جمعت لكم مواضيع وخلطات مزيونه وشقره

[s7r 3yonk]

19-حل نقط الساق والشعر اللي داخل الجلد <<< والله جربته شي عجـيـــــب وروعـــه

انا كانت فيني نقط في الساق وحبوب صغيره وشعر تحت الجلد وكنت استخدم السنفرات والحمدلله في نتيجه واااضحه واااضحه


لكن لقيت الحل الاحلى والاقوى والفوري

اول شي نحتاج شيين


1- سنفره ناعمه ( سنفرة المشمش)

2- الصخره الخشنه ( الصخر الاسود الموجود عند الحواي اللي للرجلين اشتري نوعيه ممتازه ترا يختلف)


اي الصخر الخشن الاسود مو تقولون وي يماي خشن مو حلو واااي اشلون استخدمه :eh_s(22):

استخدميه وشوفي النتيجه:eh_s(9):

اول شي سوي سنفره لريولج بحركات وااايد يعني يمين ويسار وفوووق وتحت ودائري وكل شي بدعي:eh_s(13):

بعدين وانتي عليج السنفره ييبي الصخر الخشن وفركي فيه ساقج بحركات دائريه بس ها مو تضغطين حيل حيل لاااا فركي وضغطي على خفيف جربوا هالطريقه وشوفوا النعومه والشعر كله بيطلع مع الشيره انشاء الله

مع تحياتي ياحياتي
مزيونه وشقره:eh_s(17):

 

[s7r 3yonk]

20-ماسك تفتـــــيح وتنظــــيف ومنعـــش للبشره نصحت فيه اختي عقب ما اسمرت من الشمس وعجبها


بسم الله الرحمن الرحيم

شلونكم كويتيات
شلوووونكم خليجيات
شلووونكم عربيااات :ggdw:



كالعاده وعساكم دايم الدوم بسعاده


ما استخدم شي و يعجبني الا افيدكم فيه

واتمنى انكم تستفيدون وتستمرون بالعنايه


هالخلطه عطيتها اختي عقب ما ردت من الشاليه واسمرت من الشمس و كانت تقولي ابي شي ينظف يشرتي مالي خلق خطوات وايد ابي شي سهل قلتلها غسلي بصابونة البابايا و نشفي ويهج من الماي وحطي هالماسك وغسلي منها و رشي ماي ورد ونعيما

والخلطه هي :

3 ملاعق طحين ابيض + 1م نعناع ناشف مطحون + 1 م نشا + ماي ورد + قولي بسم الله واخلطيهم

الطحين ينظف وينشف الدهون والوصخ في البشره ويغذيها و يفتح و النعناع منعش ومنظف ويعطي لمعه للبشره و حرصي يكون نعناع ناشف نظيف و النشا يقبض المسام للبشره ويفتح وينظف ويعطي لمعه للبشره وماي الورد ينعش ويفتح ومفيد للبشره ويغذيها

وهذي صوره الخلطه

الصوره الاولى اهيا بودره والثانيه مع ماي الورد




وزعي الماسك على بشره نظيفه دافيه و لاتقربين يم منطقه العين

خلي الماسك عليج لمد 20 دقيقه أي ماسك اكثر مده له 20 دقيقه او نص ساعه و استرخي حزتها وحطي حلقات خيار او بطاط على عينج

الماسك لا تشيليه بطريقه غلط يعني مثلا تقشرينه بايديج وتشمخين بشرتج عشان ما تتضرر بشرتج الماسك تشيلينه بطريقتين

1- اما تحت دش ماي دافي عشان تخلين الماسك يشيح ويذوب وانتي تمسحينه
2- او باسفنج تنظيف البشره مع ماي دافي

هذا الاسفنج اللي اقصده انا اخذه من بوتس و تاكدي انج تغسلينه عدل بماي وصابون او شامبو عقب الماسك عشان ما يتيمع فيه البقايا من الماسك


واخر غسله تكون بماي بارد اشوي عشان تتسكر المسام وتستفيد البشره و رشي ماي ورد بارد عقبها

طريقه الغسل هذي لكل الماسكات اللي تحطينها وتنشف عقب

هالماسك اللي ذكرته

ينظف
وينعش
و يفتح
ويغذي البشره ويعطيها لمعه ونظاره


واذا تبين نتيجه حلوه سوي الماسك اول اسبوع يوميا وبعدين يوم وترك وبعدين مرتين بالاسبوع

انا اختي سوته ثلاث ايام ورا بعض فتح لونها من عق بالشمس وتقول تحس ان بشرتها منتعشه ونظيفه

وتقدرين تستخدمين هالماسك للرقبه والصدر بعد نتايجه حلوه وهذا افضل


واذا انتي من اليوم تبين تستخدمينه يوميا يوم وترك سوي قبله سنفره المشمش سيت ايفيز اتوقع عرفتوها وبعدين غسلي ويهج عدل و نشفي ويهج عدل وحطي الماسك


واتمنى الفايده لكم حبايب قلبي

وما ابي غير دعواتكم الطيبه

و أي استفسار حااااضر من عيونــــ@@ــــي


مع تحياتي ياحياتي

مزيونه وشقره

 

[s7r 3yonk]

21-كريمات تفتيح وتبييض للوجه - للجسم -للابط -المنطقة الحساسه والمؤخره - من تجربتي

بسم الله الرحمن الرحيم





شلونكم حبايب قلبي



من تجربتي الشخصيه


هذي افضل كريمات تبييض وتفتيح ومانها ضرر باذن الله

افضل كريم لتفتيح الوجه وتقليل الاثار يستخدم بليل وينغسل الصبح وينحط بعده كريم حماية ومايستخدم بالنهار

هذا الكريم طبي موجود بالصيدليات

( الد كوين فور )



كريمات ولوشنات للجسم تفتيح وترطيب وتوحيد لون وتصلح للمنطقة الحساسه بعد والمؤخره

- لوشن فيتامين سي - اللي اعرضه في مجموعة نواعم - وتحصلونه بالحواج او محلات بيع الكريمات الفلبن

- لوشن فير اند وايت الكحلي الكبير موجود بالصيدليات

- خلطة كريمات في هذا الرابط للجسم والابط والحساسه
http://www.q8yat.net/showthread.php?t=720479

- وخلطه حلوه واشكر الاخت عليها هذا رابطها وتصلح للابط بعد والحساسه
http://www.q8yat.net/showthread.php?...E1%DD%E6%C7%D1

- كريم جولسليد المدور الاحمر

- كريم جلسرين المدور الاحمر

وكريمات تفتيح المنطقة الحساسه

كريم من فير اند وايت اسمه فيد كريم اكسلوسيف اتوقع اسمه جذيه هذي صورته وممكن يستخدم للركب والاكواع علبته مكعبه كبيره اشوي شفافه وغطاها كحلي سعره مو رخيص يمكن 19 او 16 بس نتايجه حلوه



سودو كريم معروف وهمن يستخدم للارداف

والد كوين اللي ذكرناه للوجه يستخدم بعد للحساسه وبعد للابط



وطبعا اللي ذكرتهم يستخدمون على جسم نظيف وبشره نظيفه عقب الشور على طول والجسم يكون نظيف وطري من الماي والصابون والنظافه والسنفرات مهمه يوم وترك او مرتين بالاسبوع

وممكن تجمعين مع كريمات للجسم او ثلاث عادي يعني لوشن سي مع كريم جولسليد او خلطه اللوشنات وكل مره ترطبين بواحد


او ممكن اللوشن سي او فير اند وايد ما يكفي للترطيب واهوا حلو للتبييض تيين ترطبين عقبه بكريم ثقيل ويرطب اكثر من كريم جولسليد المدور الاحمر

وان شاءالله تستفيدون يارب




مع تحياتي ياحياتي

مزيونه وشقره

 

[s7r 3yonk]

22-قالولي صــــايــــــره فــــــــــدعه ؟! والسبب هالخلطه تبيــض وتصفي واااااو عجيـــبه

السلام عليكم ورحمة الله وبركاته


عندي لكم خلطه تبيييض تصفي وتوحد اللون :eh_s(3):

انا بصراحه صارلي فتره استخدم خلطه بسيطه لبشرتي وبصراااحه روووعه وتجنن والكل يسالني شنو مسويه لبشرتي ويقولون صايره بيضه وويهج صافي :eh_s(22):

وقالولي صايره فدعه ومحلوه :eh_s(17):

ما ابي اطول عليكم بس الخلطه هي :

بطاطه واحده + م ك حليب بودر + م متوسطه نشاء

الطريقه اغلي البطاطه عدل وبعدين قشريها وقطعيها وحطيها بالخلاط وضيفي عليها الحليب والنشاء واذا بشرتك دهنيه حيييل حطي معاها ملعقه ليمون وخلطيها عدل .

وبعدين تطلع لك مثل خليط الكيك الثقييل اخذيه وحطيه على بشرتك ويفضل انه يكون دافي شوي

وطريقتي >>> اغسل ويهي بماي دافي واعمل تقشير خفيف للبشره واتاكد انا البشره مافيها اي زيوت او دهن او كريم لانها بتمنع فايده الخلطه ووصولها للبشره

وبعد هذا احط الخلطه على ويهي ورقبتي وصدري لحد ما تنشف ومو اقل من نص ساعه

وبعد الخلطه لاتغسلين ويهج بصابون بماي بس ويكون فاتر اشوي

وبالاخير رشي ماي ورد وادعيلي



جربوها يا بنات والله شي رهيب وطبيعي ورووووووووووعه والله لو اقول روعه مني لي باجر ما اوفيها حقها

تصدقون انها تصفي البشره وتغذي وتبيض وتعطي البشره نظاره تهببببببل وتورد الخدود بوقت واحد:eh_s(15):



اللي تبي نتيجه حلوه تستخدمها يوميا او يوم وترك واذا تبينها للعنايه وعالراحه مره او مرتين بالاسبوع بس اقولكم للمره المليون جربوها وعطوني النتاااايج:eh_s(15):

 

[s7r 3yonk]

23-برنـامج للنفاس للتبييض والنعومه والعنايه بالوجه والجسم-لعيون الحلوين-ياحياتي


صباح الخير ومساء النور والسرور:68_asmilies-com:


عندي لكم برنامج للعناية بالنفاس والموضوع عشان الرسايل اللي وصلتني وطلبته مني واهما عضوات على وشك الولاده الله يسهلعليهم في وقته يارب قولوا امين ياحلويــــــــــــن

ياحياتي-برنـامج للنفاس للتبييض والنعومه والعنايه بالوجه والجسم-لعيون الحلوين-ياحياتي

أول أسبوع راااحه او اول عشر ايام وعشان الجرح

بعدين اهم شي الاستحمام انا عادي من أول يوم ولادة اتسبح وبشكل شبه يومي عاد كل شي ولاااا النظااااافه

المهم


طريقة العنايه راح تكون

بسم الله نبتدي


كل يوم وترك نتدهن بزيت اللوز المر مع زيت زيتون وجلسرين وليمون بس اهم شي ابتعدي عن المنطقه الحساااسه كل البعد يعني تدهني كلج الا هالمنطقه لانه فيها خياط ومن بعد ولاده

يعني تصير الخلطه( زيت اللوز المر فنجان والزيتون فنجان والجلسرينبعد فنجان مع عصير نص ليمونه)

نتدهن ونلبس هدوم دااافيه وزينه وراسج لاتدهنينه ابدا لانه مو زين تدهنين راسج ممكن يحوشج برد لاسمح الله

بس ينقطع الدم عنج وتنظفين وتصلين دهني شعرج عادي

المهم نتدهن ونلبس عدل وغسلي ويهج في صابونه تبييض او أي صابونه تناسب حسب بشرتج ومشكلتها بشرتج انا استخدم البابايا بالقطع وهذي صورتها

واذا خلصتي استخدمي سنفره المشمش للوجه وهذي صورتها

ولاسنانج استخدمي فحم مطحون وملح يبيض الاسنان وااايد وحلو بالنفاس راح يكون عندج وقت وتستخدمين الاشياء بانتظاملاتسوونالفحم يوميا للاسنان خليها كل يمين بس نتايجها عجيبه انا شخصيا فادتني وايد


وبعدين نشفي ويهج واستخدمي كريم الليل اللي يناسبج انا استخدم ماجك وارشحلكم كريم الليل من اولاي حلو واذا عندج هالات سوده حطي زيت اللوز الحلو واذا بشرتج تتحمل زيوت تقدرين تستخدمنها للوجه انابشرتي دهنيه مايتحمل ويهي زيوت الا منطقه حول العين عادي استخدمبس باجي ويهي اذا حطيتها يطلعلي حبوب تحت الجلد انتي عاد لاحظي بشرتج ياقمر


والحين اخذي فكس وكريم جولسليد ودهني ريولج وركبج ولبسي دلاقج ونااااامي نووووم العاااااافيه يارب

والصبح ياصباح الخير شوفي البيبي وتريقي وبعدين للحمام اتجهي واخذي الفوط معاج وهدومج لبسي داخل الحمام

واخذي معاج ليفه وصابونه الغار او لايف بوي الحمره وتفركي عدل مدل عشان نشيل الزيوت اللي تدهنا فيها امس بليل ونطلع فايدتها


عقب ماتفركتي عدل مدل نتسنفر بسنفره المشمش وهذي صورتها تقدرين تستخدمينها للوجه والجسم

تسنفري واستخدمي عقبها أي صابون تبييض انا اقترح عليكم خلطتي الصابونيه ماتخفا عليكم نتايجها حطيها على جسمج دقايق وبعدين تفركي بليفه بودي شوب القلافز وبعدين اخذي وحده من هالسنفرات واستخدميهم عقب الصابون المبيض (سنفره مارديكو- كريم سنفره كاب- سنفره العروسه)تقدرين تستخدمينهم كلهم أو تستخدمين بالبدايه سنفره كاب واخر الايام استخدمي سنفره العروسه لان نتايجها تبييض حلوه حيل

وبعدين غسلي وتنشفي عدل انتي بالحمام وحطي ديودرنت واخذي سودو كريم وهذي صورته

ودهني الأماكن الغامجه في جسمج مثل الإبط و الاكواع والركب والأرداف وبعدين تدهني في هالخلطه عجيبه تخليج زبده

http://q8yat.net/showthread.php?t=38...E4%D9%ED%DD%E5

والحين حطي مرطب حق بشرتج للوجه طبعا وارتاااااااااحي  يبيلج رااااحه عقب هالشور


بناااااااااااات لاااااااازم يكون الحمام مسكر التهويه مسكره ويكون الماي داااافي حيييل مايل للحار وتنشفي عدل داخل الحمام ولاتطلعين بالبرد

وبالنسبه للخلطات للجسم خليها اخر 10 ايام عشان تطولين فيها لاني انا حطيت لكم برنامج بدون خلطات وحوووسه وتعب وانا ما احط خلطااات تطول على جسمي احب الاشياء السريعه مثل اللي قلتلكم عليها مثلااتدهن وانام او احط خلطاتي وقت الحمام وبس

وخلطات الوجه مهمه وايد شوفيج خلطه حلوه واحلا خلطات للوجه

خلطه البطاط في هالموضوع
http://q8yat.net/showthread.php?t=45...D5%C7%ED%D1%E5

وعندج بعد طحين النخي عجيب مع الروب يغذي البشره ويعطيها لون حلو

وهمن الهرده مع الحليب حلوه حيل



كل هالخلطات تجنن بس لاااازم تستمرين مو كل يوم لج خلطه يعني شاطره!!!!!!!!!! لالااااياحياتي لااا خليج على خلطه وحده وتقدرين تحطينها يوميا العصر او الظهر بعد ماتمسحين ويهج في الاسكينول وتغسلين بماي وصابون تحطين خلطتج وتخليها 15 دقيقه وريلااااكس وحطي شرايح خيار على عيونج


وشي مهم ماننساه تنظيف البشره شوفي هالموضوع



واذا مالج خلق كل هذا استخدمي الملك والتونك مره بالاسبوع كافي لانج بالنفاس ما اتوقع بتحطين مكياج والاسكينول كل يومين بيكفي




مممممممممممممممم


الاسكينول الاااااااااااااااااااه كان صديقي في محنتي في النفاس كل يوم العصر او بليل امسح رقبتي وايديني وصدري وتحت صدري فيه يشيل السواد وبنظف


واخر ييوم بالنفاس سوي حمام مغربي وشيره وبديكير منيكير وحمام زيت




وبالنسبه لاي مشكله تواجهج اثناء النفاس انا حاااضرياقلبي

وما ابي الا الفايده لكم ودعواتكم لي ولعيالي

 

[s7r 3yonk]

24-عشان خاطر عيونــ@@ــي الحلوه ^؛^ رموووش حلوه ومنطقة حول العين صافيه وحلوه ^؛^ بالصور


بسم الله الرحمن الرحيم

السلام عليكم


شلونكم حبايب قلبي


تفضلوااا حياكم الله في موضوعي الجديد












مثل ما تعودت على اني افيدكم باللي يفيدني

عشان خاطر عيونــ@@ــي الحلوه ^؛^ رموووش حلوه ومنطقة حول العين صافيه وحلوه ^؛^

يبتلكم طرق وخطوات فادتني انا شخصيا فحبيت افيدكم فيها وهالاشياء تسوينها عشان تدارين عيونج وجمالها وشكلها من منطقة حول العين الين الرموش

أول شي نبتدي في الرموش وتكثيفها والعناية فيها

أهم شي تقللين استخدام المسكرا يعني خلي المسكرا للمناسبات لان المسكرا وااايد تتعب العين والرموش ولا تفكرين تستخدمين مسكرات رخيصه و اهم شي ماتستخدمون مسكرا ضد الماي لانها وااايد تتعب الرموش وتطيحها بعد

ولااازم يوميا قبل النوم ننظف العين من المكياج و أي اثر للمسكرا والاي لاينر السائل لانه يضايقها وايد والمناديل اللي جربتهم وحلوين لهالمنطقه مناديل جونسون للعيون المدوره صج صج حلويين ومنعشين بعد وباااردين على العين

والحين العناية في الرموش استخدمي مسكرا الخروع طبية وتلاقونها في الصيدليات انا ماخذتها من صيدليه المهلب واسمها ecrinalانا يتني فتره احطها تقريبا يوميا ونتايجها حلوه وايد والحين صرت استخدمها كل ما طرت علي يعني مو يوميا

وهذي صورتها



والعنااايه في منطقة حول العين من الحرص من الجفاف والتجاعيد والسواد اهم شي تستخدمون زيت اللوز الحلو وركزوا يابنات الحلو لكــــــــن اذا كانت المنطقه عندج سوااادها قوي حيل حيل والجلد فيها سميك وخشن استخدمي المر لانه راح يكون اقوى في المفعول

استخدموووه يوميا تقريبا

اخذي من الزيت بعود الاذون ووزعيه على المنطقه وسوي تدليك خفيف للمنطقه بطراف اصابعج ويفضل اصبع البنصر اللي يكون بالوسط لانه اخف اصبع وانعم شي لمنطقة حول العين وخلال اليوم لازم تستخدمين كريم مرطب لمنطقة الجفون والمنطقه الهالات السوده عشان مايصير جفاف وتتجعد المنطقه بسرعه وانا من اللي استخدمتهم واعجبوني كريم لوريال علبته صغيرونه وسعره مناسب وحلو والاحلا منه جيرلان من اسميا وااايد حلو ونتاااجه وترطيبه عجيب

وهذاصورته الكريم سعره20 بس يهبل


وعلى فكره في طريقه حق الانتفاخات والسواد انج تاخذين جم ورقة نعناع
وتقصصينهم صغار صغاااار حيل وتخلطينهم مع زيت اللوز وتستخدمينهم الزيت مثل الطريقه اللي ذكرتها توني بس تسوين كميه حق ثلاث ايام مو اكثر لان النعناع طبيعي وممكن يخترب بس جربوها هالطريقه حلوه ومفيده


وللهالات السوده بعد استخدمي الطريقه القديمه العجيبه اللي تخفف التعب والانتفاخات والعوار وغيره اللي هي حلقات الخيار البارده خليها على عينج وقصي الشريحه المدوره نصين تصير نص دائره وحطيها تحت العين بالضبط مكان الهالات عدل اتمنى فهمتوا شرحي وهمن حطي النص الثاني حطيه على عينج من فوق




وشرايح البطاط قصيها ناااعمه وحطيها على العين وخليها راااح تبييض المنطقه تبييض حلوووو وواضح


وفي نظارات الجل الازرق من دايسو حلوه احطها بالثلاجه واذا كنت تعبانه او عيوني تعورني اطلعها واستخدمها وااايد حلوه وتريح ومنعشه خصوصا بعدالدوام والكمبيوتر





ولااازم تهتمين في شرب الماي وتنامين عدل مدل والتغذيه الزينه اللي ماتخلا من الجزر والروب والبرتقال



ويابنات كل شي بالاستمرار مو وحده تسوي هالاشياء يومين ثلاث وتقول ماكو نتيجه

في بنات تبين عليهم من اول مره وبنات يبيلهم استمرار عشان يشوفون نتايج حلوه


يالله بنات ابي تجاربكم ورايكم في العنايه في منطقة حول العين وشنو الكريمات اللي جربتيها وفادتج








مع تحياتي ياحياتي

مزيونه وشقره

 

[s7r 3yonk]

24-((عنايه للحوامل للحرص من السواد والكلف والخطوط البيضه ))


برنامج للحامل للعنايه في الجسم والتقليل من اثار الحمل والكلف وغيره


شلونكم كويتيات


بحط للحوامل برنامج ان شاء الله بيفيدهم بتقليل الحمل ومشاكله

اول شي ابيكم تشاركون معاي بردودكم وحل وحده تكتب برنامج لها في هالموضوع

الحمل انا لاحظت اثاره شخصيا علي واهيا

الكلف الاسود دار مادار الرقبه وهالشي طبيعي يصير حق وايد من الحوامل

ثاني شي الجفاف في الجسم والخطوط البيضه اللي ممكن تطلع اثناء الحمل او تنصدمين فيها عقب الولاده


يالله نبتدي


بسم الله الرحمن الرحيم


اللي راح نحتاجه اشياء بسيطه وخفيفه

- زيت اللوز المر و زيت الجلسرين يفضل انهم من الصيدليه
- اسكينول
- ليفه بودي شوب اسهل لج في الاستخدام
- صابون الغار
- سنفره المشمش
- زيت زيتون
- كركم جسم طبيعي
- هرده
- صابون مغربي او اي خلطه تبييض تبينها وتكون طبيعيه



قبل الحمام بدقايق
ننظف الرقبه والصدر وتحت الابط في الاسكينول والريول والايدين
بعدين ندخل الحمام وناخذ ليفه والصابون وننقعهم بماااي حار ونرغي ونفرك الجسم ( طبعا عقب ما نغسل الشعر ونخلص ونرفعه ) وبعدين تفركي كثر ماتقدرين واخذي راحتج بس بس لايكون الماي حار حيل على جسمج

والحين تفركنا وخلصنا اخذي هالسنفره اللي بهالرابط وسويها بس لا تخلينها وايد على جسمج حسب تحملج عشان ما تتعبين يعني على قدر استطاعتج

خلطه توحد اللون توحيد وتنعم تنعيم وتبيض بعد صج تجنن سهله وحلوه واحبكم ^_^لاااااتطوفكم


وقعدي تفركي وركزي على الاماكن اللي تسود بالحمال مثل تحت الصدر والرقبه والفخذين من فوق والابط وغيره

وعقب ماتفركنا وخلصنا من السنفره الطبيعيه اللي بتعطيج نظافه وبياض ووقايه وحرص من السواد او حتى يقلل منه ان شاء الله وغسلي جسمج عدل مدل بماي بس بدون صابون واخذي صابون مغربي وفركي فيه جسمج وغسلي عادي ونعيما

بس اللي حابه تحط خلطه تبييض طبيعيه تحط من بعد السنفره والكركم اللي سويناها وقبل الصابون المغربي وانا اقول ان هالسنفره وهالخلطه تكفي ان شاء الله


وبعد ماتنشفتي حطي ديودرنت خفيف انصح في ديودرنت بيوتي شوب لانه خفيف و حطي على جسمج وخصوصا منطقه الخواصر والبطن والفخوذ والزنود حطي عليهم زيت اللوز وزيت الجلسرين اللي انتي خاطتهم من قبل وتدهني عدل مدل وبعدين لبسي هدوم هالزيوت تحميج من الخطوط والتمدات اللي ممكن تطلع وتقلل منها اذا طلعت وممكن تعالجها ان شاء الله وانصحكم انكم تستخدمون هالزيوت يوميا تتدهنون فيهم :eh_s(15):

ونعيما


هذي كانت عنايه خفيفه وحلوه ممكن تسوين هالحمام كل يومين ثلاث

والحين عندي نصايح

للشعر استخدمي زيوت خفيفه ومافيها ريحه قويه وتكون ويفضل طبيعيه مثل زيت جوز الهند وغيره

ونصيحه ثانيه لا تستخدمين البخار لانه بيضر لا سمح الله

وللبشره تقدرين تستخدمين سنفرة المشمش اللي ذكرناها وهمن الماسكات الطبيعيه مثل

روب وعسل

او

هرده وحليب بودر ( قناعي المفضل )

او

اي قناع انتي مرتاحه عليه ويكون طبيعي:eh_s(17):




و اي استفسار وا يسؤال انا حاااضر لا تنسون تحطون تجاربكم بالحمل وعنايتكم


والله يتمم عليكم وتولدون بالسلامه ويرزق المحرومه يااارب



و



مع




مع





مع







مع تحياتي يا حياتي

مزيونه وشقره

 

[s7r 3yonk]

25-من ابداعـاتي ياحياتي خلطة كريمات للجسم تبيض وتوحد اللون وتصفي تنعم وترطب تدللي يادلال


بسم الله الرحمن الرحيم

السلام عليكم ورحمة الله وبركاته











اثتحي :eh_s(22):


من ذمان ما كتب مواضيع تديده :eh_s(22): <<< يعني دلع يبوووووووووووووووووي عاد الدلع على كبر موشي :eh_s(6):










شلووونكم :wqedqw:


شخباركم



عساكم بخير




وكالعاده وعساكم داااااااااايم الدوووووووووووووووووووم بسعاده




ما اجرب شي ويفيدني الا افيدكم فيه ياحياتي لانكم حسبة خواتي

ويشهد الله علي ان من قبل لا اعرض خلطاتي بالمنتدى للبيع بناء على طلب العضوات اللي فيه انا احب افيدكم لله في لله واحب افيد الغير باللي يفيدني وما ابي غير دعواتكم الطيبه


المهم


الكل يعرف خلطتي الصابونيه للتبييض تنظف وتنعم وتفتح وتوحد اللون وهالخلطه انا من ابدع مكوناتها وسواها وعرضت مكوناتها في المنتدى للفايده وبناء على طلب البنات سويتها بكميه اضافيه وبعتها لهم والحمدلله تاجرت فيها وفي باجي منتجاتي


المهم ان شاءالله مثل ما انحجت خلطتي الصابونيه هالخلطه باذن الله واثقه انها راح تنحج معاكم سووها بنفسكم وبايدينكم ما تاخذ منكم مجهود او تعب بالعكس وناسه خلط ولعب هههههههههههههههههه

ياحياتي


للعلم انا استخدم سنفرات ولوشنات مختلفه وهالخلطه اضافه لهم يعني انا استخدم خلطتي الصابونيه يوميا و سنفرات مجموعه نواعم اللي في توقيعي يوم وترك حسب البرنامج اللي انا ماشيه عليه وضفت عليهم هالخلطه اللي راح اكتبها والله النتيجه مو بس رووووعه الا شي عجيب


نعووووووووووووووووووووومه

بياااااااااااااااااض


لوووون صافي


ترطــــــــــــــــــــــــــيب


وجربوا وانتوا الحكم


هالخلطه للجسم استخدموها يوم وترك او يوميا بعد السبوح والتفرك وشوفوا النتيجه


واذكر اهم شي الصابونيه والسنفرات لا اذا بتحطينها على جسم غير نظيف او فيه جلد ميت ماراح تلاقين نتيجه بالعكس ممكن تدبق الخلطه وتتم على يلدج من فوق بدون فايده لان اليلد مو نظيف ولا ناعم بالاساس عشان يستقبل ترطيب وخلطات


اتمنى فهمتوا شرحي



الخلطه عباره عن كريمات موجوده بالجمعيه وسهله واذا مالقيتوها بالجميعه تحصلونها بالحواي بس دايم افضل الجميعه

نبتدي بالمكونات بسم الله

1فازلين علبه وسط فيتامين E او العادي
1كريم جولسليد المدور الاحمر علبه كبيره
1كريم جولسرين مدور الاحمر علبة كبيره
1كريم جولسليد سوفت كريم المدور الاحمر علبه كبيره
1لوشن جولسليد للبشره
1 كريم اولاي لتفتيح البشره كريم النهار علبه كبيره
1 كريم فير اند لفلي العادي الوردي بالفيتامينات علبه وسط او كبيره
1 كريم فير اند لفلي مضاد للبقع الازرق علبه وسط او كبيره

الصوره


هذي اهيا المكونات

اول شي خلطي الكريمات مع بعض بالبدايه

1فازلين علبه وسط فيتامين E او العادي
1كريم جولسليد المدور الاحمر علبه كبيره
1كريم جولسرين مدور الاحمر علبة كبيره

لمن تخلطينهم عدل ظيفي لهم الباجي

1كريم جولسليد سوفت كريم المدور الاحمر علبه كبيره
1لوشن جولسليد للبشره
1 كريم اولاي لتفتيح البشره كريم النهار علبه كبيره
1 كريم فير اند لفلي العادي الوردي بالفيتامينات علبه وسط او كبيره
1 كريم فير اند لفلي مضاد للبقع الازرق علبه وسط او كبيره

ظيفي واحد ورا الثاني وخلطيهم عدل

ممكن تتم كور من الفازلين صغيره ما انخلطت عدل عادي مو مشكله


عقب الخلط فرغي الخلطه في علبه تتسكر وافضل انج توزعيها في علبتين ثلاث وكل ما خلصت وحده تبلشين بالثانيه

ولازم ادواتج اللي تستخدمينها تكون ناشفه ومافيها رطوبه افضل


والخلطه تحفظينها في غرفه بارده وبعيد عن الشمس

تستخدمينها يوميا وتريحين منها يومين بالاسبوع

تستخدمينها على جسم نظيف

تدهنين فيها عدل على شكل تدليك للجسم واقصد بالجسم الايدين كامله للكتف مع الريول من تحت للمنطقة الحساسه وتستخدم للمنطقه الحساسه بحدود خط البكيني والارداف كامله تعطي نعوووومه عجيبه للارداف والزنود اقول جربوها بس جربوها هههههههه بس انبه قبلها صابون تبييض وسنفراااات يا بنااات :wqedqw:

ماتستخدم للوجه للجسم فقط

ما افضل انها تستخدم للظهر للبطن ممكن

وعادي تستخدمها اللي بالنفاس

والحامل اذا تبي تستخدمها عادي بس تشيل منها فير اند لفلي بانواعه الاثنين اهوا مامنه ضرر باذن الله وانا استخدمه بس الحامل ماتستخدم هالكريمات

ممكن تدهنين فيها ريولج بليل وتلبسين دلاق وتكون عنايه كامله لريولج نعومه وترطيب بعد


وممكن تاخذين من هالخلطه ثلاث قفشات وتظيفين لهم قفشة نشا وقفشة عصير ليمون وتخلطينهم مع بعض وتستخدمينهم كخلطه تبييض اكثر وتفتيح وتغسلينها ثاني يوم الصبح


و ما ابي غير دعواتكم الطيبه يا حياتي



واي استفسار حاااضر من عيـــــــونـــ@@ـــــي


و مع



مع




مع





مع تحياتي ياحياتي

مزيونه وشقره

 

[s7r 3yonk]

26-حبيبتي تحسس جسمج من خلطه معينه و تبين تراضينه وتعالجين المشكله حياج ياحياتي

بسم الله الرحمن الرحيم





كالعاده وعساكم دايم الدوم بسعاده



حبيباتي خواتي ياحياتي


ممكن تجربين سنفره يديده وتحسس جسمج او انتي تزلغين جسمج تكونين مشتطه وتعورين روحج :eh_s(2):

ههههههههههههه سلامتج قلبي


ممكن تستخدمين اكسجين قديم خربان مثل ماصار فيني و تحسس جسمي :eh_s(11):

هههههههههههههه شنو يعني تصير باحسن العائلات

ممكن تستخدمين خلطه يديده وناسبت غيرج وماناسبتج وتحسس جسمج منها وحمر


وين المشكله عادي الاجسام والبشره انواع



بس نبي حل فوري وحل لبعد التحسس والاحمرار والاثر اللي ممكن يتركه وممكن يترك خشونه بعد :eh_s(10):



سبحي بماي بارد ونشفي جسمج بنعومه وبعدين دهني جسمج ومكان اللي تحسس بكريم سودو مع فازلين بكميه حلوه وخلطيهم وحطي معاهم اشويه ميبو ودهني على شكل تدليك ناعم وخلي لثاني يوم وبعدين اليوم الثاني سبحي وسوي نفس الطريقه منها ترطيب ونعومه ومنها تععالجين المشكله

وكريم ميبو حطيه بروحه اذا صار التحسس وايد وخصوصا في الويه او قريب يم المنطقه الحساسه

حطيه بتركيز ومرتين باليوم ثلاث ايام ويروح الاثر مع الاستحمام اليوم واستخدام الكريم

واهم شي تحطيه هالكريمات على نظااااااافه وشور بارد



ان شاءالله تستفيدون والله يبعد عنكم كل شر يارب




احبكم مع :eh_s(22):




مع




مع



مع



تح



تح



تح






مع تحياتي ياحياتي

مزيونه وشقره

 

[s7r 3yonk]

27-خطوات تنظيف البشره الصحيحه والكامله مثل العيادات المتخصصه والصالونات الكبير << روووعه

بسم الله الرحمن الرحيم

هلا اشلونكم بنات


وااايد بنات يسألوني عن صالونات زينه لتنظيف البشرة تدرون شنو قلتلهم -- قلتلهم ما اعرف لان عندي الطريقه الصحيحة والكاملة لتنظيف البشرة مو بس من الصالونات لا بعد من طريقه العيادات المتخصصه في الجلديه ولتنظيف البشره

قبل لا تبدين غسلي بشرتك بصابون مناسب ولا تحطين على بشرتك أي شي

اول شي :
اعملي سنفره خفيفه لبشرتك واقصد فيها بدون فرك قوي

ثاني شي :
تنظيف البشرة بالملك (الحليب المنظف) لمدة 3- 5 دقايق
الطريقه: حطي الملك على بشرتك وخليه ثواني بعدين خذي القطن الخاص بالبشره وامسحي فيه الملك مع ضغط خفيف بس مو تضغطين حيل واذا راح الملك حطي طبقه ثانيه ومسحي بعد وكرري العمليه لحد ماتحسين ان بشرتك صارت نظيفه واذا ما تعرفين سويها لمده 3-5 دقايق
وبعدين شليه بغسل وجهك بالماء الفاتر وشوييييية صابون

ثالث شي:
استخدمي البخار للبشره لمدة تستطيعين ان تتحملينها يعني مو تختنقين على بالج ان الفايده اكثر واحسن لا خليه لمده تتحملينها ولا تقربين وجهك على جهاز البخار بشكل قرييييب حيل على بالك انك شاطره لا ياقلبي خلي البخار يلامس وجهك وبشرتك عن بعد واذا كنتي ماتملكين جهاز بخار استخدمي ماء حار عادي واستفيدي من بخاره او حتى بمغسلة الحمام افتحي الماي الحار واستفيدي من بخاره


رابع شي :

استخدمي كريم تقشير لمدة 3-5 دقايق ويفضل ان يكون من ماركه طبيه وغير معطر او اذا ماكان عندك استخدمي عيش مطحون او دقيق النخي او حتى دقيق عادي او شوفان .

خامس شي :

استخدمي خلطة تفيد بشرتك اوأي خلطه حلوه ومفيده وترطب استخدمتيها وناسبتك بس ها بدون ليمون لان البشرة بتكون مساماتها مفتوحه وتكون ناعمه وخفيفه بعد التنظيف اللي سويناه
وبعد ماتحطين الخلطه على بشرتك استخدمي جهاز البخار واذا ما تبين مو مهم بس خلي الخلطه فتره .

سادس شي : <<< معلقه على كلمة شي

سادس شي :

اغسلي بشرتك بماي فاتر وجيبي اللزقات اللي تشيل الزيوان ( النقط السودة ) وفي منها للانف وللحنك وللجبهه استخدميها .


سابع شي :

استخدمي ماسك على بشرتك واذا ماعندك ماسك احسن استخدمي شي طبيعي مثل بياض البيض مع نشا او أي شي قابض للبشره والمنتدى مليان ماسكات بس ها مو خلطه ماسك يعني تحسينه يشد البشره وبعدين شيليه بماي فاتر وحطي ماي ورد وكريم مرطب


وعليكم بألف عافيه تنظيف بشرتكم واذا استمريتي كل أسبوع راح تنعمين ببشره خياليه ونظيفة واذا حسيتي ان بشرتك يبيلها تنظيف اكثر او اذا كنتي تستخدمين المكياج وااايد استخدميها مرتين بالاسبوع


وهذي الطريقه هي الطريقه الصحيحه والكامله لتنظيف البشره واستخدميها اسبوعياً وهالطريقه تستخدمها الصاونات الكبيره وحتى العيادات واخصائيين البشره انا جبتها لكم ووفرت عليكم تعب ومصاريف اشرايكم فيني مو أموووره وشطوووره


اي سؤال حاضلر من عيوني يا عيوني

 

[s7r 3yonk]

28-تجربتي في تخفيف نمو الشعر للجسم والوجه حتى اللي تشيلي الشيره تقولي شعرج وين راااح

بسم الله الرحمن الرحيم


يبتلكم اليوم موضوع جديييد :eh_s(6):



تجربتي في تخفيف نمو الشعر للجسم والوجه حتى اللي تشيلي الشيره تقولي شعرج وين راااح





نحتاج حق

-زيت زيتون
-كريم جيرجنز لتقليل نمو الشعر
-كريم جونسون لتقليل نمو الشعر
-كريم السعد ( له طريقه راااح اذكرها الحين )



بعد الشيره على طول احط زيت الزيتون وندهن الجسم كامل وكل مكان شلنا فيه شيره وحتى مكان الشوارب اذا شايلتهم بخيط وخليه ساعه وبعدين اخذيلج شور وبعدين نحط كريم السعد وله طريقه خاصه واهيا انج تاخذين نبات السعد وتطحنينه في مطحانه عدل مدل والمسحوق تنخلينه بالمنخال واللي يبقى ردي اطحنيه وبعدين اخلطيه مع أي كريم تبينه مثل جولسرين خلطي معا قفشتين كبار وخليه جم يوم وبعدين ابتدي استخدامه

( نبات السعد مثل الكور السوده الصغيره لمن تطحنينه يصير مثل البودر الثقيل )والطريقه انا ما خذتها من منتدى ثاني)

وبعدين في الأيام العادية وبعد كل شور ادهن الجسم الريول والايدين والابط وكل الجسم في كريم جيرجنز لتقليل من نمو الشعر

وكل االلي تدهنين فيه جسمج ادهني فيه منطقة الشوارب او المكان اللي تحفينه بخيط في ويهج انا جربت عالشوارب والله قاعد يطلع الشعر خفيف ومفرق

او كل يوم بليل يعني يوميا خليه كريمج للجسم العادي ومره استخدمي جونسون ومره استخدمي جيرجنز

والله يا بنات شهرين استخدم هالطريقه وانا لاحظت شي خطير حتى اختي جربت هالشي ولاحظت الشعره نفسها خفيفه وكمية الشعر قلت وااايد بعد وحتى اللي متعوده تشيل لي الشيره قالت لي انت وين شعرج وين راااح




اي سؤال انا حاااضر من عيوني



ما ابي غير دعواتكم لي ولعيالي


انطر رايكم وتفاعلكم وردودكم


مع احتراماتي يا حياتي

مزيونه وشقره​

 

[s7r 3yonk]

29-الــــــــــــــــــــــــــــورد للـــــــــــــــــــــــــورد

بسم الله الرحمن الرحيم




شخباركم كويتيات

****^^^***الــــــــــــــــــــــــــــورد للـــــــــــــــــــــــــورد****^^^****

وانتوا الورد كله


والورد للورد



انا بنصحكم نصيحه مع تجربه شخصيه مني

استخدمي ماي الورد في بخاخا للوجه قبل لا تحطين كريم المرطب

يعني بعد ما تغسلين ويهج نشفيه وبخي عليه جم بخه من ماي الورد


وتلاقينه في الجمعيات عادي والبخاخ عند بو 100 فلس وانا لقيت الحجم اللي تقريبا مثل حجم العطور في المعلم فوق بحولي ودايسو يبيعهم بـنص دينار المهم


انزين


كل ما غسلتي ويهج ماي وصابون بخي عليه جم بخه ولي نشف اشوي حطي كريم المرطب او الحمايه مالتج



يااابناااات


روووعه


وادري اغلبيتكم مجربينه


يخفي اثار الحبوب


ويشيل الحبوب


ويرطب البشره


ويعطيها نظااره تهبل


نصيحتي لكم بماي الورد




و

الورد للورد



و


****^^^***الــــــــــــــــــــــــــــورد للـــــــــــــــــــــــــورد****^^^****

واي سؤال انا حاضر من عيــ@@ــوني يا عيوني


ما ابي غير دعواتكم لي ولعيالي

مع تحياتي يا حياتي

مزيونه وشقره

 

[s7r 3yonk]

30-تـحـــــــــذيرات وتنبيــــــهات مهمه وايد ...((تكفون مهـــم الكل يدخل يستفيد ويفيد))

حبيباتي كويتيات


من كثر التجارب الواحد احينا ينظر ويتأذا منها فياليت كل وحده عندها تنبيه او تحذير تكتبه هنيه في هالموضوع

وانا في بالي كذا شغله ودي انبهم وافيدكم

للضروره ولصحتكم

1- لا تستخدمين السنفرات والصابون المعطر بعد الشيره والحمام المغربي على طول لان المسام تكون مفتوحه وممكن يحرقج الجلد او تدخل السنفرات والعطور بالجسم ويتحول لحبوب وسواد


2- لا تحطين خلطه على ويهج وانتي في مكان بارد او في مجرى للهوا ( الله الحافظ هذا يسبب شلل عظلات الوجه _ ابو الوجوه ))

3- انسي انسي انسي تحطين اغلب كريمات الفلبينيه والتايلنديه وتطلعين بالشمس لان مافيها حمايه والنتيجه بتصير عكسيه ( مثال كريم ماجيك _ كريم بين التايلندي .... مع انهم حلوين لكن مع الشمس نتايج عكسيه) والاسكنول بعد ما يصلح مع الشمس

4- كريماتج وشغلاتج لازم تكون في مكان معتدل ومافيه شمس

5- لا تنامين بليل وانتي في ويهج بقايا خلطه او حاطه على شفايفج عسل لفايدتها لان هالشي مضر او حتى تنامين وايدج فيها دسم ودهن والرسول صلى الله الله عليه وسلم نبه على هالشي

6- واذكر مره يتني وحده خدمة منازل على اساس انها ممتازه احرقت ويهي بالاوكسجين مع اني اسويه عادي للمناسبات وما يحرق ويهي وهذي نقطه مهمه :eh_s(15):

7- لا تفركين باللييفه حييل رقبتج لان هذا بيتحول الا سمار وسواد عاملي رقبتج مثل بشرة ويهج وخصوصا الرقبه من ورا


8- واذكر مره سويت سنفره حق ويهي عاديه كل مره اسويها وكنت شاريه معجون اسنان اول مره استخدمه بس حاش ويهي والا المكان اللي حاشه صاار احمر ويحرررق يعني بعد السنفرات يكون الجسم حساس وما يتحمل شي:eh_s(1):

حبيباتي للفااااائده اللي عندها تجربه والا تحذير تحطه في هالموضوع عشان الكل يستفيد

وانا اذا تذكر شي بفيدكم فيه انشاء الله​

مع تحياتي يا حياتي:eh_s(17):
مزيونه وشقره ​

 

[s7r 3yonk]

31- لوسمحتوا عقب هالموضوع ما اشوف وحده تشتكي من شعر تحت الجلد

:stars:
بسم الله الرحمن الرحيم


شلونكم خواتي ياحياااتي

بخير ان شاء الله

عسى دوووم يارب


وكالعاده وعساكم دوووم بسعاده

ما احب اجرب شي ويفيدني الا افيدكم فيه ياحياتي

وهذي طريقه عجيبه لحل مشكلة الشعر تحت الجلد :ceaf32e183:

اول شي نحتاج حق

فازلين

صابونة بابايا


صابون مغربي

ليفة بودي شوب


دهني ريولج بفازلين عدل مدل خلي الجلد يلين وقعدي فيه اكثر من ساعه وبعدين تسبحي بهالطريقه

غسلي جسمج بماي دااافي دااافي وركزي عالاماكن اللي فيها شعر تحت الجلد مثل السيقان وبعدين اخذي صابونة البابايا الاصليه هذي صورتها انا ماجربت غيرها يمكن غيرها ينفع


ووزعيها على جسمج كله بايدج وخلي الصابون عليج دقيقتين
وبعدين اخذي صابون مغربي ووزعيه فوق صابون البابايا
و فركي الاماكن اللي فيها شعر تحت الجلد بالماي الدااافي وليفه بودي شوب
ودوري وين الشعره اللي تحت الجلد وفركيها ودلكيها لحد ماتطلع الشعره
و انا عقب استخدم سنفرة المشمش والخلطه الصابونيه ولوشن للجسم
هالطريقه تلين الجلد وتطلع الشعر اللي تحته بطريقه حلوه وناعمه

واستمري بالتفرك لمن تحسن انج قضيتي على الشعر تحت الجلد


هالطريقه سويها يوم وترك قبل اسبوع من تشيلين شيره وشوفي الفرق عقب ماتشلين شيره وسوي حمام مغربي بعد قبل لاتشيلين شيره الحمام المغربي بعد وايد حلو للشعر تحت الجلد وللتفتيح وتوحيد اللون


واي استفسار حاااضر ومن عيوني انا موجوده

ما ابي غير الفايده لكم ودعواتكم لي ولعيالي:eh_s(22):



ღღღღღღღღ

مع تحياتي ياحياتي

مزيونه وشقره

 

[s7r 3yonk]

32-تبين ريحة جسمج ريــحة نظافه وريــــــــــحة روووعه ومنعشه

بسم الله الرحمن الرحيم

اليوم يبتلكم طريقه تخلي ريحتج ريحة نظااااافه وريحه منعشه وهاديه ورقيقه وفواااحه

واللي نحتاجه :eh_s(9):


1- مسك العروس ( من القرشي)

3- حجر مسك ( من القرشي)

4- بخاخ الجوافه (من فكتوريا سيكرت)

5- ماي ورد ( من جمعيتنا او جمعيتكم:eh_s(6): )

6- بخور



اول شي عقب ما تاخذين شور وتتفركييين عدل مدل وتتسنفرين


نشفي جسمج عدل وحطي اذا تبين مرطب وديودرنت

ونيي حق طريقتي الحين

رشي على جسمج ماي ورد بالبخاخ او مسحيه بقطنه اذا ماعندج

حطي بايدج شويه مسك العروس وامسحيه على جسمج ومكان الماي الورد عشان يتوزع مع ماي الورد وحطيه اشوي مركز على رقبتج وايدج تحت الكف مكان النبض عرفتوه يعني اعرف اشرح :eh_s(3):

وبعدين ييبي حجر المسك ابشريه اشويه بطرف السجين او القفشه وبيصير مثل البودر اشوي

وحطيه على جسمج وتحت الابط اشوي وورا اذنج

وييبي البخور وتبخري شعرج وجسمج كله

وبعدين رشي رشه خفيف بخاخ الجوافه لا تكثرين منه

ولبسي هدومج واستانسي بالريحه الحلوه

اي ويا حبذا لو ترشين عطر الور للشعر على شعرج لانه روووعه


ادعولي الله يهدي عيالي ويحفظهم ويوفقني يارب


يالله انتظر ردودكم وتجاربكم وافكاركم:eh_s(15):


مع تحياتي ياحياتي مزيونه وشقره:eh_s(17):

 

[s7r 3yonk]

33-الحمره السحريه تهبـــــل حركاااات خطـيره للمتزوجات تخليج نعـــووومه ورديه

بسم الله الرحمن الرحيم


شخباركم

يا متزوجات يا حلوات

اليوم يبتلكم حركاات خطيره وصغيره بالحمره السحريه الخضره عرفتوها


الطريقه الاولى

قبل النوم بليل حطي من الحمره على شفايفج وخدودج اشويه

راح تصير شفايفج ورديه وخدودج تهبل ولونهم كانه وردي طبيعي لي باجر الصبح حتى لمن تقعدين يصير شكلج حلو بس عاد موتكثرين وتصيرين حمره:eh_s(6): لا حطيها بنعومه

الطريقه الثانيه

اذا تبين خدودج ورديه على خفيف وبشكل طبيعي حطي منها قبل كريم الاساس اشويه على الخدود وفركيهم راح يصير الاساس حلو وخدودج تبين ورديه من تحت الاساس




الطريقه الثالثه

اذا انتي لابسه لبس ناااعم وما يبيله مكياج وايد حطي هالحمره وفوقها جلوز شفاف تطلع شفايفج ناااعمه وحلوه


الطريقه الرابعه




















:eh_s(17):







الطريقه الرااابعه




:eh_s(17):











الرطريقه الرااابعه


العزابيات بره ها عن اللقافه حبايبي

يالله حبايبي اخذي هالورده وطلعي بره يالله :eh_s(17):













ها طلعتوا








الطريقه الرابعه
قريتها في منتدى ثاني
لحلمة الصدر حطي حمره السحريه على خفيف بتخلي لونها حلو وايد وطبيعي


و




و




مع




مع




مع



مع تحياتي يا حياتي:eh_s(22):

مزيونه وشقره

 

[s7r 3yonk]

34-لتعطـــــــــير المنـــــــــطقة الحســـــــــــاســــــــه

بسم الله الرحمن الرحيم

شخباركم كويتيات :eh_s(8):


حبيت اقولكم عن طريقه لتعطير المنطقة الحساسه
حلوووووووووه وااايد ومنعشه

والطريقه اهيا

علبة صغيره او فنجان فيه ماي نظيف + اشويه ماي ورد + مسك ( مبشور او مطحون)والكميه تقريبا ملعقه صغيره مالت السكانه عرفتوها (( قفشة الحوس:eh_s(3): ))


والمسك هذا تلاقينه حجر مسك عند القرشي اخذيه وابشريييه بطرف السكين وراح يصير مثل البودره وما انصحكم تجربون غيره لان هذا انظف وافضل نوع

وساعات احط نقطه وحده صغيره من مسك العروس السائل من القرشي

والحين نجي للطريقه خلي المكونات تنقع جم ساعه ومغطيه

وبعدين اخذيلج شرايح القطن اللي لتنظيف البشره وتكون كبيره شوي وحطي عليها من الماي والمسك ومسحي فيها المنطقه الحساسه وخليها فتره بسيطه اذا تبين عالمنطقه:eh_s(17):

ولكن الحين بشرح لكم شي القطنه لمن نحط عليها الماي والمسك راح يصير راح تتبلل من الصوبين من الجهتين صح وجهه راح يكون فيها اشويه من المسك المبشور هذي الجه لا تمسحون فيها المنطقه لا الجه الثانيه اللي مافيها البودر ها تكفون قولولي فهمتوني او لا

اي ولا تنسون ان حتى الرسول صلى الله عليه وسلم وصى فيه النساء لتعطير المنطقه بعد الدوره:eh_s(17):


يالله انطركم واتمنى اني فدتكم


وانتظر تجاربكم ورايكم وياليت كل وحده تعطينه طريقه وفكره


مع تحياتي يا حياتي

مزيونه وشقره​

 

[s7r 3yonk]

35-اللي تبي جسمها زبده ابيض وناعم وبسهوله انشالله تتفضل معاي

بسم الله الرحمن الرحيم

اللي تبي جسمها زبده ابيض وناعم وبسهوله انشالله تتفضل معاي +++ مزيونه وشقره +++
:eh_s(17):
انا سويت طريقه قايلتلي عليها وحده الله يذكرها بالف خير <<< المهم قولي :eh_s(20):

والله يا بنات سويتها ولاحظت الفرق والنعومه واللون الفاتح من اول مره

عسى ربي يجزاها الف خير قولو امين (( امين ))

ما ابي اطول عليكم

بعد ما تتسبحين وتخلصين وجسمج يكون رطب اشويه

اخذي السنفره اللي على مشمش وفركي جسمج بحماس ونشاط يعني فركي جسمج عدل مدل

بعدين غسلي جسمج وحطي عليه كريم سنفرة العروسه وخليه كثر ما تقدرين 5-10 دقايق وفركيه وغسليه

وبعد ماتغسلين حطي هرده على كااامل الجسم وحطي حق ويهج بعد وخليه المده اللي تبينها يعني 5-10 دقايق

وغسلي جسمج وشوفي النعومه والبياض باذن الله ومع الاستمرار احلا واحلا انشاء الله

جربوا وادعولي

 

[s7r 3yonk]

36-رديتي من السوق والا الدوام وريولج مغبره ورقبتج سوده>>(( تعالي للبياض والنظافه ))

رديتي من السوق والا الدوام وريولج مغبره ورقبتج سوده

اول شي تسوينه قبل لاتتسبحين وتاخذين شور منعش:eh_s(17):

لا زم تسوين هالخطوه المهمه و بتشوفين نتايجها العجيبه مع الاستمرار





















الاسكينول


اخذي الاسكينول وحطي منه اشوي البقطنه ومسحي فيها ارقبتج وشوفي اشلون يطلع السواد واللون الغامج بالقطنه :eh_s(1):

ومسحي لحد ما يروح كل السواد وحتى صدرج مسحيه

وسوي نفس الطريقه لريولج وخصوصاً الاصابع وشوفي شنو يطلع معاج

وبعدين اخذيلج شور وانتعشي :eh_s(6):

بس لازم الاسكنول قبل الشور لان الماي والصابون بيلزق الوصخ والسواد اكثر

ترا الاسكنول شي عجييييب ويفتح الجسم والمناطق الغامجه واهوا انواع بالخيار بالليمون بالبابايا :eh_s(3):

وانا استخدم اللي بالليمون:eh_s(15):

ويالله بنات ننظر ردودكم وتجاربكم


ودعواتكم يا كويتيات​

 

[s7r 3yonk]

37- متزوجات عندي لكم وصفه سهله لعلاج الافرازات وتحسين رائحه المنطقة الحساسه

:stars:
بسم الله الرحمن الرحيم



شلونكم حبايب قلبي


كنت اتصفح كتاب وقريت هالعلاج الحلو


يعمل حمام مهبلي بمغلي بذور حبة البركه مع مقدار من زهر البابونج يغلى مقدار من الاثنين ويغسل المهبل بعد ان يبرد المغلي

فانه جيد لعلاج السيلان والافرازات وازاله الرائحه المنفرة


ان شاء الله يفيدكم


وناطرين تجاربكم ورايهم ونبي خبراتكم في هالموضوع





ღღღღღღღღ

مع تحياتي ياحياتي

مزيونه وشقره