مواضيع وخلطات انجل كاتangel cat

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #1

السلآم علييكم ورحمه الله وبركآآتهه

هااي باهل الخلييج والييمن فديت اليمن واهله

ترى انا يمنييية :eh_s(9):

رجعت لكم بجمع الخلطاات قبل جمعت لكم خلطاات انل ومس انجل

هذا رابط خلطاات انل
http://www.q8yat.com/t1145061.html

وهذا رابط خلطات مس انجل
http://www.q8yat.com/t1145145.html

واليوم ان شاءلله بكتب خلطات انجل كاات


1-لعاشقات الكاكاو والسينابون مثل angel cat سنفره ومرطب الكاكاو للشفايف عذاااب

نبدا ​

الي يحبون الكاكاو والسينبون بيعشقون هالسنفره والمرطب​

سنفره الكاكاو​

الاغراض​

​

5 ملاعق كبار سكر بني​

ممكن الابيض بس انا افضل البني وباي كافيه تجعدون فيه اخذو السكر الي على الطاوله​

لوووول​

ملعقه كبيره زيت زيتون​

افضل العويد عشان فيه فيتامين اي​

ملعقتين كبار فازلين بزبده الكاكاو​

ملعقتين كبار شمع العسل مع عسل​

اذا كلش مو متوفر عندج كافي العسل​

ملعقه كبيره ماي ورد ما صورته​

نص ملعقه كاكاو خام​

نص ملعقه قرفه>>>دارسين​

علبه فاضيه نضيفه اكيد​

احسن شي عشان تعقمون العلب الفاضيه تغسلونها بماي وملح وبعدين ماي​

او ماي وبكربونات الصوديوم​

الطريقه​

​

ناخذ طبق نحط فيه شمع العسل
والفازلين
ونذوبهم في المكروويف شوي
بعد ما نطلعهم نضيف زيت الزيتون​

والكاكاو والقرفه​

ونقلب زيييين​

​

نحط بالعلبه السكر​

وفوقه الخليط​

ونقلب زييييييييين​

​

اشرااااااااايكم؟؟؟؟​

والله احلى من بودي شوب كافي انج انتي الي مسويته وعافه مكوناته​

الخطوه الثانيه​

مرطب الكاكاو​

المكونات​

​

ملعقه زبده الكاكاو​

ملعقتين فازلين بزبده الكاو​

مرطب نيتروجينا​

عجييييييييب وطعمه فانيليا​

ويخلي الشفايف زبده​

بس ممكن تستبدليه بلابليو الزرقه لان لونها ابيض​

لان ما بي يكون فيه لون في المرطب​

ملعقه عسل كبيره​

ملعقتين ماي ورد كبار​

ثلاث حبات فيتامين اي​

نص ملعقه صغيره كاكاو​

ربع ملعقه قرفه​

​

نفس الشي بنحط كل المرطبات على بعض ونحطهم في المكرويف​

ولما نطلعهم نضيف​

الكاكاو والقرفه​

ونقلب زين​

نرجع ندخلهم المكرويف 7ثواني عشان نتاكد​

انهم تجانسو مع بعض ونضيف الفيتامين​

بس وحطيهم في العلبه الفاضيه​

​

لونه وطعمه صج عذاااااااااااب​

لون الكراميل​

م حبيت اصور شفايفي​

فصورتلكم اللون على ورقه​

لونه كراميل​

كانك حاطه عسل على شفايفك​

اغراااااااء

كل يوم بليل سنفري شوي شوي شفايفك من السنفره وحطي المرطب​

قسما بالله شفايفك تصير حرررررررررير

ولا تشققات ولا اي شي ملمسمهم عجيييييب​

غير ان الخلطه راح تنفخلج شفايفك شي بسيط من القرفه​

ترى والله مالي مصلحه اتعب وانزل مواضيع غير اني احبكم​

وبعض البنات يستفيدون وكلمه الشكر ثقيله عليهم

=================​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #2

2-خلطه لوشنات angel cat اتحداج ان ما فتحت لونج 3 درجات غير النعومه بالصور

تدرون احنا بالقسم وااااااااايد نحب الخلط:eh_s(4):​

المهم راح احطلكم​

احلى اللوشنات الي تفتح الجسم بشكل طبيعي​

من تجاربي​

وسويت منهم الخلطه عجييييييبه ​

غير النعومه الفائقه لووووول​

​

لوشن اس تي بالشوفان وزبده الشيا​

لوشن البابايا بلوك اند وايت​

لوشن نيفيا بالسوس والتوت​

لوشن جرجنز فير اند سوفت​

لوشن فيتامين سي من الحواي بدينار ونص​

وباقي اللوشنات تقريبا نفس السعر اقل شوي او اغلى شوي​

لوشن فازلين اليديد الوردي​

مادري ليش ما طلع بالصور​

​

الزيوت الي بنحتاجها​

زيت البرتقال,,, لانه فيتامين سي​

زيت جنين القمح​

زيت الليمون​

جلسرين​

زيت اللوز المر​

زيت السمسم​

من كل زيت بنحتاج ملعقه كبيره​

زبده الكاكاو ​

الطريقه باختصار​

بنذوب الزبده شوي بالمكرويف لين تصير لينه​

نحطه بالطاسه الي بنخلط فيها​

ونضيف ملعقه كبيرة من كل زيت ​

نضربهم زيييييين بخلاط الكيك​

نضيف عليهم اللوشنات كاملين​

ونخلط عدل​

بو دقيقتيمن​

بتصير كريميه وايد​

وريحتها عجييييييييييييييييييييبه​

​

تسوي وحده ونص من هالحجم​

بس انا كليتها لووووول​

طريقتي قبل الحمام خلطه البابايا لمده ساعتين​

موجوده في بروفايلي وصارت معروفه​

وبعد الحمام اللوشن بس شوي مو وايد​

لانه وايد كريمي​

بس راح تتشربه البشرة بسرعه​

وشوفو النعووووووووووووومه​

بياااااااااااااااض عجيب وعلى ضمانتي
==========================​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #3

3-سنفره المكسرااات وفيتامين سي الطبيعيه مع angel cat بشرتج تبرق نعومه وبياض ولمعه ذربه

ووالله هالموضوع بس لعيونكم الحلوة​

اول شي اهيا سنفره حق الويه​

اتعب اقول خطيييييييييرة استغنيت عن كل سنفرات الجمعيه​

هاي ثاني مرة اسويها وصورتها لكم​

شنو تسوي​

تعطي لمعه قويه للويه​

تمنع او تحد من ظهور الحبوب​

تفتح الويه مع الاستعمال​

تنعم بشكل مو طبيعي البشره​

شنو تبون بعد؟؟؟؟؟​

راح اكتب كل شي بالتفصيل وفوايد كل شي​

عشان تعرفون​

وانا ما اسوي شغله غير لما اكون دارسه مكوناتها ومسويه سيرج عنها وعن فوايدها​

نبلش​

​

قشور حبه برتقاله وحبه ليمونه مجففين ونطحنهم بالمطحنه​

فايدتهم فيتامين سي يعطي نضارة للبشره يزيد من انتلج الكولاجين ويفتح البشره ويصفيها​

​

10 حبات من اللوز و 10 حبات من البندق​

اكيد متوفرين من رمضان لووووول​

فايده اللوز ينعم البشره ويفتحها ويعطي اشراقه للويه​

فايده البندق يحتوي على نسبه كبيره من فيتامين E يحافظ على البشره من التجاعيد​

له قدره عجيبه في التخلص من النقط السوداء بالخشم والوجه ويحافظ على المام نظيقه​

​

ملعقتين من السكر البني​

ملعقه وحده من كل من​

نعناع ناشف​

حلبه​

حبه البركه​

الفوايد​

حبه البركه والنعناع بيتخلصون من الشوائب المسببه لحب الشباب​

ويعقمون البشرة​

الحلبه تبيض البشرة وتخليها وايد مشرقه​

كلش مالها ريحه في الخلطه بسبب النعناع​

ماتقولون ريحه ومادري شنو​

السكر البني مفيد في تقشير البشرة وازاله شوائبها​

هم ينطحنون في المطحنه مع المكسرات​

​

الحين دور المكونات السائله​

ملعقتين كبار من الجلسرين السائل​

ملعقتين كبار من العسل اي نوع انا اخترته بحبه البركه انتي وكيفج​

5 ملاعق من كريم اس تي بالكولاجين​

هم انتي وكيفج اي كريم بشرة تستعمليه بس انا افضل هالنوع​

العسل يعطي نضارة ولمعه للبشرة ويغذيها​

الكريم يخلي السنفره مثل الي تشترينه قوامها كريمي غير انه بالكولاجين​

الجلسرين يرطب وينعم بشكل موووووووووو طبيعي​

​

الشكل النهائي بعد الخلط المكونات:ggdw:​

الاستعمال تبللين ويهك بالماي​

تاخذين كميه بحركات دائريه على الويه
تتركينها بو دقيقه​

وتغسلين ويهك بالماي بس​

ومن اول مرة بتشوفي بشره غييييييييييييييييييييييييير​

والله لو ما سويتيها انتي الخسرانه​

ابي اشوف ردودكم يا الحلوين الي ماترد اكيد بخيله:eh_s(14):​

نطروني بموضوع يديد ان شاء الله

===========================​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #4

4-ماسك وسنفره النضاره والبريق مع angel cat وبس بالصور

السلام عليكم بنات عساكم طيبين

اول شي شاكره كل البنات الي جربو وصفاتي وردو وقالو تجربتهم والحمدلله كلها مرضيه

ثاني شي بالنسبه لسنفره النسكافيه كنت جاعده قلت خلني اشوف في قوقل احد مسويها قبلي ولا لا

وانا كنت كاتبه الموضوع بعنوان ​

تبين فيسك قشطه بنص ساعه مع انجل كات وسنفره النسكافيه والماسك الابيض

ولا يطلعلي رابط موضوعي ورابط ثاني بعنوان
تبين فيسك قشطه بنص ساعه مع زياد وسنفره النسكافيه والماسك الابيض




وادش الموضوع اهوا نفس موضوعي كوبي بالصور وكله وحسب يا الله ونعم الوكيل ناسبه لنفسه في موقعين​

وشنو بعد واحد مو وحده اقوله رساله استحي على نفسك يا البواق هادا موقع نسائي مو لامثالك​

ومن اليوم ورايح​

ما احلل نقل الموضوع غير بذكر اسمي ومنتدى كويتيات ولي ينسبه لنفسه برقبته ليوم الدين​

:rgewrg::rgewrg::rgewrg:​

فشيت غلي فيه:ggdw::ggdw::ggdw::ggdw:​

نبتدي موضوعنا​

اول شي شنو يعني نضاره نضاره يعني​

فيسك مو تعبان​

تحطين ميكب ويطلع واااااووو بدون ما تلطخين عمرك بالفونديشن​

خدود مورده​

ويه يبرق من الاخر بيبي​

الموضوع عباره عن ماسك وسنفره اثنينهم كل مكوناتهم تعطي نضاره مو طبيييييييييعيه ​

وانا مجربته اكثر من ثلاث مرات​

وما احطلكم شي غير وانا مجربته اكثر من مره​

والماسك والسنفره لجميع انواع البشره ما عدا الحساسه الي من اي شي تتحسس​

قرقت وايد :ch12: تراني نعست​

لوووووووول​

نبتدي بالسنفره مكوناتها​

​

ملعقه صغيره سكر بني ممكن استبداله باالابيض بس البني افيد ب 100 مره في كل شي​

نص ملعقه بودره الفانيليا​

ملعقه صغيره حبه البركه​

ملعقه كبيره زيت زيتون​

بنات كل المكونات لها علاقه ببعض ما تجولولي ليش حاطه هاد وهاد​

كنت راح اكتبلكم كل شي وفيدته بس حدي مشغوله الي تبينه سوي سيرج عنه ىفي جوجل​

واكثر شي بيثير فضولكم الفانيليا شوفو اشلون يسون فيها حمامات ملكيه وااايد مفيده للبشره​

واهني الصوره بعد الخلط​

​

راح تحطينها في الصحن وتتركيها 5 دقايق عشان يتجانسو وبعدين بحركات دائريه على الفيس والرقبه والايد بعد لان الكميه راهيه​

وممكن تسوين كميات مضاعفه وتحطينها بعلبه وتستعمليها ما تخترب​

فوايدها فظيييييييييييييييييييييعه للبشره ونعومه بيبي ​

بتغسليه زيين بالماي وبعدين بغسول عشان يستعيد الفيس لاستقبال الماسك​

وانصحكم بهذا الغسول​

​

الحين نبتدي في ماسك النضاره والله اتحدى في ابر النضاره للويه​

المكونات​

قشور المانجا
بعد ما تاكلين المانجا بالهنا والعافيا لا ترمين القشور جففيها واطحنيها​

​

​

نبي منها ملعقه صغيره​

ثاني شي اهوا كاكاو بودر مو نسكويك لا كاكاو خام في انواع وايد انا استعمل هرشي بكل الجمعيات​

ملعقه صغيره​

​

ثالث شي العسل غني عن التعريف انا استعملت العويد تقدرون تستعملون اي نوع
ملعقه وسط​

​

اخر شي زيت اللوزللبشره نص ملعقه صغيره​

واهني صوره الماسك بعد الخلط​

​

ينحط على الفيس لمده 20 دقيق​

مرتين في الاسبوع واتحداكم اذا ما كررتوه كل شوي من النتيجه​

لمععععععععععععععععععه في الفيس بدون مبالغه مثل لمعه الماي
خدود مشدوده وانتي تضحكين كانت ما اخذه ابر نضاره​

سوه مو تقولون صعب والله ما ياخذ وقت والمهم النتيجه​

وترى متى راح تتسنعين وتهتمين فعمرك؟؟؟؟؟؟؟؟؟​

تعبت وايد والله متعوب على الموضوع لاتنسوني من الدعاء وتطبيقكم​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #5

5-تبين فيسك قشطه بنص ساعه مع انجل كات وسنفره النسكافيه والماسك الابيض بالصور

قوووووووه بنوتات​

الموضوع مبين من العنوان انو عن الفيس
اول شي انا كنت واعده البنات على الخاص انزل مواضيع وايد بس بعد
مانزلت اول موضوع وكان عن المنطقه الحساسه
صاب اللاب توب مالي ليزر قوي لوووووووول
والله صار ظلام اشوف الايقونات بس الليت مال اللاب توب ظلام دامس والله انقهرت حدي
فداكم بس صلو على النبي لاني الصراحه مو ناقصه لوووول​

اول الشي الصلااااااااااااااااااه يا بنات تنور الفيس بدون اي خلطات وذكر الله لا تنسون​

نبتدي اللحين في موضوعنا ولا تنسوني من الدعاء​

راح ابتدي في سنفره النسكافيه وكلو من اختراعاتي
والنتيجه فتاااااااااااااااااااكه​

عباره عن ملعقه صغيره نسكافيه
ملعقه صغيره حليب بودر
ملعقه صغيره جلسرين سائل
نص ملعقه اي سنفره للفيس انا استخدمت s.t بالمشمش​

​

خلطيهم زين وتعالي على فيسك حطيه بحركات دائريه لما حبات النسكافيه تذوب يا خذ دقيقتين تقريبا
الحين فيسك بيصير بني طبعا من النسكافيه​

غسلي عدل بماي اكثر من مره
وبعدين هاتي قطنه وامسحي فيها الفيس عشان ما يبقى اي اثر​

النتيجه​

نعوووووووووومه ونضاره واحساس مخملي عجيييييب​

الحين الخطوه الثانيه الماسك الابيض وهم من اختراعي​

المكونات​

ملعقه صغيره قشطه المراعي نادك المهم مو قيمر​

ملعقه صغيره نشا
ملعقه صغيره طحين
ملعقه كبيره ماي ارز اشلون اكيد كل يوم بنشغل عيش في البيت يعني نسلق رز
بكل اللغات
بعد ما نسلق الارز ناخذ ملعقه كبيره من الماي​

واهني الصوره​

​

راح تفرديه على كل الوجه بطبقه سميكه مايبين وجهك منه
بتصرين تشبهين سنو مان:krkrkr::krkrkr::krkrkr:​

ما انصحك يكون احد في البيت لا يخترعون من الشكل لووول​

ببتتركيه نص ساعه راح ينشف وايد
تروحين الحمام تفركينه زين ولا ما انفرك خلاص بتغسلي زيييييييين وتنشفي فيسك بطريقه الطبطبه
فهمتو علي
الحيم ماي ورد يا بالرشاش يا تسوين اكنت تتوضين وتركي ماي الورد ينشف على فيسك​

اتعب واقول خطييييييييييييييييير
النتيجه​

صفااااااااء نووووووووووور نعوووووومه فيس مشدود​

والله يا بنات لدرجه اني بعد ما غسلته لا حظت ان فيسي في شعر صغير ما كنت ملاحظته​

اظن المكونات بكل بيت وما ياخذ وقت يعني وانتي مجابله لاب توبك سويه وبتطلعي قشطه يا قشطه​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #6

6- تجربه angel cat كامله مع حبوب زهرة الربيع+صابونه تقشر الويه تقشير

بدخل في الموضوع








اول شي بتكلم عن حبوب زهره الربيع



بتكونو خسرانين اذا ما استخدمتوها بنات عجيييييييبه



انا صارلي عليها شهرين
راح اكتبلكم شنو لاحظت منها



بعد اربع ايام نعوووووومه مو طبيعيه بالجلد ونضاره بعد اسبوع في الويه


والخدود صارو وردي


والجسم صار فيه نور ومشرق بشكل مو طبيعي


ما شاء الله





داخليا انا عندي كلسترول وراثي من الوالده

مو عالي بس موجود



واظبت على الحبوب والشاي الاخضر وحللت ما شاء الله


النسبه صارت طبيعيه


شي ثاني لاحظت ان واااايد اعصابي صارت هاديه ورايقه


مع اني من فتره كنت واااايد في توتر كبير


هاي اكثر الشغلات الي لاحظت فيها تغير



اهيا قرص لمده ثلاث شهوراخذ حبه قبل النوم بساعتين



بالنسبه للوزن كنت مسويه دايت وعادي كان ينزل وزني


يعني ما تمتن






ثاني شي الصابونه



صابونه بليشنج 2000



وااااااااااااايد حلوة بنص دينار تقريبا فلبينيه بس عجيبه يا بنات


بعد يومين من استخدامها صار ويهي يتقشر وينزل قشور بسيطه بالاخص الجبهه



وكل الخلايا الميته تنزل


ووطبيعيه من الجلسرين وزيت جوز الهند

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #7

7-وصفات انجل كات الجزء الاول لتفتيح المنطقه الحساسه باذن الله وبودره حلوة وايد

بسم الله الرحمن الرحيم​

مثل ما وعدكم راح انز كل تجارب السنين من الخلط والفلوس الرايحه على الارض وفيه فلوس فيها خير ما تروح على الارض تروح الجمعيه:krkrkr::krkrkr:​

عادي عادي اخر الليل ولا تدققون وياي​

طبعا ابني الله يحفظه توه نايم قلت ادخل واكتب الموضوع قبل لا يصحى واء واءواء​

قلت ان الخلطه للمنطقه الحساسه وادري ما تبوني اطول بالسالفه واقول الزبده بس قبل لا قول في قصه والله والله صغيره​

انا متزوجه من سنه ونص تقريبا وكانت المنطقه هههههه جميله جدا تدرون اللون مو اسود لااااااا اسميه لون فحلقي:krkrkr::krkrkr:​

ما علينا قبل العرس بشهرين قررت اسوي الخلطه والحمدلله الحمدلله خلتني اتزوج وانا رافعه راسي ​

بس من حملت بعد كام شهر تدرون الحمل يجيب كلف وغماق بكل الجسم رد اللون ولما قمت من نفاسي بفتره رجعت سويتها لان ريلي احم احم لاحظ وعلق​

وقالي ليش تغير عن الاول:eh_s(10)::eh_s(10)::eh_s(10):​

طبعا طيييير رحت جبت الادوات وخلطت والحمدلله رجعت المنطقه بلون جسمي والحمدلله​

بس خلصت القصه سوري طولت​

نبتدي بنات بصوره الادوات ويليها الشرح ,,,,,​

​

اول شي نجيب علبه فاضيه نحط فيها نص كريم فيد اوت وقفشه صغيره من كريم الاطفال جونسون وقفشه صغيره سودو كريم ونص كريم درابولين كريم هم للاطفال وقفشه كبيره زيت لوز وقفشه كبيره جلسرين وهم قفشه كبيره كريم بانثينول معروف للتشققات والحروق ما فيه كرتزون ابد لانه يوصفوه للحامل والمرضعه ​

ونخلطهم زين بيصيرو مثل الصوره​

​

ميزتها ما تبقع الملابس ولا تلزق ولاشي​

استعمالها سهل غسلي المنطقه بغسولك ونشفي عدل مدل ​

اول شي عشان الخلطه يتشربها الجلد وثاني شي اصلا الي يسبب السواد هي الماي اذا ما تنشفت عدل تسوي رطوبه في المكان وبعد تقلب لالتهاب​

وكل يوم لازم تغيري الاندر وير​

انا عن نفسي احطها مرتين مره الصبح ومره بليل ومن اول اسبوع ما راح تعرفي نفسك:rerrerek::rerrerek:​

واذا حطيتها بليل وقعدتي من نومك الصبح تغسلي بصابونه الباباي بس مره وحده في اليوم عشان المنطقه ما تنشف ونشفي عدل وتحطي بودر​

ونصييييييييييييحه قويه بودره بوندوز​

فظيييييييعه بنات وريحتها خطييييييره ورخيصه جدا
وترى هي بالفيتامينات وفيها واقي للشمس ههههههههههههه على اساس راح تعرضون شسمه للشمس:krkrkr::krkrkr:​

وطبعا الخطوة المهمه كل ثلاث ايام ونتي تاخدين حمامك سوي سنفره للمنطقه بس فرك خفيف عشان ما تلتهب ​

وهادي صوره البودره عشان تعرفونها​

​

اهي الي على اليمين طبعا وهادا غسولي وسعات احط سيباميد​

وانتو وراحتكم​

بنات ترى تعبت على الموضوع لاتنسون تردون مو تقرون ولا تعبروني اذا عجبتك بس ابي دعوة حلوة بقلب صافي​

وبلعبك لعبه بعد​

في فصوره الاغراض شي ناقص ما صورته استحى يطلع في الصوره ههههههههههههه لا اكيد نسيت اصوره مين راح يقول وش هو​

موضوع حلو ومفيد ولعبتكم بزل بعد وش تبون اكثر​

والردود بتخليني انزل باقي وصفاتي للشعر والجسم وكل شي انشاء الله​

احبكم في الله​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #8

8-اخر اختراعات angel cat سويت كريم من زيوت الجسم المبيضه وزيوت الشعر بالصور

بسم الله الرحمن الرحيم


ثاني مره اكتب الموضوع اول مره الكمبيوتر سوا ريستارت في اخر الموضوع:eh_s(4):


اول شي بنات

قولو ماشاء الله ولا حول ولا قوة الا بالله

مو ناجصه انخبط عين يجيني تخلف عقلي اكثر من الي عندي:krkrkr:
المهم يا بنوتات كلنا تقريبا نعرف خلطه الزيوت المبيضه من زماان اسمع فيها وحتى لما تشتري زيوت الجسم قري حليها اخلطي وادهني المنطقه الغامقه لمده ساعتين واتسبحي


وانول جزاها الله خير ذكرتهم في مواضيعها واعتقد ماي وارد تبيعهم

المهم انا انسانه طول الوقت حرانه طبيعه جسمي حتى بالشتا حرانه:eh_s(14): مثل هالاخ

فلو حطيت زيوت على جسمي ههههههه راح تزيد الطين بله


وفكرت وايد في طريقه:eh_s(10): وما لقيت حل


وفي يوم كنت اتفرج على برنامج طبخ بما اني طباخه ماهره

مادح نفسه يبيله.......

وكان الشيف يسوي مايونيز وفي عقلي اقول مو ناقص غير المايونيز بعد نسويه في البيت كاهو مكود في الجمعيه مو لاجي الي يشتريه

واطج في راسي الفكره احول الزيوت الى مايونيز اقصد كريم لوووووول

وجمعت قشي ورحت المعمل وهو المطبخ

والزيوت الي خلطهم كانو


زيت البرتقال
زيت الليمون
زيت الخروع للجسم
زيت السمسم
زيت اللوز للجسم
زيت جنين القمح

بكميات متساويه

وملعقه صغيره زيت الورد او اللافندر عشان الريحه الحلوة تثبت فيج


ونحتاج بعد ماي ورد


والمقادير لكل كاس مليان خلطه الزيوت ربع الكاس ماي ورد

نحط ماي الورد في الخلاط ونفتح الفتحه الصغيره الي فوق مثل الصوره




وننزل بشويش بالزيوت


وبعد ما نخلص الكميه نسكر الفتحه الصغيره ونظل نخفق لمده دقيقه


والناتج بيكون

:eh_s(2):






:ggdw::ggdw:


كريم وطبعا استفدنا كمان من ماي الورد ان راح نحطها على كامل الجسم

هادي كميه بسيطه كنت مسويتها للاختبار وصورتها ورديت سويت كميه كبيره من الخلطه

ونتايجها الصراحه وااايد عجيبه


اممممممممممممم وطبعا ما نسيت الشعر بالنسبه للناس الي ما يحبون الزيت على شعرهم سويت نفس الطريقه بس بدل ماي الورد ماي عادي

اي خلطه زيوت تبينها منها كاس واحد مقابل ربع ماي

اهني كنت حاطه زيت خروع للشعر
وزيت جوز الهند
وزيت ذره للشعر





وطلع بالزبط زي حمامات الكريم:ggdw:


اشتبون بعد



وسويت كريم للفيس وللايد ومازالو تحت التجربه لجمييييييييع المشاكل يعطوني النتيجه الي ابيها وطبعا ما يغلو عنكم




ما احلل نقل الموضوع او نسبه لاحد ثاني بدون ذكر اسمي واسم المنتدى وفي رقبتكم ليوم الدين




معنى الابداع صنع المستحيل ونحن نصنع المستحيل من قلدنا اكد باننا الافضل

المقلدون خلفنا دائما
لوووووووووووول


الي يدشون وما يردون اذا مو عاجبك الموضوع لا تردي اذا عاجبك ما احللك تطلعي بدون رد​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #9

9-خلطه البابايا ل~~~~angel cat ~~~~خلطه تخليج صبه وحده لون واحد بالصور

بسم الله الرحمن الرحيم​

ثاني مره اكتب الموضوع وينمسح:eh_s(4):​

هالخلطه كتبتها لبنات حمله انوثه طاغيه وجربوها وعجبتهم قلت اانزلكم فيها موضوع لاني الله يعلم اشلون احبكم​

بس في شغلتين ابي اتكلم فيهم قبل الخلطه​

اول شي بالنسبه لموضوعي عن الايد البنات الي سالو عن فايده الفراوله بنات مو كل شي بكتبه لانو صعب الموضوع خلقه طويل​

سو سيرج في جوجل فائده الفراوله للبشره​

ثاني شي البنات الي دخلو الموضوع وقالو حرام​

بنات احنا مو اهل نحرم ونحلل بكيفنا عيل اشلون خلطات طبيعيه يعني ما عندكصابون بابايا بالقطع مو حرام​

ما عندك لوشنات بالكاكاو والتوت وسنفره المشمش كل هادا مو حرام وبس الفراوله حرام​

اتمنى فهمتو قصدي​

ندخل في موضوعنا​

واهوا خلطه تنحط على الجسم كامل بدون الفيس قبل الشور من ساعتين لخمس ساعات​

وبعدين تاخذين حمامك عادي​

تنعم حييييييييييييل ​

تصفي الاثار ​

توحد اللون وتفتح الجسم مع الاستمرار​

المقادير والطريقه​

​

​

صابونه بابايا كامله مبشوره انا قطعتها كان عندي وقت انتظر تذوب انتو ابشروها احسن​

غرشه كامله ماي ورد​

2غطا زيت ليمون​

غطا زيت لوز​

غطا زيت جلسرين​

3 ملاعق كبار كريم جليسلود انا سعات اسويها بكريم البابايا نفس النتيجه​

ليمونه كامله بس الي بشرتهم حساسه او جافه لا يحطونها والوصفه بتعطيكي نفس النتيجه لان فيها زيت ليمون​

ملعقتين كبار نشا​

3 كبسولا فيتامين E​

عشان تحفظها​

الخلطه لا تخرب تقعد معاكي شهر كاااااااااااامل بدون ما تخرب​

الطريقه​

تبشرين الصابونه وتحطيها في نص غرشه ماي الود في علبه طول الليل​

نص ماي الود الثاني تحطينه في جدر على نار هاديه تحطين فيه قشور ليمون وبرتقال لمده 3 دقايق وبعدين تطلعيهم​

وتحطي الصابون​

لحد ما يذوب وما يكون فيه اي قطع​

​

شوفو اشلون صافي وذايب ​

اللحين تحطين الكريم وتنتظري لحد ما يذوب​

​

اول ما يذوب حطي الزيوت وقلبي شوي وبعدين اعصري الليمونه كامله​

​

اخر خطوة نحط النشا ونتركه يتقل شوي​

وخلاص نسكر النار​

ترا كل شغلنا على نار هاديه​

​

ننتظر تبرد شوي ونعبيها في غرشه زجااااااااااج لازم بنات الليمون يتفاعل مع البلاستيك​

نحط الفيتامين اي نغزه بابره ونفضيه​

​

حطيها بعد ما تبرد في الثلاجه قلت تقعد شهر ما يصيرلها شي​

طريقتها كل يومين قبل الشور او ثلاث مرات في الاسبوع​

وشوفي توحيد اللون والبيااااااااااااااااض​

اي سؤال انا حاضره​

ما احلل نقل الموضوع من غير ذكر اسمي واسم المنتدى كويتيات ولا نسبها لاي احد​

الوصفه سهله بنات استغنو عن الكسل لووووووووول ​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #10

10-مع angel cat ايدك واظافرك بتصير فله شمعه منوره بتصيرين قطوه بيضه

الموضوع عباره عن صابونه وكريم حق الايد
من عمايل ايدي الحلوين لوووول​

بنات بليز الموضوع طويل راح احط طريقه الصابونه وابعت مايرد احد بليز لحد ما انزل الكريم عشان الموضوع يصير متكامل​

بلييييييييييييز​

او الشي الصابونه​

تفتح ​

تنعم​

انسي شي اسمه اسمرا المفاصل​

مخصصه بس للايد او الجسم​

راح احط اشلون نسويها وبعدين احط استخدامها​

​

المكونات​

رز مطحون 4 ملاعق كبار ​

مربى فراوله 4 قفشات كبار ومهروسين بالشوكه​

زيت لوز زيت جلسرين زيت زيتون كل واحد قفشتين كبار​

عسل 3 ملاعق كبار متروسين​

بودره البرتقال 5 ملاعق كبار​

قشور البرتقال نشفيها واطحنيها بتحصلين منها البودره بتصير كنها سنفره​

صابونتين جونسن للاطفال​

بنات مايصير اي صابون ثاني​

في اشياء بليز ما تغيروها وانا في اشياء لو لها بديل راح اكتبها بس الي اقول ما يتغير بليز التزمو فيه​

بودره جسم انا حاطه بودره لافندر جايتني من دبي مادري في منها في الكويت ولا لا تقدرين تستبديلها باي بودر عندك​

ملعقه كبيره منها​

الطريقه​

نبشر الصابونتين​

نجيب قدر نحطه على النار ونحط فيه كوب ماي ورد​

ونحط الصابونتين فيه لحد ما يذوبو​

​

نقلب طول الوقت والنار على الهادي عشان ما تنحرق​

نحط اللحين الرز المطحون ومربى الفراوله ونقلب لحد ما كلو يتجانس​

​

بس دقيقه وحده تقريبا​

بعدين نضيف العسل ونقلب​

​

ونقلب لحد ما كلو يدخل في كلو:krkrkr:​

في الاخير ضيفي الزيوت الي قلت عنها وقلبي بسرعه من تحت لفوق عشان يمتزجو عدل​

​

شوفو اللمعه وااااااااااااااااااو:ggdw:​

اخر خطوه بودره البرتقال وبودره الجسم ونقلب ونشيلها من النار​

​

​

شوفو اشلون فيها برتقال هادي اهيا السنفره الي راح تكون موجوده بالصابونه​

تبرد شوي حطيها في علبه زجاج وحطيها في الثلاجه كم ساعه وطلعيها وتكون جاااااهزه للاستخدام​

مكوناتها مبينه اشلون راح تصير ايدك بعد ما تغسلي​

زبده زبده زبده​

وبتفتح وااااايد المفاصل كل يوم عن اليوم الي قبله راح تغسلين فيها مره وحده بس بليل قبل النوم​

وبعدين تدهني من الكريم​

اللحين اقولكم عليه​

نبتدي في الكريم​

ينننننننننننننننننننعم ويبض بدون لا تحطين فير اند لافلي ولا اولاي​

المكونات​

​

قفشه كبيره جليسلود​

قفشتين كبار لوشن البابايا​

قفشتين كبار زبده الكاكاو​

قفشتين كبار هاند كريم من نيتروجينا الكريم هادا تحفه يا بنات يطري من القلب​

تقدرين تستبدليه بفازلين بالكاكاو​

قفشه كبيره شمع العسل​

تقدير اذا مو عن\دك تستخدمين عسل بس​

​

​

4 حبات فيتامين اي​

10 ملاعق زيت زيتون​

2 غطا جلسرين سائل​

4 غطا زيت لوز​

3 ملاعق كبيره كريم الايد الوردي​

الطريقه​

تحطين شمع العسل​

وزبده الكاو​

والفازلين في المكرويف 30 ثانيه​

بيصيور سايحين​

​

بتكوني حاطه كل المكونات والزيوت في الخلاط نسيت اصور هالخطوه​

وتحطين بعد كبسولات الفيتامين اي بعد ما تفضينهم​

وتضربي بسرعه بنات تحطون الشمع قبل لا يجمد​

وبس صار عند احلى كريم للايد​

طول اليوم راح تصيرين تتحسسين ايدك من النعومه​

والظافر بيقو بدون لا تحطين مقوي ويطولو والتجربه خير برهان لووووووووول​

​

اهني صوره الكريم بعد ما فضيناه​

الطريقه كل يوم بليل تاخدي من الصابون على ايدك بدون ماي وتفركي تفركي دقيقتين وبعدين تشطفي وتنشفي​

روحي سريرك وخلاص ما راح تسوي شي بايدك ابدا تحطين الكريم واحلام سعيده​

وشوفي الصبح ايش بيصير​

ما احلل نقل الموضوع غير بذكر اسمي واسم كويتيا​

المقلدون خلفنا دائما:krkrkr:​

انا مو تعبت انا انهلكت من الموضوع ​

اذا مو عاجبك الموضوع اطلعي بدون رده بس اذا عاجبك ما احللك تطلعين بدون ما تردين على تعبي لكم​

:eh_s(17):​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #11

11-ماسك وسنفره من angel cat للتفتيح وازاله اثار الحبوب والبقع الداكنه وكلف الحمل

بسم الله الرحمن الرحيم​

اشلونك حبايب قلبي عساكم بخير ان شاء الله:eh_s(22):​

بناااااااات وايد طلبو مني ماسك طبيعي لتفتح البقع واثار الحبوب وكلف الحمل​

واكيد يبيض تحبون البياض واايد​

ومثل ما تعودتم مني احط سنفره وماسك والاثنين مكملين لبعض​

يعني بنات وايد عضوات جربو مسكاتي ووسنفراتي بس يقولولي مثلا جربنا ماسك النسكافيه عججيب واحساس مخملي​

بس لو سويتي بعده الماسك راح توصلين لاحلى بعد​

يعني حاولو السنفره وراها الماسك مثل ما اكتب عشان توصلين للنتيجه النهائيه الي اكتبها​

يلا نبدا:eh_s(17):​

السنفره​

​

ملعقه صغيره قشور برتقال​

ملعقه صغيره شوفان مطحون​

ملعقه صغيره رز مطحون​

ملعقه كبيره زيت ليمون​

الطريقه​

طبعا البرتقال تاخدي القشور تجففيها وتطحنيها ​

بنات وايد سهله يعني اي فاكهه حابه تجففي قشورها حطيها في صحن وطلعيه الدريشه بيجف​

انا حاطه صحف فوق الثلاجه واحط فيه القشور وبعد يومين تكون ناشفه واطحنها واشيلها في جيس نظيف​

والشوفان من الجمعيه استخدم كويكو او اي ماركه عندج والرز كله بيطحن في مطحنه القهوه​

شوفو انا دايما طاحنه كميات ومحتفظه فيها عشان مو كل شوي اطحن​

المهم​

تجيبين المقادير وتخلطينهم عدل​

بيطلع عندج مثل الصور​

​

بطريقه دائريه ومو تفركين وايد لا عادي وبشووويش وركزي على المناطق الي فيها اثار حبوب او كلف او بقع​

اتركيه دقيقتين واشطفيه اكثر من مره بالماي وبعدين امسحي ويهك ونشفيه عدل​

بنات في شي غلطططططط تسونه وايد اقراه في المنتدى​

السنفرات والماسكات اذا كان للويه او الجسم ما يزيد عن 3 مرات في الاسبوع​

اسالو اي خبيره تجميل او طبيب​

والسبب بسيط احنا ليش نسوي سنفره عشان نشيل الخلايا الميته فلو تسوين كل يوم​

جلدك اصلا ما بتعطيله فرصه يكون خلايا يديده وبتشيلين خلاياه الاصليه لين ما تقلب بشرتك حساسه​

حتى الماسكات لو طبيعيه ما تزيد عن 3 مرات في الاسبوع​

الي يزيد عن حده ينقلب ضده ديرو بالكم​

اي السنفره هاي بعد اسوي فيها ايديني وانا اسوي ويهي وايد تفتح وركزو على المفاصل في اليد​

ننبتدي في الماسك ​

وهو ماسك السمسم​

معروف السمسم وااااااااااايد يفتح ويصفي الويه وهو اساس الهرده او الطحينه​

فسويت منه ماسك ثلاثي​

لووووووول​

هادا اهوا السمسم قبل لا نطحنه​

​

موجود بالجمعيه عند الملح والعدس​

واكيد عند الحواج والعطار​

المقادير​

​

ملعقه صغيره هرده​

الي اتهيا الطحينه لان بنات السعوديه يسالون شنو اهيا الهرده فديتهم هادي صورتها​

نص ملعقه صغيره زيت السمسم​

ملعقه كبيره سمسم مطحون​

تخلطينهم عدل​

​

هادا شكله بعد الخلط​

انا احب احطه 5 دقايق في الثلاجه عشان يصير بارد​

اي شي بارد تحطينه على بشرتك يشد البشره​

تفردينه علة فيسك 20 دقيقه وبعدين تفركينه بدون ماي وبعدين تغسلين ويهك زييييييين​

استمري عليها من اول اسبوووووع بتشوفين بيااااااااض صفاااااااااااء في البشره البقع بتروووووح وتفتح​

وبس ادعولي بالخير​

ما احلل الي يعجبها الموضوع وتستفيد ماترد​

الي ما يعجبها حياكي الله لا تردين​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #12

12-انسي هالاتك الي متعبتك وتجاعيد عيونج الي مخربه مكياجك مع angel cat

اشلونكم بنات عساكم بخير يارب:eh_s(17):​

ادري كل يوم موضوع بس سشوي احبكم​

:33_1185028183:​

هالموضوع اهداء خاااااااص لبنات الحمله​

وعاااااااااام لبنات المنتدى الحلوين بس الي يردون مو الي يقرون وما يشكرون​

لووووووول​

هالكريم شنو عجييييييب بنات واحسن شي انو طبيعي​

بتفرق النتيجه من وحده لوحده انا بين معاي بعد اسبوع ونص لاسبوعين​

بكتب كل شي بالتفصييييييييييييييييييييييييل​

واتمنى تقرو الموضوع عدل​

المكونات​

​

ملعقتين زيت اللوز الحلو<<<<المر ابدا ما ينفع​

ملعقتين زيت جنين القمح>>>>طبعا غني عن التعريف وغنى بفتامين E​

ملعقه زيت الجوجوبا>>>>>وما تخلص فوايده لو كتبتها​

اهمها انو يفتح ويعالج التجاعيد والخطوط مثل السحر​

حبتين فيتامينE​

هالاربع زيووووووووووت ما في غيرهم للمنطقه تحت العين ابدا​

عشان جذي جمعتهم في الوصفه​

وفوايدهم لا تعد ولا تحصى​

سبحان الله على نعمه لنا​

ملعقه عسل كبيره وانصح باستخدام عسل اصلي​

نشا حسب الحاجه​

الطريقه​

​

تاخذي العسل والزيوت وتقلبي لين يمتزجو عدل​

​

تضيفي النشا بمقدار ربع ملعقه وتقلبي وكل شوي تيفي نتفتين وتقلبي​

لين يصير قوامه نفس الصوره اقرب للسايل مو الكريم​

عشان لو كترتي من النشا راح يصير يابس وما ينفرد على العين​

ديرو بالكم:eh_s(4):​

ولي تزود بالغلط ترجع تزود نسبه الزيوت​

واخر شي تغزي الفيتامين بابره وتضيفيه​

وتقلبي​

وهادا الشكل النهائي​

​

اظن واااااااااايد سهل وما يبيله شي​

طريقه الاستخدام​

كل يوم قبل لا تنامي​

تجيبين قطنه وتترسيه ماي ورد وتمسحي عيونج زييييين​

تحطي من الكريم تحت العين واذا عندج هالات على الجفن العلوي حطي بعد​

بطريقه الطبطبه​

ااطبطب وادلع​

واصبح اول ما تقعدين من النوم تمسحين مره ثانيه بماي ورد​

النتيجه​

من اول يوم تلاحظي المنطقه نااااعمه​

والهالات بتختلف من بشره لبشره ومن هاله لهاله لووووول​

يعني مو كلنا نفس درجه الهالات​

بالنسبه لين من الاسبوع الثاني تحولت الهالات من اللون الاسود للون شوي مصفر​

المهم الاستمرار​

والخطوط الي تحت العين​

والله بتخخخخخخخخخخف وايد​

انا بعدي صغير ترا بس الاهتمام حلو​

قولو ما شاء الله ولا حول ولا قوة الا بالله​

العين حق​

نصايحي في فتره استخدام الكريم​

اشربي مااااااااااااي وااااااايد​

انا كنت والله ما اشرب ماي بس غصصصصصصصصصب اشرب الحين​

عشان كل مشاكل بشرتنا اغلبها اننا ما نشرب ماي​

الصبح ياريت لو تاخذين كوب ماي دافي بعسل وليمون​

لتظيف الكبد من السموم​

اي سؤال انا حاضره​

ماااااااااااااااااااا احلل نقل الموضوع غير بذكر اسمي واسم المنتدى​

مااااااااااااااااااااا احلل الي يعجبها موضوعي وما ترد​

الي ما يعجبها بالسلامه لا ترد​

:eh_s(22):​

بس للي يردون​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #13

13- انسي حر الصيف مع angel cat وشي متروس فيتامين سي لنضاره وتفتيح البشره

صباح الخير على الحلوين





اشلونكم بنات عساكم بخير دوم يارب










:eh_s(17):





:eh_s(17):



:eh_s(17):



ندخل بالموضوع وهو شي اكتشفو انو متروس اضعاف فيتامين سي الموجود بالبرتقال





وهو بذور العنب





وسو منه زيت موجود بمركز سلطان بس مو دايما موجود



طيب اشلون نستفيد منه



تعالو اقلوكم










اهني صورة العنب الاحمر


يقولون عليه العنب الافريقي


بيكون داخله البذور




بنجيب حوالي 20 حبه او 25



ونغسلهم




ونحطهم بالخلاط مال العصير مع ملعقه كبيره من زيت اللوز


لتنعيم البشرة


وشوي من ماي الورد عشان ينخلطو





ونخلطهم زيييييييين لما يصير مثل البيوريه










ونحطهم وين يا حلوين بمال الثلج بالفريزر



وندخلهم الفريزر





وياااااااااااا حلللللللللللللاتهم



وانتي راده من الدوام او بعد ما تذهبين الغدا

وتاخدين وحده وتسوين فيها الويه عجييييييييب


تحسين فرش ومع الوقت نضااااااااااااااره وتفتتتتتتتتتتتتيح مو طبيعي




جربو وردولي خبر





واول ما اسوي منه اخذ فرش واخ وياه ملعقه كبيرة شوفان مطحون او عيش مطحون واسويه ماسك




عجييييييييييييييب حده









ها اشرايكم






ممكن نسوي بنفس الطريقه




الكيوي البرتقال المانجو الفراوله التوت



واوقات اسوي مكس بين فاكهتين






لا تطوفوه والله عجيب وتعرفون انجل كات ما توصيكم على شي غير لما يكون خطير






ما بي منكم غير تدعولي بالخير:eh_s(22):






سلام والقادم احلى

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #14

14-Oooo تبين البنات يشدونج من شعرك على بالهم لابسه باروكه مثل ما يسون مع angel cat !!!

اشلوكم بنات​

رمضان كريم
ينعاد عليكم بالف صحه وعافيه يارب​

الموضوع حصريييييييييييييي على كويتيات​

ما احلل نقل الموضوع خارج المنتدى​

وما احلل الي تاخذ الوصفه وتنسبها لروحها​

بذمتها ليوم الدين​

الحين بقولكم سالفه شعري​

انا شعري ناعم والحمدلله بس مو ستريت كيرلي وطبعه اذا ما اهتميت فيه يصير جاف​

اهتميت فيه يصير عادي ويهببببببببل اشحلاته​

ماشاء الله ولا حول ولا قوة الا بالله​

المهم بنات امي كانت من وانا صغيره الصراحه تحطلي عليه ماسكات وحنه​

واهتمتلي فيه زين الله يحفظها​

لون شعري بالاساس بني فاتح بس انا اسوي اسود مثل شعر هيوفه لاني يليق علي اكثر​

والله ثم والله يابنات اول ما دخلت الجامعه البنات صارو يشدوني من شعري على بالهم باروكه​

لان ماشاء الله شعري لاخر ظهري مع لونه ولمعته يعطيج احساس انو مو طبيعي​

وطبعا ان يوصلني الكلام انهم متراهنين انو مو شعري لوووووووووول​

ولما ادخل المصعد وانا طالعه لازم يشدونه​

وطبعا تكرر الموضوع وايد​

واي صالون اروحه لازم يسالوني انتي مسويه حنه فرد اجولهم لا​

يستغربووووووون​

والله اكثر من 3 صالونات نفس السؤال​

بس الحمدلله تحجبت وبس ابني الي الحين يشدني من شعري:eh_s(4):​

قرقت وايد​

الخلاصه الاهتماااااااااااااام المستمر​

عندي خمس ماسكات للشعر ما اغيرهم​

نعومه,لمعان,طول,كثافه,قوة بالشعر وعدم تقصيف​

اليوم الموضوع راح يكون عن واحد من الماسكات ​

الي يعطي نعووووووومه ولمعان للشعر​

نبتدي ​

بسم الله الرحمن الرحيم​

​

فنيان نصه زيت زيتون ونصه زيت جوز الهند​

ملعقتين كبار عسل​

علبه روب​

ملعقتين كبار قهوه​

ملعقه وحده حلبه​

مطحونين ناااعم​

اول شي الروب معروف يطري الشعر من قلب​

العسل يرطب الشعر ويعطيه لمعه خراافيه​

القهوه وايد بنات ما يعرفون تنعم الشعر وااااااايد​

الحلبه تنعم وتقوي الشعر ومع الخلطه بتروح ريحتها​

الخلطه بتكون ريحتها قهوه​

الزيوت معرفونين ينعمو ويرطبو الشعر حيييل​

نيجي للطريقه​

تجيبين جدر وتحطينه على النار هاااااااديه​

تحطين خلطه القهوه والحلبه وتضيفين عليهم الزيوت وتقلبين بمضرب البيض​

​

بعدين تضيفين العسل​

​

وتقلبي زين​

راح يثقل وياج الخلطه وتصير مثل قوام الحنه تقريبا​

​

بس لما يصير قوام تقيل ضيفي علبه الروب​

​

وقلبي لمده دقيقه وخلاص شيليها من النار​

​

بتصير جذي في الاخر​

انطري تبرد شوي​

تصير دافيه​

تقسمي شعرك نصين مثل لما تسوين حنه وتحطين الخلطه وتلبسين الجيس البلاستيك مال الشعر​

وتقعدي فيها من ساعتين لخمس ساعات​

لا اكثر ولا اقل​

وعادي تغسلين بالشامبو وبالسم بعدها​

لان خلاص شعرج استفاد من الخلطه​

تسوينها كل 10 ايام او كل اسبوع مره​

انتي بس تغسلين شعرج راح تشوفين لمعه قويه ونعوووووووووومه وشعلرج طري​

يعني لو تسوين استشوار او فير بس تسوين الخصله مره وحده​

طبعا في ماسكاتي الثانيه​

اذا تبونها بسويلكم فيها مواضيع​

بس اشوف ردودكم​

هالموضوع اهداء لبنات الحمله فديييييييتهم​

وفديت كويتيات​

:eh_s(7):​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #15

15->>>الماسك الثاني من angel cat

ها تحمستو:eh_s(9):






اليوم بنزل ماسك التكثيييييييييييييييييييف


ومنع تساقط الشعر




بس لااااااااااااازم ما يكون فيه سبب طبي او هرمونات في التساقط





المكونات











ياريت يا بنات تركزو شوي





نص فنيان من زيت الثوم>>>>>يكثف الشعر ويطلع شعر يديد


نص فنيان من زيت الخروع>>>>يكثف الشعر ويمنع التساقط ويغذيه



نص فنيان من زيت السمسم>>>>يقوي بصيلات الشعر ويساعد ف ي طلوع شعر يديد





ملعقه صغيره ثوم بودر من الجمعيه>>>معروف بفوايده



ملعقه كبيره قهوة

ملعقه كبيره سدر>>> معروف في التكثيف اكيد



الحين المكون الرئيسي



نوا تمر ملعقه كبيره



تاخذون نوا التمر ويا كثره في رمضان

وتحرقونه على الجوله لين يصير لونه مثل الفحم

وتطحنوه في مطحنه القهوه










الطريقه نفس الماسك الاول






نحط البودرات في الجدر ونحط عليه الزيوت

على نار هاديه وننتظر لين الخليط يصير لزج شوي

نسكر النار


وننتظر يبرد شوي


نقسم الشعر



مع تدليك فروه الراس بالخلطه لمده دقيقتين



تلبسين غطا للراس وتقعدين فيه ساعتين


وتغسلينه


مرتين في الاسبوع






بنات الشعر ما ينغسل اكثر من ثلاث مرات في الاسبوع لان كثره غسيله بتخليه يتساقط


لان الماده الدهنيه الي يفرزها الشعر فيها المواد الدهنيه والكيراتين الطبيعي للشعره


لو غسلتيه كل يوم


انتي جذي بتعدمي شعرك



وهم كثره الخلطات في الاسبوع الواحد بتخليه يتساقط

يعني الخلطات مرتين او ثلاث مرات بس بالاسبوع






الحين بقولكم نتايج الماسك



بعد اول شهر باذن الله بتشوفين شعر عنون بدا يظهر في فراغات الشعر



في غضون 3 اشهر الي 6 اشهر بيصير شعرك كثييييييف باذن الله



بس لاااااااااااااازم الاسنتمرار






يا ويلكم لو ما شفت ردود



يلا عشان انزلكم باقي الوصفات




ويلا شي على السريع




وصفه تقصف الشعر




بعد ما تشربين قهوتج

اخذي الي يتبقى في الفنيان وزيدي عليه ملقه زيت زيتون ودهني فيه

اطراف الشعر المقصفه


واغسليه بعد نص ساعه



بيقل التقصف عندج بنسه 70 في الميه




انتظرلاو ماسك تطويل الشعر






ما احلل نقل الموضوع خارج منتدى كويتيات


ما احلل الي يعجبهم الموضوع وما يردون




ما احلل نسب الموضوع لاي شخص بذمته ليوم الدين

​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #16

16-الخلطه الثالثه خلطه تطويل الشعر من angel cat مثل ما وعدتكم+تجارب يديده لخلطه القهوة

نبتدي في خلطه التطويل​

سهههههههههههههله جدا ​

بس لاااااااااااازم تتبعي الي راح اكتبه​

​

المكونات​

زيت الخروع​

زيت السمسم​

دارسين >>>>القرفه​

نعناع ناشف مطحون​

​

طريقه الخلطه​

ممكن تسوين كميه كبيره وتحفظينها في علبه للاستعمال​

تاخذين مقدار من الدارسين ضعف مقدار النعناع​

يعني لكل ملعقتين دارسين ملعقه نعناع​

وضيفي عليهم مقدا متساوي من الزيوت لما تصبع مثل الصوره عجينه​

اهم شي اللحين​

ركزو في اشلون بتستعمليها​

تاخذي من الخلطه شويه وتروحين الحمام وانتي داخله تاخدي الشور​

اول شي تغسلين شعرج بالشامبو يعني لاااااااازم الشعر يكون نظيف​

تاخدين الخلطه تحطينها بس في جذور الشعر الفروه​

تلفين شعرج وتنتظري​

من 20------الى نص ساعه مو اكثر ولا اقل​

في هالوقت سوي مغربي سنفره اي شي​

وشطفي بعدها شعرج بالشامبو مره ثانيه وبلسم​

تنحط الخلطه مرتين في الاسبوع​

مع الخلطات الثانيه ​

ان شاء الله ما يعدي عليج 6 شهور​

غير وشعرج واصل لاخر ظهرج​

وقولو انجل كات قالت​

بس سهل الموضوع صح​

في خلطتين ثانين للشعر​

بس بوقف شوي مواضيع الشعر​

لان بنات الحمله فديتهم طالبين مني موضوع اخلصه وان شاء الله اسويلكم باقي الوصفات​

مو حلله نسب الموضوع لاي شخص​

لانو من جهدي وتعبي​

 

s7r 3yonk

New member

إنضم

26 يوليو 2013

المشاركات

223

مستوى التفاعل

0

النقاط

0

الإقامة

yemen

• 7 سبتمبر 2013

• #17

خلاص خلصت الموضوع

 

بنك بااستا

New member

إنضم

26 يوليو 2012

المشاركات

2,563

مستوى التفاعل

0

النقاط

0

الإقامة

بعيدا عن هنا

• 7 سبتمبر 2013

• #18

Nice

 

تبيني آرضى عليك

New member

إنضم

1 أغسطس 2011

المشاركات

7,645

مستوى التفاعل

0

النقاط

0

الإقامة

في مدينه السنااآاآآآااافر

• 9 سبتمبر 2013

• #19

يعطيج العاااااااااااااااااااااافيه

 

Dr.rooz

New member

إنضم

27 يناير 2011

المشاركات

1,120

مستوى التفاعل

0

النقاط

0

الإقامة

q8

• 9 سبتمبر 2013

• #20

روعه يعطيج ألف عافيه