جـــرحـــهــا كــــايــد .. قصة واقعيه رووووعة

[n-o-n-a]

اووووووووووووو نسيت اسألكم بنات منو تتوقعوون صاحبه الضحكه واهي الي بتصير بطلة القصه ؟؟

بلييييز عطوني توقعاااتكم ودي اشوف منو البنت الي كاايد اعجب بضحكتهاااا؟وراح تبي الأحداث معاها؟؟ منو منااسبه لكايد؟

 

[n-o-n-a]

كاتي البرينسيسه

ولكم حبيبتي زين لحقتي علينا .. اذا كملتي قراءتها قوليلي عشان احط الباقي

 

[n-o-n-a]

الجزء الرابع

ياطيب حظي كان انا حلم دنياك,,
ياللي تقول اعجبتني ضحتك,,
ياقلب قلبي وش حياتي بلياك,,
تسلم عيوني دامها هي تشوفك,,


^^^^
متعب دخل عليهم ..امري يدتي
اليده ,, وين ريميه ليش مايات وياك
عناد: مستحيه
عاصي: ههههههههههههه
ام ريميه.. جب انت وياه انتو مافالحين غير بالتعليقات بس
***وكاهي ريميه دخلت ولا كأن شي صار
ابومتعب:هلا والله تعالي ياابوج اهنيه يمي ((يأشر على المكان اللي يمه))
ريميه :ان شالله خالي
ابو متعب: (يكلم متعب وريميه) ها متعب انت وريميه شرايكم نملج لكم الاسبوع الياي
ام ريميه: أي وايد الاسبوع الياي وقته مناسب للملجه مدام باقي على العطله شهرين يصير عرسهم بالعطله
متعب: بس ماجنه وايد شهرين وبعدين ريميه ماعندها دراسه عشان نقول ليما تعطل
ام فهد: بس ياوليدي الحرمه تبي تجهز ..خلها تجهز على راحتها
كايد..(واللي توه صاحي من سرحانه بصوت الضحكه وكأن احد معطيه طرااااااق على ريهه خخخخ)/ احسن متعب احلى تطول ايام الملجه تعيشون ايام احلى
عناد (يضحك)/ كاهو تكلم رومنسي زمانه
والكل ضحك على كلام عناد حتي اليده ضحكت
كايد عصب ليش انه محد اخذ وجهة نظره بجديه وقال ""بصوت استهزائي""/ هه سخيف واسخف منك اللي يضحك ((يكلم عناد))
عناد حس بمدى سذاجته وحاول يصلح غلطته وقال / لاصج احلى والله تطول ايام الملجه
متعب.. لا ياعمي اسكت بس انت واخوك تكفى؟؟
كايد ((نش بيطلع من ميلسهم))
ام فهد..((واللي كانت تحس بالكل )) وين كايد ليش ماتيلس ويانا
كايد.. بطلع خالتو دام اهنيه وجودي زي عدمي . (( كان كايد مايحب احد يضحك على أي شي هو يقوله او أي احد مايعبر كلامه لانه حسااااااس اشوي))
ومااحد حس باانسحاب كايد غير ام فهد سألته وخلته على راحته
وطبعا الباقين منسجمين في الحديث حول ملجة متعب وريميه

وانتهت الجلسه العائليه بأتفاق ان تكون ملجه متعب وريميه الاسبوع الياي



@الجزء الخامس@


اليوم السبت .. يوم دراسي يديد بالنسبه لكل اللي يدرسون من هالعايله

في بيت ام فهد
نوره : امايه النايفه سارت للمدرسه مع الدريول وتركتني
ام فهد: احسن محد قالج ترقدين وتتأخرين بتين البنيه تتأخر عشانج
نوره: والحل يعني الحين مافيه احد اسير وياه المدرسه
ام فهد: احسن تستاهلين
نوره :عيل بروح انام؟ مابروح اليوم
ام فهد.. طاع ذي شنو تقول انتي كلش ماعندج تفاهم ماتصدخين تتأخرين الا بتغيبين.. اتصلي بأبوج ييي يوديج
نوره.. (وبضحكه ساخره) هه شدعوى عاد اللي بيي طاير.. تلقينه الحين نايم يم العقربه حرمته
ام فهد.. صدقتي
نوره.. عيل بروح انام
ام فهد..لا بتصل بيدتج اشوف يمكن كايد والا عناد يودونج
نوره: اوووف وانتي على طول كل الحلول ياهزه عندج
ام فهد..وهي تتصل على بيت اليده ورد عليها عناد
عناد / الو
ام فهد/ هلا صباح الخير ياوليدي
عناد/ وبصوته المبحوح من بعد النوم .. هلا صبحج الله بالنور
ام فهد.. اقول ياوليدي ماتاخذ نوره وياك لمدرستها
عناد.. ليش ماراحت ويا النايفه
ام فهد.. مانشت من رقادها الا متأخر
عناد: والله خالتو انا ماني فاضي اركب بنات بسيارتي محد قالها تتأخر وانا اصلا بعد متأخر
ام فهد/ بل عليك

***ونوره واللي استانست لان عناد ما بيوديها وقالت في نفسها ((اشوا بفتك اليوم من المدرسه))
لكن ام فهد مافقدت الامل ..انزين كايد مو يمك (( تكلم عناد للحين))
عناد/ الا يمي كاهو يالس يبلع
ام فهد/ انزين عطنياه
عناد..((يكلم كايد اخوه)) كايد خالتو العنود تباك
كايد وهو ياخذ السماعه (وفمه مليان اكل ) / هلا خالتو
ام فهد / هلا والله بولدي .. اقول كايد نوره تأخرت عن مدرستها واباك تاخذها على دربك توصلها المدرسه
كايد/ من عيوني خالتو يله خليها تطلع انا الحين طالع
ام فهد / مشكور الغالي ماقصرت مو شرات اخوك عناد وه

#وسكرت ام فهد من كايد
ام فهد / يله اطلعي كايد بيوديج
نوره واللي حست بخيبة الامل وتقول في نفسها (ملقوف كايدوه هذا ) / انزين يمه

في بيت اليده
كايد / يله طالع انا .. تأخرت
عناد /والله مااحد قالك تاخذ نوره وياك متأخر وبعد
كايد / انت شنو يااخي حط مكانك مكانها متأخر ولاعندك احد تروح وياه
عناد / محد قالها تتاخر كان راحت ويا النايفه بس شنو تقول بنات اخر زمن
كايد / لاتنسى ان هذي بنت خالتك وماعندها احد ابوها ولاهي مع حرمته الثانيه واخوها مسافر
عناد / انزين ,, انزين روح تأخرت ترا وايد عليها
كايد / حاضر الشيخ .. بس انت ماوراك مدرسه للحين قاعد
عناد / الا وراي بس روح لنوره تاخرت ترا


***راحت نوره مع كايد للمدرسه
في السياره
كايد/ انتي ليش مانشيتي بدري
نوره / مانمت البارحه .. مانمت الا الساعه 4 ونص الفير
كايد / بل ليش .. ماخبرتج تحبين السهر
نوره / مدري بس البارحه مدري ليش مانمت ........ وسكتت
توره / تدري كايد
كايد / شنو
نوره / خايفه على امي
كايد/ من شنو (( وهو متعجب ))
نوره / مدري احسها تاركه دواها (((طبعا كلكم تعرفون ان امي مصابة بمرض قلب ))) امس تقولي ان دقات قلبها زايده بقوووووووووه
كايد / وليش ماخليتيها تسير المستشفى
نوره / مدري تقول لي ان لها موعد بعد بكره بس قبل اشوي حمدالله حسيتها اشوى
كايد / الله يدوم على خالتو الصحه ويطول بعمرها
نوره / امييييييييين
نوره "" تبي تغير الجو """" / عنادوه شنو قايل لامي ماسألتها ؟ اشوفها معصبه على عناد
كايد / هههههه قايل لها.. انه مو فاضي يركب بنات بسيارته
نوره / ((تضحك )) .. هذا عنده عقده من البنات (( ومواصله في ضحكها ))
كايد / حلوه ضحكتج
نوره /(( وبغرور )) مو ضحكتي بس الحلوه كلي على بعضي انا حلووووووه
كايد / مغروره وايد .. يله نزلي بس والله يعينج على التهزئ عالتاخير
نوره / ياويلي .. يله في امان الله ومشكور الغالي
كايد / في امان الكريم ,, العفو يالمغروره
نوره نزلت وصكت باب السياره وما كأنها اسمعت كلمة ((المغروره))
سار كايد وسارت نوره المدرسة


الجزء السادس
نوره دخلت المدرسه شافت قدامها ((الخفاش الاسود)) >>>>> الاخصائيه
الاخصائيه / وين على الله نوره
نوره / سايره لصفي
الاخصائيه / وين مو قبل ماتكتبين تعهد عالتأخير ؟
نوره / والله ابلى ظروف ماتأخرت من فراغ
الاخصائيه / يله بس سيري اكتبي تعهد هذا انتم كل ما تأخرتوا ((ظروف ))>>>>وهي تقلد على اصوات البنات
نوره وبنفسها ((صدق من سماج الخفاش الاسود ))/ ان شالله ابلى

*كتبت نوره التعهد ثم سارت فصلها
نوره / السلام عليكم
الابلى والبنات/ وعليكم السلام
الابلى/ ليش نوره متأخره
نوره وهي اطلع بالنايفه/ ابلى راح عني الدريول
الابلى / كتبتي تعهد على التأخير
نوره / أي
البنات/ نوره ماله داعي ييتي بعد ما بدات الحصه الاولى وانتي تيين
نوره / مو على كيفي لو على كيفي كان مكبره المخده
وارتفعت اصوات البنات بالضحك
الابلى / بس هدوووووووووووء يلسي نوره مكانج
نوره وهي راحت تيلس في مكانها يم النايفه وهي تقول بصوت واطي .. اراويج يالكريهه (تقصد النايفه))
النايفه/ ضحكت بضحكتها الهستيريه
الابلى / بس انتي وياها وقفي يله النايفه
النايفه / ابلى ماسويت شي
الابلى / كل هالضحك وماسويتي شي
النايفه / ابلى نوره اهي اللي تضحكني
الابلى / والله انا ماشفت نوره شفتج انتي وقفي خلصيني لا تضيعين وقت الحصه
النايفه وباأستسلام / حاضر
نوره وهي اطالع النايفه نظرات النصر والفرح عليها
النايفه وهي تكتب على الطاوله ((منو يابج))
نوره / واهي تكتب مالج خص
اما الابلى فهي تواصل شرحها
نوره (وهي تنغز النايفه ) خلينا نطلع ؟؟!مالي خلق الحصه
النايفه ومن دون ماتكلم نوره واهي اطالع صوب الابلى
النايفه / ابلى شوفي نوره
نوره / بل.. والله ابلى ماسويت لها شي (الكريهه )>>>>>>> تقصد النايفه في هالكلمه
الابلى / نوره قومي وقفي منو الكريه
نوره / ابلى النايفه ((تضحك))
الابلى / وبكل غباء / عبالي واتجهت صوب السبوره بتشرح كان درسهم رياضيات جتا وجا وقتا وقا وظتا وظا
النايفه / ابلى شنو هذول بنات عم ياحليلهن
والصف كله يلس يضحححححححححك
الابلى عصبت / النايفه طلعي بررررررررررررا
النايفه ( بحزن )انا بس
الابلى / أي يله اطلعي برا
نوره ((وهي ميته ضحك ))/ يله طلعي ((تقلد الابلى))
الابلى ومبين انها عصبت بقووووووووووووه / طلعي وياها نوره
نوره وبفرح وماصدقت على الله / حاضر
النايفه/ يله قومي طلعي تعرفين تطنزين
طلعت نوره والنايفه من الصف الا والاخصائيه بوييهم / شعندكن طالعات من الحصه
النايفه وبخوف / ابلة الرياضيات طاردتنا
الاخصائيه/ نوره انتي متأخره وبعد طالعه من الحصة ياحلاتج والله
نوره وهي تهمس في اذن النايفه / طالع هذي شافتني ولا شافتج
الاخصائيه / يله جدامي على المكتب
النايفه ونوره / حاضر ابلى
وراحت نوره والنايفه مع الاخصائيهوكتبوا تعهد على خروجهم من الحصه واثارة الشغب اثناء الشرح
طلعوا من عندها وقالت لهن يسيرن لصفهن مااباكن تروحن تحوطن لي في المدرسه
نوره / امشي نسير لصف
النايفه / اقول روحي انزين يامعوده امشي بندور حول المدرسه دوره ونرد لصف
نوره / ياويلي ولو شافتنا الخفاش الاسود ((الاخصائيه)) شنو بنقول ؟؟؟
النايفه/ والله انا موب رايحه عند هالمسطره ((كانوا البنات يسمون ابلة الرياضيات بالمسطره لانها طويله ونحيفه حييييييييييل ولانها تدرس رياضيات خخخخخ))
راحن نوره والنايفه وحوطن المدرسه والحمدالله مااحد شافهن ((مرت بسلام))


&&&وقت الطلعه
نوره / النايفه صبري لا تسيرين عني مثل اليوم بروح لــ (الرغد) من زمان اسولفت وياها
(الرغد) صديقة النايفه ونوره وكانوا قبل جيران اليده قبل لاينقلون لبيتهم الثاني )
النايفه / بروح وياج
عند الرغد
نوره / بتسيرين بدري اليوم
الرغد / أي شسوي ياي ولد عمي ياخذنا انا وبنات عمي وخواته
نوره ((وهي تهمس باذن الرغد ))ياويلج لو يدري خالي ماجد عنج انج بتروحين ويا ولد عمج
النايفه / شنو تقولون انتو
نوره / وانتي شكو
النايفه / لا والله .. زين والله بكره لاروح عنج
نوره / لا يامعوده بس قاعده اقولها ياويلج لو يدري عنج خالي مايد
النايفه / اها .. بس ياربي متى بييون من سفرهم هذ1 تصدقين اشتقت له
الرغد / اشتقتي له والا لحبيب القلب
النايفه / انجبي بس انجبي وبعدين عادي شنو فيها لوبشتاق لفهد مو ولد خالتي
الرغد / واحد اطرى لج اسم فهد عشان تقولين كل هالرد
نوره / اللي في بطنه ريح مايستريح ههههههه
الرغد / هههههه وقالت وهي اتجاري النايفه / أي صج شنو فيها لو تشتاق لولد خالتها والحبيب المعشوق
نوره / ههههههههه النايفه يمكن يطلع اخوي فهد مايفكر فيج ولا يباج موليه
النايفه اللي احترت من كلام نوره والرغد / مالت عليكن ..يله نوووووووروووووه بتطلعين والا اروح عنج
نوره / لابطلع الحين تيي عليج تروحين عني يله باااااي رغوووده





انتظرووناا في الجزء السابع

 

[كاتي البرينسيسه]

انا اعتقد نوره وكايد بيحبون بعض ويلا كملييييييي حبيبتي القصه روعه وقريت الاجزاء كملي كملي انا حدي مندمجه

 

[الروح والريه]

كملى معاج

 

[n-o-n-a]

بااااااااااااااااااااااااااااك بناااات آسفه عالتأخير صارلي ظرف وماقدرت أكمل بس الحين ان شاء الله بكملها بالجزء السابع

 

[n-o-n-a]

الجزء السابع
في بيت ام فهد
نوره / يمه شنو بلاج اشوفج من يوم السبت وانتي مو زينه واليوم الثلاثاء ..شبلاج يمه
ام فهد ونوره/ لا يابنيتي مااشكي باس
نوره / يمه لا شنو ماتشكين باس وانتي هاي حاتج من اسبوع لاتاكلين ولاشي .. يمه ترا اشوفج احيانا تنفسج يزيد بس اسكت ومااقولج شي يمه خلينا نوديج المستشفى
الام/ يابنيتيانا قلت لج مااشكي باس ((وهي يالله تقولها وكأنها تجر كلمتها جر ))
نوره / يمه والله احبج .. خلينا نروح المستشفى طالعي حتى كلامج يالله تجرينه
الام/ فديتج يابنيتي (( وهي تخنق عبرتها ))وحاولت تغير الموضوع /// اقول يابنيتي ماجهزتي شتلبسين لملجة متعب وريميه ؟
نوره / لايمه النايفه اشوي بتمرني بنروح السوق
ام فهد / ليش بتشتريت فستان
نوره / لا يمه انا ماالي انا عندي .. بس النايفه تقول ان ماعندها كل ملابسها قديمه
ام فهد/ ياحليلها النايفه قولي امين ياعلها تكون من نصيب فهد اخوج
نوره / اميييييييين والله وناسه ربيعتي وبنت خالتي وتصير مرة اخو بنفس الوقت

************
في بيت اليده
عبد العزيز ولد حامد ((يصرخ بصوته العالي )) / يدتي ,,يدتي ,,يدتتتتتتتتتتتي
والنايفه وههي تغطي راسها /خير ..خير ولد خالي
عبدالعزيز / وين يدتي
النايفه / اول سلم .. بعدين اسأل عن يدتك
عبدالعزيز/ نايفوه وين يدتي ؟؟
النايفه / وي بسم الله علي .. مدري وينها روح دورها
وكاهي اليده طالعه ..خير ان شالله شبلاك تصارخ الواحد في هالبيت مايخشع بصلاته من صراخكم
عبدالعزيز / شحالج يدتي
اليده / بخير شعندك ..تعال من الاخر اعرفكم ياعيال حامد ماتييون الا ووراكم شي
<<للمعلوميه عبدالعزيز ماحضر جمعة العايله ذاك اليوم لان كان فيه اوراق عنده لازم يخلصهن في الشركه قبل يوم السبت وعشان جذيه مايا بس وصلته كل الاخبار اللي دارت في ذيك الجلسه>>
عبد العزيز / صج يدتي متعب وريميه بيملجون الخميس الياي
اليده / ان شالله والا عند ك مانع
عبد العزيز/ لا ماعندي مانع
عناد / وهو داش عليهم ..لا يدتي عنده دواس ههههه
عبدالعزيز / اسكت انت بس يالملقوف ..يدتي بس انا ابي بعد
اليده / بل لا تكون تبي ريميه
عناد / وكاهي اشتغلت الغيره
النايفه / وهي تضحك / لايدتي شدعوى يبي ريميه
عبدالعزيز/ يدتي افا عليج نسيتوا انكم محيرين حقي اميره بنت عمي
عناد/ يضحك : استح على ويهك البنت اللي يقال لها محيرينها مو الريال ياخبل
عبد العزيز / جب انت يالملقوف ..انا اكلم يدتي مااكلمك
اليده / انزين قول كلام افهمه
عناد / شدعوى عاد يدتي اهو يتكلم طلاسم
النايفه/ يدتي بالعربي عبدالعزيز يبي يملج على ريميه؟؟؟
اليده باستغراب/ شنو
النايفه /لايدتي معليش خطا مطبعي ؟قصدي يملج على اميره
اليده / اشوا
عبدالعزيز/ يدتي تكفين خلينا نتملج الخميس هذا مع متعب وريميه؟
النايفه / أي يدتي والله حرام خليهم يتملجون مع متعب وريميه ..خلي الفرحه فرحتين
(((كان الامر كله بيد اليده عشان جذيه قالها عبدالعزيز )))
اليده / عيل خلاص ملجتك انت واميره مع متعب وريميه يوم الخميس
اليده/ ناولوني التليفون بكلم عمك راشد ((ابو اميره)) يشاور بنته يمكن ماتبى تملج الحين
عناد بضحك/ ويمكن ماتبى عبدالعزيز
عبد العزيز / يااللقافه ..انت شنو خصك بالموضوع كله من الاساس عشان تتكلم
*******
كلمت اليده ولدها ابو متعب واميره ووافقوا يحطون الملجه مع متعب وريميه الخميس الياي اللي مابقى عليه غير يوم واحد
****************
اميره تتصل على بنت عمها ورفيجتها غيوض
اميره : هلا غيوض
غيوض : هلا صج الخبر اللي سمعت
اميره :أي صج
غيوض : يابختج مو انا ياحسرتي ولا حاس فيني
اميره :ههههه واخيرا بتملج ,,بالله كم لنا واحنا محيرين حق بعض
غيوض: على البركه ياقلبي
اميره: الله يبارك فيج يالغلا .. بس ..........؟
غيوض : بس شنو
اميره : ماادري شلبس؟
غيوض : (تضحك ) ههههه على بالي عندج شي .. والله ماتارس الاسواق غير الملابس
اميره: خلينا نروح الحين
غيوض :اوكيه ماعندي مانع
اميره : عيل يله تيهزي الحين بمرج انا والدريول
غيوض : اوكيه اترياج
اميره : انزين يله باي
غيوض : باي

نرد لبيت اليده من جديد
النايفه / كايد دريت عن اخر الاخبار
كايد/ شنو
النايفه / بيملج عبدالعزيز على اميره الخميس
كايد / صج .. على البركه
النايفه / الله يبارك فيك .. بس انا شدخلني تبارك لي
كايد / يلس يضحك
النايفه / اقول كايد بما ان الملجه بعد بكره وانا ماعندي شي البسه شرايك توديني السوق
كايد / لا يامعوده انا بروحي اليوم تعبان مالي خلق اوديج
النايفه/ تكفى كايد انا عطيت نوره كلمه لا تفشلني وياها
كايد وبتعجب / نوره بعد بتروح
النايفه / أي ..تكفى كايد عناد مستحيل يوديني تعرفه انت والدريول مو فيه مدري وين رايح تكفى كايد فديتك
كايد/ خلاص بوديج بس بعد المغرب
النايفه / اوكيك ((وهي بداخلها تضحك على نوره ليش انها كذبت عليها وقالت ان اللي بيوديهن الدريول مو كايد تبي ترد اعتبارها عقب ذاك اليوم يوم تطنز هي والرغد عليها هي وفهد ))) << وحليلهن ينتقمن من بعضهن>>









لجزء الثامن
كايد والنايفه طلعوا يركبون السياره بيسيرون السوق راحوا صوب بيت ام فهد..كايد هرن((على ساس نوره بتروح مع النايفه لسوق)
ام فهد (وهي تصوت لنوره)/ يله نواري اطلعي هاي اكيد النايفه
نوره وهي طالعة من غرفته وتلف الشيله على راسها ((باستعجال))/ حاضر امايه يله باي
ام فهد واللي اطالع نوره ليما اطلعت /الله يحفظج يمه
طبعا نوره راحت بتركب السياره وكانت السياره مخفي ((يعني مااحد يقدر يشوف اللي داخل)) فتحت نوره الباب وركبت وطالعت في اللي يسوق (تفاجأت مو الدريول اللي قالت لها النايفه انه بيوديهن )
نوره وطلعت منها ومن غير شعور وبلهجة تعجب / بل كايد انت اللي بتودينا
كايد ومستغرب من لهجة نوره / أي ليش مستغربه
نوره واللي للحين مو مستوعبه ان كايد اللي موديهن / النايفه تقول الدريول بيودينا
النايفه/ ضحكت
كايد((حس انه مقلب مسويته النايفه في نوره ))
نوره ماقدرت تسكت وقرصت النايفه
النايفه وببراءه وغباء وتحط يدها على ذراع يدها الثاني وتفركه / اه نوره عورتيني
نوره (انفجرت من الضحك على شكل النايفه ""كان شكلها يضحك وهي تتعور من قرصة نوره ))
النايفه اطالع بنوره نظرات قووووووووويه وتخزها من فوق وتحت / سخيفه
نوره طالعتها بنظرات توعد وسكتت وماقدرت تقول شي لانها انتبهت على كايد انه يطالعهم بالمرايه اللي تعكس
وصلوا السوق شرت لها النايفه فستان وكأنها هي اللي بتتملج

اليوم الخميس ((يوم الملكه))
في بيت اليده ((بيت العائله ولانه هو البيت الكبير واللي كل المناسبات تصير فيه ))

كانت الملجة ولا كانها ملجه كأنها عرس خخخخخ
اميره وريميه ((خوش عرايس))
النايفه / وكأنها هي العروس شيييييييييي كانت لابسه فستان ليلكي وميك ابها ليلكي وكان بشعرها خصل ليلكيه
غيوض / اللي كانت كاشخه ذيج الكشخه وكانت فرحاااااااااانه وايد لبنت عمها وبنت عمتها
عذاري / كانت حليوه
شوق / واللي كاشخه كشخه جنونيه
غزل / واللي ماحطت ميك اب وايد حطت نعوم بس لانها حلوه ماشاءالله خلقه ولانها صغيره اشوي
شمس/ وكشختها نفس كشخة ربيعتها وبنت عمتها شوق ((كانن مطقمات))
نوره /واللي كاشخه كشخة غطت على الكل واساسا جمالها الطبيعي الرباني يكفيها وخلاها تصير احلى البنات لدرجة انها غطت على العرايس (ريميه واميره)) كانت فاتحه شعرها كله اللي يلمع وكأنه سواد الليل في لونه
وتاركته مفتوح ومغطي كل ظهرها وكانت لابسه فستان اسود واللي محد يفرق بين لون فستانها ولون شعرها كانت وااااااااااااااايد حلووووووووه وجذابه كان فستانها معطي جسمها شكللللللللل كان ضيق منى فوق لحد الركبه ومن تحت الركبه موسع اشوي كان موديله سمكه وصاير جسمها شرات السمكه
كان الكل يطالع نوره منبهرين من جمالها

ام غالي/ ماشاءالله على نوره والله غطت على العرايس طالعه اليوم حلوووه الل يخليها لج ((تكلم ام فهد))
ام فهد /امييييين يارب

نوره ومعها النايفه سارن صوب ريميه واميره اللي يالسين تبارك لهن
نوره / على البركه
اميره وريميه/ الله يبارك فيج
النايفه/ منكن المال ومنهم العيال ..اااااااا عفوا قصدي منه المال ومنج العيال ((النايفه قالت هالكلام بخفة دم ومزح))
اميرة وريميه ونوره / ههههههههههه
ريميه /حلوه منج المال ومنه العيال هههههه
النايفه تخيلوا والله ينقلب الحال /ههههههههه
نوره كانت لفت لنايفه بتقولها كلمه لكن النايفه اقطعتها وقالت / ااااااااه عيني
نوره وريميه واميره / اشفيج
النايفه وبدت عينها تدمع /نوروه حسبي الله عليج فكيني من شعرج هذا ((يدها على عينها))
نوره /اشفيه
النايفه / حسبي الله عليج انتي وشعرج جنها دخلت بعيني شعره من شعراتج
نوره (بمزح احسن)

النايفه واللي بدت عينها تدمع بزياده /امشي وياي بروح فوق حجرتي بشوف عيني اعدل الكحل
نوره / هههههه اصلا عينج ماتدمع من شعري يالنصابه من عدساتج اللي انتي لابستهم
النايفه (وعينها مازالت تدمع وقالت بمزح وتفاخر)/ اصلا انا مالبست عدسات عيوني خلقه جذيه زرق مالبست عدسات
ريميه (وبمجاراه لعقل النايفه )/ أي صح انتي عيونح خلقه زرق من الله خلقج فيج عرق اجنبي
نوره واميره / ههههههههههههههههههههههههههههههههههههههههه
النايفه /ههههههه يله بس نوروه تعالي وياي فوق بسير اعدلها والا انزلهن
نوره / يله امشي الحين اعترفتي ان دموعج هذي مو من شعري من عدساتج

طبعا سارت نوره مع النايفه فوق لحجرتها بتعدل بعدساتها
النايفه/ نوره بقولج شي بس لا تغترين علينا
نوره / شنو
النايفه / تيننين انتي اليوم كنج القمر والله
نوره (وهي تتمصخر) / انا القمر ليلة تمامه@@انا شي تشوفه ماتطوله :::: وضحكت بضحكه دلع
نوره قالت هالبيت وهي ماره صوب حجره كان مفتوح بابها وكان فيها شخص يالس بغرفته للحين مانزل عند الرياييل كان واقف صوب التسريحه اللي تعكس من يمر وشاف نوره والنايفه وهن مارات وسمعها وهي تقول بيت الشعر
وقف مكانه مايدري منو اللي مر هو ملاك والا بشر / يالله هذي نوره معقوله
النايفه / دخلت حجرتها تعدل عدساتها وكحلها جنها طولت على نوره اطلع العدسه وتغسلها بالمحلول ... تتكحل من يديد ... تعيد على مكياجها
نوره / انا بنزل انتي وايد مطوله
النايفه ولاهيه بعيونها تعدلها / كيفج نزلي
نوره طلعت من حجرة النايفه وكانت منزله راسها تناظر في فستانها من تحت بترفعه اشوي
عشان تقدر تمشي عدل لانه كان طويل مره وهي مواصله في مشيها ...وهي تكلم نفسها بصوت مسموع ((اف من هالفستان)) وفجأة رفعت راسها وشافته... أي شافته... شافته يطالعها من فوق لتحت يطالع جمالها
نوره انصدمت من نظراته لها وتذكرت ان ماشي على راسها وعلى طول حطت شالها اللي كان على اجتوفها
....../ صج انتي القمر ليلة تمامه @@صج انتي شي اشوفه بس بطوله (بطوله ) << يقول هالكلمه وهو شكله شكل الواحد المشتاق الولهان المنبهر من اللي يطالعه الحين ومن اللي جدامه واقف
نوره واللي وقفت منصدمه من جرأته بكلامه وعرفت انه سمعها وهي تقول هالكلام لنايفه فبل اشوي
نوره ماتدري شنو تقول وقفت مكانها وقفة المندهش وقفت وهي سادله يدينها ومخليتهم مرتخيات ((يعني طايحات على جسمها)) وقفت وهي مصدومه من كلامه لان الموقف اللي موقفها واللي انحطت فيه مو سهل والكلام اللي سمعته من هالشخص كان جريء
نوره مازالت واقفه مثل الغزال الشارد الخايف المنصدم وهو للحين يطالع فيها ولا حتى يمكن ارمشت عيونها نورة ماقدرت على هالنظرات ولا قدرت اترجم كلامه اللي قاله ولا قدرت توصف أي شعور لكن قدرت على شي واحد انها انطقت بصوت غير مسموع بس يمكن شفايفها اللي تحركت وقالت بهمس /كـــــــــايد
قالت حروف اسمه وقلبها ينبض بقووووه ولسانها ماقدر انه يقول غير اسمه
كايد واللي من سمع اسمه تنطقه نوره وكأن قلبه بكل نبضه يقول ((انتي القمر ... انتي القمر ...انتي القمر ))
نوره حست انها ماتقدر حتى تسير تمت اطالع كايد وكايد يطالعها بعيونه وكأنه بياكلها نوره نزلت نظرها عنه ورفعت ثوبها عشان تتحرك
كايد الحين توه يستوعب انه فعلا احرج نوره ووسار عنها لدري لكن قبل لاينزل طالعها وعطاها نظره سحريه ماعرفت كيف اوصفها ,,, نظره حب ,,, نظره شغف ,,, نظره وله ,,, نظره شوق ,,, نظره اعجاب ,,,
نظره خلت نوره ترتجف وتهتز في مكانها

نزلت نوره تحت بعد مانزل كايد وهي في قمة توترها ولومها على نفسها ليش انها تمت اطالعه ولا سارت عنه واخذت تقول في نفسها ((ياربي شنو بيقول عني الحين كايد والله اني خبله بس شاسوي ياربي ماقدرت اتحرك حتى افففففف)

تحت في الطابق الارضي
البنات يالسات في الصاله ونوره وياهن وهي للحين متوتره وشاده على نفسها وكان ضايق خلقها من كل شي ...من نفسها ... من اللي صار كانت حدها وتصيح

كايد وهو مار من الصاله شاف البنات جدامه وسلم عليهن / السلام عليكم (( وهو يطالع صوب البنيه اللي معيبته اليوم))
البنات واللي غطن روسهن / وعليكم السلام
عناد وهو داخل .. / انت اهنيه والعيال من اليوم يدورونك <<<يكلم كايد
كايد / شنو تبون
عناد / روح يبونك ماادري عنهم
عناد وهو يطالع البنات / شحالكن جميعا
البنات / بخير
عناد / بل مااكثركن (((يقولها بقرف)))
نوره واللي تحاول تتناسى اللي فيها لانها دومها ماتحب تبين شي اذا كانت متضايقه / قول ماشاء الله (((كان صوتها فيه نوع من التوتر مهما حاولت تخفي )))
عناد واللي انتبه لنوره / شحالج نوره ؟
نوره /بخيرر

عذاري وهي اختها غيوض / طالعي قبل اشوي كايد وهو يسلم عيونه صوبها والحين اخوه يسلم عليها سلام خاص ولا جنه سلم اول مادش
غيوض وبصوت واطي / سكتي بس سكتي انتي من كل الناس تغارين حتى بالسلام (((تتكلم بنبره حاده)))
عناد / الله نوره اليوم كاشخه
نوره / احم .. احم (((قالتها بتفاخر)))
عناد اهنيه حس على كلمته وحاول يتدارك الموقف وقال / ايه يااخي حسني من شكلج اشوي مو دوم كشتج طايره
نوره / لا والله (((وهي تحط يدها على خصرها وجن صوتها فيه نبرة ارتجاف)))
عناد / هدي ...هدي امززززززح
نوره / ضحكت والبنات ضحكوا بعد
واهنيه عناد طالع بالبنات / على شنو تضحكون ... سكتن لوعتن جبدي
عناد وهو يلتفت صوب كايد ولا عطى البنات فرصه يتجادلن وياه / بل انت ماطلعت للحين يله امش جدامي
كايد / اطلع جدامي انت اول
عناد / يله انزين
كايد وهو طالع راح يمشي صوب الباب غنى بصوته العذب,,, وبصوته الوافي ,,, وبصوته الجريح ,,, وبصوته الحساس ,,, وبنغمته المأسوره عذوبة ..غنى
انتي القمر ليلة تمامه &&& انتي شي اشوفه مااطوله وعادها من يديد وقال
انتي القمر ليلة تمامه &&& انتي شي اشوفه بس بطوله

نوره وتحس بغصة من الموقف اللي صار وقلبها زادت نبضاته وتوترها زاد من حدته وقالت في نقسها / سوالها لحن بعد وقعدت تتسأل في نفسها (((ليش كايد تم يطالعها جذيه وليش عكس في كلامي >>> تقصد كلمته يومه يقول بطوله وهي قايله (((مااطوله)))
البنات / طالعوا صوته شحلاته
عذاري / احلى من صوتج نوره غطى عليج ((( طبعا نوره من المعروف عنها ان صوتها كان حلووووو وهذي معلومه نسيت اقولها لكم)))
نوره وبتوتر / عادي
غيوض وهي تنغز عذاري ... عذاري بلا مشاكل

&&&طبعا تملج متعب على ريميه
&&& وتملج عبدالعزيز على اميرة

وكل منهم طاير من الفرحه والدنيا مو واسعته من الفرحه لانهم نالوا اللي في بالهم

في الصاله الكل يالس ماعدا المتملجين
ام غالي / الا صج وين باقي البنات <<< تكلم عذاري
عذاري / ماادري عنهم ... بقوم اشوفهم وين

عذاري راحت لول للمطبخ بتشرب ماي وبتروح بعدين للبنات ادورهن
بس عذاري سمعت في المطبخ صوت اثنين يتكلمون وقفت عذاري عند الباب بتسمع منو اللي يتكلمون قبل لا تدخل

هو / ماتمنيتي اليوم انكون مكان ريميه ومتعب والا عبد العزيز واميره
هي / ياليت بس......
هو / بس شنو
هي / بس عذاري
هو / اشفيها عذاري
هي / شنو اشفيها هي تحبك
هو / وانا مااحبها انا احبج انتي .. احب شمس مو عذاري
شمس /غالي بس هي ماتفقه لشي هذا هي تحبك لدرجه انها كرهتني واكرهت امي بعد من كرهها لي
غالي/ شوفي شمس انا مااحبها يعني غصب احبها مو غصب الحب انا احبج انتي وانا مستعد اوقفها عند حدها والا انتي مستعده تخسريني وتضحين بحبج لاجل وحده ماتستاهل لاجل وحده حاولت مليون مره تهدم حبنا تذكرين يوم يتني وقالت شمس ماتحبك تذكرين شلون تبلت عليج وتذكرين يوم تقول ليدتي اخطبي لعمي سطام عشانج... حتى تبي تهدم حياة امج وابوج ...عذاري هاي وحده انانيه مايهمها غير مصلحة نفسها ... شمس انا احبج ومااحب غيرج انتي حبي من كنت صغير وانتي ساكنه هالقلب لاتهدمين حبنا عشان وحده ماتستاهل .................. وقطعت كلامه شمس / بس كافي ... انا احبك بس عذاري مو راضيه تقتنع
غالي / وانا احبج ومابتقتنع ان شاء الله انتي ليش تراعينها بكل شي حتى بحبج لي تسوين لها احساب ليش (((يتكلم معصب)))؟
عذاري واللي دخلت عليهم وهي مطأطأة الراس ووخانقتها العبرة وعيونها مغطيتها الدموع لكن مو قادره تنزل من الحرقه اللي بقلبها والقهر واللي فعلا حست انها داخله عرض بين اثنين يحبون بعض وقلبها يعتصر اسى وقهر لانها عرفت اللي حبه قلبها واختاره من بين كل الناس يحب وحده غيرها وقالت بكل اسى وحزن وصوت واضح عليه انه مخنوق بالعبرات والاهات / لان عمرها ماكرهتني <<<<(((ترد على كلام غالي وتقصد شمس
غالي ورافع حواجبه وبكامل العصبيه /وانتي لج ويه تتجسسين علينا
عذاري وهي كاتمه عبرتها واهاتها اللي كل مانبض قلبها وجنه يقول اه اه اه / ماتجسست عليكم انا كنت يايه اشرب ماي وانا اسفه شمس (((تتكلم وبكل كلمه تقولها يتبعها اه كاتمتها بصدرها))) وانت غالي فعلا مو غصب تحبني ... وسكتت ...... بعدين قالت بكل الم وجرح ينزف وهي تكتم صرختها / واوعدكم اثنيناتكم اني ماراح اضايجكم مره ثانيه ... وطالعت شمس وغالي طالعته بنظره حب وجنها ماعاد بتشوفه او اطالعه بنفس النظره / غالي ...شمس ... السموحه
وانسحبت عذاري بكل هدوء وطلعت برع المطبخ وخاطرها مكسور وقلبها الحين في حالة ولادة جرح
حست ان الكون اظلم ... والدنيا ضايقه فيها...الحلم اللي بداخلها تحطم قبل لا يتحقق انتهى حلمها وصحت منه على واقع مر وكلام امر سمعته من اغلى انسان اختاره قلبها حبيب له بان الحزن والاسى على ويها وكانت تقول في نفسها (((وشلون ابكتم صرختي يوم اشوف حبيبي غيري حبيبته وشلون ))) وتمنت ان الارض الحين تنشق وتبلعها باسآها وبحزنها وبجرحها وباهاتها ,,, عذاري ومن غير ماتحس بنفسها سارول ريولها لبيتهم (((زي ماعرفتوا بيوتهم كلها قريبه من بعض يعني بنفس الحاره))) وماحست بنفسها الا وهي راميه بنفسها على سريرها وتبجي بقوووووه ودموعها على خدها وكأنها نهر تنزل دموع وتنزل دموع ...
الدنيا ضايقه فيها ... الكون ظلام ... كل شي ضدها ...
هذا كان احساس عذاري بذيج الحظه ... بجت ... وبجت ... وبجت ... ليش حبيتك ياغالي ؟؟؟
ليش حبيت غيري ماحبيتني ؟؟؟
ليش مابادلتني نفس الشعور؟؟؟
ليش ... وليش ... وليش ؟؟؟ اسئله كثيره في بال عذاري

كانت عذاري بس تبي تصرخ ؟؟؟ بس صرخه ؟؟؟ صرخه وحده بس؟؟؟
تخفف من الامها وعذابها ,,,
تخفف من اهاتها اللي بصدرها مكتومه...
ومن عبرتها اللي مازالت مخنوقه ...
دموعها على خدها وكل مانزلت دمعه... نطق صدرها اااااااه ...وزاد نزف جرحها
دمعت عيونها وبجت وقالت اه ونزف جرحها
دموووووووع ودموووووع ,,,لدرجة ان المخده امتلت دمووووووع


نروح بعيد عن معاناة عذاري
ونرجع لعصفورين الحب (غالي وشمس )
شمس وبكل طيبه / مسكينه عذاري
غالي وهو يطالع شمس بحنيه / فعلا انتي وايد قلبج طيب ياطيبه
شمس/ انا مو طيبه انا شمس (((تضحك)))
غالي / هههههههه
شمس / امي قالت لي اييب لها ماي وانت ماصدقت وسرت وراي ...يله روح خلني اروح (((وكان كلامها كله ورا بعض)))
غالي / بشويش طيب
شمس وهي طالعه ومعاها قلاص الماي
غالي / شمس ,,,شمس
شمس / شنو عندك بعد
غالي / تخيلي اليوم ملجتنا
شمس / .......وطلعت
غالي / ياويلي فديت المستحى فديت روحج وفديت حياج


بعد ربشة الملجه واللي الكل ارتبش لها
الساعه 3 الفير
كايد / في حجرته مبند النور وشغل شمعاته وجلس بجوه الرومنسي
جلس يراقب دموع الشمع ... يلس يطالعها بكل تأمل بكل الم بكل حزن
تذكر فهد وماجد اللي راحو للخارج يدرسون واتركوه وحيد يعاني ((( كايد وايد متعلق فيهم لانهم كلهم من عمره وربع)))
كايد قام صوب الدريشه وفتحها وشاف القمر ساطع بنوره وتذكر على طوووووووول نوره يومها تقول
انا القمر ليله تمامه @@@انا شي تشوفه ماتطوله
كايد / يااااه يانوره صج انتي القمر
كايد يلس يتسأل في نفسه/ شنو السالفه اللي صارت اليوم ... وليش كلمتج هالكلام اللي قلته لج اليوم وليش انا اموت في ضحكتج وصوتها ليش صرت اسيرها .... ليش شدني بيت الشعر اللي قلتيه <<((( يقصد انا القمر ليله تمامه .....الخ ) ... وليش و......وليش .....وليش....
يالله شنو فيني
وايد احس اني مفتشل من الحركه اللي سويتها اليوم وياها يالله شنو بتقول عني
بس والله انا مادري ليش سويت جذيه
يااااااه يانوره وايد حلوه انتي اليوم
ااااااااااااه

كايد حس نفسه مخنوق مايدري شنو السالفه ونزل تحت بيطلع بيروح يحوط بسيارته
كايد وهو نازل من الدري التليفون يرن
كايد / خير ان شاءالله منو اللي يتصل الحين (((يقولها وهو مخترع)))
كايد راح صوب التليفون
كايد / الـــــــو

^^^ تتوقعون منو اللي متصل تالي الليل ؟؟؟
^^^ عذاري شنو مصيرها بعد اليوم ؟؟؟
^^^ عبدالعزيز واميره ومتعب وريميه كيف بتكون حياتهم ؟؟؟
^^^ شنو الاحداث اللي تنتظرها العائله؟؟؟

 

[n-o-n-a]

@@@الجزء التاسع @@@

@@@@

كايد راح صوب التليفون بيرد ويشوف منو المتصل تالي الليل
كايد / الـــــــــــو
المتصل بصياح وصراخ / الحقوني امي ((( والصوت فيه ارتجاف )))
قطع كايد المتصل / منو ؟ انتي نوره
نوره وهي تصيح / أي انا نوره ...وين يدتي ؟ وهي تصيح وقالت / امي طاحت علي ماادري شسوي تكفى خل يدتي تيي
كايد وبخوف / انزين انزين انا ياي الحين هدي حالج

*راح كايد صوب بيت خالته ام فهد
بعدها كايد وداها للمستشفى ويا نوره
دخلت ام فهد المستشفى وتجمعوا حولها الاطباء والنيرسات ونوره طلعوها برا

يلست نوره على الكراسي اللي جدام الغرفة اللي فيها امها ويلست تصيح على امها وخوفها عليها زاد توترها وقلقها وزاد معهم صياحها
كايد/ بس نوره كافي ... ان شاءالله بتقوم بالسلامه ... قولي لي كيف طاحت
نوره وهي متوترها ودموعها على خدها / مدري دخلت عليها الغرفه لقيتها يالسة عالسرير حقها ...سألتها شفيج يمه؟
ماردت علي وقعدت ترتجف وزاد تنفسها وطاحت علي السرير

كايد(((هو يفرك يدينه)))/ لا حول ولا قوة الا بالله

نوره / يلست تصيح وهي بداخلها تدعي لأمها ان الله يقومها بالسلامه

طلع الدكتور من عند ام فهد تقريبأ بعد ساعه ونص من دخوله عندها

كايد وهو يقرب من عند الدكتور / هابشر دكتور؟

نوره على طول من شافت الدكتور وهي ناقزه عنده وقالت بخوف وتوتر وصوت باكي / شنو صار؟

الدكتور وهو يطالع كايد ونوره وعلامات ويهه ابد ماتسر / واضح انها مااكلتش دواها النهار ده وهذا السبب في انه ........ يسكت الدكتور

كايد وهو في قمة التوتر / شنو سبب ؟؟؟
نوره واللي قلبها تزيد نبضاته / ........ (((وفوق راسها علا مة استفهام شكبرها)))

الدكتور / هي مااكلتش دواها النهار ده وواضح انها مهمله بيه واهماله يوم بكامله يسبب وقف نبضات القلب وهي طبعا مصابة بالقلب

كايد واللي خلاص فهم كلام الكتور طالع بنوره اللي واضح انها مافهمت شي

الدكتور وهو يطالعهم / وهذا السبب انه ادى لوفاتها

نوره واللي مو قادره تستوعب /شنو ؟؟؟؟؟؟؟؟؟

الدكتور /(يؤمي براسه ) اجبر الله عزاكم

نوره والخبر نزل عليها كالصاعقة / صرخت صرخه دوت المستشفى كله

مو قادره تصدق انطلقت دموعها ... قربت من عند الدكتور تهزه بكل قوتها / لا امي ماماتت اكيد انت غلطان (تتكلم بصياح وصراخ )

فج الدكتور نوره وقال بحزن / لا حول ولا قوة الا بالله ومشى عنهم بعد ماالقى خبر وفاة ام فهد على نوره كالصاعقه الرعديه والعواصف
نورة وهي تتجه لغرفة امها و والنيرسات يمنعونها من الدخول
كايد وهو ماسك نوره وهو يحترق بداخله / بس يانوره بس

نوره وهي تصيح وتصارخ على كايد / اتركني ابي اشوف امي ... انتم جذابين ماماتت امي ... اتركني ... اتركني تكفى ... ابي اشوف امي ... امي لا ماماتت لا ماماتت

كايد واللي خنقته العبره وعيونه امتلن بالدموع / ترك نوره بعد ماقطعت قلبه

نوره دخت غرفة امها بعد ماتركوها النيرسا ت تدخل /

دخلت على امها شافتها مغطى كل جسمها بشرشف ابيض يات لعندها وهي تركض رفعة الشرشف وضمت امها وحبتها وهي تصيح ودموعها على خدها / يمه ... يمه ردي علي يمة لا تموتيت وتتركيني ... يمه ردي لمن تتركيني يمه تكفين ردي ... (وهي تهزها) يمـــــــــــــــــــــــــــــــــة انتي مامتي (وهي تبكي بألم وحسرة ) يمة فديتج ردي ... يمه يابعد هالدنيا ردي ... يمه والله احبج بس لا تموتين ... لا تتركيني ... يمه ردي ...ردي وتبكي بألم واهات وشهقاتها ارتفعت ااااااااه

كايد وهو يحاول يبعد نوره عن امها وهو شاد على نفسه / بس خلاص قطعتي قلبي

نوره / وهي تصيح / ابي امي ,,, ابيها وواصلت بصياحها
امي ماماتت صح كايد ... وتصرخ نوره ... امي ماماتت صح كايد (تعيد كلامها ) لكن بصوت عالي بصوت ممزوج بالحزن ومخنوق بالعبره ) كايد الله يخليك قولهم امي ماماتت
كايد / بس نوره كافي (وعيونه مليانه دموع )

ضم كايد نوره رغم المفروض انه ما يسوي جذيه لان الموقف اكبر من أي موقف نوره خلاص ماعاد فيها حيل توقف ... نوره اغمى عليها وطاحت عشان جذيه ضمها كايد

يو النيرسات ونقلوا نوره لغرفة ثانيه

لكن امها ظلت مغطاه بالشرشف الابيض على ذلك السرير

نروح بعيد عن معاناة المستشفى


شمس واللي للحين محد عارف شي / اهلين
شوق / هلا والله
شمس / شحالج
شوق /تمام يالسة انطرج تقولين بتصل 3 ومااتصلتي والحين الساعه 4:30 الفير توج تتصلين
شمس / أي شسوي انشغلت
شوق وبحماس / انزين يله قولي لي شنو صار اليوم شفتكم وانتوا بالمطبخ بس ماحبيت انكد عليكم ورحت عنكم
شمس / اقولج
شوق / اسمع يله تكلمي
شمس / يوم كنا بالمطبخ انا وغالي و.......... (وقالت لها كل شي صار )
شوق / وحليلها عذاري واخيرا اقتنعت انها داخلة عرض
شمس / تضحك ( مستانسه )
شوق / يابختج . مو انا ياحسرتي مافيه احد يحبني واللي اخبه مايحبني مالت عليه
شمس / وهي تضحك : لو لي اخو خليته يحبج ههههههه
شوق / ههههههه عيل خلي عذاري تزووج خالي وييب لج اخو وتزوجيني اياه
شمس / شوقوه ويعه
شوق / الا صج عذاري ليش خالي ماياب الا انتي وبس
شمس / مدري روحي اسأليه
شوق / هههههههه حلوه اسأله ... اقول شموسه انا راسي دايخ عقب ربشة الملجه يله باي
شمس / خسج الله انا اللي متصله وبعد هي اللي تبي تسكر ... باي




نرجع للمستشفى ومعاناته
الحين الساعه 10:00 صباحا

للحين محد عرف بوفاة ام فهد ... كايد مايدري شلون يقولهم

كان كايد المسكين اللي يالس عند نوره المستشفى و بس مو في الغرفه اللي نايمه فيها نوره بالانتظار كان يالس دخل اغرفة نوره بعد مادق الباب وولا فيه جواب وعلى دخلته نوره توها تفيج من اغمائها
طالعت كايد بعد مالبست حجابها

كايد بصوت تعبان / حمد الله على السلامه
نوره ولا هي داريه هي وين وليش يت اهنيه ولكن على طول مر في بالها شريط ذكريات البارحه وتغارقت عيون نوره البريئه في نظرتها بالدموعوع وشفتها ارتجفت

وقالت بصوت حزين بكل اسى وحسره / كايد كايد صج امي ماتت امي ؟

كايد نزل راسه بكل الم/ نوره الموت حق ...امي ماتت وابوي مات ... وامج ماتت... وانتي بتموتين وانا بموت

نوره وببجاء ودموعها على خدها وتقطع كلام كايد بصوت متقطع / لا انت لا تموت لمن تتركني بعد ... لاتصير مثل امي راحت وتركتني وانا احبها ... انا احبك ياكايد
(وعيونها مازالت غارقة بالدموع وعلى خدها انهار من الدموع

كايد/ .......... (منصدم من كلام نوره ) وقال في نفسه (شنو قصدها بكلمتها "كايد انا احبك "؟
كايد على طول غير الموضوع وماولى لها بال لانه عارف ان نوره منهاره واكيد بتقول أي شي.



في بيت اليده( اللي للحين مو عارفين شي )
اليدة / النايفه روحي قعدي كايد من رقاده اليوم اليمعه خليه يتيهز لصلا ة اليمعه

عناد/ يدتي مو بغرفته من البارح بالليل ... البارحهالساعه 4 شفت غرفته مفتوح بابها مافيها احد والحين قبل لا انزل مافيه احد

اليده / ياويل حالي قوم اتصل بااخوك لا يكون صاير له شي

عناد وبلهجة مضحكه / لا يدتي هذا قطو بو سبع ارواح
اليده / غسى عيون عدوك للعمى قول ماشاءالله ... دق عليه خل عنك هالخرابيط

عناد وهو يأشر على عيونه ويضحك / من عيوني

عناد اتصل بكايد ... وكايد تردد على مايرد شنو بيقول له واخيرا رد

كايد وبصوت غير صوته بصوت الحزن على موت خالته ومن غير نفس / الـــــو

عناد / هلا ...(ومن غير سلام قال / يااخي وينك؟
كايد (من غير نفس )/ شتبي؟

عناد/ وبلهجة استهزاء / يدتي تبغاك تيهز لصلاة اليمعه (يضحك)

كايد / انزين انا يايكم الحين

بند كايد الخط قبل لا يقول مع السلامه

نوره وبصوت متقطع ومخنوق بالعبرات اللي مع كثر صياحها ماانفجرت/ بتروح كايد؟

كايد / أي

نوره وبلهجة ضعف والدموع من عينها ينزلن / وبتخليني بروحي

كايد / لا بروح اشوف الدكتور يمكن يرخص لج تطلعين وياي

• وفعلا الدكتور رخص لنوره

طلعت نوره وهي ماكفت بجاء

في السياره
نوره وللحين تصيح

كايد واللي كان حزين بقوووه بس ماحب يبين لنوره حزنه ولا حب يضعف جدامها / بس يانوره تعوذي من الشيطان

نوره ومواصلة في بجاها / وهي تقول في نفسها " امي ماماتت مستحيل تموت ... لا امي ماماتت ... انا اعرف امي مستحيل تموت وتتركني ... لا امي ماماتت ... انا اعرف امي مستحيل تتركني ... امي لا ماماتت (كانت هذي العبارات اللي ترددهن على نفسها )

وفجأة طلع صوتها على برا / لا امي ماماتت .. لا مستحيل تموت (وكان صوتها يرتجف وعيونها كانت تزيد في الدموع وبحرارتها وقلبها يعتصر ويعتصر على موت امها) معقوله امي جذيه تموت بسهوله

كايد كان يسمع نوره / نوره قولي لا اله الاالله



وصلوا بيت اليدة وكان الطريق طوووووووويل وكأنهم مسافرين هو مو طويل بس طويل عليهم هم وكأنهم مابغوا ياصلون.
وصلوا البيت على الساعه 11:00

وكايد كان شايل هم شلون يقولهم

كايد وهو ينزل / نوره يله انزلي

نوره وهي تصيح/ ماابي ... ابي اروح بيتنا ... ابي امي (وهي في قمة انهيارها )

كايد / شنو؟ بيتكم الحين مافيه احد

نوره زاد اصياحها وزادت... وكأنها طفله صغيرة في بجاها

كايد/ يله نوره نزلي ... وراح وفتح لها الباب ... وهو يترجاها تنزل ...واخيرا نزلت نوره

دخلت نوره وكايد البيت مع بعض

اليدة الي كانت يالسة في الصالة هي والنايفه وعناد

استغربوا كلهم ... من دخلت نوره ويا كايد وهي تبجي وكايد حده ويصيح لكن ماسك نفسه

اليده حسها قلبها ان فيه شي وقالت بصوت خوف / بلاكم ؟ بلاج نوره ...بلا عيونج حمر

نوره راحت ليدتها وهي تركض وتصيح ودموعها في عينها مشكله تجمع مائي من الدموع وانها ر على خدها وطاحت في حضن يدتها وهي تبجي وزاد بجاها وزادت شهقاتها وكأنها طفل صغييييييييييير

اليده استقبلت نوره بحنان وزاد خوفها وقالت بنبرة عصبية خوفيه/ بلاج تكلمي؟

نوره وهي تضم يدتها بقووه وبصوتها المتقطع الحزين وبااعتراف / امــــــــــــــــــي مااااتت ( وانفجرت بزيادة صياح وشهاق )

اليده مسكتها ريولها من الخوف وقالت بصوت غير صوتها وبنبرة ارتجافيه / شنو ؟

اليدة مومصدقه ولا مستوعبة كلام نوره طالعت كايد بنظره تحمل مشاعر الخوف والارتجاف والحزن والتردد في قبول الخبر/ شنو السالفة ياكايد ؟

كايد وهو منزل الراس بحزن / بعد صلاة اليمعه بنصلي عليها ( وعيونه غرقت بالدموع وخنقته العبره )

عناد /......... (مصدوم وعيونه وكأنها بتطلع منه من الصدمه وقف وجابل نورة ويدته وهو يطالعهم بصدمه وقال في نفسه / يكفي احنا انحرمنا من امنا يعد نوره تنحرم لا حرااااااااام ... خالتي لا ماتموت ( وكـأنه يعترض على قضاء الله استغفر الله ) عناد مانزلت دموعه من الصدمه ولكنه كان يبجي بصمت

النايفه ماقدرت تستوعب او تصدق معقوله خالتي ماتت متى ؟ وكيف ؟ وليش؟ ماكان منها الا انها ارتمت بحضن اخوها كايد ويلست تصيح بحرقة ودموعها تحرق عيونها من حرارتها ...

كايد كان الموقف قوي عليه خصوصا انه هو كان مع نوره في المستشفى يوم ماتت خالته فكان شاد على نفسه وعبرته مخنوقه ويحاول يمسك نفسه عن انه يصيح

اما اليده فكانت نوره بحضنها تبجي وجن قلبها بيتقطع (معقوله امي ماتت وتركتني ... بس هي تحبني ليش تتركني... ليش ماتت ... ليش الموت اخذها عني ليش هي بالذات اللي ماتت ... ليش انا مامت ولا ماتت هي ... لا امي ماماتت ... ويلست تصيح وصوتهاطلع وشهقات صياحها قوي كان صوتها ... وكأنها تقول (اعطيج عمري بس لا تموتين ... لا تتركيني ... حرام عليج يمه

وكان الكل بحاله يبجي ولا احد يهدي احد كلهم عايشين نفس جو الحزن


فجأة ...
زادت صياحها ودموعها على خدها بحر ... زاد انينها على موت بنتها ((( لحظة ماحطت الشيله على ويها تغطيه تذكرت ان الشيله هذي شاريتها لها ام فهد هدية منها ... زاد صياحها وزادت اهاتها .... آ آ آه شنو هالدنيا فقدت بنتي الجازي " ام كايد" والحين افقد بنتي العنود " ام فهد " مرة ثانيه

" وكأن الزمن رجع للوراء وانعادت احزانه وآهاته وصدماته "

نوره قطعت على يدتها حبل افكارها وذكرياتها واهاتها وهي تهزها بقوتها كلها وتقول بصوت مخنوق... متقطع ...مرتجف... حزين... باكي... شاكي الام هالزمن قالت وياليتها ماتكلمت / يعني امي ماتت خلاص ... مابشوفها مرة ثانيه
(فجرت بكلمتها هذي دموع ودموع ودموع واهات وعبرات واحزان وقلوب زادت من حدة اعتصارها الام والام والام

الكل بكــــــــى وبكــــــــى وبكـــــــــــــــى على كلمة نوره


(" آه ماأصعب مواقف الفراق ... وخصوصا اذا كان فراق الموت ...آآآآآآه مااحقرها من دنيا ,,,
لماذا الموت دوما يحكم قبضته على من نحبهم ؟
لماذا حينها نطلق سراح الدموع بعد ان كانت مأسوره؟

هاهي ...الدنيا ضاقت !
هاهو ... الكون اظلم!
وهاهي ... شمس "ام فهد" غابت ...والى الابد!
وهاهي ... قلوبنا تعتصر الما ياام فهد!
ومازالت آهاتنا... تتنهد بها نبضاتنا!
غادرت ام فهد ...الدنيــــــــــــــا!
ماتت ... ماتت ... ماتت!

* * *
انتشر خبر وفاة ام فهد ونوره...
الكل حزن لوفاتها ... الكل بكاها ... الكل انصدم .. . الكل اطلق سرا ح دموعه !!!


كانت عليها الرحمة ام الجميع ... بطيبة قلبها وحنانها ... كانت تحاول ان تسد مكان اختها "ام كايد" اللهم ارحمهن
وحاولت ان تعوض اولادها بالحنان والحب ...عاملتهم مثل ماتعامل هي اولا دها..




غسلــــــــــــــت ... كفنـــــــــــــــــت...

حملت على الاكتاف ... صلوا عليها ...

وضعت في قبرها ... دفنت بالتراب ...

رحلت ... نعم رحلت عن الدنيا ... تاركة " فهد ونوره "

وتاركة من يعرفها ... يبكيها!


(اللهم ارحم ام فهد ... وارحم موتى المسلمين اجمعين...اللهم اجعل قبرها روضة من رياض الجنه... ...اللهم نقها من الخطايا... كما ينقى الثوب الابيض من الدنس...اللهم تغمدها برحمتك ... واسكنها الفردوس الاعلى ...اللهم نقها من الخطايا... كما ينقى الثوب الابيض من الدنس...اللهم امييييييين )
(لا تحرمونا من دعائكم لموتى المسلمين)



صار عزى الرياييل في بيت ابومتعب (راشد)
وعزى الحريم في بيت اليدة

في عزى الرياييل

يا ابو فهد يعزي بعد ماوصله الخبر من نوره ... بعد ماعزى ابوفهد قال لاابومتعب/ ينادي بنته يبيها
ابومتعب واللي عيونه حمر وصوته شاحب / تلقاها في بيت يدتها؟


في عزى الحريم

نوره كل ماسمعت حرمه تقول هالكلمه ( اجبر الله عزاكم ) زادت دموها بالسيلان وزاد قلبها بالحرقة وكانت تردد في نفسها / امي ماتت خلاااااااااص.


* * *
طلعت نوره لابوهابعد ماارسلها يناديها
نوره بصوت حزين والحزن والكآبه مبينه على ويها عيونها متورمه وحمراء من الصياح وخشمها احمر ,,,سلمت عليه / هلا يبه
ابوها / هلا بنيتي.......... اجبر الله عزاج
نوره وهي خلاص الحين بتنهار ماتبي تسمع هالكلمه ماكانت متخيله في يوم من الايام ان ينقال لها مثل هالكلمه
شدت على نفسها اشوي وقالت بعد صمت طال / يزاك الله خير
ابوفهد/ فهد اخوج وينه ماشفته ؟


• ياترى ابوفهد شنو يبي من نوره هل بيعزيها بس والا فيه شي ثاني ؟
• فهد ليش مايا على عزا امه وينــــــــه ؟
• نوره كيف بتكمل حياتها من غير امهـــــــــا ؟
** *































@@@ الجزء العاشر @@@


طلعت نوره لابوهابعد ماارسلها يناديها
نوره بصوت حزين والحزن والكآبه مبينه على ويها عيونها متورمه وحمراء من الصياح وخشمها احمر ,,,سلمت عليه / هلا يبه
ابوها / هلا بنيتي.......... اجبر الله عزاج
نوره وهي خلاص الحين بتنهار ماتبي تسمع هالكلمه ماكانت متخيله في يوم من الايام ان ينقال لها مثل هالكلمه
شدت على نفسها اشوي وقالت بعد صمت طال / يزاك الله خير
ابوفهد/ فهد اخوج وينه ماشفته ؟
نوره وهي تبلع العبره / مايا محد قاله؟
ابوفهد (وفوق راسه علامة استفهام كبيرة) / ليش ؟ هذا عزى امه لازم يحضره؟
نوره وهي شاده على نفسها/ماتبيه يدتي ييي؟ لان لو بيدري بيقطع دراسته وبيي ويدتي وخوالي يقولون كلها شهرين وهو مخلص وبيي؟
ابوفهد وبكل برود / انزين يابوج ماتبين شي ؟
نوره ومن غير نفس / سلامتك
ابوفهد / يله عيل انا بروح ... في امان الله
نوره ماردت عليه واسكتت واخذت اطالع في ابوها ... وتفارن في نفسها بينه وبين امها الله يرحمها...(يالله فرق كبير بينك وبين امي )
نوره ماكانت اصلا تحمل مشاعر حب لابوها لانه اصلا عمره ماحن على نوره وفهد من يوم كانت صغيرة وهو متزوج وحدة غير امها مال معاها ونسى ام فهد وعيالها اللهم كان يذكرهم بس وقت اخر الشهر يي يعطيهم مصروفهم ويروح ماكان يقعد معاهم ياخذ ويعطي مثل كل ابو ...لا كان العكس ... كان حبه وحنانه لعياله الثانين...


*** كان الكل مستغرب حتى نوره بنفسها مستغربه (غريبه ابو فهد مااخذ نوره وياه لبيته ولا حتى فاتحها بالموضوع كانوا كلهم مستغربين من ابوفهد ومع ذلك كانوا فرحانين لانهم مايبون ابو فهد ياخذ نوره ***




بعد اسبوع من وفاة ام فهد
الحزن مغطي على كل العائله ... الجو متكهرب كان... للحين ماجفت الدموع ... للحين والدموع تشكل انهار... للحين وفاة ام فهد مشكله طعنة في قلوبهم ... كانت صدمة وفاتها قوووووووووويه على الكل...


في بيت اليدة وتحديدا في غرفة النايفه...

كانت نوره شبه منسدحة على السرير كانت رافعه ظهرها وساندته على المخده ( على الطوفة ) وكانت رافعه ريوله ضامتهم لصدرها وكان على ريولها دفتر وبيدها قلم كان شكلها حززززززييييييييين وااااااااايد ... وكان على خدها دمعات...
كانت يالسه تكتب في الدفتر

ذكــــــــرى :: حين تمر ذكرى امي تمر كالعاصفة على ظنوني تزيد لهيب ناري...
نبضة :: وحدي دونك ... تتناثر ذرات الوحدة حولي ... تتساقط ازمنة ""كنا"" في حضني ... فتبدأ في حرقي!
اصعب الالم :: ان تكون بداية الالام ... موت من تحب !
التعيس :: من رفض الحياة ورفضه الموت!
الشوق :: الشعور بالوحده! يكاد يبتلعني سكونه...
اصدق الحزن :: ابتسامة في عيون تدمع...

وقفت نوره عن الكتابة بعد ماكتبت عنوان اللي اكتبته (خربشــــــــات)

يلست اطالع في الباب المبند واطالعه بقوووه وكأنها اطالع شي لكنها للاسف تنظر الى العدم وتاخذها ذكريات وتييبها

قطعت حبل افكارها عليها النايفه بصوتها المبحوح وبشهقاتها المكتومه بعد مالاحظت سرحان نوره الغير
طبيعي / نــــــــــوره ( بصوت مخنوووووووووق واااااااايد)

نوره انتبهت على النايفه انها تكلمها بعد مالاحظت صوتها ولفت بكل بروووووود / نعم

النايفه واللي مافي بالها شي تقوله بس هي نادت نوره لانها لا حظت سرحانها وقالت بعد تفكير شنو بقول / نوره بكرة بتروحين المدرسة

نوره طالعت النايفه بنظره بااااااااارده ولفت صوب الباب ويلست اطالعه وبنص ثانيه انفجر بركان من براكين دموعها ويلست تصيح بصووووت عاااالي (((تذكرت امها تذكرت كل لحظه عاشتها مع امها ...تذكرت نظرات امها اللي كلها حنيه تذكرت يوم امها تقعدها للمدرسة ...تذكرت يوم تأ خرت على المدرسة يوم اتصلت بعناد تقوله يوديها معاه ويوم رفض عناد يوديها وخلت كايد يوديها ...تذكرت كل شي مع امها... فجأة ارتفع صوتها ( ياويل حالي يمه بعدج ) وواصلت بصياحها

النايفه وعيونها مليانه دموع وضمت نوره لها/ بس نوره كافي ... لو بالبجاء بترد كان ردت ... خليج قويه نوره والموت حق (((سكتت النايفه وهي تمسح دموعها وتخنق عبرتها))) افا عليج نوره احنا وين رحنا ؟


***كانت نوره على هالحال تسكت ثانيه وترد تبجي ساعات ...( مسكينه محد يلومها لان اللي افقدته غالي ومو أي غالي هذي امها روحها الثانيه )



• تقريبا بعد شهر من وفاة ام فهد *

تيمعت العايله في بيت اليده لكن (من غير ام فهد) من بعد وفاتها وهو ماتيمعوا وهذي اول مره يتيمعون من بعدها


كانن البنات يالسات بالحوش والشياب يالسين داخل البيت

كانن البنات يسولفن وسالفه تير سالفه (كانن البنات كلهن يسعن الى تغيير الجو) لكن نوره للاسف مو معاهم موليه مشغوله بذكرياتها

يمكن على وقت العشاء
يو الشباب اللي طالعين برا البيت شافوا البنات يالسات بالحوش واول ماشافنهم البنات على طول كل وحده غطت راسها بشيلتها

كانوا الشباب بيدخلون داخل البيت لكن لازم قبل مايدخلون يمرون على البنات لان البنات يالسات صوب الباب اللي يودي لداخل البيت

الشباب / السلام عليكم
البنات / وعليكم السلام
الشباب / كيف الحال؟
البنات/ بخير الحمدلله

رعد واللي انتبه لنوره اللي يالسه بالها مو معاهم/ شلونج نوره ؟
نوره واللي انتبهت عليه / بخير عساك بخير ( كانت نبرتها بارده بقوووووه الحزن تحسه في نبرتها )

عذاري وبكل قاحه / وش معنى يعني تسلم على نوره بروحها ... والا عشان امها ماتت يعني لها سلام خاص ...

الكل طالع عذاري مستغربين من كلامها واللي نظراتهم اتجهت لنوره

نوره طالعت عذاري والدموع انولدت في عيون نوره وامتلت عيونها دموع لكن مانزلت ولا دمعه كانن دمعاتها حارات بعينها
طالعت عذاري وهي تكتم صرخة في نفسها ودها تصرخ بقووووووووه ودها تبجي وتبجي ودها امها ترد وتحضنها بكل شوق وحنان

تنقلت نظرات نوره بينهم كلهم ... شالت بنفسها ووقفت وانسحبت بهدوء ملائكي وراحت تمشي صوب داخل البيت ولاتكلمت بكلمه ولا حتى حرف والدموع اللي ملن عينها مانزلن كان يتردد كلام عذاري في اذنها ((( والا علشان امها ماتت يعني لها سلام خاص )))

وبعد ماانسحبت نوره بهدوئها الملائكي ودخلت داخل وهي ماتدري وين تروح والا لحضن منو ترتمي


رعد وهو يكلم عذاري وبعصبيه / ليش قلتي جذيه ماعندج قلب انتي تشوفين حال البنت شلون تتكلمين جذيه؟

غالي واللي عاقد حياته / انتي ماعندج دم؟

عناد وبكل عصبيه ( ولاول مره يدافع عن بنت )/ شنو هالوقاحه ؟

النايفه واللي حدها وتصيح / والله سخيفة عذاري ليش تقولين جذيه؟

كايد واللي عصب بقوووووه والعصبيه طالعه من عيونه اللي طيرهم في عذاري/ انتي ماتحسين ؟ ليش جذيه ؟ ماعندج قلب ؟


اما الباقين كانوا يطالعون عذاري بااستحقار...


اما نوره اللي ماتدري وين تروح ووين تيلس فيه وتقول في نفسها / (((ليش يعني عشان امي ماتت تتمصخر علي جذيه والا هم ياخذوني بالرحمه )

نوره كانت ماتحب احد يحسسها باانه شفقان او راحمها او يتمصخر عليها ... ركبت نوره الدري وهي تعض على اسنانها بقوووه ماتدري وين تروح ... كانت نوره اذا زعلت ماتحس وين تيلس او وين تروح ...تضيع من بالها كل الاماكن ...شافت نوره الغرفة اللي مجابلة لدري دخلتها على طول وصكت الباب وراها وقعدت بزاوية الحجرة ويلست تصيح


نرد للي يالسين بالحوش

رعد/ النايفه قومي شوفي نوره وين راحت

النايفه/ وقفت بتروح وجان اطالع في عذاري وتعطيها نظره وتمشي

عذاري وبكل سخافه / اووووه انتم اشفيكم قلت لكم مادريت وآسفه ... اووووووف

رعد / سهل عندج تتأسفين؟

كايد وبكل ملل / اوووف ...اعيال انا بروح اغير دشداشتي وبرد بنطلع بدال مجابل هالويه ( يغز على عذاري )

غالي / اوكيه ننطرك

اما عذاري اطالعهم وتتأفف

راحت النايفه ادورها لكن مالقتها

وكايد راح يغير دشداشته دخل غرفته شغل الليتات ...سمع صوت احد يبجي

كايد وبنظره استغراب طالع في الزاويه / نــــــــــوره ؟؟؟

نوره زاد صياحها ( وتوها تستوعب انها في غرفة كايد ...يالله انا شنو يابني اهنيه ...)

كانت نوره اذا زعلت لو تدخل غرفة الخادمات او السايق ماتحس بنفسها الا اذا هدت

وقفت نوره وهي مفتشله وهي تمسح عيونها بيدها وكأنها طفله تبجي لان لعبتها ضايعه /اسفه كايد ؟ وصوتها ممزوج باانواع الدموع والاحزان.

كايد وللحين واضح على ملا مح ويهه الاستغراب / على شنو

نوره وكأنها طفله بريئه بوجهها الملائكي رغم الاحمراراللي حول عينها من كثر الصياح / لاني دخلت غرفتك
... بس والله اسفه ماحسيت بنفسي

كايد / لا عادي ( وهو يبتسم لها ) ... بس انتي ليش رحتي عنا؟

نوره طالعت بكايد وردت تصيح /ليش يعني عشان امي ماتت تتمصخر علي

كايد وبااسلوبه المعروف وهي يتكلم باايدينه / وانتي شعليج منها ؟ هذي وحده ناقصه

نوره / بس انا مااحب احد يتمصخر علي بالطريقه هذي

كايد / وربي هذ اصلا محتره ليش ان رعد سلم عليج ولا سلم عليها

نوره / وانا شدخلني تقول جذيه ( وصوتها مبحوح بقوه )

كايد وهو يطالعها بنظرة حنان / ماعليج منها ... نوره خليج قويه مو أي كلمة تهزج؟

نوره واصلت بصياحها ((( ياااااااه كان شكلها رووووعه كانت مثل الطفله وهي تصيح ودموعها انهار على خدها))) .../ لوامي عايشه ماصار هذا كله ؟

كايد وبلهجة سينمائيه / لا امج العنود مو عايشه ههههه (بيغير الجو)

نوره واللي انتبهت على كلمة كايد وابتسمت (وكأنها ابتسامة الطفل اللي لقى لعبته بعد عناء ضياعها )



* * *







• نوره تحاول تتأقلم مع الوضع اليديد بس مو قادرة لانها كل ليله تبجي امها وتتمنى ردة اخوها فهد من دراسته



باقي شهر على الامتحانات النهائيه
ونوره والنايفه عندهم ثانويه عامه ولازم ييبون مجموع
• وطبعا نورة لحد الحين عايشة معاهم (عند يدتها) لكن كل فترة وفترة تروح لبيتهم تتذكر امها وتبجي
• وللحين الكل في حيرة واستغراب وتعجب معقوله ابوفهد للحين مااخذ نوره وياه؟








في بيت اليدة

اليدة / النايفه وين نوره؟

النايفه / ماادري يدتي ... بروح اشوفها في غرفتي؟

راحت النايفه لغرفتها ومالقتها استغربت ... ردت ليدتها ...

النايفه وهي مستغربه / يدتي نوره مالقيتها في حجرتي

اليده بخوف / وي وين راحت يعني؟

عناد واللي كان يالس عند يدته / دوريها بالحوش والا المطبخ ؟

اليده واهي اطالع عناد / قوموا دوروها ... وين راحت يعني؟

النايفه وبخوف / انا فاقدتها ؟ ماشفتها طلعت من غرفتنا وكانت هي بعد فيه قلت لها تنزل وياي هزت لي راسها على انها بتنزل بس بعدها ماشفتها؟

اليده ووضح عليها الخوف / قوموا دوروها ( قالتها بنبره حادة مرتجفه من الخوف )

النايفه وعناد قاموا يدورونها في البيت كله ماتركوا مكان الا ودوروها فيه.........

النايفه وعناد ردوا ليدتهم بعد مادوروا / يدتي مالقيناها؟؟؟


اليده واللي وقفت من الخوف / ياويل حالي ... وين راحت؟



دخل عليهم وهو توه ياي من المكتبه رايح يشوف له كتاب ...

اليده/ تعال ياولدي الحقنا ؟ ( وهي في قمة الخوف )

كايد واللي لاحظ على يدته واخوانه الخوف اللي بعيونهم / شفيكم ؟

اليده / نوره ماندري وينها من وقت ماشفناها؟

كايد واللي انتقل له الخوف ودب في جسمه / شنو ؟ وين راحت

الكل وبلهجة خائفه / ماندري؟

كايد / دورتوها في البيت كله ؟

النايفه /ماخلينا مكان انا وعناد الا ودورناها فيه ( تتكلنم وهي في قمة هدوء الخوف )

كايد وهو كأنه يعرف اسلوب نوره / دورتيها بغرفتي ؟

النايفه / أي دورت بس مالقيتها؟

كايد / اكيد في احد مضايجها؟

النايفه / لا والله ماقلنا لها شي؟

كايد وهو يطالع عناد / وانت عناد ؟

عناد وهومستغرب من سؤال كايد له ... لكنه جاوبه بسؤال بعد / شنو بقول لها يعني ؟

كايد / يمكن سارت لوحدة من رفيجاتها؟

النايفه / لا مستحيل تروح ؟ هي ماتروح الا وانا وياها

كايد / يمكن راحت لخوالي ؟

النايفه / أي صج يمكن ...

كايد وهو في قمة التوتر / انزين اتصلي اسألي عنها ؟

النايفه بعد ماتصلت على كل بيوت خوالها ..../ اتصلت على بنات خوالي كلهم يقولون مايتنا . ...


النايفه / يمكن عند ابوها خلنا ندق عليه


كايد زاد توتره وزادت عصبيته / شنو يعني وين راحت ؟ ( كايد يا في باله شي وطلع من البيت مسرع )

اليده واللي من اليوم يغلب جسمها هدوء الخوف ولا تكلمت من وصل كايد ... بعد مالاحظت كايد مسرع ومتجه صوب الباب بيطلع / كايد ... كايد... وين بتروح؟

كايد وهو طالع من الباب / ياي ... ياي

راح كايد يسأل الدريول ( السايق ) عن نوره يمكن يطلع وداها لمكان او شافها وهي طالعه

طبعا كان السايق عنده خبرلانه شاف نوره وهي تطلع

كايد / انزين ...مشكور


وكايد رااح لحد ماودته ريوله .

كان الباب مفتوح ... دخل كايد طالع بيت خالته (الله يرحمها) هدوءءءءءء

كان البيت مظلم ولا امبين ان فيه احد ... استغرب كايد؟

راح يصعد الدري وقبل لا يحط ريله على الدري الا ويسمع صوت بالغرفه اللي عند الدري يرجع يفتح الباب بشويش

وشاف نوره عليها عبايتها قاعدة عند السرير ماسكه ثوب من ثياب امها وضامته لصدرها وتشم ريحته ... تشم ريحة امها ... وتبجي بكل قوووووه ...كان شكلها محزن ويقطع القلب


دخل كايد ووقف عند الباب / نــــــــــــوره

نوره رفعت راسها و طالعت بكايد وهي تبجي وتقول (امي ماتت ... ماتت امي ياكايد

كايد اخنقته العبره وقرب من عند نوره ويلس مجابل لها/ نوره خلي ايمانج بالله قوي لا تصيرين ضعيفه ...(يتكلم بكل حنان) ... انا بعد امب وابوي فقدتهم وانا صغير ... تخيلي طفل صغير يفقد امه ابوه مع بعض ... تخيلي اليتم اللي عشته ... والحرمان اللي عانيته من غيرهم صحيح يدتي ماقصرت بس مهما كان انا كنت طفل ابي امي ابي ابوي ... كنت مااتحمل نظرات الناس لي بس مع ذلك عشت

انتي احسن مني يانوره انتي الحين كبيره ولك ذكريات حلوه مع امج في الطفوله لكن انا مااذكر في طفولتي الا اليتم والحرمان

نوره لا تصيرين ضعيفه جذيه ماخبرتج جذيه ...قارني بينج وبين النايفه مسكينه ماتذكر امها بالمره ولا عناد حتى يذكر... انتي احسن منا بوايد الحين اذا كنتي تحبين امج صحيح ادعي لها بالرحمه والمغفره سوي لها شي ينفعها يانوره دموعج تعذبها...

نوره واللي كانت منصته لكلام كايد وتمسح دموعها / ياالله ياكايد انت عانيت وايد ؟ (وصوتها مبحوح)


كايد وهو يطالع نوره وكأنها طفله / وماراح اخليج تعانين ... انا معاج وكلنا معاج ... وماراح نخليج تحسين بالوحده ... اعتبريني ... انا امج وابوج واخوج واختج و ......... ويسكت

نوره وببراءة الاطفال / وشنو ؟

كايد / وو وكل شي ههههههههههه ( ضحك جذيه يبي يغير السالفه )

نوره بادلته الضحكه

كايد وبجرأه / ضحكتج حلوه ؟

نوره احمرت اخدودها وتحاول تمسك نفسها عن تضحج لكن ماقدرت ووضحكت




*نوره وكايد طلعوا من بيت خالتهم وهم رادين لبيت اليدة ... الا ويشوفون سيارة ابو نوره واقفه عند باب اليده

نوره / هذا ابوي شعنده ياي ؟

كايد / يووووووه تذكرت احنا كنا نحاتيج ولا ندري وين رحتيان جذيه اكيد يدتي دقت على ابوج تسأله عنج

كايد وبضحكه / مشاكل انتي نوره ؟

نوره واللي حست بغلطتها / أسفه لهدرجه كنتوا خايفين علي

كايد يطالعها بنظره حنيه / اكيد خايفين عليج

قربوا صوب الباب...
كايد / دشي يله ولا عاد تكررينها

دخل كايد ودخلت وياه نوره ...

الا وابوها كان هايج مثل الاسد ويوم شاف نوره وينهد عليها وكان يبي يطقها وهو ماسك يدها بقووووه / وين كنتي .؟ وينج ذالفه الله لا يرد ويهج والا خلاص ماتت امج ... والا علشاني غايب عنج قلتي خلاص صرتي على كيفي ؟ وين كنتي تتسكعين يالهايته ؟

نوره واللي تحاول تفج يدها عن ايد ابوها وتبجي وبحرقه تقول / انا مو هايته انا كنت بيت امي كنت مشتاقه لبيتنا ورحت له من غير مااخبر يدتي ( تتكلم بنبره حاده وصوت مرتفع)


وجان ابوفهد يبي يرفع يده عليها الا وكايد فاض فيه الكيل وقال / أيــــــــــــــــــــــاكـــــــ !!! ( بصوت مزلزل)

ابو فهد انتبه على كايد والتفت عليه وبعصبيه / وانت شنو يخصك بيني وبين بنتي من حقي اربيها ؟

كايد وبصوته المزلزل العالي / أي تربيها اذا كانت مسويه شي خطا لكن البنيه ماسوت شي هذا بدال ماتعوضها عن فقد امها تمد ايدك عليها ؟؟؟ وكايد حده وماسك نفسه

نوره ماتحملت فجت يد ابوها بسرعه وراحت صوب يدتها اللي واقفه من اليوم ولا قادره تسوي شي
ضمت يدتها وهي تبجي بحرقه

ابو فهد / شوفي زهبي اغراضج بيي بعد العشاء اخذج ( وكان الوقت حاليا الساعه 7 المغرب) بتعيشين معاي من اليوم ورايح مفهووووووووووم ( وصوتها طالعه منه النبره العصبيه)

طلع من عندهم ابوفهد بعد ماقال لبنته انه بيي ياخذها
طلع وهو تارك نوره تبجي حرقة موت امها وحرقة انها بتروح مع ابوها


تمت نوره مصدومه ولا صدرت منها أي حركه بس كان اللي يتحرك فيها بس نهر الدموع اللي جاري على خدودها ...

اليده واللي صارت تبجي بقوووووه اللي طالما حاولت اخفاء دموعها جدام الكل وتبين انها قويه في اللحظه هذي انهارت اليده وصارت تبجي بنتها العنود وتقول / تعالي شوفي الحال يالعنود من بعدج؟ تعالي شوفي بنتج بياخذها ابوج وبجت بقوووووه

اما النايفه التوت على يدتها ويلست تبجي ( حست انها هي السبب لانها قالت ليدتها تتصل باابو نوره تسأله عنها

كان الصمت يسودهم والدموع هي حديث الموقف...

كايد وواللي حط ايد الكبيره الرجوليه على جتف يدته الهزيل / هدي اعصابج ... صدقيني انا ماراح اسمح للمهزله هذي ؟

اليده وبكل ضعف / شذنب هالمسيجينه نوره ياغناااتي ؟

اهنيه كايد جنت جنونه وتحرك من مكانه اللي واقف فيه وقال بكل حزم / نوره ماراح تترك هالبيت ... نوره بتم اهنيه ماراح تروح

عناد / بس ابوها بياخذها قال كلمته ؟

نوره واللي تحاول توقف ما قدرت حاولت مرات بس ماقدرت حست بتعب بجسمها حست انها مو قادرة تشيل نفسها طاحت عليهم مغمى عليها... نقلوها للمستشفى...


في المستشفى

نوره صحت وحطوا لها مغذي (لان سبب اغمائها هو سوء التغذيه لان نوره ماقامت تاكل بالفتره الاخيره زين والظغوط النفسيه بعد لها دورها)

النايفه / حمد الله على سلامتج

نوره وهي واضح عيها التعب وبصوت مبحوح / الله يسلمج ... وين يدتي؟

النايفه / ردت البيت مع عناد بعد ماتطمنت عليج وقالت لنا نتم وياج

نوره / يابعد عمري ... يارب تخليها لنا

كايد واللي توه داش على نوره والنايفه بعد ماطق الباب يستئذن / شلونج نوره الحين ؟

نوره طالعت كايد وواضح على نظرتها انها تعبانه قوووه / زينه حمد الله..... كم الساعة الحين؟

النايفه وهي اطالع الساعه / الساعه وحد وخمس دقايق بالليل

نوره وكأنها تذكرت شي / ابــــــــوي ((( بصوت تعبان ممزوج بالخوف)))

كايد / مالج فيه يدتي كلمته وتفاهمت معاه ...بس انتي ارتاحي

نوره وعلامات الخوف واضحه عليها / عرف اني بالمستشفى ؟

النايفه / ايه عرف ... (قالت من غير نفس )/ والسبب اهو ؟

نوره وقالت بنفسها ( الله يسامحك يابوي ... ليش تسوي فيني جذيه كنت اتمناك تظهر في حياتي ويوم ظهرت بتسبب لي الالم والحزن ولا(وبتاخذني وياك ) طلعت كلمتها هذي بصوت عالي وبجت؟

كايد وهو يتكلم بلهجة جازمه / لا يانوره لا تبجين قلنا دموع لا ؟... صدقيني ماراح تروحين ... صدقيني؟

نوره طالعت بكايد وورفعت يدها اللي فيها اابرة الغذي ومسحت دموعها

كايد وبصوت واطي وكأنه يهمس لنوره/ صدقيني

النايفه وكأنها افهمت اخوها وقالت بلهجه مضحكه / خلاص عاد صدقيه هههههه

كايد / هههههه

نوره غمضت عيونها وطلع من قلبها ( آه ) قوووويه

النايفه / سلامتج من الاه

وتمت النايفه وياها وكايد طلع برا في الانتظار عشان نوره تاخذ راحتها ...

تمت نوره بالمستشفى الى االساعه 3 الفير و عقب طلعوا


في بيت اليده الكل توجه لغرفته بعد ليله طويله من التعب والسهر على امل ينامون لكن هيهات لنوم ... الكل خايف ان نوره تروح

 

[n-o-n-a]

الجزء الحادي عشر @@@




* في غرفة كايد

كان كايد سادح على سريره والافكار تييه وتوديه ويقول في نفسه يارب تساعدني ... انا متأكد من كل شي بس ماادري ليش انا متردد ...لا لا مو متردد بس خايف من نوره ... لا لا بعد نوره مستحيل تقول لا ؟ لانها قالت لي انها تحبني وماتبي تفقدني يوم ماتت امها ... بس شنو يدريني انها تحبني كحبيب ...يمكن قالت جذيه تحبني مثل اخوها فهد أه ياربي ... راسي بينفجر من الافكار ... ياربي شنو اسوي انا وعدتها ... آه ياربي ...

اقول بس ... احسن لي انام ... بس مااقدر ياربي

آه يانوره ... معقوله احبج؟

وسرعان ما تلاشى سؤاله ... بجملة جازمه ...والله اني احبج



في غرفة النايفه ونوره

نورة اللي تمت مسانده ظهرها وتمت تفكر في اللي سواه ابوها وسيل من الدموع على خدها الناعم


اما النايفه تفكر اهي بعد وتقول في خاطرها / ياليتك ياكايد تفكر باللي انا افكر فيه... ياربي شنو ناوي تسوي ... يارب لا تخيب ظني



في الصبح الساعه 8:33

نوره مانامت من البارح قاعده تحاتي حالها وتناجي ربها يرأف بحالها

طلعت في الحديقه تشم هوا بعد ضيجتها

راحت ويلست صوب الحوض اللي كان مزروع فيه ورد... يلست ويلس وياها حزنها اللي مخيم على ويها ... يلست تتذكر امها اللي من يوم ماتوفت وهي مافارقت صورتها بالها ... يلست وهي خايفه من المجهول ... يلست واهي اطالع صوب بيت يدتها شلون كبير ووشلون قلوب اللي عايشين فيه كبيره وصدفة رفعت نظرها صوب غرفة كايد اللي طووول الفتره اللي عاشتها عند يدتها ماتركها تعيش الحزن بروحها ... كلهم ماتركوها تعيش الحزن بروحها لان حزنها من حزنهم ...

نزلت نظرها وسالت دمعه بطيئه في مسارها/ آه ياربي

وطالعت في السماء الصافيه الملبدة بالغيوم (غريبة اليوم فيه غيوم ) والشمس كانت مشرقه بحيوية

قالت نوره بصوت مسموع / تركتيني بروحي وحيـــــده ؟

فجأة نوره سمعت صوت مو غريب ولكنه كان صوت حنون / واحنا وين رحنا ؟

نوره مسحت دمعتها بسرعه والتفتت صوب مكان الصوت وقالت بتعجب/ منو كايــــــد؟

كايد / أي انا اشفيج يالسة بروحج ؟

نوره وهي تحاول ماتوضح لكايد انها لتو متزله دمعه / ولا شي!

كايد ماحاول انه يغوص مع نوره في الكلام الى نهاية القاع لانه ياي لشي محدد/ نــــــــــوره؟

نوره التفتت لكايد اللي واقف وراها /هلا

كايد / نوره قومي نيلس على الكراسي احسن من اهنيه ( يأشر بيده) بكلمج

نوره استغربت من كايد بشنو يكلمني / انزين يله!

راحوا ويلسوا

كايد سكت /.......

نوره / اشفيك سكت مو تقول بكلمج ؟

كايد ارتبك ... ويحاول يتهرب من نظرات نوره مايبي يحط عينه بعينها ويحك دقنه / اقول نوره ماتبين تشربين شي؟

نوره لاحظت ارتباك كايد وحست ان عنده شي جايد وشدها الموضوع / لا ماابي ؟ بس شعندك انت مرتبك ... وترتني قول شعندك؟

كايد/ ....... (وهو في قمة التوتر والتهرب)

نوره حست بخوف / اشقيك كايد ؟

كايد يطالع يمين ... يسار... تحت ... فوق... مايدري شيقول ومن وين يبدا؟

نوره / .........

كايد ويحاول يقلب الموضوع / ليش سكتي؟

نوره (ابتسمت اتسامة صفراء) انطرك تتكلم؟

كايد وبنفسه (ياربي انا شلي وليش قلت لها بكلمج والله العظيم مشاكل انا ...... خلاص بقولها وبتوكل على الله !

كايد/ نوره؟

نوره / شنو؟

كايد واللي يحاول يتغلب على توتره وتردده / انتي صج ماتبين تروحين بيت ابوج؟

نوره وبكل اسى قالت / انا مابي بس ابوي يبي ياخذني؟

كايد / ويدتي ماتباج تروحين والنايفه بعد حتى عناد وكل هالبيت مايبونج تروحين وانا اولهم

نوره / ادري ياكايد بس شسوي هذا ابوي وقال كلمه !

كايد/ خلاص عيل!

نوره / شنو ؟

كايد وبتردد / نوره انا ........ (وسكت وطالع تحت )

نوره وببراءة الاطفال / انت شنو ؟

كايد / نوره؟

نوره / كايد شنو من اليوم تنطق اسمي واخرتها ياتسكت يااطالع يمين ويسار ...شنو عندك ؟ (قالتها بحده)

كايد وبغباء / مااباج تروحين مع ابوج ؟

نوره بعد قابلته بنفس الغباء / ههه واذا يعني ماتبيني اروح ويا ابوي بيسمع كلامك

كايد( واللي كأنه مثل الطفل وهو يتكلم... اللي يبي حاجه ومو عارف شلون يقولها واخيرا تغلب على تردده وقالها / أي انا احبج ؟

نوره واللي هالكلمة كالصاعقة عليها ... واخذت تتردد في اذنها كلمة كايد الاخيره (انا احبج... انا احبج... انا احبج )

كايد واللي ما كأنه صدق انه قال كلمته الاخيره بعد تردده وتوتره ... زادت عنده حدة التوتر وحاول انه يتماسك نفسه ويقول كل اللي في خاطره واخيرا قال على بلاطه / وابتزوجج

نوره بعد ما كانت يالسه وقفت مصدومه من كلام كايد اللي بعمرها ما كانت متوقعه ان كايد يقولها مثل هالكلام يقولها "انا احبج وابتروجج" معقوله ياكايد انت تحبني معقوله يعني اللي تمنيته حبيب صار حبيبي ؟ لكن؟

نوره نزلت راسها تحت ودمعت عينها تذكرت امها

كايد حس بحركة نوره اللي نزلت فيها راسها بمعنى انها ماتبيه ؟ وحس بالندم انه قال جذيه.

كايد / نوره اشفيج ماتبيني ؟

نوره طالعت كايد ... طالعت عيونه العسليه ... طالعت شلون عدسته تروح يمين ويسار مايبي يحط عينه بعينها.

كايد / نوره جاوبي ماتبيني؟ كانت نظرات عيونه تقول انه خايف من خيبة الامل

نوره واللي مو قادره تقول شي للحين مصدومه من كلام كايد / .............

كايد واللي رفع نظره وحط عينه بعين نوره / نوره انا احبــــــــــــج والله ... من يوم كنا يهال لكن اليوم هو اللي صارحتج فيه نوره ... نوره تذكرين يوم ملجة اعيال خوالي عبدالعزيز ومتعب ... تذكرين يومج تقولين انا القمر ليلة تمامه انا شي تشوفه ماتطوله ... فهمتي قصدي يوم قعدت اغنيها واقول انتي القمر ليلة تمامه انتي شي اشوفه بس بطوله

تذكرين يوم كنا يهال يوم كنا نسبح على الشاطي واعودج السباحه والنايفه تصيح تبيني اعودها وتاركها واعودج انتي ... تذكرين والا لا ؟

كايد / نوره

نوره وهي مو قادره تحط عينها بعين كايد / هلا

كايد / نوره لا تعيشيني بأمل ماله داعي ...جاوبي انتي تحبيني والا لا ؟

نوره طالعت بكايد وهزت راسها واكتفت باابتسامه وراحت داخل البيت

كايد / وهو يطالع نوره وهي تدخل البيت / والله احبج ( قالها بهمس )


في غرفة النايفه
دخلت نوره غرفة النايفه وهي باين عليها علامات المستحى وشاقه الحلج؟

النايفه وواللي صار لها دقايق قاعده من نومها/ شفيج

نوره / ولا شي؟

النايفه ابتسمت بمكر / تكلمي شنو قالج كايد ... اشوفكم ترا من الدريشه؟


طبعا نوره قالت لنايفه كل شي

النايفه وهي واضح عليها انها فرحانه لنور وكايد / وبعدين شنو سويتي؟

نوره / وش سويت ... هزيت راسي ومشيت

النايفه / واخيرا ... يالله كايد يحبج ... تذكرين في المدرسه ايام الاعدادي ( ايام المراهقه ) ههههههه يوم كنا يالسات نسولف على الطاوله يوم تسأليني عن كايد واخباره ؟... يوم تقولين امس يالسة احل واجباتي وبدال مااحلهم يلست اقول هالشله
ياقوافي الشعر ياابيات القصيد ...

خبري مضنون قلبي وش جرا ...

خبريه اني اهوجس به وحيد ...

بلوعتي في غربتي محد درى...

خبريه ان كان عن عيني بعيد...

غير زوله في حياتي ماطرا...

يوم يسمعج فهد ويقعد يهاوشج الا تقولين منو تقصدين ؟؟؟

نوره / ههههههه أي اذكر واذكر بعد يوم تقولين انتي تعيشين في وهم يمكن مايطلع يحبني ؟ مالت عليج ! كاهو طلع يحبني؟

النايفه واللي كانت موت متشققه من الوناسه لنوره / أي في ناس صارحوهم بحبهم وفيه ناس .......؟

اقطعتها نوره وقالت / اعقلي بس ... الا صج وين هداياه تكفين خليني اشوفهن؟

النايفه والابتسامه شاقه حلجها/ ياويل حالي فديته اهو وهداياه !

الا وعناد يدخل عليهم بعد ماطق الباب / منو اللي فديتيه اهو وهداياه ؟

النايفه بضحك / انت

عناد ( وبكل غباء ) / بس انا مااذكر اني عطيتج هديه؟

النايفه / أي وهذا وانت اخوي ماعمرك يبت لي هديه؟

عناد ومايبي ياخذ ويعطي معاها اكثر ماله خلقها توها قاعد من النوم / يله بس بنات اخر زمن ( وصوتها فيه نوم)

النايفه / انزين شنو يايبك عندي دامنا بنظرك ( بنات اخر زمن) تقلد صوته ؟

عناد وهو يطالع النايفه / ماييت لج ( يقلد صوتها) .... نوره ابوج يبيج؟

نوره بخوف / ياويلي اكيد ياي ياخذني ؟

عناد / لا مايا يبيج بالتليفون ؟

النايفه / يعله ..... ( طالعت بنوره وسكتت) لكن نوره ابتسمت لها


رفعت نوره سماعة التليفون اللي بغرفة النايفه

نوره بخوف / الو؟

ابو فهد / هلا يبه ؟

نوره في قمة الخوف كانت على اعصابها بس تنطر ابوها يقولها يله بمرج الحين زهبي اغراضج /.......
ابوفهد ( من غير مقدمات ) / يبه انتي تبين تيلسين تعيشين ويا يدتج والا تبين وياي

نوره وبكل استغراب معقوله هذا ابوي اللي امس هايج من العصبيه الحين يخيرني شنو صار / لا يبه انا ابي بيت يدتي ابا اعيش عندها بس انت مابترضى ((( صوتها متقطع من التوتر)))

ابوفهد / لا خلاص يبه المكان اللي يريحج يلسي فيه .

نوره وبكل تعجب / يعني خلاص مابتيي تاخذني ... ايلس بيت يدتي ؟

ابو فهد / أي يابوج

نوره واللي مو مصدقه كلام ابوها معقوله هذا ابوها والا غير / مشكوريبه ؟

ابوفهد/ العفو يابوج يله في امان الله

نوره / في حفظ الرحمن

بندت الخط نوره


النايفه وبحماس تبي تعرف شنو قال مع انها سامعه كلام نوره وهي تكلم ابوها / ها شقال؟

عناد وبحماس النايفه /شنو قال؟

نوره وبفرح واللي مو واسعتها الدنيا من الفرحه / بيخليني ايلس وياكم؟

عناد وهو مستغرب / شنو غير رايه؟

نوره / ماادري عنه؟

نوره بروح اخبر يدتي ... وراحت نوره تركض وهي وكأنها طفله صغيره طايرة من الفرحه

نوره وهي تصرخ / يدتـــــــــــــــــــــــــــــــــــــــــــــــ ي

اليده اللي يالسه بالصاله / لبيه يمه

نوره وهي تنطط حول يدتها/ ابوي مابيي ياخذني

اليده وهي شاقه الحلج / صج !

نوره / أي صج

اليده / وهي تضم نوره ( ياريحة الغاليه ربي يحفظج ويخليج ... ويلست اليدة تبجي ونوره بجت وياها

عناد وهو نازل من الدري / بل ... عاد يله قلبتوها لنا مناحه

النايفه / ههههههههههه

اليدة واللي قبل اشوي تبجي يلست تضحك

كايد واللي توه يدش عليهم من الحديقه / شفيكم شنو عندكم! كل هالضحك والوناسه؟

نوره واللي طايره من الفرحه وعلى خدها بضع دمعات نست كلام كايد لها ونست الحياء وياه ... / بيلس اهنيه خلاص ابوي اتصل وخلاص يقول يلسي!

كايد وهو الثاني شق الحلج / صج

نوره واللي تذكرت كلام كايد لها قبل اشوي ... وبصوت رقيق / أي صج

كايد يلس يطالع نوره ونوره اطالعه وكان المتحدث الرسمي بينهم هي العيون في ذاج الوقت

وفي اللحظه هذي صوت هرن عند الباب

النايفه وبلهجة حازمه / لايكون هذا ابوج مسوي فينا مقلب

عناد واللي واقف ورا النايفه / بعدي عني بس ... هذا عاصي بطلع وياه

اليده وهي اطالع عناد / على وين ؟

عناد / بنروح نغازل لنا بنات وبنرد ( يضحك)

النايفه وهي اطالعه بنص عين / اصبحنا واصبح الملك لله ( تدق في عناد )

اليده / بل ... سود الله ويهك يامسود الويه؟

عناد / يضحك / افا يدتي امزح عليج تعرفيني ماداني البنات بعيشة الله تبيني اروح الاحقهن؟

اليده / مدري عنك

عناد / لا يدتي بنروح نفطر وبعدين بنحوط في هالشوارع ؟

اليده / لا حول ... وفطور البيت مايعيبك

عناد وهو يقول في نفسه ( يدتي وتكلمت عاد شنو بيسكتها ) : يله انا طالع في امان الله وطلع عنهم



في بيت ابوفهد ونوره


كان يالس ابوفهد عند التليفون وحاس بالضعف ... يلس يتذكر زوجته شقالت له يوم كان بييب بنته تعيش عنده
يوم كان يقولها / تراني بييب بنتي نوره تعيش عندي ؟

اليوهره ( زوجته)/ صج والله (تتكلم بمصخره)

ابوفهد / أي صج

اليوهرة/ لا والله لا يكون بيتي مأوى ايتام وانا مدري

ابوفهد / بس هذي بنتي !

اليوهره وبعصبيه / بنتك توك تذكرها وينك عنها قبل

ابوفهد قالها بعصبيه/ وين تبينها تعيش؟

اليوهره وبكل برود عند يدتها؟ شنو فيها لو قعدت عندها

ابو فهد وبعصبيه / تبينها تعيش عند يدتها وابوها عايش

اليوهره وبعصبيه مشابهه لعصبية ابوفهد ويمكن اقوى / بوفهد لايكثر وعن النجره اللي مالها داعي ... نوره ماابيها تعيش عندي ولاتنسى ان البيت اللي انت يالس فيه بيتي


• بوفهد حاس بالضعف وضعف الشخصيه مع اليوهره ولاهو قادر يكسر كلامها مايقدر يقولها لا ؟



بعد مرور يومين


كايد وعناد اتفقوا انهم يلعبون بلايستيشن وتحدوا بعض في لعبه

كايد وهو يشبك البلاستيشن / قوم عناد روح ييب الميموري كارد مالت البلاستيشن.

عناد بتحرطم / اوووووووه انت روح ييبها تلقاها في غرفتي في الدرج اللي يم سريري

كايد / اووووه منك انت مامنك فايده ...قام كايد بيروح غرفته بييب الميموري

دخل كايد غرفة عناد واخذ اللي يبي ( الميموري ) من الدرج وعلى طلعته للغرفة حس ان فيه شي غريب طالعه بطريقه سريعه وكمل مشيته بس حس بشي غريب وحس ان فيه شي يجذبه ... تراجع ورجع للوحه المرسومه

(((للمعلوميه عناد كان يملك موهبة الرسم بس ماكانت موهبته تتعدى جدران غرفته )))

طالع كايد اللوحه المرسومه الا ويشوف ملااااااااااااااااااااااااااااااااااك مو بشر عرف منو ملامحه ... عرف الجمال اللي جدامه ... كانت اللوحه في قمة الفن والذوق ... رسمها بمشاعره قبل لا يرسمها بريشته ... رسمها بطريقه اظهر جمالها بكـــل فتنـــــة وجاذبيـــــــه ....بطريقه اظهر فيها جمال عيونها وطفولتها...
بطريقه حالمة وفاتنه

كايد واللي تم واقف متجمد في مكانه / هذي صورة نوره بنت خالتي ....


اما عناد لاحظ تأخير كايد وراح له دخل عليه وهو يقطع حبل افكار كايد عليه / وين رحت انت ... لقيت الميموري؟

انتبه عناد على كايد وعلى اللوحه ... شاف كايد وهو مصدوم ... شلون يطالع اللوحه ؟

طالع عناد اللوحه وقال في نفسه ( بل هذي رسمتي في نوره ... شلون كايد شافها ؟

كايد لف على عناد وطالع فيه نظرات المصدوم من شي

عناد / سكت ووضح عليه الارتباك

كايد طالع عناد بنظرات مالها تفسير ولا وصف وتم ساكت.

عناد / هههههه (طبعا بضحكته الساذجه اللي دايم يسويها اذا كان مرتبك وسرعان ماتحولت الى تكشيرة وتغير لون وجهه

كايد / عاد عليه النظره ونظراته تتنقل بين اللوحه وعناد

عناد / واللي يحاول يتحاشى نظرات كايد .



• شنو تتوقعون بيصير بينهم وشنو الحوار اللي بيدور بينهم؟
• كايد ليش تم ساكت هل هو الهدوء الذي يسبق العاصفه ؟
• شنو تتوقعون ردة فعل كايد وخصوصا بعد ماصارح نوره بحبه لها ؟
• وشنو تتوقعون سبب رسمة عناد لنوره ؟
• معقولة عناد يحب نوره ؟
• وره شنو راح يكون مصيرها بين كايـــــــد و عنــــــــاد ؟


؟؟


وللجزء الحادي عشر بقية.. عطوني توقعاتكم

 

[n-o-n-a]

تكملة الجزء الحادي عشر





كايد تم يطالع عناد بنظرات وكأن عيونه بتطلع منه ومو مستوعب شي ...

كان الصمت هو حديث الموقف ,,,

عناد كان يحس بالتوتر خطى خطواته للوحه " ومن غير شعور " غطـــــــى اللوحة بورقة كراس ( من غيرمايتكلم)

كايد انتبه لحركته ونظراته للحين معلقة على عناد وقال ببرود ابرد من برود الثلج / هذي نوره من خالتي العنود صح ؟ ( تكلم بكل ماتعنيه كلمة البرود مع ان داخله يحترق حرق النار للحطب يبي يعرف شقصد عناد من الرسمه ؟)

عناد واللي طالع كايد بخوف ( وضحك بضحكته المعتادة ...ضحكة المصخره / أي هههههههه هذي الخبلة نوره هههههههه ( كان بضحكته برووووود وفي صوته نبرة توتر ويحاول انه مايبين اهتمام)

كايد واللي للحين مانزل نظره عن عناد وجن عصبيته بدت تذوب بروده وتحرقه ... وقال بصوت عااااليفيه نبرة عصبيه /" وهو يطالع عناد " / ماخبرتك تحب البنات عشان ترسمهم بريشتكـ ؟


عناد واللي نزل راسه / ........ ( سكت )

بعد سكوت عناد طالع كايد وانتبه على عصبيته / وانت ليش معصب ؟ ( قالها بخوف )

كايد واللي خلاص مو قادر على حيرته اللي محيرة عقله وشالته واعصابه اللي مو قادر يتحكم فيها من شاف الرسمه

طلع كايد من الغرفه من غير أي كلمة لكن قبل ما يطلع رمى على عناد نظره تحمل فيها كل مشاعر
العتب ...اللوم ... الحسره ... الالم ...رمى عليه هالنظره القاتله وهو يحترق ....
نزل من الدري وهو معصب وعاقد حياته ولا داري هو وين بيروح ؟

وهو نازل من الدري كان مسرع ...لمح بالصالة النايفه وكانت غيوض وشوق يايات ونوره طبعا ً يالسه معهن

وكانت اليده مو موجوده في غرفتها

شافهم كايد وطالع نوره وصد بسرعه وطلع من البيت وهو مسرع و اخذ وياه الباب وياه وبنده بكل قوة

جنونيه طلع الباب صوت قوي من بندة كايد له ... وكأن الباب يقوله ( بشويش ...شذنبي انا )

وركب سيارته وشغلها بكل قوه وداس علي البانزين ومشي بكل سرعه لدرجه صوت الفرامل طلع وسمعوه

البنات وقالوا ياساتر وش هذا ؟؟؟؟

في سياره كايد ,,,,,

معقوله عناد يحب نوره ؟؟؟

معقوله اخوي يصير يحب الانسانه الي انا احبها وناوي اتزوجها ؟؟؟

اخوي ولد امي وابوي يحب الانسانه الي انا احبها ؟؟؟

عناد ونوره

مستحيل مستحيل مستحيل وانا وحبي لها ونوره لا ياربي مستحيل مستحيل ليه ياعناد ماخترت الا نوره ؟؟؟

كايد خلا ص مو قادر يستوعب الي صار ويمسك راسه بيدينه لان راسه خلاص صدع من التفكير

آه ياعناد ولا بعد تظاهر بكره البنات واخرتها تصير تحب... ولا من تحب !!!! نوره .

# # # # # # # # # # # # # # # # # # # #


في بيت اليده
نزل عناد و طلع علي طول من غير مايسلم اويكلم يدته او البنات

اليده : النايفه شبلا اخوج لا سلام ولا كلام

النايفه : تضحك مدري كايد قبله نزل وكان نفسه معصب ماله خلق حد

اليده : الله يهديكم ياعيالي

التفتت اليده علي غيوض الي يالسه يم نوره وشوق وقالت باسلوبها المعتاد : وانتي ماتقوللي متي بتتزوجين كل الي كبرج تزوجوا الا انتي ؟

غيوض : (طبعا ما حد متكلم فيها ) حست بغصه تداركت الموقف بابتسامه بارده /
يدتي عاد انتي الله يهداج ماتشوفيني الا تقولين لي هالكلام شدعوه مستمله مني تبين أفارقج ههههههه

اليده تضحك : هذي سنة الحياه يالخبله

شوق : وهي تضحك / يدتي شكلج انتي تبين تعرسين ؟

اليده : هههههههههه من يبني انا عيوز انا الحين لو شفتوني يوم كنت شباب كل عيال عمي خطبوني وكلهم يتهاوشون علي << اليده شكلها استناست خخخخخخخخخ تمدح نفسها

شوق : تتنهد آه ياحضج يدتي ماشاءالله عليج اجل كانو العرسان كوم عليج حسره علي الي محد

اليده وهي اطالع شوق مستعربه من كلا مها /باااااااااااااااااال انتي ماتستحين !! استحي علي ويهج البنت العاجل ماتكلم جذيه

شوق: تحرطم /ياربي توج قايله انها سنه الحياه "وسنه الحياه مافيها حياء " مو !!!

النايفه : أي والله يارب اتزوج

اليده : الي مستغربه من البنات / باااااااااااااال خلاص انفصخ الحياء منجن طالعن نوره اسم الله علي بنيتي ساكته طالعو الادب كله مو ملسونه تطالعهن

الكل ضحك ههههههههههههههههههههههههههههههههههههههههههههه ههههه ههههههههه

النايفه : وهي تضحك/ شنو عليها نوره خلاص قردنته هههههههههههههههههههههههههههههههههههههه

نوره اطالعها بنص عين

النايفه : انتبهت لشنو قالت ولنظرة نوره / ...... ( سكتت)

اليده بعصبيه / شنو قردنته ؟ ( قالتها بنبرة خوف )

شوق / يالشينه ماعلمتينا ؟

غيوض / ! ماقلتي لنا

نوره ماتدري شنو تقول / " ضحكت " شنو اكلتوني بقشوري ...تصدقون كلام الخبله هذي ( وتأشر بيدها على النايفه )

النايفه : الا اقول غيوض حلوه شنطتج

نوره : أيو الله تهبل

النايفه : بكم ؟؟

نوره: من وين ؟؟

النايفه : الله مطقمه مع تنورتج ؟

نوره : والله انج فن ؟؟

االنايفه : ماشاءالله انتي اصلا حلوه (تعرف تصرف)

نوره :بالله النايفه طالعي مكياجها يجنن مو

المهم نوره والنايفه اكلو البنيه بقشورها.... قدرن يغيرون السالفه بسياستهن الخاصه خخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخ خخخخخخخ



@@@@@@@@@@@@@@@@@@@@@@@@@@@@@@@@@@@@@


عند عنــــــــــــــــــــــــــــــــــــــــاد

اخ شسويت انا ... ليش ما شققتها .. ليش ماحرقتها ....ليش رسمتج يانوره ... ليش انتي بالذات...........ليش

احبج ....لا مااحبج .... لا مستحيل معقوله احب نوره...حاولت اطلعج من قلبي ومن حياتي حرام عليج من

دخلتي حياتي وانا ماعرف اكون طبيعي بس اتصنع ومثل قدامج ليش .. حتي حبج ماقدر اعترف لج فيه

آخ ويضرب علي سكان السياره بقووووه

ياربي شسويت لازم اكلم كايد ...لا شنو اقوله ؟؟؟؟؟؟؟؟


خلني ادق علي عاصي



* * * * * *

نروح بعيد عن اجواء البلاد


في بريطانيا ...

حيث ماكان يالس فهد ومايد ...

كان فهد " اذا كنتم تذكرون الشخصيات اخونوره ) يالس في صالة الشقه اللي هو وخاله مايد مستأجرينها فترة دراستهم




دخل عيه وهو شايل بيده دفتر ويقرا بصوت عالي

كيفـــــ حالكـــــــ ِالآن ..!
بعد ان احكمت قبضتكـــــ على شوقكـــــ وولهكــــ وحنينكـــــ وحبكـــــــ
بعد ان ارتدينا معطف الحب
ثم انتقانا الفراق عاصمة له
كيفــــــ حالكـــــِ الآن..!
هل مازلتي تقرأين الشعر ! ام اصبحت لكِ هوايات اخرى ؟
هل تحسستي قلبك ِ عندما يهب عطر ذكرياتي في دروب احلامكِ...
هل مازلتي ترددي اسمي ام انكِ نسيتيه ايضاً...
كيفــــــ حالكـــــِ الأن ..!

ماجد وهو ميت من الضحك وفهد ماسكه يتعافر وياه بياخذ منه الدفتر / الله الله ...ياسلام ... شنو هالابداع ...خاطرة في قمة الروعه ...هههههههههه منو هذي ... كيف حالكِ ومدري شنو هههههه

فهد وهو اشوي معصب / وانت شنو اللي ملقفك وخلاك تقرا خصوصياتي

ماجد وهو ميت ضحك على شكل فهد وهو معصب / هههههههههههههه أي خصوصيه واللي يرحم والديك ناقلها من مجله وتقول " خصوصية " >>يقلد صوت فهد

فهد / وانت شلك خص؟

ماجد وهو يضرب على جتف فهد ويغمز بعينه / علينااا... ياريال اعترف من أي مجله؟

فهد / مو من مجلة من الانترنت ( اعترف خخخخخ)

مايد / اها ...زين اعترفت ومانسبتها لنفسك .

فهد واللي بدت تتغير ملامح العصبيه الى ابتسامة ماكرة / ليش شنو قالوا لك بعض الناس ( وهو يغز بعينه ماجد) اللي ينقلون الاشعار ويقولون لحبيبة القلب ""انا اللي قايله " <<< يقلد صوت ماجد

مايد/ ههههههه مايفوتك الرد؟

فهد وهو يبتسم / هذي الحقيقه

ماجد/ المهم ماعلينا ( يصرف الموضوع ) .... منو المقصوده بالخاطرة ( ورد وغمز بعينه )


****************


في بيت ابو رعد

ابورعد / غيوض وينها ؟

ام رعد / عند يدتها

ابورعد وهو يلتفت على عذاري/ غريبه... ليش مارحتي ويا اختج؟

عذاري وهي واضح انها توها قاعده من النوم / مادريت عنها انها رايحه توي قاعده

ابورعد وهو يكلم رعد /..........

ماامداه بينطق بكلامه الا وتليفون رعد يتصل

رعد وهو مرتبك / عن اذنكم



توقعاتكم...
# شنو تتوقعون بيصير بين كايد وعناد ونوره ؟
# غيوض ليش حست بغصة يوم يدتها تكلمت عن العرس؟
# فهد منو يقصد بالخاطره اللي ناقلها ؟
# مايد ...منو هذي اللي يجذب عليها بالاشعار وينسبها لنفسه ؟
# رعد منو المتصل فيه ؟













الجزء الثاني عشر


عناد وهو في سيارته عند بيت خاله يهرن ...ينطر عاصي يطلع له

وبعد دقايق طلع له عاصي...

عاصي وهو يفتح باب السياره/ اعصابك كل هالهرنات ...شنو وراك .؟

عناد وهو في قمة توتره /اركب وبعدين اقولك !

*ركب عاصي السيارة وعناد حرك
بعد صمت طويل كان سايد في السيارة

عاصي قطع هالصمت / مطول الاخو ساكت ؟

عناد قاله كل شي صار بينه وبين كايد

عاصي وهو مستغرب / وانت من صجك راسم نوره ؟

عناد وهو ماسك السكان بقوته ويلف / مدري ...مدري ... يااخي مدري شلون رسمتها

عاصي / شنو ماتدري ... عناد لا تكون ......

عناد وهو يقطع كلام عاصي / بس اسكت عارف شنو بتقول

عاصي / انزين قول ... انت .......

عناد وهو يقطع مرة ثانية عاصي / أي ! أي احبهــــــــا بس مو قادر .......

وقطع كلامه عاصي وملامح ويهه تغيرت الى ملامح الغرابة ... التعجب ... الحيرة ... وطالع عناد بنظرات مو مفهومه / انت ماتدري ان كايد مكلم يدتي وعماني...... ( وسكت )

عناد وهو مستفهم / عن شنو مكلمهم ؟

عاصي وهو يطالع عناد / اخوك بيخطب نوره !

عناد واللي دار براسه لعاصي يطالعه بكل صدمه ... صفط السياره على الرصيف ونزل منها

ووقف مصدوم ... مذهول ... متفاجئ من اللي سمعه من عاصي

نزل عاصي من السيارة وراح صوب عناد ...

لف عناد بويهه لعاصي وطالعه للحظه طويله... بعدها لف بويهها ومشى ببطء على الرصيف وهو يدخل يدينه في جيوب ثوبه العميقه

حس بقشعريره بارده تسري في جسمه ... حس بااختناق ... ودقات قلبه زادت ...وكان في باله يدور شي واحد ( عشان جذيه عصب كايد )

طالع كايد وقال بكل ذهول / ومنو متى الكلام هذا ؟

عاصي واللي يراقب حركات عناد / مدري والله بس انا سمعت ابوي وعمي راشد يتكلمون

لف عناد عن عاصي وقال بعصبيه / بس انا احبهــــــــا

عاصي واللي ضحك على كلام عناد وكأنه قايل اعظم نكته / ههههههههه

عناد زات عصبيته وزادت حدتها بقوه / شنو ... ليش تضحك قايل نكته وانا ماادري؟

عاصي والل حاول يكتم ضحكته / انت مصدق عمرك ... شنو تحبها ؟ اقولك اخوك بيخطبها... وبعدين لاتنسى انك اصغر منها

عناد وبحدة نبرة / عادي شنو فيها لو كنت اصغر منها

عاصي / انزين ماقلنا شي بس اخوك متكلم عليها ( يتكلم بجديه )

عناد واللي نزل راسه وطالع في الارض ...... رفع راسه وطالع عاصي والكلام يتعثر بلسانه وبلع ريجه / بس انا احبهـــــــــا ( قالها وهو راص على اسنانه)

عاصي وهو يمسك جتف عناد / شنو فيك انت ؟ ( ونزل يده من على جتف عناد ) ... اقولك اخوك متكلم عليها تقول احبها ... وبعدين تعال شنو صار وشنو اللي تغير ... ماخبرتك تحب البنات ؟

عناد واللي مشى صوب السيارة وضرب على كبوتها بيده بقووووووه / بلاكم انت ؟ يعني اذا قعدت اتهاوش وياهن واجعمهن... يعني خلاص اكرهن ويكون بعلمك انا كل اللي اسويه هذا مع البنات عشان ماابي ابين اهتمامي لنوره ... ولاتنسى اني ريال ولي مشاعري وعواطفي

عاصي / انزين ماقلنا شي ... بس نوره راحت عليك ولاتنسى انها اصغر منك ... واخوك هو اللي يبي يخطبها ...ضح علشانه

عناد رد لسيارة وركبها وشغلها بكل عنف وهو في قمة توتره

عاصي وهو يفتح الباب على عناد / وين رايح؟

عناد وهو يفضي السياره وقال بعصبية حادة / للجحيم !

عاصي / انزين لحظه بروح وياك


*************************

يلس عناد يزرع الشوارع بروحته وييته ... يروح ويرد ... وكأنه نمر في قفص
كان بحاله من الغضب والعصبيه ولا يوم في حياته عصب جذيه ... كان عناد بروحته وردته هذي يظن انه بيبعد عن تفكيره "اللي صار" لكن هذا كان من المستحيل ...كان يتردد في اذنه كلام عاصي " اخوك بيخطبها"

كان الصمت منتشر في ارجاء السياره

قطع عاصي هالصمت بكلامه / هي انت مطول بتمسيح الشوارع ؟ ترى مليت شنو فيك ساكت؟

عناد واللي في قمة عصبيته وتوتره اللي يسري في جسمه / .................

عاصي وهو يطالع عناد / عناد بلاش حركات مراهقين مالها داعي واستح على ويهك ...خلاص اخوك يبيها لا تاقف بطريجه واحترم رغبة اخوك اللي اكبر منك ( كان عاصي يحس بقساوة رده ...بس لازم يقول جذيه لانه يعرف حركات عناد )

استشاط عناد وقال بصوت جهوري مرتجف من حدة العصبيه / انت مايخصك تفهم ؟

عاصي حس بعصبية عناد ومارد عليه لانه يعرف لو قال أي كلمة بتشب هوشة بينهم


*************************


نروح صوب ...العاشق ... المعذب ... مرهف الاحساس ...

اللي يالس على شاطئ البحر ( هذا هو المكان اللي يحبه كايد ويحب يلس فيه كل ماضاق صدره يحس انه هو الصدر الكبير لكل انسان متضايج)

يلس على الشاطئ بضيقته ... بوحدته ... يفكر باللي صار ... يلس لحد الغروب ( كان كايد يحب وقت الغروب على البحر )

يلس يطالع الغروب بكل تأمل ... واسى ... وحسرة ... والم ... وقهر ...

معقوله عناد اخوي ... اخوي يحب اللي انا احبها

لحظة كايد ماقال هالكلمتين في نفسه حس بدموعه مخنوقه في عيونه ... حس في انحباسها ... حس بالجرح الكبير

" اخوي يحب حبيبتي"

كانت الضيقه واضحه بويهه... لا وبعد يمكن بروحه مكتوبه

تذكــــــر نوره حبيبته ... تذكر عناد اخوه ...

كايد يحاول يستوعب ... ومو قارد يستوعب شي

حس الدنيا بعينه تساوت ... حس كل شي بعينه تساوى

حس بالاهات اللي تطلع منه بصمت

حس بخنقة الهم اللي في صدره

حس بالدنيا مقلوبه ... مقلوبه ... مقلوبه
حس بالوحده يبي احد يشكي له همه ولا احد لف صوبه

حس بدمعه المحبوس المقهور بسكاته

قام كايد من يلسته ويتردد في اذنه يومه يناديها بكل شوق " نـوره ... نوره ...نوره"

رمى حصاه على البحر وهو يقول / جن ربي خلقني على الدنيا عقوبه

*****************

مر يومين وعناد وكايد في قمة التوتر ومادار بينهم أي حوار ... اصلا جنهم يشوفون بعض
كان يطلعون كل اليوم ولا يردون للبيت الا وقت النوم ( كانوا يتحاشون مواجهة بعضهم)
ونوره مو داريه بشي


*************************

في الصباح

نوره / النايفه يله قعدي تأخرنا على المدرسة ...قعدي يله

النايفه وهي تتغطى باللحاف / ............

نوره وهي تهز النايفه / يله قومي عااااااااد

النايفه وهي تبعد اللحاف عن ويها وتفتح وحده من عيونه والثانيه مغمضتها / شعندج اليوم قاعده بدري

نوره / جذيه ... قومي يله مو دايم الخبال... تدرين انه مابقى على الامتحانات شي

النايفه وهي تغطي ويها باللحاف / أي ادري يله نزلي بلحقج

نوره وهي تجر اللحاف عنها بقوووووه / يله قومي بلا دلع

النايفه وهي تتمغط / اووووووووه

تثائبت وقامت من السرير وهي تمشي بخطوات ثجيله ( بتروح تغسل )




تحت الكل يالس يتريق ماعدا كايد

نوره / يله انتي خلصي علينا كل هذا ريوق " تكلم النايفه "

النايفه / انزين صبري والله يوعانه

عناد وهو يبتسم ابتسامه عريضه / شعندج نوره اليوم قاعده بدري

نوره / انتم اللي شعندكم ... اشفيكم علي مستغربين... عادي اصلا انا جذيه اذا قربت الامتحانات ينقلب حالي من احال الكسول الى الحال النشيط " تضحك"

عناد / اهب الدافوره " قالها بمزح "

نوره / بسم الله علي قول ماشالله

عناد يبتسم / لا مو بقايل

نوره وهي اطالع في يدتها / يدتـــــــــي خليه يقول ماشاءالله

عناد وهو يضحك/ لاتخافين عيني بارده ... يله في امان الله ( اخذ كتبه وطلع بسرررعه )

نوره وهي اطالع النايفه بعصبيه

النايفه فهمت نظرة نوره/ انزين يله اطلعي ...الا يدتي كايد وينه ؟

اليده / طلع من بدري ويقول انه بيتريق برا

النايفه / اها ... يله في امان الله " وباست راس يدتها"

النايفه ونوره طلعوا وراحوا لمدرستهم



في المدرسة ووقت الفسحة بالتحديد

النايفه ونوره يحوطن بالمدرسه كالعادة ...
يتهم الرغد رفيجتهن

النايفه وهي تبتسم / هلا والله الرغد

نوره / هلا وغلا بالقاطعه وينج يومين كاملين غايبه

الرغد وكان الحزن امبين على ويها

نوره لاحظت الرغد / شنو فيج ؟

الرغد وكأن ماصدقت احد يسألها / ابوي ... ابـــــوي! " وحدها وتصيح"

النايفه بخوف / شنو فيه ابوج ؟

نوره واللي مسكت يدين الرغد / بلاه ... تكلمي عسى ماشر

الرغد وهي خانقه عبرتها / ابوي خلاص هو وعمي حددوا عرسي؟

نوره وملامح ويها تغيرت متعجبه / شنو؟

الرغد وبصوت حزين ومتقطع / تملجت !

النايفه وبصدمـــــه / متى وكيفــــ ووين وعلى منو ؟

الرغد وملامح ويها باارده وكلامها ابرد / تملجت يوم الخميس على ولد عمي


نوره وبصدمة / وماجد خالي ؟

النايفه / ليش وافقتي مو انتي تحبين خالي ... نسيتي ايام الطفوله ... يوم كنتم جيرانا!

الرغد وحدها وتصيح / غصب عني والله ... ابوي اذا قال كلمة مستحيل تنزل الارض ... خلاص انا تحطمت ... ماجد خلاص ماراح اكون له ... والله بموووت محد فاهمني ولو بكلم ولد عمي واقوله مابيك والله ابوي بيذبحني
( وتغير صوته وعيونها امتلت بدموع ونزلت راسها) تكفووووون لاتتركوني لحالي ساعدوني شسوي

نوره بردت ملامحها / الله يوفقج ويسعدج

الرغد / هه على شنو يوفقني على واحد ماابيه

نوره / لا رغوده لاتقولين جذيه ... قولي الله ييسر الامر اللي فيه الخيرة ...وبعدين ماتدرين يمكن يصير احسن من خالي ماجد

النايفه واللي تحاول تغير الجو / ياهوووووووه من قدج بتتزوجين مو احنا ياحسرتنا محد ؟

الرغد والي ابدا ماعطت النايفه ويه باانها تغير الجو وحست انها خلاص بتصيح / عن اذ1نكم انا بروح
( تبي تيلس لحالها)

النايفه/ اذنج معاج يالغلا


راحت الرغد ونوره تمت ساكته

النايفه وهي تهز نوره / تكلمي شعندج ساكته؟

نوره وواضح انها متعاطفه مع الرغد / مسكينه الرغد والله خالي مايد يحبها ومدري شنو بيسوي اذا درى؟

النايفه / المهم ماعلينا " لكل حادث حديث "

نوره / صدقتي

النايفه / منو علينا الحصة الرابعه ؟

نوره / يمكن انجليزي

النايفه / اووووووووووه



في العصر

نوره والنايفه طلعن برا عند الحديقه ... شافن عناد قاعد يسقي الزرع بالماي

نوره وبكل براءة / شعنده ولد خالتي اليوم يرش الزرع ... قالب هندي ( تضحك)

عناد وهو يبتسم / ماشي تبيني ارشج وياهم

نوره / اتحداكـــــــ ( تضحك)

عناد / لاتتحدين

نوره / اصلا ماتقدر

عناد / النايفه خليج شاهده تراها اتحدتني

النايفه / مالي خص فيكم

عناد / انزين اراويكن انتن يالثنتين

عناد وهو يرش الماي على نوره

نوره وهي تصرخ / عنااااااااااااد خلاااااااااااااااااص ( وهي تركض بتدخل داخل البيت)

عناد وهو مواصل في الرش / عشان ثاني مرة تعرفين تتحدين ؟

دخلت نوره البيت وهي مبلله من الماي

في الحوش

عناد وهو يطالع النايفه /باجي انتي ...بعد اقولج خليج شاهدة تقولين " مالج خص " ( يقلد صوت النايفه )

النايفه بخوف / عناد والله انا مالي خص

عناد انزين مالج خص ... مالج خص ( ورش النايفه )

النايفه تصرخ / عناااااااااااااااااااادوووووووووووووووووووووه ويعععععععععععه

عناد / ههههههههههه ( كان مثل الطفل وهو يرشهن )


داخل البيت

نوره / حسبي الله عليك عنادوه

اليده / اشفيج وراج جذيه ... ورا ملابسج مبتله

النايفه وهي داخله عليهم تحرطم

اليده / بعد انتي

النايفه وهي تقرب من عند يدتها / يدتــــــــــــي خذي حقنا من عناااااااادوه الحيوان لعب فينا

اليدة وهي تضحك / ههههه شنو ياييبكن عنده

النايفه / شنو؟شنو يابنا عنده لايكون الحوش له لحاله واحنا ماندري ؟

كايد وهو نازل من الدري مستغرب من اشكال البنات / شنو فيكن؟

النايفه ووحدها وتصيح / عنادووووه رشنا بالماي

اليد وهي تضحك/ انزين مسكي نفسج عن تصيحين

كايد وهو يبتسم بمراره لنايفه وسرعنا ماتلاشت هالابتسامه يوم تكلمت نوره

نوره / لعب فينا حسبي الله عليه رشنا رش ( كانت تتكلم وهي ترتجف)

كايد واللي نزل راسه وتغيرت ملامح ويهه الى الحزن ونزل من الدري ومن غير مايطالع نوره ولاحتى يتكلم ...طلع من البيت بخطوات سريعه وقبل لايطلع وقف عند الباب وجنه بياخذ نفس ... وبالفعل اخذ له نفس عمييييييق وطلع

شاف عناد جدامه بالحديقه للحين يسقي الزرع ومر من عنده من غير مايتكلم وكانوا اثنيناتهم اصلا يتحاشون بعض طالعه عناد وعلى طول نزل نظره ... اما كايد طلع وهو يخفي بداخله لوعه وقهر وحيرة واهاااااات وضيقه



*************

الكل استغرب من كايد ومن تغيره المفاجئ ...كان على طووول برا البيت واذا كان موجود يغلب على وجوده الصمت

************


في بيت ابو رعد
وبالتحديد في غرفة رعد

رعد وهو يرد على المتصل عليه / هلا وغلا

المتصل / هلا فيك اكثر

رعد / ياويل حالي ... اموت انا على صوتج وينج يالقاطعه من زمان ماسمعنا صوتج ( مسوي نفسه فرحان من سمع صوتها)

المتصل / تسلم يالغالي هذا من ذوقك ... بس كنت مشغوله والله انت اخبارك

رعد / بألف خير من سمعت صوتج ... انتي اخبارج ؟

هنادي / الحمدالله تمام ... بس مشتاقه لك

رعد وهو يتنهد / وانا اكثر والله

هنادي / اقول حمودي

رعد / عيون حمودي
هنادي/تسلم عيونك ... بس انا اتصلت اتطمن عليك مااقدر اطول عمري لان رصيدي مايساعد

رعد وهو يقول في نفسه تبيني اقولها اييب لج كرت بس حريمه هه / انزين حبيبتي يله باي

هنادي ومن غير نفس / باي

وبندت الخط

هنادي / اوووووووف ... الزطي هذا حتى ماقال اييب لج بطاقه مالت عليه المح له ولا جني المح مالت..


رعد / هلا والله

سعود / هلا مع منو انتظار اعترف ؟

رعد / هههههه مع وحده من الربع هههههههههه

سعود / ههههههه منو

رعد / هنادي اللي انت محولها علي

سعود / والله اللي انت قايلها اسمك احمد

رعد / هههههههه أي

سعود / هههههه انزين يله تعال مرني بنروح لشباب في الاستراحه

رعد / انزين يله مسافة الطريج

سعود/ يله في امان الله

رعد / في امان الكريم


****************\



في غرفــــــــــة كايـــــــــــــــــد

كايد وهو سادح على شبريته ويفكر في نوره آه احبج واموت فيج بس ليه يصير فينا جذيه ليه ؟


ليه ياعناد ؟

انا لازم اقعد مع عناد واتكلم وياه واعرف في شنو يفكر

مدري يمكن تصير جذيه رسمته وانا مكبر السالفه

نوره احبج وياليت يوصلج احساسي


في غرفه نوره والنايفه

نوره وهي تيلس من على السرير: اووووووووف ضايج خلقي

النايفه وهي معطيه ظهرها نوره : عسي ماشر

نوره : كايد مدري شفيه

النايفه : هههههههههههه اقول نامي تفكرين فيه ...احلي والله انتي حركات ههههههههههههه

نوره : اة والله احبه

النايفه : تقلدها احبه هههههههههههه

نوره : الي استوت في جلستها وتتكلم في جديه شوي وحزن / أي احبه فديت عمره والله مالي غيره فديت حنانه

خايفه عليه وخايفه منه ؟ مدري ليش احساسي مشوش هالايام

النايفه : نامي بس وارتاحي كايد يحبج مثل ماتحبينه واكثر بعد

نوره : تسيل دمعتها علي خدها الودري احبه وياليته يحس شكثر احبه

نوره حست انها ضايجه بقوه / النايفه انا بنزل تحت اتفرج علي التلفزيون تنزلين وياي

النايفه/ لا انا ابنام وبعدين بكرة ورانا مدرسه شنو بيسهرج انتي؟

نوره / مالي خلق انام

النايفه / ههههههه الحمدالله فيه احد ماله خلق ينام

نوره / أي انا

النايفه وهي تغطي ويها باللحاف / انزين لا تزعجيني ابنام

نوره / اووووف ... انا بنزل تحت اشوف التلفزيون

ونزلت تحت وجلست علي التلفزيون كان البيت كله مظلم في البدايه نوره خافت بس بعدين صار عادي عندها جلست تتفرج بالظلام من غير ماتشغل الليت لانها كانت تقول يكفي نور التلفزيون

فجأة شافت ظل شخص واقف وعلى طولً نوره طالعت بالارض اطالع الظل بكل خوف وقفت من مكانها

نوره ومن غير ماتلتفت على الشخص : منو ( قالتها بخوف )

كايد : بالفعل انا سعيد اللي لقيتج نوره

نوره وهي تلتفت صوب كايد : كايد ( قالتها وفيها نبرة ارتجافيه)

كايدوبكل جرأة : عيون كايد

نوره استحت من كلمة كايد وحاولت تغير الموضوع: احم احم الصراحه خفت واو وربي قلبي برجولي

كايد وهو يطالع نوره : محد يقدر يخوفج وانا وياج

نوره الي محتاجه اصلا انها تسمع كلام زي كذا استانست من هالكلام وقالت بكل حياء/ تسلم ياكايد

كايد وهو ييلس: نوره تعالي يلسي... عندي كلام وايد باقوله لج

نوره وهي تيلس : آمر كايد

كايد وجنه ماسك نفسه عن يصيح وقال بتنهيده : نوره انا محتاجلج

نوره واللي حست ان كايد فيه شي و قالت نوره بخوف / بلاك كايد شنو فيك ؟ انا اسمعك

كايد وقال بهمس حزين : نوره تكفين خليج وياي (يحاول يداري دموعه)

نوره : خافت من لهجة كايد/ انا وياك كايد قول شنو فيك والله خوفتني ( قبضها نوره قلبها حست ان فيه شي)

نوره : افتح لي قلبك شنو بخاطرك انا وياك

كايد واللي تغيرت نبرة صوته : ولا شي بس احس ودي اصيح مثل الياهل متضايج حيييييييييل

نوره واللي خافت حيل / كايد شنو بلاك والله خوفتني؟

كايد تكلم ومن غير أي مقدمات وقال بنبرة حزينه / نوره اوعديني انج اتمين وياي؟

نوره استغربت من طلب كايد وحست ان فيه مشكله بس مو عارفه شنو وقالت/ اوعدني انت

كايد وبصوت حنون : نوره خذي وعد مني تأكدي اني ماراح اتخلى عنج ابد ولو حصل وانتي تخليتي عني ( لحظتها حطت نوره ايدها على فم كايد من غير شعور / لا تقول جذيه كايد انا مستحيل اتخلى عنك ...مستحيل

كايد واصل في كلامه بعد نوره مابعدت ايدها عن فمه / نوره تأكدي ان حبي لج ماراح يتأثر وان قلبي اللي سكنتيه بحبج مستحيل أي احد يسكنه غيرج ... نوره انتي مو عارفه انتي شنو بالنسبه لي ... نوره انتي حبيبتي وحياتي وعمري والامل اللي عايش علشانه وانتي الحلم اللي اسعى ورا تحقيقه ...نوره انا راح ابقى لج للابد نوره تأكدي لو حصل وافترقنا ( ومرة ثانيه اقطعته نوره وقالت / الله لا يقدر كايد لاتقول جذيه)
كايد عاد على نوره هالكلمه / تأكدي لو حصل وافترقنا الله لايقدر وانا اكيد عارف ان السبب خارج عن ارادتنا مااتخيل أي بنت في هالعالم تاخذ مكانج في حياتي

دخل كلام كايد لقلب نوره على ساد الصمت بيناتهم

كايد قطع هالصمت وقال بكل همس ورقة وحنان : احبج

نوره واللي حست فعلا ان هذا الوقت اللي لازم تعترف لكايد : وانا بعد

كايد واللي ابتسم بمكر : بعد شنو

نوره اللي ابتسمت : بعد وخلاص

كايد وهو يرسم على ويهه ابتسامه عريضه: فديتج اباسمعها

نوره : اطالع بويهه الي يعكس نور التلفزيون الوانه علي ويه كايد طالعت عيونه ( يالله شكثر حنونه عيونه ... شكثر حلوه )/ ........

كايد / ماسمعت شي

نوره/ شنو ؟

كايد وهو يطالع نوره برجاء / نوره دخيلج قوليها خليني ارتاح

نوره / كايـــــد شنو قاعد تطلب انت

كايد / ماطلبت شي جايد قولي احبك

نوره واللي طالعت كايد وعلى طول نزلت راسها وابتسمت ودفنت يدينها بحضنها مسك كايد يدينها ونوره بعدت يدينها عنه ورد كايد وحط يدينه فوق يدينها ردت نوره وسحبت يدينها رد كايد وحط يدينه عليها

نوره طالعت عيون كايد /

والحين صاركلام العيون هو اقرب كلام لقلوبهم

كايد وهو يبتسم / فديتج انا الحين اروح انا م وانا مرتاح

نوره وهي تبتسم/ وانا بعد

كايد قال في نفسه ( يالله عليج ابتسامه وضحكه )/ بعد شنو

نوره وهي تبتسم/ بروح انام

كايد : فديت العيون الي بتنام احبج احبج احبج احبج

نوره واللي تبي تغير السالفه / مينــــــــــــــــــــــون

كايد وضحك بلطف / مينون بحبج


طلعت نوره تنام وكايد يلس على التلفزيون .

كايد : يابعد عمري يانوره شكثر محتاج لكلامج الله عليج

كايد الي ارتاح من جلسته ويا نوره وستانس وايد

اما نوره وهي تقط روحها علي سريرها بكل سعاده وتضم دبدوبها وتقول يابعد عمري ياكايد احبك احبك وايد والي تخبي راسها بين المخدات من الحياء والسعاده

@@@ في الصباح @@@@

توقعاتكم

شنو راح يكون ويصير ؟
عناد وكايد شنو راح يكون بينهم ؟
نوره شنو راح يكون موقفه اذا عرفت بحب عناد لها؟
عصفورين الحب ( كايد ونوره ) شنو راح يصير ؟
الرغد شنو راح يصير لها مع ولد عمها بعد ماملجت عليه وتركوا اهلها قلبها يئن الم وحسرة على نصيبها اللي ماتركها تختار اللي اختاره قلبها؟
النايفه اذا عرفت بحب عناد لنوره شنو راح يكون دورها بين اخوانها ونوره ؟

 

[n-o-n-a]

الجزء الثالث عشر @@@



في الصباح الكل قعد من نومه وراح لدوامه في كسول وخمول...

بعد الغداء


صعدت نوره الدري وهي مرهقه مررررررره بترووووح تنام ... وهي في طريجها لغرفتها شافته بيدخل لغرفته بعد هو واضح عليه الارهاق ... انتبه عليها ولف صوبها ... طالعها بنظرة تحمل كل معاني الحب وابتسم لها بكل محبه وقال بصوت هامس / اليوم تعب مو؟ " وتم يطالعها "

تقابلت نظراتهم وتوردت خدود نوره وهزت براسها مشيرة الى الايجاب

النايفه وهي تصعد الدري شافتهم وبصوت عالي / شعندكم؟

كايد وهو يلف صوب اخته ورجع عيونه على نوره ويقول بصوته الهامس / احلام سعيده
وسوا لاخته طاف ودخل غرفته

دخلت نوره غرفتها هي والنايفه

النايفه وهي ترمي بنفسها على السرير / شنو تقولون ؟

نوره واللي رمت بجسمها المرهق بعد تعب يوم دراسي على السرير / .......... ( واستسلمت لنوم من غير ماتقول لنايفه شي )




************

على الساعه 4 ونص العصر قعدن من نومهن ... بعد ماصلن العصر نزلت النايفه تحت اما نوره فجلست تحل واجباتها

على الساعه 5 تقريبا دخلت النايفه على نوره وهي واضح على ويها الطفش / اقول نوره انا بروح لشوق البنات متيمعات هناك تيين وياي

نوره / شرايج ... اكيد بيي بس انطري اشوي

النايفه / يوووووووه انتي مطوله ......قاعده الشيخه تحل الواجبات ... يامعوده باجر الصبح ننقلهم من البنات

نوره وهي منزله راسها على الدفتر وتكتب / لا بحل الحين ...اصبري بس مابقى لي غير H.W الانجليزي

النايفه وهي تقوم وتروح صوب عبايتها وتلبسها / انتي ليلج طويل انا بروح الحين ...انتي اذا خلصتي لحقيني

نوره /لا تكفين النايفه...يله يله ها خلصت "تكتب بسرعه "

النايفه وهي تلف شيلتها / انا زهقانه بروح ... وانتي لحقيني البيت مو من بعده

نوره بااستسلام / خلاص روحي انا الحقج... ( قالتها من غير نفس)

طلعت النايفه من الغرفه

نوره / اوووووووف


****************
عند البنات

النايفه وهي داخله عليهن وترفع يدينها / سلام عليكم جميعأ ( قالتها بطريقه هستيريه )

البنات / وعليكم السلام ... هلا والله

النايفه وهي تبتسم / اخباركن

البنات / تمام حمد الله

غيوض / وين نوره مايات وياج

النايفه / في البيت مايات ...بعد اشوي بتيي

اميرة / ليش مايات وياج

النايفه تضحك/ مسويه مصريه قاعد تحل دروسها

البنات / هههههههههه

عذاري / شنو هالشطاره اللي يات فجأ ة ههههههه

النايفه وهي تضحك/ مدري عنها ... قلت لها تيي وياي وبكره ننقش الواجبات من البنات بس مارضت

شمس / صج قالبه مصريه هههههههه

شوق / حرام عليكن قولن ماشاء الله

عذاري / يمكن هرمون الذكاء زايد عندها هههههههههههههههه

شوق / قولن ماشاء الله انتن شعليكن من البنيه

عذاري وهي تضحك / ولا يهمج ... ماشاءالله

النايفه وهي تضحك / اللهم زد وبارك لها وهدم المدارس ههههههههههه

البنات / هههههههههههههههه

شوق / الا النايفه شعندج مستانسه

النايفه تبتسم بمكر / مابقولكن اصبرن لحد مانكتمل كلنا

غيوض وهي مستغربة / شنو فيه

النايفه / بعد اشوي بتعرفن

اميره / ياشينج ...انتي تقولين بقولكم اذا اكتملنا وهذا حنا اكتملنا يله قولي

النايفه وهي اطالع كل البنات تفقدهم / لاباجي نوره وريميه

عذاري / الا على طاري وينها ريميه

شوق وهي تضحك / هذي هي على طول مفقوده ههههههههه

غيوض / ليش وينها

شوق / اكيد في غرفتها يالسه تكلم حبيب القلب وزوج المستقبل ( تضحك)

البنات / اها

عذاري وهي تضحك / بنات شرايكن نطب عليها نخرب عليهم

البنات / هههههههه والله فكره ...يله

اميرة / قعدن بس ... انتن ماتخلن اللقافه يااخي حرمة وتكلم زوجها شنو خصكن ؟

شوق وهي تضحك / هههههههههههههههه... أي دافعي عنها ... يعني عشانج متملجه مثلها

النايفه / هههههههه كلهن من نفس الصنف.

البنات / ههههههههه


**************

نرد عند نوره


خلصت نوره واجباتها لبست على السريع عبايته وطلعت بتروح عند البنات ...في طريجها شافت عبدالعزيز وكايد واقفين يتكلمون في الحوش

عبدالعزيز / اخبارج نوره

نوره وهي تكمل طريجها مستعيله / الحمدلله بخير

عبدالعزيز وهو يضحك / اليوم متيمعات البنات

كايد واللي عيونه معلقه على نوره اللي كملت طريجها وهو يبتسم ابتسامة عريضه / الظاهر

عبد العزيز / الا متيمعات ... عاد شوف شنو سوالفهن ...اعوذ بالله ...البنات لا تكلمن ماسكتن ...يتكلمن بالقاصي والداني

كايد وهو يضحك / هههههههه شكل انتقلت عدوى عناد لك هههههههههههه

عبد العزيز / هههههههههههههههه ....الا على طاري عناد


**********
نرد للبنات

البنات / وينج نوره تأخرتي

نوره تبتسم / أي يلست احل واجباتي

عذاري تضحك / صايرة الاخت مصريه !

نوره وهي تضحك / وهوه كزالك ( تقصد باللهجة المصريه " وهو كذلك")

البنات / هههههههههههههه

شوق / المهم

البنات / شنو

شوق وهي اطالع النايفه / يله اكتملنا

النايفه / هههههههه باجي ريميه

نوره وبكل غرابه / شنو عندكن ؟

وباللحظه هذي دخلت عليهن ريميه مبتسمه /جني سمعت اسمي

عذاري / أي كنا نسأل عنج

شوق واطالع النايفه وبدا عليها ملامح الفضول تبي تعرف شنو فيه / ياه النايفه هذا احنا اكتملنا

ريميه ( وبنفس استغراب نوره ) / شنو عندكن؟

النايفه وهي اطلع تليفونها/ لحظه

اما البنات يلسن يطالعن النايفه

النايفه تكلم بالتليفون / هلا عناد

عناد / هلا

النايفه / يله عناد اكتملنا

عناد يضحك/ يله اطلعن بس حطي في بالج مابوديكن الا ويدتي وياكن

النايفه/ لاعناد اكيد يدتي بترفض

عناد / كيفكن تبن تحوطن قولن ليدتي انا الحين عندها هي يالسة في الحوش

النايفه من غير نفس / انزين يله

وبندوا الخط

البنات مستغربات / شنو فيه

النايفه وهي مادة البوز / قبل اشوي وانا طالعه في طريجي يايه صوبكن شفت عناد وكان خاطري مو بزين جان قلت له يحوط فينا ووافق

البنات بكل استغراب / صج

النايفه واللي امبين عليها كسرة الخاطر / بس الحين يقول مابحوط فيكن الا ويدتي وياكن

عذاري وهي تفتح فمها مستغربه / غريبه عنادوه يحوط فينا!

شوق وهي بنفس استغراب عذاري / أي والله شنو الطاري!

غيوض / والله خاطرنا نغير جو بس الحين خلن يدتي توافق

النايفه / يله ...يله ...خلنا نروح نقولها هي يالسه بالحوش


*طلعن البنات للحوش وشافن عناد وعاصي واقفين عند يدتهم ينطرونهن

قربن البنات من عند اليده ونوره نظراتها تروح مره يمين ومرة يسار ...قبل اشوي شافته هنا مع عبدالعزيز واقفين بس الحين وينه ... قطع حبل افكارها صوت يدتها وابتسامتها اللي راسمتها على ويها /شعندكن يايات كلكن... اكيد وراكن شي؟

عاصي وهو يطالع يدته / يدتي يايات يبنا نحوط فيهن

عناد وهو يبتسم بمكر / بس انا مابحوط فيكن الا اذا يدتي حوطت ويانا

اليدة / لا انا ماابي احوط مافيني حيل

عناد وهو للحين يرسم على ويهه ابتسامته الماكره / بكيفج ... بس تبين بناتج يحوطن روحي وياهن

اليدة / والله انا مافيني حيل على الحواطة ... حوط فيهن انت

عناد وهو يطالع البنات / مابحوط فيكن الا اذا راحت يدتي وكيفكن عاد انتن؟

البنات وقربن من صوب يدتهن / يدتي فديناج حوطي ويانا تكفين يدتي

النايفه وبرجاء / يدتي فديتج والله خاطري احوط ...احس اني مخنوقه ( وهي تحط يدينها حول رقبتها)

شوق / تكفيـــــــــن يدتي عشانا

اليدة / يابنات والله مالي خاطر احوط

عذاري / يدتي فديناج عشان خاطري تكفيــــــــــــــن

اليده / والله مافيني حيل يابنات ,,,(طالعت عناد ) عناد حوط فيهن من غيري

عناد وهو يأشر بااصبعه بغرور ( بمعنى لا )

غيوض / يدتي تكفيـــــــــــــــــــن

البنات / فديناج يدة حوطي ويانا ... والله نحس بنطق من الحجرة

اليده وبااستسلام ورحمت البنات لان اشكالهن ترحم / خلاص بحوط وياكن

عناد وهويبتسم بمكر/ يله عيل انطركن بالسيارة

نوره وهي الوحيدة اللي ماترجت يدتها / عناد العن ابو المذله ياشيخ

عناد وهو يلف على نوره ويبتسم لها ويطالعها بنظره ماعرفت نوره تفسيرها بس حست بفرررررررق واااااايد
بينها وبين نظرات كايد

عناد وعاصي راحوا لسيارة ينطرونهن

نوره /شعنده عناد بيحوط فينا

النايفه / مدري عنه ...يمكن راحمنا

نوره / والله معجزه

عند السياره

عاصي وهو يضحك / حرام عليك عناد

عناد/ هههههههههه ... والله من زمان مالعبت بحسبتهن

عاصي وهو يضحك / ترى نوره وياهن !

عناد وهو يطالع عاصي بنص عين / ادري

طلعن البنات واليدة وركبن السياره وتحركت السياره
عاصي وهو يضحك / هذي اول مره صح تركبون سيارة عناد

النايفه / أي اول مره

عاصي / اول مره تركبها بنت هههههههههههه .... عناد ماشعورك وسيارتك مليانه بنات " يضحك" ؟

عناد / هههههههه شعوري شعور أي مواطن لاول مرة تركب سيارتي بنت " يضحك "

عاصي / عيل عليهوووووووووووووووووووووووووووووووووووووووووووووو وووم

وبدا عنادبالتفحيط ويدور فيهن

اليدة / سود الله ويهك وقف السياره ... دخت .... ياويلي ... لا اله الا الله

النايفه ميته ضحك على شكل يدتها / ههههههههههههههههه ايوووووووووووووه عناد دوس ...دوووس هذا التحويط والا بلاش

وزاد عناد بالتفحيط

نوره / عنادوووووووه وويع هذا تحويطك ... ردنا للبيت

البنات ( وطبعا مو كل البنات راحوا اميرة وريميه يلسوا وماراح غير النايفه ونوره وشوق وعذاري وغيوض وشمس والباجيات قعدن لان سيارة عناد صغيرة وماتكفيهن واللي راحن بعد متراصات على بعضهن خخخخخخ) / الللللللللللله وناااااااااااااااااااااااسه ايووووووووووووووه عناااااااااااااد

عناد وعاصي يضحكون وعناد داس وفحط واخذ خمساات بالسياره مايدري الا والعصا ياي على اجتوفه

اليده/ وقف السيارة والا والله بالعصا هذي

عاصي وهو ميت من الضحك / انزين يدتي كيف تبينه يوقف وعصاج يمه بعديها عنه عشان يوقف

اليدة بعدت العصا / يله وقف سود الله ويهك ردني للبيت

وقف عناد وهو ميت ضحك

نوره / حسبي الله عليك حواطتك

عناد وهو يرفع يدينه / انا قلت لكم

البنات / هههههههههه بالعكس وناااااااسه

اليده واللي زاد تنفسها من الخوف خخخخخخخ / واشوفه بعد ( مااحوط فيكن الا ويدتكن وياكن ) >>تقلد صوته

نوره / يله ...ردنا ...ردنا يامسود الويه ...توبه ان عاد ركبنا وياك

عناد وهو يلتفت على نوره / شفيج نوره عادي خلي عندج روح رياضيه مثل البنات

نوره / بل عليك شلون تكون عندي روح رياضيه وانا اشوف الموت بعيوني

اليده / ردني ... ردني لبيتي مطلعني من بيتي يامسود الويه تفحط فيني

********


نرد لكايد وعبدالعزيز


كايد حس بالدم يغلي في عروقه واتسعت عيونه بتعجب ...كان كايد اشبه بالنار الملتهبه...فتح فمه مصدوم من كلام عبدالعزيز...هو كان شاك بس الحين تأكد...وقال بنبرة ارتجافيه / انت متأكد عبدالعزيز؟
ملامح كايد تغيرت لدرجة انها صارت توحي بالتعاسه

****************


بعد ماراح عبد العزيز ... كايد راح يمشي على روؤس اصابعه في هدوء وصل غرفته وهو يحس باانهيار وتعب كبير ...
غير ملابسه ومشى على ارض غرفته واستلقى على سريره مرهق... حس بجفاف بحلجه ...حبس انفاسه ...
حس بالقهر...بالجرح ... بالالم ... بالحسرة ...

بعد لحظات استسلمت عيونه لنوووووووم ...

# توقعاتكم؟

 

[n-o-n-a]

@@@الجزء الرابع عشر @@@






تقريبا مر يوم كامل وكاايد برا البيت طلع من الصبح ولارد الا على الساعه 11 بالليل شاف بالصاله عناد يالس يتفرج على التلفزيون بروحه حس كايد ان هذي هي الفرصة اللي يكلم فيها عناد لا نه خلاص مو قادر يتحمل ...


كايد طالع بعناد وبداخله كلام كثير يبي يقوله /.........

عناد وهو يطالع كايد / وعليكم السلام

كايد سكت ومارد على عناد ويلس جريب منه / ........

عناد طالعه وحس من نظراته ان عنده كلام وقابله بنفس السكون

لف عليهم الصمت ولا احد تكلم منهم...قطع هالصمت كايد / يدتي وينها

عناد وهو يطالع التلفزيون ويتحاشى يطالع كايد واكتفى بكلمه وحده / نايمــه

كايد واللي شبك اصابع يدينه في بعضها وطالع تحت ورفع راسه على طول لعناد / عناد ( وتنحنح وجنه يصفي نبرة صوته )

عناد واللي لف على كايد ولمس في نبرة صوت كايد الحزن وحس ان فيه شي وانه هو في الموضوع وزادت دقات قلبه / نعم

كايد واللي مسح يدينه على ويهه وطالع عناد / عناد شوف انا بكون صريح وياك

عناد واللي بالفعل زادت نبضات قلبه وحس انه بيكلمه بنفس الموضوع " واكتفى بالصمت"

كايد وبنبرة بارده / عنادانا عرفت كل شي!

عناد واللي لف على كايد وطالع له بنظرة يتظاهر فيها بعدم المبالاة وهو بداخله غير ...هز اجتوفه غير مبالي / شنو عرفت ؟ ( قالها ببرود اشبه ببرود الثلج )

كايد وهو يبلع ريجه ووقف من مكانه بكل توتر / عناد عبدالعزيز قالي انك تحب نوره ؟

عناد وقف من مكانه غير شعور ... التفت لكايد وعيونه تتسع متعجب و شفايفه ترتجف وكأنه يبي يتكلم بس ماقدر يتكلم /.............

كايد وهو يفرك يدينه ببعضهم / ادري انك تحبها وادري انك دريت اني بخطبها

حس عناد بوخز بويهه وجن احد صفعه لكن تم يطالع كايد بعيونه التي تحمل التحدي والدفاع عن النفس ... تكلم وكأنه انسان جامد وفاقد الاحساس مثل عواصف الشتاء المثلجة وتكلم من غير مبالاه بمشاعر كايد / زين دريت اني احب نوره !

كايد واللي طالع اخوه بنظرة حزيييييييييينه تحولت ملامح كايد الى ملامح غامضه ... رفع حياته متعجب من اسلوب اخوه وتم يطالعه بقووووووووه /..........

عناد وهو يطالع اخوه / شنو ؟ شفيك اطالعني ...شايف تلفزيون جدامك ... كاهو التلفزيون ( يأشر على التلفزيون)

كايد وللحين يطالع اخوه بألم / عناد شفيك ؟ عدل اسلوبك انا اخوك الكبير شنو هالاسلوب ؟ كله علشات تحب نوره ( قالها بعصبيه ) وعشان دريت اني بخطبها

عناد وهو يطالع كايد بكل آنفه / ماتهمني انت وخطبتك؟

كايد واللي طفح كيله ومو قادر يتحمل كلامه تكلم وهو راص على اسنانه / هي انت لانسى انا احنا اخوان وموب بنيه تغيرنا على بعض ... وخلاص ياعمي تبي تخطبها اخطبها خلاص انا ماابيها .

عناد واللي حس على كلام كايد وحس فعلا انه غلطان وحس ان كايد حريص على اخوتهم وكان بااذنه يتردد كلام عاصي ((( بلاش حركات مراهقين مالها داعي واستح على ويهك اخوك يبيها واحترم رغبة اخوك اللي اكبر منك .... ولا تنسى انك اصغر منها) / انا بعد ماابيها!!!

كايد / تحبها وماتبيها وشلون صارت هذي ( وارتسم على ويه كايد علامة استفهام )

عناد وبااندفاع / ماابيها ... خلاص ... غيرت رايي!!!انت خلاص اخطبها

كايد واللي قرب من عند عناد وحط ايده على جتفه وابتسم له ابتسامة بارده / خلاص انا مابخطب نوره مستحيل اخذوحده اخوي يحبها (وطلع كايد من عند عناد رايح صوب المطبخ ... كان يبي يشرب ماي باااااااااارد يبي يبرد على نفسه ... حس كلامه كان قوي وحس انه تهور بكلامه ... دخل المطبخ ... ويا لصدفــــــــــــــــــه ...

*************

في بيت ابورعد
وبالتحديد في غرفة البنات

عذاري اللي يالسة على الكمبيوتر وتنادي غيوض / غيوض ... غيوض

غيوض والي توها داخله الغرفه / شنو؟

عذاري / تعالي بسرعه شوفي ... لا يفوتج ( تضحك)

غيوض وهي تمشي بخطوات سريعه / شنو

عذاري / شوفي هذا ... شرايج فيه هههههههههههه ( تضحك)

غيوض / وععععععععععع مو حلو منو هذا؟

عذاري تضحك / هذا واحد يمدح في نفسه طول الوقت ..." اليوم بنت رقمتني ... واليوم بنت لحقتني بالسوق ... ومدري شنو ..." جان انا استغربت من كلامه وقلت له يرسل لي صورته .

غيوض / هههههههه واثق من نفسه " وسرعان مااختفت الضحكه " وانتي ليش ضايفه ريال على المسن؟

عذاري وهي تهز اجتوفها/ مدري لقيته بالشات وضفته عندي

غيوض / طيب يله قومي ببند الليت ... قومي نامي بكرة وراج دوام

عذاري / تونا ماصارت الساعه 12 والا الظاهر انتقلت العدوى من ابوي لج

غيوض وهي تضحك بضحكه هازئه /هه لا ماانتقلت العدوى بس لويدخل عليج الحين رعد ويلقاج على المسن لا وتكلمين ريال ياريلج

عذاري / تكفين عاد هو كل جواله ارقام بنات

غيوض / هو ولد ياحلوه... يله ببند اليت

عذاري/ طيب طيب بس لحظه ببند المسن الحين بس لحظه بتهاوش وياه وبكسحه على صورته بقوله تييب الحمى ... يقولي شنو رايج بالصوره هههههههه

ردت عذاري عليه وتهاوشت وياه طبعا ونقصت من شكله ( عاد عذاري ولسانها ) واخيرا سوت له بلوك.


**********************

نرد لكايد

دخل المطبخ وشاف نوره يالسه على الكرسي وحاطة راسها على الطاوله وكان شكلها حزززززززين وواضح انها سمعت كل شي ... كانت النايفه يالسه على الكرسي الثاني وهي بعد سمعت كل شي ( من سوء الحظ كانت نوره والنايفه بالمطبخ واللي بالمطبخ كان يسمع كل اللي يصير بالصاله لانه قر ررررررريب منه بقووووه وللاسف اسمعن كل كلام عناد وكايد .)


كايد وبصوت اشبه بالهمس / انتن يالسات اهنيه ؟

لفت عليه نوره على طول وعيونها ملتهبه بعتب كبير واللي خلا عيونها تنكمش في زاويه مكانها " ( " معقوله ياكايد تبيعني بكل سهوله ... وين حبك لي ؟ وين وعدك لي اللي قبل يومين ؟ جذيه تقولها بكل سهوله ( ماابيها) ! حست نوره بصرخه كاتمتها ودها تصرخ بصوت اعلى من العالي وتقول / وين وعدك ياكايد ... وين حبك ... وين ؟ وين ؟ ( بس للاسف ماتقدر تصرخ ولا حتى تتكلم بحرف)

كايد حس بنظرات نوره انها سمعت كلامه ووقف ونزل راسه/..........

اما نوره وقفت من الكرسي بكل شموخ وكبرياء وراحت تمشي بتطلع من المطبخ وقبل ماتطلع وقفت عند البا ولفت على كايد وقالت بلهجة شامخه / على فكره ... انا موب كره عندك والا عند اخوك تلعبون فيني على كيفكم
وطلعت وهي تمشي بطريجها توقعت انها تلقى عناد بالصاله لكن المفاجأة انها ماشافته



كايد وهو مصدوم من ردة فعل نوره واللي كان متوقع انها تنحني بضعف / سمعتونا " يكلم النايفه"

النايفه وهي اطالع اخوها بنظرات استحقار/ أي سمعناكم ... ليش ياكايد ... حرام عليك ... انا ادري انك تحب نوره ... ليش دست على قلبك وقلبها ...ليش

كايد واللي حس بالندم ... ونزل راسه بكل الم وحزن / شسوي اخوج يحبها ... شلون ارضاها على نفسي ... اخطب وحده اخوي يحبها

النايفه وبااندفاع قوي/ عناد مراهق واصغر من نوره وحرام ............

قطع كلامها كايد وقال بصوت مبحوح / بس نايفه انا مستحيل اتزوج وحده اخوي يحبها

طالعته النايفه بقهر وجنها بتنفجر من القهر وقالت بكل عصبيه / حرام عليك انت ماشفت شكل نوره يوم اسعت كلامك

سكت كايد وهو من داخله قلب يعتصر ...مو يعتصر الا يحتضر وطلع منه صوت تنهيده /آآآآآآآآآه

طالعته النايفه بكل قهر وتعاسة وطلعت من المطبخ وهي تمشي بمشيه اشبه بالركض


في غرفتهن

نوره كانت يالسه على سريرها وضامه ركبها لصدرها ومجتفه ايدينها حول سيقانها ودافنه ويها بينهم

ماقدرت تبجي ولا حتى قادره تتنهد يلست تتذكر كلام كايد لها قبل ايام (نوره خذي وعد مني تأكدي اني ماراح اتخلى عنج ابد ولو حصل وانتي تخليتي عني ...نوره تأكدي ان حبي لج ماراح يتأثر وان قلبي اللي سكنتيه بحبج مستحيل أي احد يسكنه غيرج ... نوره انتي مو عارفه انتي شنو بالنسبه لي ... نوره انتي حبيبتي وحياتي وعمري والامل اللي عايش علشانه وانتي الحلم اللي اسعى ورا تحقيقه ...نوره انا راح ابقى لج للابد نوره تأكدي لو حصل وافترقنا الله لايقدر وانا اكيد عارف ان السبب خارج عن ارادتنا مااتخيل أي بنت في هالعالم تاخذ مكانج في حياتي .)
طلعت نوره من كل قلبها بصوت عالي / آآآآآآآآآآآآآآه

النايفه واللي يالسه يمها / سلامتج من الآه يابعد عمري... شفيج نوره ساكته ... تكلمي مو بزين عليج تسكتين

كانت نوره فعلا وكأنها مصدومه ومذهوله ماتكلمت وعيونها اطالع بزاويه من الغرفه ولا حتى ترمش

النايفه / نوره اشفيج خلاص ماعبيج منهم

نوره اهنيه عيونها صارت مثل المرايه من الدموع لكن مع ذلك مانزلت دمعتها ... كانت شكلها يخرع من حزنها واساها

النايفه اللي يلست تهز نوره من خوفها / نوره حبيبتي بلاج ؟

نوره في اللحظه هذي ضمت النايفه بكل ماتملك من قوه ... لكن للحين لا تكلمت ولا بجت من هول الصدمه اللي صدمها فيها كايد بكلامه

فجت نوره النايفه

نوره اكتفت بس بكلمه وحده لنايفه / النايفه ابا انام بندي الليت واتركيني لحالي

النايفه واللي كانت خايفه على نوره / ان شاءالله

بندت النايفه الليت وردت ونامت

اما نوره استرخت على السرير ويلست تتذكر كلام كايد لعناد اللي مافارق سمعها( لا تنسى انا اخوان ومو بنيه تغيرنا على بعض خلاص ياعمي تبي تخطبها اخطبها ...خلاص انا مابيها ... ماابيها ...ماابيها ... مستحيل اخذ وحده اخوي يحبها ... معقوله هذا كايد اللي وعدني انه ماتركني ... معقوله يقولها بكل سهوله ( ماابيها) معقوله يتخلى عني ... انزين وين حبه لي وليش يدوس على قلبي ... ليش يهدم حبنا...معقوله انت الحبيب كايد والا غيره ...آآآآآآه .... واخيرا استسلمت لنوم ونامت.

في المطبخ وللحين يالس كايد فيه

كايد / ياويل حالي شنو سويت انا ؟ جذيه من غير عقل ومن غير تفكير اقول لعناد جذيه ... صج انا ماابي نوره ... وين حبي لها ...آآآآآآآآآآه ... ياويلي وياويل قلبي والله احس اني بمووووووووت احس اني تايه ... ضايع ... حاير...ماادري شلون قلت جذيه ...بس شسوي اخوي بعد ...آآآآآآآه خلاص انا انتهيت ... خلاص انا خسرت نوره...


على الساعه 3 الفير

قعدت نوره من نومها وهي يلت تصلي الشفع والوتر يلست تقرا قران

النايفه / نـــــــوره

نوره واللي لفت على النايفه / قعدتي

النايفه / اصلا مانمت ؟

نوره / ليش ( وكأنه ماصار شي )

النايفه / مدري ... نوره

نوره / هلا

النايفه / ...........

نوره وهي تبتسم ابتسامه صفراء / شنو

النايفه / بكرة بتداومين؟

نوره ابتسمت / شنو هذا شؤالج ؟

النايفه وهي ترد الابتسامه / أي

نوره / أي بداوم ليش مااداوم؟

النايفه / زين عيل

نوره / شنو اللي زين ... شفيج انتي... تكلمي عدل ... شنو هالكلمات المتقاطعه

النايفه / نوره

نوره / وويع شنو تبين

النايفه ابتسمت / نفسي اقولج حاجه

نوره ومن غير نفس / شنو

النايفه / ماشفتج اليوم صحتي والحين اشوفج عادي ولا كأن شي صار

نوره ابتسمت ابتسامه صفراء/ آآآآآآه يالنايفه ...لان اللي فيني اكبر من الصياح والدموع

النايفه / عيبتيني بس خفت عليج

نوره طالعت النايفه بحزن وقالت بعد لحظة صمت بصوت حزين ممزوج بنبرة الم / كنت احبه وكان املي فيه ... كان هو حلمي ... ماكنت متوقعه انه في يوم يتخلى عني ولا كنت متوقعه اني بسمعه يقول ( ماابيها) >>> كانت هالكلمة مأثره على نوره بقوووووه
كان بالنسبه لي القلب الكبير من بعد امي الله يرحمها ... كان يوم اعترف لي انه يحبني حسيت اني ملكت الدنيا كلها واليوم خلاااااااااص حين اني انتهيــــــــت

النايفه / .............

نوره / انا بنام ( تحاول تغير الموضوع)

النايفه / انا بعد

نوره انسدحت على السرير بتعب ويلست تقول بصوتها المخنوق المنكه بالحزن

وعدني واليوم خاب الرجـــــا فيه
ياصاحبي ياللي على القلب غالي
ليه تهدم حبن بالامس بنينــــــــاه
ليه تجرح قلبي مادمت تغلينــــي
ليه تصيح بصوتك وتقول ماابيه
ابكتم صرختي يوم اشوفك تبيعني
وابترك جرحي ينزف على هونه
وعلى الهون تحدري يادمعتــــــي
وفيك يالغالي عزيتـــــ قلبــــــــــي

واخيرا / يلست تبجي ... اخيرا نزلت دمعتها ويلست تجهش بالبجاء


النايفه وهي تضم نوره/ بس نوره كافي بجاء ؟

نوره وهي تصيح/ تخيلي كايد يقول ( ماابيها) مايبيني

النايفه وهي ضامه نوره / نوره كايد يحبج ؟

نوره واللي انهارت/ جذب ... جذب مايحبني اللي يحب يسوي جذيه ...اللي يحبني يبيعني عشان يرضي غيره

 

[n-o-n-a]

الجزء الخامس عشر


اجرح وعذب على كيفك @@@ راضي بحكم القدر راضي

مرت الايام بسرعه على كل العايله لكن مرت على نوره وكايد مثل الدهر ...كل واحد منهم صار يتحاشى يشوف الثاني او حتى يكلم الثاني ...اماعناد فهو عايش حياته كوووول


النايفه / نوراي خلينا ننزل تحت

نوره وواضح على ويها ضيقة الخلق / مالي بارض

النايفه / شنو مالج بارض ... منو متى بس وانتي مانزلتي عند يدتي تحت كله وانتي حاجرة نفسج بهالغرفه

نوره وهي تضغط على اسنانها / النايفه مالي بارض انزل تحت

النايفه وهي تمسك يد نوره/ يله عاد ...نزلي عشاني ...

نوره وهي تحاول تفج ايد النايفه / نايفه فجيني

النايفه وهي تير يد نوره / عشان خاطري امشي ننزل ...يله قومي

نوره / نايفه فجيني قلت لج مالي بارض

النايفه وتقول برجاء / يعني مالي عندج خاطر

نوره وهي تبتسم من غير نفس / انزين منو تحت

النايفه /محد بس يدتي ... يله قومي ( وتير يدها )

نوره / محد !!!

النايفه وجنها عرفت قصد نوره منو تقصد / أي محد يله نزلي

نوره وهي توقف / انزين فجيني

النايفه وهي شاقه الحلج / بتنزلين

نوره وهي تاخذ الشيله تلفها على راسها / وشنو تشوفين انتي ؟

تحت

النايفه / وين يدتي قبل اشوي شايفتها اهنيه

نوره / مدري بس شوفي باب الحوش مفتوح اكيد انها طالعه برا

النايفه / غريبه طالعه دوم اهنيه معسكرها ( تضحك)

في الحوش
نوره وهي تجرب من عند يدتها وترسم على ويها ابتسامه بارده / يدتي وينج من اليوم ندورج مالقيناج

اليده ( واللي فرحت من شافت نوره لانها من زمان مايلست وياها وابتسمت لها / هلا والله زين نزلتي من حجرتج ...بلاج يمه دومج حابسة نفسج ليش ماعاد تنزلين وتيلسين وياي

نوره وهي تيلس صوب النايفه اللي يلسن مجابل ليدتهن جريب من القهوه ( ماردت نوره على يدتها وحاولت تغير الموضوع )/ الا اقول يدتي شعندج طالعه اليوم برا

النايفه وهي تصب القهوه / أي صج يدتي شعندج طالعه غريبه

اليده / داخل جتمه قلت اطلع بالحوش اوسع لي صدر

التفتت اليده ونوره والنايفه بعد ماسمعن صوت الباب الخارجي يبند وشافن كايد هو اللي ياي
شافهن كايد ويا صوبهن / مساء الخير

اليده والنايفه / مساك الله بالنور والسرور

يا كايد ويلس صوب يدته وشاف نوره يالسه وياهن ولا ردت عليه طالعها كايد بعيونه الناعسه اللي تلمع بالحزن والاسى والالم طالع نوره بنظره هزت مشاعرها... نزلت نوره نظرها عنه على طول ...نزل كايد غترته من راسه وانسدح على ريل يدته وجنه طفل صغير ...كان كايد محتاج حنان محتاج احد يضمه ... يبي احد يشوف الحزن اللي بقلبه ... يبي احد يحس فيه ... يشكيله ... يفههمه .../ شعندج طالعه بالحوش يدتي؟

اليده وهي تمسح على راس كايد / شعندكم مستغربين اني طالعه ... نوره تسألني والنايفه تسألني وانت تسألني

كايد وهو يقول في نفسه ( نوره تسألج ...حتى اللي تسأل عنه انا اسأل عنه )/ لا يدتي مو مستغربين بس شعندج طالعه برا

اليده / طلعت اوسع صدري داخل جتمه

النايفه وهي تفتح فمها بتتكلم /........( ماامداها تكلم الا وتسكت يوم شافت نوره قامت ووقفت)

اليده وهي اطالع نوره / وين بتروحين يابنيتي توج يالسه

نوره وهي تلف ظهرها بتمشي / لايدتي بروح ادرس فوق

اليده / الدراسه لاحقه عليها ...يلسي ويانا

نوره / يدتي لازم اروح عندي واجبات كثيره(وهي تمشي بطريجها ومن غير مااطالع كايد)

اليده وهي ترشف القهوه من فنيالها / الله يوفقج يابنيتي

كايد طالع نوره وهي تعطي ظهرها وتمشي بتدخل البيت ...طالعها بحزن وآسى حس ان نوره شايله بخاطرها من كلامه لعناد "تمنيت موتي يانوره ولا اشوفج شايله بخاطرج علي ادري ان كلامي قوي بس والله غصب ...غصب ...غصب ...عناد ( وقام من على ريل يدته واخذ غترته وعيونه صوب الباب الداخلي وراح مشى صوبه وهو يحمل بقلبه آسى ...مشى بخطوات سريعه

اليده / وين رايح تعال ايلس تقهوى ماتقهويت

كايد / ........( ولا رد على يدته وكمل طريجه)

• نوره دخلت البيت وكايد دخله بعدها على طول

كايد وبنبره حاده / نـــــــــــوره

نوره وقفت ومن غير ماتلتفت / نعم

كايد وببرووووووووود/ نوره انتي زعلانه

نوره واللي انتصبت بوقفتها بكل كبرياء ومن غير ماتلتفت / وعلى شنو ازعل ؟ ( قالتها بحنق)

كايد وهو يتجدم نوره وياقف جدامها / نوره صدقيني كل اللي قلته عشان عناد اخوي ...تدرين ان عناد يحبج ..............

نوره وهي تقطع كلام كايد وتتجدمه بتمشي / خلاص كايد مايفيد الكلام الحين خلاص خلاص ( تقولها وهي تخنق العبره)

كايد ويتجدم نوره ويحاول يوقفها وقال بنبره حاده / نوره ارجوج افهميني ... اخوي ولد امي وابوي يحب اللي انا احبها شنو تبيني اسوي تبيني اشب النار بيني وبين اخوي ...نوره صدقيني انتي غاليه وغلاج مابيهزه شي بس شسوي غصب عني قلت ذاج الكلام اللي قلته لعناد اخوي وتذكري ان عناد اخوي واخوته فوق كل شي

نوره طالعت كاي بكل قهر وحست ان الدم يجري في عروقها بحراره حست خلاص انها بتبجي ( حتى فوق حبي ياكايد) >>>ها ماقالته في نفسها... طالعتهوهي ترفع حياتها وقالت بنبره مخنوقه بقهررر وتحاول انها تتظاهر بالكبرياء / مانسيت ان اخوك عناد بس يمكن اني نسيت انك موب قد وعودك ...بس حط في بالك ياكايد انا موب لعبه عندك والا عند اخوك وعلى فكره مايعيبني اسلوبك هذ ليش كل هالزحمه ...خلاص ماتبيني ماتبيني ترا محد جابرك علي ولا انا ميته عليك ( قالت هالكلام وهي تصر على اسنانها ومشت بسرعه تصعد الدري وقبل لا تصعد سمعت من كايد بصوت هامس بقوووووووه / بس انا احبج نوره وغصب عني كل اللي اسويه
لفت نوره على كايد بسرعه وقالت بنبره حاده يطغى عليها الالم / لا تقول تحبني الحب له ناس على العهد وافين ( وراحت تمشي بخطوات كبيره وسريعه)

في الحوش

اليده / شعنده اخوج دخل ورا نوره

النايفه وحست ان فيه شي في دخلة كايد ورا نوره على طول / مدري يدتي انا بدخل

اليده وعلامات الاستفهام على ملامحها / انا بعد بدخل وياج

دخلت النايفه ويدتها وشافوا جدامهم في الصاله كايد يالس على الكنبه وشكله يوحي بالحززززن والاســــــى والالــــــــم كان مغطي يدينه على ويهه وغترته وعقاله ناطلهم على الكنبه وعلى دخلتهم كان كايد يتنهد

اليده وهي خايفه / شنو بلاك ياوليدي

كايد ويرفع يدينه عن ويهه/ ولاشي ( ووقف )

اليده / ايلس ياوليدي بكلمك ؟

كايد وهو يطالع يدته ومن غير نفس / شنو؟

النايفه واللي مو حست الا تأكدت من شكل كايد ان صار شي بين كايد ونوره ...راحت تصعد الدري بسرعه

اليده وهي تأشر على المكان اللي يمها / ايلس ياوليدي

يلس كايد من غير نفس /...........

اليده / اسمعني ياوليدي انا موب عايبني حالك انت ونوره ؟( ومن سمع كايد اسم نوره حس بحراره تسري بجسمه)...واليده متواصله بكلامها / اسمعني ياوليدي مو بزينه لا بحقك ولا بحق بنت خالتك انك تلاحقها ...ادري يومك قبل اشوي دخلت البيت وراها كنت بتكلمها واكيد انك كلمتها ياولدي ترا والله موبزين جذيه تكلمها لحالك وتلاحقها ترا موب معناته انك تكلمت عليها جدامي وجدام خوالك يعني خلاص تكلمها على جيفك لا ياولدي عيب عليك ترا ... وخلاص انا بكلم خالك راشد يخطبها لك من ابوها وتتمـ..........وقطع كلامها كايد
من سمع طاري الخطبه وهو يحس بقشعريره في جسمه وقال بااندفاع / يدتي لايروح بالج لبعيد انا يومي اكلم نوره ادري انها بنت خالتي وحطي في بالج نوره زيها زي اختي النايفه

اليده واللي استغربت من اسلوب كايد / شنـــــو؟ زيها زي اختك النايفه ... شغير موب انت كنت متكلم عليها شغير؟( وحست ان فيه شي)

كايد وهو يقوم من عند يدته بيطلع عنها وحس ان الصمت حديث الموقف /.......

اليده وهي تنادي كايد / تعال وين رحت توني ماخلصت كلامي

كايد وهو يمشي بخطوات سريعه / ..........

اليده /كايــــــــــــــــــــــد؟

كايد وهو يبند الباب الخارجي بقوووه وطلع ومن غير ولا كلمه يرد فيها على يدته /..............

اليده وعلامات الاستفهام على ويها/ ياربي ياهالعيال ماجني يدتهم حسبة امهم دومهم مطنشيني ...لا حول!
اما نوره فكانت في قمة التوتر وقفت من على سريرها اللي كانت يالسه على حافته وراحت تزرع الغرفة بروحتها وردتها وهي تمشي شافت جدامها على التسريحه فرشاة الشعر اخذتها بحده وفتحت شعرها اللي كانت ماسكته بربطه بنفس لون شعرها الليلي ..بدت تسرح شعرها بضربات عنيفه ((( آه كانت نوره حساسه وسرية التأثر وهذا الشي كان اكثر واحد يعرفه هو كايـــــد)
ليش ياكايد >>>همست نوره بعنف وهي ترد الفرشاة لتسريحه ...دخلت عليها النايفه ولفت نوره عليها ومن شافتها راحت تركض لها وضمتها وفجت سراح دموعها اللي من اليوم محبوسه في عينها وجنها محتاجه لحد يضمها ...لحد تبجي على حضنه .

النايفه بخوف / نوره اشفيج؟

نوره وهي تصيح وبنبرة حزينه يعتصرها الالم / ابي امـــــــوت!

النايفه وهي تضم نوره بقوووووه / نوره شنو تقولين انتي؟

نوره وبنغمه صوتها الباكيه والمنكهه بالشهقات / ابي اموت ...ابي الحق امي ...خلاص ماابي الحياة

النايفه وهي تفج نوره وبصوت عالي يغلب عيه الخوف / نوره شنو تقولين انتي ؟ بلاج ...؟ كايد شنو قالج

نوره واللي رمت بنفسها على السرير وانسدحت على بطنها ودفنت راسها تحت المخده / اخوج حيوان ونذل

النايفه واللي كانت ماتحب احد يتكلم على كايد ويتلفظ عليه بالالفاظ هذي حتى لوكان غلطان كانت تغلي كايد وغلاه كان غير الكل كانت تعتبره الاخو الحنون والابو العطوف اللي فقدته وهي صغيره والام الرحيمه اللي انحرمت منها...كايد كان غير عند النايفه وياويل احد لو تكلم عليه جذيه لو كان له بقلبه معزه ومكانه مثل نوره وقالت بنبرة حاده / نوره لا تتكلمين جذيه على كايد؟

نوره وهي ترفع راسها وخدها الناعم مبلل بالدموع وعيونها للحين متروسه بالدموع وقالت بكل حزن والم وآسى وكانت ملامح التعاسه امبينه على ويها وقالت بنبرة احد من نبرة النايفه لكن نغم الحزن يطغى عليها/ حتى انتي يالنايفه واقفه وياه ( وتغيرت نبرتها بالكلام وارتفع صوتها )/ أي اخوج حيوان ونذل وخاين عيل كان يقولي مستحيل اتخلى عنج والحين كلامه تبخر تصوري يبيعني بسهوله عشان بس سعادة غيره طيب وانا وقلبي ...ليش جذيه ( واجهشت بالصياح ) آآآآآه ليش يالنايفه انا احبه ليش يقول لعناد ماابيها روح اخطبها ( وزادت بالصياح وشهقاتها ارتفع صوتهن ودموعها على خدها انهار ) / ابي امي ؟ ابي الحق امي ... ماابيها تموت وتخليني ( وزادت بالصياح وجنها طفل صغير بصوت شهقاتها)/ ابي اموت ماابي اعيش ماابي اتعذب ماابي انجرح من اغلى الناس كافي امي ماتت واتركتني مجروحه بموتها كافي ...كافي ... كافي ( كان صوتها متقطع ويغلب عليه الشهاق...كان على خدها شلال دموع ... وعيونها متروسه دموع وصدرها مليان آهات ... وبداخلها حزن
(جربت من عندها النايفه وحست انها غلطت معها بردها القاسي لها ... حست ان نوره فعلا تتألم من كايد...جربت من عندها وحاولت انها تضمها ...لكن نوره بعدت عنها وقالت بصوتها المبحوح المتقطع حزن وآسى / بعدي عني ...ماابيج ...ماابيكم كلكم ...ماابيكم تاخذوني بالشفقه والرحمه بعدي عني ...وردت ودفنت راسها تحت مخدتها المبلله بالدموع وهي تتنهد /آآآآآآه متى بيرد فهد وارد انا وياه لبيتنا ...آآآآه


تركتها النايفه من غير ماتقولها ولا كلمة لانها تعرف نوره اذا زعلت تكره الدنيا كلها ومااداني احد يكلمها طلعت برا الغرفه
ويالصدفــــــــــــــــــــه
فتحت الباب وشافت عناد جدامها ...
النايفه وهي تبند باب الغرفه وبصوت واطي مندهش / عنــــــــاد

عناد ومن شاف نوره تجدم بيمشي لغرفته / شنو ( ويحك دقنه)

النايفه / شنو يابك اهنيه

عناد وهو يمشي لغرفته بخطوات سريعه / لا لا ولا شي ... ولاشي ( جنه مرتبك )

دخل عناد غرفته ... ورمى بنفسه على سريره /آآآآآآآآآآه ... مسجينه نوره ( لف على ينبه الثاني وهو فيه لمسة توتر ) صج واضح ان نوره تحب كايد ...( طيب وانا...انا احبها ) ...شنو تحبها اصلا انت داخل غلط ...صدق عاصي والل ان مالي دااااااعي ...حرام علي ...نوره تبجي وحدها منهاره ...وكايد اكيد يتألم من داخله ... واضح ان نوره تحبه ... وهم كايد يحبها ...( لاشنو يحبها لو يحبها ماتخلى عنها وقالي " ماابيها" ...بس كايد هم مسكين كان لازم يقول جذيه لان اخوه يحب اللي هو يحبها ...كايد طيب ودومه يؤثر سعادة غيره على سعادته ...كايد طيب واااااايد ... آآآآآآآآآآآه صج ان مالي داعي والله ...صج اني مراهق ...( لا انا موب مراهق انا رياااال هم بس اللي يعتبروني مراهق وثبت لهم رجولتي.)




اما كايد طلع يفر بالشوارع مايدري وين يروح والا وين يرد كان بااذنه تتردد كلمة نوره (((الحب له ناس على العهد وافين))) صج اني خاين قبل ايام كنت اقولها مستحيل اتخلى عنج حتى لو انتي تخليتي عني والحين انا اللي تخليت عنها وبكل سهووووووووله...بس شاسوي غصب عني ياربي ... اخوي ولد امي وابوي ...يحبها ...شنو ماارضاها على نفسي ( وهو يتذكر كلام يدته له) اتزوج وحده اخوي يحبها ... كيف تصير هذي ...لا مستحيل
( وضرب باايده على السكان ووقف مكان ريله ماوقفت عن الدوس ...نزل من السياره وملامح ويهه حزينه ...بائسه ...يائسه ...يلس على الصخره اللي جدام البحر ...يلس يطالع البحر بكل الم وحده ...( ليش بس ياعناد ماتلقى الا نوره تحبها ليش ...(انا احبها) بس مااقدر ...مااقدر ...مااقدر اتزوجها ...عناد يحبها ...آآآآآآآآه ياربي شنو الدنيا هذي ليش قاسيه ...وليش الزمن خوان ...آآآآآآآآآه ياربي







• ارسلت الشمس خيوطها الصفراء على هذه الدنيا الغريبه ...معلنة يوم جديــــــــد


النايفه وهي تسرح شعرها / يله نوره قومي؟

نوره /.........

النايفه وهي تربط شعرها وتجرب من عند نوره وتهزها / نوره ... نوره ...نوره ...

نوره وهي تفتح عيونها / نعم

النايفه / قومي يله تأخرنا على المدرسه ...يله قومي

نوره وهي تبعد عنها اللحاف وتتمغط / يله

غسلت نوره وصلت ولبست وهي تحاول تخفي حزنها اللي في قلبها وتحاول تتناسى كلامها اللي البارح قالته لنايفه وتحاول بعد انها تتناسى كلام كايد وتحاول تتظاهر ولا كأن شي صار

النايفه وهي اطالع نوره / نوره شنو في اللي حول عيونج اسود ...مانمتي البارح ...مواصله مو؟

نوره وهي تلبس جوتيها طالعت النايفه /..........

نزلن البنات يتريقن تحت

نوره والنايفه وهن يحب راس يدتهن/ صبحج الله بالخير

اليده وهي ترسم على ويها ابتسامه / هلا والله صبحكن الله بالنور والمسرات (ويلسن البنات ) وصبت لهن اليده الحليب/ تريقن يله ..تراكن البارح ماتعشيتن ...نمتن على يوعكن

النايفه وهي تشرب حليب / انا يوعانه حدي

نوره ولا مدت يدها على شي ويلست اطالع الارض وجنها سرحانه

اليده استغربت من نوره / اشفيج نوره ...ليش ماتاكلين يابعدي

نوره واللي ولا انتبهت وللحين اطالع تحت بسرحان و تحدق في عــــــدم

النايفه وهي تمرر ايدها جدام عيون نوره وتتبتسم / ... وين رحتي؟

نوره واللي انبهت على النايفه / ها...ولاشي ولا شي ( وفيها نبرة ارتباك)

اليده وهي اطالع نوره بغرابه / علامج يمه ...ليش ماتاكلين؟

نوره وهي اطالع يدتها وتبتسم لها ابتسامه صفراء وتمد ايدها على التوست اللي جدامها

النايفه / يدتي وين اخواني

اليده / اخوج عناد طلع من اشوي مر عليه عاصي وكايد للحين ماقعد توه الساعه8 يقعد

اكلت نوره من التوست اشوي وردته مكانه من اسمعت اسم كايد وطالعت بساعتها اللي في يدها / يله النايفه قومي تأخرنا

اليده / مااكلتي شي يمه

نوره / خلاص يدتي شبعت الحمدالله

اليده / ياابوج مااكلتي شي

نوره وهي توقف / الحمدالله شبعت يدتي عاد ...يله النايفه


*****************

مرت الايام وجنها شهور على نوره وهي تنطر ردة اخوها عشان يردون بيتهم وترتاح
وصارت النايفه تحاول انها اداري نوره لانها تخاف تنهار زي ذيج المره ...اما عناد فكان طول الوقت برا البيت وكايد كان يحاول يتحاشى يشوف نوره ... ونوره صارت على طول حابسة نفسها بالغرفه وقليل ماتنزل تحت ... هالمرة نزلت تحت لان يدتها نادتها...

اليده وهي اطالع نوره بااستغراب / شنو فيج يابنيتي دومج يالسه بروحج فوق ...فيه احد مضايجج

نوره واللي طالعت يدتها مستغربه من سؤالها / لا يدتي شنو احد مضايجني...بس انا ايلس فوق اذاكر

اليده وهي متعجبه / دايم تذاكرين!

نوره / أي يدتي تخبرين هذي اخر سنه لي لازم اييب مجموع

اليده / الله يوفجج يمه...عاد نبي تيبين منتاز

نوره واللي ضحكت من يدتها يوم قالت منتاز (آآآآآه من زمان ماضحكت )/ ان شاءالله يدتي اييب منتاز على قولتج؟

اليده ومافهمت نوره شتقصد يوم تقول على قولتج وليش تضحك / شيضحكج انتي الحين ؟

نوره هي تختفي ضحكتها / لا يدتي ولا شي

اليده/الا وين النايفه مانزلت وياج؟

نوره وهي تفرقع في اصابعها / فوق يالسه

اليده / وليش مانزلت وياج؟

نوره/ بتنزل الحين ...بس بتكمل اللي ناقصنها من الدروس وبتنزل ... تخبرين يدتي ماباجي شي على الامتحانات ( كانت تتكلم وهي متوتره تخاف كايد ييي وهي يا لسه عند يدتها ماتبي تشوفه او تقابله)

اليده / متى اختباراتكن؟

نوره / خلاص يدتي مابقى شي بس يمكن باقي حوالي ..............( وقطعت كلامها اول ماشافت كايد ياي صوبهن)

كايد يا ويلس مجابل نوره / مساكن الله بالخير

اليده / هلا بوليدي مساك الله بالنور والسرور ( تتكلم وهي راسمه على ويها ابتسامه عريضه)

نوره وهي اطالع تحت وتتحاشى ان نظراتها تطيح على كايد / عن اذنج يدتي

اليده / وين بتروحين توج نازله ماامداج بتردين لغرفتج

نوره / بطلع بالحوش ( ردت وهي تمشي بطريجها للحوش)

اليده ماعارضت نوره واجبرتها تيلس وياهم بالعكس خلتها على راحتها وطالعت كايد / شعندك لابس ... وين بتروح ؟

كايد / بطلع ربعي متيمعين وبروح لهم

اليده وهي تتذمر/ عافانا الله انتم دايم برا ...ماتقرون

كايد وهو يبتسم ليدته/ يدتي شنو تبيني اسوي ايلس اهنيه ...بطلع اتونس مع ربعي

اليده وبنبرة قلقه / واخوك عناد وينه ؟

كايد / اكيد تلقينه ويا عاصي

اليده / الله يهديكم ويصلحكم

كايد وهو يوقف / يله يدتي في امان الله بطلع

اليده / في امان الكريم ... تحمل على نفسك

كايد وهو يمشي بخطواته الكبيره / ان شاءالله

طلع برا البيت كايد وشاف نوره يالسه بالحوش في ذاج الصوب عند الحوض ( الحوض اللي كانت يالسه عنده ايام ماابوها كان بيي ياخذها يوم اقولها بتزوجج آآآآآآآه يانوره ) قرب من صوبها وسمع نوره تتكلم بس موواضح الصوت قرب اكثر عشان يسمع زين ...كانت نوره معطيه ظهرها كايد ومادرت عنه انه وراها كانت يالسه تقول بصوت ظاهر بس وااااااااطي ... وكانت نغمته حزينه ...ويعتصره الالم ...كانت تغني بس بصوت واااااطي ...بصوت موسيقي حزين ...بلحن شجين...كان صوتها غاوي رغم نغمة الحزن اللي فيه بس كان غااااااااااااوووووووووي بقووووه...كانت تحس بالكلمات ...تحس ان المها مكمون في هالكلام كانت تقول ...

انت موقد الكلام ...
كل يوم ولك كلام...
انت تلعب بالقلوب...
انت جاهل بالغرام ..
(كايد وقف في مكانه ولاقدر يتكلم ولا يتحرك ونوره ماتدري انه وراها ومواصله تغني )
انت موقد الكلام ...
كل يوم ولك كلام...
انت تلعب بالقلوب...
انت جاهل بالغرام ..
ابتعد عني بعيد ... ماابي حبك يزيد ...الهوى شوق وعذاب ...انت مو داري اكيد...
انت شخص بلا ضميــــر...
لا تحب ولا تغيــــــــــــر...
انا مثلك مالقيـــــــــــــــت...
لا كبير ولاصغيـــــــــــــر...

لحظتها كايد همس بصوت مخنوق / نـــــــوره

سكتت نوره ولفت صوب الصوت على طول وشافته شافت كايــــــــــد ... وقفت من غير شعور... وطالعته " عينها بعينه" ...طالعته وكانت عينها جنها تلمع حزن ...طالعته بقوووه وجنها تتفحصه... وكانت فاتحه فمها مندهشه انه كان وراها وكان بعد يسمعها...

خيم عليهم الصمت ... وكان كل واحد منهم يحدق في ويه الثاني ...كان كل منهم يتمنى موته ولا تتقابل نظراتهم مثل الحين ... حاولت نوره تبعد نظرها وتمشي لكن حست بتجمد ولا قدرت تتحرك والا تنزل نظرها...والا تحاول تخفف من حدة نظرتها لا كايد وقفت بكل برووود الثلج وهي موقادره تتحركــ...

همس كايد وعيونه بعيون نوره وهو الثاني مو قادر ينزل نظره همس بسؤال لها / منو تقصدين بااغنيتج ......( وسكت) ولمعت عدسة عينه العسليه بالحسره / تقصديني صح ؟ ( قالها والعبرة خانقها ... والحسرة واضحه في عيونه ... والتعاسه ظاهره على ملامح ويهه <<<قالها بصوت مأسور احزان وبنبرة باكيه ومخنوقه قهر ...مخنوقه الم ... ممزوجه بالحسره

خيم عليهم الصمت للحظات وعيون نوره في عيون كايد للحين وقطعت نوره هالصمت برد حزين / كايد انت بعتني ...انت قلتها بلسانك " ماابيها" خلاص انت ماتبيني ...ليش الحين ياي تكلمني ...شنو بتقول بعد ... شنو بتوعدني فيه بعد (وبلعت ريجها )

رد عليها كايد وهو جنه يترجاها/ نـوره ارجوج افهميني ...انا للحين عند كلامي ...انا احبج وللحين احبج بس ماابي اتزوجج لان اخوي يحبج ...انا احبك وبنفس الوقت ماابيج...نوره ارجوج افهميني
" يااااااه ليش ردك قاسي جذيه ...ليش تقول حذيه ...ليش ؟يعني انت كنت تلعب في قلبي ...خلاص بسهوله تقولها جذيه وبويهي بعد " ماابيج" ليش ياكايد ليش؟ كان ودها تصرخ بصوت عااااااالي ...تصرخ بويهه ...تصرخ بويهه...وتقول انت كذااااااااب ومو قد الكلام ...طالعت نوره كايد ومن غير شعور ومن غير استئذان وبحرقه وقهر سالت على خدها دمعه من بين دمعاتها المأسوره في عينها الحزينه ...سالت دمعه حاره وهي اطالع كايد ... وبعدت نظرها على طول ومشت بطريجها بخطوات هادئه ..اطالع الارض وعيونها مليانه ادموع لدرجة انها شكلت على عينها ضباب من كثرتها ...مشت بطريجها وهي تشوف الدنيا ...ظلام ...احزان ...جروح... تعتيم... سكون... ويتردد في اذنها كلمة كايد ( احبج بس ماابيح... ماابيج ...ماابيج)
آآآآآآآآآآآه احبك ياكايد وللحين احبك ...احب الشخص اللي عشت ايام طفولتي وياه واللي كان حلمي انه يكون حبيبي ...حبيته لانه هو كان فارس احلامي ...حبيته حب ...هو اللي وقف وياي يوم امي ماتت ((( اهنيه زادت دموعها بالسيلان))) هو اللي اعترف لي بحبه وقالي اعتبريني امج وابوج واخوج وكل شي بدنيتج وانا اللي اعتبرته بمثل ماقال ...وملك قلبي وصار قلبي هو محله ... وبيوم واحد ينهدم كل شي ويي يقولي بكل برود ويوايهني ويقول " احبج بس ماابيج " شقصده؟ أي حب هذا ...آآآآآآآآه ياكايد ليش تسوي جذيه ...وانت تحبني .
دخلت الغرفة ( والنايفه مو موجوده يمكن كانت بالصاله عند يدتها بس نوره ماشافتهم)
ويلست على الارض بالزاويه ضمت ركبها لصدرها ودفنت راسها بينهم وجتفت يدينها على ريولها... وكانت عيونها في حالة ولاده للدموع يلست تصيح وتشاهق ودموعها يسيلن على خدها تنزل دموع وتنزل دموع وجن احد يشجعهن بالسيلان ...عيونه متروسه دموع ... وخدها مبلل بالدموع ...ليش ياكايد ليش ؟ ليش دست على حبنا ليش...آآآآآآآآه ...ليش يمه تركتيني ليش ...ليش انت ياكايد بالذات ...ليش تقول جذيه وجن احد موصيك على تعذيبي ليش .؟

وهي دافنه راسها ودموعها مبلله خدها ردتها الذاكره ليوم مضى ومستحيل يرد ...(آآآآآه تذكر ياقلبي يوم طلعنا للملاهي تذكر ...كنا بس احنا البنات والعيال بس ومحد راح معنا غيرهم كانت طلعة شباب بس كانوا كل اعيال خوالي وخالاتي ماعدا فهد اخوي وماجد خالي كانوا في بريطانيا...كان ثاني ايام العيد قبل سنه يعني...يوم ركبنا لعبه قووووووووويه تخووووووف ...كنا احنا يالبنات في قارب والعيال ورانا في قارب ثاني كانت اللعبه ان القارب يصعد فينا لمكان عااااااااااالي مررررره نقدر نشوف فيه البلاد كلها و بعدين ينزل فينا لمكان منحدر قوووووووي كان منخفض بقووووووه وجنك بطيح من القارب وتموت... البنات في البدايه خافن اشوي بس بعدين صار عندهن الوضع عادي واستانسن والعيال كانوا يغنون وهن من صرقعتهن يالسات يصفقن وياهم هم يغنون وهن يصفقن كنت انا بمووووووت من الخوف لدرجة من انحدر فينا القارب حسيت اني بموت ويلست اصيح وربي دموعي نزلن على خدي وجني طفل صغير يلست اصارخ بكل صوتي واقول للهندي يوقف اللعبه لكن الهندي مارحمني ورحم صراخي ولا وقفها لانه متعود على الصراخ والصياح ...انا يلست اصيح ماقدرت امسك نفسي وكنت اصرخ بصوت عالي واقول /بموووووووووووووت وقفها ياحيوان ... وكنت ابجي بقوووووووه محد حس فيني وحاول يهديني من بنات خوالي كانن لاهيات بالتصفيق والوناسه كنت متمسكه بالنايفه والنايفه موليه ماكانت حاسه فيني كنت اهزها وانا منقهره/انتي ماتخافين ؟ رد فينا القارب وصعد فينا لفوووووووووق يلست اصرخ خلاص مو قادره ... كنت مووت خايفه ...هو بس اللي حس فيني ...وصرخ بصوته الجهوري للهندي ويقوله يوقفها
لكن الهندي ماسمع كلامه الا زاد في سرعة القوارب ...لان اعيال خوالي كانوا يقولون له يزيد السرعه وكايد كان يهاوشهم / كيف تبون تزيدون لسرعه وانتم تسمعون صياح نوره؟
كانوا يردون عليه ويقولون / يامعووود هذي تتدلع
كان بس صوتي اللي ظاهر من بين بنات خوالي
وقفت اللعبه بعد ماطلعت روحي وكلهم نزلوا ...مابقى الا انا كنت خايفه انزل لان كان بيني وبين اسفلت الملاهي ماي ولازم اني انقزه كانت مساحة الماي موب كبيره بس تحتاج لنطه صغيره بس انا كنت خايفه لاني كنت حاطه في بالي لوبقوم بيميل فيني القارب وبطيح في الماي لا وحاطه في بالي بعد ان الماي فيه كهرباء وكنت اخاف يكهربني لان البنات خوفوني يوم كانت اللعبه تشتغل واحنا في القارب كانن
يقولن ان الماي فيها كهرباء ولو تحركتي بتشفطج كانن يخوفني ...ويقولن لي قصه ان فيه بنت كان شعرها طويل وركبت هاللعبه وكهرب الماي شعرها وشفطها ...كان المفروض يهدني الا هن يخوفني زياده...يو صوبي كلهم يقولون لي نزلي لان فيه مجموعه بتركب القارب ...يلست انا اصيح عليهم واقولهم موب نازله خايفه من الماي
...كانت كل الانظار علينا ...وكل الناس مستغربين مني هم يحسبوني يوم اصرخ في اللعبه ادلع لان كثير بنات يصارخن دلع استغربوا يوم شافوني اصيح
يو البنات لي وقالوا لي انزل لكن انا يلست اصيح وقلت لا موب نازله
بعدها يلست اتلفت يمين ويسار كلهم راحوا مابقى احد يالس عندي
سمعت صوت كايد يقولي/ يله نزلي نوره
يلست اصيح عليه وكنت دايخه بعد من اللعبه ورفضت اطلع من القارب
ياصوبي وجرب مني مسك ايدي وانا اصيح واقوله لا مو بطالعه خايفه ...انحنى علي عشان يطلعني من القارب طلعت من القارب بعد صياح ودموع كان كايد ماسك ايدي وايده الثانيه كانت ورا ظهري فجني بعد مانططني من مساحة الماي وانحنى عشان ياخذ عقاله اللي طاح بالماي ( كان لابس دشداشه وغتره وعقال مو مثل باجي اعيال خوالي اللي كلهم لابسين بناطيل)نزل ايده بالماي عشان ياخذ عقاله صرخت بصوت عالي/ بيكهربك الماي فيه كهربا
لف علي وباايده عقاله مبلل ماي وهو يرسم على ويهه ابتسامه عريضه / أي كهرب مافيه كهرب هذا ماي عادي

قلت بتعجب / بس البنات يقولون فيه كهرب وانه مكهرب بنت

ضحك علي وبصوت عالي /هههههههههه يلعبون عليج بس يمكن بيخوفونج ( وطالع عقاله المبلل وعلى طول طاحت عيونه على جنطتي) وقال بكل لطف / تقدرين تحطينه بجنطتج لاني مااقدر البسه مبلل
طالعته وعلى طول طالعت جنطتي وابتسمت له / أي عطنياه جنطتي كبيره تاخذه ( ومديت يدي واخذته وحطيته بجنطتي )
سألته / وين راحوا ؟ ( وكنت اقصد البنات)

كايد وهو يأشر على ذيج اللعبه / يلعبون في هذي

وطلع مني صوت شهقه بقايا الصياح

طالع فيني بكل حنيه / لا تبجين نوره انا وياج


• ردت تدفن راسها بين ركبها ...آآآآآه ياكايد كنت دوم انت اللي تسكتني اذا بجيت ...يوم ماتت امي انت اللي وقفت يمي ( واجهشت في الصياح وزادت دموعها بالسيلان ورفعت راسها: )يوم كنت صغيره اذا بجيت انت اللي تسكتني...دومك كنت وياي ... ودومك انت اللي تسكتني اذا صحت ... منو بيسكتني ويهديني الحين منو..؟ وانا اصيح الحين بسببك ؟
ردت ودفنت راسها بين ركبها ويلست تصيح وارتفع صوت اصياحها ... وشهقاتها...




بالمقابل كايد يلس عند الحوض مكان نوره كانت يالسه ...كان جدامه شكل نوره يوم سالت دمعتها ومشت من عنده ...آآآآآآآه ادري يانوره اني قسيت عليج بكلامي بس صدقيني انا احبج بس عناد اخوي ...قولي لي كيف اخطبج وخاطر اخوي فيج كيف كيف كيف ... كان وده يصرخ ويقول ((( افهمووووووني ...حسوا فيني)))
غطى ويهه بيدينه وهو يحاول يمسك نفسه عن انه يصيح
فجأة سمع صوت الباب الخارجي لف صوبه بعد مابعد يدينه عن ويهه شاف عناد وشافه عناد ويا صوبه عناد يمشي / اشعندك يالس اهنيه

كايد واللي تنحنح بيغير نبرة صوته / جذيه

عناد وهو يدخل سويج السياره بجيبه ويلس صوبه / زين اني لقيتك برا ... احسن من داخل

كايد ومن غير نفس / شنو عندك؟

عناد وهو يبتسم لاخوه / اوف اوف ...الشيخ ماله نفس موليه

كايد وهو يمسح ويهه بيده / عناد تكلم شنو عندك مالي خاطرك والله

عناد وهو راسم على ويهه ابتسامه /شفيك معصب ...ياابن الحلال الدنيا ماتسوى تعصب عشانها ...ياشيخ الدنيا فانيه واثنين في اربعه ثمانيه

طالعه كايد بعصبيه / اخلص شعندك ؟

عناد / اسمعني انا موب مطول عليك ولا مطول كلامي ...وانا بتكلم من غير مقدمات"حس كايد بجدية اخوه وتركه يكمل كلامه " / كايد انا ادري اني داخل بينكم غلط " لحظتها كايد طالعه واستغرب من كلامه " شنو يقصد" >>قال بنفسه( كمل عناد كلامه)/ اسمعني ياخوي انا فعلا داخل غلط ومال لحركاتي داعي ...ادري انك تحب نوره " لحظتها كايد نزل راسه يطالع بالارض " وادري انك كنت ناوي تتزوجها ودريت بعد انها تحبك ودريت اني فغلا للحين مراهق والا شنو دخلني في نوره وفيك ... اثنين يحبون بعض انا شلي وشنو علي ...كايد يااخوي ماابيك تهدم حياة انت مااابتديت فيها وانا اكون السبب ...ياخوي وغلاوتي عندك نوره درت بالموضوع كل اللي ابيه منك انك بس ترد المياه لمجاريها وخل خالي راشد يخطبها لك من ابوها ...صدقني انا ماابي اكون سبب في تفريقكم ( كان يتكلم بهدوووووووووء)


طالعه كايد ووقف من مكانه وقال بنبره حاده / انا صج احب نوره وللحين حتى احبهل بس خلاص ماابيها

عناد واللي وقف من سمع كلام كايد ومسك جتف اخوه / شنو ماتبيها ...شنو غير والا علشاني ...صدقني انا..........

وقطع كلامه كايد/ لا تقول شي ...انا خلاص قلت كلمة وقررت................

 

[n-o-n-a]

الجزء السادس عشر


ليه يادنيا مالج امـــــــان ***وليه في الحب مالي مكـــــــــــان
ليه الهوى في ذا الزمان ***غدر وخيانه وفرقا وحرمــــــــان


في بريطانيا


فهد / ياسلاااااااااام خلاص مابقى غير اسبوعين ونرد البلاد

ماجد/ أي خلاص ونفتج من الدراسه

فهد / وناااااسه ( يتكلم وهو شاق الحلج)

ماجد/ النايفه ونوره هذي اخر سنه لهن صح في الثانويه

فهد/ أي خلاص بعد هن بيفتجن من الثانويه

ماجد/ شرايك نكلمهن تلقاهن الحين محتاسات

فهد / أي والله صج خلنا نكلم من زمان ماكلمنا

ماجد / انا بتصل على نوره ( ماجد وهو يتصل ) على الله يمسك الخط

• مسك الخط وردت عليه نوره على طووول


نوره وهي شاقه الحلج / مرحبا ملايين ولا يسدن

ماجد / هلا والله بالغاليه

نوره/ منو وياي فهد والا مايد؟

ماجد/ لا خالج ماجد مو " ماجد" >>>(يقلد على صوتها ) بعد تقول اسمي حاف جذيه ماجني خالها ...ماشي احترام

نوره /هههههههه ولا تزعل خلاص بقولك خالي بس اسمعني انت متصل تسلم والا متصل تسمعني محاضره

مايد / ههههههههه ...اخبارج يالغلا

نوره ومن غير نفس/ زفت محتاسات حوسه انا والنايفه

ماجد / تهون ان شالله بس يله عاد شدي حيلج نبي نسبه ترفع الراس مو تييبين لنا نسبه خايسه

نوره / افا عليك يالغالي انا نوره

فهد وهو يتهاوش هو وماجد على السماعه بياخذها منه / هلا النواري

نوره / فهد ... هلا والله

فهد وهو ماسك السماعه بقوووه وخايف يجرها منه ماجد/ اخبارج

نوره / مشتااااااااقه لك

فهد / خلاص كلها اسبوعين ونرد لكم

نوره / مهندسين ها ياسلام من قدكم

فهد / أي يله عاد دوري لي حرمه

نوره / ههههههه ياهزه الحرمه بس انت رد

فهد /نوره ...اخبار امي

نوره واللي سكتت ماتدري شنو تقول /...............

فهد / الو ...انتي وياي ( والصوت بدا يقطع)

نوره / مااسمع يقطع

فهد / اخــ...................

نوره / .............

وانقطع الخط بينهم .

نوره / اف الحمد الله انه انقطع الخط بيني وبينه والا كان شنو بقوله

النايفه وهي تدخل الغرفه وشافت نوره وهي تتكلم / بسم الله علي انتي منو تكلمين؟

نوره وهي تلف صوب النايفه / توقعي منو كلمني؟

النايفه / مدري ...منو؟

نوره وبفرح / فهد وخالي ماجد

النايفه واللي ابتسمت معبرة عن فرحتها / صج

نوره / والله

النايفه / تصدقين قبل اشوي كنا نسولف عنهم انا ويدتي ونقول من زمان ماكلموا ...الا صج ليش مااتصلوا على الثابت عشان يدتي

نوره / مدري عنهم

النايفه / شنو من عندهم

نوره / لا بس داقين جذيه يشوفونا مع الامتحانات

النايفه / اها

نوره وهي تنزل راسها وقالت بحزن / فهد سألني عن امي

النايفه وبخوف / وشنو قلتي له

نوره /............ ( وطالعت بالكتاب اللي جدامها وجنها اسرحت)

سكتت عنها النايفه وماحبت تسألها مره ثانيه

بعد جذيه ساعه ارفعت نوره راسها وطالعت بالنايفه اللي سادحه على السرير وحاطه الكتاب على ويها وحاولت تكلم بأي شي تبي تغير افكرها وذكرياتها اللي في بالها الحين / ياويلي يالنايفه احس اني خايفه من الامتحانات احس ماراح اييب نسبه حلوه

النايفه وهي ترفع الكتاب عن ويها / افا الدافوره نوره ماتييب نسبه

نوره / ههههههه حرام عليج اللي يسمعج يقول اكل الكتاب اكل

النايفه / وانتي تاكلين الكتاب اكل ...الظاهر عندج وجبه لذيذ

نوره / ههههههه حرام عليــــــج

النايفه / شنو حرام علي ...انا صاجه
نوره / نايفوه وجعوه ...ان كنت دافوره انا مثلج

النايفه وجنها تستفز نوره / لو انج مثلي كان الحين ماله من المذاكره ...بس انتي ماتملين على طول وزوزوزوزوزوز تذاكرين بسم الله

نوره / وجع قولي ماشاءالله

النايفه وهي تهز راسها بالنفي / نو نو ( وغطت ويها بالكتاب وجنها بتنام)





• مرت الايام بسرعه ونوره والنايفه يختبرن... وكايد خلص من الامتياز ( طبعا كلكم تعرفون ان كايد كان يدرس طب) وهو الحين يالس ينطر قرار تعيينه ... وعناد بعد خلص هو وعاصي ويالسين ينطرون النتايج... واميرة وعبدالعزيز ومتعب وريميه قرروا ان يكون زواجهم بليله وحده في الاجازه ...اما نوره وكايد كل واحد منهم يحاول يتحاشى الكلام او انهم حتى يطالعون بعضهم ... ونوره للحين حاسه بنزف جرحها اللي لا يمكن يندمل ...( فعلا شي صعب وشي جارح لما تحب انسان وانت متأكد انه يبادلك نفس الشعور فجأة تنصدم بكلمه يقولها لك بكلمة تجرح قلب نبض باسمه ... "ماابيها ")... واما كايد كان كل دقيقه ينبض فيها قلبه يتعذب وكل لحظه يعيشها يحس بالالم ... بالحسرة ...بالبؤس... التعاسه ...مشاعره مظطربه بين لسان جارح وبين قلب مجروح من لسانه ...كان يحس بالقهر ...يحس انه فعلا جرح حبه ... وطعن قلب محبوبه ...طعن قلب ينبض بااسمه وحبه ...آآثر بحبه عشان اخوه ... كان بااختصار عاشق يتعذب بسبب تخليه عن حبه.... اما عناد فالوضع عنده صار عادي ...صار يكلم نوره عادي ولا جن شي صار متناسي كل شي يعني ( يجتل الجتيل ويمشي بجنازته)



• بكره اخر يوم للبنات في الامتحانات


النايفه وبفرح / فكه بكره اخر يوم لنا

نوره / ي ونخلص ... وناااسه

النايفه وبتملل / تصدقين مالي نفس اليوم اذاكر احس خلااص راحت طاقتي

نوره / يوم ماباجي الا يوم بتخربينها ذاكري اليوم وبكره خلصي طاقتج

النايفه / والله متى ماطقت براسي اذاكر ذاكرت مالي نفس اذاكر الحين

نوره / ذاكري الحين طيب

النايفه وهي تقوم وتفتح الباب وجنها بتطلع / مالي نفس ...بروح انزل اسولف مع يدتي تنزلين وياي ...

نوره / لا انا بنزل للحوش اذاكر فيه ...

النايفه هي تطلع من الغرفه / بكيفج


في الحوش


نوره كانت رايحه راده " تمشي" <<<< تذاكر

وصوت الباب الخارجي ينفتح ودخلوا العيال ( عناد و عاصي و رعد و كايد و غالي و عبد العزيز و متعب )

" نوره كانت لابسه شال على رسها وماانتبهت على صوت الباب لانها كانت مركزه تذاكر

العيال / السلام عليكم

نوره واللي انتبهت عليهم ووقفت عن مشيها / هلا وعليكم السلام

عناد واللي الوضع عنده فري وناسي كل شي سواه/ بل يا الدافوره تذاكرين لا وبعد داخله جو

عاصي يضحك/ نوره عارف الناس اذا صار عندهم اخر يوم مالهم نفس يفتحون الكتاب وانتي تذاكرين وجنه اول يوم

نوره وطالع عاصي / بسم الله علي قول ماشاءالله

العيال / ههههههههههههه

عاصي / ابشرج نجحت انا وعناد

نوره / صج على البركه

عناد وعاصي / الله يبارج فيج
نوره وجنها تنغز بكلامها/ مايذاكرون وبعد نجحوا ... والله الدوافير انتم مو انا

عناد / بسم الله علينا قولي ماشاءالله ( يضحك)

متعب / نوره وين يدتي

نوره وهي تأشر بيدها على باب الصاله / داخل في الصاله ...عندها النايفه؟

رعد / والنايفه ليش ماتذاكر

نوره / مدري عنها تقول مالها نفس وخلصت طاقتها


عناد ( يضحك) / وانتي ماخلصت طاقتج ههههه

نوره واللي قلدت صوت عناد / لا ماخلصت واقلب ويهك ( نوره كانت متعمده انها تتكلم ويا عناد لان كايد كان واقف معاهم)

كايد وبصوت حنون / يله شباب خلونا ندخل نترك نوره تذاكر ضيعنا وقتها

ومشوا العيال وقبل لا يمشي كايد طالع نوره بنظره حنوووووونه... طالعته نوره بكل حسرة والم ...فجأه انتبهت على نفسها وبعدت نظرهاوقامت تعلي صوتها في المذاكره تبي تلهي نفسها وتتناسى كايد ونظرته( وهي يالسه تذاكر تذكرت ايام ماكانت في اول ثانوي يوم كان عليها امتحان رياضيات وكان فيه مسأله موب فاهمتها ...كنت يالسه تذاكر في صالة بيتهم ايام امها عايشه ...تذكرت يوم دخل كايد عليها / نوره وين خالتي
يوم ردت عليه من غير نفس / داخل
كايد / اشفيج مالج نفس
نوره وهي اطالع الكتاب اللي بين يدينه / ومنو غيره هالرياضيات الله ياخذها
كايد / ههههههه الله ياخذها مرة وحده ...
نوره / شسوي موب فاهمة هالمسأله عقدتني بحياتي
كايد اللي يلس صوبي / وريني اشوف انا اموت بالمسائل ...هاتي اشرحها لج
وشرحها لنور ه وفهمتها ويوم قالت له شكرا طالعها بنفس نظرته هذي الحنونه )
آآآآآآآه ياكايد شكثر انت حنون ... وشكثر انت جارح


• دخلوا العيال عند يدتهم وكايد كان حده متضايج من شاف نوره ومن طالعته بنظرتها


اليده وهي ترسم على ويها ابتسامه عريضه / ياهلا والله وينكم من زمان ماشفتكم

عبدالعزيز / تخبرين يدتي مشاغل الدنيا

اليده وجنها تطنز على كلام عبدالعزيز / أي مشاغل الدنيا

عاصي وهو يطالع النايفه / النايفه ليش ماتقومين تذاكرين

عناد واللي لف على النايفه / أي صج ليش ماتقومين تذاكرين؟

النايفه ( تضحك) وجنها تطنز / عشتو ا ... عناد وعاصي ويتكلمون عن المذاكره

رعد / هههههههه هذولا اللي مو عايبينج نجحوا

النايفه والغرابه تطغي على ملامحها / صج ...متى طلعت نتايجكم؟

عناد وهو يعتدل بيلسته وجنه يتفاخر / اليوم ( وتنحنح)

النايفه وبتعجب / كيف !؟

عناد / نجحنا وبس عاد

عبدالعزيز / الله يعافي البراشيم

النايفه / زاااااااد اقوووووووول

عاصي / هههههههههه ( وانفجر من الضحك)

رعد / ههههههه تبرشمون يالنصابين

اليده وبااستغراب / شنو البراشيم؟

النايفه / هههههههه يدتي يعني يغشون

اليده وبعصبيه / بل سود الله وييهكم يامسودين الويه

عناد وهو خايف / يدتي يجذبون عليج ...مصدقتهم افا عليج انا اغش ( وهو يطالعهم بنص عين )

وعاصي يالس يضحك نغزه عناد / ويع لاتضحك ترا يدتي بتصدقهم وهي قايله لي لو مانجحت بتقول لخالي
راشد يسحب السياره منا وشلون عاد لوتدري اني غاش ...انجتم

غالي واللي سمع عناد / هههههه يعني خايف تنسحب منك السياره

سكت عنه عناد وحاول انه يغير الموضوع / الا اقول يدتي من زمان انتي مارحتي لام سعود شرايج اوديج لها

اليده واللي مشى عليها الموضوع / أي والله مالي فيها خبر والله بخاطري اروح لها ( طبعا ام سعود تصير جارة اليده قبل سنتين بس الحين هم انتقلوا لاخر الفريج تطولها اليده على ريولها بس اليده ماتقدر تروح لها الا على سياره لان ريولها تعورها وماتقدر تمشي عليهم مسافه وام سعود هي نفسها ام الرغد رفيجة نوره والنايفه في المدرسه )

النايفه / فديتك عناد بروح وياكم لرغد والله احس اني مخنوقه

عناد وجنه يطنز/ تيهزي بس ( وطالعها بنص عين)

النايفه وبرجاء / تكفى عنــــــاد

عناد وهو يسوي بيده وويهه حركه ( تعرفين توزين يدتي انتي وياهم علي)

النايفه واللي جنها فهمت حركة عناد / اسف عنـــــــاد

عناد وتجاهل النايفه وطالع بيدته / يله يدتي قومي اوديج لام سعود

النايفه / مالت عليك ...اصلا انا بروح اذاكر

رعد / ماعليج منه النايفه اذا نجحتي ويبتي نسبه ترفع الراس والله وعهد علي لاحوط فيج انتي والبنات كلكن

عناد وجنه ينغز بكلامه / ههههههه جن عندك وقت انت عشان بس تحوط فيهن طول الوقت وتليفونك بااذنك " الو حبيبتي والو عمري " تكلم فلانه وتواعد علانه بالمكان الفلاني ...

عاصي / ههههههههه صج والله

رعد وهو يضحك / جبتها عالجرح ياعناد ههههههه

غالي / ههههههههههههههه ويطالع رعد ويغمز له

عناد / قولي بس اخر وحده كلمتها متى؟

عاصي / هههههه قبل شوي يوم كنا برا مكلمته وحده

عناد / هذا لوتي

رعد / هههههههه ماعليج منه انا قلت كلمه وكلهم شاهدين بحوط فيكن اذا يبتي نسبه زينه

عناد / هذا ويهي اذا حوط فيج

النايفه / ماعلي منك ترا واعدتني وخلوكم شاهدين

متعب / ماعلي منكم انا ان شالله وقت ماتحوطون تلقون بماليزيا انا وزوجتي فديت روحها

عبدالعزيز / وانا بعد بكون في تركيا انا واميره فديتها

عناد وبكل قرف / بدوا بالتفدي ... مالت عليكم

متعب / احترم نفسك عنادوه

عبدالعزيز / اتركه اتركه يوم بيتزوج يتغير كلامه

عناد واللي انخطف لون ويهه ولف على اخوه كايد اللي كان سرحان وواضحه على ملامح ويهه الضيجه


في اليوم الثاني في الصباح

قعدت نوره من نومها اما النايفه بالويل قعدت لانها مانامت الا متأخره ...نزلن تحت عشان يتريقن ويطلعن لامتحانهن

نوره / يله النايفه مشينا

اليده / يمه ماتريقتي

نوره / شربت قلاس عصير يكفي... يله النايفه ...انطرج في السياره


بعد لحظات
نوره وبتوتر/ مالقيت (ريدي)<<<<اسم الدريول ؟

النايفه وماعطت الموضوع اهتمام / وين راح يعني

نوره / تيما >>>الخادمه " تقول انه من البارح مارد

النايفه واللي حست بجدية الموضوع وخافت / ياقردي وين راح

نوره وبنبرة قلقه/ منو بيودينا الحين

اليده واللي حست بالخوف ان يفوت الامتحان عليهن/ شوفن كايد والا عناد ؟

النايفه وبتوتر/ كايد وعناد من البارح طالعين مع اعيال خوالي وماردوا

اليده وبعصبيه / انزين روحي اتصلي عليهم شوفيهم وين خليهم يودونكن

*النايفه راحت تتصل على كايد

النايفه وبتوتر / الو

كايد / هلا

النايفه / كايد وينك

كايد / انا الحين جدام باب البيت بدخل البيت ليش

النايفه / عيل خلاص

وبندت الخط بويهه

النايفه وهي متوتره / يله نوره اطلعي كايد عند الباب

نوره كانت يالسه ولا تحركت من مكانها ...لفت عليها النايفه وهي متوتره ويرتها من ايدها بقوه / يله قومي
تمت ماسكه يدها وتيرها وراها لحد ماشافت عناد وكايد عند الباب

النايفه وبتوتر / يله واحد منكم يودينا للمدرسه

عناد وبكل برود/ وريدي وين

النايفه / مدري بس يله تأخرنا

عناد من غير مبالاة / والله انا حدي دايخ بروح انام من امس مانمت

النايفه بتذمر / اصلا انت مامنك فايده ...كايد فديتك ودنا

كايد وهو يروح صوب السياره / يله ركبن ...انا بوديكن

نور واللي كان واضح عليها التوتر وتوترت اكثر بعد ماقال كايد بوديكن يات صوب النايفه / انا موب رايحه " (قالتها وعضلات ويها تتوتر)

النايفه وهي تيرها باايدها / يله بس امشي ...منو بيوديج لو مارحتي

نوره وهي تحاول تفج ايدها بعصبيه / بروح لخالي راد يوديني موب رايحه مع اخوج

النايفه وهي ترفع حياتها / خالي راشد تلقينه من الفير طالع للحلال ( ويرت يدها) امشي يله تأخرنا مابقى شي على الامتحان

نوره وبااندفاع / بروح عيل لخالي طراد

النايفه وهي تيرها بتمشي /اليوم الاربعاء و كل خوالي طالعين من الفير للحلال...امشي يله لاتأخرينا

كايد وهو واقف عند السياره وجنه ماسك نفسه عن يضحك على شكل نوره والنايفه وهن ييرن بعضهن / يله تبن اوديكن امشن اركبن " تكلم بنبرة لطيييييييفه"

النايفه وهي تير نوره / يله امشي بلا دلع ماباجي وقت ( تكلمت بحزم)

نوره واللي لفت على كايد وطالعته وكانت عيونها تلمع بالعصبيه مثل سماء الخريف المكثفه بالغيوم وعلى طول كايد من شافها اطالعه رسم على ويهه ابتسامه ...حست بالدم يغلي في عروقها ...يرتها النايفه .... واستسلمت نوره وراحت تمشي مع النايفه اللي ماسكه ايدها وجن صدرها يرتفع ويهبط من التوتر / انزين فجيني

• تحركت السياره بكايد ونوره النايفه

تأرجحت نوره يوم تحركت السياره بشكل مفاجئ وسريع ولامس جسمها باب السياره ...عدلت يلستها ورفعت راسها وطالعت بالمرايه لقتها تعكس كايد وهو يطالعها نزلت راسها على طول وجنها تتجاهله ورفعت يدها عشان بتشوف الساعه ( اوووووووف ساعتي نسيت لا البسها ) رفعت راسها يوم سمعت كايد يطالع بالمرايه ويقول / الساعه الحين 7وربع

نوره وهي تتكلم بنفسها/ شافني وانا اشوف يدي ومافيها ساعه ...(اووووف ماعاد فيه وقت على الامتحان) يلست تكلم نفسها وهي في قمة توتر اعصابها اللي كانت اشبه بالنار المتلهبه

* وداهم كايد للمدرسه ورد للبيت وماكان نعسان يلس مع يدته اشوي وبعدين صعد غرفته ويوم كان في طريقه للغرفه شاف غرفة البنات مفتوحه ومبطله ليتاتها ...دخلها عشان يبند الليتات ولفت انتباهه الدفتر اللي كان على الدرج وكان غلافه اخضر وكان لونه رااااااااااايق يريح النظر ... وكان عليه فراشه ملصقه في اعلى الدفتر وعلى جنب ...كانت فراشه حقيقيه والوانها غاااااووووويه كان غلااااف الدفتر نعووووم وذوق

فتحه كايد وكان اول صفحه ملزق عليها ورده حمراء مجففه ...كايد شاف الورده ورجعت فيه الذاكرة6سنيييييين ( كانت الورده هذي كايد معطيها نوره يوم عيد الفطر يوم كان عمره 18سنه وعمر نوره يمكن12 سنه عطاها نوره من باب انها تكون عيديه لها ومايا في باله يوم واحد انها تكون محتفظه فيها لحد اليوم هذا وكانت كاتبه يم الورده بالقلم الاحمر بيتين قصيده لشاعر مساعد الرشيدي

دريت انك حبيبي قبل اموتك واعشقك واحياك...
وصرت اول طريقي واخر احبابي وعشاقي...
سمعت احلى احبك في حياتي كلها بشفاك ...

وكانت كاتبه بقلم رصاص تحت " عزيت قلبي فيك"

كايد / آآآآآآآه يانوره ليه عزيتي قلبج فيني ؟ والله يانوره كل اللي سويته غصب عني ...نوره انتي حطي مكانج مكاني شنو بتسوين ...قولي لي يانوره وربي اللي نزل سبع ورفع سبع ماغيرج في القلب بس اخوي يحبج <<<هذا اللي كان كاتبه كايد رد على كلام نوره)

فتح الصفحه الثانيه كان مكتوب العنوان ( كايد ياعذابي)

ماقويتكــ ياعذابـــــي لجل اخـــــــون
يشهد الله ماسكـــن قلبـــي احـــــــــد
الوله يطــــــري وتبكيه العيـــــــون
غيـــر حبك ياعذابـــــي ماوجـــــــد
صدقـــــني كان لكـــــ قلب حنـــون
ياخذ ويعطــــــي ولا غيره شـــــهد
وين حبك وين عــذباتـــ اللحــــــون
كايد ياعذابي اوصيك قلبي له لاتكيد

كتب كايد تحتها والله يانوره ماكدتج بس نار حبج هي اللي كادتني...نوره سامحيني !

وفتح صفحات ثانيه كان مكتوب فيها عبارات جريحه مثل بعض العبارات

ارجوك تفهم حب شخص وفى لك !

وكان بعد بعض الصفحات مكتوب فيها كلمات حزينه مثل ( احلى ايام العمر راحت هدر _ تحياتي لمن هدم حياتي_ وجنك على تعذيب قلبي توصيت )

ومازال كايد يفتح الصفحات ويقراها كان اغلبها خواطر وقصايد في امها كانت تقطع القلب

فتح كايد صفحه يديده وكتب فيها قصيده ( ماندري شنو القصيده بس راح نعرفها اكيد )


في المدرسه

البنات وهم طالعين من قاعة الامتحان / ياسلااااااااام عطلنا

النايفه وهي ترمي ورقة الاسئله / فكـــــــــــه

نوره / مابغينا نخلص

يات الرغد صوب نوره والنايفه / يله بنات مع السلامه انا بطلع

نوره / ليش بتطلعين الحين ايلسي اشوي كلنا بنقعد نستانس ويا بعض عاد اليوم اخر يوم

الرغد / لا مااقدر امي واخوي عند الباب ينطروني يله مع السلامه

نوره والنايفه / اوكي يالغاليه يله مع السلامه ولاتقطعين

الرغد / لا افا شنو اقطع

النايفه / الا رغوده متى عرسج

الرغد واللي نزلت راسها وقالت بكل حزن / الخميس الياي

نوره واللي فتحت فمها مندهشه / بالسرعه هذي

الرغد ونبرة الحزن بصوتها / مدري جذيه هم حددوا... ( وارتجفت شفايفها وجن في حلجها كلام عالق )
نوره واللي حست بالرغد ان عندها كلام / شفيج رغوده

الرغد واللي طالعت نوره وجنها بتصيح / امانه وياكن لا تخلني تعالن للعرس

نوره النايفه / لا اكيد بنيي اذا ماحضرنا عرس رغوده منو نحضر ( يتكلمن وهن مبتسمات)

الرغد/ ......

نوره / الا رغوده مايمديج تتعدلين

الرغد وبسخريه / هي خاربه خاربه

نوره وهي تحط ايدها على جتف الرغد / لا رغوده ياقلبي لا تقولين جذيه ...الله يوفقج

طالعتها رغد وابتسمت لهم ابتسامه بااااااارده وطلعت بعد ماسلمت على كل البنات

• تيعوا كل البنات وسون رجه وحركه في المدرسه على قولتهن وداعيه
صفن كلهن وسون لهن دائره ويلسن يصفقن ويغنن ويترقصن ويستهبلن
وقبل لايتفرقن نادن معلماتهن ويلسن يسولفن وياهن وسلمن عليهن يودعنهن
ويات النايفه بتسلم على الاخصائيه وبعد ماسلمت عليها ابتسمت لها / يله خلاص ابلى افتكيتي منا ومن شطانتنا

الا خصائيه / شدعوه افتكيت منكم بالعكس انتم( وهي اطالع البنات) حلا المدرسه وانتي بالذات كنتي محليه المدرسه

النايفه / تسلمين يالغاليه ( توها بدت تتأدب هههه)

وحده من البنات / عاد ابلى موب تنسينا

الاخصائيه وهي تضحك لهم / افا انساكم انا ...انسى شطانتكم شدعوه

نوره / ابلى انا متأكده ان بييج بنات السنه اليايه اشطن منا ( قالتها بخفة دم)

الا خصائيه / ههههههه هذا شي اكيد مثل ماانتم كنتم اشطن من الدفعه اللي راحت بتيي دفعه اشطن من دفعتكم... بس تدرون انتم كنتم احلى دفعه مرت علي

البنات وقالن كلهن بنفس واحد وبثقه كبيرة / عارفين ابلى ( ويلسوا يضحكون)

• بعدها سلموا عليها وودعوا كل منسوبات المدرسه.

على اخر شي وبعد ماسلموا البنات على بعضهم والكل خلاص بيطلع لبيته وبيتفرقون يات وحده من البنات ويلست تغني بكل رجه :
لو يموت الشوق بقلوب البشر مايموت بخافقي شوقي عليك خذ مسافة يوم ...اسبوع وشهر واعرف اني طووول عمري مشتريك ...بيننا الايام واحكام الدهر وراح تعرف شكثر قلبي يغلييييييك ... وهذي اهداء مني لكم ومع السلااااااااااامه احنا لكم احلى ابتسامه وبالتوفيق يابنات >>>> قالتها بلحن

البنات / ههههههه صج انج رجه

وحده من البنات وبخفة دم / رجه بس رزه

البنات / هههههههههههه مصرقعه
وحده من البنات وبنفس خفة دمها/ مصرقعه بس روعه

البنات / هههههههههه

بعدها سلمن على بعضهن وطلعن

طلعت نوره والنايفه

نوره وهي جنها اطالع / هذا ماجنه كايد

النايفه / أي هذا كايد

نوره وهي تغير مسارها في الطريج وجنها بترد تدخل المدرسه

النايفه / وين بتروحين انتي امشي نركب السياره

نوره وجنها تصرخ بويه النايفه / موب رايحه مع اخوج

النايفه وهي تبتسم وجنها تطنز / واللـــــه ... ماجنج اليوم الصبح ركبتي وياه والا ناسيه

نوره وبنبرة حاده / اليوم الدريول مو فيه واكيد الحين يمديه يا ... شنو يايب اخوج كان ترك لدريول ييي

النايفه وجنها اداري عقل نوره / انزين شنو نسوي عاد يا كايد؟

نوره /روحي انتي وياه وارسلوا لي الدريول

النايفه وهي ماامداها تتكلم الا وشافت كايد ياي صوبهن/ اشفيكن واقفات بنص الطريج

النايفه وهي اطالع نوره وبتملل / الاخت ماتبي تروح

كايد وهو مستفهم / ليش؟

النايفه وماامداها تتكلم الا ونوره قاطعتها وقالت بااندفاع / خل الدريول ييي ياخذنا

كايد واللي ابتسم وهو يخفي وراء ابتسامته ضحكه /الدريول اخذينه خوالي وياهم للبر

النايفه وبعصبيه/ يله نوره ...احرقتنا الشمس

نوره وباارتباك / خلاص روحوا انا بيلس

ضحكوا النايفه ونوره على على اسلوب نوره

كايد / شنو تيلسين ؟ منو بييبج ؟

نوره واللي طالعت الارض وشفايفها ارتجفت وجنها بتتكلم بس سكتت

جرب من عندها كايد ومسكها مع ايدها ويرها بلطف / يله نوره امشي الشمس احرقتنا ( قالها بصوت مفعم بالحنان والدفء) وابتسم لها بطريقه خلت قلبها يزيد نبضه...استسلمت نوره لمسكة كايد ليدها وراحت تمشي بجنبه وهو ماسك يدها بكل دفء وحنان ...فجأة انتبهت نوره على انه للحين ماسك ايدها فجتها بقوووه ...انتبه عليها كايد وسكت.
• ركبوا بالسياره وردوا للبيت وطول الطريج مادار بينهم أي حديث

دخلت النايفه البيت وهي شاقه الحلج وتيبب/ قولولولولولولولوش

اليده وهي تضحك/ كل هذا مستانسه عشان خلصتي

النايفه وهي تبتسم / احد مايفتج من الثانويه ومايستانس

عناد / ياحظج... عقبالي

اما نوره اللي كانت متوتره ومو أي توتر متوتره بقوووووووه / عن اذنج يدتي بروح انام

اليده / انزين تغدي ونامي

نوره وهي تلف بتصعد فوق / لا يتي ماابي موب يوعانه

اليده / على راحتج عيل

النايفه / انا بعد بروح انام

اليده / وانتي ماتبين تغدين

النايفه / لا يدتي ماابي


* * *


نوره وهي يالسه تتقلب على سريرها موب ياينها نوم / اوووووووف...( كان مافي بالها هذي اللحظه ولا بين عيونها الا صورة كايد يوم يمسك يدها اليوم...طالعت بيدها وهي تتخيل يد كايد الحين ماسكتها) آآآآآآه ياكايد كنت حبيبي وكنت روحي وكنت اموت فرحه اذا شفتك وافرح اكثر اذا كلمتني لكن الحين صرت اكره اني اشوفك صرت اكره اني اكلمك واكره ان عيوننا تتقابل ...كنت احبك وللحين احبك لكن جرحك لي اكبر من الحب واكبر من كل شي صرت كل مااحاول اكلمك احس بيننا مليون حاجز وحاجز ...احس اذا شفتك ياكايد اتذكر جرحك...والله جرحك لي مو مثل أي جرح ...انت طعنت قلبي ...انت طعنت قلب حساس ينبض بااسمك ...انت طعنتني كأي حبيبه انطعنت بكلمة قاسيه ...جارحه ...قويه ... طعتني برفضك لذاتي ....انت هدمت حبنا عشان بس تبني حب غيرك ...

الله اكبر
الله اكبر
نوره / بل اذن لعصر ياسرع الوقت صج...اووووف مانمت

بعد ثواني قامت نوره تتوضأ لصلاه العصر...صلت العصر ...بعدها قعدت تقرا قران ( سورة يس ) >>>( وفضل سورة يس بعد صلاة العصر كبييييييير)

بعدها قعدت النايفه ورحن يحوطن في الحوش


*************************************


اليوم الخميس ( زواج زايد على الرغد)


نوره والنايفه عند بنات خالتهن ( ريميه وشوق وغزل وكل البنات متيمعات هناك عشان بيروحن كلهن للعرس يالسات ينطرن متى متعب ييي عشان هو اللي بيوديهن اما اليده فهي رايحه للعرس من العصر عند ام سعود )

في بريطانيا

فهد / ماجد ترا بكرة لازم نوح نحجز تذاكر

اما ماجد اللي كان سرحان في جو ثااااااااني وجن قلبه حاسه ان فيه شي/ فهد

فهد / هلا

ماجد وبحزن/ احس اني مقهوووووووووور

فهد وملامح ويهه غطت عليها علامات الاستفهام / من شنو ؟

ماجد / قاهرتني الرغد من زماااااااااان ماكلمتني لنا شهر وهي ماكلمت ولا سألت خير شر ( اكيد كنتوا تتسألون من بدايه القصه شعلاقة الرغد بماجد وشنو علاقة ماجد برغد وكيف حبوا بعض وليش الرغد اساسا من سافر ماجد يكمل دراسته وهي تكلمه ...يعني من زماااااااان هي تكلمه بس ماكان احد يدري عنهم الا فهد عشانه ويا ماجد والا كان مايدري والنايفه ونوره اللي هن رفيجاتها مايدرن)

فهد / يامعود اكيد مشغوله ولا تنسى ان هذي اخر سنه لها بالثانويه ولازم تقطع

ماجد / انا عاذرها بس خلاص هم عطلوا ( ودق تليفون ماجد)

فهد / منو؟

ماجد وبفرح / الرغد الرغد ...قوم قوم اطلع خلني اكلمها

فهد وهو يضحك قام وطلع

ماجد وهو شاق الحلج / هلا وغلا

الرغد بصوت حزين / هلا ماجد (وانفجرت تصيح)

ماجد / اشفيج رغوده

الرغد وهي تصيح / ماجد سامحني

ماجد وهو مستغرب / على شنو ؟ اشفيج ؟

الرغد وهي تبلع شهاقها / سامحني ماجد

ماجد ووقف من مكانه وقلبه زادت دقاته ومو حس الا تأكد انه فيه شي / على شنو اسامحج ؟

الرغد وزاد صوت اصياحها/ ماجد ( وزادت بالصياح اكثر واكثر) ماجد الليله عرسي

ماجد ( وهو مصعوق من الخبر وقال بصوت عالي وجنه يصرخ )/ شنو

الرغد وزادت شهقاتها / والله ماجد انا كنت على وعدي بس شسوي ابوي اجبرني على زايد ولد عمي ( ويلست تصيح)

ماجد ولا قدر يتكلم /...........

الرغد وبصوت كاتم الحسرة والالم / ارجوك ماجد سامحني لاني موب قد وعدي ...بس والله انت كنت حلم دنياي وكنت حبيبي ومازلت والله ...واكبر دليل اني كلمتك اليوم يوم عرسي)

ماجد بعد سكوت طال وبصوت مخنوق بالعبره / وانا طيب وحبي لج

الرغد وهي تبلع شهقتها / ماجد غصب عني والله ابوي اجبرني ...سامحني ( ويلست تصيح)

ماجد وبصوت كاتم فيه صرخته / روحي يالرغد ؟

الرغد هي تصيح / ماجــ...............ولعبت الخطوط دورها وانقطع الخط

مايد / الو الو .... وبند السماعه

ويلس وهو حاط ايدينه على ويهه وجن الدنيا اظلمت عليه ...حس بقساوة الزمن ...حس فعلا بالحظه الفراق ...حس بلوعة الفراقى

دخل عليه فهد اللي كان من اليوم يسمعه وهو في صاله الشقه (فهد ماكان يتصنت عليه لا ...كان صوت ماجد وهو يكلم الرغد عاااااااااالي)

فهد / ماجد اشفيك؟

مايد رفع يدينه عن ويهه وهو يقول بصوت متقطع / الرغد يافهد الرغد

فهد واللي ماكان يدري شنو فيه بس كان يدري ان فيه شي لانه كان يسمع صوت ماجد بصوت عالي / اشفيها؟

ماجد وهو يحبس دموعه في محجر عيونه / الليله عرسها

فهد واللي ماجنه مصدق/ شنو

ماجد واللي اطلق سراح دموعه وجنه ياهل / خلاص يافهد الرغد لغيري...خلاص انا انتهيت

فهد وهو ييلس جنب ماجد ويحط ايده على فخذ ماجد / لاتقول جذيه ياماجد انت ماانتهيت

ماجد / شلون ماانتهيت والبنت اللي حبيتها من كل قلبي الليله عرسها على واحد غيري ...تخيل يوم خلصت دراسه ونويت اتزوجها العطله هذي واعيش انا وهي ........( وماامداه يكمل كلامه الا وهو يجهش بالبجاء)

فهد / ماجد شنو فيك تبجي وجنك ياهل ؟

ماجد وهو على خده شلال دموع/ ياليتني ياهل ياليت

فهد / خلاص ياماجد البنت مو من نصيبك ولا تصيح مثل الياهل كافي وربي كاتب لك انك مو من نصيبها

ماجد /............... ( كان مكتفي بس بالدموع )

فهد واللي مايدري شلون يهدي خاله / بس يامايد بس ان كنت تحبها فعلا ادع لها بالتوفيق

لف ماجد على صوت مسج تليفونه اللي كان ناطله على الطاوله / ( ماجد ادري انك تحبني وانك الحين يالس تصيح لاني مو من نصيبك بس تأكد لو ربي كاتب لنا نجتمع بنجتمع لوبعد سنين بس لو كنت تحبني صج امسح دمعتك...المرسل / رغد حياتي )

رمى ماجد التليفون بعيد ويلس يصيح زياده بس بصمت

فهد اخذ التليفون وشاف المسج وقراه

فهد / مايد انت تحب الرغد ؟

ماجد حس بسذاجة وغباء فهد وقال بنبرة عصبيه / شرايك ؟

فهد / انزين لو كنت تحبها صج امسح دمعتك مثل ماقالت ؟

****************************


في الزواج


الرغد ودموعها ماليه عينها يسيل كحلها كل ماسالت انهار دموعها ويعدلونه مرة ثانيه كان شكلها وااااااااايد حلو رغم الدموع اللي في عينها تلمع ورغم الحزن اللي واضح على تقاسيم ويها

نوره وهي تسلم عليها / مبروك يااحلى عروس

الرغد والدمع يتراقص في عينها / على شنو تبارجين

نوره وهي تربت على جتفها / افا رغوده شنو على شنو ابارج ... ابارج على عرسج

الرغد / هذا مو عرسي هذا قبري

نوره / رغوده قولي لا اله الا الله

الرغد وسالت دمعه من عينها وقالت في نفسها / لا اله الا الله

النايفه وبخفة دم / يله عاد انتي تتغلين ( وقالت بجملتها المشهوره في الزواجات ) منج المال ومنه العيال

الرغد رغم حزنها اللي مرتسم على ملامح ويها ابتسمت لنايفه ابتسامة صفراء

دخلت عليهم ام سعود (ام الرغد) / يله يمه الحين الزفه

الرغد وصوتها يتقطع / لايمه ماابي اطلع

ام الرغد / يابنيتي شنو ماتبين تطلعين لازم تطلعين هذي زفتج

الرغد وانطلق سراح دموعها وقالت بصوت ممزوج بين البجاء والقهر / ماابيه يمه ...ماابيه ... ماابي اطلع

ام الرغد واللي جربت من عند بنتها/ بس يابنتي لا تخربين مكياجج ...خلاص هذا ابوج وقال كلمه وخلاص الليله عرسج والحين زفتج موب فايد صياحج ولا دموعج

نوره / خلاص عاد رغوووده

النايفه وهي تتلفت يمين ويسار / صوت مسج هذا صح

نوره / تليفون صح رغوده

الرغد اكتفت بهز راسها بالايجاب

النايفه وهي تمد التليفون لرغد / تفضلي يااغلى عروس

افتحت الرغد المسج ( جذيه الدنيا دايم تفرق وجذيه الزمن عمره ماجمع الحب ...روحي في دربج ...ومن كل قلبي الله يوفقج ويسعدج وعسى الهنا دربج ... وان كنتي فعلا تحبيني انسيني ... ومبروكـــ
المرسل / هذا حبيبي)

اهنيه الرغد انفجرت تصيح وعيونها امتلت دموع غير الدموع اللي بللت خدها

نوره حست ان المسج فيه شي والا ماكلن انفجرت الرغد من الصياح سوت لهذا الاحساس طاف / خلاص الرغد يله قومي المعرس الحين بيوصل

النايفه / يله رغوده

• بعد ماعدلوا مكياج الرغد زفوا المعرس

في غرفة المعاريس

المعرس زايد وهو يطالع الرغد / مبروك

الرغد وهي منزله راسها ولا طالعته وقالت بصوت ماينسمع / الله يبارج فيك

زايد / وايد حلوووووووووه انتي اليوم

الرغد / ...........ز

زايد / الساعه 4ونص بنسافر ترا

الرغد /..........

زايد / ماقلتي وين ؟

الرغد /..........( وهي تحاول تمسك نفسها عن تصيح)

زايد / اشفيج ساكته

الرغد وهم بعد سكتت /..........

زايد سكت وماحب يضغط على الرغد بالكلام ...حط في باله انها مستحيه

بعد العرس

في غرفة البنات

النايفه / مسكينه الرغد

نوره وهي بتنسدح على سريرها/ هذا نصيبها

النايفه / والله قطعت قلبي

نوره / تتذكرين يوم يا المسج ويلست تصيح

النايفه / أي اذكر

نوره / احس الموضوع فيه ان

النايفه /هههههههه عاد انتي ام الا حاسيس كلها



في الاستراحه
وبالتحديد عند رعد ويا شلته

رعد يالس يدق في هالارقام رد عليه من هالارقام بنيه

رعد / الو

البنت وجنها تنعم صوتها/ هلا

رعد / تليفون حمود

البنت / لا تليفون فهود

رعد وقال بنفسه ( بل مااجرأها)/ هههههههه

البنت/ اخلص شعندك داق

رعد وحس انها بنت نص كم ويالها من الاخير / فيه فرصة نتعرف

البنت وبكل جرأه/ نتعرف شنو ورانا

رعد / وياج سامي وعمري 21 ( اهنيه الشباب كلهم يلسوا يضحكون وبصوت عالي)

البنت / منو عندك؟

رعد وهو ماسك نفسه عن يضحك/ لا بس هذا التلفزيون

البنت وجنها تطنز / صج

رعد / الا ماقلتي شسمج ( وجنه بيغير سالفة الضحك)

البنت / وياك اسماء

رعد وبااستهزاء / يعني مالج اسم محدد هههههههههه

اسماء / وايد خفيف دمك

 

[n-o-n-a]

الجزء السابع عشر

في بريطانيا ( ووقت الصباح)

فهد واللي توه قاعد من نومه طلع لصاله شاف جدامه ماجد/ ماجد

ماجد واللي طالع فهد وواضح عليه علا مات الارهاق والالم والحزن / نعم ( قالها من غير نفس)

فهد/ متى قعدت؟

ماجد ويشبك اصابع يدينه في بعض وينزل راسه بالم / وجني رقدت

فهد وجنه مستفهم / ليش؟

ماجد / ماياني نوم

فهد /...........

ماجد وبصوت مبحوح وبنبرة بائسه / تعتقد ان الرغد نفسي البارح مانامت

فهد وهو ييلس صوب ماجد / ماجد اشفيك انت ؟ خلاص البنيه تزوجت ...حرام عليك تفكر في وحده تزوجت...قلنا ماعليه قبل كنتم تكلمون بعض على ساس انكم تحبون بعض ؟ ماقلنا شي... لكن الحين تحرم نفسك النوم وتفكر بوحده البارح تزوجت ...يااخي الله يسعدها خلاص انساها

ماجد وطالع بفهد وجن عيونه شرار / بس ...بس ...خلاص اكرمني بسكاتك ...اصلا انت ولا عمرك حسيت في ( قالها بعصبيه)

فهد / ماجد والله انا حاس فيك بس حرام اللي تسويه في نفسك تحرم نفسك النوم ...وقولي بس من كلمتك البارح الرغد وانت مااكلت شي ( وطاحت عيون فهد على الطاوله )وقال بتذمر / اوووووووووف شنو هذا سيجاير ؟ رديت ادخن ياماجد...( وطالعه بنظره وجنه يطنز) خابرك تارك الدخان من سنه شنو غير ؟

ماجد وهو يشب سيجاره ثانيه وجنه يعاند / ........( اكتفى بس بنفخ الدخان من حلجه ونفخه بطريقه قهريه)

فهد وقال بنبره متسائله يمتزجها الغضب/ بالله بس كم دخنت بالساعه الوحده؟

ماجد /............( ونفس الشي مارد عليه واكتفى بنفخ الدخان)

فهد وبنبره حازمه/ ماجد شنو فيك ؟ الحين ياي بتنحرف وترد ادخن ليش يا ماجد ...انت اللي كنت تقول انا جبل ومايهزني ريح تتذكر يوم قالت لك الرغد قبل 6شهور انها بتقطع الاتصالات فيك ...تتذكر كان ولا هامك ...ييت تخبرني وجنك تقول تكته شنو غير؟شنو صار؟

ماجد وهو يطفي السيجاره بالطفايه ويضغطها بكل قوته وجنه مايحس وقال وعضلا ت ويهه تتقلص حزن / أي اذكر ...ويوم كنت اقولك كنت مو مصدق انها تقدر تقطع الا تصالات لاني اعرفها هي تحبني ومستحيل تنقطع عني...وحتى لو قطعت الاتصالات كنت مفكر اذا رديت البلاد بخطبها بتزوجها ماكنت متوقع ان احد يتزوجها غيري ( يتكلم ونبرات صوته ترتفع)

فهد / انزين حاول تنساها ...خلاص شنو بيفيد حزنك هذا ...؟

ماجد وهو يبلع عبرته / مااقدر ...مااقدر ...حاولت بس مااقدر كل مااحاول ابعدها عن بالي واتناساها ...تذكرت كل لحظه حلوه كانت امبيناتنا...اتذكر ( يتكلم وجنه ياهل ) اتذكر يوم كنت انا بالثانويه يوم اطل عليها من دريشة غرفتي ( كانت دريشة غرفته مجابله لدريشة غرفة الرغد ) اتذكر يوم اطل عليها وهي كانت تاقف واطالعني اتذكر يوم النايفد دخلت علي وانا كنت واقف على الدريشه اطالعها وهي اطالعني بنظرات حب ...اتذكر يوم كنا صغار نلعب سوا ... ونضحك سوا ...واتذكر يوم اول سنه يينا اهنيه في بريطانيا ويوم تغيرعلي الجو وتعبت ووصل خبر تعبي لاهلي وحتى وصلها هي لانها كانت تتبع اخباري...كانت ذاج الوقت هي بالاعدادي يوم ياني اول اتصالاتها تتحمد علي بالسلامه ...لحظتها زاد حبي لها ...زاد عشقي لها ...بعدها انقطعت هي وماعاد اتصلت لكن انا اللي اتصلت عليها لاني فعلا كنت احبها وكان هدفي شريف ...تواصلت وياها بالاتصالات وكنت ياما اقولها انتي لي ومستحيل احد ياخذج مني ... والحين احس اني مو قادر اسوي شي واليوم لها ثاني في بيت ريلها ... احبها يافهد ومستحيل احب احد غيرها ( ويلس يبجي بكل قوه لكن بصمت وصرخ بصوت عالي / موقادر انساها مو قادر)

فهد لحظتها مايدري شنو يسوي لماجد وهو يصيح مثل الياهل كل اللي سواه احضنه وتركه يطلع كل اللي بقلبه

هدا ماجد بعد ماطلع كل اللي بقلبه ومسح دموعه وفهد حاول يلطف الجو اقولك نكته

ماجد طالع فهد بنظره فهمها فهد(على ان هذا وقت النكت)

فهد وهو يتجاهل نظرة ماجد ويبتسم / اقولك فيه سوداني مات ليه ؟

ماجد وبكل سذاجه / حبيبته تزوجت غيره ( ويتكلم بجديه )

فهد وجنه يطنز/ لا متأثر بقووووووة ... وبعدين مااشوفك انت مت ( يضحك)

ماجد ابتسم له ابتسامة بارده

فهد / لان ماله خلق يتنفس ( ههههههههه)

ماجد اكتفى باابتسامه

فهد / بايخه صح

ماجد وبكل برود / عادي

فهد / يااخي جامل على الاقل قول حلوه مو (عادي) >>>يقلد صوت ماجد...اضحك يااخي

ماجد وبسخريه / ههههههههه ( هه ضحكت )

فهد وهو يبتسم لماجد / فديتك وفديت ضحكك ...يله انا بروح احجز تذاكر لنا ...تروح وياي

ماجد/ روح انت احجز لنفسك انا موب راد بتم اهنيه ست شهور وبعدين برد ويمكن اكمل ماجستير مالي خاطر ارد البلاد

فهد وبعصبيه / شنو انت قاعد تقول ...بترد وريلك على ريلي ...شنو يقعدك اهنيه ودراسة وخلصنا ...خلاص مامليت من الغربه ... ماتوهلت على اهلك

ماجد وهو يشب سيجارة ثانيه / خلاص ماعاد فيه احد اتوله عليه من بعد الرغد ( وتنهد) آآآآآآآآة ( ونفخ دخان السيجارة)

فهد اهنيه حس انه ذكره بالرغد وتدارك الموضوع / افا عليك ويدتي ماتولهت عليها وخوالي والعيال كلهم ماتولهت عليهم

ماجد / ماابي ارد وبس ؟ خلاااااااص ......( وماامداه يكمل كلامه الا ويصفق يدينه في بعض لا شعوري)

فهد واللي حس ان ماجد متوتر بقووووووه ومتضايج / اوكيه على راحتك ... بس حط في بالك ريلي على ريلك مو براد البلاد الا وانت وياي

نروح بعيد عن معاناة بريطانيا




نوره والنايفه يالسات يزرعن الصالة بروحتهن وردتهن

اليده / بس يابنات ادوختني بروحتكن وردتكن

نوره واللي حدها متوتره / شنسوي يدتي اليوم النتايج

عناد واللي كان يالس في الصاله/ مااشتركتن في الجوال يرسلون لكن نتايجكن

نوره وبتوتر / لا



النايفه وبعصبيه/ البايخين من اليوم اطلع من موقع لموقع ولا نزلوا النتايج

عناد وبضحك / اكيد منزلين بس يمكن ماعرفتي تدخلين عليهم

النايفه / شنو مااعرف ادخل ...المواقع يايبتهم من رفيجتي

عناد ومسوي فاهم / انزين شنو المواقع هذي

النايفه وبعصبيه/ شنو يعني مواقع النتايج بس ماطلع فيها شي

عناد / انزين ...شوي شوي لا تمصعين علينا

النايفه وبعصبيه وترفع حياته / صج رايق

اليده / عناد قوم ياوليدي شوف النت يمكن النايفه ونوره ماعرفن يدخلن مثل ماقلت

النايفه وحدها معصبه / شنو يدتي مانعرف ندخل...

عناد / بقوم اروح اشوف لكن النت يمكن صج ماتعرفن تدخلن ...على فكرة النايفه موب حلو عليج دور المعصبه هههههه(يضحك)

النايفه وهي تقلد على صوت عناد بعصبيه / صج والله

كايد وهو داخل البيت ويصوت بصوت عااااااالي / النايفه / نوره

النايفه واللي لفت صوب الباب اللي داخل وياه كايد / شعندك؟

كايد / يبت نسبكن

النايفه وبفرح / صج

كايد / أي ...

النايفه وبتوتر/ كم نسبتي ؟

كايد وهو يدعي العصبيه ويكشر بويهه/ يبتي يالخايسه75%

النايفه واللي صرخت متفاجأة/ لا ...شنو هالنسبه

نوره واللي تكلمت وهي متوتره / وانا؟

كايد وهو يطالع بنوره/ يبتي 79%

نوره فتحت فمها متفاجأة/ شنو؟ ( قالتها بعصبيه )

عناد وبضحك / عافانا الله شنو النسب هذي أي كليه بس بتقبلكن

اليده / يعني ماتقبلهن الكليات
نوره واللي جلست وهي تحرطم / ياخسارة تعبي ...اسهر واتعب واذاكر واخرتها اييب 79 ياالله

النايفه واللي يلست وهي بائسه / احسن انا استاهل ماكنت اذاكر صح ...( واطالع نوره )/ بس انتي حرام نوره ليش نسبتج نازله انتي كنتي تذاكرين

كايد وهو يطالعهن ويضحك/...........

النايفه واللي شافت كايد وهو يضحك واتنرفزت / شنو يضحكك انت

عناد وهو يضحك / يضحك على خيبتكن يالخايبات

النايفه / انجتم انت مالك خص

كايد وهو يطالعهن ويضحك / تبن الصراحه تراني العب عليكن مو هذي نسبكن

نوره وهي توقف من مكانها ومن غير شعور / طيب انا كم نسبتي؟

كايد وهو يتجاهل سؤال نوره ويطالع بالنايفه / النايفه يبتي 87%

النايفه وبفرح / صج ...

كايد / والله

عناد وجنه يطنز/ بس 87%

النايفه وهي تنطط مستانسه / وتخب علي بعد

اليده وهي شاقه الحلج / مبروك يابنيتي

نوره / مبروك النايفه

النايفه / الله يبارك فيكم

كايد طالع نوره وهي طالعته تنطره يقول نسبتها لكن هو ماتكلم يبيها هي تسأله لكن نوره ماسألته بس يات له بااسلوب ثاني

نوره وبعد لحظات قالت بحرقه/ وانا نسبتي 79%

كايد طالع نوره وابتسم لها / لا رفعتي روسنا يبتي 95%

نوره واللي من يوم سمعت نسبتها نطت مستانسه ومتقطعه فرحه / صج

كايد وهو يهز راسه لنوره مشير الى الايجاب
اليده وهي تبتسم / مبروك يانوره

نوره واللي ضمت يدتها وقالت بنبرة مسروره / الله يبارج فيج يالغاليه

النايفه واللي موووووووت فرحاااااانه/ نوره مبروك تستاهلين

عناد وبخفة دم / مبروك يالدافوره

نوره طالعته وابتسمت له / الله يبارج فيك

كايد وهو يطالع نوره / مبروك نوره

نوره وهي اطالع كايد من فرحتها نست كل شي / الله يبارج فيك


• الكل عرف بنجاح نوره والنايفه ونسبهم المشرفه ؟
• وابوها عرف بنجاحها ويا وبارج لها.

في بيت ابو متعب

ابو متعب / ماشاء الله نوره والنايفه نجحن

اميرة / أي يبه نجحن ونسبة النايفه 87% ونوره نسبتها 95%

متعب / صج ...ماشاءالله

ابومتعب/ شنو بتدخل نوره ... نسبتها وايد حلوه

اميره / والله مدري يبه

ام متعب / لازم تدخل شي زين ...نسبتها حلوه والله

مالك وهو نازل من الدري وهو مار عليهم بيطلع من البيت / السلام عليكم ( اكيد بتقولون من وين طلع مالك ؟ لكن لو بتردون لشخصيات بتلقونه ... هو صحيح ماله وجود بين العايله بس راح نعرف الاسباب)

الكل / وعليكم السلام

ابو متعب / على وين ان شاءالله ؟

مالك / طالع ويا ربعي

ابو متعب وجنه يطنز / ما جن ربعك اخذين كل وقتك

مالك وهو ينزل راسه /.........

ابو متعب وارتفع صوته وزادت حدته من العصبيه / قولي بس من متى مارحت بيت يدتك وسلمت عليها؟ اسمعني عمك ماجد وولد عمتك فهد بيردون ان شاءالله وكلنا بنتيمع في بيت يدتك ... وانت اولنا فاهم (قالها بحده)

مالك وبكل برود وهو يطلع السويج من جيبه / انزين فيه طلبات ثانيه

ابو متعب / أي ...

مالك وبنفس البرود / شنو؟

ابو متعب / ماابيك الليله تسهر لاني بكره ابيك تطلع وياي انا وعمانك للحلال

مالك واللي مارد على ابوه ومشى عنه /..........
بعد ماطلع مالك من البيت تكلم ابومتعب بقهر / هالولد ماادري شسوي فيه

ام متعب / هد حالك ...شباب طايش الله يهديهم بس

ابومتعب وبعصبيه / لادراسه نافع فيها يعيد لي السنه سنتين ولا طاري على باله يتخرج ...والشغل مو راضي يشتغل معي ...مدري شسويبه ... ماشاف كايد اصغر منه وتخرج وولدج يحوس بالجامعه

اميرة ومتعب حسوا بعصبية ابوهم وخافوا لا ينقلب الحين عليهم وانسحبوا من اليلسه كلها



في غرفة نوره والنايفه

النايفه وهي تنسدح على السرير بكل استرخاء/ الحمدالله والشكر ... ماتتوقعين اشكثر فرحانه بنسبتي احسها تخب علي ههههههه

نوره / هههههههه ...انا بعد فرحانه وااااااااايد مااصدق ان نسبتي 95%

النايفه / تستاهلين انتي ... بعد المفروض نسبتج 100%

نوره /هههههههه حلوة 100%

النايفه / الا نوره انتي للحين مصرة تدخلين طب

نوره / ان شاءالله

النايفه/ طيب شرايج ندش سوا كليه جذيه يعني موقويه مثل الطب

نوره /ههههههههه شنو مو قويه ...انتي ليش مادشين وياي

النايفه / لا يامعوده شنو لي في الخرابيط هذي وبعدين نسبتي مااعتقد انها ادخلني طب

نوره وهي تيلس بتملل / يوووووووووه ...طيب جربي يمكن يقبلونج

النايفه/ لا يامعوده ماابي اصلا انا ...وبعدين حطي في بالج لو مادشيتي وياي كليه غير الطب موب داشه انا كليه بيلس في البيت

نوره وبااستغراب/ ليش؟

النايفه / تبين الصدق والا ولد عمه

نوره تبتسم / شرايج انتي ؟

النايفه وهي تبتسم لنوره / انا صراحه مااعرف ادرس من غيرج عشان جذيه لو دشيتي طب موب داشه انا كليه موليه

نوره وهي تبتسم ابتسامه كبيرة/ انا بعد مااعرف ادرس من غيرج والله

النايفه / خلاص خلينا ندش كليه غير الطب

نوره / بس انا طموحي طب

**************


مرت الايام وفهد قدر انه يقنع ماجد انهم يردون البلاد

فهد / ماجد يله قوم نطلع نتمشى اشوي قبل مانسافر

ماجد/ رحلتنا الساعه 3 بالليل مو؟

فهد / أي

ماجد/ واحنا الحين الساعه 7 الليل

فهد وهو مستغرب من ماجد/ أدري

ماجد وهو يكرر الكلام على فهد / رحلتن 3 بالليل

فهد وهو في قمة الاستفراب من ماجد / هيه انت اشفيك؟

ماجد وجنه يحاول يتناسى الرغد/ مافيني شي... بس ملاااااااان... ماعندك نكته ( يبتسم ابتسامه صفراء)

فهد وهو يضحك/ الا عندي بس اول خلنا نطلع نتمشى

* وطلعوا يتمشون في ربوع بريطانيا

فهد وهو يمشي / طالع طالع

ماجد / شنو

فهد وهو يطالع بعيون زايغه / طالع هذي الشقراء شحلاتها

ماجد /هههههههههههههه الله يقطع سوالفك الحين لنا 4سنين في بريطانيا ودومك تسب هالبريطانيات والحين على اخر يوم لنا اهنيه تتغزل فيهن

فهد / ههههههه هذي توديعه لهن

ماجد /ههههههه ... يله خلنا نروح نتعشى والله ميت يوع

طالعه فهد مستغرب / تبي تاكل؟

ماجد / هههه أي ليش اشفيك مستغرب

فهد / لا ولا شي ... يله خلنا ندخل المطعم هذا ( فهد كان مستغرب من ماجد انه بياكل لانه من تزوجت الرغد وهومااكل شي كل اكله دخان × دخان

ودخلوا المطعم وصار اللي ماكان في البال


نروح بعيد عن بريطانيا ونرد للبلاد
وبالتحديد في بيت ابو شمس

ام شمس / يقولون نوره نسبتها 95%

ابو شمس / أي ماشاءالله عليها مو بعض الناس ( وهو يطالع بنته شمس)

شمس / والله لكل مجتهد نصيب

ام شمس / وانتي ليش مااجتهدتي مثلها ويبتي نسبه تشرف

شمس / يوووووووووووه يمه انا الحين صار لي متخرجه من الثانويه سنه وهذي السنه الثانيه وانتم للحين تلوموني على نسبتي ...يااخي اهو شي انها قبلتني كليه وبس

ابوشمس / يابوج احنا مانلومج بس تمنيناج مثلها

شمس / لا يبه وازيدك من الشعر بيت نوره بتدخل طب

ابوشمس/ عارف توني ياي من عندهم وقالتي لي ...الله يوفقها ان شاءالله

شمس وبحركتها المعتادة تنفخ علكتها بطريقه هستيريه وقالت بدلع/ وانا

ابو شمس/هههههه ويوفقج يالغياره

تليفون البيت يرن وردت ام شمس/ الو

المتصل / هلا خالتي

ام شمس/هلا والله

المتصل / انا شوق خالتي اخبارج ( كانت شوق تقولها خاله من باب الاحترام)

ام شمس / هلا والله بشوق ...الحمدالله انا بخير...اخبار امج؟

شوق / يسرج الحال خالتي

ام شمس / دوم ان شاءالله

شوق / خالتي شمس جريبه منج

ام شمس / أي يمه ...لحظه بس

ام شمس وهي تكلم بنتها شمس/ شمس يمه شوق تبيج

شمس وهي تنط لتليفون بخفه وتاخذ السماعه من امها / هلا شوق

شوق / هلا فيج وينج يالقاطعه

شمس/ انا صرت القاطعه الحين ...انتي اللي وينج؟

شوق وبخفة دم / انا هنا في منزلنا طفشانه

شمس وهي تنفخ العلكه /ههههههه

شوق / وانتي تكلمين بالتليفون حتى تنفخين علكتج

شمس/ ههههههه...المهم اخبارج؟

شوق / تمام انا ...انتي شخبارج؟

شمس/ انا بخير

شوق/ اسمعيني شموسه اشوي كل البنات بيتيمعون في بيتنا تعالي اوكيه

شمس/ افا عليج الحين اييج مو اشوي ( وانفخت في علكتها)

شوق / انزين انطرج ترا

شمس/ عدي للعشرة وتلقيني جدامج

شوق / ههههه طيب يله باي

شمس/ باي

شوق وهي تصرخ بسماعه / لحظه لحظه لا تبندين

شمس / فجرتي اذني شنو

شوق / ييبي لي من علكج ...اشتهيت العلك وانتي تنفخين فيه

شمس / طيب وغيره

شوق/ وبس يله انطرج

شمس / يله باي

وبندت شمس الخط من شوق

ام شمس/ شنو تبي فيج شوق

شمس / جذيه داقه تسلم وتناديني البنات بيتيمعن عندها

ابو شمس/ انتي دايم طالعه راده ياابوج قري

شمس/ يووووه يبه والله طفش بالبيت بعد لاعندي اخت ولا اخو اتسلى وياهم ( وراحت لغرفتها وهي تاركه بكلامها جرح لابوها وامها)

ام شمس انخطف لون ويهها ونزلت راسها اطالع بالارضواسكتت/........

ابو شمس نفس الشي سكت/..........
ام شمس رفعت راسها اطالع ابو شمس وقالت بنبره يائسه / مسكينه شمس ماقدرت اييب لها اخت ولا اخو

ابوشمس / لاحول ...ياحصه (ام شمس) هالكلام صار له عشرين سنه

ام شمس وهي تبعد عيونها عن نظرات ابو شمس/ تصدق احس بالذنب لاني ماخليتك تتزوج

ابو شمس / يالغاليه شنو تحسين بالذنب ومدري شنو انا اللي ماابي اتزوج وماابي احد غيرج وتذكرين يوم الدكتور يقول يوم كنتي حامل باللي سقط يوم كان يقول ياحياتج يا حياة الجنين يوم انا اخترت حياتج ...تذكرين يوم فضلتج على العيال ...انا ماابي عيال دامج انتي يمي متعافيه

ام شمس واللي سالت على خدها دمعه / بس انا ........ ( وسكتت)

ابو شمس / انتي شنو؟

ام شمس وبااندفاع/ انا انانيه لاني ماتركتك تتزوج ........

وقطع كلامها ابو شمس / بس كافي... شنو انتي انانيه من حقج هذا انج ماتتركيني اتزوج ... وانا مليون مره اقولج مابي غيرج

ام شمس وهي اطالع ابو شمس بحزن ودموعها محتبسه في محجر عيونها/ ياليت ربي ماكتب ان رحمي يستأصل

ابوشمس / افا يالغاليه ... لاتعترضين على قضاء الله وقدره ... وبعدين عندنا شمس تسوى الدنيا ومافيها ...شفيج انتي؟

ام شمس وهي تمسح دموعها/ الله يخليها لنا ويحفظها ويطول بعمرك يالغالي

• طلعت شمس من غرفتها وجربت من عند ابوها وامها وعطتهم علك

ابو شمس / شنو هذا

شمس/ علك ...ماتبي تعلك؟

ابو وام شمس/ههههههههههه ...

شمس وهي تنفخ بالعلك/ يله في امان الله ...انا بطلع لشوق...


تيمعوا البنات ووزعت عليهم شمس العلك

نوره / اقول بنات ترا ماباركتوا لي احم احم

البنات/ ههههه صج على البركه نواري انتي والنايفه

نوره والنايفه / الله يبارج فيكم

شمس / يله اليوم نبارج لكن في درسكن وبكرة ان شاءالله نبارج لكن في عرسكن

النايفه وبرجه/ وي ياربي فديتج بس انا متى اعرس؟

ريميه وهي تضحك/ بتعرسين ان شاءالله

شوق وهي تتنهد / ياربي وانا متى بيي فارس احلامي

اميره /هههههههههه

شوق وهي اطالع اميرة / أي شعليج انتي تضحكين اخر الشهر عرسج

غيوض وبمزح / عقبالي انا بعد

غزل / وعقبالي انا بعد

شوق وهي اطالع اختها غزل بنص عين / سكتي انتي توج عمرج 16 وبعد تبين تعرسين

ريميه وهي تكلم اختها شوق / عشتوا وانتي كم عمرج تكفين ...ترا كلها مابينج وينها الا 5سنين

غزل / أي ريميه عليج فيها

البنات / ههههههههههههه

غزل / والله مدري شسوي مع هالكريهه ( تأشر على شوق ) اذا تزوجتي ريميه منو بياخذ حقي

شوق / جب بس جب

نوره ( تضحك)/ خوات وتهاوشن شنو بيسكتهن هذولي

شمس / ياليت عندي خوات والله لاادلعهن

شوق( وهي تمسك بطرف قميص غزل اللي لابسته) /هاج اخذيها فجيني منها

غزل/ فجيني ويعه ...مالت عليج ...شنو انا فوق راسج

ريميه وبعصبيه / جب انزين انجتمن

غيوض / الا صج ريميه انتي وين بتسافرين انتي وشوقج متعب؟

ريميه / مدري يقول ماليزيا

شمس وهي تنفخ بعلجتها اللي بفمها بطريقه هستيريه / احلى احلى ...ماليزيا بلد المعاريس

عذاري/ وانتي اميره وين بيوديج عبد العزيز؟

اميره واللي بان على ويها علامات المستحى ( اميره من النوع الحيوي) وقالت بكل هدوء/ تركيا

شمس وهي تنفخ علكتها بنفس طريقتها الهستيريه وتقلد صوت اميره / تركيا

اميرة واللي طالعت شمس بنص عين / انفخي اول علكتج عدل بعدين تكلمي

شمس/ هههههههه جبتيها عالجرح

البنات /هههههههههههههه

عذاري وجنها تذكرت شي بتقوله للبنات / أي بنات صج ... بسمعكن شي

البنات وهن مستفهمات/ شنو؟

عذاري واللي طلعت تليفونها وهي تدق فيه / بدق لكن على البريد الصوتي مال كايد حاط فيه شله فن... اسمعن

والله ثم والله ماسكن القلــــب غيرها هي نبضي واحساسي وروحي وكلي احبها واعشقها ولاني قادر لجفاهــــا جفتني جفا يوم غلط بحقهاقلبــــــــــي معذور قليبي بين نار اخوي ونار حبها صوتي تعذب كثير يجر المواويل ولاني عراقي يابنت الناس يابنت خوالي افهميها انا موت احبج وحبج عذابي...




البنات / وااااااااااااو روووووووووعه صوته فن

نوره واللي تمت ساكته ولا تكلمت بكلمه وملامح ويها بردت لفت على النايفه وطالعتها بنظره بارده خاليه من أي تعبير... النايفه انتبهت على نوره وطالعتها بنظره سريعه وسكتت لانها تعرف كل شي

غيوض تكلم اختها عذاري / انتي شدراج عن شلته

عذاري / امس شفت رعد اخوي قاعد يسمعها واخذت من تليفونه رقم بريد كايد من غير مايدري

شمس وهي تنفخ بعلكتها / منو هذي بنت خواله أي وحده فينا ( تضحك)

عذاري بضحك / يمكن انا

غيوض / ياحليله كايد يحب لا واحسن شي يومه يقول صوتي تعذب كثير يجر المواويل ولاني عراقي

عذاري وبفضول ( هي ادق اصابعها على فخذها )/ انا اموت واعرف منو هذي أي وحده فينا اللي يتعذب عليها ...فعلا واضح على صوته متعذب واااااايد ( تضحك)

شمس / مو تقولين يمكن انا ( تضحك)

عذاري وجنها تنغز بالكلام / لا انا خلاص حبيت بس مو نصيبي ... اهنيه شمس انحرجت وسكتت ( وطبعا انتم عارفين ان جانكم تذكرون لان شمس تحب غالي وغالي يحبها وعذاري تحب غالي )

اما نوره فكانت سارحه في خيالها وواضح عليها السرحان والنايفه نفس الشي اسكتت لانها عارفه منو يقصد اخوها بس حاولت تغير السالفه يوم زادت تعليقات البنات


نرد لبريطانيا ( وبالتحديد في المطعم)

يلسوا فهد وماجد وطلبوا اكلهم

فهد وهو غمور بالسعاده / ياااااااي مشتاق لاكلنا مو اكمل هذولا

ماجد / خلاص كلها ساعات واحنا تاركين هالبلاد هم واكلهم

فهد / تدري ياماجد

ماجد / شنو؟

فهد / ان النايفه هي اكثر وحده مشتاق لها

ماجد وهو يضحك ويغمز بعينه / اكثر من نوره وامك؟

فهد وهو يضحك/ مثلهم

ماجد / ياعيني

فهد / والله بس انا في بالي حاجه محيرتني؟

ماجد/ شنو؟

فهد / اخاف ان النايفه ماتحبني ؟ يعني يكون الحب من طرف واحد بس

ماجد وهو يبتسم / يامعود شنو ماتحبك اكيد تحبك؟

فهد / وانت شنو مخليك تتأكد

ماجد/ احساس وبعدين نسينا الهدايا ( يغمز بعينه)

فهد/ هههههههه

ماجد مصدوم مذهول من اللي يشوف جدامه وعيونه تعلقت على مكان معين /........

فهد واللي لاحظ على ماجد الذهول ومرر يده جدام عيون ماجد/ هيه انت وين رحت

ماجد ومازالت عيونه مصدومه / فهد طالع هناك

فهد وهو يلف ويطالع / منو؟

ماجد وعيونه المذهوله المصدومه وملامحه اللي بدت تتغير الى البؤس والحزن يوم شافها ...اي شافها ... شاف الرغد وهي لابسه ذاج البالطو الاسود اللي كان فيه زخارف ذهبيه وكانت مغطيه راسها بشال اسود فيه زخارف ذهبيه وماسك باايدها زوجها زايد ويالسه وياه ويضحكون ويا بعض

ماجد وبصوت مجروح وقلب يعتصر الم وعيون مذهوله / شفتها يافهد هذي الرغد اللي حبيتها واليوم اشوفها تضحك مع غيري

فهد / ............

ماجد / ياويل قلبي يافهد لا وبعد تضحك وياه ولاحن بيوم من الايام حبتني

فهد / ماجد خلاص بعد نظرك عنها ترا بتشوفك

ماجد وهو يطالع الرغد طاحت عينها عليه وعرفته ( أي هذا ماجد ) ونزلت كاسة الكوفي اللي بيدها واللي كانت ترشف منه ...نزلته وجنها مصدومه ... عدسة عيونها لمعت بالاسى ...حبست انفاسها ... وتحولت ملامحه الى ملامح الاسى... وضح على ملامحها الحزن من بعد ضحكها على زايد وغشمرته ... نغارقت عيونها بالدموع .

زايد واللي لاحظ دموع الرغد اللي بعينها وقال بخوف / شفيج ( وحط ايده على ايدها)

الرغد اسحبت ايدها من زايد من غير شعور ونزلت راسها / مافيه شي

زايد وهو مستغرب / مافيه شي ... وانتي عيونج بتغرق دموع

الرغد وهي تحاول تتهرب من زايد واسئلته وطالعت تحت بالارض / مدري يمكن حساسيه ...( وكان صوتها فيه نوع من التوتر )

زايد ماحب يضغط على الرغد وتقوله شنو فيها وسكت ... بعد لحظة صمت زاد لف بويهه وجافهم/ هذا ماجنه ماجد ولد جيرانكم قبل ماتنقلون وهذا فهد ولد اخته

الرغد ولا قدرت تحط عينها في عين زايد ونزلت نظرها على طول /.............

زايد / بروح صوبهم اسلم عليهم ...خليج اهنيه ( زايد كان يعرفهم لانهم كلهم اعيال فريج واحد)

الرغد ولاقدرت ترد على زايد الا بدمعه نزلت على خدها وعلى طول مسحتها ماتبي زايد يشوفها

عند فهد وماجد

فهد / ماجنه ياي صوبنا زايد

ماجد/ ............... ( سرحان)

زايد وهو عندهم/ السلام عليكم

فهد واللي وقف يسلم عليه/ هلا والله وعليكم السلام

ماجد ولا رد عليه وحاول انه يمسك اعصابه ورباطة جأشه وسلم عليه بكل برود

زايد / اخباركم

فهد / الحمد الله بخير... انت اخبارك

زايد / بخير عساك بخير( وطالع ماجد) / ماجد اخبارك؟

ماجد واللي تم يطالع في زايد ...يطالع بزوج حبيبته و قال بكل قهر واسى والم / بخير.

زايد/ ها متى معزمين تردون البلاد

فهد / الليله ان شاءالله رحلتنا الساعه 3

زايد / تردون بالسلامه ان شاءالله ... يله انا مااطول عليكم... بس حبيت اسلم عليكم ...في امان الله

فهد/ في امان الكريم

راح عنهم زايد

ماجد وهو يخنق العبره / خلنا نطلع

فهد / وعشانا اللي طلبناه

ماجد وبعصبيه / مانبي ...يله اطلع

فهد هز راسه موافق/ يله اطلع

اما الرغد كانت اطالعهم من بعيد طالعت ماجد شلون تغير شكله ...يوم شافها ...ويوم يا صوبهم زايد

طلعوا من المطعم فهد وماجد

ماجد ودموعه محبوسه في عينه / شفتها يافهد ... يالسه وياه تضحك... لا وبعد يايين يقضون شهر العسل اهنيه في بريطانيا

فهد / ماجد خلاص غير الموضوع

ماجد/...........( وهويبلع عبرته)

فهد/ وبعدين انت اشفيك بتحاسبها حتى على ضحكها وياه ...خلاص الله اللي كاتب انكم تفترقون وماتكون من نصيبك ولاتكون انت من نصيبها

ماجد واللي يلس على الرصيف وجن حيله منهد / ليش بس ياربي ليش؟

فهد / ماجد قم شنو يلسك اهنيه ...قوم على الاقل نروح لشقه

ماجد / ماابي اروح لشقه ...اتركني يافهد لحالي ( وصوته حزين منكه بالالم)

فهد / انزين خلاص قم نجهز اغراضنا ونروح للمطار( وجنه يجاري عقل ماجد)

ماجد ( وخيمت كآبه كالحه على عيونه)/ موقادر اشيل نفسي ... تخيل سلمت على زوج حبيبتي تخيل .

فهد وهو يمسك بيده بيقومه/ خلاص ياماجد كل هذا عشان الرغد... خلاص ارضى بقضاء الله وقدره

ماجد وجنه ماسك نفسه عن يصيح/ مو قادر والله مااقدر اشيل نفسي ... مو قادر استوعب ان الرغد تصير لغيري ( حس انه الحين بتنفجر انهار دموعه)

فهد وبعصبيه/ ماجد قوم يله بلا فضايح شوف الناس رايحه راده مبحلقين عيونهم فينا قوم


في شقة الرغد وزايد

الرغد كانت سرحانه من كانوا في المطعم من بعد ماشافت ماجد ووهي سرحانه وعيونها جنها اطالع لشي لكن للاسف هي اطالع في عدم

زايد وهو يلعب في خصلات شعرها الذهبي مره ومره يتأمل ملامح ويها وقال بصوت هامس / اشفيج حبيبتي؟

الرغد واللي طالعت بزايد وعلى طول نزلت نظرها وقالت في نفسها/ ماجد شفته اليوم ماجد اللي كنت طول عمري احلم انه يكون زوجي ...راحت الايام وانا انطره ...فجأة صرت لغيره ) وانفجرت تصيح

زايد وبصوت خايف/ اشفيج حبيبتي انا زعلتج بشي ...( جرب زايد من عند الرغد وضمها لصدره بكل حنان ...حست ان الارض تداعى مت تحت ريولها ...حست بخفقان قلبه من تحت يدها اللي كانت تتعلق بقميصه ( هل كانت فعلا تتمسك بقميصه) كانت فعلا متعلقه بقميصه وجنها تتمسك بشي عشان سلامة حياتها ...مالت عليه وهي تترفع فوق اصابع ريولها عشان يتمكن من ضمها اكثر ويحضنها بقووووه... حست بحنان ودفا حضن زايد واجهشت بالبكاء

زايد / كافي حبيبتي اشفيج؟ ( وضمها اقوى واقوى وحست الرغد بدفى حضنه اكثر واكثر) ماتقولين لي اشفيج؟

الرغد /................( سكتت لانها حست ان الصمت احيانا ابلغ من الكلام)

زايد جرب فمه من عند اذن الرغد وقال بصوت هامس حنون/ احبج!

اهنيه الرغد حست بالدم يغلي في عروقها...حست ان زايد فعلا يحبها ...وماله داعي تفكر بماجد اكثر لان زايد كان طيب وياها وحنون وحست انها تخون زايد بمجرد التفكير بس

***************

فهد وماجد رحلوا عن بريطانيا وماجد تارك حبه في شهر العسل مع واحد غير ذاته ... تركوا بريطانيا وماجد بقلبه جرح مايقدر على نزفه ...اما الرغد حاولت تتناسى ماجد وتفتح قلبها من جديد لزايد اللي غمرها بحبه وحنانه وحاولت تترك ماجد شي عابر او فصل في حياتها وانتهى .



في الطيارة


ماجد يالس يقلب في تليفونه

فهد / اشفيك انت تقلب في تليفونك ترا مافيه خدمه احنا بالجو

ماجد وبتملل/ ادري

فهد / عيل ليش تقلبه

ماجد وبكل تنهيده / اقلب رسايل الرغد

فهد /....................( سكت لانه مايدري شنو يرد عليه)

نروح بعيد عن لوعة الحب


هذي الليله الجو قمرا وحلو مرررررررررره كان جو رومانسي وشاعري... كانت السماء ملبده بالغيوم والقمر شكله يطلع حلو اذا مرت عليه غيمه ...كان فعلا جو رومانسي

النايفه وهي اطالع بالسماء/ الجو وااااااااايد حلو اليوم

نوره وبااسترخاء/ وااااايد

النايفه/ جو رومنسي بس اخ لوفيه حبيب

نوره /ههههههههههههههه بيي ان شاءالله

النايفه وبلهجة سينمائيه/ من بؤك لباب السماء

نوره وهي تنسدح على الارض( على فكره كانن يالسات بالحوش) / الله نفسي انام بالحوش

النايفه وبجديه/ صج خلينا ننام بالحوش وايد الجو حلو ( وانسدحت على الارض)

نوره / بتلقين الجو بالسطح احلى

النايفه /..............( اطالع بالقمر)

نوره / .............( وهي الثانيه طالعت بالقمر وكل وحده غرقت بخيالها)

النايفه واللي تكلمت وجنها تشل / يافهد طالت غيبتك ترى غلاك ماهو قليل حبك سكن قلبي مااقدر انساك مدري نسيتني او انا داخل قلبك اعيش من فرقاك صرت ماانام الليل ابيك ابي حبك ابي حنانك اللي فقدته سنين ادعي ربي دايم تعيش سنين وسنين ماهو صدق اللي يقول بعيد عن العين بعيد عن القلب يافهد حبك بقلبي موجود ولو سارت الايام.

نوره وهي تضحك ياعيني

النايفه / هههههههه... الا اقول نوره

نوره وجنها تطنز / عيون نوره

النايفه / امممممممم لا ماابي عيونج مو حلوه عيونج ( تضحك)

نوره واللي ارتسمت على ويها ابتسامه/ لا والله ... احسن من عيونج على الاقل

النايفه وهي اطالع نوره / نوره نفسي اسألج سؤال؟

نوره وهي اطالع بالسماء/ شنو

النايفه / نوره

نوره وطالعت النايفه / شنو عندج؟

النايفه/ ماتزعلين؟

نوره واللي ارتسمت على ويها ابتسامه عريضه / شكلج بتييبين العيد ....قولي موب زعلانه؟

النايفه / سمعتي شلة كايد مع البنات؟

نوره واللي طالعت النايفه بأسى وعدلت نفسها وييلست/ .........

النايفه / تدرين انه يقصدج

نوره وبكل كبرياء / ماهمني يقصدني او مايقصدني

النايفه وبرجاء/ نوره ماابي حبكم ينهدم والله خساره

نوره واللي طالعت النايفه بكل الم وبؤس / النايفه انا للحين احب كايد بس خلاص هو اللي انهى كل شي هو اللي هدم حب ماانبنى

النايفه / نوره كايد يحبج بس تعرفين كايد طيب واااااااااايد عشان جذيه قال لعناد انه مايبيج ويروح يخطبج عناد ...كايد والله يحبج نوره

نوره وبسخريه / يحبني هه ...اللي يحب عمره ماتخلى عن حبه ولو كان اطيب من الطيب نفسه

النايفه وماقدرت ترد /...........

خيم الصمت على كل وحده وغرقت باافكارها وهي اطالع القمر اما النايفه راح بالها لايام راحت بحلوها ومرها تذكرت اول ماسافر فهد وكانت دموعها محبوسه في محجر عيونها ... تذكرت يوم فهد عطى نوره رساله وداعيه لها يوم كان كاتب فيها ابيات قصيده لفهد المساعد وكانت الابيا تقول

اذكريني لا انتهت لشمس رحله مع نهار
واذكريني لا صحا لصبح ورد الياسمين
واذكريني لا لمحتي في ليالي البرد نار
واذكريني لا سمعتي للمطر صوت حزين
واذكريني ...اذكريني ...اذكريني باختصار


تذكرت ايام ماكانوا صغار يوم كانت هي ويا فهد حزب على كل اعيال خوالها...

اما نوره فكان يتردد في اذنها شلة كايد


**************************

وصلوا فهد وماجد المطار وكان في استقبالهم ابو متعب وابو رعد وكايد

عرف فهد بوفاة امه بجى وتضايق وانقهر وزعل ليش انهم ماقالوا له ع وفاة امه وليش انه ماحضر عزى امه ...
هدا بعد تهدئات خواله واعيال خواله ويدته ولان هذا شي قضاء وقدر وكلنا لازم نؤمن بقضاء الله وقدره ... والموت اختبار من الله ولازم نصبر ونحتسب الاجر...

فهد ونوره اصروا انهم يردون لبيتهم ويعيشون هناك لكن اليده رفضت انهم يردون ويعيشون بروحهم ... حاولت نوره وياها بكل الطرق عشان ترضى ويردون بيتهم لان نوره من زمان وخاطرها ترد بيتهم ... حاول فهد ونوره وياها لكن قالت لهم يدتهم كلمة جازمه( لو رديتوا بيتكم انسوا ان لكم يده) وبكذا نوره وفهد ماقدروا يعصون يدتهم وتموا في بيت يدتهم

• مر تقريبا اسبوعين على ردة فهد وماجد


فهد وهو يطق باب غرفة البنات/ نــــــــــوره

فتحت له الباب وهي مغطيه راسها/ نوره بالحمام ... بغيت شي؟

فهد وهو يطالع النايفه بكل حب وبكل شوق / ماكان يدري شنو يقول بس اللي يدري عنه ومتأكد منه ان بخاطره يتكلم مع النايفه/ اخبارج النايفه؟

النايفه وهي تبتسم له بكل حب / بخير الحمدالله
فهد وهو يرد ابتسامة النايفه بمثلها ويطالع الاكياس اللي بيده/ انا يبت لكن هالاغراض من بريطانيا ... الجيس هذا لنوره والجيس هذا لج ومده لها

اخذتهم منه النايفه وقالت بعذوبه / مشكور وطالعت فيه وتواجهت عيون الحبيبين وتواجهت قلوبهم وتواجه حبهم بعد فراق 4سنين وكانت عيونهم هي لغتهم في اللحظه هذي ...كانت عيون فهد تقول لعيون النايفه / اشتقت لج يالغلا

عناد وهو يصعد الدري شافهم ... شاف النايفه وفهد واقفين ويتبادلون النظرات شافهم وحس الغيره جرب من عندهم بعد ماشافه فهد وبعد نظراته عن النايفه

عناد وبنبره قويه وثابته/ شعندكم؟

فهد وبنبرة متوترة/ ها ... لابس انا يايب معي اغراض من بريطانيا للبنات ويبتها لهم

عناد وبلهجه شاكه / اها ... اوكي العيال ترا تحت

فهد وهو متوتر/ انزين يله بنزل لهم

نزل فهد على طول ونزل وياه عناد... اما النايفه فسوت طاف لعناد

دخلت الغرفه وهي شاقه الحلج / فديته انا

نوره وهي يالسه على الارض / حلوه هذي انا بالحمام هههههههههه

النايفه / هههههههههه يالله مشت عليه

نوره وهي تضحك/ قصدج اصلا هو يبيها من الله ولقاج كذبتي وقلتي اني بالحمام وانا مرزوعه هنا بالغرفه ...استانس الريال...

النايفه/ههههههههه

نوره وبخفة دم/ صج قالوها الاخو اخو الحرمه

النايفه / ههههههههههه ...( وفتحت الاجياس)/ يقول انه يايبهن معه من بريطانيا

نوره / ادري اسمعكم ...اشوف ( وهي تفتح مع النايفه الاجياس)

كان يايب فهد لنوره بلوزه ( بدي شيرت) كانت وااااااااااااااايد رااااااايقه رغم لونها الصارخ كان لونها اصفر بس كانت واااااايد حلوه كان في وسطها مرسوم قلب وجنه بارز عن البلوزه اشوي ومرسوم وجنه ينبض وكان يمه مكتوب وجنه بالدم (my love) ويايب لها بعد صندوق صغير زجاجي شفاف فيه فراشات وااااااااايده والوانهن كانت رووووووووعه وجنهن يطيرن وجذبت نوره فراشه كانت لون اجنحتها ( فيها كل الالوان) كان الصندوق روووووعه وشكله كان بيضاوي وكان يمر بوسط الصندوق شريط ابيض دقيق كان كاتب فيه فهد ( ادري انج تحبين الفراشات وهذولي اهداء من فهد لج يااغلى نوره

نوره صرخت بفرحه يوم شافت الفراشات/ ياااااااااااااي يجنن ...شوفي النايفه الفراشات

النايفه وهي اطالع الفراشات / اللللللللللله روووووووووووووعه اشكالهن

نوره وهي شاقه الحلج / تصدقين كان في خاطري مثل هالمنظر وكنت ادوره بس مو لاقيته

النايفه وهي طالعه من عيونها الفرحه/ طالعي انا شنو يايب لي

كان فهد يايب لنايفه شكل رووووعه ورومنسي كان يايب لها تمثال صغير من البرونز على شكل اثنين يرقصون

نوره / الله وااااايد الشكل رومنسي

النايفه / يلست لطالع التمثال بتمعن وقالت وجنها مندهشه / طالعي طالعي ... ناحت اسمه ( كان فهد ناحت اسمه على الايد اللي تلف بظهر الثاني ( fahad)

نوره وهي تغمز بعينها وجنها تتمصخر / ياعيني على الرومنسيه


في بيت ابومتعب
وبالتحديد في غرفة اميرة اللي يايتها غيوض

غيوض واميره واللي يالسات يسولفن

غيوض / تدرين عذاري اختي خطبها رفيج اخوي رعد

اميره / وافقت عذاري

غيوض/ أي وافقت

اميره وبفرح / صج عقبالج

غيوض وهي تبتسم ابتسامه بارده / لا انا عانس

اميرة/ لا ان شاءالله بييج اللي يستاهلج

غيوض وجنها تتحسر / خطبني وانسحب

اميره وجنها بتغير الموضوع/ تدرين غيوض احس اني خايفه

غيوض وباستفهام / من شنو ؟

اميره / من العرس

انفجرت غيوض تضحك/ هههه حلوه هذي خايفه من العرس ههههههههه

اميره / شيضحكج انتي

غيوض وهي للحين تضحك/ اضحك عليج يالخا.........( وقطعت كلامها غيوض يوم رن جوال اميره)/ ردي

اميره واللي ضحكت واسكتت

غيوض / منو حبيب القلب

اميره وبخجل وبصوت واطي / أي

غيوض / انزين ليش ماتردين عليه

اميره وهي اطالع بالجوال ولاردت /........

غيوض واللي ابتسمت / خلاص فهمت مايحتاي تتكلمين بطلع انزل عند امج تحت واذا خلصتي تعالي لي تحت

وطلعت غيوض من عند اميره وهي تنزل من الدري طالعت بطريجها وهي تحس ان فيه احد وراها التفتت وراء وشافته ... شافت اللي خطبها وانسحب ...شافت اللي حبته بصمت من كل قلبها واللي خذلها
لحظه انسحابه شافت حبيبها المزعوم

• كيف حالج غيوض؟

غيوض واللي تمت اطالعه متفاجأة/ هلا مالك ... بخير الحمدالله

مالك / شعندج طالعه من غرفة اميره ؟

غيوض وهي مازالت اطالعه / كلمها عبدالعزيز وطلعت

مالك واللي لاحظ نظرات غيوض وقال بضحك ولاجن بيوم خطبها/ اشفيج اطالعيني جذيه ... اول مرة تشوفيني؟( يضحك)

غيوض واللي تكلمت لحظة ماخيم على عيونها الحزن/ وجنك تنشاف عشان اشوفك اول مرة او اخر مره

مالك واللي حس بكلام غيوض وجنها نغزه / انتي اللي ماتبين تشوفيني ... انتي اللي ماتبيني ... لاتنسين اني خطبتج وانتي اللي رفضتيني

غيوض وهي اطالعه بالم وقهر / لا تقول انا اللي رفضتك ... انت اللي انسحبت وغيرت كلامك وماعاد بينت

مالك واللي يحاول يتهرب من كلام غيوض وقال بنبره واطيه / انا طالع مع ربعي في امان الله

غيوض وبألم / في امان الكريم

نزلت غيوض عند ام متعب لحد ماخلصت اميره وعقب اطلعت هي واميرة بالحوش يسولفن وطبعا غيوض قالت لاميره كل اللي دار بينها وبين مالك .

غيوض / تدرين اميره.

اميره / شنو؟

غيوض / مابقولج حاجه بس ماتتحسسين منها

اميره /ههههههه شنو هالحاجه اللي فيها حساسيه

غيوض / ماتتحسسين

اميرة وهي ترسم على ويها ابتسامه/ لاعادي قولي

غيوض / مدري احس امج نظراتها تخوفني
اميره واللي انفجرت تضحك/ههههههههه هذا هو اللي تتحسسين ومدري شنو... تبين الصراحه نظرات امي الكل يتضايق منها حتى انا اتضايق منها

غيوض / لابس انا احس نظراتها لي غريبه

اميره وهي تحاول تغير تفكير غيوض / لا يابنت الحلال عادي هي نظراتها جذيه

غيوض وهي تهز اجتوفها / مدري ...

*********************

في ذيج الليله مالك رد بعد طلعته وياربعه ودخل غرفته وهو ضايج خلقه ومايدري من شنو هو متضايق ونظرات غيوض مافارقت باله وكلامها يتردد باذنه دخل غرفته ورمى نفسه على السرير وجنه منهد حيله دخلت عليه اخته اميرة من غير مادق الباب او تسلم

مالك / بسم الله انتي من وين طلعتي علي ...لا احم ولادستور

اميره واللي ابتسمت / شسوي زهقانه ...( تدري ليتني خليت غيوض تبات عندنا اوف طفش)

مالك/ واللي من سمع اسم غيوض وهو حاس بالتوتر وحاول انه مايبين توتره جدام اخته / ليش هي متى راحت ( وكان في صوته لمسة توتر)

اميره / تعشت وراحت لبيتهم ... سمعت اخر خبر

مالك وبتوتر/ شنو؟

اميره / عذاري بنت عمي خطبها محمد رفيج رعد

مالك / صج والله ... على البركه

اميره / لا وبعد غيوض خاطبها ولد خالها بتوافق عليه وملجتهم جريب

مالك وبعصبيه ممزووجه بتوتر / شنو؟

اميره وجنها تتلكع / اللي سمعت

مالك واللي يلس واهتز بثوره وقال بنبرة حاده / طيب وانا

اميره وبسخريه / انت خطبتها وانسحبت ... والبنيه مو يالسه تنطرك متى ماتكون لك شخصيه مستقله

مالك وبعصبيه / اميره احترمي نفسج

اميره وهي تهز بجتوفها / انا ماقلت شي غلط...

مالك واللي طالع بالارض /...........

اميره وهي اطالع مالك / اسمعني يامالك انا بقولك حاجه والمفروض اني مااقولها لك بس لان مصلحتك تهمني بقولك ...يامالك غيوض تحبك واحسن لك انك ماتخلي البنيه تطير من يدينك وانت وغيوض وايد لايقين على بعض

مالك واللي عيونه اتسعت من قوة الغيظ اللي جاتمه / اميره انتي اكثر وحده تعرفين اني خطبتها لاني احبها بس انا انسحبت لا ن امي ماتبي غيوض

اميره وبااندفاع / ادري ... ادري ان ام بخاطرها تزوجك لولوه بنت خالتي ... بس انت خاطرك بغيوض مو لولوه
الا اذا امي قدرت تفر عقلك

مالك وبعصبيه / مااحد يقدر يفر بعقلي ولا انا ياهل عشان امي تفر بعقلي مثل ماقلتي

اميره / انزين دامك موب ياهل ولا احد يقدر يفر بعقلك ليش انسحبت من خطبتك لغيوض ولا عاد بينت لهم انك تبي غيوض

مالك وبنبرة يائسه/ لان امي حالفه علي مااخذ غير لولوه ... وانتي تعرفين امي جدام ابوي تلعب دورها انها تبي غيوض وان انا اللي ماابيها ومن وراه غير

اميره / امي خلها علي ... بس انت متأكد انك تبي غيوض ؟

مالك وبحزم / وماابي غيرها... واكبر دليل اني ماعاد اروح بيت عمي ولا بيت يدتي لا تيمعتوا لاني ماابيها تشوفني احس اذا شافتني تتعذب لاني انا اللي نسحبت

اميره وجنها تطنز/ يعني اذا ماشافتك تعتقد انك ماعذبتها باانسحابك وجن البنيه فيها عيب

مالك وهي يهز اجتوفه بتوتر / مدري مدري ...واللي يعافيج اميره اطلعي واتركيني

اميره / بكيفك ... بس تذكر ان غيوض انخطبت وانها وافقت

مالك وبعصبيه / غيوض مابياخذها احد غيري

اميره / حلوه هذي مابياخذها احد غيري وانت ساحب على عمي سيفون

مالك واللي زادت حدة عصبيته / قلت لج غيوض مابياخذها احد غيري

اميره واللي جربت من عند اخوها وقالت بصوت واطي / يعني انت للحين تبيها

مالك وبحزم / وماابي غيرها

اميره وبفرح / خلاص عيل ماعليك خل امي علي

مالك وهو منزل راسه وقال باانكسار / بس عمي تعتقدين يرضى عقب اني انسحبت

اميره / ماعليك كل شي خله علي ...دامك انت تبي البنيه وهي تبيك ماعليك من غيرك

مالك وهو يطالع اخته بحنان / اميره مشكوره

اميرة وهي تضحك/ للحين ماسويت شي

طلعت اميرة من عند اخوها وهي تقول في نفسها ( زين مشت عليه سالفة خطبه غيوض المزعومه وزين انها حركته ... مابياخذ مالك غير غيوض وانا اعرف كيف اقنع امي مدري شنو تبي في لولوه بنت اختها من زينهاوالا من زين شكلها اووووووف)


اليوم زواج متعب وريميه
واميرة وعبد العزيز


يالله شكثر حلوين اليوم المعاريس والعروسات شي


عذاري / بنات امشن بنشوف العيال كاشخين امشن اشكالهم شي ... بنطل عليهم من الدريشه قبل ماننزل


االبنات وهن يطلن من الدريشه / الله اشكالهم رزه

النايفه تضحك/ طالعوا فهد يرقص يستهبل

غيوض / هههههههههههه

نوره / فهد اخوي دوريه عند الاستهبال

عذاري / شوفوا عاصي وعناد قاموا يستهبلون مع فهد

شوق وهي تتنهد/ آآآآآه ياليتني ولد بس

شمس/ طالعن غالي شلون يستهبل عليهم هههههه

نوره / الشباب كلهم يستهبلون ...طالعوا رعد طالعوا

عذاري / بنات بنات طالعوا كايد قام يستهبل بالرقص

واهنيه نوره تغصصت وسكتت وبعدت نظرها عن اطالع كايد وقالت بصوت مخنوق / يله بنات الحين اكيد ريميه واميره ينطرونا

• نزلن البنات عند العروسات

اميره / وينكن؟

النايفه / يالسات انطالع العيال يستهبلون

ريميه / صج... ياليتني وياكن ... اموت انا على استهبال العيال

النايفه ( تضحك)/ خلاص انتي كبرتي على حركات العزابيات هههههههه

شمس دق عليها جوالها وبعدت عن البنات

المتصل / هلا وغلا

شمس/ هلا والله بالغالي

غالي / اخبارج مع العرس؟

شمس / زينه

غالي / شفتيني وانا استهبل بالرقص

شمس وبااستهبال/ لا وين اشوفك

غالي وهو يضحك/ لا والله ... شرايج ان انا شايفكن تصبرن من الدريشه

شمس /ههههههههههه

غالي/ شرايج فيني ...شرايج بزوج المستقبل؟ ( يضحك)

شمس / اذا ملجت عليك اقولك رايي؟

غالي / كلها الاسبوع الياي واملج عليج

شمس / عيل يوم بييي الاسبوع الياي اقولك رايي

غالي وبكل ثقه / مايحتاج انطر للاسبوع الياي اصلا انا عارف اني عايبنج

شمس وهي تنمفخ بعلكتها / واثق مره

غالي / اكيد واثق مثل ماانا واثق من حبي لج

شمس واللي اسكتت ولا ردت /.............

غالي / شموسه

شمس / هلا

غالي وبنبره حاده/ شنو ياهلا قولي لبيه

شمس /هههههههه

غالي/ شموسه

شمس وبصوت اقرب للهمس/ لبيه

غالي وللي ارتسمت على ويهه ابتسامه عريضه/ لباج قلبي ...شموسه طلبتج؟

شمس / شنو؟

غالي / قولي صار

شمس وهي تنفخ علكتها / صار

غالي / اطلعي لي عند الباب بشوفج وردي

شمس وبسخريه / هههههههه حلوه هذي

غالي / انتي قلتي صار

شمس / لا غالي لا تحرجني ... مااقدر

غالي وبرجاء / عشان خاطري

شمس / غالي لا مااقدر ...لو احد شافنا

غالي وبااسلوب طايش/ عادي ...يعني شنو خطيب يشوف خطيبته شنو فيها

شمس وجنها تطنز / مافيها شي بس احنا موب في المكسيك

غالي / طيب شرايج اني يايب لج كرتون علك ( الكل يعرف ان شمس تحب العلك)

شمس / ماابي علك عندي شكثره في البيت

غالي وبحيله / وعندج في البيت شعر بنات <<<<<< هذا اسم حلاو تحبه شمس

شمس وببراءة الاطفال / عندك؟

غالي / أي يايب لج

شمس وبفرحه وجنها ياهل / اوكيه يله بطلع لك

غالي / يله انطرج

• وطلعت له شمس بعد ماغطت راسها

شمس وبلهجة طفوليه / يله غالي عطني شعر البنات بسرررعه

غالي واللي كان واقف ينطرها /هههههههههه أي شعر بنات

شمس واللي ارفعت حياتها متعجبه / شنو أي شعر .... مو انت قلت انك يايب لي شعر البنات

غالي وبعباطه / لا ماقلت

شمس وهي تنفخ علكتها بنفس طريقتها الهستيريه / انزين يله عيل بدخل ( وقالت هالكلام وهي تلف بترد وجنها عصبت)

غالي وهو يضحك / تعالي تعالي ... يايبلج بس العب عليج

شمس وهي اطالعه وجنها ازعلت / ماابي ( وراحت تمشي)

ركض وراها غالي / وقفي لحظه ... امزح عليج تعالي شوفيه بسيارتي يايب لج

شمس وهي تلف عليه وتنفخ بويهه العلك بقووووووه / خلاص ماابي

غالي وهو يضحك/ فديتج وفديت علكج ... تعالي وياي بييبه لج من سيارتي

شمس وبزعل / لا خلاص ماابي

غالي وكان في فمه علكه ونفخها بويه شمس بنفس طريقتها في النفخ وابتسم لها

شمس واللي ردت ابتسامه غالي بمثلها يوم شافته ينفخ العلك / صرت تعرف تنفخ؟

غالي وهو ينفخ مرة ثانيه /عرفت والا شرايج خطيبتي تعرف وانا مااعرف

شمس وهي تنفخ بويهه / للحين ماصرت خطيبتك

غالي وهو يرد النفخ وجنه هو وشمس يهال / الاسبوع الياي وانا متملج عليج

شمس وهي تبتسم ابتسامه ساحره وقالت بعذوبه / انزين بتعطيني شعر البنات والا اروح

غالي وهو يضحك / لا بعطيج ... لحظه بس بييبه من سيارتي

في العرس

غيوض وهيتكلم اختها عذاري/ ماجن هذيج رفيقتج فوز

عذاري/ أي والله هذي هي انا عازمتنها ...بروح لها

عند فوز

عذاري وهي تسلم عليها / هلا وغلا

فوز / هلا فيج يالغاليه

عذاري / اخبارج؟

فوز/ تمام الحمدالله ... ( وهي اطالع عذاري) شنو هالحلاوه والله لو يشوفج محمد يتخبل عليج

عذاري وبدلع / احم احم ... ترا احرجتيني ( تضحك)

فوز / الا تعالي شقصدج وافقتي على محمد

عذاري/ جذيه

فوز / وغالي

عذاري / غالي يبي شمس ويحبها وملجتهم الاسبوع الياي وانا بيني وبينج وافقت على محمد لاني ابي قلبي ينسى حب غالي ويتبدل لمحمد

فوز / والله محمد كل الناس يمدحون فيه

عذاري / وانا بعد وافقت عشان جذيه

* * *
نروح للعروسه ريميه
ريميه وبصوت واطي / شوق

شوق واللي واقفه يم اختها/ هلا

ريميه / شوفي انا نسيت تليفوني في بيتنا روحي ييبيه لي لان اذا زفوا متعب على طول بنطلع للمطار؟

شوق / انتي مدولته؟

ريميه/ أي

شوق/ انزين عيل بروح اييبه

• راحت شوق ويابت تليفون ريميه من بيتهم وهي طالعه من بيتهم في الحوش اللي محوط كل بيوت خوالها واصلت في المشي عشان توصل للخيمه وكان لازم انها تمر في كل بيوت خوالها عشان توصل لخيمة العرس... واصلت في المشي حتى وصلت بيت خالها طراد مرت من عنده وهي ماره حست باللي يمشي وراها سمعت صوت خطوات وراها اهنيه شوق توقف قلبها ونطقت بصوت عالي / يمــــــــــــه
لفت وراها وبصوت خايف / خرعتني حسبي الله عليك

اما اللي وراها انبهر من شكل شوق كانت مو عاديه كانت حلوووووه وقال في نفسه ( معقوله هذي شوق اللي دايم اشوفها وفجأة تتغير الى جمااااااال ... تخبل عليها ... وبدون شعور قال / بسم الله عليج ( وتم يطالعا وجن عيونه بتطلع منه)

شوق واللي قلبها زادت نبضاته ومشت بتروح عنه ( من شين الحظ الشال اللي على راسها طاح لانها ماكانت مثبته ... لفت شالها عليه بسرعه ويدينه يرتعشن)

شاف شعرها اللي ماطول وهو يتأمله لان شوق لفت شالها بسرعه بس شافه وهم تخبل عليه ( كانت صابغته بخصل ثلجيه وارضية شعرها بني بس كان حلو مره وكان شعرها قصير لكن الكوافيرة مسويته لها كريزي

ونفس الشي قالها ومن دون شعور / فديتج انا وفديت شعرج

شوق وبكل عصبيه وتوتر/ رعد احترم نفسك انا بنت عمتك موب وحده في الشارع تغارلها ( وراحت عنه تمشي بخطوات سريعه)

رعد وهو يطالعها / ياااااي شكلها جناااااان

• ردت شوق لريميه

شوق وهي تعطي الجوال اختها بعصيه وتوترها واضح على ملامحها / هاج

ريميه اخذت الجوال منها وحست بعصبيه اختها بس سكتت

*************

زفوا المعاريس وكل واحد منهم اخذ عروسته وسافر فيها


بعد العرس


في بيت ابو رعد وبالتحديد في غرفة رعد

رعد سادح على سريره وشكل شوق جدام باله / يالله شكثر كانت حلووووووه وشعرها كان شي يالله والله على كثر ماشوف بنات وعلى كثر مااكلم بنات وعلى كثر مااشوفها هي اول مررره اشوفها جذيه ...صج كان شكلها جذاااااااب

بالمقابل في بيت عمته وبالتحديد في غرفة شوق

اتصلت عليها شمس وردت شوق / هلا شموسه

شمس / هلا فيج ... ها اخبارج واخبار البيت بعد ريميه

شوق / عادي للحين انا عني ماحسيت بغيابها توها ماصار لها يوم معرسه

شمس / وغزل كيفها

شوق / هذي من زفوا متعب وسافرت وهي تصيح يمكن نامت ودموعها على خدها

شمس وبرحمه / مسكينه

شوق / عادي بعدين تتعود

شمس / الا اقولج شوق ( وكالعاده تنفخ علكتها)

شوق / شنو ؟

شمس / اشفيج اليوم في العرس معصبه ... البنات كلهم يضحكون ويرقصون وانتي ماده البوز ولا جن اللي معرس اختج

شوق وجنها توترت / مدري مدري

شمس / شنو ماتدرين اكيد فيه شي ... انتي ماتغيرتي الا بعد مارحتي تييبين جوال ريميه بعد مارديتي انقلبتي فوق تحت

شوق وبتوتر / شفت اليوم رعد

شمس وبرجه / صج... وشنو صار

شوق وهي تضغط على اسنانها / قهرني

شمس / شنو قال ... بسرررررعه ( تتكلم بحماس)

شوق / شوفي انا يوم رحت اييب تليفون ريميه من بيتنا يوم طلعت ... ماادري الا اللي وراي

شمس / أي

شوق / المهم انا من الخوف صرخت قلت يمـــــــه ويوم التفت اشوف من وراي هو يلس يطالعني قلت له خرعتني قالي بسم الله عليج

شمس/ وبعدين

شوق / المهم رحت امشي عنه ماادري الا والمصيبه

شمس وبخوف / شنو؟

شوق / طاح شالي من على راسي

شمس وهي داخله جو / يالله

شوق / المهم انا لفيت الشال بسرعه وهو تم يطالعني وجن عيونه بتطلع منه ولا جن اللي يطالعها بنت عمته وجني وحده من اللي يغازلهن ( تتكلم بعصبيه)
=
دشمس / طيب انتي ليش عصبتي المفروض تفرحين

شوق ورفعت حياتها متعجبه / وليش افرح ؟

شمس / مو انتي بس كنتي تتمنين ان رعد يطالعج لو بنظره

شوق وبعصبيه / أي كنت اتمنى بس موب هذي الطريجه

شمس / مالت عليج عيل

شوق وبعصبيه / مالت عليج انتي ... يله يله روحي نامي انا دايخه حدي ابي انام

شمس وبتملل/ انا زهقانه ... شرايج نطلع بالحوش نتمشى

شوق/ عافانا الله الساعه 5 الفير ولا فيج نوم

شمس وهي تضحك / لا... اقولج تبين شعر بنات

شوق والي ضحكت ضحكه بارده / هههه ومن وين لج شعر البنات

شمس وهي تنفخ علكتها وطلعت صوت / غالي

شوق وبضحك / والله اني عارفه من نفختي علكتج

شمس / هههههههه ... ها تبين والا لا

شوق /لا مالي نفس بنام

شمس وبعصبيه / نوم اهل الكهف ان شاءالله... يله مع السلامه

شوق وهي ابتسمت ابتسامه صفراء / يله مع السلامه


مر يومين على عرس متعب وريميه وعبدالعزيز واميرة

في ماليزيا

متعب / الله طالعي شلون الارض خضراء

ريميه وهي تبتسم / وايد حلوه

متعب وهو يطالع ريميه بحب / مو احلى منج

ريميه واللي احمرت اخدودها / .........

متعب واللي جرب من ريميه وحط عينه بعينه وعلى طول ريميه بعدت نظرها

متعب وهو يحط ايده تحت دقنها ويرفع ويها اللي نزلته وقال بهمس / حطي عينج بعيني

ريميه واللي للحين منزله نظرها وويها شاب ضو /............

متعب وبصوت دافئ / طالعيني

ريميه طالعت متعب وحطت عينها بعينه/..........

متعب وبصوت هااااااااامس / احبج

ريميه بعدت نظرها وقالت بدلع / متعــــــــــــــــــــب

متعب وهو يضحك / فديت اللي يستحي انا


في تركيا عند المعاريس عبدالعزيز واميره

عبدالعزيز ويده باايد اميره يتمشون وكانت اميرة ماسكه باايدها الثانيه ورده طالعها عبدالعزيز وقال /
لاجيت يم الورد ودك تلمه
ماتدري ان الورد وده يلمك
لاصار بين ايديك ورد تشمه
انت تشم الورد والايشمك
يابعد كل الورد خاله وعمه
يابعد منهو في عيونه يضمك
في ذمتك في ذمتك قلت ذمه
انت تلم الورد والا يلمك

اميره ابتسمت له ابتسامه ساحره /..........

عبدالعزيز وعيونه على اميرة/ ماقلتي لي انتي تلمين الورد والا يلمج؟

اميرة وبااستهبال / ماادري انت شرايك؟

عبدالعزيز وهو يرسم على ويهه ابتسامه / لا الورد يلمج ولا انتي تلمينه ...انا المج

********************

بعد اسبوع

في بيت ابو رعد وبالصاله تحديدا

ام رعد / باجر ملجة شمس وغالي

رعد وجنه يبتسم / صج

ام رعد / أي

ابو رعد / شرايك ياوليدي نخطب لك

رعد وبتوتر/ لايبه شنو تخطب لي ... توني انا

ام رعد / شنو توك كل اللي كبرك تزوجوا

رعد وهو يضغط على اسنانه / بعدين اتزوج يمه

ام رعد واللي عصبت / شنو بعدين ... شرايك اخطب لك شوق بنت عمتك شيخه

رعد واللي من سمع اسم شوق تذكر شكل شوق شلون كان ووشلون جذبه ... سكت رعد وقام من عندهم

ام رعد وهي تنادي ولدها / تعال وين رايح؟

رعد راح بطريجه من دون مايرد على امه أي كلمه

ام رعد / ياربي شنو اسوي في هالولد ...كل مااكلمه عن العرس قام وتركني وجني اكلم هالطوفه

غيوض / يمه لا تستعيلين عليه رعد مايبي يعرس الحين

ام رعد / شنو يابنيتي مااستعيل عليه شوفي كم عمره الحين ودي افرح فيه ...انا مدري شنو ينطر؟

عذاري واللي كانت يالسه يم ابوها وبصوت واطي/ العرس مسؤليه وهو مايبي المسؤليه والربطه متعود على الصياعه والفلته والمغازله

غيوض وهي تنغز عذاري وبصوت وااااااطي / ويعه انطمي

ابورعد واللي جنه سمع كلا م عذاري /شنو تقولين ؟ ارفعي صوتج


عذاري / ها ... لا مااقول شي يبه ( وقامت من عندهم )



• في اليوم الثاني تملج غالي على شمس


بعد اسبوع

في صالة بيت العايله ( بيت اليده ) واللي كان يالس فيها نوره والنايفه واليده وكانت عندهم خالتهن شيخه ( ام غالي )

النايفه / الا اقول يدتي خالي مايد واخواني وين

اليده / في ميلس الرياييل

النايفه وبااستفهام / ليش منو عندهم؟

شيخه ( ام غالي )/ ابو فهد

نوره طالعت خالتها واستغربت ...حست بالدم يغلي في عروقها ...حست بااحساس غريب ...( ابوها دايم ييي يزور نوره بس هالمره حست بااحساس غريب حست ان فيه شي حست باانقباض قلبها وقالت بهدوء التوتر / ابوي اهنيه

اليده وام غالي ( بنفس واحد ) أي اهنيه

باللحظه هذي دخل فهد وهو ينادي نوره وجنه يدورها / نـــــــــــــوره

نوره وهي اطالع فهد وقالت وشفايفها ترتجف/ انا اهنيه فهد

فهد وهو يطالع نوره / ابوي اهنيه تعالي

نوره واللي قلبها قبضها وحست ان فيه شي وقالت بنبرة ارتعاشيه / انزين

• طلعت نوره لابوها تسلم عليه بعد ماطلعوا من الميلس اعيال خالتها كايد وعناد وخالها مايد ... وبقى في الميلس ابوها وفهد ... دخلت نوره وعلى ابوها وقلبها منقبض ...

• شنو تتوقعون يصير؟

• وهل بيصدق احساس نوره اللي حسته ؟ واذا كان صادق احساسها شنو هالشي ؟

 

[n-o-n-a]

الجزء الثامن عشر

ابو فهد وهو يكلم بنته نوره / اسمعيني ياابوج انا ياي لج اليوم مخصوص

نوره واللي الحين تأكدت ان فيه شي زاد قلبها اكثر واكثر ... حبست انفاسها وهي اطالع ابوها تنطرها يكمل كلامه

ابوفهد وهو مسترسل بالكلام / ياابوج فيه واحد متقدم لج؟

نولاه واللي طالعت ابوها بنظرة اندهاش ... نظره واحد مصدوم ...نظرة واحد متفاجئ من اللي يسمع ... اسكتت ولا تفوهت بكلمه ... مصدومه من اللي تسمع /..........

فهد وعيونه تستفهم / منو يبه ؟

ابوفهد وهو يطالع نوره / جاسم ولد رفيجي مانع الله يرحمه

فهد وجنه اعرفه / اييييي بس يبه هذا الناس ماتمدحه

ابوفهد وهو يطالع فهد ( وجن نظرته تقول شيخصك انت) وقال بنبرة حازمه / انا اعرف الولد وفوق هذا سألت عنه وماحد ذمه

نوره نظراتها كانت تتبادل مابين اخوها وابوها ... اتسعت عيونها مصدومه ...لمع فيها الحزن ... حست الدنيا اظلمت في ويها ...تمنت ان اللي خاطبها هو كايد رغم انها متأكده انه ماراح يخطبها ... حست بااختناق ... حست ان دموعها ودها تنفجر ...

طالعها ابوها وقال بنبرة مصطنعة الحنان / ياابوج اخذي راحتج بالتفكير وردي لي عقب خبر وتأكدي اني ماراح اجبرج عليه

**********************

بعدها نوره طلعت من ميلس الرياييل وهي حاسه ان الكون ضايج فيها ... حاسه ان الدنيا ظلاااااااام ... حست

بقساوة الزمن عليها ... وهي طالعه من ميلس الرياييل شافت كايد عند سيارته واقف ( على مااعتقد انه كان

ينطر فهد وخالها مايد واقف وياه ) طالعته نوره بكل الم وترن في اذنها كلمة كايد (ماابيها) طالعها كايد بنظره

خاليه من أي تعبير ... بعدت نظرها عنه وراحت تمشي بخطواتها الهاديه اللي تضرب الارض بقهر وجنها اطلع

نغم موسيقي جزين ... دخلت الصاله كان موجود فيها اليده وخالتها شيخه والنايفه ... لكن نوره من التعاسه اللي

تلمع بعيونها ماشافتهم ... صعدت الدري لغرفتها ... ويتردد في اذنها كلام ابوها ... محد حس فيها من اللي يالسين

في الصاله لان اليده لاهيه في سوالفها مع بنتها حست فيها النايفه وقامت تلحقها نادتها / نوره نوره

لكن نوره ماكانت تسمع شي لان كانت اذنها مشغوله وهي ترن بكلام ابوها

دخلت نوره الغرفه ... ودخلت عقبها النايفه وشافت نوره يالسه على السرير واطالع الارض

النايفه وهي تيلس صوب نوره / اشفيج نوره

نوره طالعت النايفه والدمع يتراقص في عينها ولا انهمل / ............

النايفه وبخوف / شعنده ابوج

نوره وحست بشفايفها ترتجف / ماعنده شي

النايفه وهي ترفع حياتها متعجبه / شلون ماعنده شي


نوره واللي حست بضيج ودها تنزل دمعها اللي تحس بحرقته بعينها لكن موقادره ردت على النايفه بعصبيه /

النايفه قلت لج ماعنده شي

النايفه وباالحاح / لا فيه شي ... قولي شعنده ابوج؟

طالعتها نوره بالم ... بقهر ... بحسره ... وقالت لها وهي تحس بلهيب كلامها / فيه واحد ياي يخطبني ( قالت

هالكلام وبداخلها تحترق )

النايفه واللي فتحت فمها مندهشه / منــــــو؟

نوره وهي تفرك يدينها في بعضها بكل قوتها / جاسم ولد رفيج ابوي مانع

ملامح النايفه تغيرت الى ملامح مصدومه وقالت بكل حرقه / بتوافقين ؟

طالعتها نوره بنفس نظرة كايد اللي طالعها فيها يوم تطلع من الميلس طالعتها بنظره خاليه من أي تعبير رغم

الحزن اللي يلمع في عيونها

خيم صمت مطبق في الغرفه وبعد لحظة تفكير قالت النايفه بحرقه / وكايد واخوي؟

طالعتها نوره وهي تحس بالدم يجري بعروقها بحراره / ........

قامت النايفه وطلعت من الغرفه وهي تاركه نوره متألمه ... حايره ... كسيرة ... طلعت متوجهه لغرفة كايد

بطلت الباب لكن مالقته فيها ... نزلت تحت شافت يدتها وخالتها شيخه للحين فيه ... ولا شافت كايد ... اطلعت

بالحوش بعد ماغطت راسها بشالها الابيض ...طلعت وعيونها مرة تروح يمين ومرة تروح يسار ... واخيرا لقت

كايد بيركب السياره ... نادته بتوتر / كايد لحظه لاتروح ...

كايد ووقف بمكانه ينطر اخته تييه / شتبين

النايفه وهي تركض صوبه / لحظه ابيك

مايد اللي كان واقف عند كايد وقال بخفة دم / وانا ماتبيني

ابتسمت النايفه لخالها مايد ابتسامه بارده ولا ردت عليه ... يا يمشي صوبها كايد وهو يتسأل / شتبين شعندج؟

النايفه ومسكت بيد كايد ويرتها وياها بدخله البيت وقالت بلهجه متوتره / تعال بس اشوي

كايد وهو يضحك على طريقة النايفه وهي تيره / شنو فيج انتي؟

دخلته النايفه دخلته مع باب المطبخ لانها ماتقدر ادخله الصاله لان يدتها وخالتها يالسات

في المطبخ

كايد وهو يستعيل النايفه / بسرعه شعندج العيال ينطروني برا ( وكان مبتسم)

النايفه وهي حدها متوتره / كايد ... نوره خطبها واحد

كايد واللي كان يبتسم تلاشت ابتسامته وحس بنبضات قلبه تزيد ... تنهد بعمق ... وطالع النايفه بعدساته

العسليه وجنهن يتسألن عن صحة كلامها /...............

النايفه واللي لاحظت عضلات فك كايد تشتد وترتخي وجن بحلقه كلام عالق ... ردت عليه النايفه بتوتر /

خطبها واحد اسمه جاسم

كايد واللي حس بوخز بويهه وجن احد صفعه وقال وعيونه تومض بالغضب / وافقت ؟

النايفه واللي كانت شعلة من التوتر / مدري ... مدري ... بس كايد تكفى اخطبها ( تكلمت برجاء )

كايد واللي تضاربت عنده الافكار ( لا انا احبها ومستحيل تكون لغيري ...بس عناد اخوي يحبها ومستحيل

اخطب وحده يحبها اخوي ... بس انا احبها وبعد عناد يحبها ... لا نوره ماتاخذ احد غيري ... مستحيل ...

بس عناد اخوي يحبها ( توقفت افكاره على منطق واحد ومستحيل يغيره ( اخوي يحبها ومستحيل انا اخذ

وحده يحبها اخوي ) ارتعش بداخله وتكلم بصوت عميق ... بارد ... حاد .../ الله يوفقها

طالعته النايفه وعيونها تتسع منصدمه من كايد وردة فعله وردت عليه وهي تشتعل عصبيه / كايد انا

ماناديتك عشان تقول الله يوفقها ... خابرتك تحب نوره ... ومو تحبها وبس الا تحب الارض اللي تاطاها ...

كايد حرام عليك ........

قطعها كايد وهو يدوس على قلبه ومو مقتنع باللي قال ... ضغط على اسنانه بقوه والغيظ يلمع في عدسته

العسليه / قوليلي شلون اتزوج وحده اخوج يحبها

صرخت النايفه بويهه بعصبيه / وانت شعليك من اخوي ... تهدم حبك عشان عنادوه

كايد وصرخ بويه النايفه بصرخه احد من صرختها / كافي ... كافي... قلتلج الله يوفقها وبس ( وطلع من

المطبخ وهو يحس بالحسره والالم )

اما النايفه فهي انقهرت من اخوها وطلعت لوين مانوره يالسه ( طلعت في غرفتهن )

دخلت النايفه على نوره وعيونها ملتهبه عصبيه وقهر وسألتها من غير مقدمات / بتوافقين عليه ؟

نوره لفت على النايفه ولاحظت نبرة النايفه القهريه / اشفيج معصبه ؟

حاولت النايفه تخفف حدة عصبيتها وردت تسألها بقهر / بتوافقين عليه

ردت عليه نوره بآسى / قلتي له ؟

استغربت النايفه من نوره ( شنو عرفها اني قلت لكايد ) ردت عليها بسؤال وجنها تستعبط/ منـــو؟

نوره وهي تبلع عبرتها / شفتج من الدريشه وانتي تنادين كايد بالحوش

النايفه واللي نزلت راسها / .........

نوره وبحزن / شنو قال ؟

النايفه ولاقدرت تتكلم (اصلا شنو تقولها ...تقولها ان قال بكل برود الله يوفجها) هم سكتت ولا تكلمت /.........

نوره وهي ت حس بداخلها لهيب يشتعل بحراره / شنو قال ؟ ( وجنها تلح تبي تعرف شنو قال )

النايفه طالعت نوره بآسى وحست انها ماتقدر تسكت عن نوره ولا تقولها او تجذب عليها وتقول ماقلتله لان نوره

شافتها وهي تناديه ... قالت لها بعد تردد وهي مخيمة على عينها كآبه كالحه / قال الله يوفقها

طالعتها نوره بطريقه مباشره وعيونها تلتهب عصبيه حاولت انها تمسك نفسها بس ماقدرت صرخت بويه النايفه

بعصبيه / ومنو قالج تروحين تقولين له


حست بقلبها تزيد نبضاته ... حست بطعنه بقلبها ... حست ان دموعها محبوسه في محجر عيونها اللي تتلالاء

دموع ... حست ان دموعها مأسوره ولا تقدر تنهمل على خدها لان اللي بداخلها اكبر من البجي والصياح حست

ودها تصرخ بصوت عااااااالي ( جرحتني ياكايد )

( بالفعل كايد جرح نوره كحبيبه بتخليه عنها ولاخر لحظه تخلى عنها )

ردت نوره ولفت على النايفه وصرخت بحده / منو سمح لج تروحين تقولين له ؟

نزلت النايفه راسها متأسفه /................

لفت نوره على تليفونها المنطول على سريرها ومسكته ومن غير شعور ارتعشت اصابعها وهي ادق رقم ابوها

المسجل في تليفونها ...ماحست بنفسها الا يوم رد عليها ابوها / هلاوالله

نوره وهي تصر على اسنانها بقوووووه وقالت من غير مقدمات / انا وافقت على جاسم ( ونبرة صوتها تتموج

بالاسى والحسره والحزن)

ابوفهد واللي ارتسمت على ويها ابتسامة / بالسرعه هذي وافقتي ... توني طالع من عندكم ماامداج تفكرين

نوره واللي تلتهب آسى / خلاص يبه وافقت وبس

ابوفهد ومازال يرسم على ويهه الابتسامه / هذي الساعه المباركه ياابوج وجاسم ريال مايرفض مثل ابوه الله

يرحمه ...بس اسمعيني ياابوج الريال مستعيل ويبي عرسه العطله هذي

نوره وهي مازالت تضغط على اسنانها بكل قووووه / ماعندي مانع بس انا ابي الملجه والعرس بيوم واحد

ابتسم ابوها / هم بعد يبون جذيه

• بندت الخط من ابوها ... وابوها مو واسعته الدنيا من فرحته ... لانه بيزوج بنته لولد اغلى صديق بدنيته
•
• ومستانس بعد لان نوره ماطولت تفكر

النايفه وبقهر / ليش قلتي لابوج جذيه ؟

نوره وهي اطالعها ونبرة صوتها تغيرت / وشنو تبيني اقول ؟

النايفه وباانكسار / وكايــــــــد

نوره واللي في هذي اللحظه سالت على خدها دمعه وقالت بصوت حاد ... عالي .../ كايد باعني ... كايد تخلى

عني ... ( وانفجرت قنبلة البكاء)

ضمتها لها النايفه والنايفه هم انهملت على خدها دموعها ...


( كم هو مؤلم ان تحب شخصا ... بادلك مشاعر الحب والعشق والهيام... حلقت عاليا في سماء حبيبك ... عشت



اياما وعينيه تداعب عينيك بنظرات الحب والعشق ... احب مسامرة الليل من اجلك ... احب القمر لانه يشبهك

...احب الدنيا لانه احببك ...في ليلة من الليالي قد وعدك بوعود... وهاهو اليوم يخلف وعده ... ويتخلى عن حب

بناه ... عن حبيب احبببه ...عن عاشق عشقه ...عن خليلٍ تعود عليه اياما لم يفارقه ...تعود على لطفه واسلوبه

وتدليله ...واليوم يتخلى عنكِ كايد الحبيب للمرة الثانيه وفي اخر لحظه )

• انتشر خبر خطوبة نوره ... في البدايه اليده انقهرت وعصبت ليش ان نوره وافقت ... لان اليده كانت
•
• تبيها لكايد ... ولان كايد ((( كان ))) متكلم عليها ... وهم لان اليده ماكانت تدري بسالغفة كايد واخوه
• عناد... لكن نوره اقنعتها بأن كل شي نصيب ... ورغم ان فهد اخوها مامدح لها الريال بس اصرت انها تتزوجه


مرت الاياااااااام وردوا من سفرهم متعب وريميه وعبدالعزيز واميره ... وجرب عرس نوره وهي تموت باليوم

عشرين مره ... وكايد كان موليه ماييي البيت الا بالليل اذا الكل نااااااام ... وحس بغلطته وهم حس انه واحد

سخيف وانه مايستاهل نوره ...



اليوم زواج جاسم على نوره

في مشغل ( بنت حواء) البنات كلهم يتعدلون هناك ونوره كانت تتعدل في غرفة العرايس ... تعدلت ولبست

فستانها الابيض ... وكان صدرها يرتفع ويهبط من توترها ... سالت دمعه حاره على خدها ... مسحتها بسرعه

لان البنات كانوا حولها وماتبيهم يشوفونها وهي تصيح ... تحركت حركه بسيطه الا وينقطع فستانها من عند

خصرها ( كان قطع بسيط)

نادت النايفه الخياطه عشان تخيطه لها ... ويات الخياطه

كانت نوره تركز نظرها على مكان السقف واطالعه بكل الم ... نهملت من عينها دمعه وتبعتها دموع وارتفع

صوت صياحها

النايفه وهي تهدي نوره / بس نوره شنو يصيحج الحين انتي؟

الخياطه وهي تمرر الابره بخفه ورشاقه بالثوب ورفعت حياتها مستغربه / انا اول مره اشوف عروس تصيح ليله

زواجها <<<<<<( كلام الخياطه مترجم من لهجتها المستعربه )

نوره زاد شهاقها وصياحها

غيوض واللي كانت مخلصة تعديل / بس نوره حبيبتي ... شنو يصيحج؟

الخياطه وهي تدخل الابره واطلعها في القماش بحركة فنيه متواصله / الليله احلى ليله بالعمر وانتي تصيحين

النايفه وهي تمسح دموع نوره بحنان / خلاص نوره ياقلبي


*************

شمس واللي يالسه تتعدل برا اتصل عليها غالي

شمس وهي ترد ارتسمت ابتسامه على ويها / هلا والله

غالي / هلا وغلا ... ها خلصتي والا باجي

شمس / لا باجي اشوي بس

غالي / منو بياخذكم للقاعه؟

شمس وهي تهز اجتوفها / مدري والله عن البنات

غالي / خلاص عيل انا بييي اخذج ... مالي خص ... لا تقولين لا ... احنا الحين متملجين يعني عادي

شمس وهي تضحك/هههههههههه

غالي / اذا خلصتي اتصلي علي ايي اخذج ماابيج تروحين مع حد غيري

شمس وهي تنفخ علكتها / انزين

غالي / يله عيل في امان الله

شمس / في امان الكريم

شوق واللي مخلصه تعديل وتوها طالعه من عند نوره ...يات صوب شمس / نوره تبجي داخل

شمس وبخوف / ليش؟

شوق و / مدري والله ... بس انا اقول يمكن تذكرت امها

شمس وباانكسار/ مسكينــــــــــه

**************************

بالمقابل كايد طايح على سريره وجنه منهد حيله ... ومو مستوعب ان الليله عرس نوره على واحد غيره ... حس ا
لدنيا ضايجه فيه ... معقوله كايد اللي يحب نوره تخلى عنها معقوله ...لف على جنبه الثاني ومخدته مبلله دموع


...( عظيم ان الرجل يبكي من اجل الحب ومأساة ان يبكي على تخليه لحبه )

لف على جنبه وعيونه تلمع بالدموع لفت انتباهه الورقه اللي كانت الدرج اللي يم سريره ...في البدايه ماوجه لها

أي اهتمام لكن حس ان دموعه يزيدن في الانهمال وهن يطالعن الورقه ... قام و مد ايده بحركة ثجيله واخذ

الورقه فتحها وهو يمسح بظهر يده دموعه وجنه طفل عشان يقرا المكتوب )

انت مؤلم ... انت جاني ... انت ماضنك تعاني...

انت جرحك اليوم اسود...

انت جبار واناني...


لو عرفتك قبل مااعشق...

لو تركتك قبل مااغرق...

لو تأنيت بزماني ...

كان وضعي اليوم ثاني...

كنت اضنك مثلي عاشق...

ماانت قادر تفارق...

كنت اظن بيدك حناني..

كانت ظنون واماني...

انت مؤلم انت جاني ...

تدري وش باقي اقول...

ماني محتاجك حنون...

تحياتي لمن هدم حياتي: نوره


كايد مو مصدق اللي مكتوب ... معقوله هذي نوره ... ماقدر يتحمل انهار يصيح ... رمى بنفسه على

الارض ... طاح على الارض ... انسان بطول كايد وعرضه ماكان يتوقع انه بيوم بينهار ويطيح على

الارض....ارتفع صوت صياحه ...وده يصرخ ويقول سامحيني يانوره والله احبج انا ... ارتفع صوت

صياحه المأساوي ...ارتفعت شهقاته الحزينه

• كان كل اللي في البيت طالعين للعرس وعلى راسهم عناد واللي ناسي انه فرق بين قلبين

ارتفع صوت شهقاته ...ارتفع صوت اهاته

فجأة ماجد بطل الباب على كايد وبخوف / كايد شنو فيك؟

كايد واللي اجهش في البجاء اكثر / .............

مايد جرب من عند كايد وحاول انه يقومه من على الارض / اشفيك كايد

كايد والدموع مبلله خده وصدره مليان اهااات ... تكلم وجنه يعزف الحزن وقال باانهيار / انا جاني ...انا اناني...

انا جرحي اسود ( وزادت قنبلة بكائه بالانفجار)

مايد وهو يهز كايد بقوه وبخوف / كايد انت شنو تقول؟

كايد وهو يحاول يبعد يدين مايد عن اجتوفه / نوره خلاص تزوجت ياخالي

مايد واللي طالع مصدوم وعرف ان كايد كان يحب نوره... تألم لحال كايد لانه هو بعد مر بنفس الموقف هذا ...

وحاول انه يهدي كايد / بس ياكايد ... دامك تحبها ليش ماخطبتها

اهنيه كايد زاد بصياحه وزاد انهياره


****************
في الزواج

الحين زفة العروس نوره ... طلعت للحضور وهي تمشي على طول الممر المفروش بفرشه حمراء ( حطوا

بالمسجل زفة راشد الماجد اللي تقول كلماتها)

(حد منكم شاف في الدنيا بدر ...مقبلن يمشي ومن حوله بشر ... هذا ماهو بدر ليل يختفي مع طلوع الصبح...

وبزوغ الفجر اوبدر يصبح بعد مده هلال هذا بدر مكتمل طول الشهر... ولا اله الا الله ... ولا اله الا الله عالنبي

محمد صلوا عليه)


كان ويها جميل بكل مافي الكلمه من معنى : عظام ويها عاليه ونافره ... الميك اب كان روووووعه ...كانت

تتحرك ببطء على ايقاع معين من الموسيقى وكانت تعابير ويها بااااااااارده مافيها حياااااة وجنها عديمة الحس

والشعور ... تلاحقت نبضات قلبها وحست بااختناق وجاسم زوجها اللي يمشي يمها كان مركز نظره عليها ...

مسك ايدها ومن غير شعور اسحبت نوره يدها ومسكت مسكة الورد اللي كانت تمسكها بااحد يدينها ... صعد

جاسم المنصه ومد ايده لنوره عشان يساعدها بالصعود ...بعدت نوره عنه ومسكت باايد فهد اخوها اللي كان

واقف يمها ... يلس جاسم على الكوشه ويلست نوره وهي تكتم صرخه بداخلها ... لفت على جاسم بطالعه وشافته


( يااااااااه كان عكس كايد مرررره ... كان نحيف حييييييل عكس كايد البدي قارد... وكان شكله قصير بس اطول

من نوره ... بس بالنسبه لطول كايد كان قززززززززم .... طالعته وابتسم لها ... صدت عنه وحاولت مااطالعه

بعد دقايق يات اليده عند نوره عشان تسلم عليها... سلمت نوره على يدتها وامسكت نفسها عن تصيع ... جربت

اليده عند جاسم وهي بداخلها تتمنى ان كايد هو بمكان جاسم ( كان كايد ونوره هم اغلى اعيال اعيالها ... كانوا

هالثنين لهم معزة غيييييير بقلب يدتهم

اليده وهي تبلع عبرتها / مبروك ياوليدي ( تكلم جاسم)

جاسم وهو يصطنع الابتسامه / الله يبارج فيج

اليده وحدها وتصيح / لا اوصيك على نوره حطها بعيونك تراها غاليه

جاسم واللي مايدري منو هذي اللي توصيه على نوره / نوره في عيوني

راحت عنهم اليده ولف جاسم على نوره / امج هذي

ردت عليه نوره بتوتر / لا هذي يدتي

جاسم واللي ابتسم / اوووه اسف ... نسيت ان امج ميته

طالعته نوره بالم وتراقصت بعينها دمعه ... حاولت انها تمسك نفسها بس ماقدرت كانت الدمعه اقوى منها وسالت

على خدها ... مسحت نوره بسررررعه دمعتها

اما النايفه فهي واقفه من بعيد وشافت دمعة نوره وقلبها يحترق على نوره لانها ماخذت كايد


*****************
بعد العرس

ردت النايفه لغرفتها اللي تعودت على وجود نوره وياها في الغرفه ... انهملت من عيونها دمعه بدون شعور (

آآآآآآآآه كنا ننام سوا ونقعد سوا ونضحك سوا وناكل سوا ونشرب سوا ونبجي سوا ...آآآآه ياربي ماني متخيله ان

نوره ياخذها احد غير كايد طالعت سرير نوره وتذكرتها وهي سادحه عليه ... وهي نايمه عليه ...تذكرت


حركاتها ... تذكرت مشيتها ... تذكرت شلون تتكلم ... تذكرت بنت خالتها ... اختها...رفيجتها ... روحها ...

حياتها ... تذكرت نوره ... ( ومن غير شعور رمت بنفسها على سرير نوره وبجت عليها ... هذي اول ليله انام
تذكر بروحي من توفت خالتي دايم نوره تنام وياي واليوم تركتني بروحي ( اجهشت بالصياح ...بجت وبجت

وبجت على فراق اغلى ناسها)

*****************

بالمقابل في غرفة كايد اللي مبند باب غرفته ولا حضر العرس ( تعذر له خاله مايد وقال اه تعبان)

كان على حالته طايح على الارض ومنهار ... ودموعه مبلله خده وهو يتذكر نوره ... يتذكر اغلى حبيبه

ووشلون تخلى عنها ... يلس يضرب بيده على الارض بقوووووه ويصيح بقهر... واهات تطلع من قلب كايد اللي

نوره مالكته واللي داس عليه كايد وتخلى عن حبه... انهار دموعه منهمله على خده بحراره وقلبه محترق على

فراق نوره ... وصدره يأن انين على تخليه لحبه ... حس بالندم اخذ يعض اصابعه من غير شعور وشفايفه

ترتجف مو قادر يتخيل ان نوره خلااااااااص صارت لواحد غيره.


تذكر يوم نوره تأخرت عن المدرسه ايام ماامها عايشه يوم اتصلت في كايد تطلب منه يودي نوره ... وهم تذكر

يوم وداها للمدرسه هي والنايفه في اخر يوم من اختباراتهم ... تذكر يوم يتصفح دفتر اشعارها وشعرها الحلو

تذكر ضحكتها الجذابه تذكر يوم ملجة متعب وعبدالعزيز يوم سمعها وهي تقول ( انا القمر ليلة تمامه انا شي

تشوفه ماتطوله ) تذكر يوم قالها بطوله ( ضرب يده بكل قوووووه على الارض ... وسالت على خده انهار

ودموع ودموع ودموع ويرن وهو يقول بنبرة مأساويه ( ماطلتها ماطلتها غيري اللي طالها) وانهاااااااااار

يصييييييييح

****************

عند المعاريس جاسم ونوره في بيتهم

جاسم وهو يبطل بكت الدخان/ ليش ماتقومين تغيرين فستانج ( كان صوته رعدي قوي)

نوره وشفايفها ترتجف خايفه / الحين بقوم

جاسم وهو يتأمل ويها ويطلع الدخان من حلجه / انزين يله قومي

نوره واللي اقشعرت من طريقه جاسم وهو يدخن / انزين

وقامت نوره بتدخل غرفة الملابس بتغير... دخلت ... وبالويل نزلت فستانها الفخم ... لبست بجامتها ويلست

بغرفة الملابس وهي خايفه ... حائره ... متألمه ... حزينه ...آآآآآه معقوله انا تزوجت؟ وتزوجت واحد غير

كايد ...معقوله ...ياترى شحالك الحين ياكايد؟ حضرت عرسي والا لا ؟ آآآآآآآآه ليش تخليت عني ياكايد ليش

ليش ؟وتذكرت امها واسترسلت بالصياح ... بجت بحرقة الصمت ... سالت دموعها بحراره ... حست قلبها

يعتصر آآآآآآآآه ( شي مؤلم اذا لم تتحقق الاحلامي)

اما جاسم شافها طولت ... وقام يشوف شنو فيها ليش طولت؟ دخل عليها وشافها يالسه بزاويه الغرفه وتصيح
جاسم وبصوته الرعدي / نـــــــــوره

رفعت نوره راسها اللي كانت دافنته بين ركبها ودموعهاتبلل خدها الناعم/ .........

جاسم وبخشونه / شنو يصيحج؟

نوره واللي زادت تصيح بحرقة وصمت /.....

تتذكر طريقه كايد لها كانت بالمره حنون عليها ويدريها زي مايداري الطفل الصغير

جاسم وهو يمسك يدها وييرها بطريقة خشنه وجافه / قومي شنو يصيحج ؟ الليله عرسج وتصيحين ... قومي يله نامي

نوره واللي صرخت بألم من مسكة جاسم المؤلمه لها وقالت بصوت ممزوج بجاء وشهاق / ماابي انام

جاسم وبجفاف ومازال يير يدها/ شنو ماتبين تنامين ... عيل انا ليش متزوجج ... امشي جدامي يله وبلادلع

صرخت نوره من طريقته الجافه ودموعها زادن بالانهمال
وفكت يدها منه بقوه وراحت ونامت في المجلس والي قفلت الباب عليها بالمفتاح


*****************************
بعد يوم
في بيت اليده
وبالصاله بالتحديــــــــد

اليده / ماتدرون عن نوره؟

فهد / لا والله مدري بس ابوي يقول انهم في بيتهم

مايد / ماسافروا

فهد / لا

عناد واللي الوضع عنده عاااااادي / النايفه ماشفتها من عرست نورة

اليده / خانت حيلي من عرست نوره وهي ماطلعت من غرفتها

فهد وبعيونه استفهام / الا كايد وينه ماشفته من امس

اليده وبنفس استفهام فهد / انا بعد اشفته اليوم

مايد واللي عارف بحالة كايد وقام من مكانه/ انا بروح اشوفه اكيد انه بغرفته

فهد وهو يوقف مع مايد / انا بعد بروح وياك

راحوا فهد ومايد لوين ماكانت غرفة كايد ...طقوا الباب ومحد فتح ... طقوا مرة ثانيه ولا احد فتح ...مد فهد

يده على مقبض الباب ومن حسن الحظ انه ماكان مقفول...دخلوا كلهم بسرعه والخوف يتغلغل بقلوبهم من

شافوا كايد طايح على الارض مثل طائر جريح

جرب من عنده فهد بخطوات سريعه والا ستفهام يعلو ملامحه/ اشفيك كايد

كايد ماكان يسمع احد لان سمعه مشغول بصوت نوره يوم كانت تغني انت مو قد الكلام ... كانت الكآبه

مغطيه ملامح ويهه والتعاسه تلمع بعيونه والدمع مبلل خده /......... ولا قادر يتكلم يحس ان حيله منهد

جربوا من عنده فهد ومايد اكثر كانوا بيقعدونه من طرحته هذي اللي على الارض حسوا بحرارة جسمه المرتفع

مايد وبخوف / كايد تحس بحراره

كايد واللي في ذكرى نوره غارق وركز نظره على زاويه معينه من الغرفه / .....

فهد وهويسأل مايد/ عليه حراره مو؟

مايد وهو يهز كايد يبيه يرد عليهم / كايد ...كايد...كايد

كايد واللي توه ينتبه عليهم بعد غرقانه في افكاره ...طالعهم بحسره واجهش بصياح / اطلعوا عني


...اتركوني لحالي... ماابي احد ( بصوت مأساوي ... بائس... اليم ...حزين... تعيس)

مايد وبحده / شنو تخليك لحالك ؟ قوم ويانا للمستشفى ...حرارتك مرتفعه

كايد صرخ بويه مايد / مايخصك انت؟ ()

فهد واللي مايدري ليش يبجي كايد وقال بنفس حدة مايد/ اشفيك انت ؟ قم خلنا نوديك للمستشفى

كايد واللي زاد صياحه وحس بحراره جسمه ترتفع زياده ...حس بااطرافه ترتعش ... حس الدنيا ظلام ...

حس بالارهاق والتعب ... حس بعيونه ان ودها تغمض ... استسلم لعيونه وارخى جفونه ... ودمعه من

دموعه انهملت على خده ... غمض عيونه... ورموشه ... الكثيفه التصقت ببعضها من كثرة الدموع المنهمله

هزه مايد وهو يرتجف من الخوف على حال ولد اخته / كايد كايدكايد

وكايد ولا رد مشيرا الى غيابه عن الوعي

فهد وهو في قمة خوفه / كايد...كايد... رد ؟

كايد/...........

مايد وبخوف وهو يحاول يسند كايد عليه / قوم اسنده وياي خلنا نوديه المستشفى ( يكلم فهد)

نزلوا بالصالة وهو يسندونه

اليده من شافتهم صرخت بنبرة ارتجافيه / اشفيه كايد؟

عناد واللي تحرك صوبهم وبخوف وعيونه تتسأل / اشفيه؟

مايد وصوته يرتجف ويحاول يطمنهم / لا بس حرارته مرتفعه بنوديه المستشفى

على هذي اللحظه كانت النايفه تنزل من الدري وشافت اخوها كيف منهد حيله وكيف كان شكله وهو غايب

عن الوعي...صرخت بصوت عااالي وهي تركض بخطواتها السريعه/ بلاه كايد؟

ومحد رد عليها وطلعوا

يات عند يدتها وعيونها تلمع بالخوف وتتسأل/..........

فهمت يدتها تساؤلها وردت عليها بنفس الخوف اللي تحمله في قلبها وبشفايف ترتجف / حرارته مرتفعه


*******************

بالمقابل عند نوره وجاسم

نوره اللي يالسه في الصاله واطالع بالسقف بألم وسرحاااااااااانه ... فجأة سمعت صاحب الصوت الرعدي

جاسم/ انتي اهنيه

طالعته نوره بتعاسه / ............

جاسم / انا طالع مع ربعي ( وطلع بسرعة البرق وصك الباب بقوه هزت نوره ... طالعت نوره اثره وهي

تخبي بقلبها الم وقهر ...


(.آآآآآآآه شنو هالشخص من ثاني يوم من زواجهم وهو طالع وتارك المسكينه بروحها ... ولا حتى فكر انه يسافر هو ونوره مثل كل المعاريس ولا حتى على الاقل طلعها يمشيها بدل حبسة البيت هذي...فاياترى من أي نوع جاسم هو من الرجال)

صرت نوره على اسنانها من القهر / شنو هالريال؟

ومن غير شعور دخلت غرفتها وين ماكان جوالها موجود واتصلت على بيت يدتها ...ردت عليها النايفه اللي

كانت يالسه في الصاله هي ويدتها ينطرون ردة كايد من المستشفى

ردت النايفه بصوت مكسور / الو

نوره واللي حست بالحياة من سمعت صوت النايفه / هلا والله النايفه

النايفه واللي صرخت من الفرحه / نـــــــــوره

اما اليده من سمعت النايفه تنطق اسم نوره قامت من مكانها متجهه لنايفه

نوره واللي ابتسمت من وراء السماعه ابتسامه بارده/ اخبارج يالغاليه

النايفه وهي شاقه الحلج / بخير الحمدالله ...انتي شلونج شلون جاسم وياج؟

نوره واللي ابتسمت بسخريه / انا زينه

تغير الصوت على نوره يوم اسحبت اليده السماعه من اذن النايفه وبلهفه / اخبارج يابنيتي؟

نوره وهي شاقه الحلج / هلا والله بالغاليه... انا زينه الحمد الله (تبي تصيح)

اليده وبلهفه على اخبار نوره/ واخبار جاسم وياج عساه زين

نوره ووبعد تردد في الاجابه على سؤال يدتها / الحمد الله يدتي زين ( وحاولت انها تغير الموضوع) اخباركم انتم

اليده وغطت على ويها ملامح القلق/ الحمدالله احنا زينين بس قبل اشوي خالج مايد وفهد اخوج ودوا كايد للمستشفى

صرخت نوره بصوت عالي من سمعت اسم كايد والمستشفى وبصرخه حاده عاليه / كايد تعبان؟

اليده واللي ماتدري بشي بين نوره وكايد / أي حرارته مرتفعه

النايفه سحبت السماعه من يدتها بسرعه وهي اطالع يدتها متلومه ليش انها قالت لنوره عن كايد ...ردت على نوره وبنبرة يطغى عليها التوتر / هلا نوره انا النايفه

نوره وبااندفاع / النايفه ...شنو فيه كايد؟

النايفه وهي تحاول تهدي نوره / لابس حرارته مرتفعه

نوره وبحزن الانكسار / انزين يله مع السلامه

بندت نوره الخط من غير شعور ... وماتدري اصلا ليش بندته او ليش اتصلت عليهم


( اهي تزوجت شعليها من كايد وليش توترت علشانه؟ ...يمكن لان حبه للحين بقلبها ... ويمكن لانها تحس

ان كايد تعبان بسببها )


حست لحظتها بالحسره والقهر وكانت تردد في نفسها ( ليش ياكايد ؟ ليش خليتنا نفترق ...دامك تحبني ليش؟

تضاربت الافكار عندها ... وهي اطالع بيتها ومستاحشه وحدتها بالبيت ... وزوجها اللي ماصار لهم 24

ساعه متزوجين طالع برا وتاركها ... وقف فكرها على لومها لنفسها ليش انها استعيلت وتزوجت هالجاسم

...آآآآآآآآآآه ... سالت على خدها الناعم دمعات كرذاذ المطر ولكن كانت بحرقتها كااشتعال النار...



في المستشفى

قال الدكتور ان سبب حرارته الحاله النفسيه عنده متدهوره والارتعاش اللي كان في اطرافه بسبب انهيار عصبي حاد ... كتبلهم بعض الادويه النفسيه المهدئه... وردوا البيت ...عقب اتصلت نوره على النايفه تطمن وطمنتها النايفه


على الساعه 2:30 بالليل

نوره يالسه في صاله البيت تنطر ردة زوجها المزعوم (جاسم)... كانت مستاحشه من البيت ومن وحدتها فيه

... سمعت صوت الباب فرت مفزوعه وشافته : هذا جاسم رد ... وخف فزعها من شافته ... يمكن حست

بالامان يوم شافته ... لكن هيهات هيهات للامان وهو داخل عليها بالحاله هذي

جاسم واللي بدا يرب متجه صوب نوره وهو يسحب ريوله ببطء ويتمايل يمين ويسار ولا قادر يمشي عدل

... ولسانه ملتوي وعيونه حمراء مثل الشرار ... يتمتم بكلام مو مفهوم

نادى نوره بلسانه الثجيل / نوره ( وكان جريب منها)

شمت نوره منه ريحه كريهه وقالت بنبره ارتجافيه/ شنو هالريحه؟

جاسم وهو ييلس على القنفه وبلسان ثجيل ويضحك/ههههههههه الحياة حلوه ... تعالي حنان حبيبتي اهنيه ...

تعالي يلسي يمي

اتسعت عون نوره مصدومه من اللي تشوف وتسمع( منو حنان؟ ) جربت من عنده وصرخت بويهه وهي

تهز اجتوفه اللي مسكتهم باايدينها الصغيره الناعمه / ياييني سكراااااااان ( قالتها بنبرة حاده وشفايفها مازالت

ترتجف وبحركه ثجيله من جاسم دز نوره عنه ... وبلسانه الثجيل / أي سكران ... والا عندج مانع والا دواس ( وانفجر يضحك)

طالعته نوره باانكسار وضعف وحسره ( مو مصدقه اللي تشوفه معقوله اهي اخذت واحد يسكر ... واحد

يشرب معقوله... ليش ياربي ؟ وهي اطالعه ماقدرت تتحمل واطلقت عنان دموعها ... وراحت تركض

لغرفتها ورمت بنفسها على السرير وهي مصدومه ... مندهشه ... مجروحه كأي زوجه تشوف زوجها يايها

سكران...او بالاحرى مصدومه من عريس ياي عروسته وهو شارب...حست انها فعلا تسرعت يوم

تزوجت واحد مثل جاسم ... حست بالالم ... حست بالاهات ... اللي تعصر قلبها المجروح ... خلااااااااص

كل شي تساوى بعينها...كافي صدمااااااااااات يازمن ...( ياااااااااه شكثر نوره انصدمت بحياتها ... صدمة

وفاة امها... صدمة كايد بتخليه عنها... صدمة جاسم لها... آآآآآآآآآه وآآآآآآآآآآه وآآآآآآآآه)

اخذت تصيح وتشاهق ووقف شهاقها يوم شافت جاسم واقف يمها ...حست بشعور الخوف تجاه

هالشخص...بدون شعور ماحست بنفسها الا وهي واقفه بتطلع من الغرفه ... مسكها مع ايدها الناعمه وبلسانه

الثجيل / وين طالعه ؟ ماتبين تنامين؟

صرخت نوره بويهه وهي مو قادره تشوفه من الدموع اللي تلمع بعيونها كالزجاج ... صرخت بالم / فجني

ماابي انام مع واحد مثلك سكران

طالعها جاسم وهو يتهزهز مثل الورقه ودزها بقوته على السرير

*****************

 

[n-o-n-a]

الجزء التاسع عشر

مرت الايام بسرعه مثل عقارب الساعه وصار على زواج نوره اسبوعين مر على نوره وجنه دهر وكايد

نفس الشي للحين حالته النفسيه في سوء من التدهور ...اما مايد فكان متعاطف وااااااايد مع كايد لانه يحس

انه نفس معاناته ... اما نوره فكان جاسم يطلع كل اليوم وماتشوفه الا اخر الليل يرد وهو شارب وهي تحس

ان كل اللي صار ويصير لها كايد هو السبب... وللحين ماخبرت احد بسالفة جاسم وشربه ...اما فهد فهو

للحين ماتكلم على النايفه...

**********************

في بيت ابو رعد

رعد واللي طالع من غرفته ومتخذ قرار ومتجه صوب الدري ...يدور على امه ...لقاها بالمطبخ ودخل عليها

رعد / يمه انتي اهنيه وانا من اليوم ادورج؟

ام رعد وهي تقطع سلطه للغداء / شعندك؟

رعد وهو ييلس صوب امه/ اقول يمه

ام رعد / شعندك؟

رعد وهو ياخذ قطعه خياره وياكلها وقال من غير مقدمات / يمه ماودج تزوجيني؟

ام رعد واللي ماعطت لكلام رعد اهميه لانه ياكثر مايقول لها جذيه عشان يجاري عقلها / ودي والله بس

انت ماتبي ( قالتها بحرقه)

رعد وهو يبتسم / وشنو رايج ان انا الحين ابي اتزوج

ام رعد فجت السكينه اللي بيدها وبفرح / صج

رعد وهو يبتسم لامه / أي صج

ام رعد وبلهفه / منو تبي اخطبلك ...طب وتخير عندك بنات عماتك النايفه وشوق وغزل وبنات خالاتك

وبنات خوالك ... انت اشر بس وانا اخطبها لك ( تكلم بلهفه سريعه)

رعد وجنه يتلكع / انتي منو تبين ؟

ام رعد وهي تبتسم من قلب / انت اللي منو تبي ؟

رعد وهو يبادل امه الابتسامه/ اللي تبينها انا ابيها

ام رعد وللحين شاقه الحلج / انا خاطري والله في شوق بنت عمتك احسها مناسبه لك

رعد حس بفرحه يوم امه تبي اللي يبيها واللي مافارقت باله منزواج متعب وعبدالعزيز ... حس ان امه تقرا

افكاره وقال لامه بلهجة الفرحان/ خلاص يمه انتي تبين شوق واللي تبينه انا ابيه

ام رعد واللي مو واسعتها الدنيا من الفرحه ... كانت فرحتها مثل فرحة أي ام ولدها بيخطب ... مثل فرحة

اي ام ولدها كان مضرب عن الزواج ... ويات اللحظه اللي يقول لامه( اخطبيلي)

انتشر خبر خطوبة رعد لشوق ووافقت عليه شوق وتملكوا والكل فرح لرعد وشوق


بالمقابل في غرفة غيوض

واللي يالسه تفكر / يالله كل بنات عماني وعماتي راحن... اللي تزوجت واللي تملحت ... واللي انخطب ...ز اللي اكبر مني واللي اصغر مني ... كلهن راحن ...مابقى الا انا ... ولا احد خطبني ومالك يوم خطبني انسحب ... تخرجت من الجامعه وبييلس في البيت شنو اسوي ؟ آآآآآآآآه يامالك ليتك تحس فيني ليتك ...آآآآآآه



*************

نرد لبطلة المعاناة " نوره"


دخلت غرفتها شافت جاسم يلبس بيطلع كالعاده ... طالعت جاسم وقالت بنبرة مكسوره / جاسم

جاسم وهو ولا معبرها رد عليها بخشونه / شنو تبين؟

نوره وبنفس نبرتها المكسورة / بكرة اختبار القدرا ت مال كلية الطب

طالعها جاسم بطرف عين / وخير ياطير ( قالها بنفس طريقته الجافه والخشنه)

نوره وبنبرة حزينه يائسه/ انا مقدمه على كلية الطب وبكره لازم احضر الاختبار

طالعها جاسم وعرف قصدها انها تبي تدرس ...وبصوته القزي >> تقول ياملا السنه / انا ماعندي حريم يكملن دراستهن

نوره وبتوسل حزين / بس انا ابي ادرس شسوي ايلس في البيت

جاسم وصوته الرعدي يرتفع ويطغى عليه العصبيه/ قلت لج ماعندي حريم يدرسن ... لا وبعد تبين طب ... ( وجنه يطنز) تبين تختلطين ... الله قايل ( وقرن في بيوتكن)

نوره وهي تصر على اسنانها وبقهر / انا ابي ادرس ومستحيل اهدم طموحي عشان تخلفك

طالعها جاسم بعيونه اللي تشتعل شرار وبنبرة رعديه عصبيه/ انتي الظاهر اهلج ماربوج وماعلموج كيف تحترمين ريلج

صرخت نوره بويهه وهي تمسك نفسها عن تصيح جدامه/ اهلي ربوني احسن من تربية اهلك لك

جاسم ويضحك بسخريه / امبينه تربيتهم لج ... اصلا لو في ابوج خير ماتركج عند يدتج في بيت مليان شباب

نوره واللي ماقدرت تمسك نفسها وانهملن دموعها على خدها وبصرخه ممزوجه بجي وحزن والم /لا

تطري ابوي على لسانك ... ويكون بعلمك الشباب اللي في بيت يدتي اشرف منك يالسكير

طالعها جاسم وعيونها تلتهب عصبيه ومد يده الكبيره القويه الجباره اللي صفعت نوره على ذاج الخد الناعم اللي فرت نوره من قوته

نوره والدموع بللن خدها ويدها على خدها المصفوع ...صرخت بريهه بكل حزن وقهر / انت ليش تزوجتني؟

طالعها جاسم بنظرة هزت نوره من الخوف وحست ان خدها ينطر صفعة كف لكن من رحمة الله في نوره

... ان جاسم طلع من الغرفة من غير مايرد عليها ... طلع عنها جاسم تاركها تبجي حالها ونصيبها ...وتتنهد

على كايد اللي تخلى عنها رغم حبهم لبعض ... اخذت تليفونها واتصلت على ابوها ...رد عليها ابوها بفرح /

هلا والله بالعروسه

نوره وهي تشاهق وتبجي / يبــــــــــه ( وانفجرت تصيح اكثر واكثر)

ابوفهد بخوف / شفيج يبه؟

نوره وهي مجهشه بالبجاء وشهقاتها ترتفع واهاتها بصدرها مجتومه / ماابيه خلاص ابي اطلق

ابوفهد واللي صرخ بويه بنته من سمع طاري الطلاق وقال بنبرة حاده/ بس لا تقولين هالكلام مرة ثانيه

صرخت نوره بالسماعه صرخه ممزوجه بالبجاء والاحزان والاهات / يبه مايبيني ادرس وشتمني وشتمك

وضربني ( واستسلمت لصياح)

ابو فهد وبعصبيه / شنو هالكلام ؟ اكيد امه ماكان يقصد والا جاسم ريال


نوره وهي بتصرخ مرة ثانيه الا ويقطعها ابوها / خلاص يابوج انابكلمه وبشوف

حست نوره باانقباض الالم بقلبها ... خلاص شنو هالدنيا ... عيل ابوي اتصل استنجد فيه ياقف ضدي ويحطني انا

الغلطانه ... بندت الخط من عند ابوها من غير ماتقوله مع السلامه والا في امان الله ...ماحست بنفسها انها بندت

الخط ... رمت بنفسها على السرير ويلست تصيح وتصيح وتبجي قهر تبجي الم ...تبجي حسره ... قلبها يتقطع

على حالها ... شنو الزمن القاسي هذا ...ليش يقسى علي جذيه ...ماكان منها تسويه الا انها رفعت نظرها لسماء

وماقدرت ترفع يدينها لانها تحس بهدة الحيل ... رفعت نظرها وشفايفها ترتجف ولسانها يقول دعاء الكرب/ (لا

اله الا الله العظيم الحليم لا اله الا الله رب العرش العظيم لا اله الا الله رب السموات ورب الارض ورب العرش

الكريم) وقررت انها ماعاد تقول لاحد اللي يصيرلها ...هذا ابوها قال جذيه عيل غيره شنو يقول.

اما ابوها فهو عصب عليها لانها ظن ان نوره بندت الخط بويهه .

************************

بالمقابل كايد كان بسيارته يفر بالشوارع توه مقدم على بعثه يبي يسافر عن هالبلاد ويحاول ينسى كل شي ...

ويحاول يقنع نفسه بأن نوره تزوجت خلاااااااااص واكيد انها الحين ((( مستانسه ))) مع ريلها ... قدم بعثته

بحجة انه بيسافر عشان يتخصص... ( كلكم تعرفون ان كايد تخرج من كلية الطب تخصص عام) هو

بالاحرى بيسافر هروب من الواقع ... يتذكر يوم كانوا صغار يوم نوره طاحت وانجرحت ركبتها يوم هو

اللي لف ركبتها بشاش بايقه من مستوصف المنطقه ... ابتسم ابتسامه بارده وهو يتذكر ان الشاش مبيوق ...

تذكر يوم يلفه على ركبة نوره يوم يوهم اعيال خواله وخالاته يطنزون عليه / صاير دكتور !

من ذيج اللحظه صار طموح كايد طب وهم بعد صار طموح نوره طب ( اشتركوا في الطموح... اشتركوا

بالحب... اشتركوا بالروح الوحده اللي تنبض بقلبين ... اشتركوا بلوعة الفراق...


بالحظه هذي حس نفسه مقهور لانه تخلى عن نوره وحس بالدموع تتراقص بعينه ... مسح دموعه اللي

انهملن على خده بظهر يده وجنه طفل ضاعت منه لعبته ... بتوتر مد يده على مسجلة السياره وطقه وكان

فيه شريط حسين الجسمي وهو يغني ( وكانت هالاغنيه كايد يسمعها باليوم مليون مره )

رحلت...

ومن بقى وياي

يحس بضحكتي وبكاي

وحتى الجرح في بعدك

يغزيني واهليبــــــــــه

انا من لي هالدنيا سواك

ان طالت الغيبه

فقدتك يااعز الناس

فقدت الحب والطيبه

وانا من لي في هالدنيا

سواك ان طالت الغيبه



( ضرب كايد باايده بكل قوة وقهر على السكان)


***************
على الساعه 12:30 رد جاسم للبيت

وشاف نوره اللي كانت يالسه على الكرسي الهزاز الموجود في الصالة وغمضه عيونها ودموعها في انهمال


وجنها سرحااااااااااااااااااانه ولا حست بردة جاسم ... كان شكلها وااااااااايد حزين كانت مسترخيه على

الكرسي وتهزه وسانده راسها وجنها اطالع في السقف ومغمضة عيونها الدامعه وواضح عليها الذهول

صرخ جاسم بجفاف / نــــــــــــــوره

بطلت عيونها نوره مفزوعه / بسم الله ( ومسحت دموعها المنهمله بسرعه ... وغلبت على ملامح ويها

الغرابه رغم الحزن اللي امبين عليها وقالت في نفسها ( غريبه راد البيت مو سكران ) وجنها تعودت على

هالشي...

جرب من عندها جاسم ومن غير مقدمات شدها مع شعرها الليلي اللي كانت رابطته ... وبصوته

الرعدي العصبي/ وصلت فيج المواصيل تروحين تشكين ابوج علي ؟ شنو مسوي لج انا

نوره وهي تصرخ بألم ودموعها ينهملن على على خدها / فجني

جاسم وهو يشد شعرها بقوووه جباره / جاوبيني شنو مسوي لج انا عشان تروحين تشكين عند ابوج

نوره ودموعها اللي على خدها ينهملن بحرقة وتصرخ بصوت عالي اليم / قول شنو ماسويت؟

شدها اقوى مع شعرها وبصوته الرعدي اللي يطغى عليه نبرات العصبيه / اسألج تجاوبيني بسؤال ..زشنو

قلتي لابوج ( وشدها مع شعرها اقوى)

نوره وهي تصرخ جاوبته عشان يفج يده من شعرها وبشهاق الصياح / قلت له شتمتني وشتمت ابوي وضربتني

فجها جاسم ( يمكن ارتاحت نوره يوم فجها ) بس مو مع جاسم الراحه ماحست الا بجاسم وهو ينزل عقاله

وبصوته الرعدي/ الحين اراويج كيف اضربج صح .

ونزل فيها ضرب ... نزل في المسكينه نوره ضرب ... ضربها وزاد الضرب عليها وهو ينقل عقاله بين

جسم هالملاك نوره... ضربها ولارحم توسولاتها له ولاحتى رحم دمعاتها المنهمله بغزاره ... مارحم آهاتها

اللي تنطقها مع كل ضربه ... لو سمع صراخها واهاتها الكافر رحمها...و ماتذكر انه ريال جبار ظالم ...حاط

جبروته كله في بنيه ضعيفه تقاسي الالم وتتجرع العذاب ... صرخت نوره من بين صرخاتها بحدة الحزن

والالم والحسرة والقهر والضعف ...صرخت بكلمة وحده عبرت عن كل اللي بداخلها تجاه هذا الجبار الحقير

...بكلمة قالتها بنبرة مأساويه وباكيه /اكرهـــــــــــــــــــــــــك

ام جاسم فهو مسترسل بالضرب ... بعد مااخذ كفايته من الضرب توقف عن الضرب ورد وطلع من البيت

وهو تارك نوره الجريحه ...الباكيه ... المعذبه... البائسه... الحزينه... تركها وهي تكتم صرخات بداخلها لو

صرختها سمعها الكون ورحمها...تركها طريحه على الارض كسيرة... ومتألمه ... ومتعذبه...تركها

وعيونها تبجي الدمع وقلبها ينزف جرحه ...


بالباجر

على الساعه12:30 الظهر ... فتحت نوره عيونها نوره طايحه على الارض ودموعها لم تأذن بالوقوف بل

كانت تأذن بالحرقة ولهيب القهر...كانت على هذي من تركها جاسم وطلع ...سمعت صوت اذان صلاة

الظهرحاولت تقوم عشان تصلي الظهر... لكن ماقدرت ... مع كذا محاوله قدرت تقوم وهي تسند جسمها

المليان كدمات على اليدار ... وهي تتوضاء طالعت ذراعها المشوه بالكدمات واللي تحس بحرقته اذا

لمسته...انفجرت تصيح ... ومع كذا قدرت انها تكمل وضوئها... راحت تصلي ودموعها على خدها وشهاقها

يرتفع في الغرفة...بعد ماصلت اخذت تليفونها واتصلت على ابوها

ردت حرمتة الجوهره/ الو

نوره وبصوت مكسور/ هلا خالتي ابوي اهنيه

الجوهر/ ابوج راح يصلي ونسى تليفونه... شنو تبين فيه؟

نوره وبصوتها المكسور/ لا خلاص ...بس اذا رد قوليله يكلمني

الجوهر واللي انفجرت / موب قايلتله ولا عاد تتصلين عليه فجينا احنا زوجناج عشان نفتك منج ومن عوار

الراس والحين متزوجه ولاجنج متزوجه خلاص يااخي ابوج عنده مشاكل ومسؤليات غيرج فاهمه فجينا ...

وبندت الخط في ويه نوره ...

نوره واللي حست بالانكسار واخذت اطالع بجوالها وجنها مصدومه ...مذهوله ...ليش ماتبيني اكلم ابوي ...

اذا ماشكيت له لمنو اشكي ...حست فعلا ان مااحد يشيل هم احد لا قريب ولا بعيد... وانسدحت على سيادة

الصاله ودموعها في انهمال غزير

*****************

في بيت اليده

كانت النايفه يالسه عند يدتها هي وخالها مايد وكانوا يسولفون

اليدة/ اليوم كلمتني ام سعود؟

مايد واللي انتبه على الاسم ( هذي ام الرغد) طالع امه مندهش وقال بااندفاع/ شنو عندها؟

اليده وهي تبتسم/ تقول ان بنتها الرغد حامل ... ياحليلها الرغد والله كبرت وتصير ام

مايد واللي طالع امه بقهر ( هذي الرغد اللي كنت احبها معقوله نستني بهذي السهوله معقوله /.........

النايفه وهي تضحك / ياحليلها رغوده ماصار لها 3 شهور من تزوجت وعلى طول حملت

مدت اليده عصاها لنايفه بعصبيه مصطنعه/ عيب البنت الذربه ماتقول جذيه

النايفه وهي تضحك وتبعد عصى يدتها عنها / يدتي ماقلت شي انا

طالع مايد امه ومن غير شعور وبصوت مرتجف قهر/ يمه انا ابي اتزوج

اليده وبفرح / صج

مايد واللي يهز راسه ( وهو غير مقتنع اللي يقول) / أي صاج

النايفه وهي تضحك / واخيرا خالي مايد بيتزوج

اليده وهي شاقه الحلج / اشرايك ياوليدي اخطبلك مها بنت سالم اخوي

مايد وهو يتكلم من غير شعور/ أي وحده بس المهم اتزوج

• شنو تتوقعون يصير؟
• وشنو تتوقعون هل مايد بيتزوج والا كان طلبه من يدته ردة فعل لااكثر ولا اقل؟
• وشنو يصير لــ المتألمه نوره؟

 

[n-o-n-a]

الجزء العشـــــــرون...

خطب مايد مها وتملج عليها وهو مو مقتنع اصلا بالفكرة بس الي شجعه وايده فهد وبعد يمكن مايد يبي يشيل

الرغد من تفكيره اللي نسته ونست انه بيوم حبها... مايد ارتاح مع مها وااااااايد والحمدالله قدرت انهاتفرض

مكانتها بقلب مايد ... ومايد نفس الشي فرض مكانته بقلب مها ... واللي ساعد على هذا كله ان مايد كان

يحاول انه ينسى الرغد ويسلم قلبه حق وحده ثانيه ... حق خطيبته( مهـــا)

*********************

اليوم اليده وفهد والنايفه ومايد راحوا يزورون نوره في بيتها ومن حسن حظ جاسم انه كان موجود في

البيت ومو سكران استقبلهم واستقبلتهم نوره وهي كانت الكدمات اللي في ذراعها بثوب ذو اكمام طويله ...

وغطت الكدمات اللي بويها بمكياج ثجيل... زاروها ونوره ماتفوهت بكلمه لهم لانه تخاف تقول شي وتاكل

ضرب اقوى واقوى من جاسم وهم تخاف انها تنصدم فيهم مثل ماانصدمت في ابوها...

بعد ماردوا البيت اتصلت نوره على النايفه تسألها عن دفتر اشعارها

النايفه / انتي وين حاطته

نوره / في الدرج

النايفه وجنها مصدومه / صج

نوره / أي ليش

النايفه وجنها تتأسف / معليش نوره كل الدفاتر اللي بالدرج حطيتهم بالزباله احسبه دفتر من دفاتر المدرسه

صرخت نوره من الصدمه / عساج للعمى قولي امين ... شيييب دفتر مثل دفتري لدفاتر الدراسه

النايفه / اسفه نوره والله مادريت

نوره وهي تتنهد / حسبي الله عليج ...يله يله مع السلامه

النايفه/والله نوره مادريت لا تزعلين

نوره وهي تتصنع الرضاء / لا موب زعلانه بس يله مع السلامه

بندت نوره الخط وهي متضايجه دفترها عيل ينرمى بالزباله ...آآآآآه ... اما النايفه فتضايقت لانها حست ان

نوره زعلت ويلست تلوم نفسها ... وبجذيه دفتر نوره راح بالزباله وراح كلام كايد اللي كتبه فيه ونوره

ماشافته
*******************************


مرت الايام بسرعه كسرعة مرور الثانيه في الدقيقه والدقيقة في الساعه ... اليوم صار على زواج متعب

وريميه وعبدالعزيز واميرة 3 شهور وعلى زواج نوره المعذبه اللي ماتغير في حياتها شي وهي كل

ماتصحى تقول يمكن اليوم ربي يغير حياتي ويهدي جاسم؟ لكن للاسف كل يوم جديد بحياته تزيد جرعات

العذاب وتزيد لوعة فراق كايد ...وجاسم اللي على حاله يطلع من البيت ويرد سكران احيانا تاكل منه نوره

كف على الطاير او شدة شعر على السريع... وهي لحد الحين ماتفوهت لاحد بمعناتها لانها دومها صابره

ومحتسبه كل شي يصير لها ...صار على زواجهم شهر ونص ... شهر ونص تتعذب ... شهر ونص تتحسر

... شهر ونص دموعها ماكفن انهمال...

اما كايد فهوعايش على العذاب وذكرى نوره وعلى الاسى والبؤس والتعاسه اللي تبين في ملامح ويهه ...

اما عناد فهو عايش حياته كوووووووووول ...ناسي انه سبب في فراق قلبين... وقتل روح حب ...



***************

اليوم الصباح ريميه راحت للمستشفى وطلعت منه وهي فرحانه وكل لحظه والثانيه تتحرك شفايفها مبتسمة

ابتسامة مشرقه واشعة الشمس تلوح ويها المفعم بالفرح والحيويه.

انتشر الخبر في العايله وكلهم فرحانين واكثر بيت كان فرحاااان هو بيت ابو متعب وبيت ام غالي(ام ريميه)

...لان بيكون اللي في بطن ريميه هو اول حفيد لابو متعب ولام غالي...

******************

في غرفة اميرة وعبدالعزيز

اميرة اللي كانت سرحااااااانه وويها تعلوه التعاسه وواضح انها شايله هم.

عبدالعزيز واللي توه داخل الغرفه/ اميرتي

اميره ولا حست بعبدالعزيز سرحااااااانه باافكارها/.........

عبد العزيز واللي يم اميره / اميره

هم اميرة للحين سرحانه ولاحست في عبدالعزيز/ ............

عبدالعزيز وهو يمرر يده بخفه جدام عيون اميرة/ وين سرحان الحلو ( قالهاوهو يرسم على ويهه ابتسامه عريضه)

انتبهت عليه اميره وابتسمت له ابتسامة صفراء

عبد العزيز وهو يطالع اميرة بكل حب / شنو سرحانه فيه اميرتي؟

اميره واللي تكلمت من غير شعور وبنبرة حزينه/ عبد العزيز انت متضايج لاني ماحملت للحين وريميه

ومتعب اللي تزوجوا ويانا بنفس الليله ينطرون الحين مولــــــ.....

قطعها عبد العزيز وهو يحط يده على فمها بكل حنان / حبيبتي لا تقولين مرة ثانيه مثل هالكلام اصلا انا

ماابي اعيال الحين ... وبعدين على شنو اتضايج يعني عشانج ماحملتي وريميه حملت ... انا ماابي اعيال

الحين ... وجدامنا العمر ان شاءالله شطوله ... والعيال مايخلون الواحد ياخذ راحته وابتسم لها وطبع على

خداميرة بوسه عذبه...


ابتسمت له اميرة وحست بالراحه...

***********************

هم انتشر بين العايله خبر بعثة كايد المفاجئه ... في البدايه يدته عارضته لكن كايد قدر يقنعها بكلمة قالها لها(

خالي مايد وفهد شمعنى يسافرون يدرسون بالخارج وانا مااروح)


رضخت اليده لامر بعثة كايد بعد رفضها التام بانه يسافر...

اليوم الاحد
والساعه الحين 3:30 الظهر

وكايد لازم يمشي للمطار على الساعه اربع العصر لان رحلته الساعه 6:30 لكن المطار يبعد عن المنطقه

اللي ساكن فيها كايد ساعتين ... اليوم النايفه عندها كلاس لحد الساعه 4 العصر ماقدرت انها تحضر الكلاس

لان لو بتحضره ماراح تلحق تسلم على كايد ( على فكرة انا نسيت اقولكم ان النايفه دشت كلية التربيه

تخصص ادب انجليزي ) هربت من الكلاس وطلعت ...وعلى الساعة 3:30 وصلت البيت ... وعلى نزلتها

من السياره رن جوالها ... توترت اكثر خافت ان كايد راح عنها فتحت الجنطه بحركة سريعه وشافت

المتصل نوره ردت عليها بتوتر/ الو

نوره / هلا النايفه

النايفه وبتوتر / بسرعه نوره اشتبين؟

نوره وبااستغراب من لهجة النايفه المتوتره/ اشفيج؟

النايفه ودموعها انهملن/ كايد بيسافر... بروح اسلم عليه قبل مايسافر

نوره واللي ماتدري عن سالفة البعثه / وين بيسافر ؟

النايفه وبتوتر / بيروح يبتعث اميركا ... يله مع السلامه

نوره ( معقوله كايد بيسافر وبياخذ قلبي وياه يشيله وسط عيونه معقوله يسافر...يسافر...يسافر) خنقت عبرتها

وتوسلت لنايفه / النايفه فديتج ارسلي لي الدريول بيي اسلم عليه

النايفه / انزين يله باي

وبندت الخط وقالت لدريول يروح ييب نوره من بيتها

سلموا كلهم على كايد وودعوه ...اما كايد فكانت عدساته العسليه تروح يمين وتروح يسار يدور عليها

...يمكن يايه تسلم عليه قبل مايسافر ...لكن للاسف ماشافها خيمت على ويهه كآبه والتعاسه تلمع في عيونه

اتصلت النايفه على نوره تستعيلها قبل لايسافر كايد ...لكن نوره ماردت عليها ... كانت لابسه عبايتها و

يالسه عند باب بيتها وضامه ريولها لصدرها ومجتفه يدينها على سيقانها ودافنه راسه بين ركبها و وتصيح

بصوتها المآساوي / الحيوان مقفل الباب ...حسبي الله ونعم الوكيل ... بجت وبجت وبجت ... كايد بيسافر

ومو قادره حتى تسلم عليه وتودعه ...صح ان كلٍ راح بطريجه بس كل واحد منهم يحفظ حب الثاني

طلع كايد من بيت يدته اللي ما عمره فارقه ... متجه صوب المطار وهو منقهر لانه بيسافر ويغيب سنتين

كاملين وهو ماودع نوره اللي جرحها واللي للحين تحمل حبه بقلبه...

اما نوره ماكان منهاالا انها فرت يوالها وسجلت صوتها وهي تقول بصوتها المبحوح المتقطع بجي اللي

يغلب عليه الشهاق ولاهات /
تمنيتك على بعدك تجي وتجلس معي ساعه

ابي من وقتك الغالي دقايق تسمع اخباري


عليك الشوق ياخذني ولو طيفك مخاويني


ولو طالت ليالي غربتك ماغاب لك طاري


ودزتها بمسج صوتي على كايد اللي وصل المطار ...فتحها وكان توه بيغلق جواله سمعها ...هذا صوت نوره


... وهذا رقمها... تقطع قلبه على صوتها ...انقهر ... تألم ... صرخ بصمت ...انا اناني... انا جبار... انا

جرحي اسود... آآآآآآه ... تراقصت بعينه الدمعه ... حاول انه يمسك نفسه لانه بمكان عام ... بلع عبرته ...

وهو يمشي بيركب الطياره وقبل لا يركب الطياره... رفع نظره يطالع بسماء بلاده اللي بيغيب عنها سنتين

... بيغيب وهو يقصد بغيابه الهروب من واقعه المر لا الدراسه ... ركب الطياره واقلعت ...وسافر كايد تارك

نوره تبجيه

*******************

اليوم ثاني يوم من غياب كايد عن العايله

اجواء العايله وخصوصا بيت اليده ... كئيبه ... حزينه ... ساكنه... مأساويه ... متكهربه

في الاسبوع الثاني حب فهد انه يغير هالاجواء الكئيبه وخطب النايفه رسمي ... وافقت النايفه لكن قالت ان

مابيكون عرس الا اذا رد اخوها كايد من السفر... وافق فهد على شرطها ... والكل فرح لهم...

******************
بعد اسبوعين
شوق اتصلت على شمس

شوق / اهلين

شمس / هلا ملايين

شوق / اخبار القاطعه

شمس / الحمد الله بخير

شوق / وين الناس شنو هالقطاعه من سافر كايد وانا ماشفتج

شمس / والله شسوي غالي اخذ كل وقتي

شوق وجنها تطنز / وهذا وانتي متملجه عليه عيل لاتزوجتي شنو بتسوين بتقاطعين الظاهر العالم كله

شمس بخفة دم / فديته غالي

شوق وبنفس خفة دم شمس وتحاول اداري عن اللي في داخلها/ ويعه لاتتفدين اخوي جدامي

شمس / هههههههههههه ... الا اخبار رعد وياج

شوق وبحزن / رعد

شمس / أي رعد

شوق وخنقتها العبره /...........

شمس / بلاج؟

شوق وانفجرت دموعها اللي حابستها في عينها وشهقاتها اللي كاتمتها في قلبها/ شمس انا محتاجه لج والله محتاجه لحد اشكيله

شمس وبفزع / شوق اشفيج؟

شوق واللي للحين تبجي/ محتاجه لج والله محتاجه

شمس وبتوتر/ خلا ص حبيبتي بندي الخط انا الحين يايه لج


****************

بالمقابل النايفه كانت غرفة كايد ودموعها على خدها تبجي اخوها الغالي تاج راسها اللي سافر...تبجي كايد

اللي من سافر ماكلمهم الا مره وحده ...افتحت دولابه وهي تشوف دشاديشه (ثيابه) اللي ماخذهم وياه

...ضمتهم لصدرها وهي تشم ريحة اخوها فيهن ... سالت على خدها دموع ودموع ودموع وهي تجتم اهاتها

بداخلها ... حاولت تمسك نفسها وبندت الدولاب ...لفت بتطلع الا وتشوف الورقة اللي كانت على مكتبه

...حست بدموعها تزيد في الانهمال جربت من المكتب ومسكت بالورقه وافتحتها ومسحت دموعها بظهر

يدها واخذت تقرا الورقه ...

(((ربما يجمعنا وجع الوحده ومشاوير الدموع وصوت الحقيقه...رحلتي وتركتي لي بعد رحيلك مواجع واهات وذكريات باكيه وبعض قصائد لم تكتمل ...اليوم صحوت على صدى صوتك ...تذكرت ضحكتك ... تذكرت حزنك... تذكرت عينيك عندما تلتقيان بحزن عيني عليك...آآآآآه ماهذا الحزن الذي يلازمني كظلي ...مللت اضحاك الناس ...من يضحكني سواك ...مللت سيف القلق الذي يشطر احاسيسي الى نصفين ... كل نصف يشكو فراقك للاخر...مللت كل الاحتمالات )))

انفجرت اهنيه النايفه تصيح على اخوها ...اللي تخلى عن حبه والحين واضح في كلماته الندم ...

*****************

في بيت ام غالي

شمس وهي داخله بيت عمتها / السلام عليكم

ام غالي وغزل اللي كانن يالسات بالصاله/ وعليكم السلام

ام غالي / هلا والله بشمس

غزل وبخفة دم / وينج ماعاد تنشافين والا تملجتي على اخوي ونسيتينا

شمس ( ضحكت على غزل وماردت عليها ... وطالعت بعمتها / عمتي وين شوق

غزل / هذي على طول بغرفتها ماتطلع منها من املجت على رعد ... مدري شسالفتكن اذا تملجتن انقلبتن (تضحك)

شمس وهي تبتسم لغزل وبتجاهل لكلامها / عن اذنكن بروح لشوق

• شمس دخلت غرفة شوق ... وطالعت في في شوق وهي يالسه فوق سريرها ... وكانت يلستها حزينه ...كانت يالسه وضامه ريولها لصدرها ومجتفه يدينها على سيقانها وراسها دافنته بين ركبها.

شمس وبخوف / شوق

شوق رفعت راسها اللي كانت دافنته ودموعها تزيد في نزولها وجن احد يشجعها... تنزل دموع وتمسح دموع وتنزل دموع يديده قويه في حرارتها

شمس واللي يلست يم شوق وبنبره ارتجافيه خائفه / شوق بلاج خوفتيني عليج

شوق ماقدرت تقول شي الا انها رمت بنفسها على حضن شمس /.......

شمس وهي تحضن شوق / حبيبتي اشفيج ..

شوق واللي كان ردها على شمس هو دموع وشهاق وصياح /..........

شمس ومازالت ضامة شوق / تكلمي شنو مضيق خلقج

شوق واللي ابتعدت عن حضن شمس وتاركه على قميص شمس بقعه من الدموع ... وردت بصوت به شهقه / كلكم ...كلكم

شمس وهي تمسك شوق / اشفينا احنا ... اشفينا

شوق واللي تكلمت وعيونها مليانه دموع وخدها مبلل بالدموع واهات بخاطرها ودها تطلع لكن هيهات / انتي من

زمان وانتي متغيره علي ماانتي شمس الاوليه اللي دومها تسأل عني اللي انا وهي روح وحده تغيرتي علي (

واجهشت بالصياح ) وريميه اختي تزوجت وراحت بيت ريلها ... وغزل اختي كل مااشوفها ماجنا خوات على

طول نتهاوش وغالي اخوي وياج تغير ... وابوي ميت من زمان ( وزادت دموعها بالانهمال) وامي ماعمرها

حست فيني وضمتني لحضنها ...كلكم مو حاسين فيني ... ( وزاد شهاقها) ورعد ... رعد ياليتني ماملجت عليه ...

حيوان ...خاين ( ويلست تصيح وتجهش بالبجاء وجن ودها تصرخ بصوت عاااااااالي وتقول ( ارحمني يارعد)

وبدت تشاهق وتتكلم / ليش بس بخاطري اعرف ...ليش بالذات رعد اللي حبيته يخوني ...ليش ؟ ( واسترسلت

بالبجي ( ضمتها شمس لصدرها وعرفت فعلا ان كل اللي فيها من رعد واللي مضيج خلقها اهو رعد مو تغير

شمس ولا فراق اختها ريميه ولا هوشاتها مع غزل ولا عدم احساس امها فيها ... واتركتها شمس اطلع كل اللي


في خاطرها ...بعد انفجار قنبلة بجاها حست ان ودها تصيح وتصيح وتصيح

بعد ماهدت شوق ردت شمس واسألتها وهي اطلع علكتها بلوعه / انزين اشفيه رعد؟

شوق وهي اطالع شمس ودموعها للحين يسيلن كرذاذ المطر / اول انفخي علكتج عدل بعدين اسألي ( تتكلم بجديه)

شمش وهي تبتسم لشوق / انزين ماعلينا ...قوليلي اشفيه رعد

شوق نزلت راسها وبصوت حزين منكه بالشهاق / تصوري يا شمس صار لنا شهر من تملجنا ولا عبرني

شمس وبااستفهام / شلون يعني؟

شوق / من ملجت عليه ماكلمني الا 3 مرات بس وكل مااتصل انا عليه ياالقاه انتظار او مشغول

شمس وهي تحاول تهدي الوضع / طيب يمكن عنده ظروف

شوق وبعصبيه ممزوجه بصوت مخنوق حزن / أي ظروف هذي اللي يوم اتصلت عليه ورد تخيلي ( وردت

تصيح) سمعت عنده صوت بنت تخيلي ( واجهشت بالبجا ) ( وبصوت منكه بالشهاق)/ خلاص انا ماعاد ابيه

خلاص بطلب منه يطلقني ...خلاص ماني قادره اتحمل خيانته ... كنت قبل مااتملج عليه اعرف انه مغازلجي

والكل يعرف عنه هالشي ... بس كنت اقول ماعليه هذي حركات كل الشباب ... ووكنت اقول يوم بيتزوج بيتعدل

بس رعد لا اعتدل ولاشي ( واسترسلت بالصياح)

شمس وهي تربت على جتف شوق / بس حبيبتي خلاص كافي بجاء

اما شوق فكانت دموعها في غزاره لو انهن بحر كان جف ... طالعت بشمس وقالت بجزم / خاني رعد ...جرحني ... خلاص ماابيه ...ابي اطلق منه ( وتمت تصيح)

شمس وبعصبيه / شنو يطلقج انتي صاحيه والا مينونه

شوق وهي تصيح / صاحيه مينونه مايهمني اهم شي يطلقني خلاص انا ماابيه

شمس وهي تحاول تهدي شوق / طيب كلميه في هالمشكله ...حاولي تحلينها مو على طول تفكرين بالطلاق

شوق وهي تصرخ بويه شمس / كلمته بس مافاد

شمس / انزين شنو قال؟

شوق وبشهاق / قالي هذي حياتي ومال احد خص فيني ( كان وضعها كسييييييير ودموعها ينهملن على

خدها وبداخلها مليون اه واه ...الشخص اللي حبته واللي تمنته يكون الزوج الحبيب المخلص الوفي الفارس

لاحلامها ...العزيز الغالي على قلبها ...اللي من عرف قلبها الحب الصامت ...نبض بااسمه ...بااسمك

يارعد...ياللي ارعدت شوق بخيانتك اللي خليت سماء حبها رعد وعواصف بدل ماتكون سماء حبكم قمراء

ونجوم وليل ترعد سماه بكلمه ( احبج ياشوق ومستحيل اخونج)

شمس ماقدرت تقول شي لشوق فلجأت لصمت /..........

شوق وبصوته العازف للحزن / خلاص انا قررت دامي للحين على البر بطلب منه الطلاق

* شنو تتوقعون من رعد وشوق؟

* وهل رعد بيطلق شوق ؟


• ( حرح رعد لشوق بخيانته لها جرح قوي ونازف لاي بنت ... ياترى هالجرح بيظل ينزف او بيندمل
بطلاقها من رعد؟)

***********************

في بيت ابو عبد العزيز:

مالك كان زاير اخته اميرة ... ويلس وياها مع عبدالعزيز وسوالف لحد مااستئذن من عندهم عبدالعزيز لان عنده شغل.

مالك واللي استانس يوم طلع عبدالعزيز عنهم وطالع اميرة بعصبيه/ اميروه انتي قلتيلي قبل لا تعرسين انج

بتقنعين امي اتزوج غيوض صح والا لا؟ ( ويصر على اسنانه)

اميره وهي تاكل البيتيفور وبكل برود / صح

مالك وهو يصر على اسنانه بقهر / انزين ليش ماكلمتيها يالنذاله؟

اميره وببرود /هههههههه نذله مرة وحده ( وطالعت اخوها وحست بعصبيته )/ خلاص ولا يهمك بكلمها اليوم

مالك وبااندفاع استفهامي / متى؟

اميره / خلاص اليوم بروح لها واكلمها

*********************

بعد مرور اسبوع
في بيت ام غالي
في الصاله( شوق وغزل) يالسات يتابعن بالتلفزيون مسلسل مكسيكي

غزل وهي تصيح بشهقه قويه / فيرناندو ماااااااااااااااااات

شوق اللي ماسكه نفسها عن تصيح / أي مسكين والله

غزل ودموعها على خدها / قاهرني الحيوان اللي قتله... مايستاهل فيرناندو واااااايد طيوب لا وبعد حلو

شوق وبلهجة مراهقه / أي والله كان وااااايد حلو

وفجأة يرن جوال شوق

غزل وهي تصيح / منو؟

شوق واللي سوت للمتصل بيزي / مايخصج

غزل تجاهلت شوق واسترسلت بالصياح على اليخاندرو

قامت شوق لفرقتها والحزن خانقها من مات اليخاندروا واللي زاد الطين بله يوم اتصل رعد ... دخلت

غرفتها وهي تشيل بقلبها حب رعد اللي حبته من ايام الطفوله واللي تمنته فارس احلامها وزوجها ويوم

صار كل اللي تمنته خذلها بخيانته

• رد رعد واتصل فيها مرة ثانيه ... وشوق ردت عليه ومن غير نفس / نعم

رعد / السلام عليكم

شوق وبعصبيه / وعليكم السلام ... شعندك متصل

رعد وهو يتجاهل عصبية شوق ورد ببرود / ماعندي شي بس حبيت اسلم

شوق / توك تذكر ان عندك خطيبه ... وينك كل هالفتره

رعد ويحاول يبرر / والله حبيبتي كنت مشغول

شوق وجنها تطنز / بشنو مشغول؟ قولي شنو هالشغل هذا اللي مشغلك؟

رعد وبكل برود / مشاغل الدنيا

شوق واللي صرخت باذن رعد بعصبيه / رعد انا موب ياهل عندك تسكتني بكلمة مشغول ... شوف رعد انا عارفه انك مشغول بمغازل البنات وعا..........

قطعها رعد وهو يصرخ بصوت حاد عصبي / اهوووووووووووووه علينا ... شوق احنا تكلمنا بالسالفه هذي

ملايين وقلت لج جذيه انا حياتي جذيه انا متعود... خلاص يعني تملجت بتربطيني ... حطي في بالج ...ان انتي

الغاليه واللي اكلمهم كلهم بس حق الوناسه وارجوج مااابي كلام ثاني بالموضوع هذا وبعدين الكل يعرف اني اكلم

بنات وانتي كنتي تعرفين قبل لا اخطبج واتملج عليج ... ليش وافقتي علي من البدايه ورضيتي دام مو عايبتج حركاتي

شوق وبصوت مخنوق يأس / ظنيت انك اول ماتملج علي بتترك كل هاللعب ماتوقعت انك بتم تغازل ولاجنك تملجت

رعد وبحده / شوفي شوق انا مااقدر اغير شي بحياتي واني اكلم بنات احس هذا صار شي بحياتي وصعب الغيه

شوق وبخيبة امل / انزين رعد دامنا احنا بااول الطريج ...خلاص( وتبلع عبرتها ) خلاص دامك مو قادر تغير هذا الشي انا بعد مااقدر اكيف حياتي وياك ...خلني رعد.....

رعد وببرود ( وماجنه قبل اشوي معصب)/ شنو ... شنو اخليج؟

شوق وبعد تردد / خلنا ننفصل دامنا للحين على البر

رعد ورفع حياته متعجب / شنو؟

شوق وهي تخنق البجي / اللي سمعت

رعد وبكل برود / واهلنا

شوق وهي تصر على اسنانها / ماعلينا من اهلنا

رعد وبنفس البرود/ على راحتج

(شوق انقهرت من برود رعد وقهرها اكثر يوم قال على راحتج ...توقعت انه بيتمسك فيها لكن للاسف خيب

ظنها ... حست ذيج اللحظه انها خلاااااااص انتهت ... الحبيب ...خطيبها : يقول جذيه آآآآآآآآآه) وصار وياها

خط ثاني

شوق وهي تحاول انها ماتبين لرعد شي عن حسرتها وحزنها / O,K رعد في امان الله مع خط ثاني

رعد وبااستفهام / منو؟

شوق وهي تصر على اسنانها بكل عصبيه / خويي ...باي ( وبندت الخط)

رعد انقهر من اسلوب شوق ويلس يفكر : لاتكون هذي صاجه ... لا ...لا اكيد قالت جذيه تبي تحرني ...

بس صج يمكن خويها صج عيل ليش قالت خلنا ننفصل

• اما شوق فهي ردت على شمس اللي كانت تتصل فيها وقالت لها كل شي

شمس / ليش قلتي جذيه؟

شوق وبحزن / شنو؟

شمس وبعصبيه / شنو بعد ... ليش قلتي له اللي يتصل فيج خويج

شوق وبحده العصبيه / قهرني عيل اقوله خلنا ننفصل يرد علي بكل برود ويقول على راحتج

شمس / وشنو تبينه يقولج

شوق وبعصبيه / ابيه يتمسك فيني


شمس واللي امبين انها انشغلت / اوكيه شوق اكلمج بعدين انا الحين مشغوله باي

شوق وبحزن / باي ( قالتها وجن كل الامور تساوت عندها)

بندن الخط ... وشوق رمت بنفسها على سريرها وهي تجتم هموم داخلها ... تجتم هم رعد اللي مو قادر يخلي

حركاته الصبيانيه وحركات المراهقه ... وجن شوق مو ماليه عينه يكلم غيرها ...آآآآآآه


************************

قدرت اميرة انها تقنع امها تغض النظر عن لولوه بنت خالتها لان مالك مايبيها ... وبحركه سريعه تقدم مالك

لغيوض للمرة الثانيه ووافقت

************************

بعد مرور 7 شهور على سفر كايد و9 شهور على زواج نوره ...

رعد ماعاد اتصل على شوق من بعد ماطلبت منه الطلاق ولا هو اللي انصاع لطلبها وطلقها ولا اعتذر منها

...تركها جذيه معلقه ...اما كايد ماكان يتصل كثير من سافر اتصل مرتين وبس ويوم كان يتصل ماكان يطول

كان يسلم وعلى طول يسكر ...


اما نوره فهي كل يوم عن الاخر تزيد جرعات عذابها اللي تتجرعها من جاسم الزوج الجبار المتعاطي ...

وللحين ماشكت لاحد حالها ماكانت تشكي حالها الا لعالم الاسرار العزيز المجيد الرحمن الرحيم ( الله سبحانه)


• اسدل الليل ظلامه وارخت نوره جفونها لتنعم بنوم هادئ قبل مايي جاسم من سهرته ويدخل عليها وهو متعاطي او سكران وتاكل منه كالعاده ضرب من غير سبب ...

على الساعه 3 بالليل
دخل جاسم البيت وكان مظلم بطل الليت وهو يتمايل بمشيته وكالعاده يتمتم بكلام مو مفهوم ...دخل غرفته وهو

مازال يتمتم بالكلام ... وكانت نوره نايمه مسترخيه على السرير وتغط في سبات عميق...على هاللحظه هذي

كانت نوره تتحلم وتنادي بشوق كبييييييير / كايد ...كايد ...كايد ( ومن سوء الحظ كان صوتها طالع على الواقع)

بطل جاسم ليت الغرفه ... ووعى نوره بصوته الرعدي الثجيل وهو يهزها بقوه / نــــــــوروه يالخاينه

بطلت نوره عيونها بخوف وفزع وبصوتها المرتجف خوف / شنو؟ ((( آه انا ارى من اشد انواع العذاب ان تفزع شخصا نائم)

جاسم ومن غير شعور شد شعر نوره وبصوته الرعدي / منو كايد ؟ منو يالخاينه؟

اتسعت عيون نوره مستفهمه شنو يقول هذا واهي ماتدري انها انطقت اسم كايد وهي نايمه ( معذوره تذكره وهم

معذورخ تتحلم فيه لانها مالقت احد ينسيها حب كايد ... مالقت قلب يحتويها مثل مااحتواها قلب كايد ...مالقت الا

القساوة والضرب والعذاب )

اتسعت عيونها اكثر واكثر وهي تحاول تفج يدينه الجباره من شعرها وبصوت النايم المفزوع / شنو تقول انت؟

شدها مع شعرها ونزلها من على السرير عشان يعرف كيف يضربها ... صرخ بلسانه الثجيل / منو كايد يالخاينه استغليتي غيابي عن البيت ودخلتي بيتي رياييل غرب يالخاينه.

صرخت نوره بويهه من اللي تسمع حتى بشرفها يتهمها / شنو تقول انت يايني سكران وتخربط علي ؟ فجني ( وتحاول تبعد يدينه عن شعرها)

استشاطت جنون جاسم من سمع نوره تقول ( سكران) ونزل فيها ضرب ... ضربها باايده وضربها بالعقال... ضربها في كل جزء من جسمها ...ضربها وركلها على بطنها اللي تحمل فيه جنين ماتعدى عمره ال8شهور ( لن اقول ثمرة حبهم بل ثمرة عذابها)

زاد بالضرب عليها وركز اكثر شي على بطنها وضربه اكثر شي بالعقال ... صرخت ... صاحت... بجت...
توسلت له يكف الضرب...لكن لا حياة لمن تنادي ... ركلها مع بطنها وهويصرخ عليها/ واللي في بطنج منو ولده يالخاينه؟

زاد بالضرب وجنها صارت هوايه عنده ...ضربها ضرب لو ينضرب ريال بمثل هالضرب كان مااااات ووشلون

عاد بحرمه وفوق هذا كله حامل ... بعد ماتلذذ بضربها طلع من البيت وهو هاد نوره لحالها تعاني الالم

...وتتجرع عذاب الضرب اللي اكلته من جاسم...حست بالم قوووي في بطنها صرخت تناديه لكن لا من مجيب

...رفعت يدها المشوهه بالكدمات على الدرج اللي كانت طايحه يمه... مدت يدها بصعوبه ووبصعوبه مسكت

اليوال واتصلت بفهد لكن للا سف مارد عليها ...



عادت الاتصال وهي تأن الم ... ورد عليها فهد وكان امبين من

صوته انه نايم... رد مفزوع وهو مستغرب نوره تتصل عليه اخر الليل ... رد بصوت خايف / هلا نوره

نوره وبصوتها المتقطع شهاق وصراخ / فهد الحقني ...الحقني يافهد

فهد وبنبرة مفزوعه حاده / نوره اشفيج

في اللحظه هذي كان جاسم برا البيت ... رد للبيت من يديد وهو حاط في باله ( اكيد الحين بمسكه عندها) <<<

وللمعلوميه هذا النوع من الاشخاص المتعاطين قد يتوهمون بأشياء ليست حقيقه لانها تكون من مواد مركبه تجعلهم يتخيلون اشياء ليس لها وجود في الواقع وهذا تفسيره علميا...>>> هكذا قالوا عنهم العلماء

النفسيين))) اما تفسيره عندنا نقول (( كلن يرى الناس بعين طبعه))

رد للبيت ودخل الغرفة اللي نوره ترك نوره فيها طايحه وشافها وتوها مبنده الخط من فهد

استشاطت ينونه اكثر وكثر / تكلمينه يالحقيره ...( ونزل فيها طق من يديد ... صرخت تألمت ... صرخت بحده

وهي تقول / حرااااام عليك لاتضرب بطني ...

رد وركلها على بطنه ومن غير شعور بالعقال ضربها على راسها ... وباللحظه اللي تحاول تبعد راسها عن

العقال ضربت براسها الدرج اللي طايحه يمه ... ضربت براسها على الدرج وارخت جفونها تاركة جاسم يضرب

مايحلو له... ماحس جاسم باانها ضربت الدرج ووواصل بالضرب لحد مااستوعب ان نوره ماعادت تصرخ

وتبجي ... طالعها بجفاف وركل بطنها للمرة المليون ... طلع بالصاله ويده للحين فيها حرة يبي يطقها زياده

*************

في بيت اليده

نزل فهد وهو يركض بيطلع عشان يروح لنوره ...شاف بالصاله مايد يالس يتفرج على فيلم اميركي

طالعه مايد وسأله / فهد وين رايح؟

فهد وهو يركض بيطلع من البيت وقلبه قابضه / رايح لنوره

ركض وراه مايد وبتوتر/ اشفيها نوره


فهد وبتوتر / تعال وياي اقولك بالسياره

*********************

على الساعه 4:00 وصلوا بيت نوره ...رنوا الجرس بكل توتر وتواتر... بعد 10 دقايق تكرم جاسم وفتح الباب وبلسان ثجيل وجسمه المتمايل ( وواضح انه شرب من يديد) / نعم

دزه فهد عن الباب بتوتر ودخل يدور نوره ... شافها طايحه على الارض ويدها وويها مشوهات بالكدمات ... جرب مايد من عند نوره ... اما فهد راح لجاسم ومسكه مع جيبه يهزه وقال بعصبيه وهو يصر على اسنانه / شنو مسوي فيها؟

جاسم وبلسانه الثجيل وبكل برود / اختك خاينه لقيت عندها اليوم ريال

فهد ماقدر يتحمل كلامه وصفعه على ويهه وبصوت عصبي عالي/ الا ياجليل الحياء ... اختي اشرف منك يالحقير

مايد واللي ينادي فهد بخوف / فهد فهد

حس فهد بنبرة صوت مايد المفزوعه وهد جاسم وراح لوين ماناداه مايد

دخل فهد الغرفه اللي نوره طايحه فيها كسيره ... متألمه... حزينه...

مايد وبخوف / فهد تعال طالع راسها ينزف دم

فهد اتسعت عيونه مو مصدق اللي يشوفه وبنبرة حاده / اراويه النذل وطلع من الغرفه متجه لجاسم ...لحقه مايد ومسك ايده / شنو بتسوي ... امش خلنا ننقلها للمستشفى البنت تنزف مافيه وقت ( تكلم بنبرة ارتجافيه خائفه)

انصاع فهد لكلام مايد ونقلوا نوره للمستشفى

في المستشفى

فهد رايح راد بكل توتر ينطر طلعة الدكتور وهو بداخله يتوعد بجاسم...اما مايد فكان يالس على الكراسي ويهز ريله بقوووووه مشيرا الى توتره القوي

بعد ساعه من دخول نوره المستشفى ... انفتح باب الغرفة اللي نوره فيها ... مشيرا الى خروج الدكتور

فهد يا يمشي مسرع بخطواته ... ومايد وقف من على الكراسي بسرعه

فهد والتوتر واضح على صوته / ها بشر يادكتور

مايد وبنفس توتر فهد / شنو صار عليها؟

الدكتور وهو يشبك اصابع يدينه في بعض / والله ياقماعه مش عارف اقولكم ايه؟

فهد وبتوتر وتطغى على ملامحه العصبيه / شنو؟ نوره صار لها شي؟

الدكتور هز راسه مشيرا الى سوء الحاله اللي تمر فيها نوره

مايد وبرجاء / دكتور شفيها نوره؟

الكتور/ والله ياقماعه هي دالؤتي غايبه عن الوعي ومانعرفش ايه السبب ... وكمان لحد دالؤتي ماتعدتش مرحلة الخطر ... اودمها 24 ساعه لو ماتعدتش مرحلة الخطر احنا مطرين اننا نعمل ليها عمليه قيصريه عشان الجنين اللي في بطنها ( ومشى عنهم الدكتور )

فهد والعصبيه تلمع في عيونه / انا مدري شنو سوالها الحقير جاسموه ... بس زين ماني ولد ابوي ان مااخذت حق اختي ( يصر على اسنانه

مايد وهو يحاول يهدي فهد / ازمه وبتعدي ان شاءالله

بعد ربع ساعه ياتهم النيرس تسأل عن زوج نوره عشان يوقع على الاوراق عشان لو ماعدت مرحلة الخطر

يسوون لها العمليه القيصريه ... لكن فهد قالها ان زوجها مسافر وانا اخوها ... ووقع فهد على الاوراق

• الكل عرف بمأساة نوره وانها الحين بالمستشفى ... الكل قلبه قابضه ...والكل حاس ان بيصير شي

*****************

 

[n-o-n-a]

اتمنى اني ماكون ثقلت عليييييييييييييييكم باااقي آآآآآآآآآآآآآآآآآآآآخر جزء من القصه والي اهواااااااااااااااااا احلااااااااااااااااااااااااااا جزء شبصير لأبطال القصه وشنووو النهايه



عطوني توقعاااتكم عشان اكملها

 

[كاتي البرينسيسه]

كمليييييييييييييييي والله معورين قلبي كايد ونوره