حامل ودوام وما عندي خدامه .. أترك الدوام ؟؟

[غربه الروح]

يعني من اول مشكله تواجهينا سيده تبين تستقيلين
نسقي اول شي روتينج وجدولج
واذا انتي تعبانه وايد اعتقد الخدامه هذا وقتها الحين مو عقب الولاده
واخذيلج اجازه بدون راتب او مجلس طبي

 

[اميره1980]

انا ما الومج خايفة على البييبي بعد طول انتظار
اول حل انج تجيبين خدامة تفكج من شغل البيت
ثاني حل انج تقدمين على مجلس طبي يعطونج راحه من اسبوعين الى شهر قابله للتجديد طبعا اذا تستحقينها و يشوفونج فعلا ما تقدرين تداومين
ثالث حل انج تنسقين وقتج و ريلج طبعا لازم يقدر هالشي و ان مو كسل منج لكنهج خايفة من شغل البيت يأثر على الطفل و بقولج شي رفيجتي توها اجهضت و السبب شغل البيت و انها ما كانت تقعد و فضلت الدوام على الراحة بالبيت

الله يعينج و تولدين بالسلامة يا رب

 

[اميره1980]

نسيت اقولج بعد لا تستقيلين نهائيا لان ريلج الحين مقتدر لكن اذا استقلتي و وولدي البيبي يحتاج مصاريف وايدة و راح تحسون بالفرق

 

[miss swan]

الله يعينج انا كنت نفسج بس نطرت لي الشهر الثامن وقدمت اجازه سنويه شهر بعدين اجازة وضع وعقبها خلصت كل اجازتي وقدمت استقاله
وقعدت بالبيت ربيت بنتي لي سنه ونص
بس انا طولت على ماستقلت بصراحه بهالفتره اختربت علاقتي بزوجي وايد غير صار فيني ارتفاع ضغط من مسؤولتي
انصحج بالاستقاله وونسي ريلج واهتمي بصحتج ونفسج
وكافي ريلج مواعدج بالمصرف​

 

[:: Diva ::]

كنت اداوم من 7 ونص الى 1وثلث
ارد البيت ثنتين
اركض المطبخ الى الساعه 3 الغدا جاهز
ينام ريلي اغسل الصحون و الملابس و اكوي و انا قاعده جبال التلفزيون هههههههههههه
و امسح و انظف
يقعد يروح النادي اغسل الحمامات

طبعا الحمامات عزكم الله يوميا + الطباخ و الصحون
الهدوم + الغسال + المسح و النفض و الكنس مرتين بالاسبوع


تقزر حبيبتي
بس تقبلي الموضوع نفسياً ورتبي وقتج


انتي مستصعبه الحمال
و مبين مو عاجبتج وظيفتج

عموماً الحامل تصير حساسه و نفسيتها تتعب
الله يسهل عليج حبيبتي و يهون عليج


ما وصلت خدامتي لين صار عمر ولدي شهرين
و ما استقلت و لا اخذت اجازه





1) طلبي خدامه
2) الطباخ من الليل و تدفينه لما توصلين او تخلين امج تطبخ و تاخذينه منها
3) ردي من الدوام و نامي و ارتاحي تالي قومي و عالراحه نظفي مره بالاسبوع


سهالات ان شالله

 

[noonaa-thn]

شوفي ياقلبي
انا مو موظفه واول ما حملت طلبت خادمه
لان شغل البيت ما يخلص ما يخلص
والبيبي الجديد يبيله مجابل 24 ساعه تخيلي واشلون بتهتمين بنفسج وبزوجج

طبعا اذا زوجج كويتي لا تقولين ما يبيلج خدامه لان اي تقصير من ناحيتج تجاهه ما راح يقدر
وهذا شي هو نفسه يعترف فيه


انتي موظفه يعني قرف الدوام وتعب الدوام زيدي عليه رده البيت والبيبي وطبعا لا لج خلق زوجج ولا نفسج

نصيحه قعدي بالبيت لا تروح عافيتج على الدوام
والله والاسلام كرم المره وقالها تقعد ببيتها معززه مكرمه وزوجها الي يصرف عليها
لا تقولون معاش المره فيه بركه والله على الفاضي يطير على الفاضي

هذا رايي وانتي شوفي الي يناسبج

 

[foshia girl]

نصيحه استقيلي احسن لج وبعد ماتولدين قدمي على الديوان او اي مكان حابه ولما يكبر البيبي ويصير عمره سنه تكونين مقبوله بمكان معين ... احسن لج من هاللويه والتعب اللي انتي فيه ...

بيتج لا تخلينه وتطلعين يعني لا تروحين عند امج اربع وعشرين ساعه ومخليه ريلج ديربالج حبيبتي جابلي ريلج احسن لج وامج جان اقدرت اتيلج خل اتيلج بين فتره وفتره ..

قدمي على خدامه من الحين .. وحاليا" خل اتيلج خدامة امج تساعدج على تنظيف البيت ..

وبالتوفيق

 

[حبيبة عز]

السلام عليكم ورحمة الله وبركاته ..

بنات جزاكم الله كل الخير يارب ..

على نصايحكم وردودكم الحلوه ..

وتفكيركم معاي .. والله أنكم ما قصرتوا ..

مشكووورين أقولها لكم من قلبي ..

وصدقوني أنا قريت كل ردودكم أكثر من مره ..

ووايد فادتني ..

-------------

بنات أنا أستخرت .. واللي توصلت له أن الوضع وايد صعب ..

فأفضل أني أستقيل من دوامي ..

وأبدي ريلي وبيتي والبيبي على كل شي ..

وإن شاء الله تالي لاحقه أرد أتوظف ..

وإن شاء الله هالقرار يكون من مصلحتي ويفيدني أكثر ما يضرني ..

يعطيك العافيه .. ​

 

[DaShTeYa_Q8]

انتي تردين 3 ونص
بعضهم يردون عال5 !!
انتي مو منسقه وقتج باجر نفس الشي لي يبتي بيبي و نومته معتفسه
هم بتستقيلين؟ لعب أهوه
جهازي غداج من بلييييل لي رديتي من الدوام تسبحي و طبخيه مايطول اذا كان جاهز ساعه !!
اذا ريلج مو ياي عالغدا نامي ساعه و قومي تنظيف الشقه مايطوول كل يوم شغلة بسيطة
حمام .. ما اتوقع عندكم 10 حمامات بالبيت
اليوم الثاني ترتيب الغرف والصالة .. مطبخ
نظمي وقتج حتى لو ريلج بيعطيج معااش ماراح يكفيج وين بتولدين اختي؟ بعااام ؟؟؟ البيبي مايبي اغراض؟؟
انتي ماتبين اغرااض واستقبال وحالتكم حالة ؟؟؟ معاش ريلج مليون؟؟ أقصاه ان كثر 1200

لا تكبرين السالفة الحوادث و الحفاظ عالجنين كله بأمر رب العالمين سواء كنتي تداومين ولا نايمة على فراشج
مو بيدج انتي!!

لو كنتي بالتاسع ولا الثامن شتسوين عيل انتي تو النااس عليج

 

[حبيبة عز]

انتي تردين 3 ونص

بعضهم يردون عال5 !!
انتي مو منسقه وقتج باجر نفس الشي لي يبتي بيبي و نومته معتفسه
هم بتستقيلين؟ لعب أهوه
جهازي غداج من بلييييل لي رديتي من الدوام تسبحي و طبخيه مايطول اذا كان جاهز ساعه !!
اذا ريلج مو ياي عالغدا نامي ساعه و قومي تنظيف الشقه مايطوول كل يوم شغلة بسيطة
حمام .. ما اتوقع عندكم 10 حمامات بالبيت
اليوم الثاني ترتيب الغرف والصالة .. مطبخ
نظمي وقتج حتى لو ريلج بيعطيج معااش ماراح يكفيج وين بتولدين اختي؟ بعااام ؟؟؟ البيبي مايبي اغراض؟؟
انتي ماتبين اغرااض واستقبال وحالتكم حالة ؟؟؟ معاش ريلج مليون؟؟ أقصاه ان كثر 1200

لا تكبرين السالفة الحوادث و الحفاظ عالجنين كله بأمر رب العالمين سواء كنتي تداومين ولا نايمة على فراشج
مو بيدج انتي!!

لو كنتي بالتاسع ولا الثامن شتسوين عيل انتي تو النااس عليج

أختي دشتيه .. صدقيني الموضوع مو تنظيم وقت بس الدوام مع الحمل

ياخذ جهدج كله ..

وأنا هذا أول حمل لي يعني ماعرف أتصرف ..

أخاف على نفسي حيل حتى من شغل البيت ..

مابي أتعب نفسي بالدوام ولما أرد البيت هم أتعب ..

خاصه أن جسمي ضعيف وما يتحمل جهد وتعب ..

والدوام كله ما يسوى إذا صار لا سمح الله بالبيبي شي بسبب التعب والاجهاد ..

وإذا على الولاده راح أولد بخاص لأن عندي تأمين موظفين البترول مال ريلي ..

وتجهيز البيبي وتجهيزي كله على ريلي .. أهو قاعد يعطيني الحمد لله ..

ومو شرط أسوي استقبال .. إذا ما عندي مو لازم ..

--------------

مشكووووووورة على النصيحه ..

يمكن يكون كلامج في محله ..

بس أنا أحس أني مو قادره أتحمل ..
​

 

[الـفـجـر الـبـعـيـد]

لا تستقيلين الشغل مهم حتى لو راتب زوجج زين زيادة الخير خيرين

اذا دوامج بعيد ومسئولج غثيث انقلي غيري مكانج روحي مكان اريح

وقدمي على اجازة ولا طبيات يحولونج مجلس طبي وقعدي بالبيت لما تولدين انتي حامل محد يقدر يحاسبج

وقدمي على خدامه لما تولدين تكون وصلت بس لا تعتمدين عليها اعتماد كلي

 

[om deaj]

راعي بالين جذاب
اانا كنت اشتغل ودوامي طويل ومعاشي زين بس زوجي يظل بروحه في البيت وعقب البيبي الاول غسلت ايدي استمر باي دوام طويل وقطاع خاص ما يناسب ظروفي كلش
الحين ربة منزل واطقطق شوي تجارة على النت
فرق عن اول والمصرف محدد مو مثل معاشج بايدج
بس ريحت راسي من مشاكل مع زوجي بسبة الدوام
وبسبة الغدا والطباخ

الي بقوله لج الحين
انتي قعدي بينج وبين نفسج وكتبي مميزات وسيءات القعدة ف يالبيت وانتي قرري الي تشوفينه يناسبج

نصيحة اذا ريلج يقدر على قعدتج للبيت جابلي بيتج احسن واريحلج

 

[بوغاتي88]

قدمي مجلس طبي وتقعدين فبيتكم لغاية ماتولدين ومعاشج يمشي كامل ليش تتركين الدوام ياقلبي

 

[المسكـ]

سؤال ليش ماتاخذين مجلس طبي ترا يفيدج وايد شكو تطلعين من دوامج اذا مرتاحه فيه اخذي مجلس وببعد الولاده شهرين وضع بعدين شهرين امومه بعدين شهرين رعايه اسره عادي تاخذينهم بس لا تطلعين يكون البيبي عالاقل عمره 6 اشهر وتقدرين تخلينه عند اهل ريلج ولا امج وبعدين بس يصير عمره سنه تدخلينه حضانه منها يتعلم الهدوء والقعده ومنها اييج هلكان من اللعب لول بس يبي ينام وصدقيني انا دخلت ولدي حضانه ستبس اكاديمي وترا اتهبل وفي منها وايد افرع والحمدلله الحين يعرف كل شي قبل لا يدش الروضه

 

[انا لحبيبي .]

مدام زوجك الحمدلله مقتدر وقادر يوفرلك كل احتياجاتك ، استقيلي واقعدي بالبيت احسن

اشتغلتي بما فيه الكفايه ، اجا الوقت يلي ترتاحي فيه وتهتمي بحالك وببيتك وبزوجك وباابنك او بنتك الله يقومك بالسلامه يارب


انا بنظري ، بدك تضلك تشتغلي طول العمر ؟ اخرتك بدك تقعدي عشان اولادك ، الوحده عندها طاقه معينه بالشغل ، وانتي خاطرك تتركي الشغل بس بدك تشجيع ، وانا لو مكانك ، اذا وضع الزوج الحمدلله سامح اني اترك الوظيفه بتركها

الله يهدي بالك ويصلح الحال يارب العالمين وتقومي بالسلامه

 

[مـوعــوده]

لالالالالالالاالالالا تستقيلين جيبي خدامه هذا وقتها ياحلوه مو بعد الولاده
ترى الزوج كلام الليل يمحيه النهار

 

[حبيبي عبووودي]

ريلج بالبترول يعني مقتدر ما شالله وانتي موظفه ييبي خدامه اتنظفلج
ولا نقلي شقتج قريب يم بيت اهلج اذا طبخوا مريهم اخذي حقج وحق ريلج
المساله بسيطه ومو معقده عادي ليش مكبرة الموضوع جذيه

 

[أحلى البشر]

استقيلي دام ريلج مقتدر والله احلى شي بالدنيا يكون بحضنج البيبي وتكبرينه وتفرحين فيه
الله اييبه لج بالسلامه والله الدوام فلوسه طايره عالسوق والسوق مابييبلج ضنى

 

[منووله مشعل]

انسي تستقلين شيلي هالشي من مخج

الحمال تعب بس فتره وتعدي

تأقلمي حطيلج جدول ولاازم لاااااازم تجيبين لج خدامه الحين على الأقل تردين البيت تلاقين البيت يلق

الهدوم مغسوله ومكويه وحتى مقصصه لج مثلا الخضرا والبصل انتي بس تكملين الطبخه للغدا

ديري بالج تستقيلين اكبر غلط

يعني انتي الحين تزوجتي خلاص مو كل ماصارت لج مشكله قلتي بستقيل غلط

انا معاها :eh_s(15): ...

اخذي مجلس طبي ...

اذا كلش كلش اخذي اجازة سنه بدون راتب ...

واذا ولدتي ضبطي امووورج وبعدها قرررري ...

وعسالله يسهل عليج يارب ...

 

[بنت الفوزان]

صح قدمي على اجازه من غير راتب وشوفي نفسج اذا عجبج الوضع استقيلي