حاله هلع وخوف شديدة

[شيخة الحلوة]

فله حبيبتي




انا نفسسسج تدرين متى اذا تركت حبوب الغدة

احس الناس اللي جدامي حلم مو صجيين

والله نفسي

سوي تحليل الغدة
نا معاي خمووول في الغدة الدرقية

وانا تاركه الحبوب من قبل رمضان بشهر تقريبا
رد علي نفس الاعراض غير الوزن اللي مو قادر ينزل

 

[sosowaty]

والله مادري عسالله يشااافيج

بس حبيت انصحج و انبهج بتوقيعج انتي كاتبه اللهم صلي ع سيدنا محمد

غلط ماتنكتب جذي

كلمه صل جذي تنكتب مو صلي

والله اعلم

 

[قمرية الفيس]

الله يزيل عنج الاكتيئاب وهم يارب
بس اخذي الكلام مني انتي اذا مومتعرضة لصدمة او حدث مخيف ياسمح الله خلا فيج اثر وصدة فثقي انها اكتيئاب ما بعد الولادة وهذا شي جدا طبيعي بس تتعدل هرموناتج على طول تتعدل حالتج لاتحاتين وان شالله ماكو الاكل خير بس الاهم انج نشيلينها من بالج

 

[حبيبي مالكني]

الي فيج اكتئاب بعد الولاده
اقري قران وايد
وحصني نفسج
وعليج بقراة سورة البقرة
وماعليج شر ان شاء الله

 

[فله]

طيب يستمر لي ٦ شهور ولدي عمره اسم لله ست شهور

 

[رفيعة الشآآن]

الله يعينج

حبيبتي اذكري ربج وكثري استغفار و الرقية الشرعية

وروحي عمرة انتي وريلج بس

وان شاء الله تتعدل نفسيتج

 

[al-musk]

نصيحه عليج بدكتور طارق الحبيب مركز مطمئنة بالرياض دوري على عنوانه وكلميهم وتعنيله وشوفي اذا بيجي الكويت والله يشافيج ويعافيج

 

[شيخة الحلوة]

فله سمعي كلااااامي
وسوي تحليل الغدة

 

[انثى عاشقة]

اول شي مبروك ماجاك ياعسسسل
انتي تقربي من الله حيييييييييييل هالفترة
وسوي تحاليل شاملة اهمها نقص فيتامين دال
والغدة الدرقية

انا جتني فترة ضيقة الكون كلها بقلبي ودي اصيح
اكره زوجي وبعالم ثاني
هالكلام صار لي بعد عملية سويتها
قلت يمكن عشان اول مرة اجرب البنج الكامل !!
ماخليت تحليل ما سويته
كله سليم اخرتها طلع عندي نقص حاد في فيتامين دال
هو الي مسبب لي كل هالكآبة والاعراض الثانية

تلاحقي عمرك وحللي وماقدامك الا العافية يارب ​

 

[ابيك م ابي غيرك]

الله يشافيج حبيبتي ..

اذكر وحده اعرفها جتها هالحاله ..

تقعد مع الناس وبس تبجي عينها ماتوقف
وماتحس باحد تحسين مخهاا بوادي والناس بواادي

وحيييل طوولت قعدت يمكن سننه حتى عيالهاا حذفتهم عند زوجها وراحت لاهلها

وقررت عند شيخ وظلت امهاا تقرا واتقريها القران سبحان الله وتشاافت ..

واذكر من كثر ماكانت حالتهاا ززفت سمتها سنة الكبيسه !!

،انا حااسه فيجج لان الكل تاثرر بحالت البنت والكل تضايق لهاا

حتى عيالها كانوا يخافون منهااا ...

نصييحه خلج ع القرآن ولو تقرين بيقين انه علاجه
باذن الله بتصيرين تمااام ..

هذا مايمنع انج تفحصين الغده الدرقيه وتتاكدين ان المرض مو عضووي

والله يشافيج غلاي ..

 

[لذه السكر]

قريت موضوعج انغمت قلبي :eh_s(11):

تذكرت نفسي صار معاي تقريبا شي جذي عقب الولادة

استمر معاي اكتاب الولاده 7 اشهر مع اني رحت العمره وسافرت سياحه واطلع والحمدلله ملتزمه بس مافج عني

التزمي بالادعية والقران وحاولي تلهين نفسج وراح يخف مع الوقت انشالله

 

[mannawy]

اسمه thyroid test وفي واحد ثاني اسمه parathyroid test

 

[فله]

الحمدلله
جزاكم الله الف خير
من ردودكم بين ان شكثر مرت عليهم نفس الحاله والله مادري بس صار عندي رهاب اجتماعي
انا سويت فيتامين دال طلع عندي٩ وخذيت ٣ ابر

 

[حان الليل]

حبيبتي انا نفس الحاله بالضبببببط حتى جامعتي ما اداوم و انا ما عندي عيال بس الله كريم ناس يقولون عين ناس سحر ناس اكتئاب او رهاب انا وايد حاسه فيج لان جنج تتكلمين عنيييي بس خليها على الله و ربج كريم الله يفرج عليج و على كل مهموم يا رب

 

[حان الليل]

حتى عرسي ما استمتعت فيه من الضيقه كان ودي انحاش عن كل الناس اي مكان اروحله احس مخنوقه بنحاش

 

[رغد84]

مرحبا اختي فله
شوفي رفيجتي
جاها مثلج بعد الولاده
والظاهر اقوئ منج بعد
حاشها انهيار وبس تبجي وتصارخ
غير الخوف والاكتئاب اللي فيهاا

لجأت للطب النفسي
تاكل حبوب ليبراكس حيل تمدحهم
وبعد سوت حجاامه لمناطق بالجسم
تحلللف تقول انه خف الخوف والوسواس
وتطمنت نفسيتها ماشا الله
تقول لو حجمت قبل الحبوب النفسيه كان احسن لي

ترا اهيا مثلج لها ست شهور
انصحج سوي حجامه
يطلع الدم الفاسد من الجسم واذا فيج عين او اي شي يطلعه

بسويها انا من كثر مانصحتني لانه هم احس بضيقه صدررر

 

[ديانا سبنسر]

حالتج نفسية محتاجة استشاري نفسي صدقيني

 

[فله]

حان الليل الله يشافيج ي رب
رغد ودي والله بالحجامه يقولون انها تنفع بس مادري تسويها اللي تجيها الدورة

 

[رغد84]

لا حبوبه على
طهاره احسن

ولها ايام محدده بالشهر
ثلاث ايام
شوفي لج يوم منهم وسويها
وطمنينا عليج

ترا مره وحده تسوينها مو شرط ثلاث ايام

 

[رغد84]

علاج الامراض النفسيه بالحجامه - منتدى الخير للرقية الشرعية