حبيبي تزوج وانا بموت

["غـَّلآۅِي ♥~]

يّ قلبي =( وألله كِسسرتي خآطري

ومرة اقول استغفر الله بنت الناس مالها ذنب وهو ملج عليها عشان يبي ينساني هو قال جذي

صصح يّ قلبي عليج , هذآ قضـآء ألله وقدرهـ وأن ششآء ألله تكون خيرهـ أنج مّ أخذتيه
وحآولي أنج تنسسينه لأنّ إذآ بتمين تفكرين فيه وآيد بتتعبين و أششغلي نفسسج ب ِأي ششي ..
وتذكري أن بنت ألأوآدم مآلهآ ششغل أنج تروحين وتقولين لهآ أن الي أرتبطت فيه أنتي تعرفينه ..
ربي يوفقج و يسسآعدج ويكون بِ عونج
=)

هونيهآ يّ أختي ..}~

 

[حورية الكويت]

حبيبتي

مقدرة و حاسة بكل اللي تمرين فيه

البنت مشكلتها العاطفة الجياشة الي فيها مو مثل الرجل

صعبة بالبداية و مع الوقت بتسهل ... ابتعدي عن اي شي يذكرج فيه تقربي من الله اكثر ... ادعي..

"اللهم اشرح لي صدري و يسر امري و حصن فرجي و املا قلبي محبة لك "

استغفري كثييييييييييييير

و تصدقي كثييييييييير

و حاولي تروحين العمرة لو في مجال

و ادعي بالسجود ان ربج يجبر بخاطرج

صدقيني .... اذا هو من نصيبج بيرجع لج و اذا لا و الله كاتب لج شخص احسن منه فالخيرة في من اختاره الله

احسني الظن بالله و ثقي تماما ان كل ما يحصل لنا فهو تدبير من رب العالمين فهو المدبر و خير المدبرين

ابتسمي و طلعي من الجو الي انتي فيه .. الدنيا ما تسوى تضيعين دقيقة و اهو مستانس مع مرته

الله يوفقج مع الي يستاهلج و يكتبه ربي لج

 

[دلوعة أبوهآ]

عسى أن تكرهوآ شيئاً وهو خيراً لكم ..


,

 

[كسرنى الهم]

الله يمسح على صدرج الصبر
ياااارب والله والله هشي صعب حييييييييييييييل والى جرب هشي يحس فيه
والله حبيبتى حاسه فيج وحاسه بكل كلمه قلتيهااااا
الى يحب من قلب ويحط امل بلبلدايه صعب ينسى بسهوله
بس شقول غير الله يصبرج ويعوضج اميييييييين

 

[Patcholli]

حبيبتي منو اللي رفض من اهلج اكيد كلهم اكبر منج ولهم نظره اكبر من نظرتج
اكيد الريال فيه عيوب انتي مو شايفته بحكم انج تحبينه وميته عليه
بس مو شايفه الواقع ولا شايفه الجانب السلبي اللي فيه وحتى لو شايفته تحسين انج بتتحملين وبتصبرين بس اهلج يخافون عقب ماتطخ مشاعرج هاذي وعقب ماتصيرون فبيت واحد وهالاندفاع يقل و تشبعون من بعض تبدين تشوفين الصج وتشوفين العيوب وتبلش المشاكل وتبلش البلاوي وتردينلهم مطلقه
من جذي الاهل لهم حكمه ولهم نظره احنا مانشوفها
اهلج مو سيئين ولا من نوعية الاهل اللي يخلون بناتهم يعنسون والدليل انه يوم خطبج واحد ثاني ماعترضو بس يبونلج الزين

 

[عازفةالحنين]

انا مابي ازيد عليج المشكله اكبر لانه حتى لوتزوجتي مستحيل تنسينه وهوحتى لوتزوج مستحيل ابدا ينساج الغلط غلط اهلج اولا ليش ماوافقو ثانياغلطته ليه تزوج بهالسرعه دامه يحبج الحب ماحد يقدر يسيطر عليه انا طليقي تزوج وعليه عيال وتجيني اخباره انه مايحب زوجته مع انه حاول يرجعني قبل لايتزوج بس انا رافضه وحتى بعد ماتزوج حاول بس انا مابي ارجع



يقول الشاعر متع فؤادك ماستطعت من الهوى مالحب الا للحبيب الاولي

الله يكتب لج اللي فيه الخير

 

[أحلى البشر]

والله مادري شقولج

الله يصبرج ويمسح على قلبج ويعوضج خير

 

[* ليــــدي *]

الله يمسح على قلبج ويصبرج ..
المساله كلهاااا مسالة وقت وتنسين
و ان شاءالله خيرهـ لج ..

 

[* Snow White *]

عورتي قلبيييييييي!!!!!!
الله يعيينج ويصبرج يارب .. اعرف وحده نفس حالتج، اهيه ماقدرت تنساه. مستحيل احد ينسا انسان حبه سواء امه ابوه ايا كان.
بس راح تتعدل حالتج النفسيه والاجتماعيه. ماراح تنسينه اي، بس راح تجمعين نفسج مره ثانيه وتتعدل حياتج للأفضل ان شاء الله.
وراح اقولج تجربتها، مع مرور الايام صج كانت مثل حالتج بس بعدين آمنت بما كتب الله لها، وهذا القدر اللي كاتبه لها الله
"وعسا تكرهوا شيئا وهو خير لكم" صارت قويه وتزوجت. وماشاءالله زوجها الحين حبيبها الاول والاخير وكونت عايله رائعه
فهاذي نصيحتي لج .. لما تحسين نفسج هديتي ان شاء الله بعد ماتؤمنين بالقدر اللي اكتبه لج ربج، وتحسين نفسج جاهزه واذا عندج المقدره انج تزورين اخصائيه نفسيه افضل
تزوجي .. وربي يرزقج ولد الحلال ان شاء الله، الله يعينج ويوفقج يارب

 

[حبيته من قلبي]

وااي حبيبتي عورتي قلبي
خلاص حبيبتي اهوا الحين ملج وبيبدي حياة يديده والبنت مالها ذنب لا تخلين الشيطان يلعب بعقلج.. ياما بنات مروا بنفس حالتج واكثر بعد وكاهم الحمدالله عايشين حياتهم وبعضهم يضحكون عاللي كانوا يسوونه.. حطي إبالج انها فتره وبتعدي وربي بيعوضج اللي احسن منه ان شاءالله.. والله ماادري شقولج تصبري وحاولي ما تفكرين فيه وايد ولا تقعدين بروحج خلج كله ويا اهلج ورفيجاتج واذا عندج شي منه قطيه وحاولي تقوين قلبج وهالفتره بدايتها صعبه بس صدقيني بعدين بتقدرين وتذكري ربج معاج واهلج حواليج.. اهم شي ماخسرتي اهلج لا تقولين اهما السبب.. كل ماتفكرين فيه شتتي تفكيرج وقعدي استغفري وتقربي من ربج اكثر واكثر واقري قرآن دايما واذا تسمعين اغاني حاولي تقطعين وتقربي من ربج اكثر واكثر والسالفه كلها مسأله وقت

عسى ربي يعوضج باللي احسن منه بالحلال وينسيج كل شي يارب ويرزقج على قد نيتج وعسى الله يمسح على قلبج يارب ويصبرج وطمنينا عليج :*

 

[الله معايا]

الله يقويج يا قلبي وتنسينه ولا اذا فيه خيره لج ما تدرين عن النصيب بس انتي علشان الله يكتب لج الخير لازم تتقربين من الله
والله يا قلبي انا كنت احب سنين وحاولت انتحر كم مره والله فكرت حتى انحاش من بيت اهلي وخلاص انسي الكل لانه كل شي يذكرني فيه كل شي وما في شي نساني الا حب جديد صادق والحمد الله هو ريلي الحين حتى عرفت انه حبي كان مراهقه وكل دمعه كانت صغر وطيش وكنت حاكره نفسي فيه اهو بس بس والله والله في نفس الاسبوع سبحان الله الله عوضني اقسم بالله ولا كاني اعرفه نسيته من يومي كله حتى شكله وريلي عوضني ويحبني حيل وعرفني شنو معني الحب وهذا الي يدوم الي يحبج ما يتخلي عنج انا غلطتي مع الاولي خلتني اتعلم منها بعلاقتي بزوجي قبل الزواج والله ما كانت علاقه ومكالمات بس كنت اشوفه بالجامعه معاي وجذي وحيل ما عطيته ويه و عرف قيمتي اكثر وانه احسن بميه مره بالمستوي العلمي والاجتماعي من هذاك والحمد الله

 

[لاتكابر غلطتي]

عندي وعندج خير ي قلبي ..
مثل مشكلتي بضبططططط ..
اهوه اللحين مملج وعرسه شهر 5 ..
ونموت ببعض ,,
لكن حيييييييييييييييل حييييييييييييييييل
متفائله ان الايام كفيله انها تنسيني حبــه
صحيح ماراح انساه
وكل شخص قدر يأثر فيج وبحياتج
صعب نسيانه ..
لكن كل شي بيصير مجرد ذكـــــــــــرى
والحياة عباره عن ممر
للحياة الحقيقه اللي هي الجنه او النار
عسانا من اهل الجنه يارب ,,
وكثري من الاستغفار بنية نسيانه وسعادتج
ووحطي هالبيت بين عيونج ..

" ليــــــــــــــــه اكدر خاطري على دنيــــــــــآ بخليها ؟! " ..



عسى ربي يمسح على قلوبنا وينسيناياهم ...

 

[دلع العتبان]

البنات ماقصروا واستغفري الله وتوبي


عسى الله يعوضج خير والله بلاج يبي يكفر ذنوبج


جايز لو متزوجته تتحسفين قد شعر راسج


عسى الله يعوضج خير

 

[بيلسسان]

ماقريت القصه كلها
بس الريال خطبج واهلج مايبونه
والريال له كرامته مو كل يوم بيخطبج


ولاتنسين انه مو من نصيبج
لاتخربين بينهم
ولا تقربين صوب مرته

 

[كندوره]

كنا قبل نتهاوش على الصبغ والشقة وكل شي والحين صار هالمكان لغيري

اقتلتني هالجمله

تاثرت بكل كلمه كتبتيها لاني حطيت نفسي مكانج

الله يمسح على قلبج ويجبر بخاطرج ويعوضج خير ويرزقج اجمل من كل ما تتمنين

وقولي الحمدلله ربي ستر عليكم ومحد عرف بالعلاقه اللي كانت بينكم ..

واهو الله يهديه استعجل وايد ما كان يضره لو ناطر شوي وراد

خاطبج مره ثانيه وثالثه وعاشره لين ما يشوفون اهلج ان صج

شاريج ويبيج

وبعدين اهو ريال ما يضره لو كان ناطر عكس البنت

اللي ممكن يضيع عمرها وتقل فرصها للزواج

لكن الحمدلله صار اللي صار وما تدرين يمكن خيره لج

قولي الحمدلله وتمنيله الخير .. مو تقولين تحبينه

اللي يحب يتمنى الخير للي يحبه

وادعي اللهم اجرني في مصيبتي واخلفني خيرا منها

 

[ليه الجفآ]

الله يعينج ويصبر قلبج


..

 

[مايوركا]

الخيره فيما يختاره الله انتي ما تدرين بعد الزواج ما بتقولين ليتني ما عرفته
ياما ناس تزوجوا عن حب وعشق وهيام ولما تزوجوا بان لهم الخافي وعضوا اصابع الندم
انتي ما تدرين ايش بيصير معاك في المستقبل وياه وربي ادرى منك ودامه راح لغيرك معناه خير لك
تعلمي الثقه بالله وباختياره وحده الي يحب لك الخير ويكره لك الشر وصدقيني بكره لما يجيك زوج يحبك ويسعدك راح تندمين ع علاقتك بهذا الشخص
امسحي دموعك وثقي بتدبير ربك , تدبيره احسن تدبير

 

[om MaRyooM]

اهوا مو من نصيبج
ولاتظلمين بنت الناس وتدخلينها بالموضوع حرام عليج

انتي الحين تفكرين بس بقلبج بس مع الايام بتظحكين علا تفكيرج

بعدين فهميني شغلة!!!!!
دامه يحبج ليش تزوج بهالسرعه؟؟؟
عشان ينساج؟؟ وانتي المسكينة صدقتي هالعذر!!
ياكل بعقلج حلاوة!
حبيبتي صدقيييييني الريال لما يحب من قللب مستحيل يفكر يتزوج غيرج ويحاول بدل المرة مليوون
خالي كان يحب وحده اهلها رفضو بسبب المذهب والجنسية تختلف
تدرين شكثر نطرها؟؟
11سنة
وبعدين اهلها وافقو لان كبرت البنت وصارت بالثلاثينات
وكاهم الحين اللحمدلله عندهم عيال بعد

لان قال مستحيل يعيش مع غيرها

وعمي نفس الشي تقدم لحبيبته7 مرات واهلها يرفظون،، وبعد3 سنوات اخذها مع اصرااره

المقصد مفهوم
وعيشي حياتج حبيبتي ترا محد دايم واهو بيشوف حياته خلص
لاتدفنين نفسج عشان انسان فكر يعيش مع غيرج
هذا واقع ولابد تتعايشين معاه حتي لو كان اليم
ولاتظيعين فرص الزواج اللي تييج

والنصيحة بِـجَمل وانتي كيفج

 

[انا لها شمس]

الله يعينج والله عورتي قلبي حسيت فيج
بس الله بيسليج عنه اذا ماكان من نصيبج
ويسامح اهلج اذا ماكان لهم سبب مقنع برفضه


بس في شغله لاحظتها من ردود البنات
شدعوه عليكم مافي حب بهالزمان !!!!!!!


ترا الدنيا بعد فيها خير حتى وان كان قليل ليش هالنظره السوداويه للحب والزواج

 

[سفييره الكويت]

طالما العادات والتقاليد موجوده والتعصب الاعمى والعنصريه فلن ترتقي عقول اهلك واهل الكثيرين

وسيحطمون حلمك كما حطموا احلام من قبلك ..

المجتمع يحتاج الى الانفتاح اكثر الخلل بالمجتمع ويحتاج الحب للتضحيه حتى ينكسر هذا التعصب هذه حقيقه ولكن قليل من يطبقها ...

تأقلمي ستعيشين حياه صعبه كون القلب اذا انطعن او انكسر يحتاج لوقت كثير ليداوي جروحه الاجمل انه حبيبك حاول ولكنه ضعف

في الاخر واستسلم المفروض عليه يواصل الصبر ..

فكري انه ذكرى جميله ورحلت والقادم ان شاء الله اجمل الله يوفقه وانتي الله يوفقج انظري للامام فالحياه صعبه ولا تحتاج منا للتراجع..


ولكن السؤال للمتعصبين للعادات والتقاليد ؟؟

اين هم من الدين..!

(يا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌِ)