حاله هلع وخوف شديدة

[نونه المنكوشه]

الله يشفيج بس سوي تحاليل الغده لانه الغده اتيب اغلب هالاعراض اللي فيج وان شاءالله مافيج اله العافيه

 

[عـابرة]

السلام عليكم و رحمة الله و بركـاته
هلا فيج أختي
مبروك ما جبتي و يتربى بعزج و عز أبوه ..
اول شي حاولي قد ماتقدرين ماتفكرين بهالحالة ..
عشان لا اتوسوسين زيادة
حاولي تركزين مع الي يسولف معاج ..
اشغلي نفسج بأي شي و لا تفكرين .. سولفي مع اي احد يمج
و خليج على طول مع القران سواء استماع او قراءة
والله احياناً حتى اصعب الامراض المستعصية الا كل الامراض شفاءها في اية :
( وننزل من القران ما هو شفاء و رحمة للمؤمنين )
اصبري و احتسبي الأجر ..و اكثري من الاستغفار لأنه يريح القلوب و يفرج الهموم
انا مابيج تقولين جزاج الله خير وبس
صدقيني كل الامراض النفسية و الجسدية علاجها عند الله سبحانه وتعالى !
يعني لو. مو الله كاتب الشفاء جان ما فاد لا دكتور ولا غيره
شدي الهمة و نبي تطبيق لنصايح البنات جزاهم الله خير
ابذلي الأسباب والله يشفيج

 

[Bint Derty]

آنا بعد صارلي 3 اشهر. من ولدت وصايره كله حزيينه وكله افكاري سوده وبجي وعصبيه حيل حيل
عمري ماكنت عصبيه جذي الكل لاحط وانا طبيعي هاديه جدا قمت كلا اتهاوش مع زوجي وكله نفسيتي زفت زفت

احس انرمات اكره كل الناس واحب اقعد بروحي حتى زوجي مالي خلقه بتهاوش وياه علىاي شيء. والله. الحاله صبعه حاسه فيج
ياريت القى حل انا بعد وارتاح انا توقعت الكاءبه تيي بس وقت النفاس بس انا طولت وياي

 

[mannawy]

فحصوا غده ياجماعه وعلى ماتطلع النتيجه يبيلها 3 اسابيع الا انتولا قاطعين شوط في قراءة سوره البقره

 

[فله]

تحليل غده شنو التحاليل واجد

 

[فله]

عابرة والله قاعده اطبق كل الكلام اللي تقولونه الله يجزاكم الف خير

 

[قلب سعد]

اختي فله انا قريت مشاركتج عند امي وقالت انها نفس الحاله جتها عادي لاتحاتين هذي شياطين وعين قويه استمري وانا اختج بقراه سوره البقره وان قدرتي روحي العمره وتسبحي بماي زمزم وكل مره خليج علي وضوء لان الوضوء يكره الشيطان وكثري من الاستغفار الاستغفار مفتاح الفرج لاتحاتين وتحسبني يالغاليه اسمحيلي طولت بس والله حاسه فيج

 

[!الجادل الصعب!]

شوفي حالتج اصعب من الي مريت فيه الله يشافيج يارب

بس تقريبا الاكتئاب والخمول والتعب في لها حبوب عند المستوصف فيتامين بي كومبلكس اقري عنها وشوفي
جربيها يمكن تناسبج بس طبعا بعد ماتسألين الطبيب عنها

 

[هيبة ملك]

بسم الله عليج

عليج بالقرأن

 

[ظبية بوظبي]

اممم في كلمات ومصطلحات كويتيه ما اعرفها بس اتوقع معناها
الا اش تقصدون بـ تابعه؟؟

زين قلبي انتي اولا شيكي على صحتج
وان طلع كل شي اوكي
شوفي الجانب النفسي
انا لما قريت كلامج تذكرت قصه وحده سعوديه كتبتها في منتدى ثاني ان شغالتها سحرتها وهالسحر يكون بسيط
يعني ما ياثر ( طلع السحر انواع ودرجات)
بس هي الغرض منه ان تخلي راعيه البيت تعبانه وكله نايمه عشان ما تكرفها
بحاول ادور لج عالقصه

الا يمكن ما عندج شغاله واقعد اعني نفسي عالفاضي
يلا بدور
وخلي الكل يستفيد
*****************
وفحص الغدد عادي اطلبي فحص شامل لكل الهرمونات والغدد
بس الي نقصده هو فحص ((الغده الدرقيه ))

 

[ظبية بوظبي]

بسالكم بنات عادي احط روابط من منتديات ثانيه؟؟؟؟؟؟؟
بليز جاوبوا لان في منتديات تمنع هالشي وتشطب عالعضوات
عاد انا مافيني اقعد اسوي كوبي بيست فجاوبوني

طيب هذي القصه لوحده اسمها ورده الاشراف في منتدى .....

اتركم معاها


**************


☼☺♥☻☼ شــــغـــــالـــتـــــي ســــحــــرتــــنــــــــي ☼☺♥☻☼

السلام عليكم



كيف الحال


وكيف الاهل ومن تحبون


وكيف زوجك والعييل >> البزراااااااااااان


وكيف جيرانكم


عساكم بخير


يارب بخير


هههههه مصختها ههههههه


السالفه يا طويلات العمر والسلامه


السالفه ومافيها ان شغالتي سحرتني


وربي البيت والى خلقني وخلكم ماكذبت


وبحكي لكم السالفه وبفقع يدي كتابه


لكن ياويل وياسواد اليل من تدخل ولا ترفع الموضوع ولا تدعي لي تراني اشوفها


امزح >> لا من جد ارفعوه لان فيه معلومات قيمه انا حبيت احط قصتي عشان انشر خبيا للخدم وعالم السحر وحبيت اثقفكم شوي


بحكم خبرتي ومجالي في هذا العالم


فلا تحرمي نفسك الاجر في كل من قرات الموضوع وانتبهت لنفسها والى حياتها .


طولتها صح ^_^


طيب نبدا


بسم الله الرحمن الرحيم


ياخوياتي كنت فتره تعبانه
وانا حامل والحمد لله وفي الشهور الاخيره


المهم جاني خمول ونوووووووووووم موصاحي ابد ابد


اقوم وارد انام


ما اشبع نوم
اهملت كل شي بحياتي


كنت اختبر قبل هل حاله لاني داخله معهد كمبيوتر وكنت اذاكر هههه


وخلصت منه على طول انهرت وصرت بهذي الحاله


3 ايام طايحه ماغير انام اقوم ارد انام


كنت اقول تجمع الارهاق علي !!


وانا حامل واجهدت نفسي !!


هذا اول يوم


2 يوم
قلت يلا معليه الحمل والمجهود الى سويته اكيد قوي !!


وفي 3 يوم
خلاص حسيت فيه شي ودب بقلبي


وبدا احساس الراقيه والمعبره يشتغل معي بكل قوه


لكن كنت مصروعه نوم هههههه


والحمد لله وماشاء الله تبارك الله انقضني دعاء التعري وادعي لكل من في بالي وكل مايهمني


من جد هل دعاء نعيم من الله اعطانا هوا الله


الدعاء


دعاءالتعار من الليل

عن عبادة بن الصامت عن النبي صلى الله عليه و سلم قال : ( من تعار من الليل فقال لا إله إلا الله وحده لا شريك له له الملك وله الحمد وهو على كل شيء قدير الحمد لله وسبحان الله ولا إله إلا الله والله أكبر ولا حول ولا قوة إلا بالله ثم قال اللهم اغفر لي أو دعا استجيب له فإن توضأ وصلى قبلت صلاته ) .
أخرجه البخاري(ج 1 / ص 387 رقم الحديث 1103 )
المهم
حسيت بي 3 ايام تعب مو طبيعي
استغربت ودعيت ان الله يكفيني شر هل تعب ايش ما كان مرض ضرر جان المهم يكفيني هوا
المهم بعد الدعاء حلمت
حلمت بالشغاله وبانت رموز السحر في حلمي وكان فيه اكثر من واحد
اليوم الثاني من دعائي ماشاء الله تبارك الله التعب راح بفضل من الله
وبديت رحلة التفتيش

​

بكل مكان والاحظ كل شي


معلومات عن الخادمه

الشغاله هذي توها جديده عندي عمره (يعني ماهي على كافلتي من الى بالشهر ) ومالها شهر
من صفاتها وسخه جدا جدا جدا
مع التنبيه والتحذير تسمع كلامك مره وترد على ماكانت عليه <<ساحره اكيد وسخه
البيت عندي اندمر في شهر من وسخها

ماتطالع فوق ولا ترفع وجهها

دايم عينها مكسوره ومنزلتها او تلف وجهها عنك ماتوجهك بعيونها

هاديه جدا
لكن لما تتكلم تتكلم بكل قسوه معنه هادي وناعم الا فيه من احساس بالقسوه والخباثه
اضافيرها طوال ما تقصها دايم
مصليه من درجه رقم واحد

واكيد هل صلاه مو لله

^_*


لان لهم صلاه للجان مثل صلاة العاديه لكن تفرق بالنيه والقراة والتسبيح ولكن ظاهرها صلاتنا

المهم

لاحظت انها ميته على زوجي هههه << رغم ان مافيه اي اشاره منها او حركه ابدا
الا احساسي كان قوي في هل موضوع

لقيت لها اضافرها بين ملابسه الداخليه ههه


شعر للعانه وناثرته شعره شعره

وشعر متفرق لكن لما بديت اتحقق لقيته شعر للعانه


واكيد شعر العانه معروف ونثرته بين اغراض زوجي ههه<< يستحيل تنتبهي انه متواجد لانه منثور بطريقه ذكيه كل شعره بحال بين التطبيق

سارقه موس الحلاقه لزوجي ولقاه زوجي بشنطتها بالصدفه

االقران الكريم لقاه زوجي حاطه عليه جزمتها

واحنى من وقتها قلوبنا توجست منها


لكن قلنا يستحيل اكيد احد من البزران حط الجزمه عليه مو هي >> من جد نقهر

حاطه فصم خوخه في لبس زوجي هع >> راح افهمك سالفت الفصم في طقوس السحر
المهم رجع البيت زوجي وقلي شوفي هبل العيال وش حاطين هل خوخه بلبسي هههه( هعين مو هع وحده ) عيالي مايكلون فاكه بطق النعال ان رضيو يشموها فمابالك يكلوها لكن مشينها وقلنا العيال>> مساكين عيالي حمالين اسيه

دائما اجد في مكان الى تجلس فيه تفاحه ماكوله وباقي منها ومعفنه مخمجه ودايم اشيلها


او اي بقايا اكل مدسوس وقد عفن اونا اشيله



المهم من بديت افتش البيت كله

بديت اشم ريحه عفن ريحت شي خربان
وقلت لها عند الفرش وش هل ريحه !!
لانها مو ريحه عفن اكل هذي ريحه غير ^_^
قالت مدام هذي ملابسي >>لان جنب ملابسها الفرش

انا كنت اطلع الزباله وانكب عليها شوي وهذي الريحه منها

قلت اوكيه لها *_*

وفي خاطري اقول الريحه ريحة سحر ههه اعرفها من بين مليون ريحه واحساسي كان قوي في هل موضوع


لكن سكت >> وقلت صبرا جميل نامي وبشوف انا وش هل ريحه

نامت الاخت
وبديت انفش الفرش ولقيت السحر عباره عن ناجاستها من منديل فيها دم دورتها وتفاح مخمج
وكان تو في الطور الاول من مراحل السحر
المهم اخذته ونقعته بمويه مقريه وقمت باللازم الحمد لله
وربطته بكيس بعد ما اتلفته ورميته
وخليت الفرش زي ماهي منثوره
واخذت من اغراضها ههه كلت (سروال داخلي) وبكله مليانه شعر لها هههه
وصحيتها من النوم
وقلت لها نظفي وساختك

بكره القاه نضيف

لان مكان السحر صار اسود من انتشار العفن

قالت طيب ولا فتحت فمها
واليوم الثاني عاااااااااااااادي وشتغلت وسوت كل شي

انا كنت بطردها في الشارع

لكن ماحبيت اسوي شي الا لما اعلم زوجي بكل شي

ولان زجي كان مشغول مره ومتكدر مره في موضوع له
قلت خليها لما يروق
المهم روق زوجي وهي بدت تهوجس وانا اعاملها بشده وتهجم وحرص وهي لي مطاوعه لي >>لعبت باعصابها خخخخ
المهم علمت زوجي بالسالفه وقلت له بطبخها شوي
اليوم الى بعده
قلت يفلانه تعالي
انا ابوي مطوع كبييييييييييييييييييير >> ابوي شيخ القبيلة هههه بسم الله عليه

لكن خاطبتها بعقلها الوسخ

مطوع كبيييييير >> يعني شيخ من شيوخهم الى هم سحره بالاصل لكن يدعون الدين والبكره


المهم


قلت لها >> وكلي قوه وصوتي يزلزل اركانها بكل هدو لكن بكل ثبات وقوة << مستانسه عليها وعلى تعذيبي لها النفسي

ان ابوي قلي انك سويتي سحر في هذا المكان << هع

قالت لي ايوه صح انا سويت سحر حقك >>> بسهوله اعترفت

قلت لها انا راح اخلي ابوي يخليك مجنونه
ولااخليك حيوان مو انسان
انا خلاص اخذت منك الى ابي وانتي عارفه ايش اخذت
ههه البكله والكلسون
وابوي قلي في هذاك المكان فيه سحر ونا لقيت في هذا المكان سحر
وباقي سحرين وهما في هذاااااااااك المكن علمتها وين مكانهم
طلعيه ولا بعذبك
انا كلامي عن السحور الباقيه هههه من حلمي ربي كشفلي مكانها
انكرت قلت مو مشكله انا بطلعها وبخليكي مجنونه
وكل كلامي هذا عشان ازرع الرعب بقلبها
الا تقول شكرا وهي بكل حقد وقهر وانكسار
قلت ليه سويتي سحر

قالت عشان اروح اجازه انا غلطان مدام >> اجازه وهي تروح اجازه قبل كذا عذر كاذب لان كل اسبوعين تروح اجازه


قلت كذابه انتي تبين مستر زوجي واقولها وانا ابتسم واتشمت فيها >> ابو انا قلي انتي تبي مستر << من راسي هل كلام

انصدمت ماتت مكانها تغير لونهاالا ملوين لون هنا حست انها بين اسناني وفي اي لحظه بطحنها ههه
ههه هوا من تحليلي وملاحظاتي انا عرفت ^_^
قمت ارقص فيها
لان ما اقدر اسوي لها شي فقلت اهبلها واذوقها كاسها وان فيه من اقوا منها
ولان هل نوع مايخاف الله
لو يخافه ماكان سواه وتجرا يمارس طقوصه الى كلها اهانه للدين
قلت لها انا مو سعودي >> لان شكلي ابد مو سعودي ههه لان جدتي تركيه ههه

فكانها فهمت اكثر وبدات تصير بلون الاصفر الكركمي>> وصف دقيق لان من جد صارت كركمه

وافهم الى انتي تسويه زيييييييييييييييييين


لان للاسف عارفين السعودين قد ايش جهله في هل امور والاغلبيه كذالك واللهم احفظنا منه ومن شر كل سحر وساحر



قلتلها بدخل انام

اصحا القا السحر طلعتيه
من بيتي
>>كلامي جاي من حلمي ان راح تاخذه معها
وقلت لها مكانه وان تطلعه لي
انا رحت نمت وقفلت على نفسي الغرفه >> وترا عارفه ان ماراح تطلعه السحر رحا تاخذه معها من حلمي والحمد لله
وما راح ياثر علي الحمد لله وان شاء الله وماشا الله
لانه سحر تاثير مو سحر موكل >> راح تفهمون بعدين كلامي
والبيت كان وقتها فاضي مافيه الا انا وهيا لان اولادي وزوجي بالدوام
المهم جا زوجي دق باب الغرفه صحيت
فتحت له باب غرفتي قلي وين الخدامه خخخخ
قلت مدري
ندور مالقينها بصراحه مت خوف قلت تحولت خنفسه وطارت ههههه >> اثريها تحول قرد ونقزت الحين بتفهمون
انا مقفله كل البيبان والشبابيك بالمفاتيح عندي
ماتقدر
الاطاقت صالتي تركتها مفوتحه عشان احب اهويها
وفي الدور الثاني
هههه رحت للصاله لقيت الطاقه مفتوحه خخخ
ومنها هجت الخدامه وتحت بالحوش تحت الطاقه نص عفشها طاح
نطت من الدور الثاني على سور البيت على الشارع
بالله موشغل جنانوه كيف تنطه والسور كله من فوق قزاز مكسر عشان الحراميه هههه
الا ناطته الاخت لان علي السور بعض من اغراضها
وانا احلف لكم بالله
انها تشققت من القزاز ياانها تكسرت من نثرت عفشهالان بشارع لها اغراض ولا شالتها
زوجي والحارس يحلفون ان هم رجال مايقدرون يسوها هههه
♥
وراح اقول بعض التسالت الى تدور حولين هل موضوع
ليه بذور الفواكه والاكل الفاسد يستخدموه بالسحر
سؤال ماذا شرع للجان من اكل >>> شرع لهم اكل الجيف
والفاكه العفنه نوع من الجيفه
والعظام من اكلهم
والبذور هي عظام الفاكه
هذي فضمه الخوخ الى لقاها زوجي في لبسه النظيف المغسول جديد
فتوضع لهم قربناو علامات ومناداه بان يحضرو لان هذا المكان به طعام لهم
وتوفره لهم ولكن ان يخدموها كما تطعمهم وهذا شغل سريع سريع من السحوره حقتهم
ماهي قويه كتلبس والصرع به
ليس كمثل السحر الذي يوكل بخادم من ساحر كبير
هوا سحر سهل في فكه وحربه بالرقيا والحمد لله
مو مثل السحر الموكل بخادم فهوا سحر حقيقين يوكلون له جان وهذا الجان مسخر لخدمه السحر يقمون بعقد وربط وغيره من السحر الذي يتطلب بحرق الجان ليتحرر المريض منه
والا الجان لن يترك المريض لانه سيقتل ان تركه
وفي كلا الحالتين مقتول اما من طرف الساحر واما من طرف الراقي
فصراعه قوي يدخله المريض فيه الى ان يتخلص منه
لتشبث الجان بمكانه ولعلمه ان سيموت بيد جان اخرين ان ترك مكانه فلن يتركه ابدا الا برحمه الله وتدبيره
وسيطول على المريض امره
ان كان عند راقي رقيق القلب او ليس بشديد في قتل الجان ويعطيهم فرص
او
تهاون المريض بحاله وينتضر من ينجيه مماهوا فيه

اكيد بيد الله كل الامر
فهذا سحر اللهم اكفنا شره
لكن ميزه سحرهم ونوعه حق الخدم الى يمرسوه هم
سحر تاثير
غير الى يوكلو به اهلهم ان يعملوه لهم في بلادهم عند المشايخ والسحره الحقيقين
سحر تاثير>> ونوع جانه حر يقدر ان يذهب بسهوله دون قتل وقتيل هههه
يعني اثر على صاحبت البيت تبعد عني وتخليني في حالي وتنصرف بالجان عني
سحر التاثيروالجذب ان يحبني كفيلي لكي يتمم كل اموري على خير ومالي يصل كاملا ولا ياخذ منه
سحر الحب للجنس ان يعجب بي ويحب ممارسه الجنس معي لاغراض ماديه وجسديه << لعلمكم فهذا النوع شبق على ممارسه الجنس لما يشربوه من ادويه وتربيه جنسيه من الصغر يمارسوها والعياذ بالله
سحر الاطفال ان يطيعني الطفل ولا ياذنيني
وغيره من السحورالتاثيريه
وكلها لها انواع بالطقوص
وكلها امرض نفسيه منهم لما عانوه من اطهاد في بلادهم
فبلادهم الجاره تسحر جارتها
والاخت تسحر امها واختها وعائلتها
والزوجه تسحر الزوج
والحماه تسحر زوجت الابن
وهكذا فكل ماكانت تعرف ان تمارسه كل ماكان ضنها انها واصله
وان السحر امر ديني ومافيه ضرر لانه يخدم الصالح العام
هذا مبدا صريح في دول عربيه لا احب ذكر اسمها
زي صديقه لي تطلقت وراحت لاخوها تعيش عنده جت مرته
هههه من احد الدول العربيه المشهوره بممارسه السحر حزينه على اخت زوجها وبنفس الوقت تنفك منها لان ابتلشت فيها
قالت تبين ارجعه لك واخليه لك خاتم في يدك وجزمه تلبسيها متاماتبغي
قالت لها صحبتي انتي كيف تتجرئي وتقولي هل كلام
مافكرتي اني اشك فيك وفي اخوي الى وراك كانه خروف
قالت ماني مسويه شي حرام
انا حفظه بيتي وزوجي وعيالي واخوك مافيه مره مسكته غيري لعياله <<لانه كان لاحظو كلمه كان ههه >> كان مزواج من قبلها ولكن على يدها اعتزل الفن
قالت لا شكرا ماابيه ولا ابي اكون حطب جهنم عشانه
وقامت هذيك تقنعها انه مو حرام
وان مشايخهم في بلادهم ياكدون انه مو حرام وقالو لهم مدام لصالح العائله مو حرام
الحرام الى يفعله من اجل شر وهي ماتسخدمه في شر << شوفو قوتها ماخافت من زوجها لو اخته راحت تقول له >>هل كلام ما انقال الا انها ضمنته
وتراه مو شر لو تسحر وحده وتدمرها عشان هل وحده مصدر خطر على حياتها الاسريه
وموحرام تبعده عن اهله لان اهله بيزنو عليه وبيخربون بيتها
ومو حرام ان تسحر امه وتحرولها عشان امه بتخليه يفكر يرجع ام عياله هههههه
لكن حرام لو هل ( العربيه ) مرت اخوها تسحر امها ههه سعتها تحرق الدنيا ومافيها

ها حلوه قصتي ومعلوماتي
يله نرد للطلب الى كان فوق

برفع الموضوع
والدعاء لي لاني محتاجته منكم ومن قلوبكم الصادقه
دعواتكم لي بخدامتي الاندنوسيه جايه فيزه الجديده>> تهي
عادي هاذي المصيبه لو طلعت ساحره
ولا تقولو لي جبي غيرها
انا محتاجه خادمه
وزوجي اما اندنوسيه ولا بلاش منهم
مايحب الاجناس الثانيه ولا حتى الاندنوسيه مايحب الخدم عموم
وانا مطره عليهم
وخلاص جايه وقد قدمت فيها من اول
ارجوكم ادعولي ان الله يكفيني شرها ويعطيني خيرها
وان الله ييسر علي ولادتي ويحفظلي جنيني من كل شر ويتمم الله علي بخير​

 

[ظبية بوظبي]

وعلى فكره هالمره مفسره احلام فالمنتدى الي هي فيه

 

[أجمل إنسـآنـه ~]

ربي يشفيج ويفرج همج يارب,~:><~!

 

[قَلبڪْ صًخرْ]

ياقلبي يبيلج رقيه شرعيه
وتشربين ماي مقري عليه ودهني جسمج بزيت مقري
وروحي العمره وطلبس ربج

 

[أحـلام * ورديـة]

كتبت رد شطووووله وبالاخير تسكرت الصفحه

لي عوده

 

[فله]

يمه كل هذا
بس ماتوقع من الخدامة مدري والله
رغم اني بديت امارس حياتي من جديد بس والله يابنات فيني حزن هم من داخل مدري شنو ساعات ودي اطلع من المكان اللب انا فيه واركض مدري وين بروح تعرفون المخنوق
الله الشافي

 

[فله]

يمه كل هذا
بس ماتوقع من الخدامة مدري والله
رغم اني بديت امارس حياتي من جديد بس والله يابنات فيني حزن هم من داخل مدري شنو ساعات ودي اطلع من المكان اللب انا فيه واركض مدري وين بروح تعرفون المخنوق
الله الشافي

 

[ظبية بوظبي]

تصدقين حالتج الي وصفتيها بالضبط نفس الي صار مع اختي بس ما اتذكر كثير
طيب لما بشوفها بسال لج عنها
لان اختي نفسج صار هالشي فيها
يا قبل لا تولد ولا بعده
كان يضيق عليها صدرها
وتحس جدران الغرفه تسكر عليها
وقعد تصييييييح
ويحليله زوجها يطلعها فنصاف اليالي يمشون فالشوراع عشان تخف عنها الضيقه
بس ماني متاكده من سبب العله الي صارت لها وكيف عالجته لان السالفه صار لها سنين
طيب اول ما بشوفها بتخبر

 

[فله]

ياليت تسألين اختك اذا فيها علاج

 

[غلآ نوآف]

اخاف صاير معاج اكتئاب مابعد الولادة

او صابتج عين

راقي نفسج يوميا
وتسبحي بموية مقري عليها المعوذات واية الكرسي
تصدقي بنية الشفاء والعافية
وعسى ربي يفرج همج وضيقتج