- إنضم
- 29 يونيو 2010
- المشاركات
- 831
- مستوى التفاعل
- 3
- النقاط
- 0
بغرفة شوق قاعده عالمكتب وتحاتي ردة فعل ابوها بيوافق ولا لا
( يارب ابوي يوافق , انا ومحمد فبيت واحد , اول ولد قال بيسميه عبدالعزيز الله وناسه يارب تجمعني فيه ونرتاح من الايام الي طافت )
عقب نص ساعة دشت ام شوق على شوق
ام شوق : تعالي ابوج يبيج
شوق : ان شاء الله
مشت شوق ورا امها ومتوتره حدها
بو شوق قاعد بالغرفه
دشت شوق على ابوها وباست راسه وقعدت جدامه
بو شوق : انا ناديتج ابي اكلمج بموضوع
شوق : تفضل يبه
بو شوق : في ناس متقدمين لج و بصراحه يمكن اول مره أي واقولج عن احد خاطبج بس لان وصلتي بعمر لازم اخذ رايج ومابي اوقف نصيبج هالناس مراقبينج بالجامعة ظلو شهرين وراج و يمكن هالشي افتخر فيه بس الولد للحين يدرس
شوق : يبه شوري من شوركم
ام شوق : والله يا بو شوق يمكن يكون خوش واحد وولد حلال وراعي دين وصلاة ليش نوقف نصيب البنت عشانه يدرس
بو شوق : انا بسأل عن العايله وبشوف
ام شوق : على خير
طلعت شوق من غرفة امها وابوها وراحت غرفتها
انسدحت شوق بفراشها وراحت بأفكارها واحلامها باليوم الي اهي ومحمد فبيت واحد
^^^^^^^^^^^^^^^
ريان : شنووووووووووووووووووووووو
ناديه واهي تبجي : هذا الي صار ريوون
ريان : دقي على عبدالله وشبكيني معاه
ناديه واهي تبجي : اوك
دقت نادية على عبدالله وشبكته مع ريان
بوقف شوي وبقولكم شنو الي صار
( يوسف دز مسج لناديه وقالها ان درى ان اخوهم كان وراهم ومساعدهم و عبدالله قال لاخوه كل شي غدر فيهم بالمختصر )
ريان واهي معصبه : هذا الي يقول بساعدكم دام مو قد هالشي ليش تقول بساعدكم
عبدالله : خلاص مو اهو يبيج تدقين عليه دقي عليه من رقمج شبيصير يعني
ريان : لا واللله لو بدق جان ماييت وقتلك ساعدني
عبدالله : خلاص ريان مو نهاية العالم اذا دقيتي من رقمج
ريان : ماني داقه ودام انك تخليت عنا تحمل الي بييي لاخوك
عبدالله واهو خايف : شبتسوين
ريان : لا اوصلها للمباحث
عبدالله : ماتسوي شي بس تعهد ويطلع
ريان : لا يسوون وبتشوف الي بييي لاخوك
عبدالله : تكفين لا تحرميني منه لا تذبحينه
ريان : انا مو حقيره بس انا اعلمه وسدته بويهه
دق يوسف على ناديه وقعد يضغط عليها عشان يشبكها مع ريان
ريان : نعم شتبي
يوسف : الظاهر نسيتي انه اخووي
ريان : اوك والمطلووب
يوسف : هذا الي شاده الظهر فيه
ريان : ماشديت الظهر بأحد ولا يكون حسبالك خايفه بتشوف شبيصيرلك يا يوسف
يوسف : تهددين ؟
ريان : ليش ما اهدد بس انت تهدد
يوسف واهو يصارخ : انتي بمنووووو شاده الظهر
ريان : محد بس انطرني باجر الصبح بتشوف شبيصير لك
يوسف : اوك بشوف شبتسوين
وسكرته ريان من يوسف
ناديه : مينوووووووونه شبتسوين
ريان : ماعندنا غير المباحث
ناديه : لا ريوون تكفين الا هالشي
ريان : قوليلي شسوي ماعندنا غير هالحل
ناديه : مادري مادري
ريان : انا اتصرف واردلج خبر بليل
ناديه : اوك الله يستر
بليل الساعه 10
ريان : بقولك شي وتكفى ابيك تساعدني
فيصل : امري كلي لج
( فيصل اذا تذكرونه الي تعرفت عليه بالجات )
ريان قالتله كل السالفه بالضبط
فيصل : حقييييييييييييير
ريان : تكفى فيصل ساعدني ماعندي حل اسويه معاه ينني واللللله
فيصل : لا تحاتين انا من قبل قتلج أي شي تبينه تحت امرج
واتفقو فيصل وريان و شبكت ريان ناديه معاهم
طبعا اتفقو اتفاق طبعا بتقولون شلون رضت ريان و سمحت لنفسها بس ماكان عندها الا هالحل
الاتفاق ان يتواعدون ثاني يوم ويدق على يوسف من تلفون ناديه على اساس انه اخو ناديه
فهد : شفيج حبيبتي ؟
منار واهي تعبانه : مادري حايشتني لوعه
فهد : اوديج الطبيب حياتي ؟
منار : لا حبيبي شوي واصير احسن
فهد : تعالي انسدحي خل اقرا عليج
انسدحت منار وقعد فهد يمسح على راسها ويقرا عليها قرآن
منار : فهد
فهد : ياعيون فهد
منار : فهد كنت اكرهك وما اشتهيك وحاقده عليك لان اانت دمرت حياتي بس عقب الي سويته و ندمك كل شي تغير
فهد : شالي تغير ؟
منار : احبك
قام فهد وحضنها : وانا احبج يا روح فهد وعد لا اخليج متهنيه بحياتج معاي
منار : الله لا يحرمني منك يارب
مريم : فهد لازم نفترق
فهد : حراااااااام عليج شسويت لج
مريم واهي تبجي : مالنا نصيب فبعض
( نرجع لورا شوي فهد خطب مريم و رفض ابو منار بسبب اختلاف الاصول و حاول فهد يخطبها مره مرتين و كان ينرفض )
فهد واهو مكسور : اخر كلامج ؟
مريم : أي الله يوفقك مالي نصيب فيك
فهد : الله يوفقج وسده
حذفت مريم الفون عالطوفه وطاح وتكسر وانسدحت عالفراش وقعدت تبجي
مريم ضحت بحبها عشان فهد , عشرتهم عشرت عمر 6 سنين مع بعض وعت عالدنيا وربت تحت ايده و افترقو بسبت ابوها لان تدري ابوها ماراح يرضى فيه
انتهت الليله وكلن نام وينطر امل باجر ياترى بيفرحهم ولا يحزنهم
