جيل الستينيات ...وينكم؟؟؟؟

[الغاليه ام احمد]

انتي اللي تاخذينهم ابر فيتامين اللي لونها احمر صح

هذي عطاني اياها المستشفي العسكري ابره كل يوم وترك او عند اللزوم اذا حسيت بعوار

قبل لا اخذ التحليل اخذت ابره وحده وبعدها بيوم رحت اشوف نتيجة تحاليلي الشامله مو تحليل دال

فقلت لدكتوره ان الدكتور امس عطاني هالابر فقالت ما انصحج فيهم مو زين تتعودين عليهم

فتركتهم وبعدين سويت التحليل

 

[ميثا الغريب]

قبل يوم بالمدرسه نشوف الشمس ونمشي
بس الحين بالعطله من تكييف البيت لتكييف السياره لتكييف المجمع

وين ما نروح تكييف والله يعينا على العوار

 

[الغاليه ام احمد]

صاجه عصووووره لازم نشيك على هالفيتامين

انا هاليومين بعيد التحليل بطيبه اخاف نزل الفيتامين

ميثاااا اذا ما فيج سكري اخذي سكر قصب السكر

قبل جم شهر طلع دكتور بالتلفزيون وقال احسن شي للحريم عشان ترفع هالفيتامين تاكل عسل قصب السكر

يقول مو لازم تدورين الغالي اخذيه من الجمعيه عادي

 

[ميثا الغريب]

إي صح الأبر الحمر اللي حارة جنها فلفل

كم كلفت عليج الأبر الست
من متى طاقتهم وشلونج الحين من عقبهم

لاتتضايفين من أسئلتي

أنا حيل متضايفه من العوار

 

[عصير ليمون]

ولا تنسين بعد السيراميك من حطينا هالسيراميك في بيوتنا وإحنا عظام ومفاصل
والله إن قومتي وقعدتي بالغصب يالله أقوم أحس رجولي متربطه
ساعات أخاف يطق لي عرق من القومه غصب نقوم
كله من هالحبسه بالبيت لا شمس ولا هوا ما غير هالتكييف يكفخ علينا
لين يبس عظامنا
الله يعين

 

[الغاليه ام احمد]

افاااا عليج ميثاااا ما فيها شي اذا سالتي

الابر الحمره حاره وهي عباره عن مسكن وفيتامين عادي

انا اخذ الابره بعشره بالعياده

والله ميثه ثم والله حيل ارتحت عقب الابر

تصدقين اول كنت اعرق وانا نايمه وحتى لما اسوي رجيم ما انزل بسرعه

ودايما احس بيدي فوق الكف خدار وعظامي تعورني خصوصا لما اقعد من النوم

ولما شرحت حالتي للدكتور قبل لا اخذ التحليل قالي اكيد عندج نقص بالفيتامين هذي من اعراضه

 

[ميثا الغريب]

صاجه إى والله من السيراميك والرخام

أنا ساعات ألبس دلاق صوف من البرد أحس موطى رجولي يعورني مإني مامشي حافيه
بس الهوا البارد أعوذبالله تقولين سكاكين تحش العظم

 

[الغاليه ام احمد]

عصوووووره انا الحين من اقعد من النوم لازم البس دلاق

ميثااااا ترى ابر فيتامين دال حاره حيل وتعور

لكن عند الدكتور يوسف بارده وانا سالته قبل الابره وقلت انا سامعه ان الابره حاره حيل

قالي صح هذا اول كنا انييب الابر من مصر

اما الحين لا انييبها بارده مو مثل القديمه

 

[ميثا الغريب]

يعطيج العافيه ياأم أحمد ما قصرتي

أنا الحين بخلص كورس العلاج الطبيعي وبعدين إنشالله
أروح للدكتور عقب ما اسوي تحليل دال

الله المستعان .

 

[عصير ليمون]

صاجه والله أنا مثلج لا زم ألبس ملابس ثقيله تحت
يعني لازم سروال طويل أحس لو ما ألبسه رجوووولي مثل ما قلتي سكاكين
وإذا لبسته أحس تدفى عظامي كلها
الخلاص الكبر شين
حتى الجهال مساكين يشتكووون من رجولهم ،، لازم نلبسهم دلاغات
الله يعينا

 

[ميثا الغريب]

شلون حفلة بنتج عسى ستانست مع رفيجاتها

 

[الغاليه ام احمد]

الله يشفيج ويعافيج

هالعمر لازم نشيك على عمرنا ونضبط معاونياتنا

ترى مافي قطع غيار لنا حتى بالسكراب مافي

ههههههههه

 

[الغاليه ام احمد]

اي والله استانسوا ويتهم معصومه المبارك والشيخ طلال الفهد

وعقب الحفله حطوا دجيه وعقبه وديناها انا وخواتها فرايديز

وعقب باجر بتسوي حفله بالبيت ودجيه وبوفيه وعازمه كل صديقاتها وبنات العايله

اللي بعمرها واكبر شوي

ممنوع الاطفال والحريم واللبس كوكتيل على كيفك

حتى انا بس يوصل البوفيه واشيك عليه بطلع من البيت

 

[ميثا الغريب]

إي والله صاجه يأم أحمد

لما يشوفني أبو العيال أشتكي من ورجي صراحه حيل يعورني

يقول ديري بالج لا يطيح الشيال تري مافي قطع غيار حتى لو أروح للصين

 

[ميثا الغريب]

أنتي حفلة بنتج بحولي بارك ؟

 

[الغاليه ام احمد]

لا حفلتها بريجينسي

 

[ميثا الغريب]

عسا ربي يخليها لج
وتسوين حفلة تخرجها من الجامعة
إنشــــــــــــــــــــــــالله

 

[الغاليه ام احمد]

ان شاء الله

 

[عصير ليمون]

الله يهنيها بنيتج أم أحمد ما شاء الله خليها تستانس
الله يونسكم بالعافيه


وعلى قولتج ميثا ما في قطع غيار ،، حتى قطع الغيار استهلكناها


يالله خلوووني أحافظ على باقي قطع غياري ،،

يالله حبايبي تصبحوووون على خير

 

[ميثا الغريب]

أحس إني دخت وراي قعده من الصبح

أشوفكم على خير