جرحني حبي الأول طعني طعنة قاسيه ,, قصه واقعيه

[BNT KWT]

بنزل الباجي اليوم

كاني قاعده اكتبه

 

[mzyouna]

رد : جرحني حبي الأول طعني طعنة قاسيه ,, قصه واقعيه

3ashat bnt kwt w eb takteeb el part now w chak chak chak (( y3nii 9afga )) yalllah ya bnaat 9afgaw wyaay chak chak chak chaaaaaaaaaaaak !!!!!!!!!!!!

 

[أم محمد وريحانة]

بارت رهيب


جزاك الله خير حبيبتي​

 

[BNT KWT]

البارت الاخير

الجزء الثاني

مرت الدقايق والساعات

الساعه 4 العصر


ناديه : رياان يوسف دق

ريان شهقت : شبنسوي ؟

ناديه : بحوله على فيصل

ريان : أي ياللله


سدته ناديه وتحول على فيصل


ريان : خايفه اخاف يجكنا

ناديه : ريووون بس سكتي لا تخرعيني

ريان : يارب تسهلها

بعد 10 دقايق دق فيصل وردت ناديه

ناديه واهي مخترعه : الو

فيصل : ههههههههه شفيج مخترعه

ناديه : مادري شصار كلمته ؟

فيصل : ههههههههههههههه أي

ناديه : فيصل لا تضحك شصااار


فيصل : دق

"

فيصل : الو نعم

يوسف واهو متوهق : السلام

فيصل : وعليكم نعم ؟

يوسف : اسف يالطيب هذا مو رقم خالد

فيصل : لا

يوسف : رقم منو هذا

فيصل : وانت شكو قلنالك مو خالد ماتفهم ومابي اشوف رقمك بتلفوني وسده بويهه

"

ناديه : ماحس يعني

فيصل : يحس من صجج

ناديه : اشووووه

فيصل : لا تخافون دامي موجود

ناديه : ماندري شلون بنطلع من يزاك

فيصل : شهالحجيي تراكم خواتي

ناديه : تسلم واللله

فيصل : يلا اخليكم بنزل النادي واي شي تبونه انا موجود

ناديه : ان شاء الله

سدته ناديه

ريان : ها شصار

قالت لها ناديه عن السالفه كلها



شوق قاعده تطالع تلفزيون

عبالي حبيبي

عبالي حبيبي

اغمرك ما اتركك

اسرقك ما ارجعك

شوق بدلع : ألو هلا بحيبي

محمد واهو معصب : شووووق امج ليش رفضتني ؟

شوق : شنووووووووووو

محمد : ليييش رفضتني

شوق واهي منصدمه ماتدري شتقول : شلون رفضت امس مكلمتني وقالت شنو البس وشنو نيب شلون رفضت لا ماتوقع رفضت

محمد : شلووون يرفضوووووووني شلووون شنو فيني عشان ترفضوني

شوق وهي تبجي : مادري واللللله

سده محمد من شوق

و صعدت شوق دارها وانسدحت وبجت بجيي

ماتوقعت امها بترفض تمت منسدحه بفراشها وتبجي


محمد تم يبجي بفراشه لين نام من البجي

كلن يبجي على حبه و حلمه الي ضاع


قامت شوق غسلت ويهها وطلعت من دارها

نادها ابوها ودشت دارهم

شوق واهي ماسكه نفسها : هلا يبه

بو شوق : قعدي بكلمج

شوق : امر يبه

بو شوق : احنا رفضنا الي خطبج مفروض مانقولج بس قلنا لج عشان يكون لج خبر هالعايله ما اناسبها لا من قريب ولا من بعيد لو اخوج بيخطب بنتهم مانعطيهم لانهم مو اصيلين وقام ابوها يتكلم ويتكلم وشوق فوادي ثاني تحس نفسها بحلم

بو شوق : فهمتي يبه

شوق : أي يبه على امرك شوري من شورك

طلعت شوق من دارهم ودشت دارها واهي للحين مصدومه وانسدحت بفراشها

شوق واهي تطالع الفراغ ومصدومه ( عشان الاصل يرفضون عشانه مو اصيل ) قامت تبجي و تطق نفسها قطت ويهها على المخده وتصارخ بس ماتنسمع الصرخه محد حاس بصرختها محد يدري بحالها تمت تبجي لي الفير ونامت


فزت شوق الصبح مخترعه جيكت على تلفونها ولا محمد داق

دقت عليه شوق

محمد وصوته تعبان : يعني انتي مو حقي الحين ؟

شوق واهي متماسكه : ماعليه حبيبي بنكون لبعض ان شاء الله , كان للحين عندها امل انها بتاخذ محمد

محمد واهي يبجي : ليش رفضو ليش شنو السبب مو كنا مقررين عرسنا بيكون شهر 9 مو كنا مقررين بنسافر عطلة الربيع ليش رفضووني

شوق : بس حبيبي والله قطعت قلبي

محمد : تكفين قولي شالسبب

شوق واهي خايفه : يقول ابوي انكم مو اصل

محمد واهو معصب : منوووو قال منووو

شوق : ابوي سأل وناس قالو له

محمد : حسبييي الله عليييهم انزين ليش ماشافنا ليش ما تأكد ليش رفض على طووول ليييييش

وتم محمد منهار وشوق تهديه وتحاول تسكته



" لا يكون حسبالج نسيتكم شلت ريان من راسي وحطيتج انتي براسي "

هذا المسج من يوسف دقت ناديه على فيصل

فيصل واهو معصب : انا اعلمه الحق.....................

ناديه : شسوي فيصل

فيصل : انا اتصرف والللله انا اعلمه واللله



دق فيصل على يوسف من رقمه

فيصل واهو معصب : شكوووو داق على اهلي

يوسف : منو اهلك ؟

فيصل : هالرقم ********

يوسف : ههههه اعترف قول انك حبيبها هاا

فيصل واهو يصارخ : اقوووولك اهلي ماتفهم

يوسف : شالدليل

فيصل : وييينك وانا اييلك الحين

يوسف : اوك الحين اييلك

تواعدو يوسف وفيصل بمكان


فيصل كان ناطر يوسف , وصل يوسف ودق على فيصل

يوسف : وينك

فيصل : انا بهالسياره ...

يوسف : بس شاف شكل يوسف وداس وانحاش انتبه له فيصل بس ماقدر يلحقه

فيصل واهو معصب : شنووو مو رياااال

يوسف : مينوون انزلك بايع عمري

فيصل : حم,,,,,,,, ولا شنوووو

يوسف : خلنا نتفاهم بالتلفون

فيصل : انا بربيييك تدق تتحرش باهلي مابي تفاهم بالتلفوون بتفاهم معاك ويه بويه

يوسف : انا مالي شغل بناديه انا احب ريان

فيصل : انا مالي شغل برياان انا علي من اهلي واذا تحب ريان قوم اخطبها

يوسف : ها شنو

فيصل : اظن سمعتني , وشوف والله والي خلق سابع سما اذا دريت متعرض لاهلي امحيك بهالدنيا ترا اعرف عنك كل شي اخليهم يحفرون قبرك جدام باب بيتكم


سده فيصل بويه يوسف ودق على ناديه يطمنها


منار : يمه حامل

ام منار واهي مستانسه : صصصصج

منار : أي يمه

ام منار لمت منار : مبرووووووك حبيبتي

منار : الله يبارك فيييج , يمه وينه ابوي بشوفه

ام منار واهي متضايقه : انتي عارفه

منار منزله راسها : للحين ؟

ام منار : ماعليه حبيبتي ادعي ربج

منار : الله كريم





بعد اربع شهور من الاحداث

ريان ارتاحت من يووسف نهائيا وانتبهت لدراستها

ناديه غيرت خطها عشان يوسف مايدق عليها


شوق : حبيبي قاعده ابدل

محمد : خلاص حياتي لما تخلصين كلميني

شوق : من عيوني قلبي

بهالفتره شوق ساقت سياره قامت تروح وترد الكليه بروحها بس كانت تمر ساره

خلال فترة 4 شهور المشاكل بين محمد وشوق زايده مايمر يوم الا متهاوشين ويرجعون لبعض

خلصت شوق لبس وركبت سيارتها

دزت شوق بنق لمحمد مايرد تمت 10 دقايق تكلمه ومايرد

حركت شوق وحطت الحاله بالبلاك بيري driving

وصلت عند مواقف الكليه مسكت تلفونها ولا محمد يكلمها

محمد : وينج ؟

حياتي وينج ؟

سقتي وماقلتي لي ؟

وينج ؟

ping !!
Ping !!
Ping !!

شوق : هلا حبيبي

محمد وينج ؟

شوق : عند مواقف الكليه :$

محمد : طلعتي وماقلتي لي ؟

شوق : اسفه حبيبي والله مو قصدي نسيت

نزلت شوق الكليه وحطت الحاله college

محمد : وصلتي الكليه وماقلتي

شوق : حبيبي حسبالي تدري لان قتلك عند المواقف يعني اكيد وصلت

محمد : لا واللله


شوق : خلاص حبيبي اخر مره

محمد : لي متى يعني تبين شعوري من ناحيتج يتغير ولا شنو

شوق : شكو يتغير عشان نسيت اقولك ترا مافيها شي

محمد : لا والله تبيني ما اقولج وين اروح وين ايي

شوق : خلاص لا تقولي منت مجبور

محمد : لا تخلين شعوري من ناحيتج يتغير ترا والله بتخسرين

شوق : اووهوووو خلاص برب والله لاعت جبدي كل يوم نجره

محمد : مو انتي الي بررب انا بررب وانا الي لاعت جبدي منج ومن الحين اقولج ترا خسرتي محمد ولا تضنين برجع نفس قبل

شوق : بتعطيني دليت ؟

محمد : تبين دليت ؟ قولي ابي دليت وانا اعطيج قولي

شوق : اذا ماتبيني عطني دليت

محمد : لا قولي ابي دليت

شوق : ابي دليت

توها شوق بتكتب له ولا يمسحها محمد

لفت شوق على ساره وبعيونها العبره : ساره

ساره : شفييج ؟

شوق : افترقنا

 

[BNT KWT]

ناطره ردودكم عشان انزل الجزء الاخير

 

[mzyouna]

رد : جرحني حبي الأول طعني طعنة قاسيه ,, قصه واقعيه

thankyou alot ;**
y3nii el7een bga bss jez2 wa7ed w et5alii9 elrwaya ????????

 

[BNT KWT]

شدعوه ليش مافي ردود

 

[BNT KWT]

رد: رد : جرحني حبي الأول طعني طعنة قاسيه ,, قصه واقعيه

thankyou alot ;**
y3nii el7een bga bss jez2 wa7ed w et5alii9 elrwaya ????????

اي حبيبتي و عقبها تلخيص للرواية

 

[واثــقه]

رد : جرحني حبي الأول طعني طعنة قاسيه ,, قصه واقعيه

اب اب اب اب اب

 

[ام احمد Q8]

يلا بليزززز ناطرين الاخيرررر
لاتطوووووووولين

 

[rawnaq]

رد : جرحني حبي الأول طعني طعنة قاسيه ,, قصه واقعيه

عجيييييييييييييييييييييييييب البارت روعه قلبو ناطرتج الله يخليج نزليه الحين محمد عور قلبي انا توقعته جذاااب ليييش جذي حرام والله

 

[BNT KWT]

البارت الاخير

الجزء الثالث والاخير

افترقو شوق ومحمد بهالجزء بتكلم عن بطلتنا شوق

عقب ما افترقو تعبت شوق حيل بس تنام وتقوم على بجي نفسيتها تعبت

انهارت محد كان يمها غير ساره كانت تسهر معاها وتهديها


شوق طالع بسيارتها ودايسه 160 بشارع داخلي وتبجي

مطوله عالمسجل

مابين بعينك على كثر ماجاك لا واحسااافه ليتني ماعطيتك

تخطي وعذرك واتحمل خطاايك هوويت غلطاتك كثر ماهويتك

ضحيت بالدنيا عشان دنياك وخليت كل الي يبيني وجيتك

كنت بعيوني وين اطالع القااك حتى ولو غمضت عيني لقيتك

من كثر ماحبك واقدرك واهواك مااذكر اني في حياتي عصيتك

ولا فاد كل الي اسويه وياك اتعبت قلبي ليتك تحس ليتك

واللحين روح ساعدني انساك ولاتجي حتى لو اني بغيتك

وان جا على بالي بقاياذكراك بحاول انساها مثل مانسيتك

http://www.youtube.com/watch?v=Hbq8p1tYcBM

وتبجي تمت ساعه تحوس بمنطقتهم لين تعبت حييل

دقت على ساره

شوق : خلصتي ؟

ساره : أي شويه

شوق : الحين بمرج

راحت شوق بيت ساره ودقت على ساره عشان تقولها انها بره

لبست شوق نظارتها عشان ماتحس فيها ساره

ساره : السلام عليكم

شوق : وعليكم السلام

حركت شوق حست ساره ان شوق فيها شي

ساره : شفيج ؟

طولت شوق عالمسجل وفهمت ساره ان شوق ماتبي تقول شي

بعد 10 دقايق قصرت شوق عالمسجل

شوق : ابييييه , قعدت تبجي

ساره : شووق شفييج هدي بالج خلاص ألي باعج لا تفكرين فيه انسيه

شوق : ماقدر ماقدر احبه ليش سوى فيني جذي بس عشان نسيت اقوله اني طلعت لييش مو حرام علييه

ساره : ماعليه حبيبتي انسيه

شوق : نطرته بالعيد يدق علي مادق حل علينا العيد ولا دق يعايد علي لييييش شسويييت له , قامت تبجي بجي يقطع القلب

قعدت ساره تهديها لين هدت


بعد شهر من فراق شوق و محمد

الفير ساعه 5 قامت شوق وتحس بنغزات بقلبها

جيكت على تلفونها شافت مكالمتين لم يرد عليها

بطلت !!!!

وكانت الصدمه القويه بالنسبه لها

محمد داق عليها

تمت شوق ترجف بفراشها

" شيبي داق عقب ماخلاني شهر كامل تعبت فيه بجي ودموع وانهرت الحين راجع "

تمت شوق منسدحه بفراشها تتقلب مو قادره تنام تحس برقعه بقلبها

وتفكر بمحمد , لين صارت الساعه 7 دقت شوق على ساره

شوق : قمتي ؟

ساره : أي

شوق : ساره بقولج شي

ساره : شفيج قولي ؟

شوق واهي ترجف : محمد دق

ساره واهي منصدمه : شنوووو , شقال ؟

شوق : مارديت كنت نايمه , ساروه خايفه

ساره : ليش خايفه

شوق : اخاف يسوي شي

ساره : لا تخافين تلقينه شافج شهر مادقيتي ولا حس ولا خبر انصدم توقع بترجعين له وماتقدرين تعيشين بدونه دق بيشوف شفيج

شوق : خايفه

ساره : لا تخافين قومي بدلي وراج امتحان ولا تحاتين

شوق : اوك

قامت شوق لبست و مرت ساره وراحو الكليه

بالكليه شوق وساره قاعدين يراجعون

ولا يرن تلفون شوق ولا محمد داق

شوق واهي ترجف : ساره دق

ساره : لا تردين

ماردت شوق

وتم محمد يدق وشوق تمت متوتره


ساره : عطيني ارد

شوق : اوك

ساره بنفسيه : الو

محمد : شوق ؟

ساره : لا غلطان

محمد : امبلا انتي شوق

ساره : قتلك غلطان مو شوق ولا تدق على هالرقم وسدته ساره بويهه

ساره : لا تحاتين انا معاج

شوي ولا يدق محمد

شوق: عطيني انا برد وبوقفه عند حده

ساره : لا ماتردين انا برد وبشوف شيبي

ساره : نعم ؟

محمد : انتي شوق

ساره : انا ساره رفيجتها شتبي ؟

محمد : عطيني شوق بكلمها

ساره : ماتبي تكلمك

محمد : امبلا تبيني

ساره : شوق ماتبيك شتبي داق

محمد : ابيها

ساره : لا والله عقب شهر ياي تقول ابيها

محمد : ساره انتي مو عارفه شي

ساره : امبلا عارفه كل وشايفه كل شي انت الي ماتعرف شي ولا تدري عن شي
انا شفت شوق ميته جدامي شوق انكسرت جدامي , انهارت وتعبت وانت وينك عشت حياتك ولا فكرت فيها وعقب شهر ياي تقول ابيها وانا احبها

محمد : والله احبها وابيها

ساره : انت بعتها لو تبيها ماتبيعها

محمد : لا مابعتها

ساره : انت ماتستاهل شوق ولو شنو شوق ماترجع لك

محمد : لا شوق تبيني وبترجع لي

ساره : لو اخير بيني وبينك ماترجع لها لو شنو , انا ما اخلي رفيجتي ترجع للتعب بريلها

محمد : ساره ترا انا احبها وخطبتها

ساره : خيييره ابوها ما وافق عليك لانك ماتستاهلها

محمد : عطيني بكلمها

ساره : اوك بعطيك تكلمها عشان تقتنع وماتقول انا اجذب وشوف من الحين اقولك اذا قالت مابيك مابي اشوف رقمك بتلفونها انساها

محمد : عطيني اياها

ساره بصوت واطي : ياويلج اذا رديتي له

شوق : اوك

شوق : الو

محمد : ماتبيني ؟

شوق : أي مابيك

محمد : ليييش شسويييت لج

شوق : عقب شهر راجع تقولي ابيج وينك قبل وينك يوم ابجي ابيك الحين تقولي ابيج انساني مابيك

محمد واهو يصارخ : ليييش انتي جذي ليش ماتنزلين نفسج وترجعين لي

شوق : حسبالك كالمعتاد بكلمة اسامحك وارجع صح ؟ لا كل شي تغير هالشهر خلاني اتغير

محمد : ليييش خليتيني احبك

شوق : وانت ماخليتني احبك هههههه نفس الشي , خلاص عيش حياتك لا تربط نفسك فيني

محمد منقهر : أي بعيش حياتي وبحب توني صغير والعمر جدامي

شوق : اوك عادي

محمد : ماتبيني يعني ؟

شوق : عافك الخاطر


جرحني حبي الاول .. وطعني طعنة قاسيه

تناسيت ماعدت اسأل .. واعتبرته ذكرى ماضيه

وبعدها عشت في دنياي .. وانا شايل همي وياي

والعمر مره وانا عمري معاك .. ياعساني ما انحرم شوفك عساني

اتحاشى الناس والكلام .. وانا خايف من اللي جاي

وظهر في حياتي غريب .. يطلب حبي وينطر اجيب

رغم عينه حبي حبي الاول .. يطلب يكون اهو الحبيب

وانا خايف من اللي جاي

كيف ياناس وانا المجروح .. اتحاشى كل هم وجروح

واعتب على من جرحني .. واصبّر قلبي السموح

وانا خايف .. من اللي جاي


النهاية

 

[rawnaq]

رد : جرحني حبي الأول طعني طعنة قاسيه ,, قصه واقعيه

اخييييييييييييييييه والله عوار قلب حررررااام شنو ذنبه يعني اهوا خطبها مسكين وتنازل علشانها واهو ريال اففف بطت جبدي بصراحة واهو بط جبدي بعد ويسلموووو قلبوو وناطرن يديدج

 

[ام احمد Q8]

مشكوووورووووووووره عالقصه
وايد حلوه

 

[هنووفوو]

يسلموووووووووووووو
مادري يعني النهايه عاديه

 

[BNT KWT]

اول شي اشكر كل وحده تابعت قصتي سواء من بعيد ولا قريب و الي من بعيد كنت حابه اشوف ردودكم وتعليقاتكم على الرواية :eh_s(17):

هذي اول رواية لي واول تجربه لي :eh_s(7):

والحمدالله ردودكم فرحتني

اول شي ابي اتأسف على تأخيري بنزول البارتات بس بسبب ظروف ماتوقعت بتصادفني بوقت الي فكرت اكتب فيه البارتات ومن اهم الاسباب ظروف دراستي الي كان يتطلب ان وقتي كله فيه وبالذات الفتره الاخيره وهذا السبب الي خلا بارتاتي قصيره يكون عندي دراسه و اشبك واكتب بارت عالسريع واكمل دراستي , سامحوني وهذي ورده لكل بنت تابعت روايتي :eh_s(17):
واشكر كل بنت خل يسمحولي ماتحظرني اسمائهم ردت على روايتي وشجعتني :eh_s(17):


مابعد النهاية
القصه واقعيه بتكلم عن ابطالنا

ببدي بشوق : شوق قصتها واقعيه عطيتكم المختصر لقصتها شوق استمرت علاقتها مع محمد سنه وشي ومن 4 شهور مفترقين بس للحين شوق مجروحه منه لان كانت تعتبره حبها الاول , تعبت شوق حيل بفراق محمد بس تعدت هالشي محمد وشوق بنفس المنطقه شوق للحين تمر صوب بيت محمد وتطالع الشقه المفروض الي بيسكنون فيها.

ريان : قصتها واقعيه 100 % تعبت حييل مع يوسف , انا اختصرت سالفتها ودخلت سالفتها بنص الروايه
يوسف تم يهدد ريان 6 شهور لو مو الله ثم فيصل جان ما افتك منه , ريان ماتلوم عبدالله تقول يمكن عبدالله انجبر يقول لاخوه كل شي وعبدالله بين لهم اشياء ماكانو يعرفونها عن يوسف , وكمل ريان حياتها ودايما تقول انا وين كنت ووين صرت الحمدالله الله فكني من يوسف .

منار : الي الاغلب تعاطف معاها , منار قصتها فيها جانب خيالي وجانب واقعي و حبيبت ابين قصتها لان وايد في مثل منار بوقتنا الحالي وحطيت قصتها للعبره

مريم : نموذج لوايد قصص حب الي يعيشون قصه حب 6 سنين او اكثر وتنتهي برفض الاهل بسبت الاصول , دايم اقول مجتمعنا مجتمع متخلف يركز على الاصول والقبايل والمذاهب

بو منار : الكل كان يقول انه قاسي بس لو لحظه وحده فينا حطت نفسها بمكان ابوها بتقول معاه حق بو منار خل منار تزور امها بس كان رسمي معاها ماقدر يرجع مع منار مثل قبل .

فهد : طبعا الكل كرهه فهد وحقد عليه ووحده من العضوات ان لما تطرقت لشخصيه فهد ان بينت ان البدون كلهم سيئين وهل يعني حقد او لا , طبعا احنا ماننكر ان بواقعنا وايد نسمع عن قصص البدون وشنو يسوون انا مايبت شي من مخي . فهد كان مخطئ بس تدارك غلطته وعوض منار الايام الي عذبها فيها

فيصل : وقفته معاهم وقفت الريال ماخلاهم تم معاهم 4 شهور , فيصل و ناديه وريان للحين مع بعض فيصل وقفته وقفت الاخو دايم يسألهم ناقصهم شي محتاجين شي مو مخليهم كله يقولهم ماراح اخليكم لين تتزوجون يعني بزمنه نادر




في شخصيات يمكن بنص الروايه مالهم دور لان كان دورهم ثانوي مو دور اساسي عشان جذي ما كملت الروايه واكتفيت بالشخصيات الاساسي

وان شاء الله عجبتكم الروايه وابي ارائكم والي متابعين بصمت ابي رايكم

والي حاب ينقل الرواية خل ينقلها بس لا ينسى ينقلها مع اسمي و اسم المنتدى

وسامحوني وان شاء الله عجبتكم الروايه

 

[ام احمد Q8]

مشكوووورووووووووره عالقصه
وايد حلوه

 

[شــــــــــــــوقــــه]

قواج الله

حلوه القصه و النهاية تعور القلب

تخلي الواحد يحوشه احباط

 

[البارونه*_^رونه]

قوؤأإآج الله حبيبتي ..}

بصراحه القصه رووعه ..}

بس شوؤق مو عذر تترك حبيبهاا عشاان هالشغله ..}

وصج والله فيصل شخص نادر بهالزمن..}

ومعاج حق مو كل البدوون زينييت في بدوون وايد ما وراهم الا المشاكل وعوار الراس..}

يعطيج الف عافيه حبيبتي ع القصه..}

وسووري اذا ضاايقنااج بشي او ضغطنا عليج ..}

 

[البارونه*_^رونه]

ينيييت = زينين

خخخخخ من الحماااس هع ..}