حبيبي تزوج وانا بموت

[هجووورة]

خلييه يولي لو يبيج ماراح لغيرج

 

[تذكر خافقي رمحك]

الله يعينج
بس الولد سوا الي عليه ويي واخطبج
واهلج ارفضوا مو معقولة بعد يظل عزابي
وانتي لو صج تحبينه ادعيله الله يوفقه مع مرته
ويرزقج بلي أحسن منه وهذي الدنيا مو كلشي نبيه نحصله
بس لازم نتعايش مع هالشي

 

[زين الوصايا]

قدره الله ماشاء فعل

الله بيكتبلج احسن منه صدقيني ......!؟

 

[خالتي قموش]

يمكن خيره لج ما تدرين

الله بيعوضج بحسن منه ان شاء الله
وباجر بتحسفين ع الدمعه اللي طاحت عشانه
الدنيا حلوه لا تنكدين على عمرج على شي ما يستاهل

هو تزوج و مستانس وانتي مقهوره

توكلي ع الله وتركي عنج الضيقه

 

[❞ Cleoραtrα ❝]

سمعي حبيبتي وحطي الكلام اللي بقولج اياه فـ بالج

الرييآل خلاص لازم تنسييييينه واتطلعينه من حياتج بأي طرييقه لان صآر حلأل غيرج وملك غيرج

ادري ان هالشي يكسسر القلب ويحزززن بس لازم تعيشين حياتج لاتوقفين حياتج على هاذا الشي وتبالغين بالامووور

حتى نصيبج مايصير اتوقفييينه ! عسب ريال خطب وملج على غيرج !

شوفي الانسان ب ايده يطلع من المصيبه والحزن والجو اللي يصوره لنفسه يعني انتي الحين لانج انكسسرتي

راح تبدين تبالغين بالامور وبالحززن راح اتحسين ان محد يفهمج ومحد يحس باللي انتي تحسينه

هالشعور جدا طبيعي وانا كاتبته عن دراسه وتجربه المهمـ

اللي لازم تسوينه

1 - ماتفرين فيه وتتخلصين من كل شي يذكرج فيه
2 تقربي من ربج صدقيني الله راح يعوضج
3 امسحي رقمه او ايميله وطلعيلج رقم يديد
4لاتحاولين تتقربين من زوجته لانها مالها دخل باللي يصيير !!!!!!!! وحطي نفسج بمكانها اتحملي اتخربين حياتها
5لاترجعين لنفس الغلط وتتعرفين على شباب
5دوم استغفري واقري قرآن

وانا موجوده اذا تبين اي شي صدقيني , , انا مريت باللي مريتي فيه وماتعرفين كيف غيرت هالتجربه حيآتي
اذا حابه تتواصلين معاي طرشيلي رسآله خاصه =)
وعسى ربي يعينج

 

[عايشه بدونه]

الله يساعدك
تصفحي مشاركاتي وراح تشوفي معاناتي
والحمدلله تخلصت من هالوهم بفضل الله ورضاه
ربي يووفقك ,,,

 

[غراوي]

انا دزيت لج عالخاص

بس تدرين لما قريت ردود البنات انا ارتحت
يااااااحلوكم ياكويتيات والله تهبلون قلوبكم علي بعض
ولما تازرون الوحده تحسسونها انكم تعرفونها وتحبونها

انا اعانيت مثلكم وبردودكم احس بردتو علي قلبي
وانشالله بردتوا علي (جرحو قلبي)

صج وعسا ان تكرهو شيا وهو خير لكم

حبيبتي تواصلي ويانا وبكل مره بنشجعج وبالمره بنشجع انفسنا لحد مانتزوج وندش حياة جديده

 

[أإلع ـشق دلع ـهـأإ]

قصتج نفسس رفيجتي بالضبط بالضبط

والله والله كآن يقولهآ خلآص بتطلق مآقدر آخذ غيرج وتبجي ويبجي معآهآ

تكلمه وآهو آملج إستمرت معآه نصحنآهآ عيييت تفهم الحب عمآهآ

قعدت معآ 4 سنين كبرت ع إيده

شوفي والله إنه تزوج بيوم عرسه كلمهآ وحزين وحآلته حآله وكآن الصبح

وبعدهآ طفى جهآزه تقول عقبهآ أختفى ،،؟؟

تقول وين اللي يحبني ؟ وين اللي بيتطلق علشآني ؟!

تقول مر شهر شهرين 3.

عآد قلنآ شفتي جذآب ؟ الريآجيل جذبين همهم نفسهم هم مآصدقت

آثآريه مغير خطه !!

تقول كآن عندي إيميل رفيجه آخذته وكلمت رفيجه وترجيته يعلمني آخبآره

رفيجه قآل للحين تحبينه ؟؟

الرجآل نساااج والله الرجآل تغير عقل صآر تكآنه صدقيني نساااج ومبين عليه يحب مرته

انا بنصحج لآنج كسرتي خآطري

عيت تصدق
تشووف حبيبهاا بالايميل ماايشبك
مرت شهوووووووور وسنه بالضبط ولا تشووف كاتب بالتوبك ماذكر شنو بس يعني جاله ولد !!

بجت بجت بجت بجت

ومرت سنه بعد تقول شفته بالافنيو يمشي معااه ولده ومرته ومستااااااانس

تقول إهني صحيييت وندمت ع اياامي وتحسفت ع دموعي اللي نزلت علشاانه

تقول مااتزوجت علشاانه واهو عنده ولد !!

وبعدها تاااابت تووووووبه نصوووحه تغيرت 180 درجه ودينت وبس تدعي بالزوج الصالح سبحآن الله ربي عوضهآ بزوج صالح كااامل ملتزم واخلااق وتوهآ تزوجت لهآ شهر عرسهآ شهر 2 هذآ

يعني يااحبيبتي إصحي الرجاال تزوج والرجال اذآ تزوج مو بس ينسى حبيبته ينسى طوايفهاا كلها

الزوااج ينسي فكري فيها راح يجاابل زوجته 24 ساعه وطلعات وغيذ شغلهم بالبيت

ماابي اضاايقح بس بصحيييييييييج مااابيج تفكرين وآهو قي آحضان وحده غيرج

ليمتى ؟؟؟

اول من يخطبج إستخيري وافقي عليه

والله ثم والله ثم والله بتنسين حبيبج وبتحبين زوووجج آكثر من حبج لحبيبج

شفتي رفيجتي تقول والله إن حبيبها مااتفكر فيه آبد تقول نقدتع نفسي ليييش متضايقه

فعلشان جذي صلي واستغفري ربج لانه اللي سوينه محررررم ومااراح يوفقج الله الا اذا تبيتي

وصدقيني بتتزوجين وبتنسين حبيبج

 

[قطوة@@]

محد بموت قبل يومه
و جرحج راح يبربى بس يبيله وقت وصبر

 

[غلاك عندي غير]

تزوج وعاش وانا اعنس عشانه

اللي يحب ماايقوول هالجملهه ينطر حبه ويعيش على ذكريااته الحيين ماالج غيير دعاا ادعي ربي ينسسسيج والله يعيييييييينج يالغلا

 

[گـحِـلْ |~]

كل شي يبدأ صغير ويكبر الا الهم والمصيبه تبدأ كبيره وتصغر بإذن الله
زوجته مالها ذنب تكسرين قلبها وتخربين حياتها ويمكن تدعي عليج من قلبها
اللي مفروض تستوعبينه
هو خطب وعرسه قريب يعني ماكان لج ولاىراح يكون ،.
في هالحاله ااي واحد يخطبج استخيري ووافقي بدون تردد
ومثل ما خفتي على مشاعر زوجته ولا حبيتي تكسرين قلبها ربي راح يجازيج باللي احسن منه


تعوذي من الشيطان وتقربي لربج اللي خلقج وخلقه


والله يسهل عليج وينسيج اياه صدقيني مو صعب هالشي




من باعنا برخيص بتراب ينباع '، ومن عافنا كل الجوارح تعافه

 

[kukuwa]

خييييييييره

 

[ToOoT"Q8]

البنات مساكين يتعذبون والرجال مادرا عنهم يمثل الحب وهو ناسيها وبيتزوج غيرها... أنتو مصدقين أنه في رجال كويتي يحب ممكن يحب بس مو لهدرجه أنه مايتزوج ويتعذب عشان ياخذها لا حبيبتي الكويتي يطقج بالطوفه وأنتي ماتدرين وعنده أنه كل الحريم نفس الشي

 

[مسك الغرام]

حبيبتي
الله يرزقج بلي احسن منه*

 

[غلاي انا]

انشالله انها تكووون خيره لج


بس حطي هالايه فبالج

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.


وكل شي جايز بهالدنيا ومافي شي مستحيل


اقسم بالله اعرف وحده كانت تعرف واحد علاقتها معاه اكثر من 5 سنين لما كلم اهله علشان يخطها ارفضوو على اساس انه مايعرفوون اهلها وحاول مره ومرتين لما وافقوو لما راح خطبها اهلها ارفضووا لان في واحد يبيهاا


سبحااان الله البنت ملجت وحطت فبالها وفباله خلاص ماكووو امل بالمره

صار العرس وخلص وقعدت عند زووجها اسبوعين بس تخيلي اقل من 20 يوم صار علي زوجها حادث وتوفى الله يرحمه


عقب ما خلصت عدتها رد وخطبها والحمدالله تزوجته وشووفيهم مشالله تبارك الرحمن و الله يوفقهم يارب عايشين احلا عيشه ومستانسين وجااابو عيال


يعني لا تيآسييين بالمره


​

​

 

[دهن_العود]

الله يمسح على قلبك وما تدرين الخيره وين بس لاتوقفين حياتك علشانه وبس دموع لانه ما يستأهل لوكان يحبك صح كان خطب مره وثنيين وثلاث مؤ من اول مره يملح على غيرك

 

[سفييره الكويت]

البنات مساكين يتعذبون والرجال مادرا عنهم يمثل الحب وهو ناسيها وبيتزوج غيرها... أنتو مصدقين أنه في رجال كويتي يحب ممكن يحب بس مو لهدرجه أنه مايتزوج ويتعذب عشان ياخذها لا حبيبتي الكويتي يطقج بالطوفه وأنتي ماتدرين وعنده أنه كل الحريم نفس الشي

ماصدقتي بهالشي لاني شايفه بعيني وسامعه باذني ..

هذا غيير للي يتزوج ويعذب زوجته بسبب انه للحين يحب حبيبته واكو وايد مواضيع بقسم الحياه الزوجيه

مايقرب منها ويقولها انا كنت احب غيرج ..!

 

[*آسوومه*]

الله يمسح ع قلبج :"( عورتي قلبي
حيـآآتي هـآي خيره فديت قلبج
و حطي ف بالج شي واحد ...
" إن لو كان من نصيبج و الله لو كل هلج يجتمعوون عشان يفرقونكم ما راح تفترقون لانكم نصيب بعض .. و ان الله سبحانه ما راد تكونون لبعض ان شاء الله لو هلج كلهم يجتمعون ع ان يزوجونكم ما راح تتزوجون لان الله سبحانه مب كاتبكم لبعض "
فهمتي حبيبتي
كل شي بيد الله سبحانه
لا بيدج ولا بيده ولا بيد اهلكم ...
توكلي على الله
و توبي لانج اذنبي يوم كلمتيه
لا تعورين قلبج ولا شي
الريال خلاص ملج
و انتي لين احين تبينه
تقدم لج و هلج رفضوا ف خلاص انسيه
شيليه من بالج .. و شدراج يمكن ما يكون مناسب
لان الحياه الواقعيه غير عن قصه الحب
يعني الاقنعه بتطيح لما تزوجون
و العلاقه الي كانت بينكم بتفتح باب للشك
انتي بتشكين فيه و هو بيشك فيج
و الشك جحيم لا يطاق صراحه ..
المهم و انا اختج روقي
ترى و الله الدنيا ما تسوى
و فيه اشياء اهم من الحب
عندج هلج صديقاتج بنات عمج و خالاتج
ناس وايد ف حيآتج .. و حياتج ما بتوقف عليه
لان هو ما وقف حياته عليج عقب ما رفضوه
و الدليل راح خطب و ملج و بيتزوج
ف انتي ليش تعذبين عمرج ؟
ليش تتعبين روحج و تعيشين روحج ف تعب
و انتي توج ف عز شبابج و جدامج الحياه
و صدقيني الله ما ياخذ من العبد الا و بيعوضه ب شي احسن
الله بيعوضج باللي احسن منه
خلاص انسيه و توبي لله سبحانه ..
الله يمسح ع قلبج و يهديج يا رب ...

 

[بطوووطة$بيضة]

والله والله والله


باجر راح يشوف حوبتج اذا كان ظالم ولاعب عليج


يمهل ولا يهمل

 

[لاتكابر غلطتي]

الموضوع هذا مهم تقراه
كل وحده عاشت الحب صحيح واهم شي انه حبيبها تقدم لخطبتها ..

لان نصايح البنات ذهب
جزاهم الله خير ..