جمعت لكم مواضيع وخلطات مزيونه وشقره

[s7r 3yonk]

57-جلسه نظاره بالكولاجين وتفخ الخدود قبل الميك اب من❤مزيونه وشقره❤واتحدى فيها الصالونات

بسم الله الرحمن الرحيم



السلام عليكم ورحمة الله وبركاته


♥ ♥ شلونكم حبايب قلبي ♥ ♥

عالعاده وعساكم دايم الدوم بسعاده


ما اجرب شي ويفيدني الا افيدكم فيه ياخواتي



مني لكم جلسه النظاره بالكولاجين للنظاره وتفخ الخدود


واتحدى فيها الصابلونات


اللي يسونها قبل الميك اب وياخذون عليها 20 و30


شوفوا الخطوات وحياكم




أول شي

تنظيف البشره

غسلي بشرتج عدل بماي دافي وصابون وانا استخدم صابونة البابايا 4 ان 1 فروتي وهذي صورتها ومعاها الصابون غسول سيت ايفيز بالمشمش ( اذا ماعندج الصابون يكفي بس همن حلو هالغسول للبشره )


وبعدين قناع تنظيف للبشره ماسك سريع واهوا من ماركه سيت ايفيرز او همن موجود عند ماركه كلين اند كلير

وبعدين أسوي سنفرة بشكل عنيف اشوي يعني تفركين حيل بحركات قويه ودائريه تحركين مصارين ويهج كله هههههه لاصج يعني تدليك قوي بالسنفره وركزي على الخدود والخشم والجبه والحنج والرقبه بس العيون وجفونج لا اوكيه وبعدين غسلي بماي دافي وهذي افضل السنفرات لهالخطوه

سنفرة المشمش سيت ايفز

سنفرة كلين اند كلير الدافيه تهبل لهالشغله

و وردي غسلي بشرتج بماي دافي مايل للحار اشوي ودلكيها عدل بحركات دائريه قوية

ونشفي بشرتج بكلنكس وعلى طول استخدمي

اخذي رعصه من سيريوم كولاجين من ريكسول وايد حلو وهذي صورته

ووزعيها على خدودج على طول وشفايفج بتدليك قوي وحار اشوي


وبعدين هالانبولات العجيبه على طوو ووو ل

انبولات ايفا بالكولاجين

كسري انبوله كامله ( تاكدي مافي قطع صغيره من الزجاج تجرحج )

ووزعيها على بشرتج النظيفه الدافيه اهم شي تكون بشرتج دافيه وصايره حمره على خفيف من التدليك تحت الماي الحار والتنظيف

ابتدي بالتوزيع على نقط تحت العين والحاجب وبعدين الخدود والعنج والجبه نص الانبوله وزعيها ودلكي ويهج حيل حيل حيل بكل ما اتوتيتي من قوه بطرف اصابعج مره ومره في مفاصل جنج مسويه ايدج بوكس ههههه لاتضحكون صج حركه الايدي وبقوه على الخدود بحركات دائريه راح تنتفخ خدودج من التدلك القوي والانبوله ولا تخلين ويهج ينشف مع التدليك ردي كملي نص الانبوله الباجي على خدودج مع تدليك حامي اشوي وابتسمي حيل شقي الحلج ودلكي شفايفج خلي شفايفج تستفيد

اوكي


راح تحمر بشرتج اشوي وتحسين بحراره واهم شي تحسين بحراره بخدودج وخلي الانبوله تنشف عدل راح تحسين بنظاره وحيويه بإذن الله بس متى عقب ماترتاح البشره وتنشف الانبوله عدل

و اذا تبين عقب حطي مرطب بس ما انصح الانبوله كافي اذا بس بتحطين مكياجج نطري البشره تنشف وترتاح اشوي بس

وممكن يتم اشوي لمعه ومثل الزيت الخفيف على بشرتج عقب عشر دقايق اخذي كلنكس واحد مربع مرتب ووحطيه على مكان اللمعه ونشفي بطبطبه خفيفه


وبس



وشوفي باذن الله راح تشوفين نظاره وامتلاء للخدود

واذا عجبكم الموضوع ولقيت تفاعل باذن الله راح احلكم عنايه كامله للنظاره وامتلاء الوجه وتعبئة الخطوط والتجاعيد :ggdw:



و اي استفسار حاااضر من عيوني


ودعواتكم لي ولزوجي وعيالي




:stars:
:stars: :stars:

مع تحياتي ياحياتي

مزيونه وشقره ​

 

[s7r 3yonk]

58-الحمدلله ((توقف التساقط وشعري رجعت له الحياة)) تعالوا بقولكم شستفدت من هالقسم الرائع

انا اول شي بشكر

ام السنع:eh_s(17):

و

مذهله:eh_s(21):

و

بشكر نفسي:eh_s(6):


بصراحه حسيت بفرق كبير بعد ما استخدمت كذا طريقه لشعري

1- زيت الذره والفلفل من السنعه ام اسنع

2- وتونك سورسير امدحته الاخت مذهله الغاليه

3- وانا جربت شامبو الحصان والبلسم


بصراحه شي غريب توقف التساقط:eh_s(9): ورجعت الحيويه والحياة فيه:eh_s(17):

من الاستخدامات الاولى لهم استخدمت التونك من اسبوعين والزيت استخدمته مرتين والشامبو والبلسم ثلاث مرات وشفت نتيجه تفرح القلب توقف التساقط وشعري صار نظيف ومنتعش والشعر مو ملزق مثل قبل ومعفس لااا احس صار متماسك وقوي بشكل ملحووووووظ:eh_s(15):


اي بقولكم الطريقه
الزيت احطه اكثر من ساعتين ( انا استخدمته مرتين وبستمر بحطه مرتين بالاسبوع)

التونك احطه تقريبا كل يوم بليل

والشامبو والبلسم استخدمهم اذا تسبحت

يالله بنات انتظر رايكم وتجاربكم واي سؤال انا حاضر من عيوني


مع تحياتي يا حياتي:eh_s(17): :eh_s(17):
مزيونه وشقره

 

[s7r 3yonk]

آآآآآآآه تعب وآآآآيــــــــــــــــــــد بآأخــــذ رآآحـــــه وبرد لكم

 

[s7r 3yonk]

59-الحل الاكيد ان شاء الله لحب الشباب والحبوب المفاجأة>> حياكم مع مزيونه وشقره >>وبالصور

بسم الله الرحمن الرحيم


اشلونكم حبايب قلبي



اليوم يبتلكم الحل ان شاء الله لحب الشباب والحبوب المفاجاه اللي تطلع على البشره


اول شي ببتدي في حب الشباب :eh_s(15):

1- منقوع المره:

اخذي قرشه زجاجيه وحطي فيها ماي نظيف ويفضل مغلي :eh_s(15):

وبعدين اخذيلج مره وحطيها في الماي وخليها تنقع عالاقل يوم وحطي شويه حبة البركه اذا عندج

طريقة الاستخدام : اخذي بالقطنه من هالمحلول ومسحي فيه ويهج وركزي عالحبوب

وهالطريقه عجيبه وسحريه ورووووعه تلاقين نتيجه سريعه ان شاء الله

2- صابون طبي وللبشره الدهنيه
لان بعض الصابون اللي فيه عطور يزيد الحبوب ويهيجها ويخليج تحسين بحكه وتحمر الحبه نفسها
وانا بعد تجربتي مع صابونة البابايا اشوفها بعد مناسبه وحلوه والكل يمدحها
واقصد اللي تكون شفافه وفيها قطع وعلبتها مثل اللي بالصوره:eh_s(9):

3- مسحات طبيه ومحلول طبي اسمه

Dalacin T
Topical solution

والمحلول وصفه من دكتور تحطين منه عالحبه مرتين باليوم


4- بخاخ ماي ورد

ماي الورد يهببببل يخفف الحبوب ويشيل اثارها بعد

خلي عندج بخاخ فيه ماي ورد وعقب ما تغسلين ويهج رشي عليه جم رشه وخليها عاده عندج واستخدميه على طول ترا نتايجه حلوووه

وانا استخدم نفس اللي بالصوره موجود بالجمعيات

4- كريم مرطب خفيف وبدون عطور

وهذا يعتمد على كل وحده شنو النوع اللي ترتاح عليه
وانا اقول يولاي بالتوت البري خفيف وحلو


وعندي نصايح مهمه

1- قللي من الكاكو والدهون
2 - وغيري دايم غطا المخده
3-ونظفي فرش المكياج عدل
4- لا تفقصين الحبه وتلعبين فيها خليها ولا تلمسينها وايد

واللي تطلع لها حبوب بالبشره فجاه انصحها تسوي كل اللي قلته من قبل وتزيد عليهم ماء مقري عليه قران هذا له مفعول حلو وواضح لان ساعات الحبوب المفاجاه تكون سبتها عين او فزة نفس والعين حق يا بنات

وبعد انصحج في كريم رتن ايه حطي منه نقطه صغيره عالحبه كل يوم بليل لمده 3 ايام بس وبتلاقين نتيجه ان شاء الله


اتمنى اني قدمت لكم كل تجربتي بشكل مفيد وهالنصايح قدمتهم لخواتي واهلي وفادتهم الحمدلله

واي سؤال انا احاضر من عيونـــــــــــ@@ــي:eh_s(22):

يالله بنات انطر رايكم وتجاربكم​

مع تحياتي يا حياتي:eh_s(17):
مزيونه وشقره

 

[s7r 3yonk]

60-(( عـــــــــلاج الـــــــرؤوس الســــــــــــوده )) عن تجربه روووعه


السلام عليكم ورحة الله وبركاته

عندي لكم
علاج الرؤوس السوده وهالطريقه انا جربتها بعد ما جمعت لي جم نصيحه من دكتور جلديه ومن خبيرة تجميل:eh_s(15):

1- سنفره خفيف للمنطقه ( نصيحة خبيره تجميل ) وانا اسويها كل يومين ثلاث:eh_s(7):

2- تحطين طبقة صابون واذا نشفت غسليها والصابون طبي بدون عطور ( نصيحة دكتور جلديه ) يوميا تقريباً

3- لزقات الرؤوس السوده بالجمعيه = وهذي اسويها بالاسبوع مره:eh_s(21):

وسلامتكم وادعولي يا بنات

مع تحياتي يا حياتي:eh_s:

مزيونه وشقره

 

[s7r 3yonk]

61-بخـــاخاتي ياحياتي(2)خصوصي للمنطقه الحساسه(1)للشعر(2)الجسم<=لاتطوفكم ابداعاتي ياخواتي

بسم الله الرحمن الرحيم






شخباركم شلونكم شعلومكم


بنات



بقولكم عن بخاخاتي يا حياتي


سويتلي


2 للمنطقه الحساسه

وواحد للشعر

و2 للجسم


اول شي



للمنطقه الحساسه

سويت وااحد للتعطير والثاني للعنايه للمتزوجاااات فقط بسسس بسسس بسسسس بسسس اوكي :eh_s(22):

اوكي :eh_s(15):

الاول

يبت بخاخ من ابو 100 فلس ونظفته عدل مدل وغسلته وعقمته


وبعدين اخذت كوب حطيت فيه قفشتين صغار مسك مبشور و ربع الكوب ماي حااار وربع ماي ورد ويعني صار فيه النص الحين وحطين جم نقطه من مسك العروس تقريبا 4 نقط وحطيت وحركته اشوي وغطيتهم عدل

ولمن برد يبت كوب ثاني عشان بفرغ فيه الماي والمسك اللي بالكوب الاول ويبت ورق مناديل كير فري ( المنادييل ) عشان اشخل فيهم الماي والمسك فهمتوني وعشان ما يبقى مسك صغير يتعلق في فتحة البخاخ وما يرش عدل بعدين اوكي


واذا حطيت ورقة كير فري على الكوب اصب الكوب الثاني وراح يطلع لي الماي صافي ومعطر وريييحته تهبببل ناااعمه وياااااي

والمشخال ترا ما ينفع راح يطلع منه حبات نااعمه تتعلق بالبخاخ ويخترب

وهالبخاخ ما استخدمه دايما استخدمه لمن اغسل واخلص من الغسول اللي استخدمه ارش على المنطقه الحساسه و - - - - - - - - - - - (_ _ _ _ _ _) ودي اشرح بس المتزوجات فهموا عاااد

عااد ريحة تهبببل ونظااافه


والبخاخ الثاني بس بس للمتزوجااات ينفع ليومين ثلاث بس وهوا بخاخ ماي وملح خشن احط ملعقه متوسطه ملح خشن والباقي ماي حااار واذوبهم في بعض واحطهم في البخاخ وارش على المنطقه كعنايه يوميه لمدة يومين بس بعدين اوقف جم يوم وارد ارش عقب 4 او 5ايام طبعا اسويلي واااحد يديد

هالطريقه تنقي وتنظف المكان وتطهره بس لا تستخدمينها يوميا وهذا ما يغني عن اني اتنقع مره بالشهر في ماي وملح


والغير متزوجات ما انصحهم يسوون هالطريقه

الا المسك بس مو عن طريق البخاخ عن طريق المسح للمكان من برره بقطعة قطن

والملح انسييه ترا مو زين الا بين فتره وفتره تتنقعين فيه للجسم كااامل :eh_s(15): اوكي


-------------------------------


الحين بخاخ الشعر



واهوا تونك الشعر سورسير

كل مااييت استخدمه اتعيييز واقول مو عمليه طريقته عااد طرا على بالي البخاخ قلت ليش ما احطه في بخاخ مال بو 100 وابخ فيه على يلدة الراس اريح واحسن واسهل وطلعت الطريقة شي شي سهله وحلوه عاااد انا بعد ما حطيته في بخاخ غطيته في فوطه وحطيته في مكان ظلمة لان علبته غامجه اكيد في حكمة من هالشي قلت اغطي العلبه احسن <<< ذكيه هااا:eh_s(6):

واهوا يخفف التساقط بشكل حلو وواضح:eh_s(17):





والبخاخين للجسم عااد استانسوا الحين يالعزابيات:eh_s(6): يصلح لكم مو عيب هالمره

1- بخاخ ماي الورد :eh_s(17): للوجه والجسم وهذا ما يخفا عليكم انا ذكرته في موضوع من قبل

اهوا انج تحطين ماي ورد في بخاخ وترشين على ويهج بعد ما تغسلين بشرتج اكثر من مره باليوم نعومه عجيبه وصفاء للبشره ويوخر الحبوب ونضااره وحيويه

والبخاخ الثاني

اهوا بخاخ جاهز من فكتوريا سيكرت بخاخ لتعطير الجسم اختاري نوع العرموط الاخضر احلا شي وعلى ذوووقي وحطي معاه مسك العروس حطي اللي تقدرين عليه وخضي العلبه عدل وشوفي الريييحه بتدعيلي:eh_s(9):



ها اشرايكم



مو سنعه وحبوبه:eh_s(6):



انطر رايكم وتجاربكم وردودكم


وما ابي غير دعواتكم والفايده لكم حبايب قلبي







مع





مع





مع
:eh_s(17):




مع تحياتي يا حياتي



مزيونه وشقره​

 

[s7r 3yonk]

62-صابوني ياحياتي**~~للتبــييض والنعومه والنظااافه احبهم اموت فيهم~~**بالصور من كامرتي**

بسم الله الرحمن الرحيم






السلام عليكم ورحمة الله وبركاته




شلونكم

كويتيات

وخليجيات

وعربيات


عساكم بخير


وبصحه بعااافيه


مبارك عليكم الشهر


وكالعاده من اجرب شي ويعجبني ويبيضني ويصفي لوني الا طيرااااااااان اييبه لكم ولعيووووووووووووونكم


اليوم يبتلكم صابونااااتي ياحيااااااااااااتي

للتبييض

والنعووووومه


والنظااااااااافه





واول صابونه

هالصابونه والله عجيبه وهالعجيبه تلاقونها في الجمعيات انا اخذها من المنصوريه

تهبل تنظف تنعش تبيض تشيل الحبوب وتطهر الجلد حدهاااا حدهاااا منعشه

صناعتها تايلنديه



وهذا شكلها من داخل



على فكره انا كاتبه عنها موضوع وموطالعه لكم الصوره


والصابونتين اللي بهالصوره غنيتين عن التعريف



البابايا بالقطع البرتقاليه

والصابونيه السحريه المدوره

ونتايجهم تبييض والبابايا يبيلها ترطيب عقبها لانها تقشر البشره على خفيف وتنعم

وهذي شكل البابايا من ورا عشان تعرفون شكلها عدل لان داخلها قطع واهيا الافضل




وهذي خلطتي الصابونيه للتبييض للجسم بياااااض وبياااااض ونعووووومه ونظااااااافه ونظاااافه:eh_s(17):



​

 

[s7r 3yonk]

63-واااااو فضــــــــيع يــــروي البشره وينعمها يصلح لكل انواع البشره صج صج ارتاحت بشرتي

بسم الله الرحمن الرحيم

سيداتي انساتي سادتي تعلن الخطوط الكويتيه رحله رقم ما ادري جم عن اقلاع طائرتها الى موضوع مزيونه وشقره فعلى الساده المسافرين التوجه الى الطائره حالا بالا

الموضوع///واااااو فضـــــــيع يــــروي البشره وينعمها يصلح لكل انواع البشره صج صج ارتاحت بشرتي


شلونكم حبايب قلبي شخباركم ان شاءالله طيبين

ماشاءالله لااله الا الله



كالعااااده وعساااااااااااكم دوم بسعاااااااااده

مااا اجرب شي ويفيدني وما اشوف منه سلبيات ونتااايجه حلوه معاااي الا احطه لكم في موضوع للفااايده ولاني احبكم


في هالموضوع

عندي لكم شغله حلوه وبتفيدكم

واهوا مرطب للبشره صج صج حلووووووووووو انا جربته فتره وشفت نتايجه الطيبه

ترطيب


ترطيب


ترطيب


ونعوووووووومه


هذا مرطب يهبل وفضيع واصفه لي دكتور جلديه صج صج ترطيبه حلو وبدون تحسس او جفاف او دهون زايده

يصلح للبشره الحساسه والعاديه والجافه والدهنيه هذا كلام الدكتور وهذي تجربتي وهم يصلح للي بشرتها متهيجه وتتحسس من أي كريمات

انا صرت استخدمه على طوووووووول بشترتي ماتشبع من ترطيبه الحلو احسه يروي البشره ويعطيها نظااره ونعوووومه ماشاءالله

اسم المرطبrejuvi

شوفوا صورته

خذيته من الصيدليه وسعره 15دك بس صج عجيب ويستاهل اكثر



ومعاه مرطب حول العين لليل بس قبل النوم دهان خفيف حول العين صارلي يومين استخدمه توني شاريته لانه عجبني المرطب فاكيد مرطب حول العين بيكون حلوو خفيف هذي صورته

بنات انطر رايكم وتجاربكم وردودكم الحلوه

ودعواتكم لي ولعيالي ياحبايب قلبي:eh_s(21):


و


مع


تح


مع


تح


مع

تح





مع تحياتي ياحياتي

مزيونه وشقره ​

 

[s7r 3yonk]

64-بخاطرج تصيرين شمـــعة فــــواااحه كل ما عرقتي زانت وحلت ريــــحتج (تعالوا نغلب الصيف)

بسم الله الرحمن الرحيم

السلام عليكم ورحمة الله وبركاته


شلونكم خواتي ياحياتي:eh_s(22):

ودج


او تبين تصيرين شمعه فواااحه



تبين تصيرين شمعة فوااحه

هااا اشقلتي
تبين

وكل ما عرقتي زانت ريحتج:eh_s(22):



(تعالوا نغلب الصيف ما نبيه يغلبنا:eh_s(9): )


بناء على طلب إحدى العضوات العزيزات لطريقه فررش للصيف وتقليل التعريق ورائحة العرق الكريهة
تفضلوا
طريقتي في صيف فرررش وريحة روووعه بالحر المووت
وطريقتي بتخليج شمعة فوااحه كل ما عرقتي زانت ريحتج

حبايب قلبي انا عندي طريقه تخلي ريحتج ليل نهار مساء صباح روووعه ومسك وفرررش ونظااافه وخصوصا إذا كان جسمج من النوع اللي يعرق وايد

والله حتى لو يتعرق الجسم لااتضحكون شمي ريحتج ودخلي خشمج داخل فانيلتج او عبايتج او بلوزتج شمي ريييحة مسك ونظاافه شوفوا انا من قبل قلتلكم عن هالموضوع اللي بالرابط والطريقة روووعه روووعه روووعه
http://q8yat.net/showthread.php?t=39330

بس بقولكم خطوات يديه للصيف والاستحمام وازيد جم شغله تغلب التعرق والرائحه

قبل الحمام حطي على منطقة الإبط زيت اللوز أو جلسرين او الاثنين مع بعض

وخليه نص أو ربع ساعة وبعدين وقت الحمام غسلي جسمج في صابون أي نوع صابون وياليت مبيض مثل البابايا أو الكركم (وانا استخدم خلطتي الصابونية) والصابون ركزي فيه على المكان اللي تعرقين منه وايد مثل الإبط عشان نشيل أي اثر للزيت اللي حطيناه من قبل اوكي وفركي في ليفه بعدها مع صابون الغار وبعدها سوي سنفره وركزي على المكان عدل عشان مايبقا جلد ميت وديودرنت متجمع أو أي شي لأنه هذا سبب للريحه الكريهة اللي تطلع مع التعريق والحين بعد ماخلصنا من السنفره اخذي صابونه ديتول الأصلي ومرريها على المنطقة لحد ماتتكون رغوه وخليها دقيقه وغسليها

والحين ننشف الإبط عدل مدل وتحت الصدر والظهر وكل مكان مانبي ولا نقطة ماي بالجسم لمن نلبس الهدوم وقبل لا نلبس الهدوم حطي منطقة الإبط ديورنت هذا اللي بالصورة واستخدم اللي على اليسار اللي ورا البنفسجي أفضل نوع عندي

وبعدين رشي بخاخ ديودرنت أي نوع من هالانواع ( ركسول – فام )

وبعدين اخذي بودرة الأطفال وبالبداره حطي على صدرج وتحت الابط ورقبتج وظهرج وبين الفخوذ والظهر من تحت ورقبتج

وبعدين من بعيد رشي أي بدي سبريه ( انا استخدم فكتوريا سيكرت بالعرموط واحط معاه مسك العروس)

والحين اخذي مسك العروس وحطي منه على اماكن النبض ورا الإذن واليدين و ورا الركبة وبين الصدر اشوي واخذي حجر المسك وابشريه وحطي تحت الإبط وعلى الصدر ولبسي هدومج كاملة ولمن تلبسين حمالة الصدر <<< = شوفوا الأسلوب- اخذي كلنكس ورشي عليه العطر اللي تحبينه وحطيه في حمالة الصدر بين الصدر وإذا لبستي هدومج رشي عطرج الحبيب على هدومج تحت الابط وإذا انتي من نوع اللي جسمج يعرق ويصب ماي لبسي بدي ضيج اشوي لونه ابيض نص كم تحت ملابسج
و ورووووحي الدوام أو استقبال أو عرس أو زواره وردي البيت وشمي ريحتج بتصيرين مثل الشمعة الفواحة كل ما تعرقين وتحترين تزيد ريحتج حلاااة
جربوها بتدعولي خصوصاً للصيف والحروووره والرطوووبه

ملاحظه : اذا يضايقج العرق وتحسين انج دايم تعبانه منه اخذي معاج على طول مناديل لتنظيف البشره وانتي في اي مكان بره البيت دخلي اي حمام ومسحي جسمج من داخل بهالمناديل راح تحسين بانتعاش ونظافه انا اسوي هالطريقه اذا كنت مسافره او شي جذيه يعني مو حاصلي حمام اتسبح او اخذ شور واحلا نوع منعش كلين اند كلير روووعه منعش وبااارد بعد




انتظر رايكم وتجاربكم بعد





ما ابي غير الفايده لكم يا خواتي ودعائكم لي ولعيالي:eh_s(17): :eh_s(17): :eh_s(17):







مع تحياتي يا حياتي

مزيونه وشقره

 

[s7r 3yonk]

65-عنايه للشعر تمنع التساقط وتطول الشعر وتكثفه على نظافه وبدون خلطات يوميه وريحة وحوسه

بسم الله الرحمن الرحيم


شلونكم حبايب قلبي


حبيت افديكم بعنايه حلوه للشعر

بدون حوووسه وخلطات يوميه وريحة ثوم والا ريحة حلبه وغيره


هالبرنامج راح يخفف التساقط ويطول الشعر ويكثره باذن الله مع الاستمرار

بسم الله ومااااشاءالله :eh_s(17):

نبتدي

في شي يوميا وشي يوم وترك وشي اسبوعيا




انا افضل السبوح يوميا وعقب السبوح استخدمي تونك سورسير يوميا عقب الشور على فروة راس نظيفه مع التدليك الخفيف واهوا يخفف التساقط ويطول الشعر وينبت شعر يديد

هذا اول شي ( تونك سورسير )

يوم وترك انبولات فيجي تستخدمينهم عقب الشور تحطينهم وتدلكين فروة راسج عدل واماكن الشعر الخفيفه ولمن تدلكينه عدل تنطرين شوي وبعدين تحطين تونك سورسير لان قلنا تونك سورسير استخدام يومي

ثاني شي قلنا ( انبولات فيجي )

واسبوعيا حنه وسدر بهالخلطه

( 6 قفاش حنه يمنيه نوع جيد + 3 قفاش سدر + قفشه صغيره ملح ناعم + قفشه صغييره شاي ورق+ قفشه صغيره نسكافيه العادي ) تخلطينهم في ماي حااار وتخليهم على الاقل 6 ساعات بعدين تدفين الحنه اشوي بماي حار او تسخنينها اشوي وتحطينها على راسج دااافيه اشوي مو حاااره ههههههههه لا دااافيه حلوه بس الملح والقهوه والجاي ذوبيهم اول بماي بروحه بماي حار بعدين خلطيهم معاهم احسن وخلي هالخلطه عليج فوق ال4 ساعات ولفي راسج عدل بشيله قطن ودفي راسج عدل مدل عشان ماتصير عليج بارده الحنه ترا مو زينه اذا بارده تصدع الراس خليها دافيه ولفي راسج بربطتين ثلاث وغطي بشال او شي متين عشان يستفيد الشعر عدل وهالخلطه ريحتها حلوه حتى تنظف فروة الراس وتخلي ريحتها فررش ونظيفه


وللعلم انا شعري دهني ما احب احط دهون وزيوت


اللي شعرها جاف ممكن تستفيد وتسوي حمام زيت مره كل 10 ايام بصالون معروف او تحط زيت زيتون اصلي او زيت النارجيل جوز الهند البنفسجي

وانا افضل هالانواع من الشامبو ( شامبو الاطفال جونسون - شامبو سلفكرين بالبيض او بالزيوتن- شامبو فيجي لتساقط الشعر - شامبو سورسير)

ونصيحه اخيره كثري شرب مااااااي وعصير برتقال هالشيين حلوين للشعر ولمعته وصحته

ماااشاءالله

اتمنى تستفيدون مثل ما انا استفدت


وما ابي غير دعواتكم الطيبه والفايده لكم


ومع تحياتي ياحياتي

مزيونه وشقره

 

[s7r 3yonk]

66-للنفاس عناية بالجسم تبييض ونعومة ونظافه بتردين عروس و تطلعين كيكه لزوجج بإذن الله


بسم الله الرحمن الرحيم
شلونكم حبايب قلبي
عناية لنظافة وتبييض و نعومة الجسم للنفاس

com]

[/url]

اول سبوعين تتسبحين بماي دااافي و صابون الغار الطبيعي والليفة الخشنه الطبيعية الكبيره اللي عند الحواي وتدهنين بفازلين العادي الجل (هالخطوات سهله ومريحة وتلين جلدج وبشرتج للخطوات اليايه و ما تأذي الخياط)
و عادي لو كل يومين تتسبحين او كل يوم وترك و لاتتعرضين للشمس وانتي فيج فازلين ديري بالج ترا يسمر اكثر
ويوم وترك مسحي رقبتج وتحت صدرج وورا اذونح والابط بالاسكينول
وعقب الاسبوعين راح يكون طايح الخياط ان شاءالله وريحتي اشوي
بلشي تدهنين بليل بزيت اللوز المر والجلسرين وركزي على الاماكن الغامجه واللي تغيرت مثل البطن والابط و الرقبه والارداف و غيرهم دهني كل مكان حتى بين اصابع ريولج والسر و الاذون ولبسي ملابس ثقيله قطن بالوان فاتحه
والصبح تتسبحين باستخدام مجموعتي نواعم حسب طريقتها السهله والعمليه اللي موجوده معاها (او الخلطه الصابونيه+سنفره او اي صابون مناسبج غير معطر مع سنفره)
و عقب السبوح تدهنين باللوشنات او بكريم دلال اذا تبين عنايه اكثر وترطيب وتبييض اكثر اخذي بعد كريم دلال دهني جسمج كله وركزي عالاماكن اللي اسمرت مثل البطن والركب والرقبه والابط والارداف والرقبه
و بليل تردين تدهنين بالزيوت جسمج كله و تتسبحين الصبح
و اذا تبين تدهنين وتتسبحين يوم وترك عادي
و من ينقطع الدم سوي حمام مغربي على طريقتي اللي ذاكرتها من قبل
واستمري عقب النفاس بالعنايه سبوح يومي بالصابونيه وترطيب يومي بمرطب يبيض و ينعم و سنفره مرتين بالاسبوع. وحمام مغربي كل 10ايام
لاتقطعين عنايتج و اهتمي وراح تردين عروس باذن الله
ما ابي غير الفايده لكم ودعواتكم الطيبه
أحبكم

 

[s7r 3yonk]

67-أموووت على النظافه وعندي لكم 3 معاجين أسنان تبيض وتنظف وتلمع مع مزيونه وشقره انتي قمر

بسم الله الرحمن الرحيم

شلونكم حبايب قلبي


شخباركم ان شاءالله بخير



كالعاده وعساكم دايم الدوووم بسعاده


ما اجرب شي ويفيدني واشوف نتيجته الا احب افيدكم فيه يا خواتي ياحياتي

سكتوا حدي متفشله من كلمه معاجين اخاف بدليه :tongue22: كاتبه الموضوع وانا سهرانه


اذا بدليه عفيه طوفولي :eh_s(2):

المهم


عندي لكم ثلاث معجونات <<< خربتها ههههههههههههههههههه


تهبل تنظف وتلمع والاهم تبيض الاسنان :dfgl:


وفرشه تهبل


مو فرشه فرشتين نحتاج


خطوه خطوه

ستب باي ستب <<< عسا مو بدليه بعد :tongue22:



المهم


اخذي فليساتج وحطيهم في بوكج وحي البوك في جنطتج

واتجهي الى جمعية منطقتكم العزيزه

وادخل يقسم العنايه بالبشره والجسم <<< منتدى مو جمعيه


روحي قسم الاسنان <<< عيادات مو جمعيه --- مليقه صح :eh_s(2):


ماعلينا


المهم


روحي عند المعجونات المعاجين المعجن اللي يصير

واخذي هالثلاث معاجين


1

ADVANCE WHITE ماركته اسمها ARM & HAMMAR يبيض الاسنان ومعروف في هالشي هالمعجون دايم اكثر شي ياخذونه الناس دايم تلاقينه مخلص على الارفف وملاحظه هالشي حتى في الدول الاوربيه خصوصا الازرق
في منه انواع اخذي اللي يكون لونه ازرق


وهذي صورته




و2

اخذي المعجون هذا
EMAIL DIAMENT ---
leSECRT duBLANC هذا يبيض الاسنان حلوووو

ولونه رمادي ما يكون علبه علبت معجون رعص لا يكون مثل العلبه الصغيره فتحته لي تحت والله قصه مو علبه هههههههههه المهم هذي صورته <<< اي قولي في صوره وفكينا :lkmnkl:




والمعجون 3
EMAIL DIAMENT
الاحمر الرعص العادي نفس ماركة الثاني عاد هذا عين السيح يهبل يلمع الاسنان عدل

وهذي صورته


مكشخين الصوره حشا عطر مو معجون هههههههههههه



المهم نيي للفرش


الفرشه الاولى اخذي فرشه اسنان نوع حلو وتكون سوفت ناعمه اي نوع عادي بس وخري عن اللي مسوينهم موديلات وحركات حدهم بايخين

والنوووع الثاني اللي يهبل هذي اللي بالصوره

من سنسوداين فرشاة الاسنان واقي المينا تهبل عجيبه لونها وردي بالابيض واخذي ناعمه دايم اخذي ناعمه


يعني نحتاج هالفرشتين و3 معاجين او معجونات او معجن <<< ؟؟؟


في كل مره بتفرشين اسنانج استخدمي المعجون الاول الازرق مع فرشتج العاديه

وهمن عقبهم استخدمي الفرشه الثانيه فرشة سنسوداين مع المعجونين الثانين في كل مره واحد

يعني انتي الحين مثلا استخدمتي الاول الصبح مع المعجون الثاني

بليل استخدمي الاول مع الثالث


والمره الثالثه فرشتج العاديه مع اي معجون منهم افضل الازرق الاول


يارب فهمتوني هههههههههههه



ما ابي غير الفايده لكم ودعواتكم الطيبه




ومع تح




مع



تح




مع



تح














مع تحياتي ياحياتي

مزيونه وشقره

 

[s7r 3yonk]

68-بــرنامج ونظام للعرايـــس والنفــــاس للتبييض وعنايه والنظافة <<< تفظلوا حبايب قلبي


حبايب قلبي حياكم معاي اليوم نظمت لكم ورتب لكم كل الخطوات اللي طبقتها بنفاسي وعقب نفاسي ونصحت فيها عرايس وايد وافرحوا وايد بالنتايج الحلوه واللي تغنيج عن الصالونات ومصاريفهم لا والنتيجه احسن بالف مره انشاء الله:eh_s(17):




ملح الحليب روووعه مع كل استحمام شي ضروري:eh_s(15):
http://q8yat.net/showthread.php?t=38678

هالطريقه كنت اسويها يوميا تقريبا اوانا بالنفاس وللعرايس بعد :eh_s(3):
http://q8yat.net/showthread.php?t=40342

هذي سويها قبل لا تطلعين من النفاس وقبل العرس:eh_s(9):
http://q8yat.net/showthread.php?t=32364

هذي سويها بالاسبوع مره جربيها والله تنظيف للبشره يهببببل:eh_s(6):
http://q8yat.net/showthread.php?t=32410

هذا سويه كل يومين وشوفي النتيجه بترضيج انشاء الله:eh_s(17):
http://q8yat.net/showthread.php?t=35679

نعومه وبياض لليدين نتيجه حلوه وسريعه وجربيها للريول ( القدمين )
http://q8yat.net/showthread.php?t=42871

تغذيه للبشره من داخل ( لكن اللي بالنفاس بس تشرب العصير الجزر مع الغذا بس بدون الروب والبرتقال يضر النفاس ):eh_s(20):

http://q8yat.net/search.php?searchid=271848&pp=25


+++ ولتبييض البشره ( كريم ماجك + كريم يولاي بالتوت البري )+++:eh_s(22):

* كريم ماجك استخدميه يوميا بليل ( السعر 2ونص والمكان الاصلي سوق المتحده في الصالحيه محل احمد المغربي وسالي)

* كريم يولاي الصبح بعد ما تغسلين من كريم ماج وروووعه لليدين هالكريم ( السعر 650 فلس والمكان في الجمعيات )

وبعد انصحكم في صابونة البابايا الشفافه اللي فيها قطع برتقاليه سعرها نص دينار ومكانها بالحواويج والجمعيات استخدميها يوميا وخلي الرغه على بشرتج دقيقه وغسليها والله هالصابونه عجيبه

وقبل الاستحمام ب3 ساعات دهني جسمج بزيت اللوز المر

او قبل النوم واتسبحي الصبح



وللاستحمام اشتري الليفه الخشنه الطبيعيه مع صابون الغار نعومه ونظافه

وحاولي في هالفتره تبتعدين عن الصابون المعطر والا السنفرات المعطره وفيها روايح قويه .

وسلامتكم واي سؤال انا حاضر من عيوني

واتمنى اني فدتكم يارب

وما ابي الا دعواتكم يا كويتيات


مع تحياتي يا حياتي

مزيونه وشقره

 

[s7r 3yonk]

69-تبين اهدومج تتزحلق عليج من النظـافه والنعومه والبيـاض(الاستحمام الكبير لعشاق النظافة)

بسم الله الرحمن الرحيم

شخباركم كويتيات:eh_s(8):


تحبوني:eh_s(22):



اشرايكم فيني:eh_s(6):


حلوه صح:eh_s(17):



طيبه وسنعه :eh_s(22):


صح


ها:eh_s(6):


اشرايكم



تحبوني صح:eh_s(22):



انا احبكم:eh_s(6):



خخخخخخخخ


والله صج احبكم








المهم


نبتدي



1




2




3



4



5



لالا خلاص يالله نبتدي



سمعيني كويتيه وخليجيه وعربيه شوفي طريقتي الخاااصه والخطيره للتنظيف والتسنفر والتفرك والنظااافه

اول شي غسلي شعرج عادي ولفيه

المرحلة الاولى
صابونة الغار والليفه الطبيعية ( للنظافة العميييقه)

وبعدين اخذي صابونة الغار تلاقونها بالجمعيات + الليفه الطبيعيه اللي بالحواي ( العطار)

ونقعيها في طشت صغير وماي حار ورغي الصابونه بالليفه وماي دافي فركي جسمج كله عدل مدل تفريك حلو ومحترم بس عاد مو تسحكينه تسحك في فرق بين التسحك والتفرك التفرك يكون الماي دااافي والصابون وااايد والتسحك الماي بارد والصابون مايرغي عرفتوا قصدي

بنات ترا هالطريقة تستاهل موضوع كااامل فيها لانها تنظف بشكل ووواااايد حلو

==================================

المرحلة الثانية
صابونة البابايا( للتبييض والتقشير)
اخذي صابونه البابايا وفركي فيها جسمج كله مع الوجه لحد ماتتكون رغوة ناشفه بيضه تصير مثل الطبقه البيضه
جنها كريم ناشف وخليها جم دقيقه على بشرتج يعني 3 او 4 دقايق وبعدين غسلي جسمج

وطبعاً صابونة البابايا ما تخفى عليكم تبييض ملحوووظ للجسم والوجه
=================================
المرحلة الثالثة
سنفرة المشمش( نظااافة وتقشير وازالة الجلد الميت)
بعد ما تغلسين جسمج من البابايا وجسمج رطب مسحي جسمج بسرعه باييدج من الماي بس بايدج وبعدين فركي سنفرة المشمش على جسمج كااامل و خليها دقيقه وبعدين ييبي الليفه المغربية السودة وخصصيها للسنفره بس وفركي فيها جسمج واهو عليه السنفره فركيه بالليفه
وبعدين غسلي جسمج

هالطريقة عجيبه تحسين بنظافه ما حصلتشي وتحسين الجلد نظيييف
=================================
المرحلة الرابعة
سنفرة العروسة ( تبيــــــض)

والحين بعد ما خلصنا من سنفرة المشمش اخذي الفوطه ونشفي جسمج عالسريع يعني موتنشيف كامل عالخفيف وحطي كريم العروسه على جسمج كااامل وخليه من 4 الى 5 دقايق وبعدين غسليه

وشوفي البيااض
================================
المرحلة الخامسة
الصابون المغربي (تبييض ونظافه)
والحين اخذي الصابون المغربي ومسحي فيه جسمج كله ودلكيه عالجسم عالخفيف وخليه دقايق وغسليه ( وهالطريقه مو حمام مغربي لا بس صابون مغربي بدون ليفه وتفريك )

طبعا يبيض وينظف عدل


المرحلة السادسه ( مومهمه الا للمتزوجات )
شور جل عالسريع يعني على الصدر والرقبه والايدين لان بعضهم ما يحبون تبقى فيهم ريحة أي صابون غير الصابون المعطر واستخدمي نوع خفيف مثل اللي للطفال انا شخصيا احاول اني ما استخدم هالمرحله لاني بتعطر بعدين



والحين نيي لمرحلة التنشيف والنعومه واللبس والتعطير

نشفي جسمج عدل مدل وحطي مسك العروس في اماكن النبض عندج مثل ورا الاذن على الرسغ وعالرقبه اشويه خفيف لانج توج متفركه وما تحتاجين عطور وايد والجلد نظيييف وخفيف وعطي ديودرنت وبسسسس

وبعدين اخذي كريم جولسليد او اتركس او جلسرين ودهني فيه ركبج وكوعج والارداف والايدين والريول وابتعدي عن كريمات اللي تكون معطره

ولبسي هدومج وعطريهم وتبخري ومشطي شعرج وبخريه

الااااااااااااااااااه

شوفي اشلون النظافه والنعومه

انا شخصياً احسن اني خفيفه ونظيفه وهدومي تتزحلق على من النظافه والنعومه


انا ما ابي اقولكم جم مره اسوي هالخطوات بالاسبوع اخاف تقولون مزيونه وشقره ما تطلع من الحمام خخخخخخخخخ او فيها هوووس نظافه مو طبيعي خلوني ساتره على نفسي احسن

انتوا سووها مره بالأسبوع عالاقل ولاتقولين لا مالي خلق ويبيلها طولة بال ووقت والا برد بالعكس سويها مره وحده وغصبي نفسج مره ثانيه بتلاقين الاستحمام ممتع وناسه وما تقدرين تستغنين عن هالطريقه


انطر رايكم وتجاربكم وردودكم

وما أبي غير دعواتكم لي ولعيالي

مع تحياتي يا حياتي

مزيونه وشقره

 

[s7r 3yonk]

70-تبييض و تفتيح وعنايه ونظافة المنطقه الحساسه بناء على طلب العضوات حياكم مع مزيونه أحلا


بسم الرحمن الرحيم


شلونكم حبايب قلبي


شلونكم حبايب قلبي

شلونكم كويتيات وخليجيات وعربيات :eh_s(9):

شخباركم


بناء على طلب عضوات معانا في هالمنتدى الراقي

طلبوا مني احط موضوع عن العنايه بالمنطقه الحساسه من حيث التبييض وتوحيد اللون والعنايه والنظافه

ماكو شي سحري من خطوه وحده كل شي للجسم كعنايه لازم يبتدي على نظافه و تنظيف عدل بعد وبعدين سنفره وتنعيم و بعدين تبييض و بعدين ترطيب

ان شاءالله بالشرح راح يبين اللي اقصده

بسم الله

هذي عنايه بخطوات مهمه للمنطقه الحساسه والمنطقه اللي تحيط فيها يعني ممكن تفيد للسمار اللي ممكن ينزل على الفخوذ وحوالين منطقة البكيني و من منطقه تحت السره و حتى ممكن للمنطقه الخلفيه

اول اسبوع راح نحتاج

زيت اللوز المر والجلسرين



تحطين زيت الجلسرين وزيت اللوز اكثر من الجلسرين تخلينه دبل الجلسرين او حتى تقدرين تستخدمين اللوز بروحه بس الاثنين افضل بس مثل ما قلت الاكثر اللوز وحطي الكميه اللي تكفيج وخلطيهم بصحن لمره وحده و حطي من هالزيوت على المنطقه الحساسه ( لمن اقول المنطقه الحساسه اقول المنطقه الخارجيه الجلد من بره يعني ما يدخل شي داخل بس الجلد من بره ) ودلكي عدل خلي الزيوت تتشرب بالجلد و دهني المنطقه الخلفيه و طرف الارداف و المنطقه من جدام مكان يعني مكان الملابس الداخليه والمحيط فيها هذا افضل شي

هالخطوه تسوينها بليل احسن وقت وتنطرين يتشرب الزيت بجسمج اشوي وتلبسين بنطرون قطن ابيض او شورت ابيض والصبح تتسبحين بالخلطه الصابونيه او صابونة تبييض وتركزين على المنطقه بدون تفرك وبدون سنفرات وبدون ليفه وتغسلين بماي دافي وكملي سبوحج

وبعدين تكملين سبوحج عادي وتتنشفين المنطقه عدل و تحطين كريم سودو على كل منطقه تبيت تفتحينها هالخطوات تسوينها يوميا لمده اسبوع عشان نلين المنطقه ونهيئها حق نظافه وتبييض ولون حلو ان شاءالله

نصحت وحده بهالخطويتن بس اللي اهيا الزيوت بعدين سبوح بعدين ترطيب وكان فيها سمار قوي جربتها وحطت بس زيت لوز بليل والصبح تتسبح بالصابونيه و ما كان عندها سودو كريم ما اعرفته حطت لوشن فيتامين سي تقول استمريت مده بسيطه وبعدين شافت الجلد الميت والسمار يتقشر ويطيح ولقت نتيجه حلوه هذي تجربتها مو تجربتي

وبعد اسبوع نسوي حمام مغربي شوفوا الحمام المغربي اللي في مواضيعي و نهتم في تفريك وتنظيف هالمنطقه بعنايه بدون تزلق او تجريح وراح يطلع الجلد الميت والبلاي:eh_s(4):

وبعدين ثاني اسبوع من الحمام المغربي نبلش عنايتنا الابديه للمنطقه الاهمال راح يرد كل شي والعنايه لازم تستمر للابد كل شي تستخدمينه وتشوفين نتيجه وتردين تتركينه اكيد مليون بالميه راح يرد مثل قبل وساعات تقول رد مثل قبل واسوء لا مو اسوء بس لانج شفتي نتيجه وتركتي العنايه و رجع كل شي مثل قبل يفرق عليج

كل يوم سبوح يومي هذا اهم شي للجسم لتوحيد لون الجسم ونظافته و والترطيب عقبه

المهم تتسبحين يوميا بماي داافي وتستخدمين صابونة تنظيف وتبييض مثل الصابونه او اي صابونة تبييض انتي مرتاحه عليها وتركزين على هالمنطقه وتخلين الصابون رغوه بيضه على شكل طبقه بيضه وعلى ما تتسبحين وتخلصين تغسلين المنطقه وتحطين سنفره كاب كاب سنرفه للجسم كله والوجه وزعيها على كل جسمج وتسنفرين المنطقه عدل وتخلينها دقايق بعدين تغسلين وتتنشفين عدل بماي فاتر مو دافي

وبعدين تحطين كريم الد كوين فور موجود بالصيدليات هذا كريم طبي مبيض وهالكريم اذا حطيتيه لازم ما تتعرضن للشمس يعني اذا انتي عقب ما تحطينه راح تكونين بالبيت وبراد و ما تحوش المنطقه شمس مباشره طبعا ما راح تحوشها الشمس بس سبحان الله انبه على هالشي وما تحطينه وانتي طالعه للدوام وحر يعني في البيت افضل وعقب ما تحطينه على الاماكن اللي تبين تفتحينها تنطرينه ينشف وتلبسين لبسج عادي و استمري على هالكريم اسبوع وبعد الاسبوع استخدمي هالكريم يوم وكريم سودو يوم ثاني وبس استمري على هالطريقه على طول هذي عنايه وتفتيح واهتمام مهم وممكن توقفين كريم الدكوين يومين ثلاث بس تحطين مرطب بداله وتردين على الدكوين

وعقب ما تحطين كريمج اللي للمنطقه الحساسه و تحطين مرطب لجسمج دهني بعد هالمنطقه لان يبيلها ترطيب بس اهم شي تنطرين الكريم ينشف بعدين تلبسين

و تستمرين على الحمام المغربي كل اسبوع او كل عشر ايام احنا في جونا الحار وهالدوام يبيلنا اسبوعيا

واسبوعيا تنقعي في ماي وملح خشن لجسمج كله راح يستفيد وهالمنطقه راح تطهر وتتنظف ( اذا تبين تطهير اكثر ظيفي منقوع البابونج كوبين كبار )

و مره بالاسبوع او مرتين افضل سوي سنفره المشمش المعروفه اللي دايم انصح فيها موجوده بالصيدليه سوي فيها للمنطقه بس تكون المنطقه نظيفه وشبه ناشفه وطبعا تسوين هالسنفره عقب ما تستخدمين الصابونيه وتغسلين تنشيف المنطقه وتحطين هالسنفره بعدين عقبها سنفره كاب

سنفره كاب ممكن تستخدمينها يوم وترك عادي بس عقب استمرار يوميا عالاقل مده سبوعين

و كريم الدكوين لا تقطعينه ولا كريم سودو استمري واذا تبين توقفين يوم يومين عادي بس لازم تردين على نفس العنايه

وبين فتره وفتره ردي على طريقه زيت اللوز والجلسرين لو مره بالشهر لمده 3 ايام عقب الدوره لان في بنات وايد سبب سمار المنطقه عندهم الدوره الشهريه و زيت اللوز راح يفيد ويشيل هالشي ان شاءالله

والحين بقولكم نصايح مهمه

الرطوبه تسبب سمار المنطقه انتبهي لازم تنشفين عدل عقب ماتدخلين الحمام تنشفين بكلنكس العادي الورق مو كلنكس الحمام الرول لانه ما ينشف عدل

ملابسج الداخليه دايم تكون بيضه وقطنيه خصوصا اللي تروحين فيها الدوام او تتحركين فيها وايد

وقت الدوره الشهريه لازم تحرصن على النظافه واستخدمي فوط صحيه قطن مثل فام او ليدي سوفت او كوتكس

اذا حسيتي برطوبه بهالمنطقه بدون لا تكونين مستخدمه ماي عقب الحمام او غيره حطي بودره جونسون للاطفال رشي منها على المنطقه راح تنشف وتخفف التعرق في هالمنطقه عشان ما يصير سواد

استخدمي كل يومين ثلاث غسول للمنطقه وفي انواع وايد اللي مرتاحه عليه غسول اسمه ABC
لونه برتقالي رعص حلو وادي لو تستخدمينه يوميا بس الافضل كل يومين

واستخدمي كير فري بس مو دايم للطلعه بس عشان تبقين دايم ناشفه عن الرطوبه والاحتكاك ومع كل دخله حمام وانتي بره البيت استخدمي يديده

وبالبيت لبسي ملابس قطنيه واسعه خلي المنطقه تتهوا اشوي

لا تستخدمين تقشير قوي مثل رتن ايه لهالمنطقه راح تتضرر ديروا بالكم

لا تستخدمين كريم على هالمنطقه او اي منطقه بجسمج بدون تنظيف قبلها والا ماراح تستفيدين او يمكن تصير نتايج عكسيه




بنات

لا تقولون وايد و تعب وعباله والله عادي انا شرحت بالتفصيل عشان تعرفون الطريقه بالضبط

ومع الاستمرار راح تلاقين نفسج تعودتي و مرتاحه على النتيجه ان شاءالله :eh_s(15):

كنت اقدر اختصر عليكم الطريقه واذكر اسم الكريمات او السنفرات وبس ابيكم تعرفون الخطوات عدل وتفهمون شغله ان في خطوات مهمه تعتمد على تليين الجلد وتنظيفه بعدين ترطيبه وتبييضه

وان شاءالله يكون شرحي واضح

و اي استفسار حاااضر من عيونـــ@@ـــــي


و ما بي الا الفايده لكم ودعواتكم الطيبه


وفي بنات بعد طالبين مني مواضيع ثانيه راح احطها ان شاءالله بس انتي منها بحطها باذن الله


مع تحياتي ياحياتي

مزيونه وشقره

 

[s7r 3yonk]

الحمدلله خلصنآآ الان تقدرون تردون

بنات ترى الموضوع متعوب علييه ويوخذ وقت منني

الذى بتنقله تنقله بسس باسمي امانه في رقبتها ليوم القيامه

 

[ملكني غلاه]

يعطيج ألف عافيه

عالمجهود الطيب

 

[s7r 3yonk]

شكرا لمرروج الذي عطر المكان
ونشر بشذاه أركان موضوعي
فبارك الله فيج

 

[تبيني آرضى عليك]

مشكوررررررررررررررررررررره

 

[بنك بااستا]

روعععهع