جذبة ابريل ودرتني مع خطيبي

[toota2011]

تبين الصراحه اذا كنتي مو متلعقه فيه حيل خل يولي زين هذا من اولها جذي ترا انتي عروس وهو قاعد يوترج جذي شدعوه اذامن اولها جذ مناشبج بكل شي شكله مريض نفسيا بيتحكم فيج وبس وشاف انج وااايد تدارين خاطره قام يتدلل مع ان المفروض العكس نصيحه قعدي معاه قعده جادة وتفاهمي معاه قولي اذا من اولها قاعد تتحكم بكل شي شنو ماكو ثقة فيني اني اقدر اخذ قرارات صح واذا مو مرتاح معاي او تحس اننا تسرعنا عادي خلنا نفل قبل لايصير الموضوع رسمي اكثر بس ملاحظه:لاتقولين له شي انتي ماتقدرين تنفذينه او صعب عليج لان بهالحاله راح يصير وضعج مو حلو وماراح ياخذ بكلامج ابدا...
يمكن كلامي شوي يزعل بس ميخالف حبيبتي والله قاعد اكلمج مثل اخت ابي مصلحتج وثانكس...
تقبلي مروري ​

 

[المرتاحة]

===========

مرتاحه شلونج
عجبني نكج وايد يارررب بي راحة البال
اقولج امس دق علي وظل يتكلم عن العرس قالي
انا عندي لج اقتراح وفكري فيه انا واحد مابي عرس لوويه واخلص من عرس الريايل اروح عرس الحريم لالالا مابي
اقولج خليها بس ملجه كبيره وعزمي كل رفيجاتج واهلج واحبابج وان شاء الله لو تقعدين صباحي مالي شغل
قلت له لا
انا فكرت وخلصت انا وحده ابي عرس ابي اشهار ابي استانس حالي حال رفيجاتي واهلي جان يقولي العرس عباله ودخوة راس شتبين فيه
جان يقولي بقولج شي عن رفيجي راح يخطب وحده وعجبته وعبجها جان يقولها انا واحد مابي عرس جان تحنج عليه وتقوله انا وحده ابي عرس والعرس شي ضروري بالنسبه لي
قالي تدرين شنو صار بالنهايه
قال حق امه مابيها
قلت له وانا شكو برفيجك مالي شغل فيه
وايد اشياء قالها بصراحه

وي حبيبتي مشكوره و عسى الله يسهل عليج و يريحج يا رب

اشفيه ريلج!!!

وليش يقول لج سالفة رفيجه نغزه يعني ولا عاجبه اللي سواه رفيجه ولا شنو

صراحه انتي لازم تخلين ابوج يتفاهم معاه وتحطون النقط على الحروف

قولي لابوج كل شي قاله

عن الخدامه و عن السوالف اللي مضايقتج كلها علشان ادشين الحياة الزوجيه و انتي مرتاحه و تكونون اثنينكم متفقين على كل شي

 

[خشف العذارى]

هههههههههههههههههههههه

 

[daana]

المشاركة الأصلية كتبت بواسطة الحوراء_بنت نجد
أنااا من تحليلي لشخصية خطيبك حسيته واحد منقهر منك
على ماتبين لي انو حالتكم المادية احسن من حالتهم المادية , وهذا الشيء يسبب حزازية عند الزوج حتى لو ماتكلم
والدليل يبي يجبرك تعيشين نفس عيشتهم بالضبط وهذا شيء طبيعي بتعيشين مثل مازوجك عايش
لكن هو منقهر من دلعك الزايد في بيت ابوك وحريتك
والدليل قال مافيه عرس يعني انو مو كل طلباتك اوامر مثل ما أنتِ عند ابوك
يوم قلتي ابي خدامتي معي قال ماراح تصير لك راح تشتغل للبيت كله
وقالك الطبخ تطبخين لي مثل ما ابي , وشيء بديهي من غير مايقولك انو راح تطبخين له لاتقولين ماعرف كلنااا مانعرف لكن اذا تزوجنااا بنتعلم الطبخ وش نسوي هذي الحياة
لكن طريقته في طلبك للطبخ كانت استفزازية يعني بطيعني غصب وهنااا مو مثل بيت ابوك
كان بامكانه يقول ابي اكل من يدك لهااا لمسة خاصة مابي الخدامة تطبخ يعني مثل هالكلام كان يقدر باسلوب احسن

بس اللي تبين لي من يوم جاكم انو واحد منقهرر منك ومن حرتيك ودلعك ويبي يكسر شوكتك
ويبيك تحطينه شيء مهم في حياتك وانو الكل بالكل , يعني بالعربي يبي يغير طريقة حياتك عن اهلك
يعني طلباتك مو اوامر أنا مو ابوك تدخلين تطبخين غصب عنك ماتروحين وتجين على كيفك
وقطوتك مابيهااا مادري وش دخل القطوة بالموضوع يقدر يقولك الموضوع بعدين , بس واضح انو من القهر قام يقول كل شيء

عاد أنتِ استخيري مرة مرتين ثلاث
وعندي احساس انو راح يتغير بعد الزواج خاصة إذا حبك وجبتي له بنت ولا ولد
راح يخليك على راحتك نفس أول , بس الاهم عنده انو ماكسرتِ كلمته وعيشتي مثل مايبي
مع انو طلباته واسلوبه ينرفز
وإذا جينااا للواقع انو اغلب كلامه صح بس اللي خلاك تعصبين هو اسلوبه صراحة استفزازي لابعد درجة

وأنتِ استخيري وشاوري اهلك بكل كلمة قالهااا لك
والله يوفقك حياتي

\
هذي البنت عرفت تحلل شخصيته تماام ترى مو عارف شنو يبي اصلا حتى مايقدر يقول نفس رفيجه مايبيج الا يبيج وماصدق ابوج دق عليه ترى واضحه من كلامه عن العرس غير شوي رايه بس ترى يبي له مساحل نفس اليهال والله يعيينج ويوفقج

 

[daana]

وبعدين وقولي كل شي لابوج قولي لخطيبج امور العرس وهالسوالف الاهل الكبار يتفقون عليها وقوليها بهدوء قولي له ماقدر اتدخل بالامور هذي خليج ذكيه شوي

 

[اللعبه]

من رايي انج تاخذين راي امج

 

[نور دربي]

امممممممممممممم

حبيبتي صلي استخاره وكلي امرج لربج

صلي استخاره كذا مره ولين ماربج يسر لج امرج ان كاتب تكونين من نصيبه بيسر امورج وان شر ربي يصرفه عنج ويعوضج بلي افضل منه اللي يايبه اييب افضل منه

بس فكري بالايجابيات اكثر

 

[tooonaaa]

مثل ما قلت لج اول
هذل من الرياييل اللي ما يحبون حريمهم يكون لها راي وعشان جذي يخرعج من اولها
اهو يحبج بس خايف ان يفقد رجولته وشخصيته , اهو وايد شرقي يعني متزمت وغريبه ان رضى فيج وانتي مو متحجبه ( سوري على هالكلمة)
اهو جدي وشكله يقدس الحياة الاسرية يعني مو مثل شباب هالايام اللي يتزوج بالاسم واللي يتفلسف جدام الناس بزوجته وشكلها
ومن هالرياييل بعدين راح يتغير بالمساحل والحجي الطيب وترا الريال مثل الياهل لازم تحسسينه باهميته
واعتقد انه مع الوقت راح يتنازل عن بعض قراراته
بس الله يعينج عليه عندي عندج خير
وبالتوفيق

 

[ما كو اسم]

اختي لو تشوفين ريلها اول ما خذاها تقولين الله يصبرها بس كلها سنه والريال فاتح على البحري ......> مفيش ممنوعات !!!!!!!!


علشان جذيه اذا فيه مميزات لا اتهدينه لان الريال يبي يفرض شخصيته بالاول والله وكيلج شهر الا هو اللي يبي رضاج اذا عرفتيله

وانصحج بالاستخاره ومشاورة الاهل القراب منج ومصلحتج تهمهم وخلي عنج رفيجاتج

 

[الغلا كله لبوي]

ياحليلج ضحكتني علشان مره ثانيه ماتكذبين ههههههههههههههههههه
الله يوفقج

 

[حورية الكويت]

اشصاااااااااار

 

[سلة ورد]

حررام دخلت الموضوع اقول الحمد لله انحلت القضية وانصدمت ...

يا رب يسيعدج سواء معاه او مع غيره ..


بصراحة ما ادري شقولج ما يصير اقول اي شي قبل اسمع كلام الطرف الاخر لكن من كلامج انتي يبين انه وايد يتكلم معاج بخشونة وشكله من النوع القديم شوي يعني يفكر الزوجة لازم استعباد عنده ما لها راي واكثر شي قهرني سالفة الشغالة يعني انتي شدخلج في شغل اهله .. ما ادري شقول بس فكري زين الخطبة دائما اسهل من الزواج والله يردكم لبعض اذا فيها سعادتج ومثل ما قلت لج بالاول لا تاخذين اي كلام لان ما يصير الحكم من طرف واحد .. استشيري الفاهمين الي حولج والي يشوفون شنو يصير بالضبط قبل اتخاذ اي خطوة كبيرة وتاثر على حياتج


الله يسعدج يا رب

 

[المظلومة1]

شنو صار الحين من شهر 4 لحين زعلان

شدعوه حتي الحريم مايسون جي عبالى انحلت السالفه يمكن بااااااااايع الرجال