كلي لك ~
New member
(( العصر ... ))
ابتسمت لهم من بعيد لبعيد وما قربت منهم ولما شافت اخوها اللي اسرع لاخوها الثاني .... صرخت : خلووووووووود انتبه ((ما درت انها خرعته بحركتها هذي فطاحـ ... ففقعتها ضحك
خالد وهو يوقف على حيله بعد ما طاح : ايه اضحكي وش عليك انتي بس خرعتيني اقول الحين وراي شي خوفتيني عالفاضي
عبدالله يسكت نفسه ويهديها من الضحك .. قال : طيب انا كنت ناوي ادفك بس مادامك طحت خلاص ماراح ادفك هههههه
ريم : هههههههههه يا حليلك يا خالد عليك شكل ههههههههه ياليتني صورتك بالجوال ونشرته بلوتوث ... ههه والله باخذ اوسكار عليه هههههههههه
خالد : لا والله اقول.... (( وهو يرفع لها سبابته بتهديد )) ترى باهون ولا اخليك تروحين مع اخوك ...
ريم رفعت حاجبها وقالت : ليه وش بتسوي ان شاء الله اصلا خلاص الموافقه خذيتها من زمآآآآآآآآآن ... يعني راحت عليك ... لا تفكر حتى
خالد وهو ينفض ثوبه : ايه يا حبيبتي باروح عند جدي وباصيح (( وابتسم )) وباقول مااابي لاحد ياخذ اختي
عبدالله قاطعه : ليه انت اخوها وانا ولد الشارع .........
خالد ماعاد سكت : من اللي مستفيد .... هههههههه ما غيرها ريموو هاليومين صاير عليها طلب اوف انما ايه ... مو بس طلب طلب وخناقات عليها الحمدلله ان مشعل مادخل معنا ولا كان رحنا فيها
ريم وتقرب لهم وتبتسم : محد راح يقدر ياخذني من اخواني حتى لو كان ..(( وسكتت وبعدا قالت )) حتى لو كان أي شخص ....ما يقدر يمس شعره منكم ... ومحد بياخذكم مني الا شي واحد ... وانتم عارفينه
ابتسم عبدالله : يا جعل يومي قبل يومك يابعد طوايف اهلي
خالد : عبود نحن هنا..... تراني اغار بعد انا
عبدالله طالعه متفاجئ : تغار من ريم ولا من ايش
خالد : ليه مستغرب ايه اغار منها لا تدعي لها وانا لا
عبدالله : ههههههههههههه اقول ضف وجهك لين جت المعزبه خلها تدعي لك من اليوم لبكره
خالد وهو يطالع ريم : اقول لا تحدني الحين اروح واجيبها
ريم بروعه : أيـــــــــــــــــــــــــــــــــــــــــــــش
خالد + عبدالله : هههههههههههههههههههههههههههههههههههههههههههههههههه ه
خالد بعد ما سكتوا قال بهدوء : متى بتمشون
عبدالله طالعه : اليوم الساعه 12 الليل الطياره بتحرك
خالد قال وكأن الموضوع مو عاجبه : توصلون بالسلامه
ريم قالت له بعد ما حست فيه : خلود وش رايك تجي معنا والله بتوسع صدرونا
خالد : لا يا ريومه روحي انتي وان شاء الله المره الجايه باروح معكم حتى لو ترفضون
عبدالله ابتسم : وانا نقدر نقولك لاااااااااا ... انت مرحب فيك في أي وقت
خالد : تسلم (( وقف وقال )) يالله عن اذنكم المعزبه تبيني
ريم وقفت معه وهي تقول : وين وين .. ولا تفلها عاد ولا عجبتك
خالد : احم احم امزح معك وش فيك .. باروح اصلي المغرب
عبدالله : خذني معك .................... وقاموا وراحوا
ابتمست ريم وهي تشوفهم .............
.. كنت اتمنى من زمان تتعرفون على بعض انا عارفه انكم بتحبون بعض وهذا اهو صار .... ان شاء الله دوم .. وعسى الله ما يحرمني منكم .. طووووووووووووول العمر ......
@@@@@@@@@@@@@@@@@@@@@@@@@@@@@@@@@@@@
ريوف وهي تكنس المجلس : يبه متى بنمشي للرياض
عامر : والله ماادري خلصت سحر كل اشغالها ومو ناقصهآ شي
ريوف : ايه خلصت كل شي وان شاء الله مو ناقصها شي
عامر : طيب فلوسها خلصت ولا باقي
ريوف ما فهمت سؤال ابوها وخافت انه يطالب ببقاي الفلوس بس سكتت
عامر وكآنه عرف وش يدور في بالها : اذا فلوسها خلصت خليها تقول لي عشان اعطيها
ريوف قالت بصوت متوسط وهي تفكر بس سمعها ابوها : يعطيها ومن وين له
عامر جاوبها : من الله انا الحمدلله الله كافيني وقايم على امري واذا ناقصها شي باعطيها
ريوف : طيب انت اسالها والله احسن وتسهل علي دروب صعايب
عامر ابتسم على الفاظ بنته : طيب ناديها لي
ريوف وقفت بسرعه وهي تشيل المكنسه : ان شاء الله
........... بعد دقايق دخلت سحر
سحر : سم يبه بغيتي
عامر وهو ياشر على مكان جنبه : تعالي اجلسي هنا
سحر ماتدري ليه استحت من ابوها مو من عوايدها تجلس جنبه واخيرا تحركت وجلست جنبه : سم
عامر طالعها : يا بنتي انتي عارفه غلاتك بقلبي ومهما سويت ومهما فعلت انتي داخل فيه ....
سحر لما طال سكوت ابوها تكلمت : عارفه يا يبه ومقدره كل شي تسويه
امر رفع راسه لها : حتى لو غلطت عليك
سحر على طول قالت :لا تقول كذآ يبه ... انت ابوي ولو تضربني ما قلت ليه ... كيف لو غلطت .. (( وبعدين بعدت عيونها عنه )) انت اذا غلطت فانت ابوي ولك اسبابك الشخصيه
عامر : يابنتي سامحيني ...(( وما عرف كيف يعبر .. خانه التعبير )) يوم اني اشرب كنت اضربك انتي واختك
قاطعته سحر : السموحه يبه اني قاطعتك بس بغيت اقولك ... انك ما سويت شي عشان تعتذر منه ... وانت ابوي وكل شي تسويه صح وانا الغلط ... وانا اللي اسفه والسموحه منك
عامر حس ان دموعه بتنزل قال لها : والله اني ماني بعارف وش اقول بس اللي بقوله ... اني صح ما عرفت اربي ... بس انتي ربيتي نفسك وانا اشهد انك بعد ذا الشي بنت بتربين عيالك احسن مني
سحر استحت من طاري العيال نزلت راسها وقالت : يبه يكفي انك عزيتنا وخليتنا عزيزات ومحد يغلط علينا بحرف واحد وهذا اللي يكفيني .. والمهم رضاك علي وغيره من هالدنيا ماابي
عامر هالمره ضمها على دخول ريوف وبقوه بعد ودموعه نزلت قال : الله يرضى عليك دنيا واخره
سحر تحس دموعه بتنزل الحين ما قدرت تمسكها فبكت ....
عامر لما حس بها قال : ليه الدموع ياأمي (( ماعرف ان هالكلمه البسيطه اللي عمره ما قالها لها اثرت فيها وزذات عليها )) ليه تزعليني منك
سحر وهي تمسح دموعها قالت : لا يبه بس ماودي افارقكم
عامر : كل بنت مردها بيت زوجها وهذي ريوف بتلحقك والله يوفقكم
سحر : يبه لا تخليني بروحي تعال وياي لما تتزوج ريوف
ريوف بمزحها ومرحها المعتاد تقاطعهم وتقول : يا سلاااااااااااااااام وانا اقعد يتيمه لا يا حبيبتي خلي سعود يجلس معك ابوي ماهو بمتحرك من هنا (( وقامت تقلد الكويتين )) موليـــــــــــــــــــــه
سحر : لا ياعمري بيجي معي انا الصغيره وانا اللي لي الحق انه يجي معي
ريوف بسخريه : هـ هـ هـ هـ ضحكتيني يا قلبي .. ليه انتي الصغيره وبنت ابوي ولا انا الكبيره وبنت الغساله ... وش رايك يبه
عامر : والله اني ماادري بافكر
ريوف : لا والله .. جبته عون طلع لي فرعون .... لا يا ابوي وانا بنتك ... انت بتقعد هنااا ولي اسبابي
سحر : اتحفينااااااا باسبابك يام الاسباب
ريوف : احم احم السبب الاول ...
قاطعتها سحر : بعد سبب اول
ريوف : اوووووف لا تقاطعيني خليني اكمل ،، السبب الاول : ان اللي انتي ماخذه منهم اقاربنا ونعرفهم ... وعشان كذا ما عليك خطر وياهم بس اناااااااااا مااظمن هاللي اخذت منهم .. السبب الثاني : ان زوجك بيجيك هنا كل ما يمر عليك مده بس انا من بيجيبني ولا تقولين تركي لانه ما بيجيبي لو تموتين ... وسلامتكم ..
عامر : انا اقتنعت بكلام ريوف
سحر زعلت : لا والله
ريوف جلست بعد ماكانت واقفه : اسمعيني زين .... انتي سعود واحد عارفينه ماحنا بجاهلينه ... فاهمينه وفاهمنا وعارف ان ابوي ماهو بجاي فبالتاكيد بيجيبك بس لما يشوفك جايه .. بيقتنع بيقول اللي قدر يجيك المره اللي فاتت بيقدر يجيك الحين ... اما لو كان ابوي هناك .. فتركي ما راح ياخذني لان تركي ما قدر ظروفنا من البدايه ولا هو بعارفها اصلا عشان كذا ماقدر اقوله ودني ولا جبني .. فهمتي ولا لا
سحر قدرت وضعهم وقالت : اوكي فهمت .. (( وباستهزاء )) واقتنعت بعد
ريوف : طيب وبعدين شي راجع لك اقتنعتي ولا لا
عامر : سحر باسالك .. يا بنتي امورك خلصتيها محتاجه شي ولا شي قولي لي ولا يردك الا لسانك
سحر : افا عليك يبه لو محتاجه شي باقول والحمدلله كل اموري كملت ولاني محتاجه شي
عامر وقف بيروح وقال : زين ترانا بنمشي الفجر الساعه 4 ونص تكونوا جاهزين طيب
سحر وريوف : ان شاء الله (( ووقفوا الثنيتين وحده توصل ابوها والثانيه تكمل شغلها
@@@@@@@@@@@@@@@@@@@@@@@@@@@@@@@@@@@
(( الساعه 11 الا ربع ليلاً ........... ))
دخل عليها بعد ما طق الباب : خلاص جهزتي اغراضك بتروحين
خرعها هي ما كانت منتبه له ... قاله : خلود خرعتني مانتهبت لك ... ايه خلصت
خالد : طيب يالله وين شنطتك .. ريم كم شنطه بتاخذين
ريم طالعته : الحين بنمشي
خالد : ايه يا قلبي على بال ما نوصل للمطار الا الساعه 12 تمام يا بعدي
ريم : طيب امي وابوي قايمين ولا لا
خالد : ايه قايمين لما تروحين بينامون
ريم : يالله سهرتهم ياحوول
خالد قاطعها : لا تخافين هذا طبع اللي بيسافر ينتظرونه ... طيب يالله عطيني شناطك
ريم : غربيه من قبل شوي وانا اسمع اصوات تحت فيه احد جاي
خالد :والله ماادري انا جيت لك من المجلس ما مريت الصاله الداخليه
ريم وتاشر على الشنط : هذي الشنط الله يعافيك خذها وبعدين كلها شنطه وحده
خالد : ياحبي لك شنطه وحده بس (( قال باستهزاء )) ما قصرتي يا ريم ... ليه مااخذتي معك ملابس
ريم : ماادري حسيت ماله داعي كثرتها
خالد : انتي تشوفين كذا
رم وهي تعدل نفسها : ايه
خالد شالها : براحتك ونزلـ
ريم طالعت نفسها بالمرايه ... ياربي ماني نصدقه اني بارجع لاهلي ونآآآآآآآآآآآآآصه
شالت شنطتها وعبايتها بيدها ... ونزلت تحت فرحانه والدنيا مو سايعتها من الفرحه
وصلت كانت توها بتدخل للصاله متجاهله الاصوات بس من استوعبت هالصوت بالذات ووقفت وجمدت مكانها وهي تسمعه يقول .....
<< الصاله
كان اهل مشعل جايين لان احلام بتسافر مع زوجها فجايه تسلم عليها وجا الكل معها .... ومن قبل دقايق واصلين
وكان الكل يسوف ويضحك وبس فتح مشعل هالموضوع الكل سكت ويسمع ... (( وهنا ريم كانت بتدخل
مشعل : الله يهداك يا جدي ريم تبي تسافر الا خلاص بتسافر وانا اخر من يعلم ... لا ولا كاني زوجها تطلع وتتمشى و لا محسوب لي أي حساب والله وبصراحه واضحه هذا ما يرضيني
الجد ابتسم : يا بوي البنت قبل ما تتملك عليها وهي مخططها تسافر وانا موافق على سفرتها ولا لك راي ثاني
مشعل : لا يا جدي انت الامر والناهي عليها ... بس المره الثانيه اتمنى من كل قلبي تعبروني .. ولا ليه زوجتوني
الجد طالعه : ليه الزواج تحكم وبس
مشعل : لا يا جدي انا عارف كل شي بس من ظمنه انها ما تاخذ راحتها وتفلها ولا تستاذن مني
الجد هنا مايدري ليه تنرفز : مشعل وش فيك قمت تخربط بالكلام ... البنت بتروح لاهلها مع اخوها .. مو لاحد غريب ولا مع احد غريب
مشعل : انا ما قلت شي ... بس انا زوجها تعبرني حتى وتسالني حتى .. ولا انا ماني برافض روحتها لاهلها واذا رفضت فماني برجال من صلب رجال
ابتسم ابو مشعل من كلام ولده اللي دايم يعجبهم فقال : يابوي الا مشعل صادق مفروض يكون له راي على طلعاتها
الجد طالعهم وعصب : اهي للحين في بيتي وانا الامر والناهي عليها والا ان شاء الله انا ما مليت عينكم
ابو مشعل : حشاك يبه انت الصح وانا الغلط بس انا ابي ابين لك وجهة نظر مشعل من روحتها ولا احنا مانا بمانعينها
الجد طالعهم بتحدي : ولا تقدرون حتى تمنعونها ... هذي الريم اللي يمنعها من اللي تبيه يعتبر نفسه يمنعني
الكل هنآ سكتـ وفي نفس الوقت منصدم من ردة فعله الجد يربط نفسه بالريم هالفكره بالذات هزت مشعل وخوفته ....
<<
جاء خالد وشاف اخته واقفه ظن انها مستحيه تدخل
خالد : ريم ليه واقفه
ريم ما عبرته منصدمه من تفكير مشعل وابوه ... ليه يعني ناوين علي ان شاء الله
خالد دفها بخفيف وقال : ريــــــــــم
ريم طالعته وتخرعت : نـ ـنـ نعم
خالد طالعها : بسم الله عليك وش فيك
ريم ارتبكت : لا بس خوفتني انت ... ماانتهبت لك
خالد : صايره تسرحين كثير كل هذا شوق لاهلك .... (( ولما شافها ساكته قال )) اجل تبين تدخلين تسلمين عليهم
ريم : ايه بس مشعل واهله
خالد ابتسم : وهذا الشي مخليك كذا حمراء
ريم (( هه .. كل على همه سرى انا معصبه وذا يحسبني مستحيه من شين الحلايا )) .. : لا بي ماابي اخرب جووهم
خالد : طيب وش رايك اخربه انا .... وتنحنح عشان يتغطون البنات ... :: احم احم يا ولد
ابو مشعل : حيــــــــــاك خالد
خالد مسك يد ريم وسحبها وريم ماكانت تبي تدخل بس سحبها : هلا والله بعمي
ابو مشعل وقف يسلم على خالد وريم اللي جو عنده : هلا بك يا ولدي
خالد : وش اخبارك ...يا عمي
ابو مشعل : والله بخير بشرني عنك
خالد : والله تمام ...
ابو مشعل ابتسم لخالد : وش عندك يا خالد ما عاد شفناك في بيتنا بعد ماكنت ساكن عندنا
خالد ضحك : ههههه الله يخليك يا عمي كبرنا ... ومانبي نضايقكم (( كان يقصد البنات ))
ابو مشعل : اذا جيت بتجي يا خالد لا تحسب لاحد حساب البيت بيتك........ ولا من جت ريم كلت علينا الجو
ريم قربت تسلم عليه ... بعد ما سلمت على ام مشعل
ابو مشعل : هاه ريم وش اخبارك ..
ريم : الحمدلله تمام .. انت شحالك يا عمي
ابو مشعل : والله بخير ... اجل اخذتي خالد منا
ريم ابتسمت من تحت الغطا : والله يا عمي شوفة عينك ... وهذا اخوي ولي حق فيه
الكل هنا ضحك . ههههههههههههههه
ريناد بدفاشه : ترفقي بس ... اللي يسمعك يقول زوجته مو اخته
ريما ضربت اختها في جنبها بكوعها .. ريناد : آآآي لا تضربين اوجعتيني
ابو مشعل : يا بناااااااااات خلاص .. اجل بتروحين يا ريم
ريم هنا تذكرت كلامهم اختفت الابستامه من شفاها وقالت بحقد الدنيا كلها : ايه بسافر لاهلي
ابو مشعل طالعها مستغرب تو وش حلاتها .. : اها توصلين بالسلامه .. بتروحين مع اخوك
ريم وقالت بتحدي : الله يسلمك .. ايه باروح مع اخوي عبدالله << وشافت خالد اللي طلع وخلاها لحالها
مشعل باستهزاء : توصلين بالسلامه انتي وعبدالله >> على فكره الكل طالعه
ريم قالت من غير ما تطالعه من تحت البرقع وهي تميل بشفاتها على جنب : الله يسلمك ... << وحبت راس جدها وجدتها ... واستاذنت منهم وطلعت ....
<<< مشعل
من اول ما طلعت ... وهو فــــــــــــــز .. وعلى طول وراها ....
اما ريم كانت تمشي في الممر اللي يطلع للباب الخارجي .... ومن بعدت عنهم .... الا هذآآآآآآآآآآآ اللي يمسكها ويلفها لجهته عشان تقابله ..... هي شهقت : اهــــــــــــــــــــــــي .. وحطت يدها على قلبها ..
قام طالعها بنظرات استفزازيه وقال : خير ان شاء الله ... وش شايفه قدامك .. (( وهو خاطره يشوف زينها ... من زمان عنه ... قال بخبث )) ولا هالبرقع ما خلاك تشوفين فيه زيــــــــــن ... (( وسحبه بقوه من على وجهها * خطر يسحب وجهها معه * لما فكه ومسكه بيده ... وبآآآآآآآن ووجهها )) ...............
(( مشعل ))
استغل الفرصه ... ووقف يطالع بهالملاك اللي واقف قدامه .. متمثل بهئية بشـــر ...... وما صحاه من غفلته ... الا يدها اللي امتدت تسحب البرقع منه ....
ريم ... قالت : خيــــــــر ... وكاله بلا بوابـ ... مو معناة انك تملكت علي خلاص تفلهااا وكل ما خطر على بالك تجي تسحب برقعي .... (( ورفعت حاجبها بتحدي وقالت )) يمكن ما نتزوج ....
مشعل طلعت عيونه ... وقال وهو يحط سبابته على راسه : كيفي حلالـــــــــــــــــي ... زوجتي وانا حر ... ومن الاساس لا تلبسين البرقع عندي .... ولا شلته بطريقتي ... وهالمره بامشيها لك ... وبعدين لو وش صار بنتزوج غصـــــب .... ولا بالطيب بنتزوج ... ولا تفكرين انك بتاخذين غيري .. مو بحب فيك ... بس السالفة سالفة ـة عناد وتحدي ... وانا ما اتنازل بسهوله عن حقي ...
قالت ريم (( باستهزاء )) :: وهذا اللي مخليك تقوم من المجلس ومن عند اهلك عشانه ... جاي تهدد وتتوعد .. وعلى مين علي أنآآآآآآآآآآآآآآ..... (( وقالت بغرور )) على الريــــــــم ... واذا السالفه سالفة عناد .. ابشر بعناد ماهو بعنادك ... (( ومشت و عطته ظهرها وقالت )) ... انا وراي طياره .. ماني بفاضية لتفاهاتك ... عن اذنك
...... طالعها مشعـــــــــــــــل وانقهر .. وكان بيلحقها بس من تذكر.... .................................................. .................................................. .................................................. .......................... (( مفاجأأأأأأأأأأأأأة منتظرـة )) .................................................. .................................................. .........................................
(( ريم ))
طالعت وراها مره .. مرتين ... ثلاث ... وهي خايفه وتسرع خايفه انه يلحقها ...... بس وصلت للسياره ... استغربت .... غريبــــــــــــــــــــــــه ـه .... ما لحقني ولا(( وقالت باستهزاء )) قالي كلمه حلوه كذا يودعني فيها ... الله يستر منك يا مشعل ... الله يستر .... وبس شافت وجه اخوها ... تهللت اساريرها وتذكرت اهلها اللي ما يعرفون انها بالطريق جاية لهم وهذا كفاها ونساها مشعل .... وطوايف طوايفه
@@@@@@@@@@@@@@@@@@@@@@@@@@@@@@@@
سكر باب الجناح وهو راضي عن اللي سواه وعن كل شي فيه ..... تنهد براحه ... في الوقت المناسب خلصته ... الحمدلله لو اني متاخر يوم بس كان خلصته بكره ... في يوم زواجي ..... فتح باب غرفة ـة ولد اخته طالعه نايم ... ابتسم هاليومين مخليه ينام لحاله عشان يتعود يخلي خاله يوم مع زوجته ..... (( عريس جديد )) ...... دخل وحبه على راسه ... الله يقدرني واربيك احسن تربيه .... وطلع ... نزل عند جده .. انشغل عنه فتره وان شاء الله بيعوضها .... لقاه نايم ... دخل وركد السعه على صلاة الفجر عشان يقومه ... ويقوم معه ... طالع الساعه يوووووه باقي كثير على الصلاة خلني انوم بس واريح بكره ماراح اقدر انوم ولا ساعه وحده .... وقف وراح دخل غرفته القديمه ...... وانسدح فيها وغاص في بحر افكاره ..... اللي كانت بطلتها (( سحر )) اللي ما شافها ولا يدري عنها باي شي .... حتى شكلها ما قد شافه ... اطباعها ما يعرفها .... الله يستر بس ... منها ومن فعايلها ....
@@@@@@@@@@@@@@@@@@@@@@@@@@@@@@@@@
دخلت الغرفة بعد ما طلعنت اخر شنطه برا ... طالعت اختها اللي منسدحه وتحاول تبين انها نايمه ... بس ما عرفت ...
جلست على سريرها وقالت : سحر وش تحسين به الحين وانتي بكره زواجكـ
سحر ساكته.... وما قالت أي شي حتى عينها ما فتحتها ........
ريوف وهي تحط المخده في حضنها تقول : سحوره انا عارفه انك قايمه ومافيه ولا بنت تنوم في هالليله اللي تسبق ليلة زواجها ... سولفي معي احسن ما تندمين لما تفارقيني
سحر رفعت البطانيه عنها وقالت : المفروض انا اللي اسالك مو انتي اللي تساليني
ريوف : عاد ربي كاتب وش نسوي ... خيره يا قلبي خيره
سحر : ماادري ما خفت ولا شي يمكن .. عشاني ...ما شفته ولا اعرف عنه أي شي والمشكله اني مااحس باي شي .. حتى اني بافارقكم .. هذا شي مااصدقه ... اصلا احس ان هذا كله لعبه وفي أي وقت بتنكسر .. ووقتها انا باصحى ... هذا اللي اقدر احسه الحين
ريوف طالعته وقالت : لو كان هذا اللي تحسين فيه كان نمتي وانتي مرتاحه ... بس انا عارفتك يا حسر خبز ايدي ...
سحر كانت منسددحه .. من سمعت كلام ريوف تعدلت وسحبت رجولها وحطت ذقنها على ركبها .... وقالت بتفكير ... : تصدقين يا ريوف .. احس ان حياتي مالها معنى معه .. حتى هو ليه ماخذني .. ماادري ... كل اللي اعرفه اني ماخذه واحد اسمه سعود يقرب لي من بعيد ومن الرضاعه بعد
ريوف قالت تبي توصلها معلومه : اسمعيني انتي خذتي على الاقل قرايب لو من بعيد .... بس مشكله اللي ياخذ ناس يجهلم .. ولا يعرف حتى عاداتهم ولا يعرف بيتاقلم معهم ... هذا اذا تاقلموا معه ... افهميني يا سحر .. شي احسن من شي .. على الاقل انتي ما شافك بس ماخذك برضاه لا تنسين هالشي وانه راضي عن قراره وهذا دليل انه شاريك وهو حتى ما شافك ولا هو ولد عمك عشان نقول غصب عليه بيفكر فيك لا انتي قلتيها بنفسك من بعيد وبالرضاع بعد ... كيف اللي ماخذه واحد ما تدري ليه هو خذاها وبالذات انه من طبقة غير اللي هي عايشه فيها
سحر من سمعت مشكلة اختها هانت عليها مشكلتها ...: ريوووف ... لو كان بيدك تختارين اللي تتزوجينه من بتختارين ..
ريوف قالت بمرح تغير جووهم بالذات ان السؤال جاز لها : تبين الصراحه ... كنت باختار عبووود اخو ريم
سحر هنا ابتسمت .. قالت : اول كنتي تقولين عنده ... انت مجرد اخوو .. ولا كان صارت علوم واخذتيه وصار بينكم قصة حب
ريوف ابتسمت بالم وقالت : انا كنت احاول اقتنع انه مجرد اخو ... عشان الظروف احيانا تحكم الواحد .. وانتي شفتي بعينك انا من اخذت الحين .... ولوو ما حصل مع عبدالله نصيب ... اخذ سعد اخو سوسن
سحر : ههههههههه لا تكذبين عاد هذا انتي ما تطيقينه
ريوف : على الاقل يحبني ومستعد يسوي أي شي عشاني ... وفي هالزمن يقولون .. خذي اللي يحبك مو اللي تحبه
سحر : هذا المفروض ... بس انا وانتي .. لا انا اخذنا اللي نحبه ولا اخذنا اللي يحبنا .. يعني
ريوف قاطعتها : بس انا وانتي يالخبله .. ما حبينا الا اذا كنتي حابه انتي ... انا مرتاحه عشاني ما افكر احب لا الحب معانيه كثيره من ضمنها انك تضحين للي تحبينه وان من النوع اللي ما يضحي لمخلوق ... وبعد فيه انك تسمعين كلامه وترضخين له وانا عن نفسي مااحب احد يمشي كلمته علي ..
سحر ابتسمت وقالت بمزح : حتى ولو كان ترررركي
ريوف طالعتها .. بغت تطلع عيونها : تركي ... ههههههه الا هذا .. مستحيــــــــــــــــل احبه .. الا عساني اهضمه اهو وسخافته ... بعد الشيخه تبيني احبه ـه ... روحي زين لاتجيك هالشبشب اللي تحت السرير
سحر غمزت لها بمرح : ههههههههههههههههههههه .. الايام تثبت لناااا
(( ريوف كملت ليلتها الاخيره مع اختها .. وهم سوالفها كانت حلوه ... سوالف كبار على مزح صعار ))
@@@@@@@@@@@@@@@@@@@@@@@@@@@@@@@@@@@
.... المطــــــــــــــــــــــــار
...
(( ريم ))
دخلت المطار .. طبعآ اول مره في حياتي ادخله .... طالعت اللي حولي ... ناس جايه .. ناس رايحه .. ناس تستقبل اهلها وجهها يتهلل من الفرحه ... وناس كل وجههم دموع مودعين اهلهم وناسهم ... راح خالد وعدل اوراقي وانا مثل ** الاظرش في الزفه ـه ** ماادبر شي في هاللي يقوله .. بختصار ... جتني حاله من شفت هالجموع الغافره .... عبدالله مسك يدي وابتسم في وجهي يحسسني انه معي وعيونه تقولي لا تخافين انا معك ... ارتحت شوي وخف عني همي .... كنت خايفه ... خايفه بس مو كثير << البنت تكابر ......... جاء خالد لناااا وابتسم ...
خالد : يالله خلصت لكم كل شي ... تامرون على شي ثاني بعد
ريم بلعت ريقها وقالت : خالد يصير نروح بسياره
خالد استغرب وقال : بس انتم حاجزين تذاكر .. وحرام تروح عليكم .. وبعدين ليه السياره والطياره موجوده
ريم طالعت عبدالله تبيه يقول شي بس عدالله اكتفى بالصمت لان كلام خالد صحيح قالت بتوتر : خالد
طالعها وقال : روح خااالد
ريم : جعلني ما خلا من هالصوت ولا اعدمه .. بس بغيت اسالك
خالد : لبيه
ريم استحت شوي منه مو من عوايده يسمعها عالطالع والنازل .. قالت : لبيت في منى ... متى بنروح
خالد اشر لها على كرسي وقال : خلك هنا .. كلها دقايق وتعلن الظياره على رحلتكم وتروحون ... توصلون بالسلامه ان شاء الله
ريم ابتسمت له من تحت الغطا وقالت بحب : الله يسلمك ... باشتاق لك والله
خالد مسك يدها وراح معها للكراسي: والله انا اكثـــــــر .. بافقدك في البيت .. من يجلس معي ويسولف معي
ريم : ههههههه الله يهداك فيه خالتي الهنوف بس هالايام صايره تروح عند بنت خالتها كثير وتنام عندها بعد
خالد : شفتي ... يعني وحيد
ريم : معك جدي وجدتي ... وخلاص لا تخليني اهون عن الروحه وارحمك واجلس معك
هنا تدخل عبدالله : يلا سلااااااااااااااام وانا اروح فيها
ريم استغربت : ليه
عبدالله : من يروح معي ...؟؟؟
ريم كانت بتتكلم بس قطع عليهم .. صوت ينبهم .. عن رحلتهم .. عشان يتوجهون للطياره للاقلاع
خالد طالعهم ووقف : يالله هذي طيارتكم ...
عبدالله وقف : توكلنا على الله يالله ريم ..
ريم طالعتهم ... خافت ايه خافت ... قالت : ما يصير نجلس شوي
خالد ابتسم لها : ليه ناويه تتربعين في الرياض ولا تزورين اهلك ....
ريم وقفت بخوف : لا باروح لهم ... يالله وين اروح
مشى معهم خالد ... لما وصلهم ... وودعهم ....
خالد : يالله مع السلامه توصلون بالسلامه ان شاء الله .. ولا تنسون تطمنوني ...
عبدالله : ان شاء الله (( وسلم عليه و مسك عبدالله يد الريم .. ومشى معها
عبدالله للريم ..:: خايفه
ريم طالعته : شوي ... مو خوف توتر
عبدالله : عاد وينا بنروح اللي يسمعك يقول بنروح برا المملكه تراها الشرقيه ...
ريم قالت : ايه ايه ... بس يمكن عشانها اول مره اركب فيها الطياره
عبدالله : يكفي اني معك ولا ما مليت عينك ..
ريم ابتسمت له : انت ياليتك مليت عيني وبــــــــس ... كان يهون .. بس مليت العين والروح والحشى بعد
عبدالله ضحك : لا خلا ولا عدم يا رب منك ولا من هالرمسه ...
ضحكت ريم ... ههههههههههههههههههههه
وبعدها ركبواا الطيااااره
بعد ما جلست جنبه .. من اعلنوا ان الركاب يربطون الحزام ربطه لها عبدالله ومن اقلعت الطياره .. وهي سوت لعبدالله فلم هندي .. تمسكت فيـــــــــــه ولا رضت انها تفكه ايدآآآآآآآآآآ...... الا بعد وش ... (( اهم شي فكته )) ... لما استقرت الظياره فوق ... هدت شوي .. وطالعت نظرات الناس اللي حولها .. بس اللي قدرت عليه .. انه تطلع الكتاب اللي كانت جايبته معها .. وتقرا فيه ـه لين تعدي على خير .... وتلهي نفسها فيه ....
@@@@@@@@@@@@@@@@@@@@@@@@@@@@@@
يتبــــــــــــــــع <<
سوري ع التاخير بس كل ما احط بارت بنسمح وانقهر واطلع:eh_s(14)::eh_s(1):
