ..
و اذا لأ .. عادي قلبي اللي يابه اييب عشرين بداله :*

 

[كويتيه مذهله 87]

والله ما ادري ليش جذي بناتنا مافيه مخ اسمحيلي

 

[bazoona]

والله بنات ودي اقول شي بس هذا رايي الشخصي مو شرط الكل يقتنع
ترا والله الكلام ابلاش
وشنو يعني مكلم امج؟ شنو مو ريال هذا؟ الرياييل يكلمون رياييل
واللي يبي وحده يطق الباب يعني شنو ناطر بالله؟
صدقيني ترا ماكو شي اسمه حب
في اعجاب و ان الواحد يتعود على الثاني كل يوم يكلمه او يطلع معاه
و بعد الزواج تزول الرغبه
سألي المتزوجين عن طريق حب
(بنات لحد يعصب) ترا الحب والله ايي بعد الزواج
يعني العشره السوالف اليهال التجمعات العائليه المرض الفرح كل هذا والله بعد الزواج
اللي قبل الزواج مجرد اعجااااب والله و سوري يعني (رغبه) عاد فهموها انتوا
السعاده ما تيي من ريال او غير ريال
السعاده والله برضا الرحمن
واكبر غلط ان الوحده تستعيل و تروح تتعرف على واحد و حب و مادري شنو
خليه اهو ايي لج احسن والله
و انتي حره
و بليز بنات هذا رايي الشخصي لحد يعصب اوكي
I don't beleive in love

 

[nittfa]

امبيه ليش طحتو بلريال اشكره مبين يبيها وشاريها بس على سالفة ان له تجارب من قبل اغلب الشباب الحين جذي
ولاتذكرين كلامه معا البنات الي كان يعرفهم يعني فتره وعدت ليش تقعدين تفكرين يبي استراليا عشان يتذكرها يبيني اربط شعري عشان يتذكرها
يمكن اهوه اصلا يحب استراليا يمكن يحب الشعر المربوط ليش تظنين فيه ظن سوء اذا للحين يحبها مستحيييييل يتزوج غيرها واذا بيتزوج يعني بتفهميني ان بيتخيلها مكانج مايصير لاتقعدين توسوسين وصلي صلاة استخاره لاتنسين :*

 

[ترانيم القصيم]

علاقة ما ترضي ربّ العالميـن انهيها , اقطعيـها ,,

يبيكـ يجيكـ من الباب !

و زيـن إنّكـ كشفتيــه قبل يصير شي و تتوهّقيـن ..

 

[•°dl3•°]

حبيبتي انا نصيحتي لج تركيه لاتوهقين عمرج اذا اقرب الناس بنت خالته تسلى معاها شوي على اساس بيتزوجها وبعدين تركها والاولى تسلى معاها سنه وتركها وانتي اتوقع سنه وراح تلحقينهم اعذريني حبيبتي هذا الواقع اللي راح يصير

دامج على البر تركيه ولاتعطينه مجال يضحك عليج اكثر

 

[ga6wa90]

حبيبتي حروف اللغه العربيه كلها 28 (بعض الأدباء اعتبروها 29) وكلمات الحب ..............أحبج مشتاقلج ولهت عليج فقدتج .....يعني مايقدر يألف كلمه جديده حقج فشي طبيعي لما يكون بحالة حب يقول نفس الكلام ,هذا رأيي والله يوفقج.

معاها كلامها عدل شنو تبينه يقولج غير الحجي اللي قالها لها لا تعقدين السالفه

ومافي واحد يتجرأ يكلم ام اللي يكلمها الا نيته زواج ولا تطيرينه من ايدينج والله يوفقكم

 

[*{خــآطره}*]

سمعيني حبوبه دام قالج وصارحج عن ماضيه فهو يحبج لان صعب ان الواحد يتكلم عن ماضيه وكان يقدر يسكت ومايعلمج انا اشوف انج تسامحينه وتنسين الماضي انتي وياه الحين مع بعض تمسكي فيه لان صعبه الوحده تلقى واحد يحبها حب حقيقي بهالزمن عاد انتي وشطارتج نسيه ماضيه واسكني قلبه وافكاره وربي يوفقكم.. وترا الحب الي ينتهي بالزواج احلى شي بالحياه ..​

بس اهم شي خلي صلتج بربج قويه ودايم ادعي عشان الله يوفقكم لكل خير موفقه مع حبيبج وانشالله تتزوجون وتكونون احلى ثنائي​

:fun::fun:

 

[nonono]

بنات والله الولد يبيني زوااااااااج
وعمره ما قص علي اب شي ويحبني من قلللللللب
و مكلم امه عني وانا سامعته عالخط
انا متأكده من انه يبيني
ومو هذي مشكلتي لاني متأكده من مشاعره
انا قاعده اقولكم اني مو قادره انسه كلامه مع البنات اللي قبلي وكلامه معاهم
كل مااتذكر اتعب
حتى لما يقولي كلام حلو وعن الزواج اتعب لان نفسه كان قايله حق غيري :""(
هذي مشكلتي
مو انه ما يبيني ,,, يبيني ومتأكده مليون بالاميه
المشكله ماتتعلق فيه
تتعلق فيني انا
انا مو قادره اتقبل ماضيه وكلامه
ولا انا ماشفت منه الا كل خير وحب

 

[جنى q8]

يااااحبيبه قلبي انتي اتمنى ما تزعلين مني


ترا هذا كله خرابيط

مافي حب الي يحب صج يطق بابكم ويخطبج من اهلج
جداام الكل مو من ورى اهلج تلفونات ومسن وخرابيط


اسمحيلي حبيبتي قطعي علاقتج فيه وعسى ربي يرزقج بالي احسن منه وحب بالحلال وبالنوور مو بالظلمه والخش والدس

الله يهديج

هذا ريال غريب عليج شلون تكلمينه كله ذنوب في ذنوب مو حرام هالذنوب تتكاثر عليج

الله يهديج حبيبتي وبيعد عنج كل شر ياارب

 

[sunshine22]

امبيه

حبيبتي بعد 5 او 4 او 8 سنين

اتفلي بوجهي ان ما ندمتي

وكل سالفتج من غير زعل وادري نفسيتج بتتعب لكن 100 % قاعد يضحك عليج

اول شغله - كلامه مكرر لكل اللي عرفهم معاج ووصلج الدليل وشفتيه بعينج
ثان شغله - يعرف بنات قبلج بالهبل يعني حتى حتى << بالحلم طبعا اذا تزوجج ماراح ترتاحين نهاااااائياااااا
ثالث شغله -مستحيييييييييييل نوعيت هذا يتزوجج وارد اقول تفلي بويهي اذا خذااااج
رابع شغله - شغله محرمه وما ترضي ربج احترمي ابوج اللي تشيلين اسمه
باجر لي صار ماصار ما راح يقولون رفيجت فلان لااااااااااا ياقلبي بنت فلان اللي هو ابوووج


وبالنهايه كل الرياجيل يلوعون الجبد
ومامنهم امان
وخوووووووووونه
وقلبهم يشيلللللللللل اكثر من وحده


فصحصحي شوي قبل لا يطيح الفاس بالراس

اتمنى كلامي يغير في حياتج اتمنى
لانه سالفتج تصير للكل وكوووبي لثلاث ترباع سوالف الحب الخرطي
واللي قلبها رقيق ما راح تتحمل بعدين شيصير والصدمه