جمعت لكم مواضيع وخلطات مزيونه وشقره

[s7r 3yonk]

السلآم عليكم ورحمه الله وبركآآتهـ

كيفكم كويتيات يمنيات خليجيات

اليوم رجعت لككم بموضوع رائع وهو خلطات الاخت الجميلة والرائعه

الذى اذهلت البنات بخلطاتهاآ جزاهاا الله الف خييير وكمان اشكر كل من

انل ومس انجل وانجل كات على طرحهم للخلطات الجميله

مثل ما انتوا شايفين قبل طرحت لكم مواضيع للآخوات انل وانجل كات ومس انجل

هنآآ خلطاات انل
http://www.q8yat.com/t1145061.html

هنآآآ خلطات مس انجل
http://www.q8yat.com/t1145145.html

هنآآآ خلطات انجل كات
http://www.q8yat.com/t1145313.html

واليوم بطرح لكم خلطات مزيونه وشقره

 

[s7r 3yonk]

1- خلطتي الصابونية:والله بيـــاض على بياض فضيع للجسم ولون واحد وبدقايق

الموضوع /// خلطتي الصابونية:والله بيـــاض على بياض فضيع للجسم ولون واحد وبدقايق _بصــور من تلفوني

تحية طيبه وبعد,,,



شخباركم كويتيات

وخليجيات

وعربيات

عندي لكم خلطه صابونية خاااصه فيني من تأليفي عاااد أبي عليها براءة اختراع منكم اوكي

بنات ما كتبتها لكم الا و انا مجربتها وضامنتها لكم والله يشهد علي

بنات هالخلطة تعطيج بياض على بياض ونظافة حلوه ولون الجسم يصير منور وعجيب وبياض بتشوفينه فوري والله العظيم في دقيقتين بس

وطريقتها سهله وتونس وممتعه
والأشياء اللي نحتاجها مع فوايدها

1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم )
2-صابونه الغار--------------------------- ( تبييض + نظافة وتشيل الحبوب وتصفي)
3-صابونه السحرية------------------------ ( تبييض)
4-صابونه البابايا --------------------------( تبييض + تشيل الحبوب وتوحد اللون)
5-ماي ورد قلاص وربع------------------- ( ترطيب نعومه تبييض)
6-اشوية كركم جسم ------------------------( تبييض)
7-ملعقة كبيره ملح خشن -------------------( تطهر الخلطة + نظافة)
8-ملعقتين كبار سفيد اب مطحون- ---------- ( تبييض)
9-ملعقة وسط نشا-------------------------- ( تبييض + لتماسك الخلطة)

والحين نبشر صابونه الكركم وصابون الغار و الصابونه السحرية وصابونه البابايا

نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون

نبشرهم ونحطهم في صحن بروحهم راح تصير عندج كميه من الصابون المبشور

نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم

أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون

للعلم انا سويت خلطتي الاولى وخلصت وسويت ثانيه وبتخلص بعد والحين ببتدي في الثالثه ان شاء الله

===========================

 

[s7r 3yonk]

2-سنفرة السنفرات لاحلى بنات **سنفرتي= نعــومه+ تبييض+ نظافه

:ggdw:حصريا منتديات كويتيات:ggdw:
:eh_s(6):



خلطه تبييض جديده ماتاخذ من وقتج دقايق تبييضها عجيب وتصلح للاماكن الغامجه في الجسم وتصلح للسيقان وتعطي لمعه للجسم وانتعاش ونظااافه




يعلم الله وقلبي شاهد اني احبكم واعزكم لله في لله تعاملكم روووعه واسلوبكم راااقي وردودكم أحلا وأحلا

و

كالعادة وعساكم دووم بسعادة يبتلكم شغله فادتني للجسم


صارلي فتره أسوي هالخلطه الحلوة اللي ماتحتاج منج خلط يوميا ولا تعب يعني تخلطينها وتحطينها بعلبه وتستخدمينها متى مابغيتي الخلطة مكوناتها حلوه وتبييض وتنعم


شوفوا الخلطة وشوفوا مكوناتها


- علبه سنفره المشمش الأصلية تلاقونها عند مركز السلطان هذي اللي اضمنها تكون أصليه ميه بالميه

- ثلاث أرباع جيس من ملح الحليب يوكو سبا الأصلي تلاقونه عند العطارين وسوق الفلبن

- ملعقتين كركم جسم

- 3ملاعق سفيد اب حجر ابيض إيراني

- 3ملاعق بودرة اطفال جونسون

- اشويه ماي ورد حسب حاجه الخلطة

-*** زيت اللوز المر اشويه للي بشرتها جااافه حيل انا شخصيا ما أحطه بس اللي بشرتها جافه تحط منه بقدر حاجتها ***




يالله


بسم الله


نبتدي



ون




تو




ثلاثه


الطريقه الرقيقه


اخذيلج طاسه صغيرونه وحطي فيها سنفره المشمش فرغيها كلها من العلبة وحطي فوقها ملح الحليب وخلطي عدل مدل وبعدين كركم الجسم وخلطي عدل مدل وبعدين السفيد اب وبودر الاطفال وخلطي وخلطي اذا شفتي المكونات يبست السنفره زيدي اشويه ماي ورد بس اشويه مو تقولون ماااقلت اشويه لانج اذا حطيتي وايد بتسيح الخلطة

وعقب حطي الخلطه في علبه جديده واستخدميها مثل أي سنفره وممكن تخلينها في الحمام وانتوا بكرامه عادي مايضرها شي إن شاء الله واذا تبين لاستخدام واحد بس زيديها هرده او ليمون او زيديها طحين نخي او روب او عيش مطحون من هالشغلات الحلوه للجسم انا شخصيه استخدمها بروحها بس انصحكم بهالاضافات لانها حلوه بس تظيفونها للمره الوحده يعني تعزلين الكميه اللي تكفي جسمج وتحطين عليها اللي تبينه من المكونات الطبيعيه


<<<>> وطريقة استخدامها<<>>>

تتسبحين وتتليفين في أي صابونه عندج او مرتاحه عليها وعقب تغسلين وتحطين هالخلطه على جسمج وزعيها على الجسم كاااامل والإبط والأماكن الحساسة وخليها على جسمج جم دقيقه وبعدين ابتدي في فرك الخلطة على جسمج بشكل دائري في كل مكتن حطيتي فيه الخلطة وعقب ما تفركينها خليها دقيقه بعد قبل لاتغسلين وبعد ماتغسلين تنشفي عااادي ونعيما

هالخلطه تبييض وتنعم واااايد وتلاقين نتيجه بالنظاافه والانتعاش و بالنعومه أول شي ومع الاستخدام تلاقين توحيد لون وتبييض انا استخدمها مره الى مرتين بالأسبوع بصراحة تهبل واترك التجربه لكم وهمن عندي خلطه جديده في قيد التجريب اعده اجربها وبوافيكم في نتايجها بعدين


نصيحه جربوا هالسنفره او هالخلطه بتعجكم ان شاء الله
===============

 

[s7r 3yonk]

3-سنفـرة السنفـرات2 لأنعـم بنـات خلطه قويه تبـيض وتنـظف وتنـعم الجـسم كـامل بالصـور

كالعااااااااااااااااده وعسااااااااكم داااايم الدوم بسعاده


ما اجرب شي ويفيدني الا احب افيدكم فيه :eh_s(15):

وما ابي الا دعواتكم الطيبه



عندي خلطه يديده ونتايجها تهبل وسميتها سنفره السنفرات2 لان من قبل عندي هالموضوع و ألفت اسم سنفرة السنفرات من مخي لخلطه شوفوها في هالرابط الموضوع من اول 2008م
http://www.q8yat.com/t137760.html


والحين سويت خلطه سنفرات وسميتها سنفرة السنفرات2


و نتايجها تفتح و تنظف وتنعم يعني اهيا عقب الحمام المغربي او عقب ما تتسبحين وتحطين هالخلطه راح تكون بمثابه تنظيف بشره للجسم كامل

المكونات
1- سنفره كاب ( تنظيف للبشره + تبييض + نعومه )
2- سنفره العروسه ( تبييض + نعومه )
3- ربع قفشه ملح ( يحافظ على الخلطه + ينظف )
4- قفشه ونص كركم جسك ( تنظيف + تبييض )
5- قفشه ونص سفيداب ( تبييض )

المهم نشوف المكونات بالصور :eh_s(9): وناسه صور احب الموضوع اللي فيه صور هههههههه امبيه شفيني المهم هذي الصور



سنفرة كاب + سنفرة العروسه


ملح + كركم جسم + سفيداب


هني عقب خلطت سنفره كاب مع سنفره العروسه حطيت عليهم ربع قفشه ملح وخلطتها عدل


وفي هالصوره حطيت القفشه والنص من كركم الجسم و ضروري تخلطون المكونات عدل


وهالصوره حطيت قفشه ونص سفيداب

وبعدين اخذي الخلطه وحطيها في علبه

وفي شي غريب في الخلطه :eh_s(10):

الخلطه تكبر :eh_s(16): هههههههههههههه سكنهم مساكنهم :yaaaaaarb:

اذا ييتي بتحطينها بالعلبه لا تترسين العلبه كامله يعني لا تخلينها فل عطي مجال فاضي ربع العلبه لان الخلطه راح تنتفش اشوي وتترس العلبه عقب ساعه ساعتين او اكثر

وهذا شكل الخلطه في العلبه ما ترستها مثل ما قلتلكم عشان بعدين راح تزيد اشوي خوش خلطه كريمه




طريقة استخدام الخلطه

تستخدم عقب السبوح على جسم نظيف ودافي توزعينها على الجسم كامل من رقبتج لييين ريولج ووزعيها عدل وفركيها على جسمج عدل بتدليك وخليها اقل شي ثلاث دقايق والافضل خمس دقايق وفوق وبعدين واهيا عليج الخلطه دلكي جسمج فيها مره ثانيه وغسليها بماي فاتر ونعيما يا قمر

وممكن تستخدمينها عقب الحمام المغربي
وممكن تستخدمينها مع البخار

والنتايج

نعووومه نظااافه بياااض والتجربه لكم


راح تشوفين اللون يفرق عليج من الاستخدامات الاولى للخلطه خصوصا للرقبه والظهر والزنود والفخوذ والذراع وراح يتوحد لونج معاها و اهتمي بالترطيب عقبها

واللي تبي برنامج مع الخلطه

استخدميها اول الايام يوميا بعدين يوم وترك وبعدين كل ثلاث ايام

ونصيحتي استخدمي الصابونيه قبلها وبعدين هالخلطه وبعدين ترطيب بمرطب للجسم


واللي تبي عنايه اكثر تدهن قبل السبوح بساعتين بزيت اللوز المر والجلسرين وبعدين تتسبح بالصابونيه و تسوي هالسنفره وعقب ترطب جسمها بخلطه دلال او بلوشن فير اند وايت الكحلي سعره ب14 من الصيدليه او لوشن سي بس خلطه دلال ولوشن فير اند ويات اقوى للتبييض وتوحيد اللون


واتمنى الفايده للكل

 

[s7r 3yonk]

4-بيـــــــــاض لليديــــن رهيب ونعومه عجيبه ()( والله انا جربته شي رووعه

اليوم يبتلكم شغله يديده تبيض وتفتح بشكل رهيب وفوري والله شي عجييييب
لا والنعووومه احلا واحلا



سويها اذا عندج مناسبه واذا ماعندج مناسبة وتبينها كعناية سويها يومياً بليل قبل النوم وقعدي الصبح وشوفي البياض والنعومة والروووعه

والطريقة هي

غسلي ايدينج بصابون ويفضل الباباي او صابون عادي مو مشكله

بعدين فركي ايدينج عدل مدل بليمونه وركزي على المفاصل وفركي المده اللي تقدرين عليها

بعدين خلي يدينج تنشف والليمون عليها

وييبي سنفرة المشمش وفركي ايدج فيها عدل مدل

لحد ماتنشف السنفره وتتشرب
وغسلي ايدج في ماي وحطي كريم فير اند لفلي او جولسليد الاحمر

وشوفي النعومه والبيـــــــــــــــــــــــــــاض والله روعه انا عن نفسي تبين التنيجه فوريه ولكن الاستمرار احلا واحلا

وبعد اذا تبين شي اسهل استخدميها بدون سنفره كل يوم بليل قبل النوم فركي ايدج في ليمونه ولمده دقايق بعدين غسلي وحطي كريم فير اند لفلي او جلسليد ونامي وشوفي الصبح بياض ونعومه ولكن مع السنفره احسن

امبيييه ادري هذرت وكررت الكلام بس والله شي بيعجبكم ياكويتيات:eh_s(8):


يالله بنات جربوا وعطونا تجاربكم وخبراتكم ورايكم

 

[s7r 3yonk]

5-غرامي النظافه والريحة الطيبه للجسم لج ولزوجج وعيالج و enjoy رغوه حلوه على ذوقي

z0.com]

[/url]


بسم الله الرحمن الرحيم

شلوووونكم حبايب قلبي
♡
كالعاده وعساكم دايم الدوم بسعاده
♡
ما احب شي ويفيدني الا افيدكم فيه
شسوي أحبكم ♡
اول شي غرامي النظافه معروفين احنا الكويتيات والخليجيات والحمدلله بالنظافه والريحة الطيبه فديتنا
و اهم شي عندي الجسم يكون نظيف وريحته حلوه حتى في منتجاتي اعتمد اول شي على النظافه للجسم بعدين التبييض والنعومة والتعطير
و
اليوم يبت لكم طريقة لرغوه الحمام ريحتها حلوه وتعطر جسمج كله
نحتاج
مسك القرشي السائل تذوبين 10نقط او اكثر بكوب ماي حااار مغلي
و
قفشه صغيره من بودره المسك اللي ابيعها مذوبه بكوب ماي حار مغلي
و
10قفاش كبيره ملح خشن
و
سائل جونسون ماقبل النوم البنفسجي
و
ترس مغطه سائل ديتول الاخضر الشخصي
و
اهم شي مصطلحاتي كويتيه بس ماعليه هذي نقل ثقافه فديتنا

اول شي تنظفين البانيو عدل و تسكرين الفتحه و تحطين الملح على مكان قريب يم سداده البانيو و وين ما ينصب ماي النل عليه ويتدفق وي شفيني يتدفق يعني قصدي وين يصب الماي بقوته عشان تختلط المكونات اللي بالنحطها وتتكون رغوه و تحطين بعد كوب الماي اللي فيه المسك والكوب الثاني و حطي سائل الديتول و صابون جونسون السائل الكميه اللي تبين حطي وااايد ونااااسه رغغغغغغوه غغغغغغ هههه يما شفيني اليوم!!!
وبعدين
وتخلين الماي الحاااار يصب بقوته على الصابون والملح والمسك عشان تتكون رغوه حلوه وتفووووح ريحة المسك الخنينه يماااامااااتي ياحياتي خيااااااال بعدين اذا تكونت الرغوه دشي بالحوض ياحوريه يا جوريه يا ورده نديه<<<بدت تهلق ههههههههه
وقعدي كثر ماتبين بس مو لمن يبرد الماي و يدشج برد وتدعين علي هههه
وبعدين تعالي شوفي الريحه تلزق الريحه بجسمج بشكل حلو وناعم ونظااافه من الديتول الاخضر ومن المسك ومن
ونصيحه لا تحطون صابون سائل معطر وايد خصوصا اللي ينباعون في المحلات المخصصه للشور جل وبدي سبري يكون على ريحه فواكه ياربي ما احب ريحتهم احسها تخرب ريحة الجسم و تجففه وتسمر
خليكم على هالطريقه سويها لج ولزوجج بعد وعيالج و enjoy

أحبكم

مزمز

ما ابي الا الفايده لكم
و دعواتكم الطيبة لااااا تنسوني من دعواتكم الطيبه

 

[s7r 3yonk]

6-متعقده ايدج سمره جافه و المفاصل سوده وتبينها ناعمه وبيضه معـاي انتي قمــــــــــــــر

السلام عليكم ورحمة الله وبركاته



شلونكم حبايب قلبي


عساكم بخير



عندي لكم عنايه حلوه لليدين


بس اهم شي الاستمرار

والنتايج اكثر من روووعه

نقول ماااشااااء الله

اليدين

سمره غير عن لون الجسم

خشنه

لونها مبقع مفاصلج سوووده وجافه


تعالي وجربي

واهم شي الاستمرار

لان كل مواضيعي وعنايتي يبيلها استمرار وكل عنايتي ومواضيعي ماتاخذ منج وقت وسهله عشان جذي ابيكم تستمرون



المهم

يوميا

بليل قبل النوم تغسلين بصابونة البابايا

الشفافه اللي فيها قطع برتقاليه

او براحتج اي صابونه مرتاحه عليها

وبعدين تحطين طاسه صغيره فيها ماي دااافي حار وتنقعين ايدج اشوي فيها ( خطوة التنقع مو ضروري يوميا ممكن يوم وترك واليوم الثاني تغسلينها بس كبدايه افضل يكون يوميا لمده 3 ايام هههههههههه يارب تفهمون علي :eh_s(2)

وبعدين عقب الماي الدافي

تسوين سنفره مووووووووووووووووو اي سنفره تكشخين وتشترين سنفرااات انواع واشكال وغاليه

هالسنفره مااااابعدها ولا قبلها سنفره جربت وشريت وشفت و سافرت دول واااااايد هالسنفره التوووووووب في كل دوله وفي كل مكان وفي كل التجاااارب

سنفره ست ايفيز بالمشمش يا مشمش

العصار او العلبه المدوره انا عندي الثنتين العصار والعلبه المدوره كلهم توووب ما استغنى عنهم

وفركي ايدينج فيها عدل مدل بكثر حاجه ايدينج للسنفره ( يعني اذا اينج ناعمه وجلدج خفيف لا تفركين حيل وتجرحين روحج)

وبعدين غسلي بماي دااافي ونشفي ايدينج بفوطه طه طه ههههههههه


وعلى ى ى ى ى طوووول

حطي كريم ( الد كوين فور) بس هاه مااااااااينحط بره البيت بالحر وتحت الشمس

ونااااامي نااااااااااااااااااااااااااااااااااااااااااميييي

والصبح صباح الخير

غسلي ايدج بماي داااافي وفركي مره ثانيه بالسنفره


ونشفي ايدج وحطي من هالكريم هذا اسمه

viola whitening cream for Rough area


واذا كنتي بتطلعين بره البيت حطي كريم مرطب مع حمايه واهم شي يكون فيه ترطيب


واذا رديتي من الدوام الظهر غسلي ايدج وحطي من الكريم فيولا اللي ذكرته وبعد ساعه او اقل حطي من هالكريم المرطب هالكريم للجفاف ويرطب اليدين كعلاج ووايد حلووو

castalia sensial creme hydratante

هالكريم حطيه مرتين باليوم براحتج متى ما بغيتي


وبليل قبل النوم عيدي نفس حركه امس ههههههههههه يا حركااات السنفره وكريم الد كوين ورووووووووووح

وان شاءالله تلاقين نتيجه حلوه مع الاستمرار وحرصي من الجفاااااف


وهذي نصايح مني


انا وحده اتسبح يوميا بخلطتي الصابونيه واهتم بالترطيب يوميا ومره استخدم لوشن فيتامين سي وعقبه لوشن فير اند وايت الكحلي الكبير ومره استخدم خلطه اللوشنات اللي فيها فير اند لفلي وجولسليد شوفوا الموضوع في مواضيعي ذاكره كل شي واول شي اسوي ادهن فيهم يديني وبعدين ادهن جسمي وهالشي يفيد اليدين بياض ونعومه

وفي موضوع يفيدكم بعد عن تبييض اليدين شوفوه في مواضيعي سووه مره او مرتين بالاسبوع

وكل اسبوع او اسبوعين اسوي حمام مغربي وافرك ايدي ويطلع الجلد الميت بس بنعومه وتدليك مو اسحكها وافركها حيييل واجرح روحي

وكثروووووووووااا شرب ماي وشربوا عصير برتقال يبيض ويصفي البشره ويغذيها والروب بعد

جربوا يا حبايب قلبي والنتيجه روووعه باذن الله



و مابي غير الفايده لكم ودعواتكم الطيبه

 

[s7r 3yonk]

7-تبييض و نظافة لمنطقة الابط mazyonaaa@ مع مزيونه انتي احلا #أحبكم

شلونكم حبايب قلبي تفضلوا هالطريقة لتفتيح منطقة الاندر ارم

[/url]


لتفتيح المنطقه تتسبحين يوميا و اذا المنطقه غامجه حيل مسحي قبل السبوح باسكينول بس ديري بالج مو تحطين الاسكينول وانتي توج شايله شيره او ليزر
و عقب السبوح دهني المنطقه بالكريم كميه بسيطه ولمن يتشرب بالجلد رشي بخاخ بايوت انا افضل البخاخ كبدايه عشان تستفيدين اكثر من الكريم و بعدين لمن تحصلين النتيجه اللي تبينه. استخدمي بايوت الرول و ابتعدي عن الديودرنت الرخيص مثل اللي بالجمعيات و المعطره خليج على بايوت وااايد ممتاز

المهم و كريم الدكوين كريم مبيض طبي بس لا تحطينه وتطلعين بالحر والشمس و بأول اسبوع استخدميه يوميا وثاني اسبوع يوم وترك لمن توصلين للنتيجه اللي تبينها خليه مرتين بالاسبوع كافي
والي بتقول اذا تركته يرد السمار
شي طبيعي تتركين العنايه بتردين مثل قبل
و نصيحتي بعد بالحمام المغربي كل 10ايام
و الكريم والديودرنت موجودين في الصيدليات

و ما ابي غير الفايده لكم ودعواتكم الطيبه

 

[s7r 3yonk]

8-حمـــام مغربـــي لتفتيح الجسم ونعومته سهل مع خلطه تبييض من عندي مع حركات بياض ونعومه

بسم الله الرحمن الرحيم




شلونكم حبايب قلبي




كالعاده وعساكم دايم الدوم بسعاده


ما اجرب شي ويفيدني الا اكتبه لكم ابيكم تستفيدون مثلي




الحمام المغربي انصح فيه

كل عشر ايام بالبدايه او كل سبوع واذا لقيتي نتيجه حلوه عجبتج تسوينه كل سبوعين


المهم نبتدي بسم الله


اول شي لازم الحمام يكون نظيف ومغسلته بديتول عدل << انتي شكو بحمامات الناس ههههههههههههههههه :eh_s(22):


لا بس احب هيكي


ماعلينا


بقولكم انا شسوي قبلها اخلي الخدامه تغسل الحمام عدل مدل واخر شي تمسحه بماي وديتول حتى السقف ايننها اخليها تمسحه ههههههههه <<< نظفت الحمام سوتله مغربي قبلها هع هع هع


بعدين


ماعلينا

المهم


تكونين من 24 ساعه مو متسبحه <<< يا عيني

وتكونين من 24 ساعه مو حاطه كريمات على جسمج او غيره


عشان تطلع البلاليط عدل مدل


المهم اخذي جهاز البخار العادي اللي يستخدم للوجه عرفتوه الي ينباع في بوتس مو الخيمه لا العااادي ووصليه للحمام وشغليه بالحمام حطي تحته طشت نايلون عن الكهربا سبحان الله وتحت الواير لا يحوشه ماي انا اسوي جذي عادي الحمدلله ماكو الا العافيه بس تحرصون من الماي

المهم وحطي الماي داخل الجهاز عادي وحطي معاه قفشتين ملح ناعم مع الماي وشغليه

وعلى ما يشتغل رفعي شعرج ( لا تكونين حاطه دهن بشعرج يعني مستغله الوقت مسويه حركات ههههههههه ويطيح الدهن على رقبتج وظهرج وتخترب السالفه مايصلح يا ماما ) غسلي جسمج بماي حاار داافي وبعدين

اخذي الصابون المغربي ( يفضل يكون نوع زين ومن داخل يكون ثقيل مو مو ماي سايح ) ومسحي فيه جسمج على شكل تدليك ناعم ووزعيه على جسمج كله

ابتدي من اليدين الثنتين وبعدين الاندر ارم وبعدين الرقبه والصدر وبعدين الريول والمنطقه الحساسه وبعدين الظهر والارداف

وحطي اشوي ورا اذونج لنظافه اكثر <<< تموت على النظافه :eh_s(7):

وقعدي بالبخار ربع ساعه او ثلث ساعه وياليت بعد لو تفتحين الدش على الماااي الحاااار حيييل عشان بعد يطلع منه بخار وتستفيدين اكثرررر


لا تفركين جسمج بهالوقت لا خليه عليج الصابون عادي

قعدي عاد طالعي الحمام خزي روحج بالمنظره

وطالعي السقف وابتسمي للسقف هههههههههههههه بسم الله

شفيني حاطه دوبي دوب هالسقف

وبعدين عقب الربع ساعه سكري البخار وروحي تحت الدش وغسلي جسمج بماي دافي عادي مو حار يعني يميل للبروده

ومهم مهم مهم تغسلين عدددددددددددددددددددددددددددددددددددددل مدددددددددددددددددددددددددددل من الصاااابون والا ماراح تستفيدين شي وماراح تطلع البلاوي

غسلي عدل مكان مكان بماي ومسحي بايدج والماي يصب عليج شطفي اجزاء جسمج بايدج لازاله الصابون تماما <<< فيها خلل كبير الجمله بس ان شاءالله واضحه

بنات تكفون تغسلون عدل من الصابون

وبعدين ييبي الليفه المغربيه نظيفه وغسليها بماي حار وعصريها اشوي من الماي على خفيف وابتدي دلكي جسمج وتفركي بشكل تدليك قوي بس تكفون مو لدرجه التزلق ويتحول سواد لا تدليك قوي مع ضغط يطلع الوصخ

وراح تلاقين البلاوي وابتدي بالظهر بعدين الصدر بعدين اليدين والرقبه وبعدين الريول واخر شي الارداف والمنطقه الحساسه

وفركي ريولج عدل والاصابع وبينهم والركب والكوع وقعدي تفركي لمن تحسين ان خلاص طلع كل شي

بس نصيحه لا تسحكون وتزلقون روحكم بقوه بس بدون تزلق فديتكم


وبعدين غسلي بما داافي و سوي هالخلطه للتبييض ( 4 قفاش كبار سفيد اب + 6 قفاش كبيره سنفره كاب + ماي ورد ربع قلاص و قلاص ماي صغير منقوع بابونج بالورد اللي فيه : يعني تغلي بابونج قفشتين وتخلينه يبرد وتخلطينهم مع السفيد اب وسنفره كاب ) ( اللي مالها خلق تقدر تستخدم سنفره كاب بروحها )

ووزعي الخلطه على جسمج كااامل راح تشمين ريحه النظافه والبابونج يهبل ووزعيها ودلكيها عدل عليج وشغلي البخار مره ثانيه عشر دقايق او اكثر كيفج

وبعدين فركي جسمج فيها وغسلي ونعييييييييييييييييييييما


والحركات اكثر والعنايه اكثر


عقب الخلطه الاخير وعقب ماتغسلين منها


سوي سنفره لجسمج كامل بنعومه وتدليك ناعم لمده 5 دقايق ( سنفره المشمش اللي بالجمعيه )

وعقب غسلي بماي بااارد وييبي ماي ورد ونشا وخلطيهم لمن يصيرون كانهم خلطه وبسرعه وزعيه على جسمج راح يتوزع بشكل عشوائي لان النشا يتمساك عااادي سوي بعد ووزعي على جسمج والماسك راح يكون بارد وقابض للبشره يعطيها نعومه وبياااض

وعقب الحمام المغربي لا تحطين شي لا مرطبات ولا غيره لمده يوم كااامل


والحين صج صج صج نعيما وعليج بالعااافيه جسم نظييف فرررش وناعم ولون حلو

ومع الاستمرار راح تلاقين نتيجه تعجبج باذن الله بس هاه ما نهمل العنايه و الصابونيه والسنفرات والترطيب في الايام الباجي




وما ابي غير الفايده لكم ودعواتكم الطيبه

 

[s7r 3yonk]

8-سنفره اسبوعيه تخليج انعم من الحرير وتشيل الحبوب اللي بالسيقان والارداف والزنود


السلام عليكم ورحمة الله وبركاته
شلونكم حبايب قلبي
عندي لكم سنفره اسبوعيه تسوينها مره بالاسبوع
وتستخدمينها علي جسم ناشف ونظيف
يعني تكونين متسبحه العصر مثلا وماتحطين كريم على
جسمج وبليل تسوين هالسنفره
والسنفره اهيا
زبت اللوز المر+زيت زيتون+شكر
تحطين كميه اللي تكفي جسمج كله
وبس لاااازم زيت زيتون عادي لو ماتحطين
زيت اللوز بس زيت الزيتون مهم
تفركين جسمج بهالسنفره وتفركين الشكر عليج عدل
وبتدليك قوي خصوصا الاماكن الخشنه
وجسمج كله كله الا الوجه اذا بشرتج دهنيه
وطولي وانتي تدلكين السنفره عليج لمن تتعبين
وبعدين غسلي بماي بس وخلي حبات الشكر تروح
ولاتغسلين بصابون بس بماي وتنشفي عادي
وراح يبقا فيج زبت علي جسمج خليه لليوم الثاني
او تسبحي عقب ساعتين ونعيما
اتمنى الفايده لكم وما ابي غير دعواتكم الطيبه

 

[s7r 3yonk]

9-السفيد اب والحنه البييضه للجسم خلطـــاتي فيهم للبيـــاض وتوحيد اللون تفضلوا

بسم الله الرحمن الرحيم



مساء الخير


والاحساس والطيبه


مساء ما يليق الا بخواتي


واذا كانت الدنيا نهار


صباح الحب والاشواق والخير

صباح النور والسرور



عندي لكم شغلتين تبييض ويمكن بنات واايد ما يعرفون اشلون يستخدمونها

اول شي السفيد اب وثاني شي الحنه البيضه للتبييض

السفيد اب حجر ابيض ينباع عند الحواي

وعندي كذا طريقه فيه للجسم للتبييض وكلهم مجربتهم وروووعه في التبيييض


1- تحطين كميه منه مع الصابون المغربي وتستخدمينه كخلطة تبييض للجسم انا مجربتها عجيبه

2- تحطينه مع الهرده والليمون وهذي الطريقه يستخدمونها الصالونات للتبييض وروووعه تبييض ونعومه وتزيدينها ماي او ماي ورد اذا صارت ناشفه بس مو وايد وحلوه الخلطه حلوه

3- يكون جسمج رطب وتحطين من السفيد اب المطحون على ليفة بودي شوب وتفركين الجسم او على الليفه المغربيه هذي اسويها اذا مالي خلق اخلط وهم تبييض

4- لتبييض الرجلين تاخذين كريم جولسليد او كريم مرطب للتبييض من جرجنز وتحطين معاه كميه من السفيد اب وتخلطينهم وتحطينهم مع بعض وتلبسين دلاق (سوكس)<< عشان خاطر اللي ثقافتهم اجنبيه المهم تلبسينه ويكون متين ابيض والله هالطريقه عجيبه من تاليفي و تبيييييض حيل وجربوها

5- تخلطين السفيد اب مع سنفرة العروسه او سنفرة مارديكو وتحطينها كخلطة تبييض عاااد هالطريقه انا استخدمها بعد خلطتي الصااابونيه هم حلوه حيل تبييض وهم احط الحنه البييضه معاهم


والحين الحنه البييضه لتبييض الجسم

نفس طريقه السفيد اب بالضبط تخلطينهم مع الاشياء اللي ذكرتها واكثر المرات احطهم اثنينهم مع بعض وفي طريقه ثانيه خذيتها من الحواي قالي تخطين الحنه البييضه مع ماي عادي وتحطينها على الجسم

الحنه البييضه ماجربتها للويه والسفيد اب يهبل للويه مع ماي ورد


السفيد اب له اسماء ( بيوضي - حجر ايراني للجسم - سفيداج)
ودايم اخذوه حجر وانتوا طحنوه وانا اشتري الحجر واطحنه بالبيت
الحنه البييض تكون مطحونه وجاااهزه


هذي تجربتي وهذي خبرتي فيهم وما كتبتها لكم الا شايفه نتايج روووعه ومع الاستمرار شي حلو ونتايج حلوه مثل عيونكم يا حبايب قلبي:eh_s(22):

 

[s7r 3yonk]

10-يــاخلطــتي يانـــديه روحـــي لكويــتيات هــديه (خلطه ياااحياااتي لنعومه بدووون مرطب)


موضوعي /// يــاخلطــتي يانـــديه روحـــي لكويــتيات هــديه (خلطه ياااحياااتي لنعومه بدووون مرطب)

عندي لكم خلطه والله اسهل منها ماااااااافي ابد


انا من فتره استخدمها ولمن شفت نتايجها الحلوه مثلي <<< بدينا بالثقه الزااايد:23_asmilies-com:

اي اي اشرايكم فيني:eh_s(9):يازيني

زييييييييييينااااه


المهم

شفت نتايجها الاولى انج بعد ماتغسلينها بشرتج تظل نديه وناااااعمه ومتغذيه عدل صج صج خلطه حلوه



عاد انا سميتها خلطه ياااحياااتي1


ماعليه اترجمها لكم بالانجليزي باللي ثقافتها انجليزيه مثلي

الخلطه اسمها

هي ماي لايف ون<<<:friends:


اشرايكم بالترجمه



وبعد من نتايجها انها تعطيج نظاره وتناسب كل انواااع البشرات وتشوفين تفتيح للبشره واذا كانت بشرتج متهيجه او شي حطيها راح تبرد بشرتج وتخفف اي تهيج فيها صدقوني نتايجها حلوه حلوه حلوه تبيض تنعم بدوووووووووووون مرطب



واهيا

قفشه كبيره اللبنه التركيه عرفوتها لااااتغيرون لانه مافيها حموضه وثقيله اشوي عشان جذيه تغذي وتنعم وتهبل

واشويه عصير خيار اشوبه مو وايد انتي اخذي ربع خياره وعصري منها اشوي بالقفشه على اللبنه بنات مو وايد اشويه عشان ماتصير سائله وماتمسك على البشره

وانتي عاد روحي سوي سنفره وغسلي بماي دافي ونشفي ويهج واخذي الخلطه وحطيها ووزعيها عدل وركزي على خدودج ويبهتج والاماكن اللي تحسين ان فيها جفاف

وخليها عليج لحد ماتنشف اللبنه راح تنشف بنص ساعه احسن وقت للقناع فوق ال20دقيقه تكون البشره استفادت من الماسك او الخلطه عدل


وبعدين غسلي ويهج بماي فااتر وبس وبدون صااابون عشان تظل بشرتج ناااعمه وكانج حاااطه مرطب وتظل نديه

عشان جذيه قلت ياخلطتي يانديه روحي لكويتيات هديه هههههههههههه



امبيه



بنات اتمنى تجربونها لانها صج حلوه الخلطه ومافيها تعب ابدا ونتايجها حلوه وفوريه:sfg:




ما ابي الا الفايده لكم ودعواتكم الطيبه

 

[s7r 3yonk]

11-كريم بالجمعيه عطاني نظاره لحول العـــين وعبالي الفراغات وتفخلي الوجنتين و شفتي

بسم الله الرحمن الرحيم


شلونكم حبايب قلبي




كالعاده وعساكم دايم الدوم بسعاده


ما اجرب شي ويفيدني الا احب افيدكم فيه

وما ابي منكم الا الدعوه الطيبه والفايده لكم

ماشاءالله ولا اله الا الله


يمكن تكلمت عنه هالكريم من فتره ماني ذاكره بس ما اتوقع كتبت عنه موضوع كامل

بس اذكر اني تركته فتره لانه انقطع ورديت عليه الحين من شهر تقريبا لان ردوه

وهذا اهو الكريم
LOREAL
collagen filler


الماركه في منها مخصص للشفايف ومخصص لتحت العين جربتهم بس ما عجوني ما ادري اذا وحده جربتهم منكم تقولنا تفيدنا

بس انا جربت اللي بصوره بسسس والله عجيب

كنت حاسه ان منطقة حول العين فيها اشوي جفاف و شحوب << حلوه شحوب

وحسيت جاعيد الزمن قامت تتجرا عليها <<<< يما يما فلم :eh_s(2): ههههههههههه لا صج

حتى اسوي ويهي يكسر الخاطر جدام خواتي واقولي مو جني كبرت هههههههههه يضحكون علي يقولون عيارتج مافيج شي

بس صج صج صج كنت احس بالهشي اني احتاج شي يرطب ويعبي هالمنطقه ويعطيها نظاره طرا علي هالكريم كنت استخدمه وقطعته

والحين استخدمته والنتيجه حلوه استخدمته لمنطقه حول العين والوجنتين بس من فوق صوب منطقه العين وعلى الشفايف وبوضحلكم بالصوره الحين


مكان الخطوط والنقط احط الكريم يوميا بليل والعصر يعني مرتين باليوم وعلى بشره نظيفه طبعا

طبعا لعبت بحسبتها مسكينه هههههههههه بس حبيت اوضح لكم


بليل عقب ما اغسل ويهي عدل وارش ماي ورد اشوي واحط كريم الليل اللي يفتح البشره الد كوين تكلمت عنه بموضوع كامل

احط من كريم رويال كولاجين عالمناطق اللي وضحتها احط كميه راهيه اشوي خصوصا بليل اذا بنام ازيد الكميه وادهن المنطقه عدل بتدليك حلو واطبطب على الوجتين بشكل قوي اشوي يعني جنه طراقات خفيفه ههههههه
واحط على شفايفي بعد وعقبه احط فازلين على شفايفي بس

والعصر احط منه خفيف ونفس الشي ادلك وقبل المكياج همن حلو يهبل بس انطره يتشرب في بشرتي واحط مكياجي <<< صارت تشريب :eh_s(10):

ممكن اول مره تحسين يحرقج الكريم اشوي بس عادي اول يوم يمكن واذا كلش ما ناسبج وقفيه

بس ترا عادي عادي مو تخافون الكريم يهبل والله

وعلى شفايفي احطه بعد والنتيجه والله حلوه ماشاءالله عطاني منطقه حول العين نظره وناعمه وتعبت المنطقه اشوي وتفخلي الوجنتين اشوي مع شفايفي بس هاه مثل ماقلت بليل كميه راهيه مع تدليك وتطبطب وتكفخ هههه والعصر كميه عاديه


بس ما افضل ان تحطونه الصبح بشمسنا الحاره بدون حمايه

واللي تحس ان ايدينها جاافه وفيها تجاعيد خفيفه ممكن تحطه قبل كريم المرطب لليدين انا ماجربته لليدين بس يفيد ان شاءالله

وبنات في شغله مهمه وااايد وشفت بنات يسوونها انصدمت بصراحه انها تحط كريمات على بشره غير نظيفه وايدينها مو نظيفه بعد ماااكو فايده بالعكس بتضرين روحج وتلوثين بشرتج وذيج الساعه قولي ما استفدت ولا لقيت نتيجه مثل البنات
يعني لازم تغسلين ويهج ماي وصابون وتنشفينها بكلنكس وترشين ماي ورد خفيف بعدين بلشي حطي كريماتج وعنايتج حتى قبل لا تحطين مرطب اليدين والجسم ديروا بالكم


واتمنى الفايده لكم ومابي غير دعواتكم الطيبه

 

[s7r 3yonk]

12-أعشـق النظافه والزين - قولوا ماشاءالله -وايد يسألوني عن بشرتي وصائها ولونها ولمعتها-

بحطلكم عنايتي في بشرتي وقولوا ماشاءالله



الكل يسالني عن كريم اساسي ولوني خصوصا بالطلعات العاديه مع اني ما اكثر بس احط كومباكت بودر من ماكس فاكتر وتحته كونسيلر الاضاءة اشويه من سان لوران اسمه توش ايكلا

وكل مره يسالوني شنو اساسج

وبعضهم يقولون احنا نستخدمه مايطلع حلو


والسبب بالبشره ولونها ونعومتها ونظافتهاااااااااااا



والحين بين يدينكم اسرار عنايتي ببشرتي <<< وينج ووين الاسرار كل شي تعرفينه تقولينه :krkrkr:


ههههههههههههه والله اتمنى الفايده للكل

اول شي اذكروا الله لاستمراري وعنايتي ( لا اله الا الله )

1- الصبح أول ما تقعدين من النوم غسلي ويهج في صابونة البابايا الاصليه الشفافه اللي بالقطع البرتقاليه مثل اللي في توقيعي وابيعها في مجموعة نواعم او اخذي صابونة تناسب الوجه من الصيدليه وتبيض مثل صابون ماركة فير اند وايت وسالي اذا تناسب الوجه او لا المهم الصبح اختاري من هالصابونتين او اذا كلش مالقيتي صابونة لايف بوي الحمره

2- عقب ما تغسلين نشفي ويهج بكلنكس غير معطر وابتعدي عن الفوطه الكلنكس انظف وانعم للوجه

3- بعدين اذا كنتي بتطلعين بره البيت مثل الدوام حطي كريم مرطب فيه حمايه وهمن فيه تفتيح ويشيل البقع والتصبغات وهذا اسمه وصفته لي دكتوره

ISIS
PHARMA
UNITONE4
SPF20
TACHES PIGMENTAIRES
hydroquinone FREE

عاد كتبت كل اللي فيه ههههههههههههه وعلى فكره هالكريم معروف وروعه وبسرعه يخلص من الصيدليات

4- واذا رديتي من الدوام غسلي ويهج بصابونه ونشفي بكلنكس ورشي ماي ورد ببخاخ على بشرتج وخليه اشوي وبعدين حطي مرطب للبشره الدهنيه الحساسه من ماركه افين وهذا اسمه cleanance Avene وفي منه انواع اختاري نوع يناسب بشرتج وعقب ماتحطين المرطب حطي مرطب شفايف من ماركة روك فيه حمايه
5- وبعدين نامي الظهر <<< شكووو ههههه
6- ويوميا وانتي تسبحين او تغسلين ويهج بماي دافي سوي تدليك ومساج لويهج بحركات وطقطقي بشرتج خليها تصحصح يا اطبطب يا ادلع وهيك يعني
7- وسنفره سوي يوم وترك عندي سنفره المشمش سيت ايفيز اللي بالجمعيات تكلمت عنها وايد في مواضيعي وهمن عندهم غسول حلو على مشمش يهبل استخدم كل واحد مع الشور
8- وبليل قبل النوم مباشره اغسل ويهي عدل مدل وانشفه بالكلنكس واحط كريم الدكوين فور كمية بسيطه واوزعه على ويهي وادهنه عدل ولااازم تكون يدينج نظيف وويهج نظااف وناشفين عدل وحطي من الكريم على شفايفج ومكان السمار اللي فيج وعلى ايدينج بعد وبعدين حطي مرطب تحت العين تكلمت عن كذا واحد في موضوع من قبل شوفوا مواضيعي وحطي مرطب الشفايف من روك وايد حلو او حطي فازلين بليل بس لا تحطين الفازلين بالنهار عالشفايف ديري بالج ( بالنسبه لكريم الدكوين فور مايصلح تحطينه بالنهار نهائيا حطيه بليل وغسليه الصبح لان في نسبه كرتيزون بسيطه وتقدرين تستخدمينه يوم وترك مو يوميا بس انا الحمدلله استخدمه يوميا ونتايجه حلوه معاي ماشاءالله لون واحد وتفتيح حلو )
9- الصبح تردين تغسلين ويهج واذا دوام تحطين حمايه واذا بالبيت حطي كريم افين اللي ذكرته
10- استخدمي اسكينول بالاسبوع مرتين او مره لويهج اذا يناسبج

ويوم وترك استخدميه لرقبتج وصدرج

11- وحطي ماسكات طبيعيه مرتين بالاسبوع شوفي مواضيعي ذكرت فيها كذا ماسك (الهرد وحليب بودر ونشا – البطاط والحليب --- )
12- سوي تنظيف بشره بسيط في البيت شوفوا مواضيعي فيها طريقة لتنظيف البشره بالتفصيل بس اذا بشرتج ما تحتاج لاتتعبثين فيها نصيحه

13- افضل تحطين بودره كومباكت الصبح ويكون فيها حمايه لانها بتحمي بشرتج اكثر من الشمس والجو بره وتكون من ماركة زينه وابتعدوا عن الماركات الرخيصه من عند الهنود

14- كثري شرب ماي وعصير برتقال يفتح البشره ويعطيها لون حلو ونظاره والروب بعد يفيد البشره وايد وهمن الجزر شوفوا مواضيعي ذاكره موضوع كامل عن التغذيه للبشره

15- وخري عن كثره الكاكاو خصوصا بليل لانه يطلع حبوب في البشره

16- غسلي بماي دااافي وبعدين ماي فاااتر مايل للبروده يشد وينعش البشره

17- ماسك المره وماي الورد استخدميه مره بالاسبوع او مرتين بالشهر واذا بشرتج فيها حبوب استخدميه على الحبه لحد ماتروح

18- مكياجي اغسله بماي دااافي وصابون ولا مزيل مكياج ولا غيره والحمدلله ماشاءالله مرتاحه

19- وكل بشره عن غيرها تفرق شوفي شنو اللي يناسبج واللي ما يناسبج تركيه واستبدليه بشي ثاني والاستمرار اهم شي الاستمرار مو اسبوع وسبوعين وتقولين ما لقيت نتيجه استمري وتلاقين نتايج ترضيج باذن الله

20 – لا تلمسين بشرتج وايدينج وصخه من بره او فيها غبار ولا تتعبثين بالحبوب وتفقصينهم هههههههه يعني شاطره ولا تعرضين بشرتج للشمس وايد ولا تنامين بمكياجج لو ساعتين بتنامين لازم تغسلينه
21- والنوووووووووووووم مهم هذي نصيحه يمكن انا ما اطبقها دايما بس وااايد مهم يحلي البشره وااايد

مهم الاستمرار بس في حاله اذا بشرتج تحسست من شي وقفيه وهذي تجربتي ونصايحي وعنايتي


هذي نصايح وبرنامجي اللي استمر عليه والحمدلله ماشاءالله
نتايج روعه تخف الاثار وتفتيح حلو وبشره بلون حلوووو والحمدلله الكل يسال عن بشرتي ونظفتها ولونها


وما ابي غير الفايده لكم

ودعواتكم لي ياحياتي

 

[s7r 3yonk]

13-وجه صافي ومشرق وخدود ورديه وعيون تلمع وشعر صحي بدون خلطات (مضمون ومجرب) روعـــــــــه

باختصار جربت هالطريقه من فتره انا

مع نونو جين

مع ام خذود نظيفه وكلهم عضوات معانا بالمنتدى من اهلي


المهم والله من اول اسبوع البشره ما تحتاج مرطب ولا شي ونعومه رهيبه وخدودي صارت ورديه وشعري صحي ومتغذي وعيوني تلمع والله شي عجيب وبشرتي مشرقه وحيويه ملحوظه


باختصار


عصير برتقال ( طبيعي شغل بيت بدون ماي)
+
عصير جزر( طبيعي شغل بيت بدون ماي)
+
علبة روب


طبعاً هالاشياء وزعيهم عاليوم كله يعني كل شي مع وجبه :eh_s(15):


ويالله انشاء الله تشوفون نتايج مثل ما شفنا والله شي رووووعه:eh_s(9):​

 

[s7r 3yonk]

14-خمس خطوات وتكونين انظف وابيض وانعم كويتيه <<==روووعه

السلام عليكم ورحمة الله وبركاته

بسم الله الرحمن الرحيم
باذن الله ما راح اقولكم شي الا وانا مجربته وضامنته لكم انشا الله

و

اذا تبين تصيرين عروسه نظيفه وبيضه ونعوووومه

و

اذا تحبييين النظاااافه والبيااااض والنعووومه



الخطوات


الخطوه الاولى : سنفره >>>للجسم كامل وركزي على الاماكن الخشنه

الخطوه الثانيه : حمام مغربي >>>للجسم كامل

ريحي جسمك بعد المغربي لمدة ساعه - ساعتين وبعدين

الخطوه الثالثه : اوكسجين >>>للجسم كامل اللي اهو تشقير لشعر الجسم

الخطوه الرابعه : الشيره او الحلاوه >>>للجسم كامل - ازاله الشعر

الخطوه الخامسه : ترطيب >>> للجسم كامل ويكون المرطب من غير عطور او نوعيه ممتازه او زيت اللوز



وانا استخدم سنفرة بودي شوب اللي علبته زجاج مع مرطب يكون مثل شكل السنفره
او استخدم خلطه للسنفره سررريه وهي م كركم - ملعقتين زيت زيتون - م ملح خشن - ملعقتين هرده (طحينه) - مع الكميه اللي تكفي جسمك من السنفره وفركي فيها جسمك وتركيها لمده عشر دقايق وفركيها بليفه ناشفه )

جربوا

ودعووولي

انتظروا مواضيعي وتجاربي اللي بتعجبكم باذن الله

 

[s7r 3yonk]

15-ريــولج بيـضه وصااافيه ونظيفة وبدون تشققات والشحاطه تهبل عليها

:eh_s(17): ريولج بيضه وصااافيه ونظيفة وبدون تشققات والشحاطه تهبل عليها

بسم الله ارحمن الرحيم

شلونكم كويتيات شخباركم اليوم بقولكم سرررر لا مو سر الا اسراااار

عشان تخلين ريولج بيضه نظيفة وناعمة وتهبل وتلبسين شحاطتج بثقه وتحطين ريل على ريل بعد

يبتلكم الحل والطريقة

وكالعادة ما اييبلكم شي الا مجربتة وشايفه نتايج عجيبة ومضمونه إن شاء الله

1- تشققات الريول من تحت:
إذا ريولج من تحت مشققه وناشفة ومبططه اخذيلج فكس ومع اشويه فازلين ( يعني كمية الفكس اكثر من الفازلين ) ودهني فيهم ريولج عدل مدل بكميه راهيه ولبسي دلاق متين ويفضل صوف وخليه عليج طووول الليل واستمري لمده 3 أيام حتى بتشوفين نتيجة حلوه وعقب هالثلاث أيام إذا تمت هناك تشققات استمري يوم وترك

2- بياض ونظافه ونعومه:
كل يوم فركي ريولج في ماي وصابون عدل مدل بفرشة بودي شوب الكبيرة وبصابون سائل فركي وفركي وفركي لحد ما تحسين ان ريولج انظفت من كل الغبره والوصخ المتعلق فيها بعدين نشفيها عدل وحطي عليها كريم جولسليد او كريم جلسرين انزين ولبسي دلاق وهالطريقه سويها بليل او اذا قاعدة بالبيت واذا كنتي راده من بره لاتنسين تنظيفين اول شي بالاسكينول بعدين هالطريقه

3- سويلج ساعه خاصة للريول مره بالأسبوع
بعد ما تنظفينهم بماي وصابون نقعي ريولج بماي دافي واشوية ديتول وصابون وخليهم نص ساعه وبعدين غسلي ريلج وفركيهم بليمون واشوية ملح فركيهم المدة اللي تقدرين وبعدين سنفريهم والسنفره واهيا على ريلج اخذي ليفه خشنه او ليفه مغربيه وفركي السنره عالريول عدل مدل وفركي ريلج من تحت بالحجر

والحين عندي نصايح مهمه وااااااااايد


*- لا تطلعين الدوام والسوق الا بجوتي مسكر ودلاق نصيحه حتى بالصيف لانهم اكثر مكانين فيهم غبره ووصخ وخلي الشحاطات للكشخه والمناسبات

*- دهني ريولج ليل نهار استخدمي كريم جلسرين وجولسليد وفازلين واتركس وفير اند لفلي وزيت اللوز المر

*- ولا تحطين كريم وانتي قبل جم ساعة حاطه كريم يعني إذا بتحطين كريم غسلي ريولج بعدين حطيه لان شي فوق شي يصير جلد ميت وكريمات وما منه فايده ويتكون وصخ وسواد .

*- اذا بتلبسين جوتي ودلاق لمده طويله والحين توه بادي الشتا حطي بودرة اطفال بين اصبع ريولج عن الفطريات وعشان تبتعدين عن اي روايح كريهه

وسمعوني عدل :eh_s(22): مو تسوون هالاشياء مره وحده وتقولون ماكو شي وما كو نتيجة لا استمري وبظرف أسبوع بتلاقين نتيجة إن شاء الله

اوكي:eh_s(15):

ها اشرايكم

انطر رايكم وتجاربكم وردودكم ...

وما ابي غير دعواتكم لي ولعيالي 

مع تحياتي يا حياتي:eh_s(17):

مزيونه وشقره

 

[s7r 3yonk]

16-ماسك تفتيح وتغذيه و يشيل الاثار و التجاعيد سهل mazyonaaa@ مع مزيونه انتي قمر

شلونكم أميرات

.تفضلوا هالماسك
مفيد يصفي البشره ويفتح البشره و يخفف الاثار ويسكر المسام و تخفف النمش والتصبغات كل البنات طايحين فيه و يا حلاة البنات وياحلاتكم وياحلاتي ياحياتي ههههه المهم

المكونات

حليب بودر+نشاء+حليب سائل+وماي ورد
((اذا فيج نمش زيدي شكر على الخلطه اللي فيها نمش بس))

تحطين المقادير اللي تكفيج للماسك بس النشا لاتكثرين منه عشان ما تتيبس وتقدرين تحطينها بس مهم النشا
و انا حطيت قفشة ونص حليب بودر و ربع قفشه نشا و غطا ونص ماي ورد و حليب سائل قفشه واذا شفتي انها سائله وايد زيدي حليب بودر والعكس
والكمية اللي سويتها بالصوره تكفي الوجه والرقبه واليدين
او تكفي تحطينها للوجه مرتين باليوم مثل الصبح و بليل بس لاتحطين النشا عشان ماتصك عزلي الكمية اللي تبينها للمره الثانيه و في وقتها حطي النشا
وفي بنات مايناسبها ماي الورد تستغني عنه
وتحطين الماسك 20دقيقة على بشرة نظيفة وتغسلين بماي بارد بعد هالماسك ونعيما
هالخلطه عادي تحطينها يوميا خصوصا اذا عندج مناسبه قبل المناسبه باسبوع سويها يوميا
وفي بنات يحطونها مرتين باليوم
وتصلح للوجه كله و الرقبه والصدر واليدين
و حطيها على بشرة نظيفه و سوي قبلها سنفرة للوجه وانا من قبل ذاكره السنفرة العجيبه اللي ما استغنى عنها سيتيفز

و هالخلطه تصلح لك الاعمار عادي

وما ابي غير الفايده لكم ودعواتكم الطيبه

 

[s7r 3yonk]

17-خلطه توحد اللون توحيد وتنعم تنعيم وتبيض بعد صج تجنن سهله وحلوه

وشلونكم حبايب قلبي


من زمااااااااان كنت كاتبه هالخلطه في موضوع وما اخذت حقها ولا اتوقع انكم جربتوها


بس صج هالخلطه تبييض وتوحد اللون


اول شي بقولكم شلون عرفتها هالخلطه وبصراحه كنت اعتبرها سر من اسراري لان اللي علمتني عليها قالتلي انها سر من اسرارها اهيا وخواتها

المهم

كنت بالصالون وقاعده انطر دوري بقص شعري

والا يمي وحده قاعده وتسالني ماشاء الله بشرتج حلوه شنو تسوين عاد قعدت اسولف عليها واقولها جان تقولي انزين اشرايج بايديني

واهيا كانت لااابسه جبنيز وايدها ماشاء الله لون واحد قلت حلوه ماشاء الله الحلو انج حنطاويه فاااتحه ولونج واحد ماشاء الله جان تقولي شوفي انا الشي الوحيد اللي ما اتركه هالسنفره مستمره فيها انا وخواتي تقول احنا مانبي البياض بس نبي لون واحد وناعم وفعلا لونها حلو وواحد


وقالت

سنفره للجسم - م كركم - م زيت زيتون

عاد انا قلتلها مشكووره وبعدين حطيت عليها اضافاتي يا حياتي


وخليتها

سنفره المشمش الكميه اللي تكفي الجسم




- ملعقه وحده كركم



- ملعقتين زيت زيتون او حتى اللوز المر





- ملعقتين هرده (طحينه اهيا اللي للاكل ) و - اشويه ملح


واهيا تتفركين فيها عقب الحمام وتخلينها من خمس الى عشر دقايق بعدها بللي الليفه المغربيه بماي وفركي جسمج

تبييض وتوحد وتنعم مو طبيعيه تجنن





وادعولي




واللي تجربها انطر تجربتها يا بنات ترا صج صج حلوه هالسنفره والخلطه

توحد تبيض وتنعم



و




ابي


منكم



شي


واحد



بس



ابي دعواتكم الطيبه اللي طالعه من قلبكم لي ولعيالي وابوهم



وابي شي ثاني بعد




ابي الفايده لكم




و




اي سؤال انا حاااضر من عيونــــ@@ــــي



و



مع





تح




مع



تح




مع


تح


:eh_s(22):






مع تحياتي يا حياتي

مزيونه وشقره

 

[s7r 3yonk]

18-اللي ماتطلع على بشرتها نتائج الخلطات مثل باقي البنات تدخل اقولها السبب

اللي ماتطلع على بشرتها نتائج الخلطات مثل باقي البنات تدخل اقولها السبب >>> لايطوفكم
________________________________________
بسم الله الرحمن الرحيم

السلام عليكم ورحمة الله وبركاته



بنات وايد يجربون خلطات وما يلاقون نتيجه ترضيهم او مثل واقالت صاحبة الخلطه او اللي جربها

فحبيت اقولكم السبب

اولاً : :eh_s(8):

لازم تنظفين البشره وتجهزينها قبل برنامج اي خلطه بالميلك ( الحليب المنظف ) وبعد الميلك بصابون يزيل الاوساخ والدهون اللي بالبشره خصوصا اذا كانت دهنيه يعني بتحسين ان بشرتك صارت جافه اشوي من التنظيف والصابون
وقبل اي خلطه لاتحطين اي مرطب

ثانياً : :eh_s(15):

تقشير البشره بمقشر خفيف غير دهني يعني مثلا مايكون بزيت الزيتون والسكر يعني اي مقشر اخر
مثل المقشرات الموجوده بالجمعيات وغيرها وتكون غير دهنيه
او اذا تبين مقشرطبيعي غير دهني مثل العيش المطحون

والسبب : ان الدهن يمنع البشره من الاستفاده من الخلطه يعني يكون حاجز بين البشره والخلطه

ثالثاُ:

لازم تاخذ الخلطه وقتها كامل واكثر الخلطات تستفيد منها البشره اذا انشفت


رابعا :

لا تغسلين البشره بعد الخلطه لابماي باااارد ولا ماي حااار غسليها في ماي دافي
وانا افضل انك تغسلينها بدون صابون يعني في ماي بس او بصابون خفيف جداً


خامسا :
والله هذي اهم شي عندي انك اذا حطيتي الخلطه خليك باسترخااااء تام يعني مثلا انسدحي على ظهرك وبمكان دافي وبدون ضوء قوي غمضي عيونك واستمتعي واذكري الله بهالوقتاخذي غفوه خفيفه ( اهم شي مكان دافي وما يكون في مجرى هواء باارد يضر الوجه الله لا يقوله )


سادساً:

يابنـــــــــــــــات الاستمرار لازم تستمرين حسب تجربة صاحبة كل خلطه مو تحطينها مره وتقولين ماكو نتائج


بهالطريقه انشالله بتستفيد بشرتك بالخلطات لانها بتكون جاهزه ونظيفه


اتمنى اني قدمت الفايده لكم

وانتظر رايكم وردودكم وتجاربكم


وما ابي الا دعواتكم يالغاليات:eh_s(17): ​