الــجــــــــــــــــــزء الــــــــــــــــــثامن
ردو الإمارات وبدت الدراسة مرة ثانية وبعد مرور شهر . خليفة يفتح مسج من عذبة
" يا صاحبي طالت معاناة الفراق وانا احسب ايام العنا بالدقيقة ما للفرح نور واشراق بدونك ما عرفنا طريقة ضاق الفلك والفكر سارح بين همه وضيقة ما هو انا اللي بس مشتاق ترى روحي لك رهينه"
خليفة طرش" يا صاحبي ابعتذر عن جفايا عسى العذر يكون صادق ومقبول اقسم بمن يعلم بكل الخفايا ما صدني عنكم جفايا بس مشغول وإلا انتم ادرى بالمحبة وفايا ظرفن حكمني وماني عن الوقت مسؤول"
عذبة:"غالي انت وما تهون با بعد كل العيون ليتني بقربك اكون وكل اوقاتي معاك ليت لي كل القلوب واعشقك فيها واذوب من يحبك ما يتوب يا معذبني بهواك ياللي امري بين ايديك خفت من نفسي عليك بكل ما فيني ابيك وزاد في عيني غلاك "
خليفة:" وحشتني وعذبتني وجننتني وكمان علمتني احبك اكثر مما تحبني"
عذبة:" شفت القمر فوق وحوله نجوم منثورة عرفت ان القمر انت وحولك الناس مقهورة"
ومرن عشر دقايق وخليفة ما طرش
عذبة:" افاااااااا رصيدك خلص"
خليفة:"لالالالالالالالالالالالالا"
عذبة:" مليت مني"
خليفة:" لابس ما ابيج اطرشين مسجات وانا ما بطرش"
عذبة انصدمت:" لييييييش"
خليفة:" ما اقدر اتحمل نظرات ولد عمج اللي كلها شك واهلج اللي واثقين فيني ما اقدر ما اقدر"
عذبة:" انا بعد احس ان عبدالله شاك بالسالفة وخلاص على راحتك ما بطرش مسجات مرة ثانية"
خليفة:" و الله ما اقصد شي بس جذا احسن لي واحسن لج بس عن تنسيني والله اذبحج"
عذبة ابتسمت يو قرت المسج وهم الأثنين حسو براحة وشوي ويرن مبايلها
عذبة : مرحبتين
سعود: شحالج عذبة
عذبة: تمام ربي يعافيك اخبارك انت
سعود: تمام والله تدرين انا وين اللحين
عذبة: قالو لك يني مو عذبة
سعود: ههههههههه انا ياي بيتكم مع العيلة الكريمة
عذبة: صدق
سعود: هيه
عذبة: انزين انا بسكر بروح اقول لأميه وابويه
سعود: مو لازم تراهم يدرون
عذبة: يعني انا آخر من يعلم
سعود: مو جي السالفة يم بوصل بقولج يالله مع السلامة
عذبة: في حفظ الرحمن
سكرت عنه وراحت تبدل ملابسها وهي تفكر بخليفة وباللي سواه هل هو كان يلاعبها وإلا سوى اللي سواه لانه يخاف عليها من عبدالله اللي شك بالسالفة . وصلو قوم عبدالله وتمو قاعدين معاهم الين الساعة 11,30وعقب راحو وعالساعة خمس في اليوم الثاني في بيت بو سلطان
سلطان: السلام عليكم
ام سلطان+بوسلطان: وعليكم السلام والرحمة
ام سلطان: خيبة ليش نايم للحين
سلطان: تراني راجع من الجامعة الساعة 2,30 لين ما بدلت ملابسي وتغديت كانت الساعة3 يعني ما نمت الا ساعتين
بوسلطان: وين اختك؟؟؟؟؟
سلطان: ما ادري يمكن بغرفتها
عذبة: منو اللي بغرفتها
ام سلطان: الطيب عند ذكره
عذبة: يعني كنتو تحشون فيني شو كنتو تقولون
بو سلطان: اللحين بتعرفين كل شي
وتمو فترة ساكتين ويطالعون بعض
عذبة: شفيكم صاير شي
بو سلطان: انتي تدرين قوم عمج ليش كانو يلين البارحة
عذبة: هم مو ياين عشان يسلمون ويسولفون
بوسلطان: موبس عشان جذا وعشان يخطبونج لعبدالله بعد
عذبة بطلت عيونها وقالت بصدمة:شوووووووووووو
بوسلطان: ما اباج تردين علي اللحين اباج تفكرين عدل تفكرين بعمج وحرمة عمج اللي شايفين فيج بنتهم اللي راحت وسعود اللي شايف فيج اخته اباج تفكرين بكل شي ولا تستعيلين بردج واتركي عنج سالفة اكرهه انتي تدرين شنو بيصير لو رفضتي ؟
عذبة من ابوها خلص كلامه استأذنت وراحت غرفتها وهي تقول بخاطرها : معقولة اللي عبدالله بيسويه فيني يخطبني وهو يدري انتي ما احبة والكلام اللي قاله ابوي معناته اني لازم اوافق على عبدالله وسلطان اللي ما نطق بأي كلمة وهو يدري عن كل شي بس كيف برفض والكل موافق كيف اكيد الكل بيتغير علي اذا رفضت انا اعرف اذا رفضت ممكن انه ما ايي بيتنا ابدا وسعود بيزعل علي ولا يكلمني .......... بس خليفة شو بيقول عني انه اول ما قالي نقطع المسجات عشان خايف علي من عبدالله اقوم اتزوجه يييييييالله شسوي وطول هالأسبوع كانت كله تفكر انها توافق والا ترفض بس كل اللي بالبيت يقولولها وافقي بس بطريقة مو مباشرة واخيرا قررت عذبة انها تستسلم لقدرها وافقت وخبرت اهلها ووصل الخبر عند عبدالله وقرروا انهم ايون يوم الخميس ويخطبون رسمي ويسون حفلة بسيطة ويوم الخميس في بيت بو حمدان خليفة قاعد في غرفته ملالالالان فقرر انه يروح عند انجود ويبطل الباب شوي شوي ويخرعها وكان حمدان معاها وفعلا بطل الباب وما حسو فيه بس هو ما دخل وتم واقف عند الباب وهو مصدوم من الكلام اللي يسمعه
انجود: حمداني اليوم بروح عند عذبوه الساعة ثلاث ونص
حمدان: لييييييييييييييييييش
انجود: اليوم مسويلها حفلة خطوبة
حمدان: ما شاء الله انخطبت منو اللي خطبها
انجود: عبدالله ولد عمها
حمدان : احيدها تكرهه كيف رضت به
انجود" وانا بعد اللي اعرفه انها ما تحبه بس نحن شدرانا شوصار وكل شي نصيب
حمدان: صدقج
خليفة سكر الباب بهدوء مثل ما فتحه وراح غرفته وهو يفكر وعالساعة 7.30 عذبة كانت قاعدة مع ربيعاتها وانجود وبنات يقروبولها
انجود: عذبوووووه ياج مسج
عذبة: عطيني بشوفه وفتحته وقرت:[اييييييه انتي صدق اللي سمعته صدق عذية انج انخطبتي صدق اليوم مسويلج حفلة اتمنى انه ما ايي اليوم اللي اشوف به دموع ندمج]
تغير ويه عذبة والكل لاحظ هالشي وردت طرشت له [ مجبورة وغصب ياخليفة غصبوني ورضيت انا ذبحوني بنصايحهم ذبحوني بس والله بتظل انته الوحيد الي حبيته وراح احبة ]
واتصل خليفة
عذبة : ألوووووو
خليفة: اهلين
عذبة: لحظة شوي واستأذنت من اللي قاعدة معاهم وراحت غرفة ثانية
عذبة: ألو
خليفة:لييييييييييييييييش ....ليش ياعذبة حرام عليج ليش تسوين فيني جذا ليش
عذبة:........................
خليفة: ساكته.......دخياج قولي أي شي ريحيني
عذبة: الكل كان يضغط علي انت ما تتصور شو اللي كان بيصير لو ما وافقت خليفة سامحني خلاص كل اللي بينا انتهى انتهى كل شي راح خلاص خليفة لا تتصل مرة ثانية وسكرت التليفون وكانت يايه بتطلع بس رن التليفون مرة ثانية كان المتصل خليفة في البداية ترددت انها تكلمةوإلا لا بس قررت انها ترد عليه
عذبة:ألو .ألو. بس محد رد عليها بس سمعت شعر [ في خفايا القلب آهات وعذاب وفي ضميري هم واحزان وشجون ليش يا دنياي احلامي سراب واللي هويته قلبه الصادق يخون عايش حياتي في مآسي واكتئاب والعمر يمضي عسى جراحي تهون كان لي اغلى من اهلي والأصحاب كان لي يا ناس اغلى من العيون ابعد واجفا وانا كلي اغتراب وما بقى لي شي احياله في هالكون جفت دموع العين والحب غلوه آه م بشكي من جروح وطعون اللي من ناظري والا هو غاب وفي المحبة صدق خيبت الظنون آه كم بشكي من جروح وطعون الا من ناضري والا هو غاب]
عذبة وهي تصيح: : خلصت خليفة انت تسمعني
خليفة ما رد عليها
عذبة: اذاتسمعني رد علي
خليفةبالم: اسمعج
عذبة: مو حرام عليك اللي تسويه مو كفاية اني قلبي يتقطع حرام عليك ما كنت اعرف انك قاسي ليش تعذبني ليش والله انه غصب عني رضيت انت ليش ما تصدق (خليفة ما قدر يتكلم وتم ساكت ) اسفة بسكر اوكيه وسكرت وعقب طرشت [لا تفكرني بتصل فيك انا من اليوم بنساك لولا يا محبوبي اداريك واطلبك واقدرك واهواك خلاص راح العهد بيني وياك خلاص ما بتصل ما ابيك اقولها والرب يرعاك]
عذبة: آه يا خليفة محد بقلبي غيرك
خليفة ما رد عليها وبنفس الوقت كان وايد زعلان ومقهور منها ليش ما قالت لا بس معقولة ان عذبة توافق بهالسهولة وتنسى حبها معقوله تبدل حب خليفة بواحد ثاني ومنو هالواحد عبدالله اللي ما تحبه , وبعد مرور خمس شهور كان عبدالله ملج علي عذبة وطبعا خليفة ما قدر ينساها
خليفة طرش عذبة [خاين واناني بطريقة خلاني المر سقاني الويل وراني قلبي يعاني لانه غرامي والله اناني خلاني اعاني على دربة مشاني الهم عطاني الحزن منحاني الحب حرماني ليته يباني لخليه يعاني صحيح كياني لكنه خلاني والله اناني]
ردت عليه:[جالس في وسطهم قاعدولا اسمع حكيهم لاتحسب اني عندهم انا معك بس جنبهم متحمسين بهرجهم ما غير اناظر عيونهم واتخيلك في وسطهم سالني وتحد بينهم وش رايك بكلامهم احرجني والله قدامهم قلت العفو يا قلبهم ناقص الغالي بينهم ]
بعد ما قرى المسج قعد يفكر ويقول بخاطره انا شو اللي قاعد اسويه لو كنت مكان عبدالله اكيد ما برضى ان واحد غريب يطرش مسجات لحرمتي وهي اطرشله خلاص يا خليفة انساها انساها هي لو كانت تحبك ما كانت رضت بواحد غيرك لو شو صار وهياللحين معيشتنك بوهم اسمه الحب خلاص ياعذبة من اليوم بشلج من بالي وهذا اخر مسج يوصلج مني وكان وسايط [بسني من كذبك وهمسك بسني من يومك وامسك لا تقول انك تحبني انت ما تحب الا نفسك شكثر قلبك اناني بعتني وحبيت ثاني وانا من وصلي اعاني واحترق في نار شمسك ومن بعد ذيك الليالي وشوقي وكل انشغالي ضعت من ايدييا غالي واختفى حظك وامسك كنت في بالي وعيوني اجمل ايامي وسنيني كنت اول ما اشوفك ما ابي مكروه يمسك بس ذاك اول احبك يوم انا قلبي بقلبك بس اليوم لو تلتفت لى اشوفك وامشي بعكسك ]
وبعد[جاي يسأل عني بعد ما تركني جاي يسأل عني بعد ما نسيته لا تحسب ان الحب يرجع وقت ما بغيته انت الذي صدوه وهجرني وباب الوصل انت سديته لا تلومني ترى غصب عني اللي ما يبيني عمري ما بغيته ]
وغلق مبايله وبدل ملابسة وطلع من غرفته وشاف اخته واخوه قاعدين في الصالة
حمدان : كاشخ الريال وين رايح
خليفة: الاتصالات
انجود: لييييييش
خليفة: بغير رقمي
انجود:ليش
خليفة: بس كيفي ما ابيه
حمدان: بس لا تتاخر ترانا بنطلع كلنا نتعشى
خليفة: اوكيه برد بسرعة وبعدين بعده وقت ع العشى
وعقب نص ساعة
خليفة: ها شورايكم بالرقم اليديد
انجود: وايد حلو
خليفة: وانت حمدان شو رايك
حمدان: حلو
انجود:ايه يالله خل نروح نتعشى
خليفة:انتو ليش مستعيلين تونا مصلين المغرب
حمدان: ترانا بنروح دبي بنتمشى وعقب بنتعشى
خليفة: يالله عيل انا جاهز
وفي الطريق
حمدان: بسم الله عليج ليش تصيحين
انجود:..........................
خليفة: ليش ساكته.... انجود شي يعورج نروح المستشفى .اوه حمدان وقف السيارة
حمدان: انجود تكلمي روعتينا
