حامل ودوام وما عندي خدامه .. أترك الدوام ؟؟

[لباسةالعقد]

ليش تستقيلين وفي بدائل مثل المجلس الطبي او رصيدج من الاجازات او اجازة سنة من غير راتب
ثاني شي اذا زوجج مقتدر ماديا تقدرين تستغنين عن معاشج بشكل مؤقت اهم شي البيبي ترى الامومة احلى شي بالدنيا
ثالث شي بعدين لوقعدت بالبيت راح تملين عشان جذي انت محتاجة راحة بالشهور الاولى بس
واخيرا انت لي الحين ماجاج البيبي اذا جا شلون راح يصير برنامج ترى الامومة مسؤولية
والله يثبته ويوفقج

 

[HaYoOoMa]

اتوقع انتي الحين بالخامس

يخف التعب

شتسوين بعد تحملي هالثلاث شهور عقبه اجازززززززه امومه اخذي

واريح شي


جيبيلج خدامه موقته تنظفلج وتطبخ وتكوي شتسوين بعد

 

[بنت_ابوها]

ما انصحج تتركين الوظيفة

فرضا تركتيها نطرتي لين تولدين وعقبه رديتي توظفتي

وبعدين حملتي مرة ثانيه... بتردين تتركين الوظيفة لين تولدين؟


انا اقول جيبي خدامة تساعدج بشغل البيت والطباخ واذا خايفة على البييي من الخدامة سجليه بحضانه

 

[أم حورية]

استقيلي و اعتبريها راحه و فترة نقاهه

عقب الولاده انشالله حسني وضعج و حاولي تكملين ع شهادتج و توظفي بمكان احسن


استخيري


موفقه

انا معاها

انا يبت 3 يهال وقت الدراسة وما كات عندي خدامة وكنت حيل اتعب واحاول مااقصر كثر مااقدر بس كنت ساكنة مع حمولتي وغداي كان زاهب بس انا كنت صابرة عشان اخذ الشهادة

احس وايد ضغط عليج ومثل ماقالو البنات الريال مهما سكت وصبر مرده بينفجر صدقيني ودام معاشه راهي ومكفيكم ايتقيلي احسن لان ريلج وبيتج اولى ولي ولدتي ان شالله راح تطلبين خدامة تالي قدمي عالوظيفة *

بس يمكن الوضع ماراح يعجبج قدمي على اجازة من غير راتب لو شهر منها ترتاحين ومنها تجربين اذا عجبج استقيلي يمكن تتوظفين بمكان احسن

 

[رتو الكيوت]

دام زوجج مقتدر يبي ل خدامه تشيل عن شغل البيت وتجهز لقمتج !

او خذي اجازه لين تولدين بالسلامه وردي

 

[سكوتي بذوقي]

طلعي منها لين تولدين وتقومين بالسلامه

ويكبر ولدك او بنتك فكري بالوظيفه مره ثانيه

ربي يوفقك ويتمم حملك ويسهل عليكِ الولاده يارب

 

[زوجة عزيز]

استقيلي ،، انا نفسج استقلت ومجابله بيتي وعيالي

بس انا عندي معاش وشايله نفسي ،، فعشان جذي مافرقت معاي وقت الاستقاله لانه لو بستقيل وانحرم من المعاش ماراح استقيل صج ريلي مايقصر بس لمن يكون بيدج المعاس غير ،، بس اذا ريلج راهي وقد كلمته يسويلج استقطاع شهري استقيلي ارتاحي شوي متا ماستقرت امورج ردي



وقبل كل هذا استخيري

معاها انا :rerrerek::rerrerek: اهم شي راحتج والله وانج اتفرغين لبيتج وزوجج ونفسج صدقيني نفسيتج بترتاح

 

[نونينونو]

قدمي اجازة بدون راتب حتى ولا استقيلي لين تولدين ويصير البيبي سنتين عمره ردي توظفي
ترى ريلجح اليوم ساكت باجر بيتحلطم
هاملته وهاملة البيت ولا طباخ ولاشي

معاها

 

[*ريما*]

استغيلي
لبيتك ونفسك حق

 

[انصاريه قمره]

انا اقول قدمي علا اجازه من غير راتب

 

[Judy . abbot]

انا اقول اخذي اجازه دوريه وخلصي كل اجازاتج واذا ما فاد فكري بلاستقاله
لانه صعبه الحين الوظايف صعبه مو مثل قبل

انا اقولج لا تستعيلين طلبي خدامه واخذي جم شهر اجازه

واذا جربتي كل هذا وما فاد معنه تقدرين تنسقين وقتج فكري ذيج الساع بلاستقاله

 

[رنين]

دام بنيتج تردين الشغل اجازه بدون راتب احسن لج تقدرين تقطعينها (حسب ما اظن)متي ما تغيرت ظروفج و احتجتي تردين
أما الاستقاله ماراح يقبلج الديوان لي بعد سنتين


و علعموم مع الياهل صعبه حيل دوامج لي 3 و نص يالله تردين
ماتقدرين من الحين تحولين علمكان ثاني وقته اريح شوي.... و يكون هذا حل وسط لا انج تستقيلين و لا تضطرين تتحملين دوام صعب يتناسب مع ظروفج

 

[LADY~O$CAR]

طلبي خدامه

ولاتفكرين انج تستقيلين من دوامج

 

[ابدا يالغالي مانساك]

ارتاحي من الدواااااام
واهم شي صحتج وصحة البيبي ولاتعدلت امورررررج
ردي داومي

 

[جذابه بنت ذيابه]

حبيبتي اذا ما تقدرين تجيبين خدامه الحين احسن لج تستقيلين والوظيفه لاحقه عليها دام زوجج
مرتاح ماديا والله يقومج بالسلامه

 

[سآرٍٍآ]

أجلسي مع زوجك وجيبي ورقة وقلم وأكتبوآ عشر حلول ل هالمشكلة
وآختآري الحل اللي يعجبك صدقيني بتلآقي حلول كثيره . .
ربي يقومك بآلسلآمه ,

 

[انسام الكويت]

الزم ماعليج راحتج وحمالج وريلج واذا عالشغل

لاحقه لي ولدتي ان شاء الله بتردين موضايع شي

واذا تبين وظيفه قدمي مجلس طبي او نقلي مكان عملج

لي منطقه قريبه يم بيتج بس اذا حابه الاستقاله توكلي على

ربج وشوفي اللي انتي يريحج وسويه

 

[NaThYa85]

لاحقة على الدوام والوظيفة لوعة قطيعة

جابلي نفسج والياهل اهم شي

باجر ان شالله لا ياج ياهل ترى سهررر وتعب ومسؤولية تقولين جان زين لو الياهل قعد في بطنج ما طلع خخخ

ومسؤولج مثل ما تقولين غثيث ماراح تودين ولدج طبيب ولا تجابلينه لا تعب

يا انج تحولين قسم ثاني او دوام ثاني او قعدي بالبيت

اووو هاتي خدامة من الحين واغلب الرياييل ما يرضون خدامة

قعدة البيت ونومة الشتا وراحة البال ورضا الزوج تسوى ألفين دينار بالشهر

والله يوفجج

 

[noo7a]

الله يتمم عليج انشالله

قدمي على مجلس طبي

 

[شادن33]

حبيبتي انتي مبين عليج حابه تتركين الوظيفه بس تبين احد يشجعج على هالشي حبيبتي انتي عارفه ظروفج و انتي الي تعبانه و محتاسه المفروض انتي تقررين و تشوفين الي يريحج

صح الكلام