حبيبي تزوج وانا بموت

[سفييره الكويت]

بس خلاص حبيبتي


لو نصيبج والله راح يرد لو بعد عشر السنين


ولو مو نصيبج عساها خيرة

تكفين اللي فينا كافينا نضحك مع الناس وابقلبنا حرة وحسرة اللهكريم

يااساااتر !! البنت عبالها بنواسيها ماتدري انه احنا العن منها

 

[ريـحآنه]

والله يا حبيبتي شقولج كل الكلام البنات قالوه
بس أنا كنت مثلج وأخس منج احنا لا أهل فرقونا ولا شي بس الظروف فرقتنا
وأنا مو من 3 سنين بس إلا 6 سنين من يوم كان عمري 14 سنة
اهو مو من الكويت أصلن من البحرين
احنا عندنا أهل بالبحرين بس اهو ما يصيرلي اهو جيران أهلي بالبحرين
ولما أروح هناك نروح جم مرة بالسنة نزورهم وكنا نشوفهم وشفته هناك
وتعرفنا على بعض وحبينا بعض
حيييل
مع إن اهوا أكبر مني ب9 سنين كان عمري 14 واهوا 23
وحبينا بعض حييل وتعلقنا ابعض اهو قام يشتغل شغلتين صبح ومسا علشان يجمع له فلوس
ولما يتقدم لي يكون عنده شي سنع يقدمه حقي لأن كان يقول مابي أخليج أقل من بنات أهلج
وأول ما تخرجت من الثنوي قالي يلا أتقدم لج قلتله لأ إنطر أبي أدرس بالجامعة وأتخرج بعدين تعال
قلت علشان يقدر يجمع أكثر وأنا همن أدرس وأتخرج وبعدين أتزوج علشان ماراح أقدر أدرس وأنا متزوجة وهم أكون بعيدة عن أهلي لأن كان راح ياخذني معاه البحرين
لين صار إللي صار بالبحرين وصار ما يكلمني مثل أول وشوي شوي انقطع عني
أدق تلفونه كله مسكر جم شهر
وعقب رد علي وقالي خلاص احنا مالنا نصيب واحنا الحين حالتنا صعبة وأنا مابي أخذج من أهلج اييبج اهني واحنا عندنا الوضع مو أوكي
وأهلج ماراح يرضون ومن هالكلام
إذا تبيني نطريني لين ما يتعدل الوضع عندنا ويخلصون كل هالأشياء ويستقر الوضع بعدين أخذج

وظليت أبجي وأبجي وأترجاه وخلاص الحين تعال اخذني وما رضا
لين ما تقدم لي واحد أخلاق ودين وكل شي زين
أهلي سئلو عنه واستخرنا وكل شي تمام !
وكنت حيل مترددة بس أدق عليه جهازه مسكر وكنت أدق على بيتهم ساعات أنتظره اهوا يرد
واهو كان يدري إذا شاف التلفون يرن أكثر من مرة ومحد يتكلم يعرف هذي أنا
لما اهوا يرد أكلمه وكان كله يدقرني ويصرفني
وليما انخطبت قلتله إني بتزوج
تحسسسف حيييل ما توقع هالشغلة
وعقبها بيومين اتصل علي وقالي أنا بالكويت وأبي أشوفج ولما شافني يابلي خاتم هدية !
وباركلي الخطوبة وتمنالي كل خير
وظليت أبجي وأقوله أبيك وإخذني معاك كان طول الوقت متحمل وساكت
لين آخر شي قعد يبجي وقالي أنا والله أبيج وأحبج بس الظروف ما تسمح خلاص روحي الله يوفقج

وتزوجت
والله والله والله
الحين ريلي عندي كل حياتي
أحبببه حيييل واهوا يحبني ومرتاحين مع بعض
وحدي نسيته !! شوفي تبين الصج ما نسيته
بس ما صرت أفكر فيه على طول مثل قبل
وإذا مر ببالي أتذكر مواقف حلوة ساعات وأضحك !
وساعات بس أتذكر شي حلو بيني وبينه ولحظات حلوة أبجي
والله ليلحين أبجي بس بهدوء أنزلي جم دمعة شوي بس علشان أرتاح
وبعدين أحمد الله على النعمة لأن صج ريلي أحسه نعمة
يمكن ما كنت راح أستانس مع إللي كنت أحبه كثر وناستي مع ريلي
والله صدقيني الله ما يمنعنا من شي إلا خيره لنا

وهمن صدقيني حاولي كثر ما تقدرين تقربي من رب العالمين
والله اهو لازم يكون لج أقرب من أي أحد
حتى أقرب من زوجج إن شاء الله إذا تزوجتي

صدقيني إذا يالج ريال زين سئلو عنه واستخيري
ترى الاستخارة تنفع واااايد


أدري قرقت عليج وايد بس تذكرت قصتي وقلت أقولها

والله وايد ناس مرو بقصص حب وفراق
بس صدقيني عاشو بعد هالفراق
محد يموت صدقيني لأن الله كاتبلنا حياة يديدة وأحلى من الحياة إللي كنا عايشينها فلازم نقبل



الله يوفقج ويهديج ويستر عليج

 

[سفييره الكويت]

صحيح ريحانه مجرد القبول بالامر الواقع ..هو بدايه تداوي الجرح..

لازم الانسان يتخذ قرارات تخدم مستقبله..

 

[صفاءء]

الله يصبرج يا قلبي

راح تنسينه صدقيني بس نطري شوي على نفسج ماقولج لاتفكرين فيه الحين لانه مستحيل بس ان تزوج راح تقطعين الامل انتي وانتي من نفسج ماراح تفكرين فيه صدقيني الحين لنه بس ملجه عندج امل ولو ضعيف بس يتزوج راح تنسين كل شي

 

[بولندية]

يا حيااااتي عروووووتي قلبي بكلامج لاني مريت تقريبا باللي مريتي فيه فراق الحبيب من اصعب الاشياء اللي تصيرلنا بالدنيا

تقربي من ربج اكثر و كثري استغفار حاولي انج ما تقعدين بروحج قعدي مع اهلج اكثر علشان تلهين عمرج شوي

انا اعرف وحدة نفسج و خظبها مرتين و بالمرة الثانية اهلها قالو اوكي موافقين بس نسأل عنه و لما سألو قالولهااهلها فيه عيب اصله شي جذي مو ذاكره شنو . .

قالولها انسي انج تاخذينه مع ان العيب اللي فيه مووو صج اهلها مجذبين عليها علشان تنساه

ماااااااااااتت من البجي و نفس حالتج الدربات و لما قالها بخطبج 3 مرة حاولت بأمها قالت لها اوكي خل يتقدم و خلال هالجم يوم خطبها واحد غيره و وافقو عليه اهلها يعني حالتها اصعب من حالتج

وكاهي تزوجت و عيلت و مستانسة و مرتاحة مع ريلها اصلا تقول شلون كنت باخذ فلان !!

ماتدرين جانها خيرة لج وان شاءالله خيرة و ربي اكيد بيعوضج بتتعبين هالجم شهر بس عقبها ان شاءالله ربي يكتب لج الراحة بحياتج

 

[ماركة انثى‘]

مادري شنو اقول لج بس أكيد حبوبةة خيره لج والله يرزقج بأحسن منه بس انتي يوم صار لج نصيب بواحد غيره جان قالت زين ابيه يمكن كان في خير لج

 

[كندوره]

:eh_s(2):
مسألة وقت وبتنسيه ان شاء الله
وايد بنات مرو بهالتجربه والحمدلله قدرو يتاقلمون وما وقفت الحياة

بس شتقولون عن اللي متعذبه بحب واحد من اهلها (قريب حييييييييييل)
:eh_s(2): هذي صج شلون تقدر تنساه ؟؟ اذا ما تزوجته شلون بتقدر تشوفه شلون بتكون نظرتهم لبعض

 

[فطوم 84]

الحب شي صعب والله كلامج يعور القلب والبنات اللي تقول نساج غلطانين حتي اهو ماراح ينساها بيظل يذكرها وبباله كل حركه اوكلمه من زوجته بيتذكرها ويحن لها واللوم والعتب عالاهل وتاليتها ويا الاهل اللي تفكيرهم معقد رفض لاسباب تافهه. ارحموا قلوب بناتكم. اذا اثنين يحبون بعض زوجوهم والله حرام الحين البنت متعذبه والولد انا متاكده ماراح يتوفق بحياته وبزواجه ليش معذبينهم جان مزوجينهم. مو احسنً. ويااختي اقري يوميا البقره وحافظي علي قيام الليل واستغفري وكل اثنين وخميس صومي والله بتحسين انك نسييتيه لانه الصوم يريح القلب ويقربج من الله ويخليج ماتفكرين فيه كل وحده فينا تتمني ترتبط بانسان وتظنه اهو اللي بيسعدها احنا نختار والله يختار ((انا اريد وانته تريد والله يفعل مايريد"دايما الخيره فيما يختاره الله "الله سبحانه له حكمه اكيد بيعطيج انسان اخير منه وافضل بس التزمي باللي قلته لج والله يوفقج ويرزقج باللي يسعدج اللهم امين

 

[سفييره الكويت]

الحب شي صعب والله كلامج يعور القلب والبنات اللي تقول نساج غلطانين حتي اهو ماراح ينساها بيظل يذكرها وبباله كل حركه اوكلمه من زوجته بيتذكرها ويحن لها واللوم والعتب عالاهل وتاليتها ويا الاهل اللي تفكيرهم معقد رفض لاسباب تافهه. ارحموا قلوب بناتكم. اذا اثنين يحبون بعض زوجوهم والله حرام الحين البنت متعذبه والولد انا متاكده ماراح يتوفق بحياته وبزواجه ليش معذبينهم جان مزوجينهم. مو احسنً. ويااختي اقري يوميا البقره وحافظي علي قيام الليل واستغفري وكل اثنين وخميس صومي والله بتحسين انك نسييتيه لانه الصوم يريح القلب ويقربج من الله ويخليج ماتفكرين فيه كل وحده فينا تتمني ترتبط بانسان وتظنه اهو اللي بيسعدها احنا نختار والله يختار ((انا اريد وانته تريد والله يفعل مايريد"دايما الخيره فيما يختاره الله "الله سبحانه له حكمه اكيد بيعطيج انسان اخير منه وافضل بس التزمي باللي قلته لج والله يوفقج ويرزقج باللي يسعدج اللهم امين

صدقتي بهذي البعض يظن اذا تزوج او تزوجت تنتهي المشكله ويكتشف انها بدايه لمشكله اكبر

المفروض اذا كان يحبها مايتزوج ويكون اسره لانه بيظلم اسرته وقلبه متعلق فيها وصارت وايد

وشوفي وايد مواضيع بقسم الحياه الزوجيه ماقرب منها واهي عروس بسبب انه مغصبينه اهله

على الزواج وللحين يحب وحده ثانيه

ارحموا من في الارض يرحمكم من في السماء اتقوا الله يالاهل بعيالكم

:eh_s(2):

 

[عاشقة هواك]

الله يعينج

 

[ام مرضي]

الإيمان بالقضاء والقدر، وتلكم القاعدة هي قوله سبحانه وتعالى ـ في سورة البقرة في سياق الكلام على فرض الجهاد في سبيل الله ـ: {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

انا كنت احب وحد ويحبني 10 سنوات وامها رفضتني وتزوج وحدها ثاني
وانا بعد مدها طواله تزوجت وياربي لك الحمد رزقني ربي بوحد
احس منها ماليون مره الله اديم علي السعاده
ويرزقك ربي بحسن مها انتي ماتعلمي الغيب

 

[رشــــة مطــــر]

من تركً شيئآ لله عوضهُ الله خيرآً منه
هذا هو تزوج يابنت الحّلال وبيعيش حيآته وانتي تبين تعيشين بنكد وظلم
انسيه واتركية لوجه الله ولاتفكرين فية وحذآآآآآآآري تحاولين تخربين بينه وبين زوجتة لانها المسكينة مالهاّ ذنبّ
وياما وياما نااس حبت بعض ونسو بعض معليش أهم شيء حياتك ومستقبلكّ لاتضيعينةّ
والله يوفقشّ ويرزقشّ بالزوج الصـــالحّ ّ

 

[متيمة بالشعر]

حبيبتـي الحب ما يبي له قلب بسس يبي له عقل عشان تكونين مرتاحه
ما كان المفروض عواطفج تاخذج و تنسـيج اهم شي و هو
[ شنو نهاية هالحب ؟ ] ,, زواج ؟ آوك زواج لكن اهلي بيرضون ؟
المفروض عارفه تفكير و اسلوب اهلج ! ,
ما كان المفروض تتعلقين و تعلقين قلبج , و تكونين حاطه هالصورة جدامج و فكرة رفض اهلج ,​

انا ما الومج ولا قاعده اقول هالكلام لوم !
لكن انا ابيج تستوعبين ان العذاب اللي انتي فيه انتي جبتيه حق نفسج , لآن فكرتي بقلبج مو بعقلج , ..​

الحين ..​

فلان خلاص .. اهلي رافضينه و فلان صار من نصيب احد ثاني !
شي صعب تستوعبينه الحين لكن صدقيني الايام راح تخليج تنسين​

شوفي يا الغلا لو نقعد كلنا نواسيج و نكلمج ونقولج ما راح يتغير شي إلا اذا انتي بغيتي انه يتغير
ما راح تسين الا اذا انتي بغيتي تنسين ..... بعدها راح تقدرين​

مسحي الهم من قلبج و حاولي تجددين تفكيرج .. قطعيى العلاقه و حاولي تلهين نفسج بآي شي ثاني غير الحب
عطي نفسج فرصه تعيشين معاها و تكونين مع روحج ....​

انتي الحين مو راضيه تستوعبين هالشي لان انتي ما تبين تستوعبين لكن الايام والوقت بيخلونج تنسين
اذا انتي بغيتي ...​

و كثاااااار اللي مروا باللي مريتي فيه و حسوا باللي حسيتي فيه .. و الحين شوفيهم ناااااسسسين كل شي !
و عايشين حياتهم و تزوجوا و جابوا عيال و خلاااص الدنيا تمشي ما توقف على احد يا حبيبتي !
لا عليه راح توقف ولا على غيره !​

اقتنعي و حبـي اللي الله كاتبه لج لان ما كتب لج البعد عنه الا لان فيه خير وسعادة لج
الله يعوضج بالاحسسن



ـــ كلامي وايد بس اتمنى تقرينه و تفهمينه و تفكرين فيه ​

 

[زينه الفضلي]

الله يمسح على قلبج وينسيج
تقربي من ربج سبحانه و بتنسينه بإذن الله بس مسألة وقت .. *

 

[مسك حياتي]

احمدي ربج على كل حال ..

ما تدرين القدر شنو خاشلج ...

و اللي صار خيره ان شاء الله

 

[الزورق222]

انتى مخدوعة ورا شخصية رجل مخادع انتبهى لاينضحك عليج وحلو ان الموضوع وصل لحد اتمنى ان تنسينه
كل شى بيد الرجل يستطيع ان يغير فكر والدج ويرضون عنه ويزوجونه لو كان هدفه الزواج بس شكله لقى قدامه انسانه بريئة عاطفيه وحكم عقله وماحب يفضحج قدام العالم لو غيره كان ماسلمتى منه ..ربي يحفظج اختى الصغيره دوسى قلبج حتى لو حبيتى الحب مو غلط هذى مشاعر لكن لاتنجرفين وراها بدون تفكير فكرى اكثر من مرة خاصة فى موضوع خطير ..
لن يتزوجكى تدرين ليش انتى كلمتيه راح تكلمين غيره مع احترامى لج لكن هذى نظرتهم صدقينى حتى لو كنتى تحبينه ومخلصة له بس هو شللى يضمن له مافيه اى ضمانات الشك راح يقتل الحب الجميل فافضل لج تنسينه وتتركينه لزوجته اللى ممكن تكون مثل وضعج متزوجة لشخص ماتبيه وتبى واحد ثانى هههههههه سخرية القدر مايتزوج اللى تحبه وتخاف عليه ويثق بزوجه تختارها امه او هو يختارها ويقول عنها هى بنت الناس اما انتى لا اثق فيها كزوجه فقط حبيبة .

 

[لآلئ وردية]

حبيبتـي الخيـره فيمـا اختـاره الله

ما تدرين الخير وين

صلي وايد و ادعي ربج وايد و استغفري وايد

خصوصا بوقت القيـام

و يا رب يصبرج و يمسح عقلبج

و يعوضج خير بالحلال

 

[العصماء]

الله يصبرك والنسيان نعمة كبيرة من رب العالمين صدقيني مع الوقت راح يكون فقط ذكرى

 

[petita]

ادري وضعج وايد صعب و وايد بنات مرو اللي انتي مريتي في والله حاسه و ادري لما تقرين كلامنا راح تقولين محد يحس باللي انا احس فيه
بس انا اقولج امبله
واايد بنات نفس وضعج
بس تعدو المرحله
انا كنت اعرف وحده شخصيان و الله كانت يوم ملجته تبببجي
و صارله سنتين و نص متزوج
و اهيا منهااره اهو كان يحبها و يبيها
بس سالفت الماهب فرقتهم
و كانت ترفض لانه تحبه و
حوبتها ما تعدته
مرته ما قامت تيب عيال
اهيا ما دعت عليه بس اهو خلاها عشان يبي الضنه و الله حرق قلبه مثل ما اهله حرقو قلب البنت
و الحمدالله
توه يالها واحد يسواه و يسوه طوايفه و امه تموت فيها و هذاك امه تكرها و تقول اهي ساحره ولدي!
ادري ولدي ما يكلم !!
بس من ملجت هذاك مرته حملت
شفتي شلون الله فرح قلبها قبل قلبه ؟
انا والله اقولج اللي كانت تسويه
كانت كله تبجي و منهاره اطيح من طولها
بس كانت كل ما بتبجي
تقرا سوره البقرا و الله يريح قلبها
و تقرا دعاء لنسيان


انتي سوينفسها حبيبتي و ادعي الل يرزقج بواحد يستاهلج
و لا ترفضين لانه والله اذا يالج واحد زين و يملي عينج
راح تنسين هذاك

الله يصبر قلبج حبيبتي و يكون في عونج

 

[um_saif]

قولي الحمدلله
الحمدلله
الحمدلله

بعد عشر سنين من الحين اذا الله كتب لنا عمر راح تعرفين حكمة الله من عدم زواجكم ببعضكم وساعتها اذكري كلامي زين واسجدي سجدة شكر لله
الله ياخذ منا شئ يضرنا عشان يعطينا شي ينفعنا ويفرحنا فقط اذا امنا بقضائه وقدره واستسلمنا وحمدناه وشكرناه