جذبة ابريل ودرتني مع خطيبي

[cat-girlq8]

اولا انتي غلطتي بهالجذبة .... اسمها جذبة ... و كل شي ضحك و وناسة ...في مواضيع الواحد ما يتغشمر فيها و صراحة جذبتج مو سهلة و ما الوم الريال اذا زعل ...

لكن انا الومه الحين لان طول وايد مصخت السالفة ... و شكله الريال راسه يابس واضح و عنيد و قلبه صخر

يعني شنو ما وله عليج !!! 25 ييوم ممكن تستغل بالتعارف اكثر مو بالهجر !! و بعدين قلتيها جدام الناس فشلة والله عيب !

انا ماني عارفة شنو وضعكم بالضبط الحين ... هل فقط مخطوبين بدون تحديد يوم ملجة ....ولا حددتوا ؟؟

لان السالفة معلقة !! يا اي يا لا ....بس لا تعلق

انا من رايي تنطرين الى نهاية شهر ابريل و اذا ما دق ولا شي .... حقريه ولا تدزين مسج ولا تدقين كلش

يا ابوج يا امج يدقون ... يقولون احنا ما نرضى بنيتنا تظل معلقة جذي .... امساك بمعروف او تسريح باحسان

و ان شاء الله خير

اتمنى نسمع منج اخبار حلوة

------------------------------------------------------

اي والله مصخها مالت علي ابليس واهله ......
بصراحه انا اللي طقت جبدي من هالوضع وشكلي انا بدز له مسج وبقوله صج هالمره احنا مانصلح حق بعض
بس خواتي قالو لي مينونه انتي نطري عليه يمكن للحين منصدم
قلت لهم اي شي السالفه صار لها اكثر من 26 يوم علي شنو منصدم خلاص وضحت له السالفه واهوا مقفل وعنيد
وكيفه الدنيا ماوقفت عليه ولا اهو اول ريال وأخر ريال بهالدنيا

شكل الاخبار راح نسمعها اول شهر 5 بيدق ولا بيسحب:/
لوووول

 

[cat-girlq8]

ااااااااااااااااااي شكثر يودر ناس هلجذب يلاااا لا تعيدينهاا

=========================

وهذي فيها اعاده بعد :/
لوووووووووووووووول
خلاص اول جذبه واخر جذبه

 

[cat-girlq8]

بية للحين سالفتج ... انا خبري قاريتة الموضوع من زمان ..

ان شاء الله ترجعون لبعض بأقرب وقت

==========================

اي سالفتي للحين ماخلصت للحين لاحس ولاخبر ولا مسج
الله كريم بيرجع يرجع مايبي عادي مافرقت معاي

 

[cat-girlq8]

لووووووووووووووول تبين الصراحه
انتي غلطانه حلاته تسولفين معاها
والريال مايحب البنت اللي تضحك وايد خليج تكانه بعد ماملجتوا امبييييه مو من صجج يعني توج

============================

ماكو سوالف اقولج امه تسولفلي عن الغبار والجو :/ وتقولي تهقين باجر بيصير الجو مغبر ؟؟
مادري علي بالها عيسي رمضان ولا العجيري :/
بالعكس اهوا وايد غشمرجي ويسولف عن باجر وعن الماجستير انه بيكمل ماجستير باامريكا لالا اهو صج ونيس وحبوب
بس من بعد هالسالفه صار واحد ثاني ماعرفه
لووول

 

[cat-girlq8]

!!!!!!!!!!!!!!!!!!!!!!!!!
لما شفت موضوعج مرفوع قلت اكيد تراضوا والسالفة خلصت
صراحه امه ضحكتني تسولف معاج زين ما اخذت منج موقف
انزين امج وابوج شرايهم بالموقف؟؟؟
الله يجمعكم على خير
تقبلي مروري المداعب

============================

لا وين شكلنا مطولين للسنه اليايه عاد تخيلي السنه اليايه لووووول
لا امه وايد وايد حبوبه وتيينن حبيبه امه الله يحفظها بس يوم قلت حق ابوي اللي صار قالي وماقالت لج عن فلان اي شي قلت له ولا شي
جان يقولي اي شكله بيفل
قلت له الله وياه عادي يما ناس يكونون متفقين علي كل شي وترتيبات الزواج
وبالملجه يفلون
الله مايكون كاتب لهم الزواج يت علي انا
جان يقولي ابوي صج قلبج حديد
لوووول

 

[cat-girlq8]

مادام امه ادق ... قاعده تجس النبض وتبين لج انه يبيج ..........

ترى هو اللي داز امه

====================
لالا امه مادقت ................
شفتها صدفه بسوق شرق ولا يابتلي سيرته نهائيا

 

[المرتاحة]

الله يعينج صراحه

امبيه لو انا مكانج جان عفرت فيه بس اشوه انج عاجل ونطري وشوفي ما يصير هالوضع يتم جذي على طول

 

[cat-girlq8]

للحين علييج ولييه الله يكون بعونج بصراحه
شكله امه ماتدري شنو السالفه
بس اذا ييه كلمج قولي له البنت حلاتها على طبيعتها ونيتها ماتمثل وانتي طبعج حلو ماشالله ضحك ومزح بعد شنو يبي
يبييج تمثلين عليه وتمدين البووز

======================

اي والله شكل امه ماتدري عن السالفه بس تعالي اذا ماتدري عن السالفه لالالا شلون ماتدري اكيد تدري :/
لانها مايابتلي سيرته ولا عادتا اذا يوم شافتني بااستقبال وحده من اهلنا يت وسلمت وقالت لي شلونج مع فلان خذيتي ولدنا منا كل يوم عندكم
لوووول
اكيد تدري
بس والله العظيم اني علي طبيعتي ماحب امثل واسوي نفسي شي وباجر اطلع بويه ثاني لالا ماحب جذي غشمرجيه واحب الضحك والوناسه
بعد الواحد جم مره بيعيش بهالدنيا
مشكوره ياقلبي علي المدح :eh_s(7):

 

[cat-girlq8]

حيييل مصخها .. الظاهر ينطر شهر 4 يخللص !!

ناطرين اخر الاخبااار !

==============

شكلي بدووس ابطنه لووع جبدي
بصرااااااااااااااااااحه فلششششششششششششششششلني مع اهلي ولا وعمي يقولي اليوم خل اييي ديوانيتنا

شرقعله بالله بقولهم تعبان ماصار تعب

 

[cat-girlq8]

لووووووول انتي اعتذرتيله - فماراح اعيد كلام البنات اللي قالوا انج غلطتي
بس بصراحه من اللي قاعد يسويه - يبي يردها لج ويبيج تاخذين درس من الحين :rerrerek:
شكله بيعلمج على اطباعه قبل الملجه - عالعموم انتي سويتي اللي عليج
اذا مصخها زياده - دزي له مسج انج وصلتي حدج وما تتحملين تقضين حياتج مع واحد زعله بشهر !
ولازم تختارين وحده من هالحالتين :
يا انج تمدين البوز اذا اتصل وتكرهينه بالحركه اللي سواها عشان يتوب ما يعيدها :krkrkr:
او انج تسامحينه وتحسسينه انج ملاك الرحمه عشان يحترق قلبه من تانيب الضمير :rerrerek:

خاصه ان سد التلفون بويهج والمفروض دام ما يحب هالحركات مايسويها فيج :eh_s(7):

وان شاء الله يطيح الحطب :eh_s(7):

=========================

امبيه امبيه شكله ان دق علي تلفون بنفجر بويها ضحك
والله عقب اللي سواه حسيت انه الحمدالله والشكر سوالف يهاااال معقوله في شباب جذي :/

وشكله هالمره بيقول احنا مانصلح حق بعض اذا سمعني اضحك

لالا انا مو النوع اللي ينفس بصراحه وامد البوز لا ماحب جذي
انا احب افرفش واسولف واضحك ماحب اتعب نفسيتي علي اشياء جذي

والله طاح الحطب من ناحيتي بس من ناحيته ماعتقد
لوووول

 

[cat-girlq8]

الله يعينك

ارسلي له مسج وتاسفي منه.....

=================

تأسفت منه بس لا حياة لمن تنادي
وصراحتا انا وحده كرامتي وعزة نفسي تمنعني دزيت جم مسج ومارد وقيت من 3 اسابيع وساحب علي بس كيفه

 

[*دنــيـQ8 ــا الوله*]

بصراحه ............ ذكرتيني بآخر المشاهد بالافلام العربيه القديمه ... لما يخلص الفيلم والمشكله مالقوا لها حل ...... يكتبون ... ويبقى الحال كما هو عليه خخخخخخ :eh_s(9):

 

[cat-girlq8]

اي الحمدلله في تطوراات :d

صح لو يبي يفل جان امه دقت

بس شكل نوعيته اعلمج شلون تمزحيين عدل لوول
ومايهمه الوقت يعني باجر لاتزوجتوا ان شاء الله
ومثلا زعلتيه او تغشمرتي معاه :eh_s(3): وماعجبه الوضع
مايحاجيج سنتين هههههه

بس تدرين احس انه بيشوف غلاته عندج ,, (اخر شي كسر خاطري )

عندي لج خوش فكره لوول
دزيله اغنية عبالي مالت اليسااا :eh_s(3):
عشان تحسسينه انج تبينه :eh_s(6):

=================================


اهوا زين بالعكس خوش ريال بس المشكله تكمن في عناده الماصخ و راسه اليابس
لالا مستحيل ادزله مسج او اغنيه
كيفه انا وضحت له الامور وبينت له كل شي بيدق اهلا وسهلا مايبي يدق
حافظه ربي )))

 

[cat-girlq8]

الله يهداج

أمــــــــــــــــــين يارب

 

[cat-girlq8]

بينتهي ابريل وهو مارضى

===================

اي مو انا شقاعده اقول
اقولكم عنيييييييييييييد وراسه ياااااااااااااابس وشكله بينطر لشهر 5 ويدق وبيقولي ها نفعت الدقه وياج
والله ان سواها بنفجر ضحك هالمره صج

 

[cat-girlq8]

هههههههههههههههههههههههههههههه والله انج ضحكتيني ..

لا ما عليج هوه من كثر ما يحبج انصدم بس ,,

والله انج سوالف

--------------------------

لووووووووووووووووووووووول

اي صدمته المسكين صدمة عمره اهوا اصلا قالي صدمتيني فيج

افاااااا عليج عندي سوالف ومقالب اضبطج :eh_s(15):

 

[مذهلة 78]

شوفي حبيبتي انتي غلطاااااااانه ولا تزعلين

والظاهر خطيبج من النوع اللي يوزن كلامه عدل

وانتي لما قلتيله انه حجر وما يخليج تلبسين على كيفج

صارت في باله انج ممكن تهدينه عشان اي شي تافهه

مثل اللبس والصديقات يعمي حسستيه انه مو شي غالي عندج

وممكن تفرطين فيه بسهوله

حبيبتي احنا يالحريم ممكن نتقبل وناخذ كل شي بغشمره
بس الرياييل لااااااااااااااااا مو كلهم يتقبلون غشمره من هالنوع

الحين مالج الانج تسوين حركه حلوه مثلا اطرشين له ورد حق دوامه
وتكتبين له كلام حلو

وانشالله بطيح الحطب
​

 

[cat-girlq8]

وعلى نفسها جنت براقش

بصراحه حدج قوية انزين عالاقل جان فكرتي بجذبه ثانيه مو بهالجذبه رااااهيه حدج​

اكيد بيزعل ومن حقه مسكين

انتي خليه يهدي شوي وبعدين اعتذري منه وقوليله كنت بشوف شكثر انا غاليه عندك واذا تقدر تستغني عني ولا لأ​

===========================

انتي علي بالج انا متحسفه علي اللي سويته
لا والله مو متحسفه ولا شي كل ما اتذكر هالموقف انفجر من الضحك ...
شنو يهدي السالفه بيصير لها شهر بيدق من كيفه حيالله الله ااما انا ادق لا خل يستريح وايد احسن
)))))))

 

[cat-girlq8]

شوفي حبيبتي انتي غلطاااااااانه ولا تزعلين​

والظاهر خطيبج من النوع اللي يوزن كلامه عدل ​

وانتي لما قلتيله انه حجر وما يخليج تلبسين على كيفج ​

صارت في باله انج ممكن تهدينه عشان اي شي تافهه ​

مثل اللبس والصديقات يعمي حسستيه انه مو شي غالي عندج​

وممكن تفرطين فيه بسهوله​

حبيبتي احنا يالحريم ممكن نتقبل وناخذ كل شي بغشمره
بس الرياييل لااااااااااااااااا مو كلهم يتقبلون غشمره من هالنوع​

الحين مالج الانج تسوين حركه حلوه مثلا اطرشين له ورد حق دوامه
وتكتبين له كلام حلو ​

وانشالله بطيح الحطب​

====================

لالالالا مستحيل ادزله ورد من صجج مذهله
اصلا شافني بالجمعيه وماعبرني ولا حتي ابتسم حاسب وطلع علي شنو ادزله ورد علي حركته اللي بالجمعيه
ولا علي زعله اللي بيطول شهر
انا عتذرت وكفيت ووفيت واهو عنيد وراكب راسه
انا بنطر واشوف وتاليتها معاه

 

[cat-girlq8]

الله يعينج صراحه

امبيه لو انا مكانج جان عفرت فيه بس اشوه انج عاجل ونطري وشوفي ما يصير هالوضع يتم جذي على طول

=================

لالا عادي انا حدي ريلكس وعطيت الموضوع طااااف
اصلا والله كل ما اقري موضوعي اضحك اشوفه مو مشكله مثل ما اهو شايفها وكبر الموضوع
انا سياستي بالحياة
طنش تعش تنتعش ماحب ازعج نفسي وأوتر اعصابي
اخر الحياة موت اعيش يومي وانا سعيده احسن من اني انكد علي عمري وتفكيري بفلانه وفلانتانه وفلان
طااااف