حاطه حيلي على امي ومن تنام اتندم! امس قالت لي: روحي الله لايبيحج

[ηŐ ώдЎ ДлŝǻaҚ]

بنات هذا النك مشترك مابيني وبين اختي المتزوجه عالعموم انا بنت عمري 19 عصبيه جدا لاكن قلبي ابيض على مايقولون واتحسف بسرعه وعندي ثقه بكل الناس طيبه لدرجة الغباء بوقتنا الحاضر المهم انا يابنات مشكلتي عاقه بأمي لأن امي احيانا تنرفزني وقليل جدا تعطيني ويه وانا محبطه وعندي مشاكل ومررت بتجارب الله يعلمها حاولت اكلمها لأكن ماهي بفاضيه لخرابيطي انا يابنات وحيده واعاني فراغ واعز رفيجاتي خانت مابيننا ! وهم حبيت واحد وطلع نصاب ! وهالسنه هم بعد رسبت بكل المواد وحالتي دمار واخوي شكاك نوعا مااا ! ومتحدره المشاكل من كل صوب ! ابوي مريض نفسي بعيد مع زوجته الثانيه يشوفنا بس بالأعياد! ابي وقت من امي بس ماتعطيني ! لأكن من كثر الضغوطات صرت اهاوشها وارفع صوتي عليها واحمل كل شئ يصير واقطه فوق راسها! حتى اني احس بالأنتصار لما اتطنز عليها واسلوبها قدام خواتي المتزوجات! ومره شتمتها ولعنتها! واحيان ماطيق اشوفها! واشوف يابنات حالتي من سؤ ء لأسواء فعرفت ان طريقتي مع امي هي السبب الرئيسي لحالتي ! بنات اشلون اتعامل معها لأنها تنرفزني احيان ودي اطقها لاتستغربون ولاتزفوني ابي حل ابي علاج! يمكن تكون بي صدمه نفسيه وابي افضفض مع العلم اني تاركه كل شئ لوجه الله ! لاكن امي احسها تفضل اخواني علي مع انها تلبي لي كل شئ ومعوضتني نوعا ما عن ابوي ! لاكن حيل احس اني متشجنجه لما اشوفها ومره حبيت اعرف غلاي عندها لأنها خاصمتني لشغله من صالحي فطحت عليها وانا اجذب جان تصارخ وتشيلني بيديها واهيا كبيره بالسن وتنفجعّ وحسيت بالأنتصار مارحمتها وقلت كبيرهّ وايديهاّ اضعيفه ! جان اول ماجينا من المستشفى بعد عمري توجع من اكتوفها وضهرها ! انا تعبانه يابنات اشلون اتعامل معها انا عصبيه عصبيه عادي اوصل لحد الضرب ! ابي علاج

 

[أميره بلا قصور]

امبييييه الله يهديج هذي امج مهما كان..والله دمعت عيوني ماوقادره اكتب شي

 

[الحزن عنواني]

لاحرام عليج لاتقولين جذي

حرام اذا اهي موفاضيتلج انتي افضي لها

وقوي علاقتج فيها وسولفي وياها وحسسيها انج محتاجه لها

انا وياج في امهات ينرفزون عيالهم بس كلامج غلطx غلط تقولين ودي اطقها حطي بالج لايخسف ربي فيج وتندمين على كل شي

اذا ماحنت عليج انتي حني عليها عشان تحن عليج

الله يهديج ويسخر امج لج

 

[om_dodo]

ياويلج من الله خافى ربج
الجنة تحت اقدام الامهات
عسى الله يهديج

 

[شموخ أنثـــى]

حبيبتي في الله

العمر كله لك يآرب والطريق والحياة قدآمــك طوويلللة

مومحتاجة لرضا امك عشان ربي يوفقك بأمور حياتكـ..؟ وتذكري دعوة الأم مستجابه

مهما سوت وفعلت لكـ ماتوصل تمدين إيدك عليها

ومثل ماقلتي امك كبيرة بالسن محتاجة للحنان والحب والإنسان كل ماتقدم فيه العمر

احتاج للرعآية أكثر..

غيري من طريقة تعاملك معآها وشوفي ردة فعلها

لاتنتظرين منهآآ حب وانتي بهالجفاء

لاتكونين انتي والدنيا عليها ..حاولي تسمعين لها وتخلينهآ تفضض

لك عن كل شي سواء كان شين أو زين..

وانتي تقولين انك طيبة قلب ياقلبي مع الناس

ليش ماتكونين أطيب قلب مع أقرب الناس لك؟؟

وانا عآرفه انتي محتاجه لأحد بعد يسمعلك

ومالقي عليك كل اللوم لكن اول ماتحسين بهالعصبية

توضي وتعوذي من ابليس وابدأي بتغير نفسك

فسارعي بطلب رضآها قبل فوات الآوان

وتذكري كما تدين تدان وعقوق الوالدين جزاها في الدنيا قبل الآخرة

وانا متأكده ان كل تصرفآتك وعصبيتك ناتجه عن ضغوط نفسية كانت

الوآلدهـ فيها كبش الفدآآء ..

الله يفرج همك عاجلآ غير آجلا ياب العآلمين..

و يحنن قلب والدتك عليك فالقلوب بيد الله واستغفري الله كثيرا ...

وتذكري حبيبتي حديث الرسول قال صلى الله عليه وسلم : (( من اصبح مطيعا
لله في والديه اصبح له بابان مفتوحان في الجنة ، وان كان واحدا فواحدا .
ومن امسى عاصيا لله في والديه أصبح له بابان مفتوحان في النار ، وان كان واحدا فواحدا
.)) فقال رجل : وان ظلماه يا رسول الله قال : وان ظلماه ، وان ظلماه ، وان ظلماه .. رددها النبي ثلاث مرات...

 

[ηŐ ώдЎ ДлŝǻaҚ]

مشكورات بنات والله يوفقكم وانتضر المزيد من النصائح

 

[مــلائكيه]

المشكله انه
انتي تبين تتقربين من امج واايد
تبي تحسين باهتمامها بس تشووفين انها موفاضيتلج او ماتعطيج وجه
فـ انتي تقلبين بدال ماتتقربين تبعديين اكثر وتهاجمينهاا

كا عرفتي غلاج عندها واصلا مايحتاج انه تسألين عن غلاج عند امج ,,
بس حسب ماقلتي انها مره كبيره فـ يمكن ماتعرف او مومتعوده اتعبر ,, وعلى انها تسمعلج
خلاص مره كبيييره وين لها خلق تقعد تسمعلج اهيا تبي اللي يسمعهاا
انا اقوولج شي ,, خليها تسوولفلج عن ايامهم قبل ومن هالسوالف تلاقين عمرج شوي شوي اقرب منها
بس لاتسولفين عن نفسج وسوالفج ,, اذا محتاجه احد يسمعج شوفي اقرب وحده لج من خواتج وكلميها
وعموما مو كل شي ينقال ,, لان الحين محد له خلق الثاني ,, والكل لاهي بمشاكله حتى لو كانت تافهه
وامج من باجر تسامحي منها عن كل شي سويتيه لها ,, قبل لاايدش رمضان علينا وقوليلها يمه انتي عندي فوق
كل هالناس ,, سامحيني ,, وقوليلها انج اتمرين بحاله نفسيه صعبه ,, وتعبانه من كل شي ,, بس ابي رضااج
ومن هالحجي ,, وانتي بنفسج تقدرين تخففين العصبيه ,, ماقول تختفي بس لاتطلعينها على امج !
وربي يهدي بالج ويغير احوالج للأحسن بـ إذنه تعالى ..

سلام ^^

 

[روح مغليهآ]

حراااااام عليج شنو مجرمه انتي تبين اقول لج شاللي خلاج توصلين هالمرحله اهي طيبة امج معاج لو انها عصبيه وموريتج العين الحمره جان لزمتي حدودج وعرفتي من تكلمين شنو بتطقينها وتتطنزين عليها جدام خواتج صج ماتستحين ومو كفو ولو انا من امج وجذي تسوين اطردج بالشارع اخلي ابوج يربيج لانج مو كفوو حشيمه العلاج انج تحترمين نفسج وتتكلمين عدل مثل الناس انتي منو وشنو عشانن تتطنزين على امج روحي عرفي نفسج عدل ومقدارج عدل ولاتصدقين نفسج وايد وعبالج قويه وعبالج شاطره لما سكتت عنج وطوفتلج وتأكدي انج ماراح تتوفقين بولا شي وبييلج زوج يعاملج اسوء معامله وعيال نفسج يطلعون عينج الا اذا تبتي وسنعتي عمرج لين يغر الله مابقوم حتى يغيروا مابأنفسهم

 

[الله يشفيني]

ياحياتي انا عارفه انج تحبين امج وتغلينها بس على قولتج يمكن ازمه عاطفية مرت عليج واثرت على حالتج مع الوالده
شوفي مافي ام تحقد على ضناها ولا بنت تحقد واكبر دليل انج لما تتهاوشين مع امج تتندمين بعدين وهذا معناه انج تحبينها بس التصرفات تطلع منج لا اراديه بس شوفي ياقلبي حاولي قد ماتقدرين ماتزعلين الوالدة لانه هم اهي بعد تمر بضرووف ابوج متزوج عليها وفيه حاله نفسية وانتي تتهاوشين معاها لا تصيرين انتي والزمن عليها وراااح تندمين لا سمح الله اذا راحت امج تحسين بقيمتها حاولي كل ماتعصبين وتبين تسبينها او تضايقينها بكلامج انج بهالشي تتعبين امج وتذكري انه عندج ام وغيرج ماعندهم ام :eh_s(2):والله ثم والله في ناس سنين امهاتهم ميتين الا انهم كانه امس امهم ميته هذي هي ميته وراضيه عليهم والحزن ماليهم فلا تخلين امج تحط راسها بالمخدة وهي زعلانه ونصيحة وربي مانصحته لحد وطبقها الا عااش ولله الحمد وهو فرحاان اولا انج تكثرين من الاستغفار بكل وقت وباي وقت وتصلين وكل ما بقيتي تضايقين امج تعوذي من ابليس وتذكري كلامي :gr4uu:
والله يهديج ياحياتي ويريح قلبج يااارب واذا عجبج كلامي واقتنعتي ادعيلي حياتي:friends: ...
ولقد أوصى القرآن الكريم بالأم، وكرر تلك الوصية لفضل الأم ومكانتها فقال سبحانه: "ووصّينا الإنسان بوالديه حَملته أمه وَهْناً على وهن، وفِصاله في عامين أنْ اشكر لي ولوالديك إليّ المصير. وإن جاهداك على أن تشرك بي ما ليس لك به علم فلا تُطعهما وصاحِبْهما في الدنيا معروفاً واتبع سبيل من أناب إلي ثم إليّ مرجعكم فأنبئكم بما كنتم تعملون" لقمان:14-15 .​

 

[q8y-moon]

يا بعد قلبي امج صج طيبه الي ساكته عنج
حياتي احمدي ربج ان امج موجوده ترا غيرج محروم من وجود الام انا عمتي تزوجت عمرها 16 سنه تدرين ليش لانها يتيمه وتشتتت بين اخوانها وحريم اخوانها
لو امها موجوده ما جان انجبرت انها تزوج وهي صغيره بس عشان تستقر
تكفيين انتي مو ضامنه حياتج ولا حياه امج لا تضيعين نفسج وتحرقين قليبها روحيلها بوسي ايدها وبوسي راسها
واذا حسيتي انجج متنرفزه تعوذي من بليس واستغفري وان شاء الله بتعدل امورج
واذا حاسه ان الي فيج مو طبيعي استشيري اصائي نفسيه ترا موعيب ولا حرام
فكري عدل ترا كما تدين تدان باجر عيالج يسوون فيج جذي

 

[اوراد العشق]

هذي امــــــج جــنـــتــج ونــــااااااااااااااااااااااااااااارج

حرام عليج فكرى فيها كفايه ابوج بعيد عنها وتاركم وهى شايله همهم وتعبت عشانك وخاااااااااصه انها ماقصرت معاج بشئ مثل ماقلتى

ياما بنات ماعندهم امهات ويتمنووووون الام لان اذا بريتى امج تدخلين الجنه واتوقع انه طريق سهل

اتقى الله بــأمــج وارحمى كبر سنها والكبار يبون الراحه مفروض تخدمينها وتريحنها واطيحين عند رجلها وتطلبين رضاها

وترى كما تدين تدان عامليها بأحسان عشان عيالج اذا الله ارزقج يعاملوووونج بــأحسان

واللـــه يـــهــــديــــج اقولها من كل قلبي

 

[فطفط نجد]

لاحول ولاقوة الا بالله

كافي اللي فيه امج تفكر بحياتها والا تفكر فيييييج

عفيه طيحي تحت رجلها وبوسيها وتاسفي لها حرام عادج صغيرة ودعوة الام قويه ديري بالج حبيبتي

 

[ηŐ ώдЎ ДлŝǻaҚ]

مشكورين بنات والله يعطيكم العافيه بحاول كثر ماقدر والله يعطيني الهدايه

 

[ام كوشه منكووشه]

رد : حاطه حيلي على امي ومن تنام اتندم! امس قالت لي: روحي الله لايبيحج

الله يهديج ويصلحج

 

[انا طال عمري]

بصررراحة انصدمت مدري شأكتب بس مهماااا مريتي بضروف ماتسويني كذااا بأمك
ومااقوول غير الله يهديك ويصلحك ويجعلك من البااارين بوالديهم

 

[يوآش يوآش]

رد : حاطه حيلي على امي ومن تنام اتندم! امس قالت لي: روحي الله لايبيحج

لاحول ولا قوة الا بالله

والله قشعر جسمي لمن قريت حجيج

ادري قصبن عليج بس ولو هذي امج

وبعدين اهيا كافي عوضتج عن ابوج

واهيا مو مضطره .. حبيبتي تعوذي

من ابليس كل ما عصبتي

وذكري ربج بس تعصبين ..

وبعدين انتي ليش ناطره تطيحين

واهيا تشيلج واهيا مره كبيره

اهيا شالتج ابطنها 9 شهور

الحين دورج انتي تشيلينها مو اهيا تشيلج

ولا تخلطين غياب ابوج على خيانة صديقتج

وعلى علاقة الحب الفاشله على بعض

وتحطين الحره بامج لا حبيبتي فرقي

انتي عمرج 19 مو ياهل ماشالله بنت وفاهمه

خافي الله فيها ..

وعدلي اسلوبج معاها وشوفي شلون

بتوفجين ..ولا تقولين كلمة انا عصبيه

انا اوصلها للطق ..

في حدود مع امج ..

 

[المبدعة]

االله يعينج و يهديج

انت متازمة نفسيا

واضبي على الصلاة و القران

و رمضان مقبل عليلنا
حاولي تغيرين من اطباعج

ومعذورة توج صغيرة ما شفتي من الدنيا شي

الله يعينج

 

[MISS_RoOosha]

هاذي امج .. اشلون فيج جرأه ترفعين صوتج لا وتطقينها بعددد.. اتذكري انه بييج اليوم اللي بنتج اتشيلج وتسوي فيج نفس ماسويت بامج
واحسن حل لج داومي على صلاتج وعرفي مافي احد بهالكون بيخاف عليج كثرها وترا ربج فوقج اشلون تقدرين تاخذينها وطقينهاا الله يسامحج عورتي قلبي على امج الله يعينها

 

[ηŐ ώдЎ ДлŝǻaҚ]

الله يسعدكم ويزاكم الله خير صج انا كنت بجهل لاكن الف شكر ووالف دعوه لكل من انارني بنصيحه وعطاني من وقته الله يسعدكم

 

[طويت صفحة الماضي]

امبيل هاذي امج خافي ربج الجنه تحت اقدامها يابنت لاتعصبين عليها على يوم ويصير فيها جلطه لاسمح لله وربي راح تندمين عليها طول عمرج غيرج يتمنون امهم ترجع لدنيا لحظه وحده عشان بس يبرون فيها وامج على قولتج كبيره بسن ياالغاليه بري فيها


"قال تعالى:
"اخفض لهما جناح الذل من الرحمه قل رب ارحمهما كما ربياني صغيره "