جيل الستينيات ...وينكم؟؟؟؟

[الغاليه ام احمد]

هلا وغلا ميثاااا شلونهج وشلون عيالج

والله دلوله للحين محتاره مره تقول طب مساعد ومره علوم اداريه

ومره ودها تاخذ بعثه داخليه هندسه وللحين

مانبي نضغط عليها قلنالها فكري على راحتج هذا مستقبلج

اهي ما تبي التدريس نهائيا

 

[ميثا الغريب]

الجوله الله أعلم متى تبدي على منة أخوي متى يحدد الإنطلاق

الله يسهل أنا الحين لاهيه مع دورة بن عثيمين

والصبح عندي كورس علاج طبيعي

الله يسهل الأمور

 

[ميثا الغريب]

الله يوفقها وين ما تروح

التدريس الحين مهنه طارده

ما يمديها تكلم الطالب إلا الأبو والأم جو وقالوا ولدنا ما ينزف ولا ينطق

 

[الغاليه ام احمد]

الله يسهل اموركم ويتحرك اخوج

وعسى ماشر العلاج الطبيعي

 

[ميثا الغريب]

ما شر إنشالله بس أنا من زمان أشتكي من وركي ولي مده راجعت ما نفع العلاج

عاد سويت رنين معناطيسي وقالوا عند الحوض ملتهب ولازم علاج طبيعي وباكر إنشاالله أول جلسه

 

[عصير ليمون]

هلا ميثا
هلا أم احمد
مساكم الله بالخير

 

[الغاليه ام احمد]

ما تشوفين شر يالغاليه

بس اهم شي خذيتي تحليل فيتامين دال

ترى نقصه ياثر وايد على العظام

 

[الغاليه ام احمد]

هلا وغلا بعصوووره شلونج وشلون بنتج

هااا حلوه العطله شبعتي نوم

 

[عصير ليمون]

ما شر إنشالله بس أنا من زمان أشتكي من وركي ولي مده راجعت ما نفع العلاج

عاد سويت رنين معناطيسي وقالوا عند الحوض ملتهب ولازم علاج طبيعي وباكر إنشاالله أول جلسه

ما تشوفين شر ميثا
ولا تخلين نفسج راجعي على طول الطبيب

 

[عصير ليمون]

هلا وغلا بعصوووره شلونج وشلون بنتج

هااا حلوه العطله شبعتي نوم

إي والله يا حلو العطله ليلحين مو مصدقه إن السنة خلصت

عاد بنتي باكر آخر يوم إهيا متوسط قايله لها الناظره باكر تدامون
مسكين خلاص ماله حدها

 

[عصير ليمون]

أم حمنو ما لها بينه كأنها إهيا العروس مختفيه
الله يهنيها يا رب ما شاء الله عليها

 

[ميثا الغريب]

أنا عندي نقص vD الحمدالله على العافية وأخذ علاج حقه

ام عبدالله متى تتقاعدين

شرايج تسوين أوراقج معاي السنه الجايه

 

[الغاليه ام احمد]

اي والله تتغلى علينا ام حمنو

وفطووووومه لها غيبه ومكانها خالي عساه ما يخلى الا بخير

وام عبدالله الخميس بتسافر

وميثاااا ناطره الاشاره من الاداره الكبرى عشان يتحركون

وانتي عصوووره بعد جم يوم وتسافرون وتخلونا

بس اهم شي انكم بتخلونا مؤقت مو على طول

والله يهنيكم ويونسكم بسفرتكم ويردكم بالسلامه

 

[الغاليه ام احمد]

ميثاااااا نقص فيتامين دال اهو اللي يسبب التهاب العظام والالم

انا ياني جذي كل عظامي تعورني وروجي وركبي وايديني الكف والمفاصل

والله حتى احس انه نص ايديني تتخدر

فانصحتني وحده من صديقاتي ان اخذ تحليل قيتامين دال

وفعلا خذيته وطلع 4 بالميه والمفروض من 70 الى 100 بالميه

وخذيت ست ابر والله ارتحت حيل عقب الابر والحمد لله على العافيه

 

[ميثا الغريب]

وين سويتي التحليل

ومنو عطاج الأبر ووين طقيتيهم وكم المده بين كل أبره والثانية

 

[عصير ليمون]

هذا الصيف كله سفرات وطلعات حتى اللي مو مسافر
طالع برا من يقعد في البيت

ولا تنسين أم خالد بعد يمكن تروح السعوديه


ميثا والله كأني بعد وياكم بسوي أوراقي السنة الجايه خلاص يختج ما بقى بالعمر أكثر
ما مضى ،،، حتى في الدوام ما في اللي من أعمارنا كله هالجيل الجديد إلا من عمر بناتنا
الله يسهل السنة الجايه لاحقين خير إن شاء الله ،، قلت انظر الكادر جود يجينا مبلغ محترم
حسبي الله عليهم ما وافقوا عليه يالله الحمد لله على كل حال والله إحنا بخير ونعمه ،،

 

[الغاليه ام احمد]

خذيت التحليل بعيادة الدكتور يوسف بوعباس وخذيت الابر عنده

الابره الثانيه عقب الاولى باسبوعين وبعدين كل شهر ابره

وعقب ما خلصت الابر بشهرين عدت التحليل بمستشفى طيبه

 

[الغاليه ام احمد]

ميثااا اذا انتي تابع مستشفى العدان

ياكو مال التحاليل يسوي التحليل ب14 دينار

اما مستشفى طيبه ب30 دينار

وفي ناس تسويه بالمستشفى والمستوصف بس جنهم وقفوه

 

[ميثا الغريب]

أنا كنت آخذ أبر إذا زاد علي العوار

على وصف الحريم اللي خذوا أبر فيتامين دال يطلعون نفس هذى الأبر
بس المستوصف يعطينياهم يوم ورا يوم

شلون صايرين الأبر أنتي شايفتهم

 

[عصير ليمون]

الله يعينكم
بل لازم تشيكين كل فترة حتى ما ترد عليج مره ثانيه
يقولون لازم نتعرض للشمس شوي لآن علشان المفاصل والعظام
الله ياجركم يا رب