جذبة ابريل ودرتني مع خطيبي

[g76aniya]

الله يكتب لكم الخير وين ما كان ..

 

[عاشقه راشد الماجد]

ها بشرينا شسار عليج

 

[نور دربي]

اي والله بشرينا شصار عليج ان شـاءالله دق وطاح الحطب

 

[اللعبه]

ما يندرى شنو الخيره فيه . بس الكل ينتظر النتيجه النهائيه ياليته يريحنا ويقول النهايه
ما فيج خير اذا ما عزمتينا على عرسج

 

[tooonaaa]

أمبي هذا من صجه
لا عاد مصاخه
هذا الحين جذي بعدين اشبيسوي فيج
شوفي انا زوجي اذا تزاعلنا راسه يابس واراضيه ما يرضى بس بعد السنين مع بعض عرفت له , لما نزعل اهده وبعدين بروحع بروحه يرضى
بس مو ليما هالدرجه
شكله يبي يعطيج درس أو يبي يروضج (سوري على هالكلمه ) من الحين
وشكله مو سهل , وانتي قاعده تتصرفين على طبيعتج , ولا تقولين انج مو مهتمه , الا محترقه , ماكو وحده ما تعصب على هالشي حتى لو اهي الغلطانه بالاول
والله يفرجها عليج ويسوي اللي فيه الصالح

 

[daana]

من صجه هذا لو مسلسل تركي خلص خلي اهلج يكلمونه عشان تعرفين شنو لج وشنو عليج اذا يبيج يشوف واجباته مايبيج شوفي نصيبج مايصير يعلقج جذي

 

[بنت حر]

اقسم بالله يقهررر كل النااس حسااسه بس هذا يعنني مصخهااا

بس خووفج لا قفا قفا شايف له شوفه وصارت السالفه زلقه بطيحه تأكدي من هالشي ؟؟!

 

[روح جريحه]

ههههههههههههههههههه هذا صج صج عنيد بس تصدقين عجبني شخصيه لوووول

كم صارله زعلان ؟

 

[الملكة كوكو]

والله قوية :|
شنو هالغشمرة !!
الله يهداج ما لقيتي غير هالسالفه هههههه
اشوة عدت على خير و الله ستر ..​

 

[مــلاك]

و اي باسه قوي مو هين

 

[cat-girlq8]

بنااااااااااااااااااات
شلونكم شخباركم ؟ عساكم بخير ... سوري طولت عليكم بسبت الاحداث اللي صار تلي من يومين
الأخ شرف عندنا من بعد مادق عليه ابوي وطبعا
انا بتثيقل عليه وزرعته بدال الربع ساعه نص ساعه ويوم نزلت وقف وسلم علي وكان يسولف جدام ابوي ويضحك بس يوم خلانا ابوي شويه وراح يتكلم فون
استغل الفرصه وكلمني برسميه وقالي انا بتناسي اللي صار ولاجنه شي صار ....
بس اذا حابه نستمر مع بعض ونتزوج انا ابي وحده تسمع كلامي يعني انا بكون زوجج واكيد بخاف عليج قلت له شلون مو فاهمه
جان يقولي
يعني اذا بتطلعين مع صديقاتج ادقين علي تقولين لي انا بطلع مع صديقاتي وتاخذين مني الإذن ... وبعدين ابيج تسمعين كلامي ..يعني انا اكيد بقولج شي يفيدج مو يضرج وحطي بالج اذا تزوجنا تطلعين مع صديقاتج يوم واحد تستانسين معاهم وقبل الساعه 10 بالليل انتي بالبيت اذا صارت عشر ونص راح تشوفين نفسج في بيت ابوج @@
وثالث شي عنادج هذا وخري عنه عنادج قاعد يبعدني عنج مو يقربج صوبي
ورابع شي انا واحد مابي عرس .... نسوي ملجه وعزمي كل رفيجاتج وكل اللي يعز عليج بس عرس مابي
وبعد العرس قطوتج مابيها
وبعدين لبسج يتغيرررر قصير ما يمشي معاي
جان اقوله ستووووب
انا بسألك سؤال واحد ..... ليش اخذ الأذن منك اذا بطلع مع صديقاتي او بروح شوبينغ او حتي بروح المستوصف ..؟؟
كا انت تطلع مع ربعك . تروح الحداق .. تروح الديوانيه ..
ماتطلب الاذن مني
جان يقولي نعممممممممممممممممممممم؟؟؟ ليش ان شاء الله اخذ منج الاذن
اقول اذا كنا بالهند وانتي اللي بتصرفين علي وانتي اللي تدفعين لي المهر راح اخذ منج الاذن
عشنا وشفنا بنات جذي ..
قالي
اتوقع وصلج الكلام وفكري عدل
ويوم جبل ابوي ظل يسولف ويضحك ولا جنه شي صاير
بنات شرايكم بكلامه ؟؟

 

[حورية الكويت]

بنااااااااااااااااااات
شلونكم شخباركم ؟ عساكم بخير ... سوري طولت عليكم بسبت الاحداث اللي صار تلي من يومين
الأخ شرف عندنا من بعد مادق عليه ابوي وطبعا
انا بتثيقل عليه وزرعته بدال الربع ساعه نص ساعه ويوم نزلت وقف وسلم علي وكان يسولف جدام ابوي ويضحك بس يوم خلانا ابوي شويه وراح يتكلم فون
استغل الفرصه وكلمني برسميه وقالي انا بتناسي اللي صار ولاجنه شي صار ....
بس اذا حابه نستمر مع بعض ونتزوج انا ابي وحده تسمع كلامي يعني انا بكون زوجج واكيد بخاف عليج قلت له شلون مو فاهمه
جان يقولي
يعني اذا بتطلعين مع صديقاتج ادقين علي تقولين لي انا بطلع مع صديقاتي وتاخذين مني الإذن ...

شوفي حبيبتي اكيد كل وحدة لازم تطيع زوجها و تسمع كلامه ... الرسول صلى الله عليه و سلم امر بطاعة الزوج و اعتبر هالشي سبب يدخل الزوجة الجنة و انا شايفه ان هذا شي عادي ان الوحدة تخبر زوجها اذا بتطلع ...... بس من وجهة نظري انا ما احب الريال اللي يتحكم بالمراة بدون سبب مقنع يعني لازم الزوجة تخبر زوجها انه بتطلع بس مو يمنعها بس عشان يفرد عضلاته بدون سبب !!

وبعدين ابيج تسمعين كلامي ..يعني انا اكيد بقولج شي يفيدج مو يضرج وحطي بالج اذا تزوجنا تطلعين مع صديقاتج يوم واحد تستانسين معاهم وقبل الساعه 10 بالليل انتي بالبيت اذا صارت عشر ونص راح تشوفين نفسج في بيت ابوج @@

هني انا ما عجبني مو بكيفه يتحكم و يقول يوم واحد ذكرني بواحد متقدم لي من قبل و كان تفكيره سطحي جدا و نفس كلامه يقول يوم واحد مع ربعج !!! شنو انا رفيجتك !!! ..... سالفة الساعه 10 الحين كل من يرجع على الساعه 10 .....بس شنو هالاسلوب تلقين نفسج ببيت ابوج !!! اهو ماخذ بقرة ؟!؟!؟!؟ ولا خدامة يردها المكتب !!! من الحين يهدد !!!

وثالث شي عنادج هذا وخري عنه عنادج قاعد يبعدني عنج مو يقربج صوبي

العناد عمره ما يكون لصالح البنت ابدا ... انا معاه بهالشي

ورابع شي انا واحد مابي عرس .... نسوي ملجه وعزمي كل رفيجاتج وكل اللي يعز عليج بس عرس مابي

كيفج انتي ميته على العرس ؟؟؟ انا اشوفها عادي ... بالعكس احسن لج سوي حفلة محفوفة و عزمي حبايبج وايد ارقى و اذرب


وبعد العرس قطوتج مابيها

ههههههه صراحة انا ما اواطن الحيوانات بالبيت و يمكن اهو نفسي ... قطوتج مواهم منه تروالي

وبعدين لبسج يتغيرررر قصير ما يمشي معاي

اكيد قصير مو لبس البنت المحترمة .... يعني يقصد قصير فوق الركبة اكيد لا ... اذا هذا لبسج غيري و راح يكون لصالحج


جان اقوله ستووووب
انا بسألك سؤال واحد ..... ليش اخذ الأذن منك اذا بطلع مع صديقاتي او بروح شوبينغ او حتي بروح المستوصف ..؟؟
كا انت تطلع مع ربعك . تروح الحداق .. تروح الديوانيه ..
ماتطلب الاذن مني
جان يقولي نعممممممممممممممممممممم؟؟؟ ليش ان شاء الله اخذ منج الاذن
اقول اذا كنا بالهند وانتي اللي بتصرفين علي وانتي اللي تدفعين لي المهر راح اخذ منج الاذن
عشنا وشفنا بنات جذي ..

حبيبتي انتي بالكويت مو بامريكا و هذيلة شباب الكويت

قالي
اتوقع وصلج الكلام وفكري عدل

هذا مو اسلوب تفاهم اسلوب تهديد .... يعني يا ترضخين يا مع السلامة ! استغل الزعلة

ويوم جبل ابوي ظل يسولف ويضحك ولا جنه شي صاير
بنات شرايكم بكلامه ؟؟

اشكره مفتشل من ابوج

القرار قرارج انا شايفة ان سالفتكم بردت و طالت و لازم تحطون نهاية للموضوع اما زواج و اما خلاص....استخيري وايد وايد

الله يوفقج

 

[ρeαrℓ]

حبيبتي اشوف ان كلامه جدا عادي ومن حقه .. لاتخلين الشيطان يقص عليج

وتدرين قال رسول الله صلى الله عليه وسلم

والذي بعثني بالحق نبيا ورسولا ، وما من امرأة خرجت بغير اذن زوجها من بيتها إلا كانت من الآثمين ، وكان عليها من الوزر إلى يوم القيامة ، ثم يلعنها الله من فوق عرشه وتلعنها الملائكة إلى أن تموت ، أو تتوب وترجع إلى زوجها .

والله تعالى اعلم .. الله يوفقج حبيبتي​

 

[دعابة الشـتاء]

انا شايفة ان كلامه عادي وزين يخليج تروحين لصديقاتج لو يوم
واكيد مافي واحد يبي زوجته اترد متأخر حتى الوحدة ما ترضى على نفسها جذيه واكيد يبيج اتطيعنه طاعته واجبة مدام ما فيها شي حرام
وبالنسبة للعرس انتي كيفج تفاهمي معاه بهالموضوع
والقطوة هههههههههه هاذي عاد مسألة ذوقية لازم اتراعينه فيها لانه يمكن ما يحب القطاوة,, واللبس اهو معاه حق لان الله امرنا بالستر وهو يبيج تتسرين
بالعكس شي حلو منه وصراحة ردج عليه انا شايفة انج ناسية انج وحدة
بتتزوجين مو جاية تتونسين مع رفيجاتج حياة الوناسة هاذي اللي ما فيها مسؤولية ودعيها مردج بتكونين زوجة وام عليج واجبات مثل ماعليج واجبات في الحياة كمسلمة ولازم تكونين جادة في موضوع الزواج لانج يمكن تستمرين معاه طول العمر .....
انا شايفة انه انسان جاد بالزواج وبالعكس كلامه زين معنى تطنيشه تصرف
مو حكيم كلش بس كلامه اللي قاله ماني شايفة فيه شي غلط
والخيار لج بالنهاية استخيري والله يكتبلج اللي فيه الخير عزيزتي
تقبلي مروري المداعب

 

[om_fajer83]

الله يألف بين قلوبكم آمين

يا اختي جان ماجذبتي الجذب حرام ابريل ولا غيره ):

 

[daana]

والله مدري شقولج هذا عقب مادق عليه ابوج يعني شنو ؟؟؟؟
وهو مبين انسان جاد بس ملخبط تفكيره وكلامه مرتبك يمكن
اذا تبينه وقادره تلتزمين وتغيرين عشانه راح تفهمينه ومع الايام الي يتغير اهو مو انتي بعد
يعني يبيله سعه بال وصبر اذا قادره توكلي على الله اهو يدري انج عنيده بيكسر عنادج وبصراحه العناد مايفيد مع الريال انتي الي بتتعبين وفكري وخذي راي اهلج امج ابوج ترى عادي احسن شي رايهم
والله يوفقج

 

[اللعبه]

واالله انتي اللي مادري اشلون تفكرين لان اذا هذا تفكيرج راح تتطلقين ..... بس حلوه مثل ما تطلع مع ربعك انا اطلع بدون ما اقولك ....ما اظن امج كانت تطلع من غير ما تقول حق ابوج

لا تسمعين كلام صديقاتج والله ما راح يودرج الا هن ...... تلقينهم يقولون صج حظوظ اللي هذي عقلها وتفكيرها لايقه واحد يحبها وشاريها وحنا اللي فهامه مو لايقين احد,,,,,,,,,,,,,,,,,,,,,,, كبري عقلج

 

[بنت حر]

اقوووووول يالحبيبه بالعكس كلاامه كله سنع ومافي شي بس هو يبيله تجينه بمسايس مو شد

وشكله قلبه ابيض لكن بااسه قوووي ولو مايحبج ويغلييج جاان ماغاب هالفتره الا انه انجرررح جرررح كبيررر منج

واذا على رفيجاتج زين قالج لج يووم واحد تطلعيين معهم الحين اغلب البناات المتزوجيين جدد ازواجهم


يمنعونهم حتى يكلمونهم فوووووووون ربي يووفقج معااااااااااااه ويسعدج متفائله خيييير فيييييييج


ربي يسخره لج وتفرحينا فييييييييييييج ياااااااااااااااااااارب

​

 

[المرتاحة]

ماشا الله و الله استانست لج حبيبتي

بس انتي عاد مو تخربين الموضوع

انتي قولي له سمعا و طاعه و سمعي كلامه "هذا ظاهريا لووووووول" و اذا براسج شي و تبين تسوينه صدقيني بالسياسه و التفاهم راح يصير لان كلش ما يفيد العناد مع الرياييل والله العظيم بالعناد بتصيرين جنج خصمه ويحاول يكسر راسج و يدقرج دقر بس بالمسايس و الله تاخذين اللي تبينه و اهو شاق الكشره بعد ههههههه

خلي علاقتكم مع بعض فريندز مو وحده و عدوها و الله حرام جذي

والله يوفقكم يا رب

 

[مدام فراوله]

الله يوفق مابينكم وكلامه عين العقل صراحه حطي بالك العناد تاليته خساره والحياه الزوجيه شراكه وتنازلات ماهوامشاكل وطقاق على غير فايده والريال مايمشي الا بالهداوه والمسايس الله يتمم عليكم