حبـك حبيبـي مـــا طـرى ع البــال

[ضوى العيون]

الجزء الثاني عشر


وخلصت الاجازة ويه وقت الدراسة الريم كانت اول جامعة اما سعيد فكان من عمر انجود المهم سعيد في الجامعة تعرف على شلة مو زينه اما الريم فكونت صداقات وتأقلمت بحياتها بالامارت


سعيد: الو السلام عليكم


نهلة: وعليكم السلام منو معاي

سعيد: معاج معجب
نهلة : شكلك تستهبل وسكرت بويهه
حمد: هابشر
سعيد: سكرت التليفون بس وانا سعيد السعدي ما اخليها
حمد: بتتصل مرة ثانية
سعيد: هيه بس مو الحين ..... ويرن تليفونها
الريم: مرحبا
سعيد: هلا شو تبين
الريم: شو شو ابا انت نسيت ان خليفة مو ياي الجامعة اليوم يعني انت اللي بترجعنا البيت
سعيد: أوه نسيت الحين ياي / مع السلامة حمد انا بروح
حمد: ليش
سعيد: برجع اختي وبنت عمي البيت
حمد: وانا منو بيوصلني البيت
سعيد:زين والله قالوا لكم تكسي يالله تعال بوصلك
حمد: واختك وبنت عمك
سعيد: انت تعال[ وراح صوب جامعة البنات] وكانو البنات واقفات ويوم فتحو الباب عشان يركبون انصدمو بربيع سعيد الريم ركبت وانجود سكرت الباب مرة ثانية
سعيد: اوووووه هاذي شفيها ونزل من السيارة ليش ما ركبتي
انجود: منو هذا اللي راكب
سعيد: ربيعي
انجود: لاوالله وكيف تبيني اركب معاكم وربيعك راكب
سعيد: عاااااااااااادي بطلي الباب واركبي
انجود: عن الهبل انا ما بركب مدام ربيعك راكب
سعيد: وربيعي ما بينزل
انجود: والحين
سعيد معصب ومعلي صوته: بتركبين والا لا
انجود: لالالالالا انت شو ما تفهم صدج ما عندك مذهب
سعيد: خلاص عيل كيفج مع السلامة وركب السيارة وراح
الريم: سعيد ارجع انت كيف تخليها
سعيد: ما برجع هي اللي ما رضت تركب وبس اسكتي ما يخصج فيها
انجود ما عرفت شو تسوي ردت الجامعة مرة ثانية وتمت تصيح اول مرة تحس انها بروحها حمدان عنده شغل وخليفة مريض ما فيه شدة يسوق سيارة
انجود: السلام عليكم
محمد: وعليكم السلام والرحمة منو وياي
انجود: انا انجود
محمد: بلاج تصيحين وين انتي
انجود: انا بالجامعة
محمد: ليش سعيد مامر عليكم
انجود: خذالريم وراح لاني ما رضيت اركب معاه
محمد: انزين ليش
انجود: لان ربيعه كان راكب اونه بيوصله
محمدعصب: هذا صدج ما فيه عقل الحين بيي باخذج
وشوي ووصل محمد وركبت معاه
محمد مبتسم: انجود شرايج تنتقمين من سعيد
انجود: انتقم منه بس كيف[الظاهر الفكرة عيبتها]
محمد: منو من ربيعتج عادي تروحيلها هالوقت
انجود: عذبة الل جدا بيتنا اروحلها أي وقت
محمد: خلاص عيل انا بوديج عندها وعقي.......................................... فهمتي
انجود: هيه فهمت. يالله انا بنزل
محمد: مثل ما قلنا انتي ما شفتيني اليوم صح
انجود: ليش انا اعرفك ونزلت ودقت الباب
سلطان: انجود اهلين تفضلي
انجود: مشكور
سلطان: اقول بلاه خليفة ما داوم اليوم بالجامعة
انجود: مريض
ام سلطان: انجود هلا حبيبتي تعالي وتسلم عليها وعلى عذبة
انجود تضحك: انا يوعانة بتغدوني
سلطان: افا عليج اذا ما فيه بالبيت اطلع الحين وايبلج كم انجود عندنا
انجود: مشكور
ام سلطان: انجود مو غريبة انج يايه الحين
انجود: غريبة ادري بس الحين بخبركم شالسالفة............
ام سلطان: هذا لايكون محسب عمرة بامريكا كل عادي
ابو سلطان: لاحول
سلطان يضحك بطريقة تضحك: والله يستاهل اللي بيله والله محمد عجيب هو وافكارة

 

[ضوى العيون]

بيت بوحمدان
الكل قاعد بالصالة يتريون انجود والريم عشان يتغدون وشوي وادش الريم بروحها
خليفة بتعب: وين انجود
الريم: سعيد خلاها بالجامعة
الكل:شووووووووووووووووو
حمدان: شو يعني خلاها بالجامعة
وقالت الريم السالفة
حمدان معصب: هذا ين شو اوه انا بروح لها
خليفة: لحظة بروح وياك
ابومحمد: وينه الحين
الريم: راح يوصل ربيعة بيتهم
بومحمد: انا اراويه
وراحوا بس ما لقوها
ام محمد: ها وينها
حمدان: ما لقيناها.يالله وين راحت
خليفة: انا اعرف وين راحت
حمدان: بسرعة ارمس
خليفة : بهالوقت ما بتروح الا عند عذبة وياخذ مبايلة ويتصل بانجود بس تليفونها مغلق
حمدان: ها شو
خليفة: مغلق
حمدان: انزين اتصل بسلطان
ويتصل بسلطان
سلطان: انجود هذا خليفة
انجود: رد عليه اكيد خايفين علي
سلطان: هلا خليفة
خليفة: اقول سلطان انجود عندكم
سلطان: هيه عندنا
خليفة: الحمد لله الحين بيي عندكم ويروح حمدان وخليفة بيت بو سلطان
حمدان: انجود حبيبتي انتي هنيه
خليفة: انزين ليش ما اتصلتي نحن كنا بنيلج
انجود صاحت: ما ادري بس اول مرة احس اني بروحي اول مرة احس انكم بعاد عني
خليفة: خلاص حبيبتي محد بيوديج أي مكان غيري انا او حمدان لو شو كان فينا
حمدان: يالله انروح
بوسلطان: اقعدوا معانا
حمدان: ما عليه عشان خايفين على انجود بالبيت
وصلوا البيت
بومحمد: ما عليه حبيبتي حقج علي انا ويدخل سعيد ويستوي هدوء وراح بومحمد وعطى سعيد كف والكل شهق
سعيد: كل هذا عشان الآنسة انجود
بومحمد: بس اسكت وروح غرفتك
وهو رايح غرفته يطالع انجود بنظره تكره نفسها منها ويقول بخاطرة : اول مرة ابوي يضربني وبسببج يا انجود ما راح اسامحج [ صراحة الحركة قوية ريال ينضرب جدام اهلة صح انه غلطان بس ماشي ينحل بالضرب كل شي ينحل بالهدوء والتفاهم]
وعلى العصر يروح محمد لسعيد
سعيد: نعم شو تبي
محمد: سعيد انت شو صارلك انت ما كنت جذه
سعيد بهدوء: انا بروحي ما ادري شو اللي صارلي من يوم ما يت الامارت بس اللي اعرفة الحين اني عمري ماراح اسامح انجود على اللي سوته اليوم
محمد: الله يهديك وصدقني ما راح تقدر تسوي شي لنجود سعيد حاول تقرب من انجود تراها وايد كشخة وربشة[وطلع عنه]
وعقب فترة كان الكل نسى السالفة وفي يوم ملجة حمدان
الريم: ما شاءالله عليج انجود قمر والله انج حلوه واايد اخاف يحسدونج اليوم
انجود: عاد مو هالدرجة
ويطلعون ويكون الكل يترياهم في الصالة والكل انبهر من جمال انجود
خليفة يصفر: يا سلالالالالالالالالالالالالالالالالالالالالام شو القمر نازل اليوم
انجودمستحية: بس لا
وراحوا الحفلة وكانت واايد روعة ومر كل شي بسلام وعقب رجعو البيت من كثر التعب اللي فيهم
اما الريم فكانت ترمس حمد ع المبايل
حمد: هلا حبيبتي شخبارج
الريم: تمام اخبارك انت
حمد: زين دام اسمع صوتج
الريم: اونك عاد انزين شخبار الجامعة والدراسة
حمد: أي دراسة واي خرابيط انا الحين ارمس حبيبتي اطري الدراسة
ومرن الأيام والريم في العسل وحمد قاص عليها وعلى عشرة غيرها وبعد وسعيد الواثق بربيعة الي يخون صداقتة باقرب الناس له اخته
بيت بو منصور
نهلة: منصور تعال شوي بغيتك بسالفة
يقوم ويروح معاها: خير ان شاءالله
نهلة: ما ادري شو اقولك بس
منصور : بس شو
نهلة: بصراحة في واحد مأذني كل يوم يتصل
منصور معصب: شدراج انه واحد
نهلة: رديت عليه مرة او مرتين يمكن لاني ما كنت حافظة الرقم والحين من شهر وهو يتصل وانا ما ارد عليه وكله يطرش مسجات
منصور: لاحول انزين عطيني الرقم
نهلة: لحظة شوي بطلعة من المبايل
منصور: يعني هذا الرقم انا براويه شغلة بس عطيني مبايلج اليوم
نهلة : شو بتسوي
منصور: ما عليج انا بتصرف يالله انا بروح الحين عشان مواعد ربعي مع السلامة
نهلة: مع السلامة
منصور كان مواعد هزاع وسلطان وعبدالله وخليفة وجدام باب قوم خليفة طلع خليفة ومعاه سعيد الي بيروح معاهم
منصور: خليفة ما عرفتنا على الأخ
خليفة: الأخ يكون ولد عمي
منصور: ايوه
عبدالله: اقول هزاع بلاك صاير هادي فيك شي
هزاع: لاما فيني شي يالله نروح
وراحو السنتر وكانو واقفين عند المطاعم
منصور: اوه تذكرت( وابتعد عنهم)
هزاع: ايه وين رايح
منصور: برجع الحين [ وطلع مبايل اخته واتصل بالرقم الي ايلها]
سعيد فز قلبة من شاف الرقم وراح بعيد عنهم
سعيد: الو
منصور:...............
سعيد: بلاج ما تتكلمين ليش ساكته
منصور يتلفت يمين ويسار يحس ان الصوت قريب منه ويشوف سعيد يتكلم بالتليفون بس لاف ويهه وتقرب منه وهو ساكت وحاط المبايل على اذنه وسعيد يقول كلام حب يتحسب ان نهلة هي المتصلة ومن تأكد منصور ان الريال اللي لاف ويهه هو نفسه اللي يكلمه بالتليفون راح ومسكة من رقبته وهو معصب وما انتبه ان سعيد هو نفسه الريال وسعيد منصدم وايون باقي الشباب بسرعة
خلفة: بلاك منصور ماسك سعيد جذه
منصور وتوه انتبه : الحقير النذل
سعيد: ايه انت بلاك مينون
منصور : هيه مينون[ وياخذ مبايل سعيد ويطلع رقم نهلة] اسمع والله لو اتصلت ولو حتى غلط او طرشت مسجات لهذا الرقم والله ما تلوم الا نفسك
سعيد: ليش ومنو حضرتك تعطيني اوامر
منصور: حضرتي اخوها
سعيد بصدمة: هاه
الحين شو تتوقعون بيصير مع مشاكل سعيد اللي ما تخلص وشنو راح تكون ردة فعل خليفة من ولد عمه اللي يكلم بنات وحاول يكلم اخت ربيعه..؟؟؟

 

[ضوى العيون]

--------------------------------------------------------------------------------

الجــ الثالث عشر ـــزء


وفجأة صحى خليفة من الصدمة وكان ياي بيتكلم بس تذكر يوم انه كان يرمس عذبة اخت رفيجة واخوه وولد يرانه سلطان وحمد ربه ان السالفة ما انكشفت والا كانت وااايد اشياء بتصير


عبدالله: بس فضحتونا الناس قاعدة تطالع يالله خل نرجع البيت احسن


منصور: انا ما اركب مع هالأشكال بسيارة وحدة


والمشكلة انهم ياين بسيارة وحدة منصور صمم على رايه ورجع البيت بتكسي وهزاع ما رضى يخليه فرجع معاه في سيارة قوم خليفة كان صمت رهيب عام المكان عبدالله وسلطان سكتوا لسكوت خليفة اللي ما نطق بأي كلمة ويوم وصلوا البيت


سعيد: خليفةانا........


خليفة: ما يحتاي تقول شي انا فهمت كل اللي صار


سعيد: بس


خليفة : لابس ولا شي وماراح اخبر حد ادري ان عيشتك بامريكا مأثرة عليك مع اني متأكد انك ما كنت تسوي هالحركات هناك بس ما عليه اللي صار صار بس اتمنى انك ما تعيدها


سعيد ما نطق باي كلمة كل اللي سواه انه راح غرفته ورمى روحة على الشبرية وندم على اللي سواه قعد يفكر باللي سواه من يوم ما وصل الامارات مقابلته السخيفة لعيال عمه واللي سواه بانجود واللي سواه ببنات الناس مع انه كان وااااايد مستانس انه كان بيشوف عيال عمه وهنيه دمعن عيونه وردته هالدمعة لذكرى اللي خلت حاله بنقلب ردته للذكرى اللي نزلت الدمعه من عيونه لاول مرة قبل 3 ايام من ييتهم الامارات يوم تلقى هذاك الاتصال


سعيد: هلا احمود


احمدبحزن: اهلين


سعيد: بلاك


احمد: سعيد والله ما ادري شو اقولك والا كيف اوصلك هالخبر


سعيد معصب : احمد خوفتني نورة صابها شي


احمد تنهد: نورة بالمستشفى


سعيد بصدمة: شووووووووووووو انت شو تقول فال الله ولا فالك انت ليش تفاول ع البنية بلاك خرفت انا توني كنت معاها


احمد: اقولك نورة بالمستشفى


سعيد مصدق:مستشفى ليش شو صار


احمد:تعال المستشفى وانت تعرف بس بسرعة لان حالتها وايد خطيرة وتبي تشوفك


سعيد: اوكيه اوكية الحين ياي


وما مرت ربع ساعة الا سعيد بالمستشفى


سعيد: وينها


احمد: بالعناية


سعيد: انا بدخل


احمد: ممنوعة الزيارة عليها لانها تعبت زيادة


سعيد: مو على كيفك ( ودخل عليها)


نورة فتحت عيونها وابتسمت: هلالا


سعيد: سلامتج وما تشوفين شر الغالية


نورة: بلاك سكت


سعيد: انا آسف انا السبب خلاص ولا تزعلين ما راح اسافر الإمارات راح اتم وياج


نورة: لا يا سعيد انت راح تسافر وانا بعد راح اسافر بس انا سفرتي غير


سعيد: تكفين لا تقولين هالكلام ما اقدر اتحمل


نورة : خلاص انا راح اروح شفت يا سعيد مو قلت لك ما راح افارقك الا بالموت و.......


سعيد: نورة نورة شفيج


ودخل عليهم الدكتور والنيرس


الدكتور: لو سمحت اطلع برع نحن قلنا الزيارة ممنوعة انت شو دخلك هنيه


سعيد:بس


الدكتور: لو سمحت


وطلع سعيد وشوي ويطلع الدكتور وكل علامات الحزن على ويهه


الدكتور : البقية في حياتكم


احمد: انت شو تقول [ويطالع سعيد]


سعيد ياته حاله هستيرية ومن غير ما يحس بعمرة صرخ صرخة هزت المستشفى حتى ان المرضى طلعو من غرفهم : لالالالالالالالالالالالالا مستحيل نورة ما راحت احمد اسمعة شو يقول؟ قول انك تقص علي لاانا ما اقدر اتحمل الحياة بدونها لالالالالالالالالا والله اني احبها وما اصبر عنها كان يقول هالكلام وشكله شكل واحد مذبوح وتم يصيح واحمد والدكتور يحاولون يهدونه بس ما شي فايدة الين قرر الدكتور انه يعطيه ابرة مهدئة


وفي يوم السفر للإمارت


احمد: سعيد انت لازم ترد سعيد الأولي


سعيد بهدوء: لايا احمد سعيد الاولي مات بموت نورة الله يرحمها وفي يوم نورة وعدتني انها ما راح تفارقني الا بالموت وصدقت وبنفس الوقت انا وعدتها اني مستحيل احب وحدة غيرها


احمد: بس الحين نورة الله يرحمها


سعيد: نورة ماتت بعيون الناس بس بعدها عايشة في قلبي انا نورة يوم ماتت من الدنيا خذت قلب وعقل وشخصية سعيد معاها راحت وخلته جسد بلا روح


ويقطع حبل افكاره دق الباب


سعيد: تفضل


الريم: سعيد اميه تقول تعال تعشى


سعيد: لا مالي نفس اكل شي انا ببدل ملابسي وبطلع امشي شوي


الريم: كيفك


ويوم طلع


بومحمد: ها وين العزم انشاءالله


سعيد: بمشي بالحارة شوي وبرجع


بومحمد: انزين ابوي بس لاتتأخر


سعيد: ان شاء الله الغالي سلامة


بومحمد: مع السلامة ومثل ما وصيتك

 

[ضوى العيون]

وطلع سعيد وتم يتحوط لمدة ساعتين ويوم رجع كان ياي بيدخل بس سمع صوت صياح وراح صوب الصوت


سعيد بخوف: انجود شفيج


انجود بصدمة: سعيد انت مو نايم


سعيد: لا مو نايم كنت اتمشى شوي بس انتي شفيج وقفتي قلبي شو صاير


انجود: لاتخاف مو صاير شي


سعيد: عيل ليش تصيحين


انجود: ما عليه لاتحط في بالك بروحك شكلك تعبان ومتضايج


سعيد: شو ما احط في بالي بنت عمي الوحيدة تصيح وما تبي تقول شفيها


انجود: انزين يقولك


سعيد: وانا اسمعج


انجود: تذكرت الوالد والوالدة


سعيد: الله يرحمهم ويغمد روحهم الجنة ان شاءالله


انجود: والله يا سعيد مو قادرة انساهم ولو ثانية كل شي في هالبيت يذكرني فيهم والله انا ردتكم بهالوقت فرقت معانا وايد حسينا بمعنى الأسرة من بعد ما نسينا هالشي وفقدنا الامل ان نعرف حد من اهلنا


سعيد:...............


انجود: ليش سكت


سعيد: انجود انا اسف على كل اللي سويته فيج اسف


انجود: لاما حصل شي بس انت ما تنلام واحد عايش حياته كلها بامريكا فشي طبيعي انه يكون Free


سعيد: لابالعكس انا في امريكا ماكنت جذه


انجود: عيل شو صار لك الحين


سعيد: ما ادري بس انا ندمان على كل اللي سويته فيكم


انجود: خلاص انزين لاتبكي على الماء المسكوب


سعيد ابتسم: تدرين نورة الله يرحمها كانت كله تقول لي جذه


انجود بصدمة: نورة منوووووووووووو


سعيد تكلم وما حس بعمرة: نورة الله يرحمها هي الوحيدة اللي دخلت قلبي وبعدها فيه هي الوحيدة اللي كانت دوم تنصحني وتذكرني اني لازم ما انسى اني اماراتي حتى لو عشت برع البلاد تدرين اسلوب تفكيرج نفسها حتى عنادج اسلوب رمستج كل شي فيج وتسوينه يذكرني فيها عشان جذه انا كنت دوم احط عليج ما ادري ليش [سعيد انتبه لكلامه]


انجود: بلاك ليش سكت كمل


سعيد: انا ما ادري كيف فتحت لج قلبي وقلتلج اللي فيه على فكرة لا محمد ولا الريم ولا اميه او ابويه يدرون عن هالسالفة يعني انتي الوحيدة اللي تدرين عنها لايكون تخبرين حد


انجود: افا عليك ما تسويها انجود بس قولي ليش تقول الله يرحمها هي ماتت


سعيد: هيه ماتت وتركتني بهالدنيا بروحي


انجود: افا ونحن وين رحنا نحن اهلك يعني انت مو بروحك......... انزين كيف ماتت


سعيد بضيج: في اليوم اللي قلت لها فيه اني بسافر الامارات طلعت من المطعم اللي كنا فيه بسرعة وسوت حادث وماتت


انجود بألم: آآآآآآآآآآآآآآه يا هالحوادث اللي خذت منا كل غالي تدري ان ابوي وامي بعد توفوا بحادث


سعيد: هيه محمد قال لي


انجود: عظم الله اجرك


سعيد تنهد ويبي يغير السالفة: انزين وشو اخبارج بعد


انجود ابتسمت: تمام ربي يعافيك


سعيد: انجود كلميني عن نفسج شوي


انجود: شو اقول يعني


سعيد: ما ادري خاطري اعرف عنج كل شي


انجود: انزين شرايك انت تسال وانا بجاوبك


سعيد: اوكي امممممممممممممم هيه السؤال الاول انتي حبيتي قبل او انج تحبي الحين


انجود: شو هالسؤال


سعيد: لو ما تبين تردين علي عادي بس على فكرة ترى الحب مو عيب ولا حرام


انجود: ادري انه مو عيب ولا حرام بس انا عقب وفاة الغالين قررت اني اقفل قلبي احس اني لو فرحت ونسيت وفاتهم كاني مستانسة لموتهم


سعيد: اويه انتي ليش جذه الموت علينا حق وهم مب خسارة على ربهم صح... احس انج محملة نفسج فوق طاقتها الله عطانا النسيان نعمة


انجود: سعيد انت بروحك ما قدرت تنسى نورة وموتها خلاك تغير حياتك كلها


سعيد: انزين شرايج انسوي اتفاق


انجود: اتفاق شو


سعيد: انج تحاولين تعيشين حياتج شوي بدون حزن وكآبة وانا بعد بغير حياتي كلها


انجود: بس


سعيد: لابس ولا شي بس بعد بدون ما ننسى الغالين على قلوبنا لان هالشي وايد صعب وانا حاس فيج وانتي تدرين انهم لو كانو عايشين اكيد ما كانوا بيرضون باللي نسويه بعمرنا صح


انجود: بصراحة انا مو مصدقةاني اكلم سعيد اللي امس كان بيضربني اسلوبك بالرمسة وطريقة تفكيرك غير


سعيد: اوه منو اللي متصل الحين........ال

 

[ضوى العيون]

سعيد: اوه منو اللي متصل الحين........الو
انجود يايه بتدخل بس سعيد اشر لها انها تنتظر
حمد: هلالالالالالالا سعيد شخبارك
سعيد من غير نفس: الحمدالله خير انشاءالله متصل هالحزة اكيد في شي
حمد: شوف يا سعيد يبت لك رقم بنيه بس شو بنيه و......
سعيد: خلاص يا حمد انا تركت هالسوالف
حمد: اوه الريال صار شريف مكة
سعيد: عن الهبل يا حمد ويالله مع السلامة تراني مشغول الحين واتمنى انك تنسى هالرقم والله يهديك(وسكر التليفون بويهه)
انجود: ها شو تبغي ليش ما خلينتي ادخل
سعيد: وين رايحة
انجود: رايحة غرفتي
سعيد: بترقدين
انجود:لا
سعيد: عيل ليش بتروحين خل نسولف شوي
انجود: شو تسولف الحين الساغة12 وباجر عندنا جامعة والا نسيت نكمل باجر سوالفنا
سعيد: خلاص تصبحين على خير
انجود: وانت من اهله
ومن صوب ثاني
حمدان: اخيرا اتصلتي وينج انتي
علياء: وعليكم السلام
حمدان قفط: السلام عليكم
علياء: شخبارك
حمدان:زين والحين وينج انتي ليش ما تردين على اتصالاتي
علياء : لان راشد كان معاي
حمدان: وشو يعني قولي له اقلب ويهك ورمسيني
علياء: على أي صفحة
حمدان:لا انتي اليوم انتي اليوم راسج مفتر بلاج علاية
علياء: ما بلاني شي بس.
حمدان: بس شو
علياء : ولاشي ولا شي خلاص
حمدان: افا تخشين علي
علياء: لا انزين اسمع
راشد يدخل عليها: منو ترمسين بهالوقت
علياء: لحظة.ارمس حمدان
راشد: حمدان القاطع عطيني اياه
علياء: حمدان راشد يبي يكلمك
حمدان: لا انا ابي ارمسج انتي قولي له باجر بتصله
راشد: ألووووووووووووووووووووووو
حمدان: هلا والله برفيجي واخوي واخو حرمتي
راشد:عاد انت ما يهمك الا الأخيرة
حمدان يضحك : افا تراني اعرفك قبلها والا نسيت
راشد:لاما نسيت الا قول لي انت ما تستحي على ويهك ترمس اختي بهالوقت
حمدان: وانت ما تستحي على ويهك داش على حرمتي هالوقت
راشد:هذي اختي
حمدان: وهذي حرمتي
علياء: بلاكم لايكون تتضاربون
راشد: لاما نضارب بس هذا ريلج يقهر
علياء:حرام عليك
حمدان: فديتها ما ترضى علي عطني خل ارمسها
راشد:لالالالالالالالالالالالالالالالالالالا
حمدان: حبيبي راشد
راشد: انزين خذ .[وصرخ] علياء بلاج
حمدان بخوف: راشد شالسالفة
راشد: علياء عليوووووه بلاج ردي علي
(وعلياء مبطله عيونها)
حمدان معصب: راشد طيحت قلبي شالسالفة
راشد:هههههههههههههههههههههههههههههههههههههه
حمدان: اييييييييييييييييه ارمس
راشد:ههههههههههههههههههههه
حمدان معصب: يالله مع السلالالالالالالالالامة
راشد: اصبر بعطيك حرمتك ههههههه
عليا:هلا حمدان
حمدان: بلاه راشد شو صار توه
عليا: ولاشي يستهبل عليك
حمدان:صدج متفيج انزين اقول بسكر عندي شغل باجر
عليا: حمدان
حمدان: شو
علياء: لايكون زعلت
حمدان: لابس تعبان ابي ارقد مع السلامة
علياء:مع السلامة
راشد: ليش سكر
علياء: يقول تعبان بس شكله زعل
راشد: افا كنت اتغشمر معاه بروح اراضيه
ويروح راشد ويطرش له مسج [ما تستحي على ويهك تخلي علياء ترقد وهي زعلانة]
حمدان:[كله منك يالسخيف]
راشد:[والله آسف وأنت عن الهبل اللي يسمعك يقول اول مرة اسويبك هالحركات]
حمدان[مو اول مرة بس انت روعتني على علياء]
راشد:[انزين اتصلبها ما تهون علي تنام وهي زعلانة ]
حمدان طرش لعلياء[ افرح اذا شفت الفرح في حياتك ويضيق بي زماني لا شان بالك اعطيك عمري يا عساني فداك وش هي حياتي ما تسوى ظلالك جعل الولي يا صاحبي دوم يرعاك وجعل الفرح في كل الأيام فالك]
علياء[ انا بامس الحاجة لك لاتبتعد محتاجلك كلي وله مشتاقلك ارجوك لا تبعد بعيد تعال يا عمر الهنا انا بدونك من انا قلبي شقا وعمري عنا والشوق في قلبي يزيد اصارع ايام الزمان احس من دونك وحيد اتخيلك دومك معاي قمره تنور لي سماي افرح واجدد بك هواي واحيا الأمل بك من جديد يا راحة البال وغلاي ما احب في الدنيا سواك انا معك وابقى معاك حتى لو تبعد بعيد ((محتاجلك))]
وعقبها نام كل واحد منهم وهو مرتاح ويحلم بالثاني الحين شو بيصير معاهم بيتمون مثل ما هم والا بيتفرقون وسعيد من صدجة تغير وهل هو قد وعده لنورة انه ما رح يحب وحدة غيرها

 

[ضوى العيون]

الجـ الرابع عشرـزء




عبدالله : هلا بالغلا كله


عذبة: اهلين ومرحبتين بكل الزين


عبدالله: شحالهم الحلوين


عذبة: زينه مدام اسمع صوتك شحالك انت


عبدالله: يسرج الحال وسلطان شخباره


عذبة: زين تراك تشوفه كل يوم بالجامعة


عبدالله: لايكون تغارين من اخوج


عذبة: لا اشوفك وايد مصدق نفسك


عبدالله: والله كيفي تراني عبدالله


عذبة: وشو يعني عبدالله


عبدالله: انا ابا اعرف شو يعني عبدالله بالنسبة لج


عذبة: هيه غير الموضوع غير


عبدالله: لا صدج ابا اعرف الرد الحين


عذبة: عن الهبل والا اقولك يوم بسكربطرش لك انته شو بمسج اوكــــــــــــــــيـــــه


عبدالله:أوكـــــيه


عذبة: بس بشرط انك انت بعد اطرش انا شو بالنسبة لك


عبدالله: موافق


عذبة: يالله عيل مع السلامة


عبدالله: يعني مستعيله................... مع السلامة


عبدالله:[ من كثر ما احبك وصلت لحالة ادمان ادمان صوتك وشوفك وطاريك العفو ما احبك انا فيك هيمان يعني احبك واعشقك وحيييييييييل اغليك تدري اذا غاب صوتك شيصير يا عذبة ينشغل بالي وافكر واحاتيك ما حد يسواك عندي لا ربع لا ولا اخوان والله يا عمري محد يسواك اكره حياتي ودنيتي لو مني زعلان وكل الحياة تحلى يوم اراضيك حتى انا وياك تلقاني ولهان ياليت انا اشوفك وكل يوم الاقيك مالي سوى طاريك وين ما كان والكل يسألني هالقد اغليك احس حبي ما حب يوم انسان فكل الكون ما حد يضاهيك]


عذبة:[الروح ولهانه على شوف شرواك وان ما حصل قلنا على الدنيا السلامي القلب واحد والمشاعر ترجاك ترجى وصالك قبل دفن العظامي تبقى رفيق الروح والروح تفداك ويفداك عمري يا رفيع المقامي]


وعلى ثاني يوم بالجامعة عند البنات


حنان: نصور شجا دخلت هنيه


ناصر: من الباب


حنان: لابس ما كنت ادري ان الأولاد عادي يدخلون هنيه


ناصر: عادي هذا الإستقبال شو هالغباء


حنان: نصور لا تقول لي غيبة


ناصر: نصور بعيونج نحن مو بالبيت


حنان: اسفة اسفة استاذ ناصر


ناصر :انتي بلاج اليوم


حنان: ولا شي


ناصر: انزين اقولج وين فاطمة


حنان: باجي ربع ساعة على محاضرتها


ناصر: يعني لازم نترياها ما يمديني اوديج البيت وارجع لها


حنان: انزين خل خالد ايي ياخذها


ناصر: خالد عنده شغل ما عليه الا هي ربع ساعة

 

[ضوى العيون]

ومرن ربع ساعة


انجود: هالريم بترجعين البيت


الريم: لا بعدها عندي محاضرة


انجود: خلاص عيل انا بروح لاني تعبانه


الريم: ما عليه وانا يوم بخلص بتصلبج عشان تخلين حد ايلي


انجود: مع السلامة


انجود كانت يايه بتتصل بس سمعت حد يناديها


عذبة: انجود.......انجود


انجود: هلا عذبوه


عذبة: بتروحين البيت


انجود: هيه


عذبة: يولج والا بعدهم


انجود: بعدني الحين بتصل


عذبة: لاتتصلين الحين سلطان ياي وبياخذني انا وياج


انجود: لاما ابي اتعبكم


عذبة: تعبج راحة يا عسل... بس تعالي نقعد شوي بلإستقبال لين ما ايي


انجود: اوكيه


عذبة: هلالالالالالالالالا والله حنان شحالج


حنان: تمام ربي يعافيج شحالج انتي


عذبة:يسرج الحال وينج محد يسمع صوتج


حنان: والله رقمج ضاع عني. بس شوفي الحظ بنفس الجامعة وما نشوف بعض


عذبة: شفتي كيف..... صدج ما عرفتج هذي انجود السعدي


حنان بصدمة: السعدي


انجود: بلاج اول مرة تسمعين عن هالاسم


حنان : لا بالعكس اميه كانت من قوم السعدي


عذبة: اخاف تقربون لبعض بس


حنان: نقرب لبعض وما نعرف بعض ياسلام


ناصر: حنان يالله تعالي


صدت انجود صوب الصوت: منوهذا


حنان هذا ناصر اخويه


انجود وعذبة تمو يطالعون بعض


حنان: بلاكم قلت شي غلط


انجود: عذبوه يشبه خليفة صح


عذبة: وايد


حنان: خليفة منو


انجود: اخوي


حنان: يخلق من الشبه اربعين اقول عذبة عطيني رقمج (وبعد ما عطتها) يالله مع السلامة


عذبة: مع السلامة وسلمي على فاطمة واحلام


انجود قالت بدون ما تحس: لاتقولين ان عندج اخو اسمه خالد بعد


حنان بصدمة وكل علامات التعجب بويها: وانتي شدراج


انجود: ها لاولا شي اتوقعت بس


حنان: لاوالله


ناصر: حنان يالله


حنان: ان شاءالله يايه .اقول لازم تقولين شجا عرفتي


انجود: الايام يايه وبيتعرفين الحين روحي لاتتاخرين على اخوج


وراحت حنان ومليون علامة استفهام على ويهها


انجود: لاتسألين لاني ما بقول لج أي شي


عذبة مستغربة : اوكي بس يالله لان سلطان وصل


وعالساعة خمس العصر في بيت بوحمدان


انجود: خليفة ابي اروح عند ربيعتي الحين


خليفة: ربيعتج منو


انجود: حنان


خليفة: اجلي هالطلعة مو متفيج اوديج


انجود: حرام


سعيد: انزين انا بوديج


انجود تتطالع خليفة اللي هز راسه انه عادي سعيد يوصلها


خليفة: بس لاتتأخرين


انجود: ان شاءالله سعيد دقايق بس ببدل ملابسي

 

[ضوى العيون]

في السيارة


سعيد: ها وين بيتها


انجود طلعت مبايلهاوهي تقول: لحظة شوي


سعيد: لاتقولين ما تعرفين بيتها


انجود: ما عليه انت حرك السيارة وابتعد عن البيت شوي


واتصلت لعذبة وخذت منها رقم حنان


انجود: الو السلام عليكم


حنان: وعليكم السلام


انجود: شحالج


حنان: يسرج الحال اسمحيلي ما عرفتج


انجود: انا انجود السعدي


حنان: هلا


انجود: اقول حنان وين بيتكم بييج الحين


حنان: ها... حياج بيتنا في...........


انجود: خلاص عيل نص ساعة واكون عندج


حنان: اوكيه(وسكرت)


سعيد: انجود شالسالفة


انجود:.............


سعيد: نحن ما اتفقنا انج تقولين لي كل شي


انجود: انزين(وقالت السالفه) فهمت


سعيد: بس ابوي يمكن يعصب


انجود: مو بس عمي حتى حمدان وخليفة والكل


سعيد: مو خايفة


انجود: لا.... يعني انت راضي بأن نحن اهل ومحد فينا يدري عن الثاني مو حرام والله لولا الصدفة ما كنت عرفت عيال عموه


سعيد: تدرين ان السالفة اللي قالها ابوي انهم ليش تفرقو مو داخلة راسي


انجود: حتى انا بس ما عليه كلها ايام وبنعرف الحقيقة


سعيد: اكيد شي قوي صاير قبل خلاهم كلهم يتفرقون بهذي الصورة بس تعالي كيف بتخبرينهم الحين لايكون بتدخلين وبتقولين انا بنت خالكم ما بيصدقونج


انجود: طبعا لا انا محصلة صورة فيها ابوي وابوك وعموه ومعاهم يدي ويايبة الصوره وماخذة صور خليفة وحمدان والريم.... اقول انت ما عندك صورلك الحين انت ومحمد


سعيد: عندي


انجود: زين عيل عطني اياهم


سعيد: وصلنا متى ايلج


انجود: ما ادري بس بتصلبك المهم ما تخبر حد عن هالسالفة


سعيد: اقول انتي وين محصلة الصورة


انجود: بغرفة اميه وابوي


ونزلت ودقت لجرس بس محد طلع لها


انجود: الو


حنان: ها وينج


انجود: انا عند الباب


حنان: توكي انا يايه الحين ثواني بس


ويت حنان وبطلت الباب وسلمو على بعض ودخلو الصالة عسب يقعدون توه انجود بتقعدالا خالد طالع من غرفته وترجع توقف ويتمون يطالعون بعض بصدمة يالله هالكثر الدنيا دوارة معقولة ولد عمتها هو نفسه اللي...........


حنان: خالد بلاك وقفت


بس انجود تمت تطالعه بصدمة وكانها تبي تتأكد من شي وهو نفس الشي


انجود: معقولة.......... أأأأأانت خالد.... لامستحيل


خالد: انتي مو........


انجود ما قدرت تنطق بأي كلمة وحنان مستغربة من اللي يصير جدامها منو هذي البنية اللي تعرفنا ونحن ما نعرفها بس لا خالد باين عله انه يعرفها


ناصر: بلاكم جذا واقفين(انتبه لنجود) اسف ما كنت ادري ان عندنا ضيوف بالبيت خلود بلاك واقف جذه حنان شالسالفة


حنان: بروحي ما ادري انجود شالسالة


خالد: انجود....... انا اذكر ان الولد اللي ياج هذاك اليوم قاللج هالإسم صح


انجود راحت عينها على صورة معلقة جدامها وكانت الصدمة الأكبر


انجود: اقول منو اللي بالصورة


حنان: هذا يدي وامي اما الإثنين اللي يتشابهون ما نعرفهم


انجود انهارت: ليش ليش يا ربي كل هذا يصير لنا


ناصر وحنان يطالعون بعض وهم مو مستوعبين أي شي على الأقل خالد يعرف نص السالفة اما هم ما يعرفون شالسالفة


خالد: اقول لو سمحتي ممكن تفهمينا شالسالفة وبلاج تصيحين


انجود بكل هدوء طلعت الصورة اللي معاها وعطتها لهم


ناصر بصدمة: انتي من وين يايبه هالصورة


حنان: ممكن تقولين انتي منو


انجود يايه يتتكلم بس رن مبايلها


انجود: الو


سعيد: هلا انجود .ها شو صار بلاج تصيحين


انجود: سعيد عقب بقولك شو تبي الحين ليش متصل


سعيد: خليفة اتصلبي وسألني عن بيت ربيعتج وقال انه بيي ياخذج


انجود: سعيد لا مو متفيجة لخليفة بيتم يسألني مليون سؤال


سعيد: شو اسوي هو اللي اخوج مو انا


انجود: انزين انا بتصرف بس انت لا تطلع برع العين انت الي بترجعني


سعيد: اوكي بااااااااااي


خالد: والحين بتقولين والا لا


انجود: بقول بس قبل بتصل بحد اقول وين فاطمة واحلام


ناصر: راقدين


انجود: انزين لين ما اتصل قوموهم عشان ما اعيد السالفة


حنان: اوكية انا رايحة الحين

 

[ضوى العيون]

واتصلت بعذبة وخذت منها رقم سلطان
انجود: هلا سلطان
سلطان: منو معاي
انجود: انا انجود ولو كان خليفة معاك لا تقول اسمي
سلطان: ان شاءالله هو معاي لحين بس خير ان شاء الله
انجود: ممكن اطلب طلب
سلطان: اطلب اللي تباه عبود
انجود: ما عليه انا عبود لا ما حصلت الا هالاسم
سلطان:ههههههههههههههههههههه
انجود: المهم اباك تاخذ خليفة برع العين يعنو روحو دبي الشارجة أي مكان
سلطان: ليش
انجود: انا بقول لعذبة وهي بتقول لك
سلطان: انزين شو بعد
انجود:اعتمد عليك يعني
سلطان: اعتمد
انجود: مع السلامة
سلطان: مع السلامة
وسلطان سوى اللي انجود طلبته منه وراح هو وخليفة راك وخليفو اتصل بسعيد وقال له هو يرجع انجود البيت
خالد: والحين تراج خليتينا على اعصابنا تكلمي
انجود: انشاء الله بس ما ابي أي حد قاطعني
ناصر: انزين بس تكلمي
انجود: خالد انت طبعا تتذكر هذاك اليوم المشؤوم اللي استوابه الحادث وبعدتدري انا اميه وابويه هم اللي كانو بالسيارة ومن راحو المستشفى توفوا وعقبها بسنة اكتشفنا ان عندنا عم كان بامريكا ورجع مع عياله وعرفنا منه ان عندنا عمه اللي هي امكم
احلام:شووووووووووووووووووووو
فاطمة: بس كيف ما يستوي
انجود: شو هو اللي ما يستوي
خالد: يعني انتي تعرفين منو اللي بالصورة
انجود: هذا ابوي الله يرحمه وهذا عمي اللي هو خالكم
ناصر: كيف يعني اهل وما نعرف بعض
انجود: هالشي اللي نحن للحين ما نعرف جوابه والوحيد اللي يعرف الجواب هو عمي
حنان: انزين ليش ما سألتوه
انجود: سألناه بس رد علينا بسالفة ما تتصدق
حنان: يعني نحن اللي انظلمنا فيكم ما نعرف حد منكم
انجود: منو قالج نحن بعد ما كنا ندري ان عندنا عيال عم وعمة
خالد: انتي شكلج اهلج ما يدرون انج عندنا
انجود: يدرون وما يدرون
ناصر: لاوالله
انجود: يدرون اني عند وحدة اسمها حنان بس منو هي بالتحديد ما يدرون بس سعيد ولد عمي يدري وهو اللي موصلني هنيه
احلام: عيل منو سلطان اللي توه مكلمتنه منو خليفة
انجودد: سلطان هذا ولد جيرانا ونحن متربين مع بعض وهو نفسه يا خالد اللي رحت معاه المستشفى اما خليفة فهذا اخوي وحمدان بعد اما عيال عمي سعيد ومحمد والريم و ليلى
خالد: تدرين ان عقب الحادث بيوم رحت المستشفى اسأل عن الحادث وقالولي انهم اتوفو وحاولت معاهم انهم يعطوني تليفونكم او عنوان البيت بس ما رضوا ما ادري شو اللي خلاني اسوي جذه بس صورتج يوم كنتي تبجين ما راحت عن بالي وتقولين وغلاة امك وابوك تتركني هالجملة ما راحت عن بالي
انجود: وتدري ان خليفة وحمدان تمنو لو انهم يعرفونك عشان يشكرونك صراحة انت وايد جريء حريم كانو واقفين ما مسكوني انت اللي مسكتني والله يعلم لو ما سويت جي شو كان صار[ وشافت الساعة وشهقت] اويه الساعة ثمان وانا هنيه من الساعة خمس ونص انا شكلي بايعه عمري اليوم
فاطمة: اقعدي معانا انتي مو قاعة مع حد غريب
انجود: تراهم ما يدرون تراني اقولكم محد يدري غير سعيد
فاطمة: انزين اتصليبه خل ايي عشان نشوفه
انجود: اوكيك ...واتصلت وقالت له ايي
ناصر: انزين والباجين وين بنشوفهم
انجود: هيه صح انا يايبه صورهم كلهم
ناصر: منو هذا اللي يشبهني
انجود: هذا خليفة
خالد: انزين انتي ما بتقولين لهم انج كنتي عندنا
انجود: انتو اصبرو شويه ونحن بنرتب السالفة معاهم
خالد: يعني بتين عندنا كل يوم
انجود: خيبة كل يوم مستححححححححيل
ناصر: لاوالله
احلام : عيل كيف بنشوفج
انجود: ما ادري بس تعالولي الجامعة بس خبروني قبل عسب اتاخر بالجامعة واقعد معاكم
وشوي ويوصل سعيد ويروح ناصر ويفتح له الباب
ناصر: اهلين هلا والله بولد خالي تفضل تفضل داخل
سعيد: دام فضلك
ودخل سعيد واتعرف على العيلة الكريمة وعقب رجع هو وانجود البيت وبما انهم وااااااااااااااااااااااايد تأخروا
حمدان: معصب: من الساعة خمس للحين تدرين جم الساعة
انجود:..............
حمدان: الساعة تسع يا آنسةوانت يا سعيد......
انجود قاطعته:سعيد ما يخصه انا قلت له بتصله يوم بخلص او اني بتصل بواحد فيكم ويوم تاخرت تحسب اني رجعت مع واحد فيكم
حمدان معصب: بعد تقولها اتأخرت اسمعي يا انجود طلعة عند ربيعاتج ما شي اللي يبيج ايج هنيه
انجود دمعن عينها: حمدان انت شفيك اليوم
حمدان حس بالذنب: اووووووووه وراح عنها الحبيب كان زعلان مع علياء وحط حرته في انجود بس بعد انجود وايد تاخرت وهم ما يدرون منو حنان ربيعتها اللي طلعت لهم مرة وحدة
سعيد: انجود
انجود: نعم
سعيد: انتي ما بتقولين لي شو اللي صار قبل ما اوصل عندكم

 

[ضوى العيون]

الجــ الخامس عشر ــزء



سعيد: انجود

انجود: نعم
سعيد: انتي ما بتقولين لي شو اللي صار قبل ما اوصل عندكم
انجود: ما اقدر اليوم باجر انشاءالله اقولك
سعيد: على راحتج
ومن صوب ثاني
حمد: هلا حياتي
الريم: اهلين شحالك
حمد: الحمدالله وانتي
الريم: يسرك الحال
حمد: اقول حياتي بشوفج باجر
الريم: مو كل يوم العيد تراك اليوم شايفني
حمد: حرام عليج بس باجر لاني عقبها بكون مشغول بعرس اخوي
الريم: لا يا حمد ما اقدر
حمد: ليش
الريم:اخاف حد يشوفنا وبعدين مستحيل اروح معاك مكان نكون فيه بروحنا سمعت
حمد: انزين ما بنكون بروحنا
الريم: ليش وين تبي تشوفني
حمد: في السنتر
الريم : مدام جدام الناس اوكي
حمد: متى
الريم: عقب ما اخلص محاضراتي
حمد: خلاص عيل اتفقنا اقول بسكر عنج الحين تراني مشغول اوكي
الريم: اوكيه
وعلى ثاني يوم الريم قالت لنجود انها ما بتروح معاها لان بعده عندها محاضرة وقبل لا يوصل خليفة ل انجود
انجود: هلا
خالد: اهلين في بنت الخال
انجود: ها شو تسوي هنيه
خالد: ياي اخذ حنان انتي نسيتي انكم بنفس الجامعة
انجود: شو الفايدة دام ما نشوف بعض
خالد: قول شرايج اوصلج
انجود: لا والله وانت بعد نسيت ان محد يدري انك ولد عموتي
خالد: هيه صح كنت ناسي
انجود: شو بتسوي عقب ما ترجع البيت
خالد: بتغدى وبطلع
انجود: وين بتروح
خالد : بروح السنتر
انجود: هيه تذكرت عطني ارقامكم ترى ما عندي الا رقم حنان
خالد: من هالعيون تفضلي
انجود: تسلم عيونك اويييييييييييييه خالد خليفة ياي شسوي شافني معاك
خالد: زين والله خل اتعرف ليه
انجود: عن الهبل خالد بليزززززززز
خليفة بصدمة: منو هذا
انجود بخوف: مااادري
خليفة : ما تعرفين وتسولفين معاه
خالد: اخوي انا ما اعرفها بس كنت اسالها عن غرفة العميد لان انا ما اعرفة لاني اول مرة ايي هنيه ومثل ما تشوف ما شي غيرها فسألتها
خليفة يطالع انجود وهي خايفة
خالد: آسف اختيه على سوء التفاهم اللي استوى
خليفة: لاما عليك حصل خير
خالد خلى عمرة بيروح غرفة العميد بس توهق لانه ما يعرف مكانها ورح بالإتجاه الغلط
خليفة: اقول الاخ ترى العميد هالصوب
خالد انحرج واتطالع انجود وابتسم وراح وخليفة وانجود توه بيطلعن
حنان: انجود.انجود
انجود: هلا حنان
حنان بصوت واطي: هذا خليفة
انجود: هيه
حنان همست بإذن انجود: اقول ما شفتي خالد قال انه بيي ياخذني
انجود ضحكت: شفته
حنان: وليش تضحكين
انجود: ولا شي بس اخوج كان بيسوي لي مصيبة اليوم
حنان: ليش شو صار
انجود: ما اقدر اقول خليفة واقف اسألي خالد هو بيقولج .صدج وين فاطمة
حنان: ما داومت اليوم
انجود: ليش
حنان: دلع
انجود: اقول برمسج بالتليفون يالله بروح وقولي ل(خليفة تقرب صوبهم وهي يايه بتقول خالد شان تقول خلود اني ابيها ضروري
حنان: والله ليذبحج لو درى انج خليتيه خلود
انجود: هههههههههه خلود ما تقدر تسوي شي يالله مع السلامة
حنان: مع السلامة .... لاتنسين اتصلي
انجود: وانتي لاتنسين خبري خلود
حنان: من عيوني
وفي سيالاة خليفة
خليفة: منوهذي
انجود: سمعتني اقول حنان
خليفة: اللي كنتي عندها البارحة
انجود: هيه
خليفة: ومن وين تعرفينها
انجود: تراني ادري ما يكون اسمك خليفة اذا ما سألت هالأسئلة كلها
خليفة: يالله قولي
انجود: انت ما بترتاح الا اذا كتبت تقرير عنها واعطيك انت نسخة والسيد حمدان نسخة
خليفة: انجود شفيج
انجود: ولا شي
خليفة: انتي ما تتكلمين بهالإسلوب الا اذا كنت متضايقة او زعلانة
انجود:..................
خليفة: شو سوى لج حمدان
انجود: امس ما ادري بلاه معصب ومن دشيت البيت ما خلى كلمه ما قالها واللي قاهرني انه ما كلمني بروحنا سعيد كان واقف وهو تم يصارخ علي ويقول نحن وايد عطيناج ويه انا شو سويت ما سويت شي عشان هالرمسه كلها
خليفة: ما عليه اكيد هو زعلان من شي والا ما بيرمسج بهالإسلوب
خليفة يبي يغيرالسالفة: ومتى بتعطيني التقرير
انجود: أي تقرير
خليفة: اللي عن خنان
انجود تضحك: كلها ايام وبعطيك التقرير
خليفة: صدج
انجود: هيه
خليفة: انزين بس لا تتاخرين
انجود: كل شي بوقته حلو
في المول
الريم: حمد انت وين انا بالمول
حمد: وراج
الريم: اوكي باي
وتلف ويهها وتسلم على حمد ويتمون يحاوطون في المول وعقب نص ساعة
خالد: هلالالالالالالالا حمد شحالك
حمد: تمام وينك يا ريال ما تبين
خالد: بعد تدري مشاغل الدنيا وايد الا اقول منو هذي اللي معاك وتتلفت يمين ويسار
حمد: اذكر انك ذكي وتفهمها
خالد: انت بعدك ما تركت هالسوالف
حمد: لا
خالد: بس تدري احس اني شايفنها بمكان قبل
حمد: ياريال وحدة صايعة شو تبي منها
خالد: شدراك يمكن تكلمك انت بس
حمد: البنت اللي ترضى انها تكلم واحد وتطلع معاه بعد اكيد تعرف غيرة اميه
خالد: ما اقول غير الله يهديك ويهديها يالله انا بروح توصي على شي
حمد: لا سلامتك
حمد وخالد يعرفون بعض بس مو وايد يعني عرفة سطحية بس خالد يدري عن سوالف حمد وانه يلعوز بنات الناس بس خالد تم يفكر في البنت اللي شافها معاه ما عرف ليش تمنى لو انه ضربها وسوى فيها أي شي ورجعها بيت اهلها تم يفكر فيها واااااااااايد وانقهر منها وكل هذا والحبيب ما يدري انها بنت خاله بس هالنذل حمد متى بيبطل سوالفه ومن رجع البيت تذكرت حنان سالفة انجود وراحت وقالت له ان انجود تبية يتصل بها ضروري فخذ الرقم من اخته واتصل
خالد: الو السلام عليكم
انجود: وعليكم السلام
خالد: بلاج ما عرفتيني
انجود: لاوالله
خالد: افا انا خالد
انجود: ها لااخوي التليفون غلط
خالد انصدم: انجود انا خالد ولد عموتج
انجود: اقولك هذا مو مبايل علي
خالد: انتي عندج حد
انجود: زين يوم فهمت
خالد: اسمحيلي عقب انتي اتصلي اوكي
انجود: مسموح الشيخ مع السلامة وسكرت
محمد: منو هذا
انجود: واحد مغلط تراك سمعتني
محمد: انجود ابي ارمسج بسالفة بس اخاف تفهميني غلط
اتجود: محمد قول شالسالفة
محمد: بصراحة تصرف.......... وسكت لان حمدان دخل عليهم
انجود بخاطرها: هذا وقته
حمدان: السلام عليكم
انجود+ محمد: وعلكم السلام
انجود: اسمحلي محمد بروح غرفتي تعبانة
محمد: مسموحة الغالية
حمدان حط بخاطرة من الحركة اللي سوتها انجود يعني كانه مو موجود
انجود: الو
خالد: هلا
انجود: خالد ساعة لين ما تفهم ان حد قاعد معاي
خالد: انا قلت ان لو حد معاج ما بتردين علي
انجود: انزين بس انا بعدني ما سيفت ارقامكم فما عرفت الرقم
خالد: انزين منو كان معاج
انجود: محمد
خالد انقهر: يا حظة يقعد ويسولف معاج وقت ما بغى ولو جدام اخوانج مو انا
انجود: ما عليه كلها ايام
خالد: انزين قولي انتي ناويه على شو
خالد: كله بوقته حلو
خالد: انزين تعالي باجر بيتنا
انجود: ما اقدر
خالد: ليش
انجود: حمدان قال ما بيخليني اروح بيت أي وحدة من ربيعاتي
خالد: ليش
انجود: يوم اتاخرت هذاك اليوم في بيتكم تدري عاد
خالد: قولي والله
انجود: والله
خالد: افا عيل كيف بنشوفج
انجود سكتت
خالد: ايه وين رحتي

 

[ضوى العيون]

انجود: انا باجر محاضراتي تخلص 12 بس اقدر اتاخر لين لساعة2 يعني..........

خالد بفرح:بشوفج باجر


انجود: خلاص عيل باجر اتي انت وناصر والبنات وبنطلع الكوفي اللي عدال الجامعة وعقب ترجعوني الجامعة

خالد: على طاري الجامعة انا تسميني خلود والله براويج خل اشوفج
انجود: ههههههههههههههههه يعني شو اسوي كنت يايه بنطق باسمك والا خليفة يقرب مني فما حصلت الا خلود وانت لو تشوف شكلك ههههههه وانت تبي تروح غرفة العميد وانت ما تعرف وينهاههههههههه

وفجأة انفتح الباب على انجود ومن خوفها طاح التليفون من ايدها واختفت الابتسامة من ويهها وارتبكت واحتارت شو تسوي
خالد: الو الو انجود وينج
انجود مرتبكة وبتردد: نعم شو تبي
حمدان: شوفيج
انجود: ما فيني شي
حمدان: عيل ليش فريتي التليفون
انجود تذكرت خالد ومسكت التليفون.....الو
خالد بخوف: شالسالفة
انجود: اقول عقب بتصل اوكي
خالد: اوكي
حمدان معصب: انتي ما تقولين منو تكلمين
انجود ببرود: ما يخصك
حمدان: اقولج منو ترمسين
انجود: اوه ربيعتي ارتحت
حمدان: ربيعتج وتتروعين هالكثر من ادخل عليج
انجود: لابس الناس يدقون الباب قلب لا يدخلون
حمدان: عطيني مبايلج
انجود بصدمة : ليش(وراح خذ التليفون ورد اتصل اللي انجود كانت كلمهم وقلب انجود يدق من الخوف)
.........: هلا انجود
حمدان: منو وياي
..........: انت اللي متصل وبعدين هذا مو مبايل انجود
حمدان: امبله مبايلها بس..... وسكت لانه موعارف شو يقول لانه غلطان وعطى انجود المبايل
انجود: الو
حنان: شو السالفة
انجود حست بفرحة ان حنان هي اللي ردت بس ما حبت تبين وخاصة ان حمدان بعده واقف
انجود: عقب اقولج
خالد خذ المبايل من حنان
خالد: صار شي
انجود: لاالغالية عقب نتفاهم شوي وبتصل
خالد: الله يخليج اتصلي
انجود: ولا يهمج دقايق بس
خالد : يالله عيل مع السلامة
انجود: مع السلامة
حمدان: انجود انا.......
انجود: شو بتقول بعد لوسمحت ابي ارتاح
حمدان: بس
انجود: حمدان لو سمحت ما ابي اسمع منك أي شي
حمدان طلع عنها وهو اللي ياي يراضيها بس الحركة اللي سوتها تخلي الواحد يشك بها خاصة الخوف اللي ظهر على ويهها وطلع بسيارته وردت انجود تتصل بخالد
انجود: بحزن: هلا
خالد: اهلين: شالسالفة
انجود: حمدان دخل علي( وقالت السالفة وصاحت)
خالد: انزين انتي ليش تصيحين
انجود: اول مرة ازعل حمدان واللي انا قلته يجرح وانا ادري بعمري اني غلطانه
خالد: انجود انتي لازم تقولين لهم عشان تريحين نفسج من المشاكل
انجود: الا قولي ليش خليت حنان ترد على التليفون
خالد: يوم رديتي اتصلتي وبسرعة وانا سمعت صوت ولد قلت خل اخلي حنان ترد عليج لاني كنت حاس ان شي غلط بالسالفة
انجود: والله انك انقذتني بس حرام حمدان زعلان ( وتمت تسولف شوي وعقب سكرت عنه)
والحين شو بيصير؟ انجود وتصرفاتها اللي تثير الشك وحمدان اللي مو عارف كيف يراضي اخته وشاك بتصرفاتها وخليفة معقولة للحين ما دخل قلبه حب ثاني وسعيد من صدجة ما راح يحب احد غير نورة ومحمد اللي صار يطلع من البيت لفترات طويلة ونادر انه احد يلقاه بالبيت وليلى ليش ما ايبون طاريها والريم شو اخر طلعاتها مع حمد وشالسالفة اللي خلت بومحمد يجذب على عياله وعيال اخوه عشان محد يعرف السبب الحقيقي بتفرقهم وخالد اللي اربعه وعشرين ساعة يفكر بانجود معقوله يحبها وهو ما يعرفها الا من اربع ايام ولو كان يحبها هل هي بعد تبادله نفس الشعور والا نه راح يكون حب من طرف واحد وعذبة وعبدالله شو اللي بيصير معاهم ويا ترى عليا تحب حمدان مثل ما هو يحبها ؟؟؟؟؟؟؟؟ اجوبة هالأسئلة انشاء الله بنعرفها بالأجزاء اليايه من قصتنا

 

[ضوى العيون]

الجـ السادس عشر ــزء
وعلى ثاني يوم الساعة 12 الظهر في الجامعة عند البنات
انجود: تدرين اليوم مسوتلج مفاجأة
الريم: قولي والله
انجود: والله
الريم: انزين شو هي
انجود: لحظة خل افكر اقول والا لا
الريم: انجود حرام عليج والله بموت من الفضول
انجود: انزين بخليج تشوفين عيال عموه اليوم
الريم بصدمة: وانتي شدراج بهم
انجود: عرفتهم بالصدفة من اربع ايام والحين هم بيون هنيه بس تدرين ان حنان وفاطمة عيال عموه معانا بالجامعة
الريم: احلفي انتي بس
انجود:واليوم بيون وبنروح المطعم لين2 وعقب بيرجعونا الجامعة
الريم: بس انا عندي محاضرة
انجود: كيفج عاد تبين تشوفينهم والا المحاضرة
الريم: بروح معاج بس انتي تقولين انج عارفتنهم من اربع ايام ليش م قايلة لحد
الريم: ذكرتيني لا يكون تقولين لحد
الريم: ليش انتي مو ناويه تقوليلهم
انجود: بقولهم بس مب الحين اقولج عقب نرمس عن السالفة تراهم وصلو
ناصر: السلالالام عليكم
انجود: هلالالالالا ناصر شخبارك
ناصر: تمام وانتي
انجود: يسرك الحال وينهم
ناصر: يتريون في السيارة وبصوت واطي منو هاذي
انجود ابتسمت: هذي الريم
ناصر: هلاوغلا
الريم: هلا بك
ناصر: يالله عيل مشينا
وكانو ياين بسيارتين خالد واحلام وفاطمة بسيارة وناصر وحنان بسيارة على اساس ان انجود تركب مع ناصر وطبعا زادت عليهم الريم ويوم وصلوا المطعم نزلو من السياير
خالد: شخبارج انجود
انجود: يسرك الحال اقول اعرفكم هذي الريم الريم هذا خالد وهذي احلام وهذي فاطمة
ناصر: يالله خل ندخل
خالد بخاطرة: الريم يالله هالشكل مو غريب علي انا متأكد اني شايفنها بمكان بس وين وين لازم اتذكر
انجود:........ خالد
خالد: هلا
انجود: بلاك من متى وانا اناديك
خالد: اسمحيلي بغيتو شي
حنان: هيه شو تبي تتغدى
خالد: عادي أي شي
كانو قاعدين في المطعم بطاوله مستطيلة خالد مجابل الريم وحنان وانجود واحلام بجهه وناصر وفاطمة بالجهه الثانية ويرن تليفون الريم ويطالعها خالد
الريم: الو اهلين
حمد: هلا حياتي وينج
الريم: عقب بقول
حمدك انزين ما بتين اليوم
الريم: السنتر
حمد: هيه
الريم: لاما اقدر مشغولة اليوم
انجود: الريم منو تكلمين
الريم: اقول بسكر الحين اوكي....... ارمس ربيعتي
خالد بخاطرة: انا ليش شاغل بالي يمكن وحدة تشبهها لحظة توها قالت ..... اكيد هي اللي كانت مع هالنذل حمد
خالد معصب مو قادر يمسك نفسه: انتي منو كنتي تكلمين
الريم خافت وبنفس الوقت ارتبكت : هااا تتراني قلت ارمس ربيعتي
خالد على صوته: ايه انتي لا تجذبين
ناصر: خالد بلاك ع البنيه
الريم من خوفها قامت واقفة وخالد كان يبي يوقف وما كان حاس بعمرة وما رجع الكرسي على ورى شوي عشان يقوم واقف وبما انه قام بسرعة ريلة يت ع الطاوله وكان على لطاوله زجاج يوم طاح عالأرض انكسر وارتدت قطعة منه بويه الريم وجرحها جرح عود وصرخت الريم من الألم لان قطعة الزجاج كانت حادة وراح خالد وهو بعده مو حاس باللي يسويه ومسكها من ايدها بقوة وقال بصوت عالي: انتي وحدة حقيرة وانا ما يشرفني انج تكونين بنت خالي سمعتي
الريم موحاسة بشي الكلام جرحها وغير ان الجرح اللي بويهها كان وايد ينزف الكل ما يدري شواللي صار كل شي صار بسرعة رهيبة خالد تركهم وطلع من المطعم الريم وقلبها يحترق وتصيح: لييييييييش انا شو سويت
انجود تصيح على الريم اللي كان مغطي ويهها وكانت بحالة ذهول
ناصر: تعالو بسرعة خل نوديها المستشفى
الريم يايه بتمشي بس طاحت اغمى عليها وصرخت انجود واللي بالمطعم كلهم تجمعو عليهم ناصر شلها ووداها المستشفى
انجود: ها دكتور شخبارها
الدكتور: الجرح يباله خياطة لانه عود
انجود: اقدر اكلمها الحين
الدكتور: لاهي نايمة الحين ولازم ترتاح ثمانية واربعين ساعة ع الأقل بالمستشفى لانها نزفت واايد دم ولازم نعوض هالدم..... عن اذنكم
ناصر راح ودى خواته البيت اللي كان قريب من المستشفى ورجع ل انجود
ناصر: ها بشري شخبارها
انجود: لازم يرقدونها بالمستشفى
ناصر: اموت واعرف خالد ليش سوى اللي سواه
انجود : مو وقته الحين بس ناصر احس اني بموت خالد...... وصاحت
ناصر: لاتصيحين انشاء الله من اعرف السالفة بقولج بس انتي المفروض تفكرين بشي ثاني
انجود: شي ثاني
ناصر: شو بتقولين لهلج الساعة اثنين الا ربع وبيروحن لكم الجامعة
ناصر ذكر انجود بشي ناستنه
انجود: ما ادري ما ادريالله يسامحك يا خالد باللي سويته فينا
ناصر: شرايج تقولين لهم......
انجود: تتوقع بيصدقون
ناصر: ما ادري الله يستر
بعد نص ساعة يرن مبايل انجود
انجود: الو
حمدان: السلام عليكم
انجود: وعليكم السلام
حمدان: اقول وينج انتي والريم اترياكم من ربع ساعة
انجود: نحن بالمستشفى
حمدان بصدمة: مستشفى.شالسالفة
انجود: والكلام يطلع من حلجها بالغصب: الريم طاحت عل زجاجة مكسورة وانجرحت بويهها والحين مرقدينها بالمستشفى
حمدان: خلاص خلاص الحين بيكم يالله مع السلامة
انجود: مع السلامة......... ناصر الله يخليك روح الحين هم ياين
ناصر: بس ابي اطمن عليها
انجود: ما عليه انا بتصلبك وانت شوف السالف وخبرني
حمدان رجع البيت وقال لهم باللي صار
ام محمد: انجود وينها الريم
انجود: داخل الغرفة بعدها راقدة
راح الكل عند الريم الا سعيد
سعيد: انجود شواللي صار
انجود: قلت لكم اللي صار
سعيد: انا مو مصدق
انجود: كيفك عاد
سعيد: انزين منو اللي يابكم المستشفى
انجود ارتبكت: امممممممم بتكسي( ومر الوقت وانجود خبرت الريم اهي شو قالت عشان يكون كلامهم واحد وعالساعة وحدة بالليل اتصل ناصر ب انجود اللي كانت بالمستشفى مع الريم وطلعت عنها برع
انجود: هلا
ناصر: انجود خالد الين الحين ما رجع البيت
انجود: شوووووو
ناصر: نحن قاعدين نتصل ما يرد علينا اتصلي انتي يمكن يرد عليج
انجود: خلاص بتصل وبرد عليك
اتصلت مرتين بس محد رد بالمرة الثالثة رد عليها
انجود: خالد وينك
خالد:.............
انجود: اللي يخليك رد علي
خالد: نعم

 

[ضوى العيون]

انجود: وينك الحين
خالد: عالبحر
انجود: البحر الساعة وحدة اقول تقدر اتي المستشفى الحين
خالد: المستشفى ليش منو تعبان
انجود: الريم
خالد: لا تيبين طاري هالبنيه
انجود: خالد.... انت تعال الحين وعقب نتفاهم
خالد: بس وقت الزيارة خلص
انجود: انت تعال وانا بتصرف
نزلت انجود وقالت لهم ان واحد اسمه خالد بيي الحين وقالت انه اخو الريم وتوه راد من السفر وخايف عليها والفت قصة وسمحوله انه يزرها واتصلت بناصر وطمنته على خالد وبعد ما وصل
انجود بجدية: ممكن تفهمني شو اللي صار اليوم
خالد: هاذي بنت عمج صايعة تكلم واحد اسمه حمد وتطلع معاه بعد
انجود بصدمة وبعصبية: اولا وطي صوتك نحن بالمستشفى والوقت متأخر ثانيا ات على أي اساس تقول هالكلام
خالد: انا شفتها بعيني وهي معاة بس هي من كثر خوفها ان حد يشوفها ما شافتني ولا تنسين ان هي ما تعرفني
انجود بهدوء: وانت لاتنسى ان الريم كانت عايشة برع البلاد وهالتصرفات عادي عندهم
خالد: بس هي الحين بالإمارت الا قولي لي هي ليش بالمستشفى
انجود: انت من صدجك ما حسيت باللي سويته فيها انت..........
خالد:........................
انجود: ها بلاك سكت
خالد: بس انا ما حسيت بعمري من طرت المول تذكرت يوم شفتها هذاك اليوم وقال عنها هالنذل حمد انها صايعة وانها تكلم غيره وايد حسيت ان عقلي طار
انجود: هو حمد شو
خالد: حمد ال............
انجود: خالد هذا ربيع سعيد اخوها
خالد: معقوله تكون صدفة
انجود سكتت
خالد: ها وين وصلتي
انجود: الظاهر ان سعيد راح يدفع ثمن غلطة غلطها بحقي
خالد: شو قصدج
انجود: اذكر مرة سعيد كان معاه حمد بالسيارة وكان ياي ياخذني انا والريم وانا ما رضيت اركب فنزل سعيد عشان يشوفني ليش ما ركبت وتمو هم الاثنين بروحهم بالسيارة فترة
خالد: قصدج ان....
انجود: هيه.... الريم ضحية واحد.. وسكتت
خالد: ابي اشوفها
انجود: بس هي نايمة الحين انشاء الله باجر اتصل فيكم واقولكم متى تقدرون اتون صدق قولي وين رحت عقب ما طلعت من المطعم
خالد: البحر
انجود: شكلك تحبة
خالد بخاطرة: مو قدج
خالد: البحر ربيعي دومي اشكي له همومي
انجود: واليوم الظاهر وايد هموم عندك من الظهر الين بالليل
خالد ابتسم: شفتي عاد كل هالوقت وانا اشتكي له بس معاج ما كملت نص ساعة تدرين انا وايد ارتاح يوم اسولف معاج
انجود: اقول بسك عاد اقلب ويهك اخوانك خايفين عليك بالبيت وانت تسولف
خالد بعفوية: انتي عندي اهم منهم
انجود استحت ونزلت راسها
خالد ابتسم: يالله بامان الله
انجود: بحفظ الرحمن
وعلى ثاني يوم الساعة 10،30 الصبح
الريم : هلا حبيبي
حمد: اهلين وينج انتي
الريم: بالمستشفى
حمد: مستشفى؟ ليش اقولج الحين بيج
الريم : الحين لا
حمد: عيل متى
الريم:الساعة اربع ونص
حمد: الله يصبرني للعصر بس شو اللي صار
الريم: خلاص يوم بتي بقولك يالله مع السلامة
حمد: مع السلامة
ومن صوب ثاني
محمد: عمر والله اني تعبان احس اني بموت انا مو قادر اتحمل خلاص
عمر: انت لازم تقول لأهلك
محمد: انا ما عندي الجرأة اني اقولهم شي مثل هذا
عمر: لين متى بتم تعذب عمرك يا محمد
محمد: انا كل ما اتوقع ردة فعل كل واحد فيهم ما اتحمل السالفة يا عمر انا كله اطلع برع البيت عشان محد يلاحظ هالشي
عمر: انت ما شي ذابحك غير التفكير اسمع السالفة ما تنخش زيادة
محمد: مستحيل اكون السبب بعذابهم انت تتخيل اميه لو درت شو بيصير فيها والا ابوي
عمر: بس هالشي من ربك وانت ما لك ذنب
نرجع شوي عند المستشفى انجود قالت ل الريم اللي قاله خالد وطبعا صدمتها كانت عودة بالشخص اللي حبته
منصور: نهلة شو تبين
نهلة: انت قول تم بالأول
منصور: ما بقول لين ما تقولين شو تبين
نهلة: ابيك توديني عند ربيعتي
منصور: ربيعتج منو
نهلة: انجود
منصور: انزين قومي بدلي ملابسج
نهلة: الحين
منصور: ليش كم الساعة
نهلة: بعدها2،30 بروح العصر
منصور: خلاص عيل الساعة 5
نهلة: انا بروح غرفتي......... تتصل ب انجود
انجود: هلا والله
نهلة: اهلين انجود شحالج
انجود: يسرج الحال وصوبج
نهلة: كلهم بخير اقول فاضية اليوم ابي ايج
انجود: حياج
نهلة: الساعة5
انجود: تعالي باي وقت بس تعالي المستشفى
نهلة مستغربة: خير انشاءالله
انجود: لا تخافين هاذي بنت عمي
نهلة: اوكي بخليج الحين مع السلامة
انجود: بأمان الله
بيت بو سلطان
سلطان : بدت المباراة؟
عذبة: من نص ساعة بادية ليش تأخرتو
سلطان: اسكتي خل اشوف المباراة اسألي ريلج
عذبة: عبادي ليش تأخرتو
عبدالله: حبيبتي عقب بقولج
سلطان: ايه انت شو حبيبتك
عبدالله:حبيبتي وعمري وحياتي لك فيه
سلطان: الحين مو فاضيلك عقب المبارة نتفاهم
عذبة: ياااااااااااااااااا رب تفوز العين
عبدالله: انشاءالله
سلطان: واذا الاتحاد السعودي فاز
عذبة: فال الله ولا فالك اسكت اسكت
وشوي والا علي مسري لاعب العين ايب الجول
عبدالله:go go عيناوي يالله جول
عذبة: العب يالعيناوي وحدك بهالساحة
العب وسجل الجول بس براحة
والعب وزيد الاتحاد جراحة
سلطان: يا زينك وانت تلعب فهالملعب
تهز الكون وما فيه يالعيناوي
عبدالله: يا ناس شوفو الزعيم وهو يطير في العلالي يا بشر شوفو الكاس بملعبهم العالي
عذبة: يعشقونه كيف هم ما يعشقونه
حتى بالزلازال صارو يوصفونه
زلول الملعب على خصومه بعزمه
بالبنفسج لون ايام السعادة
حقق الحلم الذي راود بلادة
واصبحت في قبضته كل السيادة
واكتست من اسمه وفنه ولونه
دايم للعليا رقى واعلن وصوله
حقه انه يفوز وينال البطوله
وينهم لي بس ظنو يوصلوله
خلفه رجال تعالو كل عالي
وارخصو العيون مجدة كل غالي
هم تفانو بالعطا اول وتالي
هم بكل اخلاص فعلا يعشقونه
[شعر مطلع الشمس]
ام سلطان: الحق علي يا بوسلطان العيال استخفوا
بوسلطان: يالزعيم الاسيوي كلنا نقول من خوافي القلب شكرا يالزعيم بالفعل ابهرت يالعين العقول واشهد انك نادر وثلك عديم هذا هو المنطق ترى وهذي الأصول كل عظيم لازم خلفة عديم [شعر حسان العبيدلي]

 

[ضوى العيون]

ام سلطان: لالالالالالالالا انتو اكيد استخفيتو........ وتركتهم وراحت وراح وراها بو سلطان
وعلى اخر المبارة ياب الاتحاد السعودي جول وانتهت المبارة بالتعادل
سلطان: افا
عذبة: بس احلى شي الحركة اللي سواها علي مسري يوم ياب االجول
عبداالله : اقول سلطان ما اتصلت بخليفة تشوفة ليش ما يه الجامعة
فز قلب عذبة من طروا خليفة: حتى انجود ما يت الجامعة
سلطان: اتصلت وقال ان بنت عمه مرقدينها بالمستشفى
عذبة: الريم
سلطان: هيه
عذبة: عيل بروح اتصل اطمن عليها
صح ان عذبة نست خليفة بس هذا ما نساها ان هو اللي حسسها بالحب اول مرة
الـــــــــــــســــــــــاعــــــــــــــة 4،30
اتصل حمد بالريم اللي كانت مضبطة الجو مع انجود عشان تقابلة وتنهي علاقتها وقالت له مكان غرفتها انجود كانت بالغرفة اللي صوبها بس تسمع كل اللي يصير
حمد: سلامتج حبيبتي
الريم:...............
حمد: اتأخرت عليج
الريم:...........
حمد: الريم شالسالفة
الريم والدموع ترسن عيونها وتتكلم بصوت يقطع القلب: ليش ياحمد انا شو سويت لك عشان تلعب علي وتقول انك تحبني انا غلط عليك بشي
حمد:..........
الريم: ليش ساكت وين كلامك الحلو اللي كنت تقوله وينه ليش يا حمد قول لى سبب واحد يخليك تسوي فيني اللي سويته انت تدري شو سويت فيني تدري
حمد:..................
الريم: هالجرح اللي بويهي ولا شي جدام الجرح اللي سببته لي بقلبي ولد عموه اول مرة يشوفني ويقول لي ما يشرفني انج تكونين بنت خالي تدري شو يعني طحت من عينه من اول مرة يشوفني فيها وانت السبب انت
حمد: الريم انا.....
الريم تصيح بصوت عالي وتشهق: انت ولا شي سمعت ولا شي انت واحد دمر حياتي والله اني اكرهك اكرهك كنت مستعدة ادافع عنك جدام الكل بس انت ما كفاك انك تقص علي قمت ترمس عني جدام ربعك
حمد: الريم اسمعيني
الريم خذت نفس بسيط : اطلع برع
حمد: الريم
الريم: قلت اطلع
حمد حط ايده على ايد الريم ونزلت دمعة من عيونها على ايده وحس برجفة بجسمه كله
الريم شلت ايده: سمعت شو قلت لك
ومن وصل الباب
الريم: حمد
حمد: لبيه ........ بس هي تمت ساكته وتطالعه بعيونه وهو نفس الشي وتكلمو بلغة العيون
الريم: انت مو قد الكلام كل يوم ولك كلام انت تلعب بالقلوب انت جاهل بالغرام
حمد: تظلميني يالحنون وانتي قلبي والعيون اسمعي عذري بعدها قولي اخون بخيانتي واللي صار وبصراحة وباختصار في ظروف عاكستني ما لي فيها أي عذار
الريم: ابتعد عني بعيد ما ابي حبك يزيد انا مثلك ما لقيت لا كبير ولا صغير انت شخص بلا ضمير لا تحب ولا تغير الهوى شوق وعذاب وانت مو داري اكيد
حمد: ما اصدق مستحيل هذا قلبك او بديل
ونزلت الريم عينها وهو طلع عنها وركب سيارته وهو موعارف وين رايح
انجود: ما عليج حبيبتي هو ما يستاهل
الريم: بس انا احبه احبه
انجود: ادري والله ادري بس انتي شفتيه ما حاول يدافع عن نفسه ولو بكلمه
الريم: لا هو حاول يكلمني اكثر عن مرة بس انا اللي مو مستعدة اسمع منه أي كلمة هو جرحني
انجود: امسحي دموعج لاحد يدخل علينا ويسوي سالفة
بيت بوسلطان
عذبة: لا يا عبدالله نحن متفقين ما شي زواج الا عقب ما اخلص دراستي
عبدالله: بس انا ما بمنعج انج تكملين
عذبة: تقدر انت تمنعني
عبدالله: اقدر
سلطان: والله وناسة يضاربون
عبدالله: خلني اتفاهم مع حرمتي ولا تتدخل انت
سلطان:كيف يعني ما ادخل انت نسيت ان هذي اختي
عبدالله: ومحد قالك غير هالكلام شو قلتي عذبوه
عذبة: سمعت ردي

 

[ღ•»الًـجٌـوِرٌيّ«•ღ]

رووعه

تسلميين

 

[ضوى العيون]

الجــ السابع عشر ــزء


عبدالله: خلني اتفاهم مع حرمتي ولا تتدخل انت
سلطان:كيف يعني ما ادخل انت نسيت ان هذي اختي
عبدالله: ومحد قالك غير هالكلام شو قلتي عذبوه
عذبة: سمعت ردي
سلطان: اقول ترى عبدالله عازمنا اليوم على الغدى
عذبة: انا موافقة........ ثواني بس اروح ابدل ملابسي ( وراح سلطان يبدل ملابسة وشوي ورجعو لعبدالله
عذبة: يالله نروح
عبدالله يطالعها بغباء: وين
سلطان: ليش ناوي ترجع بكلامك
عبدالله: أي كلام
سلطان: الله يسلمك البارحة يوم كنت نايم حلمت انك تتصل فيني وتعزمني انا وعذبة وما صدقت انك يت اليوم
عذبة:ههههههههه وانا اللي اتحسب السالفة صدج
عبدالله: يالله انزين نروح
عذبة: صدج
عبدالله: هيه يالله
حمد تم يمشي بالشوارع من غير ما يدري وين رايح ومن كثر ما اهله يتصلون فيه لانهم خايفين عليه غلق مبايله وفره بالسيارة عالكرسي الخلفي
والليل حل وهو بعده يفتر بهالشوارع واخرتها وقف سيارته على صوب ونزل منها وهو يقول بخاطره: انا شواللي قاعد اسويه هذا اللي صار بالريم ولاشي بالنسبة للي صار لغيرها من البنات انا ليش شاغل بالي وافكر فيها ياربي شو هالحالة اللي انا فيها شالسالفة انا حاس بالذنب وضميري يأنبني وقف تفكيره للحظات وتذكر يوم الريم قالت له الجرح اللي بويهها ولا شي جدام الجرح اللي بقلبها تذكر يوم قالت اكرهك تذكر يوم دمعتها طاحت على ايده تذكر الحوار اللي صار بينهم وفجأة صرخ:لالالالالالالالالالالالالالا الريم مستحيل تكرهني وانا بعد وانتبه لكلمته انا احب الريم بس......
ومن صوب ثاني
خالد: قلت ما بقول يعني ما بقول
ناصر: شو يعني ما تقول لي البنيه بالمستشفى بسببك وبسببك تشوه ويهها وما تبي تقول
خالد: خلاص انا قلت ل انجود على السبب واتوقع هي الحينقالت للريم وانتهت السالفة
حنان: بلاكم صوتكم عالي
خالد: وانتي شعليج اشوفج لابسة عباتج وين رايحة
ناصر: بودي البنات عند الريم
خالد: انجود اتصلت
ناصر: لابس انا ما بدخل بوصلهم وبرجع
خالد: خلاص عيل لا تتأخرون
نرجع شوي لحمد
حمد: لا تنكر انت قاعد تقص على نفسك انت تحبها بس كيف قدرت هالبنيه تدخل قلبي يمكن هي الوحيدة الي كانت تتكلم معاي بصدق هي الوحيدة اللي كنت احس ان الكلام يطلع من قلبها يالله شسوي الحين...... انا لازم اخطبها بس كيف وسعيد اخوي يعرف عني كل سوالفي يعني انابالأول لازم اخلي سعيد يغير رايه فيني وعقب راح سيارته ومسك مبايلة وطرش ل الريم
[ تطمن وارقد وآمن وخلك واثق وضامن مكانك بالحشا آمن وصعبة يسكنه ثاني ابحفظ حبك بصدري لآخر يوم في عمري وآآآآآآه آأه لوتدري غرامك وين وداني]
وبعد
[غااااالي بقلبي مثل ذاك القمر فووووووق واسقيك من عذب المشاعر وازيدك هذا قليل من الغلا جاك منطوق والا بثلبي يعلم الله رصيدك ان رضيت وان ما رضيت باقي لك الشووووق وقلبي مثل ماهو على حطة ايدك]
وبعد[ اذا غلطت يوم في حقك ارجوك سامحني ترى اخرتي كفن ابيض وقبر ضغير يحويني]
الريم قرت الرسايل وطرشت له[يا رفيق القلب ما اصدق خنت خابرك مهما تعذبني حنون لا ذكرت ايامك الحلوة بكيت ما تهون ايام ودك ما تهون راحتي وياك لا منك صفيت في ثواني كلها بوح وشجون لي قريت الرسالة وانتهيت ودي تعرف انت السبب بهالفراق]
طرش لها[ حبيبي ممكن طلب ممكن تعيش معي نص ساعة بس لاتحسب الوقت والساعة لاني برسم حلم انت تدله ما ابي منك اكثر ما ابي كلامي يكثر ابيك تناظر عيوني الندم شف وشلون صارت غيرك ما تعرف ابيك بيدينك تمسح دموعي اللي جرفها قسوة بعدك ابيك وان قلت لك ضميان اسقيني بكلمة احبك ممكن اخر طلب قرب اذنك واسمع مني وش ابي اقول انا من بعد اذنك ابيك تعيش معي على طول ما بقى غير ثواني وتخلص النص ساعة وش رايك نطولها ليوم قيام الساعة هذا طلبي وهذه مناي ابي اعيش معك حياتي لممامتي حياتي وهذه قربت الثواني ياعين ادمعي وش قلت]
الريم ما ردت عليه وتم الين الصبح وهو يطرش[احبج وانا ندمان سامحيني] وعلى ثاني يوم طلعوا الريم من المستشفى على اساس انها ترجع عقب شهر وتسوي عملية تجميل حمد ما رجع البيت وراح الجامعة وكان شكله وااااااااااااااااااااااااايد تعبان
سعيد: حمد شفيك
حمد: ما فيني شي
سعيد: شو ما فيك شي روح شوف شكلك بالمنظرة
حمد عيونه دمعن من شاف سعيد تذكر الريم والعذاب والألم اللي سببه لها
سعيد: حمد انزين صاير شي لحد من الأهل
حمد: لا كلهم بخير
سعيد: عيل هالدموع
حمد: يمكن دموع الندم على اللي كنت اسويه
سعيد ابتسم: انت...
حمد: هيه
سعيد: صدج
حمد: والله اني تركت هذيك السوالف وندماان على كل اللي سويته في بنات الناس
سعيد: انزين انت الحين تعبان روح البيت وارتاح وعقب نسولف
حمد: اوه اكيد خايفين علي
سعيد: منو هم
حمد: اهليه
سعيد: ليش
حمد: لاني من امس ما رجعت البيت و لاارد على اتصالاتهم اقولك بروح الحين وعقب برمسك وبقولك السالفة
سعيد: لا شو تسوق وانت بهالحالة وتعبان خل سيارتك هنيه وتعال انا بوصلك
حمد: لاما ابي اتعبك
سعيد:تعبك راحة يالله تعال اركب
حمد: بالله (وفي الطريق)
سعيد: ما بتقول لي شو اللي خلاك تتغير
حمد: انت بالذات لازم تعرف شو اللي غيرني
سعيد: انزين قول
حمد بخوف: بس ما ابيك تعصب ولا تقاطعني
سعيد: يالله انزين قول
حمد: انا كنت( وقال له السالفة)
سعيد: البنت اعرفها
حمد: هيه
سعيد: منو
حمد: والله اني احبها وابي اخطبها
سعيد: منو هي
حمد بتردد: الريم اختك
سعيد:....................
حمد: عاد لا اتم ساكت لا تعذبني زيادة
سعيد: شو تباني اقولك اقول اني مستانس ان اختي ترمس ربيعي
حمد: سعيد لا تخليني اندم اني قلت لك... انزين شو بتسوي لها... سعيد تراني ابي اخطبها
سعيد: يصير خير الحين انزل وعقب نتفاهم
حمد: والريم
سعيد: خلاص يا حمد اوعدك ما اسوي أي شي بهالسالفة لين ما اتفاهم معاك آمر بعد
حمد: ما يامر عليك عدو
سعيد:روح الحين وارتاح ويوم بتقوم اتصلي اوكي
حمد: اوكيه بس انت وعدتني انك ما بتسويلها شي
سعيد: لا يكون تخاف عليها اكثر عني
حمد: انا ما قلت جذه.... يالله مع السلامة
سعيد: بأمان الله

 

[ضوى العيون]

ودخل حمد بيتهم وبعد مناقشة حادة مع اهله دخل غرفته عشان يرتاح اما سعيد فرجع البيت هو كان متفهم الوضع سعيد كان له افكاره الخاصة والمتحررة وعيشتهم بامريكا فترة كبيرة اثرت بافكارهم بصورة كبيرة ودخل البيت وقعد بالصالة شد انتباهه دفتر محاضرات الريم وهي متعودة تكتب فيه خواطرها فتح الدفتر وقرى واااااايد خواطر بس اللي اثرو فيه كانوا
[1] رحل حبيبي وهجرني..... خلى العذاب اسرني
انا احسب انه يحبني...... طلع خداع ماكرني
مستغل طيبي ومعذبني ....... ياريته لو للحظة يذكرني
تفكيري فيه متعبني..... وسماع صوته يذوبني
عسى الله بس يصبرني...... على المحبوب اللي خاينني
[2] شلني من خيالك شلني من حياتك انسى حبي وقربي وانسى ذيج الليالي وانتهى الحب كله والسبب انت ذاتك بس يكفيني يالغالي اللي جرالي هات لي ذكرياتي واستلم ذكرياتك رد قلبي وروحي حتى باقي خيالي كنت احبك حقيقة كنت داري غلاك كنت تسوى حياتي بالفعل كنت غالي غلط وانت تدري وحطمت امنياتك شلت عينك بصبعك وانت تبغي وصالي راح عنك قطاري لاتلوح عصاتك كم محطة ومحطة من يميني وشمالي لا تنادي كفاية فاتك الحب فاتك لا تحاول رجوعة هذا سابع محالي شوف لك حب غيري دام هذي صفاتك ابتعد عن حياتي وهذا لآخر مقالي( بس انا ما راح اقدر انساك راح اظل احبك)
[3] انت خاين انت معدوم الضمير...... انت محدن في البشر سوى سواتك
تذرف دموعي كما سيل الغدير....... انت خاين والغدر ميزةافصفاتك
كيف تخدعني تقول انك عثير......... كيف تخليني ضحية في حياتك
الغدر في مهجتي حبله قصير...... لو صفيته بالهوى باقي افعالك
والنهاية ليت والله وش يصير........ في حياتي سجل ذكرى وفاتك
سعيد بخاطرة: والله يا اختي ما اخليج تحسين بالعذاب اللي حسيت فيه من فراق الغالين
[4] جاي تسأل وتعتذر بكلامك .... قلي اول عني وين كان اهتمامك
لما كان قلبي بيدينك وحبي لك صادق معايه وصار ما يسوى بعينك جاي تسأل ؟
رحت ما تفكر فيني والدمع اللي بعيني كلها والله منك رحت عني ما تبيني جاي تسأل
وسكر الدفتر ورجعه مكان ما كان وشوي ويرن مبايله
سعيد:اهلين
انجود: ما تقولي وينك انت
سعيد: انا في البيت
انجود: والله الحين بيك انت وين بالضبط
سعيد: بالصالة
انجود: يالله عيل انا الحين ياية ...... وتطلع من غرفتها
سعيد: رحتي الجامعة اليوم
انجود: هيه .....انت قولي بلاك
سعيد: كنتي تدرين صح
انجود: ادري عن شو
سعيد: عن الريم وحمد
انجود انصدمت وتمت ساكتة
سعيد: يعني تدرين ........... انجود تدرين ان حمد اليوم..............
انجود: قول والله
سعيد:والله
انجود: بس ما ظن ان الريم ترضى لانها انجرحت منه وايد
سعيد: نحن مو متفقين نقول لبعض كل شي
انجود: اوكي يعني اقول الأشياء اللي تخصني بس

 

[ضوى العيون]

سعيد: ......................
انجود: بلاك سكت
سعيد: ما ابي الريم تحس باللي حسيت فيه والعذاب اللي تعذبتة يوم فقدت نورة
انجود: الله يرحمها
ويسكتون وشوي ويغني سعيد
" والله ما يسوى اعيش الدميا دونك لا ولا تسوى حياتي بهالوجود دامك انت اللي رحلت وكيف بصبر عالبعاد وكيف بنثر هالورود ما وعدت انك تقاسمني المحبة وان لي حبك بس حسافة الموت كان اقرب وارحم حسبي الله وحده ونعم الوكيل"
انجود: سعيد نحن شو متفقين ....تعال انت ما قلت لي ان صوتك حلو
سعيد:تتمصخرين علي........ سعيد كان يدري ان صوته واااااااااااااايد حلو يوم يغني
انجود:لاوالله صوتك روووووووووعة اقول قول شي ثاني
سعيد: من هالعيون.....
بحظر زفافك ياحياتي وبحظر زفاف اللي هويته.......
وبرزف عشانك لاتحاني وبهديك كل اللي بغيته ......
بهديك دمعي واعبراتي والهم اللي فيني رميته.......
بحظر ولو بعرسك مماتي شايل معي قلب نسينه....
واجمل قديم الذكرياتي والظيم اللي منك خذيته.......
وبذكر ليالي ماضياتي كنت الوليف اللي هويته.....
كنت الذي لجله اباتي ساهر ونومي ما اهتنيته.....
بهديك في ليلة وفاتي حلم الليالي اللي طويته ......
.بعطيك من قلبي امنياتي تلقى الهنا بدرب مشيته.....
وتعيش براحة وسباتي مع الذي عقبي لقيته......
انجود: ياربي صوتك عجيب
سعيد: والله
انجود: والله........ تعال اقولك انت تتصل بعيال عمك
سعيد: لاليش تسألين
سعيد: افا يا ولد العم ما تسأل عن عيال عموتك
سعيد: هيه سوي لي فلم هندي الحين
انجود: انزين اسمع اقول لك........ وقالت له عن سالفة المطعم وكل اللي صار عقبها....وهذا انا قلت لك عشان ما تقول عقب (تقلد صوته) نحن مو متفقين ان نقول لبعض كل شي
سعيد: هههههههههانا صوتي جذه هذا وتوه تتغزلين بصوتي
انجود: ما عندي سالفة اتغزل بصوتك
سعيد: فديت صوتي والله
انجود: وتتفداه بعد
ويدخل عليهم محمد وكان شكله واااااااااااااااايد تعبان
محمد: السلام عليكم
وقعد مجابلنهم وانجود وسعيد يطالعون بعض
محمد: في شي
سعيد: سلامتك ... ما حب يسأله بلاه لانه لو سأله بيعصب عليه متعودين انه اذا ما تكلم محد يسأله
انجود: لافيه شي
سعيد حاول يسكت انجود
انجود: محمد بلاك
محمد: ما بلاني شي
انجود: والله
محمد: انجود شفيج
انجود: انا اللي شفيني ولا انت شوف شكلك شجا صاير تقول مو نايم من سنه ولا تاكل عدل و ولا تقعد بالبيت كل هذا وما فيه شي
محمد بتعب: هههههههههاااي تدرين من متى محد سأل عني منكم فترة طويلة
انجود قلبها عورها حست ان ولد عمها فيه شي
انجود: محمد عشان خاطر غاليك تقول شفيك
محمد:...............
انجود: يالله عاد والله انك خوفتني عليك
خل نروح شوي للعاشق المتعذب اللي من حط راسة ع المخدة راح بسابع نومه وما قام الا على صوت مبايله وكان ياينه مسج[ مشكور وقلبك كبير مرهف احساسك كثير اشكرك من كل قلبي بعتني والله بضمير....... المرسل:الريم]
حمد: يا ربي على عالبنية اللي ناويه تعذبني
وعقب قام من الرقاد وسبح وصلى راح يقعد مع اهله يسولف معاهم بس قلبه وعقله كان مع حبيبة قلبه الريم وعقب مرور يومين الريم كانت تكتب بدفتر محاضراتها خاطرة [العين تذرف دمعها سيل القاع اثر الدموع سالفتها حزينه ما اظن الحب يشرى وينباع الحب وسط القلب حاجة ثمينه كانك على فرقا المواليع مرتاح حبيبي وجه الوفاء مالها قناع تغيرت كل المعاني والاوضاع]وقفت عن الكتابة لان تليفونه رن وكان المتصل " الغاوي" اللي هو حمد هي مخزنة رقمه بهالاسم لانع صدج كان غاوي كان وااااااااااااااااااايدحلو كان ابيض وشعره ناعم وطويل شوي عينه عسليه بالاول ترددت ترد عليه والا لا بس هي اشتاقت له ولصوته وضحكاته وسوالفه بس هو كان يخدعها بكل كلمه كان يقولها لها وقالت بخاطرها بس لازم تنهي الموضوع لانه كل ما يتصل يزيد عذابها
الريم بصوت حزين: ألوو
حمد: فديت هالصوت بلاج الريم انتي تعبانه
الريم: خلصني شو تبي ما اظن اني اهمك بشي ليش متصل
حمد: الريم حرام عليج والله الغظيم اني احبج
الريم بخاطرها وانا بعد احبك بس قالت: لو سمحت حمد ما ابيك تتصل فيني انساني وانسى رقمي
حمد: حد يقدر ينسى روحه وقلبه
الريم: صدج ولا يكون انا روحك وقلبك بس يا حمد انت ليش مو قادر تفهم اني خلاص عرفت كل شي كشفت خداعك وكذبك علي
حمد بجدية: اسمعي عاد انا وايد عطيتج ويه انا متصل عشان اقولج اني قلت لسعيد اخوج كل اللي من بينا
الريم: انت مينون والله اني اكرهك اكرهك
حمد انصدم: لحظة لا تفهميني غلط
الريم: بعد ما تباني افهمك غلط انت دمرت حياتي
حمد: وقلت له بعد اني ابي اخطبج وهو رمس ابوج واليوم انا واهلي ياين عشان نخطبج
اللي ما كان متوقعنه ان الريم تسكر التليفون بويهه
حمد: ليش يالريم والله اني احج واموت عليج
والريم بالصوب الثاني بحالة صدمة من الكلام اللي سمعته كيف ترضى فيه وهو اللي جرحها كيف ترضى فيه وهو اللي خلاها ولا شي جدام عيال عموتها اللي اول مرة تشوفهم
الريم:والله ان ما لي ويه اجابل سعيد اخويه بس هين يا حمد انا اراويك ان ما خليتك تدفع ثمن كل دمعة نزلت من عيني وانت يا خالد بخليك تتشرف اف بنت خالك ما عليه يا حمد انت صح حبيتني بس حبك هذا بيكون سبب عذابك

 

[ضوى العيون]

خليفة: هلا والله
غزلان: هلا بك
خليفة: شوالأخبار
غزلان: يسرك الحال وانت
خليفة: تمام دام اسمع صوتج
غزلان: والله
خليفة: والله
غزلان بدلع: هيه انت شوراك غير انك تقص علي
خليفة: افا
غزلان : وينك أنت
خليفة: في قلبج وانتي وين
غزلان: في قلبك صح
خليفة: تدرين البارحة سويت زيارة لروحي تدرين شنو قالت لي
غزلان: شنو قالت
خليفة: قالت انها تموت على وحده اسمها غزلان
غزلان : ياللله عاد صدج وينك اللحين
خليفة: انا في العين مول
غزلان: شو تسوي لايكون تغازل
خليفة: احد عنده الغزال ويطالع غيره
غزلان : وعذبة
خليفة: حبيبتي نحن خلاص انتهينا من سالفة عذبة
غزلان: انزين شو تسوي في المول
خليفة : انجود موصتني اشتريلها شوية أغراض
غزلان: والله من كثر ماترمس عنها بموت واشوفها
خليفة: كله بوقته حلو يا حلو
غزلان: انزين بسكرعنك أوكي
خليفة : ليش
غزلان: اميه تزقرني بروح اشوف شنو تبغي و برد اتصل بك اوكي
خلفة:اوكي
غزلان:مع السلامة الغالي
خليفة: الله يسلمج الغالية في حفظ الرحمن
ومر الوقت ووصلوا اهل حمد و خطبوها وقال بو محمد انهم يبون وقت عشان يفكرون و يشاورون الريم وعقب ما راحو راح بو محمد عند الريم وقالها عن السالفة
ابو محمد : ها بنيتي شو قلتي ترى هو ربيع اخوج والولد شارنج ونحن كلنا موافقين عليه بس بقى رايج انتي
الريم: ابويه اريد فترة افكر بها
ابو محمد: فكري على راحتج وعقب خبريني شو بتقررين
الريم: ان شاء الله ابويه
وعقبها بأسبوع الكل يتريا رد الريم اللي اللي مطنشة السالفة كلها
سعيد: الريم تدرين اني ادري عن كل شي ما يستوي جذا معقولة من اسبوع وانتي تفكرين مو هذا حمد الي كنتي تبينه
الريم: سعيد أنا......
سغيد: انتي شو ..أنا حبيت أقولج ان حمد تغير والفضل لج وانا اللحين ابا اسمع رايج اللحين
الريم سكتت وعقب قالت: انا موافقة بس بالأول لازم اشاور احد
سعيد: تشاورين منو
الريم: خالد ولد عموه و لا تسألني ليش لانك تدري عن السالفة اللي صارت بالمطعم صح بس اذا قال انه مو موافق انا بعد مو موافقة
سعيد كان فاهم الريم شنو تقصد واتصل بخالد اللي طبعا وافق و استانس على الريم وحس انه ظلمها بالكلام اللي قاله لها و طلب من سعيد انه يعتذر لها بنيابه عنه وجذا الريم وافقت بس كان في شي براسها وناوية تسويه لو شو صار حست ان لازم تنتقم لكرامتها بالأول و طبعا من وصل الخبر لحمد طار من الفرحة بس ما خفي كان اعظم يحليله ما كان يدري عن خطط الريم ...
ياربي منو غزلان اللي خليفة يحبها هالكثر وهي بعد تحبه واايد...
نحن ناسين علياء وحمدان ياترى شو صار عليهم ..

 

[ضوى العيون]

الجــ الثامن عشر ــزء
ماقبل الأخير



طبعا الريم بعد ما مر الشهر راحت و سوت عملية التجميل ..عقبها بشهرين بالتحديد كان بتاريخ 22/2 كان موعد زواج حمدان وعلياء والكل كان مرتبش لان الفرحة من فترة طويلة ما دخلت بيت بو حمدان خل نشوف بالاول ربشة البنات

علياء بخوف :انجود خلاص خلاص غيرت رايي ما ابي اخوج
انجود:ههههههه شوفي شكلج شجا صاير من الخوف
الريم: بلاج علياء يالله ما عندنا دلع بنات
علياء : انزين شكلي حلو
انجود:ههههههه والله انج تحفة
علياء: انجود بلاج اليوم كله تضحكين علي
انجود: سلامتج الغالية والله انج قمر
وشوي ويرن مبايل الريم والمتصل كان الغاوي
الريم: الو
حمد: هلا والله بهالصوت
الريم: هلافيك
حمد:احبج الريم
الريم من غير نفس: وانا اموت فيك
حمد: وبلاج تقولينها من غير نفس
الريم: صدق انك متفيج انا مشغولة وانت متصل اتقول(تقلد صوته) احبج الريم
حمد زعل: يالله مع السلامة
الريم :باي وقالت بخاطرها اصبر يا الغاوي تراك بعدك ما شفا أي شي
عذبة : انجود يالله خل علياء تطلع
انجود: يالله عليوه
علياء : ما بطلع اطلعي انتي
انجود: يوم عرسي ان شاء الله بس اللحين دورج
علياء: انزين وين راشد اخوي
انجود: يتريا برع
علياء : انزين خل ايي
انجود: ان شاء الله بس خل نلبس عباياتنا
وعقبها دخل راشد مع علياء ويوم ياي بيطلع سمع وحده تناديه ولف ع الصوت ومن شاف البنية انصدم منو هالحلوه اللي تزقره
راشد:آمري الشيخة
.......: انا موشيخة انا العنود
راشد: آسفين العنود بغيتي شي
العنود: هيه بغيت رقمك
راشد انصدم: شووووووو
والله بنات آخر زمن
راشد: او شو تبين من رقمي
العنود: ولا شي بس ابي اسولف معاك
راشد مستغرب معقولة في بنات جذه وعقب انتبه ان وحدة ثانية تأشر له انه يطلع وكانت هذي انجود حس ان وقفته بالغلط وترك البنيه اللي انقهرت منه وراح وهو يقول بخاطرة شوهاي وين اهلها الله يهديها بس
اما عند الريايل
محمد بتعب: مبروك حمدان
حمدان: الله يبارك بحياتك
خليفة اقول سعيد منو هااللي واقفين هناك
سعيد: ها ربعي خالد وناصر عن اذنك بروح لهم
وراح سعيد عند عيال عموته وتم وياهم العرس كله وطبعا البنات بعد كانو ياين وكانو قاعدين مع الريم
خليفة: اقول سلطان شخبار عبدالله
سلطان: تمام
خليفة: الخاين انا اراويه ليش ما يه العرس
سلطان: ما ادريبه امس مرمسنه وقال انه بيي
وشوي ويدخل عليهم عبدالله
سلطان: انقذت نفسك خليفة كان ناوي عليك
عبدالله: والله
وعقب دخل حمدان عند الحريم وقعد شوي وتصور مع علياء وعقب راحو المطار
انجود: والله بشتاق لك يا حمدان
حمدان: الا هم اسبوعين وراد
راشد: فديت اهل ماليزيا
عليا: فديتك اخوي
خليفة: اقول العرب ما بقى وقت على طيارتكم
وسلمو على بعض وراحو حمدان وعلياء لماليزيا لمدة اسبوعين (شعر العسل) اما الربع فكل واحد من رجع البيت دخل غرفته بس خليفة من وين ايله الرقاد وهو ما رمس حبيبة قلبه غزلان
خليفة: هلالالالالالالالا حياتي
غزلان: غناتي وينك اليوم
خليفة: تدرين ان اليوم عرس حمدان
غزلان : شو كان العرس
خليفة: هو حلو بس ناقصة غزلان
غزلان:ولهت عليك وااااااااااااايد
خليفة:وانا اكثر عنج بس شو نسوي
وشوي ويسمع صرخة انجود ومن غير ما يفكر فر التليفون وطلع برع
غولان: الو الو خليفة شالسالفة خليفة وينك
انجود تصيح: محمد محمد بلاك رد علي
وقام كل اللي بالبيت على صوت انجود
سعيد متروع: شالسالفة
انجود: ما ادري انا طلعت اشرب ماي وشفت محمد طايح وحاولت اكلمه بس ما يرد علي
خليفة: يالله انزين خل انوديه المستشفى
وراح كل اللي بالبيت المستشفى وكانت الساعة3،30
النيرس: آسفة بس الدكتور توه رايح البيت
سعيد معصب: شو يعني راح البيت وهاذي ليش اسمها مستشفى يوم ما فيها دكاترة
الدكتور يطالع من غرفة الأطباء : شالسالفة
سعيد: عيل هذا منو مو دكتور
النيرس: اسفة ما كنت ادري ان الدكتور المناوب وصل
الريم : دكتور الله يخليك شوف محمد شوفيه
ام محمد: يا ويل قلبي عليك ياولدي
الدكتور: انتو اهدو شوي انتو بمستشفى وفي مرضى محتاجين لراحة
وراح الدكتور واتاخر وايد وهم قاعدين على اعصابهم الساعة ست شرف الدكتور
خليفة: طمني دكتور
دكتور: والله ما ادري شو اقولكم....... اشر له سعيد انه ما يرمس جدام امه وابوه
كمل الدكتور كلامه : عنده ارهاق ومحتاج لراحة تامه
بومحمد: مشكور دكتور
سعيد ما حب يلفت النظر انه يروح للدكتور بسرعة تم قاعد معاهم وهو يحترق من داخله يبي يعرف شواللي باخوه وشوي وقام للدكتور محد لاحظ روحته الا انجود لان عيونها عليه من يوم ما شافته يأشر لللدكتور وحست ان السالفة فيها شي
تذكرت الفترة اللي طافت محمد كان كله تعبان وزعلان وقالت في خاطرها ما شر يا ولد عمي
سعيد طمني يا دكتور بلاه محمد
الدكتور: والله يا استاذ اخوك يباله عملية بسرعة
سعيد مصدوم: عمليه ليش شو عنده
الدكتور: عنده فشل كلوي
سعيد: شوووووو
الدكتور: الظاهر انه كان تعبان من فترة كبيرة بس انتو كيف ما تدرون لانه اكيد كانت اتيله نوبات وجع
سعيد: اكيد هو كان يدري بس ما بغى يقول لنا المهم شو حالته الحين
الدكتور: والله حالته ما اطمن هي واااااااايد خطيرة وكل ما تاخرنا بالعمليه زاد الخطر على حياته
سعيد: والحين شو
الدكتور: لازم تسون فحوصات عسب نعرف منو كليته تتناسب مع طبيعة جسم اخوك
سعيد: خلاص انا بروح اقول للاهل وبنسوي الفحوصات
ومن صوب ثاني غزلان متيننه على خليفة وكل شوي تتصل واطرش مسجات بس بدون فايدة وتقول اكيد شي صاير والا ما بيفر التليفون وبروح وانا سمعت صوت حد يصرخ الله يستر بس
وحمد نفس الشي يتصل بالريم ونفس الحالة محد يرد عليه
وعلى الساعة9 سلطان وعبدالله يتصلون بخليفة لانه ما راح الجامعة وبعد محد يرد عليهم وحمد من راح الجامعة وما شاف سعيد ويتصله ومحد يرد قلبه عوره وحس ان في السالفة شي وعذبة وحنان دوروا على انجود بالجامعة وما حصلوها ويتصلون على تليفونها مغلق قامت حنان واتصلت بخالد وقالت له واستغرب لان متفق مع انجود انها تتصل به الساعة 9 لانه يبيها ضروري
نرجع للمستشفى
ام محمد والريم سوو مناحة من درو عن محمد وخاصة عقب ما طلعت نتيجة التحاليل سلبية ولا وواحد فيهم تنفع كليته لمحمد وتمو يومين بالمستشفى ما يطلعون منها على امل ان محمد يقوم ويكلمهم والربع اللي برع المستشفى متخبلينعليهم وخايفين وهم ناسين كل شي وكل عقلهم مع محمد نسو مبايلاتهم وحتى حمدان نسوه اللي اكيد قاعد يتصلبهم وبما انهم وااااااااايد تعبانين لانهم مو نايمين من5 ايام(مع ايام العرس)
انجود: تعال ابيك شوي
سعيد:آمري
انجود: نحن ناسين عيال عموه يمكن واحد منهم تطلع نتيجة التحاليل ايجابية
سعيد: بس شو بنقول لهم انتي نسيتي ان محد يعرفهم غيري انا وياج والريم والوقت مو مناسب ان نقولهم
انجود: تعال ذكرتني نحن مبايلانا بالبيت ونحن من يومين بالمستشفى ومحد يدي عنا اكيد الكل خايف علينا
ويروحون انجود وسعيد عند الجماعة ويقولون انهم بيروحون البيت ايبون المبايلات فقرروا الريم وخليفة انهم يروحون معاهم ياخذون شاور ويرجعون المستشفى مرة ثانيه خليفة تذكر انه كان يرمس غزلان قبل لايفر التليفون يوم سمع صرخت انجود ... وصلو االبيت و دخل كل واحد غرفته وراح على مبايله ..خليفة 50 مكالمه (غزلان-سلطان-عبدالله – حمدان-و4مسجات)
الريم30 مكالمة(كلها من حمد)
انجود من فتحت مبايلها (كان مغلق) و صلها فوق العشرين مسج
اما سعيد فكان عنده 20 مكالمة.
تسبحوا وشوي وتطلع انجود تترياهم بالصالة ويندق الجرس........انجود فتحت الباب وشافت عذبة وسلطان وام سلطان وصاحت واخترعوا زيادة
ام سلطان: انجود يمه شو صاير وياكم من يومين
انجود قالت لهم السالفة
سلطان: ما يشوف شر
انجود: الشر ما ايك
ودخلوا الصالة وقعدو خليفة كان فكره كله مع غزلان واتصل فيها بس محد يرد وطلع برع وشافهم قاعدين عليهم سلم عليهم وقعد شوي وشوي ويطلعون سعيد والريم ويروحون كلهم المستشفى
انجود بصوت تعبان: الو
خالد: انجود شالسالفة وينكم